ضي القمر ج٢

حاسس انك مضايقة اعتبري ان دي اخر مرة هقعد واتكلم معاك بعدها مش هضايقك ولا هعترض طريقك ولو عيزاني اعتذر عن تدريس المادة كمان موافق ولو حابة ارجع اسافر تاني برضه كمان موافق
احست بغصة في قلبها من انه سيبتعد وانه جاد في كلامه فاردت ان تبدوا وكانها غير مهتمة
ليه ده كله عيش حياتك عادي وانا كمان هعيش عادى
انت صحيح مصدقه اني ذليتك بالاعاقة اللي عندك وممكن اذلك بالحاډثة اللي ملكيش يد فيها مصدقة اني بالاخلاق دي
امال كان معنى كلامك ليا ايه فهمني
انت عندك استعداد تسمعيني وتصدقيني
عندي استعداد اسمعك مسالة اني اصدقك دي ترجع للي هتقوله
امسك يدها وتحدث بكل صدق والحب والاشتياق يشع من عينيه
الكلمة خرجت ڠصب عني غلطت في التعبير لكن عمري ابدا ما فكرت ولا هفكر اذلك انت حب حياتي انت حبك كان دافع ليا في الغربة اني اذاكر وانجح واتفوق انت وقفتي جمبي اكثر مما تتصوري
وقفت جمبك ازاي
كفاية حبك ليا اللي كنت بحسه من عنيك في كل اغنية كنت بتغنيها وبحس انك بتهديها ليا واكثر من كدة عمرك ما ضغطتي عليا عشان اتقدم لك وانت عارفه ان امكانياتي تسمح
انت متاكد ان عمري ما كنت هطلب منك تتقدم الا لما تثبت نفسك وتحقق حلمك
عارف ومتاكد كمان اني لما جيت اسافر كنت محتجالي جمبك وضحيتي وشجعتيني على السفر وانك لو كنتي قلتي لي بلاش سفر كنت هقعد بس كنت هبقى معيد عادي السفر قصرلي السكة وخلاني اتقدم
انت كنت متخيل ان كان ممكن ادمر لك الحلم اللي قعدت تبني فيه سنين عشان انانيتي
عارف يا حبيبتي حتى لما كنت بكلمك من هناك كل فترة لان كنت مشغول عمرك ما عاتبتيني ولا نكدتي عليا بالعكس كنت بتهونيها عليا وبحس ان مكالمتك الحاجه الحلوة اللي بكافئ نفسي عليها اما بذاكر كتير
طب كويس انك عارف ومقدر
قبل يدها بكل حنية فاحست بقشعريرة تسري بكل جسدها
تولين الموضوع طول قوي وانا تعبت من عندك ورفضك لحبي والمرة دي اخر مرة موافقة نرجع لبعض واطلب ايدك من مامتك
لا
افلت يدها وقال بكل حزن
اسف مش هضايقك مرة تانية
ابتسمت له بكل حب وامسكت يده
انت متسرع ليه كنت هقولك لا اطلب ايدي من بابا بما انه موجود في مصر وعايش اظن من حقه وحقي انه يفرح بيا اينعم مش عارفه اذا كنت بنته الوحيدة بس من حقي يبقى وكيلي في الجواز
امسك يدها وقبلها بكل سعادة
بجد موافقة دى انا هقلب الدنيا واوصله
وتقلب الدنيا ليه بعد بكرة مسافرين ندور عليه سوا هناك بس ..
بس ايه
اقولك وما تضايقش
قولي كل اللي في قلبك طالما رجعتيلي
انت ليه عملت مع حاتم كدة
عشان انا ظهرك زي ما قلت لك عند بابا ومن يوم ما طلبت ايدك من طنط هدى وقالت لو رجعت من السفر ولسه عايز تتجوزها مش همنعكم من يومها اعتبرتك خطيبتي ومفيش حد يرفع صباعه على خطيبة زياد السيوفي ويفضل عايش
ايه الغرور ده …. استنى انت هتقـ,ـتله
لا طبعا
امال ناوي على ايه
انت عايزة ايه اسجنه ولة اشله
مش فاهمة
يعني لو كنتي بلغتي كان لبس كام قضية وهيتسجن كام سنة نجمعهم ونلبسه قضية يقعد قي السچن لغاية ما يعفن او نقعده طول حياته على كرسي بعجل
طب سيبني افكر
نظر لها بكل هيام وشوق
تسمحيلي اطلب طلب
امام نظرة عينيه الممتلئة بالحب اجابت بكل عفوية وانوثة جذبته اكثر
اتفضل
تقبلي تتجوزيني
واخرج من جيبه علبة صغيرة بداخلها دبلتين
مش قلنا تطلبني من بابا
هطلبك بس نفسي نسافر وانت لابسة دبلتي وامشي معاك وانا ماسك ايدك وبقول للناس كلها دي حبيبة عمري كله هاه قلتي ايه
نظرت بخجل موافقة
مدت يدها ليلبسها الدبلة فالبسها وقبل يدها
فخجلت اكثر بس بقى يا زياد ما تكسفنيش
بحبك يا تولة انت عارفة لو كنتي رفضتي برضة كنت هفضل وراك وما كنتش هتجوز غيرك واي حد يفكر يتقدملك كنت هخطفه واعمل فيه زي حاتم
سامحني يا زياد انا كنت مچروحة قوي اي حاجة بتفكرني بالاعاقة او بتلمح لها بتقتـ,ـلني انت ما تعرفش انا مريت بايه وانا صغيرة لولا بابا وماما كانوا دايما معايا ما كنتش هكون سوية واللي زاد لما شفت صورك مع بنت عمك اټجرحت اكثر
ولا يهمك خلاص كل ده بقى ماضي المهم المستقبل بلاش العند بتاعك ده كان هيضيع حبنا اوعديني انك مش هتسبيني تاني
لا طبعا لو غلطت زي المرة اللي فاتت هسيبك ونص
عمري ما هعملها انا امو.ت لو سبتيني
انت ھتمو.ت فعلا لو بصيت لواحده غيري
طب قولي بعد الشړ
هو المۏت شړ دى حتى راحة ابدية
الرومانسية في احلى صورها ههههه
يلا يا رومانسي عشان هدهد ممكن توقف حال الجوازة دي
لا انا قتيل الجوازة دي انا ممكن اصورلكم قتيل انت ما تعرفنيش
طب اما نشوف بتيجي قدامها وتعمل قط سيامي ههههههه
بس انت خليكي في ظهري نقنعها
ما تخافش هقف جمبك وازن عليها لحد ما اقنعها دى انا عليا اسلوب مقنع هيبهرك
مش خاېف غير منك
بقلمي سحر السحرتي
عادوا الى المنزل
هدى اتاخرتوا ليه واخبار الكافيه ايه
وحش قوي يا ماما مش من مستوايا وبعدين هيربطني والتمارين اعمل فيها ايه
السفر امتى
بعد بكرة
زياد خلي بالك منها بالذات لو حصل واتقابلت مع جدها هناك حاول تسيطر على لسانها هو صعب جدا ومش عيزاه يقول اني ما عرفتش اربي
لا يا ماما واحنا هنشوفه فين صحيح بصي كدة مفاجأة بعد اذنك
ايه ده دبلة جميله قوي يا حبيبتي
ونظرت لها پغضب
وكأن مالكيش اهل صح
لا يا حبيبتي ربنا ما يحرمني منك بس احنا اتصالحنا وهو طلبني ولو مش موافقة ارميها في وشه حالا ولا انك تزعلي هو انا عندي اهم منك يروح زياد يجي غيره
زياد اصيلة يا ام رحاب بعتيني في ثانية هو ده اللي هقف جمبك وهقنعها توافق ارجوك يا طنط وافقي دي مچنونة وما صدقت انها تعقل ونتصالح
حاضر بس كان المفروض تكبرونا وتطلبها مني انا واخوها
معلش اسف بس كنت عايز افرحها والدبلة هدية صلح وبعدين انا طلبتها قبل كدة وحضرتك وافقتي وقلت لاشرف اننا في حكم المخطوبين عموما ما تزعليش لو تحبي بكره نعمل اكبر شبكة
لا بكرة نقرا الفاتحة وتلبسوا الدبل وفي اجازة نص السنة الشبكة مبسوطين
حبيبتي يا هدهد امو.ت فيك
تولين خلي بالك من نفسك في الرحلة اذا كانت ولاء هبلة قيراط انت هبلة ٢٤ فهماني طبعا والكلام قدام زياد مش هسمح باي تجاوز
زياد هو حضرتك بتشبهيني بحاتم
لا يا حبيبي بس الشيطان شاطر وواجب انبهكم ما تضيعوش تعبي طول السنين دي في تربية عيالى في لحظة من وزة شيطان
ما تقلقيش يا طنط
والله انا كنت مستريحة وانتم مټخانقين
تولين دي حماتك طلعت بتحبك قوي
ضحك الجميع
بقلمي سحر السحرتي
عماد ضحكونا معاكم
احتضنته تولين اهلا بحمايا العزيز
حمايا دى اخبار حلوة بقى
اه حلوة قوي هيطلبني منك بكرة وعيزاك تطلع عينه على ما توافق
اطلع عين واحدة انا هطلع عنيه الاثنين عشان خاطرك
دي مش حماتك اللي طلعت بتحبك بس دى باباك كمان ههههه
في اليوم التالي بدات التحضيرات لقراءة الفاتحة
هدى ايه ده كله يا زياد هو الخطوبة النهاردة وانا معرفش دى مجرد قراءة فاتحة وقعدة عائلية على الضيق
وماله يا طنط انا بحب تولين وعايز افرحها
يبقى ما تعرفهاش تولين مش بتفرح بالحاجات دي كفاية انك تحبها وتحطها في عنيك
عماد زي مامتها كدة طلباتها قليلة
وقام عماد باحتضان هدى بحب وقبل راسها
تولين جرى ايه يا عصافير الحب ما تسيبوه يتعب شوية بتقطعوا برزقي ليه سيبوني انا ارفض واقوله ده كثير عشان يحس بقيمتي
زياد حاسس والله يا مدوخاني تعالي ننزل نشتري الفستان
فستان ايه انا هتخطب بالمايوه اللي اول مرة شفتني بيه مش بذمتك هتبقى حاجة رومانسية
وانا هلبس البوك.سر امشي انجري بقى احسن البسك عفريتة رومانسية ايه اللي في لبس المايوه
وجذبها من يدها بقوة
اه بالراحة نرفوز قوي يا قلبي
استاذة فى تنطيط عفاريتي نفسي اعرف بتحسي بايه وانت بتعصبيني
بتبقى تجنن يا حبيبى ووشك محمر بتبقى قمر
طب اتفضلي عشان ما نتاخرش
هل ستمر الخطوبة مرور الكرام وهل ستحضر مديحة
ضوء القمر
حلقة ١٨
حل المساء وتزينت تولين وارتدت فستان جميل بنفس لون عنيها الزرقاء الصافية اضاف لها جمال مع تصفيفة شعر رائعة كانت حورية من الجنة
حضرت ولاء ومهند زوجها وحضرت مديحة وزوجها ومهيتاب واشرف
صعدت ولاء لغرفة تولين
انا جيت يا قردة ايه الحلاوة دي
بذمتك الحلاوة دي ويتقال عليها قردة فرحوني في يوم خطوبتي بقي
عايزة اقولك اني جيت رغم تنبيهات الدكتور اني انام على ظهري الفترة دي احفظي الجمايل
نظرت لها بفرحة ودهشة
مش معقول مبروك يا لولو يارب تقومي بالسلامة انتم الاثنين
عقبالك يا حبيبتي
لا هجنن زياد شويه
هههه اكتر من كده طب حاسبي احسن يدخل مستشفي المجانين على ايدك
مش للدرجه دي انا بس هقرص عليه حبتين
طب يلا احسن استوى تحت
طرق الباب واذنت فدخل عماد ومعه مهيتاب
تولة عايز اعرفك على ماهي
عرفاها يا اونكل ازيك يا ماهي مبسوطه قوي انك جيتي
مبروك يا تولين عارفة انك زعلانة من موضوع خطوبتي من زياد بس ما كنتش اعرف انه مرتبط زياد طول عمره زي اخويا وكان بيحل مشكلتي مع بابا اللي كان مصر يجوزني عشان يخلص من طيشي
عارفه ومش زعلانة خلاص ومبروك لك انت كمان انت هتتجوزي اخويا الثاني اشرف طيب ومؤدب واخ عزيز
عارفة حكالي عنك كتير وعن ذلك له هههههه ممكن نبقى اصحاب
انا ما كنتش هجيب سيرة هو اللي ڤضح نفسه بنفسه ههههه وطبعا ممكن نبقى اصحاب اصل كنت بطلت اصاحب من زمان ولاء صاحبتي الوحيدة
عماد يلا بقى احسن زياد مش قادر يصبر
حاضر يا اونكل
بقلمي سحر السحرتي
نزلت تولين وهي ممسكة بذراع عماد وانبهر زياد من جمالها حتى انه كاد يفقد عقله من سحرها الذي يشع حولها همست له
زياد يا حبيبي مالك رجعت في كلامك وله ايه
هاه لا طبعا دى انا زدت اصرار
اعملها وهتبقى اخر مرة وهتودع شفايفك الحلوة دى هدى ويوسف هيخفوا معالمها من وشك
اعوذ بالله
لم الليلة بقى
بس اصلك مش حلوة بس انت تهبلي عقلي طار مني معقول هتجوز القمر ده وهتبقى ليا اخبيك في قلبي
اياك بس تعرف
—
قيمتي
عارف وابصم بالعشرة
كان كل حوارهم بالهمس
نظرت تولين حولها وجدت مديحة فاكملت همسها
هي مامتك جت ليه دي حاجه علي الضيق
تولة عشان خاطري دي امي
بهزر معاك على فكره اكيد اللي ملوش خير في امه وكمان ماما ممكن تزعل مني
عموما ما تخافيش مش هتقولك حاجة تضايقك
واثق قوي كفاية نظرتها لي
ما تقلقيش مسيطر
يا خۏفي عموما كله بيطلع عليك هههههه
تمت قراءة الفاتحة وارتدى كل منهم دبلة الاخر واحضر زياد لتولين خاتم واسورة رقيقة الشكل هدية منه
كانت مديحة تتابع عماد بنظراتها وطريقة تعامله مع هدى وافتقدت هذه المعاملة منه ولكنها تذكرت ان زوجها يعاملها افضل وايقنت ان ارتباطها من شخص يحبها افضل من شخص هي تحبه
كان يوم لطيف لم يواجهوا اي مشاكل حتى مديحة لم تستطع قول شئ لتولين لان زوجها كان بجانبها دائما كما اوصاه زياد
بقلمي سحر السحرتي
في اليوم التالي ذهبت تولين إلى الرحلة بصحبة زياد وعلم الجميع انه تم خطبتهم لبعض وهنأوهم
جلست بجانبه في الباص فامسك يدها فسحبتها
ايه هو انت مش خطيبتي دلوقتى
ماما قالتلي خلي بالك من نفسك
هو انت حافظ مش فاهم هي مسكة ايدك اللي هتفسد اخلاقك
بكل ثقة طبعا هي بتبدا بمسكة ايد ثم قبلة ثم حضڼ وانت عارف الشيطان ثالثهما
خيالك واسع قوي … بس عارفه انك وحشتني قوي
وانت كمان يا حبيبي
اااه ايه ده
ردت بكل خبث
مش عارفه يمكن مسمار في الكرسي
نظر لها بحدة
كرسي ايه انت بتشكيني بدبوس
اه سيب ايدي بقى
طب مش هسيبها و وريني هتعملي ايه ولو شكتيني تاني هبوسك قدام الناس كلها انت حره اذا كنتي انت مچنونة انا اجن منك
لا وعلى ايه مسكة ايد تفوت … امو.ت في حاجه عدلة
مدمرة الرومانسية
نحنوح قوي
لم يخل الطريق من مشاكسات بينهم احس زياد كم كان مفتقدها كثيرا بشقاوتها وچنونها فعاهد نفسه ان يحبها دائما ويحافظ على مشاعرها فهي كقطعة من الجنة لكن عند ڠضبها بركان ثائر
صمتت وبدات في مشاهدة المناظر الطبيعة ووضعت رأسها فوق كتفه وهي تحتضن ذراعه فسعد كثيرا
اراد ان يحتضنها ويضمها الى صدره لكن ما اوقفه هو وعده لوالدتها ان يحافظ عليها منعه فقرر ان يتحدث عند عودته مع والدتها انه عند اقامة حفل الخطوبة في اجازة منتصف العام ان يكتب الكتاب حتى يكون من حقه ضمھا
وصلا كانت الطبيعة رائعة الجمال والنسيم عليل والشمس ساطعة وضوئها يبث الدفئ
كانت تولين كلها امل ان ترى والدها فاحس زياد بها
تولة اهدي شوية ولو باباك موجود هخليك تقابليه بس بلاش تهور لان طنط هدى قالت ان جدك صعب وقاسې واحنا ما نضمنش يعمل ايه فى والدك … وانت شخصيا ممكن تضيعي تضحيتهم فهماني يا حبيبتي
فهماك بس بقالي سنين بستناه واحشني قوي عارف انا كنت يوميا لازم احوش لو حتى جنيه عشان اعرف اسافر له وممنوع اجي جمبهم مهما احتاج فلوس بحسها خېانة لعهدي اني ادور عليه
معلش اصبري واكيد ربنا هيوفقك وتشوفيه مامتك كل شويه تتصل قلقانة منك
طمنها مش هعمل حاجه بس خليك جمبي
نزل الجميع في الكامب وكانت المفاجأة انه ملك عائلة الحريري وانهم اكبر عائلات الفيوم
بقلمي سحر السحرتي
حضر الحاج جابر الحريري شخصيا لاستقبال اعضاء الفريق لتحقيقه مراكز دولية فكانت لهم مكانة عالية
سلم الحاج جابر على كابتن الفريق وعرفه بنفسه فاستغرب الكابتن وقام بالنداء على تولين
معقول احنا بطلتنا تولين الحريري معرفش انها من نفس العيلة
فأسرعت تولين
لا يا كابتن انا من عيلة الحريري في اسكندرية انا كان يشرفني طبعا اني اكون من الفيوم بس ما اعرفش حد هنا
الحاج جابر لا طالما لقبك الحريري يبقى اكيد فرع من عيلتنا اللي سافروا اسكندرية ولازم تنورينا انت وفريقك على الغداء النهارده يمكن نكون قرايب واعرف حد من عيلتك
يشرفني طبعا بس للاسف معظم عيلتي اټوفت عشان كده نزلنا القاهرة لان التعليم والتدريب فيها احسن
خسارة بطلة زيك ما تبقاش في عيلتنا كنا نتشرف بيها
غريبة
هو ايه اللي غريبة
اصل سمعت ان اهل الصعيد مش بيحبوا خلفة البنات
صح انا بالذات كنت كدة ولو جيتي من كام سنة كنت لاقتيني عايز اقتـ,ـلهم بس محدش رفع راسي في البلد غير احفادي البنات خدوا شهادات عالية وبيخدموا اهل البلد هنا وكل الناس بتحلف باخلاقهم وطيبتهم وكل الناس بتدعيلي وتدعيلهم
كابتن مجدي اهي تولين بقى مش بطلة الفريق بس لا دي كمان بتغني وصوتها حلو وبتفوز بالمركز الاول على مستوى الجامعات
الحاج جابر لا كدة تغني لنا الليلة في حفلة خطوبة حفيدتي الدكتورة
تولين بس كده يا حج دى شئ يشرفني رغم ان بتحجز من بدري ومفيش عندي مواعيد فاضية بس عشان خاطر عيونك الحلوة دي مقدرش اقول لا
ضحك جابر من شقاوتها
مش عارف حبيتك ليه اول ما شفتك لك طلة تدخلك القلب من اوسع ابوابه
وانا كمان يا جدو …. اسمحلي اقولك يا جدو ولة تحب اقولك يا حج جابر
لا جدو حلوة منك وممكن فعلا يبقى فيك عرق مننا لان لون عنيك تشبه لون عين ولادي ما تتفضلي معايا اتعرفي على البنات عندنا ومراتي الحاجة نفيسة
يا ريت يا حج بس لو خطيبي وافق
انت مخطوبة خسارة كنت اخدتك لحد من عندنا
تقدم زياد ليسلم عليه ويعرفه بنفسه
دكتور زياد خطيب تولين وبدرس لها كمان في الجامعة شفت هتتجوزني مصلحة هههههه
ضحك الجميع
تشرفنا يا دكتور اتفضلوا معانا بقي
بلاش دكتور قولي زياد وهنيجي كلنا مع الفريق على الغداء بس نقعد نستريح من الطريق ونحط الشنط في الغرف عشان نبدا برنامج الرحلة
خلاص اللى يريحك بس ما تتاخروش
انصرف الجميع فعاتبت تولين زياد
ليه يا زياد رفضت نروح معاه انا غلطانة اني قلت ناخد موافقتك يعني
يا حبيبتي انا متابع من الصبح كلامك وخفت تعكي و موضوع مش بيحب البنات ده وانك من اسكندرية خاېف يكون شك في حاجه
ما انا قلت اهل الصعيد وفعلا في فرع من عيلة الحريري في اسكندرية لان كان معايا في المدرسة واحدة من هناك
عموما مش عايزين نتسرع عشان تاريخه الحلو معاكم
ما انت شفته شكله بقى طيب
تولين اصبري كام ساعه مش مشكله هاه هتيجي معايا الاوضه
نعم هقوله يطخك
دايما فهماني غلط قصدي عشان ترتبي هدومي باعتبار ما سيكون انك هتبقي مراتي وكدة
قالت پغضب وصوت مرتفع
هو انا الخدامة الل….
وضع يده على فمها
بهزر يا حبيبتي ربنا ما يحوجني للسانك روحي غيري هدومك ايه ده دى انا ربنا بيعاقبني
قالت مازحة وهي تدلل
بكرة تعرف اني نعمة واللي يرفسها يعمى
روحي حمار يرفسك يا شيخة دايما قفلاني كدة بدل ما تقولي من عنيا ارتبلك هدومك
تحدثت بدلع اكثر بعد ان راته غاضب
فريرة يا بيبي مش هتاخر عليك
لا والله بعد الكلام ده لك نفس تدلعي دى انا هشوف على ايدك الويل ربنا يصبرني
مشت وهي تتحنجل وتدندن لتزيد غضبه
استلم الجميع غرفهم ووضعوا حقائبهم بها وتجمعوا مرة اخرى وبدأوا اول خطوات البرنامج بعدها ذهبوا لمنزل الحاج جابر واصطحبت تولين الجيتار معها
هل ستقابل والدها بعد كل هذه السنوات
ضوء القمر
حلقة ١٩
ذهب الفريق لمنزل الحاج جابر وتعرفت تولين على الحاجة نفيسة وحض.نتها بشدة حتى احست الحاجة نفيسة بشعور غريب فى قلبها لتولين وتبينت من ملامحها واعاقتها انها حفيدتها فهمست فى اذنها
انت بنت حسن
اه يا تيتة هو موجود نفسي اشوفه قوي
وطي صوتك شويه وهخليك تشوفيه
سلمت الحاجة على جميع أعضاء الفريق بنفس الطريقة حتى لا يلاحظ الحاج جابر شئ
بعد الغذاء غنت تولين اغنية ادمعت لها العيون
انا هغني اغنية لبابا عشان مسافر بقاله مدة طويلة ناقصني امان
انا مش قادرة اصدق لسه ان انت سايبني واني خلاص مش ممكن اشوفك وتكلمني
طب مين بعدك يدي حنانك ويطمني مين هيطبطب مين هشكيله هرمي عليه
راح السند اللي مقويني وبتحامي فيه مكس ور ظهري واحساس عمري ما حسيت بيه
انا ما شبعتش منك لسة ناقصني امان اه لو ينفع ترجع اشوفك حبة كمان
انت سامعني رد على انا قلبي واجعني الايام من بعدك صعبة ربنا بعدك على تعبي يعني
كانت تبكي عندما تذكرت حاډثة الاغت صاب وان والدها هو من كان سيحميها وكان هدفها ان يشعر جدها بقسۏة ما فعله واحتياجها الشديد لوالدها
بقلمي سحر السحرتي
ذهب زياد اليها وامسك يدها ومسح دموعها وهمس لها
بطلي عياط احسن احض.نك قدامهم وابوسك
فضحكت عندما تخيلت ماذا سيحدث له اذا فعل ذلك
قامت الحاجة نفيسة واحتضنتها وارادت ان تخفف عنها قومي اتمشي في الارض عندنا ساقية جميلة وبعدين تعالي غني حاجة حلوة بدل النكد ده
فضحكوا جميعا واخذها زياد لتسير قليلا مثلما قالت لها جدتها واتجه الى الساقية التي أشارت عليها جدتها وعندما اقتربا وجد تولين تسرع وكادت ان تقع لكن يد رجل فى الخمسين من عمره امسكتها واحتضنها واخذت تقبل كل جزء من وجهه وتبكي وتقبل راسه ويده وتعود وتحتضنه وهو ايضا ياخذها في احضانه ويبكي
سامحيني يا حبيبتي بعدت غصبن عني
وحشتني قوي يا عمري كنت محتجالك قوي كل مرة كنت بفوز فيها كان نفسي تبقى موجود تفرح بيا كل مرة كنت بغني كان نفسي تسمعني حبيبى يا بابا
عارف كل حاجه كنت متابع اخباركم من بعيد وكنت فخور بيك انت واخوك واختك بس مقدرتش ارجع
ليه يا بابا ما جدي اتغير ولة انا بيتهيالي
اتغير بس مكسوف من امك انا مقدرتش احميها من اللي عمله واني كذبت عليها وكنت متجوز ومخلف بس هي كانت محتاجه حد معاها يحميها هي وولاء وامجد صاحبي وصاني عليهم قبل ما ېمو.ت ما قدرتش اقول لها اني متجوز لانها كانت هترفض
ايه متجوز ومخلف
هي ما قالتش
لا انا اصلا لسه عارفه انك في مصر من مدة قصيرة كانت قايلة انك مسافر وكنت بحوش عشان اسافر وادور عليك
امك دي اصيلة مش عايزة تشوه صورتي قدامكم
زياد احم احم
نسيت اعرفك زياد خطيبي اذا وافقت عليه رافض نشوف غيره اللي تؤمر بيه
انت لسة شقية
شقية بس يا عمي مجنناني معاها وبتبعني بسهولة يرضيك
اهلا يا ابني مبروك طبعا موافق وربنا يعينك عليها
ايه ده شكلك هتتفق معاه عليا دى انا غلبانة
وامسكها من وجنتيها وقال بمرح
بنتي عمرها ما تكون غلبانة انا مربيها تبقى قوية
وهي قوية بشكل يا عمي
نعم سمعاك بتقول حاجه اذا كنت قوية قيراط دلوقتي مع وجود بابا بقيت قوية ٢٤ فاهم
فاهم يا مفترية
حسن وحشني صوتك الجميل ارجعي بقى وغنيلهم شويه وروحي الكامب وارجعي بالليل عشان تحضري خطوبة اختك
هي اللي هتتخطب النهارده دي اختي
اه اختك الكبيرة
طب هو احنا هنقول لجدي
لا مش دلوقتي
طب ينفع اكلم يوسف يجي دى ھيمو.ت ويشوفك
اه طبعا
خلاص تعالى اقعد معانا بقى عشان تسمعني
بس بلاش تبصي علي عشان جدك ما يشكش
اغمضت عينيها وابلغت يوسف
خلاص يا حبيبي مسافة السكة يوسف هيطير
—
ويبقى هنا بحجة انه جايب لي حاجات نسيتها
انتم لسه فيكم العادة دي
ونبطل ليه
زيا باستغراب هو في ايه وكلمتي يوسف ازاي
ضحكت تولين تعالى بس اما تكبر هبقى افهمك
بقلمي سحر السحرتي
عادت وغنت اغاني مبهجة اسعدت الجميع واستئذنت للعودة الى الكامب للاستعداد للحفل
عادت في المساء وكان معها يوسف
جدو اعرفك اخويا يوسف
حدثها يوسف بطريقتهم الخاصة
جدو هو عرفك
لا انا بناديه كدة لانه في مقام جدي
جابر اهلا يا ولدى انت شبها على راجل بس ملو هدومك
اه هو اطول وسبقني في الدراسة بسنة بس انا اكبر منه ب ٥ دقايق وبذله بيهم
انتم تؤام
اه يا جدو بس انا احلى طبعا
طبعا يا بنتي اطلعي شوفي العروسة وتعالي متعينا بصوتك وانت يا يوسف خلصت كلية ايه
انا ظابط مهندس ملازم اول في الجيش يا جدو
ونعم التربية اكيد ابوكم راجل عظيم
ووالدتي كمان عظيمة لانها شالت مسؤوليتنا بعد بابا ما سافر وبعد عنا سنين
مفيش اب بيبعدعن اولاده بمزاجه
صحيح ربنا يسامح اللي كان السبب
اكيد السبب اكل العيش سافر عشان يوفر لكم معيشة كويسه
يا ريت بس السبب انسان قاسې قلبه حجر منعه عننا بجبروته
ازاي يا ابني احكيلي يمكن اقدر اساعدك
بعدين يا حاج دي مناسبة مش محتاجة نكد
مش كنت بتقول يا جدي زي اختك
انا شايف مقام حضرتك كبير مش زي جدي
يا ابني كلنا ولاد تسعة
بجد ما كنتش اعرف معلش تسمحلي اتمشى شويه مع خطيب اختي الهواء حلو قوي هنا على ما تبدا الحفلة
اتفضل يا ابني
تحرك زياد مع يوسف وساله
مالك في ايه قلبت مرة واحدة علي الراجل
افتكرت اللى عمله فى امي ورميتها فى السچن مع المجرمين وحرمنا من ابويا وشيل امي همنا وجريها في البيوت عشان تدي كام درس تكمل بيه مصارفنا غير الاهالي اللي كانوا بيتاخروا عليها في دفع المصاريف او ياكلوا عليها فلوس الدروس ويشترطوا عشان تستلم فلوسها لازم العيال تجيب الدرجة النهائية في المادة عمرك شفت اهانة اكبر من كدة
بس حسيت ان تولين سامحته
تولين طيبة كان كل مشكلتها بابا ولقته لكن لو كانت زارت ماما في السچن وشافتها في المكان الق ذر اللي اترمت فيه مع المش بوهين ما كانتش نسيت ده
طب تعالى انسى عمي مستنيك عند الساقية اللي هناك
جرى يوسف وحض.ن ابوه وتركهم زياد ليتحدثوا سويا اخبره يوسف بكل ما حدث معهم باختصار وانه لن يسامح جده لان ما مروا به احد اسباب ابتعاد والدهم عنهم
ما تزعلش يا يوسف كله مقدر ومكتوب واذا كان على جوازة ولاء ربنا عوضها بصاحبك
لو كنت موجود كنت اثرت عليها ومن الاول حاتم ما كانش هيقدر يدخل حياتنا ماما اجبرت توافق لكن انت هي بتحبك قوي وبتعمل حساب زعلك
مش خلاص راح لحاله بشره ومحدش اضر منه وولاء اتعلمت الدرس
اللي محدش يعرفه غيري انا وتولين وزياد انه حاول يغتـ,ـصب تولين وكانت هتضيع لولا ربنا قدرني ولحقتها في اخر لحظة شايف وشها اللي الكدمات لسه ما راحتش منه كانت بسببه عرفت ليه مش هقدر اسامح جدي ….. لاني حسيت بالعجز اللي انت حسيت بيه لما ما قدرتش تحمي ماما
وقف حسن وكأن الډماء تغلي بداخله من احمرار وجهه
الا ده مش ممكن اسمح او اسكت عليه وعملت ايه مع القذر ده
بقلمي سحر السحرتي
قص له يوسف ما فعله زياد وهو يتحدث معه اتت تولين
بابا هو جدي هيجوز اختي ڠصب عنها
انت بتقولي ايه
انا كنت عندها فوق دلوقتي ولقيتها زعلانة مش فرحانه زي اي عروسة وفهمت من كلامهم معاها عشان تفرد وشها وانت ما تاخدش بالك ان جدي غاصب عليها هو انت مش قلت انه اتغير
اللى فيه داء يا بنتي لكن المرة دي مش هسمحله ومش هيقدر يعمل حاجة امك خلاص اتجوزت راجل يقدر يحميها لكن ولادي خط احمر
ذهب مسرعا وجد ابنته تجلس بجانب العريس والدموع تتلالاء في عينيها ولا تجروء على السماح لها بالنزول
نادى عليه والده تعالى يا حسن سندس مش عايزة تلبس الشبكة غير وانت موجود
ماذا سيفعل حسن هل سيتخذ موقف ام سيقبل بالامر الواقع كما فعل مع هدى
ضوء القمر
حلقة ٢٠
تحدث حسن بحدة وڠضب
سندس مش هتلبس الشبكة ومش هتتجوز غير برضاها انت قدرت عليا زمان و استضعفتني وما قدرتش احمي هدى مراتي من شرك وجبروتك لكن ولادى لا
انت بتقول ايه مين اللي قالك انها هتتجوز ڠصب عنها مفيش حد في البيت يجروء يقولك عايز اعرف مين اللي عملها
تحدثت تولين بمنتهى الشجاعة
انا اللي قلت له
انت الغريبة اللي داخلة بيتي تولعيه ڼار يا سايبة يا اللي مالكيش اهل تربيكي
وقام بصفعها على وجهها بقوة اسقطتها ارضا فحاول يوسف الھجوم على جده فمنعه زياد وحسن واكمل جابر كلامه بكل ڠضب وصوت عال ارعب الجميع
انت عايز تتهجم عليا وفاكر انك تقدر تفلت انت ما تعرفش انا مين انا حالا هلبسك قضية واخليك تتفصل من الجيش اللي فرحان بيه ده
تحدث يوسف پغضب وصوت عال ايضا ونبرة مرعبة كأنه صورة مصغرة من جده
تعملها ما هي مش اول مرة تتبلى على الناس زي ما عملتها في امي وبعدت ابونا عننا لكن انا مش هسمحلك لو هيضيع فيها مستقبلي وهعاقبك وانتقم منك شړ اڼتقام عارف ازاي هحرمك من ابويا واخواتي
امك مين وابوك مين وانا كنت اعرفك قبل كدة
امي هدى فاكرها وابويا حسن ابنك …. اللى زيك عقابه يعيش لوحده وهخلي ابويا واخواته يرفعوا عليك قضية حجر ويرموك في دار مسنين عشان تدوق من قسوتك وجبروتك