ليلي بقلم لوسي 1

واية حكاية ليلى بقلمي لوسي
كل البنات اللي جايه للوظيفه تقف ،حليم باشا وصل.
كل البنات وقفت في صف منتظم فور ما الصوت اتردد تاني
الباشا وصل.
الهدوء سيطر على المكان، والعيون كلها اتجهت ناحية الباب الكبير اللي بعد لحظات اتفتح
ودخل حليم المغازي.
رجل طويل، وسيم، لابس بدلة داكنة متفصلة بعناية، وخطواته ثابتة فيها هيبة واضحة. عينيه كانت بتمر على البنات واحدة واحدة، بنظرة فاحصة خلت التوتر يزيد في المكان.
وقف قدام أول بنت وسألها بنبرة حادة
اشتغلتي مربية أطفال قبل كده؟
البنت ابتسمت وهي بترد انا كنت بساعد اختي في تربيه اطفالها،بس انا اصلا خريجة معهد سياحه وفنادق،وشاطرة جدا في اداره المنزل والطبخ.
حليم برفضمش مناسبه
البنت اتكلمت باستغرابمتقلقش انا اقدر اخد بالي منهم جدا.
حليم شاور لكبيرة الخدم تاخدها توصلها للبوابه.
وفضل يسأل كل بنت نفس السؤال،لكن اجابتهم مكانتش مناسبه ليه.
وفي أخر الصف كانت واقفه بنت بسيطة بتفرك في ايديها من التوتر،بتبص على البنات اللي بيمشوا ومحدش فيهم اتقبل وهي خاېفه يرفضها زيهم.
بعد وقت قصير وصل دورها وكانت هي اخر بنت موجوده.
حليم بص لشكلها البسيط واتكلم بجديه اشتغلتي مربيه قبل كده؟
سكتت لحظة وهي بتبص للارض وبعدها رفعت عينها وبصت له
لأ.
بصل لها باستغراب وبعدها حرك عينه على كبيره الخدم،وقبل ما يتكلم ،البنت كملت كلامها وقالت
بس انا كنت ام لطفل،وعندي خبره كبيره في رعايه الأطفال .
لف بجسمه وهو بيبص لها بسرعه
وطفلك دا فين دلوقت.
ملامحها بهتت في لحظة ،لكنها تماسكت وردت عليه
مش موجود معايا حاليا ،فقدته من ٥ سنين .
مسك حليم السي في اللي في ايدها وكان فيه تفاصيل بسيطة عنها،ودراستها وبطاقتها الشخصيه، قرأهم بسرعه وبعدها
اتنهد وبص لكبيره الخدم وقال
طيب،شكلها مناسبه،خديها جهزيها ومضيها على عقد العمل وعرفيها هتعمل ايه لحدما الاولاد يوصلوا.
البنت فرحت انها اتقبلت،بصت له بسرعه تشكره،لكنه اتحرك من قدامهم بسرعه بدون ولا كلمة.
اتحركت مع كبيره الخدم علشان تشوف القصر،وهي ماشيه وبتبص على تفاصيل البيت،عجبها طريقه التنظيم وشكل الديكور.
كبيره الخدم واللي اسمها غادة، وقفت قدام غرفه في الدور الارضي وهي بتتكلم بجديه دي الاوضه اللي هتنامي فيها،
دخلوا مع بعض الاوضه والبنت انبهرت بيها.
سالتها غادة اسمك ايه؟
ردت بلطفليلى.
غادة هزت راسها وبدات تفرجها على الاوضه بالتفصيل،وبعدما ليلى قعدت مع غاده وفهمت دورها كويس ومضت على عقد العمل،عرفت انها هتكون داده لطفلين ،ولد وبنت .
غاده بصت في ساعتها وهي بتقوم باستعجال
يلا يا ليلى،عربية الاولاد زمانها وصلت ولازم تستقبليهم وتتعرفي عليهم.
ليلى هزت راسها بابتسامه ووقفت بسرعه واتحركت وراها.
وفي الاسفل ،العربيه اللي فيها الاطفال كانت وصلت،وغاده اتحركت بسرعه وفتحت ليهم الباب،خرج الولد الاول وهو