مراهقه علي الماسنجر الجزء الاخير

في البيت
حازم: الرخم مات جوه ولا إيه
نرمين: يمكن نايم
حازم: يابنتي انا من الصبح بخبط لو ميت كان صحي
ماما: سيبو يرتاح شويه
حازم: لا اكيد في حاجه حصلت انا هكسر الباب
نرمين: استني هو مش جوه
حازم: نعم ياختي وايه عرفك أنه مش جوه
نرمين: بصراحة

حازم: بصوت عالي انطقي
نرمين انا مليش دعوة وجريت على اوضتها
حازم: هو في حاجه انتو مخبينها عليا
ماما: مصطفي نزل يقابل أم هشام
حازم: الو انت فين
مصطفى: ربع ساعة وكون عندك
حازم: خبيتهم فين
مصطفى: ياعم ولا خبيتهم ولا حاجه هما معايا

حازم: عملت كده لي يامصطفي مش خايف العيل ده يعورك وانت عامل عمليه
مصطفى: متخفش صاحبك بطوله

حازم: طيب روح بيهم على بيتنا القديم وانا هحصلك
مصطفى: لا ياعم انا هجيبهم عندك
حازم: اسمع الكلام ياصاحبي
مصطفى: اوك سلام
أم هشام: قربنا نوصل

مصطفى: لسه ياخالتي ربع ساعه لو سمحت ياسطي على جنب الله يباركلك
هشام: إيه وصلنا
مصطفى: لسه صبرك بالله هنركب تكسي
هشام: احسن برضو
مصطفى: فاضي ياسطي
السواق: علي فين
مصطفى: العصافره
حازم: انا نازل يلا يا شيماء
ماما: انا جايه معاك
نرمين: طب وأنا

حازم: خلاص تعالو كلكم بس الي هتفتح بوقها هشقها نصين انتو فاهمين
نرمين: فاهمين
بعد ما وصلنا بيتنا القديم
حازم: الجزمه برن عليه مش بيرد
ماما: حاول تاني يمكن يرد المره دي
حازم: المفروض يوصل قبلي
نرمين: إن شاء اللة يكون بخير
حازم: اخيرا أنت فين يا جزمه
أم هشام : إحنا في المستشفي

حازم: مستشفي ايه انتي مين
أم هشام : والله يابني مش عارفه إسم المستشفي معاك أم هشام خدي يابنتي قوليلو إسم المستشفي
الممرضه: ايوه السلام عليكم
حازم: مش وقت نحنحه وحياة ابوكي اعطيني عنوان المستشفي
الممرضه: مستشفي العصافره
حازم: طيب انا جاي دلوقتي احتاج أي حاجه اعملوها ميهمش الفلوس أهم حاجه سلامته
الممرضه : هو بقي كويس الخياطه اتفكت والدكتور عمل اللازم
حازم: طب الحمد لله سلام انا جاي في الطريق

ماما: في إيه ومستشفي ايه
نرمين: ابوس إيدك ياخويا طمني مصطفى حصلو حاجه
حازم: كله بسببكم انتو الإتنين
حازم: تعالو اوصلكم البيت وبعديها اروح لمصطفي
نرمين: انا جايه معاك المستشفي
حازم: محدش فيكم هيروح معايا المستشفي
شيماء: حتي انا