مراهقه علي الماسنجر الجزء الاخير

أم هشام: انا بخير متخفيش صحيح الكلب ده اغتصبك
شيماء: مين حازم ده احن واحد في الدنيا لي بتقولي كده ولا أم حازم والله حبيتها اوي ونرمين كمان لو لي اخت مكنتش هحبها ذي نرمين شقيه اوي
أم هشام: يعني أنتي لسه بنت قولي الحقيقه يابنتي متخبيش على أمك
شيماء: اطمني انا ذي منا بجد اسعد أيام حياتي كانت معاهم هما ناس طيبين

ماما: اذيك ياحاجه بسم اللة ما شاء الله انا دلوقتي عرفت ياشيماء انتي طالعه حلوه لمين
أم هشام: ههههههههههه الله يكرمك والله دي اول مرة اضحك من سنين
نرمين: اذيك ياخالتي عامله ايه
أم هشام: بخير يابنتي هاقوم اروح لخوكي هشام
ماما: استني تعالي ياحازم اسندها

الجميع في غرفة هشام حتي مصطفى قام من علي السرير وذهب معاهم
أم هشام: ياحبيبي يابني انت بخير
هشام: ها ه ه
الممرضه: من فضلكم سيبوه يرتاح شويه من تأثير البنج
أم هشام: انا مش هسيب ابني وهقعد جنبه لحد ما يقوم بالسلامة
حازم: طيب احنا ماشين انا عديت ع الحسابات ودفعت المصاريف يلا بينا ياجماعه
شيماء: خلاص هتمشو
ماما: ايوه يابنتي ماشين عايزه حاجه
شيماء: متشكره ياخالتي
حازم: طب يلا بينا ولا ايه

مصطفى: أم عصبيت اهلك دي انا خايف اتعدي منك
نرمين: تبقي مصيبه وحطت على راسي
ماما: ههههههههههه
نرمين: الحقو ماما ضحكت
ماما: بس يا مفعوصه

حازم: عجبتني مفعوصه دي ههههههههههه
في البيت
ماما: ياااه ياولاد كبوس ونزاح انا كنت كل يوم مرعوبه
حازم: لي ياست الكل
مصطفى: دنا كنت مرعوب عليك اكتر منها

نرمين: مش عايزين نتكلم في الموضوع ده تاني الحمد لله رجعنا لحياتنا الطبيعيه نضحك بقي ههههههههههه
مصطفى: ربنا يستر عليا ههههههههههه
نرمين: قصدك ايه
ماما: الله يخرب بيت الفيس على الي طلعه
مصطفى: ههههههههههه عندك حق ياخالتي ده فيه مصايب اكتر من كده تلاقي البنت من دول تبعت فيديو وصور لواحد لمجرد بعتلها رساله ولا اتنين على المسنجر وتعيش جو الحب ومش عارف إيه

حازم: حب إيه يا عم دي بنات عايزه الحرق إلي تبعت صورتها لواحد متعرفش عنه حاجه غير الإسم
مصطفى: طب ما انت بنات كتير بتبعتلك صورها ومنهم عمل معاك بث مباشر علي صفحتك
حازم: يابني انا عندي بنات كتير اسمهم جمهور القراءه ياجاهل حاجه كده مش هتفهمها
مصطفى: فهمني
حازم: بص لما أنت بتابع قصتي مش بيجيلك إحساس تحب تتعرف على صاحب الخيال ده
مصطفى: تمام