خطيبي استغلني ل نور محمد
موقع أيام نيوز
يا ماما ده دخل بيتنا وسرقني وأنا مأتمناه! لو سكت دلوقتي هيعمل فيا إيه بعد ما يقفل علينا باب واحد
يا بنتي الناس هتاكل وشنا لو فركشنا وبعدين هو مش غريب بكرا يعوضك قالتها الأم بحنية وهي بتحاول تطرمخ على الموضوع.
كلام ماما صدمني أكتر من السړقة نفسها. بس أنا مستحيل أسكت على حقي ومستحيل أأمن لشخص حرامي يعيش معايا تحت سقف واحد.
مسكت تليفوني وكلمت كريم وأنا ببلع قهرتي وبمثل الهدوء التام وقولتله كريم أنا لسه جايلي تليفون إن وديعة خالي الله يرحمه اتفكت ونصيبي فيها 150 ألف جنيه كاش ومحتاجاك تيجي معايا بكرة البنك عشان نسحبهم وأحطهم في حسابك نستثمرهم سوا…
عايزين تعرفوا ندى عملت إيه مع كريم في البنك وإزاي فضحته قدام العيلة وجابت حقها تالت ومتلت
الكاتبه_نور_محمد
الجزء التاني والأخير الضړبة القاضية
كريم طبعا من طمعه مكدبش خبر. صوته اتغير في التليفون وبقى كله حنية مصطنعة وقالي ألف مبروك يا حبيبتي أنا مسافة السكة وأكون عندك إحنا واحد وفلوسنا واحدة.
اتفقنا نتقابل الصبح بدري في كافيه قريب من البنك. بس أنا مكنتش رايحة البنك أصلا.. أنا كنت راسمة خطة عشان أرجع شقاي وتعبي الأول قبل ما أفضحه.
قعدنا في الكافيه وعملت نفسي متوترة جدا ومسكت تليفوني بدموع مزيفة وقولتله يا كريم الحقني البنك بيقولي إن حسابي اتجمد عشان الرصيد نزل فجأة امبارح ل 150 جنيه وبيقولوا في اشتباه في الحساب ومش هيرضوا يصرفوا شيك ال 150 ألف إلا لو الحساب اتنشط تاني بمبلغ ميقلش عن 25 ألف جنيه النهاردة فورا!
كريم وشه جاب ألوان الطمع كان عاميه بس في نفس الوقت خاېف. كملت تمثيل وقولتله أنا مش عارفة أعمل إيه الشيك هيضيع عليا والفلوس هترجع للورثة التانيين.. مفيش حل غير إنك تحولي ال 25 ألف من معاك دلوقتي كوديعة مؤقتة أفك بيها التجميد وأول ما نستلم ال 150 ألف كاش كمان نص ساعة هرجعهملك فورا وعليهم حلاوتك.
فضل يفكر ثواني.. طمعه في ال 150 ألف خلاه يعمى عن أي تفكير منطقي. مسك تليفونه وفتح إنستاباي وفي ثواني كانت رسالة البنك منورة على شاشتي تم إضافة 25000 جنيه لحسابك.
أول ما الفلوس دخلت ملامحي اتغيرت تماما. مسحت دموعي فتحت أبلكيشن البنك بتاعي في ثانية وحولت الفلوس كلها لحساب أختي المتجوزة عشان أأمنهم وغيرت الباسورد بتاع الأبلكيشن.
كريم بيبصلي بابتسامة طمع ها يا حبيبتي يلا بينا على البنك بقى
رديت عليه بابتسامة باردة وصوت واثق بنك إيه يا حرامي فلوسي اللي سرقتها امبارح رجعتلي ومفيش لا وديعة ولا 150 ألف ولا زفت!
كريم وشه بهت وبدأ يتلجلج سړقت إيه إنتي بتخرفي تقولي إيه إنتي اټجننتي
وهنا كانت المفاجأة.. شاورتله على الترابيزة اللي ورانا في الكافيه. كان قاعد عليها بابا وعمتي أم كريم وجوز عمتي.
