يقين الزين لمنه عبدلله كاملة

زين : مين دي يا ماما اللي اتجوزها دي لسه عيلة – قولتلك يا زين دي وصية جدك قبل ما يموت زين : يا ماما الله يرحمه بس انا مبحبهاش وبعدين ما انتي عارفة اللي فيها – فيها ايه يا زين مالها يقين بنت زي الشهد ولو كان أبوك عايش كان هو اول واحد جوزهالك زين : مش قصدي بس انتي عارفة ان أنا بحب أميرة بنت عمي – ما يقين بنت عمك بردو زين : بس انا دايماً شايف يقين عيله وبعدين .. – أنا قولتلك كلمتي ولو منفذتش الكلام هكون غضبانه عليك ليوم الدين اخر كلام يوم الخميس كتب كتابك على يقين مامته سابته ومشت زين بيمسك التليفون وبيبعت رسالة ” انا اسف يا أميرتي سامحيني انا هتجوزها عشان ارضي ماما بس والله مفيش فى قلبي غيرك “ عند يقين يقين : مش مصدقة يا اميرة بابا قالي ان انا هتجوز زين أميرة فى عالم تاني يقين : مالك يا اميرة حساك مش فرحانه أميرة بابتسامه مزيفة : لاء يا حبيبتي ازاى مفرحلكش ده انتي اختي يقين بابتسامه : ربنا يخليك ليا ونفرح بيك يا ميرو أميرة بابتسامه : عشت وشوفت يقين اللي اصغر مني ب ٤ سنين بتقولى عقبالك يقين بضحك : يا ميرو بقي متكسفنيش أميرة : هو انتي بتحبي زين يا يقين يقين : بحبه اوى اوى يا اميرة حنيته علينا هو وطنط من بعد موت ماما خلتني اتشدتله اوى أميرة : ربنا يرحمها بس انتي متأكدة إن زين بيحبك ولا مغصوب على الجوازة عشان وصية جدو يقين : مش عارفة بس انا بحبه ومتأكده أنه هيحبني أميرة : وليه متأكده كده طب ما يمكن بيحب واحدة تانية يقين بضحك : واحدة تانية مين ده انا وانتي بس اللي فى وشه ليل ونهار اكيد مش هيلحق يحب يعني أميرة بحزن : ممكن يقين : هو انتي متأكده يا اميرة إن مفيش حاجه أميرة بابتسامه : لا يا حبيبتي مفيش حاجه يقين : طب يلا نجهز فساتينا عشان يوم الخميس أميرة : من دلوقتي ده لسه يومين يقين : أيوة يلا اجه المعاد المنتظر ” يوم الخميس “ الجملة اللي كل اتنين بيحبوا بعض بيستنوها بفارغ الصبر ” بارك الله لكما وبارك عليكما وجمع بينكما في خير “ يقين فى سرها : ايه ده هو فين حضن كتب الكتاب هما ضحكوا عليا ولا ايه – يلا يا عرسان عشان تروحوا شقتكوا يقين : طنط هي فين أميرة – قالتلي راحت الحمام معرفش اتأخرت كده ليه يقين : طب اندهيلها عشان اسلم عليها قبل ما امشي ام زين راحت تنده ل أميرة فجأة سمعنا صويت ام زين : الحقوني أميرة انتحرت فى اوضة العمليات أميرة : ارجوك يا دكتور متفضحنيش اوعي تقولهم إن ده مش دم لاء قولهم اني انتحرت وحالتي صعبة اوي الدكتور : انا مش فاهم انتي ليه بتعملي كده أميرة : شايف اللي برا ده جوزي وراح اتجوز اختي عشان مبخلفش وانا بحبه اوي يا دكتور الدكتور : بس ده حقه أميرة : مجتمع ذكورى متعفن ما تنفذ اللي قولتلك عليه منغير اسأله الدكتور : بمقابل ايه أميرة : هجوزك اختي الدكتور : اللي اتجوزت جوزك أميرة : اه الدكتور : بصراحة البت جامده مفيش كلام وانا موافق هنعمل ايه بقي أميرة هقولك : …… الدكتور خرج : للاسف الشديد الحالة صعبة وهنضطر نقعدها يومين تلاته على اما حالتها تستقر زين بحزن : طب ممكن ادخل اشوفها الدكتور : اه اتفضل بس خمس دقايق بس زين دخل لقاها نايمة وحاطينلها محاليل وأجهزة ورابطين ايديها مكان الجرح زين : ليه يا اميرة تعملي كده فى نفسك كل ده عشان ايه انا مستهلش انا مقدرتش اقف قصاد ماما بس انتي عارفة أنا بحبك قد ايه ارجوك متسبنيش وتمشي أميرة وعاملة نفسها بتفوق بتتكلم : قوم يا زين روح ليقين زين بحزن : مش هسيبك أميرة بتمثل التعب : انا كويسة يا زين قوم روحلها ام زين دخلت : يلا يا زين عشان يقين مش عايزة تروح غير معاك زين باستسلام : هجيلك تاني متخافيش زين فى البيت مع يقين زين بنفاذ صبر : بصي بقي دي اوضتك ودي اوضتي ومتحاوليش تسألى فى اي حاجه عشان انا مش فايقلك ، دخل الاوضة وقفل على نفسه يقين فى سرها : ايه قلة الذوق دي وبعدين من امتى وهو بيعاملني كده تاني يوم زين قام من النوم على مكالمه من المستشفي الممرضة : حضرتك استاذ زين تبع حالة المريضة أميرة زين بخضه : اه حصل حاجه الممرضة : خمس دقايق وتكون هنا يتبع… يقين : زين انت رايح فين زين : يقين عشان نكون على وضوح عايزة تعيشي معايا يبقي ولا تسأليني رايح فين ولا جاي منين والأهم من كده اننا هنعيش على أننا اخوات غير كده متحلميش بحاجه تاني يقين : هو انت بتعاملني كده ليه من امبيرح زين : عشان الجوازة دي مغصوب عليها ارتحتي يقين : يعني انت مبتحبنيش زين : انتي اختي افهمي بقي يقين بتماسك : تمام انا هروح لبابا وورقتي توصلي عنده زين : اعملي اللي يريحك عن اذنك زين خرج وساب يقين فى صدمة وقهرة وقامت تحضر شنطتها عشان تمشي يقين : قولتلك يا بابا محصلش حاجه – بنتي ترجعلي يوم الصباحية وتقولي مفيش حاجه يقين : بابا ارجوك سبني ادخل ارتاح دلوقتي وبعدين نتكلم – طيب انا رايح ل أميرة ولما ارجع هنتكلم خلي بالك من نفسك زين راح المستشفي لقي ممرضة جاية عليه الممرضة : استاذ زين انا الممرضة اللي كلمت حضرتك زين بخضه : هو فى ايه حصل حاجه ل أميرة الممرضة : لاء محصلهاش حاجه انت اللي هيحصلك زين : هيحصلي ايه ايه الالغاز دي ما تتكلمي علطول الممرضة : مش هينفع نتكلم هنا عشان محدش يشوفنا تعالى نقعد فى الكافيه اللي جمب المستشفي زين : طب طمنيني الاول أميرة كويسة الممرضة : زي القرده احسن مني ومنك زين : نعم !!! الممرضة : تعالى نروح الكافيه واحكيلك هناك فى الكافيه زين بصدمة : انتي بتقولى ايه ياست انتي الممرضة : قولتلك أميرة دي كويسة وبتعمل عليك فيلم عشان تطلق اختها ويخلالها الجو زين : ازاي والدكتور .. الممرضة قاطعته : الدكتور ساعدها لما قالتله مقابل أنه يتجوز مراتك زين : وايه يضمنلي كلامك ده الممرضة : كنت عاملة حسابي ومسجلالهم اتفضل اسمع زين بصدمة : ازاي وهان عليها اختها الممرضة : الحب يعمل اكتر من كده زين باستغراب : معلش بس سؤال هو انتي ليه بتقوليلي الكلام ده الممرضة : عشان انا زيك زين : قصدك ايه الممرضة : الدكتور اللي المفروض هي متفقه معاه ده يبقي ابن عمي زين بصدمة : ابن عمك الممرضة : للاسف وبالمناسبة محدش يعرف أنه ابن عمي خايف على منظره قدام الناس ازاى بنت عمه متبقاش دكتورة زيه زين : وبعدين كملي الممرضة : كنا متفقين نتجوز بس لما انا مجبتش مجموع طب هو بعد عني وبيتكلم معايا بأسلوب وحش ده لو رد اصلا زين : وجيتي تشتغلي هنا عشان تراقبيه الممرضة : مكنتش عايزة اشتغل هنا لولا إن بابا هو اللي أصر اني اجي هنا وكل اما اشوف معاملته للعيانين عنده عاملة ازاى أو للدكاتره اللي زيه ببقي عايزة اخنقه وامبيرح بالصدفة سمعته وهو بيتكلم معاها وبيتفق معاها قولت لازم اخد حقي زين : وعيزاني اعمل ايه الممرضة : انت لسه بتحب أميرة بعد اللي حكتهولك زين : اه للاسف الحب مش بأيدي لو تعرفي دلوقتي قلبي فرحان ازاي أنها كويسة مكنتيش هتسألي سؤال زي ده أنا بس زعلان على يقين اللي ملهاش اي ذنب الممرضة : ده انت بجح يا شيخ بعد اللي قولتهولك وتقولى لسه بتحبها زين : يعني انتي معنتيش بتحبي الدكتور الممرضة : بكرهه ولو اطول اموته كنت هعملها بس للاسف مش عايزة اودي نفسي فى داهيه عشان واحد زيه زين : أميرة بالنسبة ليا حب عمري عمرى ما فكرت اني ابعد عنها الممرضة : ويقين ؟ زين : اجبروني اتجوزها يقين بنت كويسة يتمناها اي شاب غيري انا منفعهاش صدقيني الممرضة : انا غلطانه اني اجيتلك وكنت مفكره انك ممكن تاخد على الأقل موقف بس للاسف الحب عميك انا كنت مفكره أن انا لوحدي اللي عبيطة طلع ناس كتير زيي واكتر مني كمان عن اذنك يا استاذ زين وفكر فى كلامي كويس وفكر فى أميرة اللي كانت عايزة تخرب بيتك واللي كانت عايزة تعمله فى مراتك اللي هي اختها عيزاك بس تفكر فى إجابة سؤال واحد لما واحدة تفكر تبيع اختها عشان حبيبها تفتكر دي ممكن تكمل معاك ولا هيجي غيرك ويخليها تبيعك عشانه ؟ زين فضل يفكر كتير بس زين مقتنع إن أميرة كل اللي بتعمله ده عشان بتحبه وأنه مستحيل يأذيها بس بردو مش هيستحمل يشوف يقين بتتأذي وهو ساكت زين راح لبيت يقين والد يقين : زين الحقني بخبط على يقين مش بترد زين بخضه كسر الباب لقوها مرميه على الأرض والدم فى أيدها جريوا على المستشفي اللي فيها أميرة شوية والدكتور خرج الدكتور : للاسف الشديد نزفت كتير ومقدرناش نلحقها زين بصوت مهزوز : يعني ايه الدكتور : البقاء لله الدكتور : البقاء لله زين بصدمة : انت بتقول ايه الدكتور : مش حضرتك تبع المريضة *** زين وبدأ ياخد نفسه : لاء انا تبع المريضة يقين الدكتور : انا متأسف اصل الحالتين جايين فى نفس المعاد حضرتك الأستاذة يقين الحمدلله قدرنا نوقف النزيف وبقت احسن بس هتقعد يوم كمان تحت الملاحظة زين بارتياح : الحمدلله طب وبالنسبة لحالة أميرة الدكتور : المريضة أميرة مش تبعي الدكتور حاتم هو اللي بيشرف على الحالة بنفسه زين : طب الاقي فين الدكتور حاتم ده الدكتور : هتلاقيه فى المكتب بتاعه زين : تمام يا دكتور شكرا ليك ، خليك هنا يا عمي مع يقين وانا هطلع للدكتور – ماشي يابني عند الدكتور حاتم فى مكتبه حاتم بيتكلم فى التليفون : انتي بتقولي ايه عيزاني اموتها هو ده اتفاقنا ؟ أميرة : ………. حاتم : ولو موافقتش اموتها أميرة : ………. حاتم : انتي بتهدديني ؟ أميرة : ……… حاتم وبياخد نفسه : طيب بكرة ابقي انفذ سلام دخل زين : اسف حضرتك اني مخبطتش بس كنت عايز اعرف اخبار حالة المريضة أميرة ايه الدكتور بتوتر خايف ليكون زين سمع حاجه : أ أميرة ..أميرة بقت احسن زين : يعني ينفع تخرج معايا النهارده الدكتور : اه تقدر تخرج النهارده زين بيلف وخارج : ماشي خرجت أميرة وبعد يوم راح ليقين يطمن عليها زين : لو سمحتي .. ايه ده هو انتي .. مش مشكلة المهم متعرفيش فين يقين الممرضة : فى اوضتها زين : لسه جاي دلوقتي من اوضتها ومهيش موجودة الممرضة : ازاي ده انا كنت عندها من شوية وكانت هناك حتى الدكتور حاتم دخل خرجني من عندها عشان يكشف عليها زين بقلق : بس دكتور حاتم مش هو المشرف عليها الممرضة : معرفش بقي زين سابها ومشي وراح ل أميرة البيت زين : فين يقين أميرة : مالك يا زين ما هي فى المستشفي زين بزعيق : مهيش فى المستشفي يا اميرة أميرة بخوف : يعني ايه مهيش فى المستشفي امال هتكون فين زين بيحاول يتمالك أعصابه : الممرضة قالتلي ان اخر حد دخل عليها هو الدكتور حاتم أميرة : وانا مالي زين : انا عرفت اتفاقك انتي وهو يا اميرة وسمعت بودني محدش قالي انا كنت لسه بحبك بس لما توصل انك ممكن تعملي فى يقين حاجه يبقي الحب ميلزمنيش أميرة بارتباك : اتفاق ايه انا مش فاهمه حاجه زين بزعيق : لاء فاهمه وعايز افهم انتي ليه عملتي كده أميرة بعياط : عشان بحبك انا المفروض اكون مراتك مش هي انت بتحبني انا ليه تتجوزها هي ليييه زين : وانا كنت بحبك وكنت ناوي أطلقها واتجوزك أميرة : كنت زين : أيوة كنت إنما بعد اما فكرت كويس لقيتك متنفعيش تكوني مراتي مينفعش تكوني أم لولادي ارجوك قوليلي فين يقين ارجوك يا اميرة أميرة : انا فعلا كنت متفقه مع دكتور حاتم بس انا بقالي اكتر من ساعتين بحاول اتصل بيه مش بيرد زين : ليه عملت فيك ايه طب هي ذنبها ايه وهي فين دلوقتي أميرة بابتسامه مزيفه : ذنبها أنها اختي زين : فعلا ده ذنبها الوحيد منك لله يا اميرة ضيعتي اخت كانت بتحبك بجد أميرة بدأت تنهار من العياط فجأة أميرة سمعت صوت مسدچ فتحتها حاتم : عجبتني لعبتك بس انتي كنتي عيزاني اموتها انا بقي خطفتها وتبقي قابليني لو عرفتي توصليلي سلام يا جميل زين بصدمه : كنتي عايزة تقتليها يا اميرة أميرة بارتباك : والله انت فاهم غلط زين بزعيق : بس بقي كفاية كذب أميرة بعياط : أنا عايزة اختي زين : دلوقتي بقت اختك ومن شوية كنتي هتموتيها عادى أميرة : ارجوك كفاية زين : هنتحاسب بعدين يا اميرة الاقي يقين بس وحسابك هيبقي كبير اوى والد أميرة دخل : زين يابني الحقني زين : في ايه يا عمي – يقين بعتتلي رسالة وقالتلي مقلقش عليها هي مسافرة يومين مع اصحابها تغير جو زين : مقالتلكش العنوان – العنوان *** زين : طب أنا هتحرك دلوقتي واروحلها وانت يا عمي بلغ البوليس وقولهم على العنوان – أيوة يابني بس فهمني فى ايه زين بيبص ل أميرة باستحقار : خليها تحكيلك بعد شوية زين والبوليس كانوا وصلوا بس زين قعد يدور فى المكان على يقين مش لاقيها فجأة سمع الضابط بينده عليه الضابط : ممكن تدخل معانا الاوضة دي زين بقلق : ليه الضابط : للاسف لقينا جثة فعايزين نتأكد إذا كانت دي يقين ولا لاء زين : انت بتقول ايه جثة مين الضابط : حاول تهدي احنا لسه مش متأكدين إذا كانت هي ولا لاء تعالى معايا الضابط اخده ودخل جوا ، زين كان بيكذب نفسه وإن مستحيل يقين تكون ماتت اكيد ده مقلب يقين اكيد عايشة زين اول ما شافها كان مبرق : مستحيل الضابط : دي يقين زين فى صدمة : لاء دي الممرضة يتبع… زين فى صدمة : دي الممرضة الضابط : الممرضة مين زين : كانت بتشتغل فى مستشفي ** وبالمناسبة دي تبقي بنت عم الدكتور حاتم الضابط : يعني ممكن يكون هو سبب فى موتها زين : ممكن الضابط : هاتلي كل المعلومات عن اللي اسمه حاتم ده بسرعة عايز اعرف تحركاته كلها فى الفترة الأخيرة ومكلماته وفى أقل من نص ساعة الامين : امرك يا فندم فى مكان تاني ** يقين بزعيق : قولتلك ابعد عنييي يا قاتل حاتم بعصبية : وطي صوتك احسنلك يقين بعياط : انا عايزة افهم انت ليه عملت كده حاتم : عشانها خاينه يقين بصدمة : خاينه ازاى حاتم : بعتت رسالة من تليفونك ل أبوك واكيد زين كان هيجي يقين بعياط : طب ما انت اللي كلمتها تيجي زين : كنت مفكرها هتساعدني بس للاسف كانت عايزة تسلمني لزين يقين بعياط : تقوم تقتلها حاتم : واعمل اي حاجه فى سبيل إني احمي نفسي يقين : انت بقيت قاتل والبوليس دلوقتي بيدور عليك حاتم : مش فارقة يقين : ممكن افهم انا ذنبي ايه وانت تعرفني اصلا منين وليه خطفتني حاتم : كان فى اتفاق بيني وبين اختك انها ترجع لجوزها وانتي تطلقي منه وانا اتجوزك بس هي خالفت الاتفاق ده وكانت عايزاني اموتك ويخلالها الجو مع زين يقين بصدمة : اختي مين ؟ أميرة ؟ مستحيل انت اكيد كذاب حاتم : مش عايزة تصدقي انتي حرهه يقين بخوف : طب انت هتعمل فيا ايه حاتم : هقتلك يقين : انت مش هتقدر تعمل فيا حاجه لو كنت عايز تقتلني كنت سمعت كلام أميرة من الاول حاتم : أميرة كانت صح وانتي كان لازم تموتي من الاول يقين بعياط : ليه حاتم : انا بس عايز اسأل سؤال هو انتي ازاى تتجوزي جوز اختك عادى كده يقين بصدمة : جوز مين ده جوزي انا حاتم بصدمة : يعني ده مش جوز اختك وهو اتجوزك عشان هي مبتخلفش يقين بصدمة : ايه الفيلم الهندي ده حاتم بصدمة : يعني كل ده كانت بتضحك عليا يقين : انا مش فاهمه حاجه حاتم : والله يا اميرة ل اربيك يقين بخوف : انت ناوي تعمل ايه حاتم : هقتلك عشان اختك تبقي تفكر تستغفلني تاني حاتم لسه بيرفع المسدس لقي البوليس داخل عليه الضابط : ارمي المسدس اللي فى ايدك ده المكان كله محاصر زين وهو بيجري على يقين زين بخوف : يقين انتي كويسة يقين بعياط : اه اه كويسة كنت هموت يا زين زين بخوف عليها : بعد الشر عليك المهم انتي دلوقتي بخير يقين بتهز دماغها بالايجاب وهي بتعيط وزين اخدها فى حضنه حاتم بصدمة : انتم عرفتوا مكاني منين الضابط : ازاي تسألنا احنا السؤال ده وبعدين مش ذكاء بردو انك لما تحب تخطف حد تخطفه فى المخزن بتاع ابوك حاتم : انا مخطفتش حد هي اللي اجت برجليها يقين بعياط : والله محصلش الضابط : منغير ما تحلفي يا استاذة يقين تعالوا خدوه يقين : انا عايزة امشي زين : هنمشي حالا يا حبيبتي متخافيش الضابط : لو سمحت يا استاذ زين احنا لازم نيجي معاكم يقين : ليه الضابط : للاسف اختك كانت عايزة تقتلك ودي تعتبر قضية يقين وهي بتبص لزين عايزة تعرف ريأكشنه عامل ازاى وياترى لسه بيحبها ولا لاء زين وهو بيبصلها : يقين انا ميهمنيش اي حد غيرك انتي يقين : عايزة اروح فى البيت **** يقين : اخر حاجه كان ممكن أتوقعها انك تعملي فيا كده يا اميرة أميرة بعياط : سامحيني انا كنت بحاول احافظ على حب حياتي يقين : تقومي تتفقي مع واحد على موتي أميرة بعياط اكتر : انا اسفه الضابط : تعالى معانا يا اميرة أميرة وهي بتبص ليقين : يقين ارجوك سامحيني متخليهومش يخدوني يقين بتبص لبعيد الضابط : تعالى خدها يابني بعد أيام زين : يقين يا يقين يقين بتجري : خلصت اهو يا زين زين : يلا عشان منتأخرش على المحكمه هو فين عمي وفين ماما والد يقين : انا جيت اهو والدة زين : وانا جيت اهو زين : طب يلا عشان منتأخرش ” حكمة المحكمه حضوريا على المتهم حاتم **** بالاعدام شنقاً كما حكمة المحكمه على المتهمه أميرة **** بالسجن عامين رُفعت الجلسة ” بعد ٣ شهور زين : يا يقين بالله عليك ارجعيلي بقي يقين : لاء يا زين انت اخويا زين بيتعصب : اخوكي ايه انا جوزك يقين : و ده من امتى زين : مش مهم من أمتي المهم ان انا بحبك وعايزك ترجعيلي يقين : وانا بحبك زي اخويا وبعدين مش انا عيلة زين : ده انتي ست البنات يقين بابتسامه : بجد زين بثقة : طبعا يقين : مش هتثبتني لاء زين : يعني ايه يقين : يعني تطلقني زين : يعني ده اخر كلام عندك يقين بتحدي : اه ولو سمحت ورقتي توصلي زين بتحدي : مش هطلقك يا يقين يقين : هرفع عليك قضية خلع زين : انتي بتهدديني يقين لسه هتتكلم بس ابوها قاطعها والد يقين : ما تتهدوا بقي انتوا مش عاملين احترام ليا خالص زين : يعني يا عمي عاجبك اللي هي بتقوله ده والد يقين : يابنتي مش ده جوزك اللي انتي بتحبيه ما ترجعيله بقي وخلصيني يقين وهي بتمثل الزعل : اخلصك بقي كده عايز تخلص مني والد يقين : ما أنا عايز اشوف حياتي بقي زين وهو بيضحك : الحقي ابوك يقين : بابا انت قصدك ايه والد يقين بتوتر : اصل انا قررت اتجوز يقين بفرحة : بجد ومين سعيدة الحظ دي زين بضحك : تأكد يا عمي أنها هتكون سعيدة حظ فعلا والد يقين : بس انا خايف ابنها يرفضني زين : هو يطول يناسبك والد يقين : يعني انت شايف كده يا زين زين بثقة : طبعاا والد يقين : متأكد زين بثقة أكبر : شوور والد يقين : حيث كده بقي تسمحلي اطلب ايد امك يتبع… لقراءة الفصل التالي : اضغط والد يقين : حيث كده بقي تسمحلي اطلب ايد امك زين : ينهاااار اسود يقين بفرحة : الله بابا هيتجوز والله طنط يبختها بيك زين : اسكتي انتي كده انت بتقول ايه يا حج يقين : اسكتي انتي يعني ايه اسكتي انتي زين بيحاول يمسك أعصابه : يعني اتهدي يا يقين وسبيني اتكلم مع ابوك زين : انت ضد الفرحة ليه سيبهم يتجوزوا ويجيبولنا نونو صغير زين بعصبية : انتي هبلة انتي عايزة ابوك يتجوز امي ؟ يقين : فيها ايه يعني وانت تطول زين بزعيق : يقين اخرجي بره الموضوع انتي والد يقين : يابني اهدي انا مبطلبش حاجه حرام زين بعصبية : انتوا هتجننوني انت بتقول ايه والد يقين : يابني مش انت كنت دلوقتي موافق اني اتجوز وكنت بتقول انها هتبقي سعيدة الحظ وقولت كمان على ابنها أنه يطول يناسبك زين : ده قبل ما اعرف انك عايز تتجوز امي يقين : طب بص اهدي كده ونجيب العروسة ونسألها زين بعصبية : متقوليش عروسة والد يقين : خلاص يا زين هات امك اسألها زين : طبعا لازم تيجي وهتسمع بودنك أنها مخلصه لبابا الله يرحمه ومستحيل تفكر فى حد غيره والد يقين : ماشي يابني ولو قالت كده اوعدك اوعدك معنتش هجيبلك سيرة الموضوع ده تاني وانتي يا يقين اندهي ل أمه يقين ندهت ل والدة زين والدة زين : اكيد انتوا مش جايبني هنا عشان تفضلوا ساكتين كده زين وهو بيحاول يهدي : بصي يا ماما دلوقتي عمي طالب ايدك فأنا جايبك عشان تسمعيه انك…. والدة زين قاطعته بفرحة : طالب ايدي انا موافقة اكيد زين : شوفت قالت رافض…ايه انتي قولتي ايه والدة زين بفرحة اكتر : موافقة زين بصدمة : يعني أنا سمعت صح والد يقين : ايه رأيكم بقي كتب الكتاب يبقي الخميس الجاي يقين : حيث كده بقي اروح اعملكم الشربات بنفسي زين خرج ورزع الباب وراه يقين بخضه : ماله عدو الفرحة ده اجه اليوم المنتظر ( يوم الخميس ) المأذون : فين وكيلك يا عروسة والدة زين : اطلعي اندهي لزين يا يقين من فوق يقين طلعت بس غريبة لقت الباب مفتوح وزين مش فى البيت بس لقت جواب على الترابيزة مكتوب بخط زين ” انا متأكد انك يا يقين اللي هتقرأي الجواب ده خدي بالك من امي وخلي عمي ياخد باله منها رغم اني رافض الجوازة بس انا متأكد انها هتكون مبسوطه معاكم وسط عيله زيكم وانا وهي محظوظين اننا كنا ضمن العيلة الجميلة دي أنا مسافر والله اعلم هرجع تاني ولا لاء كان نفسي تسافري معايا يا يقين بس انا طالب منك دلوقتي انك تسامحيني عارف اني زودتها اوي معاكي وانتي ملكيش ذنب بس سامحيني وهبقي اكلمك اطمن عليكي كل شوية اشوف وشك بخير ” يقين قفلت الجواب وقعدت تعيط يقين بعياط : ليه كده يا زين ليه تمشي حرام عليك انا كنت هسامحك وهنرجع لبعض تاني ليه والله ل اوريك يا زين يقين مسحت دموعها ونزلت والدة زين : فين زين يا يقين يقين وهي مداريه دموعها : سافر يا طنط والدة زين بصدمة : سافر سافر ازاى وانا ؟؟ يقين : لازم كل حاجه تمشي مظبوطه اكتب الكتاب يا مولانا بعد يوم ** يقين : ممكن حضرتك تساعدني وتشوفلي الرقم ده موجود فين حالياً اصل ده ابن عمي وأبوه بيموت فكنت عايزة أوصله عشان أقوله – لا حول ولا قوة إلا بالله طيب ١٠ دقايق وهجيلك تاني بعدها بشوية يقين خرجت وكان معاها مكانه فقررت تسافرله بعدها بأيام ** زين : ما تستني يا اللي على الباب هي الدنيا طارت زين بيفتح وبيتصدم لما يشوف يقين يقين : مفاجأة يا فوزي زين بصدمة : انتي عرفتي مكاني منين يقين بثقة : عيب عليك ده انا يقين زين : وانتي جاية ليه ياست يقين يقين : يعني بذمتك اسيب جوزي يتفسح لوحده زين : يقين متنرفزنيش انا جاي لشغل يقين : وانا بردو جاية لشغل زين : وشغل ايه بقي يقين : جاية اراقب جوزي زين : وجوزك مش عايز يشوفك يقين : الله يخليك عارفة أنها من ورا قلبك زين : مستفزه والله المهم امي عاملة ايه يقين : اسكت مش هي وبابا بقوا متجوزين فهمي نظمي رسمي خلاص انا بقي مش عارفة دلوقتي انت جوزي ولا اخويا زين : انتي بتقولي ايه يقين : طب ولو جابت نونو ده هيبقي اخويا ولا اخو جوزي زين : يقين انتي جاية تموتيني يقين : بهزر معاك يا جدع زين بابتسامه : يعني انتي موافقة نرجع يقين : لا طبعا انا…. زين ويقاطعها : اتهدي بقي هو أنا جايبك غصب عنك ما انتي جاية بمزاجك يقين : حلو ابتديت تفهم زين بدأ بيقرب منها ويقين بترجع لورا يقين : انت بتقرب ليه زين وبيغمز لها : وماله مش مراتي ؟ يقين : لو قربت خطوة كمان هصوت وهلم عليك الناس زين وهو بيقرب اكتر : ويا تري هتقوليلهم مين ؟ يقين : انت مش محترم زين : الله يخليك فضل يقرب لحد ما يقين اخدت الفازة اللي جنبها وضربتها على دماغ زين ووقع على الأرض يتبع… لقراءة الفصل التالي رواية يقين الزين الحلقة السادسة فضل يقرب لحد ما يقين اخدت الفازة اللي جنبها وضربتها على دماغ زين ووقع على الأرض يقين بخضه : زيييين كان زين فقد الوعي فطلبت الإسعاف وكلمت والدها وولدته يجولها هناك بعد شوية **** والدة زين بخضه : هو حصل ايه يابنتي وماله زين يقين بتوتر : ضربته على دماغه بالفازة والد يقين بصدمة : انتي ازاى تعملي كده يقين : استني نشوف حصله ايه الاول وبعد كده نبقي نتكلم الدكتور خرج والدة زين : طمني يا دكتور الدكتور : الخبطه كانت جامدة عليه فحصله فقدان جزئي للذاكرة يقين : يعني ايه فقدان جزئي للذاكرة ؟ الدكتور : شكل من أشكال فقدان الذاكرة بيؤدي إلى نسيان وصعوبة استرجاع بعض المعلومات القديمة والد يقين : طب مفيش اي علاج الدكتور : إن انتم تساعدوه يفتكر الذكريات دي او أنه يبني ذاكرة ومعلومات جديدة والد يقين : تمام يا دكتور شكراً لحضرتك بعد شوية ** والدة زين : زين يا حبيبي انت فاكرنا ؟ زين وهو بيبصلهم : ماما وعمي ويقين يقين بفرحة : الحمدلله طلع فاكر اهو والد يقين : طب يا جماعة اختبروه فى حاجه تانية عشان نتأكد يقين : زين تاريخ جوازنا كان امتى زين : جواز مين يقين : انا وانت زين : هو أنا متجوز اصلا وبعدين ازاى يقين : ازاى ايه زين : ازاى اتجوز اختي يقين بصدمة : يالهوي انا بقيت اختك ؟؟ الدكتور : يا جماعة قايلكم مش هيفتكر بعض من الذكريات فبالراحة عليه والد يقين : طب هو يقدر يخرج امتى يا دكتور الدكتور : ممكن من دلوقتي لو عايزين زين خرج وراح بيته هو ويقين ، ويقين كانت كل يوم بتقعد معاه بتحاول تفكره باللي ناسيه بعدها بأيام *** يقين بتتكلم فى التليفون : يا بابا بقولك خرج ومرضاش اني أخرج معاه استني كده شكله اجه يقين بتفتحله الباب بتتخض اول ما بتشوف بنت معاه يقين بخضه : مين دي زين بابتسامه : دي نرمين مراتي يقين بصدمة : مراتك ازاى اتجوزتها امتى نرمين : متجوزني يا حبيبتي من ٣ شهور يقين بصدمة : نعم انتي بتقولي ايه وبعدين انا موجهتلكيش كلام ما تتكلم يا زين زين : يا يقين احترمي مرات اخوك شوية يقين بعصبية : انت عايز تجنني قولتلك مليون مرة أنا مراتك مش اختك يعني انت فاكر كل حاجه واشمعنا دي اللي نسيتها زين بابتسامه : وانا مش فاكر يقين : تمام يبقي دي تمشي دلوقتي نرمين بزعيق : لاء بقولك ايه يا حبيبتي انا سكتالك من الصبح ده جوزي وانا مراته لو مش عاجبك امشي انتي من هنا مش هنمسك فيكي ومتنسيش اني بقيت مرات اخوك يعني يبقي ليا احترام يقين : وكمان متجوز واحدة شرشوحه زين بزعيق : بس بقي انتم الاتنين دماغي وجعتني وانتي يا يقين انا بجد مش فاكر حاجه غير انك أختي وبس فلو عايزة تقعدي معانا اقعدي ولو مش عايزة انتي حرهه ومش عايز حد يتكلم تاني نرمين بدلع : تعالى يا حبيبي نرتاح فى أوضتنا يقين بعصبية : شيلي ايدك من عليه ياست انتي وبعدين لمي نفسك نرمين : وانتي غيرانه مننا ليه يقين بتبصلها بقرف : وانا هغير منك انتي زين : خلاص بقي قولت معدش حد يتكلم انا طالع انام نرمين بدلع : وانا جاية معاك يا حبيبي يقين راحت ل ام زين يقين : والله يا طنط ابنك ده شكل موته على أيدي والدة زين : حصل ايه بس يابنتي يقين : ابنك اتجوز عليا أنا والد يقين بخضه : اتجوز عليك ازاى يقين : والله ما اعرف جابلي واحدة كده شرحوشة وبتقول أنهم متجوزين بقالهم ٣ شهور والد يقين : طب وهتعملي ايه يقين بعصبية : هو انتم ازاى مسالمين كده ده بدل ما تجيبولي حقي والد يقين : ما هو لو فاكر انتي مين كنا هنحاسبه إنما المشكلة هو مش فاكر غير انك أخته يقين : بس انا مش أخته وهوريه والله والدة زين : هتعملي ايه فهميني يقين : خليها مفاجأة بعد شوية *** نرمين : مين اللي بيخبط بالطريقة دي وبعدين فين الأستاذة يقين زين : معرفش يا نرمين افتحي كده ونشوف نرمين فتحت الباب لقت البوليس الضابط : ده منزل زين *** نرمين بخضه : اه الضابط : هو فين زين : انا اهو حضرتك فى ايه الضابط : مطلوب القبض عليك زين بخضه : مين اللي مبلغ وبتهمه ايه الضابط : تعالى معانا وانت هتعرف وانتي يا مدام ممكن تشرفينا معاه هناك فى القسم ** زين : ممكن افهم احنا هنا ليه ومين اللي بلغ ؟ الضابط : اللي مبلغ واحدة من زوجاتك بتهمه انك متجوز أربعة وروحت اتجوزت الخامسة يتبع… لقراءة الفصل التالي : رواية يقين الزين الحلقة السابعة زين : ممكن افهم احنا هنا ليه ومين اللي بلغ ؟ الضابط : اللي مبلغ واحدة من زوجاتك بتهمه انك متجوز أربعة وروحت اتجوزت الخامسة زين بصدمة : أربعة مين وخامسة مين أنا متجوز واحدة بس الضابط : والله الكلام ده تقولوا فى النيابه مش هنا زين : يالهوي كمان نيابه طب لو سمحت ممكن اعرف اسمها ايه اللي بلغت الضابط : اسمها يقين زين : طب ممكن اتصل بيها الضابط : اه طبعا حقك بعد شوية ** زين : بقي انتي تبلغي عني يا يقين يقين : معملتش جريمة يعني زين : انتي هتشليني انتي ازاى تقوليلهم اني متجوز أربعة ودي الخامسة يقين : عادى زين : ادخلي بالله عليك قوليلهم الحقيقة يابنتي هتحبس يقين : ادخل اقولهم إن جوزي متجوز عليا زين بعصبية : مش متزفت انتي لو كنتي مهتمه كنتي هتعرفي إن دي بنت خالتي اللي كانت عايشة فى الكويت يقين بصدمة : بنت خالتك ؟ انا مش فاهمه حاجه زين : ادخلي قوليلهم الحقيقة وانا هبقي افهمك فى البيت بعد شوية ( فى البيت ) ** يقين بصدمة : يعني دي كانت لعبة منك زين : ما انتي تعبتيني وبصراحة كانت فرصة بالنسبالي اني انتقم منك يقين : طب والدكتور وبابا ومامتك واللي اسمها نرمين دي زين : بصراحة أنا استخدمت خطه أميرة وروحت اتفقت مع الدكتور أنه يقولك كده اما بالنسبة لعمي ولماما انا كنت متفق معاهم على كل حاجه اما بقي نرمين انا بردو اتفقت معاها وعلفكرة نرمين متجوزه ومخلفه كمان يقين : ماشاء الله يعني كلكم كنتوا عارفين انها لعبة منه وانا طلعت مغفلة زين : ما انتي اخدتي حقك مرتين مرة لما خبطيني بالفازة فى دماغي والمرة التانية لما بلغتي عني وبعدين انا مكنتش عامل حسابي إن اللعبة هتخلص بدرى كده يقين : مدبحتنيش بالمرة ليه بدل انت زعلان أنها خلصت زين : بعد الشر عليك يا كتكوته انا اسف عارف انها لعبة سخيفه مني بس أنا كنت عايز ارجعلك وكنت عارف إن دماغك ناشفه يقين : وانت فكرك دلوقتي هرجعلك زين بثقه : وانتي تطولي ترجعيلي علفكرة بقي البنات كلهم بيجروا ورايا وعايزين اتجوزهم بس انا اخترت واحدة يقين وهي بتمسك رقبته : واحدة مين زين وهو بيحاول يشيل اديها : يخربيتك هتموتيني سبيني اكمل الجملة انا اقصد اخترت واحدة من زمان اسمها يقين ومستحيل ابص لحد فيهم يقين بتبص لوالدها : وانت يا حج يعني شايفني بتعذب معاه عشان مش فاكرني ولما راح اتجوز عليا وكل ده ومهونتش عليك والد يقين : أصل بصراحة أنا كمان كان نفسي تتربي زين بضحك : ناس مني ومن دمي محدش فيهم شال همي يقين : خدت الضربة بجد من اقرب الناس فى حياتي والدة زين : كفاية بقي كئابه الحمدلله انتم الاتنين دلوقتي كويسين ارجعوا لبعض بقي وخلصونا يقين : مش راجعة زين : أما اروح اشوف البنات اللي بتجري ورايا دول يقين : والله يا زين لو اتحركت من مكانك لقتلك زين : شرسه بس بحبك يقين بابتسامه : وانا زين بفرحة : يعني موافقة نرجع ؟ يقين بكسوف : موافقه ___________________________________________________________ يقين : هي دي بقي حكايتي انا وجدكم يا عيال من ٣٠ سنه آسر : بس انتي تعبتي جدو اوى يا تيته زين وهو جاي من وراهم : تعبتني بس دي طلعت عيني مليكه بتحضن يقين : تيته تعمل اللي هي عيزاه آسر : طب يا تيتا انتي مقولتلناش عن خالتو أميرة حصلها ايه ونرمين زين : انتي كمان حكيتي عن نرمين يقين : بص يا حبيبي خالتو أميرة اخدت السنتين بتوعها فى السجن وبعدها خرجت وقررت تستقل بحياتها وسافرت راحت أمريكا وعرفنا بعدها بفترة أنها اتجوزت هناك أما نرمين رجعت تاني الكويت لجوزها هي واولادها آسر : طب وحضرتك يا تيتا دلوقتي مش ندمانه على اختيارك لجدو يقين بابتسامه : دي الحاجه الوحيدة اللي مش ندمانه عليها انا وهو فضلنا عايشين مع بعض بكل حب لحد ما جيبنا امكم اول ما جيبنا حور كنا مبسوطين بيها اوى وربنا مأرادش اننا نخلف غيرها فبقت كل حياتنا وكبرت قصاد عنينا وخلفتكم وانتم بقيتوا أحلى حاجه فى حياتنا والله يا حبايبي مليكه : وانت يا جدو زين : انا معرفتش معني الحب غير لما قابلت جدتكم وبقت كل حياتي آسر : اتمني لما أكبر احب حد كده مليكه : وانا اتمني لما أكبر الاقي اللي يحبني كده زين بضحك : اخدتي بالك من المعني يقين بضحك : أيوة ربنا يفرحنا بيكم يا حبايبي زين : كان نفسي عمي وماما يكونوا عايشين وشايفين دلوقتي بقينا عاملين ازاى يقين بحزن : ربنا يرحمهم اكيد دلوقتي شايفينا وحاسين بينا زين : بس الحكاية لسه مخلصتش يقين : اكيد احنا طول ما احنا مع بعض هيكون فى حكايات مش حكاية واحدة زين بابتسامه : بتحبيني يا يقين لسه يقين : لاء طبعا انا… زين ويقاطعها : اتهدي بقي احنا بقينا أجداد النهاية