أحييت بصيرته من 30 ل 33

رواية أحببت بصيرته للكاتبة مريم نصار الفصل الثلاثون
ف شركة سليم وخالد. سليم: قاعد ف المكتب. واتصل ع مي. مي: ردت الو مستر سليم. سليم: ايوه يامي. عايزك الساعه 2 ونص بالظبط تجهزى غرفة الاجتماعات. مي: بعدم فهم. اوكي يامستر سليم بس انهردا حضرتك المفروض مفيش اجتماع.؟ سليم: انا عارف. لكن مُهاب الوكيل. اتصل وهيكون موجود ع الميعاد. ياريت تجهزى كل حاجه. بنفس مستوى الاجتماع الل فات. مي: اوكي تحت امر حضرتك. سليم: متشكر. مع السلامه وقفل.خالد: وصل الشركه. وطلع المكتب. ودخل ع سليم صحبى يصحبى ههههه. سليم: بحماس متدارى. ابتسم تعالى يافاشل. ها هو فين؟ خالد: ثوانى اهو. تعالى ادخل يا حسن. حسن: دخل المكتب ومتوتر. وقال سلام عليكم. سليم: بمكر. وعليكم السلام ورحمة الله وبركاته. يابو علي. عند فتون. فتون: . خير ياعم ابو سلامه؟ ابو سلامه: انتى قدامك اسبوع واحد وتفضيلى البيت ده.! فاطمه: شهقت وحطت ايدها ع قلبها. وبصت ل فتون بعدم تصديق.فتون: الشنطه وقعت من أيدها. وقالت بصوت مبحوح. ا. انت. انت بتقول ايه يا عم ابو سلامه؟ ابو سلامه: زي ما سمعتى يافتون. انا محتاج الشقه ضرورى. اله بيتى وانا حر فيه.! وياريت نحلها ودي ومن غير مشاكل. فاطمه: بدموع. ايه يمعلم صل على النبى كدا. وفهمنا نفضي الشقه ازاى؟ وهنروح فين؟ دا انا عشت شبابى كله وعجزت ف الشقه دى. دي فيها ذكريات مهران. ليه عايزنا نمشي. عملنا ايه لكل ده؟ابو سلامه: ياحجه فاطمه انتو معملتوش حاجه. بس انا شقتى تلزمنى. فتون: بتمثل القوه. وقالت ماشي ياعم ابو سلامه. هنسيب الشقه. بس بعد 6 شهور واظن ده الل مكتوب ف العقد ودى المده الل باقيه. ابو سلامه: بص ل فاطمه. وقال بصوت عالى. اله جرا ايه ياحاجه فاطمه ماتعقلى بنتك اومال. بقى دي جزاتى انى كنت بستحملك انتى وبنتك بالشهرين والتلاته متدفعوش ايجار.فتون: بصوت جهورى. صوتك مايعلاش ع أمي. وكلامك معايا انا. ولو صوتك على تانى مش هتلاقى منى غير كل وحش وممكن نمشيها قانونى. ابو سلامه: بغيظ مكبت. ماشي يافتون. وكمل بتمثيل. بس انا ممكن اخسر بسببكو. وانتو ماترضوش بكده. طلعت المحامى هيسيب المكتب عشان عايز اوضتين زياده وخلال اسبوع مش اكتر. يعنى انا كدا خسرت ومش هينفع المكتب ده يتآجر شقه دلوقتي بالشكل ده. لازم مصاريف من تانى. وخساير. ووقف حال.وانا زمان قدرتك وقدرت ظروفك بعد وفاة ابوكي. ودفعت من لحم الحى وهديت الحيطه ووسعت الشقه الل جمبك وقللت ليكى الايجار. وباخد النص. وعملت معاكو ب أصلى. ودلوقتي بطلب منكو تسيبو البيت عشان اشوف رزقى ومخسرش اكتر من كده. تقولى لما العقد يخلص؟ هي دي حق الجيره ورد المعروف ياناس. يرضي مين ده ياناس.؟ فتون: اااه قولتلي بقى. الموضوع متعلق بالفلوس؟وانت معملتش معانا معروف ولا حاجه يابوسلامه. انت بتاخد ايجارك ع داير مليم. وحوار الشقه الل انت قلبتها مكتب دى. ده كان بمزاجك لما لقيت طلعت المحامى لُقطه وبيدفع زي ما انت عايز. وانت الل جيت لحد باب بيتى هنا وطلبت مننا انك تاخد نص الشقه عشان المصلحه العامه والدنيا تمشي. ولا نسيت؟وبعدين لو ع حق الجيره الل انت مفكرها جيره. انا لو عندى مكان تانى كنت مشيت انا وامي حالا ومش هستنى حد يفضل عليا. وبعدين مفيش حد بيطلب. انه يسيب الشقه ف اسبوع. بس انا علشان جدعه واجدع من رجاله كتير بشنبات انا هحاول اشوف اى مكان تانى. فاطمه: بتعيط بصمت. ودخلت قعدت ع الكرسي بتعب. وبتبص ع الحيطان والذكريات.ابوسلامه: ضحك بمكر. وقال بتمثيل. وده المعروف عنك يافتون يابنتى. بنت بميت راجل بصحيح وتقدرى حبايبك بجد. شوفى يابنتى انا كمان ناوى اساعدكو وانا عمرى ما هسيبكو كدا ابدا. انا ممكن اوضب الاوضتين الل ع السطوح. وتطلعو فيهم وهنتفق ع ايجار ااقل. ها قولتى ايه؟فتون: بغصه ف قلبها. وبتكابر دموعها. وقالت سطوح؟ واخدت نفس عميق. وقالت لا متشكرين. مستغنيين عن كل الخدمات وانا مش بنتك. انا ابويا مات. وابتسمت بتريقه. كفايه جمايلك علينا لحد كدا. ف حاجه تانى يابو سلامه؟ ابو سلامه: هز راسه اه يابنتى كان ليا طلب عندك. ياريت الشيخ محمد والحج زينهم وأهل الحاره يعنى، ومكملش.فتون: ضحكت بوجع. وقاطعت كلامه. متخافش يابو سلامه محدش هيعرف عشان الناس متاكُلش وشك. بالاذن عشان اقفل الباب. ابو سلامه: بسعاده. تسلمي يابنت الناس الطيبين. بالاذن. ونزل بسرعه قبل ما الشيخ محمد يرجع من الورشه ويشوفه… فتون: قفلت الباب وسندت عليه بضهرها بوجع كبير. وغمضت عينيها ودمعه نزلت ع خدها. وفتحت عينيها. شافت اُمها بتبص ع كل حاجه موجوده حواليها وبتعيط.وصعبت عليها جدا. ولازم يافتون تبقى قويه وتمثلى اللامبالاه عشان خاطر امك ماتتعبش. واخدت نفس عميق ومسحت وشها بايديها. وراحت تقعد جنبها وقالت بهزار. ياااه اما راجل ساقيل بشكل. شوفتى يابطه لما اتمسكن. وبتقلدو. يرضي مين ده ياناس ههههههههه. طيب والله احسن حاجه اننا هنمشي من هنا. هههه.فاطمه: مسحت دموعها. وقالت بوجع. انا مش عايزه اسيب بيتى وزكرياتى يابنتى. ده انا عشت كل حلو ومر ف البيت ده والحيط يشهد ع كدا. انا حاسه انى لو سبت البيت هموت. وعيطت. فتون: مش عارفه تخبى دموعها ونزلت. وابتسمت بوجع. بعد الشر عليكى ياماما متقوليش كدا الله يخليكى. ربنا يبارك ف عمرك.وابتسمت بتمثيل. وبعدين معاكى يابطه. هو يعنى البيت كان مِلك لينا. وع عينك كل الناس الل بتتآجر. بتقعد ف بيت واتنين وعشره كمان. ده حتى التغيير مطلوب. وغمزت ليها. قوليلى بقى تحبى اشتريلك شقه في التجمع الخامس ولا المعادى. انا بقول المهندسين احسن. ولا يمكن عايزه تعيشي ف مدينتى ههههههههه. فاطمه: غصب عنها ضحكت. بتتريقى يابنت مهران.فتون: شافت ضحكتها. هههههههه ايوه طبعا لازم اتريق. ومسكت أيدها وباست عليها. متقلقيش ياست الكل. انا هكلم ام سيد تشوفلنا شقه حنينه كدا. وف نفس الحاره كمان. الشقق ع قفا مين يشيل بس النفس يابطه ههههههههه. فاطمه: ضحكت… فتون: اضحكى يابطه. والله لا تُفرج. وربنا شايل لينا الاحسن. فاطمه: اتنهدت بتعب. ونعمه بالله. وانتى صحيح يابنتى مش هتقولى للشيخ محمد زي ما قالك الراجل عديم الأصل ده؟فتون: هزت راسها لأ ياماما. عم محمد مشغول الفتره دى زي ما انتى عارفه. فرح سحر بعد اسبوعين. ومش لازم يعرف. هنعمل مشاكل من غير داعي. انتى متشغليش نفسك ف التفكير عشان متتعبيش. وابتسمت بحب. وقالت. سيبى الأيام تمشي زى ما ربنا كاتب بالظبط. وهيونها الكريم من فوق سابع سما. فاطمه: ونعم بالله يابنتى فرجهُ قريب. وكملت بتعب. انا هاقوم انام شويه. وبلاش من مشوار الغدا ده.فتون: قلبها بيصرخ علشان زعل امها بالطريقه دي وكمان زعلانه عشان البيت. بس قالت ازاى بقى يا بطه. دى مدام فريده بتتصل علينا من يومين وبتأكد علينا. والست فرحانه اوي. ومينفعش هتزعل مننا. قومى قومي كدا نغير جو. فاطمه: اتنهدت بحيره. وسكتت. فتون: جابت كوباية ميا. اشربى يابطه. اشربى واهدى ووحدى الله. فاطمه: لا إله إلا الله. سيدنا محمد رسول الله. وشربت. وقامت مع فتون.فتون: بتساعد فاطمه. وعينيها متعلقه بكل ركن ف الشقه. وحابسه دموعها. وجواها وجع كبير. واتنهدت وقالت جواها. الحمدلله ع كل حاجه. خليك معايا يارب ماليش غيرك يقوينى ع الل جاى. ياتري هتقدرى تكملى يافتون؟ وساعدت فاطمه ونزلو. وركبو مع حسين يوصلهم. ف نفس الوقت. ف شركة سليم وخالد. سليم: . اقعد ياحسن. خالد: قعد ع طرف المكتب وماسك الظرف. وشاور اقعد ياحسن.حسن: شاف حجم الشركه. وقعد وهو متوتر. وقال احم متشكر جدا. ياسليم بيه. بصراحه خالد بيه قال إن حضرتك عايزنى ف شغل. احم. خير. سليم: مط شفايفه. ورجع بضهره لورا. ورجع بالذاكره. فلاش باك. سليم: اسمع ياطاهر الل هقولك عليه وتنفذه بالحرف الواحد. طاهر: تحت امرك ياباشا اؤمرنى حضرتك.سليم: بعد ما نصلى العصر. عايزك تتعرف كويس ع واحد موجود هنا مع الحج محمد و اسمه حسن. الواد ده عايزك تصورو شوية صور ويكون وشه فيه واضح جدا. ماشي ياطاهر؟ طاهر: امرك يا باشا. بس هعرفه ازاى. دول كلهم رجاله كبيره ف السن. ومعاهم واحد شباب.سليم: اكيد هو ده حسن. وللتاكيد. انا هقولك تعرفه ازاى. احنا بعد ما نصلى انت هتكون واقف جمبى. وتراقب الموجودين واول ما تسمع حد بيتكلم مع حد اسمه حسن هتعرفه. وكمان هتعرفه اكيد لما نطلع فوق ويوصل المقدم أحمد. والكل هيكون واقف بره وهتعرفه. زينهم: رايح ع المسجد. وبينده ياحسن تعالى من هنا الباب التانى مقفول. وحسن رد عليه وطاهر شافه. وقال. اهو ايوه عرفته خلاص. هو الل انا قولت عليه. تمام حضرتك ياباشا.وطاهر: راقب حسن كويس وصوره صور كتير بوضوح من غير ما حد يلاحظ. وبعد كدا. سليم طلب خالد يروحله ع مكتب الفيلا. وقعد خالد: ايه ياعم سليم. عايز ايه انا عايز انام الدنيا اتهدت يعنى ماينفعش تأجل كل حاجه ل بكره. وطاهر واقف كدا ليه. انا مش فاهم حاجه؟ سليم: ههههه افصل شويه. واه الدنيا اتهدت. و لأ. ماينفعش أجل كل حاجه لبكره. خالد: بغيظ. طيب انجز عايز ايه؟ سليم: ها ياطاهر بعت كل حاجه ع واتس خالد باشا؟طاهر: بيقفل الفون. حصل سعادتك. وكل الصور عند حضرته. خالد: حس ببلاها. وهمس صور. سليم: افتح الواتس ياخالد. وقولى شايف مين ف الصور. خالد: فتح الفون. وشاف الصور. وقال بعدم فهم. ده بتهايئلى حسن. ايوه ايوه هو انا افتكر ان حنين شاورت عليه مره وقالت إنه كان… سليم: قاطعه بغيظ. خلااص مش عايز اعرف منك تفاصيل. المهم أنه طلع زفت حسن مظبوط.؟ خالد: تفهم غيرة سليم. وقال ايوه هو حسن.سليم: تمام. وانت ياطاهر امسح كل حاجه عندك. وحالا. طاهر: حاضر ياباشا. وفتح الفون. ومسح كل حاجه ف وجود خالد. سليم: تمام. روح انت ياطاهر. طاهر: تحت امرك ياباشا وخرج. خالد: ماتفهمنى بقى انا مش فاهم حاجه خالص. وصور حسن ده هنا ليه؟ سليم: هفهمك. انت هتاخد صور حسن دى. وعايز منك تعملى فيها شغل فوتوشوب عالى اوى. شغل مسخره شمال يعنى حريم وكدا. فاهمينى. خالد: بدهشه. نعم ياخويا؟سليم: بمكر نعم الله عليك. والصور دي تكون موجوده عندي بكره. خالد: قال بدهشه بكره؟ لا طبعا صعب جدا. والحاجات دى قدامها ع الاقل اسبوع ع ما اجهزها واجبهالك. انا مش فاهم حاجه؟ انت عايز تعمل كل ده ليه؟ سليم: قاعد ع كرسي المكتب. وبص قدامه وقال اسبوع وماله مفيش اى مشكله. انا هفهمك كل حاجه.الواد ده عنده حاجه تخصنى اوى. وعايزها منه. ف انت هتجهز الصور دى. ولما تخلص تتصرف وتجيب حسن معاك بأى طريقه والصور. وتجيلى ع الشركه. وهتكلم معاه بهدوء. وافق وادانى الل يخصنى كان بها. قفل مخه ورفض. يبقى نعرض عليه الصور. ونشوف رائيه ايه؟ وياريت ياخالد متسالنيش حاجة ايه الل عندو؟ لانى مش هقدر اجاوبك دلوقتي. ها قولت ايه؟ موافق؟خالد: شاف ملامح سليم. وشك إن الحوار ده يخص فتون. وقال تمام اصبر عليا بس ده هخلى الواد يعملك فيه شغل ابن تيت. هههههههه. عوده للوقت الحالى. خالد: قاعد ع طرف المكتب. وبيتفرج ع الصور. وقال جواه. ينهار ازرق. ايه كل المُزز دي يابو علي. ليه كدا ياحسن بس. دا انت هتتنفخ. سليم: هز راسه امم فعلا انا كنت عايزك ف شغل. حسن: اتحمس. وانا تحت امرك. شغل هنا ف الشركه. انا معايه بكالوريوس تجاره. وا،!سليم: ع مهلك ياحسن. المفروض الاول تسال عن طبيعة الشغل الل عايزه وهو دايم ولا مصلحة ساعه وخلاص؟ حسن: بعدم فهم. احم بصراحه مش فاهم حاجه. سليم: انا هفهمك. دلوقتي انت عندك حاجه تهمنى وتخصنى شخصياً. وانا عايزها. حسن: بدهشه. نعم؟ حاجه تخصك انت معايا انا؟ حاجة ايه؟ انا بصراحه مش فاهم؟ سليم: شبك ايدو وحطها ورا راسه وقال ببرود. تليفونك!حسن: ها؟ تليفونى انا؟ وبص ل خالد هو ف ايه؟ وانت جايبنى هنا عشان يقولى تليفونى؟ خالد: ببرود. هز راسه امممم تخيل. سليم: مغمض عينيه وابتسم. اهدا يابو علي. انت ديما بتاخد قرارات بسرعه وده غلط. بس حلو جدا ف نفس الوقت. (ويقصد أنه انفصل عن فتون ) وكمل وقال دلوقتي تليفونك وايميل الفيس بوك بتاعك عليه حاجه تهمنى وانا عايزها.حسن: قام وقف. بقولك ايه يا استاذ سليم. مش عشان انت غنى وعندك نفوذ تجبنى هنا وتلعب بيا الكوره. ياتقول كلام أفهمه. يا اما همشي دلوقتي حالا.خالد: اله ما تهدى ياشبح. واسمع للآخر واشترى حياتك. انت مسمعتش عن الحادثه الل حصلت. بيقولك ف واحد فرحه كان بعد اسبوعين. ويوم فرحه رايح يجيب عروسته من الكوافير الل هو دلوقتي اسمه سنتر التجميل. المهم العريس ده اتقتل. ليه بقى؟ عشان ناس مفتريه غنيه وعندها نفوذ طلبو منه طلب وتربس دماغه. ههههههههه. سليم: قاعد وكاتم الضحكه. وقال جواه ممثل فظيع ياض ياخالد. عالمى بجد.حسن: حط ايدو ع رقبته. وبلع ريقه بخوف. احم. هوا، هوا انتو عايزين ايه منى؟ سليم: نفخ بتمثيل. وبعدين ياحسن منا قولتلك ع المطلوب؟ حسن: بتوتر ايوه بس انا مش فاهم ايه الل يخصك وموجود ع تليفونى و الفيس بتاعى كمان.؟ سليم: غمض عينيه بنفاذ صبر وقال وهو مخنوق. الصور المتفبركه لفتون الل جتلك من ميل مجهول. خالد: فتح عينيه ع الاخر بدهشه. وفهم قصد سليم. ومش مصدق صور لفتون!؟حسن: بصدمه كبيره. ايييه؟ وا. انت عرفت ازاى؟ وايه الل عرفك انها متفبركه.؟ سليم: بنفاذ صبر. عرفت زى ما عرفت. المهم دلوقتي. فونك تسلمو ل خالد وهيحذف كل حاجه بنفسه ويتأاكد من إن فونك اتحذف من عليه كل حاجه. وخلص الموضوع. حسن: اااه. انا كدا فهمت. وانا بردو بقول لنفسي واحد بالمستوى ده لازق ف فتون كدا ليه؟ومش بعيد تكون انت الل عملت الحوار ده عشان توقع بينا واسيبها مش كدا بردو؟ انا لازم اقول ل فتون. لازم تعرف كل حاجه. سليم: بتحذير. ‎صدقني انك تقلب الترابيزه عليا. مش هينفعك هقوم أعدلها بهدوء وهلبسهالك في دماغك. وكلامك ده ولا ليه اى لازمه وفي طُرق تانيه كتير انى اخد فونك واعمل الل ف دماغى ومن غير كلمه واحده. بس انا ليا هدف وهو إنك تعرف.حسن: اتوتر. احم. ا. انا مش خايف ع فكره. واعترف وقول انك انت الل عملت كدا.؟ سليم: قام وقف. واتحرك بحظر. ووقف قدام حسن وحط ايدو ف جيبه. وقال. انا مكنتش فاكر انك بالغباء ده. ومع ذلك انا هفضل معاك للآخر. دلوقتي اول حاجه انت وفتون سبتو بعض من قبل ما انا أظهر ف حياتها. هاا وصلت كدا؟تانى حاجه. انا هريحك واقولك مين الل عمل كدا. وهو علاء. علاء ابو سمره. أظن انت عارفه كويس الل طعن مراتك المستقبليه. وهتسالنى عرفت منين. هقولك علاء شرحلى كل حاجه ف الحجز وقت غضبه. اصل انت متعرفش. انى بحب فتون وهنتجوز قُريب جدا. المهم. علاء شرحلى بالظبط انه هو عمل كدا. وأنه فبرك ف الصور وبعتها لحضرتك. وانت بقى عملت ايه؟ قومت انت صدقت ع طول شوية صور اى عيل يشوفها يقول تركيب.وسليم زعق بصوت غضبان. صدقت ع فتووون الل انت متربى معاااها ف نفس البيييت والحاره. صدقت صور وكدبت الحقايق. مع إنك عارف كويس إن علاء من زمان عينيه ع فتون.؟ والمصيبه الأكبر انه عمل معاها مشكله قبل كده وانت بنفسك اتصدرت للمشكله دى وخطبت فتون. يعنى انت عارف وواثق إن علاء واحد قذر وممكن يعمل اى حاجه حتى لو كانت رخيصه عشان يوصل لل هو عايزه. انت ازااااى تشك ف فتون لحظه واحده. ازاااى تصدق عليها حاجه زى دي؟ده انا اتعاملت مع فتون بس فتره مش كبيره. وعرفت قد ايه انها بنت بميت راجل. بنت بتتحمل المسؤوليه كامله. بنت متربيه وف منتهى الاحترام قدرت ف وسط غابه احنا عايشين فيها تحافظ ع نفسها. فتون استثنائيه بكل ما فيها. فتون محدش يشك فيها. عارف لييييه؟ عشان ماينفعش انها يتشك فيها.! بس عارف احسن حاجه حصلت ايه؟ انك اتعاقبت وفتون مش من نصيبك. لانها لو كانت كملت مع ندل ذيك كانت هتندم كتير جدا. وانا كنت هخسر.وسليم قال بحده. وده هدفى انك تعرف كل حاجه والحقيقه. لانى مش هسمح لأى كلب يشك ف فتون فااااهم. حسن: بيسمع. واتخض من هجوم سليم وصوته العالى. واتفاجئ أنه اعترف بحبه لفتون. واتغاظ من سليم انه اهانه وشتمه. وبعدها خاف. وقال برهبه. والله انا لما شوفت الصور الدم غلى ف عروقي. واتصلت عليها وبعتلها رسايل وهي مردش عليا.وبعدين خلاص الل حصل حصل. وانا من ساعة الحادثه. اتوقعت إن علاء ليه يد ف حكاية الصور. وانا ظلمت فتون. ومستعد اتأسفلها. بس سبونى ف حالى. انا راجل فرحي بعد اسبوعين. وعايز استقر في حياتى. سليم: ضحك بسخريه. الدم غلى ف عروقك؟ انت فعلا لو زى ما بتقول كنت استنيت لما ترجع. واول ما رجعت اتكلمت مع فتون وتوريها الصور تشوفها بعنيها وساعتها كانت كل حاجه هتبان. مش تبعت ليها الدبله مع صحبك. ههههه ونعم الرجوله.حسن: اله وبعدين يا استاذ سليم مابلاش غلط. وحب يدايقه. وقال وبعدين ما انت طلعت عارف كل حاجه اهو. ده انت كأنك عايش معانا ف الحاره. ده انا ع كدا أعاتب فتون بقى انها بتحكى للغريب ولا ايه؟ سليم: فهم قصد حسن انه هيقول لفتون إن سليم كلمه. وابتسم بتمثيل. أمممم لأ تمام. ما انت دماغك شغاله اهو. مشغلتهاش ليه ع علاء الل علم عليك؟ المهم مش موضوعنا. طلع الفون بتاعك وسلمو ل خالد.حسن: بغيظ. ولو معملتش كدا. هتقتلنى؟ سليم: هز راسه تؤ مش سكتى ولا اسلوبى ولا طريقتى. ده حتى الل بيموت بيستريح انا اريحك ليه؟ انا بس هخليك تمشي تلف حوالين منك. وهعيشك ف رعب حقيقي. ومتختبرش صبرى اكتر من كده. وطلع الموبيل أنجز. حسن: خايف بس بيثبت العكس. انت ولا هتقدر تعمل حاجه. انت لو كنت قدرت تاخد منى التليفون كنت عملتها. وبعدين اسف مفيش تليفون. والصور انا هبقى امسحها. سليم: نفخ بديق حقيقي. وزعق خاااالد.خالد: اؤمرنى ياكبير. سليم: هات الظرف. خالد: اتفضل ياكبير 24 صوره ينهار ازرق ع جمالهم. ابو على اتسلم تسليم أهالى هارد لك ياسونه. حسن: واقف ومش فاهم بيتكلمو ع ايه؟ سليم: اخد الظرف بنرفزه. وفتحه ومسك كل الصور ورماها ف وش حسن. وزعق امسك دى بس البدايه. حسن: الصور وقعت واتوزعت ف الأرض. وشاف صورو مع بنات ومش كويسه بالمره. حسن تنح ومسك صوره وبيبص ع شكله ف الصوره وقال ايوه ده انا!؟واتصدم بزهول. وعينيه تايهه بين الصور. وشالهم كلهم. وقام وقف. واتكلم بدهشه ا. انت الل عملت كدا؟ ينهار اسو، ا. انا معملتش حاجه. دى متفبركه. ايوووه دى مش حقيقه. انا هوديكو ف ستين داهيه. انا هبلغ عنك انت وهو. خالد: تؤ تؤ. ماتهدى ياشبح. انا بنفسي هروح معاك القسم وانت بتقدم البلاغ. وتقرير صُغير كدا. يثبت إن الصور دى حقيقيه.سليم: واعمل حسابك انك مش هتسافر بره مصر. ولو نَشفت دماغك معايا. انا هبعت صورك دى لاهل الحاره كلها. ومش بس كدا. الصور دى وغيرها كمان هتكون موجوده عند الكفيل بتاعك بره مصر. وتبقى قابلنى لو اشتغلت. خالد: ضرب كف ع كف. صلوا ع النبى يجماعه مش كدا. وانت ياحسن اخذى الشيطان. وبعدين لو ع تليفونك انا ف ثانيه ممكن احل الموضوع. واهكرو بس احنا مش عايزين خساير. وبعدين هو انت مش كاتب كتابك ع الانسه سحر؟ازاى عندك صور ع فونك لبنت تانيه؟ ويسلام لو سحر شافت صورك دى دلوقتى. يلا يلا اهدى كدا وهات الفون. هحذف وخدو. واتكل ع الله الموضوع بسيط والله ياجدع. حسن: بينهج بغيظ. وقال. وانا ايه الل يضمنلى انك مش هتبعت الصور دى لحد؟ سليم: انت مش مهم بالنسبالى عشان اشغل دماغى بيك!بس انا هقولك حاجه واحده. لو فتون عرفت بالل حصل ف المكتب هنا؟ اقسم بالله هدمر مستقبلك وحياتك كلها. فاااهم. واخلص عندنا شغل انت اخدت اكتر من وقتك. حسن: خاف حرفياً من تهديد سليم. وطلع الفون وفتحه واداه ل خالد. خالد: مسك الفون. وفتح الفيس بوك. ودخل ع الشات. سليم: جواه بركان نار. علشان خالد هيشوف صور فتون. لكن مجُبر. خالد: شاف الصور واضايق جدا. وحذفها كلها.ودخل ع الاستوديو. وحذف كل الصور الموجوده. والواتس وفتش ف الفون كويس جدا. وضمن انه الصور مش هيعرف يرجعها تانى بعد ما اتمسحت. وبعد ما خلص. سلم الفون ل حسن. امسك يا حسن. حسن: شد الفون بنرفزه. وقال انا مش هقول حاجه ل فتون. بس انت ماتبع، ومكملش. خالد: شاف غيرة سليم ع وشه وأنه مخنوق جدا. وقطع كلام حسن خلاص ياحسن اطمن الموضوع مكنش مستاهل كل ده. وعيش حياتك طبيعى. والف مبروك مقدما.حسن: هز راسه تمام. شكرا. واخد الصور وخرج من المكتب وهو متنرفز. سليم: واقف مخنوق جدا. ومش عارف صور فتون كانت عباره عن ايه؟ وخالد شافها وحسن وعلاء وده مضايقه جداااا. خالد: حس بيه وقرب منه. وحط ايدو ع كتفه. ع فكره ياسليم انت كبرت الموضوع. انت كان ممكن تقولى وانا هتصرف من غير شوشره. سليم: بخنقه. ماينفعش ياخالد. ما انا كان ممكن اتصرف واخد موبيل حسن ونمسح كل الل عليه ومن غير ما يعرف.بس لأ مش ده الل انا عايزه. انا عايز حسن يعرف الحقيقه. مش هسمح إن فتون تكون موضع شك لأى حد. حتى لو الحد ده تافه زي حسن. وبعدين خلاص الموضوع خلص ياريت منتكلمش فيه. خالد: انا مقدر خنقتك الل انا شايفها دي وعارف سببها. انت غيران من انى شوفت الصور. بس انا هريحك. صدقنى الصور عاديه جدا. وفتون لابسه حجابها والاسدال كمان. هي بس ملعوب فيها كأنها واقفه بتضحك مع علاء مش اكتر.وخالد مرضيش يقولو ع صورة علاء وهو بيميل ع ف حضن فتون. سليم: انت متأكد ياخالد؟ هي دي فعلا الصور.؟ خالد: ايوه متأكد. ده شغل عيال ياعم. سليم: اتنهد باريحيه. وهدى شويه. مي خبطت ودخلت. مستر سليم مستر خالد. الاستاذ مهاب الوكيل موجود في غرفة الاجتماعات. وف الانتظار سليم: هز راسه. تمام يامي. انا وخالد رايحين نقابله. خالد: بعدم فهم. مهاب الوكيل؟ واجتماع؟ ايه يسطى انت بتشتغل من ورايا ولا ايه؟سليم: ابتسم. تعالى بس عندى ليك خبر حلو جدا. هتعرفه ف الاجتماع. خالد: ساعد سليم وخرجوا للاجتماع. ف شركة بدر الدين. شريف: بيمر ع العمال. وبيباشر شغله. نظيم: ايه رايك ياشريف باشا ف النظام الجديد؟ شريف: هز راسه لأ تمام الله ينور عليك. انا عايزك ديما تكون مفتح للصغيره قبل الكبيره. نظيم: تحت امرك ياشريف باشا مفهوم. بس عندى سؤال صغير وبصراحه خايف أسأل حضرتك تتعصب عليا. شريف: بيشرب سِجار. خير يا نظيم؟نظيم: بتوتر. ف ناس بتقول إن مصنع الحديد بتاع حضرتك بيخسر. والعمال ممكن تمشي. شريف: اتنهد. فعلا يانظيم. دى حقيقه. بس انا هتصرف. ويلا بطل كلام كتير. وراجع ورا العمال. وسابه ومشي وهو مخنوق. وطلع ع المكتب وقعد ع الكنبه بخنقه كبيره. داليا السكرتيره: خبطت ودخلت. مستر شريف. شريف: مسح وشه بايديه. خير يا داليا؟ داليا: بتوتر احم. حضرتك انا اسفه جدا. بس كنت عايزه اقدم ع اجازه.شريف: صك ع اسنانه بغيظ مكبت. اجازه ليه ياداليا؟ وكام يوم يعنى؟ داليا: بخوف. اجازه شهرين يافندم. شريف: بنفاذ صبر. شهرين؟ ليه؟ داليا: مستر شريف. انا قبل كده بلغت حضرتك انى هتجوز قريب. شريف: بتفكير. ايوه. ايوه انتى فعلا قولتيلى. طيب يستى مبروك. داليا: ابتسمت ميرسي لحضرتك. وعقبالك إن شاء الله. شريف: بصلها بتحذير شديد. داليا: نزلت راسها بسرعه واتوترت. ا. انا اسفه جدا يافندم.شريف: بجمود. قبل ما تاخدى الاجازه تشوفي اى سكرتيره مؤقتا وتكون ف نفس كفائتك. وتعريفها كل حاجه عن نظام شغلى تمام؟ داليا: حاضر. تحت امرك يافندم. شريف: تمام. كلمى مصطفى هوارى بجيلى ع الشركه. واتفضلى ع شغلك. داليا: هزت راسها وخرجت بسرعه. شريف: قام بغضب. ومسك طفاية السجاير وحدفها بعيد بغيظ واتكسرت. فيلا بدر الدين. فتون وفاطمه دخلو الفيلا.فريده: بتضحك بسعاده. وبترحب بيهم. اهلا اهلا الفيلا نورت والمنطقه كلها نورت بوجودكم. وبتسلم على فاطمه. فاطمه: منوره بأهلها ياست فريده. تعيشي ياحبيبتى. فريده: بنفس السعاده. قربت من فتون وحضنتها. اذيك يافتون وحشتينى اوى. فتون: ابتسمت بحب. اهلا يامدام فريده. انتى اكتر. عامله ايه دلوقتى؟ فريده: بتشاور اتفضلو اقعدو. وقالت أنا الحمد لله تمام اوى. ومبسوطه جداااا انى شوفتك انتى والحاجه فاطمه انهردا.فاطمه: تسلمي وتعيشي يارب. فريده: ربنا يحفظك ياحاجه. وبصت ل فتون. وقالت مع انى زعلانه منك يافتون. فتون: بعدم فهم. ياخبر زعلانه منى انا؟ طيب ليه بس؟ فريده: اسبوع كامل ماشوفكيش فيه؟ ولا تكلمينى غير مرتين بس؟ كلهم ابتسمو.فتون: ابتسمت. غصب عني والله انتى عارفه الظروف الل كنت بمُر بيها. والجرح ومكنش ينفع اسيب الحاره وأخرج اليومين الل فاتو. بس خلاص من انهردا هتشوفينى كل يوم. هرجع الشركه. وكمان هتابع مع سليم. يعنى هتزهقى منى. ههههه. فريده: بحب. انا ازهق منك. انتى متعرفيش انا بحبك قد ايه؟ والله بحسك بنتى بالظبط. وانا عارفه ياحبيبتي الظروف الل انتى فيها. والحمدلله عدت ع خير. وربنا يحفظك ف كل خطوه.فتون: بحب. ربنا يبارك ف عمرك. وحضرتك مقامك كبير اوى عندى. فريده: تسلمى لقلبى يارب. ها بقى تحبه تشربوا ايه؟ فتون: لا ولا حاجه. فريده: ودى تيجى بردو؟ انتى عايزه سليم يزعل مني. فتون: قلبها دق. احم يزعل من حضرتك ليه؟ فريده: بمكر. تصدقى بالله ياحبيبتى. فتون وفاطمه. لا اله الا الله. فريده: إن سليم ابنى طول الاسبوع ده مكشر وعصبى. حتى القهوه بتاعته بيطلبها وهو ف اوضته.يروح الشغل مكشر. ويرجع مكشر. من الآخر كدا كان منكد علينا. بس انهردا بقى. لقيته نازل ومتشيك. وفطر معايه كمان. وقالى بتحذير وبتقلدو. فريده. فتون وبطه جايين ع الغدا انهردا. ومش عايز اي غلط. ههههههه.ونده ع عزيزه. ونبه عليها تعمل اكل خفيف مخصوص علشان بطه هههه. وقال اعملى اصناف كتير جدا عشان أنا مش عارف فتون بتحب ايه؟ وانا قاعده اتفرج عليه. بس بينى وبينك. قلبى كان مبسوط اوى. لما شوفت سليم ابنى بالحماس ده. وبعدها قام من ع الفطار وخارج. رجع تانى. وقالى متتصلى ع فتون. واسأليها بتحب ايه وعزيزه تعمله. ههههه فاطمه: قاعده ساكته وسرحانه.فتون: بتسمع وقلبها بيدق. واتكسفت جدا. ووشها احمر. ومش عارفه ترد. احم. وقامت وقفت. انا ممكن اروح اساعد عزيزه. فريده: شهقت. ياخبر عيب يافتون انتى جايه تشتغلى؟ اقعدى ياحبيبتى. ده انتى الله يكون في عونك. سليم مجهزلك ملفات كتير ف المكتب. تحوليهم ل برايل. اقعدى بقى وقولى تشربوا ايه؟فتون: بتوتر. ولا حاجه صدقينى. وإن كان ع الملفات سليم قالى عليها. هساعد عزيزه شويه وبعدها ادخل المكتب اشتغل شويه. اصل بصراحه حرام عزيزه الشغل كتير عليها. فريده: ابتسمت بحب. وقالت قلبك كبير اوى وطيب يافتون. عموما يستى عزيزه مابتعملش حاجه غير شغل المطبخ. وحجات بسيطه ف الفيلا. اما نضافة الفيلا فوزيه مرات محروس. بتيجى ع طول تنضف وتروق.فتون: ربنا معاهم يارب. بس بجد لو ف حاجه ف المطبخ اعملها. اهو ايد ع ايد تساعد. فريده: هترفض. بس جاتلها فكره. وقالت. متتعبيش نفسك. الاكل قرب يخلص. بس مش باقى غير المكرونه بالصلصه البيضا. بصراحه سليم ابنى مُغرم الاكله دى بيحبها اوى. فتون: بحماس. وانا كمان. وضغطت ع شفايفها. احم انا قصدى انا بعرف اعملها. وابتسمت بحرج. ممكن اروح اعملها انا؟فريده: بمكر. وماله زى ما تحبى. وندهت ع عزيزه. وقالتها. فتون هتعمل المكرونه بتاعة سليم. انتى كملى باقى الاكل. عزيزه: ابتسمت. تحت امرك يا هانم. اتفضلى معايا يا استاذه فتون. فتون: استأذنت وراحت ع المطبخ. لاول مره. وانبهرت. وقالت ماشاء الله اللهم بارك. بسم الله ماشاء الله. عزيزه: بعفويه. راحت حضنت فتون. اذيك يا استاذه فتون. وحشتينا اوى. البيت من غيرك وحش.فتون: ضحكت. وحضنتها. وانتى كمان ياعزيزه وحشتيني اكتر. وطلعت من حضنها. عامله ايه يا عزيزه؟ عزيزه: الحمدلله انا زى الفل. ثوانى احضرلك الطلبات. فتون: لأ لأ ماتتعبيش نفسك. كملى انتى عشان معطلكيش. انتى بس قوليلى الحاجه فين. وانا هتعامل. عزيزه: . خلاص زى ما تحبى. فريده: قاعده. وبصت ل فاطمه وسرحانه خالص. وواضح عليها الزعل. وقالت. مالك ياحاجه فاطمه؟ من ساعة ما جيتى وانتى ساكته ومش معانا خالص؟فاطمه: انتبهت. واتنهدت بحزن. ابدا ياحبيبتى مفيش حاجه. متأخذنيش شردت شويه. فريده: لأ لأ. ده واضح عليكى اوى إن ف حاجه كبيره مزعلاكى. قوليلى ياحاجه فاطمه. احنا اخوات. ف حاجه حصلت؟ فاطمه: بحزن. اقول ايه واعيد ايه بس؟ فريده: حطت ايدها ع ايد فاطمه. حلفتك بالله ماتخبى عليا. شاركينى همك ووجعك. ولا انتى لسه بتعتبرينى غريبه عنك؟فاطمه: شهقت بسيط. اوعى تقولى كدا يافريده يختى. ربنا يعلم مكانتك جوه قلبي زى الاخت واحسن. بس كل الحكايه إن ذكرياتى خلاص هتختفى. كل ضحكه وصدى صوت بسمعه ف بيتى خلاص مش هسمعه تانى. وكملت بدموع. صاحب البيت عايزنا نسيب الشقه خلال اسبوع واحد. وعيطت بصوت مهموس عشان فتون ما تسمعش. فريده: بدهشه. ايييه؟ تسيبو البيت؟ طيب ليه؟ فاطمه: بدموع حزن. انا هقولك الراجل لما خبط علينا…فتون: فرحانه إن سليم بيحب نفس الاكله المفضله ليها. وبتعمل الاكل بحماس وحب كبير. وبتبص ف الساعه. وكانت 3. وضحكت بصمت ع تصرف سليم الصبح مع فريده. وقالت بطريقه غير مباشره. احم قوليلى ياعزيزه. هو سليم راح الشركه متأخر انهردا؟ عزيزه: ضحكت. ابدا ده صاحى من النجمه. ونازل لابس حتة بدله تقوليش عريس الله اكبر عليه. ونازل يضحك ومبسوط. وكل شويه تعالى يا عزيزه. اعملى احلى اكل ياعزيزه. روحي ياعزيزه.جهزى عصاير كلها فريش. اسمعى ياعزيزه الفيلا كلها عايزها بريحة اللافندر. ومش عايز غلط ياعزيزه. بصي خلانى الصبح عينى ف وسط راسي. هههههههه. بس احسن بكتير من عصبيته يختاااى. يجعل كلامنا خفيف عليه. فتون: قلبها هيطلع من مكانه. وضغطت ع شفايفها بلخبطه. وغمضت عينيها واخدت نفس عميق بسعاده كبيره. وانتبهت للأكل وبتعمل فيه. وعايزه الوقت يعدى بسرعه البرق علشان تشوفه. ف شركة سليم وخالد.ف غرفة الاجتماعات. كلهم بيضحكو ومبسوطين. بعد نهاية الاجتماع. مُهاب: ههههه والله انا بجد مبسوط جدا انى اتعرفت عليك ياسليم انت وخالد اكتر من المشروع نفسه. سليم: حبيبى يامُهاب باشا ده شرف لينا طبعا. وخصوصاً إن خالد هينسيك الوقت معانا. وانا بحذرك منه من دلوقتي ههههههه. خالد: بيمثل البراءه. ربنا يسامحك ياسليم. دا انا مفيش اطيب من قلبى.مُهاب: ههههههه فعلا ياخالد. ودى حقيقه واضح انك قلبك ابيض وعفوى وصريح جدا. وده النوع الل بفضل التعامل معاه. خالد: يسلام. اهو دا الكلام الل يرفع المعنويات. وبص ع سليم بشرز وقال مش يجيب احباط. سليم. ومُهاب ضحكو. مُهاب: قام وقف. طيب ياجماعه انا لازم انزل ع الشركه. وزى ما اتفقنا وإن شاء هيبقى مشروع الموسم. انا اتشرفت بالتعامل معاكم.سليم: قام وقف. الشرف لينا احنا. وإن شاء الله هتشوف ابعاد المشروع ده خلال 6 شهور بس. اهم حاجه اننا هنبدء من بكره لأن مفيش وقت. مُهاب: هز راسه تمام وانا معاك. خالد يقابلنى ونروح نشوف المُعدات والطلبات اللازمه ونتفق ونخلص كل حاجه. ها ايه رايك ياخالد؟ خالد: انا معاك ف اى مكان. سليم: ابتسم. يبقى ع خيرة الله. مُهاب: سلم عليهم وخرج. سليم: ولا يا خالد؟ خالد: ارغي ياقمور.سليم: خبطه ع كتفه. حط ملف المشروع في الشنطه. علشان هاخدو الفيلا علشان فتون تحوله برايل. خالد: بيحط الملف وغمز ايوه بقى. فتون جايه انهردا. اتاريك مستعجل. سليم: ياض متبقاش بارد. بقولك ايه. تعالى اتغدى معايا انهردا. خالد: لا يانجم اعتذر وبشده. انا اخيرا عازم حنين ع الغدا انهردا. مش فاضيلك. انا ورايا اعترافات عاشق ولهان. عقبالك لما تعترف انت كمان. مش ناوى بقى تقولها.سليم: اتنهد. مش عارف ياخالد. كل لما احاول وارتب كل الكلام الل هاقوله الاقى كل حاجه اتبخرت. اصعب اعتراف عليا بجد مخنوق جدا. خالد: ههههه قصدك مكسوف جدا. جرا ايه يا عم الملاك الحارس. هو ف ملاك بيتكسف ههههههههه. سليم: نفخ بنفاذ صبر. ياغبى افهم. ده احساس داخلى. وانا بتكلم مع مين؟ يلا يلا عشان عايز اروح. وبيلبس ف جاكت البدله. خالد: ساعده وخرجوا.سليم: ماشي وجواه لهفه غير عاديه. ونفسه يوصل بسرعه علشان يسمع صوت حبيبته عن قُرب. وركب العربيه مع طاهر واتحركو. خالد: سايق العربيه. وبيشوف الفون. وقال ايه ده؟ مصطفى هوارى اتصل 4مرات. لما اشوف عايز ايه. واتصل عليه. ورد الو مصطفى باشا. مصطفى: ايه ياعم خالد اخيرا شوفت اتصالى. خالد: اسف جدا والله كنت ف اجتماع والفون ع الصامت. المهم خير انا استغربت للاتصال.مصطفى: ليه ياعم مستغرب. عموما هريحك. عملت ايه في حوار الانسه فتون؟ كلمتها؟ خالد: بتمثيل. ايوه طبعا كلمتها. مصطفى: بلهفه. ها وقالت ايه؟ خالد: والله ياباشا انا لسه بقولها مصطفى هوارى. عايز يقابلك ف مكان خاص. لقيتها اتحولت وشتمتنى تخيل. مصطفى: مش معقول؟ خالد: انا كمان اتصدمت زيك كدا. دى بهدلتنى. مصطفى: بضيق. يعنى حتى مايمشيش معاها عرفي. خالد: بخنقه. عرفي مين؟ دى تاكلك وتاكلنى. بقولك ايه فكك من الحوار ده.مصطفى: امم ماشي. طيب انا كنت عايز اتكلم مع سليم بخصوص المشروع الجديد. خالد: لا خلاص الباشمهندس مهاب الوكيل وافق ع المشروع واتفقنا ع كل حاجه. مصطفى: صك ع اسنانه بغيظ مكبت. اممم والله الف مبروك. خالد: الله يبارك فيك. وقفلو. وخالد شتم عليه. عرفي قال؟ ليه مفكرها ايه. ده لو سليم سمعك كان هيبقى ليلتك زرقا. فصلتنى الله يحرقك ياشيخ. بعد ساعه.سليم: وصل الفيلا. وداخل مستعجل. كأن البيت اكتمل بوجودها. وسمع صوت فريده وفاطمه. وقال مساء الخير. وقرب من فريده وباس ع راسها. فاطمه: ابتسمت. اهلا مساء النور. اذيك يا سليم يبنى؟ سليم: ابتسم الحمد لله. اذيك انتى يا بطه. وانا اقول الفيلا منوره ليه انهردا. والنور ضرب ف عينى ههههههههه. فريده: ضحكت من سعادة ابنها. فاطمه: ضحكت. منوره بيك ياضنايا. وإن شاء الله هيكرمك ويرجع النور ل حياتك. قادر ياكريم.سليم: اتنهد إن شاء الله كله خير. وغمض عينيه وقلبه قال هي مش موجوده معاهم ليه؟ روحتى فين؟ وقال احم اومال فتون مجتش معاكى ولا ايه هههههه فاطمه: لا طبعا ودى تيجى. هي قالت هتشتغل. سليم: بعدم فهم تشتغل؟ فريده: ايوه ياحبيبى. هي ف المكتب من ساعه تقريبا. بتحول الاوراق بتاعة شغلك. قالت هتسلى شويه يكون سليم جه وتابع شغله.سليم: قلبه دق. وهرش ف خدو. احم ايوه فعلا انا قولتلها كل حاجه متوقفه عليكى. طيب ياجماعه خدو راحتكو. وانا هروح اديها باقى الاوراق. بعد اذنك يابطه طبعا. فاطمه: اتفضل يبنى اذنك معاك. سليم: قلبه بيرقص واتحرك ف اتجاه المكتب. فتون: قاعده مركزه. وبتكتب الملفات. والباب خبط. وقالت تعالى يا عزيزه. سليم: فتح الباب ودخل وابتسم وقال لازم عزيزه ميمشيش معاكى. سليم؟فتون: رفعت عينيها ليه. وضحكت بسعاده. وقامت وقفت بتوتر. ودقات قلبهم مسموعه. سليم: عرف مكانها وقرب منها ووقف قدامها. اذيك يافتون؟ فتون: بتتنفس بصوت مهموس وحطت أيدها ع قلبها الل بيدق جامد. وقالت بصوت مبحوح. ا. الله يسلمك. احم حمدالله ع سلامتك. سليم: اتنهد بحب كبير. الله يسلمك. وسرحان وبيعد أنفاسها المتوتره.فتون: واقفه متوتره وعينيها متعلقه بيه. وبتاخد اسكرين لكل تفصيله من ملامحه. وقد ايه كان واحشها جدا. الاتنين واقفين ساكتين وكل واحد بيعشق التانى بطريقته الخاصه. فتون: انتبهت. وقالت بتلعثم. هوا، ا. انا الملفات. سليم: فاق ع صوتها. وابتسم ع لخبطتها. ونفسه يقولها وحشتينى اوى. وقال احم. ايوه فريده قالت انك بتحوليها. بس ليه اشتغلتى دلوقتي؟ انتى جايه تقضى وقت.فتون: كدا احسن. بصراحه قولت الشغل هيتراكم عليا. وعشان كمان انت تباشر شغلك من غير ما حاجه تعطلك. عموما باقى ملف واحد. سليم: هز راسه تمام. خدى يافتون الشنطه دى وطلعى منها ملف لونه ازرق. فتون: حاضر. واخدت الشنطه وطلعت منها الملف. ده كمان هيتحول. سليم: هز راسه ايوه. بس قبل ما تحوليه مش تعرفى ده ملف ايه؟ فتون: بعدم فهم. عادى يعنى اكيد شغل مهم؟ سليم: ومش اى شغل. افتحى الملف يافتون وشوفى.فتون: بتعجب. حاضر. وفتحت الملف. وبتقرا. وفجاءه شهقت بفرحه كبيره جدا. وقالت ده المشروع الجديد. ايييه ده؟ والل وافق عليه رجل الأعمال مُهاب الوكيل. الل انت كنت عايزو هو بالذات يوافق عليه. بجد انا مبسوطه اوى انك نجحت. الف مبروك.سليم: حب فرحتها اوى بشغله الجديد. وقال الله يبارك فيكي. انتى متعرفيش ضخامة المشروع ده لما يتنفذ هيوصلنى انا وخالد لحته تانيه خالص. ومُهاب الوكيل الوحيد الل انا بثق فيه مع أنه أول تعامل ما بينا. لكن انا عارف كل حاجه عنه وراجل كلمته سيف وضمان. وانه يوافق ف دى خطوه كبيره جدا ليا و ل خالد. وده كله بفضل ربنا ثم انتى.فتون: بتدعيله بقلبها. وقالت بفضلى انا؟ ليه بتقول كدا. هو المشروع ده فكرتى؟ انت الل فكرت وخططت وانت إن شاء الله هتكون قدها. انا معملتش حاجه. سليم: بالعكس انتى عملتى كل حاجه. انتى رجعتى الثقه فيا من جديد. نورتى بصيرتى. انتى غيرتى مسار تفكيرى. رجعتيلى حبى للحياه من تانى. وانتى الوحيده الل خليتى قلبي يدُ، وسكت ولعن نفسه لأنه مش عارف ايه الل بيحصله قدامها.فتون: اتكسفت جدا. وقلبها دق ووشها احمر. واتوترت رغم أنها كانت بتتمنى أنه يكمل ويقول قلبه بيدق علشانها. وقالت بتوتر احم. انا هحولك الملف ده الاول. والملف التانى بعد منه. سليم: هز راسه تمام. ا. انا هطلع اغير هدومى. تكونى انتى خلصتى علشان نتغدى تمام. فتون: بحرج. تمام. سليم: متلخبط. وخارج وجواه شعور جميل جدا. ونفسه يوصلها إحساسه. وطلع اوضته يغير هدومه.فتون: قعدت مكانها بسرعه. وحطت أيدها ع قلبها وبتنظم أنفاسها وبتهدى ضربات قلبها. وقالت لنفسها. ايه الل بيحصلى ده؟ ع قد ما دقات قلبي احساسها جميل. لكن مخيف جدا بعد كده. بس بجد انا مبسوطه اوى لنجاحه. وباست الملف بفرحه إن شاء الله هتكون وش السعد ع سليم. وكمان خالد وحنين. اما الحق احولك بقى. ع الاله الكاتبه. وبدءت تشتغل بحماس كبير. بعد شويه. سليم: نزل. وقعد مع فاطمه يتكلم معاها. ويرحب بيها.بعدها. شريف جه. وسلم عليهم ورحب عادى جدا. ومخبى خنقته جواه. وطلع يغير هدومه. ونزل. عزيزه: جهزت السفره بطريقه جميله جدا. لانها بتحب فتون ومعاملتها ليها. وقالت ل فريده الغدا جاهز. فتون: خلصت الملف. وخرجت. وفريده شاورت ليها. والكل قعد ع السفره. فتون وفاطمه قاعدين جمب بعض. وسليم قاعد قصاد فتون. وفريده جمبه. وشريف ع رأس السفره. فتون: قاعده مُحرجه جدا.فريده: قالت. اتفضلو ياجماعه. ويارب الاكل يعجبك ياحاجه فاطمه. فاطمه: زي العسل ياحبيبتى. وانتو تعملو حاجه وحشه. فريده: بتاكل. بألف هنا إن شاء الله. وانتى يافتون مابتكليش ليه؟ فتون: بتوتر. لا انا باكل اهو. احم تسلم ايديها بجد. الاكل جميل. سليم: فتون. وانا عندكو كنت باكل كأنى ف بيتى بالظبط. مش غريب. وانتى اعتبرى إن ده بيتك بالظبط. فتون: احم. شكرا ياسليم انا بجد باكل.فريده: بمكر امسك ياسيلم المكرونه بالصلصه اهي. سليم: هز راسه. اخيرا. هاتى يستي بقالى كتير جدا ما اكلتهاش. وبدء ياكل. فتون: مراقباه. وبتتمنى انها تعجبه. سليم: بيدوق المكرونه. اممم بجد بجد تحفه جدااا. وغير كل مره. انا كأنى اول مره اكل مكرونه وبالجمال ده. مش معقول عزيزه اتطورت جداااا. فتون: ابتسمت بحب. وقلبها فرح جدا. فريده: متابعه فتون. وقالت بمكر. عزيزه؟دى عمايل فتون حبيبتى عاملاها بايديها أصلها بتحبها اوى هي كمان. سليم: بدهشه. ايييه بجد؟ وبص ل فتون عشوائي. فتون بجد انتى الل طابخه المكرونه دى؟ فتون: بحرج كبير. احم ايوه. والحمد لله انها عجبتكم. سليم: بياكل. لأ حطى تحت كلمة عحبتنى دى ميت خط. بجد تجنن تسلم ايدك. فتون: هزت راسها بابتسامه بألف هنا. وبدؤ ياكلو. وفريده اهتمت ب فاطمه وفتون.شريف: بياكل بصمت. وبيفكر يعمل ايه ف المصنع. ومخنوق. وساب الاكل واستاذن بطريقه لطيفه. وقال إنه عندو شغل مهم. وطلع اوضته. سليم: بياكل بسعاده وحب المكرونه اكتر لانها من ايد حبيبته. بعد الاكل. سليم: جاتله مكالمه مهمه. واستاذن ودخل المكتب. فريده: تشربوا عصير ولا قهوه. فاطمه: بصراحه انا مصدعه شويه. لو شوية قهوه يبقى حلو اوى. فريده: من عينيه. عزيزه هتعملها ف ثوانى.فاطمه: لأ خليها ف شغلها. فتون ياحبيبتى انتى بتعملى القهوه مظبوطه. قومى ياقلب أمك اعمليها انتى. بعد اذنك طبعا ياست فريده. فريده: ههههه ياخبر ده انا كان نفسي اشرب قهوه من ايديها الحلوين دول. قومى ياحبيبتى خدى راحتك. فتون: قامت بحب. من عينيه احلى طقم قهوه ف ثوانى. وراحت المطبخ. فريده: ربتت ع ايد فاطمه. متقلقيش إن شاء الله ربك يحلها من عندو. فاطمه: اتنهدت إن شاء الله. ملناش غيرو.سليم: قفل المكالمه. وفتح الملف بيقرا الل فتون كتبته. ومبتسم بسعاده. فتون: قدمت القهوه. فريده: معلش يافتون هتعبك. خدى فنجال قهوة سليم. هو لسه في المكتب. فتون: هزت راسها. حاضر. واخدت الفنجال ورايحه ع المكتب ومبسوطه. سليم: قفل الملف. واتنهد بحيره. وقال لنفسه. ليه ياسليم مش قادر تعترف بحبك ليها ليييه؟ مش عارف ليه كل ما احاول اتكلم الكلام كله بيهرب منى.؟طيب انا بحبها. اهي الكلمه سهله جدا اهو. انا بحبك يافتون. انا بحبك. ايه المشكله بقى. اوووف كل ما اقرر انى اقولها برجع ف كلامى طيب ليه؟ فتون: من وراه عشان خايف ياسليم. سليم: لف ليها فتون؟ فتون: بجمود. انا اسفه انا جايبه القهوه لحضرتك. وسمعتك بالصدفه. والباب مفتوح. اتفضل قهوتك. بعد اذنك. واتحركت. سليم: استنى يافتون. انا مش خايف. ا. انا… فتون: بخنقه. لأ خايف وممكن تكون مبتحبنيش من الأساس.وكمان معندكش ثقه. لا فيك ولا فيا. لانك لو واثق ف حبك مكنتش هتتراجع كل شويه ف إنك تعترف بحقيقة مشاعرك. انا اسفه طبعا انى بتكلم معاك بالجراءه دى. بس لازم حل لل انا عايشه فيه ده يا اما اكون او لا اكون؟ سليم: غمض عينيه. وقال اتكلم. قول انك بتحبها اتكلمم. قلبك بيدق بسرعه. اتكلم. وقال لأ يافتون انا واثق فيكى وواثق كمان من حقيقة مشاعرى. بس. اناا لما بكون، وفتون قاطعته…فتون: هزت راسها بوجع. وقالت جواها انتى غبيه يافتون؟ انتى فقيره حتى لو بيحبك استحاله يعترف. لانك من عالم وهو من عالم تانى خالص. هيواجه بيكى العالم ازاى؟ لازم تفوقى بقى وتبطلى اوهام. واخدت نفس عميق وقاطعت كلامه بحده. وقالت بقوه. سليم انا اكتفيت بالشغل معاك لحد كدا. وكمان ياريت متجيش الحاره تانى. انا معنديش استعداد اسمع كلمه من اى حد. بعد اذنك. وخرجت بسرعه قبل ما يرد.سليم: واقف ومش مستوعب. مش هتشتغل معايا؟ هي. مادتنيش فرصه انى اتكلم. فتون: خرجت وبتكابر دموعها. وقالت كدا احسن. لازم ابعد. كفايه حقايق مزيفه. وراحت الليفنج. واستاذنت بطريقه لطيفه. وفريده اتحايلت عليهم كتير. لكن فتون اعتذرت. وسليم طلع بسرعه. وقالها تعالى المكتب ثوانى. قالت بجمود انا خلصت شغلى معاك. وانا لازم امشي دلوقتي. واخدت فاطمه. ورفضت إن سليم يوصلها. وركبت تاكسي ومشيت. ودموعها نازله ع خدها.سليم: واقف مخنوق ومتنرفز جدا. وطلع اوضته مضايق جدا من تصرفها. فريده: استغربت رد فعل سليم وفتون. وشكت أنهم يكونو اتخانقو. وطلعت ل سليم وقالت اله مالك ياسليم؟ انت كنت مبسوط اوى. ايه الل حصل مخليك انت وفتون قالبين وشكو كدا؟ سليم: بضيق حقيقي. مافيش حاجه ياماما. فريده: بتفكير. قالت يكونش فتون قالتلك ع الل حصل معاها انهارده وده الل مضايقك؟ سليم: انتبه. ايه الل حصل معاها انا مش فاهم حاجه.؟فريده: براحه عليا يبنى. انا هقولك، وحكتله. إن فتون هتسيب الشقه كمان اسبوع واحد. وقالت كل الل فاطمه قالته ليها. وقالت بس ده الل حصل. وزعلت جدا عليهم. ياريت ياسليم يبنى تساعدهم. سليم: سمع فريده. وقام وقف ومش مصدق الل بيحصل مع فتون. وفهم سبب خنقتها وأنها اتصرفت معاه بدون تفكير. وقعد مكانه يفكر هيعمل ايه َ!؟ وبعد يومين اتنين.ف الحاره. دوشه كبيره تحت بيت فتون. الاطفال الصغيره كلها بتنادى يافتووووون. يافتوووون. فتون: سمعت الدوشه. وفتحت البلكونه. وبتعجب شافت بلالين هيليوم كتير طايره ومكتوب عليها. بحبك. الملاك الحارس. فاتنة قلبى. فتون: قلبها بيدق بقوه ومش فاهمه حاجه. وبصت من البلكونه. وشهقت بصوت عالى وحطت ايديها ع بوقها. سليم؟ سليم: نزل من عربيه فخمه جدا. وماسك شيخ ف ايدو. ورفع راسه لفوق. وقال بصوت عالى. فتوووون تتجوزينى؟رواية أحببت بصيرته للكاتبة مريم نصار الفصل الحادي والثلاثون
هنقول ايه الل حصل قبل اليومين. خالد: اخد حنين واتغدو برا. وكان مبسوط بالمشروع الجديد وحنين فرحت جدا عشانه. وكانت خروجه مميزه. وبعدها اتمشو مع بعض واشترى ليها ايس كريم. واتصورو بعض وضحكو كتير جدا. وحبهم بيكبر يوم اكتر من الل قبله. وبعدها وصلها للبيت. وسلم ع مامتها وباباها. ورجع ع البيت. وحنين كانت مبسوطه جدا. وع انتظار مكالمة خالد بعد ما يروح.فتون: طول الطريق بتفكر. إن سليم مرحله وهتعدى. ولامت نفسها انها سمحت لقلبها أنه يدق بحب لحد مهما كان. وجابت الغلط عليها لأنها ف لحظة ضعف نسيت الفرق الاجتماعى بينها وبين سليم. التاكسي وقف قدام البيت. وفاطمه نزلت. وفتون سرحانه. وبصت ليها. وقالت. اله فتون مالك يابنتى احنا وصلنا انزلى. فتون: انتبهت. ها. وبصت حواليها. وهزت راسها ايوه فعلا وصلنا. وحاسبت سواق التاكسي ونزلت. وطالعه ع السلم وسانده فاطمه.سميره: فتحت باب شقتها بسرعه. وابتسمت. مساء الخير ياست فاطمه. مساء الخير يافتون ياحبيبتى. فاطمه: مساء الخير يا ام عصام. فتون: مساء الخير عليكى ياخالتى. سميره: بحرج. انا كنت بلم الغسيل. وشوفتكو نازلين من التاكسي. قولت يابت ياسميره. الحاجه فاطمه من زمان مجتش عندنا من يوم خطوبة سحر. قومت قولت اهو الحاجه طالعه ع السلم. انا لا يمكن اضيع الفرصه دى ابدا. ولازم تشرفينى وتشربى معايا الشاى انتى وفتون حبيبتى.فاطمه: استغربت من طريقة سميره. لكن قالت تعيشي ياأم عصام. ما انتى عارفه الظروف. وهجيلك إن شاء الله نشرب شربات سحر. يوم فرحها ربنا يتمملها ع خير. سميره: تسلمى يارب وعقبال كدا لما نفرح بفتون حبيبت قلبي. سايق عليكى النبى متكسفنيش. تعالى اتفضلى. وكمان تشوفى جهاز سحر. الفرش إن شاء الله الاسبوع الجاى. وقوليلى رأيك. وناسيه حاجه ولا لأ؟ فاطمه: بصت ل فتون بعدم فهم.فتون: ابتسمت بتعب. وهزت راسها لفاطمه بالموافقه. وقالت. ومالو ياخالتى. وربنا يتمم بخير. سميره: بفرحه. شاله يخليكي يا فتون. طول عمرك جدعه وبنت اصول. وفتحت الباب. تعالو. اتفضلو. اتفضلى ياحاجه. خشي ياتونا. يادى النور. يادى النور. وندهت سحرر. انتى ياسحر. تعالى سلمي ع خالتك الحاجه واختك فتون يابت. فاطمه: دخلت. واستغربت. لكن دعت وقالت جواها. ربنا يهديكى ياسميره وتفضلى ع طول كدا.فتون: دخلت. وقالت جواها. انا لازم اشغل نفسي بأى حاجه. عشان انسى. وقعدت جنب فاطمه. وبتحاول تقوى نفسها. وفونها رن. وكان سليم. وقلبها دق جامد. وغمضت عينيها. وكنسلت عليه وقفلت الفون. وكانت داخليا حزينه من جدا سحر: خرجت من الاوضه ولابسه إسدال ووشها دبلان. ومكسوفه من فتون. وقالت بحرج سلام عليكم. فتون: شافتها. واستغربت شكلها. مطفيا خالص. سحر: سلمت ع فاطمه وفتون. وقعدت جمب فتون بحرج. احم. اذيك يافتون؟فتون: ابتسمت بتمثيل. الحمد لله انا زى الفل ياعروسه. سميره: طيب يابنات. اقعدو مع بعض. وانا هاخد الحاجه جوه. وافرجها ع الجهاز. تعالى معايه ياحاجه. وانتى ياسحر اعملى شاى بسرعه. فاطمه: قامت. ودخلت مع سميره. سحر: هزت راسها بتعب حاضر يا ماما. ودخلت المطبخ هي وفتون. سحر بتعمل الشاى وعيونها لمعت بدموع وبتهرب من عيون فتون.فتون: حست بيها. واتنهدت وقالت، قوليلى بقى انتى عامله ايه؟ ام سيد بتقولى سحر حجزت فستان تحفه. سحر: بدموع، اه حسن الل حجز مش انا. بس الفستان فعلا حلو اوى يافتون. ومنور بس روحي الل انطفت. مش فارقه كتير.فتون: بوجع. أنا متأكده انك هتبقى حلوه اوي ف الفستان. وهمست لازم تنسي ياسحر وتكملى. متقفيش عند نقطه معينه ف حياتك. كدا هتتعبى. انسي والحمد لله إن ربنا ستر. والدنيا مبتقفش واحمدى ربنا انه اختارك علشان تقربى منه. سحر: هزت راسها بوجع. تفتكرى ربنا هيسامحنى؟ فتون: حطت ايدها ع كتف سحر. انا مش هقولك غير حاجه واحده وبس لخصت كل حاجه. بسم الله الرحمن الرحيم.قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ. صدق الله العظيم. سحر: نزلت راسها في الأرض بسرعه. ومسحت دموعها ونعم بالله. يارب سامحنى. وبعدها سحر طلعت الشاى. وقعدو كلهم مع بعض يتفرجو ع جهاز سحر. وسميره ضميرها مأنبها. وبتحاول تصلح الل هي اتسببت فيه.فاطمه: بتتفرج ع الجهاز. ومن جواها امنيه كبيره انها تشوف فتون عروسه. وعيونها لمعت بدموع. وقالت جواها. ياترى يابنتى هتجهزى نفسك ازاى؟ وهتعملى ايه. اااه ياااارب بنتى مشوراها طويل اوى ولوحدها. ملهاش غيرك يارب. وانا حمل تقيل عليها. ونفسي اموت عشان اشيل الحمل ده من عليها.ونفسي افضل عايشه اونسها ف وحدتها. اااه انظر لينا بعينك التي لا تنام يارب. خليك مع بنتى وقويها. بنتى عيونها كلها وجع وقهر. ومفكرا انى مش فاهمه انها بترسم انها مبسوطه علشان خاطرى انا. لو بايدى يانور عيني اديكى حته من قلبى واشوفك مبسوطه بجد. هونها يارحيم. فتون: اتفرجت ع الجهاز. وزى اى بنت بتحلم باليوم ده. لكن رفضت الفكره. وباركت ل سحر.الشيخ محمد جه. ولما شاف فاطمه وفتون موجودين. فرح جدا. وقعد معاهم. وحلف عليهم يقضو السهره معاهم. وقعدو كلهم مع بعض. ومحمد شاف تغيير سميره للافضل. وبترحب بيهم بحب كبير. وقال. لعل الخير يكمن في الشر. لعله خير. سليم: بعد ما عرف من فريده. اتغاظ اكتر من الاول. وازاى هتسيب الشقه؟ وهتروح فين انا لازم اتصرف. لازم اعمل حاجه.واتصل عليها يحاول يشرحلها. انه بيحبها بجد. لكن ممكن يكون. نقطة عجزه دي هي الل مخوفاه أنه يخوض تجربه وتفشل. وبيحاول يتغلب عليها. ف وجودها. لكن هي كنسلت عليه. ونفخ بديق حقيقي. واتصل تانى. وكانت قفلت فونها. وسليم وصل لقمة غضبه. ومسك الاباجوره وحدفها ف المرايا. وواقف ينهج بغيظ. ولازم يعمل حاجه. مش لازم يخسرها. استحاله. وجه تانى يوم. ف شركة سليم وخالد.سليم: راح الشركه من بدرى. ومخنوق ومش طايق حد وقاعد ف المكتب لوحدو بالساعات يفكر في فتون وهتروح فين؟ وكان عايز يروحلها البيت. لكن رفض. وافتكر كلامها عن حبها للحاره والبيت وعمرها ما تتخيل حياتها من غير ذكرياتها ف البيت الل اتولدت فيه. وللحظه جتله فكره. وعايز يشتريلها فيلا. بس قال طيب انا هعمل كدا بناءاً ع ايه؟ فتون عندها عزة نفس وهترفض. انا بجد محتار. واتصل ع مي. ايوه يامي. الانسه فتون جت الشركه؟مي: لأ يافندم. مجتش. سليم: نفخ بديق. طيب خالد جه؟ مي: ايوه خالد بيه جه من شويه. سليم: طيب بلغيه انى عايزو حالا. مي: تحت امرك يافندم. وقفلو. سليم: بقى كدا يافتون انتى بتستغنى عنى بسهوله كدا؟ خالد: فتح الباب صحبى يصحبى ههههه. سليم: بزهق. تعالى يا خالد. ادخل. خالد: سلاما قولا من رب رحيم. ايه الل قلب وشك كدا؟ ده انت كنت امبارح بترقص. يخربيت ام النكد. سليم: مش وقت استظرافك دلوقتي.خالد: بعدم فهم اله. ده الموضوع شكله جد بقى. طيب قولى مالك؟ سليم: قام وقف بخنقه. انا مش عارف ايه الل حصل.؟ وفتون سابت الشغل. وسابتنى انا كمان. خالد: تنح. هااا. نعم يا خويا.؟ لأ اقعد كدا واحكيلى ايه الل حصل لكل ده؟ سليم: انا مش عارف احكيلك ايه؟ انا بجد بحبها وعايز اعترف للعالم كله مش ليها هي بس. لكن حقيقى. انا مش قادر.لما بكون لوحدى بلاقى اعترافى ليها سهل جدا. واول ما اسمع صوتها. قلبى بيدق بسرعه. وببقى عايز اتكلم. لكن، لكن. واتنهد بتعب بفشل. بفشل ذي كل مره. وقعد ع الكنبه بإحباط كبير. خالد: هز راسه بتفهم. وقعد جمبه. طيب اهدا كدا. وكل حاجه ليها حل. قولى حصل حاجه بينك وبينها امبارح. وليه سابت الشغل؟ سليم: بإحباط. حكاله ع كل حاجه حصلت امبارح. وكمان حكاله ع ابو سلامه صاحب البيت. وإن فتون هتسيب الشقه ومقالتش لحد.خالد: نفخ بنفاذ صبر. بصراحه بقى ياسليم فتون معاها حق. سليم: ازاى بقى دى ما ادتليش فرصه اكمل. ونهت كل حاجه وخرجت من غير ما تسمع منى انا كنت هقول ايه؟ وكمان ازاى تخبى عليا موضوع مهم جدا زى ده؟ خالد: بص يصحبى. الل انا فهمته. إنكو بتحبو بعض تمام. لكن العقبه ف العلاقه دى انت. مش هي. انت فعلا ياسليم محتاج دافعه قويه. انت ربيت لنفسك عقده إنك عاجز. حتى بعد ما أنقذت فتون. مش قادر تتخطى المرحله دى.وكمان رديت اعتبارها وكرامتها قدام حسن. ودلوقتي بتفكر ازاى انك تجبلها فيلا او شقه. وانت واثق انها هترفض. ما هي بجد لازم ترفض. انت هتجبها ليها ع أساس ايه؟ او انت مين؟ وتقولك انها هنسيب البيت بناءا على ايه؟ وانت المفروض ماتزعلش منها لانها قالت متجيش الحاره تانى. ده المفروض يحصل. انت عارف العادات والتقاليد. واهل الحاره غير اى مدينه. كلهم واحد وعارفين عن بعض كل حاجه.وفتون ملهاش حد لا اب ولا اخ. ولا كمان عيلتها موجوده. وفجاءه يظهر شابين ف حياة فتون. ومش بس كدا. لأ دول أنقذوها. او سليم الل أنقذها. واختفت يوم وليله كامله عن الحاره وكانت عندك ف الفيلا. انهي منطق وعقل الل هيفهم ان نيتك سليمه. وروحنا انا وانت وقعدنا هناك واكلنا وشربنا. وانت جبتلها حرس شخصى لمدة كام يوم. ف من الطبيعى الناس هتتكلم. واكيد فتون فكرت ف ده. بدليل انها قالت مش مستعده تسمع كلمه من حد.وفتون لما فقدت فيك الامل إنك تعترف بحبك ليها. هي اخدت خطوه انها ترجع زى ما كانت. انت ماتلومش ع فتون. لانها بتحبك ومعترفه بحبها ليك. ولا تزعل منها لانها من حقها تخاف ع سمعتها. انت لوم نفسك. لازم تاخد خطوه وخطوه كبيره كمان. لازم تقطع اى شك ف الحاره يخص فتون. فتون تعبت بجد ف حياتها وصعبانه عليا انا شخصيا. انت لو عايز تكمل مشوارك معاها. لازم تعوضها عن كل لحظة تعب. اتصرف بحريه. عيش حياتك معاها وليها.الحب انك تخلى الل انت بتحبه مبسوط تخلى قلبه مستريح. لازم تفرح فتون وتفاجئها مفاجاه ترجع الفرحه والسعاده ليها من تانى. اتجنن يا اخى متعرفش تجنن. فاهمنى يصحبى. سليم: بيسمع خالد. واقتنع تماما بكلامه. وابتسم بحب وقال انا فعلا لازم اقدم ليها الحب والسعاده. وضحك ههههههههه والله سعات ياخالد بتقول كلام يتاقل بالدهب مع انك صايع وفاشل ههههه.خالد: حط رجل ع رجل. وبيعدل ياقة قميصه بكبرياء. اومال ايه يابن فيرى. صحبك مقطع السمكه وديلها ويعجبك اوى. سليم: خبطه بدراعه ف جمبه. فيرى دي ف البيت مش هنا يابن الشرقاوي. خالد: اااه. ماشي ياعم. المهم ناوى تعمل ايه؟ وهتتصرف ازاى ف حكاية الفيلا ل فتون؟ سليم: قام وقف وحط ايدو ف جيبه. وابتسم بمكر. وقال لأ خلاص مش هجيب الفيلا دلوقتي. بس انا عرفت هعمل ايه؟انت بس خلص مشوارك مع مُهاب الوكيل. وهتنفذ الل هقولك عليه بالحرف الواحد. خالد: بعدم فهم. انت ناوى ع ايه يانجم. معلش احب اكون ع نور يعنى. سليم: بص قدام وقال. انت هتجبلى ابو سلامه لحد هنا! خالد: ببلاها. هاااا؟ اشمعنى ها تهاددو زى حسن. وفتح عينيه بدهشه. ولا ياسليم. انت هتعمله صور فوتوشوب زى حسن؟ اهههههههههههه.لأ لأ مش مصدق. هههههه ينهار ازرق. تخيل كدا راجل عجوز في وسط موزز ههههههههه، مسخره اقسم بالله. يخربيت أفكارك ياسليم. هههههه. ولا بقى ننزلها ف بوست كبير. شاهد قبل الحذف. المعلم ابو سلامه الرجل الخارق ههههههههه. سليم: هز راسه بنفاذ صبر من صاحبه. وقال خلصت هري؟ خالد: احم. وهرش ف قفاه. طيب ناوى ع ايه؟ سليم: لما تجيب ابو سلامه لحد هنا هتعرف كل حاجه. عند فتون.فتون: صلت الضهر. وقالت ل فاطمه. ماما انا هنزل اشترى خضار. هتحتاجى حاجه؟ فاطمه: بتسبح. تعالى ياتونا اقعدى جمبى هنا. فتون: قعدت جنبها. نعم يا حبيبتي؟ فاطمه: انا هسالك سؤال. وياريت تجاوبى بصراحه. فتون: اتسمت بعدم فهم. وانا من امتى بخبى عنك حاجه او كدبت. بس ما علينا. ياترى سؤال ايه؟ فاطمه: انا عارفه. انك مش بتخبى ولا عمرك كدبتى عليا. بس انتى بتكتمى جواكى. ديما مبتحبيش انى اشاركك همك ووجعك.خوفك عليا انى ف يوم ماستحملش واقع منك. مخليكى تتحملى اكتر من طاقتك. وده تعبنى انا اكتر. ونفسي يانور عيني تشاركينى كل حاجه جواكى. قوليلى يابنتى انتى ليه قولتى إنك بتفكرى تسيبى الشغل؟ فتون: اتنهدت بحزن. وقالت. اولا مفيش لا هم ولا وجع جوايا. وبعدين انا هكتم جوايا ايه بس؟ ما كل حاجه قدامك اهو ياست الكل. وإن كان ع الشغل. انا بفكر اسيبه لأن خلاص المدارس هتبدء. وهرجع تانى المدرسه. يعنى مفيش وقت للشركه.وكملت بوجع. ولو سليم احتاج مساعده اكيد يعنى مش هتاخر. ده مهما كان عمل معايا جميل مش هنساه. ماما انتى متقلقيش عليا. ولا تشيلى همى. وباست ع راسها. انا يدوبك انزل اشترى الخضار عشان الحق اعمل الغدا. انتى هتحتاجى حاجه اجبهالك معايا؟ فاطمه: مصدقتش كلام فتون. ولكن مجبره تعمل انها مصدقاها. وقالت. عايزه سلامتك ياقلب أمك. خلى بالك من نفسك.فتون: وانتى كمان يقلبى. وقامت. واخدت الفلوس. وخرجت. وقلبها مشتاق ل سليم. وحشها جدا. ونفسها تكلمه. لكن بتحاول تشغل نفسها بأى حاجه. طلعت الحاره. وقالت سلام عليكم يام سيد. ام سيد: اهلااا. وعليكم السلام. تعالى ياحبيبتى. فتون: تسلمى. عندك خضار ايه؟ أم سيد: كل حاجه موجوده والحمدلله. تعالى شوفى انتى عايزه ايه. والله بتفاءل بيكى.فتون: ابتسمت. ربنا يرزقك يارب. انا عايزه. طماطم. وبطاطس. وكمان لو عندك ملوخيه هاخد نص كيلو. ام سيد: من عينى. هتاكلى بقى شوية ملوخيه وتدعيلى بألف هنا إن شاء الله. فتون: تسلمى يام سيد. ام سيد: خدى ياحجه الطماطم والفلفل اهو. وبصت ل فتون سمعتى الل حصل لجابر الزفت؟ فتون: بتنقى الطماطم. وقالت بعدم فهم. ايه الل حصله؟ام سيد: هيييه انتى مش عايشه في الدنيا ولا ايه؟ ده بعد الل حصل. اهل الحاره طردوه. وبيصفى اهو المحل بتاعه. وباع شقته. ونقل ف مكان تانى. وف ناس بتقول هيرجع البلد. يلا يغور ف ستين داهيه. سيرته لوحدها عكننه. فتون: هزت راسها. الجزاء من جنس العمل يام سيد. ربنا يسهل لعباده. احم بقولك ايه كنت عايزه اطلب منك طلب. ام سيد: طلب بس. ده انت تؤمرى. خير يا حبيبتي.فتون: الأمر لله وحدو. وقالت بزعل. كنت عايزاكى تسالى ع شقه للايجار اوضتين بمنافعهم وف الحاره هنا. وياريت لو انهردا قبل بكره. أم سيد: شهقت وحطت ايدها ع قلبها. يووه ليه كدا كفاالله الشر. انتى ناويه تعزلى وتسيبى البيت؟ فتون: بغصه ف قلبها. إن شاء الله. اهو تغيير يام سيد. وبينى وبينك من يوم الحادثه دى. وانا بخاف من الشقه.ام سيد: بزعل. عينى عليكى يافتون. ده انتى عيشتى عمرك كله ف الشقه دى. منه لله علاء إبن جابر. الهى كان خد اعدام هو وأبوه الراجل الناقص. فتون: بحزن. كله مكتوب. المهم هتشوفيلى مكان ولا صعب عليكى؟ ام سيد: صدقى بالله انتى بنت حلال. لسه واحده ف الشارع الل ورانا مكلمانى من يومين. وعايزانى اشوفلها مستأجر لشقتها. خالتك الحاجه أم فهمى ما انتى عارفاها. فتون: هزت راسها ايوه عارفاها. بس دى شديده اوى يام سيد؟ام سيد: ولا شديده ولا حاجه. دى قلبها ابيض. هي بس ست دُغرى ومبتحبش العوج. وهي عرفاكى وبتحترمك انتى والحاجه. فتون: تمام. طيب متعرفيش هي طالبه ايجار كام؟ ام سيد: هي شقتها 3 مطارح وصاله ومطبخ وحمام كبير. وايجارها. الف ونص. فتون: بدهشه اييه؟ الف ونص. ونفخت بديق. وقالت حاولى معاها تنزل ف الإيجار شويه. او شوفيلى حاجه حنينه شويه عن كدا.ام سيد: من عينى حاضر. انا هكلمها وهرد عليكى. ومن ناحيه نشوفلك حاجه تانيه. وربنا يعينك ياحبيبتى. فتون: اتنهدت. يارب. يارب. واخدت الخضار. ودفعت الفلوس. وماشيه سرحانه ف الشارع. ودخلت العماره. وطالعه ع السلم. طلعت: طالع ع السلم وراها. ونده. انسه فتون؟ فتون: انتبهت ووقفت. ولفت خير يا استاذ طلعت؟طلعت خير إن شاء الله. انا عرفت الل حصل. وكنت هخبط ع بابك. واطمن عليكى انتى والحاجه. بس انا توقعت انك هتزعقى زى كل مره. لكن بردو من الواجب انى اطمن عليكى. وحمدلله ع السلامه. فتون: هزت راسها بإحباط. الله يسلمك يا استاذ طلعت. شكرا لحضرتك ع سؤالك. طلعت: الشكر لله. وانا بصراحه زعلت جدا. لما المعلم ابو سلامه. قال انك روحتى اتكلمتى معاه و عايزه تسيبى الشقه. وتمشي من الحاره.فتون: بصتله بعدم فهم. هو قالك انى انا الل روحت ليه؟ طلعت: بتعجب. ايوه طبعا. هو الكلام جاب بعضه. انا كنت هسيب المكتب وامشي من هنا. واشوف مكتب أكبر من ده. لكن هو اتصل عليا امبارح وقالى إنك لسه ماشيه من عندو. وانك عايزه تسيبى الشقه. وتحليها معاه ودي علشان العقد لسه مانتهاش.فتون: بدهشه. وهزت راسها بعدم تصديق. وكانت هتزعق وتثور وتقول محصلش. بس سكتت. وهزت راسها بتوهان. ايوه. ايوه حصل. حصل وسابته وطالعه وهي مصدومه من تصرف راجل كبير ذي ده. وقالت حسبى الله ونعم الوكيل. حسبى الله ونعم الوكيل. طلعت: بعدم فهم. اله هي الانسه فتون اتغيرت كدا ليه.؟انا كنت مفكر انها هتزعق انى وقفت اتكلمت معاها. وقال جواه يا ما نفسي اتقدملك بس عارف انك مش هتوافقى. خساره قمر قمر يافتون. وطلع ع مكتبه. بعد فتره كبيره. ف شركة سليم وخالد. خالد: راجع تعبان من المشوار. وكمان جاب معاه ابو سلامه. وقاله انه عايزه ف موضوع مهم جدا. وقابل مي. وقال. مي سليم ف المكتب؟ مي: بتبص ع لبس ابو سلامه. وبتعدل النضاره. ومردتش. خالد: بزهق انتى يا مي مش بكلمك؟مي: ها. احم ايوه. ايوه مستر سليم موجود ف المكتب مع المحامى. خالد: استغرب محامى؟ وشافها بتبص للراجل. طيب وسعى من وشي. وصورينا حلو ماشي؟ مي: هزت راسها اوكي. ممكن فون حضرتك؟ لانه مش هينفع بالفون بتاعى. خالد: بعدم فهم. هو ايه الل مش هينفع؟ مي: مش حضرتك عايزنى اصوركو. مش هينفع بالفون بتاعى. عيب ماينفعش؟ خالد: مسح وشه بايديه. ونفخ. امشي من وشي. غووورى يامي.مي: هزت راسها. اوكي مستر خالد. واتحركت. مستر خالد ده غريب جدا… ابو سلامه: بص عليها. وقال لامؤخذه مين دى؟ ومالها هي قرفانه منى ولا حاجه؟ خالد: بص لا ابو سلامه من فوق ل تحت. وقال جواه. والله عندها حق. اذا كنت أنا قرفان منك ومن شكلك. وانت شبه سوما العاشق كدا. وقاله لأ ابدا يامعلم ليه بتقول كدا؟ دى حتى الجلابيه هتاكل من عليك حته. اتفضل سليم باشا في انتظارك.ابو سلامه: ههههه يزيد فضلك ياباشا. وماشي وعينيه تايهه ف كل مكان ف الشركه. وقال جواه. الناس دى بتلعب بالفلوس لعب. اااه طالعين واكلين. نازلين واكلين. خالد: خبط ودخل مساء الخير. اتفضل يا معلم. سليم: بيتكلم مع المحامى. تمام يا عماد خلى المشاريع دى معاك ويومين كدا اروح معاك احطها ف البنك. وكماجهز العقد؟ عماد: تمام ياسليم باشا متقلقش انا هظبط كل حاجه.سليم: سمع خالد. وابتسم بمكر ورجع ضهرو لورا. وقال اهلا اهلا بالمعلم ابو سلامه. ابو سلامه: دخل المكتب وبيلف حواليه وقال اله اله ايه كل ده؟ عز وخير الواحد محروم منه. وبص ل سليم. وضحك بسماجه. اهلا وسهلا بيك ياسليم بيه. انا والله مامصدق نفسي. انت بنفسك عايزنى. انا ف حلم ولا ف علم ياناس دانا امي دعيالى بقى ههههههههه. خالد: ههههههههه عسل يامعلم عسل. وقال جواه. ابو ام سماجة امك. ونفخ بغيظ.سليم: ضحك بصمت. لا صدق يمعلم. وانت فعلا قاعد قدام سليم بدر الدين. وفعلا انا عايزك. خالد: هرش ف خدو. وقال جواه انا مش متفائل. لطريقتك دى يابن فيرى. انت شكلك ناوى تقتل الراجل ده صح صح؟ ابو سلامه: وانا تحت امر سعادتك. اؤمرنى يابيه. سليم: قال. عماد؟ وشاور ليه يتصرف. عماد: حاضر ياسليم باشا. وفتح الشنطه وطلع منها مبلغ كبير جدا. وحطه قدام ابو سلامه. خالد: متابع ف صمت. بس ضحك ع شكله أو ماشاف الفلوس.ابو سلامه: قاعد متنح وفاتح بوقه وعينيه. ومتكلمش. سليم: الفلوس حلوه يامعلم مش كدا؟ ابو سلامه: ببلاها. هاا؟ هو ف احلا م الفلوس يابيه؟ دى احلا نعمه بس نعمل ايه بقى نصيبنا منحتكمش عليها. سليم: مد ايدو ع المكتب. وزق الفلوس وقربها من ابو سلامه. وقال. والفلوس بين ايديك اهي يامعلم. ابو سلامه: فتح بوقه. وقال هااا؟ بس. بس عدم لامؤخذه يعنى ايه المناسبه؟سليم: تعجبنى. هو ده السؤال الصح. المبلغ ده بمناسبة انى هشترى العماره القديمه بتاعتك. وده نص المبلغ. وبكره تتنازل. وتاخد النص التانى. خالد: ابتسم بصمت. لأن سليم هيشترى العماره علشان فتون. ابو سلامه: بدهشه؟ ايه تشترى العماره؟ بس انا معرضتهاش للبيع يابيه؟سليم: ومش لازم تعرضها. انا ممكن اقولك انى عايز اشترى. وانت توافق وتبيع. بسيطه اهي يامعلم؟ وبعدين انت لو حبيت تبيع مش هتلاقي حد هيشتريها منك بالمبلغ ده ولسنين قدام؟ سلامه: بس عدم لامؤخذه يعنى متأخذنيش ف السؤال. انت عايز تشتريها ليه؟ واشمعنى عمارتى انا بالذات؟سليم: مط شفايفه. وهز راسه. سؤال حلو بردو. بصراحه يامعلم انا قررت اعمل مشروع ف الحاره. والمحامى الاستاذ عماد. شاف انسب مكان للمشروع. هو مكان العماره بتاعتك. وكمان انا عرفت إن العماره قديمه. وممكن تُقع ف اي وقت. ها قولت ايه؟ابو سلامه: بيسمعه وفكر بعمليه. وقال جواه. اممم هيعمل مشروع والعماره بتاعتى هي الوحيده الل مكانها ينفع. اممم. فرصه وجاتلك ع طبق من دهب يامعلم. بس انت لازم تطلب مبلغ اكتر من كده. اااه دي فرصه ومش لازم تضيعها. وقال ل سليم. لأ يابيه انا مش موافق ابيع. متأخذنيش. سليم: اممم. طيب ليه يمعلم بس ايه اعتراضك؟ المبلغ صغير؟ابو سلامه: بتمثيل. ابدا يابيه الحكايه مش حكاية فلوس. بس دي مهما كان عمارت ابويا وراثها منه من زمان. وغاليه عليا اوى. ومش هينفع أبيعها. سليم: هز راسه. لا اصيل يامعلم. تمام زي ما تحب. انا كنت باصص للمصلحه العامه. وبص ل عماد. وقال خلاص ياعماد انت ممكن تشوف العماره الل جمبها. هتنفع بردو. مش انت قولت كدا؟ ابو سلامه: بدهشه تنح. من رد فعل سليم. والفرصه بتروح منه.عماد: طبعا ياباشا. وهتنفع جدا كمان. وصاحبها اكيد هيوافق. ابو سلامه: بلهفه. لا لا مش هتنفع. ماتهدى يامتر اومال. انت مش قولت إن انسب مكان للمشروع مكان عمارتى. وضحك بسماجه. وانا شايف لما رفضت ابيع سليم بيه زعل منى. وانا ميرضنيتش ااه ده كفايه انه انقذ بنت حتتنا. خلاص ياسليم بيه. انا هوافق أبيعها علشان خاطرك انت بس. سليم: رفع حاجبه. اممم وابتسم بسخريه. طول عمرك شهم يامعلم.ابو سلامه: تعيش يابيه. بس ولاعدم لامؤخذه يعنى متأخذنيش. انا كنت عايز منك تزود المبلغ شويه. وانت عارف العماره فيها سُكان. ولسه هراضيهم. سليم: بجمود لأ. ومالكش دعوه بالسُكان انا هتصرف معاهم. وانا مش ظالمك ف البيعه دى. انا شارى بسعر انهردا. وكمان مزود ع تمن العماره 20 الف جنيه فوق منهم. وأسأل بره. ولو مش عايز خلاص نشوف غيرها.ابو سلامه: بلهفه. حاوط الفلوس بايديه. لالا تشوف غيرها ايه بس. خلاص استبينا. وقال بطمع. مبروك عليك العماره. وانا مبروك عليا الفلوووس. سليم: متغاظ منه ومن طمعه. لكن قال. تمام يمعلم. انت هتاخد نص المبلغ دلوقتي وهتمضى ع عقد ابتدائي. وبكره الصبح بدرى هتقابل الاستاذ عماد ف الشهر العقاري. وتتنازل بيع وشرا. وتاخد باقى المبلغ. اديله العقد ياعماد.ابو سلامه: بيحط الفلوس ف الشنطه. وبيضحك بسماجه. وقال من عينيا ومضى العقد. بعد ما قراه. وبص للمحامى متتاخرش بكره يامتر. وبص ل سليم. وقلبه بيرقص. تؤمرنى بحاجه تانيه ياباشا؟ سليم: ابتسم بتمثيل. مع السلامه يامعلم. ابو سلامه: خارج والفرحه مش سيعاه من حجم المبلغ. سليم: تمام ياعماد جهز كل حاجه اتفقنا عليها. ومتنساش تاخد الفلوس معاك. عماد: تحت امرك ياسليم باشا. استأذن انا. سليم: اتفضل. مع السلامه.عماد: الله يسلمك. واخد الشنطه وخرج. سليم: غمض عينيه وابتسم بحب كبير. ومفتقدها جداا. خالد: شاف ملامحه. وقال بتريقه. ياحينى اشتريتلها العماره يابيضه؟ ده الحب ولع ف الحاره. سليم: ههههه. بس ايه رايك؟ خالد: قام وقعد ع طرف المكتب. لا لا. شغل عالى اوى. وعجبتنى بجد. بس قولى بقى انت ناوى تعمل مشروع مكان العماره دى؟ سليم: والله القرار ده يرجع لصاحبة العماره؟خالد: بعدم فهم. صاحبة العماره؟ انت يبنى مش لسه شاريها؟ انا مش فاهم حاجه. سليم: ابتسم وبص قدامه. وماله افهمك بس دلوقتي قوم هنطلع ع المول. وانا هشرحلك ف الطريق. لانك وراك بكره مهمه صعبه. بكره يوم مميز جدا. خالد: قام وقال مول؟ والله انا مابقتش فاهم حاجه خالص. سليم: بيلبس الجاكيت عشان انت فاشل. بس متقلقش هرسيك ع الحوار. يلا بقى علشان منتاخرش. خالد: اخد سليم وراحو المول.سليم: قاله ع معلومات بسيطه. وكمان طلب من خالد بدله معينه. خالد: جاب البدله وطلعت تحفه جدا ع سليم. وسليم: اشترى حجات كتير ومن ضمنهم بدله ل خالد وبدله ل شريف. وفستان لفريده وحجات تانيه. وخالد هيشتل ومش فاهم حاجه وتعبان وجعان وقرفان… خالد: انت ياعم الزفت مش كفايه كدا. انت اشتريت كل حاجه تقريبا ف المول. يلا بقى الساعه 7 وعايز اكل جعان. سليم: ربت ع كتفه. يلا بينا. وهتتغدى معايا. فريده منتظرانا.خالد: ماشي يعم. اى حاجه بس نروح رجلى ورمت. سليم: ههههه يلا تعالى. وروحو الفيلا. واتغدو متأخر شويه. وفريده مش فاهمه ايه كل الشنط دى. وكمان ف شنط طلعت ف اوضة سليم. ومش عايز حد يعرف فيها ايه؟ بعد شويه. سليم قاعد ف الليفنج. وجمبه فريده. وشريف وخالد. فريده: ها بقى يسليم. مش هتقول مجمعنا كدا عايزنا ف ايه؟ ويارب يكون خير! خالد: اه يارب تنجز. عمال اتحايل عليه يفهمنى اهم حاجه. بس مطلع عينى.سليم: بيشرب قهوه. وقال انا قررت اتجوز بكره. فريده اتعدلت. وشريف اتصدم. وخالد بص بزهول. وهمس جواز مره واحده وبكره؟ شريف: تتجوز؟ ومره واحده كدا؟ وياترى هي مين؟ فريده: قلبها دق. وفرحانه ع مزهوله. ودعت انها تكون. فتون لكن استغربت بكره؟ وقالت انا مش فاهمه حاجه. تتجوز وبكره؟ هي مين دي ياسليم؟ سليم: من غير يايبص لحد. فتون! ومش جواز بالمعنى. احنا هنكتب الكتاب. والفرح هي الل تحددو.فريده: قامت بفرحه. بجد. بجد ياسليم. وضحكت بدموع. انا مش مصدقه نفسي. وحضنته بسعاده كبيره. ده اجمل خبر سمعته ف حياتى مبروك ياروح قلبي. سليم: قلبه بيدق بسرعه كبيره جدا. لانه اخد قرار انه مش هيبعد عنها تانى. وقرر يعترف قدام كل الناس مش قدامها بس عشان يثبتلها عكس تفكيرها. وقال الله يبارك فيكي ياماما.خالد: هههههههه عليا النعمه مجنون. بس بجد اجمل خبر فعلا. وحضنه مبروك ياعريس. وهمس ف ودنه انت متخلف يالا. مش المفروض تعرف فتون؟ سليم: ضحك بصمت وهمس. مش انت قولت اتجنن. اهو انا اتجننت. و متستعجلش. بكره تعمل الل طلبته منك بالظبط. واتفرج وانت ساكت. وقول ل حنين تجهز وتيجي معاك بكره. ومش عايز فتون تعرف أى حاجه. فاهم.؟ خالد: حقك. ما انت مسيطر اهو. وطلع من حضنه. مبروك يصحبى. والل انت عايزه اعتبره حصل.سليم: حبيبى يا خالد. الله يبارك فيك. شريف: قام وحضنه مبروك ياسليم. مع انى مش فاهم حاجه. لكن دي حياتك وانت حر فيها. سليم: ضمه وربت ع ضهرو. متقلقش عليا. والله يبارك فيك. فريده: شهقت بصوت مهموس. وقالت سليم يبني. الجواز ليه اصول. يعنى نتقدم رسمى ونطلب ايد فتون من والدتها. مش تقولى كتب كتاب ع طول؟ سليم: اخد مفاتيحه وفونه. وقال الحجات دي انتى اعمليها مفيش مشكله. بس انا هتقدم لفتون بطريقتى.وياريت محدش يعرف فتون بأى حاجه. انا هطلع انام عشان بكره يوم مهم. وانت ياخالد بلغ حنين بالل قولتلك عليه وروح نام ع طول ماشي. ومتنساش تاخد البدله وغمز. خالد: قام وقف. ومين سمعك. انا هلكان من الصبح. واخد البدله يلا سلام انا بقى. تصبحو ع خير. كلهم وانت بخير. وخرج. سليم: طالع يصفر ومبسوط. فريده: فرحانه جدا. وقالت مش مهم كتب كتاب ومالو. المهم فرحت ابنى دى بالدنيا كلها.يااااه اخيرا هنفرح. وبصت ل شريف عقبالك ياحبيبى إن شاء الله. شريف: اتخنق. إن شاء الله. بعد اذنك هطلع انام. تصبحى ع خير. فريده: وانت بخير وسعاده يارب. وقالت أنا هتصل ع نجوى عشان تيجى من البلد بدرى. وكمان لازم إن شاء الله اجهز شوية هدايا. لمرات ابنى حبيبتى. هههههه والله انا ما مصدقه. الف حمد وشكر ليك يارب. عند فتون.فاطمه: بتتفرج ع المسلسل. وفتون قاعده بصه من الشباك. وبتبص ع أهل الحاره. وناس كتير ماشيه. فيهم الل مبسوط. وفيهم الل مخنوق. شافت عيال صغيره بتلعب وبتجرى ورا بعض. وشافت شباب بتهزر مع بعض. وشافت بنات ماشيين صحاب مع بعض. وسرحانه ف ذكريات الطفوله لحد ما كبرت.ورفعت راسها للسما. وبصت كتير للنجوم. كأنها بتفضفض وبتحكى بقلبها. عن طفولتها. وزكرياتها مع ابوها ف الشقه دى. وعيونها لمعت بدموع. وعلاء الل كان هيدمر حياتها. ولا طلعت الل عينه منها ف الطالعه والنازله. ولا سحر؟ ااااه من سحر والل عملته فيها. ولا حسن الل باع ف اول مطب. ولا سميره الل كانت عيونها كلها غيره وحقد.ولا بقى ابو سلامه الراجل الكداب. انا كنت هروح اهبدله وأعرفه قيمته وأنه ضلالى وكداب. بس بردو ف النهايه هسيب البيت. انا حاسه اني بضعف وبستسلم بسرعه. ودمعه نزلت ع خدها. سليم؟ واتنهدت بوجع سليم الل حبيته اكتر من روحى. بحبه ومش عارفه افكر غير فيه. وحشتنى اوى ياسليم. بس اخرتها ايه يافتون؟اخرتها إنك لازم تفوقى لانك خلاص عرفتى مصيرك. انا كنت فاكره إن سليم بعد ما أنقذ حياتى وقدر انه يثبت نفسه وانه مش عاجز. هيعترف بحبه ليا. هيقول انا بحبك يافتون. انا وانتى بنحب بعض. ومش لازم نفترق. بس انا ف لحظه نسيت الفرق مابينا. وإن ممكن واحد غنى يتجوز واحده فقيره. هي بتحصل احيانا. بس من النوادر. لازم تفوقى يافتون. علشان خاطر امك ماتتعبش اكتر من كده.لازم تنزلى من بكره تدورى ع شغل إضافى. انتى عليكى مسؤوليات كبيره. امك لازم تروح للدكتور. وايجار جديد. ومصاريف مالهاش اول من آخر. ومسحت دموعها. وابتسمت بوجع. وقالت انت معايا يارب. انت جمبى قوينى علشان اقدر اكمل. غمضت عينيها بتعب. ومسحت وشها بايديها. وفاقت من أفكارها. بصت ع فاطمه وكانت نامت ع الكنبه وهي بتتفرج ع المسلسل.وقفلت الشباك. وقامت قفلت التلفزيون. وصحت فاطمه بشويش. وساعدتها. ونيمتها وشدت الغطا عليها. وباست جبينها. وخرجت وقفلت النور. ودخلت اوضتها. ونامت ع السرير بتعب. وشدت الغطا عليها. وبتقرا سورة الملك. وجواها أمنيات كتيره. ودعت ربنا انه يكون معاها ديما. وغمضت عينيها ونامت بعمق كبير. تاني يوم الضهر. خالد ف العربيه. ومعاه حنين. ورايحين الحاره.حنين: بسعاده. بتسقف وقالت واااو بجد انا مش مصدقه. بقى سليم يطلع منه كل ده؟ بجد ياخالد انا فرحانه اوي. ونفسي اعرف فتووون. خالد: سايق ومسك كف ايدها وباسه. حبيبى انا ياناس احلا حاجه بموت فيكى وانتى مبسوطه كدا… حنين: اتوترت وسحبت أيدها. وسكتت… خالد: يؤبرنى ها الحلو. بقولك ايه ماتيجى انا وانتى كمان نكتب كتابنا. حنين: وشها بقى احمر. احم لسه شويه. بابا اتفق معاك ع إجازة الترم.خالد: ياموزتى انتى بس قولى موافقه. وانا هنقتع الحاج عبدالله ماليكش دعوه. بس اهم حاجه انتى موافقه؟ حنين: غمضت عينيها بسعاده. وهزت راسها بالموافقه. ووشها الوان. خالد: ههههه ع البركه؟ حنين: احم. هو سليم هيوصل عند فتون امتى؟ انا عايزه اكون موجوده قبل منه عايزه اشوف رد فعل فتون وقت ما تعرف. خالد: سليم؟ سليم ده برنس. باشا كدا ف نفسه. ومفترى اخر حاجه. وتلاقيه بيتمخطر وخارج من الفيلا دلوقتي.حنين: ههههه ليه بس. خالد: بجد والله مفترى. انا من الساعه 9 الصبح مقضيها مشاوير. حنين: ياااه ليه بتعمل ايه؟ خالد: اسمعى يستى. سليم طلب منى. انى اطلع العربيه الجديده من جراش الفيلا واظبطها ورد وفل وحجات الافراح دى. خلتها زى العروسه. وبعدها بلالين هيليوم بقى. وطلب حجات معينه تتكتب ع البالالين. وحجات من دي ورُحت الشهر العقاري. وجبتله المأذون ع الفيلا. وجيتلك ياعسل.حنين: واااو بجد حاجه جميله اوى انا بحب الحجات دى اووووى. طيب سوق بسرعه بليز عايزه اشوف فتون… خالد: بتحذير. حنييين. اوعى تقولى اى حاجه ل فتون. حنين: لأ متقلقش. ف الحاره. فتون: روقت البيت وعملت الاكل بدرى علشان تنزل تدور ع شغل. وظبطت كل حاجه. ودخلت الحمام تاخد شاور. وطلعت ولابسه بيجامه. وقالت ايه يابطه شربتى الشاى؟ فاطمه: اه ياقلب أمك. تسلم ايدك منحرمش منك.فتون: بألف هنا. انا هدخل البس علشان رايحه مشوار مهم. سليم: وصل الحاره. وقاعد ف العربيه. والفرحه ع وشه وقلبه بيدق بسرعه كبيره جدا. وفريده جمبه وفرحانه أوى. والماذون جمب طاهر. وخالد وصل. وبعد منه شريف ومعاه نجوى. حنين: نزلت بسرعه. وسلمت ع زينهم. وطلبت من اطفال الحاره يندهو ع فتون بصوت عالى. الاطفال عملت دوشه كبيره تحت بيت فتون. والأطفال كلها بتنادى يافتووووون. يافتوووون.خالد: زبط كل حاجه. والبلالين طارت لفوق ومنتظر لحظة خروج فتون. وهيقول ل سليم. فتون: سمعت الدوشه. وفتحت البلكونه. وبتعجب شافت بلالين هيليوم كتير طايره ومكتوب عليها. بحبك. الملاك الحارس. فاتنة قلبى. فتون: قلبها بيدق بقوه ومش فاهمه حاجه. وبصت من البلكونه. وشهقت بصوت عالى وحطت ايديها ع بوقها. سليم؟ سليم: نزل من عربيه فخمه جدا. وماسك شيخ ف ايدو. ورفع راسه لفوق. وقال بصوت عالى. فتوووون تتجوزينى؟فتون: اتصدمت بزهول وفتحت عينيها ع الاخر. ومش مصدقه ولا مستوعبه. وقلبها هيطلع من مكانه. هو. سليم قال ايه؟ سليم: رفع ايدو الل ماسكه ايد المأذون. وقال بصوت عالى. انا جبت معايه المأذون. موافقه تتجوزنى؟ اهل الحاره كلها اتلمت. وزينهم وقبارى ومنصور وجمعه وحسن. والكل مش فاهم حاجه. والأطفال فرحانه جدا وبتسقف. من شكل البالالين والورد.فاطمه: سمعت الصوت. وقالت هو ده صوت سليم؟ وايه الدوشه دى. وفتون واقفه بتترعش كدا ليه؟ وطلعت وقفت جمب فتون. واتفاجئت. وحطت أيدها ع قلبها. سليم: فتون ردى عليا. موافقه تتجوزنى. انا بعترف قدام الناس دي كلها. انى بحبك. وعايزك تبقى شريكة حياتى.فتون: قلبها بيدق. وضحكت بدموع وسعاده كبيره جدا. ومتلخبطه. وهزت راسها ايوه وبعدها لأ لأ. ومش عارفه تعمل ايه. وبصت ل فاطمه الل واقفه بتعيط بفرحه. وحضنو بعض بحب كبير وعيطو. حنين: واقفه جمب خالد. بتصور كل حاجه. وفرحانه أوى. وقالت حبيبى انا هطلع ل فتون وجايه تتحرك. خالد: شدها من أيدها بسرعه. وكانو قُريبين من بعض اوى. انتى قولتى ايه؟ حنين: قلبها بيدق بسرعه. وبتتنفس بصعوبه. ا. انا. ا. انا…خالد: طلع ايدو من ورا ضهرو. وماسك بالونه كبيره. ومكتوب عليها بحبك ياحنيني. وقالها انا حبيبك مش كدا؟ حنين: شافت البالونه وفرحت جداا. وضحكت بدموع. وهزت راسها ايوه. وشدت البالون من ايدو. وجريت من قدامه. ودخلت العماره بسرعه. خالد: اتنهد بحب وحط ايدو ع قلبه. وانتبه. وراح ل سليم. ايه يابرنس. مش خلاص الحي كله عرف انك بتحبها. ايه مستنى هي الل تنزل.سليم: صك ع اسنانه بغيظ ابو فصلانك ياشيخ. وانت مالك. وبص ل فوق. وقال فتون لو موافقه انزلى. فاطمه: بتعيط بشهقات فرحه. إن ربنا نصر بنتها وهتفرح وعوض صبرها خير. وربتت ع قلب فتون. انزلى يافتون. انزلى يابنتى. خالد: تنح. تنزل. والله انا مافاهم حاجه؟ زينهم: من وراه. ولا احنا فاهمين يا استاذ خالد ايه الحكايه يبنى. ومشاء الله 4 عربيات قافلين الحاره كلها اللهم بارك. مترسينا يبنى.خالد: ابتسم. حقك ياحج. انا هقولك ع كل حاجه. الباب بيخبط بصوت عالى. فتووون. توووونا انا حنين افتحي ياعروسه. ههههه. فتون: رجليها مش قادره تشيلها من الفرحه والمفأجاه الجميله. وراحت تفتح الباب برجفه. حنين: دخلت وفرحانه. وحضنت فتون اوووى. مبررروك مبررروك ياتونا. الف مبروك ياروحي. هههههه ايه ياتونا مالك؟ فتون: لسانها متلجم. ومش عارفه تقول حاجه وبتعيط.حنين: ههههههههه حاسه بيكى جدا يقلبى. يلا بقى علشان تنزلى. سليم محضرلك مفاجاءات تجنن. يلااااا. فاطمه: قربت من فتون. بسعاده. ايه يافتون يابنتى. بتعيطى ليه. قولى اى حاجه ياقلب أمك؟ فتون: حضنت امها وبتعيط ا. انا بحلم ياماما؟ انا حاسه اني بحلم؟ هوا. هوا سليم بجد جه هنا و قال إنه عايز يتجوزنى. قال إنه عايزنى شريكة حياته.؟ حنين: عيطت بصمت.فاطمه: ربتت ع ضهرها. لا ياضنايا انتى مش بتحلمى. سليم هنا. وطلبك قدام الحاره كلها. وكمان جايب المأذون. انا الل حاسه اني ف حلم. اخيرا الفرح دق بابك يابنت بطنى. حنين: مسحت دموعها. ومسكت ايد فتون. وبعدين بقى انتى مفطومه ع نكد. يلا بقى علشان تلبسي فستان حلو كدا وتنزلى.فتون: ضحكت بدموع وهزت راسها. ورايحه ع الاوضه. سمعت سليم بينادى عليها من تحت. وقلبها دق بحب كبير. وقلعت الخِمار ولبست الاسدال. ونزلت تجرى ع السلم. حنين: شهقت البت نزلت بالاسدال يابطه. مفكره نفسها رايحه تدفع وصل الكهربا. فاطمه: ضحكت بدموع. الفرحه ف القلب يانونا. وعيطت أجرى انزلى واقفى جمب اختك. ملهاش حد. يلا أجرى. حنين: صعبت عليها فاطمه. وحضنتها جامد. وخرجت ونزلت بسرعه تقف جمب فتون.سليم: واقف وقلقان. وقال هي ليه منزلتش؟ تؤ. ونفخ بحيره. ورفع راسه لفوق ونده فتوووون. خالد: شرح كل حاجه لاهل الحاره. ومنهم الل اقتنع وفرح جدا. ومنهم الل مش متقبل الأمر. ولكن القرار ف ايد تونه وبس. فريده: واقفه جمب سليم. وشريف ونجوى. وعينها ع باب العماره. وشهقت بفرحه. فتون!؟ فتون نزلت ياسليم ياحبيبى. سليم: غمض عينيه بحب كبير. وقلبه بيدق بسعاده.فتون: واقفه قدام البيت. ووشها احمر جدا. ومش عارفه تتصرف ازاى. ومش قادره تمشي اكتر من كده. سليم: فريده. وصلينى لحد عندها. اكيد هي محرجه. فريده: من عيونى حاضر تعالى. بصراحه وشها زى البدر. بس زى الطماطم. سليم: ابتسم بحب. ووصل لحد عندها. ووقف قدامها. فتون: بتفرك ف ايديها بتوتر. وبتنهج. وقلبها هيطلع من مكانه. سليم: حس بيها. وقال بصوت مهموس وحشتينى. فتون: مسكت ايد حنين وبتترعش وسكتت. وغمضت عينيها.وبعدها فتحت وشهقت بصوت عالى. وحطت أيدها ع بوقها. سليم: طلع من جيبه خاتم الماس. ونزل ع ركبته اليمين. ورفع الخاتم موافقه تتجوزنى يافتون؟ فتون: عيطت بسعاده وهزت راسها بالموافقه. لكن سليم مش شايف. لكن سمع الزغاريط من ستات الحاره. ابتسم وعرف أنها وافقت. وقال ايدك يا عروسه. فتون: مكسوفه جدا. حنين حاسه ان فتون هتقع من التوتر. ومسكت أيدها اليمين. وقالت اتفضل يا استاذ سليم. وضحكت.خالد: واقف بيصور. ومركز ع حنين. وضحك عليها. سليم: لبس الخاتم ل فتون ف وسط كل الحاره ونزل ع ركبته قدام الكل. علشان يقول للكل انها غاليه اوى. وقيمتها كبيره جدا. وحاول يقوم. ومثل أنه مش عارف يقوم. فتون: شافته وشهقت. وبسرعه ساعدته يقوم وقالت ع مهلك ياسليم. كنت هتقع. سليم: رفع عينه ليها وقال. انتى عكازى. وعمرى ما هقع طول ما انتى جمبى ياتونا. والاتنين قلبهم دق بحب كبير.بعد كدا. فريده حضنت فتون بحب كبير. وضحكت بسعاده الف مبروك ياروحي. فتون: بحرج. الله يبارك فيكي يارب. فريده: والله انا عايزه اطلبك رسمى. بس سليم مجنون بقى. لكن انا ماليش دعوه بيه. انا همشي بالأصول. وهطلع اطلب ايدك من الحاجه. الكل ضحك. وحنين طلعت مع فريده ونجوى. فوق. شريف: قرب منهم. مبروك ياسليم. وحضنه. سليم: الله يبارك فيك ياشريف. وخلى بالك لينا قاعده ف البيت انت مش عاجبنى بقالك فتره.شريف: ربت ع كتفه. تمام وانا كمان محتاج اتكلم معاك شويه. المهم نفرح دلوقتى. مبروك يا انسه فتون. فتون: بحرج الله يبارك فيك. زينهم وأهل الحاره كلها. سلمو ع سليم وفتون وف الل بارك من قلبه. وف الل زعلان ع فتون انها هتتجوز من اعمى. وف الل فهم إن فتون وافقت وبصه للفلوس. وف الل بيحقد. ولكن هي الدنيا كدا. ام سيد: زغرطت كتير جدا وفرحانه. وزينهم وزع ساقع ع أهل الحاره. وقبارى مبسوط.خالد: صحبى يصحبى ههههه. الف مبروك ياض ياسليم. سليم: هههههههه الله يبارك فيك ياعالمى. خالد: الف مبروك يافتون. بتسلمى بالأيد. ولا ايه ههههههههه سليم: بغيره. خبطه ف جمبه اتلم يالااا. فتون: ضحكت بسعاده. لأ ياخالد ما انت عارف انا مبسلمش ع حد غريب. خالد: كشر عينيه. غريب؟ انا غريب؟ يابنتى دا انا الل شارى البالالين والورد. وانا الل مزوقلك العربيه دى. وانا الل روحت الش، اااه. سليم: خبطه عشان هيقع بالكلام.خالد: اااه، ايه ياسيلم. احم اه قصدي روحت جبت المأذون. يعنى انا الل مرتب الجوازه دي. فتون: ضحكت بفرحه. سليم: اخلع بقى شاكرين افضالك. يلا اتكل. خالد: عليا الطلاق شغل مصالح يعم. انا طالع للموزه بتاعتى ودخل العماره فتون وسليم ضحكو عليه سليم: نده طاهر. طاهر: جه اؤمرنى ياسليم باشا. سليم: خد الحاجه الل قولتلك عليها وطلعها فوق. وسلمها ل انسه حنين. طاهر: حاضر ياباشا. والف مبروك ياهانم. مبروك ياباشا.فتون: هزت راسها بتعجب. وقالت هانم؟ سليم: طبعا هانم. وست الهوانم كمان. بس انتى قلبك جامد اوي. كدا سليم يهون عليكي. فتون: ضغطت ع شفايفها باحراج. احم مش هنطلع فوق. الناس بتبص علينا. سليم: مد ايدو. وقال حطى ايدك ف ايدى. فتون: اتكسفت. احم لأ مش هينفع اصل. ومكملتش… سليم: مسك ايدها وطالعين فوق. مش هينفع مين.؟ يابنتى انتى كلها شويه وتبقى مرااتى. فتون: فرحت جدا وهمست. مراتك.سليم: طبعا. مراتى وحبيبتي. ههههه الكلام بعد الاعتراف بقى سهل اوى هههههههه ده انا هازهقك كلام. بس انتى استحملى بقى. فتون: ضحكتها منوره وشها. وقلبها قال عمرى ما ازهق منك ابدا. وقالت سليم هو ليه كتب كتاب ع طول. احم مش يعنى كنت اسنيت شويه أو عرفتنى قبلها. سليم: وانا عبيط. اجى اقول اى حاجه. تقوليلى اكون او لا اكون وتمشي. انتى خلاص ادبستى. ولا انتى ليكى رائي تانى؟فتون: ههههه لا خلاص موافقه ادبس وأمرى لله. سليم: يسلام قلبك كبير والله. عارفه؟ انتى متعرفيش غيابك عنى كان عامل فيا ايه؟ فتون: اتكسفت. وفرحانه جدا جدا. سميره فتحت باب الشقه. بتوتر. مبروك يافتون. الف الف مبروك ياحبيبتى. وسلمت عليها. فتون: الله يبارك فيكي ياخالتى. سميره: مبروك ياسي الاستاذ. وعقبال الليله الكبيره. سليم: مش عارفها. وهز راسه متشكر. فتون: بتوتر. سليم اعرفك خالتى ام عصام. مرات الشيخ محمد.سليم: بخنقه. اه. اهلا وسهلا. يلا ياحبيبتى علشان المأذون فوق. فتون: حاضر. احم وبصت ل سميره. خالتى الله يخليكى اتصلى ع عمي محمد ضرورى. هو الل هيكون الوكيل. سميره: بفرحه. من عينيه ياحبيبتى طول عمرك صاحبة اصل. وربنا يسعدك. سليم: نفخ بنفاذ صبر. فتون: فهمت خنقته. وهي مش عايزه تضيع فرحتها. وهزت راسها. تسلمى ياخالتى بعد اذنك.سميره: اتفضلى ياحبيبتي. ودخلت وقفلت الباب. وراحت ل سحر. وقالت بغيظ انتى ماطلعتيش تباركي لفتون ليه ياسحر؟ سحر: واباركلها بانهى وش ياماما. مش كفايه الل انا عملته فيها.سميره: ومحدش كان ضربك ع ايدك انك تنتقمى ف شرفها. قومي قومي بطلى تمثيل. واطلعى باركي ليها. اهو ربنا عوضها بالل احسن من حسن بيجى يقعد زى الكرسي لو اتكلم كلمه يبقى بركه عامل زى الصنم جاتك الهم ع بختك. انا رايحه اتصل ب ابوكى. بنت اصول وافتكرته وع طول تكبر بيه. سليم: دخل وسلم ع فاطمه وحضنها لانها بتعيط ومش مصدقه. وماسكه صور فتون ف أيدها لكتب الكتاب. كدا موجود. شريف وخالد وحنين وفريده ونجوى. والمأذون.حنين: شدت فتون ع اوضتها تعالى بسرعه. فتون: دخلت معاها. وفتحت عينيها ع الاخر. ايييه ده؟ ماشاء الله ايه كل ده؟ وكان موجود ع السرير. فساتين جديده. بالحجاب. واكسسوارات. وعلبه قطيفه. وجزم. وبرفان. وهدايا. حنين: سقفت ايه رايك. سليم جاب كل ده. والفساتين جايبها مقاسات مختلفه عشان تلبسي الل يجي مظبوط عليكى. فتون: واقفه مزهوله. كل ده؟حنين: مسكت أيد فتون. وقالت انتى تستاهلى اكتر من كده يافتون. انتى تعبتى. وصبرتى. واتحملتى وسامحتى. وديما عندك يقين ومقتنعه تماما إن ربنا هيكرمك. وكملت بدموع واهو. ربنا كرمك. واتمنى من كل قلبى انك تعيشي باقى حياتك مبسوطه وسعيده. فتون: عيونها لمعت بدموع. وحضنت حنين. انا بجد فرحانه اوي اوى ياحنين. انا لحد دلوقتي مش مصدقه. معقول ف يوم وليله تتغير كل حاجه؟حنين: ربك قادر ع كل شيء. إذا أراد أن يقول للشيء كُن فيكون. والحمدلله انه رزقك بالل اختارو قلبك. فتون: طلعت من حضنها. وقالت الل اختارو قلبى انتى كنتى عارفه انى بحب سليم. حنين: ضحكت يوووه دى مصر كلها عارفه. باين عليكى اوى اوى. بس انتى بت رخمه وخبيتى عليا. ويلا بقى يدوبك تلبسي. فتون: قلبها بيدق. ا. انا محتاره البس ايه. ماشاءالله الفساتين كتير اوى وحلوين جدا. اختارى معايا.حنين: بتختار. امممم اهو الفستان الكشمير ده هيبقى تحفه اوووى عليكى. امسكى. وشوفى اى فستان هيجى ع مقاسك. والبسي بسرعه. وانا هحطلك ميكب خفيف. يلاااا. ف الوقت ده. الشيخ محمد لما عرف جه بسرعه. وطول الطريق سميره بتحكليه ف الفون. ومستغرب جدا. كتب كتاب كدا ع طول. وقفل معاها. وقابل زينهم. ايه يازينهم الل سمعته ده؟زينهم: والله انا اتفاجئت زيك كدا بالظبط. بس بينى وبينك. الراجل شارى. وجاي ومحمل. واتقدملها قدام الناس كلها. زى الافلام. وانا كنت مستغرب. بس الل ريح قلبى. إن فتون كانت طايره من الفرحه. ساعتها بس عرفت ليه سليم كان زى المجنون وانقذ فتون. محمد: ليه ياحج زينهم؟زينهم: سليم بيحب فتون بنتنا اوى ياحج محمد. راجل بصحيح ويتقدر. يلا ربنا يكرمها. تعالى نطلع علشان فتون بعتتلى عايزانى شاهد ع العقد. وانت وكيلها. البت دى جدعه اوى اوى يامحمد ياخويا. محمد: اتنهد وقال جواه. إلا جدعه يازينهم. فتون دي جميلها ف رقبتى ليوم الدين. وفاق وقال ع بركة الله. يلا نطلع ونبارك ونهنى. ونخلى الفرح يدخل بابها، وطلعو وسلمو ع الكل. والمأذون بدء بكتب الكتاب.فتون: لبست الفستان. وحنين حطت ليها لمسات خفيفه. ولبست الحجاب. والاكسسوارات. وخرجت والكل انبهر بيها. وسليم قلبه دق. فتون: واقفه متوتره وعينيها ع الخاتم الل ف أيدها ومش مصدقه. وحاسه انها ف جميل وفاقت ع صوت محمد. أمضي يابنتى. فتون: برعشه مسكت القلم ومضت. المأذون. بارك الله لكما وبارك عليكما وجمع بينكما في خير.رواية أحببت بصيرته للكاتبة مريم نصار الفصل الثاني والثلاثون
المأذون. بارك الله لكما وبارك عليكما وجمع بينكما في خير. بالرفاء والبنين إن شاء الله. الزغاريط اتملت ف الشقه. والفرحه ف قلب الكل. سليم: قام وقف ومبسوط جدا خلاص اخيرا تونا حبيبته بقت مراته. خالد: بفرحه الف مبروك يانجم. وحضنه بعض. سليم: الله يبارك فيك. وهمس انت اخدت الورقه من المأذون؟ خالد: همس اطمن. وفتون مضت عليها ورقم البطاقه بتاعتها اتكتب ع العقد. سليم: اتنهد بأريحيه. تمام. شكرا جدا ياخالد.خالد: طلع من حضنه. ع ايه يسطى كلها شويه واحصلك. المهم امسك العقد اهو. سليم: اخدو وحطه ف جيبه تمام. فريده: بدموع الفرح الف مبروك ياحبيبى. وضمته لقلبها. سليم: سلم عليها. وباس ع راسها وايديها. الله يبارك فيكي ياحبيبتى. شريف: سلم عليه. الف مبروك ياحبيبى. سليم: الله يبارك فيك ياشريف. شريف: معلش بقى ياسليم انا لازم امشي. نظيم اتصل وف عميل منتظرنى ف الشركه. سليم: ماشي ربنا معاك. شريف: سلم ع الكل ومشي.سليم: عايز يبارك ل مراته. وواقف متوتر. فتون: واقفه وشها احمر وقلبها بيدق بسرعه. ومتوتره ومش مستوعبه. محمد: قرب منها. الف مبروك يابنتى. وضمها لقلبه بحب كبير. فتون: حضتنه بحرج. الله يبارك فيك ياعم محمد. محمد: ابتسم بحب. ومسد ع حجابها. ماشاء الله تبارك الرحمن. زي البدر ف ليلة تمامهُ. ربنا يسعدك يابنتى. زينهم: ضحك اللهم صل ع النبى. ايه ف الجمال. هههههه اوعي يكون سليم بيه بيغير تبقى مشكله. الف مبروك يابنتى.فتون: رفعت عينيها ع سليم. وابتسمت بحب. وقالت الله يبارك فيك يا عم زينهم. سليم: مشي خطوتين. وقرب منها. فتون: واقفه بتنهج بسيط جدا ومكسوفه. سليم: رفع ايديه وحاول يوصل ل وشها. ومسك وشها بايديه. وقرب باس جبينها بحب كبير. وقلبه بيدق. فتون: غمضت عينيها وبتنظم أنفاسها. وقلبها هيطلع من مكانه. وجسمها كله بيترعش. سليم: شال ايدو ومسك كف أيدها وباسه. مبروك يافتون.فتون: مش عارفه تتكلم. وقالت بصوت مبحوح. ا. اله. ا. الله يبارك فيك. سليم: هشش اهدى. مالك متوتره ليه؟ فتون: احم لأ مش متوتره ولا حاجه. سليم: نده ع فريده. فين الشبكه؟ فريده: ابتسمت. اه ثوانى ف الشنطه. وراحت جابتها. فتون: شبكه؟ سليم: طبعا. انتى مش عروسه؟ ودي هديتى ليكى. فريده: جابتها. وفتحت العلبه. وكان كوليه الماظ ورقيق جدا. فتون: بصدمه كبيره. وجواها رفض. حنين: وااااو ماشاء الله. يجنن ياطنط.محمد وزينهم: ماشاء الله ربنا يزيد ويبارك. سليم: فتح ايدو لفريده. فريده: حطت الاسوره. ف ايدو. سليم: ايدك يافتون. فتون: تايهه وسرحانه. ورافضه شبكه غاليه اوى كدا. وقالت بس سليم دى باين عليها غاليه اوى. لأ انا… سليم: ابتسم. مفيش حاجه تغلى ع مراتى حبيبتى. ودي هديه بسيطه. هتسكفينى بقى؟ ومد ايدو.فتون: بحرج رفعت أيدها ولبسها الاسوره. وبعدها حاول يلبسها العقد ونجح. وبعدها الخاتم. والحلق هي هتبقى تلبسه. وقال دورك تلبسينى الدبله. فتون: برجفه. مسكت الدبله ولبسته. سليم: رفع كف أيدها وباسه. الف مبروك ياروحي… فتون: بلعت ريقها بتوتر. وسحبت أيدها الله يبارك فيك. سليم: ضحك ع كسوفها حنين: قربت منهم. وسعو كدا. تعالى ف حضنى و حضنتها. مبروك ياتونا الف مبروك ياروحي.فتون: حبيبتي يانونا ربنا يباركلى فيكى ياقلبى وعقبالك. فريده: قربت من فتون. احب اعرفك بنجوى اختى الصغيره وبنتى. فتون: اهلا بحضرتك. نجوى: ضمتها بسعاده. بسم الله ماشاء الله. زى القمر يافتون. عسل الله اكبر. الف مبروك ياحبيبتى. فتون: بفرحه كبيره الله يبارك فيكي يارب. نجوى: همست ل سليم العروسه حلوه اوي اوي يسلم. وعينيها زرقا عسل اوى. سليم: ضحك بصمت. امسكى الخشب يانجوى احنا لسه بنقول ياهادى ههههه.نجوى: خبطته ف كتفه وانا يعنى هحسدها ياواد. ماااشى حسابى معاك بعدين. فريده: هههههه هما كدا قط وفار. تعالى يافتون ف حضنى. وضمتها بحب كبير الف مبروك ياروحي. انا مش مصدقه إن ربنا اخيرا استجاب دعايا. وانتى بقيتى من نصيب ابنى. فتون: قلبها استريح. الله يبارك فيكي يامدام فريده. فريده: ههههه مدام فريده. لأ انا كدا ازعل بقى ولا ايه ياحاجه فاطمه. وبتلف ل فاطمه. وكانت بتعيط بصمت وواضح عليها الحُزن.فريده: زعلت علشانها. فتون: بلهفه. جريت عليها ونزلت ع ركبها قدامها. ماما انتى بتعيطى ليه كدا؟ فاطمه: مسحت دموعها. وكانت عينيها حمرا جدا. وقالت بعيط من فرحتى يانور عيني. خلاص ربنا استجاب دعايا انا كمان. وعوض تعبك وشقاكى. انتى ماشوفتيش شويه ياضنايا. فتون: بتعيط بصمت. طيب اهدى ياحبيبتى. وبطلى عياط. انتى المفروض تزغرطى وتضحكي. كفايه ياماما. فاطمه: بوجع. هتتجوزى وتسبينى وهعيش لوحدى. وانا ماليش غيرك يافتون.فتون: بتعيط. ولسه هترد. سليم: قعد جمب فاطمه. وحاوط كتفها. هي مين دي الل هتسيبك وتعيشي لوحدك؟ رجلك قبل رجلها. ومكانك قبل مكانها. انتى وامي تيجان فوق الراس. وعمرى لا انا. ولا فتون هنبعد عنكو ابدا. فتون: بصت ل سليم بعشق كبير وفرحت جداا. وشكرته بقلبها. فاطمه: ربنا يبارك فيك ياضنايا. وينورهالك. وتعيش مبسوط طول العمر. وأمانه عليك يبنى تخلى بالك من فتون. دى غلبانه وملهاش حد.سليم: الكلام ده كان زمان. دلوقتي هي مراتى. وفتون ف قلبى قبل عينيه. ومتقلقيش عليها. انتى تقلقى عليا انا بنتك مفتريه هههههههه. الكل مسح دموعه وابتسم. فاطمه: ابتسمت. شاله يجبر بخاطرك وربنا يسعدكو ياحبايبى ويجعل الفرح رفيق حياتكو ديما. فتون: ضحكت لما شافت ضحكة امها. واتنهدت باريحيه. وممنونه ل سليم. محمد وزينهم بصو لبعض. واتفائلو خير.خالد: بصوت عالى. مش خلاااص وصلة العياط دى ولااا ايييه؟ هو احنا مبنعرفش نفرح. بت ياحنين يوم كتب الكتاب بتاعنا مش هنعزم الناس دي. لأ انا مبحبش النكد. كلهم ضحكو. محمود: دخل سلام عليكم. كلهم وعليكم السلام. محمود: الف مبروك يا ابله فتون. عمى قبارى باعت السماعات دي وبيقولك شغليها علشان الفرح. فتون: الله يبارك فيك يا محمود. خالد: اخد السماعات والله انت ابن حلال. وبيشغل فيها.فريده: حنين ياحبيبتى. ادخلى اوضة الحاجه هتلاقى فيها ضيافه. جاتوه وحلويات وعصاير. ظبطى كدا علشان الناس دى. حنين: حاضر من عينيا. وراحت بسرعه. فتون: قعدت جنب فاطمه. بطمنها وتبوس ع ايديها. فاطمه: باست فتون. وقامت تقعد جمب فريده وتسيب سليم جمب فتون. خالد: شغل الميوزك. والصوت كان عالى. وف ااقل من دقيقه. كان البيت مليان من الاحباب. وبيسقفو ويرقصو. سليم: قرب من فتون. ومسك كف أيدها. فتون: بحرج. هتسحب أيدها.سليم: تؤ تؤ. لأ خلاص انسي انتى كلك ع بعضك ملكى وحلالى. فتون: سليم.؟ سليم: قلب سليم. فتون: بسعاده. هو انا بحلم؟ سليم: ابدا ياقلبى انتى مبتحلميش. بس عايزه الحق. انا الل حاسس انى بحلم. ومش مصدق انك خلاص بقيتى ع اسمى. انا بجد مش مصدق. فتون: قلبها مبسوط. طيب انا عايزه اعرف انت ليه عملت كدا؟ قصدى انت قررت بسرعه وازاى ده حصل؟ سليم: قرب منها وهمس هقولك ع كل حاجه. لما نخرج. فتون: بعدم فهم. نخرج؟ هنروح فين؟سليم: لأ دى بقى مفاجأه. خالد: بيوزع حلو ع كل الموجودين. والفرحه ليها طعم تانى. حنين: ف المطبخ. وخالد دخل عليها. ايه ياموزتى بتعملى ايه؟ حنين: بعمل قهوه ل سليم. تحب اعملك؟ خالد: قرب منها. اممم تؤ انا عايز حاجه تانيه؟ حنين: بلعت ريقها بتوتر. خا، خالد ايه؟ ف ايه؟ انت بتقرب كدا عايز ايه؟ خالد: بمكر. اممم اصل لما كنا تحت البيت. قولتى حاجه حلوه اوى. انا بقى عايز اسمعها تانى.حنين: بلخبطه. ال، القهوه هتفور. اطلع بره لو سمحت. خالد: قفل النار ع القهوه. وبصلها. غمضي عينيكى. حنين: هتموت مكانها. خالد الناس شايفانا. اطلع الله يخليك. خالد: مالك يابت. اومال لو هبوسك كنتى موتى. يلا غمضي غمضي متخافيش. حنين: هزت راسها لأ. وانا الل هخرج. خالد: مسك ايدها. يابت اهمدى بقى. يعنى انا هعمل حاجه وحشه قدام الناس. ولا انتى مش واثقه فيا؟حنين: اتوترت. لأ واثقه فيك. بس. بس ده مايمنعش انى اكون محرجه عادى يعنى. خالد: بمكر طيب لو بتحبنى غمضي عينيكى الحلوين دول. حنين: بتوتر. انا هغمض بس والله لو عملت حاجه ضايقتى. هتخانق معاك. خالد: والله ابدا وانتى احتمال كبير بعد ما تفتحى تبوسينى. اخلصى بقى. حنين: اووف. اهووو وغمضت عينيها. خالد: ماسك علبه قطيفه. وفتحها. فتحى ياحبيبتى. حنين: فتحت. وتنحت وعينها مفتوحه بزهول. اي. ايه الطقم دا ياخالد؟خالد: عجبك؟ حنين: ده تحفه فنيه. رهيب ماشاء الله بجد. خالد: حط العلبه ف ايديها. واخد العقد. طيب ممكن بقى البسك العقد ولا هتسدى نفسي؟ حنين: ههههههه لا ممكن طبعا. بس خليك مؤدب. خالد: ههههههههه موعدكيش ههههه. حنين: غمضت عينيها بحب بس انا واثقه فيك. خالد: ام التثبيت ده. بتثبتينى يابت. ماشي ياحبيبتى تعالى انا هحاول اكون مؤدب. ولبس ليها الطقم. وكان جميل عليها. حنين: بسعاده بجد ميرسي اوى ياحبيبى.خالد: الله هو ده الكلام. انتى بتيجى بالرشوه يابت. هههههههه. حنين: ههههههههه لا ابدا. دى بتبقى ذلة لسان بس. خالد: كشر عينيه. ذلة لسان يابت نجلاء. ماشي. المهم هتعملى لحبيبك قهوه. حنين: من عيونى حاضر. خالد: تسلم عيونك يقلبى. طبعا. ف ناس بتبارك وتمشي عشان المكان ضيق. والشيخ محمد وزينهم. استاذنو ونزلو يصلو المغرب. وفاطمه وفريده ونجوى ف الأوضه بيصلو وبيتكلمو مع بعض. سليم: همس. ادخلى البسي فستان تانى ويلا بقى.فتون: هنروح فين؟ وفستان تانى ليه؟ سليم: منا قولتلك مفاجاه. عموما هريحك. عازمك ع الغدا ف مكانى الخاص ومحدش يعرف بيه غير خالد وبس. ها اطمنتى. فتون: مش حكاية اطمن. انا بس بسال اعتبره فضول منى. سليم: اسالى برحتك طبعا. يلا بقى البسي بسرعه علشان بجد صدعت من الدوشه دى. وحنين شكلها نسيت القهوه. فتون: ياخبر. طيب ثوانى هاقوم اعملها لك انا. سليم: لأ. انتى مش هتعملى حاجه. هشرب بعدين يلا بقى.فتون: طيب ممكن تسمع كلامى. انا لسه هصلى المغرب. تكون انت شربتها. وبعدها انت تصلى وانا اجهز نفسي تمام. سليم: اممم ديل كويس. اوكي تمام. فتون: قامت. وراحت المطبخ. وشافت خالد بيشرب قهوه. وحنين. اااه انتو هنا؟ حنين: شوفتى ياتونا خالد جابلى ايه؟ فتون: بفرحه ماشاء الله. بجد جميل اوى. مبروك ياحبيبتى. حنين: تسلمى يارب ياحبيبتى خالد: طيب اطير انا بقى. تسلم ايدك يانونا ع القهوه. وخرج قعد مع سليم.فتون: خبطت حنين ع راسها. اه تعملى قهوه ل خالد وناسيه سليم. حنين: هههههههه معلش بقى. انا هعمل حالا. فتون: لأ انا هعمل. بس بقولك ايه. خشي اختارى فستان رقيق كدا. عشان خارجه مع سليم. حنين: اووو اشطا جدا. بصي ف فستان اسود بس طالع من عينى مشاء الله طبعا. بس هيبقى خطير جدا عليكى. انا هروح اشوف ايه الاكسسوارات الل هتليق عليه. يلا سلام. وراحت تختار.فتون: بتعمل القهوه. بسعاده كبيره. وشبكت أيدها تحت دقنها ومغمضه عينيها. وبتدعى ربنا انها مبتكونش بتحلم. وأنها فعلا اتجوزت من سليم حبيبها. خلصت القهوه. وقدمتها ل سليم. اتفضل. سليم: رفع ايدو. وفتون ساعدته. وقالت سليم احنا هنخرج. طيب وماما هتقعد لوحدها؟ سليم: بيشرب القهوه. اممم كانت وحشانى اوى. تسلم ايدك. حبيبتى فريده ونجوى معاها. وهيفضلو قاعدين لحد ما نرجع. واخدهم ونروح. متقلقيش.فتون: تمام. انا هصلى بعد اذنكم. وراحت ع الاوضه. خالد: بقولك ايه؟ انت ليه مقولتش ليها ع العقد؟ سليم: هقولها ف الوقت المناسب. خالد: ههههههه ابو سلامه هيتشل اول ما يعرف انك سجلت العماره بإسم فتون. سليم: ده راجل طماع. سيبك منه. بس تعرف انا نفسي اطلع الل اسمه حسن ده من البيت. وكمان سحر وامها. خالد: بعدم فهم. طيب حسن وفهمنا انت عايز تطرده ليه؟ لكن سحر وكمان امها طيب ليه؟سليم: لعن نفسه. وقال ابدا مش مراته وامها حماته ههههههه. خالد: هي شروه ياعم سليم. المهم انسي بقى. وحسن فرحهُ قرب خلاص وهيمشي من البلد كلها. سليم: مع السلامه. بس قولى هو كان موجود وانا بتقدم ل فتون؟ خالد: طبعا يانجم. ده نزل يجرى. وتنح وكان واقف مش ع بعضه. شكله افتكر الصور بتاعته. ههههههههه كان قمر. سليم: كدا احسن لازم يعرف حدوده كويس.فتون: اتوضت وصلت المغرب. ودعت ربنا كتير. وفرحانه. وطايره من الفرحه. ولبست الفستان باللون الاسود. وكان خيال عليها. ورفضت تحط ميكب. وكانت فعلا ملاك. ولبست الحجاب. ومسكت كف أيدها. وابتسمت بسعاده. وباست الخاتم. وضمته لقلبها. حنين: خلصت صلاه. بسم الله ماشاء الله. قمر يابنت بطه. صاروخ ارض جو.فتون: بتعدل الحجاب هههههههههه. حنين تعرفى والله العظيم انا ممصدقه. انا كنت لسه هلبس عشان انزل ادور ع شغل. سبحان الله. بجد. ربنا كرمنى. حنين: وكرمنى معاكى. تعرفى خالد ع قد ما هو مجنون. بس حنين اوى. جابلى بالون هيليوم. وكمان طقم. والفستان الل انا لابساه ده. خالد جميل اوى يافتون. انا بحبه اوى. فتون: خلاص. اكتبوا الكتاب. وخالد شقته الجديده جاهزه. وبجد تحفه.حنين: قعدت ع طرف السرير. والله خالد عايز يكتب الكتاب دلوقتي. وكمان طلب منى اروح اشوف الشقه. بس انا اترددت. وهو حس بيا ومطلبش منى تانى. بس صورهالى. بجد جميله وحبيتها اوى. لدرجة انى بتخيل نفسي عايشه فيها معاه. فتون: قعدت جنبها. انا ليه شايفه خوف ف عينيكى؟ انتى لسه مش واثقه فيه؟ حنين: لا طبعا. انا واثقه فيه جدا. خالد جدع. وخرجت معاه كتير. وعمرو ما حاول يتعدى حدوده معايا. بس الل مخوفنى. باباه.فتون: بعدم فهم. وايه الل مخوفك؟ هو بعيد عن حياة خالد. حنين: الوضع ده مش عاجبنى. عايزه اقربهم من بعض. وف نفس الوقت خايفه اخد خطوه خالد يضيع من ايدى. فتون: حنين. متحاوليش لأن واضح كدا أنه والده قلبه جامد اوي ع خالد. الل يهون عليه ابنه أنه يسيبه السنين دى كلها ويكون السبب ف دمارهُ. استحاله بمحاوله منك انه يرجع لابنه من تانى. حنين: بس نفسي احاول. حتى لو مره.فتون: وانا مش هقدر اقولك لأ. مدام ناويه خير. ويمكن ربنا يخلف ظنى ويطلع إنسان كويس. ويعوض ابنه سنين الحرمان الل عاشها. حنين: ايوه ياتونا ادعيلى. احاول الم شملهم. فتون: إن شاء الله ربنا يقدرك وتلمي شملهم باذن الله. حنين: يارب. قومي انتى بقى عشان متتاخريش ع سليم. فتون: طيب وانتى هتعملى ايه؟ حنين: ابتسمت خالد حبيبى عازمنى ع الغدا. فتون: ربنا يسعدك يانونا يلا سلام. وقامت واخدت شنطتها.حنين: مع السلامه ياحبيبتي. وقامت تظبط لبسها عشان تخرج مع خالد. وابتسمت بسعاده كبيره و بتفكر في مواقف خالد… فتون: دخلت ودعت فاطمه وفريده ونجوى. وخرجت. سليم انا جاهزه. سليم: قام وقف قدامها وابتسم. الفستان يجنن عليكى. فتون: ابتسمت بجد عجبك؟ سليم: . طبعا لازم يعجيني. ع اساس انى شايف ها؟ فتون: طبعا شايف. بدليل انك شايفنى أجنن. سليم: بمكر انا قولت الفستان يجنن مش انتى؟فتون: غمضت عينيها باحراج. احم اه منا قصدى ع الفستان. سليم: ههههه الفستان فعلا يجنن عليكى. لكن انتى مافيش وصف اقدر اوصفه ف جمالك. فتون: اتكسفت وفرحت. احم نمشي؟ سليم: مسك ايدها وحطها ف دراعه. وقال كدا نقدر نمشي. فتون: حاسه انها طايره زى الفراشه. وخايفه تحسد نفسها ع فرحتها. ونازلين ع السلم. وطاهر واقف بالعربيه الجديده. وسليم. فتح الباب اتفضلى. فتون: ماشاء الله. وركبت.سليم: لف بحظر. وطاهر فتح الباب وسليم ركب جمبها وقال اطلع ع مكانى الخاص ياطاهر. طاهر: اتحرك بالعربيه. سليم: اخد كف أيدها ف ايدو. ومبسوط اخيرا. فتون: قلبها بيدق. وقالت سليم مش هتقولى انت اخدت قرارك ده ازاى؟ سليم: هز راسه طبعا هاقولك. بس اول ما نوصل. فتون: هزت راسها. تمام زى ما تحب. سليم: اهم حاجه دلوقتي كنت عايز أسألك. هنعمل الفرح امتى؟ انا لو عليا من دلوقتي لو تحبى. بس سبت القرار ليكى.فتون: بتوتر. لالالا. مش دلوقتي خالص. سليم: ههههه. لأ لازم ميعاد. علشان اعرف أرتب لكل حاجه. فتون: بحيره مش عارفه ياسليم. انا بجد محتاره. سليم: طيب انا هريحك ايه رايك ف إجازة الترم مع خالد وحنين؟ فتون: وشها بقى احمر جدا وقالت خلاص. زي ما تحب… خالد: اخد حنين. وودعو فريده وفاطمه. وخرجو. وبعد شويه. سهير وسميره. وإم محمود. راحو يباركو وقاعدين مع فاطمه.ابو سلامه: قاعد ع القهوه ومبسوط. وبيكلم نفسه. انا بقى بقيت من الأعيان. هههههه يسلام. أما الفلوس دى نعمه بصحيح. طلعت: بخنقه سلام عليكم يامعلم. ابو سلامه: نفخ بنفاذ صبر. وقال يادى العكننه وعليكم السلام يامتر. طلعت: قعد وزعلان. وطلب شاى.ابو سلامه: قال جواه اله هو عرف انى بعت العماره ولا ايه؟ وماله قالب وشه كدا؟ هههااااى خليه يتأدب عشان كان عايز يسبنى ويمشي من العماره. وفاق وقال اله مالك يامتر شايل طاجن ستك ليه ع المسا؟ طلعت: اتنهد. ابدا يامعلم. مفيش حاجه. انت عرفت الل حصل ف العماره؟ ابو سلامه: بتوتر. ها؟ والله يامتر كل شئ قسمه ونصيب. هنعمل ايه بقى المضطر يركب الصعب.طلعت: فعلا كل شئ قسمه ونصيب. وربنا يسعدها هي انسانه محترمه جدا وتستاهل كل خير. لكن زعلت لما عرفت أنه كفيف. ابوسلامه: كشر عينيه بعدم فهم. انسانه محترمه؟ هي مين؟ وبيتكلم ع ايه؟ انت تقصد ايه يامتر؟ وبيرفع كوباية الشاي يشرب طلعت: اله ماتصحصح معايا يامعلم. انا بتكلم ع كتب كتاب الانسه فتون ع الباشمهندس سليم بدر الدين. وده رجل اعمال مشهور جدا انا اسمع عنه من زمان ومتابع أعماله غنى جدا جدا.ابو سلامه: بخ الشاي من بوقه. وفتح عينيه بصدمه. انت بتقول ايه؟ طلعت: اتخض واستغرب. ايه يمعلم ف ايه؟ ده الخبر مالى الحاره كلها. ابو سلامه: لأ ع مهلك كدا يامتر وفهمنى عشان بس فاضل برج ف دماغى. بتقول فتون مالها؟ طلعت: بتعجب. فتون اتكتب كتابها انهارده. ع رجل الأعمال المعروف سليم بدر الدين. انت ازاى متعرفش؟ اومال انت كنت تقصد ايه ع كل شئ قسمه ونصيب؟ابو سلامه: سرحان بصدمه. فتون؟ وكتب كتابها؟ وع سليم؟ اله العماره؟ وهز راسه ببلاها. انا مش فاهم حاجه؟ هو اشترى العماره بالسكان؟ ولا الحكايه غير كدا خالص؟ لأ ما انا لازمن افهم اه؟ طاهر وقف بالعربيه. وصلنا ياسليم باشا ونزل يفتح الباب ل سليم فتون: بصت من الازاز. وانبهرت من جمال المنظر. سليم: نزل. وطاهر ساعده. ولف فتح الباب ليها وفتون نزلت وتايهه تماما ومش فاهمه. سليم: ابتسم. ومد ايدو ليها.فتون: حطت ايدها ف ايدو. وقالت سليم انت جايبنى نقعد ع النيل؟ بجد المكان جميل اوى. سليم: طبعا بس مش هنقعد ع النيل. هنقعد ف النيل. فتون: بدهشه. سليييم هنركب مركب مش كدا؟ بجد دي مفاجاه حلوووه جدا انا من زمان نفسي اركب مركب. سليم: ههههههه. اصبرى ع رزقك. وكل الل انتى بتتمنيه هيتحقق. طاهر: جه وقال. اليَخت جاهز ياباشا. فتون: فتحت عينيها يَخت؟سليم: هز راسه. تمام متشكر يا طاهر. استنانى هنا انت ف العربيه لحد ما نرجع. طاهر: تحت امرك ياباشا. سليم: يلا يافتون. فتون: واقفه متنحه. وهمست ببلاها يَخت؟ سليم: ههههه. ايوه ياحبيبتى يَخت. تعالى بس معايا. هتساعدينى ولا انادى ع طاهر؟ فتون: بتوتر. سليم. هوا. هو احنا هنطلع ع اليخت لوحدنا؟ سليم: فهم انها خايفه. وقال متقلقيش يافتون. انا بفهم ف الأصول كويس. وبعدين هتخافى من واحد اعمى هههههههه.فتون: بديق. سليم بطل الأسلوب ده. انت شايفنى بقلبك وده بيبسطنى. وانا مش خايفه منك ولاعمرى ف يوم حسيت الخوف من ناحيتك ابدا ودلوقتي انت جوزى. وسؤالى عشان احم، واتوترت واتكسفت. سليم: حب هجومها عليه. وابتسم وضغط ع أيدها بحب. تصدقى حبيت اوى منك انى جوزك دي. فتون: ابتسمت بحرج وضغطت ع شفايفها. سليم: ها؟ نمشي ولا ايه ولا اقضي السهره مع طاهر؟فتون: ههههه لأ يلا بينا. ومشيو جمب بعض وفتون بتساعده. ومبهوره بكل حاجه حواليها. سليم: ماشي. ووصل قدام اليخت. وفتون فتحت عينيها بدهشه. وجه فرد الأمن واسمه فؤاد. مساء الخير سليم باشا. نورتنا فينك من زمان. سليم: ابتسم اذيك يافؤاد. عامل ايه؟ فؤاد: الحمدلله بخير طول ما حضرتك بخير. سليم: متشكر. ها كل حاجه جاهزه؟فؤاد: وزى ما خالد باشا أمرنا بالظبط. اليخت جاهز. ومتزين بالورد والانوار. والشيف امجد مجهز كل حاجه. وموجود ع اليخت. سليم: عظيم جدا. متشكر يافؤاد. فؤاد: تحت امرك يافندم. بعد اذنك ومشي. سليم: حبيبتى هتعرفى نطلع وتساعدينى ولا نقع انا وانتى ويبقى شكلنا مواقف وطرائف ههههههههه. فتون: هههههههه. لأ متقلقش طول ما انا جمبك. واتكسفت. سليم: اتنهد بحب. عمرى ما اقلق ف وجودك يلا تعالى.طلعو اليخت. وفتون من جواها رهبه لانها اول مره تشوف وتعيش ع ارض الواقع. سليم: سلم ع الشيف. واتكلم معاه واتفق ع البرنامج الل هيتنفذ. وراح عند فتون. ممكن تغمضي عينيكى.؟ فتون: بتنهج بسيط ومتوتره. وهزت راسها ماشي. احم اهو. وغمضت عينيها. وماسكه الفستان بايديها بتوتر. سليم: شاور للشيف. وشغل الاضاءه. وكان موجود طربيزه وعليها الاكل بطريقه راقيه وجميله جدا. سليم: فتحى عينيكى.فتون: فتحت عينيها. وشهقت بصوت مهموس وحطت أيدها ع بوقها من جمال المنظر. انوار وورد وبلالين. وكمان مكان الغدا تحفه وجو رومانسى جميل جدا. وعيونها لمعت بدموع من فرحتها. وقالت برعشه ف صوتها سليم كل ده علشانى انا؟ سليم: حس بيها وقرب منها ومسك ايديها وقال بحب. حبيبتى ده مايجيش نقطه ف بحر من الل نفسي اعملو علشانك. وربنا يقدرنى وأقدم ليكى السعاده. وكمل بزعل اي نعم هي مش هتبقى كامله. لكن،؟فتون: بسرعه حطت ايدها ع بوقه. بس ياسليم ارجوك. وجودك بس جمبى ومعايا هي دى قمة السعاده. صوتك لوحده كفيل انه يخلى قلبى يبدء بالنبض. وانت واقف قدامى دلوقتى. مش عايزه حاجه تانى. انا مش عايزاك تقدملى السعاده. لانها فعلا موجوده. وضحكت بتعجب. هههههه انا مش مصدقه نفسي انى بتكلم بالطريقه دي. الحب فعلا بيخلى الشخص يتغير. بيلغى العقل ويتكلم بالقلب. واتنهدت ارجوك ياسليم. حاول تشوف نفسك بعين فتون.سليم: قلبه بيدق جامد لانه بيعشق طريقة كلامها. وقال ممكن اضمك لقلبى. واخدها كلها ف حضنه. وغمض عينيه واتنهد بتعب حقيقي وقد ايه انه محتاجلها. فتون: غمضت عينيها ف حضنه واول مره تحس بالأمان. ورفعت ايديها ع ضهرو وضمته لقلبها بحب كبير. واتنهدت بدموع. ع سنين التعب والشقى الل فاتو. وفضلو ف حضن بعض شويه ف صمت تام. كأن كل واحد بيهرب من الواقع للأمان. فتون: فتحت عينيها وانتبهت. وخرجت من حضنه بحرج ومسحت دموعها.سليم: باس جبينها. انا لازم فعلا اشوف نفسي بعينيكى. وقال تعالى. وشد الكرسي اقعدي. فتون: قلبها بيدق جامد. وقعدت بتوتر. سليم: قعد قصادها. كان نفسي اولع شمع بس الهوا بقى. هعوضهالك مره تانيه وعد اوكى. فتون: بتوتر. احم إن شاء الله. الشيف. جه وكشف عن الأكل. وكانت انواع جميله جدا. وحط ليهم عصير مع الغدا. ووقف بعيد عنهم. فتون: ماشاء الله. ايه كل الاكل ده؟سليم: دى حاجه بسيطه ويارب زوقى ف اختيار الاكل يعجبك. يلا كلى لانى جعان جدا ونفسي انهردا مفتوحه اوى. فتون: بألف هنا وعافيه. بس ياسليم حرام عليك ده كدا تبذير. انا وانت مش هناكل كل ده. سليم: افتكر رهف لما كانت بتطلب جميع الاصناف وتختار منهم والباقى بترمي عادى. وابتسم لتفكير فتون. وقال خلاص ياروحي. بعد كدا. نختار أصناف بكميات صغيره.فتون: اه ياريت. وكل حاجه هتبقى بميزانيه. التبذير ده وحش اوي. وكمان الفساتين والهدايا. انت جايب حجات كتير جدا. سليم: بياكل. لأ بقى انا مش موافقك ع النقطه دي. بصي لما نعيش في بيتنا. انتى تتصرفى ف ميزانية الاكل والحاجات دى. أما لبسك واكسسواراتك. دى تبعدى عنها. ميزانيتها مفتوحه معايا. ومش عايز اعتراض. وكلي بقى وبعدها نتكلم. هي السلطه فين؟ فتون: قامت. وشدت الكرسي جمبه. انا هساعدك ف الاكل ممكن؟سليم: ههههه بصي هي حاجه بتضايقنى جدا. إن حد يساعدني ف الاكل. بس بما انها من ايدك. ف انا با ارجوكي تساعدينى واكلينى بسرعه. فتون: ابتسمت بحرج وفرحه ف نفس الوقت. واكلت سليم لأول مره. وقلبها هيطلع من مكانه توتر. وحب. سليم: مستمتع جدا. بكسوفها ورعشة أيدها. ومسك أيدها بالشوكه. واكلها ف بوقها. فتون: اكلتها منه وكان وشها احمر جدا. وبعد الغدا. شربه العصير. سليم: بسعاده. ياااه دا انا كدا هاخد ع الدلع ده.فتون: ضغطت ع شفايفها بلخبطه. سليم: تعالى نقعد فوق. عايز اتكلم معاكى. قعدو جمب بعض فوق والمنظر ف وسط النيل تحفه. وسليم ماسك أيدها. فتون: قولى بقى. انت ليه اخدت قرارك ده؟ سليم: قبل ما اقول حاجه. عايز منك وعد انى انا وانتى منخبيش اى حاجه ع بعض. مهما كانت. حتى لو صغيره. توعدينى بده؟ فتون: اوعدك اني هكون كتاب مفتوح قدامك. وهشاركك كل حاجه. سليم: ابتسم تمام. انا دلوقتي اقدر اقولك.بصي يا فتون؟ انا كنت خاطب زى ما انتى عارفه. اسمها رهف. انانيه لابعد الحدود. وعمرها محبتنى لشخصي لا هي عايزه نفوذ وبس. الغريبه بقى انى كنت مفتح وبشوف. لكن مقدرتش اشوف انانيتها ولا حبها لنفسها. انا كنت فاكر انى بحبها. وكنت ديما اقولها بحبك ووحشتينى. وكنت لما بقولها كدا بحس ان الكلام سهل جدا ولا بتوتر ولا اى حاجه. تعرفى انا قلبى عمرو ما دق ليها ابدا. وزي ما خالد قال أنا كنت ف حالة انبهار مش اكتر. ولما عملت الحادثه والدنيا ضلمت قدامى. مالقتهاش جمبى. واتخلت عنى. بس تعرفى فرحت جدا لما بعدت. حسيت إن ف حبل حوالين رقبتى بوجودها ف حياتى. وساعتها اكتشفت انى عمرى ما حبتها ابدا.وبص ليها. وقال. انما انتى بقى. مش عارف اقولك ايه؟ لخبطينى. عايشتينى اجمل احساس ومشاعر. عمري ما حاستها قبل كده. اول مره اتقابلنا فيها. وهجومك عليا. وانى مش عارف ارد عليكى. حسيت ساعتها انى مُقيد بيكى. مع انى لا اعرفك. ولا شوفتك قبل كده. وكنت عايزك تمشي كان جوايا خوف مبهم ومش عارف ليه؟ بس. بعدها عرفت. كلامك وأسلوبك معايا وإيمانك انى مش عاجز ويقينك بالله. كل ده اتحفر ف عقلى. لما غبتى عنى يومين بسبب شريف لما خبطك بالعربيه. كنت هتجنن. كنت عايز اعرف انتى فين مجتيش ليه؟ طيب حصلك حاجه؟ وحشتينى بطريقه غريبه. صوتك بيتردد جوايا. ولما رجعتى مكنتش مصدق. كنت مبسوط جدا. ومش عارف أفسر كل الل بيحصل معايا ف وجودك وغيابك. لكن بعدها اكتشفت انى بحبك. مع اول لمسه من ايدك وانتى بتترجفى. قلبى كان بيدق. انا استغربت. ايوه قلبى دق. هو ده الحب. انا بحب فتون. لكن كنت ديما حاطط قدامى انى عاجز وانك عمرك ما هتحبى او توافقى انك تعيشي حياتك مع واحد اعمى. حتى لو بتحفزينى بس ده من باب التعليم. لكن استحاله انك توافقى بيا. ولما اعترفت ب حُبك ل خالد كان سهل جدا انى اقول ايوه بحبها. لكن قدامك بحس اني مش قادر اتكلم. ممكن يكون خوف أو وهم عايش فيه بالعجز. لكن حاولت بس معرفتش. ولما اتخطفتى وحسيت انك هتروحي منى قررت انى اقولك. وخلاص هعترف بحبى ليكى. وانتى دخلتى عليا المكتب. وهاجمتينى انى مش بثق ف نفسي او فيكى. ساعتها اتلخبطت فكرياً. وانتى اخدتى خطوه إنك تبعدنى عنى. ساعتها كنت غضبان جدا. وزعلت منك. بس بعدها فكرت.انى لازم اعترف ليكى وللناس كلها وانى اخليكى حلالى ع طول. واتفقت مع خالد ع كل حاجه. وبس. فتون: اتنهدت بسعاده كبيره إن ف قلب سليم حب كبير ليها. وابتسمت بحب. وقالت تعرف انا حبيت طريقة اعترافك انهارده بجد اجمل يوم ف حياتى. بس متزعلش من طريقتى ف اليوم ده كنت مخنوقه بجد. سليم: ابتسم. انا عارف. وعارف كمان سبب خنقتك. بس زعلت منك لانك خبيتى عليا حاجه زى دي. فتون: اتعدلت بدهشه. عارف؟ عارف ايه؟سليم: إن هتسيبى الشقه خلال اسبوع. وده طلب من صاحب البيت. فتون: بعدم فهم. عرفت ازاى؟ ده محدش يعرف. سليم: فريده قالتلى. لانها عرفت من مامتك. فتون: رجعت راسها لورا بوجع. ماما. ربنا يكون ف عونها. سليم: كنتى هتقوليلى امتى إنك هتسيبى الشقه؟ فتون: غمضت عينيها. انا محبتش اضايقك. والموضوع جه بسرعه ف نفس اليوم. وبعدين انا هشوف شقه.سليم: وليه تشوفي شقه. احنا خلاص كتبنا الكتاب. ولو عايزه يومين بالكتير ونعمل الفرح. ونعيش ف الفيلا. فتون: بدموع. الحكايه مش حكاية انى خلاص هتجوز واروح بيت تانى. لأ انا قلبى متعلق بالشقه دى اوى ياسليم. وحتى لو اتجوزت. كنت هحافظ عليها عمرى ما كُنت أفرط فيها أبدا. فيها زكريات بابا. وماما حزينه جدا ع فراقها لذكرياتها. سليم: بمكر. هو انا قدمتلك هدية موافقتك ع جوازى منك؟فتون: زعلت من تجاهله ليها. ومسحت دموعها وبصت بعيد. سليم: ايه دا انتى بتتقمصي هههههههههه. فتون: بغيظ انت بتضحك ع ايه؟ وانا بكلمك ع حاجه وجعانى. تقولى هديه ياسليم؟ سليم: ببرود. سورى. غمضي عينيكى. فتون: نفخت بغيظ. مش هغمض. وقامت ويلا بقى عشان أنا عايزه اروح. سليم: مبسوط جدا من نرفزتها. وقام وقال طيب حتى عشان خاطر سليم غمضي ده انا غلبان والله. فتون: اهو اتفضل وغمضت وهي متنرفزه من بروده.سليم: طلع العقد. ومسك أيدها وحط فيه العقد. فتون: حست بالورقه وفتحت عينيها وبصت ليها بعدم فهم. وفتحت الورقه. وبتقراها. واتصدمت بزهول. وعينيها تايهه. مابين. العنوان والعماره. واسمها كامل. وكمان رقم البطاقه وامضتها. انها اشترت العماره. بيع وشرا. وبصت ل سليم بزهول. سليم: حس بيها. وقال بحب انا عمرى ما هسمح لاى حد يجبرك انك تمحى ذكرياتك.فتون: عينيها ع سليم ومش عارفه تتكلم. وقالت بتلعثم. اي. ده. ا. نا مش فاهمه ا. انا اشتريت؟ عماره؟ ا. انت. ا. انت فهمنى. انت عملت كل ده؟ طيب ازاى؟ وانا مضيت ازاى؟ وأبو سلامه. انا مش فاهمه حاجه بجد؟سليم: حبيبتى انا هاقولك. انا عارف قد ايه إن الشقه والحاره مهمين جدا بالنسبه ليكى. وانا لما عرفت. اتكلمت مع ابو سلامه. وعرضت عليه أنه يبيع. ووافق. وانا جهزت العقد. وكان واقف ع رقم بطاقتك. والامضه. ولأنى متأكد انك هتتعبينى ف انك توافقى تمضي انا شرحت للمأذون وحط العقد ف وسط الورق. وكتب رقم البطاقه. وانتى مضيتى.فتون: رفعت عينيها ليه ودموعها نازله زى المطر. يعنى سليم اشترالى العماره كلها. وكتبها باسمى. لأ لأ انا بحلم. سليم عمل كدا عشان يحافظ ع زكرياتى. سليم بيحبنى. ايوه سليم بيحبنى. ولا إراديا اترمت ف حضنه بعياط هيستيرى. انت مش ممكن تصدق انا حاسه ب ايه. ا. انت حققتلى كل احلامى ف يوم واحد. سليم انا مش بحبك وبس. انا بعشقك ياسليم. بعشقك.سليم: قلبه دق وضمها لقلبه بحب كبير. وقال وانا بعشقك وبموت فيكى. ومن هنا ورايح مش عايز اسمع صوت عياطك. انا عايز اسمع صوت ضحكتك. صوت هجومك ع سليم. انا بحبك اوى ياتونا. وعايزك تعرفى من هنا ورايح انى الملاك الحارس ليكى انتى وبس. بعد شويه. سليم وفتون ف العربيه. وراجعين ع الحاره. فتون: ضحكتها ع وشها. واخيرا داقت طعم الفرحه الحقيقيه. وقالت: سليم أنت ممكن تريحنى وتكتب العماره ب إسمك انت؟سليم: برفض. لأ. انتى من دلوقتي مسؤوله منى وأي حاجه اعملها ياريت متعترضيش عليها. وياريت بقى تفرحي وتسبينى افرح لانى بجد فرحان جدا بوجودك جمبى. فتون: غمضت عينيها بسعاده كبيره. وحمدت ربنا وقالت أنا كنت ع يقين بأنك يارب هتعوضنى خير. الف حمد وشكر ليك يارب. وصلو الحاره اخيرا. وسليم وصلها لحد البيت وقالها غيرى هدومك وصلى العشا والساعه 11 ونص هستنى اتصال منك اوكى. فتون: بفرحه ماشي هتصل.سليم. سلم ع فاطمه. واخد فريده ونجوى ومشيو. فتون: جريت ع فاطمه بسعاده كبيره ومسكت دراعاتها وبتدوخ بيها بسيط. وقالت ماااما. بطه. بطتى بطوط انا مبسوطه اووووى. انهارده يوم من اجمل ايام حياتي كلها. فاطمه: بتضحك. يابت ياتونا هادوخ يابت. خلينى اقعد ياقلب أمك. فتون: وقفت. وقالت اقعدى تعالى. ونزلت قدامها ع ركبها. عندى ليكى خبر بمليون جنيه. لأ بمليار دولار هههههههه.فاطمه: ههههه الفرحه هتهبلك ياتونا. خبر ايه انشاله خير. فتون: سليم يابطه قدملى هديه عمرى ما كنت أحلم بيها ابدا. وفتحت العقد اهو اقرى وشوفى. فاطمه: يابت قولى ما انتى عارفه إن نظرى ضعيف. فتون: حاضر ياست الكل. سليم اشترالى الشقه بالعماره دي كلها. فاطمه: شهقت بعدم تصديق. انتى اتجننتى يافتون. عمارة ايه يابت وشقة ايه؟ فتون: ههههههه عندك حق متصدقيش انا كمان كنت زيك كدا واكتر. ومش بس كده ده كتبها باسمى كمان.فاطمه: حطت ايديها ع قلبها. انتى بتقولى ايه يافتون؟ فتون: انا هقولك ع الل حصل. وحكتلها كل حاجه… فاطمه: بتعيط بفرحه. ياما انت كريم يارب. بس يافتون يابنتى مينفعش أنه يكتبها باسمك يابنتى. رجعيله العقد. وقوليله كفايه علينا الشقه دي ويبقى كتر خيرو اوى. فتون: والله ياماما عملت كدا بالظبط. بس هو قالى انى مراته ومسؤوله منه. ماما بجد انا مبسوطه اوى اوى.فاطمه: رفعت ايديها للسما. وقالت الهي ياسليم يبن فريده يرضى عليك ويجبر بخاطرك. وينور بصيرتك. ويردلك نور عينيك قادر ياكريم. ويبعد عنك ولاد الحرام. فيلا بدر الدين. شريف قاعد ف المكتب. ومستنى سليم. وبينفخ بخنقه. وسمع صوت عربية سليم. بعدها نده ع سليم ودخلو المكتب. سليم: قعد ع الكنبه. ومبتسم بسعاده وبيفكر ف تونا. شريف: حمدالله ع السلامه يا سليم.سليم: انتبه. واتعدل. احم. الله يسلمك. ها قولى بقى مالك كدا؟ وكنت عايزنى ف ايه؟ شريف: انا عايزك ترجع الشركه من تانى. سليم: بعدم فهم ارجع؟ طيب وشركة خالد؟شريف: زعق مش مهم خالد ياسليم. المهم شركتى. انت من يوم ما عملت الحادثه. وانت سبت كل حاجه. حتى مشاريعك الل كانت هتحقق لينا ملايين انت وقفتها ورفضت انك تشغلها. مع إن كان ممكن انك تسبلى المشاريع دى وانا اشغلها. بس أنت رفضت وطلبت من عماد المحامى انه ينقل كل مشاريعك الل ع الورق ل مكان مجهول. واهو النتيجه انى بخسر. سليم: استغرب طريقة شريف. لكن قال اهدى كدا ياشريف. وانت متعصب كدا ليه؟شريف: بنفس الغضب. اهدا انت عارف انا خسرت كام الاسبوع ده بس. انت عارف إن مصنع الحديد قرب يشهر إفلاسه. وانت رايح تكبر شركة صاحبك. وسايبنى. سليم: قام وقف. شريف انا ماسبتش حد. انت عارف الظروف الل كنت فيها. وبعدين انا هعرف ازاى إن شركاتنا بتخسر. وبعدين انت عرفت منين انى نقلت مشاريعى؟شريف: زعق انت هتمسكلى ع الواحده ياسليم. انا سمعت عماد وهو بيكلمك ف الموبيل هاا ارتحت؟ والظروف الل انت كنت فيها اتحسنت. ورجعت تعرف تمضي وتابع شغلك من تانى. ليه مترجعش لشغلك الأساسي. ليه بتكبر ف شركة خالد الشرقاوي وكمان اتعاهدت مع مُهاب الوكيل. اكبر رجل أعمال ف الشرق الأوسط. يعنى انت مفكرتش غير ف نفسك وخالد. أما اخوك الكبير. يُقع ف السوق عادى مش كدا ياسليم؟سليم: شريف مالك؟ انت اول مره تتعامل معايا بالطريقه دي؟ ولو ع الشغل إنت كنت ممكن تتكلم بهدوء وهنلاقى حل. وانا استحاله اسمح إنك تقع. وإن كان ع خالد. ف انت عارف انى اتسببت ف خسارة شركته قبل كده. ولما رجعت للشغل. اشتغلت مع خالد. لانى متأكد إن شركاتنا تحت ايدك يعنى امان. شريف: مسح وشه بايديه. ونفخ بديق. مصنع الحديد خسر 4 مليون من شهر. والعُمال هيسيبو المصنع.سليم: بدهشه ايييه؟ 4مليون ياشريف؟ ومن شهر ولسه جاى تقول دلوقتي؟ شريف: زعق اهو الل حصل ياسليم. وأديك عرفت هتعمل ايه دلوقتي؟ انت لازم ترجع الشغل. سليم: غمض عينيه بنفاذ صبر. طيب ياشريف سبنى افكر في حل واشوف هعمل ايه؟ شريف: زعق انت لسه هتفكر. انت هترجع الشركه ومن بكره. عند فتون.فاطمه نامت. وفتون غيرت هدومها وصلت. ومستنيه تتصل ع سليم. وبتتفرج ع الفساتين والهدايا. ومسبوطه جدا. وشافت فستان احمر وعجبها جدا. ووقف قدام المرايا. وحطت الفستان عليها. وحبتو جدا. ولمحت من المرايا. هديه ملفوفه. وقالت بتهائيلى دى الهديه الل سليم جبهالى ف المكتب وانا رفضتها. وراحت شالتها وقالت ايوه هي. وابتسمت بفرحه. وفتحتها. وكان فون غالى جدا. واتفاجئت من جماله. ومكتوب كارت ع العلبه بطريقة برايل. وقراتها. ومكتوب. انا اول كلمه اتعلمت اكتبها ع ايدك كانت (بدر) وانتى بدر. ( اُحبك يافاتنه ).ياريت اول ما تشوفى الفون تشغيله ع طول. وهستنى اتصالك. امضاء حبيبك سليم. فتون: ضحكت بسعاده وباست الكارت وضمته لقلبها. وشغلت الفون واتصلت ع سليم علشان تشكرو. ورد. الو. فتون: بتوتر الو. سليم: اتنهد بتعب. عامله ايه يافتون. فتون: بتعجب. سليم مال صوتك؟ سليم: نفخ بديق ابدا متشغليش بالك. فتون: مشغلش بالى ازاى؟ صوتك مضايق جدا. حصل حاجه ضايقتك. ارجوك قولى.سليم: صدقينى مفيش حاجه مهمه. ده حوار مع شريف مشكله تخص الشغل. فتون: طيب اهدا كدا وقولى مشكله ايه. ونفكر مع بعض. ممكن؟ سليم: رجع بضهرو ع السرير. وقالها كل الل حصل. فتون: معلش ياسليم متزعلش من شريف. اكيد مايقصدش انه يزعق ولا يجبرك ع حاجه. هو بس ممكن يكون مخنوق من الل حصله. وصمم انك تنزل الشركه لانك يعتمد عليك. وكمان اكيد عمل كدا لانه واثق إنك الوحيد الل هترجع كل حاجه زي ما كانت.سليم: ايوه معاكي بس خالد هقوله ايه؟ انا لا يمكن اتخلى عن خالد. وكمان المشروع الجديد انتى ناسيه الشرط الجزائي قد ايه؟ وانتى الل كتباه بنفسك. فتون: قلقت. وبعد تفكير قالت. طيب ايه رايك. إنك توفق مابين الشركتين؟ سليم: هيبقى صعب عليا جدا يافتون. المشروع الجديد عايز تركيز وضغط منى كبير. لانه هيتنفذ بعد فتره… فتون: اممم انا هساعدك. سليم: ازاى بقى.فتون: ايه رايك اكون موجوده معاك بمعنى انى اجهزلك الملف. أقرأه ليك. احوله لبرايل. زى ما بعمل ف شركة خالد جمب الجلسات. وبكده تسهل عليك شويه. سليم: طيب وشغلك انتى ناسيه إن المدارس هتبدء. فتون: بتفكير. أمم ممكن اروح ع الحصه بتاعتى. واقدم ع اجازه ف الترم التانى. بص متشغلش بالك انت. المهم تنقذ اخوك من المشكله دي.سليم: سكت شويه يفكر. وبعدها قال. ماشي يافتون. انا فعلا لازم اساعد شريف بس لازم شوية وقت. المهم بقى سيبك من كل ده. وحشتينى اوى… فتون: قلبها بيدق. ومش عارفه ترد. سليم: تونا انتى مراتى يعنى مابتعمليش حاجه غلط. هههههههه يعنى انا الل هتكلم وانتى الل هتسكتى دلوقتي؟ فين فتون وهي داخله زى الاعصار وقالت… فتون: غمضت عينيها بحب. وانا كمان بحبك يا سليم.واتكلمو كتير مع بعض وشكرت سليم ع الهدايا والفون الجديد. واتفقو ع كل حاجه. وايه الل هيتم ف الايام الل جايه. بعد كام يوم. عند فتون. بتلبس بسرعه. عشان خارجه مع سليم. فاطمه: دخلت عليها. يابت البسى ع مهلك هي الدنيا هتطير. فتون: باستعجال. اعمل ايه بس يابطه. سليم زمانه هيفرقع منى. فاطمه: طيب ماتقوليله يطلع ماينفعش يستنى تحت كدا.فتون: قولتله والله يابطه. ولما عرف انى لسه ماجهزتش اتعصب وقالى 5 دقايق وتنزلى. ولفت ليها. ها كدا حلو؟ فاطمه: ماشاء الله. زى القمر. ده سليم لما يشوفك، احم وسكتت. فتون: ايه ياماما كملى لما يشوفنى هيقول انى قمر مش كدا. فاطمه: بحرج. يقطعنى يابنتى والله ماقصدى انا بس من فرحتى بيكى قولت كدا.فتون: باست ايديها. طيب تعرفى إن سليم بيقولى كل مره اقابله انى زى القمر والفستان يجنن عليا. سليم بيشوفنى بقلبه ياماما. ودي اهم حاجه عندى. سليم حبنى بجد. فاطمه: ربتت ع قلب فتون. ربنا يابنتى يجعله يحبك بقلبه ديما. يلا بقى انزلى زمانه دلوقتي مضايق. فتون: اخدت الشنطه والفون ونزلت جري.سليم: واقف قدام العربيه. بينفخ بنفاذ صبر. وبيكلم نفسه. ساعه بتلبس؟ اومال لو مكنتش مأكد عليها انى جاى ف الطريق. تؤ. ماشي يافتون بس لما تنزلى. فتون: من وراه احم احم. انا نزلت اهو. سليم: ههههه لا بجد وصك ع اسنانه. مالسه بدرى ياهانم. فتون: ببراءه. ايه بس ياحبيبى ده انا اول ما اتصلت لبست هوا. متزعلش بقى قلبك ابيض. ها قولى بقى ايه رأيك فيا.سليم: قلع النضاره. اممم انا مضطر اسكت عشان احنا ف الشارع مش اكتر. بس ايه الجمال ده ياتونا. انتى خدتى قلبى ف حته تانيه الفستان يهبل عليكى. فتون: ههههه حبيبى ياسليم كنت متاكده إن الفستان هيعجبك. سليم: بمكر بس مقصدش الفستان الل عجبنى فتون: بحرج كبير. احم يلا بقى انت مش قولت متأخرين؟ سليم: ابتسم بحب. يلا يقلبى. وفتح الباب وركبت. وركب جمبها. وشبكو أيديهم ف ايد بعض. وطاهر اتحرك.فتون: قلبها بيدق بسرعه. احم قولى احنا هنروح فين؟ سليم: بصي ياتونا. اعملى حسابك انى انا وانتى هنخرج ع طول. هنروح اى مكان انتى عايزاه. فتون: تعرف ياسليم انا نفسي بجد نتمشي انا وانت ف اى جنينه ونتكلم مع بعض. سليم: . هز راسه. أمم خلاص يقلبى طلباتك اوامر. نتغدى ونطلع ع اى جنينه. فتون: بسعاده كبيره. متشكرا جدا ياسليم ربنا مايحرمنيش منك ابدا. سليم: ولا منك يقلب سليم.وبعد شويه وصلو المطعم واتغدوا. وخرجو وراحو الجنينه. سليم: ماشي وفتون حاطه أيدها ف دراعه. وبيتكلمو… سليم: ع فكره بكره مش هنخرج مع بعض وده مضايقنى جدا. فتون: بعدم فهم. طيب ليه؟ سليم: مهاب الوكيل فاتح مستشفى جديده والافتتاح بكره. وعزمنى انا وخالد. ومأكد علينا اننا نحضر. فتون: ابتسمت. ماشي ياحبيبى. مفيش مشكله. وكملت بتوتر وقالت سليم. سليم: ايوه ياتونا. فتون: فرح سحر وحسن كمان يومين.سليم: بعدم إهتمام، اه مبروك. فتون: ياساتر. مالك بتقولها من غير نفس. سليم: عايزانى اخدهم بالحضن يعنى ولا ايه؟ فتون: بغيظ نعم؟ حضن مين إن شاء الله. عشان تبقى جنازه مش جوازه. سليم: بمكر. اممم الحلو غيران مش كده. فتون: طبعا. مش جوزى وحبيبى. اعمل بس انت حاجه زي كده. ولا خلى ست تقرب منك. ساعتها هوريك فتون الل من الحاره مش استاذه ف مدرسه. ماشي؟ سليم: ههههههه. انا بهزر معاكى ياروحي ههههههه.فتون: بغيظ. اممم ايوه كدا. قال تحضنهم قال. ده الل ناقص. سليم: بفرحه. وكمل بخبث. ده كان هيبقى حضن اخوى عادى. فتون: وقفت بغيظ. وبعدين بقى. انت عايز ايه بالظبط. شكلك عايزنى اطلع جعفر الل جوايا. سليم: رفع ايدو وباس أيدها. حبيبتى انا بهزر معاكى. احضن مين ياعم مش لما احضنك انتى الاول. فتون: وشها جاب الوان. وحبت تغير الموضوع. احم. ال، المهم. الفرح هيبقى ف قاعة أفراح. سليم: اضايق. مش هتروحي.فتون: بزعل. ليه بس ياسليم. عشان خاطر عمى محمد حتى. وكمان عايز ياخد رقمك عشان يعزمك ع الفرح. سليم: بنرفزه. عمك محمد ع عينى وراسي. لكن الل اسمه حسن وكمان سحر دول انا لا يمكن انسي الل عملوه معاكى. وكلامى منتهى. فتون: طيب ممكن نعتبر اننا ف جلسه ونتكلم ونتفاهم.سليم: بجمود. لأ. احنا مش ف جلسه. انا واحد واخد مراته وخارج معاها عشان نقضي وقت ظريف مع بعض. مش هضيعه ف تفاهات حسن وسحر. ومايتجوزو مع السلامه انتى ازاى قادره تسامحى كدا. انا بجد مش عارف اقولك ايه؟ فتون: بزعل. خلاص ياسليم عفا الله عما سلف. وده من الماضي.سليم: وقف وبص ليها. ف ماضي بيوجع يافتون. ف ماضي بيأثر ع الحاضر والمستقبل. ف حجات ممكن نتغاضي عنها. انما استحاله انها تتنسى. وانا عمرى ما هغفر لحسن وسحر. والكلب علاء. ومش كفايه انى مجبتش حقك منهم لحد دلوقتي. انا سكت بس علشان خاطرك انتى. لكن انا عن نفسي عايز اشرب من دمها. تيجى تقوليلى فرحها كمان يومين. اسف انا مش موافق انك تروحى. فتون: اتخنقت. ازاى بقى انى مروحش؟سليم: قبض ع ايديه. انتى ازاى عايزانى اوافق انك تروحى فرح خطيبك السابق.؟ فتون: تفهمت غيرته. لكن عمى محمد؟ سليم: بخنقه. ولع سِجاره. والله انا قولت الل عندى. قوليله إن سليم مش موافق. عايزانى انا اتكلم معاه معنديش مانع. هو راجل وهيفهم قصدى كويس… فتون: هزت راسها. وقالت بزعل. ماشي ياسليم انا مش هروح. سليم: نفخ بديق. ومردش واتمشو وكل واحد ساكت.فتون: زعلانه عشان خاطر عمها محمد. والناس هتلوم عليها انها مش هتروح. وكمان عذرت سليم. لانه مينفعش تروح فرح خطيبها حتى لو هو مش فارق معاها. ولازم تسمع كلام جوزها. سليم: مضايق علشانها وبيكره سحر. وكمان غيران انها هتروح. واضايق اكتر انها زعلانه. وبعد شويه. وقف. اسمعى أنا موافق تروحي بس بشرط. فتون: ابتسمت. ايه هو؟ سليم: انا هاجى معاكى. فتون: ضحكت بسعاده. حبيبى ودى احلى حاجه انك هتكون جمبى.سليم: ابتسم من فرحتها. وكمل وقال. بس هما 10 دقايق. ونمشي عشان نتعشي بره. فتون: بفرحه. انا بقول 5 دقايق كفايه. هههههه. سليم: ههههه والله ما انا مزعلك. وايه رأيك نطلع ع اليخت. فتون: اممم ماشي اى مكان معاك جنه. سليم: باس جبينها قدام الناس. وقال. حِينَ التَقيْتُكَ عادَ قلبِيَ نابِضاً وَجرَى هوَاكَ بِداخِلي مَجْرى دَمي وَ شَعرتُ حُضنُكَ دَافِئاً ورأََيتني رَغمَ الحَياءِ أذوبُ فِيه وأَرتَمي.قُولْي لي أيَا أُنثىَ لِأي قَبِيلةٍ و لِأي عصْرٍ أو لِجنْسٍ تَنتَمي ولِمَن تَعودُ اُصَولُ عَيْنَيكَ التي أضْحتْ قَنادِيلَ الضَياءِ بِعالَمي بعد مرور أسبوعين. طبعا حسن وسحر اتجوزو. وسليم وفتون. عايشين فتره جميله جدا. وبياخدها شركة بدر الدين معاه. وخالد مجنن حنين. وبيروحلها المدرسه.فتون: دلوقتي. عند فريده ف الفيلا بتزورها لانها تعبانه وعندها برد. وقاعده معاها ف الأوضه. وفتون قالت ل فريده انزلى شويه ف الجنينه وانا هروق الاوضه. وفريده نزلت. وفتون بتروق الاوضه. شافت ظرف كبير. ونزلت سالت فريده عليه. قالت ليها أنه ظرف أشعة سليم.وفتون رجعته مكانه. وقعدت معاها شويه. واتصلت ع سليم انها هتروح. وهو رفض وقالها انا داخل ع الفيلا اهو وانا هوصلك. وبعد الغدا. اخد فتون ووصلها لحد البيت. وقعد مع فاطمه. فتون: بتسأل سليم. ها ياحبيبى. فكرت هترجع الشركه مع شريف امتى؟ سليم: هز راسه وقالها بكره إن شاء الله. هوصلك المدرسه وهطلع ع الشركه. اعرف كل حاجه. واعرفك علشان تحضرى معانا الاجتماع. تانى يوم الصبح ف المدرسه.فتون: واقفه قدام الاطفال في الطابور. مدير المدرسه. مسك المايك وقال. الكل انتباه واسمعونى فضلا. الكل انتبه.المدير: بعد بكره إن شاء الله هيوصل مصر فريق طبى متكامل في إجراء اصعب عمليات العيون لدى المكفوفين من المانيا. وتمت معظمها بنجاح. والفريق الطبى ده بعد يومين إن شاء الله هيكون موجود عندنا هنا ف المدرسه. هيكشف ع كل الاطفال وهيشوفو مين الل يقدر يفتح ويعملو ليه عمليه. والدوله هتساعد ف إجراء العمليات ع نفقتها الخاصه. وانا بحذركم ممنوع اى طفل مايجيش المدرسه لمدة ال4 ايام الجايين فاهمين يا اولاد؟ واتمنى ليكم الشفاء.الكل: فرح و سقف بحماس كبير. فتون: فرحت جدا. وافتكرت سليم. وضحكت بدموع أمل. وافتكرت ظرف الاشاعه. وسقفت معاهم بفرحه كبيره وقلبها بيدعى للملاك الحارس. وبعد نهاية اليوم الدراسي. فتون اتصلت كتير ع سليم ومردش عليها. واتاكدت أنه ف الشركه. وركبت تاكسي وراحت الفيلا بسرعه. وحكت كل حاجه لفريده. فريده: خافت وقالت لأ بلاش سليم لو عرف ممكن يرجع للاسوء. سليم رافض اى عمليه لعينيه نهائى.فتون: طيب ياماما ع الاقل نحاول والدكاتره يشوفو الاشعه والتحاليل. بقولك دول اكبر فريق طبى ف المانيا. ونجحو ف اصعب العمليات. بصي هاتى الاشعه. ونشوف رائيهم ايه؟ ولو خير ساعتها اكيد هيكون ف حل. فريده: بخوف كبير. ماشي بس توعدينى إن سليم مايعرفش ع الاقل دلوقتي. فتون: متقلقيش انا مش هقوله حاجه. فريده: طلعت تجيب الاشعه.فتون: قاعده ومتوتره وبتدعى لسليم. واتخضت من دخول شريف الفيلا. ودخل المكتب. واخد أوراق وخرج من غير ما يتكلم مع حد. واستغربت. فريده: نزلت. امسكى يافتون. الظرف اهو. فتون: … فريده: اله هي سرحانه ف ايه؟ فتووون. فتون: ها،؟ بتفكر ف طريقة شريف. وانتبهت ل فريده. واخدت الظرف. وقالت ماما هو ممكن اسالك سؤال؟ فريده: طبعا خير يابنتى؟فتون: هو ليه شريف منطوى كدا؟ ديما ساكت وسرحان وكلامه قُليل. ودلوقتي جه ومشي من غير ما يتكلم. فريده: اتنهدت بزعل. هو مكانش كدا. بس من يوم وفاة أمه وهو كل شويه بحال. فتون: بفضول. كل شويه بحال ازاى يعنى؟ ممكن تحكيلى؟ فريده: هزت راسها بتعب حاضر يابنتى انا هقولك كل حاجه عن شريف.رواية أحببت بصيرته للكاتبة مريم نصار الفصل الثالث والثلاثون
شريف: داخل المكتب. ولاء السكرتيره. وقفت. مستر شريف. مستر مصطفى هوارى منتظر حضرتك ف المكتب. شريف: هز راسه ودخل. بخنقه اذيك يا مصطفى؟ مصطفى: بيشرب سِجار. اهلا حبيب قلبي. ايه ياعم فينك. انا اتفاجئت لما عرفت إن سليم رجع الشركه. شريف: رزع الملف ع المكتب بزهق وقعد. ايوه ما انت عارف إن الشركه ف النازل.مصطفى: امم لأ متقلقش سليم قدها. انا لما كنت معاه ف الاجتماع ف شركتة هو وخالد. كان بيتكلم بثقه كبيره ومشروعه ناجح 200. بس مهاب الوكيل سبقنى. انا كان نفسي انا الل ادخل ف المشروع ده. شريف: انت؟ انت مش قولت انك مش هتدخل ف اى مشروع جديد الفتره دى. مصطفى: بغمزه اصل بصراحه كان معاه بنت شغاله معاه يالهوى ع جمالها. تستاهل انى ادخل اى مشروع عشانها. شريف: بعدم فهم. بنت شغاله معاه؟ تقصد فتون؟ ولا مي؟مصطفى: طبعا اقصد فتون بس انت تعرفها؟ شريف: ايوه يسيدى اعرفها وجت هنا الشركه مع سليم اكتر من مره. مصطفى: بلهفه. دلنى عليها الحقنى بيها. البت دى جامده اوي. ولو ليها ف العرفى تبقى خدمتنى. شريف: نعممم؟ عرفي؟ طيب ابعد عنها ومالكش دعوه بيها. انت متعرفش انها اتجوزت؟ ومن سليم كمان؟ مصطفى: ايييه؟ اتجوزت سليم! ياخساره ده انا كنت مستعد اعمل اى حاجه عشانها.شريف: مصطفى شيل فتون من دماغك ومش هقولك تانى؟ فاهم؟ وقوم تعالى معايا. مصطفى: ع فين؟ شريف: خالى صلاح حالته زى ما هي. ومراته كل يوم رايحه جايه عليه. وده تعب ليها وولادها ف المدارس. انا هخرجه من المستشفى ع شقته ويفضل ف اوضه مجهزه. كدا افضل ليها ولينا. مصطفى: قام طيب ف الإنجاز عشان عندى موزه مهمه هههههه. شريف: طيب يلا بينا. فيلا بدر الدين.فريده: انا كنت من عيله فقيره اوى وانا الكبيره واتعلمت بمساعدة خالى وليا اختى الصغيره نجوى واخويا عبدالرحمن بس هو حاليا مسافر. ف يوم وليله لقيت ابويا بيقولى بت يافريده اعملى حسابك انتى هتتجوزى واحد غنى اوى اوى. وانا عيطت واقول حرام عليك يابا ده راجل كبير ومخلف قالى كبير ايه ياعبيطه ده يدوبك اكبر منك ب 15 سنه وهيساعد اخواتك ف جوازتهم. وحاولت ارفض لكن النصيب.وجيت الفيلا دي ودخلتها بخوف كبير. ولما شوفت بدر لاول مره خوفت من هيبته وقالى انو اتجوزنى عشان اربي ابنه وبس. وكنت بنام ف اوضه لوحدى وبدر ف اوضته. وقابلت شريف وكان حاله يصعب ع اى حد. اهتميت بيه وحبيته اوى زى عبد الرحمن اخويا. بس كان ع طول عصبى ويصرخ هاتولى ماما ويعيط يقلبى. وكانت نفسيته وحشه اوي. ولما بدر يزعق انا اهديه واقوله طفل صغير. وفضلت ع كدا سنتين وعافرت عشان ادخل قلب شريف.واهتميت بالبيت. وبدر كان بيعاملنى بالحسنى وماشفش منى غير كل طيب. وكنت بحاول العب مع شريف ههههه كنت زى العيال. وبدر بدء يتعلق بيا. وشاف قد ايه انى حنينه مع ابنه واقدر اكون ليه أم بجد. وطلب منى انى انقل كل حاجتى ف اوضته. وبعد كده بقيت مراته رسمى. وشريف بقى عنيد بس انا ديما بحاول معاه.بس ف مره كنت مخلصه المطبخ وطالع عينى ومكنش فيه شغالين عشان بدر كان بيخاف عليا. وبعد ماخلصت. شريف فتح ازايز الزيت ووقعهم ع الأرض والملح والدقيق بهدل المطبخ وميا وسكر. وعيطت من منظر المطبخ وبقوله ليه عملت كدا؟ قالى عشان بكرهك وانتى خدامه اشتغلى واتعبى. وزعقتله اوى وكنت هضربه لانه غلط حتى لو ابنى كنت هتصرف كدا. وقعدت اعيط واشتغلت واتهد حيلى تانى. وتعبت واغمى عليا.وعىرفت انى حامل الفرحه مكانتش سيعانى انا وبدر. واخدنا رحله وكان مهتم ب شريف اوى بس هو كان ديما يتجنبنا. وده كان مزعل بدر اوى. ولما خلفت سليم وبدء يمشي. شريف اتحول من طفل عنيد لطفل عدوانى. يضرب سليم. يوقعه. ياخد اللعب بتاعته. وانا وبدر احترنا معاه. وجبناله دكتور نفسي. قال مفيهوش حاجه دى غيرة اطفال عاديه. وعدت السنين وشريف دخل ثانوى وسليم كبر وكنت بعدل بينهم وربنا الل عالم عمرى مافرقت بينهم.وكنت بتمنى اسمع كلمة ماما من شريف لكن ابدااا عمرو ما قالها. وجه ف يوم طلعنا نجرى انا وبدر ع صريخ سليم. انا كل ما افتكر الموقف ده قلبى يوجعنى. شوفنا شريف ماسك الس\كينه وعايز يموت سليم. ويقولو انا هقتلك انا بكرهك وبكرهكو. أنا صرخت. وبدر كان مرعوب. وسليم ابنى يعيط و يقوله انا اخوك الصغير. وبدر جرى وشد الس\كينه وضرب شريف بالقلم. واتصل ع صلاح وده خال شريف.وبدر حكاله ع كل حاجه. وصلاح زعق ل شريف وقال أنا هاخدو عندى انا قاعد ف الشقه لوحدى وهتعامل معاه. واخد شريف وانا زعلت ع فراقه وكنت بعيط عشان صعبان عليا وكمان كنت خايفه ع ابنى. وفضل عند خاله سنتين كاملين وبدر بيبعت المصاريف. ويروح يزوره كل اسبوع. وبعد السنتين شريف رجع بس رجع واحد تانى خالص. زى ما انتى شايفه كدا. اتاسف ل سليم ويلعب معاه ويجبله لعب وكل حاجه و نعم وحاضر وقلبنا ارتاح لان شريف اخيرا عقل.ودخل الجامعه واشتغل مع بدر كام سنه ف الشركه. وسليم بعدها أشتغل وكانو ايد واحده ويخافو ع بعض وسليم ديما كان ف ضهر شريف. واى مشكله سليم الل يحلها ل شريف. وجه ف يوم بدر قالى انا هوزع الأملاك قولتله لأ ماينفعش حسك ف الدنيا. قالى اسمعى الكلام. انا هكتبلك الفيلا دي باسمك. وشريكه ف كل الأملاك. وشريف النص وسليم النص وكان ديما ينبه عليا اقرا اى ملف ممضيش ع حاجه كدا ابدا.وبعد ماكتب الأملاك وقع مره واحده. وفقد النطق. وجتله جلطه. وسليم يقلبى كان هيتجنن هو وشريف. وسليم جابه ع البيت يتعالج. لكن للاسف أمر الله نفذ. وبعد الوفاه. شريف سعات يهزر. وشهور لوحدو كدا. ورافض الجواز معرفش ليه؟ ومن ساعة خاله صلاح عمل حادثه ودخل في غيبوبه وهو بقى منطوى زى ما انتي شايفه كده. وكل يوم ف حال مختلف.فتون: بتسمعها واستغربت جدا ازاى اتحول من عدوانى لملاك. وقالت يعنى خاله صلاح عرضه ع دكتور نفسي او حد متخصص تعديل سلوك؟ فريده: لا خالص. بس الحمدلله عدت ع خير. فتون: هزت راسها. الحمد لله. بس انتى تعبتى اوى ياماما. وربنا عوضك ب عمو بدر الله يرحمه وسليم كمان. فريده: اتنهدت بدر كان حنين جدا وسليم فيه من ابوه كتير؟ ديما بفتخر بيه. وعمرو ما تعصب عليا. غير من وقت الحادثه بس.اقولك ايه بس ولا ايه. ده سليم ده قطع ف قلبى. قسم قلبى 100 حته. وأصعب وقت عدى عليا. لما قال أنه مش شايف. ولما خرج من اوضة العمليات والدكتور فك الشاش من ع عينيه. وبدء يكسر كل حاجه. ساعتها كنت بموت.تعرفى يافتون انا خايفه انك تاخدى الاشعه ليه؟ لان سليم لما سافرنا المانيا وعمل العمليه التانيه. وخرج من العمليات والدكتور فك الشاش ساعتها سليم ضحك وهو موجوع ياقلب أمه. وقال محدش يفتح كلام ف موضوع العمليه ده تانى. لأن كدا هنبقي بندمرو. فتون: ربتت ع ايديها متقلقيش. ولو الدكتور قال أنه صعب نظره يرجع. هجبلك الظرف من سُكات ونكمل عادى جدا. انا بس مش عايزه اضيع الفرصه دى. افرضي فيها امل بالشفا. هنخسر ايه؟بالعكس سليم ممكن يرجع زى ما كان. وعلشان تكونى عارفه انا مش فارق معايا انا حبيت سليم زى ما هو. لكن انا عايزه يفتح علشانه هو. فريده: ربنا يكرمك يابنتى وتفرحينى إن شاء الله. فتون: قامت واخدت الظرف. يارب ياماما. انا همشي دلوقتي عشان بطه. واتحركت خطوتين ووقفت ولفت ل فريده. ماما هو انتى قولتى إن سليم فك الشاش من ع عينيه بعد العمليه ع طول؟ فريده: ايوه يابنتى ليه؟فتون: ابدا. بس الل اعرفه ومتاكده منه. إن الشاش بيتفك بعد العمليه ب 3 ايام. وبصت ل فريده انتى متاكده؟ فريده: بعدم فهم. ايوه يافتون انا متاكده العمليتين دول محفورين جوايا. انا فاكره ف نفس الوقت. وبعدين ما انتي عارفه الطب اتقدم. ممكن يكون عادى. فتون: بحيره. ممكن. ممكن. ومشيت. ف شركة بدر الدين.سليم: نظيم انا عايز منك ملف كامل عن مصنع الحديد من يوم ماسبت الشركه لحد انهردا. انا عايزه اعرف المصنع ديما شغال كويس جدا. ازاى ف الفتره دى يخسر ملايين. اكيد ف حاجه غلط. نظيم: تحت امرك ياسليم باشا. سليم: واعمل حسابك انت وعماد المحامى. والمهندس سمير هنروح ع المصنع بكره ف زياره مفاجئه. نظيم: تحت امرك. إن شاء الله كل حاجه هترجع زى الاول واحسن بوجود حضرتك. سليم: هز راسه بديق متشكر.نظيم: الباشمهندش شوقى عايز يطلع يسلم ع حضرتك. بس انا قولتله يستنى لما استأذن حضرتك. انا عارف انك مضايق منه. سليم: بخنقه. هو الل اسمه شوقى ده لسه ممشيش من الشركه؟ انا مش عارف ايه المميز ف واحد فاشل زي ده. وشريف متمسك بيه ليه؟ نظيم: ياباشا شوقى مهندس كمبيوتر ممتاز. بس هو دماغه طاقه حبتين.سليم: دماغه طاقه وممتاز؟ انت بتهزر يانظيم. انت ناسي انه كل شويه يقول السيستم واقع الكاميرات اتيرست. ونجيب مهندسين من بره. ده افشل مهندس كمبيوتر. نظيم: طيب والله ياباشا من فتره كبيره محصلش اى عطل في الكاميرات أو اتيرست واكيد بيتعلم. ها أقوله يطلع حضرتك؟ سليم: بجمود. لأ انا مش فاضي للسلامات. احنا ف ورطه ومصيبه. الشركه هنا كمان خسرت مناقصه مهمه. يلا يانظيم روح نفذ الل طلبته منك.نظيم: حاضر ياباشا تحت امرك. بعد اذنك وخرج. سليم: مسح وشه بايديه ونفخ. مش معقول ف حوالى 8 شهور الخساير دي كلها. ومسك الفون اتصل ع خالد. واتصل عليه. ورد ايوه يا خالد. خالد: صباح الفل يصحبى. ايه طمنى كل حاجه عندك تمام. سليم: تمام ايه بس؟ دى كل حاجه بايظه. المصنع والشركه خسرت المناقصه.خالد: بزعل لاحول ولاقوة إلا بالله. طيب متزعلش نفسك واكيد انت قدها. انت كنت شايف شركنتا واقعه ازاى. واهو بوجودك الحمد لله بدءت تقوم تانى. سليم: هز راسه إن شاء الله. المهم طمنى عملت ايه مع مُهاب. خالد: انا لسه خارج من عندو وكل حاجه تمام. بس سمعت طراطيش كلام كدا ف الشركه عن شركة الشرقاوي ومناقصه. سليم: انتبه. قولى سمعت ايه بالظبط.؟خالد: انا مش فاهم اوى بس الل فهمته إن ف مناقصه كبيره جدا مع رجال أعمال وأكبر رجل اعمال موجود بينهم عادل الشرقاوي. والل متأكدين منه أن المناقصه دى هترسى عليه هو وهترفعه لفوق اكتر. بينى وبينك انا اتغاظت وكان نفسي يخسر. تصور ياسليم متصور هو وابنه وبنته ومراته وهما ع البحر. وكاتب كلام شعر فيهم. وإن دى عيلته الوحيده.سليم: مط شفايفه بتفكير. وقال سيبك من الل كاتبه. الشاطر الل يضحك ف الاخر. بس انا عايز منك حاجه مهمه. خالد: حاجة ايه؟ سليم: عايزك تصحصح كدا وتحاول تجبلى أدق التفاصيل للمناقصه دى. خالد: بعدم فهم انا مش فاهم حاجه طيب ليه؟ سليم: ابتسم بمكر. انا هقولك ليه،! ف الحاره. فتون: سلام عليكم ياعم زينهم. زينهم: اهلا وعليكم السلام يافتون يابنتى تعالى خشي. عامله ايه؟ والاستاذ سليم اخبارو ايه.فتون: ابتسمت الحمد لله وسليم زى الفل. زينهم: واحنا مش عايزين غير كدا. ربنا يصلح ليكو الأحوال. فتون: تسلم ياراجل ياطيب. خالتى ام محمود عامله ايه؟ زينهم: الحمدلله نحمد ربنا ع كل حال. فتون: الحمد لله. انا عايزه كيلو دقيق. زينهم: من عينيا. ابو سلامه: سلامو عليكو يافتون اذيك ياحج زينهم. زينهم: بنفور. اهلا يامعلم. فتون: من غير ما تبصله. وعليكم السلام.ابو سلامه: اله صحيح يافتون. هو جوزك سليم بيه هايهد العماره امتى؟ زينهم: بدهشه. يهد العماره؟ عمارة ايه يمعلم؟ ابو سلامه: اله انت متعرفش إن سليم بيه اشترى مني العماره. وهايهدها ويعمل مكانها مشروع. تبقى عرف الشيخ محمد والسُكان بقى عشان يشوفو مطرح تانى. زينهم: فتح عينيه بصدمه. الكلام ده صح يافتون يابنتى. فتون: ضحكت بسخريه. ومين قالك الكلام ده يمعلم؟ابو سلامه: اله وانا يعنى هجيب حاجه من عندى. سليم بيه اشترا وانا اتنازلتله ده قايلي بعضمة لسانه. انتى متعرفيش ولا ايه؟ فتون: لا طبعا اعرف. بس اظاهر انك لسه متعرفش. وبصت ل زينهم وابتسمت بسعاده. عم زينهم. سليم اشترا العماره فعلا بس عشانى. علشان زكرياتى. اشتراها وكتبها بإسمى. ابو سلامه: فتح عينيه بصدمه. وقال اييييه؟زينهم: بفرحه كبيره. بجد يافتون يابنتى. ماشاء الله يعنى العماره دلوقتي بتاعتك انتى. اللهم صل ع سيدنا محمد. والله الاستاذ سليم ده راجل وشهم. وانتى تستاهلى كل خير يابنتى الف مبروك ياحبيبتى. فتون: بفرحه الله يبارك فيك يا عم زينهم. ابو سلامه: بغيظ كبير اه يعنى هو كدب عليا وقالى أنه عايزها مشروع. واشترالها ليكى انتى. يعنى انتى تاخدى عمارتى انا؟فتون: بصوت عالى. اسمع يامعلم ياريت تلزم حدودك. وتعرف انت بتتكلم عن مين. الحاره كلها اتلمت ع صوت فتون. والشيخ محمد جاى من بعيد. فتون: الل انت بتتكلم عليه ده يبقى جوزى. ومش هسمح لأى حد أنه يتكلم عليه كلمه واحده. وجوزى مابيكدبش فاهم. وشوف مين بقى الل بيكدب. وراح قال ل طلعت المحامى انى عايزه اسيب الشقه ولا ده محصلش؟ ابو سلامه: بصوت عالى انتى بتزعقيلى يافتون. و اه جوزك كدب عليا وانا مش هسكت.فتون: زعقت ايوه ازعق. وازعق لأى حد يقل منى أو من جوزى. وانت متقدرتش تعمل حاجه انت واخد فلوسك كلها ع داير مليم ايه الل مزعلك. الشيخ محمد. جه. ف ايه يافتون. فتون: بصوت عالى. ياعم محمد ويا أهل الحاره. انا عايزه اقول للكل. إن ابو سلامه جالى لحد باب البيت وقالى تسيبى الشقه دى ف اسبوع واحد. عشان طلعت عايز مكان أوسع وهيسيب البيت. مع إن العقد لسه مخلصش. وانا من شهامتى قولت ماشي هنشوف مكان غيرو ونمشي المصلحه.يقوم الراجل الكبير ده يروح ل طلعت المحامى. ويقولو انى انا روحت ليه برجليا وقولتله انى عايزه اسيب الشقه ومن غير مشاكل واترجيته انه يحلها معايا ودي. ودلوقتي ربنا كرمنى وسليم اشترا العماره وكتبها بإسمى. هو ايه الل مضايقه؟ ولا انت وافقت تبيعها وانت مغصوب مثلا.؟ دانت واخد فيها اكتر من حقها. وسليم عمل معاك واجب عشان خاطرى انا.الكل بص لابو سلامه وف الل اضايق منه وف الل مش فاهم حاجه. وف الل استكتر ع فتون الل هي فيه. وف الل فرح من قلبه ليها. الشيخ: محمد اتكلم مع ابو سلامه. وغلطه وناس كتير غلطته لانه راجل كبير وماينفعش يعمل كدا. وبعدها: بارك ل فتون. وقال والله انا فرحت جدا لما عرفت بالخبر ده. سبحان الله العظيم. فتون: بتحاول تهدى. الله يكرمك ياعم محمد. محمد: ههههههه كنتى هتكلى الراجل عشان خاطر الاستاذ سليم. مفتريه.فتون: ابتسمت. اى حد هيقول كلمه عليه هاكله فعلا. محمد: ربنا يباركلك فيه يابنتى وهو اثبت انه يستاهل كل خير منك. حافظى عليه ياحبيبتى. وكويس انى عرفت عشان اطلعلك الايجار اخر الشهر ده. فتون: شهقت. ايجار؟ ايجار ايه ياعم محمد. والله مايحصل ابدا. انا مش هاخد اى حاجه من اى حد. محمد: بدهشه. انتى بتقولى ايه يابنتى ماينفعش.فتون: لا هينفع. والكلام ده سابق لأوانه. انا هاخد ايجار من طلعت المحامى. هو واكلها والعه هههههههههههه. محمد: مسد ع حجابها. ربنا يبارك ف عمرك يابنتى. انا هلحق العصر. وبعدين نشوف موضوع الايجار ده. فتون: مع أنه منتهى بس ماشي وتصلى ف الحرم يارب. محمد: صُحبه إن شاء الله. يلا سلام عليكم. فتون: وعليكم السلام. وطلعت. بعد فتره. خالد وحنين خارجين من المول. خالد: بدهشه انتى بتقولى ايه ياحنين انتى شاربه حاجه مش كدا؟حنين: بتصميم. لا مش شاربه. والل سمعته صح. احنا لازم نجرب مش هنخسر حاجه. خالد: بزهول. انتى عايزه انا وانتى نروح ل عادل الشرقاوي انتى اتجننتى. حنين: وبعدين بقى لاحظ انك بتغلط ماشي؟ وياريت بقى تفهمنى. دلوقتى احنا كلها 3 شهور وهنكتب الكتاب. وانا نفسي بجد عيلتك تبقى جمبك ف يوم زي ده. مش علشانى والله عشان متفهمش غلط. بس علشانك انت. انا عايزه فرحتك تكمل ياخالد ارجوك.خالد: بتنهيده. وانا فرحتى كامله بيكى ياحنين. وانا مش عايز اكتر من كده. حنين: طيب نجرب مش يمكن لما أقابله واتكلم معاه قلبه يحن ويفهم وجهة نظري. وبالله عليك توافق. خالد: نفخ استغفر الله العظيم يارب. قلب مين الل يحن يما. ده مش بعيد يغلط فيكى قدامى. ساعتها انا ممكن اخسرو اكتر من كده. واصور قتيل. اعقلى كدا واركبى يلا عشان اوصلك.حنين: طيب لو قولتلك عشان خاطرى. نفسي بجد نبقى عيله واحده. بالله عليك توافق. والله انا نيتى خير. وإن شاء الله ربنا هايحنن قلبه عليك ومش بعيد كمان يقولك انا هجيب المأذون بنفسي ونكتب كتابك ع نونا العسل دى. خالد: بتعب يابنتى انتى غاويه مشاكل ابويا وانا عارفه.بس عشان متفتكريش انى وحش انا هوافقك. بس اقسم بالله ياحنين لو حصل اى حاجه وقولتلك يلا نمشي وانتى ماسمعتيش كلامى. هتشوفي منى وش اتمنى انك متحاوليش تشوفيه. حنين: بقلق. احم حاضر. خالد: غمض عينيه بوجع. وقال جواه. انتى بتحاولى ع الفاضي بس اتمنى إن ابويا يتغير ويقف جمبى. ونفخ بحيره. وركب العربيه واتحرك ع فيلا الشرقاوي. وجواه غيظ من كل حاجه.حنين: راكبه جمبه. وقلقانه. وبتدعى ربنا انها تنجح في المهمه دى. وتجمع شمل العيله. فيلا بدر الدين. شريف: ها يسليم ناوى ع ايه؟ سليم: لسه معرفش ياشريف. انا طلبت من نظيم. ملف شامل بكل حاجه ف المصنع من وقت ما قعدت من الشركه. وكلها يومين ونحاول نوصل لحل.شريف: الحل الوحيد ياسليم اننا نعمل مشروع جديد من مشاريعك. المصنع مستواه تحت الارض. يعنى هياخد وقت ع مايرجع يقف من تانى. والشركه خسرت المناقصه. والشركات التانيه الحمد لله ماشيه تمام.سليم: بخنقه ومين السبب ف كل ده ياشريف؟ انا اسف طبعا وانت اخويا الكبير. بس كان لازم ع الاقل كنت عرفتنى إن المصنع بيخسر. وكمان ازاى مناقصه زي دي تخسرها احنا كنا بندخل ف مناقصات اكبر من دي وترسى علينا. انت من امتى بالاهمال ده؟ شريف: بنرفزه انا مش مهمل ياسليم. وانت عارف كدا. انت بس قصدك تقول انى من غير وجودك خسرت مش كدا؟ من غيرك مش عارف اكسب مناقصه واحده.سليم: قام بنرفزه. انا مش فاهم حاجه انت ايه الل جرالك الفتره دى.؟ عمال تزعق ع كل حاجه. وانا امتى قولت انى عدم وجودي ف الشركه هيخسرك. احنا دلوقتي ف مشكله حقيقيه. انا سؤالى واضح انت ليه معرفتنيش إن المصنع بيخسر.؟ شريف: قام بصوت جهورى. وانت يعنى كنت مهتم بالشركات.؟انت من وقت الحادثه وانت بعدت عن كل حاجه ومسالتش مره واحده عامل ايه ف شغلك ياشريف. ولا بتابع اى حاجه. ويوم ما رجعت للشغل من تانى رجعت لشركة صاحبك. واخدت مشاريعك. سليم: بعدم فهم. مالك ياشريف؟ انت بتتكلم كأنى روحت شركة واحد غريب. وبعدين دى شركتى كمان احنا شركا فيها بالنص. يعنى لما خالد يكبر انا هكبر. وكمان انا مسألتش ع شغلك؟ اومال مين الل كان بيشرحلى الملف وتقولى كأننا ف اجتماع. وقولتلك ع نصحيتى ليك.وبعدين دى مش اول مره تقولى اخدت مشاريعى. المشاريع دى انا سهرت فيها سنين ادرسها وافكر عشان اوصل أن مشاريعى تختلف وتحقق نجاح كبير. وكنت هبدء المشروع ف شركتنا بس حصل الل حصل وقعدت ف البيت ف من الطبيعى انى اشيل المشاريع دى ف مكان آمن. مش معقول هسيبها ف الشركه اى حد ممكن يسرقها ودى مشاريع كبيره بالملايين.وانت لو طلبت منى اى مشروع وفكره انا معاك فيها مش هتاخر عليك. لكن بصراحه انا مش فاهم هجومك عليا كل شويه كأنى انا السبب ف الخساير دي.شريف: غمض عينيه بتعب وحاول يهدى. وقام وقف قدام سليم. وقال انا اسف بجد يا سليم. انا مش قصدى أنى ازعق او اهاجم انا بس مخنوق وتعبان. والمسؤوليه كبيره. مابين الشركات والمصنع. وحالة خالى صلاح ال بتسؤ. وانت بتشتغل بعيد عنى. كل ده أثر بالسلب عندى. انا بجد اسف. ويغور الشغل الل يخلينا نقف لبعض كدا. سليم: بتنهيده. هز راسه. مفيش داعى أنك تتاسف. انت اخويا الكبير ومن حقك تزعق. وانا مقدر ال انت فيه.بس عايزك متقلقش. انا وانت إن شاء الله هنعدى المحنه دى. وابتسم. تمام. بس روق انت كدا. شريف: حضن سليم. انا بجد اسف متزعلش منى. غصب عني. سليم: أبتسم. وربت ع ضهرو. حبيبى يا شريف ولايهمك. تعالى بقى نتغدى عشان اطلع اريح شويه قبل ما اخرج. شريف: هز راسه ماشي يلا بينا. سليم: خارج من المكتب وجواه مخنوق من تغيير شريف بالطريقه دي. وافتكر هجومه عليه وهو صغير. وغمض عينيه ورفض الفكره. فيلا الشرقاوى.خالد: دخل الفيلا. غصب عنه ولعن نفسه أنه سمع كلامها. ومنتظرين الشرقاوي بقالهم فتره حنين: واقفه متوتره ومتنظره تقابل حماها. وكمان مبهوره بحجم الفيلا والحراسه وخدم كتير. والأساس ضخم كأنه اثري. وعينيها ع خالد الل واقف بجمود وساكت. شذى بتجرى ع خالد وفرحانه. ابيه خالد خالد: ابتسم بحب واخدها ف حضنه. حبيبة قلبى وحشانى ياشذى عامله ايه؟ شذى: انا كويسه ياابيه انت فين ليه مش بتجى عندنا ف الفيلا.حنين: متابعه خالد وشذى. وابتسمت. خالد: معلش يا حبيبتي عندى شغل كتير جدا. شذى: بصت ل حنين. مين دى يا أبيه؟ خالد: ههههه دى ياقلب ابيه. ابله حنين خطيبتى. وبكره هتبقى مراتى. شذى: بتفكير. اااه دى البنت الفقيره الل سرقتك من بابي.؟ حنين: بدهشه. شهقت بصوت مهموس. خالد: بضيق. انتى ليه قولتى كدا ياشذى؟ شذى: هزت كتفها. انا سمعت مامي وبابي بيقولو كدا. وكمان بابي قال إنها شحاته وهتسرقك. وبصت ل حنين هو انتى حرميه؟حنين: عينيها مفتوحه بصدمه ودمعت. خالد: صك ع اسنانه بغيظ وبص ل حنين. وشاف الدموع في عينيها. وبص ل شذى اسمعى ياشذى ابله حنين مش فقيره ولا سرقتنى منكم. ومتسمعيش ل كلامهم تانى لأن كدا غلط. شذي: اوكي يا أبيه. خالد: بغيظ مكبت. يلا ياحنين. حنين: بصتله بحيره. بس. بس والدك.؟ خالد: شدها من أيدها جامد. وخارج بيها من الفيلا. والدى؟ بعد الل سمعتيه بتقولى والدى.حنين: بتتألم اه ايدى ياخالد. وبعدين مش يمكن شذى تكون بتكدب دى عيله صغيره. خالد: ماشي بغيظ. صغيره. ف إعدادى وصغيره. وفتح باب العربيه. اركبى. حنين: شافت خالد متعصب. احم خالد اسمعنى بس. خالد: بتحذير. اركبى ومش عايز اسمع صوتك. حنين: قلقت وركبت. واتفاجئت ب خالد بيقفل باب العربيه. وقال اسمعى مهما يحصل مش عايزك تنزلى من العربيه فاهمه.وسابها ودخل الفيلا تانى بغضب. وخافت من طريقته استنى ياخالد رايح فين. وخبطت ع الازاز وخايفه تنزل خالد: داخل زى الاعصار. وزعق ياعادل ياشروقاى. عادل: نازل ببرود. صوتك عالى ليه؟ لاحظ انك موجود ف بيتى. خالد: بوجع. بيتك؟ ههه ااه بيتك وماله ماهو بيتى انا كمان. ولا خلاص الغايب راحت عليه. عادل: مش موضوعنا خير عامل دوشه ليه؟خالد: بتحذير. اسمع ياعادل ياشروقاى. انا حقى ممكن اسامح واتهاون فيه. انما الل يقرب ويجى ع خطيبتى بكلمه واحده ساعتها هندمه ع الساعه الل اتولد فيها. ويكون احسن انك تطلعها من دماغك. عادل: ههههه خطيبتك ايوه ايوه. مشي دى المُدرسه الل بتدرس للعميان. انا قولت دي اكيد نزوه. وخالد هيعيش معاها يومين ويرميها زى غيرها. لكن الل فاجئنى انك جبتلها شقه جديده. وهي آخرها اوضه فوق السطوح.وزعق. وأبوها يبقى مين هااا؟ حتة موظف حكومي لا راح ولا جه. وامها ست عاديه جدا وعندهم هي حتة شقه. الخدم الل عندى عندهم احسن منها. وحتة ارض متساويش ملاليم. حتة بنت جربوعه زى دى تضحك عليك انت.؟ خالد: وصل لقمة غضبه. اظاهر انك مش واخد بالك مين بيضحك ع مييين؟انت الل ضحكت عليا مش هي؟ انت الل قولت انك هتهم بيا بعد وفاة امى وروحت اتجوزت ورمتنى. رميت ابنك ف الشارع وسط الصيع رمتنى للهلاك. واخر الشهر ترميلى قرشين. من باب الواجب يعنى. جتلك عشان اقولك انى تايهه وبضيع لقيتك بتحتفل بحمل المدام. وانت ولااااا ع بالك الل عايش مع ناس تانيه. ضحكت عليا لما جبتلى حتة شقه وانت عايش ف العز ده كله انت وولادك ومراتك. واااانااااا فين من كل ده هاااااا؟ انا فين. ده انا لو مش ابنك كنت هتحتوينى اكتر من كده. لييييه كل القسوه الل جواك دى؟ واليوم الل اخترت فيه صح شريكة حياتى. وجيت لحد عندك واقولك تعالى معايه عشان تقوم بدورك كا اب مسؤول عن ابنه الكبير. عملت ايه؟ عملللللت اييييه متقول؟ اتخليت عنى زى كل مره. وانا مبتعلمش بقول يمكن هيتغير. واقسمت انى ابعد عن حياتك.لكن تعرف مين الل جابنى انهردا لحد هنا؟ تعرف مين الل قالى تعالى يمكن، يمكن قلبه يحن عليك؟ الل انت بتغلط فيها. الل قولت عليها انها بتضحك عليا.وانت لما سالت عليها وعرفت كل حاجه عنها اوى كدا؟ معرفتش كمان أنها وافقت ع ابنك بعيوبه؟ وافقت انها تقف جمبى وتساعدنى انى اكون انسان محترم. وافقت ع واحد ابوه رميه ومابيسالش فيه ولا يعرف عنه حاجه؟ اسمع اول وآخر مره تتكلم عليها أو ع عيلتها. انت لو تعرف حقيقة الابوه. مكنتش هتتكلم كدا. ابوها الل مش عاجبك اشتغل وتعب وربى بنته واحتواها. رغم أنه مش غنى زيك. بس أدى لبنته الل انت معرفتش تديه لابنك. وانا بتأسف لنفسي وليها انى وافقتها وجبتها ليك.عادل: واقف وبيسمع وسقف بايديه. برافو برافو عليك ياخالد ايه ده بقيت شاعر وانا معرفش. اسمع ياولد انت؟ انت تبعد عن البنت دى. وقدامك فرصه واحده. وهجوزك اخت المدام و من مستوانا من نفس الطبقه. وساعتها بس اقدر ارجعك لبيتى. ولو رفضت عرضي انت محروم من الميراث. وهتتحرم من الراتب الشهري. وكمان ممنوع دخولك اي شركه من شركاتى لزيارتى وكمان رجلك متعتبش الفيلا هنا مفهوم ياولد.خالد: بيسمعه وضحك بكسره كبيره ووجع اكبر. هههههههه هههههههه. حنين: نزلت من العربيه واقفه بعيد وسمعت كل حاجه وعيطت عشان خالد. ولما شافت أنه بيضحك عيطت اكتر. ودخلت تجري عليه. ووقفت قدامه بدموع. خالد. خالد يالا نمشي من هنا. خالد: ههههه. وشاور بايدو ع ابوه وقالها. اهو اتفضلى اتكلمى معاه. يلا حننى قلبه عليا. حنين: بعياط هزت راسها لأ. انا اسفه. يلا نمشي من هنا عشان خاطرى.عادل: ببرود. برافو ممثله عظيمه. وشك يقول انك برئ. لكن لحد امتى؟ اسمعى ياشاطره. انا ممكن ادفعلك مبلغ متحلميش بيه. وقصاده تبعدى عن خالد نهائيا. خالد: قبض ع ايديه. بغضب. انت اتعديت حدودك ياشروقاى. وكلمه زياده… حنين: بسرعه حطت ايدها ع بوقه. لأ لأ. متردش عليه. ويلا نمشي من هنا. انا اسفه بجد انى طلبت منك انى اجى هنا. كنت مفكره أنهم زينا. بيتأثرو وبيزعلو ويحسو بال قدامهم. لكن لأ دول عالم تانى خالص.عادل: بنرفزه. اسمعى يابت انتى. انا عارف الشغل ده كويس. انتى لو مبعدتيش عنه انا هحرمه من الميراث. حنين: مسحت دموعها بغيظ. ولفت ليه. وقالت. ميراث؟ ميراث ايه حضرتك الل هتحرمه منه؟ وانت حرمه من اهم حاجه؟ وحرمته من حجات كتير جدا. خالد مش محتاج لثروت حضرتك. انا ثروته. وهو كنزى. وإن شاء الله ربنا هيعوضه خير. ولفت ل خالد وشافت الدموع ف عينيه. ومسكت ايدو وقالت انا اسفه بجد حقك عليا. ارجوك يلا نمشي من هنا.خالد: عيونه ع وش حنين بوجع كبير لما قالت انه كنزها وهي ثروته. وبيكابر دموعه. وقرب منها وغمض عينيه وباس جبينها قدام ابوه. ومسح دموعها. وابتسم بوجع انا الل اسف انى جبتك مكان زى ده. وانتى فعلا ثروتى وكنزى. ومسك كف أيدها. وبص ل عادل. وقاله. اشبع بالفلوس. واشبع بالثروه. لكن اعرف إن الشاطر الل هيضحك ف الاخر. واخد حنين وخارج. مرات عادل بتنادى من ع السلم. عادل. ياعادل ايه الدوشه دى؟عادل: بصوت عالى عشان خالد يسمع لا ابدا ياروحي. ده واحد كان عايز مساعده وخرج. مراته: طيب اطلع البس عشان الحفله. عادل: حاضر ياروحي. خالد: وقف ع باب الفيلا. وسمع عادل. وابتسم بسخريه وكسره. حنين: بتلعن نفسها انها جت واتسببت ف مشكله اكبر. وشافت خالد. ولفت وشه ليها. وابتسمت بتمثيل. يلا ياحبيبى. خالد: اخد نفس عميق. وهز راسه وخرج. وركب العربيه. وساق بسرعه كبيره عشان يخرج بسرعه من اكتر مكان بيكره.حنين: سانده راسها ع الازاز ودموعها نازله. وضميرها مأنبها. لانها صممت ع الخطوه دي. وبصت ع خالد. وشايفه ع وشه حسره كبيره. وحبها دفعها انها. تحط أيدها ع ايدو وهو سايق. وقالت ممكن تقف ع جمب. خالد: سايق ومردش عليها. حنين: بدموع. خالد لو سمحت ممكن. خالد: فرمل مره واحده. وساكت. حنين: بلعت ريقها بتوتر. والكلام هرب منها. خالد: بجمود. انا وقفت اهو. سمعت كلامك المرادي كمان.حنين: بحزن. خالد انت عارف انى مقصدش إن كل ده يحصل مش كدا؟ وانا مكنتش عارفه إن المقابله هتكون بالقسوه دى؟ انا بس حبيت انى اعمل حاجه كويسه. لكن فشلت. وحطت وشها بين ايديها وعيطت بصوت متقتطع. والله انا كنت عايزه ميكونش ناقصك حاجه. خالد: متغاظ من كل حاجه. ودلوقتي صوت عياطها. وصك ع اسنانه. وحاول يكون طبيعى لكن صعب ومتكلمش. حنين: مسحت دموعها. وبصت ل خالد. ومسكت ايدو ارجوك حاول تفهمنى.خالد: اتنهد بتعب. حنين انا محتاج اكون لوحدى ممكن. حنين: سابت ايدو. وهزت راسها بزعل حقيقي وكمان صعبت عليها نفسها وقالت ممكن. وبصت من الازاز وساكته. واتمنت انها لو سمعت كلام فتون ومراحتش. خالد: داس بنزين وساق وكل كلمه ابوه قالها ليه بتتردد من تانى. فيلا بدر الدين. فريده: ف اوضتها بعد الغدا. بتقرا الورد اليومي. وفونها رن من رقم مجهول. وردت السلام عليكم. واحده ست ردت عليها. الو فريده هانم؟فريده: باستغراب. ايوه انا. مين حضرتك. الست: ا. انا. ا. انا، وقفلت الخط بسرعه. فريده: بعدم فهم. اله مين دى؟ وكمان عارفه انا مين؟ تؤ بس الصوت ده مش غريب عليه. اتصل انا يمكن شبكه أو ممعهاش رصيد. واتصلت وكان الخط مغلق. واستغربت. ورجعت تكمل قرأة الورد.سليم: ف اوضته. وحاول ينام بعد الغدا. قبل ما يقابل فتون. لكن مش عارف. بيفكر ف اسلوب شريف. وعايز يساعده. وقال اكيد من ضغط الشغل. ونفخ بحيره. وقام من ع السرير. ونده تونه. تونه انتى فين؟ وسمع خربشه قدام الباب وصوتها. وراح فتح الباب ليها. تعالى انتى كنتى فين وقعد ع الكرسي؟ القطه: نطت ع حجره. وعملت صوت. رقيق.سليم: اممم انتى عايزه تنامى مش كدا؟ تعرفى انا كمان عايز انام. لكن لازم اتكلم مع تونه الاول. ههههه لا مش انتى انا اقصد تونا فِتنة قلبى. انتى تونا حبيبتى. وهي روحى وقلبى وكل حياتى. القطه: عملت صوت كأنها زعلانه. سليم: ههههه شالها وباس راسها. قمر ياتونا. يلا انزلى نامى ف سريرك. وانا هتصل ع فاتنة قلبى. عند فتون. فتون: خارجه من المطبخ. وقالت تمام يابطه انا شطبت المطبخ زى الفل. اعملك شاى؟ ولا ينسون.فاطمه: لأ ولا حاجه انا شبعانه اوى الحمدلله. قوليلى هي الساعه كام دلوقتي. فتون: الساعه 5 ونص يقلبى. فاطمه: ماشي ياحبيبتى. هاتى السبحه أسبح وانا قاعده كدا واقول الأذكار. فتون: يسلام من عيونى. وجابت ليها السبحه. فاطمه: تسلم عيونك ياحبيبتى. قوليلى ايه الريحه الحلوه دي؟ فتون: ههههه اممم دى ريحة الكيكه الل انتى بتحبيها يابطه.فاطمه: اه وانا اقول بتعمل ايه ف المطبخ كل ده. تسلم ايدك ياقلب أمك. تعرفى والله كنت هقولك اعملي لينا صنيه كيكه ولا حاجه. فتون: قلبى حاسس بيكى. قلب الام بقى ههههه. فاطمه: ههههه ومالو مانتى قلبك احن من آلام ع ضناها. وبالله عليكي ياحبيبتى. تبقى تبعتى طبق كيكه لخالتك سميره. وسهير. الريحه بتقلب العماره. وانتى عارفه النبى وصى ع سابع جار.فتون: عليه الصلاة والسلام. ومن غير ما تقولى انا عامله حسابى. وكملت بحب. وكمان عامله حساب سليم فاطمه: بفرحه. اسم الله عليه هو جاى انهردا. فتون: هزت راسها ايوه. وهنخرج شويه. فاطمه: ماشي ياحبيبتى بس متتاخريش عليا يافتون يابنتى. فتون: لا مش هتاخر. احنا هنتمشى شويه ونرجع. جلسه ع السريع كدا. فاطمه: ماشي يابنتى ربنا يريح قلبك ويسعدك انتى وسليم.فتون: اللهم امين. وضحكت بسعاده اهو بيتصل. ثوانى يابطه. وقامت بسرعه ودخلت الاوضه وردت بحب. الوو. سليم: اممم الو. عامله ايه؟ فتون: امم يعنى الحمدلله. سليم: ايه يعنى دى. واضح إن ف حاجه حصلت؟ فتون: لأ بس ف واحد اسمه سليم. متصلش عليا غير مره واحده بس الصبح. سليم: ابتسم بحب. اعمل ايه بس. غصب عني والله يا حبيبتي. انتى عارفه انى كنت ف الشركه.فتون: ولا يهمك. المهم انك بخير. وكل حاجه ف الشركه تحصل زى ما انت عايز. سليم: انا عايز اغمض عيني الاقينى قدامك دلوقتي. فتون: بتنهيده. خلاص غمض عينيك وتعالى. سليم: ياريت كل حاجه بنتخيلها تتحقق. لكن كلها ساعه واكون عندك. وياريت. ياريت تلبسي من دلوقتي عشان ماستناش كتير دى الحاجه الوحيده الل بتعصبنى. فتون: هههههههه. ماشي حاضر. ف ثانيه إلا ثانيه هكون جاهزه وهعمل الل انت عايزو بس الا عصبيتك.سليم: بحب. انا عايز اسمع صوت ضحكتك ع طول ومش عايز حاجه تانى. فتون: قلبها دق. وانا كمان عايزه وجودك في حياتي ومش عايزه حاجه تانيه. سليم: لأ كدا انا لازم اجيلك حالا. يلا البسي وانا هلبس واجيلك. فتون: بسعاده. امم ماشي. خلى بالك من نفسك. سليم: بحبك.فتون: قلبها دق بسرعه. احم مع السلامه. قصدى هقفل بقى باى وقفلت ع طول. وتنظم أنفاسها. وشهقت الكيكه. وقامت بسرعه تجرى وخرجت تشوفها. اووف الحمد لله كانت هتتحرق. أدى آخرة الحب يخلى الواحده عينيها ف وسط راسها. وقفلت النار عليها. وراحت تلبس. وبعد كده هتوزع الكيكه ع الجيران. سليم: ضحك بسعاده كبيره من كسوفها الل بيحبه. وقام يلبس. وطلع قميص وبنطلون. وبيفكر ف حبيبته. خالد: سايق ووصل عند بيت حنين ووقف.حنين: قاعده وسانده ع الازاز ودموعها نازله ف صمت. وسرحانه وما اخدتش بالها انها. وصلت أو العربيه وقفت. خالد: مخنوق جدا. لكن استغرب إنها متحركتش ولا نزلت. وافتكرها نامت. وقال بجمود. احنا تحت البيت. حنين: … خالد: باستغراب. وخبط ع كتفها. حنين؟ حنين: انتبهت. ها. ولفت وشها ل خالد وسكتت. خالد: بص ليها وشاف عيونها حمرا جداا. وقال. بدهشه. حنين!؟ انتى، وسكت حنين: بتنهيده. ونزلت عينيها. شكرا.خالد: بعدم فهم. شكرا ع ايه؟ حنين: إنك احترمت رغبتى. ومع انى غلطانه. ووالدك هيحرمك من الورث بسببى انت مزعلتش ومزعقتش. لكن انت ممكن تفكر تانى. بعد اذنك. وبتفتح باب العربيه.خالد: صعبت عليه حنين. ومسك ايدها بسرعه قبل ما تنزل. استنى هنا. ورث ايه الل حرمنى منه بسببك؟ وانا مش عايز منه حاجه. ولا محتاجله. وانتى مالكيش زنب ف حاجه. ابويا وانا عارفه دي حجه بس عملها وجابها فيكى. عشان كده قولتلك بلاش نروح لانى فعلا حافظه. وافكر ف ايه؟ انا استحاله اعيش من غيرك.حنين: بعياط. انا مش عارفه ليه بيحصل كل ده. انا كان قصدى خير. كنت مفكره انه لما يسمعنى يقتنع بكلامي. وهو لسه ف ناس بتفكر بطريقة الطبقات والمستوى المادي. إن ده فقير وده غنى. طيب والتربيه والأخلاق والفكر والعقل. كل ده الفلوس بتمحيه. انا اسفه بجد ياخالد.خالد: اتنهد بتعب. انا مش زعلان منك ياحنين صدقينى. انا بس كل الل مستغربه ازااى؟ اب بالجحود ده؟ يعنى انا مثلا بتخيل اليوم الل هبقى فيه اب. بمجرد التخيل حاسس إن قلبى اتعلق بيهم. انا لما أخلف ويبقى عندى ولاد لازم اعوضهم عن كل حاجه اتحرمت منها. هاهتم بيهم ع قد ما اقدر. وقتى كله هيبقى ليكى وليهم وبس. حنين: بتعيط بشهقات. يع. يعنى انت مش زعلان مني.خالد: مسد ع حجابها طيب اهدى وبطلى عياط بقى انا عمرى ما ازعل منك. وقرب منها وقفل الباب. وشغل العربيه واتحرك. حنين: بعدم فهم. انت رايح فين؟ خالد: تفتكرى لما تطلعى بعينيكى الوارمين دول ل نوجا وتسالك. هتقوليها ايه؟ من كتر الضحك مثلا. امرى لله هاخدك اى مكان هادى نقعد شويه تكونى انتى هديتى. حنين: مسحت دموعها وابتسمت. انت حنين اوى ياخالد. خالد: بمكر. كانت هتبقى اجمل لو قفلتيها ياحبيبى.حنين: بحرج. لما نكتب كتابنا. خالد: ههههه انتى داخله ع طمع بقى. بس بجد انا نفسي نكتب كتابنا ف اسرع وقت. لو توافقى انتى بس اكلم عمى ونكتب بعد يومين. حنين: نزلت وشها ف الارض. انت ممكن تتفق مع بابا انا موافقه. خالد: فرمل العربيه. وقال بدهشه. انتى بتتكلمى جد. حنين: وشها بقى احمر جدا. وقلبها بيدق بسرعه كبيره. وقالت احم ايوه خالد: فرح جدا. انها هتبقى مراته. ولف بالعربيه. حنين: بعدم فهم. انت رجعت ليه؟خالد: خير البر عاجله. وانا هستنى لبكره. انا هتفق مع عمى دلوقتي. حنين: طيب وماما لو سألتنى ع عينيا؟ خالد: يستى قوليلها اى حاجه. بتكلى مثلا والشطه لبست ف وشك عادى جدا. حنين: ضحكت غصب عنها. واتنهدت بسعاده. ودعت ربنا انه يحفظه من كل شر. ووصلو البيت. وخالد: قاعد مع والد حنين ووالدتها يتكلمو ف انه عايز يكتب الكتاب. والفرح ف إجازة الترم مع سليم…وحنين دخلت الحمام بسرعه تغسل وشها عشان محدش يلاحظ حاجه. وخرجت عملت العصير الل خالد بيحبه. وقدمته. ودخلت اوضتها بسرعه وحطه ودنها ورا الباب. وشهقت بفرحه كبيره جدا. لما سمعت الموافقه من ابوها. وكتب كتابها بعد بكره. وحضنت المخده بفرحه وداخت كتير ف الاوضه.وخالد: فرحته الكبيره غطت ع زعله من ابوه لانه اتعود ع عدم وجوده جمبه. واتفق إن سليم هيكون شاهد ع العقد. ونزل وهو مبسوط. واتصل ع سليم. ورد. الو يافاشل. خالد: ههههه قلب الفاشل. صوتك مش ف البيت انت فين كدا يسطى؟ سليم: انا خارج مع فتون. خير ياهادم اللذات. فتون: قاعده جمبه وفونها رن وكانت حنين. وردت عليها وبتكلمها. خالد: ههههه ايوه بقى ولعا ياعم. سلملى عليها.سليم: بغيظ وايه المناسبه. واتلم. انا غلطان أنى رديت عليك. وانجز. خالد: ههههههههه الغيره القاتله. مكنتش بتغير ع رهف نص غيرتك ع فتون. سليم: ولا جزء صغير وحياتك. وايه لزوم السيره دى بلاش عكننه ارغى صوتك مبسوط خير؟ خالد: بفرحه. ابدا ياوحش. انا هكتب كتابى بعد بكره. سليم: بفرحه بجد. استنى كدا. اممم حنين بتكلم فتون اهيه. وواضح انها بتقولها.خالد: اممم طيب تمام. متنساش بقى تلبس الل ع الحبل عشان كتب كتاب اخوك اشطا. سليم: ابتسم بحب الف مبروك يصحبى. بجد انا مبسوط جدا علشانك. خالد: قلبى قلبى. بحبك ياسولى. سليم: بغيظ. يا حمار انا مبسوط عشان حنين هتلمك. والله يكون في عونها. هتتجوز متخلف. خالد: وزود عليهم انى ماشوفتش ب2 جنيه تربيه. هههههههه سليم: هههههههه. الاعتراف سيد الميداليا.خالد: ههههههه ايوه بقى ياشقيق. يلا انا هقفل علشان اتصل ع فيرى هتفرح اوى. سلام سليم: ماشي سلام. وقفلو. فتون: قعدت جمبه بتحط الفون ف الشنطه. ومبسوطه جداااا. سليم انا مبسوطه اوى. حنين هتتجنن من الفرحه. سليم: ههههه قوليلها ماتستعجلش. هتتجنن من غير حاجه دي ممهة خالد. فتون: ههههه خالد. بجد دمه خفيف جدا. سليم: بغيره. اه وقمور. فتون: شافت ملامحه. هههههه لا انت اجمل راجل ف الدنيا كلها.سليم: كشر عينيه. اممم ليه كدا بس. خالد دمه خفيف جدا. فتون: ههههه ع فكره بقى. خالد ده دمه تقيل ع قلبى موت. مش عارفه انت مستحمله ازاى. سليم: ابتسم بغيظ. ع فكره انا بغير بجد. متشكريش ف اى راجل قدامى. فتون: والله انا مش قصدى. وبعدين خالد ده اخوك وكمان خطيب صحبتى. سليم: لو ابويا نفسه. متشكريش فيه قدامى. ماشي؟ فتون: بسعاده. امممم عُلم وينفذ يافندم.سليم: ماشي. نرجع لموضوعنا قبل الفاشل ده ما يتصل. كنتى بتقولى انتى جايبه معاكى حاجه ليا. ياترى ايه بقى؟ فتون: ابتسمت. ايوه ثوانى. وفتحت العلبه. وقالت افتح بوقك. واخدت قطعة كيكه واكلته. سليم: اكلها. اممم جميله جدا. تسلم ايدك بجد. فتون: عجبتك انا عملتها علشانك؟ سليم: طبعا عجبتنى. تونا متعملش حاجه وحشه. فتون: بسعاده كبيره بألف هنا ع قلبك. سليم: امم طيب هاتى تانى بقى متبقيش بخيله.فتون: هههههه من عينيا. اتفضل. واكلته وهو اكل معاها. وكان وقت جميل وبعد الاكل. سليم: قوليلى بقى فرحنا ف الاجازه. ولازم نرتب لكل حاجه. فتون: بحرج كبير. لانها مجهزتش حاجه. احم. سليم انا بصراحه لسه مجهزتش اى حاجه. وكنت بقول يعنى لو… سليم: قاطعها. حبيبتى وانا مش عايزك تتعبى نفسك ف اى حاجه. انا عايزك انتى وبس. المهم انا هتكلم مع خالد عشان يختار كام فيلا جديده. وانتى اختارى منهم الل تعجبك واشتريها ع طول.فتون: بعدم فهم. تشترى فيلا جديده ليه؟ انا معاك ف اي مكان مش هتفرق. لكن ليه تشترى وكمان فيلا؟ طيب قول شقه. سليم: ابتسم بحب. طبعا فيلا جديده. انتى مش عروسه. وكمان انتى تستاهلى قصر مش فيلا. وكمان مش عايز اجبرك انك تعيشي مع فريده. انتى لازم يكون ليكى حياتك الخاصه.فتون: بدهشه. وانت مفكر لما نتجوز هنبعد عند بطه وماما فريده؟ لا طبعا. احنا هنعيش معاهم. وعايزه اقولك بقى انا هعيش معاك ف بيتك وكمان ف اوضتك. انت متعرفش انا بحب الأوضه دى قد ايه. سليم: بسعاده. يعنى انتى موافقه تكونى معايه ومع فريده؟ فتون: بحب انا موافقه اكون معاك في اى مكان إن شاله ف اوضه انا راضيه مدام انت موجود معايا هحتاج ايه تانى؟سليم: ابتسم. وقلبه دق. بحب كبير. وقال تمام اتفقنا. لكن انا عايز منك تروحى الفيلا. وتشوفى ايه الل يحب يتغير والديكور الل يعجبك يتنفذ فورا. فتون: انا مش عايزه اى حاجه. وانا هعيش ف الفيلا زى ما هي. انا عايزاك انت مش عايزه ديكور. كل دى شكليات. سليم: ابتسم. ماشي يافتون. انا موافق على الل انتى عايزاه. لكن فستان فرحك انا الل هختار تصميمه. ولا عندك مانع؟ فتون: بسعاده كبيره. ابدا اختار الل تحب تشوفنى فيه.سليم: اتنهد بتعب. عارفه يافتون نفسي ف ايه؟ فتون: شافت ملامحه. واتنهدت بزعل علشانه. نفسك ف ايه؟ سليم: نفسي بجد انى ارجع اشوف من تانى. انا نفسي اشوفك اوى يافتون. فتون: بتنهيده. قالت جواها اتمنى فعلا انك ترجع تشوف علشانك انت. وكلها يومين والفريق الطبى هيشوف الاشعه. ياااارب خليك مع سليم وحققله أمنيته. بعد يومين. خالد: جاب المأذون. وكتب كتابه ع حنين. وسليم شهد ع العقد. والكل كان مبسوط جدا.وخالد: كان محضر مفاجاه ل حنين. وقدمها ليها بعد كتب الكتاب قدام الكل. وهي أنه كتب الشقه الجديده ب اسمها. وحنين اتصدمت بعدم تصديق. وخالد: باس جبينها قدام كل الموجودين. وقالها. انتى ثروتى وانا كنزك انا لا يمكن انسي الكلمه دى ابدا. ودى حاجه قُليله جدا عليكى. انتى تستاهلى عالم بحاله. وحضنها ولف بيها. وقالها بحبك. والكل كان مبسوط من جنان خالد وحنيته ف نفس الوقت.وبعدها اخدها وخرجو ع مطعم خمس نجوم. واتفسحو كتير وحنين كانت طايره من الفرحه. اما سليم: اخد فتون ع اليخت. فتون: واقفه سرحانه ف منظر النيل وجماله. سليم: قرب منها من الخلف ورفع ايدو لحد كتفها وخبط عليه برقه. وقال ممكن زوجتى الجميله. تقبل الرقصه دى مع الملاك الحارس. فتون: انتبهت ولفت ليه. بتعجب. وضحكت بس انا مبعرفش ارقص. وهرقص ازاى؟سليم: طول ما انا معاكى متقلقيش انا هعلمك كل حاجه. وشغل اغنيه ل حماقى. ف جوه قلبي حاجه مستخبيه. ومد ايدو ليها. فتون: بحرج مدت أيدها. سليم: قربها منه. وبدء يرقص معاها ويعلمها. فتون: قلبها بيدق بسرعه. ومتوتره. وقُرب سليم ليها بالشكل ده. بيخليها تايهه. وغمضت عينيها. وحطت راسها ع صدره. وحست بالأمان. سليم: غمض عينيه واتنهد بحب. وباس جبينها. بحبك. فتون: ف عالم تانى. وقالت ف الاوعى بحبك.تانى يوم الصبح ف المدرسه. وصل الفريق الطبى وبيكشف ع الاطفال. فتون: واقفه قدام غرفة الكشف وماسكه الاشعه ومتوتره وقلبها بيدق بسرعه كبيره جدا وبتنهج من التوتر. يارب. يارب يكون ف حل وسليم يرجع يفتح من تانى. يااارب. الممرضه: خرجت. حضرتك لسه ف اطفال ف الفصل؟ ولا نبعت للفصل التانى؟ فتون: برجفه لو سمحتى انا معايا اشعه ضرورى ان الأطباء يشوفوها. لو سمحتى بالله عليكى. هي دقيقه واحده بس.الممرضه: ماشي مفيش مشكله. اتفضلى حضرتك. ادخلى وانا هشوف الفصل التانى. ومشيت. فتون: غمضت عينيها ورفعت راسها لفوق. يااارب خليك معايا. ونفخت بتوتر. وخبطت ع الباب. المترجم. ادخل. فتون: دخلت السلام عليكم. المترجم: وعليكم السلام. اتفضلى حضرتك. خير.فتون: بلعت ريقها بتوتر. لو سمحت كنت عايزه اشوف الاشعه دى. وهل الحاله ينفع انها تعمل عمليه. او ف اى حل للحاله دي. انا عارفه انها صعبه جدا. بس ياريت لو ف حل إن الحاله ترجع تشوف من تانى. المترجم: هز راسه تمام. واخد منها الاشعه. اتفضلى استريحى. فتون: قعدت. المترجم: قدم الاشعه للأطباء. وقالهم زى ما فتون قالت بالظبظ.الدكتور: سأل المترجم ايه سبب الاصابه. وفتون شرحت كل حاجه باختصار شديد للمترجم انها حادثه سير وعمل عمليتين ومفيش نتيجه. المترجم: ترجم للدكتور. شرح فتون. الدكتور: بص ف الاشعه قدام الاضاءه. وكشر عينيه بعدم فهم وقال.