ملتزمة على يد زعيم مافيا رنا احمد
ريم وهي تحرك أصابعها بلغه الاشاره لتعلم من هي .
تقي بوجع وهي تحدث ذاتها /دي باين عليها خرسه ي عيني عليكي ي بنتي لترتسم الابتسامه علي وجهها .
/بصي ي ستي انا تقي هحكيلك كل حاجه بس انتي قوليلي متعرفيش بيتك فين او بابا وماما يبقوا مين .
لتمسك ريم كراستها الصغيره وهي تتدون بطفوله .
/ده بيتي ومعنديش بابا وماما.
تقي باستغراب شديد /ده بيتها ازي .
نيره بابتسامه /يلا ي ريم علشان تأكلي.
تقي وهي تحتضن ريم بفزع/انتي مين محدش يقرب محدش هياخدها مني .
نيره بابتسامه/ممكن بس تهدي انا الداده بتاعتها وده ميعاد اكلها علشان الدؤاء .
تقي بجدية/هي البنت دي مش مخطوفه .
نيره بابتسامه/لا ي ستي دي اخت الزعيم الصغيره يلا بقا ب ريم .
ريم وهي تمسك في ملابس بتقي لتفهم نيره أنها تريدها أن تأكل معاها .
نيره بابتسامه/هي عايزه تاكل معاكي يريت توافقي لانها مبتكالش خالص وتعبانه من فضلك .
تقي بغيظ شديد/لا ي شيخه وانتوا عايزين طفله زي دي عايشه في بيت الأشباح كده تاكل ولا تعرف تعيش طب من فضلك خرجيني من هنا زمان امي واخويا هيتجننوا عليا .
نيره بأسف شديد/انا اسفه مقدرش بس كل الي تقدر اقولهولك أن طول مانتي ساكته محدش هياذيكي وتعلق ريم بيكي هيكون نقطه كويسه في صفك هتشفعلك عند الزعيم لانها اغلا حاجه في حياته اتفضلي الاكل جاهز .
لتتوسل إليها ريم بنظراتها الطفوليه لتسير معاها الي الاسفل .
**************.
في شقه تقي ….
كانت تجلس والدتها سماح وهي تبكي بحرقه علي غياب ابنتها لتتحدث بغضب لذلك الذي يجلس ببرود .
/انت قاعد زي اللوح كده ليه متقوم تشوف اختك راحت فين .
احمد بغيظ شديد/اعمل ايه ي امي اروح اقول الي شاف عيله اسمها تقي مانا ياما قولتلها بلاش تروحي الجامع ماخر كده مسمعتش الكلام هي اصلا عيله وش فقر مش كفايه مصممه تتضيع مني اشرف الراجل قصاد جوازه منهاهيدخلني شريك في المحل .
سماح بغضب جحيمي/انت فيه ولا في ايه ي عديم الدم اقوم شوف اختك ي ترا انتي فين ي ضنايا .
****************.
في فيلا أسر الجارحي …
كان يجلس أسر ومعه زوجته سهر ووالده عارف .
عارف بحزن شديد لما ينساه طيله السنوات الماضيه /برضه لسه مفيش اي خبر عن اخواتك ي اسر .
اسر بضيق شديد/يوووه جرا ايه ي بابا كل السنين دي ومش قادر تنساهم مخلاص غاروا مطرح مغاروا يمكن يكونوا ماتوا وخلصنا منهم هما وجودهم في الحياه اصلا كانت غلطه.
