مهرة

سكريبت♥️بقلم سولييه نصار♥️
-يعني مش ناوية تسامحيني يا مُهرا  ؟؟
قولتها وانا ببصلها بندم…كان باين عليها الخذ.لان وقلبي كان وا.جعني لاني خذ.لتها ….أنا اللي عملت فيها كده مهرا  اللي خلت حياتي جنة أنا ر.ميتها في النا.ر …أنا مستحيل اسامح نفسي على اللي عملته فيها …مسحت هي دموعها وبصتلي …عينيها العسلي كانت حزينة على غير العادة …كانت مطفية وكنت عارف اني أنا اللي عملت كده ….أنا اللي دمر.تلها حياتها…الانسانة اللي اتقذتني أنا اللي قـ.تلتها …قتـ لت قلب معملش غلطة الا انه حبني !!!!
دموعها نزلت وهي بتبص على ندمي وقالت:
-مش قادرة انسى أنك خطبتني عشان تخلي مراتك القديمة تغير عليك …انت اخدتني بديل ليها …اخدتني عشان تنساها …أنا كنت مجرد بديل ليها…كل كلامك عن حبك ليا كان كد.ب …كله كان خد.اع أنا مستحيل اسامحك ابدا ….
وبعدين مدت ايديها عشان تقلع الدبلة مسكت كفها جامد وعيوني دمعت وانا بقول :
-عشان خاطري بلاش …بلاش تقلعي الدبلة …انا …أنا هستنى لحد ما تهدي ولحد ما تسامحيني بس بلاش تقلعي الدبلة ….بلاش تاخدي قرار وانتي متعصبة…بس هي شدت كفها وخلعت الدبلة وهي بترفع راسها وبتقول:
-انا مش بديل لحد يا آسر …
وبعدين مشيت وسابتني …كنت منها.ر من جوايا …أنا خـ.سرت الإنسانة الوحيدة اللي حبتني …أنا افتكرت ان محدش هيحبني بعد اللي حصل بس هي حبتني ….حبتني حب غير مشروط …بس أنا كنت بشـ.ع معاها…بشـ.ع بكل ما تعنيه الكلمة….غمضت عيني وانا بفتكر ازاي كانت حياتي …كنت دكتور ناجح متجوز دكتورة زيي اسمها رشا…حياتنا كانت مثالية…وبقت حياتي احسن لما عرفت ان رشا حامل …كانت حياتنا حلوة أووي …لحد ما جات الحا.دثة اللي خـ.سرتني شغلي ومراتي وسعادتي وبقيت وحيد ….رشا سابتني ….وحياتي اتقلبت للاسوأ….افتكرت ان دي هي النهاية لحد ما ظهرت مُهرا  في حياتي ….مُهرا  كانت قريبتي من بعيد بس كنا شبه اصدقاء قبل ما اتجوز رشا بس بعد جوازي بعدت…أنا كنت عارف السبب …بالاحرى كلنا كنا عارفين السبب…كله كان عارف ان مُهرا بتحبني بس أنا طنشت ده قولت هتنسى واتلهيت في حياتي …بس لما الكل بعد عني  هي الوحيدة اللي قربت …الوحيدة اللي فضلت معايا….وعشان اقـ.هر رشا زي ما قهـ.رتني خطبتها …خطبتها عشان اخلي رشا تغير وعشان احاول انساها ….كنت حـ.قير مع مُهرا  اللي ادتني كل حاجة وانا كـ.سرتها أنا مستحيل اسامح نفسي ابدا !!!
. ……..
-مشينا ورا كلامك وادي اللي حصل …الاستاذ كان واخدك عشان يخلي مراته القديمة تغير …واخدك بديل  ليها مبسوطة دلوقتي !!!
كان باباها بيزعق فيها …كان مقهو.ر على قلب بنته اللي اتكسر…
-دي غلطتي أنا اللي وافقت اديكي للمشوه ده …
-بابا !!!
قالتها مُهرا  بعتاب…رغم اللي حصل متقدرش تستحمل أي حد يغلط فيه …
-بلا بابا بلا قر.ف…اسمعيني انتي هتتجوزي خلاص …وهتتجوزي الشخص اللي اختاره أنا !!!!
يتبع
#عشقي_أنتِ
#سولييه_نصار
كل سنة وانتوا طيبين هدية بسيطة لو حابين ننزل كمان بارت النهاردة قولوا ♥️
الجزء الثاني♥️شكرا على تفاعلكم السكر♥️بقلم سولييه نصار♥️
-جواز ؟!
قالتها مُهرا وهي حاسة أنفاسها بتتسحب منها ..ازاي تتجوز حد غير آسر …ازاي تدي قلبها ومشاعرها لحد تاني …اي كان اللي هتتجوزه ده فهي هتظـ.لمه معاها…
-ايوة جواز…هتتجوزي …اومال هتبكي على أطلال البيه ولا حضرتك ناوية ترجعيله بعد ما اكتشفتي أنه بيستـ.غلك…ايه مش ناوية تعمليلك كرامة …هتقفي قصادي مرة تانية يعني ….وقفتي قصادي مرة واهو اللي جنتيه
قالها والدها بغضب فبلعت ريقها بتوتر شديد …كلام والدها كان قا.سي وضغط على جرحها من آسر …كانت بتفتكر كل اللي عملته عشانه …دي وقفت قدام والدها عشان خاطره بس هو خذ.لها …ودلوقتي معندهاش عين تعارض ….
حطت وشها في الأرض من الكسوف وقالت:
-لا طبعا يا بابا مش هعارضك …أنا هعمل اللي انت عايزه …بس بلاش جواز دلوقتي انا مش مستعدة أنا لسه فاسخة خطوبتي لو دخلت اي علاقة دلوقتي هظلم اللي معايا ….
-أنا لو تبعتك هتفضلي معنسة جمبي لحد ما اموت …أو هترجعي للمشوه.ده ….
دموعها نزلت وهي بتقول بقهـ.رة:
-يا بابا حرام عليك متتكلمش عنه بالشكل ده لو سمحت …أنا خلاص سيبته ومش هرجعله تاني …خلاص بالله عليك كفاية ….
-لسه بتحبيه معقول رغم كل اللي عمله …ده استغلك …أو.همك أنه بيحبك وطلع كداب ….طليقته جات بنفسها وسمعتك بودنك تسجيل ليه وهو بيترجاها ترجعله وبيقولها إنه مش بيحبك  وانك ولا حاجة بالنسباله…عايزة ايه تاني ….
-عايزة أنساه …ساعدني انساه …متجيبش سيرته كل شوية لاني بنقـ هر …متتنمرش عليه لاني بنقـ.هر اكتر …بالله عليك يا بابا متحطش عذ.اب فوق عذ.ابي لاني…لاني بمو.ت …
سكت والدها وهو بيحضنها ويطبطب عليها …صحيح متضايق منها بس كـ سرتها وجـ.عته …لازم يعلم الولد ده درس !!
……..
تاني يوم ….
-خلاص يا صاحبي متعملش في نفسك كده  ده …ربنا يعوضك بالاحسن منها ….
قالها حسين صاحبي …أنا كنت قاعد على الانتريه في بيتي وعيوني محبوس فيها الدموع مش قادر احررها وارتاح شغال المس الدبلة اللي في أيدي وانا بفتكر ذكرياتنا سوا …بفتكر السعادة اللي مُهرا ادتهاني …بفتكر أنها هي اكتر واحدة فرحتني وفي المقابل أنا اكتر واحد زعلتها …كنت ندمان اوووي ….
-أنا كـ.سرتها يا حسين…هي معملتش حاجة غير أنها حبتني وفرحتني ..وانا اللي بإيدي ضيـ.عتها …أنا ند.مان …حاسس اني بمو.ت …نفسي اروحلها وابوس رأسها واعتذر عن اللي عملته …نفسي ترجعلي عشان اعوضها عن أي حاجة عملتها فيها ….أنا تا.يه من غيرها …زي الطفل اللي تاه عن أمه ….اتشاقى وبعد عنها في مكان زحمة بس بعدين بص ملقهاش …ودلوقتي هو ندمان عشان بعد …أنا زي الطفل ده يا حسين أنا ند.مان اووي اني جر.حتها ياريت ترجع وانا هفضل كل يوم اعتذر منها على اللي عملته…
لسه حسين هيتكلم لقيت الباب بيخبط….روحت افتحته وعيوني وسعت بصدمة وانا بشوف اخر شخص أتوقعه في حياتي….
-اهلا بحضرتك يا عمي …
قولتها بتوتر …كان والد مُهرا بيبصلي ببرود فقولت والتوتر بيزيد :
-اتفضل ادخل ….
-لا مش هدخل أنا جاي بس اقولك كلمتين …
-اتفضل …
قولتها بتوتر فجأة لقيت البرود اللي في عينيه ليتحول لنار وقال وهو بيمسكني من قميصي :
-مُهرا بنتي اللي مفيش واحد كان يقدر يبصلها بصة بس مش عجباها يجي واحد مشو.ه زيك ويكـ.سر قلبها ….
دموعي اللي في عيني نزلت أخيرا  وانا بقول بند.م :
-أنا اسف …والله اسف ….
زقني ورجع البرود لعينيه تاني وقال :
-بس برضه مفروض اشكرك بسبب اللي عملته بنتي مش هتتجوز مشو.ه زيك ووافقت على العريس اللي انا جبته ليها !!!
رجعت لورا وأنا حاسس وكأن كلامه رصا.صة في قلبي …مُهرا هتتجوز !!!
يتبع
#عشقي_أنتِ
#سولييه_نصار
حاسة انكم.مش حابينها بجد حابين نكملها ولا لا ممكن انزل بارت تالت بالمناسبة♥️
الجزء الثالث ♥️شكرا على تفاعلكم السكر♥️بقلم سولييه نصار ♥️
حسيت الدنيا بتدور بيا ….مكنتش عارف اتنفس وهو بيقولي كده ….مُهرا …حبيبتي هتتجوز حد غيري …الدموع بدأت تتجمع في عيوني وانا ببصله فرفع هو وشه وقال :
-اصلا بنتي عمرها ما حبتك …انت كنت بالنسبالها شفـ.قة …كانت بتشـ.فق عليك …يعني انت اتشو.هت ومراتك سابتك وخـ سرت كل حاجة …وهي عشان عاطفية وهـ.بلة قربت منك ….بس انا اكتشفت حقيقي أنها مش بتحبك بعد فرحتها بالعريس اللي اتقدملها ووافقت عليه ….
رجعت لورا فكمل والدها وهو بيقضي عليا تماماً…
-واهو الحمدلله اللي هتتجوزه وسيم ومرتاح مادياً…مش مشو. ه وعاطل عن العمل مستني الحسنة من اخوه كل اول شهر …
-كفاية لو سمحت امشي من هنا !!!
قالها حسين وهو بيقرب مننا …هو اكيد سمع كلامه كله عليا ومتحملش …بصله حسن والد مُهرا من فوق لتحت وقال:
-أنا كده كده ماشي …أنا بس بقول لصاحبك ميقربش من بنتي والا هنسى صلة القرابة اللي بيننا وهزعله بجد!!!
وبعدين سابنا ومشي …
-آسر أهدى
قالها حسين بقلق وهو شايف الإنهيار عليا كنت بتنفس بسرعة وانا حاسس بخنقة …هتتجوز …مُهرا هتتجوز !!…
مسكت ايد حسين وانا ببصله …الدموع بدأت تنزل على وشي وانا بقوله :
-مُهرا هتتجوز يا حسين…اعمل ايه حاسس اني همو.ت
طبطب عليا حسين وقال:
-خلاص انساها يا صاحبي …هي مش اخر بنت في المجرة يعني …بكرة تلاقي….
هزيت راسي وانا بقول بعذاب :
-مش عايز غيرها يا حسين ….مش عايز غير مُهرا …همو.ت لو حصل واتجوزت تاني !!!
-طيب اهدي يا صاحبي وصلي على النبي …انت للاسف مش هتعرف تعمل حاجة …بنفسك بتقول أن مهرا مش متقبلة منك اي كلمة…..أنا بقول تنساها وتبدأ من جديد ….
هزت راسي بعناد وبعدين قولت ؛
-أنا تعبان …تعبان بجد ومحتاج اشوفها يا حسين …وحشتني اووي !!
طبطب حسين عليا وهو بيبصلي بشفقة ….
….
بعد شوية كنت متسطح على السرير بتاعي وانا ماسك موبايلي وببص على صورها وهي بتضحك….ابتسمت وانا حاسس قلبي بيدق جامد ….أنا اكتشفت اني بحبها اووي بعد فوات الاوان …
غمضت عيني وانا بفتكر مواقفنا سوا ….
…..
فلاش باك ….
كنا في اليخت بعد الخطوبة كانت ساندة ضهرها على السيج بتاع اليخت …شعرها بيطير وهي مبتسمة ليا …قربت منها ومسكت ايديها وانا ببوس خاتم الخطوبة وقولت ؛
+مبسوطة يا مُهرا ؟
هزت رأسها بقوة وهي تقول :
-أنا حاسة أن هتحصلي حاجة من كتر ما انا مبسوطة…ده حلم واتحقق …
لمست وشها وانا بقول :
-يعني مش متضايقة من الحروق اللي في وشي ؟
هزت رأسها بالنفي والدموع في عينيها وبعدين قربت منه وهي بتلمس حروقي وتقول :
-أنا بحبك بطريقة ما تتخيلهاش …بحب الحاجات اللي فاكرة عيوب ..لأن في عيني دي مش عيوب ابدا .د.انا حبيبي ميعبهوش حاجة ابدا …
ابتسمت ليها فابتسمت وهي بتسمح دموعها
….
باك…
خرجت من شرودي وقومت من السرير وانا بقول بإصرار …
-مُهرا هترجع…هعمل المستحيل عشان أرجعها!
يتبع
#عشقي_انتِ
#سولييه_نصار
الجزء الرابع♥️شكرا على تفاعلكم السكر♥️♥️بقلم سولييه نصار ♥️
-يا بني ما أنا كنت معاك من شوية بتتصل بيا تاني ليه وتجيبني على ملأ وشي …
قالها حسين وهو بينفخ في وشي …ابتسمت في وشه وقولت :
-جرا ايه يا سحس هو مش مفروض الصديق وقت الضيـ.ق ولا ايه ؟!أنا محتاج اخد رايك في حاجة ؟
بصلي بحيرة وبعدين مسك كوباية العصير بتاعته وقال قبل ما يشرب منها :
-اشجيني يا اخر صبري ….
-أنا هخـ.طف مُهرا !
قولتها فجأة وبحماس….من غير أي مقدمات لقيته شرق في العصير وبخه على وشي ….
مسكت منديل من علبة المناديل اللي على الترابيزة وقولت وانا بنفخ بقر.ف:
-اووف يا حسين …يخربيت قر.فك يا اخي …
-أنت بدأت تشرب حشـ.يش صح …روحت لطريق الضيا.ع برجلك يا آسر …انطق من امتى بتشرب حشيـ.ش …من امتى بقيت حشا.ش
-حشـ يش اي يا متخلف انت …هو انا بحط حتى السيجارة في بوقي عشان تقول حشـ ي !!!لا انا واعي …
-مستحيل تكون واعي أنت  أكيد عامل دماغ بصنف منـ تن.كمان ….
-ولا ولا همد ايدي عليك اتلم …
-ما انت بتقول حاجات مش معقولة …تخـ.طف مين يا ابني ..ابوها ممكن يقتـظلك …اعقل يا آسر أنا هجوزك واحدة غيرها بس اعقل …
-وأنا مش عايز غيرها يا حسين …مش عايز …هتساعدني ولا لا …
-اساعدك في ايه ؟!
-اني اخطـ.فها …
ضر.ب حسين كف على كف وقال :
-يا حبيبي اعقل ….لا حول ولا قوة الا بالله الواد اتجـ.نن خلاص ..تخـ.طف مين يا بني بس وحد الله في قلبك …روح نام دلوقتي وبكرة تفوق من العته اللي في دماغك ده ….
بصتله ببرود وقولت:
-خلاص امشي يا حسين …لو مش عايز تساعدني امشي …خلاص أنا هعرف اتصرف …..
نفخ بضيق وقال:
-انت عارف اني مش هعرف اتخلى عنك أو اسيبك وانت محتاجني فبطل تمثيل يالا. …
ابتسمت بخـ.بث وقولت وانا بوسع عيوني ببراءة:
-يعني هتساعدني ؟
-اووف حاضر هساعدك يا زنان …
ابتسمت بسعادة وقولت :
-يالا نحط الخطة طيب …
-يارب صبرني يارب
قالها حسين وكان شكله يضحك …
…..
-بابا انت ازاي تقوله كده ؟!,
قالتها مُهرا بحر.قة وكملت :
-كد.بت عليه وقولت اني خطبت وكمان عا يرته بحاجة هو ملهوش علاقة بيها …حرام عليك….ده نصيبه …ربنا اللي كتبله كده ازاي تعا يره يا بابا حرام !
-حر اام …واللي عمله مش حر ام …أنه يكـ سر قلبك …يسـ تغلك ده مش حر ااام…انتي يا بنت ناوية تجـ ننيني….
بصت على الأرض ودموعها بتنزل جامد وقالت :
-هو كـ سرني أنا بعترف بده …كـ سرني اووي يا بابا …بس انا مش عايزة انتـ قم ولا بجري ورا الانتقا.م …أنا عايزه انساه فانساه انت كمان ومتروحش عنده تاني…
-وانتي  نستيه يا مُهرا …ولا لسه عايشة في الماضي معاه …بدليل انك مش عايزة تتخطبي…
مسحت دموعها وقربت من والدها ومسكت كفه وقالت؛
-هنساه يا بابا متقلقش….وهتجوز غيره بس اديني وقت لو سمحت يا بابا ..
هز رأسه وقال ؛
-لما نشوف اخرتها معاكي يا مُهرا….
….
تاني يوم …
خرجت مُهرا من الكلية ….مُهرا معيدة في الكلية دي …
وانا كنت مستنيها في العربية بتاعتي انا وحسين
..كنت ببصلها بشوق…كانت وحشاني اووي اووي …اداني حسين المنديل اللي فيه المنوم وقال:
-ربنا يستر …
يعدين خرج حسين من العربية وشارولها من بعيد وانا استخبيت ….هي عارفة حسين اكيد …واكيد حست أن فيه مشـ كلة معايا عشان كده حسين راحلها لحد مكان شغلها ….وزي ما توقعت قربت منه بسرعة ووشها كله ر.عب … حبيبتي مهما تقول أو تمثل هي لسه بتحبني ..لسه بتخاف عليا …
-استاذ حسين …فيه ايه ؟!آسر كويس
لسه هيتكلم خرجت أنا من وراها من العربية وبعدين حطيت المنديل على مناخيرها لحد ما أغمى عليها بين ايديا ….
حضنتها وانا بقول ؛
+مستحيل اسيبك لغيري يا مُهرا !
يتبع
#عشقي_أنت
#سولييه_نصار