أخدني على بيت اخوه
هي أصلًا محوشة فلوس ومش هترضى تضيع الإجازة. وقفت إيدي. رجعت أقرأ الرسائل من الأول. رسالة بعدها بأسبوع طب وال ألف؟ رد كريم موجودين. بس المهم ما تحسش إننا بنجرها عشان الفلوس. قلبي دق بسرعة. عملت سكرين شوت. وبعدها لقيت رسالة من سمر. وأنا هعمل إيه؟ كريم رد أول يومين خليها تشتغل عادي. لو اعترضت، قولي لها إننا أهل ومفيش حسابات بينا. سمر ولو قالت إنها جاية ترتاح؟ كريم هعرف أسكتها. ما تقلقيش. قعدت على طرف السرير. كنت مصدومة. مش عشان عايزين مني أطبخ وأنضف. الموضوع كان أكبر. هما كانوا عارفين إن معايا ستين ألف.
الموضوع كان أكبر. هما كانوا عارفين إن معايا ستين ألف. وكانوا داخلين الإجازة دي بهدف واضح. ياخدوا الفلوس. بس ليه؟ فضلت أقلب. وبعد دقائق لقيت رسالة خلتني أحس إن الدم انسحب من وشي. كريم كان كاتب لحسام لازم نخلص موضوع الجمعية قبل آخر الشهر. الراجل مستني الفلوس، وأنا مش هعرف أتصرف من مرتبي. حسام ما هي ندى معاها المبلغ. كريم هي مش هتدينيه كده. حسام طب تقولها إننا محتاجينه في حاجة تخص البيت. كريم لأ.
أنا هخليها تصرف بالكارت بتاعي الأول، وبعدها أرجع لها الفلوس من ال ألف. حسام وهي هتوافق؟ كريم هتوافق لما تحس إنها بقت جزء من البيت. سمر دخلت المطبخ في اللحظة دي. ندى؟ خلصتي ولا لسه؟ قفلت الموبايل. وبصتلها بابتسامة. لسه. طب يلا عشان الغدا. هزيت راسي. حاضر. بصتلي باستغراب. إنتِ مش زعلانة؟ ضحكت بهدوء. لأ. بجد؟ بجد. وساعتها لأول مرة شفت القلق يعدي في عينيها. لأنها كانت مستنية خناقة. كانت مستنية إني أعيط. كانت مستنية إني أقول لكريم إني مش هعمل حاجة. لكن أنا قررت ألعب اللعبة بطريقتهم. دخلت المطبخ. فتحت النوتة.
وقلت لسمر بما إننا هنقعد أسبوعين، خلينا ننظم الدنيا. ابتسمت. أهو كده الكلام. قلت بس أنا بحب كل حاجة تبقى بالحساب. ضحكت. يعني إيه؟ طلعت موبايلي. كل حاجة تتسجل. الأكل، المشتريات، المنظفات، أي مصاريف. قالت يا بنتي إحنا أهل. ابتسمت. عشان كده الحساب هيبقى أسهل. ما فهمتش. وما كانش مطلوب منها تفهم.
بعد ساعتين كنت خلصت الغدا. بس عملت حاجة مختلفة. كل حاجة اشتريتها صورتها. كل فاتورة احتفظت بيها. كل رسالة من كريم صورتها. ولما رجعوا من البحر، كان الأكل جاهز والبيت متلم. كريم دخل وهو مبسوط. شوفتِ؟ أهو اليوم عدى. بصيتله. آه. مبسوطة؟ جدًا. قرب مني وباسني. كنت عارف إنك هتفهميني. ابتسمت. وأنا كمان كنت عارفة إنك مش هتسيبني. ابتسم بثقة. هو ما كانش عارف إني أقصد حاجة تانية خالص. بالليل، بعد ما الكل نام، كريم خرج من الأوضة. سمعته بيتكلم في الصالة. وطبعًا ما تحركتش. كان بيتكلم مع حسام. لازم نتصرف بسرعة.
