أخدني على بيت اخوه
.. عملت نفسي اتفاجئت. مالهم؟ ممكن نستلف منهم شوية؟ وهنا عرفت إن اللحظة وصلت. قلت ليه؟ عندي التزام لازم يتدفع. قد إيه؟ حوالي خمسين ألف. قلت بهدوء التزام إيه؟ اتوتر. شغل. شغل إيه؟ يا ندى، هو تحقيق؟ ابتسمت. لأ. بس دي فلوسنا. قال بسرعة فلوسك إنتِ. بالظبط. سكت. وبعدين قال يعني مش هتساعديني؟ بصيتله. لو قلتلي الحقيقة، أساعدك. وجهه اتغير. حقيقة إيه؟ طلعت موبايلي. فتحت أول سكرين شوت. وقلت زي مثلًا إنك مخطط للموضوع ده من سبع شهور؟ وشه اصفر. إنتِ بتتكلمي عن إيه؟ حطيت الموبايل قدامه. قرأ الرسالة. وبعدين التانية. والتالتة. ما نطقش.
قلت أكمل؟ قال بصوت ضعيف ندى… أكمل؟ سكت. فقلت عرفت إنك إنت وحسام وسمر متفقين إني أطبخ وأنضف عشان توفروا فلوس الفندق. سكت. وعرفت إنكم عارفين إني محوشة ستين ألف. سكت. وعرفت إنك كنت ناوي تاخدهم عشان تسدد دين. هنا انفجر ده مش دين! وقفت. أمال إيه؟ سكت ثواني. وبعدين قال حسام داخل في جمعية ومش قادر يدفع. ضحكت بسخرية. يعني إنت كنت هتدفع دين أخوك بفلوسي؟ كنت هرجعهملك! إمتى؟ ما ردش. إمتى يا كريم؟ فضل ساكت. قلت طب اسألني سؤال. إيه؟ إنت كنت ناوي تقوللي الحقيقة إمتى؟
سمر بصت لحسام. وكريم قال خلاص يا ندى. لأ. بصيت لحسام. أنهي ورق؟ حسام ما ردش. قلت أنهي ورق يا حسام؟ وفجأة سمر قالت خلاص. حسام بص لها. سمر! لكنها كانت منهارة. خلاص يا حسام. هي عرفت كل حاجة. كريم صرخ اخرسي! سمر بدأت تعيط. أنا مش هتحبس عشانكم! اتجمدنا كلنا. قلت هتحبسي على إيه؟ سمر بصت لكريم. وبعدين قالت الورقة اللي مضيناها. قلت ورقة إيه؟ كريم قرب منها. إنتِ مجنونة؟ لكنها رجعت لورا. الورقة اللي بتقول إن ندى وافقت تستخدم ال ألف في مشروع حسام.
بصيت لكريم. إيه؟ كريم ما نطقش. ضحكت. إنتوا مزورين توقيعي؟ حسام قال بسرعة محدش زور حاجة! أمال الورقة دي إيه؟ كانت مسودة. مسودة بإمضتي؟ سكت. طلعت موبايلي. أنا كنت حاسة إن الموضوع أكبر من فلوس. كريم بصلي. ندى، اسمعيني. لأ. وقفت. المرة دي إنت اللي تسمعني. طلعت من شنطتي ملف صغير. حطيته على الترابيزة. كريم بصله. ده إيه؟ قلت كشف حساب. فتحت أول ورقة. دي فلوسي. ورقة تانية. وده حساب مصاريف الإجازة. ورقة تالتة. وده كل مبلغ اتدفع من الكارت. وبعدين حطيت موبايل قدامهم. ودي كل الرسائل. حسام قال إنتِ كنتِ بتخططي لإيه؟ ابتسمت.
