مراهقه علي الماسنجر الجزء الاول

بعدها ماما فضلت تنده عليا بت يا نرمين
نرمين: ايوه يا ماما اساعدك في حاجه
ماما: لا روحي صحي اخوكي كده هيتاخر على شغله
نرمين: منا لسه جايه من عنده
ماما: هو صحي

نرمين: ايوه صحي
حازم: صباح الخير
ماما: صباح النور يا بني صاحي متاخر النهارده
حازم: والله ياست الكل تعبان شويه
ماما: طب يابني مش ضروري تروح النهارده

حازم: ههههههههههه انتي صدقتي يا ست الكل ابنك جبل يوقف في وش الريح ميتهزش
ماما: والله يابني شكلك تعبان انا بقول تخش اوضتك ترتاح شويه ومش ضروري الشغل النهارده
حازم: مينفعش يا ماما النهارده معاد تسليم الشقه وأنا ومصطفي بالعافيه إمبارح شطبنا المطبخ والصاله النهارده مفيش قدامنا غير تشطيبا صغيره وهنخلص بدري متشغليش بالك انتي انا كويس

نرمين : ايوه ياعم يابختك والله انا حاسه وانا جنبك اني مش بنتها
حازم: ههههههههههه طب يمين علي يمينك محدش هيم*و*تني ناقص عمر غيرك ههههههههههه
ماما: بعد الشر عليك يا بني لي كده
نرمين: شايف حتي وانت بتضحك خايفه عليك هههههه

ماما: طبعا لازم اخاف عليه انا معنديش اغلي من اخوكي وكل صلاه بدعيلو
نرمين: طب وانا
حازم: انتي ربنا ياخدك وارتاح منك ههههههههههه
نرمين: كده يا حازم وانا الي بقول اخويا بيحبني اكتر من نفسه

حازم: يارخمه انتي فهمتي غلط انا بقصد ياخدك علي بيت حبيب القلب مصطفي ههههههههههه
ماما: اه والله يابني سبحان ما تغور من وشنا ههههههههههه
حازم: هانت يا ست الكل كلها ايااام ونرتاح منها ههههههههههه
نرمين: ومين قالكم اني موافقه اتجوز
ماما: يعني ايه يا بنتي هو كلام عيال ولا ايه

حازم: سبيها يا ماما انتي مش فاهمه حاجه دنا كل شويه ارن على مصطفى الاقيه مشغول ارن على بنتك الاقيها هي كمان تلفونها مشغول ههههههههههه
نرمين: ع فكرة يا حازم انت رخم وأنا مش هكلمك ولا هكلم صاحبك ده كمان
حازم: خلاص متزعليش قوليلي بقي انتي لما دخلتي اوضتي قولتي عايزه تقولي حاجه ياتري حاجة ايه الي عايزه تقوليها

نرمين: لا خلاص مفيش
حازم: هو ايه الي مفيش انطقي عايزه تقولي ايه انا ورايا شغل
نرمين: قولتلك خلاص وبعدين بطل العصبيه بتاعتك دي
حازم: طب عيني في عينك كده

نرمين: بصراحة كنت عايزه فلوس
حازم: بس كده عايزه كام
نرمين: يعني مش كتير
حازم: قد ايه يعني
نرمين: بصراحة عايزه اشتري طقم جديد