صبا وعزيز الجزء الثاني

احمد قال بخوف..طبيب طيب شلها خالينا ندخلها الاوضه

عزيز قال وهو بيمشي ناحيه اوضتو ..معلش ضهري واجعني مش هقدر نادي حد من الخدم

عزيز سابهم ودخل اوضتو وهو هيطق من الغضب

صفوان واحمد مفهموش ليه عمل كده وسابهم بس مروان بص على طيف عزيز بتفكير وقرب من سمر وشالها وداها على السرير بالعافيه لان رجلو وجعاه

وطلبولها دكتور وقال ان دراعها اتكسر من الوقعه وجبسو

بعد شويه كان مازن بيبص على سمر الي كانت مرعوبه ومش فاهمه حاجه ابدا… احمد قعد جنبها وقال..سلامتك يا روحي ايه الي حصل

سمر بقت تبصلو وهيه مش عارفه تقول ايه ولا فاهمه حاجه بس مازن حب ينقذ الموقف وقال..يعني هيكون ايه يا عمي ما عزيز قلك

بقلمي…زهرة الربيع

سمر بصت في مازن برعب لما قال كده ومازن اتأكد ان الي بيفكر فيه صح وقال..قلك انها وقعت من على السلم ..مش تاخدي بالك يا مرات عمي ..ياما عزيز حذرك تاخدي بالك

سمر فهمت انو فاهم كل حاجه هزت راسها وقالت..انا..انا عايزه انام

مازن خرج وراح لعزيز اول ما اخبط عليه قال بغضب …ميييين

مازن ضحك وقال….ده انا افتح يا زيزو

عزيز اتنهد وفتح الباب وقال …نعم منمتش ليه لحد دلوقتي

مازن قال وهو بيدخل..كنا بنجبس مرات عمك

عزيز ولا اهتم ولا سألو ومدد على السرير بتعب

مازن بصلووقال مش هتقولي ازاي مرات عمك اتكسر دراعها كده

عزيز قال من غير ما يبصلو…بما انك هنا اكيد فهمت اتكسر ازاي

مازن قال ..امم زي ما فهمت..طب انت هتبطل الغشوميه دي امتي… برضو تكسر دراعها دي مهما كانت مرات عمك

عزيز قال..عارف انها مرات عمي وعلشان كده كسرت دراعها بس

مازن اتنهد وقال..انا فاهم كل حاجه على فكره بس انت لو تقول لعمك احسن ما تبقى مضطر تستحملها

عزيز اتنهد وقال..اقوله ايه..قولي انت كده اقف قدامو اقولو ايه…مش هقدر مش هينفع اصلا..وابتسم بسخريه وقال..ويمكن ميصدقنيش..انت عارف هو متعلق بيها ازاي وبعد الي حصل معاه مش حابب اكسر قلبو اكتر من كده

مازن اتنهد وقال..والله ما انا عارف اقولك ايه وكمل بضحك وقال..بس انت جامد مش عارف ازاي بتقدر تفرمل

عزيز ضحك وقال يعني لو كان العكس مكنتش هتفرمل كنت هتطاوعها وتغضب ربك وتخون عمك..

مازن قال بسرعه..لا طبعا اعوز بالله ..يعني انت ممكن تكون شايفني وس*خ شويه..بس مستحيل اعمل كده