صبا وعزيز الجزء الثاني

سمر ابتسمت وقالت..ليه يا زيزو خايف حد يشوفنا يفهمك غلط ولا حاجه

عزيز بصلها بحده وقال…اطلعي من هنا حالا والا اقسم بالله اعزي على اي حد واطلعك بفضيحه

سمر وقفت وقالت بدموع مزيفه..انت بتعمل معايا كده ليه..انا بحبك يا عزيز بحبك..هو يعني انا علشان اتجوزت عمك مينفعش قلبي يدق انا اتجوزتو علشان ابقى قريبه منك يا عزيز امتى هتفهمني

عزيز كان بيبصلها بزهول شديد وقال انتي ايه الي بتقوليه ده انتي سامعه انتي بتقولي ايه اخرجي بقولك

سمر وقفت وقربت عليه وقالت..يا عزيز صدقني انت مش هتلاقي الي تحبك قدي وبعدين متخافش عمك مش هيعرف بحاجه..ولا حد اصلا هيعرف

عزيز اتسعت عنيه من شده الصدمه وقال …انتي مستحيل يكون قصدك الي واصلني ..صح

سمر مشت ايدها ببطأ على صدره العاري ووووو

4

الي فهمتو صح..عيزاك..عيزاك اوي يا عزيز..وقربت من شفا*يفو ببطأ ونزلت ايدها على الفوطه الي كان لاففها بس عزيز مسك ايدها بقوه واتصدمت لما دفعها بقوه وضربها قلم قوي وقال…غوري من هنا حالا… احسنلك

سمر نزلت دموعها وقالت..يا عزيز انا بحبك والله بحبك وقربت منو ومسكت وشو باديها

بس عزيز نفض اديها بعنف ومسك دراعها ولفها خلا ضهرها ليه وهو لسه ماسك دراعها مش سايبو وحط ايده التانيه على بقها علشان الصوت وقال بطريقه ترعب ..اشششش اخرسي..انا كام مره اقولك متلمسنيش..ها مبتفهمش..شكلك نسيتي تنتي مين وكمل وهو بيضغط على كل حرف بيقوله ..انتي..مرات عمي…انتي …مرات ..عمي…والي هعملو دلوقتي هيفكرك ديما ان انا وانتي مستحيل يكون بنا اكتر من السلام وشد دراعها على جمب كسرو

سمر كانت هتموت من الألم بس عزيز كان كاتم صوتها بايده بقوه علشان محدش يسمعها سمر بقت تحاول تفك نفسها منو بس من غير فايده لحد ما اغمى عليها من شده الالم

عزيز اول ما عرف انها فقدت الوعي زقها على الارض بقرف شديد ولبس هدومه وفتح الباب وشالها حطها على السلم وقال بصوت عالي يا عمي..عمييييي

احمد وصفوان استغربو صوتو العالي وطلعو جري لفوق بس اتفاجأو بيه واقف عند السلم وسمر واقعه على السلم مغمى عليها

احمد قعد جمبها بقلق وبقى يفوقها وقال..فيه ايه.. ايه الي حصل يا عزيز ايه الي حصل يا ابني

عزيز قال بجمود…ابدا..الظاهر وقعت صرخت طلعت اشوفها لقتها كده اطلبلها دكتور لتكون اتأذت من الوقعه