صبا وعزيز الجزء السابع
بس قطع كلامها صوت خبط على الباب حطت الطرحه على شعرها وفتحت وكان مازن اتنهدت بضيق وقالت..نعم
مازن قال بارتباك..احم..انا. انا كنت جاي اقولك كلمتين..بصي بصراحه هو كلامي متأخر بس مش قادر مقلهوش..انا الصراحه..زعلان من نفسي جدا وندمان كمان على الي عملتو معاكي عزيز معاه حق انتي تستاهلي الاعتذار..انا عارف انك ممكن متقبليش اعتذاري بس ..انا حقيقي اسف..انتي انهارده بالي قولتيه حسستيني قد ايه انا صغير وزي ما انتي قولتي حيو*ان وو*سخ …انا بعتذر عن الي عملتو سامحيني
صبا اتنهدت وقالت ..حصل خير يا مازن..انا صحيح منستش الي حصل بس اتخطيتو انت لو ندمان فعلا زي ما بتقول..حسن من وضعك ومتعملش كده تاني مع اي واحده
مازن قال بسرعه..اوعدك..مش هيحصل ابدا …طيب عن اذنك اشوفك بعدين
صبا ابتسمت وهزت راسها وقالت..تمام
مازن فضل واقف باصص في عيونها وكل ملامحها وصبا بصتلو باستغراب وقالت..عايز تقول حاجه تاني
مازن فاق لنفسه وقال..احم..لا لا ..ولا حاجه عن اذنك ونزل بسرعه
صبا استغربتو بس مهتمتش قالت لتمار..طيب انا هنزل اشوف بابا هيوافق ننزل الجنينه ولا لا يلا جيالك تاني بلاش شقاوه ها
تحت في المكتب كان عزيز قاعد بيكمل شويه شغل مهم وفي بالو الف حاجه اسيل والي عملتو وصبا وخطف مازن الي لسه مش عارف مين وراه وسمع خبط على الباب قال …ادخل
ودخلت سمر وقالت..فاضي نتكلم شويه
عزيز اتنهد بضيق وقال..لا تعالي انا كنت جايلك اصلا
سمر قالت بفرحه..بجد كنت عايزني في ايه
عزيز بصلها بقرف وقال..عايز اعرف اختفاء مازن يوم الفرح انتي ليكي علاقه بيه ومتكدبيش لاني كده كده هعرف بس لو قولتيلي احسن ما اعرف لوحدي
بقلمي..زهرة الربيع
سمرارتبكت حاولت متبينش وقالت..وانا دخلي ايه بمازن انت عارف انا عايزه مين
عزيز اتنهد بضيق وقال..انا معرفش غير ان اي مصيبه اكيد وراها يا اما حضرتك او الاستاذ جاسر فلو تعرفي حاجه انطقي احسنلك
سمر قربت عليه وقال..يا عزيز انا مليش دعوه بمازن طب دا انا لما عرفت انك هتتجوز البنت الخدامه دي كنت هتشل انت عارف اني بموت فيك وطبعا مرضاش انك تتجوز حتت خدامه لا راحت ولا جات
عزيز قال بغضب…الخدامه دي انضف منك ميت مره بنت محترمه رغم كل محاولات مازن مسلمتش نفسها مش زي حضرتك جاهزه تبيعي نفسك بمنتهى السهوله فياريت متجبيش سيرتها على لسانك الو*سخ
