صبا وعزيز الجزء السابع

سمر قالت بدموع مزيفه..ليه يا عزيز..ليه.. ارجوك افهمنيي انا بحبك من زمان ليه بتعمل معايا كده ..طيب انت لو خايف من عمك انا هشرحلو كل حاجه

عزيز وقف واتقدم عليها بغضب وقال…اشرحيلي كده هتقوليلو ايه..هتقوليلو انا بحب ابن اخوك وبعرض عليه نفسي وانا لسه على ذمتك هتقوليلو انا مقرطساك وبحاول مع ابن اخوك علشان انت مش كفايه بالنسبالي انتي واحده القذاره في دمك وكسر دراعك مكانش كفايه كان لازم اكسر رقبتك

صبا شهقت بزهول وصدمه لما سمعت كلامهم وكانت هتقع من طولها ورجعت لورا بس خبطت في فازا وقعت اتكسرت

عزيز و سمر اتخضو لما عرفو ان فيه حد واكيد سمعهم عزيز طلع جري يشوف مين وكانت صبا جريت ناحيه السلم بس عزيز شافها قبل ما تطلع بس اتنهد بارتياح انو مطلعش عمو

سمر قالت برعب..مين .مين عمك ..

عزيز بصلها بغضب شديد وقال…اخرجي بره حالا..حالا..ومسكها من ادراعها وطلعها بره المكتب وهو بيقول..لو دخلتي مكتبي تاني هكسر رجلك

شافهم احمد عمو وجيه عليهم وقال..فيه ايه..فيه ايه يا عزيز..هيه سمر دايقتك في حاجه..وبص لسمر وقال فيه ايه يا حببتي خير

سمر ارتبكت جدا وعزيز قال بغضب..يلا يلا قوليلو..مش كنتي عايزه تقوليلو اتفضلي

سمر بقت تبصلو برجاء وخوف شديد وعزيز قال بحزم..اقولو انا احسن..المدام المحترمه مراتك و

بس قطع كلامو لما سمع صوت صراخ شديد من صبا

عزيز طلع جري لفوق اخد السلم في خطوات معدوده وسمع صوت بكا وصريخ صبا من اوضه اسيل جري عليها واتفاجأ باسيل واقعه على الارض والدم في كل مكان حواليها

15

اسيل كانت واقعه على الارض والد*م في كل مكان حواليها

عزيز اتصدم بشده وجري عليها وصبا قلعت طرحتها وربطت بيها معصمها جامد وقالت بدموع..خلينا نطلع على المستشفى..بسرعه

عزيز كان مرتبك ومش عارف يعمل ايه بس اول ما قالت كده جري شالها وطلع بيها على العربيه

صبا جريت وراه بس افتكرت انها ربطت ايدها بالطرحه فراحت جري على اوضتها اخدت طرحه تانيه ولفتها وهيه بتجري على السلم وطلعو سوا على المستشفى وباقي العيله طلعو وراهم

صبا كانت بتبكي وبتقول استر يا رب وانبي استر وبقت تشوف لها النبض وقاعده جمبها بتمسح لها الدم بخوف وتوتر

انور بقى شافهم وهما طالعين جري كلهم على العربيات ومشيو بسرعه استغرب وشاف عمو جاي بيقول لا حول ولا قوه الا بالله