تغيرت حياتي يوم زفافي
احمد بغضب: عاجبك ابنك وتربيته يعمل كدة فى بنت اختى عاوز يفضحنا وسمعتنا تبق على كل لسان الواطى بس لم اشوفة
نجاة: ماكفاية تحكم فى الولد هو اتغصب على الخطوبة من الاول سيبه براحتة مش عشان بنت ندى ابنى يضيع عمرة
احمد: اكيد دة تفكيرك وتخطيطك بس اياد طلع ارجل من ابنك واتحمل المسئولية وانقذ شرفنا وسمعتنا حسبى الله ونعم الوكيل فيك انتى وابنك
نجاة لنفسها: احسن جربو حرقة الدم وكسرة النفس لازم ندى تدوقها هى كمان ههههه وعمرو حبيبى هيقلب الدنيا عليهم كلهم.
**********
فى شقة ماجد صديق اياد وزوج شقيقتة ملك .
ملك بصدمة: انا مش مصدقة لحد دلوقتى ان اياد اتجوز رانسى وعمرو كمان يسيب رانسى يوم الفرح حاجة تجنن
ماجد: عمرو طول عمرة مش بيقدر العيلة ولا سمعتها مش فاهم عمل كدة ازى جالة قلب دى بنت عمتة يعنى من دمة ولحمة
ملك: واياد يا حبيبى نقذ الموقف طول عمرة بيحمى رانسى وقريب منها وكنت متوقعة انهم يكونو لبعض بس اتفاجت لم رانسى كبرت بقت تقول ابية اياد وتستشيرة فى كل حاجة وحتى اياد بيكون فرحان وكان بيعملها زى انا وعلا ورانسى تزعل وتقول كل واحدة عندها اخ انا لية مش عندى ومن يومها اياد قالها انا اخوكى زيهم بالظبط كانت فى الإعدادية وقتها ويشاء القدر انهم يتجوزو دلوقت
ماجد: أمممم سبحان الله انا تعبان عاوز انام تصبحى على خير ياحببتى عندى شغل بدرى اخوكى عريس واجازة بقى
ملك: وانت من اهلة يا حبيبى. .
ماجد بشرود: ربنا معاك ياصاحبى انا إللى عارف إللى انت فية دلوقتى ماحدش عارف فى قلبك اية غيرى ربنا يسعدك يارب ويفرح قلبك .
***********
فى غرفة الجد محمد العميري
تجلس ابنته ندى وتبكى على ما حدث فى زفاف ابنتها الوحيد من ابن اخيها فكان يريد أن يتركها فى ليلة زفافها فهل هذا عدل كسر قلب ابنتى وكان يريد تدمير سمعتها وشرفها.
وحاول والدها اقناعها ان ربنا يريد الخير لابنتها وابعدها عن عمرو المستهتر ورزقها بزوج صالح مثل اياد طيب وحنين وعطوف دائما معها تعتبرة بثابة الاخ الاكبر لها والان اصبح زوجها سوف يحافظ عليها ويخاف على سمعتها فهو يقدر العلاقات الأسرية..
الحلقة السادسة
كان ينام بسلام ولكن صدح هاتفه واقلقه وعندما نظر إلى الهاتف وجد المتصل ابن عمه ، شعر بالغضب ، واراد لو كان امامه الان لفتك به ، بعد ان هرب من مسئوليته في ليله عرسه وتسبب بفضيحه لابنه عمته ، يا له من ندل وجبان ولا يستطيع المواجهة:
