تغيرت حياتي يوم زفافي
رانسى بدموع: فى انى موجوعة ومقهورة كمان هو انا وحشة
اياد بابتسامة: لا زى القمر اوعى تفقدى الثقة فى نفسك عمرو هو إللى واطى وحقير وياما حاولت ابعدك عنى لكن انتى جيتى تقوليلى انك بتحبية وجدك كمان كان معترض علية بس وافق عشان خاطرك هو فاشل ومش عندة اى مسئولية
رانسى: وانا اعمل اية هو اول حد يقولى بحبك
اياد بعصبية: هو عشان قالك بحبك تحبية كدة وخلاص انتى عبيطة ولا اية
رانسى: انت بتزعقلى لية
اياد بتنهيدة: معلش ممكن بقى تقفلى على سيرة عمرو وتنسى انك اتخطبتيلة ليوم من الايام مش عاوز اسمع اسمة وانا هعرفة تمن إللى عملة الندل الجبان نامى بقى
رانسى: حاضر تصبح على خير
اياد لنفسة: وانتى من اهلى
جلس على الاريكة يتطلع إلى سقف الغرفة ويشرد فى حياته.
فحب طفولتخ وشبابه امامه وأصبحت زوجته وليس من حقة ان يلمسها ،،ان يحتويها داخلة ان يفصح لها عن مشاعرة الحقيقية اتجاهها فهو الان رغم قربها فهى بعيدة كل البعد عنة ولا يستطيع أن يبوح بما فى قلبة فتنهد بالم وحاول أن ينام ليسترح ذهنة قليلا: وتخمد النيران المشتعله بقلبه .
**********
فى السخنة
كان يجلس مع اصدقاء السوء يسهر ويشرب الخمر ويفعل كل ماهو محرم داخل النادى الليلى.
سمير: عمور ولا مش كان زمانك عريس الغفلة اية خلاك تصرف نظر دى بنت عمتك غزال على حق
عمرو: هههههههه حبيبت اكسرها وتبق فضيحة بقى بس للاسف التخطيط باظ واياد ابن عمى منقذ العيلة اتصرف وشقطها هو
سمير: يابختة وانت لية عاوز تفضحها دى بنت عمتك
عمرو: الست ماما عاوزة كدة مش بتحب عمتى ولا بنتها مش عارف اية السبب سمير : خسارة كنت تعيشلك يومين معاها وبعدين تخلع منها بس بعد ماتكون دوقت العسل ياقفل:
عمرو: هههههه محتاج تخطيط وتكتيك عشان نفركش الجوازة دى
سمير: هى مش بتحبك
عمرو: دى كنت بضحك عليها بكلمتين وهى زى العبيطة تصدق هههههه بتعشقنى تلاقيها قالبها عياط ونكد اصلها بدمعة علطول تعيط مش شخصية خالص
سمير: هتعمل اية بالشخصية البت الضعيف مطلوبة مش تنطق ولا تتكلم وتاخد إللى انت عاوزة من سكات وانت فى السليم لان الضعيف دايما بيبق خايف ومابيتكلمش
عمرو بشر: لم ارجع البيت هبق اجرب إللى اياد جربه هههههههه .
***********
فى فيلا العميري
فى غرفة احمد ونجاة والدى عمرو.
لم يعجبه تصرف ولده ، فهو لم يحسن تربيته ، وزوجته هى التى تولت مسئوليته وأصبح فاشل بكل معنى الكلمة ، وطعن عائلته ، لولا ان تدخل اياد وانقذ العائله من الفضيحه .
