غرورغسان لنور حسن الاخير

.
رواية / غرور وكبرياء عاشق

بقلم / نور حسن

🔴🔴🔴🔴🔴🔴🔴🔴🔴🔴🔴🔴🔵
الحلقة 35
.
#غرور_وكبرياء_عاشق

بقلم / نور حسن

غسان شال الغطا إللى كان محطوط على عين حور وخد خطوتين لوراء وقال: اي رايك
حور فتحت عينها وقالت بصدمه: ينهار اسود اي ده
غسان باستغراب: في اي
حور بصت حواليها وقالت: عملت اي في القريه يا غسان
_هعمل ملجأ للأطفال وهعمل بيت لوالدك عملت اي غلط
حور بصت حواليها باستغراب وقالت: ده ملجأ
غسان بضحكه رجوليه: لسه بيتم بناءه يا حور
واحد من عمال البناء شاف غسان راح عنده عالطول وقال: وانا بقول الدنيا منوره ليه اتاري غسان بيه هنا
_تسلم يا راجل يا طيب
بص لحور وقال: مين ده مراتك
غسان حط ايدو على خصر حور وقال:ايوه مراتى
_اخيراا يا ابنى بس اقولك زي القمر
غسان بص لحور وقال بابتسامه: عارف
_اي رايك اعتقد مفيش اي مشاكل والعمال عاملين واجبهم وزياده
غسان ابتسم وقال: كان عندي حق لما حطيت ثقتى فيك
ابتسم الآخر وقال: هروح اشوف العمال عايز حاجه يا بيه
_سلامتك
مشي وحور لحد دلوقتى مصدومه ومش مصدقه اللى بيحصل
غسان وقف قصدها وقال: حساك مش فرحانه
حور هزت رأسها وقالت: لا ابدا بالعكس فرحت اوى خصوصا بموضوع الملجا ده
_لحد امبارح وانا كنت مقرر ابنى المصنع بس غيرت رأيي في اخر ثانيه
_اشمعنا
_حبيت أعمل حاجه خيريه واهو احمد ربنا عليكى
حور حضنت غسان وقالت: حبي ليك بيزيد كل يوم يا مغرور
_حور بلاش كلمه مغرور ده
حور بصت في عيونه وقالت:بس ده الحقيقي انت فعلا مغرور ومتكبر
_انتى شايفه كده
هزت رأسها وقالت: مش لوحدي الكل شايف كده
_ماليش دعوه بحد انتى شايفه كده
حور وهى بتلعب فى ازرار قميصه: في الأول كنت مغرور ومتكبر وقاسي وشايف نفسك اوى
_ودلوقتى
حور بصتله وقالت بابتسامه: اتغيرت ١٨٠ درجه
_اممم طب كويس انى اتغيرت
_مش يلا
غسان حط ايدو على كتفها وقال: يلا
عند مراد ونغم
قعدوا على الأرض ومراد مسك ازازه مياه وقال: جاهزه
نغم هزت رأسها وقالت وهى بتاخد نفسها: جاهزه
مراد بتحذير: نغم اللعبه ده اسمها الصراحه يعنى تقولى الصراحه
_وانت كمان
_انا كمان اي
_تقول الصراحه
مراد هز رأسه وقال: اتفاقنا
مراد لف الازازه لتاتى قاعده الازازه على مراد وبكده من حق نغم تسأل مراد
_سوالك
نغم في سرها: مينفعش اقوله عالطول انت بتحب مين شويه كده
_نغم
نغم هزت رأسها وقالت: نعم
_سوالك
نغم بصت لمراد وقالت بفضول: الحب بالنسبه ليك اي
_كماضي ولا حاضر
نغم حطت أيدها على خدها وقالت: الاتنين
مراد خد نفس عميق قال: كماضي كان أكبر كذبه كان خداع وخاينه ولعب وحاجات كتير مش هقدر اوصف ليكى قد اي الحب كان سخيف في نظري وقتها
وقتها نغم أدركت ان مراد بيتكلم عن مريم وقد اي انجرح منها
_طب طب ودلوقتى
مراد سرح في نغم وقال: اجمل شعور مستعد تضحى بنفسك عشان تشوف اللى بتحبه فرحان بتكون سند ليا في حزنه قبل فرحه
_بردو معرفتش الحب بالنسبة ليك اي دلوقتى
_ما قولتلك اجمل شعور
نغم وهى ضاغطه على سنانها: عشان ست الحسن اللى بتحبها
مراد حاول يكتم ضحكته وقال: ست الحسن
_متخدش في بالك لف لف
مراد خد نفس عميق ولف الازازه فعلا والمره ده القاعده جت على نغم وبكده من حق مراد يسأل نغم
_اسال
مراد بطريقه مباشره: بتحبي مين أو في حد في حياتك ويا ريت بصراحه
نغم هزت رأسها وقالت بابتسامه: اه بحب
مراد بحزن: اي ده بجد
_مالك
مراد هز رأسه وقال بابتسامه عكس ما بداخله: مفيش
_طب لف
مراد قام وقال: لا زهقت عن اذنك
نغم استغربت طريقه كلام مراد وقالت: ليه لما قولت اه بحب تعبير وشه اتغيرت معقول مراد بيحبنى
نغم فرحت اوى وفي لحظه الفرحه اختفت وقالت: لو كان فعلا بيحبنى كان قالى بس هو بيحب واحده تانيه
في الطريق
حور كانت سانده رأسها على الازاز وغسان كل شويه يبصلها
_مالك
حور انعدلت وقالت: مفيش
_مش متاكد من كده
_براحتك
غسان وهو ضاغط على سنانه: اه فعلا براحتى
فجاه غسان داس فرامل وحور قالت: في اي
غسان حاول يشغل العربيه مشتغلتش
_في اي
غسان وهو نازل: العربيه شكلها خلصت بنزين
حور فتحت الباب ونزلت أيضا وقالت: مفيش بنزينه قريبه من هنآ
غسان هز رأسه وقال: للاسف لا
_طب طب هنعمل اي
غسان بص على الطريق وقال: مستحيل نلاقي عربيه في الوقت ده
_الوقت مش متاخر حتى
_الطريق ده مقطوع وقليل اوى لو مرت فيا عربيه
حور بدات تخاف وقالت: طب طب هنرجع ازاى
_في قريه صغيره اوى قريبه من هنا تعالى نروح هناك يمكن نلاقي بنزينه
_كام كيلو كده
غسان مسك ايد حور وقال: مش كتير
فضلوا ماشين وحور مكنتش قادره تمشي وقالت:غسان مش قادره ركبتى
غسان حملها بين ايديه
_غسان نزلنى غسان
غسان بصلها وقال: لا مش هنزلك
_غسان دراعك مكسور أوعك تنسي
_مش مهم دراعى المهم انتى
وقتها حور استسلمت لعناده
بعد مرور ربع ساعه تقريبا
_فاضل كتير
_مش اوى
_بقالك ساعه بتقول كده
وش غسان بقا عباره عن مياه ومكنش قادر
_غسان نزلنى
غسان بصلها بعدم تركيز وقال: قولتلك مش هنزلك
حور نزلت بالعافيه وبقت تمسح وش غسان بايدها وقالت: مشيت كتير بردو
_خلاص وصلنا
حور بصت حواليها وقالت: وصلنا فين
غسان شاور ليها على فندق فكان بسيط جداً يناسب الفقراء
_اخيراا
غسان وحور راحوا الفندق اللى كان صغير جداً
_السلام عليكم
_وعليكم السلام ورحمه الله وبركاته
_اوضه لو سمحت
الراجل بص لحور وقال: مين ده
غسان بعصبية: وانت مالك
حور مسكت غسان من دراعه وقالت :مراته اكون مراته
_ضمان على كلامك لو سمحتى
غسان قبض ايدو وحور قالت: غسان أهدي
_احنا فندق محترم واللى جاي عشانه مش عندنا
غسان مسكوا من لياجته وقال بصوت حاد: شكلك عايز تموت
بلع ريقه وقال بخوف: انا اسف يا بيه حقك عليا
غسان زقه وطلع المحفظه وطلع منها فلوس ورمهم في وش الراجل
اول ما شاف الفلوس فرح اوى وقال: واد يا رجب
_نعم يا معلم
_احسن غرفه للبيه
_حاضر يا معلم
_اتفضل يا بيه
حور مسكت ايد غسان وهزت رأسها وقالت: لا بلاش انا خايفه
_خايفه وانا معاكى
_بس
غسان حط ايدو على خدها وقال: دول مجانين ولا يقدروا يعملوا حاجه
حور ابتسمت وغسان قال: الليله بس وهنرجع بكره إن شاء الله
_تمام
_اتفضلوا يا بيه
غسان دخل الاوضه وقال: اي القرف ده
_في اي يا بيه
غسان بص حواليا ولقي الاوضه وحشه جدآ ومش نضيفه
_انت متاكد ان ده احسن اوضه هنا
هز رأسه وقال: ايوه يا بيه
غسان شاور بايدو وقال: طب اطلع
_يعنى مش عايز حاجه يا بيه
_لا مش عايز واطلع بقا
طلع وحور قالت: مالك
غسان بعصبية: مالى ازاى انتى مش شايفه الاوضه عامله ازاى ويقولك ده احسن اوضه هنا
_ده مش فندق خمس نجوم وبعدين الاوضه حلوه مش وحشه
غسان بصلها وحور قالت: احم مش حلوه اوى
_طب معلش هتعبك نضفي السرير ده
حور خدت نفس عميق وبدأت تنضف السرير فعلا وطلع منه كميه تراب كتيره اوى
_لا لا مستحيل اقعد هنا ولا ثانيه
حور مسكت ايدو وقالت: غسان أهدأ وبعدين هنروح فين
_حور مقدرش اقعد هنا ولا ثانيه
_عشان خاطري
غسان:________
حور حضنته وقالت: خلاص بقاا
غسان خد نفس عميق وقال: انا مستحيل انام على القرف ده وبعدين انا معايا حساسيه على صدري
_بجد
_لا بهزر
حور كتمت ضحكتها وقالت: طب انا عندي فكره
_اخلصي
حور بعدت عن غسان ومسكت البطانيه وفرشتها على السرير وقالت: كده تمام
غسان بشك: إلا تكون البطانيه مش نضيفه بردو
حور بنفاذ صبر: اتخلى عن غرورك لمره واحده
_راجعنا لموضوع الغرور تانى
_مش قصدي بس لازم تستحمل لحد بكره
_مفيش زفت هنا
_زفت اي
_حمام
_مش عارفه
غسان بص حواليا لقي حمام على جنب اتجه لي
فتح الباب وكانت رايحه الحمام كفيله لق*تل بنى ادم
غسان طلع عالطول وحور قالت: في اي
_في اي في أن المكان ده مقرف اوى
_خلاص بقا استحمل لحد بكره بس
_تليفونى
غسان حط ايدو في جيبه وقال: نسيت التليفون في العربيه
بص لحور وقال: تليفونك فين
_في الشنطه والشنطه في العربيه
غسان قعد على السرير وقال: كده الواحد مجبور ينام في القرف ده
حور قعدت جنبه وقالت: ولا قرف ولا حاجه وبعدين احسن من مفيش
غسان طلع سيجاره وحور خدتها منه وقالت: مستحيل تنسي القرف ده
_حور هاتى السيجاره
حور رمتها على الأرض وداست عليها برجليها وقالت: انت مش معاك حساسيه بردو ولا ده كلام وخلاص
_كلام وخلاص
_على فكره انا اول مره اشوفك كده عمري ما شوفتك متعصب اوى كده
_ انا حاسس انك فرحانه اوى
حور حطت أيدها على فمها وقالت: لا ابدا
غسان حط رأسه على السرير وغمض عيونه
في قصر عائله السيوفي
عفاف بخوف: غسان مرجعش لحد دلوقتى
_ماما أهدي
عفاف قامت وقالت: اهدا ازاى واخوكى مرجعش لحد دلوقتى
_ماما غسان مش صغير
_ابراهيم ابراهيم
_نعم يا مدام
_جهز العربيه فوراً
رهف باستغراب: ليه
_هروح اشوف اخوكى فين
_ماما انتى مش شايفه انك مكبره الموضوع وبعدين غسان مش صغير
_قلبي مش مطمن
ثم كملت: هي حور فين
_مع غسان
وقتها عفاف اتعصبت اوى وقالت: انا كده اتاكدت ان ابنى في خطر
_ماما انتى بتقولى اي
_انت لسه واقف يلا
جري عالطول ورهف قعدت على الكرسي وقالت: ماما الوقت اتاخر هتروحى فين بس
_ابنى في خطر
_وانتى عرفتى منين
_طالما الزفته معا يبقا في خطر
رهف قامت وقالت: انا مش عارفه بتكرهى حور ليه والله حور طيبه اوى وبعدين أوعك تنسي ان غسان اتغير أوى بسببها
_يلا مدام
عفاف وهي ماشيه: أوعك تطلعى
رهف هزت راسها وقالت:لسه مصممه بردو
عفاف مردتش عليها وطلعت فعلا
فتح الباب وقال: اتفضلى يا مدام
عفاف ركبت وابراهيم ركب أيضا ومشوا
في المزرعه
نغم دخلت لقت مراد قاعد وحاطط ايدو على رأسه
_مراد
بصلها وقال: اممم
نغم قعدت جنبه وقالت: مالك
مراد قام وقال: مفيش
نغم قامت أيضا ومسكت ايدو وقالت: لا في مالك
_مش مهم تعرفي
_لا مهم
مراد بعصبية: لا مش مهم
نغم باندفاع: لا مهم عارف ليه عشان بحبك
_اي
نغم محاوله تغير الموضوع: اقصد اقصد
_كصديق قصدك
نغم خدت نفس عميق وقالت: فعلا
_تمام تصبحي على خير
نغم بحزن: وانت من أهل الخير
مراد نام على السرير ونغم بصتله وقالت: نفسي اقولك أنى بحبك ومش بحبك كصديق بس كل مره بخاف من رد فعلك
مراد بتفكير: يا تري مين اللى قالت عليا معقول يكون شريف
عند غسان وحور
غسان نام وحور حطت أيدها على خدها وفضلت بصه ليا وقالت: والله مغرور
غسان فتح عين واحده وقال: بجد
حور شالت أيدها من على خدها وقالت بارتباك: لا لا كنت بهزر
غسان شدها ليا وقال: وخايفه كده ليه
حور هزت رأسها وقالت: ولا حاجه
غسان رجع شعرها لوراء وقال: مش هتنامى
حور هزت رأسها وقالت: مش عارفه انام
_ليه
_مش عارفه
_بس انا عارف
حور بنبضات قلب عاليه جدآ: عارف اي
غسان بص على شفايفها وحور اول ما شافت نظراته ليها قامت عالطول وقالت: طب تصدق انى عايزه انام
غسان باستغراب: عالطول كده
حور بلعت ريقها وقالت: مش عارفه مره واحده حسيت بارهاق
_اممم
حور نامت على جنبها وحرفيا كانت متوتره جدآ
غسان حضنها من الخلف وقال: مالك
حور عملت نفسها نايمه ومردتش
_حور
حور لفت ليا وقالت: اي
غسان بابتسامه: مالك
حور هزت رأسها وقالت: لا مفيش
غسان خدها لحضنه وقال: ماشي
حور حضنت غسان وراحت في عالم أحلامها
في الطريق
_اروح فين يا مدام
عفاف بتوتر: مش عارفه
ابراهيم خد نفس عميق وقال في سره: فينك يا بيه بقالى ساعه بلف ومش عارف اروح فين
_وقف العربيه يا ابراهيم
حاول يدوس فرامل وعفاف قالت بعصبية: وقف العربيه يا ابراهيم
ابراهيم بخوف: العربيه مفيهاش فرامل يا مدام
عفاف بصدمه: اي
ابراهيم حاول يوقف العربيه لكن معرفش وقال: هنعمل اي يا مدام
_حاول اعمل اي حاجه
_مش عارف يا مدام
وفجاه العربيه انقلبت وقعدت تلف بيهم
_اعااااااا
كان في محل موجود في ناس كتير اوى
كل اللى كانوا في المحل طلعوا عالطول
_يا حول الله يا رب رنوا على الاسعاف فوراً
بعد مرور عشر دقائق الاسعاف وصلت فعلا وخدت عفاف وإبراهيم متجهين الى المستشفى
في صباح اليوم التالى
حور قامت ومالقتش غسان
_غ غسان
الباب انفتح ليدخل شاب في عمر الثلاثين
_انت انت مين
غسان دخل وقال: انت بتعمل اي هنا
_مش حضرتك قولت انادي على المدام
_مش في باب يا حيوان
_انا اسف يا بيه
حور راحت عند غسان وقالت: في اي
_العربيه بقت تمام ونقدر نرجع البيت
حور فرحت اوى وقالت: طب كويس يلا
غسان مسك أيدها وقال: مفيش صباح الخير
حور بابتسامه: صباح الخير
_مش ده
حور ضمت حواجبها وقالت: مش ده اي
غسان حط ايدو على خصرها وقال: هو ده صباح الصح
حور مكنتش فاهمه حاجه وكانت رايحه تتكلم كان غسان قبلها
بعد عنها وقال: كده احسن
حور بدات تاخد شهيق وزفير وغسان طلع وهى فضلت واقفه مكانها تستوعب اللى حصل
حور فاقت من العالم اللى راحت ليا على صوت غسان
_حور
حور طلعت عالطول وغسان قال: العربيه تحت
حور هزت رأسها ونزلوا تحت فعلا
_نورت الفندق يا بيه
_ده مش فندق ده خرابه
_من زوق حضرتك يا بيه
حور بهس: جبر الخواطر يا غسان
_بس ده الحقيقه يا حور ده مش فندق ده زباله
_خلاص بقاا
حور ركبت العربيه وغسان ركب أيضا ومسك تليفونه وقال: رهف رنت عشرين مره
_اكيداا خالتى عفاف قلقت عليك
_يمكن
غسان شغل العربيه وحور قالت: طب رن عليها
_لازم
حور هزت رأسها وقالت: تلاقيهم قلقانين
غسان بعد اقتناع رن على رهف اللى فتحت التليفون عالطول وقالت بعياط: غ غسان
غسان داس فرامل وقال: في اي
رهف قعدت تشهق ومكنتش قادره تتكلم
_رهف في اي
_ماما وعمو ابراهيم
غسان بعصبية: اتكلمى في اي
حور بخوف: في اي
_رهف في اي
_ماما عملت حادثه والدكتور بيقول ان حالتها صعبه اوى
التليفون وقع من ايد غسان وحاس ان الدنيا اسودت في وشه
_غسان في اي
غسان:________
حور مسكته من دراعه وقالت: مالك يا حبيبي
غسان فاق من تلك الصدمه اللى عملت على تشتيت عقله
شغل العربيه وساق باقصي سرعه
حور بخوف: غسان اهدا غسان
قعد يزود السرعه وحور قعدت تزعق
_غسان كده هنعمل حادثه غسان أهدأ
غسان لم يسمع لكلامها وكان خايف اوى على والدته
في المزرعه
نغم كانت بتعمل الفطار
مراد فاق من النوم وقال: نغم نغم
نغم قلعت مريله المطبخ وراحت عنده وقالت بابتسامه: صباح الخير
مراد قام ومردش عليها
نغم مسكت ايده وقالت: انت زعلان مني
هز رأسه وقال: لا ابدا ليه
_تصرفاتك غريبه اوى
_اطمنى مفيش حاجه
_طب رد الصباح طيب
_صباح النور
نغم ابتسمت وقالت: الفطار جاهز هو جدو منصور هيجى امتى
_تلاقيه على وصول
مراد قلع القميص ونغم اتكسفت أوى وطلعت عالطول
الباب دق ونغم بفرحه: اكيدا ده جدو منصور
نغم فتحت الباب وقالت: نعم
حط في ايد نغم بوكس ومشي عالطول
نغم طلعت وقالت: استنى انت مين
مراد طلع وقال: في اي
_واحد جي وإدانى البوكس ده
مراد خد منها البوكس وفتحوا
مراد ابتسم وقال عكس ما بداخله: ده معجب بقا
نغم ضمت حواجبها وقالت: معجب
البوكس كان في ورد أحمر وخاتم دهب
نغم باستغراب: مين ده
_انا
نغم ومراد التفتوا لمصدر الصوت
نغم بفرحه: جدو منصور
نغم حضنته ومنصور قال: اي رايك في الهديه
مراد فرح أوى وكان خايف الا يكون اللى باعت الهديه ده شاب
نغم بعدت عنه وقالت: الهديه ده بمناسبة اي
_هو لازم مناسبه
نغم هزت رأسها ومنصور خد الخاتم وقال: هاتى ايدك
نغم بصت لمراد اللى هز رأسه
مدت أيدها ومنصور حط في ايدها الخاتم ليزداد الخاتم جمالاً وليس أيدها
_اي رايك يا مراد
مراد بابتسامه: اي حاجه منك حلوه يا جدو
_عالطول غالبنى في الكلام
مراد قعد على الكنبه وقال: بنتعلم منك
منصور قعد أيضا ونغم بابتسامه: هروح اشوف الأكل مش هتاخر
منصور أبتسم وقال: مالك
مراد بصله وقال: مفيش
_مش عليا
_بتحب يا جدو
_مين نغم
مراد هز رأسه وقال: ايوه نغم
_وانت
مراد بص لتحت وقال: مش مهم بقا ما طلعت بتحب خلاص
_لا انا عايز اجابه لسوالى انت بتحبها
مراد بصله وقال: فوق ما تتصور يا جدو نغم عينى اللى بشوف بيها قلبي اللى عايش بيا وروحى اللى لو راحت وسبتنى ممكن تطلع وساعتها هموت
منصور حضنه وقال: متقولش كده
مراد مقدرش يمسك نفسه وقال: بحبها يا جدو انا عرفت معنى الحب معها
مراد بعد عنه وقال: عارف انا اكتشفت ان حبي لمريم مكنش حب كان اعجاب ام نغم هو ده الحب الحقيقي إللى عرفتوا وانا معاها
_وهي بتحبك
مراد بتريقه: معتقدش
_لا بتحبك ونفسها تقولك بس مستنيه حضرتك تقول الأول
_عرفت الكلام ده منين هي اللى قالتلك كده
منصور هز رأسه وقال: نظرات نغم ليك هي اللى قالتلى كده وبعدين انا مش صغير انا عايش من زمان أوى واكيدا عندي خبره عنك
_ربنا يخليك لينا يا جدو
_مش ناوي ترجع بقا
_لو نغم طلعت بتحبينى هرجع انا وهى
ثم كمل: ولو لا مستحيل افكر ارجع
_هترجع أن شاء الله
نغم طلعت وقالت: الاكل جاهز
مراد قام وقال وهو طالع برا : كلوا انتوا انا مش جعان
_مراد مش مظبوط يا جدو
منصور كان عايز يقول لنغم بس اتراجع وقال في سره: لما يقول هو احسن
_جدو
_هروح اغير هدومى وانتى اطلعى شوفي
نغم هزت رأسها وطلعت فعلا
_مراد
مراد التفت ليها وقال: نغم انا بخير متقلقيش
_بخير ازاى
_صدقينى بخير
_طب يلا عشان نفطر
مراد هز رأسه وقال: بالنها والشفا انا مش جعان
نغم مسكت ايدو وقالت: انت مكلتش من امبارح
_انا مش جعان قولتلك
_انت زعلان منى
مراد في سره: محدش يقدر يزعل من روحه
_مراد
مراد هز رأسه وقال: لا مش زعلان
_طب تعالى نمشي
_افطري الأول
_مش عايزه
مراد ضم حواجبه وقال: اشمعنا
_كده وخلاص
نغم كانت ماشيه ولكن وقفت حين مسك مراد أيدها
_نغم عايز اجابه لسوالى
نغم التفت ليا وقالت: سوال اي
_مين الشخص ده
_شخص
_اللى قولتى انك بتحبي
_عايز تعرف
مراد هز رأسه ونغم قالت: لما اعرف حضرتك بتحب مين الاول
_مينفعش اقولك لما أعرف انتى بتحبي مين الأول
_وانا كمان مش هينفع اقولك الا لما اعرف انت بتحب مين الأول
_هقولك يا نغم
_امتى
_عيد ميلادك فاضل عليا قد اي
_يومين كده
_هقولك في عيد ميلادك
نغم ابتسمت وقالت: وقتها هقولك يا مراد يلا عشان نفطر
مراد ابتسم ايضا وقال: يلا
.
🔴🔴🔴🔴🔴🔴🔴🔴🔴🔴🔴🔴🔵
الحلقة 36
.
#غرور_وكبرياء_عاشق
في المستشفى
غسان فتح باب العربيه ونزل عالطول وحور نزلت أيضا وقالت وهي بتاخد نفسها: غسان في اي
غسان مسك ايد حور وقال: ماما عملت حادثه والدكتور بيقول ان حالتها صعبه اوى
حور بصدمه: اي
_مش وقته يا حور
حور هزت رأسها ودخلوا جوا
غسان جري على الممرضه وقال: عفاف حامد السيوفي في الغرفه الكام لو سمحتى
الممرضه: ****
غسان طلع عالطول وحاول يفتح الاسانسير لكن مفتحش
_اعتقد في حد
غسان بص على السلم وحط ايدو على خد حور وقال: خليكى انتى هنا واركبي في الاسناسير
_بس
غسان طلع على السلم وكان خايف اوى على والدته
بعد مرور دقيقتين
غسان وصل الدور اللى في والدته
خد نفس عميق وجري على رهف اللى كانت قاعده على الكرسي والدموع نازله من عينها
_رهف
رهف اول ما سمعت صوت غسان قامت عالطول وحضنتوا
_ماما
رهف بعياط: الحادثه كانت جامده يا غسان والدكتور قال إن حالتها صعبه أوى انا خايفه اوى يا غسان
غسان باسها على رأسها وحاول يهديها
_ان شاء الله هتكون بخير
رهف وهي بتشهق: ان شاء الله
الدكتور طلع وغسان بانتهاد: ماما بخير صح
الدكتور بص لتحت ورهف قعدت تصرخ وغسان بخوف: ماما بخير صح رد عليا
الدكتور وهو باصص لتحت: البقاء لله
حور وقفت مكانها ورهف وقعت على الأرض وقعدت تصرخ
حور جرت عليها وخدتها في حضنها وقالت: اشش
رهف بعياط: لا لا الدكتور ده كداب لا
غسان مسك الدكتور من لياجته وقال: ساكت ليه انطق
الدكتور مسك ايد غسان وقال: والدتك محتاجه دم يا بيه
غسان باستغراب: انت انت بتقول اي وكنت بتقول البقاء لله على مين
_اعتقد السواق بتاع حضرتك
قلب غسان انقبض وقال: إبراهيم
الدكتور هز رأسه وقال: حاولنا كتير يا بيه بس للأسف حصل ليا نزيف في المخ ومات
غسان حاول يمسك دموعه وقال:ماما اخبارها اي يا دكتور
_الفصيله بتاعت والدتك o سالبي وللأسف مفيش دم متوفر هنا خصوصا من فصيله والدتك
_بابا بس مسافر
حور قامت وقالت: غسان انا فصيلتى o سالبي
الدكتور هز رأسه وقال: طب كويس نور (الممرضه)
الممرضه نور: نعم يا بيه
_خدي المدام غرفه التبرعات (الدم)
هزت رأسها وقالت: اتفضلى معايا يا مدام
غسان مسك ايد حور وقال: شكرا
_ خالتى عفاف زي امى يا غسان وده واجبي اتجاه امى
الابتسامه اترسمت على وش غسان وقال: بحبك
_مش وقته يا غسان
غسان بابتسامه: ماشي
حور راحت مع الممرضه وغسان نزل لمستوي رهف وقال: ماما بخير يا هبله
رهف بعياط هستيريا: ماما لو كان جرالها حاجه كنت موت يا غسان
غسان حط ايدو على فمها وقال وهو بيهز راسه: مش عايز اسمع الكلمه ده تانى
رهف حضنت غسان وقالت: كانت خايفه عليك اوى يا غسان عشان كده طلعت وعمو ابراهيم الله يرحمه قالها بلاش
لأول مرة دموع غسان تنزل فكان ابراهيم دراعه الشمال في كل حاجه
_الله يرحمه
في المزرعه
نغم حطت الأكل على السفره ومراد قعد ومنصور
_تسلم ايدك يا بنتى
نغم قعدت جنب مراد وقالت بابتسامه: الله يسلمك يا جدو
بعد شويه
مراد قام وقال: جدو احنا لازم نمشي
منصور قام أيضا وقال: على فين لسه بدري
مراد مسك ايد نغم وقال: نغم عندها امتحان بكره والاستاذ بتاعها ممكن يجى في اي وقت
هز رأسه وقال: خدوا بالكم من نفسكم
مراد هز رأسه ومنصور قال: تصدق نسيت أسألك اي اللى عمل فيك كده
مراد حط ايدو على رأسه وقال: متقلقش حادثه بسيطه
_لا مش بسيطه ولازم تروح للدكتور
مراد مسك ايد جده وقال: صدقنى حادثه بسيطه
_تمام خد بالك من نفسك ومن القمر اللى معاك
مراد بابتسامه: حاضر
نغم حضنت منصور وقالت: هخلص امتحاناتى وهاجى انا ومراد نقعد معاك
_ان شاء الله يا بنتى
مراد شد نغم وقال بغيره: كفايه كده
منصور بابتسامه: براحه على البنت يا ولد
مراد وهو طالع: سلام
_سلام
_مستعجل كده ليه كنا قعدنا مع جدو شويه
مراد فتح ليها الباب وقال: اركبي يا نغم
نغم نفخت وركبت العربيه فعلا ومراد ركب أيضا وقال: احنا اتفاقنا على اي
_مش فاكره
_يعنى مقولتيش هتذاكري طول النهار
نغم بضيق: اه افتكرت
مراد شغل العربيه ومشوا
في المستشفي
حور اتبرعت فعلا وحاولت تقوم لكن مقدرتش وحست بتقل في رأسها
حطت أيدها على دماغها وقالت: انا حاسه ان دماغى تقيله اوى
الممرضه: اشربي كوبايه العصير ده وان شاء الله هتبقي بخير
حور خدت منها كوبايه العصير وغسان كان واقف عند الباب
_غسان
غسان دخل وقال: اخبارك اي دلوقتى
حور ابتسمت وقالت: بخير
غسان مسك أيدها وقال: حور بجد مش عارف اقولك اي
حور حطت أيدها على أيده وقالت: انا قولتلك اي من شويه
غسان خدها في حضنه وقال: كل يوم بتكبري في نظري يا روحى
حور ابتسمت وقالت: بحبك أوى
باسها على رأسها وقال: وأنا بموت فيكى يا حوري
بعد مرور ربع ساعه تقريبا
_بقيتى احسن دلوقتى
_حاسه بتقل في راسي
غسان باسها على رأسها وقال: طب وكده
حور ضربته على صدره وقالت: انا مش بهزر
غسان خدها في حضنه وقال: مش بحب اشوفك كده بحب اشوف ابتسامتك
_معاك معتقدش
رهف قاطعت حديثهم ووقفت عند الباب وقالت: غسان ماما
غسان قام عالطول وقال بخضه: في اي
رهف بابتسامه: الدكتور بيقول انها فاقت وعايزاك
غسان بص لحور اللى ابتسمت
غسان طلع عالطول وراح الغرفه اللى فيها عفاف
الدكتور: المدام استجابت للعلاج والفضل يرجع لمرات حضرتك
غسان بفرحه: طب ممكن ادخل اشوفها
_لازم تلبس ملابس معقمه الأول
غسان هز رأسه وقال: تمام
بعد شويه
غسان دخل لعفاف وقال: ماما
عفاف فتحت عينها وقالت بفرحه: غ غسان
جاب كرسي وقعد عليا وقال: اخبارك اي دلوقتى
_ابراهيم
غسان مسك أيدها وقال بكدب: متقلقيش إبراهيم بخير
عفاف بصوت خافي جدا: الحمدلله
غسان حاول يتماسك قدامها وقال: على فكره البنت اللى مش بتحبيها هي السبب في انك تكونى عايشه دلوقتى بعد ربنا طبعا
_حور
غسان هز رأسه وقال: كنتى فاقده دم كتير وحور اتبرعت ليكى
دموع عفاف نزلت وقالت: انا اسفه اوى يا ابنى اسفه اوى
غسان مسح دموعها وقال: ماما انتى عارفه انى مش بحب اشوف دموعك
_ظلمت حور كتير اوى يا غسان
_انسي اللى فات يا ماما انسي اللى فات
ابتسمت وقالت: هي حور فين
_براا
_طب انا عايزه اطلع من هنا
_ماما انتى عامله حادثه والدكتور اللى يحدد هتطلعى امتى
_طب انا عايزه اشوف حور
غسان قام وقال: ماما اهدي وبعدين حالتك مش مستقره غير انك فقدتى دم كتير
الدكتور وقتها دخل وقال: كفايه كده يا غسان
غسان مسك ايد عفاف وقبلها وقال: أن شاء الله هتكونى بخير
عفاف ابتسمت وغسان ساب أيدها وطلع
_دكتور انا عايزه اطلع من هنا
_بكره أن شاء هكتب ليكى على خروج والممرضه نور هتكون المشرفه على حالتك
عفاف ابتسمت وقالت بتفكير: يمكن حصل كده عشان أعرف قد اي أخطأت في حق حور
دموعها نزلت وقالت: سامحنى يا رب سامحنى
رهف مسكت غسان من دراعه وقالت: ماما عامله اي دلوقتى
غسان حط ايدو على خدها وقال بحب: ماما بخير يا روحى متقلقيش عليها
رهف فرحت اوى لان ولا مره غسان قالها روحى أو بمعنى أصح ولا مره قالها كلمه حلوه فهو كان مشغول عنها جدآ
_انا بحبك اوى يا غسان
غسان خدها في حضنه وقال: حقك عليا انا عارف انى قصرت معاكى اوى
رهف هزت راسها وقالت: ولا يهمك
_غسان
غسان بص وراء وقال: ريناد
جرت عليا وقالت بخوف شديد: ماما اخبارها اي دلوقتى قولى أنها بخير قولى
غسان خدها في حضنه وريناد قعدت تعياط
_ماما بخير متقلقيش
ريناد زقته وقالت: انت بتكدب عليا
رهف مسكت ايد ريناد وقالت: ماما بخير يا ريناد متقلقيش
ريناد مسحت دموعها وقالت: بجد
_يعنى صدقتى دلوقتى
ريناد وهى بتضرب غسان على كتفه: ما حضرتك مش بتقول الحقيقه عشان بتخاف عليا
_اعترفي انى بخاف عليكى
ريناد حضنته وقالت: صحيح انا الكبيره بس بحسك انت الكبير
غسان حط ايدو على شعرها وريناد بصت في عيون غسان وقالت: هو انا ممكن أدخل اشوفها
غسان هز رأسه وقال: مينفعش يا ريناد بليل إن شاء الله هنقدر ندخل كلنا ونشوفها
ريناد هزت راسها وقالت: الحمدلله أنها بخير
غسان بعد عنها وقال: دقيقه وراجع
ريناد هزت رأسها وغسان مشي
في فيلا مراد الألفي
مراد وقف العربيه ونغم نزلت ومراد فضل في العربيه
_مش هتنزل ولا اي
_هروح الشركه بقالى يومين مروحتش
_وانا هقعد هنا لوحدي
مراد بعصبية: انتى خايفه من اي كل شويه تقولى وانا هقعد هنا لوحدي انا حاسس انك طفله
دموع نغم نزلت وقالت: انا اسفه عن اذنك
مراد فتح باب العربيه ونزل منها ومسك ايد نغم وقال: اسف
نغم سحبت أيدها ودخلت جوا
مراد دخل ايضا وقال: نغم استنى
نغم واقفت مكانها ومراد وصل عندها وقال: حقك عليا مكنش لازم اتعصب عليكى
نغم ابتسمت وقالت: ولا يهمك حصل خير
مراد مسح دموعها وقال: انا عايزك اقوي من كده وبعدين خايفه من اي راضي برا
_عندك حق
مراد خد نفس عميق وقال: هرن على بدر اشوفه وصل فين
_ماشي
_عايز فنجان قهوه سكر زياده
_انت مش طالع
مراد هز رأسه وقال: لا غيرت رايي خلاص
نغم فرحت اوى وقالت وهي بتجري على المطبخ: حالا
مراد ضحك على رد فعلها اول ما عرفت أنه هيقعد
_نغم
_نعم
_انا براا
_تمام
مراد طلع برا وقعد على الكرسي ورن على بدر
_مراد
_بدر لو مش هتيجى يا ريت تعرفنى
_نص ساعه وهكون عندك يا مراد واسف على التاخير
مراد قفل التليفون ونغم قالت بفرحه: القهوه
مراد خد منها فنجان القهوه وقال: شويه كده وبدر هيكون هنا
نغم قعدت على الكرسي اللى جنبه وقالت: الجو حرا اوى
مراد حط فنجان القهوة على الطاوله وخد فنجان القهوه من نغم أيضا ومسك أيدها
_في اي
_مش الجو حرا
نغم هزت رأسها وقالت: اه
مراد خد نغم ونزلوا في المياه
_اعااااا
_انتى مش بتقولى الجو حرا
نغم وهى بتاخد نفسها: تروح تعمل كده
_امال اعمل اي
نغم هاربه من نظرات مراد اللى بتعمل على ضعفها: ولا حاجه
مراد نام على المياه ونغم ابتسمت
مراد نزل تحت ونغم قالت: نفسك كده يا مجنون
وفجاه رفع نغم لفوق اللى صرخت بأعلى صوت
_اعااااا
مراد نزلها لمستواه وقال: انا مش قادر
_مش قادر
مراد مسك ايد نغم وقال: عايز اقولك على حاجه
نغم هزت رأسها وقالت بابتسامه: قول مليون حاجه
_لا هي حاجه واحده بس
_اتفضل
_نغم انا
نغم حست ان تلك الكلمه اللى انتظرتها كتير هتنقال
_انت اي
مراد باقتناع: نغم انا بحبك
نغم فرحت أوى وقالت: قولت قولت اي
_قولت انى بحبك
نغم حضنت مراد ومكنتش مصدقه وقالت: اخيرا قولتها أخيرا
مراد بزعيق: نغم روحتى فين
نغم هزت رأسها وقالت: اي ده احنا مش كنا في المياه
_مياه امتى ده
نغم وقتها عرفت انها كانت بتتخيل وقالت: اوبس نسيت القهوه
مراد خد منها القهوه وقال: بقالى ساعه بقولك هاتى القهوه وانتى ولا هنا
نغم بارتباك: انا اسفه
_بدر هيجى كمان نص ساعه كده
نغم قعدت جنبه وقالت: ماشي
_الجو جميل النهارده
نغم حطت أيدها على شعرها وقالت: لا انا قولت الجو حرا
_بتقولى حاجه
هزت رأسها وقالت: لا ابدا
الصمت عم المكان للحظات لحد ما نغم اتكلمت وقالت: هو روكى فين
مراد شرب بوق من الفنحان وقال: روكى شكله مش بيحبك وغيران والصراحه خفت يعمل حاجه فيكى في غيابي
_بالعكس ده لطيف اوى وجميل
_خلصي امتحاناتك الأول وانا هروح لمصطفى وهجيبوا
_مين مصطفي ده
مراد بغيره: ومالك شاغله بالك بالرجاله كده ليه
_مكنش قصدي والله أصلا انت كل شويه تقول مصطفي مصطفي
مراد خدها على كتفه وقال: معلش حقك عليا انا عصبي شويه
نغم بصت في عيونه وقالت بشك: شويه
مراد ابتسم وقال: لا كتير
نغم ابتسمت أيضا ومراد قال: على فكره
_اممم
_اختك طلعت متجوزه صاحبي
نغم بعدت عنه وقالت: انت تقصد ان غسان صاحبك
_انتى تعرفي غسان
نغم هزت رأسها وقالت: كنت هكون مرات غسان
مراد باستغراب: ازاى
_مدام عفاف جت وطلبت ايدي لغسان وطبعا الكل وافق الا حور اللى عملت المستحيل عشان توقف الجوازه ده وفي الاخر نجحت بس للأسف جت على فرحتها وسعادتها
_على فكره اختك مستحيل تلاقي زي غسان
نغم خدت نفس عميق وقالت بابتسامه: زي ما انا مستحيل ألقي زيك
مراد بصلها بصدمه ونغم قالت: اقصد مستحيل ألقي صديق زيك
_وتفتكري الصداقه ده هتدوم
نغم بتمنى: يا رب
_ممكن الصداقه ده تتحول الى حاجه تانيه
نغم بعدم فهم : زي
_حب مثلا
نغم في سرها: اتمنى
قاطع تلك اللحظه الجميله صوت البواب (راضي)
_الاستاذ بدر وصل يا بيه
مراد قام وقال: يلا يا نغم
نغم ابتسمت وقامت أيضا ودخلوا جوا
في المستشفي
حور حاولت تقوم لكن مقدرتش وقالت: انا اول مره اتبرع لحد بالدم وحاسه انى اتبرعت بدمى كله
غسان وقتها دخل وقال: بتكلمى مين
_نفسي
_نعم
هزت رأسها وقالت: بهزر هات ايدك
غسان حط ايدو على كتفها وسندها وقال بحب: براحه
_انت محسسنى انى حامل
_يا ريت
حور ضربت غسان في بطنه وقالت: وده وقته
_فاضل يوم واحد بس وتكونى ملكى يا حوريه
حور بلعت ريقها وقالت بارتباك: يوم يوم اي
غسان بهمس وقال: عشان تكونى مرات غسان السيوفي فعلا
نبضات حور ازدادت وقالت: أسبوع
_اسبوع
حور نست الدوخه اللى في رأسها وقالت وهى طالعه: اسبوع حلو أوى
_حور استنى حور
في شركه سامر الحديدي
سامر كان قاعد في مكتبه وقال باستغراب: غسان مجاش امبارح
سامر افتكر كلام غسان لما قال عندي موعد غرامي
سامر بخوف: معقول حور بقت مراته فعلا
سامر هز رأسه وقال: أن شاء الله لا وحور ليا انا
قاطع تفكير سامر المساعد بتاعه او بمعنى اصح دراعه اليمين
_سامر بيه
_ادخل يا اسلام
دخل وقال: اللى محتلين السوق دلوقتى شركه السيوفي والالفي يا بيه
سامر كان ماسك قلم في ايده وقال بتفكير: الشركه ناجحه بسبب غسان
ثم كمل بشر: غسان لو مات الشركه هتقع ومراد مستحيل يعمل زي اللى بيعملوا غسان
_انا ليه مفكرتش في موت غسان لحد دلوقتى وبكده هضرب عصفورين في حجر واحد يعنى الشركه هتقع وحور هتكون ارمله وساعتها هتكون ليا
_الملفات اللى محتاجين توقيعك عليها يا بيه
سامر خد الملفات وقال: روح انت
اسلام طلع وسامر قال: كان لازم افكر في كده من زمان أوى
سامر بابتسامه تحمل الشر: نهايتك قربت اوى يا ابن السيوفي
عند حور وغسان
_انا مش عارفه اقولك اي يا حور
حور مسكت ايد ريناد وقالت: ده اقل حاجه اعملها في حق خالتى عفاف يا ريناد وبعدين ده والده جوزي يعنى امى
ريناد ابتسمت وقالت: انتى طيبه اوى يا حور
_شكرا يا ريناد ده من زوقك
الدكتور: العلاج ده مهم اوى لوالدتك يا غسان ويا ريت عدم الإهمال وانا هخلى نور تشرف على حاله والدتك
_يعنى اقدر اخد ماما النهارده بليل
_بكره أن شاء الله
غسان ابتسم وقال: ان شاء الله
_ويا ريت لو ترن على اهل المرحوم
غسان بص لتحت وقال بحزن: تمام
الدكتور حط ايدو على كتف غسان وقال: قدر الله بما شاء فعل وبعدين الحادثه كانت جامده اوى ووالدتك عايشه النهارده بفضل ربنا وكرمه
غسان هز رأسه وقال: الحمدلله هروح اجيب العلاج
_تمام
غسان طلع وبص لحور اللى كانت واقفه مع ريناد
غسان طلع برا المستشفي وراح الصيدليه عشان يجيب العلاج
عند مراد ونغم
نغم كانت قاعده على الكرسي وبدر قاعد قصدها وكان بيشرح ليها
مراد مسك تليفونه وقال: نغم هعمل مكالمه وراجع
نغم هزت رأسها وقالت: تمام
مراد طلع ورن على غسان
غسان مسك تليفونه وقال: الوو
مراد اول ما سمع صوت غسان قال بخوف: في اي
_مراد اهدا
_غسان في اي وبلاش تختبر صبري
_ماما عملت حادثه وابراهيم في ذمه الله
مراد زعل اوى وقال بحزن: البقاء لله وخالتى عفاف اخبارها اي دلوقتى
_بخير الحمدلله
_طب اسمع انا جاي حالا
_مالوش لازوم
مراد قفل التليفون من غير ما يرد على غسان ودخل لنغم وقال: نغم انا رايح مشوار واحتمال اتاخر
نغم قامت وقالت: وانا هقعد مع بدر لوحدي
مراد حط ايدو على خدها وقال: هقول لراضي يقعد معاكم
_طب انت رايح فين
_المستشفي
نغم قلبها انقبض وقال: في اي
_والده غسان عملت حادثه والحمدلله بخير دلوقتى
نغم بارتباك: طب طب انا جايه معاك
_نغم احنا قولنا اي
_بس
مراد باسها من جبينها وقال: أوعك تقفلى تليفونك هرن عليكى كل شويه
نغم ابتسمت وقالت: ماشي
مراد مشي ونغم قالت: لازم ارن على حور واطمن على خالتى عفاف
_يلا يا نغم
نغم قعدت على الكرسي وقالت: في كتير
_ساعه كده
نغم بدأت تزهق وقالت وهى بتاخد نفسها: تمام
بعد مرور نصف ساعه
مراد وصل المستشفي ونزل من العربيه ودخل جوا وسال على غرفه عفاف وطلع
_ريناد الليل داخل ولازم تمشي
_بس
غسان قاطعها وقال: ماما هتكون في البيت بكره ده معنى أنها بخير
_طب طمنى عليها
غسان هز رأسه وقال: حاضر
_غسان
غسان التفت لمصدر الصوت وقال بتعجب: عنيد وهيفضل طول عمره عنيد
مراد حضنه وقال: خالتى عفاف اخبارها اي دلوقتى
_بخير
حور كانت عايزه تسال مراد على نغم بس خافت من غسان
_عايزك في موضوع
مراد هز رأسه وقال: تعالى في كافتيريا جنب المستشفي
غسان بص لحور ورهف وقال بتحذير: محدش ينزل
حور هزت رأسها وقالت: مراد بقولك
غسان بصلها وحور خافت منه أوى وقالت وهى حاطه وشها في الأرض: نغم اخبارها اي
مراد ابتسم وقال: بخير متقلقيش
غسان باستغراب: استنى انت اتجوزت نغم اخت حور
_على فكره انا قولتلك بس حضرتك كنت في دنيا تانيه
_طب تعالى ننزل ونتكلم
مراد هز رأسه وقال: يلا
غسان ومراد نزلوا وحور ورهف قعدوا على الكراسي
في الكافتيريا
مراد قعد وغسان قعد أيضا وقال: قررت اعمل القريه ملجا للأطفال غير منزل لوالد حور
مراد ابتسم وقال: فكره حلوه بس اي الاستفادة من كده
_عمل خيري يا جدع
مراد بتريقه: ومن امتى بتعمل كده
_مش عيب الانسان يتغير للأحسن
_صح مش عيب
_موضوع جوازك من نغم بقا احكيلى
_مفيش عرضت على والدها ورفض ولما عرضت على نغم وافقت مقابل ادفع الايجار لوالدها
_حبيت نغم اوى طيبه صح
مراد بغيره: اهدا على نفسك يا خفيف
_طب تصدق انا قصدت اقول كده عشان اعرف مشاعرك يا حنين
مراد بتهرب: مشاعر اي
_مش عليا
_غلبتنى المره ده
_بتحب يا حنين
_وربنا لو ما سكت لاقت*لك
_خلاص خلاص
وفجاه تليفون غسان رن
غسان مسك تليفونه وقال: الوو
مساعد غسان:___________
غسان قام وقال بصدمه: اي
.