غرورغسان لنور حسن الاخير
يتبع .
.بقلم الكاتبه : نور حسنالحلقة 39
الحلقة 40 – قبل الاخيرة
.
.
رواية / غرور وكبرياء عاشق
.بقلم الكاتبه : نور حسن
انتظروا الحلقة الاخيرة
🔴🔴🔴🔴🔴🔴🔴🔴🔴🔴🔴🔴🔴⚫
الحلقة 39
.
.
مريم فاقت من تلك الصدمه اللى عملت على تشتيت عقلها
مريم رفعت المسدس وضغطت على الزناد وقالت بدموع: الوداع الوداع
وفجاه صدر صوت الرصاصه فكأن صوتها عالى جدآ
_اعاااااا
مراد خد نغم وراء ضهره حين شاف مريم بتلك الحاله
نغم شافت مريم أيضا خافت اوى ومسكت في هدوم مراد وقالت بعياط: ده ده ماتت
مراد بلع ريقه وقرب من مريم ونزل لمستواها وقال بصوت خافي جدا: مريم مريم
مراد مسك أيدها وضغط عليها وقال بصدمه: مفيش نبض
نغم صرخت ومراد قام عالطول وخدها في حضنه وقال: اشش انا جنبك
_ق*تلت نفسها يا مراد قت*لت نفسها
_اتفضلوا يا بيه (قالها راضي فهو رن على الشرطه)
الشرطه وصلت ودخلت عالطول وبعد شويه الاسعاف جت
وخدوا مريم على ترولى والظابط راح عند مراد وقال: اي اللى حصل
مراد قال كل حاجه للظابط غير انه شاف كاميرات المراقبه اللى حاطها مراد لما فتحى حاول يتعرض لنغم لو فاكرين
_في الحاله ده نقدر نقول إنها محاوله انتحار وتمت فعلا
وحضرتك برئ من تلك الج*ريمه
الظابط مشي ونغم كانت واقفه وبترتعش فهى بتخاف من الدم اوى
مراد حط ايدو على خدها وقال: نغم متخافيش انا جنبك
نغم بصدمه: ده ماتت يا مراد ده طلعت بتحبك اوى
_وانا بحبك انتى
نغم حضنت مراد وقعدت تعياط وتقول: ماتت يا مراد ماتت
_الله يرحمها
نغم اغمى عليها ومراد قال بانتهاد: نغم نغم
مراد حملها وطلع فوق عالطول وحطها على السرير وراضي قال بارتباك: ارن على الدكتور يا بيه
مراد مسك كوبايه مياه وقال بعصبية: بتفكر في اي رن فوراً
هز رأسه وطلع برا ورن على الدكتور
مراد رش قطرات من الماء على وش نغم وقعد جنبها وقال بحب: نغم ردي عليا
بعد شويه الدكتور وصل وفحص نغم
_حاله صدمه مش اكتر
مراد هز رأسه والدكتور قال: متقلقش يا مراد بيه ان شاء الله هتكون بخير
مراد هز رأسه للمره التانيه وقال: ان شاء الله
راضي خد الشنطه بتاعت الدكتور وقال: اتفضل معايا
الدكتور راح مع راضي فعلا ومراد بص على نغم وقال: كده يا نغم تخضينى عليكى
في منزل قديم جداً
غسان بدأ يفوق وقال بصوت غير مفهوم: حو حو حور
_بيقول اي ده
_بيقول حو حو مش عارف
غسان فتح عيونه وقال بانتهاد: حور
_متخافش الحلوه في الحفظ والصون
غسان بعصبية: انتوا مين وعايزين اي
وفجاه الباب انفتح ليدخل سامر الحديدي
غسان بصدمه: سامر
سامر راح عند غسان وقال: مفاجاه صح
غسان حاول يفك نفسه لكن معرفش وقال: حور فين يا ابن الكلب
_تؤ تؤ عيب كده
عيون غسان احمرت أوى وقال بصوت حاد جدا: حور فين
سامر وهو بيشاور بايدوا: شايف الاوضه اللى هناك ده
غسان بص على ايده وسامر قال: حور فيها وطبعا مش مربوطه زيك لا ده نايمه على سرير متزين بالورد
غسان بتهديد: أوعك تقرب منها يا سامر أوعك
سامر قعد يضحك وقال: تصدق عندي فضول اعرف حور عذراء ولا مدام
غسان تف في وش سامر اللى حط ايدو على وشه وقال بابتسامه: تبقا عذراء يعنى انا اول راجل هيلمسها حلو اوى
غسان قعد يهز الكرسي على امل الحبل يتقطع لكن كل المحاولات باتت فشله
_متحولش يا عدوي متحولش
_سامر اوعك
سامر بص في الساعه وقال: ساعتين بس يا غسان وهدخل على مراتك وقدام عنيك ساعتها هكون فرحان اوى وانت عاجز ومش عارف تنقذ مراتك
غسان هز رأسه وقال: كنت مفكر انك بتحب حور فعلا بس طلعت غلطان
سامر بصوت جهوري: انا بحب حور اكتر منك سامع ولا لا
_ده مش حب يا ابن الحديدي ده مش حب
_تقصد اي
_شهوه اسمها شهوه
_لا طبعا انا بحب حور وعايزها تكون ليا وده الطريقه الوحيده عشان تكون ليا
غسان ابتسم وقال بثقه: مش هتقدر
_واي اللى هيمنعنى يا عدوي
_انا
سامر قعد يضحك وقال: مش قادر لا حلوه النكته ده
سامر نزل لمستوي غسان وقال: وده ازاى بقا وانت مربوط وعاجز كده
_هثبتلك
سامر وهو طالع: ساعتين بس وحور هتكون ملكى يا عدوي ساعتين بس
غسان حاول يبقا هادي وبص على الاوضه اللى فيها حور ومكنش عارف يعمل اي وحاسس انه عاجز فعلا
عند حور
حور بدات تفوق وقالت وهى حاطه أيدها على دماغها: دماغى وجعانى اوى
حور بصت حواليها وقالت بخوف: انا انا فين
_عندي
حور التفت لمصدر الصوت وقالت بصدمه: سامر
سامر راح عندها وقال: مش فرحانه ولا اي
_انا بعمل اي هنا وغ غسان فين
_متخافيش غسان بخير
حور مسكت سامر من لياجته وقالت بعصبية: عملت اي في جوزي انطق عملت اي
سامر ضربها بالقلم لتقع على الارض
سامر بحده: ده مش جوزك فاهمه ولا لا
الدم نزل من فم حور وقالت: غسان طلع عنده حق انت طلعت شيطان ويمكن أسوأ
سامر قعد على طرف السرير وقال: ليه بس يا حور ده انا قلبي طيب حتى
حور قامت وحاولت تفتح الباب لكن مفتحش وقالت بعصبية: سامر افتح الباب
سامر قام وقال: الله على اسمى وهو طالع من بوقك
حور اتعصبت اوى وقالت: بقولك افتح الباب
سامر شد حور من خصرها وقال: اهدي كده
حور حاولت تبعد عنه لكن معرفتش وقالت: ابعد عنى
وفجاه الباب خبط
سامر زق حور على السرير وفتح الباب وخد القميص من احدهم وقال: اي رايك في ده
حور بصت ليا بنظرات مقززه وقالت: انت واحد حيوان وسافل و٠٠٠٠
سامر رمى القميص عليها وقال: هسيبك ساعتين اعتقد كتير اوى عايز ارجع القيكى جاهزه
حور رمت القميص على الأرض وقالت: مستحيل البس القرف ده
سامر أبتسم وقال: وانا بقول كده بردو تكونى عريانه قدامى احسن
حور راحت عنده وكانت رايح تضربه بالقلم لكن سامر مسك أيدها وقال: الايد الحلوه ده مينفعش تضرب حد
كان راح يبوس ايدها لكن حور سحبت أيدها عالطول
سامر ابتسم وقال: خدي راحتك يا حور اوعك تنسي انى هرجع بعد ساعتين
سامر طلع وقفل الباب بالمفتاح
حور جرت على الباب وحاولت تفتحوا لكن معرفتش وقعدت تخبط وتقول: غسان غسان
غسان رفع رأسه لفوق وقال بفرحه: حور حور
حور حطت أيدها على الباب وقالت: غسان غسان
وفجاه الباب انفتح ليدخل واحد من رجاله سامر ويحط لزقه على فم غسان ويقول بحده: مش عايز اسمع صوتك فاهم
غسان في سره: وربنا لدفعكم تمن غالى اوى يا كلاب
بعد مرور ساعه تقريبا وخصوصاً في فيلا مراد الألفي
نغم فاقت وقالت: مراد مراد
وقفت في البلكونه لقت مراد قاعد على الكرسي وباصص لتحت وكان شكله حزين جدآ
نغم نزلت وطلعت برا وقالت: مراد
مراد رفع رأسه وقال: اخبارك اي دلوقتى
نغم ابتسمت وقالت: بخير
_طب كويس
نغم راحت عنده وقالت: هي المسئولة عن اللى حصل بلاش تلوم نفسك
_يمكن لو كنت وافقت على عرضها مكنش ده حصل
نغم بصدمه: تقصد اي بكلامك يا مراد
مراد وقف على جنب وقال: لو كنت طلقتك واتجوزتها مكنش ده حصل
نغم راحت عند مراد وقالت: مراد انت مستوعب كلامك
مراد بعصبية: انا السبب في موت مريم أيوه انا السبب
نغم مسكت ايدو وقالت وهى بتهز رأسها: أنت معملتش حاجه عشان تكون السبب
مراد مسك أيدها جامد اوى وقال بحده: لا عملت عارفه عملت اي
_ أنى اتجوزتك
_تقصد اي
مراد بصوت جهوري: لو يرجع بيا الزمن مكنتش فكرت فيكى من الأساس
دموع نغم نزلت وقالت: بتحبها صح
مراد:_______
نغم مسكت مراد من لياجته وقالت بعياط هستيريا: بتحبها صح رد عليا بتحبها
مراد زقها وقال بزعيق: بحبك انتى وندمان انى حبيتك
_ليه عملت ليك اي عشان تقول كده
_لو مكنتش حبيتك مكنتش مريم ماتت
_ده نتيجه أفعالها يا مراد
_براااا
نغم بعدم استيعاب: قولت اي
مراد بجمود عكس ما بداخله: اطلعى برا بيتى مش عايز اشوف وشك هنا تانى
الدموع نزلت من عين نغم وقالت: مراد انت مستوعب كلامك ده
_براااا
مكنش على لسانه الا الكلمه ده
نغم مسكت ايدو وقالت: مش هسيبك يا مراد مش هسيبك عارف ليه عشان بحبك ومقدرش ابعد عنك
_نغم اطلعى من حياتى
_مستحيل وزي ما وعدتنى وقولتلى هتفضل معايا لآخر نفس انا كمان بقولك هفضل معاك لآخر نفس
_يعنى مش هتطلعى
نغم هزت رأسها وقالت بعناد: مش هطلع يا مراد ومش هسيبك
مراد مسك أيدها جامد اوى وقال: براحتك
نغم بزعيق: مراد انت بتعمل كده ليه مراد
مراد زقها لتقع على الأرض وقال بحده: ورقه الطلاق هتكون عندك
دموع نغم نزلت وقامت عالطول وقالت: لا يا مراد لا اوعك تعمل كده انا عارفه انك في حاله صدمه بس ارجوك متعملش كده ارجوك
مراد قفل البوابه ونغم فضلت واقفه مكانها وقالت بصوت عالى جدآ: مش هسيبك سامع وهفضل قاعده هنا
نغم قعدت على الأرض وقالت: هي المسئوله عن اللى حصل مش انت مش كل مره هتيجى على سعادتك عشانها
غربت الشمس وظهر القمر ومرت الساعه في ذلك الوقت
في تلك المنزل القديم
سامر فتح الباب ووقف قصاد غسان وقال: انا رايح دلوقتى عند حور واكيدا عارف الباقي
غسان قعد يهز الكرسي وكان عايز يتكلم
سامر بتمثيل الحزن: يا حرام تصدق صعبت عليا
سامر شال اللزقه اللى كانت محطوطه على فم غسان
غسان وهو بياخد نفسه: وربنا لو تقرب منها يا سامر لتكون ميت النهارده
سامر قعد يضحك وقال: انت ليه مش عايز تستوعب انك عاجز ومش هتقدر تعمل حاجه
_اوعك يا سامر
سامر فك ازرار القميص بكل برود وقال: كان نفسي ده يحصل قدام عينك بس الصراحه عايز اكون لوحدي مع حور
غسان داس برجله على رجل سامر اللى اتالم اوى
سامر شد رجله بالعافيه وقال: حلو أوى يا عدوي
قلع القميص ورمى على الأرض وقال: كنت حابب اتكلم معاك شويه بس حضرتك رافض احسن بردو عشان متاخرش على حوريتى
غسان قعد يهز الكرسي وسامر طلع وقفل الباب
غسان بص حواليا ومكنش عارف يعمل اي وقال: لا لا أوعك تستسلم يا غسان اوعك
سامر خبط على الباب وقال: حوريتى انا هفتح الباب
حور مردتش وسامر قال بحده: معقول تكون هربت
سامر طلع المفتاح وفتح الباب عالطول ووقف مكانه وابتسم ابتسامه خبيثه
_ما انتى شاطره اهو
حور كانت نايمه على السرير ومتغطيه بالبطانيه ومش باين منها الا كتافها العريان فهذا يثبت انها لبست القميص
سامر قفل الباب وبدأ يقرب من حور اللى نبضات قلبها بتزداد مع كل خطوه بيخطيها سامر
سامر وصل عندها وكان رايح يشيل البطانيه من على جسمها الا ان حور انعدلت ولفت البطانيه عليها وقالت بتمثيل: الجو ساقعه أوى
سامر ابتسم وقعد جنبها وقال: ادفيكى
حور بعدت عنه وقالت: لا شكرا
سامر حط ايدو على ضهرها وقال: مالك
حور بلعت ريقها وبصت على أيده وقالت: مفيش
سامر قام وقال: بكره الانتظار اوى زي الشاطره كده شيلى البطانيه ده
حور هزت رأسها وقالت: قولتلك الجو ساقعه
_تمام اوى
سامر حاول يشد البطانيه من عليها لكن معرفش
_سامر لو سمحت
وشد فعلا البطانيه ووقع على الأرض كان رايح يرفع راسه لكن حور نزلت عليا بإزازه الخمر
_اعااااا
سامر حط ايدو على رأسه ولقي دم وقال بصوت مقطع: اي اللى عملتى ده
بعد ما قال كده فقد الوعى
حور بصت حواليها لقت الجاكيت بتاع سامر لبستوا عالطول وقالت: المفتاح فين
حور عدلت سامر ومكنتش عارفه تعمل اي
غمضت عينها ومدت أيدها في جيب البنطلون بتاع سامر ولقت المفتاح فعلا
حور خدت المفتاح وجرت على الباب وفتحتوا فعلا
بصت حواليها وقالت وهى بتاخد نفسها: الحمدلله مفيش حد هنا بس غسان فين
حور بصت وراها لقت باب اوضه مقفول وقالت بتفكير: معقول غسان هنا
حور راحت عند الباب ومسكت القفل وجربت المفاتيح اللى معها وقالت: فين المفتاح
حور مسكت مفتاح من اللى معها فكانوا عدت مفاتيح في بعض وفتحت الباب بيا
حور فرحت اوى ودخلت عالطول وقالت بفرحه: غ غسان
غسان رافع رأسه واول ما شاف حور كده قال بصوت جهوري: اي اللى انتى لابسه ده
حور حطت أيدها على فم غسان وقالت: اشش الا حد يسمعك
_غسان اوعدنى انك مش هتتكلم
غسان هز رأسه وحور بدأت تفك غسان وغسان كان ماسك نفسه بالعافيه
حور فكته فعلا وكانت رايحه تحضنه الا أن غسان مسك أيدها جامد اوى وقال بغيره: الحلو شافك كده
حور هزت رأسها وقالت: ما انا لابسه جاكيت اهو
_مش عليا يا حور
_والله مالحق يشوفنى
_حسابك معايا بعدين المهم نطلع من هنا
وفجاه شابين دخلوا وقال احدهم: ازاى حصل كده
غسان خد حور وراء ضهره وقال: اي رايك
واحد طلع مسدس ورفعوا على غسان
حور خافت على غسان اوى وقالت بتفكير: اعمل اي غسان مش هيقدر عليهم الاتنين
الشاب كان رايح يضغط على الزناد ولكن غسان كان أسبق
غسان ضرب أيد الشاب برجله ليقع المسدس منه على الأرض
حور جرت على المسدس ومسكتوا
غسان رفعوا ورمى على الأرض ليفقد الوعى عالطول
_يا رجاله يا رجاله
اكتر من عشر رجاله وقفوا حوالين غسان
_فين الشجاعه
غسان ابتسم والرجاله انقضوا عليا ولكن غسان بكل قوته زقهم ليقعوا على الأرض
حور خافت اوى وقالت: اعمل اعمل
حور بعد تفكير راحت الاوضه اللى كانت فيها ومدت ايدها في جيب سامر لتطلع الموبايل
رنت على البوليس وقالت على كل حاجه
حور رمت التليفون على الأرض وكانت طالعه الا أن سامر مسك رجليها ووقعها على الأرض
_اعاااااا
سامر بعصبية: بقا كده يا حور
حور بصريخ: غسان غسان
سامر حاول يقلعها الجاكيت وحور كانت بتصرخ باعلى صوت
غسان ضرب سامر برجله في وشه
_اعاااااا
حور قامت وحضنت غسان وكانت خايفه أوى
سامر قام بالعافيه ومكنش شايف حاجه قدامه
غسان زق سامر على السرير وسامر خاف اوى من غسان
_فين الشجاعه يا حفيد الحديدي
_غسان لا
غسان مسكوا من لياجته وضربه بالبوكس في وشه
_اعاااا
غسان نزل عليا بكل وحشيه وقال: مراتى خط احمر يا كلب مراتى خط احمر
حور فرحت اوى وسامر مكنش قادر وقال: كفايه كفايه
بعد شويه
البوليس وصل ليدخل ويمسك كل الرجاله
_خدوهم على البوكس
غسان مسك سامر من لياجته وطلعوا برا وزقه على الأرض وسامر بدأ يرجع لوراء
الظابط بأمر: خدوا فوراً
سامر شاف مسدس وراء بدأ يرجع لوراء عشان يمسكوا
في قصر عائله السيوفي
_ابنى راح فين ابنى راح فين
ريناد قعدت جنب عفاف وقالت: ماما أهدي
_من الصبح يا ريناد وهو برا انا قلقانه عليا اوى
_متخافيش يا ماما ان شاء الله هيكون بخير
_طب ابراهيم فين
ريناد باستغراب: ماما ابراهيم مات الله يرحمه
عفاف بصدمه: اي
رهف وقفت عند الباب وكوبايه العصير وقعت منها
ريناد قامت ووقتها عرفت ان والدتها متعرفش ان إبراهيم مات
_ريناد انتى بتقولى
ريناد مكنتش عارفه تقول اي وقالت بارتباك: هو هو
عفاف بصت لرهف وقالت: ابراهيم مات فعلا يا رهف
رهف بصت لتحت وعفاف انهارت من العياط وقالت: ابراهيم مات بسببي انا السبب
ريناد حضنتها وقالت: لا يا ماما متقوليش كده
عفاف بعياط: لا مات بسببي يا ريناد انا السبب
_اشش ده قضاء وقدر متقوليش كده
_ابراهيم مات بسببي ابراهيم مات بسببي
قعدت تكرر تلك الجمله عدت مرات
في فيلا مراد الألفي
نغم كانت قاعده برا وضمه رجليها
مراد مقدرش ونزل عالطول وفتح البوابه وقال: ادخلى
نغم قامت عالطول وقالت: مراد بلاش تعمل معايا كده
مراد:______
نغم مسكت ايدو وقالت: مراد بلاش تعذب نفسك على ذنب مرتكبتهوش
_نغم لو سمحتى اسكتى
_طب انا مستعده اسيبك وللابدا
مراد بصلها بصدمه ونغم قالت: لو قولت وانت باصص في عينى أنك مش عايزنى في حياتك ولا عايز تشوفنى تانى
_بوعدك لو قولت كده مش هتشوف وشي تانى
صفعه قويه تنزل على خد نغم
مراد بعصبية: عايزه تتخلى عنى يا نغم حتى انتى عايزه تتخلى عنى
نغم حطت أيدها على خدها والدموع نزلت من عينها بل كانت دموع الفرح
مراد خد نفس عميق وخدها في حضنه وقال: بحبك
نغم حضنته جامد اوى وقالت: وانا بعشقك
_اوعك تقولى كده تانى
نغم هزت رأسها وقالت: بوعدك مش هقول كده تانى وانت كمان اوعدنى انك مش هتلوم نفسك على اللى حصل
مراد مسح دموعها وقال بوعد: بوعدك مش هلوم نفسي على اللى حصل
نغم ابتسمت ومراد حط ايدو على خدها قال بلطف: انا اسف
نغم هزت رأسها وقالت: اي حاجه منك دوا
مراد رفع حاجب وقال: يعنى القلم ده دوا
_اه ما انت ضربتنى عشان مش عايزنى ابعد عنك
_حصل خير المهم عملتى اي فى الامتحان
_بلاش تسأل
_ليه
نغم بصت لتحت وقالت: كلامك أثر فيا اوى يا مراد
_كلامى
نغم هزت رأسها وقالت: الكلام اللى قولتوا امبارح
_انا آسف يا نغم غصب عنى
نغم مسكت ايدو وقالت: انسي اللى فات وتعالى نبدأ صفحه جديده
مراد شدها من خصرها وقال: زي
نغم بصت في عيونه وقالت: عايزه اكون جنبك مدي الحياه
مراد ابتسم وقال: وانا بوعدك من النهارده مش هسيبك يا نغم
الابتسامه اترسمت على وش نغم وقالت: الله يسامحك انت متعرفش عملت فيا اي لما طردتنى قولت حياتى انتهت
مراد حط ايدو على فمها وقال: انا مش عارف عملت كده ازاى للحظه عقلى وقف عن التفكير وحسيت انى السبب في موت مريم
نغم هزت رأسها وقالت: مريم عملت كده لانها حست أنها غلطانه
_الله يرحمها
نغم زقت مراد وقالت: أوعى كده عايزه انام صاحيه بدري
مراد ابتسم وقال: تصرفات أطفال ده على فكره
نغم وهى داخله جوا: طفله؟ ما انا طفله
مراد بابتسامه تحمل التريقه: فعلا
في تلك المنزل القديم
سامر مسك المسدس فعلا ورفعوا على غسان وضغط على الزناد
حور زقت غسان عالطول لتاتى الرصاصه في كتفها
غسان بصدمه: حور
.
🔴🔴🔴🔴🔴🔴🔴🔴🔴🔴🔴🔴⚫
الحلقة 40 – قبل الاخيرة
.
.
سامر رجع لوراء ليمسك المسدس ويرفعوا على غسان ويضغط على الزناد
حور زقت غسان عالطول لتاتى الرصاصه في كتفها
غسان بصدمه: حور
الظابط مسك سامر وحط المسدس على رأسه وقال بأمر: خدوا الحيوان ده فوراً
العسكري خد سامر وغسان حمل حور بين أيديه وطلع عالطول
عربيه الإسعاف جت وغسان حط حور على الترولى وطلع عالطول وعربيه الإسعاف طلعت أيضا
غسان مسك ايد حور وقال بخوف: حور حور
حور فتحت عينها وقالت بابتسامه: غسان انا بخير
دموع غسان نزلت وحور حطت أيدها على خده وقالت بصوت خافي جدآ: انا بخير يا روحى
غسان باس أيدها وقال: ليه عملتى كده مش مهم انا يا حور
_مش بقولك الحب أفعال مش كلام (قالت كده وهي بتتالم)
غسان بصلها باستغراب وقال: واي دخل الكلام ده في موضوعنا
حور غمضت عينها وقالت بتعب: الكلام ده أساس الموضوع
بعد ما قالت كده فقدت الوعى
غسان بخوف: حور حور
_حور ردي عليا
بعد مرور عشر دقائق وخصوصاً في المستشفي
غسان كان واقف برا والقميص بتاعه عباره عن دم
غسان كان متوتر أوى وفجاه ممرضه طلعت من اوضه العمليات
غسان جري عليها وقال بخوف: حور بخير صح
ابتسمت وقالت: ده رصاصه في الكتف يا بيه والدكتور قدر يطلع الرصاصه وان شاء الله هتكون بخير
غسان خد نفس عميق وقال بارتياح: الحمدلله
_اكيدا ماما قلقانه دلوقتى لازم ارن عليها
غسان بص حواليا لقي راجل قاعد
غسان راح عنده وقال: ممكن تليفونك ثانيه
طلع تليفونه وقال: اتفضل يا استاذ
غسان خد منه التليفون وكتب رقم ريناد ورن عليها
ريناد مسكت تليفونها وعفاف قالت: غسان ده يا ريناد
ريناد باستغراب: ده رقم غريب
عفاف بانتهاد: طب ردي ممكن يكون اخوكي
ريناد هزت راسها وفتحت التليفون وقالت: الوو
_ريناد
ريناد بفرحه: غسان
عفاف خدت منها التليفون عالطول وقالت: انت فين يا حبيبي
_ماما احنا في المستشفي
عفاف بصدمه: اي
عفاف فاقت من تلك الصدمه وقالت بخوف: حور حور بخير
غسان ابتسم وقال: الحمدلله بخير
عفاف حاولت تقوم لكن مقدرتش وقالت: ساعدينى يا ريناد
غسان هز رأسه وقال: ماما متقلقيش حور بخير متقلقيش
عفاف بعدم تصديق: بلاش تكدب عليا يا غسان زي ما كدبت عليا وقولتلى إبراهيم بخير
_غصب عنى والله يا ماما
_طب متنساش تطمنى
_حاضر
غسان قفل التليفون وقال: شكرا اوى
خد منه التليفون وقال: العفو يا بيه
في قصر عائله الحديدي
والد سامر رجع وحرفيا كان مدمر فهو علم بوفاه بنته (مريم)
طلع فوق ودخل اوضته وقعد على طرف السرير وقال بلوم: انت السبب انت السبب بنتك ماتت بسببك انت السبب
دموعه نزلت وقال بندم: كان لازم اخدها معايا كان لازم اخدها معايا
وفجاه تليفونه رن
مسك التليفون وايده كانت بترتعش وقال بصوت مقطع: الوو
_الشرطه مسكت ابنك لانه حاول يتعرض لغسان ومراته غير انه ق*تل نرمين مساعده الحاجه وفاء
التليفون وقع من ايدو وحط ايده على قلبه ومكنش قادر ياخد نفسه وفجاه وقع على الأرض
الخدامه خبطت على الباب وقالت: فاروق بيه في حد تحت منتظر حضرتك
بعد مرور دقيقتين تقريبا
فاروق مردش عليها لحد دلوقتى فهى قلقت اوى ومسكت الاوكره وفتحت الباب وقالت بصدمه: فاروق بيه
الخدامه رنت على الدكتور بتاع العائله
بعد شويه الدكتور وصل وقال: فين فاروق بيه
_اتفضل يا دكتور
الدكتور دخل وفحص فاروق وللأسف لقي مات
_خبطت على الباب ومردش عليا واول ما دخلت لقيتوا كده هو بخير يا دكتور
الدكتور قام وقال بحزن شديد: البقاء لله
حطت أيدها على قلبها وقالت بصدمه: اي
بعد مرور ساعه تقريباً
في المستشفي
غسان حط المخده وراء ضهر حور وقال بخوف: براحه
حور ابتسمت وقالت: غسان انا بخير متقلقش
غسان بعصبية: بخير ازاى يا حور مش شايفه كتفك
حور حطت أيدها على خده وقالت بابتسامه: والله بخير
_وموضوع القرف اللى انتى لابسه ده لسه متقفلش
حور حضنت غسان وقالت: خلاص بقا
غسان حط ايدو على كتفها وحور صرخت عالطول
_اعاااا
غسان بعد عنها عالطول وقال بخوف: انا انا اسف
حور قعدت تضحك وقالت: يا سلام لو تشوف وشك هتموت على نفسك من الضحك والله
غسان قبض ايدو وقال بعصبية: حور انا مش بهزر
_خلاص خلاص انا آسفه
الدكتور دخل وقتها وغسان قال: اقدر اخد حور يا دكتور
الدكتور هز رأسه وقال: بكره إن شاء الله تقدر تاخدها
_بس انا بخير
غسان بصلها بحده وحور قالت وهي بتبلع ريقها: بكره بكره مش هتفرق
الدكتور باستغراب: على فكره انتى واخده طلقه في كتفك
حور بصت لغسان وقالت باستغراب: ما انا عارفه
_يعنى المفروض ترتاحى وبلاش كلام كتير
حور مسكت ايد غسان وقالت: طول ما هو جنبي انا بخير
غسان قعد جنبها وخدها في حضنه
الدكتور ابتسم وقال: على العموم تقدري تعملى اللى انتى عايزاه بس بلاش تضغطى على دراعك
حور بفرحه: يعنى اقدر اطلع وكده
الدكتور هز رأسه وقال: الجرح مش خطير وكان بسيط جدا بس يا ريت تاخدي حذرك عشان الجرح ميفتحش
حور هزت رأسها وقالت: تمام
الدكتور ابتسم وخد بعضه وطلع
في صباح اليوم التالى
غسان سند حور وطلعوا بعد ما الدكتور كتب لحور على خروج
في فيلا مراد الألفي
_هتتاخر
مراد بصلها وقال: ليه
_عادي بتبص كده ليه
مراد كتم ضحكته وقال: لا مش هتاخر ويا ريت اللى بفكر في صح
نغم بلعت ريقها وقالت بارتباك: هو هو اي اللى بتفكر فيا
مراد خد الجاكيت وقال: مش مهم تعرفي عن اذنك
مراد طلع ونغم قالت باستغراب: يا تري بيفكر في اي
بعد مرور نصف ساعه تقريباً وتحديداً في قصر عائله السيوفي
حور وغسان دخلوا وعفاف قالت بانتهاد: حور
حور راحت عندها وقالت: ماما انا بخير ده كانت في الكتف متقلقيش
غسان بعصبية: ام الإهمال ده مش بحبه وبعدين الدكتور قال اي
حور خدت نفس عميق وقالت: خلاص يا غسان
_ماما انا رايح الشغل
حور بصتله واتعصبت اوى وقالت: بلاش تروح الشغل النهارده انت منمتش طول الليل وبعدين هتروح الشغل كده انت مش شايف هدومك
_لا انا هروح عارفه ليه عشان قطعت وعد على نفسي انى اقبض روحك في ايدي
حور برقت وريناد راحت عند غسان وقالت: البت عملت اي عشان تقول كل ده
غسان بص لحور وقال بحده: هي عارفه كويس
حور قعدت تكح وغسان خد بعضه وطلع
_ابراهيم ابراهيم
غسان وقف مكانه والدموع امتلأت عيونه وقال: ربنا يرحمك يا راجل يا طيب
_بتنادي يا بيه
_مسعد عايزك تروح **** وتجيب عربيتى وهتلاقي تليفونى فيها يجوا حالا
هز رأسه وقال: حالا يا بيه
مسعد مشي وغسان دخل جوا تانى
طلع على اوضته وفتح الباب وحور وقفت مكانها وقالت باستغراب: مش كنت رايح الشغل
غسان مردش عليها وفتح الدولاب وطلع بدله سوده وحور قالت: انا قولت غسان السيوفي ميطلعش كده بردو
_تعرفي انك مستفزه اوى
حور برقت وقالت: انا
_الاحسن انك تسكتى
حور راحت عنده ومسكت ايدو وقالت: اهدا على نفسك شويه
_حور متخلنيش اضربك
_طب انا عملت اي طيب
_والله بتهزري صح
_قصدك على القميص
_قصدك على القرف اللى كنت لابسه للاستاذ
حور حضنت غسان وقالت: كان لازم اعمل كده يا غسان عشان نقدر نهرب
_طب خلاص ادخلى غيري هدومك
حور بعدت عنه وقالت بتوتر: هغير هدومى ازاى
_هساعدك
حور ابتسمت وقالت: لا شكرا روح شوف انت رايح فين
غسان خد البدله ودخل الحمام وحور قعدت على طرف السرير وبصت على كتفها وقالت: الحمدلله على كل حال
بعد شويه غسان طلع وقال بتحذير: ممنوع تطلعى من الاوضه فاهمه
_ليه
_هو مش الدكتور قال لازم ترتاحي
_لا مقالش كده ده قال اعملى اللى انتى عايزاه بس بلاش تضغطى على كتفك المصاب
_انا قولت اي
حور بلعت ريقها وقالت بارتباك: خلاص خلاص حقك عليا
_هبعتلك رهف تساعدك
حور بابتسامه: ماشي
غسان باسها على رأسها وطلع
نزل تحت وقال: رهف رهف
_نعم
_خليكى جنب حور أوعك تسبيها
هزت رأسها وقالت: حاضر
غسان طلع برا ومسعد جاب العربيه وقال: التليفون وكل حاجه موجوده في العربيه يا بيه
غسان ركب العربيه ومسك تليفونه لاقي مراد رن عليا اكتر من ١٥ مره
غسان رن على مراد اللى فتح التليفون وقال بعصبية: مش بترد ليه
_انت فين
_داخل عليك ما لما حضرتك مردتش خفت عليك اوى
_سامر دخل السجن
مراد ابتسم وقال: ده الأخبار ولا بلاش بس ازاى حصل كده
_الكلام مش هينفع على التليفون
مراد وقف العربيه وغسان وقف العربيه أيضا
مراد نزل وقفل التليفون وقال: اي اللى حصل
غسان حكى كل حاجه لمراد اللى قال بخوف: لمسك الكلب ده
_هو انا صغير يا حمار
_غسان انا مش بهزر وعالطول شايف خوفي عليك حاجه مضحكه
غسان حضن مراد وقال: لا طبعا انت اخويا ياض
_بحبك
غسان زق مراد وقال: شاطر أوى في المحن
_تصدق بالله انا حمار انى حبيت واحد زيك
_وانا كمان بحبك يا محن المهم
_خير
غسان:_________
_فكره حلوه
_بالليل
مراد بتفكير: ماشي
_طب رن
_نغم كده هتخاف
_طب قولها حور عايزه تشوفك
مراد هز رأسه وطلع التليفون ورن على نغم اللى كانت قاعده في الجنينه وبتقرا روايه
مسكت التليفون وقالت: الوو
_نغم حور
نغم رمت الكتاب اللى في أيدها وقالت بخوف: مالها حور
مراد حط ايدو على السماعه وقال: شوفت عرفت من غير ما أقولها
_اخلص يا خفيف
مراد خد نفس عميق وقال: حور بخير يا نغم
_طب بتقول اسمها ليه
_انا هتاخر في الشغل النهارده اي رايك تروحى تقضي معاها اليوم
نغم فرحت اوى وقالت: موافقه طبعا
نغم قفلت التليفون ومراد قال بانتهاد: نغم
_اتحمست زياده عن اللزوم شكلها
_غسان انا خايف
_من اي بس
_اول ما جبت اسم حور نغم خافت اوى ما بالك بقا لو عرفت ان اختها خدت طلقه في كتفها هتعمل اي
_وانا قولتلك حور بخير الخوف الزياده ده مالوش لازمه
مراد خد نفس عميق وقال: صحيح مريم ماتت
غسان بصدمه: اي
_حاولت تق*تل نغم، ولكن اترددت وق*تلت نفسها
غسان بحزن: اه الله يرحمها
_ في عربيتى ولا عربيتك
_في عربيتك طبعا
مراد ابتسم وقال: ماشي
غسان ومراد ركبوا العربيه ومشوا
بعد مرور نصف ساعه تقريبا وتحديداً في قصر عائله السيوفي
نغم وصلت وريناد وقفت مكانها وقالت: مين الحلوه
نغم ابتسمت وقالت: انا نغم اخت حور
_قولت كده بردو فيكى شبه كبير اوى من حور
نغم ابتسمت وريناد قالت: تعالى يا نغم
نغم دخلت وريناد نادت على سماح وقالت: خدي نغم على اوضه حور
سماح هزت رأسها وقالت: اتفضلى معايا يا مدام
نغم طلعت معاها فعلا
في اوضه غسان
_اعااااا
رهف بخوف: انا اسفه اوى
_كان لازم اغير يعنى
رهف ابتسمت وقالت: خلاص خلصت
حور خدت نفس عميق وقالت: حاسه بألم مكان الطلقه يا رهف
رهف بارتباك: طب طب ارن على غسان
حور هزت رأسها وقالت: لا لا ده ألم بسيط هيروح مع الوقت
نغم خبطت على الباب ورهف فتحت الباب وقالت: نغم
حور فرحت اوى وقالت: نغم
نغم سلمت على رهف وراحت عند حور وقالت بصدمه: اي ده
حور مسكت ايد نغم وقالت: انا بخير متقلقيش
دموع نغم نزلت عالطول وقالت: اي اللى حصل
حور ابتسمت وقالت: حبيبتي انا بخير متخافيش
_متاكده
حور هزت رأسها وقالت: اي المفاجاه الحلوه ده
_يا ريت ما جيت يا حور
حور حطت أيدها على خدها وقالت: والله بخير يا روحى
نغم حضنت حور اللى قالت: نغم براحه
نغم بعدت عنها وقالت: انا اسفه حقك عليا
حور ابتسمت وخدتها في حضنها وقالت: بهزر معاكى
نغم ضربت حور على ضهرها وقالت: انتى عارفه انى مش بحب الهزار ده
_خلاص أنا اسفه
نغم ابتسمت وقالت: خلاص ماشي
نغم وحور قعدوا يتكلموا مع بعض والوقت بدأ يمر لياتى الليل
نغم قامت وقالت: طب يا حور انا لازم أمشي عايزه حاجه
_مستحيل اسيبك في الوقت ده لوحدك
وقتها مراد وغسان دخلوا
حور حست أن في حاجه ليس حور فقط بل نغم
غسان بص لمراد اللى قال: يلا
نغم حضنت حور وقالت: عايزه حاجه
_لا يا نغم احنا طالعين كلنا
نغم بصت لحور اللى قالت بفضول: طالعين فين
غسان مسك أيد حور وقال: هتعرفي
حور سحبت أيدها وقالت: هنروح فين يا غسان
_نفسي توثقي فيا مره واحده
_طب قولى هنروح فين
_مفاجاه
حور بشك: مفاجاه
غسان خد نفس عميق وقال: اي رايك نتكلم في الطريق
حور خدت نفس عميق وقالت: ماشي
_اخيرا
بعد شويه
حور ركبت مع غسان ونغم ركبت مع مراد وطلعوا
في الطريق
_غسان
_امممم
_احنا رايحين فين
غسان:______
_غسان
_عيونه
_احنا رايحين فين
غسان:______
حور اتعصبت اوى وقالت: غسان رد عليا
غسان مردش عليها وحور اتعصبت اوى وقالت: انا كمان بكره التجاهل فياريت ترد عليا
غسان داس فرامل
حور بصت حواليها وقالت: احنا بنعمل اي هنا
غسان نزل وفتح الباب لحور وقال: هتعرفي
غسان مسك ايدها وحور نزلت
عربيه مراد وصلت أيضا
مراد نزل ونغم نزلت أيضا
نغم بصت حواليها وقالت بصدمه: اي ده فين البيوت
حور بصت لغسان وقالت: في اي
وفجاه عربيه جت ووقفت قدام الاربعه لينزل منها منير وثريا
الابتسامه اترسمت على وش حور
ثريا راحت عند حور وحور حطت وشها في الأرض
ثريا خدتها في حضنها وقالت: اخبارك اي دلوقتى انا لما عرفت اللى حصل كنت عايزه اجيلك بس غسان قالى خليها مفاجاه
حور كانت بتتالم لان ثريا ضغطت على كتفها
حور محاوله إخفاء تلك الألم: الحمدلله بخير
ثريا بعدت عنها وقالت: ليه مقولتيش الحقيقه يا حور
_انا اسفه يا ماما
ثريا بصت على غسان ومراد وقالت: انا بعتذر منكم اوى
غسان هز رأسه وقال: انا عذرك واي حد مكانك كان عمل كده واكتر
مراد صفق على ايدو وقال: كفايه اوى كده اي رايكم نشوف البيت
نغم مكنتش فاهمه اي حاجه وقالت: مراد هو اي اللى حصل
_بعدين
نغم هزت رأسها وغسان قال: على فكره العمال بذلوا أقصي جهدهم عشان يبنوا البيت خلال الأسبوع ده
منير راح عند غسان وقال: مكنش ليا لازوم يا ابنى
غسان مسك أيدو وقال: لا يا عمى انا المسئول عن اللى حصل وواجب عليا اصلح اللى حصل
منير ابتسم ومراد قال: مش كفايه كده
الكل ابتسم ودخلوا البيت فعلا فكان واسع جداً على عكس الأول
حور بصت لغسان وقالت بهمس: بحبك
_اسكتى
حور ضربت غسان على صدره وقالت: ما خلاص بقا
غسان حط ايدو على كتفها السليم وقال: هسامحك بس بشرط
_شرط اي
غسان بهمس: يومين كده وهقولك
_اشمعنا يومين
غسان بص على كتفها المصاب وقال: مينفعش اقولك دلوقتى
حور باستسلام: ماشي
_طب اقعدوا يا ولاد واقفين ليه
الكل قعد فعلا وقعدوا يتكلموا ويضحكوا وكانت من اجمل اللحظات اللى مرت على ابطالنا
بعد مرور ساعتين وخصوصا في فيلا مراد الألفي
نغم كانت بتذاكر ومراد جاب كرسي وقعد جنبها وقال: مالك
_مش عارفه اذاكر
مراد قام وقال: هعملك فنجان قهوه عشان تفوقي كده
نغم حطت أيدها على خدها وقالت بابتسامه: ماشي
عند غسان وحور
غسان كان بيساعد حور في كل حاجه فكان سندها
حور نامت في حضن غسان وقالت: شكرا
غسان فتح عيونه وقال: على اي
حور بصت لتحت وقالت: النهارده كان اجمل يوم في حياتى
غسان بص في عيونها وقال: اشمعنا
_عشان ماما مش زعلانه منى ولا بابا
غسان باسها على رأسها وقال بوعد: وانا هكون جنبك يا روحى وهعمل كل ما بوسعى عشان تكونى مبسوطه دايما
_وطول ما انت جنبي هكون مبسوطه
_حور حاسه بأي دلوقتى
_طايره من الفرحه
_مش قصدي
حور ضمت حواجبها وقالت: امال قصدك اي
غسان رجع شعرها لوراء وحور عينها اتسعت وقالت: لا لا
_لا اي
حور حضنت غسان جامد أوى ونامت عالطول
غسان قعد يضحك عليها وحط ايدو على رأسها وقال بحب: تصبحي على جنه يا روحى
عند مراد ونغم
_اتفضل يا جميل
نغم مسكت منه فنجان القهوه وقالت بابتسامه: تسلم
مراد قعد على الكرسي وخد منها الكتاب وقال: اي اللى مش فاهمه
نغم خدت بوق من الفنجان وقالت: الجزء الأخير
_طب قربي
نغم قربت الكرسي بتاعها من كرسي مراد وبقت قاعده جنبه
مراد قعد يشرحلها
وفجاه مراد قفل الكتاب وقال: هو عيد ميلادك امتى يا قلبي
_اخر يوم في امتحاناتى
_مش قولتى بعد يومين
_مش يومين يومين يعنى
مراد ابتسم وفتح الكتاب تانى وقال: طب ركزي معايا
نغم حطت أيدها على خدها وقالت: حاضر
وهذا كان حال نغم ومراد كل يوم
بدأت تمر الأيام ليمر أسبوع وايام على ابطالنا
نغم خلصت امتحاناتها ورنت على مراد وقالتلوا أنها رايحه عند أهلها ورجعت الفيلا بليل
_مراد مراد
دخلت جوا وقالت: مراد فينك
وفجاه وصلت رساله لنغم
نغم فتحت التليفون وانصدمت حين قرأت الرساله
محتوي الرساله
(حبيب القلب في فندق**** مع واحده من بتوع البار )
نغم بصدمه: اي٠
