غرور وكبرياء عاشق ج٣ نور حسن
يتبع
بقلم / نور حسنالحلقة 21
الحلقة 22
الحلقة 23
.
.
رواية / غرور وكبرياء عاشق
بقلم / نور حسن
🔴🔴🔴🔴🔴🔴🔴🔴🔴🔴🔴🔴🔴🔴🔵
الحلقة 21
.
#غرور_وكبرياء_عاشق
بقلم / نور حسن
غسان حاول يغير اتجاه الطريق لكن معرفش وفجاه العربيتين دخلوا في بعض لتنقلب عربيه غسان عالطول
كان في ورشه عربيات فيها ناس طلعوا عالطول حين شافوا تلك الحادثه
_رنوا على الإسعاف فوراً
بالفعل واحد من الناس رن على الإسعاف اللى جات خلال عشر دقائق
بعد مرور عشر دقائق
وصلت فعلا عربيه الاسعاف لتاخد غسان وحور وعربيه الشرطه اخدت تلك المجرمين
في فيلا مراد الألفي
نغم كانت قاعده في الجنينه وبتقرا روايه وفجاه سمعت صوت عويل
انتفضت وقالت: اي ده كلب
دخل من الباب كلب وكان بيجري اتجاه نغم
نغم اول ما شافته طلعت تجري عالطول وبدأت تصرخ بأعلى صوت
_اعااااااااا
دخلت في الاوضه اللى جنب المطبخ وقفلت الباب عالطول ومكنتش قادره تاخد نفسها من الخوف
بدأ صوت العويل يزداد ونغم تخاف اكتر
الكلب بقا يخبط على الباب برجله وصوت عويل عالى جدا صادر منه
_مراد فينك مراد
حطت ايدها في جيبها وقالت بابتسامه: الحمدلله أن التليفون هنا
طلعت التليفون عالطول ورنت على مراد
في المصنع
مراد بعصبية: اي التقريرات ده
بص لتحت وقال بارتباك: والله بنعمل اللى في ايدينا كله يا بيه
مراد بصوت جهوري: واضح فعلا
ايدو بدأت ترتعش وكان خايف اوى من القرارات اللى هتصدر من مراد في لحظه غضبه
مراد قام وقال: اجمع كل الموظفين هنا
هز رأسه وقال بخوف لا يحسد عليا: ح حاضر يا بيه
قاطع تلك اللحظه العصيبه رنت تليفون مراد
مراد بزعيق: اطلع برا
طلع عالطول ومراد مسك التليفون وقال بصوت حاد جدا: الو
نغم بصوت مقطع: م مراد مراد
مراد بخضه: نغم
_ساعدنى والنبي
مراد حاول يهدأ وقال: خدي نفس عميق الاول وبعدين قولى في اي
نغم: ____________
مراد بعصبية: نغم ردي عليا
بص في التليفون لقي المكالمه تم إنهاؤها
مراد خد الجاكيت وطلع عالطول
_انت يا زقت
جري عليا عالطول وقال بارتباك: نعم يا بيه
_مش عايز ولا غلطه فاهم ولا لا
هز رأسه وقال بارتباك: ح حاضر
مراد مشي والاخر قال: يا رب ما يرجع تانى
نغم بعصبية: هو ده وقت تفصل فيا
عويل الكلب بدأ يزداد اكتر واكتر وكلما يزداد نغم تموت من الخوف والرهبه
نغم حست بحاجه غريبه بتتحرك تحت رجليها وقالت بارتباك: لا لا يا رب ما يكون اللى في بالى
نغم بلعت ريقها وبصت لتحت لقت فار وقعدت تضحك في الأول وبعدها قعدت تصرخ
طلعت على السرير وقالت بعياط: ينهار اسود ينهار اسود هو اي اللى بيحصل
بعد مرور ربع ساعه تقريبا
مراد وصل ونزل من العربيه عالطول وقال بصوت عالى جدا: نغم نغم
حين سمع الكلب صوت مراد جري عالطول
_نغم نغم
مراد وقف مكانه وقال: روكى
الكلب وقف ومراد جري عليا عالطول وقال بفرحه: روكى
روكى رجع لوراء فهو غضبان من مراد لأنه اتخلى عنه
_روكى لا
روكى طلع يجري على اوضه مراد ومراد بانتهاد: روكى تعالى هنا روكى
نغم سمعت صوت مراد وقالت: مراد مراد
_نغم
بدأ يمشي اتجاه مصدر الصوت ليصل عند الاوضه اللى فيها نغم ليخبط ويقول: نغم
_مراد
_افتحى الباب
نغم بخوف: في فار هنا وفي كلب مش عارفه دخل ازاى
مراد بابتسامه: متخافيش ده روكى هتحبي اوى
نغم بعصبية: احب كلب انت مجنون ولا انت اللى كده
_طب اطلعى عشان نعرف نتكلم
نغم حطت رجليها على الأرض ولكن اترددت عالطول وقالت بخوف: في فار هنا ومش عارفه اطلع
مراد زق الباب برجله لينفتح عالطول
_نزلى يلا
_هات ايدك
مراد مسك أيدها وشدها ليا لتترمي في حضنه
عم السكوت للحظه واخيرا يصدر صوت
_امم انا اسف
نغم بعدت عن مراد وقالت: في كلب برا شوفته
هز رأسه وقال: ده روكى الكلب بتاعي
نغم بقرف: اه
مراد ضم حواجبه وقال بفضول: مالك
نغم بعصبية: انا بخاف من الكلاب اوى والصراحة مقدرش اقعد في مكان في كلاب
_ده بيتى حضرتك
بعد ان قال الجمله ده خد بعضه وطلع
_مستفز
مراد طلع فوق وقال: روكى روكي روكى
فتح الباب وقال بابتسامه: مش وحشك ولا اي
لم يصدر اي صوت من تلك الكلب
مراد راح عنده وقال: ما تيجى نلعب زي زمان
مراد فتح الدرج وطلع كوره وقال: اي رايك
الكلب جري على مراد عالطول وخد الكوره في بوقه
مراد ابتسم وروكى طلع يجري
_استنى مش عالطول كده
نغم كانت واقفه تحت اول ما شافت روكى جاي عليها قعدت تصرخ
روكى وقع الكوره من فمه وبص لنغم بنظرات تخوف اوى
نغم بلعت ريقها وقالت: مراد مراد
مراد نزل وقال:في اي
روكى جري على نغم وبدأ يمزق هدومها
مراد شد روكى بالعافيه وقال:روكى روكى
كان صوت عويله عالى اوى وكان غيران على صديقه (مراد) من نغم
مراد راح عند نغم وقلع الجاكيت وحطوا على كتفها وقال: انا اسف
نغم مسكت الجاكيت ورمتوا على الأرض وقالت بعصبية: اي القرف ده
بعد ما قالت كده خدت بعضها وطلعت فوق
مراد بص لروكى بغضب وقال بحده: شكلك عايز تروح لمصطفى تانى
الكلب لم يفهم كلام مراد ولكن مراد علموا شويه حركات بتعمل على التواصل بينهم بشكل سريع
روكى راح عند مراد وقعد على الأرض
مراد خد نفس عميق وقال: نغم زعلت اعمل اي دلوقتى
في المستشفي
حطوا كل من حور وغسان على ترولى وكانت حاله غسان سيئه نوعا ما على عكس حور اللى حدث ليها شويه خدش
_ده غسان بيه
_نعمل اي يا دكتور
_حامد مسافر اليومين دول رن على المدام عفاف
هز رأسه وقال: حالا يا دكتور
دخلوا غسان اوضه العمليات وحور في اوضه عاديه وبدأت ممرضه تعقم ليها الجروح البسيطه جدا
في منزل عائله السيوفي
التليفون الارضي رن
_رهف رهف
عفاف طلعت من المطبخ ومسكت التليفون وقالت: الووو
الشخص:___________
التليفون وقع من ايد عفاف وكانت في حاله صدمه
رهف كانت نازله على السلم وقالت: ماما انتى بتنادي عليا
_غسان اخوكى
رهف نزلت عالطول وقالت بخوف: مالو
_اخوكى عمل حادثه يا رهف
رهف بصدمه: اي
عفاف طلعت تجري عالطول وقالت بزعيق: ابراهيم إبراهيم
_ابراهيم خد ريناد من بدري يا ماما
_فين عربيتك
_برا
عفاف مسكت ايد رهف وقالت: لازم نروح المستشفي فورا
رهف هزت راسها وطلعت مع عفاف ليركبوا العربيه
في الطريق
_استعجلى يا رهف
_ماما انا بخاف من السرعه وغسان اتخانق معايا قبل كده
عفاف حطت أيدها على فمها وقالت: كله من اللى اسمها حور هي السبب في اللى حصل
_ماما اي الكلام اللى بتقولى ده
_ايوه هي السبب البت ده اول ما دخلت حياتنا والمشاكل نازله علينا زي المطر
_ماما ده قضاء وقدر مينفعش تقولى كده وبعدين حور مع غسان اكيدا حالتها خطيره دلوقتى
_يا ريت ونخلص من وشها
رهف هزت رأسها وقالت في سرها: انا مش عارفه بتكر”هي حور كده ليه
في المستشفي
الدكتور كان بيعمل تدليك لغسان وقال: المريض فقد دم كتير اوى
_يعنى هنحتاج دم يا دكتور
هز رأسه وقال: لا والحمدلله انه استجاب
_بس دراعه يا دكتور
قلع الكمامه وقال: لازمة جبيره (جبس) ضروري لان دراعه اتكسر للاسف
هز رأسه وقال: تمام يا دكتور
عند حور
بدأت تفوق وقالت بكلام مقطع: غ غسان غسان
حور فتحت عينها وشافت الممرضه وقالت: غسان
الممرضه ابتسمت وقالت: حمدالله على السلامه
حور حاولت تقوم لكن مقدرتش
الممرضه حطت أيدها على ظهر حور وقالت:اهدي مينفعش تتحركى دلوقتى
حور زقت الممرضه وقالت: اسكتى انا بخير
_والله غسان بيه بخير حصل كسر في دراعه مش اكتر
حور بصدمه: اي
_متخافيش كسر في دراعه وهيعمل جبيره (جبس)
عفاف بانتهاد: غسان غسان
عفاف دخلت وقالت بعصبية: عملتى في ابنى اي انطقي
حور بصدمه: خالتى عفاف انتى بتقولى اي
_مش عايزه اسمع صوتك
عفاف بصت للممرضه وقالت: ابنى فين
الممرضه حطت ايدها على كتف عفاف وقالت: اهدي يا مدام عفاف ابنك بخير
عفاف زقتها وقالت: في غرفه كام
_في الطابق اللى فوق غرفه ١٢٨٩
عفاف طلعت عالطول وحور زعلت اوى من كلام عفاف
الدكتور طلع وعفاف جرت عليا عالطول وقالت وهي بتاخد نفسها: ابنى ابنى يا سليم
_اهدي يا عفاف ابنك بخير حصل كسر في دراعه مش اكتر
قعدت على الكرسي وقالت: كان مستخبي فين ده بس
(ملحوظه سليم ابن خال عفاف وكان بيحبها اوى)
قعد جنبها وقال: والله بخير تحبي تدخليلوا
عفاف مسحت دموعها وقالت: ينفع
هز رأسه وقال بابتسامه: ينفع
بعد شويه عفاف دخلت لغسان اللى حالته بدأت تتحسن نوعا ما
قعدت على الكرسي ومسكت ايد غسان وقالت: انا خفت عليك اوى لدرجه خفت تروح منى
كانت بتتكلم والدموع نازله من عينها
غسان بدأ يفوق وقال: ح حور ح حور
لما سمعت غسان قال كده الغضب عم عليها عالطول وقالت بعصبية: حور حور احنا مش هنخلص من البنت ده
غسان فتح عينه وقال بابتسامه: ماما
عفاف وهي ضاغطه على سنانها: كويس انك افتكرت ان ليك ام
غسان بعدم فهم: مش فاهم تقصدي اي
مسكت ايدو وقالت بابتسامه: اخبارك اي دلوقتى
هز رأسه وقال: بخير متخافيش عليا
عفاف بصت على دراع غسان وقالت: متاكد
غسان بص على دراعه أيضا وقال: وقعت على دراعى للاسف المهم حور أخبارها اي
_بخير متقلقش عليها
_طب هي فين
_تقصد اي بكلامك ده يا غسان
_ماما قبل ما العربيه تنقلب انا زقيت حور واعتقد أنها بخير
عفاف قامت وقالت بغضب واضح جدا: مش هتاخر سلام
الدكتور سليم دخل بعدها وقال: اي الأخبار
_بخير
_بس حالتك الحمدلله اتحسنت وممكن اكتبلك على خروج بس يا ريت الالتزام باللى هقوله يا غسان
غسان خد نفس عميق وقال: تمام
الدكتور قال شويه ارشادات لغسان وقال: امجد امجد
دخل عالطول وقال: نعم يا دكتور
_ساعد غسان عشان يقوم
غسان رفع ايدو وقال: انا مش ضعيف اوى كده
سليم أبتسم وقال: بلاش شغل العند ده يا غسان
غسان قام ووقف عادي جداً وقال: متقلقش انا بخير
ضم دراعه لصدره وقال: ده دراعى بس الحمدلله رجلى مفيهاش اي حاجه
_الحمدلله
غسان طلع وعفاف بعصبية: انت مجنون يا غسان ازاى تطلع لوحدك
_ماما أهدي انا بخير
_وانت مستعجل كده ليه طب كنت اقعد لحد بليل على الاقل سليم يطمن عليك
غسان حط ايدو السليمه على خدها وقال: متقلقيش والله بخير
_طب تعالى نرجع البيت
_هي حور في غرفه كام
عفاف اتعصبت اوى وقالت: انت خايف عليها كده ليه
غسان بلامبالاه: مش مراتى
حين قال تلك الكلمه عفاف اتصدمت وفهمت حاجات كتير اوى لتلك الكلمه
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 22
.
#غرور_وكبرياء_عاشق
_وانت مهتم بيها كده ليه
غسان بلامبالاه: مش مراتى
عفاف كانت في حاله صدمه وفكرت في مليون حاجه لما غسان قال كده
_ماما بتفكري في اي
عفاف هزت راسها وقالت بابتسامه: لا ولا حاجه حور في الطابق اللى تحت
غسان هز رأسه وقال: طب يلا
_هسال على حاجه كده وهاجى وراك
_هتسالى على اي
عفاف وهي ماشيه: مش هتاخر
غسان خد نفس عميق ونزل فعلا
في الغرفه اللى فيها حور
الممرضه كانت بتقيس ضغط حور وحور قالت بهدوء: انا بخير انتى مش مقتنعه ليه
_عارفه انك بخير
_خلاص سبينى اطلع
_مش انا اللى بحدد الدكتور هو اللى بيحدد على العموم الدكتور فوق بيشوف حالتين وهينزل عشان يكتبلك على خروج
وقتها غسان وقف عند الباب والإبتسامة اترسمت على وجهه حور حين رأت غسان الابتسامه اترسمت على وجهها أيضا
الممرضه خدت الأدوية اللى كانت محطوطه جنب حور وطلعت
حور انعدلت وغسان دخل وقال: اخبارك اي دلوقتى
حور بابتسامه: الحمدلله بخير وانت أخبارك اي دلوقتى
غسان هز رأسه وقال: متقلقيش عليا
حور بغباء: ومقلقش ليه
غسان ضم حواجبه وقال باستغراب: نعم
حور بارتباك: اقصد انت نقذتنى
غسان قاطعها وقال: خلاص خلاص أهدي
حور بصت لتحت وكانت مكسوفه اوى من غسان
_غسان غسان
(قالت اسمه بكل خوف ورهبه)
غسان التفت وقال:ريناد
ريناد جرت عليا وحضنته جامد اوى وقالت بعياط: كنت هموت لما ماما قالتلى انك عملت حادثه
غسان حط ايدو على خدها وقال بحب: انا بخير متخافيش
ريناد بعدت عنه وقعدت تحب فيا
غسان زقها وقال: اي القرف ده
ريناد بحزن: اخص عليك بقا انا خايفه عليك وفي الاخر تقولى اي القرف ده
غسان خدها في حضنه وقال: ما انتى عارفه انى مبحبش ام المحن ده
ريناد حضنته جامد اوى وقالت: الحمدلله انك بخير
_متغيرتيش يا بت
بعدت عنه ومسحت دموعها وقالت: ازاى
غسان بابتسامه خفيفه: لسه بتخافي عليا
_مين اللى رباك يا غسان ومين اللى كان بيوديك المدرسه ده انا كنت امك
غسان أبتسم وقال:فعلا يا ماما
حور افتكرت نغم وقالت في سرها: وحشتينى اوى يا صغيرتي
_حور أنا اسفه نسيت اقولك ألف سلامه
حور هزت راسها وقالت:لا يا قلبي ولا يهمك
(لما حور قالت لريناد يا قلبي غسان غار اوى ومكنش عارف ليه غار كده لما حور قالت لريناد يا قلبي)
الدكتور دخل وقال: خلاص يا غسان تقدروا تطلعوا
غسان هز رأسه ومد ايدو لحور
حور ابتسمت وقالت: انا هقوم لوحدي شكرا
غسان مسك أيدها وقال: مش وقته شغل عند يا حور
حور بصت في عيون غسان وقالت بفرحه : حور
_امال اسمك اي (قالها وهو مستغرب جدآ)
حور هزت رأسها وقالت بعدم تركيز: زفته اقصد حور
غسان قعد يضحك عليها وقد اي كان حلو حين ضحك
حور سرحت في جماله لما ضحك خصوصا الغمازتين اللى بيظهروا لما يضحك
_حور حور زفته
حور فاقت من العالم اللى سافرت ليا عندما رأت ضحكت تلك المغرور
حور حطت أيدها في أيد غسان والاتنين حسوا بشعور غريب اوى حين تلامست أيديهم
حور قامت فعلا وغسان حط ايدو السليمه على ضهرها وقتها ريناد فرحت اوى ولم تبرز تلك الفرحه
طلعوا كلهم وركبوا العربيه وإبراهيم اللى كان سايق بيهم
_جبتى اي لأمير يا ريناد
_انت مجنون يا غسان مش شايف حالتك عامله ازاى
_قولتلك بخير وبعدين مقدرش ازعل امير مهما حصل
_نأجلها بكره يا غسان اهم حاجه راحتك
_وراحتى من راحه امير يا ريناد ومش عايز نقاش كتير
خدت نفس عميق وقالت: عنيد وهتفضل طول عمرك عنيد
_طب كويس انك غيرتها
_غيرت اي
_مغرور
_لا ما ده الصفه الأساسيه فيك
_شكرا يا كبيره
ريناد ببرود: العفو
في فيلا مراد الألفي
فتحت الحنفيه وبدأت ترش المياه على جسمها وقالت بعصبية: اي القرف ده
_انا بقرف من الكلاب اوى والكلب ابن الكلب بكل سهوله قعد يقطع في هدومى
مسكت المنشفه وبدأت تمسح وشها ودراعتها وكانت قرفانه من نفسها اوى
تليفون نغم رن
نغم طلعت عالطول ومسكت التليفون على امل والدها اللى بيرن
الفرحه اتحولت الى حزن وقالت: مش عايزين يسألوا عليا ليه حتى حور زعلانه منى والله انا عملت الصح مكنش في حل غير كده
التليفون رن تانى
نغم فتحت التليفون وقالت: عامله اي يا رحمه
_الحمدلله بخير اخبارك اي مش بتيجى المدرسه ليه
_بخير والله ظروف
_على فكره الامتحان الاسبوع الجاي
نغم بصدمه: هو النهارده اي
_النهارده السبت
_يعنى امتحان اخر السنه السبت الجاي
هزت رأسها وقالت: ايوه
نغم قفلت التليفون عالطول وقالت: ينهار اسود انا نسيت كل حاجه اعمل اي دلوقتى
نغم نزلت تحت عالطول وقالت: مراد مراد
لقت باب المكتب مفتوح راحت عالطول وقالت: مراد انت هنا
كان قاعد على الكرسي وفاتح الكمبيوتر وشغال من البيت
_الامتحان الأسبوع الجاي ومش فاكره اي حاجه
مراد:_________
نغم راحت عنده وقالت: مراد بقولك الامتحان الاسبوع الجاي ومش فاكره اي حاجه في المنهج
مراد ببرود: وانا مالى
نغم بعصبية: مالك ازاى انت مجنون
قفل الكمبيوتر وبص لنغم وقال بكل برود: ايوه انا مالى
نغم بارتباك: لازم احضر المراجعات
_والمقابل
حين قال تلك الكلمه الغضب عم على نغم وقالت: عمرك ما هتتغير يا زباله
مراد قبض ايدو وقال: الافضل ليكى تطلعى فورا
نغم فضلت واقفه مكانها وكانت بصه لمراد بنظرات مقززه اوى
مراد بصوت جهوري: اطلعى برا
نغم طلعت عالطول وقالت بعصبية: حيوان شخص زباله
بعد مرور اربع دقائق تقريبا
نغم راحت لمراد تانى وقالت: انا والله في ثانوي عام ومينفعش كده
_ما قولتلك المقابل اي وحضرتك بكل لسان غلطتى فيا
نغم بصت لتحت وقالت وهي ضاغطة على سنانها: اللى انت عايزو
مراد قام وابتسم ابتسامه خبيثه
_دكتوره
رفعت عينها وقالت بعدم فهم: دكتوره
هز رأسه وقال: عايزاه تكملى اطلعى دكتوره
_اي الهبل ده انت شارب حاجه يا بنى ادم انت
مراد قعد على الكرسي تانى وقال: قولت اللى عندي والقرار قرارك دكتوره ولا تقعدي احسن
_انا هعمل اللى عليا
_مش حضرتك في تانيه وبعد ما تخلصي الامتحانات ده هتدخلى تالته
_اه
_هتعدي السنه ده ان شاء الله وسنه تالته اللى هتحدد إذا كان هتكملى ولا لا
_يعنى اي مش فاهمه
مراد راح عندها وبدأ يلف حواليها وقال: يعنى لو مجبتيش مجموع الطب مش هتكملى اعتقد وصلت كده
نغم بصتله وقالت: اي الظلم ده
_والله ده اللى عندي انتى حره بقا
نغم خدت نفس عميق وقالت:استنى عندك انت ناسي وعدك ليا ولا اي
_وعد اي مش واخد بالى
_جوازنا ثلاث شهور بس
مراد طلع سيجاره وقال: لا ما انا غيرت رايي مش قولتلك كده بردو
_يعنى اي
_يعنى هتفضلى مرات مراد الالفي لحد اخر نفس في حياتك
نغم باندفاع: انت مجنون ولا اي
_معتقدش انك هتلاقي شاب زي (قالها بكل غرور وكبرياء).
_وانا مش عايزه شخص زيك
_انا دافع قد كده لابوكى متخلنيش أتراجع وساعتها ابوكى هياخد اكتر من ١٥ سنه سجن
وقتها نغم خافت على والدها اوى وقالت: وانا ان شاء الله هقعد معاك كل ده على أساس اي.
_ممكن نحب بعض مفيش حاجه بعيده بردو
_انا احب واحد زيك مستحيل مش انت اللى تدخل دماغى.
_امال مين اللى يدخل دماغ حضرتك الاستاذ شريف
نغم بارتباك: شريف شريف
_مالك خوفتى كده ليه
_لا مش خايفه وبعدين هخاف من اي
_قولى لنفسك
_طب اسمع انا عايزه اروح المراجعات عشان الحق أراجع اللى فاتنى
_انا مش هسالك على تقديرك السنه ده بس قسما عظما
نغم قاطعته وقالت: دكتوره ان شاء الله دكتوره (قالت كده وهي ضاغطه على سنانها)
مراد بابتسامه ساحره:شاطره
_هروح من بكره
مراد هز رأسه وقال: مش هتروحى
الغضب عم على نغم وقالت: بقولك الامتحان كمان اسبوع وحضرتك تقولى مش هتروحى
مراد خد التليفون وقال: هجبلك أساتذة على اعلى مستوى
نغم ابتسمت وقالت: طب بقولك
مراد وقف مكانه وقال: اخلصي
نغم راحت عنده وقالت: طب ما تخلى الاساتذه ده في سنه تالته بما انى هفضل مرات حضرتك
مراد بعصبية: أستغفر الله العظيم
نغم بلعت ريقها وقالت بخوف: في اي طيب
_انتى مش قولتى عايزه تحضري المراجعات وانا قولتلك هجبلك اساتذه هنا
_طب طب وتالته
مراد حط ايدو على كتفها وقال: سبيها بظروفها
ثم قال وهو ضاغط على سنانه: عن اذنك
نغم مسكت دراعه وهو قال بعصبية: في اي تانى
_انت رايح فين وهتسبنى مع الكلب المتوحش ده
_لا متخافيش روكى هادي
_هادي ازاى يا عم انت مشوفتش عمل فيا اي
_بقولك اي انا ورايا شغل كتير مش ناقص ام الغباء ده سلام
مراد مشي ونغم بعصبية: والله ما حد غبي الا أنت
ثم قالت بخوف: انا مش هعرف اخد راحتى طول ما الكلب ده موجود
نغم طلعت من المكتب ولقت روكى قاعد بياكل بلعت ريقها وبدأت تمشي براحه اوى
ظهر صوت عويل مفاجا مما جعل نغم تصرخ
نغم طلعت على فوق عالطول وروكى كانت نظراته لتلك المجنونه مرعبه فهو بيغار على مراد اوى
نغم قفلت الباب عالطول وقالت: كنت عايزه انتقم من مراد بس ازاى طول ما الكلب هنا مش هعرف اعمل اي حاجه
في قصر عائله السيوفي
نزلوا من العربيه وغسان قال: على المصنع يا إبراهيم
حور حين سمعت غسان بيقول كده وقفت مكانها وقالت: غسان بيه انت بتقول اي
_انا بخير متقلقيش
عفاف بعصبية: مش هتروح المصنع يا غسان
غسان نزل من العربيه ومسك ايد عفاف وقال: ماما متقلقيش انا بخير
بصت على دراعه وقالت: انت بتقول اي بس دراعك مكسور ولازم ترتاح سليم قال كده
_هاخد بالى متخافيش
عفاف شهقت وخدت بعضها ودخلت جوا
_خالتى عفاف معاها حق مينفعش تروح المصنع كده
_وانا قولت انى بخير عن اذنك
غسان ركب وقال بصوت حاد جدا: على المصنع يا ابراهيم
بص في المرايه وقال: حاضر يا بيه
طلع فعلا وحور إشتاقت لنغم اوى وقالت بتردد: اروح ما انا هموت وأشوفها
حور بعد اقتناع: هروح واللى يحصل يحصل
حور افتكرت غسان لما هان كرامتها وخلاها تمسح جزمته لما طلعت من وراء
_بس انا عايزه اشوفها
عفاف سمعت حور وقالت بتمثيل: عايزه تروحى فين يا بنتى
حور استغربت كلامها وقالت: كنت عايزه اشوف اختى بس خايفه من غسان
عفاف بابتسامه تحمل الدمار: لا يا حبيبتى روحى
حور:بس
عفاف حطت أيدها على كتف حور وقالت: انا مين
_مش فاهمه
_مش انا حماتك وام غسان صح ولا انا غلطانه
حور هزت رأسها وعفاف قالت بابتسامه: متخافيش هرن على غسان وهقوله
_لا يا خالتى غسان ممكن يزعق
عفاف بتمثيل الحزن: شكلك مش واثقه فيا يا حور
حور مسكت أيدها وقالت: واثقه طبعا بس كان قصدي٠٠٠٠٠
عفاف قاطعتها وقالت: روحى وانا هقول لغسان وبعدين غسان ميقدرش يقصر ليا كلمه
حور ابتسمت وقالت: شكرا اوى انا مش عارفه اقولك اي
عفاف خدتها في حضنها وقالت في سرها: ده انا اللى شكرا يا حور انتى متعرفيش غسان هيعمل اي لما يعرف انك طلعتى
عفاف بعدت عنها وقالت: خلاص روحى يا قلبي متخافيش
_عن اذنك
_اذنك معاكى يا حبيبتي
(قالت الكلام ده وهي حامله شر وغل لا يحملوا أحدا)
حور طلعت على الطريق العام ووقفت عربيه وركبت فيها متجها إلى فيلا مراد
في المصنع
مراد دخل وقال:انت يا زفت
كان بيشرب وحين سمع صوت مراد قعد يكح وقال: رجع امتى بس
_فينك يا زفت
جري عليا عالطول وقال بارتباك: انا انا اسف يا بيه
_كل ده عشان ترد انت ناسي نفسك ولا اي يا حلو
بص لتحت وقال: انا اسف يا بيه
مراد خد نفس عميق وقال: جمعت كل الموظفين ولا لسه
قال بارتباك: ما حضرتك مشيت قولت خلاص بقا
مراد قبض ايدو والآخر خاف اوى من قبضت ايدو وقال بخوف شديد: حالا والموظفين هيكونوا عندك
مراد بصوت جهوري: امشي من قدامى
طلع يجري عالطول والاخر طلع الدور اللى فوق
(الخاص بمراد وغسان)
قلع الجاكيت وحطه على الكرسي وقعد بكل برود أعصاب
الباب انفتح ومراد بعصبية: انت ازاى تفتح الباب من غير ما تخبط يا حي (حيوان)
سكت حين رأي غسان
غسان أبتسم وقال: حيوان قولها سكت ليه
مراد راح عند غسان وقال بخوف لا يري احد بين الأصدقاء الا الأوفياء فقط
_غسان اي ده وازاى حصل كده وعملت حادثه امتى وازاى مترنش عليا وتقولى حاسس بيا دلوقتى قولى انك بخير قولى
غسان قعد يضحك وقال: اقولك ازاى وحضرتك نازل اسئله
مراد بغضب: انت بتضحك ده انا قلبي هيقف
غسان أبتسم وقال: بخير يا صاحب العمر
مراد بعدم اقتناع: لا مش بخير واكبر دليل دراعك
_يا ابنى ده كسر عادي يعنى
_جبروت وهتفضل طول عمرك كده
غسان رفع حاجب وقال: قولت اي يا حنين
قعد على الكرسي وقال: جيت ليه وبعدين مينفعش تطلع وحالتك كده
غسان قعد على الكرسي أيضا وقال: وحشتني
_محن كداب
غسان بتمثيل الحزن: يعنى انا كداب يا مراد
_فكك من القرف اللى بنعملوا ده وشوف ام الموظفين دول
غسان حط رجل على رجل ورجع راسه لوراء وقال: وانت وظيفتك اي يا حنين
_حنين وظفتى انى اكون حنين يعنى ماليش في العصبيه والنرفزه بتاعت حضرتك
(قال كده وهو متعصب اوى من كلام غسان )
_بهزر معاك انت قافش اوى
_صحيح هتعمل اي لأمير
_بفكر في *******
_ده لسه صغير
_باسم ريناد ان شاء الله ولما امير يكبر يتحوله
_اممم اللى تشوفه
الباب خبط
_ادخل
فتح الباب وقال: جمعت كل الموظفين يا مراد بيه
مراد بص لغسان وقال: هو البيه تلاجه ولا انا مش واخد بالى
بص على غسان وقال بخوف شديد اوى: انا انا اسف والله ما شوفت حضرتك سامحنى يا بيه
_خلاص اهدا حصل خير وبلاش تكبر الموضوع اوى كده
_واحد ليمون
هز رأسه وطلع عالطول وغسان قال باستغراب: ومن امتى بتشرب عصير ليمون
_من النهارده ثم كمل: بقا المغرور يقول لحتت موظف خلاص اهدا حصل خير
_كنت عايزنى اعمل اي
مراد قام وقال: لا والنبي خليك كده انا عايزك كده عالطول اوعك تتغير
_يومين كده وهرجع غسان اللى تعرفه
_المغرور يعنى
_يخربيت ام الكلمه ده انت شايفنى مغرور يعنى
مراد بصوت واطى جدا: مش انا لوحدي كل الناس شيفاك كده
_بتقول حاجه
هز رأسه وقال: لا لسمح الله
_بحسب
في فيلا مراد الالفي
حور نزلت من العربيه وقالت: ايوه هي ده الفيلا
عطت الراجل الأجره ودخلت عالطول
_على فين يا مدام
نغم كانت قاعده على كرسي في البلكونه وفجاه عينها جت على حور وقالت بفرحه: حور حور
نزلت عالطول ولقت روكى في وشها
_اهدا كده من زمان مشوفتش اختى
روكى كأنه عرف نغم قالت اي وسمع كلامها ومشي
نغم بهبل: انت لطيف اوى
ضربت راسها بايدها وقالت: حور
طلعت عالطول وقالت بصوت عالى: حور
حور شافتها والابتسامه اترسمت على وشها وقالت: نغم
جرت عليها عالطول وحضنتها جامد اوى وقالت: كان عندي احساس بيقولى انك هتيجى في يوم
هزت رأسها وقالت بعياط: وحشتينى اوى
نغم بعدت عنها ومسحت دموع حور وقالت بشوق: وانتى واحشنى اوى يا بابا وماما واخويا
_كل ده
_اكتر من كده كمان
ثم قالت: اي الخدش اللى في وشك ده
حور هزت رأسها وقالت: متخافيش حادثه بسيطه
_متاكده (قالتها بشك)
_متخافيش يا روحى انا بخير
_الحمدلله
حور باستغراب: هنفضل واقفين كده كتير
نغم ابتسمت وقالت: تعالى نقعد في الجنينه هتعجبك اوى
حور راحت مع نغم وقعدوا على الكراسي اللى محطوطه قدام حمام السباحه
_اي رأيك
_اكيدا نزلتى فيا
_الصراحه مرتين
حور ابتسمت ونغم مسكت أيدها وقالت: ماما وبابا عاملين اي متعرفيش اي اخبار عنهم
_الحقيقه معرفش اي حاجه
نغم بصت لتحت وقالت بحزن شديد: اه
حور رفعت راس نغم لفوق وقالت: اي رايك نروح ونقضي اليوم كله هناك
نغم من غير تفكير: موافقه طبعا
_خلاص قومى غيري هدومك وانا هنتظرك تحت
نغم قامت عالطول وحور ضمت ايدها لبعض وكانت سقعانه اوى فالجو كان بارد اوى
نغم طلعت فوق وكانت فرحانه اوى وقالت: البس اي
وسرعان تلك الفرحه اتحولت إلى خوف
_يا تري بابا وماما لما يشوفونى هيقولوا اي
ليس والدها والدتها فقط بل مراد
نغم مسكت التليفون وقالت بتردد: ارن ولا لأ
نغم باقتناع: وارن ليه هو بيقولى رايح فين عشان اقوله
نغم طلعت فستان لونه ازرق ودخلت الحمام
بعد شويه نغم طلعت وحرفيا كانت حلوه اوى خصوصا ان لون عينها زي لون الفستان
نزلت تحت وقالت: حور انا جاهزه
حور قامت وقالت: مين القمر ده
نغم ابتسمت وقالت: محدش قمر الا انتى يا قلبي
_طب يلا يا بكاشه
نغم مسكت ايد حور وقالت: انا خايفه من رد فعل بابا وماما يا حور
حور حطت أيدها على خدها وقالت: بالعكس دول هيفرحوا اوى
نغم بعدم اقتناع: تفتكري
هزت رأسها وقالت: متاكده كمان
نغم خدت نفس عميق وقالت: خلاص ماشي
_نغم انتى قولتى ل **** حور نست اسم مراد وقالت كان اسمه اي
نغم بعدم فهم: مين
_اللى اتجوزتيه
_اه قصدك على مراد مالو
_يعرف انك طالعه
نغم بارتباك: اصلا اصلا
_اصلا اي يا نغم
نغم بكدب: ايوه قولتلوا وقالى ماشي
حور بعدم تصديق: مش مصدقه
نغم طلعت التليفون من الشنطه وقالت: ارن عليا يعنى عشان تصدقي
حور مسكت أيدها وقالت: مصدقه طبعا
نغم بارتياح: مش يلا ولا اي
_يلا يا ام لسان
_حور متقوليش ام لسان ده تانى
_حاضر يا ام لسان
نغم بعصبية: حورررر
_خلاص خلاص انا اسفه
عند غسان ومراد
تليفون غسان رن
مسك التليفون وقال باستغراب: ريناد
فتح التليفون وقال: في حاجه يا رينو
_بقولك اي
_اي
_ياسر نازل بكره خلى الإحتفال بعيد ميلاد امير بكره احسن
_هو ياسر لسه منزلش مش كنتى قياله قبل كده انه هينزل
ريناد بارتباك: الصراحه كدبت عليك
_وعملتى كده ليه
ريناد بلامبالاه: انا وتيته عايزين نقربك من حور والصراحه عايزينك تحبها
غسان بصدمه: اي
.
🔴🔴🔴🔴🔴🔴🔴🔴🔴🔴🔴🔴🔴🔵
الحلقة 23
.
#غرور_وكبرياء_عاشق
ريناد بلامبالاه: الصراحه انا وتيته عايزينك تقرب من حور وتحبها
غسان بصدمه:اي
ريناد انصدمت من اللى قالتوا وقالت بارتباك: هو انا قولت اي
غسان بصوت حاد جدا: قولتى انا وتيته عايزينك تقرب من حور وتحبها
ريناد حطت أيدها على شعرها وبدأت تمشي أيدها عليا وقالت وهي ضاغطه على سنانها: اي اللى انا قولته بس
_ريناد
ريناد بابتسامه: ههه كنت بهزر متخدش على كلامى انا واحده مجنونه
_ريناد انتى
وفجاه الخط فصل
غسان بعصبية: ريناد
قفلت التليفون ورمتوا على السرير وقالت بتفكير: اكيدا لما غسان يوصل هيسالنى وهيبدا تحقيقات انا مش عارفه ازاى قولت كده
غسان حط التليفون على المكتب وكان متعصب اوى
مراد بفضول: مالك
غسان طلع سيجاره وقال: مفيش
مراد بتريقه: هههه مش عليا
_ريناد وتيته متفقين مع بعض عليا
مراد بعدم فهم: متفقين ازاى مش فاهم
_عايزنى اتقرب من حور وأحبها
_ومالك زعلان كده ليه وبعدين هتفضل لحد كده امتى يا ابنى شعرك بقا أبيض (قالها وهو بيتريق)
_ماشي يا حنين
مراد بعصبية: بلاش كلمه حنين ده الله يخليك
غسان بعناد: من عيونى يا حنين
مراد من غير ما ياخد باله من الكلمه الاخيره: تسلميلى عيونك
ثم قال بعصبية: قوم من هنا ياض قوم
_اهدا طيب كده غلط عشان صحتك
مراد لف بالكرسي واتعصب اوى من تلك المغرور
في قصر عائله السيوفي
نرمين دخلت وهي حامله الشر والد”مار لحور منير الهواري
_نرمين فينك يا بنتى مختفيه بقالك يومين
_ماما كانت تعبانه شويه
عفاف بانتهاد: ودلوقتى
نرمين بابتسامه: الحمدلله بخير المهم فين تيته وغسان فين وحور والكل فين
عفاف استغربت اوى وقالت: غسان راح المصنع وماما في اوضتها
نرمين بخبث: طب وحور فين
_عن اذنك
عفاف مشت ونرمين ضمت أيدها لبعض وقالت بسعاده: انا كده اتاكدت ان المدام عفاف بتكره حور اوى
نرمين طلعت فوق وقالت: يا تري حور فين ممكن تكون في اوضتها
بصت حواليها واتجهت إلى اوضه غسان لتفتح الباب وتدخل عالطول
_زي ما انت يا سونو متغيرتش بتحب اللون الأسود
(طبعا اوضه غسان كلها باللون الاسود لو فاكرين 🖤٠٠)
كان في صوره لغسان محطوطه على الحيطه نرمين راحت عندها وحطت أيدها عليها وقالت: انت ليا انا وبس وحور كلها يومين وهتغور من وشنا
_انتى بتعملى اي هنا
نرمين انتفضت وقالت بارتباك:س سماح
_البيه لو عرف انك دخلتى اوضته مش هيسكت
نرمين راحت عندها وقالت: ليه
_البيه مش بيحب حد يدخل أوضته يا ريت تطلعى
نرمين مسكت أيدها ولفتها وراء ضهرها لتتالم سماح
_انتى متعرفيش انا مين ولا اي
سماح مكنتش قادره وقالت بصوت مقطع: هتكسري ايدي
نرمين زقتها وقالت: المره الجايه هكسرها فعلا
بعد ما قالت كده طلعت وسماح مسكت أيدها وقالت: ده مجنونه شكلها
في منزل منير الهواري
حور نزلت ونغم قالت: حور بلاش
حور مسكت أيدها وقال: انا قولتلك اي صدقينى هيفرحوا اوى
نغم هزت رأسها ووقفوا عند الباب ونغم كانت خايفه اوى من رد فعل والدها ووالدتها لما يشوفوها
حور رنت الجرس
بعد شويه
_شكلهم مش هنا
_نغم اهدي
حور قعدت ترن الجرس واخيرا ثريا فتحت الباب وقالت بفرحه: حور ونغم
_كل ده عشان تفتحى الباب
_كنت بصلى الظهر يا روحى
_تقبل منك يا ست الكل
_اتفضلوا
حور دخلت ونغم فضلت واقفه وبصه لتحت وقد اي كانت مكسوفه من والدتها
_نغم ادخلى ماما اتكلمى معاها
ثريا دخلت ومقالتش لنغم اي حاجه
الدموع نزلت من عينها وحور مسحت دموعها وقالت وهى بتهز راسها: مع الوقت هينسوا والله
_ادخلى يا حور
قالتها ثريا بكل حده ثم بصت لنغم وقالت: وانتى كمان
نغم قعدت تعياط وثريا مقدرتش تشوف دموعها وقالت: خلاص خلاص حقك عليا
نغم حضنتها جامد اوى وقالت بعياط: انا اسفه يا ماما حقك عليا
_اششش خلاص
حور ابتسمت ومنير قال بحده: بتعمل اي البنت ده هنا
نغم بعدت عن ثريا وراحت لوالدها وقالت: بابا انا
قاطعها وقال بصوت جهوري: انا مش ابوكى
نغم بصت لحور اللى قالت: بابا مينفعش كده وبعدين نغم عملت كده عشانكم
ثريا بعدم فهم: تقصدي اي يا حور
حور مسكت ايد نغم وقالت: ماما نغم عملت كده عشان بابا لو مكنتش عملت كده كان بابا هيقضي حياته في السجن
ثريا حينها أدركت كل حاجه وقالت: يعنى بنتى اتجوزت مقابل الفلوس صح يا حور
حور:_______
ثريا راحت عند حور وقالت: يعنى بنتى باعت نفسها عشان الفلوس
حور هزت رأسها وقالت: بالعكس يا ماما المفروض تكونى فخوره ببنتك ده عملت كده عشان بابا مش عشان الفلوس.
_انتى بتقولى اي يا حور
نغم مسكت ايد ثريا وقالت: مقدرش اشوف حد فيكم بيتالم يا ماما
ثريا هزت رأسها والدموع كانت نازله من عينيها واخيرا خدت نغم في حضنها وقالت: انا آسفه يا روحى مكنتش اعرف انك عملتى كده عشان ابوكى
_انا اللى اسفه كان لازم اقولك قبل ما اعمل كده
حور راحت لمنير اللى كان واقف في صمت غريب
حور مسكت ايدو وقالت: بابا انا عارفه انك مش زعلان من نغم انت خايف عليها مش اكتر
ثم كملت: نغم قالتلى انها اتجوزت مراد عشانك والشاب طلع طيب ومحترم اوى
منير بصلها وقال: بيحب واحده تانيه يا حور وواخد نغم عشان يخلى التانيه تغار
_نغم مقالتش كده يا بابا حتى اسالها
نغم بصت لمنير وبعدها بصت لتحت وكانت مكسوفه من أبوها اوى
راح عندها وقال بابتسامه: اول مره اعرف انك واعيه كده مش البنت الطايشه اللى عارفها
نغم قعدت تضحك ومنير خدها في حضنه وقال: بنتى حبيبتي
حور ابتسمت وقالت: مش كفايه كده
نغم بعدت ومسحت دموعها وقالت: ماما انا عايزه اكل مكرونه بالبشاميل من إيدك
ثريا هزت راسها وقالت: حالا حالا
منير بص لحور وقال: اي الخدش اللى في وشك ده يا حور
حين قال منير كده ثريا وقفت مكانها وقالت: حور اي ده مخدتش بالى اي ده يا بنتى
(قالت كده وهى مرتبكه أوى)
_ماما انا بخير ده حادثه بسيطه
_حاسه بأي يا بنتى
حور هزت رأسها وقالت: فرحانه أوى أننا رجعنا زي الأول
منير ابتسم وقال: وهنفضل طول عمرنا كده
قعدوا كلهم وثريا دخلت المطبخ عشان تعمل مكرونه بالبشاميل
بقلمى دعآآء حجآآج——————–
في المساء وخصوصاً في فيلا مراد الألفي
مراد رجع من الشغل وقال: نغم نغم
روكى جري على مراد اللى قال: أوعك تكون عملت حاجه لنغم
مراد دخل المطبخ وروكى كان ماشي وراء
_نغم نغم
طلع فوق ومالقاش نغم بردو الخوف ازداد عند مراد اوى
طلع التليفون ورن على جدو منصور
منصور فتح التليفون وقال: مراد عامل اي ونغم اخبارها اي دلوقتى
_يعنى نغم مش عندك
منصور بعدم فهم: انا مش فاهم حاجه بتقول اي يا ابنى
_لسه راجع من الشغل ومش عارف نغم راحت فين مش موجوده
منصور بصدمه: اي
_مش عارف راحت فين ومش عارف أعمل اي
_طب طب رن عليها يا ابنى
_خليك معايا
مراد رن على نغم اللى تليفونها غير متاح
_جدو
_في اي
_تليفونها غير متاح
_طب ما تشوف البواب
مراد هز رأسه ونزل عالطول وقال: راضي راضي
جري على مراد وقال: نعم يا بيه
_نغم مطلعتش خالص
_لا طلعت يا بيه في بنت جت هنا اعتقد انها اخت نغم
مراد خد نفس عميق وقال: متاكد يا راضي
هز رأسه وقال: ايوه يا بيه متاكد
_طب راحت فين بس
مراد بتفكير: معقول راحت لأهلها بس مقالتش ليه
مراد رن على منير
منير كان في الحمام وحور بتحضر الأكل مع ثريا
نغم بصت على تليفون منير اللى بيرن
مسكت التليفون وكانت رايحه تقول: بابا التليفون بيرن إلا أنها شافت اسم مراد
حست بارتباك ومكنتش عارفه تعمل اي
نغم بارتباك: اعمل اي
نغم رجعت شعرها لوراء وفتحت التليفون ومراد قال: اخبارك اي يا عمى
_بابا بخير
مراد بعصبية: مرنتيش ليه وقولتى أنك رايحه عند أهلك
_نسيت التليفون
مراد حاول يبقا هادي فهو مش عايزها تخاف منه ولا تكره
_طب انا هاجى اخدك
نغم ببرود: مالوش لازوم تعذب نفسك
_ولا عذاب ولا حاجه انا هاجي
نغم باندفاع: هو بالعافيه ولا اي
الخط فصل ونغم قالت بعصبية: الووو انت يا زفت
وقتها منير وقف مكانه وقال: مين الزفت ده وبيتكلم معاكى ليه وعلى تليفونى
نغم بلعت ريقها وقالت بارتباك: ده ده
_مالك في اي
نغم بكدب: اه ده واحد شكله غلطان في العنوان بيقولى عايز يكلم حسن ابراهيم
منير ابتسم وقال: طب هاتى التليفون يا حسن يا ابراهيم
نغم بلعت ريقها وقالت بخوف شديد: وعايز التليفون ليه
_هعمل مكالمه
_دلوقتى خليها بكره احسن
منير استغرب كلامها اوى وقال: بنتى انتى كويسه
نغم مسكت ايد منير وقالت: انت واحشنى اوى يا بابا
منير قعد وقال: والله وانتى اكتر يا قلب بابا
نغم نزلت التليفون لتحت خالص وجابت سجل المكالمات ومسحت كل المكالمات بما فيهم مكالمه مراد
في قصر عائله السيوفي
غسان رجع أخيرا وقال: سماح سماح
وقتها طلعت عفاف وقالت: رجعت امتى يا حبيبي
_لسه راجع حالا هي فين سماح
_سماح خلصت شغلها يا ابنى وانا طلبت منها تمشي
غسان هز رأسه وقال: تمام تصبحي على خير
_مش هتاكل
_اكلت كتير اوى انا ومراد
ابتسمت وقالت: بالهنا والشفا على قلبك يا روحى
غسان ابتسم وطلع على فوق
عفاف بابتسامه تحمل الشر: واحد اتنين تلاته اربعه خ
_ماما
عفاف بانتهاد: نعم
غسان نزل تحت وقال: حور راحت فين
عفاف بتمثيل وكدب في نفس الوقت: معرفش يا ابنى اخر مره شوفتها الصبح لما نزلت من العربيه
_تقصدي اي ان حور مرجعتش لحد دلوقتى
هزت رأسها وقالت: مش عارفه يا ابنى بس باين كده
غسان قبض ايدو وقال بصوت هز أركان القصر: يعنى اي تطلع من غير ما تقول لحد
عفاف حطت أيدها على كتف غسان وقالت: اهدا يا حبيبي وبعدين تلاقيها نست تقول لحد
غسان بصوت جهوري: إبراهيم إبراهيم
ابراهيم دخل عالطول وقال بارتباك: نعم يا بيه
_روح هات الحلوه من عند أهلها واوعك تتاخر مسافه السكه وتكون هنا
هز رأسه وقال بارتباك: ح حاضر يا بيه
عفاف كانت في قمه سعادتها وقالت: اعتقد من النهارده مش هتوثقي فيا خالص يا بت الهواري
غسان طلع فوق وعفاف قالت بانتهاد: غ غسان
في منزل منير الهواري
اتعشوا كلهم وفجاه جرس الباب رن
نغم قعدت تكح وثريا مسكت كوبايه مياه عالطول وقالت: خدي يا قلبي
حور قامت وقالت: هفتح الباب.
منير هز رأسه وحور فتحت الباب فعلا وقالت: بابا بابا
منير قام وقال: مين يا حور
_خالى عماد
_تعالى يا عماد اتفضل واقف ليه
عماد دخل فهو اخو ثريا
نغم قامت وقالت بابتسامه: خالى عماد
حضنها وقال: عامله اي يا فراوليه
_زي ما انت متغيرتش
_وقلبي عامله اي
حور ابتسمت وقالت: الحمدلله يا خالو
_تعالي يا عماد اتفضل
عماد قعد وقال: بص يا منير في واحد اشتري كل البيوت اللى حوالينا
منير بصدمه: اي
_وعرض عليا ٢مليون مقابل ياخد بيتى وانا الصراحه وافقت وجيت عشان اقولك انت كمان لازم تبيع
منير بعصبية: اي الكلام اللى بتقوله ده يا عماد انا مستحيل أبيع بيتى
_مالك البيت وافق يا منير
منير قام وقال بعصبية: ده مش بيته بقا بيتى خلاص انا اشتريتوا امبارح يا عماد
(ملحوظه مراد اشتري البيت لمنير مقابل نغم تكون ليا)
عماد قام أيضا وقال: دول ٢ مليون يا منير فكر وبلاش تستعجل في الرد
_انا قولت إللى عندي
عماد وهو طالع: انت حرا يا منير انا قولتلك اللى فيها والقرار قرارك بقا
عماد طلع وحور ونغم بصوا لبعض ومكنوش عارفين يقولوا اي ولكن السوال الحائر في عقولهم مين اللى عايز يشتري البيت
الباب خبط ونغم قالت في سرها: ده اكيدا مراد
فتحت الباب وقالت: نعم
_مدام حور
_حور حور
حور راحت عندها وقالت وهي بتبلع ريقها: إبراهيم
_البيه منتظر حضرتك
حور حينها أدركت ان عفاف مقالتش حاجه لغسان والخوف سيطر عليها
_حور في اي
حور هزت رأسها وقالت بارتباك: انا لازم امشي قولى لبابا وماما ان حور مشت
_طب هنعمل اي في المشكله ده
_هكلمك بكره إن شاء الله
نغم حضنتها وقالت: خدي بالك من نفسك
حور هزت رأسها وقالت:سلام
_سلام
حور ركبت العربيه وقالت في سرها: بس خالتى عفاف عملت كده ليه
نغم كانت رايحه تقفل الباب لقت مراد في وشها
بلعت ريقها وقالت: ثانيه واحده
مراد مسك أيدها وقال: انا اقدر ادخل واقول لابوكى انك طلعتي من غير ما تقوليلي
_الوضع متوتر نتكلم في البيت
_ليه في اي
_في واحد عايز يشتري البيت واشتري كل البيوت اللى حوالينا
_واحد ثم كمل: مين ده
نغم هزت رأسها وقالت: معرفش
مراد دخل ومنير قام وقال: اهلا مراد بيه
_في اي
منير بص لنغم وقال باستغراب: مفيش يا ابنى ليه السوال ده
_نغم قالت ان في واحد عايز يشتري بيتك
_لا يا حبيبي مش صح ده بتخرف
نغم بصت لمنير وقالت باستغراب: بابا انت بتقول اي
_ثريا اعملى كوبايه شاي
مراد مسك أيد نغم وقال: لا احنا مستعجلين مره تانيه
نغم بصت على ايد مراد وحاولت تفلت أيدها معرفتش
_يلا عن اذنكم
_طب نشرب كوبايه شاي سوا طيب
_مره تانيه أن شاء الله
منير هز رأسه وقال: ان شاء الله
طلعوا فعلا ونغم زفت مراد وقالت بعصبية: انت مجنون ولا اي
_انا اللى مجنون بردو ازاى تطلعى من غير ما تقوليلى
_واقولك ليه ان شاء الله كنت تطلع مين
مراد بدأ يمشي اتجاه نغم وقال: جوزك ابقا جوزك
نغم بلعت ريقها وركبت العربيه عالطول
حط ايدو في جيبه وقال: ما انتى شاطره اهو
بقلمى دعآآء حجآآج———————–
بعد مرور ربع ساعه تقريبا
في قصر عائله السيوفي
حور نزلت من العربيه وقالت: إبراهيم هو البيه متعصب
إبراهيم هز رأسه وقال: والله ما عارف اقولك بس اعتقد كده انه مضايق من حاجه
حين قال كده حور خافت اوى وقالت: تمام عن اذنك
ابراهيم أبتسم وحور دخلت جوا
كان القصر كله ضلمه
_هو مفيش حد هنا ولا اي
وفجاه الانوار اشتغلت ليظهر غسان وهو قاعد على الكرسي بكل برود أعصاب
حور بلعت ريقها وكانت طالعه على فوق الا ان غسان أوقفها
_رايحه فين
حور وقفت ومقدرتش ترد على غسان من الخوف اللى سيطر عليها
غسان قام وقال: المره اللى فاتت خليتك تمسحى جزمتى فاكره ولا افكرك
حور:_________
غسان مسك حور من دراعه وقال بصوت يشبه صوت الافاعى: يلا برا
حور انصدمت وغسان زقها برا وقال:مش عايز اشوف وشك هنا
حور بعياط:الوقت متاخر اروح فين
_زي ما جيتى روحى زي ما جيتى
_بس انا جيت مع ابراهيم
غسان لم يرد عليها وقفل الباب في وشها
كانت الآخري بتراقب الوضع وكانت في قمه سعادتها
عفاف بابتسامه تحمل الشر: مع السلامه يا حور مع السلامه
حور مسحت دموعها ومكنتش عارفه تروح فين
_اروح لبابا وماما تانى
هزت رأسها وقالت باقتناع: لا لا مينفعش بابا يقلق غير كده الوضع متوتر اوى هناك
حور بدأت تمشي في الطريق والدنيا كانت ضلمه اوى
حور بخوف: اعمل اي دلوقتى مفيش ولا عربيه جايه
كان سايق العربيه وحاطط السماعه في ودنه وبيكلم حد
_تمام جهز كل حاجه ومالكش دعوه بالباقي
سامر شاف حور وقال: هكلمك بعدين سلام
قفل التليفون ووقف العربيه لينزل منها
_حور
حور وقفت مكانها وقالت: سامر
راح عندها وقال باستغراب: ازاى تطلعى في الوقت ده
_اصلا اصلا
قالتها بكل ارتباك ومكنتش عارفه تقول اي
حط ايدو على كتفها وقال: خلاص خلاص اهدي
كان الاخر راكب عربيته وبيراقب الوضع ومنتظر ماذا ستفعل حور
حور شالت ايد سامر وقالت بارتباك: انا لازم أمشي
مسك أيدها وقال بصوت حاد: تمشي فين الوقت متأخر اوى
غسان قبض ايدو اول ما شاف سامر ماسك ايد حور
حور سحبت أيدها وقالت بكدب: ما انا منتظره إبراهيم قالى انه جاي
_قصر غسان قريب اوى من هنا لو تحبي اوصلك تعالى
_غسان لا لأ
سامر استغرب خوفها اوى اول ما ذكر اسم غسان
_حور غسان قالك حاجه ولا عملك حاجه
_وهتعمل اي يا روح امك لما تعرف
حور بصدمه: غسان
.
