ملغم بالحب ل سارة الاخير
يا تاليا أنا كنت غبي و بنتقم من أبوك فيك سيبت الجاني و إنتقمت من المجني عليه أنا ۏجعتك كتير أنا عارف بس نفسي تسامحيني نفسي في فرصة أخيرة منك يا تاليا عشان أعوضك عن كل الق رف اللي عملته!
فضلت شاكته مش قادرة تتكلم رفع وشها ليه .. و هو بيبصلها و كإنه بيترجاها إنها تتكلم و كإن اللي هتقوله كفيل يحييه من تاني!!
بصتله بحزن و قالت
مش قادرة أنسى .. مش قادرة يا فهد!!!
غمض عينيه و رجع راسه لورا فضل كدا ثواني بعدت عنه پخوف و هي شايفه و شه بقى حاوط هو كتفيها بحنان بدراعه و بإيده التانيه حاوط وشها و باس راسها بلطف
بصت لعيونه ف لقتها مليانه حزن و هو بيبصلها كإنه بيقولها يعني أنا مصعبتش عليك عينيه كلها خذلان و قهر حقيقي مسك إيديها و فتحها و باس باطنها برفق وقال و صوته لأول مرة يخرج مهزوز بالشكل ده
تمام هعملك اللي إنت عايزاه!!
بصتله پصدمة وقلبها إترج! لاء!! مين قال إن ده اللي هي عايزاه! هي بس كانت عايزة تشوف ردة فعله إيه مش عايزاه يمشي .. مينفعش يمشي!! كان نفسها تترمي في حضنه و تقوله ماتسبنيش أنا مش عايزة أبعد عنك مش عايزاك تبعد تاني مش هستحمل!! بس فضلت ساكته و رغم إن مظهرها كان ثابت .. بس كانت بتت قطع من جواها بصلها بهدوء وقال
هتستحمليني بس هنا أسبوع بالكتير أكون نقلت شغلي من هنا ل كندا و بعدها مش هتشوفي وشي تاني!!!
جسمها سقع و نفسها تقل بصلت لإيديه اللي ماسكة إيديها اللي تلجت فجأة و قالت بصوت مبحوح
أنا هبقى طليقتك .. ماليش الحق إني أقعد هنا أصلا أنا هرجع ل بابا و آآ!!
صړخ فيها لأول مرة بعد م رجع من سفره
إياك تاني مرة أسمع بتقولي الهبل دة!!! مافيش رجوع ل أبوك هتفضلي قاعده هنا قولتلك قبل كدا دة بيتك سواء و إنت على ذمتي أو لاء!
أسف إني زعقتلك بس أنا عايزك تفهميني أنا عمري م هآمن عليك هناك أبدا مينفعش أرجعك ليهم تاني على جث تي ده يحصل!!!
كتمت عياطها بصعوبة حقيقية و هي لسة مش مستوعبة بجد إنه هيطلقها و هيمشي غمضت عبنبها و حاولت تتحلى بشوية قوة وبعدت عنه و هي بتقول
أنا فاهماك بس بما إني الحمدلله إشتغلت و عملتلي إسم ف أوعدك في أقرب وقت هجيب شقة و مش هشيلك همي أبدا و كمان عشان تقدر تيجي هنا براحتك!
مسح على وشه بأسى و بعدين بصلها و هو بيقول بهدوء
لسة مش فاهماني ي
تاليا .. إنت مش هتطلعي من القصر ده طول م أنا فيا النفس و حتى بعد ما أموت هكتبه بإسمك ف إنسي إنك تمشي من هنا و بعدين إنت فاكرة إني هعرف أدخل القصر ده تاني و إنت مش فيه
بصت للأرض بحزن ف رفع وشها ليه وقال بحزن أكبر
أنا عايزك .. و بحبك جدا .. ربنا وحده اللي عالم باللي في قلبي ليك و لو عليا عمري م كنت هطلقك ولا هبعد عنك بس مادام إنت عايزه ده ف حقك .. اللي عملته مكانش سهل يتنسي بالسهولة دي..
قرب منها و باس راسها وقال بحنان
قومي نامي في الجناح فوق و أنا هروح شغلي و هحاول على أد م أقدر أخليك متشوفنيش الأسبوع ده عشان مدايقكيش..!!!
و سابها و مشي بمنتهى السهولة أول م خرج من القصر إنهارت في العياط عياط هيستيري لدرجة إنها حست كإن قلبها هيقف من الحزن و التعب طلعت ل جناحهم و هي مش عارفة
بعد يومين مكانتش بتشوفه أبدا مع إنها بتفضل بليل مستنياه في البلكونة لحد ما يرجع عشان تطمن إنه رجع و تملي عينيها منه و هو بينزل من عربيته وبيدخل القصر
متابعة القراءة
صفحة
3
/ 5
انت في الصفحة 4 من 5 صفحات
