عربية اسعاف
كانت عربية الإسعاف لسه ما خرجتش من بوابة المركز لما شريف وقف قدام الترابيزة وبص في وشوش رجاله واحد واحد وقال من اللحظة دي مفيش أي معلومة تطلع بره المكان. اللي هنعمله الليلة دي لازم يبقى أنضف شغل قانوني اتعمل في حياتكم.
كل واحد أخد الملف اللي قدامه. على كل ملف صورة واسم وعنوان ودور الشخص داخل العيلة. الجد والجدة والأم وزوجها الجديد وأولاده وإخواته وكل واحد كان موجود الليلة دي.
منى قلبت أول ورقة وقالت كلهم كانوا في الفيلا وقت الحادثة.
شريف رد من غير ما يرفع عينه أيوه وكل واحد فيهم لعب دور. اللي ضرب واللي صور واللي سكت واللي ضحك. كلهم مسؤولين.
في نفس الوقت كانت ياسمين بتدخل قسم الطوارئ وهي بتحاول تكتم وجعها. الدكاترة بدأوا يكشفوا عليها بسرعة وعملولها أشعة على صدرها وبطنها.
بعد دقائق خرج الدكتور ووشه متغير.
بص لشريف وقال عندها تلات ضلوع مكسورة وكدمات في أماكن متفرقة من جسمها وفي إصابات واضحة ناتجة عن اعتداء عنيف. الحمد لله مفيش نزيف داخلي لكن كانت محتاجة تدخل في الوقت المناسب.
شريف غمض عينه للحظة وهو بيحاول يسيطر على غضبه.
الدكتور كمل وإحنا وثقنا كل الإصابات بالصور والتقارير الطبية.
في أوضة تانية كانت المقدم داليا فاتحة موبايل ياسمين بحذر شديد. أول ما وصلت لقائمة الفيديوهات لقت أكتر من ملف متسجل لكن واحد منهم كان محذوف من المعرض.
ابتسمت ابتسامة خفيفة وقالت لنفسها غلطة كبيرة.
بدأت تستخدم برامج استرجاع البيانات وبعد أقل من عشر دقايق ظهر الفيديو من جديد.
ضغطت تشغيل.
أول ثواني كانت كفاية تخليها توقف الفيديو فورًا.
خرجت تجري على شريف وقالت الفيديو رجع كامل.
شريف مد إيده من غير ما يتكلم.
اتفرج على أول دقيقة بس ووشه اتحول لملامح جامدة محدش شافها عليه قبل كده.
مكانش مجرد اعتداء.
كان فيه ناس بتضحك.
وناس بتصور.
وناس بتحرض.
وفي آخر الفيديو ظهر صوت راجل بيقول وهو بيضحك امسحوا كل حاجة محدش هيقدر يعملنا حاجة.
شريف قفل الموبايل بهدوء وقال خلاص… دلوقتي بقى عندنا بداية القض..ية.
وفي نفس اللحظة كان أول فريق وصل قدام الفيلا الكبيرة بتاعة عيلة الدمنهوري لكن اللي شافوه واقف قدام البوابة خلاهم يبصوا لبعض في صدمة لأن حد سبقهم للمكان وكان واضح إنه جاي يدور على نفس الحقيقة.
