سلفتي بقلم منال علي 2
قلبي كان بيدق بسرعة.بقلـم حكايات منـال علي
الدكتور بص في الملف، وقال بهدوء:
“مدام نور… تحاليلك مطمئنة.”
بصيت لكريم.
الدكتور كمل:
“لكن عندنا ملاحظة بسيطة في تحاليل أستاذ كريم، ودي ممكن تكون سبب تأخر الحمل.”
كريم اتجمد مكانه.
أما أنا…
فافتكرت كل مرة اتقال فيها:
“العيب منك.”بقلـم حكايات منـال علي
الدكتور كمل بسرعة:
“الموضوع قابل للعلاج، ومش معناه إن مفيش أمل. بالعكس، في حالات كتير بتحصل فيها حمل بعد العلاج والمتابعة.”
كريم مسك راسي بإيده وقال:
“حقك عليا يا نور.”
رجعنا البيت، لكن الخبر وصل للعيلة أسرع مننا.
حماتي أول ما عرفت، قعدت تبكي.
وقالت:
“أنا ظلمتك يا بنتي… وسامحيني.”
أما ريهام…
فبقت منبوذة من أغلب العيلة.
كل ما تدخل تجمع، الناس تبعد عنها.
وما بقاش حد يصدق كلامها.بقلـم حكايات منـال علي
لكن بعد شهرين من العلاج…
صحيت الصبح حاسة بدوخة غريبة.
قلت يمكن إرهاق.
لكن كريم أصر نجيب اختبار حمل.
عملته…
بقلـم حكايات منـال علي
وحطيته على الرخامة في الحمام.
الدقيقتين دول كانوا أطول دقيقتين في عمري.
بصيت على الاختبار…
واتجمدت مكاني.
ظهر خط تاني باهت جدًا.
خرجت وأنا مش قادرة أنطق.
كريم خد الاختبار من إيدي، وبصله، وفجأة عينه دمعت.
وقال بصوت مرتعش:بقلـم حكايات منـال علي
“نور… يمكن يكون ده اللي استنيناه أربع سنين.”
لكن الدكتور لما شاف الاختبار، قال:
“لسه بدري نحكم… لازم نعمل تحليل حمل رقمي، لأنه هو اللي هيأكد.”
خرجنا من عنده، وكل واحد فينا بينه وبين نفسه بيدعي…
بقلـم حكايات منـال علي
يا ترى أخيرًا الحلم هيتحقق، ولا هتكون مجرد فرحة اتعلقت بيها قلوبنا قبل ما تكتمل؟
