أحببت بصيرته ل مريم نصار من الاول للخامس

رواية أحببت بصيرته للكاتبة مريم نصار الفصل الثالث
ف نص الليل. سحر: قاعده ع السرير بعد ما اتأكدت إن ابوها وامها نامو. وحاطه السماعه ف ودنها وبتسمع اغانى. وفاتحه نت من ع الفون. وبتتصفح ع فيس بوك. وجايبه صفحة حسن بتتفرج ع صوره. وبتفكر ازاى توقع بين حسن وفتون. وفجاءه جالها اتصال فيديو واتصدمت بدهشه! علاء!؟ ايه ده؟ ودا بيتصل عليا فيديو ليه!؟ وكنسلت عليه. وكتبتله ع الشات ايه يامجنون بتتصل فيديو ليه؟علاء: نايم ع السرير وبيشرب سِجاره. وقالها عايز اشوفك! سحر: بقلق اي، ايه!؟ تشوفنى!؟ لا طبعا ماينفعش.! علاء: ليه بس ياموزه. هو انا معرفكيش يعنى ولا عمرى ما شوفتك ف الحاره. دا احنا حتى جيران. ولا ايه؟ سحر: بتوتر. ايوه يا علاء احنا جيران وبتشوفنى ف الشارع عادي. بس انك تشوفنى فيديو دى مش هقدر. علاء: ليه حد صاحي عندك؟سحر: بتفكير. وكدبت. قالت ايوه اخويا عصام عندنا. علشان مراته راحت زياره عند أهلها. وهو قاعد في الصاله بيتفرج ع التلفزيون خليها مره تانيه! علاء: امم طيب ياقمر. ابعتيلى صوره ليكى تصبيره.! سحر: بلعت ريقها بتوتر. صوره؟ علاء: ايوه صوره. ويسلام ياقلبى لو تتصورى دلوقتي وتبعتيلى صورك. ياااه.! سحر: فهمت من كلامه أنه مش ف وعيه. وسألته انت شارب ياعلاء!؟ علاء: شارب ايه بس ياقمر. خلصي بقى ابعتى صورتك.!سحر: بتفكير. اعمل ايه ياربي!؟ وجاتلها فكره. حاضر ياحبيبى. ثوانى بس اقلع الاسدال. اصل لابساه من بدرى لما كنت عند فتون! علاء: انتبه ايه؟ فتوون! انتى طلعتليها؟ سحر: بمكر. طبعا. وقعدت معاها شويه ونزلت من عندهم متأخر. علاء: ليييه حسن اتصل عليكى!؟ سحر: بنفي. ابدا متصلش ولا عبرها. عارف اخر مره كلمها من اكتر من شهر تقريبا. يكش يكون زهق منها يارب.علاء: ههههه. ممكن ليه لأ ويكون شاف واحده اجنبيه كدا حلوه وموزه. سحر: بغيره وهو انا وحشه علشان يشوف واحده حلوه. وكمان فتون مش حلوه اوى يعنى. بت حظها ضارب. منك ومن حسن. مش عارفه بتحبوها ع ايه؟علاء: هههههههههه. فتون وحشه!؟ ههههههه. يابت دى فتون دي بت كدا من الآخر. لا بتحط ابيض ولا اسود وبالحلاوه دي. اومال بقى لما تحط. وبتنور ف الضلمه. وكمان بسلام لو تلبس حتة فستان كدا اوووف دي هتبقى صاروخ الحاره. بس مسيرها تقع تحت ايدى! سحر: مش عاجبها كلام علاء. وقالت بتريقه! صاروخ الحاره. جاك صاروخ يشيل الحاره بفتون وامها والل فيها. اقفل بقى انا هتخمد احسن.علاء: ايه بس ياموزه. بتقفشي بسرعه ليه كدا!؟ وبعدين هو انا شاحنلك علشان تقولى هنام. دا انا لسه صاحي. وهنسهر انا وانتى للصبح… عدي يوم كمان. عند فتون الساعه 6 الصبح منبه الفون رن. وفتون فتحت عينيها. وفصلت المنبه. وبتتاوب. ونفسها تنام تانى. لكن عندها مدرسه. وقامت بكسل. ودخلت الحمام. وغسلت وشها. وفرشت أسنانها. واتوضت. وطلعت ولبست الاسدال وصلت الصبح. ودخلت ع امها وكانت نايمه.واخدت البطاقه ونزلت علشان تجيب العيش. وفطار ل فاطمه قبل ما تمشي. وطلعت الحاره. زينهم: بيفتح المحل. يافتاح ياعليم يارزاق ياكريم يارب. رزقنا عليك يارب. فتون: صباحك فل ياعم زينهم. زينهم: لف وشاف فتون. وابتسم. اهلا اهلا. صباحك نادي يابنتى. عامله ايه؟ فتون: الحمدلله ماشي الحال. انا رايحه الفرن اجيب العيش وفطار. اجبلك معايا.؟ زينهم: لا استنى. وبص قدام. وشاف ابنه. ونده عليه محمووود انت ياض ياحوده.محمود: جه ايوه يابابا. اذيك ياابله فتون. فتون: صباحك فل ياحوده. عامل ايه ف المدرسه.؟ محمود: الحمدلله كويس. زينهم: هاتى يافتون يابنتى البطاقه دى كدا.! واخدها. امسك ياحوده يبنى. هات عيش لفتون وفطار فول وطعميه. وخد البطاقه بتاعتنا كمان هاتلنا بالمره وهات فول وطعميه. بس بسرعه. فتون: بحرج. لأ لأ ياعم زينهم. خلى محمود يروح ع المدرسه وانا هجيب العيش والفطار.زينهم: مدرسة ايه دلوقتي يافتون لسه بدرى. بسلامته بيروح يلعب كوره مع زمايله. قبل المدرسه. اقعدى انتى بس. يلا ياحوده بس متعوقش. قول لعمك قبارى ابويا بيقولك ادينى العيش بسرعه. محمود: حاضر يابابا. فتون: امسك ياحوده هات بالفلوس دى فول وطعميه. واخد البطاقتين ومشي. فتون: بحرج. شكرا ياعم زينهم. ربنا يخليك تعباك معايا.زينهم: وده كلام بردو. يعنى لما منه بنتى ولدت. وانتى كنتى معانا ليل نهار وبتساعديها ده مكنش تعب.؟ فتون: منه بنتك دى زى اختى بالظبط. وربنا يخليلها ابنها. احم عايزه كيس حلويات ع بسكوتات وشوية شبسيات كدا ل اطفال الفصل زى كل مره ياراجل ياطيب. زينهم: ضحك. مجهزهولك من امبارح بليل. خدى يابنتى امسكي. وربنا يفرح قلبك زي ما بتفرحيهم.فتون: بتاخد الكيس. الله يخليك ياعم زينهم. وبصت قدام. وشاورت صباح الفل يام سيد! ام سيد: يسعد صباحك يافتون ياحبيبتى. صباحك هادى ونادي إن شاء الله. فتون: تعيشي الله يخليكى. ابو سلامه: جه من وراهم. سلامو عليكو. زينهم وفتون. وعليكم السلام. ابو سلامه: اذيك ياحج زينهم. زينهم: نحمدو ونشكر فضله يابو سلامه اتفضل.ابو سلامه: بص ل فتون. الله يخليك ياحج زينهم. ايه يافتون!؟ بقى ابعتلك سلامه ابنى اول امبارح. وتخليه يرجع بقرشين ودا اسمه كلام؟ فتون: بحرج. معلش ياعم أبو سلامه. انا قولت لسلامه يومين بالكتير وهعدي ع ام سلامه واديها الباقي. ابو سلامه: هز راسه. ياريت بعد كده يابنتى تعملى حسابك وتشيلى حق الايجار ع جمب. اه معلش يعنى انتى عارفه الظروف بقى. وانا استحملتك الشهر الل فات كله.فتون: بغصه في قلبها. ماشي. ماشي ياعم أبو سلامه. ربك يسهل. وانهردا إن شاء الله هجبلك باقى الإيجار زينهم: واقف وزعلان ع فتون. ومدايق من صاحب البيت لانه عارفه بيحب الفلوس هو ومراته اكتر من اى حد. وكمان زينهم ممعهوش سيوله يدفع لفتون. ابو سلامه: واعملى حسابك يابنتى. كمان شهرين والايجاز هيزيد. اول السنه الجديده بقى يلا كل سنه وانتو طيبين. فتون: اتنهدت بوجع. وانت طيب. وانت طيب ياعم أبو سلامه.شيخ محمد: من وراهم سلام عليكم. فتون عليها كام ياحج ابو سلامه!؟ فتون لفت. وحست باحراج شديد. وهمست عليكم السلام. ابو سلامه: وعليكم السلام ياشيخ محمد. كان عليها شهرين متأخرين. ودفعت نص شهر. ولسه شهر ونص.! محمد: وماله. يعنى الدنيا متهدتش علشان تكلم فتون ع الايجار ف وسط الحاره وع الصبح. ولا هي دي الأصول ياحج!؟ابو سلامه: متواخذنيش ياشيخ محمد. بس انت عارف حالة فتون. من سنه مقدرتش تدفع تمن ايجار شقه كامله. وربنا كرمها بالاستاذ طلعت المحامى الل كان عايز شقه أوسع وخدنا نص الشقه الل ساكنه فيها فتون. وبصراحه الشهاده لله من يومها فتون بتدفع وقبل ميعادها كمان. بس دلوقتي بقالها شهرين مدفعتش. وخايف لا الايجار يكسر عليها.محمد: بصله بنفور. وطلع من جيبه فلوس الايجار. امسك ياحج. ده الايجار بتاعي. ودول ايجار الشهر ونص بتاع فتون. ولما تحب تتكلم ف ايجار بعد كده. ف باب تخبط عليه. مش تقول لل مايشترى يتفرج. فتون: بتكابر دموعها. ونفسها تهرب ف مكان لوحدها وتعيط. ومتكلمتش…ابو سلامه: اخد الفلوس. وضحك. طول عمرك ظالمني ياشيخ محمد. هو احنا عندنا غير فتون واحده ف الحاره. وبص ل فتون خلاص يافتون يابنتى فُرجت اهي. يلا بال إذن انا سلامو عليكو. كلهم: بديق. وعليكم السلام. زينهم: شاف عيون فتون. ومحبش يحرجها. واتنهد ودخل البقاله يطلع البضاعه قدام المحل. محمد: بص ل فتون. ايه يافتون يابنتى. فتون: بصتله بدموع. كتر خيرك ياعم محمد. وانهردا إن شاء الله. الفلوس هتكون عندك.محمد: ابتسم. كتر خيري!؟ ههههه. انتى لو قعدتي معايا. وجبنا ورقه وقلم. ونحسب زمان وافضال الحاج مهران عليا. هطلع مديونلك انتى وابوكي لسنين قدام. وهز راسه وبيسبح. سبيها على الله يابنتى. انا عارف إن كرامتك وعزة نفسك اهم حاجه عندك. وكرامتك محفوظه. والل حصل من شويه ده. بيحصل مع ناس كتير. وانا عارف انك مضايقه انى اتصرفت كدا. بس يكون ف علمك انتى بنتى التانيه. ولولا انك عامله حاجز بينا. كان زمانى مجهزك مع سحر. بس نعمل ايه!؟ نفس دماغ مهران الله يرحمه.فتون: ابتسمت بوجع. الله يرحمه. ومفيش حاجز ولا حاجه ياعم محمد. وربنا يخليك لينا. وإن شاء الله مش هتأخر عليك ف الفلوس. محمد: ابتسم. بردو مصممه. ماشي يستى الل يريحك اعمليه. بس نسمع منك الصلاه ع النبى كدا. ونشوف ضحكتك الحلوه. فتون: ابتسمت. عليه الصلاة والسلام. زينهم: لا بقى مدام ضحكتى. يبقى افطرى معايا انتى والشيخ محمد. وهنجيب احلا فطار. ولا ايه ياشيخنا.محمد: ضحك. ياما نفسي نرجع الايام الحلوه زي زمان يازينهم ياخويا. بس اعذرني انا يدوبك اجيب فطار الجماعه. واتكل ع الله الحق الصناعيه. يلا انا بقى. السلام عليكم. فتون. وزينهم: وعليكم السلام. محمود: جه. وشايل العيش. العيش اهو يابابا. ده العيش بتاعنا والفطار. وده عيش ابله فتون والفطار بتاعها. اتفضلى البطاقه اهي. فتون: ضحكت بتكليف. تسلم ياحوده. منحرمش منك.زينهم: هات ياحوده البطاقه. واتكل ع الله ع المدرسه. واخد البطاقه ومحمود مشي. فتون: متشكره ياعم زينهم. زينهم: العفو يابنتى ع ايه. تعالى بقى. نفطر مع بعض. فتون: لا مش هينفع انا يدوب اطلع احضر الفطار ل ماما. وانزل بسرعه علشان متاخرش ع المدرسه. يدوبك الحق الاتوبيس. زينهم: ماشي يابنتى ربنا معاكي. فتون: يارب. واخدت العيش والفطار. وطلعت بسرعه علشان متتاخرش.فتون: دخلت الشقه. وراحت ع المطبخ. وجهزت الفطار بسرعه وحطته ف صينيه. وطلعتله ف الصاله ع تربيزه صغيره وغطت الصنيه. وجابت ازازة ميا وكوبايه فاضيه. وشنطة العلاج. وحطتها جمب الفطار. ل فاطمه لما تصحى…وعملت كوباية نسكافيه ليها. وبتشربها وبصت ف الساعه. وشهقت. يلهوى الطابور. يدوبك. وعملت ساندوتش ليها بسرعه وحطته ف علبه وحطته ف شنطتها. وجريت ع الاوضه. ولبست بسرعه. بنطلون. وبلوزه طويله وطرحه. ولبست كوتش. واخدت فونها وشنطها بسرعه. وخرجت من باب الشقه. وطلعت ع السلم بسرعه الدور الل فوقيها. وخبطت ع شقت ام حسن. سهير: فتحت وبتتاوب. فتون: صباح الخير. ياخالتى.سهير: ابتسمت. يسعد صباحك يافتون. تعالى خشي ياحبيبتى. فتون: لا الله يخليكى. انا يدوب الحق المدرسه. بس الله يخليكى متنسيش تبعتى بنتك نوسه ل لامى تديها حقنة الأنسولين الساعه 10 زي كل مره. والمفتاح معاكي ماشي. سهير: من عينيه ياحبيبتي. روحي انتى ومتقلقيش ربنا معاكي. فتون: تسلمى ياخالتى وسلميلى ع عم منصور. يلا سلام. وجريت ع تحت. سهير: مع السلامه. وقفلت الباب.فتون: خرجت من العماره بسرعه واخدت الكيس من عمها زينهم. وماشيه بخطوات سريعه. وفونها رن. وكانت حنين وردت. الو. حنين: صباح الخير يا فتون. ايه يابت انتى بتنهجى كدا ليه؟ فتون: صباح الخير يا حنين. ابدا انا ماشيه ف الشارع بسرعه. علشان متأخرش. انتى ف المدرسه.؟ حنين: لا لسه. انا ف التاكسي اهو. قربت اوصل. فتون: طيب ياحنين. انا لو اتاخرت. فهمى الاستاذ عبد القادر. انى ف الطريق علشان امضة الحضور.حنين: لا هتلحقى لسه ساعه يابنتى. ولو كدا انا همضيلك حضور يلا متتاخريش سلام فتون: سلام. ووصلت ع اول الشارع. ويدوبك لحقت الاتوبيس قبل ما يمشي. واتنهدت باريحيه. الحمدلله. وركبت الاتوبيس. وواقفه ف الطرقه. وقطعت التذكره. وفضلت واقفه لحد المحطه بتاعتها. ونزلت. ومشيت بسرعه وبتنهج. ولسه بوابة المدرسه هتقفل. وندهت. استنى ياعم فتحي. ياعم فتحى. فتحي: فتح البوابه. مين. ابله فتون. فتون: بتنهج. الطابور خلص؟فتحي: ع مهلك. لا لسه بيبدء اهو. فتون: الحمدلله. ودخلت المدرسه. وراحت عند طابور اطفال الحصه الاولى. وشاورت ل حنين. الطابور خلص. فتون قالت. سنه رابعه يلا ع الفصل. وانا همضي حضور وهحصلكو. الاطفال. بفرحه ابله فتووون اول حصه. وابتسمو بفرحه. الاطفال. المكفوفين. ربنا مميزهم بميزة العقل. وعارفين طرقات المدرسه كويس. والسلم وكمان الفصول. واتحركو ع الفصل. فتون: جريت. صباح الخير يا استاذ عبدالقادر.عبد القادر: صباح النور. اتفضلى امضي. فتون: اخدت القلم. ومضت حضور. اتفضل. فتون: طالعه ع السلم. حنين: طالعه وراها. انتى يابت! فتون: ابتسمت ولفت. صباح الفل. حنين: صباح الورد. هاتى بوسه تعالى. فتون: ضحكت. وسلمت عليها. وطالعين ع السلم. حنين: عامله ايه؟ فتون: الحمد لله تمام انتى عامله ايه؟ حنين: تمام. صاحيه بدرى وهموت وانام. فتون: انتى مابتشبعيش نوم؟ حنين: ولا أكل ههههههه. خدى امسكى. وطلعت من شنطتها ساندوتشات.فتون: ايه ده؟ حنين: ساندوتشات شاورما. ماما عملاهالى. واقولها ياماما ف حد يفطر شاورما؟ قالتلى وانتى بيحوق فيكى حاجه معده من فولاذ ههههه. فتون: هههههه. ربنا يخليهالك. بس لا انا مش هقدر. انا فطرت في البيت. وشربت نسكافيه. ونزلت ع طول. حنين: ماليش دعوه. امسكي بقى متبقيش رخمه. فتون: والله ما هقدر. واتكلى بقى علشان الفصل اهو. والحصه بدأت. حنين: اوكي. هقابلك ف الفسحه.فتون: ماشي. ودخلت الفصل. وحطت الشنطه ع التربيزه. صباح الخير ياحلوين. كلهم: بنشاط صباح الخير يا ابله فتووون. فتون: ضحكت. عاملين ايه انهردا؟ كلهم: بفرحه. الحمدلله يا ابله! فتون: ابتسمت. يلا كله يقعد. ويطلع كتاب العربي. الدرس الرابع و مسطرة برايل وقلم برايل. الاطفال كلهم طلعوا الكتاب والمسطره والقلم بنشاط. لانهم بيحبو فتون. فتون: فتحت الكتاب. وبتقرا منه للاطفال. وشرحت الدرس بكل تركيز.وخلصت شرح. وشافت ولد قاعد ومنزل راسه وباصص للأرض وشكله زعلان. فتون راحت قعدت جمبه. ايه يا مالك فهمت الدرس؟ مالك: هز راسه بلاء. فتون: لعبت في شعرو وابتسمت. طيب قولى انت مش فاهم ايه وانا اشرحهولك. مالك: مردش. وساكت. فتون: امم طيب حد دايقك ف المدرسه؟ مالك: هز راسه بلاء.فتون: طيب قولى مالك. مش انا ابله فتون صحبتكم. لو مقولتليش انا هزعل منك وكمان مش هجيب الحاجه الحلوه معايا تانى. ها قولى بقى مالك!؟ وبصت للأطفال. وقالت بصوت مسموع. الصووت. كلنا نكتب الدرس المستفاد يلا. علشان هراجع مع كل ولد وبنت. وهشوف مين اشطر واحد. وهياخد الشبسى. الكل اتحمس. وبدءو يراجعو الدرس. فتون: ها يا مالك هتقولى ايه الل مزعلك اوى كدا؟ مالك: بزعل حقيقي. ماما وبابا زعقولى الصبح.فتون: ربتت ع ضهرو. ليه ياحبيبى ايه الل حصل علشان يزعقولك؟ مالك: بزعل. لانى وقعت العصير ع لبس بابا الصبح. وعيونه لمعت بدموع. بس غصب عني. وبابا وماما زعقولى. وبابا قالى هتفضل فاشل حتى اسمك مش عارف تكتبو. وماما سمعتها بتقول لبابا انا زهقت وتعبت معاه. هما زهقو منى علشان انا مش بشوف زى اخويا الكبير.فتون: مالك صعب عليها جدا. وعيونها لمعت بدموع. وضمته لقلبها بحنان كبير وباست ع راسه. ومسحت دموعه وباسته من خدو. ايه الل انت بتقوله ده يامالك؟ لا طبعا باباك ومامتك بيحبوك جدا وعمرهم ما يزهقو منك ابدا. وقالت بصوت واطى. طيب تعرف. إن لبس المدرسه بتاعك احسن لبس ف الفصل كله!؟ مالك: بفرحه بجد يا ابله؟ فتون: بتأكيد. طبعا بجد. وكمان شنتطك احسن شنطه ف المدرسه كلها. مالك: بدء يتحمس بجد. بجد يا ابله؟فتون: بجد ياروح الأبله. وعيزاك تعرف إن ده دليل أن باباك ومامتك بيحبوك جدا وبيهتمو بيك. لو مش بيحبوك كانو جابو ليك اى لبس وخلاص. وكمان ايه دا!؟ ريحة البرفان بتاعتك حلووه اوووى. مين الل جايبلك البرفان ده؟ مالك: ضحك. بابا جابهولى ف عيد ميلادى اول امبارح. فتون: امم عيد ميلادك. كان اول امبارح وانا معرفش. كل سنه وانت قمر كدا يامالك. مالك: ضحك واتكسف ومردش.فتون: لعبت في شعرو. مالك ياحبيبى. عايزاك تتأكد أن اهلك بيحبوك. وكمان يامالك اي حد سواء بيشوف او لا. ممكن الكوبايه تقع من ايدو. طيب تعرف انى كسرت طقم كوبيات بحاله ههههه. مالك: بدهشه. بجد ياابله؟ فتون: ايوه بجد. مالك: طيب وباباكى ومامتك زعقولك؟فتون: ابتسمت بحب. وافتكرت حنية ابوها عليها. واضطرت تكذب علشان مالك. وقالت ايوه زعقولى كتير. وبصت ل مالك انت لما بتقصر ف الواجب بتاعك مش الميس بتزعقلك وكمان لما بتعمل حاجه غلط ف المدرسه مش المدرس بيزعقلك؟ مالك: هز راسه ايوه.فتون: طيب. يعنى مش لازم نزعقلك علشان مش بنحبك. لا احنا بنشد عليك علشان عايزين مالك يبقى احسن واحد ف الدنيا. وكمان انا هخليك تثبت لباباك ومامتك انك مش فاشل. وهقدملك هدية عيد ميلادك انهردا. وهي اني هعلمك انهردا انك تكتب اسمك ولو كتبت اسمك ليك هديه منى وهي كيس شيبسى وبسكويت. هااا مبسوط؟ مالك: نشاطه اتجدد. مبسوط اوى انا بحبك اوى يا ابله فتون!فتون: ههههه وانا كمان بحبك ياملوكه. نخلص الحصه. وبعد كدا أعلمك اسمك ف الفسحه. اتفقنا. مالك: هز راسه بفرحه اتفقنا. فيلا بدر الدين. فريده: قاعده ع السفره. سليم: نزل صباح الخير يا فريده! فريده: بحب. صباح النور ياحبيبى. تعالى اقعد ثوانى وعزيزه هتجيب قهوتك. سليم: قعد. اومال شريف راح الشركه؟ فريده: لا شريف لسه منزلش انا بعت عزيزه تصحيه! سليم: هز راسه. ونفخ بديق.فريده: مالك ياسليم. شكلك مدايق كدا ليه؟ انت مش عاجبني من اول امبارح. سليم: اتنهد. وابتسم بتمثيل. ابدا ياحبيبتى. عندى ميتنج مهم انهارده. عزيزه: جابت القهوه. اتفضل يا سليم بيه وحطتها قدامه. سليم: اخد الفنجال. وبيشرب القهوه. وسرحان ف رهف. لانه متصلتش عليها من اخر مره وصلها للبيت. وهي كمان متصلتش عليه. وفاق ع صوت شريف. شريف: نزل ومعاه ملف. صباح الخير. فريده وسليم. صباح الخير.شريف: قعد. وبيشرب القهوه. اتفضلى حضرتك ده ملف فيه شوية إجراءات للمشروع الجديد وواقف ع الامضا بتاعتك راجعى عليه برحتك بس احنا محتاجينه بكره لان هنتقابل ف ميتنج مهم انا وسليم والعملا. فريده: اخدت الملف. وهزت راسها حاضر يبنى. انا هقراه ولما ترجع إن شاء الله هيكون جاهز. شريف: تمام. وبص ع سليم شافه مش ع طبيعته…سليم: سرح من تانى وحاسس أنه مبقاش فاهم حاجه. وانتبه ع صوت القطه. وابتسم لانها بتلف حوالين رجلين سليم لانه مهتم بيها. كأنها بتقوله صباح الخير. سليم شالها. والفطار جهز. والكل فطر ف صمت. سليم: قام. طيب ياشريف انا هسبقك. هتروح ع الشركه ولا المصنع؟ شريف: لا انا هطلع ع البنك الاول. وبعدها الشركه. سليم: هز راسه تمام. وباس ع أيد فريده. وخرج. فريده: احم شريف ياحبيبى! شريف: بصلها. نعم.فريده: انا كنت عايزه اتكلم معاك في موضوع كدا! شريف: فهم. وهز راسه. اممم موضوع الجواز مش كدا؟ فريده: ابتسمت. ايوه يا يبنى. انت هتفضل لحد امتى كدا. العمر بيجرى. وانا شايفه أن مفيش سبب انك متتجوزش! الحمدلله مال وجمال ناقصك ايه علشان ترفض. ولو ف واحده ف دماغك قولى بس شاور عليها وانا اطلبهالك على طول. نفسي افرح بيك!شريف: بصلها كتير جدا. وساكت. وبعدها اتنهد. وقال صدقينى انا مستريح كدا. ياريت الموضوع ده يتأجل. انا لما احب اتجوز هاجي لحد عندك واقولك انا قررت اتجوز. لكن حاليا انا مركز ف شغلى وبس. وخلاص كلها 5 شهور وتفرحي ب سليم. فريده: عيونها لمعت بدموع. افرح!؟ افرح ايه يبنى وهي دي جوازه. هي رهف دي عارفه تشيل مسؤلية نفسها لما هتشيل مسؤلية بيت انا بدعي ليل نهار. إن سليم يفوق. ويعرف انها مش من توبه!شريف: سيبيه برحته سليم مش صغير وقادر يتحمل نتيجة قراره. وسليم طول عمرو زكي. انا افتكر يوم ما انا وبابا كنا قاعدين ف اجتماع. وسليم راجع من الكليه. وحضر معانا الاجتماع من باب التسليه. وابتسم. وكمل كان بابا بيشرح المشروع الجديد. وسليم بدون وعي وقدام الوفد ف الاجتماع قال الابعاد الل ممكن تحصل للمشروع ده لو تم ف المنطقه المحدده ليه. وخلانا كلنا نشوف المشروع من اتجاه تانى خالص. ومن ساعتها بابا قرر إن سليم يتعين ف الشركه. وكان قدها. لاننا اكتشفنا حب سليم للتجاره وبيحب يفكر بعمق كبير ويرجع للاجتماع بطريقه تبهر كل الموجودين. ف مش معقول واحد بالكفاءه دي هيختار غلط شريكة حياته!فريده: اتنهدت بتعب. وهزت راسها. ربنا يقدم الل فيه الخير. شريف: قام. انا لازم اروح ع البنك دلوقتي بعد اذنك. وخرج. ف المدرسه. وقت الفسحه. فتون دخلت الفصل. وشافت مالك قاعد مكانه مستنيها. وابتسمت. مالك: حس بخطواتها ابله فتون! فتون: ايوه يامالك. وقعدت جمبه. يلا بقى طلع المسطره والقلم علشان أعلمك تكتب اسمك. مالك: بحماس. يعنى هتعلم اكتب اسمي كامل. فتون: ايوه طبعا. بس يلا قبل الفسحه ما تخلص.مالك: طلع المسطره والقلم. انا جاهز. فتون: ابتسمت. هات ايدك. ومسكت ايد مالك. وقالت يلا نبدء. وقالت. اسم مالك بيدء بحرف الميم. يلا ف المربع او الخليه هنا هنعمل بالقلم. حرف الميم أدى نقطه 1 نقطه 3 نقطه 4 حرف. الالف نقطه 1 حرف اللام. نقطه 1 نقطه 2 نقطه 3 حرف الكاف. نقطه 1 نقطه 3 مالك: فتون ماسكه ايدو. وبيكتب معاها. ومركز المرادى جدا. علشان يفاجئ ابوه وامه.فتون: كررت اسم مالك اكتر من مره. ومالك كتبه لوحده. وبعدها فتون مسكت ايدو وعلمته اسمه بالكامل. ومالك اتعلم وكان مبسوط جدا. فتون: بسعاده. برافو عليك يامالك بجد انت اشطر واحد ف الفصل. مالك: بفرحه. انا مبسوط اوى يا ابله. انا اول ما اروح هقدم لماما وبابا الورقه دي. وكمان هكتبه قدامهم كتير. فتون: حست بفرحته. وطلعت كيس شيبسى اتفضل بقى كيس شيبسى وكمان بسكويت اهو زي ما وعدتك. مالك: اخدهم شكرا يا ابله.فتون: العفو ياحبيبى. بعد فتره. فتون خلصت وخارجه المدرسه. حنين: توونه انتى يابت. قفشتك ماشيه يعنى من غير ماتسلمي عليا.؟ فتون: انا دورت عليكى. ورحت المكتبه وملقتكيش هناك قولت يمكن اخوكي جه اخدك بالعربيه ومشيتى! حنين: اووف اسكتى متفكرنيش. هي دي عربيه! دي بتقف اكتر ما بتمشي هههههههه فتون: اي حاجه ياحنين المهم انها تأدي الغرض. حنين: بقولك ايه. ماتيجي نتمشي شويه!فتون: لا معلش يا حنين. انتى طبعا عارفه أن ماما تعبانه. ومينفعش اتاخر عليها. حنين: بتفهم. امم تمام. خلاص بس اعملى حسابك نخرج ف يوم مع بعض. فتون انتى مبتخرجيش خالص! وانا جيت عندك البيت. وانتى مش راضيه تجي عندى خالص. فتون: ابتسمت. إن شاء الله. هجيلك انتى متزعليش بس. هتلاقينى ف يوم بقولك يلا بينا ع بيتكو. حنين: ماشي ياست يافتون لما نشوف.فتون: شافت الاتوبيس. طيب ياحنين الاتوبيس جاي همشى انا علشان لو ملحقتوش فيها ساعه كمان لما يجي غيرو يلا سلام. ومشيت حنين: سلام ياحبيبتي وبصوت مسموع. وخلي بالك من نفسك يا فتوون. فتون: ماشيه بسرعه. وشاورت أيدها ليها ماشي ياحبيبتى وانتى كمان. فتون. ركبت الاتوبيس بصعوبه من الزحمه. ووقفت ف الطرقه. حنين: شاورت ل تاكسي وركبت ومشيت وصعبان عليها حال فتون. ف شركة بدر الدين.سليم: ف المكتب. وبيدرس الملفات والمشروع الجديد بكل تركيز. الباب اتفتح. صحبى يصحبى. سليم: رفع عينيه وضحك. تعالى يافاشل. خالد: قلب الفاشل. وحشنى اجدع. وقعد قدامه ع كرسي المكتب وفرد رجله ع التربيزه. سليم: وانت اكتر. فينك كدا مش باين؟ خالد: حط ايدو ع قلبه. مش مانعنى عنك غير الشديد القوى. سليم: ههههههههه يبقى كنت مشغول مع حب جديد يمعلم.خالد: حب ايه الل انت جي تقول عليه. انا مش بتاع حب يسطا. البنات كلهم شبه بعض. تبصلها تغمزلها خلاص بقت ف جيبك وكله بالفلوس والحب. سليم: هز راسه بنفاذ صبر. عمرك ما هتتغير. وهفضل اقولك إن البنات كلهم مش زي بعض. بس انا واثق إن اكيد هتيجي ف يوم واحده وتفوقك من الل انت فيه. وساعتها تبقى سلملى ع الفلوس. خالد: بتأكيد. مش هيحصل. لان مفيش حاجه اسمها حب اشطا؟ سليم: لا طبعا فيه. عندك انا ورهف.!خالد: بصله ف نظره معينه وسليم فهمها. وانت بقى بتحب رهف ياسليم؟ سليم: بص ل خالد وحس أن لسانه اتلجم ومعرفش يرد! خالد: ايه؟ سكت ليه!؟ عموما سكوتك ده اكبر دليل ع انك محبتهاش! سليم: مط شفايفه. امم اومال ايه ياسابق عصرك.؟خالد: انا مش عايز اتكلم معاك جد علشان متزعلش منى زي ماحصل قبل كدا. بس هرجع اقولك الل انا قولتهولك يوم ماقولتليى انك هتتقدملها. انت واحد متعلم ومثقف وشخصيتك كانت. ها. انا بقول كانت غير كدا خالص. انت واحد كنت ف حفله شوفت بنت جايه من امريكا. جميله مميزه تعليمها كله بره مصر. وكان الضوء متسلط عليها يوم الحفله. نص كلامها انجليش. وامها وأبوها متحضرين أو متحررين. شخصيتها مستقله والكل كان هيموت عليها ف وسط الحفله وهي منفضالهم. وسابت كل ده وركزت معاك انت وجت لحد عندك واتعرفت عليك. وطلبتك انت بالتحديد ترقص معاها. وده كان حلم بالنسبه لرجال أعمال كتير موجودين في الحفله. والضوء بقى متسلط عليك وعليها. ساعتها انت محبتهاش زى ما قولتلى لالا. ساعتها بس انت حسيت بالانبهار. مرحله جديده ف حياتك. وأنت مدتتش لنفسك فرصه تفكر. لا! بعدها ب اسبوع واحد روحت اتقدمت من قبل ما تعرف طبعها ولا أسلوبها. واهي تعباك نفسيا ف حكاية لبسها ورحلاتها وسهرتها. ياسليم انت مبتحبش رهف اوكي انت بس مبهور بيها وبكره هفكرك اشطا! وخالد منتظر هجوم سليم زي ما حصل قبل كده!سليم: بيسمع خالد ومركز جدا. كأنه اول مره يسمع الكلام ده. وافتكر كلام فريده. وبص ل خالد وهز راسه واتنهد وسكت. خالد: استغرب رد فعله. لكن معلقش و طلع فلاشه من جيبه. بقولك ايه. نركن الفلسفه بتاعتنا دي ع جمب. وأمسك. سليم: بعدم فهم. فيها اي الفلاشه دي؟خالد: انت مش كنت عايز فيلا ف مكان حلو. اهو عندك ع الفلاشه دى اكتر من فيلا. ومتصوره من جوه وبره. واماكن مختلفه وكل فيلا مكتوب عليها السعر بتاعها. عيش بقى مع الصور. واطلبلى قهوه. سليم: اخد الفلاشه. وحطها ع المكتب. وطلب 2 قهوه. السكرتيره. دخلت بالقهوه. وحطت القهوه. وخالد عينيه عليها. سليم: متابعه. وسكت. السكرتيره. خرجت. سليم: بتحذير. اول واخر مره. هاقولك تلم عينك لما تبقى ف شركتى ومكتبى فاهم يالا.خالد: ياساتر عليك. ماتسينى اعيش يا اخى. سليم: تعيش!؟ انت بتسمي القرف ده عيشه. بقولك ايه انا مش هعيد كلامى تانى. خالد: طلع سِجاره امسك ومتوجعش دماغي. ويلا شوف الِلل. سليم: اخد السِجار وحاسس أنه مخنوق. وشغل الفلاشه ع اللاب توب. وبدء يتفرج هو وخالد. وسليم جواه مش فارق معاه لأن رهف هي الل هتختار.فتون: نزلت من الاتوبيس بصعوبه. ونفخت بديق. استغفر الله العظيم يارب. الشنطه كانت هتتقطع. وعدت ع البنك قبل ما يقفل وقبضت المعاش. وخرجت. ودخلت الشارع وماشيه فيه. ودخلت عماره وطلعت الدور الرابع. وخبطت. والبنت فتحت. اهلا ابله فتون. فتون: اذيك ياعبير. ماما موجوده؟ عبير: ايوه عايزاها؟ فتون: ايوه ياحبيبتي قوليلها تكلمنى! عبير: هزت راسها وجريت. تبلغ امها. فتون: واقفه قدام الباب.ام عبير: تعالى يافتون خشي ياحبيبتى. فتون: الله يخليكى يا ام عبير. انا جايه علشان انهردا 10 ف الشهر وده دوري ف الجمعيه. أم عبير: ايوه ياحبيبتي. بس ف 2 لسه مدفعوش. تاخدى الل موجود. وع بليل ابعتلك الباقي مع البت عبير.؟ فتون: ماشي مايجراش حاجه. ام عبير: طيب تعالى متقفيش ع الباب كدا. فتون: معلش اصلى مستعجله امى لوحدها. ام عبير: طيب ثوانى هجبلك الفلوس. ودخلت.وجابت الفلوس. اتفضلى ياحبيبتي 1600 جنيه اهُم وبليل هبعتلك 200 جنيه وانتى بتدفعى 200 جنيه يبقى كدا ال 2000 جنيه وكل شهر وانتى طيبه. فتون: ابتسمت. وانتى طيبه يام عبير. واعملى حسابى ف الجمعيه الل بعدها. وتانى اسم المرادى زى ما وعدتينى. أم عبير: طبعا يافتون عينى ليكى ياحبيبتي. وانا هكتب اسمك من دلوقتي. فتون: تمام. يلا بال اذن انا سلامو عليكو ونزلت ع السلم. أم عبير: وعليكو السلام ياحبيبتي. وقفلت الباب.فتون: نازله مبسوطه. وعدت ع بتاع الفراخ. اذيك ياعم نبيل!؟ نبيل: اهلا اهلا يافتون يابنتى. عاش من شافك. فتون: تحت النظر ياراجل طيب. بقولك ايه؟ نبيل: اؤمرى يابنتى. فتون: الأمر لله ياعم نبيل. انا عايزه منك تشويلى فرخه بس دلوقتي. وانا هروح مشوار صغير وانا راجعه هاخدها منك. نبيل: من عينيه. 10 دقايق وعدى عليا. فتون: تمام حلو اوى. حسابك كام؟ نبيل: بس لما ترجعى.فتون: لا قبل ما تعملها خد حسابك امسك وشوف حسابك كام. واعمل حسابك في السلطه والطحينه. نبيل: من غير ما تقولى يابنتى انا هظبطهالك. امسكي الباقى اهو. فتون: اخدت الباقى. ماشي تسلم ايدك قبل ما تعملها. ومشيت. وراحت اخر الشارع ودخلت محل ادوات منزليه. سلام عليكم. الست: وعليكم السلام. فتون: انا واخده حجات قسط من هنا. عايزه اشوف عليا كام. بإسم فتون مهران. الست: ثوانى. وفتحت الدفتر. وقالت عليكى 485 جنيه.فتون: طلعت الفلوس. طيب اتفضلى ده كل الل عليا. عايزه الوصل. الست: شطبت ع اسمها وطلعت الوصل اتفضلى ياحبيبتي. فتون: ماشي شكرا. وخرجت. ودخلت حاره صغيره. وطلعت منها عند ورشه كبيره. سلام عليكو ياشيخ محمد. محمد: بتعجب. فتون!؟ وقام بسرعه بقلق خير يابنتى؟ ف حاجه حصلت!؟ فتون: لا لا ياعم محمد محصلش حاجه. انا كنت جايه ارجع دول. وطلعت فلوس الايجار. اتفضل.محمد: اتنهد بأريحيه. ياشيخه حرام عليكى. والله خضتينى. وايه الل انتى بتعمليه ده. انا مش واخد حاجه! فتون: معلش ياعم محمد مش هينفع اتفضل. محمد: بصلها بعتاب. خدتى سلفه من المدرسه!؟ ولا استلفتى من الغريب علشان تسدى القريب يابنت مهران!؟فتون: بنفي. ابدا والله ياعم محمد. انت عارف انى ماينفعش اخد سلفه من المدرسه ده لسه تانى شهر ليا فيها ومش هيوافقو. وكمان والله العظيم انا ما استلفت من حد. انا قبضت الجمعيه من خالتى ام عبير. وكمان جبت المعاش. وانا بصراحه ماستنتش لما تروح البيت. قولت بلاش ارجعلك فلوسك قدام خالتى ام عصام ههههه اصل انا عارفاها بتحبنى اوى.محمد: اتنهد بحيره. طيب يافتون خلى الفلوس معاكي دلوقتي. وسديديها ع أقل من مهلك. انا مش محتاجها دلوقتي. فتون: مش هينفع. معلش ريحنى ياعم محمد وخد فلوسك. الله يخليك. محمد: بنفاذ صبر. خلاص بقى يافتون عيب عمايلك دي. فتون: معلش اصل مش هتحرك من هنا غير وانت واخدهم. ف خدهم من دلوقتي عايزه الحق فاطمه زمانها زهقت لوحدها.محمد: لا حول ولاقوة إلا بالله. ومد ايدو ماشى يافتون يابنتى. ربنا يسدد ما عليكى. واخد الفلوس بحرج. فتون: ابتسمت بأريحيه. اللهم آمين. انا هروح بقى عايز منى حاجه. محمد: سلامتك يابنتى. وسلميلى ع الحاجه ام فتون ولما اروح بمشيئة الله اطلع أسأل عليها. فتون: الله يسلمك يا عم محمد. ماشي سلام عليكم ومشيت. محمد: بص عليها كتير. وعليكم السلام ورحمة الله وبركاته. واتنهد ربنا يهديكى ياسحر يابنتى. واشوفك زي فتون.فتون: دخلت صيدليه. وجابت علاج الشهر كله بتاع والدتها. وخرجت. و راحت ل نبيل واخدت الفرخه. واشترت فاكهه. وراجعه ع البيت. وعدت ع البقاله. سلام عليكم ياعم زينهم. زينهم: وعليكم السلام. حمدالله ع السلامه. تعالى يافتون ادخلى. فتون: دخلت الله يسلمك ياراجل يابركه. فين النوته.؟ زينهم: يادي النوته الل تعباكي عايزاها ليه.؟ فتون: انا قبضت الجمعيه. وقولتلك يوم ما اقبض هعدي عليك.زينهم: ربنا يسد ما عليكى يابنتى. وجاب النوته. خدى يافتون. انا نسيت النضاره ف البيت. فتون: اخدت النوته. وحسبت الل عليها. اتفضل ياعم زينهم. ده حساب الشهر كله. زينهم: يابنتى لو مش معاكي خلي دلوقتي. فتون: ربنا يخليك ياعم زينهم. مستوره الحمدلله. يلا انا هطلع بقى. زينهم: ماشي يابنتى سلميلى ع الحاجه. فتون: الله يسلمك. ودخلت وطالعه ع السلم. وشافت سميره بتحط الزباله قدام الشقه. سلام عليكم ياست أم عصام.سميره: بتمثيل. وعليكم السلام يافتون ياحبيبتي. ايه جايه منين كدا؟ فتون: باستغراب. ما انتى عارفه انى شغاله ف المدرسه! سميره: عوجت بوقها. وبصت ع الشنط الل ف ايديها. مدرسه! اه وماله هي المدرسه بتفضل فاتحه لبعد الساعه 2 امم يمكن. فتون: رفعت حاجبها وفهمت. لا يا ام عصام. انا طلعت من بدرى بس كنت ف البنك بقبض المعاش. واشتريت علاج امي. علاج الغضروف والسكر والضغط والقولون بعيد عنك.سميره: شهقت انتى بتفولى ف وشي يافتون؟ فتون: انا. ابدا بس بعرفك انا كنت فين علشان متفكريش كتير انا كنت فين وجايه منين. بقولك علشان ترتاحي من التفكير. اصل بعيد عنك التفكير الكتير بجيب ضغط. سلميلى ع سحر لما تصحى من النوم. سلام. وسابتها وطلعت. سميره: صكت ع أسنانها بغيظ. ودخلت الشقه بنرفزه. ورزعت الباب جامد. فتون: طالعه. وبتضحك. واتخضت مساء الخير يا انسه فتون.فتون: غمضت عينيها من الخضه. وكمان اتخنقت. مساء النور يا استاذ طلعت. طلعت: انا طلعت من الشقه ع صوت باب اترزع جامد. ولكن حظي الحلو انى فتحت وشوفتك ياقمر. فتون: بصوت عالى نعم ياخويا!؟ سمعنى تانى كدا قووولت اييييه!؟ طلعت: بتوتر. لا لا انتى فهمتى غلط. وبعدين يا انسه فتون مش كل ما اتكلم مع حضرتك تتعصبى كدا!فتون: اديك قولتها. بتعصب كل ما اتكلمنى. لانه ماينفعش انك تكلمنى من الأساس. انت لا من الحاره ولا اعرفك ولا قريبي علشان تكلمنى انت محامي مآجر الشقه دى عشان تحل قضايا يلا ياخويا. خش وشوف شغلك. دى خيبة ايه دي!؟ وسابته وفتحت باب شقتها وقفلت ف وشه. طلعت: اتخض. متهوره بس قمر. وبص حواليه ودخل المكتب بسرعه. فتون: دخلت. وقفلت الباب. وسندت بضهرها ع الباب بتعب. فاطمه: من جوه انتى جيتى يافتون!؟فتون: ابتسمت ايوه يافطوم. وحطت الحاجه ع التربيزه. ودخلت قعدت جنبها ع السرير. فاطمه: اتاخرتى كدا ليه ياضنايا قلقتينى عليكى!؟ فتون: باست ع أيدها. معلش ياست الكل. عديت ع البنك. وقبضت المعاش وكمان الجمعيه وجبتلك العلاج. وافرحي بقى مبقاش علينا اقساط. وكمان دفعت الايجار. وكلها كام يوم وهقبض مرتبى احلا شهر ده ولا ايه؟ ههههه. وقومي بقى كدا علشان انا جيبالك غدوه بتحبيها اوى اوى.فاطمه: الحمدلله يارب. ربنا يسدد ماعليكى ياقلب أمك. ولا يحوجك لحد ابدا. فتون: يارب. يارب ياطماطم. فاطمه: ضحكت. يابت ارسيلك ع اسم دلع ليا حيرتينى معاكى. فتون: اله اعملك ايه يعنى ما انتى الل اسمك حلو. طماطم وفطوم. وفاطمة قلبى. وبطه. وطمطم هههههه حلو طمطم دي؟ فاطمه: بحب. ربتت ع ايديها اى حاجه منك حلوه ياضنايا.فتون: ربنا يخليكي ليا يارب يابطه. يلا قومي بقى. وانا هغير هدومي واصلى الضهر. ونغدى احلا غدوه. انا وانتى. فتون: قامت وغيرت هدومها. واتوضت وصلت الضهر. وجابت الاكل وقعدت قدام فاطمه. يلا يابطه. بسم الله. فاطمه: ماشاء الله. فرخه بحالها يافتون. كتير يابنتى! فتون: كتير ايه بس يابطه. بصي انا عايزاكي تكلى لما تشبعي. والباقى هشيله ف التلاجه لبكره مش هيخسر يعنى. يلا بقى اتغدى. علشان انا جعانه اوى بصراحه.شركة بدر الدين. ف مكتب سليم. قاعد مع خالد وبيضحكو مع بعض. وفجاءه باب المكتب اتفتح بقوه مره واحده.
رواية أحببت بصيرته للكاتبة مريم نصار الفصل الرابع
ف شركة بدر الدين. ف مكتب سليم. قاعد مع خالد وبيضحكو مع بعض.خالد: هههههههه والله زيمبؤلك كدا. البت بعد ما اتفقنا ع كل حاجه واخدتها المطعم واكلت وشربت وصرفت عليها دم قلبى. قامت وقالتلى ميرسي جدا ع الوقت الظريف ده. بعد اذنك اصل خطيبي وصل. وسابتنى ومشيت. وانا قاعد بستوعب الل حصل. ههههه وان البت ضحكت عليا. وانت طبعا عارف انا محبش حد يعلم عليا. قومت علشان اجيبها من شعرها. لقيت اخوك شريف ف وشي. ف احترمت نفسي ههههههههه.سليم: ههههههه. والله ما قادر ههههههه الله يخربيتك. والله البت دى جدعه جدا. عرفت انك واحد اهبل قالت ومالو اتغدى واظبط نفسي كدا. وبعدها اديلو ع قفاه ههههههه خالد: ولا ياسليم ماتخلنيش اتغابى عليك.سليم: هههههههه روح اتشطر ع الل علمت عليك. هههههههه اااه ههههه فاكر ياض ياخالد. البت الل انت خدتها ف العربيه ودفعتلها فلوس. وبعدت ما اخدت منك الفلوس قالتلك باب العربيه قفل ع الفستان. وفتحت باب العربيه. ونزلت بسرعه وصوتت وقالت أنا هفضحك. ههههههه وصوتت والناس بدءت تتلم وانت طلعت جري بالعربيه هههههههه.خالد: ههههههههه اه بنت التيت. مبقاش في ضمير يصحبى. هههههههههههه. بقولك ايه. ماتيجى نروح للشله بتاعتنا ونتسابق سباق سيارات. سليم: لاا. مش انهردا خليها وقت تانى. وفجاءه باب المكتب اتفتح بقوه مره واحده. سليم وخالد. بصو ع الباب بسرعه من الطريقه. وكانت رهف. وداخله زى الإعصار ومتنرفزه. خالد: نزل رجله من التربيزه. وهمس بغيظ متخلفه ف كل حاجه.! سليم: ادايق جدا من تصرفها ده ومتكلمش.رهف: دخلت بغيظ ورمت الشنطه ع الكنبه. وربعت ايديها. السكرتيره: دخلت بسرعه. مستر سليم والله انا قولتلها لحظه واا… سليم: شاور ليها بتفهم. وهز راسه اتفضلى انتى. خالد: قام وقف. احم طيب ياسليم. انا هروح ع المكتب ولما تستقر ع مكان وتختار كلمنى علشان اروح للسمسار. سلام. وبص ل رهف اهلا اذيك يا انسه رهف.!؟ رهف: بصلته بغيظ. ايه انسه رهف دى كمان ياخالد!؟ اسمى رهف هانم اوكي.!؟خالد: كتم الضحكه. ايوه طبعا أنا ازاى قولت كدا. انا اسف جدا يا،! رهف هانم. ولف وشه وضحك بشماته وهو خارج. احسن ياسليم البس عشان تتريق عليا كويس. دى حتى امها اسمها منى ههههه. سليم: صاكك ع أسنانه بغيظ مكبت ومتنرفز جدا. لكن ساكت تماما. وفتح ملف ومتجاهلها خالص.رهف: بغيظ. راحت عند سليم ووقفت جمبه. تقدر تقولى انت بتعمل كده ليه؟ وكمان صاحبك يقولى رهف كدا من غير هانم وانت ساكت. وكمان سكرتيرتك الغبيه دي تمنعنى انى ادخلك المكتب. البنت دي تمشي من الشركه حالا! سليم: خبط بايده ع المكتب بغضب وقام. ورهف اتخضت واتصدمت. وزعق بنرفزه وبعدين معاكي انتى مش هتعقلى بقى،؟ اولا مش سليم بدر الدين الل تقوليله يعمل ايه وميعملش ايه!؟وخالد مغلطش معاكي قالك يا انسه رهف معتقدش انه اجرم يعنى.!؟ ثانيا البنت كانت بتعمل شغلها مش اكتر! لانى قاعد ف المكتب ومعايا ناس! وانتى الل غلطتى ف دخولك المكتب بالطريقه دي مش هي. وثاالثا وده الأهم يارهف! اول وآخر مره تدخلي المكتب بالطريقه دي وزعق فاهمه ولا لأ؟رهف: بصتله كتير بزهول. ومره واحده عيطت. انت اتغيرت اوى ياسليم. انا دخلت كدا علشان انت بقالك يومين مبتكلمنيش من يوم ما زعلتنى. انت مبقتش تحبنى.! سليم: نفخ بديق. اووف. رجعنا لحوار كل مررره. اومال مين الل كلمك من اسبوع وقالك انا حددت ميعاد الفرح كمان 5 شهور. مع أن باباكي كان عايزو كمان 7 شهور ها؟ انا لو مبحبكيش كنت أجلت جوازنا. او حتى لو مبحبكيش زي ما انتي بتوهمى نفسك اتقدمتلك ليه من البدايه؟اسمعى يارهف حاولى تغيري من تصرفاتك لان صبرى قليل تمام.؟ رهف: مسحت دموعها وبزعل ودلع. ومسكت ياقت قميصه سليم انت لسه بتحبنى!؟ سليم: اتنهد. ونزل ايديها. والله يارهف الل انا عارفه ومتأكد منه أنى بحب،! وافتكر كلام خالد وحس ان كلمة بحبك بقت تقيله اوى المرادي. رهف: سليم انت روحت فين!؟ سليم: انتبه واتنهد. رهف افعالك دي مش قادر احدد بالظبط ولا قادر اوصل لانتى عايزه ايه!؟رهف: مسكته من ياقته تانى وقربت من وشه اوى. انا عايزاك انت يابيبى. وحشتنى اوى ياسليم. وقربت منه اكتر علشان تبوسه. سليم: بعد وشه عنها بطريقه لطيفه. وبص بعيد. رهف: بزعل اوكي ياسليم! سليم: رهف انا الل هسالك المرادى وبجد! انتى فعلا بتحبينى؟ يعنى شايفه نفسك انى انا الإنسان المناسب ليكى!؟ يعنى انتى بتحبنى لشخصي لسليم نفسه؟ رهف: بتأكيد. سليم انا محبتش حد قدك وانت عارف كدا كويس.ايوه احنا مبنتكلمش كتير. وانت مبتتصلش عليا كتير يعنى مره او مرتين في الاسبوع. وانا الل بكلمك وأسأل عليك وكمان مبنخرجش غير كل جمعه بس. وانت اوقات كتير بيبقى عندك وقت تكلمنى أو نخرج مع بعض. فياريت بلاش سؤالك ده علشان مزعلش منك. سليم: ابتسم بتكليف. رهف الحب مش كلام وبس. الحب أفعال. يعنى من اخر مره وانا كنت معاكي. وشوفت تصرفك وأني مش فارق معاكى. وإن دي مش أول مره. ساعتها فكرت طيب رهف بتحبك ازاى!؟يعنى انا مثلا من بعمل كل الل انتى عايزاه. بما انى قادر اعمله بقول ليه لأ؟ رهف نفسها ف ده ف بعملو بدون تفكير. لكن انتى فضلتى خروجك وصحابك ع راحتى. مع انها حاجه صغيره اوى. فكرت واتخيلتك. وانا بقولك تعبان يارهف هموت وانام. انا تخيلتك وانتى بتقولى سلامتك يا سليم. لأ مش مهم نخرج انهردا. نام انت واستريح ونخرج ف اى وقت تانى المهم عندى راحتك. لكن لأ! حصل العكس! لأ ياسليم انا عايزه أخرج وعلشان خاطرى نخرج.لأ وكمان قفلتيها بالنادى! ومسمعتيش كلامي لما قولت يلا نمشي. طيب فين حبك ليا!؟ فين الفعل البسيط الل يثبتلى انك فعلا بتحبينى ويهمك مصلحتى؟ بصراحه اخر موقف ليكي مسيطر ع تفكيرى! رهف: سليم بجد انا بحبك اوى وانت عارف كدا كويس.! سليم: مش عارف يارهف. بجد محتار. وبعدين انتى بتقولى انك انتى الل بتتصلى عليا. طيب امتى وفين!؟احنا فعلا كلامنا قُليل. وانا بكلمك فعلا مره او مرتين ف الاسبوع.! انا بكون مشغول ما بين شغل وصفقات وسفر. لكن انتى مبتتصليش غير لما انا اتصل مره وتشوفى رقمى بالصدفه.انتى حياتك مابين خروج شوبنج سفر رحلات نوادي. مش عارف بجد احدد علاقتنا. انا مأثرتش فيكي وانا بقولك تعبان هموت وانام يارهف. وبصلها بابا الله يرحمه قبل ما يموت تعب واتحجز ف المستشفى فتره كبيره واتنقل للبيت بعنايه. وماما كانت معاه ليل ونهار. سؤالي ليكي يارهف لو انا تعبت ف يوم من الايام هتفضلى جمبى!؟ هتتخلى عن كل حاجه وتقعدى جمب سليم؟ رهف: سليم ايه الكلام ده. وبعدين انت بتقول حجات مش هتحصل.سليم: ضحك بتعجب. ايه الل مش هيحصل بالظبط!؟ انى مش هتعب؟ ولا انتى هتتخلى عنى؟ رهف: بيبى بقى ارجوك. ايه الل بتقوله ده انت عمرك ما هتتعب ولا هيجرالك حاجه. ولا انا ههتم بيك لانك مش هتتعب. وكمان عمرى ما هتخلى عنك اوكي. سليم: اتمنى فعلا. ساعتها بس هكون اخترت صح! بس يارهف مافيش حد مابيتعبش!رهف: رفعت ايديها وحاوطت رقبته بايديها. بيبى انا بحبك صدقنى. وسيبك بقى من كل ده. ولو خلصت شغل وفايق. ممكن تعزمنى ع الغدا اوكي. وباسته من خدو. سليم: هز راسه. ماشي يارهف هاسبنى من كل ده! ومعنديش مانع انى اعزمك. بس ياريت تقعدى شويه لحد ما خلص ملف مهم تمام؟ رهف: لسه هترد لمحت صورة فيلا ع اللاب توب. وشهقت. وااااو. بيبى صورة الفيلا دي تحفه اوووى.سليم: من جواه حاسس انه مش مبسوط وزعلان. وابتسم بتمثيل. ايوه يارهف. خالد شاف اكتر من فيلا. تعالى نختار منهم فيلا. رهف: اتحركت بسرعه. واخدت اللاب وراحت قعدت ع الكنبه. لا يابيبى خلص انت الملف وانا هختار الل يعجبنى اوكى. سليم: بتعجب من تصرفها. هز راسه بعدم إهتمام. اوكي. وقعد وفتح الملف وبيراجع عليه. رهف: وهي بتتفرج بيبى. الاسعار مكتوبه جمب الصوره! سليم: ايوه كل فيلا مكتوب عليها سعرها.رهف: وااااو الفيلا دي تحفه اوووى انا عايزاها بص كدا. وقامت حطت اللاب ع المكتب. هي دى ايه رأيك!؟ سليم: شاف الفيلا. ومعجبتوش. رهف ف كذا فيلا شوفتها وعجبونى جدا وشكلهم اشيك من دي بكتير.! رهف: لأ الفيلا دي تحفه عجبانى اوى ومش هختار غيرها. سليم: بص ع السعر. وفهم تصميمها عليها. هز راسه. بس دي غاليه اوى يارهف. وشكلها كمان مش قد كده. بصي الفيلا دي. وجاب صورة فيلا تانيه. وكانت فيلا جميله.رهف: ربعت ايديها. بزعل. نو. بيبى انا خلاص اخترت وبعدين انا الل هكون صاحبة الفيلا اوكي. سليم: رفع عينيه ليها، وسكت. رهف: بتوتر. احم بيبى انا قصدى انى هكون مراتك. ومراتك هتكون صاحبة البيت مش كدا يابيبى. سليم: مط شفايفه. وهز راسه. وبص ف الساعه. انتى مش قولتى اعزمك ع الغدا يلا علشان عندى چيم كمان ساعتين. رهف: بيبي طيب واليلا!؟سليم: ابتسم بتكليف. ماشي يا رهف بكره هروح انا وخالد ونشوف المكان والوضع. ولو آمان هشتريها. رهف: قربت منه وهو قاعد ع كرسي المكتب. وحضنته. بييييبى بجد ثانكس. مامي هتفرح جدا. سليم: طلعها من حضنه ببرود. تمام وانا يهمنى فرحتك انتى وو، ومنى. يلا بينا!؟ عند فتون. فاطمه بعد الغدا صلت العصر. ودخلت الاوضه قاعده ع السرير ومتغطيه من الساقعه. وبتقول اذكار المساء.فتون: صلت العصر. وعملت شاى. وداخله الأوضه. احلا كوبايتين شاى بعد الغدوه الجامده دي. ههههه. اتفضلى يابطه. فاطمه: اتعدلت واخدت الكوبايه وبتستغفر. تسلم ايدك ياقلب أمك. والله غدوه جامده انتى بتقولى فيها؟ دا انا ع اخري شبعت اوي الحمدلله. وانتى تاكلينى غصب عني لما هفرقع ههههه. فتون: ههههه. بألف هنا وشفا ياطماطم. وبعد الشر عليكى من الفرقعه.فاطمه: تسلمي يابنتى. وربنا يريح قلبك ويسعدك يافتون يابنت بطنى قادر ياكريم. ويحبب فيكى خلقه. فتون: الله ع الدعوه الحلوه دي. ده كدا اتعشت ع كدا هههههه. فاطمه: والله يابنتى بدعيلك ف كل وقت. وربنا كبير وهيستجيب إن شاء الله. وهيجبر بخاطرك.فتون: ونعمه بالله يافطوم. ربنا ديما معايا. طيب تعرفى امبارح قبل ما انام. بصيت ع المصحف الكبير بتاع بابا الله يرحمه. وافتكرت لما كان يقولى. ياتونه لو حسيتها داقت اوى عليكى. تعالى هنا. وافتحى المصحف. واقرى اول ايه عينك تجي عليها! قومت اتوضيت. وجبت المصحف. وفتحته عشوائي زي ما بابا عودنى. تعرفي عينى جت ع أنهى ايه!؟ فاطمه: ابتسمت ايه ياقلب أمك! فتون: ابتسمت بحب وقالت. بسم الله الرحمن الرحيم ؛.وَلَا تَيْأَسُوا مِن رَّوْحِ اللَّهِ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ صدق الله العظيم. فاطمه: بيقين. صدق الله العظيم. ربنا يقويكى يابنتى ع متاعب الحياه. وتكونى قدها إن شاء الله. فتون: يارب يابطه. انا راميا حمولي كلها ع الله. هو الل خلقنا وهو الل مدبرها بحكمته. فاطمه: ونعم بالله… وفون فتون رن. ثوانى يابطه هشوف مين. وكانت حنين. فتون: الوو حنون.حنين: ههههه حنون وفتون. لا دا. احنا اخوات بقى هههههههه. فتون: ههههه طبعا يابت احنا اخوات واكتر كمان. روحتى ف تاكسي ولا اخوكي جالك.!؟ حنين: لأ. ركبت تاكسي ومشيت ع طول. فتون: طيب تمام. حنين: نفخت بديق. فتون انا مخنوقه اوي. فتون: مالك يازفته. انتى مش كنتى لسه مخنوقه من يومين؟ هههههههه. حنين: ههههههه. ايوه ما انا جددت الباقه ههههههه. فتون: ههههه سمعاكي. احكي وانا بتمزج بكوباية الشاي.حنين: ابدا مخنوقه. لانى محبوسه انتى عارفه ماما بتخاف عليا. ويوم ما كنت عندك كانت قلقانه وخايفه اوي. لحد ما كلمت مامتك وكلمتك استريحت شويه. فتون: طيب بما أن مامتك بتطمن وانتى عندنا تعالى اقعدى معايا شويه. حنين: لا الجو مش حلو. خليها يوم تانى. تعرفى انا وريت ماما صوري انا وانتى ف المدرسه. حبتك اوى. ههههه وقالت يخساره مخطوبه ههههه. قولتلها طيب حتى لو مش مخطوبه كنتى هتجوزيها لمين؟ اخويا متجوز!قالت هجوزها لاخويا الصغير. قولتلها لا انا هجوز فتون ل بابا. فتون: شهقت ههههههههه ينهار الوان وسابتك بعد ما قولتى كدا؟ حنين: لا طبعا. انا يدوبك قولت كدا وبلف فجاه لقيت الشبشب باسنى ف وشي بتحبنى اوي الست دي. فتون: ههههههههه. احسن والله ست عظيمه هههههه. حنين: بت انتى اتلمي. انا جعانه ومش طايقه نفسي.فتون: يابت وايه الل سايبك من غير اكل لحد دلوقتي. انتى يدوبك فاطره 4 ساندوتشات شاورما ههههه. ولهفه منى كيس شيبسى. حنين: اتريقى يختى. ماما عازمه خالتى وجوزها. وهيوصلو كمان ساعه. وقالت كلنا هنتغدي مع بعض. وانا بصراحه مابطقش جوز خالتى ده. بيحشر مناخيرو ف كل حاجه. فتون: ههههههههه مكنش يومك ياحنين يختى. ههههه. حنين: انتى بتقولى فيها. مكنش يومى صحيح. وكمان انا عليا المواعين. والجو ساقعه اعاااااااا.فتون: ههههههه. يختى بيضا اسم الله. اغسلى المواعين بميا سخنه يختى. حنين: اكل بس وهيلاقو هرقل ف البيت. فتون: هتعمل ايه ياهرقل بعد الاكل؟ حنين: وادي عايزه كلام. هنام طبعا هههههههه. فتون: ههههههه. شكلك بتحبى الشبشب يبوسك كتير. حنين: طبعا يابنتى انا والشبشب خلاص بقى بينا قصة حب قويه ههههه. الباب خبط عند فتون. ثواني ياحنين اشوف مين بيخبط. حنين: طيب بصي انا هقفل اشوفلى تصبيره كدا. وانتى شوفى مين اشطا.فتون: اشطا يلا سلام. وقفلو. فتون: لبست الخِمار. وفتحت. وابتسمت تعالى يانوسه. نوسه: بفرحه. ابله فتون. ابله فتون. انا شوفت اخويا حسن ف الفيديو مع سحر. انزلى كلميه شركة بدر الدين. شريف: قاعد ف المكتب. استاذ نظيم. ياريت تتابع المشروع ده بنفسك. وكل كبيره وصغيره تكون متسيه ف ملف. والملف يكون موجود قدامي. انا هباشر كل حاجه بنفسي تمام؟ نظيم: تمام زي ما تحب ياشريف باشا. لكن مستر سليم عندو خلفيه بالمشروع ده!؟شريف: رفع راسه وبصله. غريبه انت اول مره تتدخل ف شغلى. نظيم: انا آسف جدا يامستر شريف. انا اتعودت انى اشتغل مع حضرتك ومستر سليم. شريف: هز راسه بتفهم. تمام. وانا هريحك المشروع ده بتاع سليم. وانا وهو هنباشر المشروع كالعاده. واتصل ع فون السكرتيره. ايوه. بلغي مستر سليم يجيلى ع مكتبى! السكرتيره: حالا يافندم. نظيم: تمام يامستر شريف. انا هتابع المشروع. وهبلغ سيادتك انت ومستر سليم بكل جديد.شريف: تمام يانظيم. وزى ما قولتلك كل كبيره وصغيره تتسي. اتفضل الملف. نظيم: قام. واخد الملف. بعد اذن حضرتك وخرج. شريف: فتح اللاب وبيسجل حسابات. وفون المكتب رن. ورفع السماعه ايوه. السكرتيره: مستر شريف. سكرتيرة مستر سليم بتقول أنه خرج من الشركه من بدرى. شريف: تمام. وقفل. هيكون راح فين؟ سليم ورهف ف مطعم فخم جدا وع زوق رهف وهي الل اختارته. وقاعدين بيتغدو. رهف: بتاكل. وبتتكلم مع منى ف الفون.سليم: عينيه ع رهف ومستغرب طريقتها أو كأنه بيكتشف رهف لأول مره. وبيترجم المكالمه. رهف: ايوه يامامي صدقينى انا اخترت فيلا غاليه اوى. ههههههه. ايوه بجد. سليم؟ لالا انتى عارفه إن سليم مبيحبش يزعلنى. شور وافق ع طول. ههههه. لا دى كانت اغلا حاجه موجوده. شور سليم اول ما يشتريها هنزلها ع جروب العيله ههههه ايوه. لازم يعرفو مين هي رهف الجندي.اممم لا لسه مقولتش لسليم. مش عارفه اقوله دلوقتي ولا لما يشتريها. خلاص اوكي انتى شايفه كده؟ اوكي مامي قولى ل بابى بقى اكيد هيفرح اوى اوكي امووواه باي. وقفلو. سليم: بيتغدى وبيمثل أنه مش مهتم بالمكالمه. لانه فهم من طريقة المكالمه. رهف هتطلب ايه. رهف: حطت الفون ومسكت الشوكه. احم بيبى. سليم: بياكل. اممم. رهف: انا كنت عايزااا، وحد قاطعها. اوو مييين رهف!؟ رهف الجندى مش معقوووول!سليم: رفع راسه وبص. وحس بالاشمئزاز. رهف: بفرحه. مييين هيثم. وااااو بجد انت هنا ف ايجيبت. (مصر) من امتى!؟ وسلمت عليه وباسته من خدو. هيثم: يس انا ف ايجيبت من اسبوع. بيبى انتى وحشانى مووت. انا كنت عايش ف اميركا مش مبسوط وزعلان خالص. رهف: بزعل اوو. سورى هيثم انت عارف ان داد استقر هنا من سنتين. وانا كان لازم ارجع ع كايرو. سليم: ساب الشوكه والسك..ينه. وبيتفرج.رهف: هيثم. اعرفك سليم خطيبى. وبصت ل سليم. بيبى هيثم صاحبى عايش في امريكا من سنين طويله. هيثم: اوو نو انتى هتتجوزى رهف مش معقول. رهف: شور هيثم. انا وسليم عشنا قصة حب حلوه اوى واو بجد. هيثم: بيبى انا فرحت كتير اوى. وبص ل سليم ومد ايدو يسلم عليه هااى انا هيثم. سليم: وهو قاعد. مد ايدو بتكليف. وسلم عليه من غير ما يتكلم. رهف: اضايقت. وبصت ل هيثم. انت عايش ف اوتيل؟هيثم: نو بيبى انا عايش ف كمبوند بالتجمع الخامس. وطلع فونه بيبى هاتى النمبر بتاعك (رقم الفون ) علشان اكلمك ونتقابل. رهف: شور. وعطته الرقم. واخدت رقمه. هيثم: اوكي رهف يلا سي يو سون (اراكي قريباً) باااى رهف. ومشي رهف: سي يو ليتر. (أراك لاحقا) بااى هيثم. وقعدت. ومسكت الشوكه. بيبى انت ليه متكلمتش مع هيثم!؟سليم: رفع عينيه وبصلها بصه تخوف. ومتكلمتش. والغريب إن سليم مسك الشوكه والسك..ينه وكمل اكل عادي جدا. ومعلقش ع اى حاجه.! رهف: بتاكل بغيظ من طريقة سليم.وهما بياكلو انتبهو ع صوت عالى وجاي من التربيزه الل جمبهم. وكان شاب ف سن سليم تقريبا. وبيزعق لبنت موجوده معاه. وكان غيران عليها من أنها بتسلم ع قرايبها. وكان واضح عليه أنه بيحبها بجد والغيره مسيطره عليه،! ساعتها سليم بص ل رهف ف نظره طووويله اوي وسرح بتفكيرو… رهف: مندمجه ف الاكل وافتكرت. امم بيبى انا افتكرت كنت عايزه اقولك ايه قبل هيثم ما يكلمنى! سليم: هز راسه. قولى سامعك!رهف: بتاكل عادي. لما تروح بكره تشوف الفيلا. وانت بتشتريها. اكتبها بإسمى اوكي. سليم: هههههههههههه. هههههه. رهف: بعدم فهم. بيبى انت بتضحك ع ايه؟ سليم: اصل افتكرت الواد خالد صحبى. رهف: بديق. بيبى انا بكلمك ف حاجه مهمه تقولى خالد! المفروض انت الل كنت تعرض عليا القرار ده مش انا!سليم: هز راسه. طبعا أنا كنت هعمل كدا من نفسي بس انتى ووومنى ع طول مستعجلين. متقلقيش يارهف. انا قولتلك قبل كدا انا هعملك كل الل انتى عايزاه. سحر: لما حسن رن عليها فيديو لبست الحجاب وطلعت خصلة شعر ع أساس انها بالغلط. وحطت روج بسيط. وفتحت الفيديو بسرعه. وقعدت ع السرير. وقالت برقه. اذيك ياحسن. حسن: الحمدلله اذيك ياسحر عامله ايه؟ سحر: برقه. انا كويسه الحمد لله. قولى ياحسن مش هانت بقى وترجعلنا.حسن: ايوه هانت اهي كلها كام شهر وارجع الحاره تانى. سحر: بفرحه. بجد. بجد ياحسن. وقالت بمكر. ياريت والله اصلك واحشنا خالص والحاره وحشه اوي من غيرك ياحسن. حسن: ببلاها. هاا! احم الله يخليكي ياسحر. نوسه: دخلت ابله سحر خالتى سميره بتقولك بتكلمى مين!؟ سحر: بغيظ مكبت. وضحكت بتمثيل. تعالى يانوسه ياحبيبتى ده اخوكي حسن تعالى شوفيه. نوسه: جريت بفرحه حسن اخويا عامل ايه.؟حسن: ابتسم بحب اذيك يابت يانوسه وحشتينى اوى ياحبيبتي. نوسه: وانت كمان وحشتنى انا هطلع اقول لا ابله فتون هتفرح اوي. حسن: بسرعه يانوسه قوليلها انزلى كلمي اخويا حسن. اجري. نوسه. طلعت بسرعه وسحر جواها جمرة نار حسن: وانتى عامله ايه ف الكليه ياسحر؟ سحر: اممم يعنى الحمدلله مبروحش الجامعه. حسن: ليه كدا. اومال بتذاكرى ازاى؟سحر: بتمثيل الحزن. اقولك ايه بس ياحسن. انا مخنوقه اوي. امي حبسانى وابويا. وكملت بدموع تماسيح تعرف ياحسن انا ماليش صحاب خالص. حسن: استهدى بالله ياسحر. وبعدين فتون راحت فين يعنى دي بتحبك اوى. سحر: فتون. وهي فتون بقت بتفضى تقعد ف البيت! حسن: بعدم فهم. نعممم! ازاى قصدك ايه؟ فتون بتروح فين غير المدرسه!سحر: بتوتر ولحقت نفسها ها. ايوه ما انا قصدى ع المدرسه. بس هي مابقتش بتفضى زى الاول. وكملت بمكر. ودموع، تعرف ياحسن أن ابويا مد ايدو عليا.!؟ حسن: بدهشه اييه؟ الشيخ محمد اهي دى متتصدقش إبدا! سحر: معاك حق. وانا كمان اول ما شوفته بيرفع ايدو عليا. قولت لا يمكن يكون ده ابويا وعيطت. حسن: وحدي الله ياسحر واهدى. وتلاقي الشيخ محمد كان مخنوق ولا حاجه!سحر: ابدا وحياتك ياحسن. ده ضربنى علشان بقولو انا لازم اروح الجامعه. عايزه اجيب درجات حلوه. قالى انتى اخرك سنه وتتجوزى مالوش لازمه العلام. حسن: ازاى بقى؟ ده الشيخ محمد كان ديما يقولى يحسن يبنى العلم نور. سحر: قالت بدلع. نفسي ابويا يحبنى يحسن زي ما انا بحبه. حسن: اتوتر من طريقتها. احم. هي فتون اتاخرت ليه؟سحر: ابتسمت بخبث وقالت بدلع. يابختها فتون. تعرف انى نفسي الاقى حد ملهوف عليا كدا!؟ ساعتها بس هعيش خدامه تحت رجليه. اااه بس هو فين!؟ حسن: اتوتر اكتر. احم وهواا. هوا عمي محمد عامل ايه. وخالتى ام عصام؟ سحر: امم الحمد لله. قولى ياحسن انت بتاكل كويس. حاسه ان وشك اصفر ومخطوف. علشان خاطرى كل كويس وخلى بالك من نفسك. انت متعرفش غلاوتك عندى. احم قصدى عندنا.حسن: احم. اه. اه باكل كويس. تلاقي بس من قلة النوم. هي فتون اتاخرت ليه انا خايف الشبكه تقطع عندى. سحر: بهيام. تحب اطلعلها التليفون بنفسي ياحسن. حسن: هاا. احم ياريت. ياريت ياسحر. سحر: من عينيه انت بس اؤمرنى وانا قولك نعم وحاضر. حسن: حس بشعور غريب. وقال جواه نفسي فتون تكلمنى كدا. احم. شو. شكرا ياسحر. سحر: قامت بدلع. عيونى ليك. واخدت الفون وخرجت وطالعه ع السلم. وحسن: اتمنى فتون تتدلع عليه كدا زى سحر.فتون: بعد ما نوسه قالت ليها. فرحت ودخلت بسرعه. بطه يابطه. حسن اتصل. فاطمه: بفرحه بجد. طيب بركه. انزلى بسرعه وسلميلى عليه الواد ده. فتون: من عينيه يافطوم. وراحت ع الاوضه لبست بنطلون وبلوزه طويله وطرحه. ووشها كان احمر جدا. انا نازله ياماما. وفتحت الباب. وشافت سحر طالعه بالفون. وفتون من توترها ما اخدتش بالها من نظرات سحر ليها بغيره.سحر: بغيظ مكبت. وابتسامه خبيثه. فتون حبيبتى اتاخرتى كدا ليه. انتى مش عايزه تكلمى حسن ولا ايه؟ وطبعا حسن سامع. كل حاجه. فتون: بصلتها وشافت الروج وفهمت. وقالت. وانا هبله بردو علشان أتأخر ع حسن خطيبى يا. سحر! سحر: بكره دفين. خدي التليفون اهو. ولما تخلصي نادى عليا. فتون: اخدت الفون. شكرا ياسحر. عقبال ما اتعبلك يوم فرحك إن شاء الله. سحر: بديق. شكرا. سلام.فتون: دخلت الشقه وراحت ع اوضة النوم. وقعدت ع طرف السرير بحرج. ورفعت الفون. وشافت حسن. وقالت بحرج. اذيك ياحسن. حسن: ابتسم. اذيك يافتون عامله ايه؟ فتون: الحمدلله ماشي الحال. ايه يا حسن الغيبه الطويله دى؟ حسن: والله غصب عني. شغال وطالع عينى ليل ونهار. وانتى عارفه انا مش لوحدي في السكن. فتون: ربنا معاك يارب وترجع بالسلامه. حسن: بعتاب انا زعلان منك يا فتون! فتون: بعدم فهم. زعلان مني انا؟ ليه،؟حسن: انا بعت فلوس لأم حسن. وباعتلك وامي قالتلى انك مرضتيش تاخديهم ليه يا فتون؟ فتون: ابتسمت. معلش يا حسن متزعلش. لكن مستوره والحمد لله. انا لو احتجت حاجه هاقولك. او هاقول ل خالتى ام حسن. حسن: انتى مسؤوله منى يافتون. فتون: لما ابقى ف بيتك ابقى مسؤوله منك. حسن: ماشي يستى هانت اهي وراجعلك. فتون: هانت!؟ قربت ترجع بجد. ولا زي كل مره. بقالنا 3سنين هانت ومبتنزلش؟حسن: لا بجد خلاص هانت. انا كلمت الكفيل. وقولتله انى لازم ارجع. علشان اظبط أمورى واتجوز. يعنى ممكن انزل خلال ال5 شهور الل جايين. فتون: اتنهدت. إن شاء الله ترجع بالسلامه. حسن: الله يسلمك. وبصلها. انتى كل مره بتحلوى عن المره الل قبلها يافتون. فتون: اتحرجت ونزلت راسها ومردتش. حسن: ابتسم. فتون نفسي تردي مره عليا لما اقولك كلمه حلوه. فتون انتى وحشانى اوى.فتون: احم. حسن ماينفعش الكلام ده. واحنا اتكلمنا قبل كده ف الموضوع ده. حسن: بديق. فتون انا كل ما اقولك بحبك ووحشتينى مابسمعش منك غير الكلمتين الل انتى حفظتهملى. ايه مافيش مره تضعفى من حبك ليا وتقولى حتى وحشتنى ياحسن؟ فتون: حسن لما نكتب الكتاب هقولك الل انت عايزه. حسن: نفخ بديق. اييه؟ هتقولى الل انا عايزه. يعنى كمان مش الل انتى عايزاه وحساه.فتون: بصتله. اله ف ايه ياحسن؟ انا مبعرفش اتكلم الكلام ده. وبعدين انت بتتكلم وانت مخنوق كدا ليه. هو يا اما اقول كلام حب. يا اما تضايق كدا؟ وزعلت. حسن: اتنهد. خلاص يافتون. متزعليش حقك عليا. فتون: اتنهدت. امي بعتالك السلام. حسن: فطوم ههههه وحشانى موت. اهي دى بقى اقولها وحشتينى. ف نفس ذات اللحظه ترد وانت كمان يقلبى هههههههه. فتون: ابتسمت. بطه شايفاك ابنها ياحسن.حسن: ربنا يعلم معزتها ف قلبى هي وبنتها. ها كدا حلو!؟ فتون: ههههه. ايوه اي حاجه منك حلوه. حسن: ايوه كدا. قوليلى صح. عامله ايه ف المدرسه. اخر مره قولتيلى انك شغاله فيها اول اسبوعين. ايه الدنيا معاكي!؟ فتون: الحمدلله تمام. ده تانى شهر ليا ف المدرسه. حسن: بتعرفي تتعاملى مع العيال الل مش بيشوفو هناك. فتون: بديق. ايه يا حسن مش بيشوفو ده؟ اسمهم مكفوفين. وبتعامل معاهم واحسن من الناس الل بتشوف كمان.حسن: ههههه انتى زعلتى ليه؟ اومال لو قولت عليهم عميان كنتى اتخانقتى معايا بقى.!؟ فتون: بتحذير. حسن لتانى مره بقولك اسمه طفل كفيف. وع فكره بقى دول اذكي ناس موجودين ع وش الارض وكفايه أنهم صافيين من جواهم ومعندهمش غل ناحية اى حد. وربنا معوضهم ف الحواس التانيه اكتر من اى انسان تانى.ومش بأيديهم يتولدو كدا ودي حاجه بتاعة ربنا وكان ممكن جدا اكون انا او انت مكانهم. وياريت لما تجي تتكلم معايا كلمنا عن حياتنا. متدخلش شغل المدرسه ف الموضوع. حسن: استغرب رد فعلها. ايه يافتون انا مش قصدى كل ده. انتى زعلتى كدا ليه.؟ فتون: انا مزعلتش. انا بس وضحتلك الفكره. طفل كفيف بتقولو عليه اعمى. والاصم بتقولو عليه اطرش. والابكم. بتقولو عليه أخرس. كأنكم بتعيبو فيهم. كأنهم اتولدو بمزاجهم.حسن: خلاص يافتون. خلاص قفلى بقى ع الحوار ده. انتى وراكي حاجه هتعمليها دلوقتي. فتون: هنزل قبل المغرب مايدن اجيب التموين من عم زينهم. حسن: ماشي. طيب انا هقفل علشان زميلى ف السكن جه. عايزه حاجه. فتون: سلامتك يا حسن ربنا معاك. حسن: لا إله إلا الله. فتون: سيدنا محمد رسول الله. بعد اسبوعين. ف فيلا بدر الدين. خالد: داخل الفيلا. بصوت عالى. سلييييم يابدر الديييين. انت ياااااالا.فريده: خرجت بسرعه. وحطت أيدها ع قلبها. اخص عليك ياخالد يبنى هتفضل طول عمرك تخضنى كدا.!؟ خالد: ههههههه حبيبتى يا فيرى لازم اخضك ههههه. وبعدين لازم تحفظى داخلتى بقى. فريده: ضحكت. ع قد ما بتخض ع قد ما انا بحب دخلتك علينا بفرح من قلبى بس لو ربنا يهديك وتعقل. خالد: انتى بتدعى عليا اعقل يافيرى!؟ فريده: ههههه تعالى اقعد تعالى وحشتنى خفة دمك.خالد: بفلوس بعد كدا اشطا!؟ علشان صاحبك مقشفر اليومين دول. الواد سليم ابنك سحب فلوسي وحطها ف مشروع ليا ها اما نشوف.! فريده: ضحكت. عينيه ليك ياخالد يبنى. ومتقلقش سليم بيحبك جداا وشايفك اخوه مش صاحبه. واكيد عمل كدا عشان مصلحتك. سليم: من وراهم. قوليلو يافريده. أصله البعيد مابيفهمش. خالد: صحبي يصحبى ههههه. وسلم عليه. فينك ياعم؟ سليم: هاقولك ف الطريق. يلا بينا. فريده: بعدم فهم. ع فين ياسليم.سليم: شريف كلمنى من الشركه. وقال ف اجتماع مع عميل مهم. ولازم احضر الاتفاق. وهسافر بورسعيد. اآمن ع الشحنه. فريده: بقلق. تسافر!؟ طيب ليه. انا سامعه شريف الصبح ع الفطار قال إنه هيسافر هو! سليم: ايوه ياحبيبتى فعلا شريف عايز يسافر وقالى خليك انت وصمم أنه هو يسافر. بس انا محتاج اسافر وقولتله انا عايز اسافر كتغير جو. وبعدين دول ساعتين زمن وراجع هي أول مره يعنى؟فريده: طيب ياحبيبى. اقعدو اتغدو الاول خالد اكيد جعان. خالد: حط ايدو ع بطنه اه والله يافيرى خالد ابنك واقع. طابخين ايه؟ فريده: ههههه. صنية بطاطس باللحمه. وطواجن بشاميل. خالد: هو دا. انا مش منقول من هنا غير لما اكل. سليم: بغيظ مكبت. انت يالا جاى تاكل. يلا عندى شغل هطلع ع الشركه الاول وبعدها اسافر. خالد: بصوت عالى. ياااااعززييييزززززاا جهزى الاكل بسرعه علشان سولي مستعجل، ههههههههه فريده: هههههه.سليم: ضغط ع شفايفه بغيظ من كلمة سولي. ومسك خالد زقه ووقعه ع الكنبه ونزل ضرب فيه بهزار. خالد: لااااااااا ياسليم بغير هههههههههههه. بغير ياسليم هههههههههههه. فريده: ههههههههه. ربنا يسعدكو ياولادى يارب. وبعد شويه سليم وخالد اتغدو. وخالد قال لسليم إنه خلاص حجزله الفيلا. وبكره هيروح معاه ويشتروها. وسليم هز راسه بعدم إهتمام تمام. وفريده حست بديق لما عرفت بالفيلا الجديده ل رهف وإن ابنها هيبعد عنها.وبعد الغدا. سليم ضم فريده لقلبه بحب وباس جبينها. وايدها وودعها وخرج. خالد: خرج وركب العربيه وطلع ع الچيم. سليم: راح ع الشركه وحضر الاجتماع. وبعد ما خلص شريف قاله. ماتخليك انت يبنى وانا هسافر. سليم: لا يعم انا محتاج اسافر بجد. خليك انت الشحنه الجايه. شريف: اتنهد. وهز راسه. تمام خلي بالك من نفسك يا سليم. سليم: ههههههه لالا انا كدا هتعود ع خلى بالك من نفسك يا سليم دى.شريف: ههههههههه. ومالو يعم اتعود برحتك. هتاخد رهف معاك؟ سليم: منا قولتلك قبل الاجتماع لأ. واتنهد بحيره. يلا انا ماشي سلام. شريف: مع السلامه. سليم: نزل. ودخل الجراش. وركب العربيه واتحرك. وشاف رساله من رهف وهز راسه تمام. تمام اوى لحد كدا يارهف هااانم! واتصل ع خالد وكلمه شويه وكان مخنوق وقفل. وبعد شويه وهو سايق متنرفز.وداخل ع طريق سريع ومزود السرعه. وجه يهدى السرعه. ويدوس ع الفرامل. مفيش اى حاجه بتحصل. وبص قدامه وف عربيات جايه مقابل. سليم داس فرامل مره واتنين مش شغاله. سليم اتوتر. وبلع ريقه بصعوبه. وبيسوق والسرعه كبيره جدا. ويروح يمين وشمال. وبيحاول يتخطى العربيات. وهيتجنن. وفتح عينيه على الاخر بصدمه. لأن ف عربيه شاحنه كبيره. جايه ف وشه مقابل. سليم اترعب. وللحظه. حس انه خلاص. ده الموت. وغمض عينيه. وفتحها مره واحده. وشد فرامل اليد. وسايق. والعربيه لفت وخرجت عن مسارها الطبيعي ولفت بالعرض. والشاحنه خلاص داخله ع العربيه. سليم قلبه بيدق بسرعه كبيره جدا. ونفسه بيقل وغمض عينيه. والعربيه بتلف بسرعه كبيره. والشاحنه دخلت ف العربيه.فجاءه الناس اتلمت. اييه ده!؟ لاحول ولاقوة إلا بالله. دا الراجل مات.
رواية أحببت بصيرته للكاتبة مريم نصار الفصل الخامس
سحر ف الجامعه. وماشيه كسلانه لانها نايمه متأخر. علاء: صباحو حب وروقان. سحر: اتخضت وشهت. هييه ايه ياعلاء ده؟ خضتنى. علاء: بغمزه سلامتك من الخضه ياحب. اعملك ميا بسكر. ياسكر. سحر: اتريق ياعلاء اتريق. وبعدين انت ايه الل جابك الكليه. افرض حد شافنى من الحته عندنا هيقول عليا ايه؟ علاء: بيولع سِجاره. ههههه هيقول كل خير طبعا. بقولك ايه سيبك من الحوار الفكسان ده! ها مفيش جديد؟سحر: عوجت بوقها. جديد ف ايه إن شاء الله!؟ علاء: يابت. انتى فاهمه. مفيش جديد بخصوص حوار فتون وحسن! سحر: بغيظ. اسكت متفكرنيش. حسن اتصل تانى اول امبارح. وفتون نزلت كلمته عندى ف الأوضه. وحبت تغيظ علاء وكدبت عليه وقالت. حسن كل شويه يقولها وحشتينى اوى يافتووون. بحبك ياتونه! علاء: بغيظ. وهي ردت عليه!؟سحر: بمكر هييييه ردت عليه بس؟ قصدك تقول ده ماصدقت أنه ينطق. دى قالتله وحشتنى اوى اوى ياحسونه. بحبك ياحسونه. بموت فيك ياسونه. لأ والبجاحه انى قاعده وقلعت الطرحه وتقوله امتى هنتجوز بقى ياحسوونه.! قالها خلاص كلها كام شهر وتكوني ف حضنى… علاء: صك ع أسنانه بغيظ. وبتفكير شيطانى. بت ياسحر. لازم نعمل حاجه. انا لازم اتصرف لازم خطه نبعدهم عن بعض! انا لا يمكن اسيب فتون تروح من ايدى.سحر: شافت ان خطتها جابت نتيجه. وقالت بخبث. ايوووه لازم خطه طبعا. و حسن كمان قرب يرجع وانا خايفه يضيع من ايديا. انت بس اشحنلى كارت شحن. ونسهر مع بعض انا وانت ونفكر ف خطه ازاى نبعدهم عن بعض هنفكر ونشوف هنعمل ايه… علاء: ابتسم بخبث. احلا كارت شحن. بس تجهزيلى صورتين حلوين كدا ليكى انا مش عارف انتى مش راضيه ليه تصورى نفسك. عشان أنا صبرى قليل. ماشي ياحب.سحر: من جواها خافت تبعت صور. وبلعت ريقها بتوتر. وقال بغمزه. خليها مكالمة فيديو احسن ههههههه. علاء: ايوه بقى قربتى تفهمينى. وحياتك ياسحوره لاجوزك حسن. سحر: بفرحه. وانت مبرروووك عليك فتون! سليم: شد فرامل اليد. وسايق. والعربيه لفت وخرجت عن مسارها الطبيعي ولفت بالعرض. والشاحنه خلاص داخله ع العربيه. سليم قلبه بيدق بسرعه كبيره جدا. ونفسه بيقل وغمض عينيه. والعربيه بتلف بسرعه كبيره.سليم: الشاحنه خلاص هتخبط فيه فجاءه. فتح باب العربيه ونط منها بسرعه كبيره جدااا. واتقلب اكتر من مره. وراسه اتخبطت بقوه ف الرصيف وفقد الوعي ف وقتها. والشاحنه دخلت ف العربيه واخدتها ف طريقها. اغلب العربيات ركنت والناس نزلت تجري ع سليم الل مرمي ع وشه جمب الرصيف ع الأرض. واحد: نزل ع الأرض ع ركبه وحرك سليم. واتخضو من شكل الدم الل مغرق وشه وعينيه.فجاءه الناس اتلمت. اييه ده. لاحول ولاقوة إلا بالله. الراجل مات… واحد جري عليهم. وسعو ياجماعه محدش يحركه من مكانه. وسعو كدا. انا دكتور. الناس: اتحركت. والدكتور نزل ع ركبه ومسك ايد سليم. واتنهد باريحيه الحمد لله موجود نبض. لسه عايش. حد يكلم الإسعاف بسررررعه واحد منهم: الحمدلله أنه عايش و انا هتصل ع الاسعاف.واحد: تانى لا حول ولاقوة إلا بالله. شوفو ياجماعه كدا معاه تليفون. ولا بطاقته علشان نبلغ حد من أهله. الدكتور: فتش ف جيبه بحزر. للاسف الفون مش موجود معاه. واكيد ف العربيه بتاعته… واحد منهم: عربية ايه يادكتور. دي العربيه أطبقت. الحمد لله انه نط منها شوف بطاقته!الدكتور: مش عايز يحركه. وقال ممنوع انى احركه حالياً. اول ما ناخدو ع المستشفى هنشوف البطاقه ونبلغ عيلته. والدكتور قام بسرعه. وراح ع العربيه بتاعته وجاب شنطة الاسعافات الاوليه. علشان يوقف النزيف. ويعمل اللازم. ف السخنه. رهف مع هيثم وصحابها شباب وبنات. رهف: بتتكلم مع منى ف الفون. ايوه يامامي وصلنا من ساعتين تقريباً.سليم؟ ايوه فعلا ده الل انا هعمله. انا بس ارجع من السخنه واقابل سليم واقوله يكتبلى مصنع. لأ يامامي شركة ايه بس؟ انا لمحتله بالمصنع. لالا اسمعي بس سليم ممكن ميوافقش انتى ناسيه إن كل حاجه مكتوبه باسم شريف وسليم لكن الفيلا بإسم طنط فريده. لأ احنا متكلمناش مع بعض من اسبوع تقريباً. لأ مايعرفش انى مسافره بعتله مسج. ايوه. ههههه حبيبتى يامامى. ايوه. بس اول مايكتبلى الفيلا الل هنتجوز فيها. هطلب منه المصنع طبعا لازم أأمن نفسي ويكون ليه نصيب ف كل حاجه بعد كده. اوكي بوسيلي داد. اوكي ياروحي. ايوه انا مستمتعه جداااااا ههههههه اوكي امووووا باى مامي. وقفلو.هيثم: جه ومعاه صحباته. وقعد جمب رهف. وقال رهف اومال فين خطيبك انتى قولتى كان اسمه اييه؟ رهف: ههههه سليم. وبقوله سولي. جيجي: طيب مجاش معاكي ليه؟ رهف: نو نو عندو شغل وانا مقولتش ليه انى مسافره. بعتله مسج ف رساله لما وصلت السخنه. جيجي: بدهشه. واو ومزعلش منك؟ رهف: نو يزعل ليه؟ دي حياتى وانا حره فيها ريري: ايوه يارهف بس ده خطيبك وكام شهر وهيبقى جوزك. ماينفعش تسافرى وبعدين تقوليله! ممكن يتضايق.رهف: نفخت بديق. بقولكم ايه. ماتركزوش معايا. سليم فاهم دماغي كويس. وعارف انى بحب اعيش حياتى. هو الأول كان راجعى ودماغه قفل. كان بيعلق ع لبسي ع سهرى وده كان مزعلنى منه اوى. بس دلوقتي عرف نظام حياتى. ومبقاش راجعى زى الاول. لا بقى عادي جدا. وبينفذ كل طلبات رهف الجندي وميقدرش ع زعلى. طيب تعرفو اول ما شاف المسج. بعتلى مسج قالى فيه كويس اووى وعيشي واتبسطى مع اصحابك.جيجي: واو. بجد سو كيوت اوى. انا كمان نفسي يكون خطيبى ف المستقبل متحرر زي خطيبك كدا يارهف.! رهف: بصتلها. ههههههههه لما تكونى رهف الجندى. ساعتها بس خطيبك يبقى مسالم. اوكي ياروحي. فيلا بدر الدين. الساعه 6 شريف: داخل الفيلا. مساء الخير. فريده: مساء النور ياحبيبى. حمدالله ع سلامتك راجع متأخر ليه. شريف: قعد الله يسلمك. مضغوطين ف الشركه. فريده: ربنا معاكم. سليم سافر يبنى؟شريف: ايوه. انا كلمته من 3 ساعات واكتر. قالى انا شويه وداخل ع الطريق السريع. وزمانه دلوقتي سافر وآمن ع الشحنه وراجع. ثوانى هتصل عليه! فريده: انا اتصلت عليه يبنى. بس فونه مغلق شريف: بتحصل كتير. الشبكه ع الصحراوى بتبقى وحشه. انا هتصل عليه! وطلع فونه. واتصل وكان مغلق. وابتسم عشان يطمنها. وبص ف الساعه. اكيد دلوقتي هو ع الصحراوى. نستنى نص ساعه كدا وهتصل عليه. او ممكن لما تجيله رساله. هيتصل علينا ع طول.فريده: هزت راسها بقلق. طيب يبنى ربنا يستر. وندهت ع عزيزه. عزيزه: افندم ياهانم! فريده: جهزى الغدا ل شريف بيه. عزيزه: حاضر يا هانم. واتحركت. شريف: قام وقف. طيب هطلع اغير هدومي وانزل. بعد اذنك. فريده: قلبها مشغول. هاا! اه. اتفضل يبنى.شريف: طلع. ودخل الاوضه. واتصل تانى ع سليم. وغير متاح. ومسح وشه بايديه. واتصل تانى. بردو غير متاح. وساب الفون ع السرير. ودخل ياخد شاور. وبعد الشاور خرج من الحمام. ووقف قدام التسريحه. وسرح شعرو ورش برفان. وبص ع الفون. وراح يشوف يمكن سليم اتصل. لكن متصلش. واتصل تانى ولسه فونه مقفول. شريف: اتصل ع خالد. ورد. خالد: الووو. شريف: ايوه يا خالد. سليم كلمك!؟خالد: لأ ياشريف. هو كلمنى وقالى انه خارج من الشركه. ومسافر على بور سعيد. ومن ساعتها مكلمتوش ولا كلمنى! شريف: هز راسه تمام ياخالد. خالد: ليه هو حصل حاجه؟ شريف: لا ابدا. انا بتصل عليه وفونه مغلق. وكنت بسالك يمكن كلمك وهو راجع! خالد: لا بصراحه انا رجعت من الجيم وسليم كلمنى. ونمت شويه. بس اكيد فونه فصل شحن. لان سليم مبيهتمش بحوار التليفون ده. شريف: هز راسه. ماشي ياخالد. معلش ازعجتك.خالد: لا يابرو. ولا يهمك. واول ما الواد ده يرجع خليه يكلمنى ع طول. شريف: تمام. مع السلامه. وقفلو. شريف: خرج من الاوضه ونازل. خالد: بعد ما قفل. حس بالقلق. وفونه رن. وكانت بنت مديلها ميعاد تجيله الشقه.رد عليها بخنقه. بقولك ايه. متجيش حصل مشكله وانا مش ف البيت سلام وقفل ف وشها. واتصل ع سليم. مره واتنين ومغلق. اوووف ياترى ف ايه؟ سليم لو فونه هيفصل شحن بيتصل عليا ويقولى علشان لو اتصلت عليه ملقهوش غير متاح. وياترى القرار الل قاله ليا يخليه انه يقفل الفون!؟ وهرش ف قفاه سواقته غبيه بس حريف. ربنا يستر. شريف: نزل وقعد ع السفره. وبص ل فريده. حضرتك مش هاتكلى!؟فريده: بلعت ريقها بتعب. لا يبنى انا سبقتك من شويه. سليم وخالد اتغدو بدرى. وانا استنيتك وانت اتاخرت روحت اتغديت. كل انت بالهنا. شريف: هز راسه. وبدء ياكل. فتون: قاعده مع فاطمه قدام التلفزيون. والباب خبط. فتون: قامت ولبست الخِمار. حاضر يالل ع الباب. وراحت فتحت. وابتسمت بسعاده. شيخ محمد. محمد: السلام عليكم يافتون يابنتى! فتون: وعليكو السلام. تعالى اتفضل ياعم محمد. ولفت راسها. الشيخ محمد ياماما.فاطمه: لبست الخِمار. خليه يتفضل يابنتى. محمد: دخل ووقف قصاد الباب. وسابه مفتوح زى كل مره. تعيشي ياحاجه. انا جاى اطمن عليكي. عامله ايه انهردا!؟ فاطمه: نحمد ربنا ونشكر فضله. الحمدلله والشكر لله. تعالى اتفضل ياحج! محمد: تعيشي ياحاجه. قوليلى مش محتاجه اي حاجه؟ فاطمه: تسلم وتعيش ياخويا مستوره والحمد لله. ربنا يخليك لولادك قادر ياكريم.محمد: الحمدلله. مستوره ع الكل ومقولناش حاجه! بس الجار قبل الدار يام فتون. وانتى عارفه انا بعتبرك مرات اخويا وربك الل يعلم. معزة فتون عندى. وهي بقى! بنتى مش بنت اخويا وبس. فتون: ابتسمت بحب. تعيش ياعم محمد. فاطمه: طبعا ياحج محمد. ده انت صاحب وأخو الغالى الف رحمه ونور تنزل عليه. وفتون ربنا يعلم ملهاش سيره بالخير غير عنك انت وأهل الحاره. وانت ع راسهم.محمد: ضحك الله يخيلكى ياحاجه. بس بالله عليكي انتى مش محتاجه حاجه؟ سيبك من البت فتون دي. دي بت غلاباويه. ودماغ صعيدى اصيله. فاطمه: ههههههه. وهي هتجيبو من بره. يلا الحمدلله. تسلم ياحج محمد ويسلم سؤالك علينا ياخويا. انت واقف ليه تعالى اتفضل اقعد ده بيت اخوك. اعملى شاى لعمك بسرعه يافتون. فتون: حاضر يافطوم. تعالى ياعم محمد اتفضل.محمد: يزيد فضلك يابنتى معلشي ياحاجه. العشا وجبت. انا قولت قبل ما انزل ع الجامع. اطلع اشوفكو واطمن عليكو. يمكن تحتاجو لحاجه. ولو انى عارف. وبص لفتون. دماغ حجر صوان مشوفتش كدا ف حياتى ابدا. الله يرحمك يامهران. فتون: ضحكت. لا والله ياعم محمد. ده انا مسالمه خالص هههههه. محمد: ايوه ايوه. ع يدي مسالمه دي. يلا الحمد لله انكم بخير واحنا مش عايزين غير كدا. الحق العشا بقى سلام عليكم. وخرج.فتون وفاطمه. وعليكو السلام ورحمة الله. فتون: قفلت الباب. وقلعت الخِمار. وقعدت جنب فاطمه بسعاده. تعرفى يابطه. انا بحب عم محمد ده اوى. راجل نضيف ومحترم.فاطمه: اومال يابنتى. ابوكى الله يرحمه مكنش يدخل صنف راجل الشقه هنا غيرو. ولا كان يآمن علينا غير الشيخ محمد وبس. هو الوحيد الل كان يدخل البيت. والشهاده لله عمر عينه ما اترفعت عن الأرض طول ما ببقى موجوده. ولحد دلوقتي. راجل محترم بصحيح. ولا هو وابوكى كانو يسيبو فرض ف الجامع ابدااا. فتون: مطت شفايفها. اومال سميره مراته ليه ديما بحس انها مبتحبناش.فاطمه: عوجت بوقها. بتحسي بس ههههه. هي كدا طول عمرها متحبش الخير لغيرها إبدا. انا افتكر اول ما اشترينا التليفزيون القديم بتاعنا. يختتتتى ع الل عملته. إلا هي كمان يكون عندها تلفزيون ويكون نفس التلفزيون مش غيرو ابدا. وصوتها كان واصلنا. ومع أنها اصغر منى. وكنت عايزه انزل بس ابوكي حلف عليه يمين ما أنزل ولا اتكلم. ولما مكنش بيحصل حمل ليا. كنت ديما اشوف ف عينيها نظرة شماته. بس ربنا كرمنى ف الآخر بتونة قلبى وعيونها لمعت بدموع.فتون: قلبها دق. ياااه ياماما. تونه صدقى وحشنى اوى الاسم ده بابا ديما كان يقولى تونه أو تونة قلبى. ويقول مفيش حد ف جمالك يافتون يابنتى وضحكت بدموع. فاكره لما كان يقولك البت دى مراتى مش انتى. الله يرحمك يا بابا. فاطمه: مسحت دموعها. الله يرحمه. كانت روحه فيكى.فتون: آمين. ومسحت دموعها. طيب ياماما ليه عم محمد موقفهاش عند حدها. انا بردو لما بطلع ع السلم وشايله حجات بحس إنها بتستكتر علينا الحاجه. عينيها ديما معايا لحد ما بطلع فوق.فاطمه. يووووه ده كان الحاج محمد حط صوابعه العشره ف الشق منها. وكان يشتكي لابوكي. واكتر من مره وقفو ع الطلاق بس ابوكي كان يرجعه لعقله. ويقوله علشان خاطر عيالك يامحمد. وبكره الزمن هيعدلها. وهي زي ما هي مع انها سبحان الله مش محتاجه. بس نقول ايه بقى. صحيح مايملاش العين غير التراب. ربنا يهديها ويهدي بنتها الغلبانه دى امها هتبوظها بدلعها ليها ربنا يهديهم ويهدينا يارب.فتون: اللهم امين. سبحان الله مع إن عم محمد ميتساهلش كدا ابدا. انا سمعت قبل كدا إن سميره كانت مخطوبه قبل عم محمد.فاطمه: ايوه كانت مخطوبه 3 مرات. اتنين من بره عيلتها وحصلت مشاكل. ومحصلش نصيب. والتالت كان إبن عمها وكان بيحبها اوى. بس أمه الله يسهلها فشكلت الجوازه وقبل كتب الكتاب بيوم. والشيخ محمد كان جارهم. وحاضر كل حاجه. ومن شاهمته اتقدم ل سميره. والل عرفته بعدها. انه كان معجب بيها من زمان. واهو النصيب سبحان الله. الل مكتوبلك هتشوفه.فتون: فعلا نصيب. سبحان الله. بقولك ايه بقى. سيبك انتى من الحوار ده. انا جايبه فشار ولب وسودانى. بعد ما نصلى العشا خالتى ام حسن ونوسه قالو انهم نازلين يسهرو معانا. نقعد كدا كلنا نتفرج ع فيلم حلو كدا واحنا بناكل الفِشار والتسالى. اشطا. فاطمه: بس مش رعب يافتون. انا بخاف اخر مره مكنتش عارفه انام من الل شوفته. فتون: ههههههههه. حاضر يابطه هجبلك رومانسي وغمزت حلو كدا.فاطمه: ضحكت جاتك ايه يا فتون. خلاص راحت علينا. الله يرحمه بقى. فتون: ههههههههه خلاص يبقى كوميدى اشطا. فاطمه: ههههه اشطا ياتونه… فيلا بدر الدين. الساعه 10 مساءاً. شريف: قاعد متوتر ف المكتب. وفونه رن. وكان رقم غريب. ورد بسرعه. الوو. الدكتور: مساء الخير. الاستاذ شريف بدر الدين؟ شريف: قام وقف. ايوه مين معايا؟ الدكتور: انا الدكتور امجد بكلمك من مستشفى (، ) وجبت رقم حضرتك من كارت كان موجود مع الحاله!شريف: بلع ريقه بتوتر. حالة ايه؟ ومستشفى ليه؟ ممكن تفهمني! د/امجد: انا اسف لأنى هبلغك إن اخو حضرتك الاستاذ سليم بدر الدين. عمل حادث سير على الطريق السريع. وللأسف عندو شرخ في الجمجمه وكسر ف دراعه اليمين. وا، الو. الوو. د/ امجد: هز راسه بزعل. ودخل ع سليم. ها الحاله فاقت؟ الممرضه: لسه يادكتور. اول ما يفوق هبلغ حضرتك. امجد: تمام. اول ما يفوق اديله الحقنه دى ف الكانيولا. وانا ف المكتب تبقى عرفينى.الممرضه: حاضر يا دكتور. شريف: قفل المكالمه وخرج من المكتب بسرعه وطلع يجرى ع فوق يلبس بسرعه. فريده: شافته وقلقت من سرعته وطلعت وراه استر يارب هو بيجرى كدا ليه. شريف: بيلبس وخالد اتصل مره واتنين ع شريف: بتوتر رد وفتح الاسبيكر وبيكمل لبس. وبصوت مهزوز ايوه ياخالد. خالد: استغرب صوته. انا اسف ياشريف ع اتصالى بس انا بتصل ع سليم لحد دلوقتي فونه مغلق وكنت عايز…شريف: قطع كلامه. سليم عمل حادثه ياخالد عمل حادثه. وف المستشفى خالد: قام وقف بصدمه. ا. اانت. انت بتقول ايه و. وبلع ريقه بصعوبه. ومستشفى ايه؟ شريف: قاله ع المستشفى وقفل بسرعه واخد مفاتيحه وخارج من الاوضه. شاف فريده واقفه ع الباب بصدمه وعينيها متعلقه ع شريف يمين وشمال. ودموعها متحجره من الصدمه. شريف: شاف حالتها وفهم انها عرفت. وغمض عينيه. وبلع ريقه. سليم كويس بس انتى حاولى تهدي. انا هروح.فريده: قطعت كلامه بدموع. سي. سليم ابنى. سليم. وقلبها هيطلع من مكانه. شريف: ممكن حضرتك تهدى سليم كويس. انا لازم امشي دلوقتي. لازم اقف جمب سليم لازم اكون موجود معاه. فريده: مسكت ايده. ودموعها نازله زى المطر. خد، خدنى معاك اشوف ابنى. شريف: هز راسه. ماشي بس ارجوكي اهدى.فريده: هزت راسها بتوهان. وكانت هتقع. وشريف لحقها وسندها. ونزلو. وشريف ركبها العربيه. وركب جمبها. وساق بسرعه كبيره جدا. ومتوتر وقلقان جدا. وضرب الدريكسون بأيديه. فريده: قلبها هيقف من كتر العياط. وبتدعي أن سليم يكون بخير، يااارب.خالد: اول ما عرف كان مصدوم جداا. وعيونه لمعت بدموع. لأ لأ سي. سليم. سليييم. واخد المفاتيح وخرج من الشقه جري ونزل ع السلم بسرعه كبيره جدا وركب العربيه وطار بيها ع المستشفى. وطول الطريق لأ لأ سليم لأ. حادثه؟ حادثة ايه؟ ودمعه نزلت منه وقال سليم. وساق بسرعه. شريف: سايق بسرعه واخيرا وصل المستشفى.ونزل. وجري وفريده نزلت وبتجري وراه بدموع. وشريف دخل الاستقبال. بينهج لو. لو سمحتى سليم بدر الدين فين؟ في انهي دووور. بسررررعه. البنت: بتوتر. حاضر ثانيه واحده. وبصت ف قايمة الاسماء. سليم. سليم اه الدور التانى غرفه 12. شريف: طلع جري. وفريده وراه بتنهج ودموعها غرقت وشها. وجسمها كله بيترجف. شريف: طالع بسرعه ووصل للغرفه. وفتح بسرعه. واتصدم لما شاف سليم وراسه وجبينه ملفوف بشاش وف اثار دم ع الشاش.ودراعه مكسور. وجروح متفرقه في وشه. فريده: ماشيه ف الطرقه بسرعه ورعشه. وداخله الاوضه بلهفه لكن وقفت مكانها بصدمه كبيره. وحطت أيدها ع بوقها وقلبها. وصرخت سليييييييم ابناااااااى. واغمي عليها. الممرضه: قامت بسرعه. وشريف بزهول لف وجري عليها. وشالها. الممرضه: يا استاذ هاتها ع الاوضه الل جمبنا انا هشوفلها دكتور… شريف: طلع بيها بسرعه وراح بيها ع الاوضه.خالد: وصل المستشفى ونزل يجرى ع الاستقبال بسرعه. سليم بدر الدين ف انهي دوور؟ البنت: قالتله. خالد: طلع يجري ع السلم. شريف: محتار عايز يطمن ع سليم. وكمان واقف مع فريده والدكتور جه يكشف عليها. خالد: بيجرى ووصل الاوضه. ودخل واتصدم بزهول وفتح عينيه ع الاخر وهمس س. سليم. وقرب منه وشاف سليم ع جهاز الأكسجين. ومتوصله محلول. وف جروح كتير ف وشه. وعينه لمعت بدموع. ومش مصدق ولا مستوعب.الممرضه: قامت تانى لو سمحت اتفضل استنى بره. ممنوع الزياره دلوقتي. خالد: بصلها هوا. هو كويس؟ هو حصله ايه؟ واحد من وراه لوسمحت حضرتك اخو الباشمهندس؟ خالد: لف وهز راسه بلاء وبعدها هز راسه تانى ايوه. ايوه انا اخوه. الممرضه: قالت ل خالد ده الل جاب الحاله للمستشفى اتفضل ممكن تسأله، خالد: اتحرك بسرعه ايه الل حصل لسليم؟ شريف: داخل.الدكتور: اخدهم الل اتنين بره الاوضه. وبدء يتكلم. انا الدكتور مدحت دكتور باطنه. وشوفت كل الل حصل. شريف: ايه الل حصل اتكلم؟ حادثة ايه الل مبهدله اخويا كدا!؟مدحت: حضرتك انا داخل ع الطريق السريع وماشي بعربيتى ورا الاستاذ سليم. فجاءه شوفت عربية اخوك بتروح يمين وشمال. كان سايق بسرعه كبيره جدا. وبعدها شوفت شاحنه كبيره جدا جايه مقابل لينا. انا جيت ع جمب لكن اخوك فضل سايق اتجاه الشاحنه وانت عارف الطريق السريع بيبقى عامل ازاى؟ وبعدها لقيت عربية اخوك بتلف دوران سريع. و سمعت ناس كتير بتصرخ من العربيات وبيقولو نط. نط من العربيه. وانا ركنت ع جمب وقلبى دق جامد لأن الشاحنه خلاص هتخبط فيه. لكن اخو حضرتك نط فعلا من العربيه ف اخر لحظه. ووقع ع الأرض واتقلب اكتر من مره واكيد وشه اتجرح من الاسفلت. وراسه اتخبطت بقوه ف الرصيف.ف الوقت ده كانت الشاحنه اخدت العربيه ف وشها. والعربيه أطبقت. طبعا الل انا بحكيه ده حصل ف أقل من دقيقه احداث مميته. ودي كانت غلطة اخو حضرتك لانه فضل ماشي ف الاتجاه المعاكس والعربيه شكلها فقدت السيطره لان طريقة السواقه كانت تتدل أنه مش عارف يسوق و يسيطر عليها. وانا نزلت بسرعه. وعملت الاسعافات الاوليه للحاله لان كانت راسه بتنزف. وبعدها لقينا دخان طالع من العربيه وسمعنا صوت انفجار والعربيه ولعت كلها.والناس رفضت تروح معاه ع المستشفى الإسعاف جه واخد الحاله. وانا جيت ف عربيتى وراهم. شريف: بيسمع وعينيه مفتوحه ع الاخر. مش مصدق الل حصل. وضرب الحيطه اكتر من مره وصاكك ع اسنانه! خالد: بيسمع. ومزهول. وبص ل مدحت بس ازاى!؟ ازاى بتقول مش عارف يسوق ده سليم محترف ف السواقه وياما دخل سباقات مع صحابه ومفيش مره خسر فيها!؟ يبقى اززااى سليم يحصل معاه كدا؟د/مدحت: والله يا باشمهندس ساعة القدر مافيش حاجه اسمها سباق أو احتراف. ده قدر. شريف: صك ع اسنانه. وبص ل خالد والدكتور. هو قدر فعلا. بس مش غريبه إن سليم مايعرفش يوقف العربيه. لالا اكيد ف حاجه غلط. واكيد دى مش حادثه عاديه ابداا. خالد: كشر عينيه. قصدك تقول إن ف حد قاصد يقتل سليم؟ شريف: بحيره. مش عارف. مش عارف بس عندك تفسير غير كدا!؟خالد: بدهشه. مش معقول. وفتح عينيه على الاخر شريف هي طنط فريده فين وهي عرفت بالل حصل ل سليم؟ شريف: نزل راسه بزعل. وقال ايوه عرفت وللاسف اول ما شافت سليم بالشكل ده. مستحملتش. أغمي عليها. والدكتور ادالها ابره مهدئه ونايمه ف الاوضه دى! انا لازم ابلغ البوليس.د/ مدحت: ف ناس فعلا بلغت البوليس وجه والناس حكت الل حصل والل شافوه. وكمان ف ناس صورت الحادثه. وإن سواق الشاحنه مش غلطان والشرطه هيحققو اكيد لكن بعد ما الحاله تفوق. خالد: نفخ بديق ومسح وشه بايديه. وواقف ساكت. شريف: انا عايز اعرف اخويا حصله ايه وايه كمية الشاش الل عليه دي؟ وزعق فين دكتور الحااااله. انا لازم انقل سليم لمستشفى خاصه حاااالا. خالد: شاف غضب شريف. اهدى ياشريف انا هنزل اشوف مين الدكتور؟د/مدحت. الدكتور اسمه امجد محمد. هو الل استلم الحاله من اولها ودخل بيها العمليات. خالد: بصدمه عمليات!؟ وبلع ريقه بخوف. وهز راسه واتحرك بسرعه يدور ع الدكتور. شريف: واقف ومغمض عينيه. وقابض على أيديه. د/ مدحت: شاف زعل شريف ع اخوه. وقرب منه وربت ع كتفه وحد الله. واحمد ربنا انه نط من العربيه ف اخر لحظه. لو كان متصرفش كدا كان حصل الاسوء الحمدلله انها جت ع قد كدا.شريف: جسمه اتشد. وقبض على أيديه اكتر. وبيتنفس بصوت عالى. د/ مدحت. الف سلامه عليه اتفضل دا جاكيت البدله والقميص بتاع الباشمهندس سليم. والمحفظه والفلوس ف جيب الجاكيت. شفاه الله وعفاه. استاذن انا. سلام عليكم. ومشي. شريف: فتح عينيه وبص ع هدوم اخوه بين ايديه. وفتح باب الأوضه. ودخل عند سليم. وقعد جمبه ع الكرسي. سليم سامعنى ياسليم؟ انا اخوك شريف. انا شريف ياسليم رد عليا. قولى فيك ايه حاسس بايه.؟خالد: دخل وسمع كلام شريف. واتنهد بزعل. وقال. شريف الدكتور امجد جاى تعالى. شريف: بص ل خالد وعيونه لمعت بدموع. ومسح دموعه بسرعه. وباس جبين سليم وقام. خالد: شايف خوف شريف ع اخوه. وربت ع كتفه. تعالى نشوف الدكتور هيقول ايه. وربنا يستر. شريف: حط هدوم سليم ع الكرسي وخرج مع خالد. وشافو الدكتور جاي اخر الطرقه! خالد: اهو يشريف دكتور امجد. الل جاي علينا ده! امجد: مساء الخير.شريف: اتكلم بعصبيه. سليم حصله ايه؟ وهيعيش مش كدا؟ قولى ف خطر ع حياته؟ د/امجد: اولا ممكن حضرتك تهدى. وثانيا كل حاجه ف علم الغيب. المريض جالى اثر حادث سير. ودخلنا بيه ع العمليات فورا. واكتشفنا انه عندو شرخ في الجمجمه. وجروح متفرقة ف صدره ووشه وكمان رجليه. وجرح كبير جدا ف راسه من المقدمه. وجبينه. وكسر ف دراعه اليمين. شريف: رجع بضهره لورا. بزهول.خالد: ضاغط ع شفايفه لكن غصب عنه دموعه نزلت. وبص لفوق وبياخد نفس عميق. شريف: يعنى الشرخ ده في خطر عليه. فهمنى انا مش فاهم حاجه؟ د/امجد: لا الحمد لله اطمن الشرخ ده بسيط جدا وهيلتأم مع نفسه ف خلال اسبوعين ل3 اسابيع بالكتير. وهيفضل تحت الملاحظه 24 ساعه. علشان نراقب لاقدر الله ممكن يحصل نزيف. وده متوقف ع إشاعه هنعملها خلال ال24 ساعه الل جايين. شريف: نزيف!؟د/امجد: انا بقول لا قدر الله. دى إجراءات للاطمئنان عليه مش اكتر ولا أقل. والل مطمنى إن الشرخ بسيط. لكن ليه آثر سلبى ع حياة المريض. شريف: بصله وهز راسه انه مش فاهم حاجه.د/ امجد. بمعنى إن الشرخ ده مع الالتأم هيسبب صداع شديد للمريض. وده هيآثر ع أسلوبه بعد كدا. واي رد فعل هيكون غير مقصود منه لأنه بسبب الشرخ والصداع. هو المفروض يتحمل. ولما يفوق انا. هكتبله ع مسكنات لكن مش لازم انه ياخد كميه كبيره من المسكن ده. هو مره او مرتين يوميا. ولازم. لازم يكون حد جمبه ليل نهار ويتابع تصرفاته! خالد: بعدم فهم. يتابع تصرفاته ازاى مش فاهم!؟د/امجد: حضرتك متستهونش بشرخ الجمجمه. ده بيسبب صداع شديد جدا. واكيد هيكون عصبى. وعلشان كدا قولت لازم يكون حد جمبه. شريف: انا هنقله ل مستشفى خاصه حالا! د/امجد: صعب حاليا حركة المريض علشان الشرخ وممكن مع الحركه يسبب نزيف. وصدقنى احنا عملنا كل حاجه ع مستوى عالى. ولو عايز تنقله يبقى ع مسؤوليتك الشخصيه. وتمضي إقرار انك انت المسؤول! لان الشرطه موجوده ومنتظره المريض لما يفوق. وبصلهم. بعد اذنكم. ومشي.شريف. قعد بتعب ومسح وشه بايديه. وخالد جمبه. وشريف قرر أنه ما ينقلش سليم خوفا عليه. بعد شويه. فريده: فاقت. وخالد سمع صوت عياطها وبتنده بإسم سليم. وراح بسرعه ليها. اهدى سليم كويس. فريده: بعياط هيسيترى. لااا لااا ابنى مش كويس ياخالد! ابنى متبهدل. ااااه ياحبيبى يبنى. ياترى ايه حصل معاك حسيت بايه ياسليم. وعيطت اكتر. خالد: اخدها ف حضنه. بس كفايه والله سليم هيكون كويس. هي حادثه بسيطه وهيعدى منها…فريده: طلعت من حضنه. وبشهقات عايزه اشوفه خدنى عنده ياخالد يبنى ابوس ايدك. شريف: قرب منها. ممكن تهدى؟ الدكتور طمنا ع حالة سليم. وكل حاجه هتبقى تمام. فريده: مسكت جاكت شريف بدموع قالك ايه؟ الدكتور طمنك قالك ايه انا بصدق كلامك بس متخبيش عليا وغلاوتى عندك قول سليم ابنى فيه ايييه؟ شريف: مسكها من دراعتها. تعالى استريحي وانا هقولك كل حاجه.خالد: من جواه مش قادر يتحمل. وخرج بره الاوضه. ووقف يبص ع سليم من ازاز الغرفه. وسرح بذكرياته مع سليم ودموعه نزلت من غير قيود.شريف: اتنهد. سليم اتعرض لحادثه ع الطريق السريع. والحمد لله نط من العربيه. والدكتور قال ان بسبب الوقعه دى حصل عندو شرخ بسيط ف الجمجمه. ودراعه اتكسر وعمل ليه جبيره. والجروح الل ف وشه دى. من أثر الواقعه ع ارض اسفلت. لكن الدكتور قال إن كل حاجه تحت السيطره. وسليم هيفوق وهيبقى زى الفل. صدقينى. فريده: شهقت بصوت عالى وحطت أيدها ع بوقها وعيطت كتير ياحبيبى يبنى. يارب. يارب خليك معاه يااارب. وفضلت تعيط.فريده: بصت ل شريف هو هيفوق امتى؟ شريف: اتنهد. ممكن يفوق دلوقتي. او الصبح. سليم هيفوق ف اى وقت. فريده: قامت بدموع. وشريف قام وسندها وخرجو من الاوضه. وقاعدين ف الطرقه لان ممنوع يدخلو عندو. وف ممرضه موجوده جمبه. ومنتظرين الممرضه تخرج وتقولهم إن سليم فاق. بعد شويه. جه ظابط شرطه. وسلم ع شريف وخالد. وقعد معاهم. وسأله عن سليم شوية معلومات. والظابط: سأل شريف هو الباشمهندس سليم بيتعاطي مكيفات أو انواع تانيه!؟شريف: لا ابدا سليم عمرو ما تعاطى حاجه. مفيش غير انه بيشرب سجاير وبسيط جدا بس غير كدا لا! الظابط: هز راسه تمام. احنا اخدنا اقوال الشهود. والكل بياكد انه الباشمهندس سليم. كان سايق بسرعه كبيره. وعربيته خرجت عن السيطره! خالد: رد بسرعه. لا طبعا حضرتك. سليم محترف جدا ف السواقه. وطلع فونه وفتحه وجاب فيديو ل سليم. بص حضرتك ده فيديو ل سباق سيارات بين صحابي انا وسليم. الظابط: مسك الفون واتفرج.خالد: بص حضرتك. دي عربية سليم. سايق باحتراف. وعارف هو بيعمل ايه.! وعندى ليه اكتر من مسابقه واكتر من فيديو. وكسبهم كلهم. استحاله اصدق إن سليم وهو سايق يخرج عن السيطره إلا لو ف حاجه حصلت غلط! الظابط: شاف الفيديو ومهارة سليم ف السواقه. وهز راسه باقتناع تقصد انها حادثه عن عمد!؟شريف: بالظبط حضرتك. انا شاكك إن حد دبر الحادثه دي ل سليم اخويا. حضرتك ممكن تشوف عربية سليم ممكن يكون فيها دليل. او حتى ع الاقل نعرف ايه سبب الخروج عن السيطره الل تخلى اخويا يكون بالشكل ده. الظابط: انا مقدر قلقك وخوفك على اخوك ياشريف باشا. واحنا فعلا عملنا كدا بعتنا متخصصين وشافو عربية الباشمهندس سليم. لكن للاسف. العربيه اتحرقت بالكامل. واى دليل فيها اتحرق وانتهى!شريف: قام وقف. يعنى ايه؟ الل عملها كدا هيطلع منها!؟ وبص قدامه بغضب. وقال سليم خارج من البيت وساق العربيه. وجالى ع الشركه حضر اجتماع وخرج من الشركه ع السفر. لازم اعرف مين الل اذى اخويا،؟ بعد شويه الظابط مشي ومنتظر اتصال من شريف أو خالد اول ما سليم يفوق علشان ياخد أقواله.! عدت الليله حزينه جدا ع فريده وشريف وخالد. ومحدش رجع البيت. ومنتظرين سليم يفوق.فريده: طول الليل تصلى بدموع وتدعي ربها انه يشفى ابنها ويفوق ويقوم بالسلامه. شريف: مرهق وتعبان والفجر ع وشك. وخالد اتحايل عليه يدخل ينام ساعه ف الغرفه الل جمب سليم ولو سليم فاق هيصحيه وخالد قاله انا نمت انهردا ف البيت قوم انت. وبعد محاولات. شريف دخل بتعب وإرهاق ينام ساعه.خالد: رايح جاي ف الطرقه. ودماغه هتنفجر من التفكير. وافتكر مكالمة سليم ليه قبل ما يسافر. واتنهد بحيره وطرد الفكره. وقال. طيب أبلغ رهف ولا لأ.!؟ لأ لأ مش وقته! لأ انا هتصل عليها ترجع هي اكيد صاحيه دلوقتي لازم تكون جمبه ع الاقل لما نشوف ياست رهف. يمكن سليم بعد ما يفوق هيعمل ايه؟ وطلع فونه واتصل عليها مره واتنين وتلاته. وف الاخر ردت وكانت ف ديسكو وصوت الميوزك عالى جدا. وخرجت بره وكلمت خالد. وخالد قالها. ورهف اتخضت واتصدمت بزهول. وقالت قولى سليم ف مستشفى ايه!؟خالد: قالها ع اسم المستشفى. رهف: قفلت. وقررت ترجع حالا. تشوف حالة سليم. جه تانى يوم الساعه 11 الصبح. ف المستشفى. فريده وشريف وخالد. ورهف وأبوها ومنى موجودين. رهف: جت من الحفله ع المستشفى ع طول. ولابسه فستان دهبى سهره قصير جداا ومكيب اور جدا. ومصدومه وقلقانه وعايزه تطمن عليه.منى وجوزها. واقفين. وقلقانين نوعا ما. لكن منى قرفانه من شكل المستشفى. وطلبت من رهف إن أول ما سليم يفوق ينقلوه مستشفى كبيره لانها مش قادره تتحمل. رهف: هزت راسها بقلق. وقالتلها اوكي. فريده: مش مركزه معاهم. وكل الل شاغل عقلها سليم وأنه لحد دلوقتي مافقش. خالد: باصص ع رهف ونفسه يضربها من كرهه ليها وشكلها الاور. وكمان قاعده جمب ابوها و امها. وشاف إن سليم مكالمته ليه كانت صح.!شريف: قاعد بيتكلم ف الفون. وبيلغى كل المواعيد ف الشغل. الممرضه خرجت. المريض فاق! الكل قام وقف بسرعه. فريده: جريت عليها. اطمن عليه الله يكرمك يابنتى. الممرضه: صعبت عليها فريده وعيونها الحمرا. وهزت راسها. طيب ممكن تدخلو تطمنو عليه ع ما انا ابلغ الدكتور. بس بلاش تكلموه كتير علشان راسه ماشي ياحجه!؟ فريده: بدموع ماشي يابنتى. والكل دخل. فريده: بتبكى بصمت. وشافت سليم بيفتح ببطء. شريف: راح بسرعه وقف جمب سليم.خالد: واقف عند الباب مقدرش يدخل. رهف: جريت ع سليم بعياط. سليم. سليم حبيبى. انت كويس. ايه الل عمل فيك كدا يابيبى. سليم: بدء يفوق. وسمع صوت رهف. وقال بهمس فريده. فريده: قربت منه وباست ايديه بعياط مكتوم علشان متتعبوش اكتر. سليم ابنى حبيبى حمدالله ع سلامتك ياضنايا. سليم: بتعب. وحاول يفتكر الحادثه لكن عندو صداع مش مخليه مركز ف اي حاجه!؟، ااه. ا. اانا. انا فين؟ شريف: سليم انت كويس؟رهف: بعياط. سليم انت ف المستشفى انت عملت حادثه ياسليم. وعيطت بصوت مسموع!؟ سليم: بيتالم. اااه. وفتح عينيه. حادثه!؟ ومستشفى!؟ طيب هي الدنيا ضلمه ليه،!؟ الكل بص لبعض بصدمه كبيره جدا جدا.