رواية أحببت بصيرته للكاتبة مريم نصار الفصل الحادي والعشرون عند حسن.حسن: واقف ف البلكون. بيشرب سِجاره وشاى. وواقف محتار وبيفكر كتير ف الل حصل. وموقف فتون. وسرحان. وبيكلم نفسه بصمت. وقال. انا مبقتش فاهم حاجه؟ ف الاول حد يبعتلى صور فتون واقفه مع واحد غريب قدام باب شقتها ف وقت متأخر! وكمان صور مع علاء وهما بيضحكو ومبسوطين. وكمان ف وضع مش حلو ف وسط الشارع. وقولت اكيد ف بينهم حاجه. لكن بعد ما رجعت من السفر. لقيت كل حاجه زى ما هي! فتون هي فتون وتصرفاتها زى ما هي. وكمان لسه بتشتكى من علاء. والل هيجننى إن علاء اتقدم ل فتون وهي رفضت. وكمان واحد ضرب علاء ف بيت فتون؟ تؤ. انا بجد مش فاهم حاجه. والل هيخلى عقلى يشت منى. تصرف فتون انهردا. وأنها جت واقنعت امى وابويا. انها موافقه ومعندهاش مانع من جوازى من سحر؟ اله انا بجد مش فاهم. يعنى لو الصور دى بجد. فتون هترفض علاء ليييه؟ طيب ممكن ياحسن الصور دى تكون متفبركه. لأ لأ مين هيعمل كدا. اوووف طيب ممكن حد حب يوقع بينى وبين فتون. طييب مييين؟ مين ليه مصلحه ف كل ده؟ يوووه انا دماغى هتنفجر. انا احسن حاجه اعملها انى اشترى دماغى. وافكر ف سحر. انا حبيت اهتمام سحر ودلعها عليا. فتون كانت بتعاملنى كأنها واحد صحبى. لأ انا هكبر دماغى. والل حصل حصل. وابتسم. وقال كلها سواد الليل. وبكره تكونى خطيبتى ياسحر. وبعدها نكتب الكتاب. واخدك واسافر. بلاش وجع دماغ دى حاره تجيب المرض.فيلا بدر الدين. شريف: ف اوضته قاعد ع السرير. وفاتح اللاب توب بيتاع شغله. فريده: خبطت عليه. شريف ياحبيبى ممكن ادخل؟ شريف: اتفضلى. فريده: دخلت ومعاها ملف. ايه ياشريف حابس نفسك من الصبح ف الاوضه. حتى الفطار والغدا طلبتهم وانت ف اوضتك! انت ف حاجه مضيقاك؟ شريف: قفل اللاب وقال. ابدا مفيش حاجه. بس عندى شغل كتير جدا. ومحتاج منى تركيز. وكمان لازم اسافر الصين بكره بليل.فريده: قعدت ع طرف السرير قصاده. ربنا يعينك ياحبيبى. انا عارفه كل ده. واتنهدت بحزن. وقالت. من بعد حادثة سليم. وانت كل حاجه فوق راسك. بس هنعمل ايه حكمة ربنا. شريف: اتنهد بتعب. لو ع الشغل سهله. بس سليم يرجع زى الاول وساعتها اى تعب مش مهم. فريده: طول عمرك شهم ياحبيبى. قولى خالك صلاح عامل ايه دلوقتي لسه مافاقش من الغيبوبه. مفيش اى جديد.؟ شريف: هز راسه للاسف مفيش اى جديد. مراته بتقول لسه زى ما هو.فريده: بزعل. سبحان الله غيبوبه اكتر من 8 شهور! واتنهدت بحزن. ربنا يشفيه يارب. مرات خالك ست مؤمنه وإن شاء الله ربنا هيشفيه عشان خاطر ولادها الصغيرين دول. أمانه عليك لما تروح تزورهم تانى تبقى قولى أجي معاك. انا من يوم حادثة سليم. وانا مقصره معاها. ودي ست طيبه ومعاملتها طيبه زيها. وكمان عايزه اديها مبلغ كدا لعيالها. هي يعنى هتصرف منين.؟شريف: إن شاء الله. بس انا مش مقصر معاهم. وببعت السواق يجبلها الطلبات. فريده: مش كفايه يبنى. اى ست ليها احتياجاتها. ولازم يبقى معاها قرش تصرف بيه ع ولادها. ودى مرات خالك. وانت عشت معاهم قبل ما انا اجي ع البيت ده. وكمان وانت ف ثانوى. عشت معاهم سنتين كاملين. والست بصراحه مقصرتش ف حاجه. المهم بس اسمع منى ومالكش دعوه انت.شريف: هز راسه. خلاص تمام زى ما تحبى. الزياره الجايه هقولك قبلها بيوم. وسألها وقال. هو سليم فين دلوقتي؟ فريده: ههههه سليم قاعد ف المكتب بيكتب الواجب. بيقولى فريده. خالد جاى ف الطريق. سبينى اركز قبل ما خالد يطب عليه ومش هعرف اعمل حاجه هههههه.شريف: ابتسم. كويس اوى. بس انا ملاحظ تغيير سليم من امبارح. شايف انه فاكك كدا وبيضحك ومبسوط وكمان قعد معانا ع السفره. وده طبعا مفرحنى. وكان نفسي أسأله بس قولت بلاش المهم أنه اتغير للأفضل. فريده: امسك الاول عشان مانساش ده الملف الل انت جبته امبارح. انا قريته ومضيت عليه. وربنا يبنى يوفقك. شريف: مد ايدو واخد الملف. وحطه ع الكمود...فريده: ابتسمت بحب. وقالت سليم فعلا اتغير للأفضل رجع يتكلم ويضحك وياكل معانا. وبدء يحب الحياه من تانى ومبقاش يحبس نفسه ف الأوضه والل مفرحنى اوى أنه رجع يصلى من تانى. شريف: بتعجب. كل ده؟ طيب ياترى ف سبب ولا من نفسه كدا؟ فريده: هزت راسها وضحكت. وقالت مفيش حاجه ف الدنيا دى بتحصل. إلا لو كان وراها سبب. وكل ده بسبب فتون بعد ربنا طبعا. شريف: بعدم فهم. فتون!؟ فتون مين؟ ايوه ايوه تقصدى الل بتابع مع سليم؟فريده: ايوه هي. ربنا بعتها لسليم وجعلها سبب انها تخليه عندو أمل من تانى. شريف: باستغراب. انا مش فاهم حاجه. هي جايه تعلمه ع طريقة برايل يعنى كتابه ودراسه وتركيز. ايه السبب ف دراسته انها تخليه يتغير كدا؟ فريده: انا هقولك ع كل حاجه. وبتحكي عن طريقة فتون وكل حاجه عنها ولما راحت عندها. وكمان احساسها ف إن ف حاجه مشتركه بينهم.شريف: بيسمع. ومستغرب سليم الل كان رافض يتكلم مع اى حد سواء هو أو خالد وكمان المُدرسين. ومط شفايفه باستغراب. وسمع كل حاجه عن فتون. وبعدها اتفاجئ بدهشه. وقال. نعممم؟ سليم ممكن يحب واحده وبالمستوى ده؟ لأ لأ. استحاله سليم يفكر كدا ابدا. وبعدين انتى ايه الل خلاكى متاكده اوى إن سليم يكون معجب بيها. لأ انا مش مستوعب اساسا. فريده: بزعل حقيقي. ليه يبنى بس. انا قولتلك ع الل انا حساه.شريف: اتنهد ومسح وشه بايديه ونفخ بديق. اسمعينى حضرتك وياريت تفهمينى ومتزعليش منى. انتى عارفه الأحداث الل مر بيها سليم. وكمان رهف والل اتسببت فيه لسليم. وحالة الاكتئاب النفسي الل كان عايش فيها. والوحده الل اختارها. واول ما ظهرت الل اسمها فتون دى. وسمع أسلوبها وطريقتها. وكمان شخصيتها القويه ف اول مقابله بينهم زي ما قولتى. اكيد ده لخبط سليم شويه. سليم استحاله يحب وبالطريقه دي. وكمان فقيره وملهاش حد. طيب تيجى ازاى. بصي هي حاجه من الاتنين. يا اما احساسك غلط. يا اما دى نزوه وهتعدى. وانا مش شايف غير كدا. والبت دى ياريت تمشي ف اسرع وقت. لانها ممكن تضحك ع سليم بكلمتين وتكون طمعانه ف ثروته. انا عارف النوع ده كويس.فريده: بصت ل شريف بعتاب. مالهم الفقرا ياشريف؟ وافرض هما الاتنين حبو بعض. وايه الل عرفك انها ممكن تضحك عليه؟شريف: قام وقف وبصوت جهورى. الفقر اسؤ حاجه ف الدنيا دى. بتخلى الفقير يبص لينا ع أننا وليمه ولازم ينهشها. الواحده من دول تدخل حياة راجل غنى وتضحك عليه وتفضل تتمسكن. وتمثل الاخلاق والفضيله. وإن الفلوس اخر حاجه تشغل بالها. ويقوم يصدقها ويتجوزها. وف الاخر تكون هي صاحبة كل حاجه. وتاخد كل حاجه ع الجاهز. تاخد حجات مش من حقها انها تاخدها من الأساس.!فريده: بصت ل شريف بدهشه وعتاب كبير. وغمضت عينيها. واتنهدت بوجع. وفتحت عينيها وابتسمت بتمثيل. وقالت أنا بقول مجرد احساس. وع رايك ممكن يكون احساسي غلط سيبك من الموضوع ده. المهم بقى اقعد كدا وأهدا وقولى انت مش ناوى تخلينا نفرح بيك انت هتفضل قاعد كدا من غير جواز؟ شريف: قعد بخنقه. وقال أنا قولت لحضرتك قبل كده. انا مش هتجوز. ولو قعدتى هنا مضيقاكى. انا ممكن اروح شقة والدتى.فريده: شهقت بصوت عالى. وقالت اخص عليك ياشريف يبنى. ايه الكلام الل انت بتقوله ده. انا اضايق منك انت؟ ده بيتك قبل ما يكون بيتى. و يعلم الله يبنى انى عايزاك تفرح وتعيش مبسوط. ونفسي ومنى عينى اشوفك انت ومراتك وحواليك عيالك. وابتسمت بدموع. بقى دي غلطتى يبنى انى بفكر ف سعادتك؟شريف: نفخ بديق حقيقي. وغمض عينيه. وقال. انا اسف انا مقصدش انى اتنرفز كدا. وانا متأكد أنك عايزه مصلحتى. لكن ياريت تسيبيها لوقتها. وانا قولتلك قبل كدا. يوم ما قرر انى اتجوز هاجى لحد عندك واقولك. وياريت تنسي الموضوع ده. وكمان متزعليش من اسلوبى انا بجد مقصدش.فريده: مسحت دموعها. وقامت. وقالت أنا مش زعلانه ولا حاجه مفيش حاجه تزعل. وانا بتمنى ليك انت وسليم تعيشو مبسوطين. انا هروح اصلى العشا. وخرجت وهي زعلانه. شريف: مسح وشه بايديه. وقاعد متنرفز من كل حاجه. سليم ف المكتب. وفاتح الدفتر. وبيكتب بالقلم اسمه 50 مره. زى ما فتون طلبت منه. وقاعد مركز جدا. وبيكتب. الباب اتفتح. خالد: صحبى يصحبى ههههه. سليم: ضحك. تعالى يا فاشل. وماسك الدفتر.خالد: دخل وقعد جمبه ع طرف المكتب. وشاف سليم بيضحك. وقال اللهم صل ع النبى. ايه الل بيحصل ده. ايه الل انا شايفه ده. سليم انت بتضحااااك!؟ هههههههههههه. سليم: هههههههه. خبطه بالدفتر ايوه يعم بضحك غريبه يعنى؟ المهم ياض انت مبتخبطش ليه قبل ما تدخل؟ بتفتح كدا زى القضا المستعجل زريبه هي.؟ خالد: اله. دى بيتى يعم انت اخبط ايه بس؟ وبعدين هو انا يعنى فتحت عليك باب الحمام. وبص ع الدفتر. وشده من ايد سليم.سليم: اتغاظ. هات الدفتر ياخالد.! خالد: استنى بس. اشوف مجهودك وشاطر ولا لأ؟ ولا احنا بنرمى فلوسنا كدا وخلاص هههههههه. سليم: غمض عينيه بنفاذ صبر. هات الدفتر ياخالد قولتلك. خالد: طلاق تلاته ابدا. اصبر بس. وفتح الدفتر وبيقرا. ايه ده؟ سليم بدر الدين. سليم بدر الدين. انت كاتب اسمك كتير اوى. بس حلو. حلو اوى كمان أمممم. سليم: بديق مكبت. مد ايدو هات بقى الدفتر. خلينى اخلص.خالد: بعدم فهم. و شك من رد فعل سليم. وكشر عينيه. وقلب ف الدفتر. وشاف ورقه طرفها مطبق. وفتحها. وقرا الل كاتبه بهمس. فون ماهران. فتون مهران. وفتح عينيه بدهشه. وقال اممممم هي بقت كده؟ سليم: شد منه الدفتر. انت واد بارد جدا. ايه الل جابك؟ مش انهردا الجمعه. وبتروح لابوك. دا انت عيل فصيل بجد. خالد: قرب من سليم. وقال بمكر. انا كنت هروح فعلا لابويا. بس بصراحه انا جيت علشان أسألك ع فتون.؟سليم: بغيظ. تسأل عليها ليه. مش فاهم.؟ خالد: بمكر. يعنى انا من اخر مره كنت عندها ف الحي. وكانت حابسه نفسها. وبعدها معرفش عنها حاجه ما انا حكتلك ع الل حصل. شكلك بتنسى، وكمل بيمثل اللهفه. ها قولى بقى لما جت امبارح كانت كويسه. طمنى عليها. سليم: بدء يشيط. وصك ع اسنانه بغيظ مكبت. وقام وقف. اطمنك عليها بتاع ايه؟ وبقولك اهو ياخالد من دلوقتي ابعد عن فتون. ومالكش دعوه بيها انت فاهم ولا لأ؟خالد: ببرود. اعتبروا تحذير. سليم: كشر عينيه وقال بصوت غضبان. لأ ده تهديد مش تحذير ياخالد. وابعد عن فتون ومش هكرر كلامى تانى. خالد: خبط ع كتف سليم. وقال بخبث. اممم طيب ممكن افهم غضبك واندفاعك ده سببه ايه؟ سليم: بلع ريقه بتوتر. وكح. وقعد مكانه. ا. انا. لا ابدا انا لا غضبان ولا مُندفع. خالص انت بس الل بتهايئلك. احم. تشرب قهوه.! ولا هتتعشي؟خالد: رقص حواجبه. اممم لا هتعشي طبعا. بس قبلها لازم اعرف يابرو. ايه الل ضايقك لما سألت ع فتون!؟ سليم: غمض عينيه بنفاذ صبر. وقال بتفكير. ابدا انا بس بقولك كدا عشان عارف طبعك. وبصراحه فتون مش من نوعية البنات الل انت تعرفهم. وانت عارف انها ملهاش حد. وجايه ف شغل مش اكتر. ف متفكرش فيها بالطريقه دي. علشان كده بقولك مالكش دعوه بيها. احم سيبها ف حالها يعنى...خالد: هز راسه بخبث. امممم تومام تومام. صدق اقنعتنى. لا لا اقنعتنى بجد. بس مين قالك انى بفكر فيها بالطريقه دي. وقال بتلميح. مش يمكن اكون بفكر ف حاجه احسن. (ويقصد انه يتجوزها) سليم: قلبه دق جامد بقلق. وفتح عينيه على الاخر بصدمه. تق. تقصد ايه؟ انت بتفكر في ايه ياخالد.؟خالد: شاف تغيير ملامح سليم. وأتأكد من مشاعر سليم تجاه فتون. وابتسم وهز راسه وقال بهزار. انا اقصد انها تعلم ابويا ازاى يتعامل مع ابنه الغلبان هههههههههههه. سليم: غمض عينيه واتنهد بأريحيه. اووف الله يخربيتك. ايه بس الل حدفك عليا. وملاقيش غيرك انت وأصاحبه؟ خالد: ههههههههه نصيب ياقلبى. ماتجيب حضن. هههههههه. سليم: ضحك. اطلع بره يالا انت وسبنى اكمل وروح قول ل عزيزه تحضر العشا.خالد: بتريقه. مسكه من خدو. حاضر ياقلب الولا. زاكرى يابيضه. انا عايزك تنجح. وميس فتون تكون مبسوطه منك يقلبى. سليم: بغيظ. مسك ياقة خالد. وبيدور ع اى حاجه ع المكتب. يخبط بيها خالد. خالد: فهم. وفتح عينيه على الاخر. وشهق. نهار اسو، عايز تضربنى ياسولى. سليم: اتغاظ اكتر. وقام وقف. راح. خالد زقه تانى ع الكرسي. وقعد ع رجل سليم بهزار. خلاص بقى ياسولى. متزعلش منى.سليم: غصب عنه ضحك. وقال قوم يالا. قوم وانت بغل كدا. خالد: فشررر. دا انا مولدز. سليم: هههههههههههه. طيب قومي يامولدز. خالد: قام. وشد سليم. وقال تعالى هنتعشي الاول. وبعدها كمل الواجب. شاطور ياسولى. وفضلو يهزرو ويضحكو مع بعض. وفريده رغم أنها كانت قاعده زعلانه. نزلت وفرحت وبقت مبسوطه جدااا ع صوت ضحكهم. وطلبت من عزيزه تجهز العشا. وخالد سليم وفريده اتعشو مع بعض. لكن شريف. لبس وخرج ف شغل مهم.بعد العشا. شربو عصير. وخالد قعد شويه. وقام وقال. يلا استاذن انا بقى. سليم: رايح فين. خليك معايا وبات هنا. خالد: لا يابرو. مش هينفع. انا هروح للشرقاوى اسلم عليه. واروح البيت اخد شاور وانام. وهاجيلك بكره بدرى. سليم: تمام. كويس انك جاى انا عايزك بكره ف حاجه مهمه. خالد: حاجة ايه؟سليم: هاقولك. ومسمعش اى اعتراض. انا طلبت من شريف. وجهزلى عقد شراكه بينى وبينك بالنص ف شركتك الجديده. وبكره هنمضى العقد انا وانت. خالد: بص ل سليم بحب. وقال انا فعلا كنت بدور ع حد يشاركنى بس مش هتلاقى احسن منى تشاركه هههههههههههه. سليم: ههههههههه. فعلا مش هلاقى احسن منك. بس اهم حاجه متنساش تيجى بكره تمام؟ خالد: بياخد الفون والمفاتيح. تمام يابرو. يلا اطير انا بقى. عايزه حاجه يافيرى؟فريده: سلامتك ياحبيبى. ربنا معاك. خالد: يارب. تصبحو ع خير. واتحرك فريده. وسليم. وانت بخير. فريده: سليم ياحبيبى انا هطلع. اقرأ الورد بتاعى. واصلى وانام. سليم: تنامى؟ بدرى كدا هي الساعه كام؟ فريده: الساعه 8 ونص. سليم: ماشي ياحبيبتى اطلعى انتى ارتاحى. وانا هدخل اقعد ف المكتب شويه. فريده: ماشي ياحبيبى. وقامت تصبح ع خير. سليم: وانتى بخير. فريده: طلعت. سليم: قام وقف. ونده ع القطه. توونه. تونه تعالى انتى فين؟القطه. جت جرى وتلف حوالين رجليه. سليم: شالها بين ايديه. تعالى. انتى كنتى فين من بدرى ها؟ القطه: عملت صوت. كأنها بترد عليه. سليم: ههههه اكيد كنتى ف المطبخ مع عزيزه وبتاكلى تونه مش كدا؟ القطه: ردت عليه بطريقتها. سليم: ابتسم و مسد ع ضهرها. تعالى بقى معايا المكتب. اخلص الل بدءته. عند فتون. سحر: قالت بزعل. فتون ا. اناااا. جايه اقولك!..فتون: لفت ليها بسرعه البرق. وضربتها بالقلم. انتى ارخص واحده شوفتها ف حياتى ياسحر.! سحر: اخدت القلم. وكانت هتقع بس سندت ع الحيط. وحطت ايدها ع خدها. وبصت ل فتون بزهول. انتى بتضربينى يافتون؟ فتون: بصتلها بغل. دا انا مش هضربك وبس؟ دا انا هفضحك واجرسك ف الحاره كلها ياسحر.سحر: فتحت عينيها بصدمه. انتى تفضحينى انا؟ وزعقت. انتى بتتكلمى كدا ليييه. لاااء دا انتى متعرفنيش. وهتشوفى بقى الفضيحه الل ع حق. دا انا هخلى الل مايشترى يتفرج عليكى انهردا. وراحت تطلع من باب الشقه. ااااه. فتون: صكت ع أسنانها بغيظ. ع باجاحتها. وشدتها بسرعه وقفلت باب الشقه وضربتها قلم اقوى من الاول بكرهه كبير. وقالت. انا مش مستغربه. البنت الفاج. ه. والبجحه زيك؟ تعمل اكتر من كدا.الل تكلم ولد واتنين وتبقى رخيصه ومتخافش ع سمعة ابوها وامها تعمل اكتر من كدا. الل تصور بنت واقفه قدام باب شقتها عادي ف آمان الله وتتفق مع كلب زيها ويلعبو ف الصور عشان تتفضح. يبقى تعمل اكتر من كده الل تتفق مع علاء ع فضيحة بنت زيها تعمل اكتر من كده. الل تحاول توقع بين اتنين مخطوبين ف بعض بحجة الحب. وتنجح ف ده يبقى تعمل اكتر من كده.الل: ماتخافش من ربنا. ويجيلها قلب وتعمل ايميل تانى. وتبعت صور ملعوب فيها ل خطيبها وسابها وهو واخد عنها فكره زباله. يبقى تعمل اكتر من كده. سحر: رجعت بضهرها بزهوول. وعينيها مفتوحه ع الاخر بصدمه كبيره جدا. وقلبها بيدق بسرعه كبيره بخوف ورعب. وبتتنفس بصوت عالى برعب. وقالت بتلعثم. ا. انتى. ا. انتى عرف، ا. اانتى بت بتقولى ايه.فتون: بصت لها بغيظ كبير. وقالت بقول الل سمعتيه. انا قولت حقيقتك ياسحر. حقيقتك الزباله. انا مش مصدقه. انتى ياسحر؟ كل ده يطلع منك انتى؟ سحر: بلعت ريقها بصعوبه. وخافت. وقالت بتلعثم. انتى كدابه. انتى بتخرفى بأى حاجه وخلاص. ايوه انتى كدابه.فتون: ابتسمت بوجع. وقالت بسخريه. اه صدقى انا فعلا كدابه. واه بخرف. بس بخرف بالحقيقه! تعرفى انا لو حد جه قالى كل الل عرفته عنك ده. كنت هقلع الل ف رجلى واضربه بيه. اه اصل انا عمرى ما كنت هصدق عليكى حاجه زى دي. بس للأسف أنا بنفسي الل شوفت بعينى. وانا الل خدت الصدمه. وانا الل حاسه بالعجز. ومش عارفه اعمل ايه.؟ سحر: من جواها خايفه جدا. وقالت بصوت مبحوح. انتى شوفتى ايه؟فتون: ضحكت بسخريه. وقربت منها اوى. وده خوف سحر اكتر. فتون: قالت شوف ايه؟ قصدك تقولى اكتشفت إنك واطيه ورخيصه وخسيسه ازاى.!؟ حاضر انا هاقولك شوفت ايه؟ وشدت الفون من ايد سحر. سحر: هتتحرك تاخد الفون منها. فتون باشاره واحده وقفتها. سحر: بدءت تصدق انها اتدمرت وانكشفت. وبدءت تترعش وقلبها بيدق بسرعه كبيره جدا ومرعوبه.فتون: فتحت الفون. وفتحت الشات بين سحر وعلاء. وقالت لسحر. اهو ووجهت الفون لوش سحر. وقالت. مش دى صورة علاء الل ع صفحته. منا بردو لما شوفتها انهردا ع تليفونك استغربت. وقولت دى صورة ايميل علاء. ياتري هو باعت رسايل نت ليه لسحر.؟ ايه مالك مستغربه ليه؟ مش مصدقه انى عرفت مش كدا؟ وكمان من تليفونك انتى. وبسببك انتى.!ايوه. انتى بعد ما ماطَلعتى كل حاجه جواكى ليا. وانك بتكرهينى موووت وظهرتى كل ذرة غل جواكى. وسبتينى وخرجتى. وكان فونك جمبى ع السرير. ورسايل. من حسن. ههههه وانا الهبله الل مسكت الفون عشان اجبهولك واحاول اراضيكى. بس القدر بقى لما يحب يكشف حد. اشوف رساله من علاء ابو سمره. ومن غبائى مركزتش ف الاسم. لكن لما شوفت صورة علاء. استغربت. ومن غبائى افتكرت إن علاء بيدايقك. وخفت عليكى وقولت هو علاء هيسبنى ويدور ع سحر الغلبانه. وخفت اكتر وقولت لااء. لازم اوقفو عند حدو المرادى. وزى ما تجي بقى المهم انه ميقربش من سحر.اه اصل انا عارفاه شرانى. وفتحت الشات عشان اشوف بيدايقك ليه وازاى ابعدو عنك؟ قومت انا خدت الصدمه. ههههه. وشوفت اسمى موجود. وانتى بتردى عليه وخايفه. ونزلت بالمحادثه. وشوفت صور ليا ومع علاء بنضحك! تخيلى صور انا اصلا معرفش عنها حاجه ولا مين صورهالى. وطلع كمان ملعوب فيها. وغير بقى الصدمه الأكبر إنك بنفسك مصورانى وانا بكلم طلعت المحامى قدام الباب. مش دى الكارثه بقى. الكارثه الأكبر إنك انتى الل اقترحتى ع علاء انه يعمل فيا كدا. وانتى تبعتى الصور لحسن من ايميل تانى. ههههه. بس عارفه انا لازم اشكرك لانك خوفتى تشتركى مع علاء انه يغتصبنى. ههههه ولو هيغتصبنى يبقى بعيد عنك! وكملت بوجع. بزمتك ف وجع اكبر من كدا، انتى ياسحر.؟سحر: عينيها ع شات علاء الل مفتوح قدامها. وبتسمع فتون. وكأنها اول مره تحس بحجم المصيبه الل هي عملتها. ودموعها نازله برعب حقيقي. وبدءت تترعش اكتر. ومش عارفه تعمل ايه؟ وبصت ل فتون. وهزت راسها بأسف. ومردتش. فتون: اتكلمت بوجع وحزن كبير. ودموعها نازله زى المطر. وصوت جهورى. وقالت. ليييييه ياسحر لييييه عملت فيكى ايه علشان تأذينى كداااا؟ ومش اي اذى ياسحر؟ مش اى اذى. لأ!انتى اختارتى اسؤا حاجه وعملتيها. شوفتى ايه الل ممكن يدبح فتون ويقتلها هي وامها وعمليته. اختارتى شرفى وسمعتى ولعبتى بيهم. اختارتى انك تخلى راسى ف الارض. دبحتينى بسكينه تلمه. وكل داا ليييييه؟ ليييييه علشان حسن؟ ولا علشان علاء؟ والاتنين ميستاهلوش إن حد يبصلهم. بصالى ع ايييييه؟ جواكى كره وغل من ناحييييتى لييييه؟استاهل منك كدا؟ نسيتى وانتى صغيره انا كنت بعمل ايه عشانك؟ نسيتى وانتى ف المدرسه وتكون امك نسيت تديلك أكلك ومصروفك. واخدو منها وأجرى ف الشوارع لحد باب المدرسه واجبلك حاجتك؟ دا انا لما بشوف امك بتمسح الشقه بشمر وبدخل معاها اساعدها. وابوكي يقولى صحى سحر تساعدك اقولو لأ سيبها نايمه براحتها.ولما كنا بنلعب ف الحاره. وانا اكسب وانتى تعيطى عشان خسرتى. كنت اقولهم نعيد اللعبه من تانى وكنت بخسر نفسي عشان انتى تكسبى. ههههه ممكن اى حد دلوقتي لو سامع كلامى ده يقول انتى هبله اوى اوى يافتون. بس لأ انا مش هبله ولا غبيه ولا طيبه بزياده. انا بس كنت واخداكى اختى الصغيره. وكنت بفرح لما اشوفك فرحانه.كنت أنا بايديا دوووول الل كنت بوزع شربات نجاحك. علشان فرحانه بيكى. اتاااارررى كوووووول ده كان بيربى حقد وغل وكره جواكى. انا مكنتش اعرف انك جواكى السواد ده كله من ناحيتى؟ وفتون. بكسره. نزلت ع الأرض مكانها والفون وقع جمبها ع الأرض. وعيطت بصوت حزين جدا. عايزه تفضحينى ياسحر؟ عايزه تخلى اسم ابويا بعد ما مات ف التراب؟ عايزه تموتى امي بحسرتها عليا؟ عايزه تخلى الكل يشوفنى سهله؟ ليه؟ ليه؟ كل دا ليه؟وبصتلها بوجع كبير. انتى بتعيطى ليه دلوقتي ياسحر كل الل انتى عايزاه اتنفذ؟ وبصت قدامها بحزن. وسايبه دموعها تنزل من غير قيود. وقالت. كنتى قولى انا عايزه حسن يافتون. ساعتها ممكن كنت ازعل منك شويه. بس هفكر واشوف إن حسن مش حاجه كبيره وممكن اسبهولك. وكان من غير فضيحه ياسحر. من غير فضيحه. كنت هزعل منك شويه. بس مكنتش هنكسر كدا. ليه يا سحر ليييه؟سحر: بتسمع فتون. وقلبها اتوجع ع فتون لاول مره. وكأنها فاقت وشافت كل حاجه ع حقيقتها. وبتعيط بندم كبير. وصوت عياطها على بشهقات لانها خايفه ع ندمانه ع مرعوبه. والفرحه ماتت جواها. ونزلت ع الأرض مكانها قدام فتون. وقالت بعياط. انا مكنتش عارفه انا بعمل ايه. حقك عليا يافتون. والله العظيم كنت أنا كنت فاكره إن حسن لما يشوف الصوره. بعدها هيتجوزنى وانتى تتجوزى علاء. والموضوع يتقفل ع كدا.مكنتش اعرف انك ممكن تعرفى. او اى حد هيعرف. فتون انا من بعد العمله دى وانا مخنوقه وتعبانه. وعلاء مش سايبنى ف حالى ويمكن ده زنبك انتى. فتون سامحينى الله يخليكى. بس ابوس ايدك متقوليش لحد. وبالذات ابويا. ابويا لو عرف هيدبحنى. فتون انا مستعده اسيب حسن بس متفضحنيش الله يخليكى. فتون: بصتلها بحسره. وقالت دلوقتي بتترجينى انى مفضحكيش؟عارفه ياسحر.؟ انا لو كان عليا دلوقتي كنت جرجرتك من شعرك ف وسط الحاره وفضحتك قدام الناس كلها. واعرفهم مين فتون. ومين سحر. وساعتها الكل هيتف عليكى ويدوس عليكى. بس انا مش هعمل كده. عارفه ليه؟ علشان عم محمد ميستاهلش كدا. كله يهون علشان الراجل الل وقف جمبى وعمرو ماصدق عليا كلمه واحده وبيعمل واجبه معايا كأنى بنته بجد.الراجل الطيب الل المفروض بنته تحس بيه. وتشوف ابوها بيتعب علشانها قد ايه؟ تشوف ابوها بيشقى وبيتعب عشان يخليها احسن واحده. عم محمد ديما ماشي رافع راسه لفوق. مايعرفش إن بنته ف لحظه ممكن تخلى راسه ف الأرض. الموضوع كدا مات واتدفن. انا مش زيك ياسحر. ولا اتمنى انى ابقى ف يوم زيك. اخطط وادبر وافضح. لأ فتون مهران مش كدا ابدا. ولا هتكون.وقامت وقفت بقوه. وقالت. جوازك من حسن لازم يتم ف اقرب وقت. واحسن حاجه حسن هيعملها إنه هيتجوز وياخدك ويسافر. وبكدا تبقى انتى خدتى حسن. وخلصتى من علاء. سحر: بتسمع فتون ومنزله راسها ف الأرض ودموعها نازله بوجع كبير وحسره ع الل عملته. وإن فتون خايفه ع سمعة ابوها اكتر منها.ورفعت راسها لفوق بسرعه وبصت ل فتون بدهشه. معقول!؟ فتون بتفكر فيا وكمان عايزانى بعد كل الل حصل ده اتجوز حسن؟ وكمان بتفكر في مصلحتى. وبتفكر ازاى هخلص من علاء! َ! وقامت. برعشه وبصت ل فتون بندم. ولسه هتتكلم... فتون: سابتها وراحت فتحت باب الشقه. وقالت. واجبك وصل. شرفتى يابنت الشيخ محمد. سحر: باحراج شديد من نفسها اخدت الفون. وقامت بذل. وماشيه وعينيها دبلانه. ووقفت قدام فتون. وقالت. فتون اسمعينى.فتون: شاورت ليها. مبقاش في كلام بينا. ويادوبك تنزلى علشان تجهزى لخطوبة بكره. وضحكت بسخريه. مبروك يا عروسه. سحر: نزلت راسها. بزعل ومكسوفه من نفسها. وطلعت من الشقه. واتخضت من صوت قفلة باب فتون بقوه. فتون: قفلت باب الشقه بقوه. ونزلت ع الأرض مكانها وعيطت بصوت عالى وكله حزن.سحر: واقفه وسامعه صوت عياط فتون. وزعلت اكتر. وخافت تنزل وهي معيطه علشان محدش يلاحظ حاجه عليها. وطلعت فوق ع السطح لحد ما تهدى شويه وضميرها بدء يفوق. خالد: سايق العربيه. وفونه رن. وكان رقم غريب. ورد. الوو. لكن محدش رد. خالد: استغرب. الووو. ماترد يالا ايه مش عاجبك صوتى؟ مع إن صوتى حلو اوى والله. حتى اسأل جدى الله يرحمه. خالد: سمع صوت ضحكه بسيطه جدا. وفرمل العربيه. وقال. حنين؟ وبعدها الخط قطع.حنين: قفلت بسرعه. وبتنهج. وقلبها بيدق. ينهار اسو، عرف ازاى؟ عرررررف ازاااى. يلهوى هيقول عليا ايه دلوقتي؟وقالت ل نفسها انتى غلطانه. مردتيش ليه؟ كان هياكلك. وانتى اصلا متصله تشكريه. اوووف. احنا هنكدب ع بعض ياحنين ولا ايه. انتى من اخر مره مش عارفه تنامى من كتر التفكير فيه. يالهوووى يانى يما. طيب اعمل ايه دلوقتي. اتصل واقول الخط قطع. ولا متصلش؟ طيب ما انا لو متصلتش تانى. وبعدها عرف إن ده رقمى ساعتها ممكن يفهمنى غلط. تؤ اوووف. ايوه انا اتصل تانى. واقول الخط قطع ايوه. احم. واتكلمى عدل بقى ياحنين متوتره ليه. ومسكت الفون بتوتر ورجفه. يييييي انا بترعش ليه دلوقتي. وبلعت ريقها بتوتر. احم ايوه انا هتصل اهو. وجابت الرقم وبتتصل.خالد: واقف بالعربيه. وباصص ع الرقم. وقلبه بيدق. وقال. ايوه هي حنين. انا سمعت همس ضحكتها. انا حافظها. طيب هي قفلت اكيد علشان محرجه. طيب اتصل انا. لالا افرض ده مش رقمها. لأ مش عايز اعملها مشكله. واتخنق لانه كان مشتاق أنه يسمع صوتها. وحط الفون جمبه. ولسه هيشغل العربيه. فونه رن. وبص وشاف نفس الرقم. وابتسم بسعاده. ووقف العربيه. ورد بسرعه. وسمع صوت نفسها وهو متوتر. وقال بحب. حنين؟حنين: غمضت عينيها بتوتر. وقلبها دق بقوه اول ما سمعت اسمها. واخدت نفس عميق. وحاولت تجمع أعصابها. خالد: ممكن تردى عليا. انا متأكد من أنك هي. وياريت متقفليش. حنين: بصوت مبحوح. اء. الوو. خالد: أحلا واجمل الو سمعها خالد الشرقاوى ف حياته. بس ع فكره انا اسمى خالد العالمى. عارفه ليه. حنين: بحرج كبير. احم ليه. خالد: قبل ما اقولك ليه. قوليلى انتى الاول. عامله ايه؟ حنين: ابتسمت بحب. انا كويسه. احم وحضرتك؟خالد: حضرتى كويس بردو. حنين: استاذ خالد انا... خالد: ايه استاذ خالد دى؟ قولى خالد بيه بعد اذنك ههههههههه. حنين: ضحكت بصمت. وقلبها فرحان. وقالت أوكى زى ما تحب. خالد: متاكده انه زى ما انا بحب؟ حنين: وشها بقى كتلة طماطم. وهزت راسها احم ايوه متاكده. خالد: يبقى خالد. خالد وبس. وانتى حنين. ولا فيها مشكله.حنين: بلعت ريقها بتوتر. لأ خالص احم مفيهاش مشكله ولا حاجه. انا كنت عايزه اقول لحضرتك. احم قصدى اقولك. يعنى انا كنت بتصل علشان اشكرك ع موقفك معانا عند فتون. خالد: بمكر. وانتى لسه فاكره تتصلى. عموما يستى العفو. حنين: اضايقت. ماشي عايز حاجه انا مضطره اقفل. خالد: بتهايئلى الجو حلو اوى. تقفلى ليه. قومى. قومى افتحى شباك الاوضه كدا. حنين: ههههه. خالد: قلبه بيدق. واتنهد بحب. رقمك ده ياحنين؟حنين: بحرج. بصراحه ايوه. انا بجد كنت عايزه اتصل عليك من زمان لكن حقيقي كنت مكسوفه اوى. لكن لازم اشكرك بجد. انت عملت معايا ومع فتون موقف رجولى جدا. انا بجد متشكرا ليك انك تفهمت الموضوع ووقفت جنبها. خالد: بس انا كنت واقف جمبك انتى هههههههه. حنين: ضحكت. هو انت كل حاجه كدا واخدها هزار. خالد: لا طبعا مش كل حاجه. بس انا بقول الحقيقه ف وسط الهزار.حنين: بتهوى ع وشها من كتر الاحراج والتوتر. ومش عارفه ترد ولا تتكلم. خالد: حاسس برهبتها. ومش عايز يقفل معاها. وحب يخليها تتكلم معاه باريحيه. وقال. تعرفى انا لسه كنت عند سليم من شويه كدا. وكان بيعمل الهيموورك الل فتون قالتله عليه. بس بصراحه كتير اوى. حنين: هديت شويه. وقالت. اكيد فتون عملت كدا لمصلحته. خالد: اكيد طبعا. ده كفايه انها قدرت تقنع سليم انه يتعلم. ده كان تاعبنا جدا.حنين: بدهشه. ياااه ليه كدا؟ خالد: عندك وقت احكيلك؟ حنين: بحرج. زى ما تحب انا بس مش عايزه اعطلك. خالد: حط الفون جمبه. وركب سماعه بلوتوث. وقال. تعطلينى ايه بس. انا فاضي موارييش حاجه. وشغل العربيه ف اتجاه شقته غير مساره وقرر انه ميرحش لابوه. وقال اسمعى يستى. وطول الطريق. خالد حكى ل حنين حياته باختصار شديد مع شوية تحفظات. وحكالها عن سليم. ورهف. وكل حاجه.حنين: قعدت ع السرير ورجعت ضهرها لورا. وبتسمع خالد. وكل تركيزها ف نبرة صوته. ولما يضحك قلبها بيدق بسعاده. وتضحك هي كمان بصمت. وبعد كدا. حنين اندمجت معاه ف الكلام. وحكتله كل حاجه عن حياتها. بتحب ايه. بتكره ايه. والساعه خلصت. وخالد هو الل اتصل تانى وبيسمعها.خالد: وصل تحت البيت. ونزل. وطلع ع السلم. وهو بيسمعها ومبسوط جدا. ودخل الشقه. وقعد ع الكنبه ف الليفنج. ورجع ضهره لورا. وجواه شعور مختلف وإحساس مختلف عن كل مره. وكان مبسوط جدا. واتكلمو كتير جدا. وضحكو اكتر. وكانت مكالمه مميزه. وقفلو وكل واحد فيهم فرحان ومبسوط ع امل مكالمه تانيه. ف نفس الوقت.فتون: قامت بيأس وإحباط كبييرر. ودخلت الحمام تاخد شاور. ووقفت تحت الدُش. ومش حاسه ولا واعيه لأى حاجه. وتايهه. وسرحت كتير اوى. وكل ما تتخيل حجم الفضيحه تغمض عينيها بقوه واتنهدت بوجع. وحضنت نفسها تحت الميا وعيطت. وبعد فتره. خلصت الشاور. ولبست بيجامه. واتوضت وطلعت. وراحت ع اوضتها. ولبست الاسدال. وصلت ركعتين لله. وسجدت كتير اوى.ودعت وقالت بعياط هيستيرى. يارب. يااارب انا محتجالك اوى. قوينى بيك يااارب. انت السند وانت الحمايه. احفظنى من كل سوء وشر يارب. يارب استرنى بستر من عندك. يارب ماتكتب عليا الفضيحه. يارب ماحلتيش غير سمعتى يارب. احفظها بحفظك ورعايتك. اللهم انى استودعتك نفسي وقلبى وحياتى وايامى وعمرى عندك وانت خير من تودع عنده الودائع.وعيطت اكتر وقالت. انا خايفه أضعف. خايفه انهار. انا مش جبل. انا لحم ودم. وغمضت عينيها بس انت معايا. وانت الل مقوينى ع ظُلم الحياه. وعندى حُسن ظن بيك كبير. كبير اوى. وواثقه ومتأكده إنك هتكرمنى. انت الكريم. والحافظ. وفضلت تدعى بترجى كبير. وخلصت صلاه. وقامت بتعب. وعينيها كانت حمرا جدا وورامه. وجابت المصحف بتعب. وغمضت عينيها. واخدت نفس عميق. وفتحت المصحف عشوائي. وفتحت عينيها. وقرأت.بسم الله الرحمن الرحيم. وَلَنَصْبِرَنَّ عَلَى مَا آَذَيْتُمُونَا وَعَلَى اللهِ فَلْيَتَوَكَّلِ الْمُتَوَكِّلُونَ. صدق الله العظيم. فتون: ابتسمت برعشه. وعيطت. وقالت. هصبر. هصبر يارب. انا متوكله عليك انا اصلا ماليش غيرك يارب. وقرأت شويه ف المصحف. وبعد شويه. سمعت صوت الباب بيتفتح. وفاطمه بتشكر محمود انه وصلها.فتون: شالت المصحف بسرعه. وقلعت الاسدال. ونامت ف السرير واتغطت. وعملت نفسها نايمه علشان فاطمه متشوفهاش بالشكل ده. فاطمه: مع السلامه يا حوده. وسلملى ع أم محمود كتير. الهى يسترك يبنى يارب ويديك الصحه والعافيه ياحبيبى. محمود: الله يايخليكى. ياخالتى أم فتون. يوصل إن شاء الله. سلامو عليكو. ونزل. فاطمه: وعليكو السلام ياضنايا. وقفلت الباب ودخلت. وندهت فتون؟ يابت ياتونه. اله هي نامت ولا ايه؟ودخلت الاوضه ونورت النور. وشافتها نايمه. وقالت اه باينها نامت. وقربت منها. نوم العوافي ياقلب امك. تلاقيكى نمتى من التعب ياحبة عينى هاتديتى حيلك ف العقيقه. يجعلو ف ميزان حسناتك يانور عيني يارب. ومسدت ع ضهرها. وخرجت وقفلت النور والباب. وراحت هي كمان علشان تنام. تانى يوم الصبح. فتون: طبعا بليل نامت من التعب. وصحيت من النوم. وجسمها كله واجعها.وقامت بتعب. وبصت ف الساعه وكانت 8 الصبح. ودخلت الحمام وغسلت وشها واتوضت وصلت. وبصت ع فاطمه وكانت نايمه. واخدت البطاقه. ونزلت اشترت العيش. وزينهم استغرب من شكلها. وعينيها الورامه وكمان قباري سألها. هربت منهم ف اجابه. وقالت حاجه دخلت ف عينيا وطول الليل وجعانى. واشترت فطار. وهي راجعه. لمحت حسن جاى ع الفرن من بعيد. فتون بسرعه. دخلت دكان زينهم. علشان حسن لو شافها كدا مايفكرش انها زعلانه عليه.واشترت ازازة لبن من أم سيد. وطلعت فوق بسرعه. وجهزت الفطار ل امها. وقاعده مخنوقه اوي. ومش طايقه وجودها ف البيت. وبصت ف الساعه وكانت 10 ونص. قامت فتحت الدولاب وجابت طقم ولبسته. ولبست الحجاب. واخدت فونها والشنطه. وصحت فاطمه. وقالتلها انها رايحه لحنين ف حاجه مهمه. وبعدها هتطلع ع الجلسه. فاطمه: فاقت. واتعدلت. وقالت هتتاخرى. قالت مش عارفه بس إن شاء الله هكون هنا قبل المغرب.وعطت الأنسولين لفاطمه. وجابت ليها الفطار وكوباية اللبن. وفاطمه قالت ليها مش هتفطرى؟ فتون قالت انا اكلت. وودعتها وخرجت. وندهت ع نوسه من السلم. وقالت شويه كدا تبقى انزلى بصي ع أمى. وخرجت. ع الشارع. وركبت اتوبيس. ونزلت المحطه. وركبت مواصله تانيه. واتصلت ع حنين. وقالت ليها إنها جايه ف الطريق. حنين: طلعت بسرعه من اوضتها. وراحت المطبخ وقالت. نوجا نوجا. نجلاء: يافتاح ياعليم خير عايزه ايه ع الضهر؟حنين: بفرحه. باست نوجا من خدها. نوجا فتون اتصلت. وجايه دلوقتي تقعد معايا شويه. نجلاء: ابتسمت تشرف وتنور. وامسكى فيها للغدا. متبقيش معفنه. حنين: صكت ع أسنانها انا معفنه يانجلاء؟ نجلاء: ايوه معفنه. بشيل وراكي هدومك من كل حته ف اوضتك. وشنطك بتسبيها ع السرير. وانا الخدامه الل جابها ابوكى عشان اشيل وراكى. يااا، معفنه.حنين: باستها تانى من خدها. ربنا يخليكي ليا يارب. بقولك ايه. بنتك واقعه من الجوع. متحمرى كدا يجى كيلو بطاطس اتسلى فيهم ع ما فتون توصل. نجلاء: رفعت ايديها للسما. ادعى إن البطاطس تنقرض. انا كنت بحبها بس انتى بطفاستك دى كرهتينى فيها. اقولك كمان انا كرهت اسمها. ولا اقولك انا كرهت نفسي مابطلعش من المطبخ. يخربيتكو مفاجيع.حنين: ايوه ايوه. نغمة كل يوم. انا عايزاكى قدام فتون تصيتي كدا. ومتنسيش الشبشب ابو ورده. يلا خشي حمرى البطاطس. نجلاء: بغيظ انت بتتأمرى كمان. وبتقلع الشبشب. حنين: بتجرى. والشبشب جه ف قفاها ااااه. نجلاء: احسن. هههههههههههه حنين: مسكت الشبشب ومتغاظه. لكن ابتسمت بتمثيل. اتفضلى ياست الكل. احلا فردة شبشب دى ولا ايه؟ قمر قمررر.نجلاء: ميرسي ياحنون انا هروح اتوضي واصلى الضحى. وانتى انجرى بقى روحي افتحي الباب وشوفى مين بيرن الجرس. حنين: دي اكيد تونا. وراحت بسرعه ع الباب. وفتحت بابتسامه كبيره. لكن الابتسامه اختفت لما شافت ملامح فتون. وقالت بدهشه فتون!؟ مالك ايه الل حصل؟ فتون: عيونها لمعت بدموع. مفيش حاجه انا كويسه.حنين: اخدت فتون بسرعه ع أوضتها. وراحت ل نجلاء قدام الحمام. وقالت ليها دى فتون ياماما. وانا وهي هنقعد ف أوضتى لوحدنا. وراحت بسرعه ودخلت الاوضه وقفلت ع نفسهم. وقعدت قدام فتون. وقالت. فتون مالك؟ ف ايه؟ انتى عينيكى حمرا جدا ليه؟ وكمان منفوخه اوى ووارمه. فتون اتكلمى. انا اتصلت عليكى امبارح كتير. ارجوكي اتكلمى متقعديش ساكته كدا.فتون: بوجع اقولك ايه بس ياحنين. انا مش عارفه اذا كنت اتكلم ولا اسكت. بس انا تعبانه اوي. وحاسه انى خلاص. مبقتش عايزه اعيش اكتر من كده. حنين: حطت ايدها ع بوق فتون. اسكتى يافتون ايه الكلام الخايب ده. بعد الشر عليكى ياحبيبتى. ولو حصل معاكى مشكله فضفضى لأختك. وكل مشكله وليها حل. لكن ماتتمنيش لنفسك انك تموتى ابدا. ربنا يبارك ف عمرك ياحبيبتي. وجابت كوباية ميا. اشربى يافتون. اشربى واهدى.فتون: شربت. وبصت ل حنين. وقالت بدموع. انا عرفت السبب الل حسن سابنى علشانه ياحنين.؟ حنين: بعدم فهم! سبب؟ وايه السبب إن شاء الله. الل يخليكى منهاره كدا.؟ فتون: اوعدينى إن امى وامك مش هيعرفو بأى حاجه من الل هاقولهالك دلوقتي. حنين: للدرجادى؟ بس حاضر. اوعدك اني مش هقول لا لطنط فاطمه ولا ماما. بس قولى انتى قلقتينى. فتون: بدموع. امبارح وانا ف العقيقه...حنين: بتسمع. وعينيها مفتوحه ع الاخر بصدمه. وحاطه ايديها ع بوقها. ومزهوله حرفياً من الل بتسمعه. وبعد ما فتون حكت كل حاجه وكانت بتعيط. حنين: قالت بزهوول ينهار اسو، ايه البت دى؟ جابت كل الجحود ده منين؟ يخربيتها. وانا مش مستغربه تصرف الكلب علاء ده. بس حسن!؟ ازاى يصدق كدا؟ طيب لما رجع متكلمش ليه؟ ايوه اانتى قولتى إن سحر علقته بيها.وبصت ل فتون. انتى هتسكتى ع كدا؟ انتى ازاى تسامحيها؟ ازاى تسبيها تفرح وتتهنى كدا عادى؟ دى اذتك اكتر من الشيطان نفسه! البت دى لازم تتفضح والكل يعرف حقيقتها.فتون: هزت راسها بدموع. لأ ياحنين انا استحاله اكون زى سحر وانتقم كدا! استحاله عم محمد ميستاهلش يحصل معاه كل ده. انا ماسمحتش سحر ياحنين. انا سبتها لتأنيب ضميرها. وده اكبر عذاب ليها. هيفضل معاه طول العمر انها ظلمت واتكلمت ف حقى. وقذقت محصنات. كفايه عقاب ربنا ليها. كفايه فرحتها بحسن اختفت. انا سبتها لله. وكمان علشان عم محمد. انا هحاول ع قد ما اقدر أخفى السر ده. علشان خاطر المركب تمشي. وعيطت بوجع.حنين: قربت منها واخدتها ف حضنها. ودموعها نزلت ع صحبتها الل قاست وشافت ظلم كتير. وطلعتها من حضنها. ومسحت دموعها. وابتسمت وقالت. انا بصراحه بحسدك ع قوة تحمُلك دى. وكمان بحسدك ع برائة قلبك ويقينك الل مالوش حدود. انتى اقوى بنت شوفتها ف حياتى. انتى استثنائيه زى ما خالد قال فعلا. وبعدها ضغطت ع شفايفها بلخبطه. وغمضت عينيها.فتون: مسحت دموعها. وبتسمع حنين. وبعدها استغربت. وقالت خالد؟ وقال امتى انى استثنائيه. وشافت لخبطة حنين. وقالت حنين انتى كلمتى خالد.؟ حنين: اتنهدت وبتتهرب منها. وقالت بتفكير سيبك منى دلوقتي. المهم بقى. انا عايزاكى كدا تكونى اقوى من الاول. وكمان تحسسي الل اسمها سحر دى انها ولا حاجه. فتون: تفهمت هروب حنين وقالت. ازاى بقى؟حنين: مش انتى بتقولى إن الحيوان حسن ده رايح يخطب فردة الشبشب سحر؟ ويعملو خطوبه عائليه كدا. وانتى هتكونى موجوده. انتى بقى عندك شوية فساتين تحفه يبقى بقى انا هاجى معاكى. وتلبسي اجمل فستان. وتسيبى الباقى عليا. إن ماخليت الل اسمه حسن ده. يتف ع سحر. ويندم ندم عمره انه ضيعك من ايدو. مبقاش اسمى حنين بنت نجلاء.وحبت تفكها اسكتى يافتون امى لسه لسعانى ف قفايا حتة شبشب مقولكيش. مقاس 45. حاجه لوز اللوز ههههههههه. فتون: ابتسمت بصمت. وسكتت. حنين: ايوه كدا. اضحك يسطى. ابو ام واب الل يزعلك ياكبير. المهم بقى. قومى كدا ادخلى اغسلى وشك وظبطى نفسك كدا. علشان نفطر مع بعض. فتون: حست براحه شويه. وقالت لأ انا يدوبك. انزل اشوف تاكسي. واروح الجلسه. لأن حسين مسافر ف شغل ع عربيته امبارح وانهردا.حنين: قامت بسرعه انا هاجى معاكى أوكي. فتون: ابتسمت. وقالت تمام بس البسي بسرعه علشان منتاخرش. حنين: عليا الطلاق ابدا. لازم نفطر الاول. انا عارفه انك مكلتيش. دا انا موصيه نوجا ع كيلو بطاطس محمره. ههههه زمانها بتقول فيا شعر. فتون: هزت راسها خلاص ماشي وع فكره انا مسلمتش ع مامتك. حنين: اسمها نوجا يختى. وخشي طيب اغسلى وشك. وهنطلع وسلمي عليها لبكره. ونفطر. ونروح واشوف. فيلا بدر الدين اخيرا.بعد فتره. فتون وحنين وصلو الفيلا... فريده: قاعده مع حنين ف الجنينه ومبسوطه بيها وبترحب بيها. وبيتكلمو مع بعض. وحنين متوتره ومبهوره من حجم وجمال الفيلا. وكل شويه بتقول جواها بسم الله ماشاء الله. وقلبها بيتمنى انها تشوف خالد. سليم: دخل المكتب. ومن جواه لهفه غير طبيعيه. وقال. اذيك يافتون؟فتون: اول ماشافته جالها احساس انها نفسها تجرى عليه وتترمي ف حضنه. قلبها متأكد إن ده الأمان. واتنهدت بحنين. وقالت بصوت حزين. الحمدلله. انت عامل ايه دلوقتي؟ سليم: استغرب نبرة صوتها. وحس من صوتها انها مخنوقه وجدا كمان. ومن غير مقدمات. مالك؟ فتون: رفعت عينيها ليه. ولمعت بدموع. انا. انا كويسه. واخدت نفس عميق. نبدء الجلسه؟سليم: معجبوش صوتها ولا طريقتها. واتأكد انها مش بخير. وقرب منها. وقعد قصادها. وقال بقلق لأ انتى مش بخير وف حاجه مضيقاكى. ممكن انا الل ابدء معاكى الجلسه؟ رواية أحببت بصيرته للكاتبة مريم نصار الفصل الثاني والعشرون ف شقة خالد. خالد: قام من النوم. واخد شاور. وخارج من الحمام لابس بنطلون فقط. والفوطه ع كتفه. ودخل المطبخ يعمل قهوه. وبعد ما القهوه جهزت. بيفتح التلاجه. وطلع منها فطار. وحطه ع تربيزة المطبخ. ومسك فنجال القهوه. عشان يشربه ويفطر. ويروح لسليم عشان يمضو العقد. وسمع جرس الباب بيرن. خالد: استغرب. وبص ف الساعه وكانت الساعه 1 وقال مين الل جاى ياترى؟ وساب الفنجال. وراح يفتح الباب. وقال بتعجب. انتى؟سوسو: خبطته ف كتفه. وزقته ودخلت. ايوه انا ايه نسيتنى؟ خالد: قفل باب الشقه. ونفخ بديق. لأ منستش ولا حاجه. بس ممكن اعرف ايه الل جابك؟ سوسو: بتقرب منه. وشالت الفوطه. ورمتها ع الأرض. وحاوطت رقبته بايديها. اخص عليك ياخالود. وانا الل كنت فاكره إن المفاجأه دى هتعجبك. انت بعدت عنى ليه؟ قلبك خلاص مبقاش عايز سوسو حبيبتك.خالد: غمض عينيه واتنهد بنفاذ صبر. وشال ايديها. وقال حبيبتى مين؟ وبعدين ياحلوه انتى رجلك متعتبش هنا غير لما انا اقولك. وبعدين خلاص شطبنا ماليش مزاج. واتفضلى بقى روحي شوفي حد غيرى. يلااا. سوسو: بتقرب منه وبتحاول تغريه. اخص عليك. ايوه حبيبتك وانت كنت بتطلبنى ليه اجيلك الشقه؟ إلا لو مكنتش حبيبتك. ها؟ تعالى بس ندخل جوه. وبعدين نشوف موضوع الراجل التانى ده. هههههههههه.خالد: بعد عنها. يستى مش عايز هو بالعافيه. ويلا بقى من هنا. ورجلك ماتخطيش هنا تانى. انا لو احتجتلك هتصل عليكى. وراح يفتح الباب. سوسو: مسكت ايده بسرعه. وبتقرب منه اكتر. بطريقتها. خالد: بيحاول يبعد عنها. لكن قرب منها ف لحظة ضعف. سوسو: حست انه متغير على غير العاده. و شدته ع اوضته. وبتقرب منه.خالد: بيقرب منها. وفجاءه. شاف صورة حنين قدامه. وفتح عينيه. ورجع خطوه لورا بسرعه. وفتح عينيه بدهشه. ومسح وشه بايديه ونفخ بديق حقيقي وقال غبى ياخالد. وبص ليها بغيظ. اطلعى برا ومتجيش هنا تانى. سوسو: بعدم فهم. مالك كدا؟ انت اتغيرت كدا ليه؟ مش انت خالد الل متعوده عليه.؟ خالد: صك ع اسنانه بغيظ. وشدها من أيدها جامد. وهي بتتالم.وقال ايوه انا مش خالد. واطلعى برا بيتى يارخيصه. وماشوفش وش امك هنا تانى. وفتح باب الشقه وزقها بره وكانت هتقع. وقفل الباب ف وشها. وسمعها بتشتم فيه ونزلت. خالد: مستغرب نفسه. ومبقاش حابب انه يعمل حاجه زى كدا. وغمض عينيه وفكر ف حنين. وف اللحظه دى اتأكد من حبه ليها.وقال ايه الل بيجرالى. ولف وشه للحيطه. وضرب الحيطه بايدو. ولعن نفسه اكتر من مره. غبى. غبااااى انت لازم تنضف نفسك. لازم تتغير للأحسن. حنين لو عرفت مش هتبص ف وشك. مش هتشوفك غير واحد زباله وبس. وانت مش كدا. لا انت مش كدا. ومش لازم تخسر. انت خسرت. امك لما ماتت. وخسرت ابوك رغم انه عايش. انا معنديش استعداد اخسر اكتر من كده.ايوه انا متأكد انى بحبها. ومش بس بحبها. انا معنديش حاجه اعيش عشانها غير حنين. حنين وبس. لازم تتغير ياخالد. لازم تغير الماضي بتاعك. انا عارف انك كنت طايش الاول. ومعندكش هدف تعيش علشانه؟ ومفيش حد نصحك ده صح وده غلط. بس دلوقتي تفرق يابن الشرقاوي. دلوقتي تفرق. في حنين. البنت الل دوبت قلبك برقتها. وكسوفها. حنين تستاهل إنك تتغير ياخالد. تستاهل بجد. فوق ياخالد. فوووق.ومسح وشه بايديه. وشال الفوطه من ع الأرض بنرفزه. ودخل يلبس وهو مخنوق واخد المفاتيح والفون. وخرج وساب القهوه. ونزل. سليم: ممكن انا الل ابدء معاكى الجلسه؟ فتون: بعدم فهم. جلسة ايه؟ سليم: يعنى اعتبرينى انا الاستاذ وانتى التلميذه. ها ايه رايك؟ فتون: اتنهدت وابتسمت بتعب. ياريت ارجع واكون تلميذه من تانى.سليم: أتأكد من أنها موجوعه. وقال احنا فيها اهو. وحب يفكها. احب اعرفك بنفسي انا مستر سليم. انتى اسمك ايه؟ ههههه. فتون: ابتسمت. وسكتت. سليم: ع فكره انا بتكلم جد. انا متأكد انك مش ع طبيعتك. وزي ما انتي سمعتينى قبل كده واتكلمتى معايه وحسيت بارتياح بعدها. انا كمان ممكن اسمعك. ويمكن اكون سبب ف انك تستريحي وياريت تعتبري إننا اصدقاء. ده لو مش يضايقك طبعا.فتون: بتهيده وجعت قلب سليم. لا ابدا مش مضايقه ولا حاجه. وبجد بشكرك ع اهتمامك. وانك حسيت انى مش بخير. ف اللحظه دي سليم قلبه دق. سليم: اتنهد بحب وقال. مفيش داعى للشكر بس انا هتفق معاكى اتفاق. بعد كدا كل واحد فينا ف حاجه مضيقاه يقولها للتانى اتفقنا؟ فتون: بصتله كتير بحب. وقالت امم اتفقنا. سليم: هز راسه تمام. قوليلى مالك بقى؟ فتون: بصت ف عينيه بدموع وقالت بوجع كبير. هو احنا ليه بنقابل ناس وحشه في حياتنا،؟ناس نثق فيهم و بعدين يكسرو الثقه دي؟ وقامت وقفت وكملت بحزن. السؤال ده مفيش حد مسألهوش لنفسه بعد اكتشاف الحقيقة وسط الخذلان! ليه ديما بنقع ف ناس بتكره لينا الخير رغم ان نوايانا ربنا هو الل عالم بيها وشاهد عليها! ليه نتقابل بالإساءه رغم اننا بنقدم إحسان و حب و طيبه و بندخل بقلبنا جامد و بكل ثقة! ليه بيضحك علينا؟!سليم: قاعد بيسمعها. وافتكر رهف. ومعاملته ليها. وكان بيقدم ليها كل حاجه. وف اول مطب اتخلت عنه. وف نفس الوقت زعل ع حالة فتون اكتر. وحس بوجعها. لأنه موجوع زيها. ونفسه يضمها لقلبه. وفكر كتير ف أجابه لسؤالها. سليم: اخد نفس عميق واتنهد بتعب. انا مش هسالك ايه الل حصل معاكى. لانك مش حابه ولا هجبرك ع ده! لكن انا لما فكرت ف كلامك لقيت إن تقريبا مفيش حد سِلم من الناس دي ف حياته!بس الل لقيته برده اننا قبل مانعرف ناس بالشكل ده بنتغير بعد ما بيدخلوا حياتنا تماما! تغيير جذري! بيتحول من سذاجه لوعى. فتون: بصتله بعدم فهم. وقالت ازاى؟ سليم: لأننا فعلا بنبقى طيبين بزياده الل هو بناخد إن الناس كلها طيبين و أهل ثقه و اكيد الل بيقولوه هو اللي جواهم وا. وا. وا و بعدين نكتشف حقيقتهم. و بعدين صدمه. و بعدين نقع من الخضه و نتوجع. و بعدين وعى! فتون: بصتله باستغراب.سليم: حس بيها انها بتبصله. وقام وقف قصادها. وابتسم وقال ايوه وعى. فتون؟ لولا الناس دي انا وانتى أو غيرنا اتكعبلنا فيهم ف حياتنا مكناش فهمنا. مكناش اتعلمنا. مكناش وقفنا بعد ما وقعنا. مكناش هنبقى بالقوة دي دلوقتي... مكناش هنعرف نفرق الناس النضيفه والصافيه من الناس الاستغلاليه مكناش هنعرف قيمة الناس الصح. الناس الل تستاهل. و نقدرهم أكتر و نفرح بيهم أكتر.الناس الانانيه دي علمونا و فادونا كتير غصب عنهم و قلوبهم السوده و نواياهم الشر و سرقة الثقه مننا. لكن ف نفس الوقت علمونا. و لولاهم مكناش قدرنا نفرق بين الطيب والشرير. الناس دي بعد الوعى لازم يترموا من حياتنا و تفكيرنا و قلوبنا. ارميهم يافتون. ارمي كل الل خذلك. ابعدى عن الل بيتمنالك الشر.فتون: واقفه وعينيها متعلقه بعينيه. وبتسمع سليم بكل جوارحها. وقالت جواها كأنه كان موجوع زي بالظبط! كلامه فعلا حقيقي. ده الل بيحصل بالظبط. واندهشت من تغيير سليم للأفضل. وحست إن كلامها قبل كده مع سليم جاب نتيجه. يعنى تعبى معاك جه بفايده اخيرا ياسليم؟ سليم: فتون؟ فتون: ... سليم: فتون انتى معايه؟ فتون: انتهبت. ها. احم ايوه معاك. بس سرحت شويه.سليم: ابتسم. طبعا انتى مستغربه إن سليم المُعقد بيتكلم كدا؟ ههههه. بس انا عايز اعترف قدامك بحاجه. فتون: ايه هي؟ سليم: اتنهد. انا قبل ما اتعرف عليكى كنت فعلا حاسس انى تايهه ومش عارف أتقدم خطوه واحده لقدام. كنت كاره حياتى. حابس نفسي في أوضتى ومستنى الموت. لأنى فقدت لذة الحياه من بعد الحادثه.لكن بعد ما اتكلمت معاكي. وكلمتينى عن القرب من ربنا والرضا بالقضاء والقدر. والايمان والقوه والصبر. وحجات كتير جدا. وكمان قوة تحملك وبتثبتى ذاتك. ومتأكد إنك سوبر مان حقيقي. ومبتخافيش. كل ده غير جوايا حجات كتير. فتون: بتسمعه وجواها بدء يزهر من جديد. وفرحت باعتراف سليم. وكمان بنتيجة تعبها معاه. لكن ضحكت بكسره وضعف. وقالت بصوت مبحوح. انا مبخافش؟ مين قالك انى مبخافش؟انا يمكن اكتر واحده خايفه ومرعوبه. انا خلاص حاسه اني بدءت انهار تماما. سليم: بدهشه غريبة اوي؟ ونفسه يضمها لقلبه. وقرب منها خطوه وقال. عمري ما حسيت إنك بتخافي، عمري ما حسيتك ضعيفة كدا؟ فتون: اتنهدت بوجع. ايه الغريب ف اني أخاف؟ انا انسانه ومن حقي أخاف. من حقي ابين اني خايفه. من حقي أقول واعبر. من حقي اواجه نفسي قبل أي حد بالل انا خايفه منه...ليه الناس ديما حطانى ف قالب التمثال الل مهما حصل مش ممكن يبان عليه تعبيرات تعب او خوف او انهيار؟! انا بعد وفاة ابويا شيلت المسؤوليه. واتعودت ع اني لازم أكون قويه وانه مهما حصل مش ممكن ابوح لحد برغباتي وجنوني واحتياجي. اتعودت، اني اخبي كل مشاعري كأنها مشاعر ممنوع البوح بيها. وطول ما انا كده، يبقى انا اكيد قويه وتبقى فتون يا جبل ما يهزك ريح.بس الل عرفته بعد كده انه الجبل ممكن يتهز من الريح. ده كل ذره فيه بتتهز؟.. هو صحيح بيفضل ثابت ف مكانه بس من جواه لكن براه مهزوز. الحاجات الصغيرة الل اتراكمت جوايا في قلبي وكياني خلتهم هش وضعيف وبدل ما تخليني قويه خليتني اضعف من اضعف كوم قش...ولعلمك بقى الل بيخاف من العفريت بيطلعله، يعني مثلا. انا بقول مثلا. لو خفت اظهر احتياجي ليك هيطلعلي 1000 موقف يجبروني اني احتاجلك وافضل اقاوم واحارب نفسي علشان اخبي ده علشان ماابقاش ضعيفه... هههههههه سلسله من الغباء اللامتناهي بتاخدنا في حتة بعييييييده وضلمه. الرؤيه فيها بتكون معدومه. وبعد الوجع الل عشته ف الفتره الاخيره. قررت ما اخافش من ضعفي وابينه واعبر عنه...ومسحت دموعها وبصت ف عينيه. اما سوبر مان شخصيه خياليه مش موجوده بين البشر احنا محتاجين نكون ضُعاف قدام الل يستحقوا يشوفوا ضعفنا علشان يرحمونا علشان يطبطبوا علينا وياخدونا ف حضنهم. علشان ما نشيلش اكبر من شيلتنا، علشان نبقى اقوى. ببساطه علشان احنا محتاجين نبقى احنا. مش حد تانى.سليم: بيسمعها بعمق. وحس انها ف الوقت ده ضعيفه و هشه جدا. وكلامها اخترق قلبه. ونفسه يعرف مين السبب ف وجعها ده. وهو قادر انه يجبلها حقها. وكان نفسه يقولها. انتى ظهرتى ضعفك قدامى. اتمنى اطبطب عليكى واخدك ف حضنى. صدقينى احنا محتاجين لبعض. وفاق وقال بجمود ايه الل انت بتفكر فيه ده؟ فووووق بقى. فتون بتعتبرك صديق مش اكتر. انت نسيت إنك عاجز.فتون: شافته سرحان. ومسحت دموعها. وابتسمت بتمثيل. معلش صدعتك معايا. احم المهم كتبت اسمك زى ما اتفقنا. انا عندى فضول بصراحه. سليم: فاق من أفكاره. واخد نفس عميق واتنهد بتعب. وهز راسه. ايوه. ثوانى اجيب الدفتر. فتون: حست انه متغير. لكن لازم تركز ف الجلسه عشان عدى وقت كبير. سليم: جاب الدفتر. وفتون. انبهرت بيه. وحمست سليم اكتر.سليم: معلش يافتون. قبل ما نبدء الجلسه. كنت عايزك تقري العقد ده. علشان اعرف مكتوب فيه ايه ممكن؟ انا عارف أنه مش تخصصك. فتون: اخدت الملف. وقالت مفيش مشكله. ولو عايز منى ف اى وقت اقرالك اى حاجه انا موجوده. وفتحت الملف. وقالت ده عقد شراكه بينك وبين الاستاذ خالد الشرقاوي. سليم: تمام. لو سمحتى اقريه للآخر. عايز اعرف ايه كل كلمه مكتوبه. شغلى علمنى اراجع اى حاجه مره واتنين.فتون: حاضر. وقرت العقد كاملا. وسليم سمعها بكل تركيز. وشاف إن كل حاجه تمام. وبعدها. فتون. بدءت ف جلسه جديده مع سليم. وسليم. شويه يركز معاها. وشويه يسرح ف صوتها. والمشاعر والحيره بينهم مسيطره عليهم هما الاتنين. وقلبهم بين الوقت والتانى يدق بحب كبير. ف الجنينه. فريده: هههههههه. ياخرابى عليكى يانونا. دمك زى العسل ضحكت كتير اوى.حنين: ههههه ومالو ياطنط، نوجا ديما تقولى إن الضحك بيصغر شكل الواحد. وانا لازم أضحى بموهبتى عشان أبسط غيرى وتصغرو ههههه. فريده: ههههه. لا مُضحيه اوى. وبلاش طنط دى. انا قولتلك قولى فريده بس انتى رفضتى وقولتى مدام فريده. وتعرفى انتى نسخه من الواد خالد. دمه زى العسل زيك كدا هههههه. حنين: ابتسمت بحب. وغمضت عينيها. وبتتخيل شكل خالد.فريده: لفت وراها بالصدفه وشافت خالد. وقالت اهو جيبنا ف سيرة القط. تعالى ياحبيبى. خالد: جه ومخنوق شويه. و رفع النضاره ع شعرو. ومش واخد باله من إن الل ضهرها ليه دى حنين. وقال صباح الخير يافيرى. حنين: فتحت عينيها بصدمه. وهمست. خالد؟ وحطت ايديها ع قلبها الل بيدق بسرعه. فريده: بحب. صباح الورد ياحبيبى. تعالى اقعد. سليم جوه مع فتون. تعالى شوف مين قاعده معايا.؟حنين: بلعت ريقها بتوتر. ووشها احمر جدا. ومكسوفه. وهمست. اهدى ياحنين مالك زى ما يكون حد كهربك. خالد: بعدم إهتمام. هز راسه اهلا. انا هروووح، ومكملش كلامه وقلبه دق وتنح. وهمس حنييين؟ حنين: لفت ل خالد بحرج كبير. وقلبها بيدق بمشاعر مختلفه. فريده: لسه هتقول دى حنين الل كانت عند فتون. شافت خالد عينيه هتطلع ع حنين وسرحان. واستغربت. وبصت ع حنين. شافت وشها احمر جدا. وعينيها متعلقه ب خالد وسرحانه.وبصت عليهم تانى هما الاتنين وشافت أنهم ف عالم تانى. وهزت راسها وفهمت. أمممم. بقى هي الحكايه كداااا. وقامت وقفت. احم. خالد وحنين. انتبهوا. خالد بحب. اذيك يا انسه حنين... حنين: نزلت راسها في الأرض بسرعه. الحمدلله يا أستاذ خالد. اذي حضرتك؟ خالد: احم انا كويس تمام. فريده: رفعت حاجبها. ومطت شفايفها وكشفتهم. وحبت تسيبهم لوحدهم وقالت.طيب ياخالد يبنى. انا هدخل اشوف. فوزيه مرات محروس لانى طلبتها تيجى تروق وتمسح الفيلا انهردا هي و عزيزه. وانت استنى هنا مع حنين. وبصت ل حنين. البيت بيتك يانونا. وهبعتلكم عصير. واتحركت وهي مبسوطه. وابتسامتها ع وشها. خالد: شال النضاره. وبص ف جمال عينها. ونفسه يقولها انها وحشاه من اول يوم شافها فيه. وافتكر الكاتشب. وابتسم غصب عنه. حنين: حبت ضحكته اوى. وقالت بحرج. ممكن اعرف بتضحك ع ايه؟خالد: ههههه. بصراحه افتكرتك وانتى نازله ع السلم بسرعه ولبست انا ف الكاتشب. هههههههه حنين: بحرج. انت مش هتنسى ده كان موقف وحش جدا... خالد: بحب. ده اجمل موقف حصل ف حياتى كلها. حنين: نزلت راسها واتكسفت جدا. وسكتت. خالد: ضحك بصمت ع خجلها. وقال تعالى نتمشى شويه ف الفسحايه دى. حنين: ضحكت غصب عنها. فسحايه؟ ههههه. ماشي. وقامت. خالد: ماشي جمبها انتى جايه مع فتون؟حنين: ايوه. لانى هروح عندها انهردا. اسلم ع طنط فاطمه... خالد: هز راسه. وبص عليها. وقال امممم. حنين: بعدم فهم. ايه الل اممم مش فاهمه؟ خالد: عايزه الصراحه. حنين: طبعا. خالد: بشوف فرق الطول بينى وبينك. ويعنى مقبول هههههههه. حنين: كشرت عينيها بغيظ. ع فكره انا مش قصيره. انا طولى حلو اوى. خالد: هههههههههههه. ايوه حصل. وباين اهو. وفرد ايدو بهزار. علشان تشوف فرق الطول بينهم.حنين: بنفاذ صبر. وبعدين بقااا. مش هتبقى انت وبابا واخويا عليا. خالد: ع فكره انا قولت طولك مقبول. علشان ارضيكى. بس الحقيقه انتى كدا قمر. حنين: بارتباك. ومش عارفه تتكلم. خالد: وقف وبصلها. وقال بجديه حنين انا عايز اتكلم معاكى كلمتين بجد. واتمنى انك تفهمينى. حنين: رفعت عينيها ليه وشافت ملامحه. وقالت خير ياخالد.؟ خالد: تعالى نقعد قدام البيسين. وهقولك ع كل حاجه... خالد: قعد ع طرف البيسين. ومد ايدو ليها.حنين: اتكسفت. وقالت احم لا شكرا. انا هعرف اقعد. وقعدت بعيد شويه. خالد: قلبه ابتسم. وحب رد فعلها. حنين: قلبها بيدق بتوتر. وقالت. خير ياخالد. خالد: بص ف عينيها. ومن غير مقدمات. حنين انا مُعجب بيكى. وعايزك تكونى شريكة حياتى. حنين: بتتنفس بصوت مهموس. ووشها جاب الوان. وعايزه تقوم تجرى. وف نفس الوقت حاسه ان رجليها مش شايلاها. ومش عارفه تتكلم.خالد: شاف لخبطتها. وحس توترها. واتكلم. اهدى يا حنين. وارجوكي افهينى. حنين: بتلعثم. ا. ايه الل انت. بتقوله ده؟ خالد: انا بقول الحقيقه الل انا متأكد منها. وانا من النوع الل مبيعرفش يخبى مشاعره. انا من اول مره شوفتك فيها ف المدرسه. وانا متلخبط.انا دورت عليكى ف اليوم ده. ولما روحت تانى لقيت عينيا بتدور عليكى لوحدها. وقولت لنفسي اكيد دى اخت حد ف المدرسه. واتخنقت انى مش عارف الاقيكى تانى. واعتبرتها انها صدفه. ودى كانت احلى صدفه ف حياتى. ومكدبش عليكى نسيت الموضوع بعد كده. لكن بعدها لما شوفتك عند فتون. مصدقتش نفسي. ومن غير ما حس لقيت قلبى بيدق لما شافك صدقيني. وحبيت خجلك وكسوفك.ولما علاء الكلب ده كان هايلمسك انا مسكت نفسي بالعافيه لانك موجوده انتى وفتون. انا ساعتها كنت عايز ادفنه حي. وبعد ماروحت مكنتش عارف انام من التفكير فيكى. كل ما غمض عينيا الاقى صورتك. ولما متصلتيش كنت بحسها فتره طويله اوى ف بُعدك عنى. وكان نفسي اشوفك بأى طريقه. ولو كنت اعرف عنوان بيتك. كنت روحت إن شاله أشوفك من بعيد. بس للأسف.وابتسم بحب. ولما اتكلمنا مع بعض امبارح. وسمعت صوتك وضحكتك وكلامك. وقلبى مش ساكت وعمال يدق. عرفت حقيقة مشاعرى ناحيتك. عرفت انك المفضله بالنسبالى. حنين: بتسمع خالد. ومغمضه عينيها وقلبها هيطلع من مكانه. ونفسها تختفى من قدامه من الاحراج. لكن جواها طايره ومبسوطه جداااا. لأن الل قلبها دق علشانه. طلع هو كمان قلبه بيدق علشانها. وبعدها فتحت عينيها. وحاسه إن صوتها راح ولسانها اتلجم.خالد: بص ع ايديها لاقاها بتترعش. ووشها احمر جدا. وحس انها بتبادله نفس الشعور. وشاف واتأكد وبقى ع يقين انها غير اى بنت تانيه. وحب يطمنها. وقال. حنين. انا قولتلك كل حاجه جوايا. علشان ف حجات كتير انا مقولتهاش ليكى امبارح. ولو لينا نصيب مع بعض. او انتى وافقتى ع علاقتى بيكى. يبقى لازم تعرفيها. انا طول عمرى واضح وصريح. ويمكن ده الل عامل عقبه ف حياتى بينى وبين ابويا.وقبل ما اعرف ردك وانك موافقه عليا. انا هحكيلك كل حاجه ولازم تعرفى خالد كان ايه. وبقى ايه. وايه الل وصله للمرحله دى. وبعدها قررى. ولو وافقتى هتلاقى خالد جديد. مع حياه جديده. ومن غير مقدمات. هاجى واتقدم واطلب ايدك من والدك. قولتى ايه؟ حنين: من كلام خالد. قلقت. وحست إن ف حاجه كبيره حصلت. وفضولها عايزه تعرف ايه الل مخبيه. وف نفس الوقت. خايفه تعرف ويكون سبب ف نهاية البدايه.وغمضت عينيها بتعب. ودعت ربنا إن الل هيقوله خالد. ميكونش سبب ف الفراق. وقالت. احكى ياخالد انا سمعاك... خالد: اول مره يخاف كدا. خايف يحكى يخسرها للابد. لكن هو عايز يبدء من جديد. وغمض عينيه واخد نفس عميق واتنهد بتعب وقال. أبويا اسمه عادل الشرقاوي. لما امى اتوفت. وانا ف الثانوى جريت ع ابويا واترميت ف حضنه بعياط هيستيرى. كنت زى العيل الصغير. ابويا خدنى ف حضنه وطمنى. ووعدنى انه هيكون ليا الاب والام.وسليم كان معايا ف المدرسه. ووقف جمبى ودخلنى بيته. وفريده اخدتى ف حضنها زى سليم وشريف بالظبط. وفضل الأمر ع كدا 3 شهور. لحد ما ف يوم. لقيت ابويا واحنا بنتعشي. وقال بجمود. ياخالد انا هتجوز! انا قومت وزعقت. ازاى تتجوز ع ماما. ماما كانت بتحبك. هو قام وزعق وقال انت ولد قليل الادب ومش متربى. انا هتجوز وانت مش صغير ومسؤول عن نفسك من دلوقتي.قولتله يعنى ايه؟ انت هترمينى؟ هترمي ابنك عشان مراتك الجديده؟ انا بكرهك! ويومها ضرينى بالقلم. وقال لو صوتك على تانى انا هرميك بره زى الكلب. انت مالكش اى حق تتدخل في حياتى. وجهز نفسك علشان يوم الخميس هكتب الكتاب. وسابنى ودخل مكتبه. انا طلعت أجرى ع اوضة ماما. واترميت ع سريرها. وحضنت صورتها. وبكيت بحرقه. وكلمتها كتير جدا.وف الاخر ابويا عمل الل قال عليه. وكتب كتابه ع سيدة أعمال بس تقريبا اصغر من امى بحجات بسيطه. المشكله الحقيقيه ظهرت بعد الجواز. ابويا نسي أنه ليه ابن ف سن المراهقه. سابنى أخرج برحتى من الاخر مفيش رقابه.صحابى ف المدرسه بدؤ يعلمونى شُرب السجاير. وكنت ف الاول خايف وبرفض لكن معاملة ابويا ليا كانت بتجبرنى انى اشرب. وشربت وشويه شويه حجات تانيه غير السجاير. وبعدت تماما عن سليم. لكن سليم ديما كان بيحاول. ومفقدش فيا الامل.وعدت الايام والسنين. ولما كبرت ودخلت الجامعه بالعافيه. ابويا كان بيخاف ع مراته منى. ههههههههه. وطلبها منى صريحه انى اسيب الفيلا وابعد وجابلى شقه. الل انا قاعد فيها حاليا وقالى مصروفك هيوصلك. ف اليوم ده ثورت عليه. ومكنتش واعي انا بقول ايه؟ وكسرت كل حاجه حواليا. وقولت كل حاجه كانت جوايا. وقولتله ابنك بيضيع. انا بشرب سجاير. وباخد برشام. ابنك محتاجك. انا مكنتش كدا.زعق فيا. وقال انت بقيت صايع ومتلزمنيش. ف اللحظه دي كنت هتهجم عليه. لكن سليم دخل ف الوقت المناسب. وشدنى من ايدى. وخدنى ع بيته. وكنت منهار. وجابلى دكتور. وفريده خدتنى ف حضنها. وبعد فتره اتحسنت وابويا ف الوقت ده مسالش عليا. روحت الفيلا عندو اخد هدومي وكل حاجتى وسليم رفض انى اروح لوحدى. ولقيته عامل حفله كبيره اوى بيحتفل بحمل مراته. وحسيت ساعتها انى يتيم.وقدام كل الناس ابويا خدنى ف حضنه. تمثيل يعنى، عشان مركزه وشكله قدام رجال الأعمال. وانا ابتسمت بتمثيل. وسلمت ع الضيوف. وباركت ل مراته. وشوفت سليم. بيتكلم بعيد ف التليفون. وسبته وخرجت بره الفيلا. وكنت حاسس ان ف حبل حوالين رقبتى. وحاسس أن مفيش هوا حواليا. وكنت ضايع وتايهه. وبدءت مرحلة الضياع. ولقيت بنت جت وقفت قدامى واتكلمت معايا وانا مردتش عليها. شدتنى من ايدى واخدتنى معاها ف العربيه.وانا ساكت ومش عارف افكر ولا عارف رايح ع فين. وبعدها طلعت معاها شقتها. وكنت مسلوب الاراده تماما. بفكر ف ابويا الل استغنى عنى. بفكر انه بيحتفل علشان طفل لسه مخرجش للنور. وابنه ف الجامعه واقف قدامه. وفوقت بعدها لقيت نفسي مع البنت دى. وخدتنى ف طريقها. وبعد كده اتعودت امشي ف الطريق ده. لأن زي ما قولتلك مافيش رقابه. لا اب يدور ع ابنه. ولا حتى يسأل عليه. ولا ياخد بايده للطريق الصحيح.هو سليم الوحيد الل كان ف ضهرى. وفضل ورايا لحد ما بطلت البرشام. والشرب. وفتح ليا الشركه الل بدءت اعملها من جديد. وساعدنى كتير انى ابعد عن البنات. بس مكنتش بقدر. كنت ضايع بجد واتعودت انى خلاص هبقى كدا طول عمري. لانى لا هفكر اتجوز ولا عمرى هحب. لكن اقسملك ياحنين من بعد حادثة سليم. وبعد ما قابلتك مالمستش اى واحده ولا هفكر اعمل كدا تانى. وقررت انى ابعد عن الطريق ده.حنين. انا عايز ابدء من جديد. عايز أحقق الل اتحرمت منه معاكى انتى. عايز اكون خالد جديد، وده مش هيحصل الل لما تكونى معايه حنين: بتسمع خالد ف الاول. واتاثرت بكلامه. ودموعها نزلت ع الظروف الل عاشها. وزعلت من ابوه رغم أنها متعرفوش. وعيطت بصمت وحزن كبير جدا عليه. وجواها قررت انها مش هتتخلى عنه. ولازم تقف جمبه. وهتعترف هي كمان بحبها ليه! لكن رفعت عينيها بصدمه كبيره جدا. خااالد؟ علاقه؟خالد كان ع علاقه مع بنات؟ لأ لأ. انا اكيد سمعت غلط! وبعدها اتاكدت انها سمعت صح. وإن خالد لمس بنات وف الحرام. جسمها كله بيترعش. وقامت وقفت وكانت هتقع ف الميا. خالد: شاف دموع حنين ومتحملهاش. ومن جواه قلقان من النتيجه. وشافها. وقام بسرعه. وشدها من أيدها قبل ما تقع. وكانت كلها ف حضنه. وخالد ف اللحظه دي. أتأكد انه عمرو ما حضن اى بنت غيرها بالإحساس ده. ولا الخوف ده. وقال بقلق. حنين انتى كويسه؟حنين: بتعيط. وخرجت من حضنه بسرعه. وبعدت عنه بكام خطوه. وقالت أنا لازم امشي حالا. خالد: قلبه دق بخوف. وقال حنين. انتى هتفكرى مش كدا؟ حنين: قرفانه منه. وبصت بعيد. وقالت أنا لازم امشي. خالد: بكبرياء. زى ما تحبى. وقال بتحذير. وع فكره انا هستنى ردك عليا وانهردا. وكمل بغضب. انا كان ممكن اخبى عليكى ومكنتيش هتعرفى عنى حاجه. لكن انا حبيتك بجد. وعايز ابدء معاكى من جديد. وفكرى برحتك. تمام، اتفضلى.حنين: من غير ما تبصله. جريت بدموع من قدامه. خالد: مسح وشه بايديه بغضب. ووقع التربيزه والكراسي ع الأرض... ف مكتب سليم. فتون: استريحت شويه بعد نقاش طويل بينها وبين سليم. وبعدها بتشرح ل سليم بكل تركيز. وماسكه ايدو وبتعلمو تجميع الحروف لكلمات. وجواها احتياج كبير ل سليم. سليم: جواه صراع. شويه يضعف ويأكد مشاعرو إن فتون مهمه بالنسبه ليه.وشويه يفوق. ويقول لنفسه استحاله ادخل ف تجربه فاشله من تانى. فتون استحاله تحب واحد عاجز. وشويه يركز مع لمسة ايدها ورجفتها. وبدء بتلخبط ومش عارف يقرر ايه مصير مشاعرو المكبوته. وبعد فتره كبيره. فتون: سابت ايدو. وقالت بحرج. انت انهردا مش بنفس مستوى الجلسه الل فاتت. انت محتاج تركز شويه كمان. لكن كويس جدا يا استاذ سليم. انت تخطيت مرحله كنا هناخد فيها وقت كبير.سليم: هز راسه. بعتذر انا فعلا انهردا مش مركز كويس. لكن اوعدك بكره هكون احسن من كده. وياريت لو تقولى سليم من غير القاب. مش معقول انا هقول فتون. وانتى تقولى استاذ. ياريت نرفع التكليف من الناحيتين. فتون: بلعت ريقها بتوتر. احم. زى ما حضرتك تحب. سليم: ابتسم. حضرتك؟ وبعدين معاكى. احنا اتفقنا إننا اصدقاء. يعنى لا ف حضرتك ولا استاذ. هاا سمعينى بقى هتقولى ايه؟فتون: بتوتر. وإحساس مختلف. غمضت عينيها وقالت. سي. سليم. سليم: غمض عينيه بحب كبير. وقال ايوه ياسليم. هي، هي فتون البنت الل كنت بتدور عليها من زمان. هي الل اى حد يتمناها. سليم؟ بتهايلى انت دلوقتي عرفت مشاعرك تجاه فتون، (فتون نصك التانى ياسليم ). فتون: فتحت عينيها. ونفخت ببطء وحطت أيدها ع قلبها. وبتنهج بسيط. ومش عارفه ايه بيحصل معاها.وقالت جواها. انا من شويه كنت مخنوقه. لكن من بعد ما اتكلمت مع سليم. حاسه بارتياح كبير. اشمعنى سليم؟ ليه هو بالتحديد؟ فتون انتى بتفكرى ف ايه ورايحه ع فين؟ قلبك بيدق بسرعه ليه؟ معقول؟ معقول تكونى حبيتى سليم؟ والاتنين فاقو. واتخضو من هجوم حنين الل فتحت الباب بقوه. وقالت. انا همشي. هتيجى معايه. ولا اسبقك انا ع الحاره؟ سليم: بعدم فهم. ومش عارف مين دى؟فتون: بدهشه وشافت حنين معيطه. وقامت وقفت. وجريت عليها. حنين؟ مالك بتعيطى ليه. مين كلمك حصل معاكى ايه اتكلمى؟ حنين: بشهقات بسيطه. محصلش حاجه. انا بس مخنوقه شويه. هتروحي ولا اخد تاكسي وامشي. سليم: بهمس. حنين؟ واتوقع انها صاحبة فتون. الل فريده حكت عنها. وقال. اهلا يا انسه ياحنين. حنين: بحرج. وضغطت على شفايفها. ومسحت دموعها. اهلا يااستاذ سليم. انا اسفه جدا انى دخلت بالطريقه دي.سليم: اولا متتأسفيش محصلش حاجه. المهم انتى كويسه؟ لو حد ضايقك هنا قولى. وانا مش هسكت ع فكره. حنين: دموعها نازله بحزن كبير. وقالت بوجع. ابدا مفيش حد زعلنى. فتون: بقلق. طيب ياحنين. انا كدا كدا خلصت الجلسه اهدى كدا. انا هلم الاوراق وهنمشي ع طول. حنين: بدموع انا هستناكى بره باب الفيلا. عن اذنكم. وخرجت. فتون: اتنهدت بزعل. وبصت ل سليم. انا اسفه. نسيت اقولك ان حنين جبتها معايه.سليم: فتون. ياريت تبطلى تتاسفى المهم شوفيها بتعيط ليه. احم. هو حسين متصلش ليه؟ فتون: بتلم حاجتها ف الشنطه. وقالت لأ حسين مسافر ف شغل ع عربيته. ومش فاضي. سليم: وهتروحي ازاى؟ فتون: عادي هنركب تاكسي. سليم: بديق مكبت. لأ انا هخلي طاهر السواق يوصلك. فتون: لا لا مالوش لازمه. انا هتصرف. سليم: بتحذير. هتتصرفى ازاى؟ وبعدين صحبتك ماشيه بتعيط. هتمشي ف الشارع كدا. وقال ياعزيزززه. عزيزه.عزيزه: كانت بتمسح الصاله جمب المكتب. ودخلت بسرعه افندم ياسليم بيه. سليم: بسرعه. قولى ل طاهر. يوصل الاستاذه للمكان الل هي عايزاه. اتحركي. عزيزه: فرحت لاهتمام سليم. بفتون. وابتسمت. حاضر جرى اهو. ومشيت. فتون: قلبها بيدق من اهتمام سليم. ومش عارفه ترفض. وهي لو ف وعيها اكيد هترفض. وقالت بصوت مبحوح. انا مش عارفه اشكرك ازاي وبصه ف عينيه الل بتحبها جداااااا.سليم: لا إراديا. تشكرينى، إنك تخلى بالك من نفسك. وبعدها لعن نفسه في سره. فتون: مغيبه تماما. وقالت وانت كمان خلى بالك من نفسك. والاتنين قلبهم دق مع بعض. فتون: فاقت. احم انا لازم امشي. سليم: انا هوصلك لحد باب الفيلا. اتفضلى. فتون: فرحت جدا من جواها. وخرجت قدامه. وسرحانه. سليم: ماشي وراها بحظر. وجواه مبسوط. فتون: ماشيه ف الصاله وصرخت بصوت مهموس. واتزحلقت من الميا الل موجوده فالارض. وكانت هتقع.سليم: ماشي وراها. وسمع صرختها. وحس بيها. وف ثانيه اتجهه للصوت. ومد ايديه ووقعت ف حضنه. وقال بقلق. فتوووون. فتون: مغمضه عينيها. وبتنهج ف حضن سليم. من الخضه. وسمعت صوت دقات قلب سليم. سليم: بقلق. فتون انتى كويسه. ومن جواه قلبه بيدق واخد اسكرين لاحساسه. وفتون ف حضنه. فتون: فتحت عينيها بدهشه. وبعدت عنه بسرعه. واتوترت اكتر. ا. انا. انا اسفه هوا، ا. انا. سليم: حس خوفها. اهدى يا فتون. مافيش حاجه لكل توترك ده.انتى شكلك كنتى هتقعى. وف الاتجاه ده. ف فاظه كبيره. كانت ممكن تاذيكى لو وقعتى عليها. خلى بالك ارجوكى. فتون: بصت وشافت الفاظه. وكانت لو وقعت عليها كانت هتتأذى فعلا. وغمضت عينيها واتنهدت وحمدت ربنا انها بخير. وبلعت ريقها بتوتر. انا اسفه انا مخدتش بالى من الميا الل موجوده في الأرض. سليم: تانى بتتاسفى؟ المهم انك بخير. تحبى اساعدك. فتون: لأ لأ. انا همشي لوحدى. وهانتبه اكتر. شكرا لحضرتك بجد.سليم: العفو حضرتك بجد. انا شكلى هرجع اقولك انسه فتون من تانى. فتون: ههههه لأ لأ خلاص هحاول اتعود. سليم: ياريت تتعودى بسرعه. فتون: وشها بقى احمر جدا. واتكسفت. وقالت برقه. حاضر هحاول. سليم: ابتسم لصوت ضحكتها. وقال اتفضلى. وخلى بالك اتفقنا؟ فتون: هزت راسها اتفقنا. واتحركت بحظر. وسليم ماشي جمبها بحظر اكبر لانه مش شايف. وخارجين من الفيلا.(طبعا: فريده. كانت نازله ع السلم. وشافت كل الل حصل. وضحكت بسعاده كبيره. ودعت ربنا إن سليم وخالد يفرحو قُريب ). سليم. وصل فتون وحنين للعربيه. وفتح باب العربيه ل فتون. وركبت بكل سعاده. وسليم. نبه ع طاهر يوصلهم لحد باب البيت. خالد: واقف بعيد. ومتابع حنين. وشافها واقفه قدام باب الفيلا. ومحبش يحرج نفسه. واطمن عليها لما سليم قرر أن طاهر يوصلهم.بعدها. محروس جري ع سليم. وحكاله إن خالد باشا. واقف وشكله مضايق. سليم: نده ع خالد. ودخلو المكتب. بعد شويه سليم: ها بقى هتفضل ساكت كتير كدا؟ خالد: اتنهد بتعب. ابدا يصحبى. انا معاك اهو. سليم: انا مش واخد عليك إنك بالادب ده؟ قولى مالك وايه الل مضايقك مخليك ساكت كدا؟ الشرقاوى عمل حاجه جديده؟ خالد: لأ. سليم: اله. متتكلم بقى. خالد: يعم قولتلك مفيش حاجه.ف حاجه شغلاني كدا. وهعرف الرد انهردا. لو حصل الل انا عايزه. اكيد هعرفك. بس ياريت ياسليم متسالنيش ايه الحاجه دى دلوقتى لو سمحت. سليم: هز راسه بتفهم. تمام. طيب سيبك بقى من كل ده. وتعالى نمضي العقود. خالد: قام بخنقه. وقعد قصاد سليم. ومضي ع العقد هو وسليم. فتون. طول الطريق تهدى حنين. وحنين مصدومه وكل شويه تعيط ع حبها الل انتهى قبل ما يبدء.فتون: قبل ما تركب العربيه. شافت خالد واقف بعيد. وشكت إن خالد ورا زعل حنين بالشكل ده. وفضلت تسألها كتير. حنين قالتلها لما نروح. وبعد ما وصلو البيت. فتون. اطمنت ع فاطمه. وكانت نايمه شويه. وسابتها نايمه. واخدت حنين الاوضه. وقفلو ع نفسهم. وبعد ضغط من فتون. حنين: اترمت في حضنها وعيطت. وقالت كل حاجه لفتون. واعترفت بحبها ل خالد من اول مره شافته فيه. وحكت حقيقة خالد كلها. وقررت انها تسيبه.فتون: طلعتها من حضنها. ومسحت دموع حنين. وقالت. تبقى هبله لو اتخليتى عن خالد. خالد بما أنه اعترف بحاجه كبيره زى دى قدامك. يبقى بجد بيحبك. وبعدين ياحنين. خالد قالك ع حقيقة ابوه. يعنى بزمتك انتى مستنيه ايه من خالد بعد ما الاب رماه ومسالش فيه؟ ومكانش رقيب ع افعال ابنه؟خالد كان ف سن خطر. كان عايز اهتمام ورعايه. رعايه لانه اتحرم من أمه. وكمان لانه وحيد. المفروض ابوه كان اخدو ف حضنه وطبطب عليه. يراقب تصرفاته. مفيش مانع انه يتجوز. لكن مش ع حساب سعادته يدمر ابنه. خالد ضحية اب انانى. ضحية صُحاب فاشلين. والمصيبه الأكبر. إن ابوه جابله شقه يعيش فيها لوحده! يعنى بيقوله انا بساعدك أنك تدمر نفسك اكتر. ولولا ربنا بعت سليم ل خالد. كان زمان خالد مُشرد ف الشوارع.انا معاكى انه غلط. خالد كان ممكن يسيطر ع نفسه. لكن مش كل الناس عندها الخوف من ربنا ف المقام الأول. ف ناس بتعمل الغلط. وهما عارفين أنه غلط ومش فارق معاهم. ودى الكارثه ف حق نفسهم. وعذابهم هيبقى مضاعف. لكن بما إن خالد عايز يفوق. واعترفلك وعايز يقرب من ربنا. ويبدء من جديد. وانتى بتحبيه يبقى لازم تديله فرصه. وانتى لازم تقفى جمبه. وتاخدى بايده للطريق الصحيح. ومتنسيش موقف خالد يوم علاء ما اتكلم ف حقى.هل لو خالد ده كان وحش من جواه. كان وقف جمبى. كان وقف جمب سليم ف ازمته؟ وكمان الراجل قالك انه هيطلب ايدك ع طول. انتى بس وافقى. وخلى فترة الخطوبه طويله شويه وشوفى هيتغير فعلا ولا لأ.؟ اديله فرصه ياحنين يتغير. فكرى ع مهلك وردي عليه. وشوفى قلبك هيقولك ايه؟ حنين: غمضت عينيها بإحباط كبير. واترمت تانى في حضن فتون. ومش عارفه تفكر. لكن من جواها مقتنعه بكل كلمه قالتها فتون. بعد: شويه.فتون جهزت الاكل. وصحت فاطمه. واتحايلت ع حنين تاكل واتغدو التلاته مع بعض. الشيخ محمد. اتصل ع فتون. وقالها. تنزل عشان حسن وسحر هيلبسو الدبل. فاطمه: من جواها كانت زعلانه. لكن اقتنعت إن حسن. مش مناسب ل فتون. حنين: اتغاظت عشان فتون. وقامت. طلعت فستان. باللون الاسود وعليه ورد احمر. وفتون لبسته علشان تريح حنين. ومن جواها كانت مشتاقه انها تلبس فستان. فتون: صلت العشا ولبست الفستان. وكانت جميله اوى.حنين: شافت فتون بالفستان. وقالت انتى جميله اوي اوي يافتون. الفستان تحفه بجد عليكى. فتون: ابتسمت. شكرا يانونا. حنين: طلعت من شنطتها. ميكب جابته معاها من بيتها. مخصوص عشان فتون. فتون: رفضت. لكن حنين صممت وحطت لمسات خفيفه جدا. فتون: لبست الحجاب. وكانت فاتنه فعلا. فاطمه: لما شافت فتون. انبهرت بجمال بنتها. وقالت الله اكبر. ماشاء الله ياتونه انتى مكانك مش هنا ياقلب أمك. انتى مكانك قصر الله اكبر عليكى.وضحكو التلاته. فتون: نازله مع فاطمه. واخدت حنين معاها بالعافيه. ونزلو. عند الشيخ محمد. موجود اهل حسن واعمامه وخلانه. واخو سميره الكبير وعصام وزينهم وقبارى. وحبايبهم من أهل الحاره. واتفقوا ع كل حاجه الخطوبه انهردا. وكتب الكتاب الجمعه الجايه. والفرح بعد 3 شهور. وحسن هياخد سحر و هيسافرو بعد الجواز بكام يوم. عشان شغله. محمد: وافق. وقلبه زعلان عشان بنته هتسافر.سميره: بتزغرط وفرحتها فرحتين. ودخلت ع سحر الل بتلبس. وهي سرحانه. سميره: بسعاده. سحوره قلب امك انتى لسه مخلصتيش لبس؟ الف مبروك ياضنايا. كلها اسبوع وتبقى مرات حسن ههههه. اله مالك ياسحر. وشك مخطوف كدا ليه؟ ومش باين عليكى انك فرحانه ليه؟ مالك يابت؟ سحر: فاقت من أفكارها. هاا؟ وبلعت ريقها بخوف. ا. ابدا ياماما. انا مفيش حاجه. انا بلبس اهو.سميره: بحيره. وبعدين معاكى. انتى من امبارح ومش عجبانى. وخصوصاً بعد ما نزلتى من عند الل متتسماش دى. سحر: عيونها لمعت بدموع. فتون؟ سميره: هو ف غيرها. حربايه هي وامها. آه يانارى. انا لما طلعت اعزم فاطمه وبنتها. كان نفسي اشوف شكل فتون وهي مصدومه بالخبر. نفسي افش غليلى فيها. سحر: بنفاذ صبر. حرام عليكى ياماما بقى. سيبى فتون ف حالها. سميره: عوجت بوقها. اسيبها ف ايه ياحيلت امك؟ انتى يابت هبله ولا عبيطه.سحر: بدموع ايوه انا فعلا هبله وعبيطه. عشان سمعت كلامك من صغرى. فتون بتكرهك ياسحر. فتون مغروره ياسحر. فتون مش بتحبنا ياسحر. فتون طالعه لامها ياسحر. فضلتى تكدبى عليا. لما الكدبه كبرت جوايا. وشوفت إن فتون دى شيطان قدامى. وكل ده بسببك ياماما. انتى لو تعرفى فتون عملت ايه علشان بنتك مش هتتكلمى عليها كلمه واحده. سميره: شهقت وحطت ايدها ع قلبها. ايه يابت الكلام ده.وايوه هي وامها ع طول بيكروهنا. عشان احنا عايشين احسن منهم. وعوجت بوقها. وعملت ايه بقى عشانك ست فتون هانم؟ سحر: مسحت دموع الندم. ولفت ضهرها وقالت عملت الل بنتك مقدرتش تعمله. فتون دى احسن منى بكتير. وارجوكي ياماما متتكلميش عن فتون تانى سيبيها ف حالها بقى. سميره: بعدم فهم. هي البت بتتكلم زى ابوها كدا ليه؟ هي لعنت فتون حلت عليها.عصام: خبط ع الباب. يلا ياسحر اتاخرتى ليه؟ وقولى لامك. فتون وخالتى أم فتون قاعدين بره. سحر: بحزن. حاضر ياعصام انا طالعه اهو. سميره: بغيظ مكبت. الهى ربنا يحرق دمك يافتون انتى وفاطمه قادر ياكريم. وخبطت سحر ع كتفها. افردى بوزك ده جاتك القرف انتى كمان. عيله هم. وخرجت وهي متغاظه. سحر: اترمت ع السرير وعيطت بصوت مكتوم. وحست بالندم. ونفسها ترجع بالزمن علشان تصلح اغلاطها. وفجاءه فونها رن.وقامت بخضه. وكان علاء. وقلبها دق بخوف. وجسمها اترعش. وكنسلت وقفلت الفون خالص. وبتدعى ربنا انه يسترها ويسامحها. وقامت بتعب تكمل لبس والفرحه ماتت جواها. فتون: لما دخلت هي وحنين. الكل انبهر بجمالهم. وخصوصاً فتون بالفستان. وفاطمه شافت الكل مبهور حست بسعاده كبيره وفخر. وسلمو ع الكل وقعدت. سميره: شافت جمال فتون. والنار بتاكل قلبها. فتون: سلمت ع الكل وعمها محمد وزينهم وقبارى عاكسوها بهزار.وقبارى قالها. خلاص انا لقيت العروسه وهتجوز فتون. والكل ضحك. أما حسن: تنح من جمال فتون. وغمض عينيه وفتح ببلاها. ومش مصدق انها قد ايه جمالها الحقيقى ظهر بالفستان. وحس انه اتسرع ف قرار الانفصال عنها. سحر: خرجت. والكل زغرط. وبارك. ولبست الدبله. وعيونها مش عارفه ترفعها من الأرض ولا قادره تبص ف عيون فتون. فتون: قامت. وجواها مخنوق من سحر. وراحت عندها. مبروك ياسحر.سحر: رفعت عينيها بدموع. وقالت بصوت مبحوح الله يبارك فيكي. وابتسمت بحب انتى جميله اوي يافتون. فتون: قربت من ودنها. وقالت بغل. انا جميله لانك شوفتينى ع حقيقتى.! وانا دلوقتي شوفتك ع حقيقتك. متخيله بقى انا شيفاكى ازاااى؟ سحر: غمضت عينيها. وقالت أنا استاهل منك اكتر من كدا يافتون. بس سامحينى... فتون: احلمى ياسحر. بس صدقى انتى فعلا لايق عليكى حسن.بس ياريت تملى عينيه. علشان عينيه هتطلع ع صحبتى. ماشي يااا. عروسه. واتعدلت وسابتها وراحت قعدت جمب حنين. حنين: جو الفرح. خلا جواها تتمنى انها تكون عروسه لخالد. وقامت من مكانها. وراحت ف ركن بعيد. واتصلت ع خالد. خالد: قاعد ف العربيه ف حته ضلمه ومرجع راسه لورا. ورد ع الفون من غير ما يشوف مين. وقال بخنقه. الووو. حنين: الو. خالد: فتح عينيه. وبص ع الرقم واتعدل بدهشه وقال حنين؟حنين: باندفاع. اسمع بقى انا بقولك اهو؟ والله العظيم ياخالد. لو لمحتك بتكلم بنت غيرى. او حاولت ترجع للبنات من تانى. او فكرت فيهم بس. انا هقتلك. ومش بس كدا. انا هقتل كل بنت انت كلمتها. فاهم ولا لأ؟ خالد: قلبه بيدق بسرعه كبيره جدا بسعاده. حنين انتى بتتكلمى جد. يعنى انتى هتكملى معايا؟ حنين: بحرج عندك مانع؟ خالد: عندى مانع؟ مانع مين بس...دا انا هولع ف اى بنت كلمتها اصلا. بصى انا قاعد ف العربيه اهو. هتصل عليهم. واخليهم يقفو صف كدا بالطول. وادخل فيهم بالعربيه. علشان ترتاح ياقمر انت. حنين: غصب عنها ضحكت ههههههههه. لأ متتصلش. انت بس حاول تبعد عنهم. وقالت بحب. هبدء معاك من جديد. وهتتغير ياخالد؟ توعدنى بكده؟ خالد: غمض عينيه واتنهد بسعاده. اوعدك ياحنينى. اوعدك اني هتغير وهبدء معاكى من جديد. حنين: قلبها بيدق. واتنهدت بحب وسكتت.خالد: حنين. موافقه انك تكونى شريكة حياتى؟ حنين: بحرج. اممم. خالد: اممم. طيب يناسبك. اتقدملك اخر الاسبوع؟ حنين: شهقت بفرحه. اخر الاسبوع؟ خالد: يبقى ع خيرة الله. اعملى حسابك بقى توصي نوجا ع عشا حلو كدا. وتكتر كاتشب اشطا. هههههههه حنين: بسعاده كبيره. وقلبها هيطلع من مكانه ومش عارفه تتكلم. خالد: حس بيها واتنهد بحب وقال حنين؟ حنين: غمضت عينيها بحب. نعم ياخالد.؟ خالد: بحبك!حنين: فتحت عينيها بدهشه. وبلعت ريقها بتوتر. ومردتش. خالد: انا مش عايز اسمع منك رد دلوقتي. وبعدها انتبه وقال حنين ايه صوت الميوزك ده؟ حنين: بتجمع اعصابها من اعتراف خالد. وقالتله. انا ف خطوبة جارة فتون. ف نفس البيت. خالد: صك ع اسنانه بغيظ. طيب ياحنين. اول واخر مره تروحي مكان من غير ما اعرف. وهتروحي ازاى دلوقتي. انا جاى اوصلك البيت.حنين: برفض. لأ لأ. اخويا احمد جاى ف الطريق دلوقتي. هيوصلنى. وبعد كدا. هبقى اقولك انا رايحه فين. خالد: فهم انها خايفه. وقال ماشي ياحبيبتى. لما تروحي رنى عليا. علشان اخد منك العنوان. تمام. وقفلو وكل واحد قلبه بيرقص من الفرحه. ونقول بعد مرور شهرين. ف شركة سليم وخالد. فتون: فتحت باب المكتب بقوه. وقالت. بس انا بحبك ياسليم. رواية أحببت بصيرته للكاتبة مريم نصار الفصل الثالث والعشرون بعد مرور شهرين. ونقول نبذه مختصره. سحر: بعد الخطوبه. مش عارفه تفرح من تأنيب الضمير. والنوم جفاها. ونفسها ترتاح وتنام. والشيخ محمد لاحظ تغييرها. وقعد معاها. واتكلم بهدوء. وسألها مالك؟ سحر. من جواها كانت نفسها تحكيله. لانها حاسه انها مخنوقه وف حمل تقيل اوي ع قلبها. لكن متقدرش تحكى لحد. وقالت ابدا انا زعلانه بس انى هسيبكم واسافر.محمد زعل جدا. واخدها ف حضنه. وقال انا لو عليا مابعدكيش عنى متر واحد. ده انتى بنتى وحبيبتى وحته من قلبى. سحر: عيطت بصوت عالى وحضنت ابوها اوى. لانها اتاكدت إن ابوها بيحبها وكان بيشد عليها من خوفه عليها. واتخيلت حجم الفضيحه الل كانت هتخلى راسه ف الأرض. وقالت بوجع وندم سامحني يابابا. سامحنى ع كل حاجه. انا غلطت كتير ف حقك. انا. انا تعبانه اوى يابابا. تعبانه.محمد: ضمها لقلبه بحب كبير. مالك بس ياقلب ابوكى. واسامحك ع ايه؟ انتى بس الل كنتى متدلعه حبتين. واهو خلاص بنتى كبرت وعقلت. وبقت عروسه زى القمر. ومسد ع ضهرها بحنان. وسابها ف حضنه لحد ما اطمنت ونامت. محمد: عدلها. وشد عليها الغطا. وباس جبينها وخرج. وهو زعلان علشانها... وبعد كام يوم. علاء اتصل كتير جدا. وسحر خايفه ترد. وبعتلها مسج. لو مردتيش دلوقتي انا هفضحك ف الحاره. سحر: اترعبت. وردت عليه. وكانت لوحدها.علاء: بغيظ. قالها انتى بتبعينى ياسحر؟ منفضالى؟ يعنى انتى تتخطبى لحسن وكتبتى كتابك ومعرفش غير من الحاره؟ وقولتى ابوكى رافض؟ سحر: بدموع خوف. انت عايز منى ايه ياعلاء؟ ايوه بابا كان رافض. بس وافق والفضل كله يرجع لفتون. احنا ظلمناها اوى ياعلاء. فتون متستاهلش الل احنا عملناه فيها. الله يخليك ياعلاء. ابعد عنى وعن فتون. سيبها ف حالها.علاء: بيسمعها واتجنن. وقال اسيب مييييين يابت انتى؟ دا انا اقلبها دمار عليكى وعليها. انا مش اصبر كل ده واخطط واروح واجي. وف الاخر انتى تاخدى حبيب القلب بتاعك. وانا اطلع من المولد بلا حمص. لاااااء ياروح امك. انتى تتصرفى وتجبيلى فتون لحد عندى. يا اما عليا الطلاق. اجي البيت عندك واخليكى ماتنفعي نفسك. فاهمه ياسحر.؟سحر: . برعب. انت بتقول ايه ياعلاء؟ عايزنى اجيبلك فتون؟ طب ازاى؟ وهي فتون عيله صغيره هسحبها من أيدها؟ اعقل ياعلاء ماتوديش نفسك ف داهيه. ابعد عننا الله لايسيقك. علاء: بغل. يبقى انتى الل اخترتى ياحب. سلام. وقفل ف وشها. سحر: اترعبت وجسمها كله بيترعش. ومش عارفه تعمل ايه. وملقتش قدامها غير ربنا. ايوه ربنا هو الل هيقف جمبى وهيساعدنى. واتوضت وصلت وسجدت كتير اوى وعياطها كان بندم وذل وانكسار كبير.وبعدها عرفت إن علاء مشي من الحاره وده ريحها جدا. وطول الشهرين. بتحاول تتجنب فتون ومش قادره تبص ف وشها... حسن ع طول يكلمها. وحاسس انها مش طبيعيه. لكن قال بتفكير. ممكن تكون زعلانه انها هتسيب أهلها وتسافر. علاء بعد ما قفل ف وش سحر، خارج من الأوضه غضبان وبيكلم نفسه وقال عليا الحرا، . لا اكون فاضحك يابنت محمد.جابر: سمعه. وفتح عينيه بزهول. وجري عليه ومسكه. ومكنتش قادر عليه. وحاول يمنعه. علشان سمعته ف الحاره. لكن علاء مش سامع اى حاجه ومش ف وعيه. وكان هيضرب ابوه. ام علاء: صوتت. والجيران اتلمو. ومسكو علاء الل كان هيتهجم ع ابوه. وكتفوه. وجابر خاف واتصل ع اخوه الكبير. وقاله يبعت ولاده. وياخد علاء عندو فتره لحد ما يهدى.وبعد فتره كبيره. اخوه الكبير بعت ولاده. واخدو علاء بالغصب. وخرجو من الحاره. وعلاء حاليا. محبوس عند عمو كبير العيله... حنين: بعد ماقفلت مع خالد. مكنتش الفرحه سيعاها. وقالت لفتون. وفتون فرحت جدا. وحنين بعد ما رجعت البيت. حضنت نوجا بسعاده كبيره. وكمان باباها. ودخلت اوضتها. واتصلت ع خالد. ونبهت عليه يغير رقمه. ووافق. واتكلمو ومحسوش بالوقت. وكانت مكالمه مميزه وجميله. وكل واحد قلبه دق بحب للتانى.وقالتله ع عنوانها. وبعدها بيومين. نوجا ملاحظه تغيير حنين. وانها مبسوطه ع طول. وتكلمت معاها. ولأن علاقتهم مع بعض فيها صداقه كبيره. حنين: بحرج. حكت كل حاجه ل نوجا. مع شوية تحفظات بماضي خالد متحكاش. نجلاء: فرحت جدا لبنتها. واخدتها ف حضنها بسعاده. ونجلاء: قالت ل عبدالله جوزها. وفرح هو كمان. وف الإنتظار.لكن عبدالله علشان يطمن اكتر. سأل بطريقته الخاصه ع خالد ووالده. وكمان عرف انه صديق مقرب لعيلة بدر الدين. ولأنها عيله معروفه ومحترمه. استريح نوعا ما. لحد ما يقابل خالد شخصيا. وعدت الايام ع حنين كأنها سنين. وجه اليوم الموعود. واتقدم خالد. وطلب ايد حنين. ووافق ع كل شروط عبدالله. وتمت الموافقه والخطوبه بعد اسبوع. والجواز ف إجازة الترم الاول من بداية الدارسه.وتمت خطوبة خالد وحنين. وكانت حنين طايره من الفرحه. لكن خالد كان جواه حزن متدارى. وحنين حست بيه وحاولت تخرجه من حالة الحزن لانها عارفه سببها. واستمرت علاقتهم ف تطور وحبهم بيكبر يوم بعد يوم. وخالد بعد مارجع الشركه وشاف حب سليم وفتون لبعض بعينه. اتفق مع حنين. انها تتأكد من مشاعر فتون تجاه سليم. لأن سليم واقع ف عشق فتون...حنين: ف الاول رفضت الفكره. لأن سليم كفيف. لكن شافت اهتمام فتون. بحالة سليم. وحنين بطريقتها اتكلمت قدام فتون ع سليم. وشافت قد ايه فتون مغرمه ب سليم. اما خالد. بعد ماقفل مع حنين. كان طاير من الفرحه. ولف بالعربيه. ورجع فيلا بدر الدين. علشان يشارك صاحبه فرحته الكبيره. وقال ل سليم وفريده. فريده: من فرحتها. قامت وحضنت خالد. وقالتله وانا الل هطلبهالك بنفسي.سليم: فرح جدا ل خالد. وقام حضنه بحب كبير. وبارك ليه. لكن جواه احتياج كبير. لفرحه زي دي. لكن قال. استحاله بسبب عجزى. شريف: كان نازل علشان مسافر الصين. وعرف بالخبر. واستغرب إن خالد كمان هيرتبط بواحده ف حال متوسط. ومط شفايفه باستغراب. وهز راسه. وبعدها ابتسم وحضن خالد وباركله. وخرج ع المطار. بعدها بكام يوم. خالد: لبس. وخرج مبسوط جدا. وراح ع شركة الشرقاوي. علشان يبلغ ابوه. وياخدو معاه علشان يتقدم لحنين.دخل المكتب. وشاف ابوه قاعد مع بنته وابنه من مراته التانيه. وحس بغصه ف قلبه. لكن ابتسم بتمثيل. وسلم ع ابوه. أخته: شذى جريت عليه وحضتنه بحب كبير. وخالد ضمها لقلبه وباس جبينها. اما اخوه الصغير. شادى سلم عليه ببرود. وخرجو. خالد: اتنهد بوجع. وحكى لابوه كل حاجه. وطلب منه أنه يجى معاه علشان يطلب حنين من اهلها. ابوه: ضحك بسخريه. وقاله عايزنى ادخل بيت ناس بالمستوى ده؟انا لايمكن اوافق ع الجوازه دى. وانا كنت هكلمك علشان انا قررت انك تتجوز اخت المدام. وبتهايئلى ده عرض مغرى وهيخليك ف مستوى كويس جدا. سيبك من النزوه دي. وبص لقدام. خالد: سمع كلام ابوه. وغضب جدا. وقام وزعق بصوت عالى. انت ازااااى كدا؟ انت ليييييه مش حاططنى ف حساباتك. انت لايمكن تكون أب. فين الرحمه الل جواك من ناحيتى. رمتنى وسبتنى. ومسالتش عنى. ديما بتفكر بانانيه والفلوس والمستوى ومصلحتك وبس.اما خالد ده مالوش لازمه. معندوش احساس. ايه يعنى لما تروح تتجوز وترمي ابنك؟ ايه يعنى لما تسيب ابنك وسط صحاب فاسدين؟ ايه يعنى لما خالد يكبر ويترمي ف شقه لوحدو؟ ايه يعنى لما خالد يعيش ف الحرام. ويخسر نفسه دنيا وآخره. وكل ده لييييييييه. كل ده ليه؟عشاااان ايه بعتنى ومسالتش عنى.؟ ليه ديما مبحسش انك خايف عليا. ليه ديما بتفكر ف نفسك وبس؟ خلفتنى ليه بما إنك هترمينى ومتشلش مسؤليتى. انت السبب ف الل انا فيه دلوقتى. انت السبب. انت واحد ظالم وانانى. وشاور بايدو. استنى شويه وشوف. ياعادل ياشرقاوى. خالد بكره هيقعد ع الكرسي الل انت قاعد عليه دلوقتي. وتتمنى انى اسامحك. وسابه ومشي وجواه كره كبير. ومحتار يعمل ايه وهيتقدم ل حنين لوحدو ازاى؟وطلع ع سليم يطلب منه أنه يروح معاه. لكن سليم حس بالعجز. وازاى هيروح لناس ميعرفهمش وهو اعمى. و اعتذر. لانه مخرجش من الفيلا من فتره كبيره جدا. خالد: اتصدم اكتر من صدمته ف ابوه. وساب سليم ومشي من غير ما يتكلم. اما سليم. كان مبسوط جدا من إحساسه وفتون ف حضنه. وعندو شعور غريب. والحب جواه بيكبر اكتر. ورسم ل فتون صوره جواها. والامنيه الوحيده الل نفسه يحققها إن حد يوصفله شكل فتون الحقيقي.وبعد يومين. فتون قاعده معاه ف المكتب. وودعته وخرجت وراحت الليفنج. وبتسلم ع فريده. ويتضحك معاها. سليم: خرج من المكتب. ونده وقال. تونه؟ فتون: لفت بعفويه. وقالت نعم؟ والاتنين قلبهم دق. فريده: قلبها بيرقص سعاده وضحكت بصمت. سليم: ابتسم بحب وشال القطه. وقرب من فتون وقال. احب اعرفك. دى القطه واسمها تونه. انتى كمان تونه؟ فتون: اتكسفت جدا ووشها جاب الوان. وهزت راسها بابتسامه رقيقه. ايوه.سليم: ضحك بصمت ع خجلها. وقال ع فكره انا من زمان وانا عايز اقولك إن اسمك جميل ومميز جدا. فتون: اتكسفت. وحاسه إن الهوا بيخلص. وقالت أنا. انا لازم امشي. وجريت من قدامهم. سليم: ضحك. وبيمسد ع ضهر القطه. فريده: رفعت حاجبها. وقالت بمكر. سبحان الله. القطه اسمها تونه. وفتون كمان. تعرف ياسليم يبنى إن القطه وفتون بيشبهو بعض؟ سليم: انتبه بتركيز. ازاى مش فاهم؟فريده: تعالى اقعد وانا اقولك. وكملت بخبث. وقالت القطه عيونها زرقا وكمان فتون عيونها زرقا. القطه بيضه. وكمان فتون بيضا. القطه أنفها مسمسم. وكمان فتون. وخدود حمرا زى الورد. اما الشفايف بقى. فتون عامله زى حبة الكريز. وأسنان بيضا زى اللولى. بسم الله ماشاء الله تبارك الرحمن عليها. اللهم لا حسد. تقولش فتون دى شبه الأميرات.سليم: بيسمع فريده. وبيتخيل شكلها الحقيقي. وحب وصف فريده جدا. وقلبه دق والحب بيكبر واتمنى انه لو بيشوف. نفسه يشوف عينيها. بعد يومين كمان. فتون: ف الجنينه مع سليم. وكانت فرحانه اوي لان انهردا خالد هيروح يتقدم لحنين. واتفقت مع حنين انها هتجيلها بعد الجلسه.فتون: شافت خالد. داخل وطاير بالعربيه. ونزل وهو غضبان. وجاى عليهم بسرعه. طلب من سليم انه يروح معاه. وبعد رفض سليم. خالد اتصدم ومشي بسرعه. ورايح ع العربيه. سليم: قبض ع ايديه بغضب كبير. وحاسس بالعجز. وكمان عارف إن خالد اكيد هيزعل. فتون: شافت رد فعل خالد. وفهمت إن ف حاجه حصلت اكبر من كدا. وجريت وراه. استنى بس ياخالد. لو سمحت استنى. خالد: مردش. وبيركب العربيه. فتون وقفت قدام العربيه. استنى ياخالد.خالد: مسح وشه بايديه بنفاذ صبر. ابعدى يافتون. خلينى امشي من هنا. انا مش عايز مساعده من حد. فتون: بسرعه. فتحت باب العربيه. وركبت جمبه وسابت الباب مفتوح. وقالت ممكن تهدى كدا وتوحد الله. انت عايز تزعل حنين مننا ولا ايه؟ خالد: اتنهد بتعب وقال لا إله إلا الله. انا مش عايز ازعل حد من حد.فتون: طيب ممكن متزعلش مني ولا من تطفلى انت قولت قبل كده انى اختك. انا عايزه اعرف مالك؟ واوعى تقول زعلان من سليم. انت جاى شايط من قبلها. ممكن تهدى وتحكى لأختك. وكل مشكله وليها حل.؟خالد: غمض عينيه بوجع. وقالها ابويا رفض أنه يجي معايا. ومش موافق ع حنين. ابويا باعنى يافتون. وضحك بكسره. وسليم باعنى. انا كنت مفكر ان ابويا هيفرح لما يشوفنى مبسوط. وكنت فاكر إن سليم هيقولى حالا هلبس واجى معاك يصحبى انا مش هسيبك تروح لوحدك. فتون: زعلت علشانه. وقالت بس انت مقولتش ل سليم ع كل ده؟ سليم لو عرف اكيد كان هيجى معاك من غير ما تطلب. صدقنى. خالد: بصلها. مش لازم احكى وأقول يافتون.؟المفروض من غير ما اقول. وطلبى سهل مش صعب اوى كدا. واخد نفس عميق وقال. انا مش محتاج لحد. انا من أنهردا مش عايز حد غير حنين وبس. فتون: محتاره تلطف ازاى بين خالد وسليم. وقالت بهزار. يسلام يعنى انت عايز حنين وبس. واختك زحلقتها كدا. هههههههه. خالد: ابتسم بتمثيل لا طبعا أنا مقدرش اقول كدا. دى حنين تقتلنى. دى بتحبك اكتر منى. فتون: اممم هنكدب اهو. ماشي. اسمعنى بجد ياخالد. سليم انت لازم تعذرو.انت عارف الظروف الل بيمر بيها. وانا متاكده إن سليم خايف يواجهه العالم الخارجى. وكمان رافض يرجع الشركه زى ما انت عارف. يعنى سليم مخرجش بره باب الفيلا دى من شهور كتيره. وحابس نفسه. تفتكر ده سهل عليه.؟ بص ياخالد؟ بص ع سليم واقف مخنوق ازاى؟ وهو شايف نفسه أنه عاجز تماما. حاسس أنه مبقاش ليه أى دور ف الحياه. وده احساس طبيعى لأى حد دخل ف الضلمه بعد النور...سليم بيحبك جدا. وانا واثقه إن سليم لو كان ف حالته الطبيعيه. كان هو من نفسه سبقك ع بيت حنين. ارجوك متزعلش من سليم. لو سمحت. سليم لو رجع للوحده من تانى. صعب جدا انى اوصله لل هو فيه دلوقتى. خالد: بص ع سليم. وشافه واقف وواضح عليه الخنقه. واتنهد وقال. انا عارف أنا ايه عند سليم. ومش زعلان منه. لكن بجد انا مخنوق. انا يدوب اطلع ع الشقه. والبس علشان متأخرش ع عيلة حنين. ماشي يافتون.؟فتون: هزت راسها. ماشي ربنا معاك. والف مبروك مقدما. ونزلت وقفلت الباب. خالد: متشكر. وساق بسرعه بخنقه. -بقلمى مريم فتون: رجعت ل سليم. ووقفت قدامه وساكته. سليم: بينهج بسيط. واتكلم بجمود. وقال زعلان مني مش كدا؟ المفروض يفهم انى اتغيرت. المفروض يعرف انى مبقتش سليم الل كان يعرفو. وزعق وقال. انا مش هخرج من باب الفيلا دى ابداااا حتى لو ايه حصل.؟ انا عاااجز. انتو ليه مش قادرين تفهموووو. انا ماليش اى لازمه.عايزانى اروح اقعد وسط ناس معرفهاش. واسمع كلمه من اى حد تحرق دمى. والل تقول ده لسه شباب واتعمى. والل يقول بتعجب ايه ده اعمى؟ والل يبصلى بشفقه. انتو ليه مش حاسين بياااا انا عايز افهم؟ فتون: ربعت ايديها. وقالت بس انا مش عايزاك تروح انت حُر انت وصاحبك. سليم: صك ع اسنانه بغيظ مكبت. وسكت. فتون: سليم بجد انت حُر. عايز تروح وتقف جمب صاحب عمرك ف فرحه روح. لأن ده واجب عليك.لكن. لو مش عايز تروح. متروحش لانه مش فرض عليك. سليم: بعدم فهم. عايزه توصلى لايه يافتون؟ فتون: لفت حواليه. حنين صحبتى من حوالى سنه واحده بس. وافديها بروحي. افرح لفرحها. وازعل جدا ل زعلها. لأن اى مطب انا بقع فيه. بلاقى حنين الل بتقومنى. ده واجب الصداقه. ويبقى نابع من القلب. مبجبرهاش ع حاجه.يعنى مثلا انهردا جاى عريس لحنين. انا واجبى انى اروح اقف جمب صحبتى واختى. اشاركها فرحتها. وأشوف ضحكتها. وافرح عشانها. وخلى بالك من غير ما هي تطلب منى ده. لأن الحب إننا بنقدم السعاده لل بنحبهم. إنما بقى لو حنين طلبت مني انى اشاركها فرحتها. وارفض! ده معناه حجات كتير جدا. وهناخد مثلا حسن الظن ونقول اننا مش حابين نشارك الفرحه. وقربت من وشه او مكسلين نفرح. أو حنين فرحتها مش فارقه معايه.وقالت بمكر. او انا اكون مبحبش حنين. وخايفه اشوف فرحتها... سليم: قبض ع ايديه بغضب شديد. انتى قصدك ايه؟ تقصدى انى مش فرحان ل خالد؟ فتون: انت ليه خدت السئ من كلامى ونسبته لنفسك؟ انا قولت حجات كتير اوى ع فكره. سليم: لف ضهره ليها. انتى اول مره ما تفهميش سليم يافتون. فتون: اتنهدت بزعل. ولفت ليه. وقالت. سليم انا يمكن اكتر واحده فاهماك وحساك كويس جدا.انا عارفه انك خايف. بس لامتى؟ لحد امتى هتفضل حابس نفسك جوه السور ده.؟ سليم انت لازم تخرج. لازم ترجع شركتك. لازم تنقذ نفسك. لازم تقاوم. انت كدبت كدبه وصدقتها. ايوه لانك مش عاجز. سليم انت انسان طبيعي جدا. عندك القدره إنك تشتغل وتنتج. عندك فرصه انك ترجع سليم بدر الدين من تانى. خايف ليه من الناس؟ الناس دى لو انت انسان كامل. والكمال لله وحدو طبعا. بردو هينقدوك. الناس مبتريحش نفسها مش سايبه حد ف حاله.لو ركزنا معاهم صدقنى لا أنا. ولا انت وناس كتير جدا هتحبس نفسها ف اوضتها وهتخاف تواجهه العالم ده. سليم انت لازم تتغير للأحسن. حاول ع الاقل. وقالت بحب. حاول وانا معاك. سليم: رفع عينيه ليها. هتكونى معايا؟ فتون: ف اللاوعي. ف كل خطوه. سليم: مش هتتخلى عنى. فتون: عمرى ما اتخلى عنك ابدا. سليم. وعد؟ فتون: وعد. وقلبهم بيدق بقوه رهيبه.فتون: انتبهت. وضغطت على شفايفها وقالت جواها اييييه الل انا هببته ده. انا ازاى مسلوبه كدا قدامه.!؟ سليم: غمض عينيه واتنهد بحب. انا لازم الحق خالد. فتون: ابتسمت بفرحه. وانا كمان. يدوبك اروح البيت. واروح ع حنين. سليم: بتفكير. انتى عارفه العنوان؟ فتون: طبعا. سليم: طيب انا عندى فكره. ايه رايك. اطلع اغير هدومى. واجى معاكى الحاره. وأسلم ع بطه لانى وعدتها انى اجيلها. ونرجع ع بيت حنين...فتون: بحيره. مش عارفه تقول ايه؟ سليم: انتى لسه هتفكرى. انا عايز أسبق خالد ع هناك. ولسه هشترى ورد. وباالمره تحكيلى خالد قالك ايه. وكان جاى مخنوق ليه؟ فتون: بلعت ريقها بتوتر. احم طيب ماشي. اتفضل انت. وانا هستناك هنا. سليم: هز راسه تمام. واتحرك خطوتين. ووقف وقال. فتون؟ فتون: ها. نعم. سليم: فريده خرجت زى ما انتي عارفه. وشريف هيوصلها ع بيت حنين. ممكن تختارى ليا بدله ع زوقك؟فتون: فتحت عينيها بدهشه. وبتنهج. ومردتش. سليم: عزيزه هتكون معاكى. متقلقيش. ها موافقه. ولا اطلع البس اى حاجه؟ فتون: احم. حاضر. تمام. بس ياريت تستنى هنا. وبعدها اطلع انت. سليم: ضحك بصمت وحب موقفها جدا. وهز راسه تمام. اتفضلى فتون: . واتحركت بتوتر. دخلت اوضة سليم لاول مره. وحبتها جدااا. وشافت صور ليه وهو ف سباق سيارات. وكتب كتيره جدا. ومسكت كتاب وفتحته ووقع منه ورقه. وقراءتها.وَلِأنَّ بَعضَ الحَالِ يصعبُ شَرحهُ آثَرتُ صَمتًا و السُّكُوتُ مريرُ ولِأَنَّ وَقعَ الصَمتِ يُؤْلِمُ أَهلَهُ ناجَيتُ رَبِي والإِلهَ بَصِيرُ. وزعلت علشانه. وفتحت الدولاب بتوتر. وريحة برفانه اخترقت عقلها. واختارت بدله. وسابتها ع السرير. ونزلت بسرعه مع عزيزه. سليم. لبس. ونزل. وفتون اتفتنت بيه اكتر. وركبت جمبه بحرج. وطاهر ساق.وسليم. جواه رهبه من الخروج من الفيلا. وكمان شعور مختلف ناحية فتون. وسألها عن خالد. وفتون قالتله. وسليم ادايق جدا. وأقسم بالله. انه لازم يرجع ويكبر هو وخالد من جديد. وقال لفتون هرجع الشركه من بكره. فتون: شهقت بفرحه. بجددد. بجد ياسليم. سليم: ابتسم ل فرحتها. ايوه بجد. وانتى هتكونى معايا. فتون: بعدم فهم. هكون معاك ازاى. مش فاهمه؟ سليم: شركات بدر الدين. شريف بيديرها.انما شركة خالد. واقعه. ولازم تقف ع رجليها. انا محتاجك معايا. تقرى الملفات المهمه. مش هقولك سكرتيره. لأ طبعا. انتى هتكونى دراعى اليمين. ومتنسيش انك وعدتينى. ياريت توافقى. فتون: بحيره. بس. بس المدرسه؟ سليم: انتى لسه ف الاجازه. سبيها للظروف. فتون انا محتاجلك ف الشركه بجد. قولتى ايه؟ فتون: رفضت ف الاول. لكن بعد اقناع سليم ليها قالت. فتون: خلاص. انا هجرب واشوف. ده لو عرفت اعمل حاجه اصلا.وراح معاها الحاره. وزينهم والشيخ محمد رحبو بيه جدااا. سليم: من جواه عايز يسأل فتون ع علاء. ونفسه يقتله. لكن سكت علشان هي متعرفش أنه عارف. ودخل العماره. بمساعده طاهر. وده دايقه جدا. وطالع ع السلم. وفتون حست بيه. واخدت ايده من طاهر. وطلع معاها. وسلم ع فاطمه. ورحبت بيه جداااااا. وسليم نسي نفسه معاها. واتكلمو كتير. وفتون كانت فرحانه اوي. وعملت شاى بالنعناع. وعجب سليم جدا.وفتون لبست فستان جميل عليها. ونزلت مع سليم. وركبو العربيه. واتحركو. واشترو ورد مع بعض. وسليم اشترى ورده وقدمها ل فتون بحب كبير. وفتون قلبها دق واخدتها. واحتفظت بيها. وضحكو مع بعض. وراحو عند حنين قبل خالد وسليم طلب من فتون إن خالد ميعرفش. واتعرف ع عيلة حنين وحبو سليم. وبعدها فريده وصلت وفرحت جداا بسليم. وخالد وصل وكان لوحدو ومحرج ومخنوق. ودخل واتصدم بزهول لما شاف سليم. وفتون.وضحك من قلبه. وسلم ع الكل. وقعد جمب سليم. وشتمه ف ودنه. وضحكو. وخالد اتقدم ل حنين رسمى. وكان وقت ظريف. وبعدها باسبوع تمت الخطوبه. بعدها. سليم اتفق مع فتون انه هيبعت طاهر يجيبها بالعربيه لحد الفيلا ويطلعو ع الشركه. لكن فتون رفضت رفض قاطع. وقالت لأ علشان أهل الحاره ممكن يفهمو غلط. وقالت انا هتفق مع حسين يوصلنى الشركه. وسليم حس بالغيره من حسين. واضطر يوافق لأن كلامها صح وهو يخاف عليها إن حد يتكلم عليها.وراحت فتون الشركه. وتابعت مع سليم. وسليم فهمها تعمل ايه بالظبط. وقربو من بعض اكتر. وخالد حاول يركز مع سليم. بتحدى كبير عشان يثبت نفسه لابوه. وعنده هدف انه يقعد ع كرسي شركة الشرقاوي. سليم: اضطر انه يجيب فون خاص للمكفوفين. علشان يتابع شغله. وعقد اجتماع مهم. مع رجال الأعمال والمستثمرين.وفتون ديما قاعده جمبه بطلب منه. وبتقرآ اى كلمه ف اى ملف. وأثبتت نفسها بجداره وطول الشهرين دول. الحب بيزيد وعلاقتهم بتقوى عن الاول. وكل واحد اقتنع تماما انه بيعشق التانى لكن بصمت. عوده للوقت الحالى. الساعه 8 صباحا. الباب بيخبط عند فتون. فتون: نايمه بعمق. ومش حاسه لانها نامت بعد الفجر. من تفكيرها ف سليم.فاطمه: قامت وبصت ف الساعه وقالت يافتاح ياعليم. مين الل بيخبط ع الصبح كدا. تلاقيها البت فتون جابت العيش ونسيت المفتاح. وقامت تفتح. واندهشت. سليم؟ سليم: مش عارف ينام من امبارح من التفكير ف حبيبته. ولبس وطلب من طاهر يوصله. وطلع معاه لحد باب الشقه وقال روح انت ياطاهر واستنانى ف العربيه. وزى ما فهمتك. متدخلش بالعربيه لحد هنا. خليك زى ما انت ع اول الشارع. وانا هاجي مع الانسه فتون.طاهر: تحت امرك ياسليم باشا. ونزل. سليم: واقف بحرج. وقال لنفسه. ايه الل انت بتعمله ده ياسليم؟ فتون هتقول عليك ايه دلوقتي؟ خلاص انت جيت ماينفعش ترجع. وخبط ع الباب وهو محرج. سليم: بحرج. صباح الخير. انا اسف انى جيت ف وقت زى ده. يارب مكونش ضايقتك. فاطمه: ابتسمت. ياصباح الورد و الهنا. ف حد يضايق أنه يفتح عينيه يشوفك ياضنايا. ده انهردا عيد. بيتك ومطرحك تيجى وتشرف وقت ماتحب. سليم: ابتسم. وهز راسه متشكر جدا.فاطمه: تعالى يبنى اتفضل متقفش ع الباب كدا. ادخل ياحبيبى. سليم: دخل. ومشي ف نفس اتجاه المره الل فاتت وقعد. فاطمه: قعدت قصاده. يامرحب ياحبيبى. الست فريده عامله ايه؟ سليم: الحمد لله تمام. انتى عامله ايه؟ فاطمه: نحمد ربنا ع كل حال يابنى. سليم: من جواه عايز يسأل عليها. وحشاه بطريقه غير طبيعيه.وقال احم. انا بصراحه. صاحي بدرى. لأن عندنا اجتماع مهم جدا. وسعات فتون بتوصل الشركه متأخر من زحمة الطريق. قولت يعنى بما انى عندى وقت. اعدى عليها واخدها معايا. ويارب مكونش اتخطيت حدودى. او ضايقتك؟ فاطمه: بحب. لا ياحبيبى. انت عملت الصح. وفتون دى اختك. وهتخاف عليها اكتر من اى حد. ربنا يعلم هي بتعزك قد ايه.؟دى ملهاش سيره ف البيت غير سيرتك. سليم زكى اوى يابطه. سليم مالى مركزه ف الشركه يابطه. سليم شاطر ف شغله يابطه. هههه. أقولها ربنا يريح باله يابنتى ويكون احسن واحد ف الدنيا. سليم: من جواه اضايق من كلمة اختك. لكن ابتسم من كلام فتون عنه. وقال متشكر جدا. وكل الل انا فيه دلوقتى بفضل ربنا ثم فتون. لولا تصميمها وإصرارها. انا كان زمانى لسه زى ما انا. فتون دى جدعه جدا. وبمليون راجل.فاطمه: بتفكير. وقالت جواها. والله ما انا فاهمه حاجه. انت تقول فتون بمليون راجل. وفتون تقعد تشكر فيك. وطول اليوم تتكلم عنك. والله انا شاكه ف الموضوع بنتى مش ع بعضها من ساعة ما دخلت حياتنا. يلا ربنا يستر يارب. وقالت. ربنا يبارك ف عمرك ياسليم يبنى. وقامت. ثوانى اخش اصحى تونا. سليم: ابتسم. اتفضلى. فاطمه: دخلت وقفلت الباب وراها. وبتصحى فتون. تونا؟ انتى يابت. فتون: ... فاطمه: فتون. فتووووون قومى سليم بره.فتون: نايمه ابتسمت بهيام. وقالت برقه سليم... فاطمه: شهقت بصوت واطى. شوف البت. بتضحك وهي نايمه ازاى؟ هو اسم سليم بيزغزغ وانا معرفش. قووووومى يابت سليم قاعد ف الصاله بره. فتون: فاقت. وفتحت عينيها ع الاخر. واتعدلت بسرعه. اييييه؟ سليم بره؟ انتى متاكده؟ يالهوى سليم بره.وشهقت. الاجتمااااع. ينهار مش معدى. الساعه كام. ده اجتماع هيحدد مصير الشركه. وجابت الفون بسرعه وبصت ف الساعه زى المجنونه. وكانت 8 ونص. ورمت الفون جمبها واتنهدت بأريحيه. ومسحت وشها بايديها. اااه الحمد لله قلبى كان هيقف. فاطمه: واقفه. ومتابعه رد فعل فتون وتوترها وخوفها. ورافعه حاجبها. وشكها اتحول ليقين. وباصه ع فتون.فتون: انتبهت إن فاطمه واقفه. وبلعت ريقها بتوتر. احم. هوا. هوا. اصل. وكملت بدهشه. هو انتى قولتى سليم بره؟ فاطمه: خبطتها ع راسها بهزار. ايوه يختى. قومى كدا. الراجل جاى ياخدك عشان الاجتماع. قومى. قومى. وكملت بمكر. مش خير يابنت بطنى. فتون: ها. ا. اه طبعا خير ياماما. خير إن شاء الله. وقامت بسرعه. ولبست الاسدال بسرعه هو كمان واحشها اوى.وخرجت. وقلبها بيدق بطريقه غير طبيعيه. قالت بصوت مبحوح. صباح الخير يا سليم. سليم: قلبه دق. فتون. وقام وقف. صباح الخير. فتون: بعدها انتبهت للوقت. وراحت وقفت قدامه بقلق ولهفه. سليم. انت كويس؟ ف حاجه حصلت معاك؟ حصل حاجه ف الشركه؟ مدام فريده كويسه؟ سليم: ابتسم بحب لقلقها. بس بس. اهدى يافتون مفيش اى حاجه من دى. انا كويس متقلقيش. وفريده كمان. والشركه زى ما هي.كل حاجه تمام. كل الحكايه انى جيت اوصلك معايا للشركه. انتى عارفه أهمية اجتماع انهرده. ولا ايه؟ فتون: غمضت عينيها واتنهدت. وهمست الحمدلله. انك بخير. احم ايوه فعلا وربنا يستر ف الاجتماع. سليم: ههههه لا متقلقيش. انتى هتشوفى بنفسك انهارده. سليم هيعمل ايه. وع فكره ف كام بند جديد عايزك تسييهم ف العقود انتى ومي السكرتيره قبل الاجتماع. فتون: تمام. استريح انت طيب وانا هنزل اجيب فطار.سليم: لا فطار ايه؟ هنفطر ف المكتب. فاطمه: طيب ودى تيجى يسليم يبنى. والله ما يحصل ابدا. انت تفطر وتاخد واجبك واتكلو ع الله. سليم: ابتسم. انا مش غريب يابطه عشان تقولى كدا. فتون: بتصميم. وعلشان انت مش غريب تسمع كلام بطه ومتزعلهاش منك. فاطمه: قوليله يابنتى اصل زعلى وحش اوى هههههه. سليم: لا وانا مقدرش ع زعلك ابدا. خلاص نفطر مع بعض.وهكون طماع وهطلب كوباية الشاى بالنعناع. بصراحه يافتون اجمل كوباية شاى شربتها ف حياتى. ولا كمان القهوه بتظبط يومى. تسلم ايدك بجد. فتون: بفرحه. بألف هنا وعافيه. ثوانى انا هنزل 10 دقايق وراجعه. سليم: تحبى انزل معاكى. فتون: قلبها بيتمنى. لكن قالت. لا استريح انت. مش هتاخر. فاطمه: اتوضت ودخلت تصلى. فتون: دخلت الحمام وغسلت وشها وفرشت اسنانها. وقلبها بيضحك فرح. وخرجت. واخدت البطاقه. ونازله. سليم: فتون.فتون: وقفت. نعم ياسليم. سليم: قام وقف. وطلع فلوس. امسكى علشان تجيبى فطار. فتون: اتنهدت. وانا كنت دفعتلك تمن العصير الل بشربه ف بيتك؟ علشان تدفع تمن الفطار ف بيتى ياسليم؟ سليم: ضحك وهز راسه. انتى مش معقوله. عندك رد مقنع لأى حاجه. وحط الفلوس ف جيبه انا غلطان. أجرى بقى متتاخريش. وكترى طعميه ماشي. فتون: هههههههه من عيونى... سليم: بحب تسلم عيونك. فتون: نازله ع السلم بسعاده كبيره. وحاسه انها طايره.فتون: صباح الفل ياعم زينهم. زينهم: صباح الورد ع عيونك يافتون يابنتى. وشك ولا وش القمر. فتون: تسلم ياراجل ياطيب. بقولك ايه بقى. انا عايزه فول معلبات. وعايزه لانشون بس من النضيف. وكمان جبنه رومي. وزتون مخلل. وعلبة حلاوه صغيره. ومربى. زينهم: ومالو يابنتى بس انتى عازمه الحاره ع الحجات الحلوه دي فتون: ههههه لا ياعم زينهم. اصل الاستاذ سليم. انت عارفه الل بشتغل ف شركته دلوقتي. جه عشان عندنا شغل مهم.وانت عارف فطوم بقى. حلفت عليه أنه يفطر معانا. بس بينى وبينك. خايفه اجيب فول بايظ من عم قبارى. الراجل زوات. واخاف ياكله من هنا. ونطلع ع المستشفى من هنا. دول معدتهم ازاز مش قد فول حارتنا. هههههههه. زينهم: هههههههههه اه لو عمك قباري سمعك. بس ومالو. ضيفك يبقى ضيفنا ولازم نكرمه. ومتنسيش تسلميلى عليه. انا هجهزلك طلبك. ثوانى يابنتى.فتون: تعيش ياعم زينهم. انا هروح اجيب العيش. والطعميه. ع ما انت تجهز الطلبات. وجابت العيش. والفطار. وكمان حزمة جرجير. وطلعت بسرعه. ودخلت المطبخ. وجهزت الفطار بحب كبير. وتوتر اكتر. سليم: قاعد مع فاطمه. وبيضحكو مع بعض. لكن تركيزه كله مع فتون. فتون: خرجت حطت الصينيه ع تربيزة الانتريه. اتفضلو احلا فطار اهو. فاطمه: شافت الفطار. وابتسمت بحب كبير. اتفضل ياسليم يبنى.سليم: اممم ريحة الطعميه بتدخل ع القلب قبل العقل. بصراحه نفسي فيها من زمان جدا. فتون: قعدت قصاده. بألف هنا مقدما. بص بقى انا هعملك شوية سندوتشات وهتدعيلى. سليم: ههههههههه شوية سندوتشات مره واحده. يابنتى احنا لسه ع الصبح. قوليلى ف فطار ايه موجود. وانا هقولك تعملى ايه؟ فتون: قالتله ع كل حاجه. سليم: كل ده؟ بصي انا هاكل فول وطعميه وبس. ويلا بقى علشان اشرب الشاى ونروح الشركه كدا هنتاخر.فتون: تمام زى ما تحب. فتون: عملت سندوتشات وكانت مبسوطه جدا. وقدمتها ليه. سليم: بيفطر. وحاسس بشعور مختلف. وحب جو الدفا الل موجود بينهم. فاطمه: اخدت الأنسولين. وبتفطر. ومراقبه فرحة فتون. واتنهدت بقلق. ودعت إن احساسها يطلع غلط. بعد الفطار. فتون عملت الشاى. ودخلت لبست فستان رقيق. وخرجت. وودعو فاطمه.وفتون نزلت مع سليم وبتتمنى من قلبها. إن سليم يكون من نصيبها لانها خلاص مش عارفه تعيش من غير وجوده في حياتها. بعد فتره. غرفة الاجتماعات. سليم: شرح كل حاجه عن المشروع الجديد. خالد: بيشرح معاه. ومندمح ولكن جواه قلقان. فتون: قاعده. ومستمعه بطريقة سليم. وثقته بنفسه.مُهاب الوكيل: تمام ياباشمنهدس سليم. كل الل انت قولته ده جميل جدا. وده مش جديد ع سليم بدر الدين. ديما بيفاجئنا بمشاريع ليها ابعاد ومكسب مربح. وكمان البنود معقوله جدا. لكن انت مش شايف إن الشرط الجزائي كبير شويه؟ سليم: انا متشكر جدا يامُهاب باشا. وده طبعا من تواضع حضرتك انك تشوفنى بالكفاءه دى.وانا معاك تماماً إن الشرط الجزائي كبير. لكن انت لو بصيت للموضوع من وجهة نظري. هتلاقى انى جاد جدا ف عملى. ومش ناوى ع اى غدر. يعنى مفيش اى قلق بإنى هوقف المشروع. ولاى سبب كان. واظن مشروعى مربح جدا. يعنى خلال سنه واحده. الخير هيعم ع شركتنا. وشركة حضرتك. ده لو وافقت طبعا. او اى عميل موجود معانا. وبص للكل.انا مش عايز اعرف رد حضراتكم أو موافقتكم حاليا. فكرو كويس جدا. وانا واثق إن المشروع مش مؤهل للرفض ابدا. مصطفى هوارى: هز راسه. كلامك صحيح يامستر سليم. لكن عندى سؤال محيرنى. حضرتك صاحب اكبر شركات ف مصر. وحضرتك غنى عن التعريف. ليه مطلبتش من شريف بدر الدين. او عادل الشرقاوي. انهم يشاركو ف الاجتماع ده.؟ سليم: مصطفى باشا. انا ممكن ف لحظه واحده. اخلى اسم شركة خالد الشرقاوي فوووق جدا. بس هل ده صح؟انا عندى بدل الشركه اتنين وتلاته. وف حلول. كتير انى اكبر شركتنا الجديده دى. سواء من ناحيتى أو ناحية الشرقاوي. واحب اعرفك انى دخلت المجال ده تحت رعاية بدر الدين الله يرحمه. لكن انا حابب اكبر الشركه دى بالذات من الصفر. من غير وسايط ومجهود كداب. عايز تعبى وتعب مستر خالد يظهر ف الشركه دى. لازم نعتمد ع نفسنا ونشوف هل احنا نقدر نبنى نفسنا من اول وجديد ولا لأ؟الكل: قاعد. وهز راسه وبصو لبعض بإعجاب كبير من شخصية سليم عزيمته واصراره. رغم أنه كفيف. مُهاب: ابتسم. برافو يباشمهندس سليم. انا من أشد الناس إعجاباً بيك. ومن زمان جدا كنت بتمنى انى اشتغل معاك. سليم: هز راسه. شكرا جدا ع دعمك يامُهاب باشا. بعدها الاجتماع. والكل خارج من الاوضه. سليم: فتون. استنى عايزك. خالد: طيب ياجماعه انا هروح اوصلهم للاسانسير. وخارج وشاف مصطفى عينيه ع فتون.خير يا مصطفى باشا ف حاجه ناسيها؟ مصطفى: هز راسه انا عايزك ف موضوع اتفضل هكلمك فيه واحنا نازلين. فتون: قعدت مكانها. خير ياسليم. سليم: ثوانى وهتعرفى. ومد ايدو جمب الكرسي وجاب الشنطه. وفتحها وطلع منها علبه متغلفه. اتفضلى دى هديه بسيطه واتمنى انك تقبليها. فتون: بعدم فهم. هديه؟ وايه المناسبه انك تجبلى هديه؟ سليم: لا إن كان ع المناسبه. ف كتير جدا. فتون: مسكت العلبه وبتبصلها باستغراب. وقالت. ايه هما بقى؟سليم: ابتسم. انهردا عيد ميلاد فريده. وكمان الشراكه الجديده. وانك ساعدتينى كتير. وغيرتى سليم ورجعتيه زى الاول. وحجات كتير جدا صدقينى. ومش لازم مناسبه علشان اجيبلك هديه. احم قصدى. إء، احم افتحيها ويارب تعجبك. فتون: بتعجب. اولا كل سنه ومدام فريده طيبه. ثانيا انا معملتش غير واجبى وبس. وثالثا. انا اسفه جدا انا مش هقدر اقبلها. سليم: بزعل. طيب افتحيها مش يمكن تعجبك.فتون: قامت. انا اسفه يا باشمهندس سليم. وياريت متزعلش منى انا مش هقدر اقبل هديه بالشكل ده. بعد اذنك. انا هروح اشوف مي. وخرجت وجواها متلخبط ومش عارفه تفرح ولا تتدايق. سليم: مسك العلبه واتنهد. وقال. فرق شاسع بين رهف وفتون. بس انا بجد حابب اقدملك كل حاجه. ونفخ بديق. هي شكلها زعلت. طيب هي فهمت ايييه؟ بعد شويه. ف مكتب سليم. خالد: دخل بتوتر. وقال سليم انا كنت عايز اخد رأيك ف حاجه؟سليم: حاجة ايه؟ ومال صوتك. حصل ايه؟ خالد: بلع ريقه بتوتر وقال. اصل بصراحه. مصطفى هوارى. كلمنى وطلب مني... سليم: متتكلم ياخالد. طلب منك ايه؟ مش عاجبه المشروع ف مليون غيرو. وانا مش قلقان. خالد: طلب منى عنوان فتون علشان يتقدملها مي: كله تمام يا انسه فتون؟ فتون: بتكتب الملف ع طريقة برايل. وقالت خلاص اهو. اخر سطر. مي: بصراحه الله يكون ف عونك. دي صعبه اوى. بس انتى شاطره جدا ماشاء الله عليكي. بتكتبي بسرعه.فتون: ههههه قلبى تسلمى يامي انا اتعودت ع كدا. وببقى مبسوطه جدا. وادينا خلصنا اهو. اروح بقى للباشمهندش سليم. واقدمله الملف يقراه ع رواق. مي: ماشي ياحبيبتى. فتون: اخدت الملف. رايحه ع مكتب سليم... سليم: قام وقف بغضب. انت بتقول ايه ياخالد انت اكيد اتجننت. عنوان اييييه الل ياخدو. واوعا تكون عملتها ياخالد. صدقنى اهد الشركه ع الل فيها.خالد: جواه قال. زي ما توقعت. لازم بقى تعترف ياعم سليم. كفايه حب صامت لحد كدا. وقال بمكر. اهدى ياسليم. مالك اتعصبت كدا ليه. وبعدين هي فتون من بقيت عيلتك؟ وبعدين فتون ماشاء الله عليها. اى حد يتمنى انه يرتبط بيها. وإن مكنش مصطفى. ف اكيد هيجى يوم وفتون تتجوز.سليم: بغضب. قرب من خالد ومسك ياقة قميصه. عارف انت لو مكنتش صحبى انا كان هيبقى ليا تصرف تانى معاك. ومصطفى ده رجله متهوبش ناحية الشركه دى تانى فاهم ولا لأ.؟ خالد: ابتسم بخبث. ليه ياسليم؟ وايه اعتراضك ف إن مصطفى يرتبط بيها؟ سليم: نزل ايديه. ولف ضهرو. وهرب من الاجابه وسكت... خالد: لف ليه. اقولك انا السبب الل بتهرب منه. وخايف تعترف بيه حتى لنفسك؟ فتون: قربت من المكتب ولسه هتفتح الباب سمعت سليم بيقول،!سليم: بجمود وزعق. مفيش اى سبب. وانا مش مضطر اجاوبك ع اي سؤال. خالد: زعق لأ ف سبب ياسليم. في إنك بتحب فتون ومش قادر تعترف بكده. بس لحد امتى؟ لحد امتى هتفضل كدا. لحد امتى هتخلى حبك ف العتمه.؟ اعترف ياسليم. اعترف قدامى. وقدام الناس كلها إنك بتحب فتون ومن زمان جدا كمان. اوعى تكون مفكر انى مش عارف. انا واخد بالى اوى من يوم ما شريف خبط فتون بالعربيه. وانت هتتجنن عليها.ولما عرفت منى بالل عمله علاء معاها. كنت عايز تروح وتقتل علاء. ولما فتون بتغيب عنك يوم بتحس بفرق كبير وتنكد ع كل الل ف البيت. وكمان اكبر دليل انك بتعشق فتون. انك جبتها معاك الشركه. بحجة أنها تقرالك الملفات. وزعق اكتر اعترف. هتفضل ساكت لحد ما غيرك ياخدها منك. انت ازاى جبان كداااا. سليم: وصل لقمة غضبه. وزعق بصوته كله. انا مش جباااان. وايوووه انا بحب فتووون. بحبها استريحت؟ بحبها واكتر من نفسي كمان.بعشق صوتها يا اخى. واه مقدرش اعيش من غيرها يوم واحد. فتون دى عينيه الل بشوف بيها. هي النور ف وسط الضلمه الل محوطانى. فتون مش زى اى بنت. فتون دى استثنائيه فعلا زى ما انت قولت. بس اكيد هي بتعاملنى كويس علشان صعبان عليها لكن استحاله انها تحب واحد اعمى زي. ايوووه فتون مبتحبنيش. هي بس شايفانى مجرد حاله بتساعدها. انا مستعد افضل جمبها عمرى كله بس هي ترضي. وكمل بوجع. بس تفتكر هي هترضى؟ وهز راسه لأ مش هتوافق.وهي ايه الل هيجبرها انها تعيش مع واحد عاجز واعمى. استحاله اعترف ليها واستحاله اعترف للناس ياخالد. فتون دى حلم جميل اوى. انا عايش بيه. تعرف ياخالد إن صوتها بس بيدب فيا الروح من تانى. فتون الوحيده الل بتفهم وبتحس سليم عايز ايه. ومحتاج يسمع ايه. فتون دى ملاكى الل مرافق حياتى. انا بحبها. بعشق طيفها.انا موافق انها تكون جمبى ف الشغل ف البيت ف اى مكان زى ما هي. لكن عمرى ما هسمح انها تعيش معايه شفقه وانى صعبان عليها. انا كدا هكون بظلمها معايا. وهي استحاله تحب واحد اعمى استحاله. خالد: مسكه من كتافه وزعق. وانت ايه الل عرفك انها هتعيش معاك شفقه هاا؟ مش يمكن هي كمان تكون بتحبك؟ انت سألتها بنفسك قبل ما تحكم عليها؟ انت ليه بتظلم نفسك؟ وبتظلمها معاك؟ ليه حكمت ع حبك بالاعدام قبل ما يطلع للنور؟انت لازم تعترف ل فتون. لازم تقولها انك عايزها تكون شريكة حياتك. لازم. وتشوف قرارها ايه. مش يمكن هي توافق. وليه شايف انها بتشفق عليك؟ سليم: بإحباط. هز راسه بيأس لأ استحاله اخليها تعيش معايه شفقه انا كدا بظلمها. خالد: بغيظ. انت غبببى. وهتشفق عليك ليييييه؟ ناقصك ايه علشان تشوف نفسك عاجز؟ انت سليم بدر الدين واى واحده تتمناك ياسليم افهمممم.سليم: عينيه لمعت بدموع. وانا مش عايز غيرها. لكن أنا موافق انى احبها واعشقها ف صمت. ارجوك ياخالد. اوعدنى. اوعدنى بحق الصداقه الل بينا. إنك متقولش لأى حد. فتون أو حنين. اروجوك. وخلينى عايش ف الإحساس ده. عشان خاطر سليم صحبك. خالد: غمض عينيه بنفاذ صبر واتنهد بوجع كبير ع صاحبه. وهز راسه. وقال. أنا مقدرش اوعدك بأى حاجه. انا ماشي. واتحرك.فتون: واقفه. وبتسمع سليم. وقلبها بيدق بمشاعر حب. وفرحت جداااا وبتضحك بدموع من اعتراف سليم. لكن بعدها. عيطت بوجع وهزت راسها لأ لأ ياسليم. عمرى ماشوفتك عاجز ابدا. انا حقيقى بحبك. ومقدرش اعيش من غيرك. انت عمرك ما كنت حاله بالنسبالى ابداا. وسمعت كلامه للآخر. وحست بوجعه. وزعلت علشانه. وسمعت خالد انه ماشى جريت واستخبت جمب المكتب الل بره. لحد ما خالد يمشي. وخافت أنه يشوفها بالشكل ده.خالد: ساب سليم. وفتح الباب وقفله بقوه وخرج وهو مخنوق من غباء صاحبه. سليم: غمض عينيه بغضب. وثار وكسر كل حاجه موجوده ع المكتب. وقال بغضب. انا لايمكن اتحمل نظرة الشفقه منها. انا لا يمكن اعيش ف الوهم. انا بحبهاااا. بعشقها. بس هي استحااااله تحبك. ايوه ياسليم انت اعمى فاااهم انت عااااااجز. فتون من المستحيل انها تحبك. فتون: فتحت باب المكتب بقوه. وقالت. بس انا بحبك ياسليم.!سليم: انتبه بصدمه. وواقف بينهج. وعينيه مفتوحه ع الاخر. ومش مصدق الل سمعه. فتون: قلبها بيدق بسرعه وغيظ كبير. من أنه ازاى متأكد انها مبتحبوش. وعقلها بقى مغيب تماما. وقلبها الل اتحكم فيها. وخلاها ف الوقت ده تتصرف بدون اي وعي. وفتحت الباب ودخلت بغيظ كبير. فتون: وقفت قدامه. انت بأى وجه حق تحكم عليا انى شيفاك حاله؟ وازاى متأكد انى ببصلك شفقه.؟ انت اصلا ازاى شايف نفسك عاجز. هااا؟انت بتتكلم وبكل ثقه انى مبحبكش. لأ ياسليم. انا بقولهالك اهو. انا بحبك. ومن زمان. سليم: واقف تايهه وبينهج. وعينيه تايهه واتملت دموع. وقلبه بيدق. وحاسس أنه مش قادر يتنفس. فتون: شافت حالة سليم. وصعب جدا عليها. وقربت منه وكملت بدموع سليم انا بحب سليم نفسه مش عينيه وبس؟ انت ليه سايب كل حواسك وماسك ف عينيك.؟ انا حبيت قلب سليم حبيت بصيرته حبيت روحه حبيت اهتمامه الكبير.مشاعره. إحساسه صوته وكمان عينيه حبيت كل حاجه فيك. ليه قتلت كل جزء ف حياتك علشان جزء صغير زى ده. ليه ياسليم؟ ليه انت ضعيف بالشكل ده؟ ليه مش حاسس بقيمة نفسك؟ انا عمرى ما شوفتك عاجز ابداا. سليم ارجوك فكر بإيجابيه. سليم انا فتون الل انت بتحبها. انا هكون عينيك الل بتشوف بيها. انا هكون خيالك وضلك. انا عكازك ياسليم. وانت هتكون امانى وسندى وحمايتى. صدقنى انا مبحسش بقيمة نفسي غير لما بكون جمبك.سليم انا معرفش امتى اتغيرت كدا. انا متفاجئه بنفسي انى واقفه قدامك وبتكلم كدا. انا مش قادره اسكت. انا قلبى هو الل بيتكلم ومش عارفه اسيطر عليه. سليم أدى لمشاعرك فرصه. خليها تعيش. ارجوك ياسليم... سليم: واقف بينهج. وقال بجمود. لأ. رواية أحببت بصيرته للكاتبة مريم نصار الفصل الرابع والعشرون فريده: اتصلت ع فاطمه وردت. السلام عليكم ياحجه فاطمه. فاطمه: وعليكم السلام ورحمة الله. اذيك ياست يافريده. عامله ايه ياحبيبتى.؟ فريده: ابتسمت. الحمد لله بخير ياحبيبتى. انتى عامله ايه. طمنينى ع صحتك؟ فاطمه: نحمد الله على كل حال. والصحه عال العال احسن من غيرنا بكتير. فريده: الحمدلله ربنا يديكى الصحه والعافيه ديما. قوليلى انتى مش محتاجه لحاجه؟فاطمه: تعيشي ياست فريده. كفايه سؤالك عليا ع طول. دى عندى بالدنيا والله. فريده: انا من يوم ما عرفتك وربنا يعلم انا حبيتك قد ايه. واحنا اخوات قبل اى حاجه. وأمانه عليكى لو احتاجتى لحاجه انا موجوده. انا نفسي اقدم الل اقدر عليه وربنا يعلم أنها نابعه من المحبه. لكن انا عارفه فتون وعزة نفسها. دى معزبانى لما بتيجى هنا والله. مبتكملش كوباية العصير. يازين ماربيتى يافاطمه يختى.فاطمه: بفخر واعتزاز. فتون بنتى طول عمرها نفسها عفيفه. ولا عمرها تبص لل ف ايد غيرها ابدا. وانا بحمد ربنا عليها. دى ثروتى وكنزى الحقيقي. وتصدقى بالله يافريده يختى. فريده: بحب. لا اله إلا الله. فاطمه: عيونها لمعت بدموع. إن فتون بنتى. عمرها ماحرمتنى من اى حاجه ابدا. دى ضهرى وسندى وعزوتي. وبدعيلها ليل ونهار. وربي وقلبى راضيين عليها ليوم الدين.فريده: ابتسمت بحب. ربنا يخليهالك. ويحفظهالك من كل شر وسوء يارب. وربنا يعلم ان فتون ليها حب ف قلبى غير طبيعي. ربنا يحبب فيها خلقه يارب. فاطمه: تعيشي ياحبيبتى. ويباركلك ف سليم ابنك. ويرضي عليه. ويردله نور عينيه. ويفرح قلبك وحياتك يارب. فريده: ابتسمت بدموع. اللهم امين يارب العالمين. يارب يستجيب منك. أمانه عليكى ياحجه فاطمه. تدعي لسليم وانتى ساجده انه يردله بصره. قلبى وجعنى عليه اوى.فاطمه: بوجع. إن شاء الله ربنا يفرح قلبك برجوع نظره بالسلامه. ومن غير ما تقولى. انا بدعيله ليل ونهار. ده معزته هو وخالد من معزة فتون. ربنا يريح قلبك ياست فريده يارب. فريده: مسحت دموعها. وابتسمت امين. نستينى انا كنت متصله عليكى ليه. الكلام معاكى خدنى وليه طعم تانى ههههه. فاطمه: تعيشى ياحبيبتى. خير إن شاء الله. فريده: اسمعى يستى. والله الواحد مكسوف من الل هيقوله ده. بس ما علينا بقى.بصي انهردا عيد ميلادى. وبينى وبينك بقالى سنين كتير محتفلتش بيه. وبنساه. لكن انهردا اتفاجئت. ب شريف ابنى. ربنا يبارك فيه يارب. اتفق مع مصممين وبيجهزو ل بكره حفله صغيره كدا ف الفيلا. وقالى اعزمى الل انتى عايزاه. بينى وبينك اتكسفت وقولتله يبنى انا كبرت ع الكلام ده. عيد ميلاد ايه بس؟قالى احنا بقالنا فتره كبيره بنمر بظروف صعبه. ودى مناسبه حلوه. خلينا نفرح شويه. والله انا لحد دلوقتي مامصدقه إن شريف عمل كدا. ربنا يهديه يارب. فاطمه: ضحكت. ومالو ياست فريده. هو الفرح وحش. تعيشي وتفرحى يارب. ويكتر خيره الاستاذ شريف. ومتزعليهوش منك. الراجل يشكر ع اى حال. وكل سنه وانتى طيبه ياحبيبتى.فريده: وانتى طيبه ياحبيبتى. المهم بقى انتى عارفه إن بكره الجمعه وإجازة الولاد. هتشرفينى انتى وفتون بكره. ومتعمليش فيها غريبه وتيجى متأخر. فاطمه: والله ما انا عارفه اقولك ياست فريده. انا مش هينفع اجي اعذرينى ياحبيبتى. ومتزعليش منى. فريده: بتصميم. لا طبعا هزعل. وهزعل اوى كمان. انتى مش عايزه تشرفينى ف بيتى بقى ولا ايه. وكمان خلى فتون تغير جو وتفرح.فاطمه: بحيره. والله مانا عارفه. وكمان احنا منقدرش ع زعلك. طيب بصي سيبيها بظروفها. لما ترجع تونا بالسلامه انا هقولها. فريده: تمام. وانا كمان هتصل عليها. وهستناكى. وكمان حنين ووالدتها هيكونو موجودين. فاطمه: ماشي ياحبيبتى ربنا يجعل الفرح ع باب بيتك ديما. فريده: بحب. انا وانتى والناس كلها إن شاء الله. مع السلامه ياحبيبتي. فاطمه: بحب مع الف سلامه ياحبيبتي. ف شركة سليم وخالد.خالد: ماشي ومش شايف قدامه. وبينفخ بغيظ. الواد ده هيفضل غبى كدا ع طول. انا مش عارف اعمل معاه ايه؟ وخبط ف مي بالغلط. اوووف حسبى يامي انتى كمان. مش شايفه قدامك؟ مي: بحرج. انا اسفه جدا يامستر خالد. انا كنت ماشيه وبراجع اسماء العملا. خالد: اتنهد بتعب. طيب طيب. خلاص. روحي انتى. اسمعى الانسه فتون فين؟ مي: انسه فتون عند مستر سليم يافندم. خالد: بدهشه. انتى بتقولى ايه؟ لأ هي مش هناك. انا لسه خارج من عندو حالا.مي: بعدم فهم. لا حضرتك. هي جهزت الملف. وقالت إنها رايحه مكتب مستر سليم وراحت من حوالى 10 دقايق كمان. خالد: فتح عينيه بصدمه. وقال معقول تكون فتون،!؟ مي: بتعدل النضاره. ف حاجه يامستر خالد؟ خالد: مردش عليها وسابها. ورجع بسرعه ع مكتب سليم. مي: بعدم فهم. مستر خالد ده غريب جدا. فتون: سليم أدى لمشاعرك فرصه. خليها تعيش. ارجوك ياسليم...سليم: واقف بينهج. وقال بجمود. لأ. لأ انا استحاله ادخل ف تجربه وعارف ومتأكد انها هتفشل. انتى اكيد مش ف وعيك. انتى لو فكرتى كويس. هتلاقى نفسك هتخسري. وهتخسري كتير اوى كمان. فتون: بوجع. انت بتحكم ع الأمور من وجهة نظرك انت. لكن انا واثقه انى عمرى ما هخسر وانا معاك. انت ليه باليأس ده؟ ليه ديما بتفكر في السئ ديما.سليم: بينهج بصوت عالى. ومش عارف يعمل ايه. هو بيحلم؟ لأ اكيد انا بحلم. لالا هي بتكدب. انا بس صعبان عليها. وزعق. وبعديييين ايييه الل يحصلللل بعد كدااااااا؟ تظلمييي نفسسسسك وتتجوزي واحد اعمى لييييه؟ تتجوزى واحد مش عارف يعيشك زى اى بنت تانيه؟ واحد مش هيقدر يديكى كل حقوقك ف الحياه؟ واحد مش هيقدر ياخد باله منك ومن لبسك.؟واحد مش هيقدر يشوف جمالك ولا يغازلك. واحد هيبقى عبء كبير عليكى وهيدمرك نفسيا. الناس هتبصلك بشفقه اكتر منننني. اى واحده عايزه تخرج وتتفسح. عايزه تعيش حياتها. عايزه تفرح وتكون فخوره بالإنسان الل معاها. انما بقى انتى الل يسالك. هو جوزك اعمى؟ هو جوزك مش بيشوف؟ هو، وسكت وبينهج. خالد: وصل بسرعه وسمع سليم بيزعق وصوته عالى. واندهش بزهول معقول فتون سمعت كل حاجه!؟ فتون: زعقت. انت كل حاجه تقولى الناس؟انت عامل اهتمام كبير للناس اكتر من حياتك نفسها؟ وطول ما انت حاطط كلام الناس قدامك عمرك ما هتتغير. وعمرك هتشوف نفسك عاجز. لان العجز؟ عجز تفكير. وعمرك ماهتخطى خطوه ل قدام. فين شغفك. فين عزيمتك. انت ليه سلبى كدا؟ وانت يعنى متقدرتش تفسحنى وتخرجنى. شايفها صعبه اوى؟ ماشي انا مش عايزه اتفسح مش عايزه أخرج.ناس كتير جدا مكفوفين متجوزين وعايشين حياتهم ومبسوطين. وبتمارس حياتهم طبيعى جدا. بيشتغلو وبينتجو. وبيسافرو. وبياخدو بطولات كمان. وف منهم شعراء. ودكاتره. ومخترعين. وكمان كتير جدا حافظين القرآن كاملاً. زيهم زي اى واحد بيشوف واحسن كمان. انت ليه ديما عايش ف دايرة العجز والشفقه. وكملت بدموع، ليه بعد ما خلتنى افرح باعترافك ل خالد انك بتحبني؟ خلتنى انزل ل سابع ارض بخذلانك ليا.انا ايه الل هيجبرنى انى اكمل معاك شفقه؟ مفيش واحده هتضحى بنفسها لمجرد خيال مريض ف عقلك. انا عمري ما حد أجبرنى ع حاجه؟ انا لو عملت حاجه بعملها من دماغى لانى مقتنعه بيها. وانا مقتنعه بيك تماما. سليم: غمض عينيه بوجع كبير جدا. وبيسمعها وبيتمنى انها تكون ديما معاه. لكن بردو جواه رفض كبير ومش عايز يخسرها. مش قادر يحدد هو عايز ايه؟ وساكت ومردش ع كلامها... فتون: سليم رد عليا...سليم: عيونه لمعت بدموع. وقال بوجع. معنديش حاجه اقولها... فتون: اتصدمت. وقالت بغضب. انا انهردا فعلا اقتنعت انك اعمى. انت مش أعمى البصر! لأ. انت اعمى القلب والاحساس والبصيره. وسابته وخرجت. ودموعها نازله زى المطر. خالد: شاف فتون خارجه وبتعيط. وماشيه ف وشها بسرعه. بتفكير كان هينادى عليها لكن رجع ف قراره بسرعه. وبص ع سليم الل واقف ف نص المكتب. وقابض ع أيديه وبينهج بسرعه.واتنهد بزعل حقيقي. وقال جواه. ليه كدا ياسليم. ليييه؟ ليييه؟ هو الواحد هيعيش كام مره. ضعيتها من ايدك ليه وسابه وراح ع مكتبه ومخنوق منه جداااا. سليم: واقف بينهج. وحاسس أنه تايهه مش عارف يفكر. مش عارف ياخد قرار. واتحرك ببطء. وقعد ع كرسي المكتب بتعب شديد. وغمض عينيه وحط راسه بين ايديه بإحباط كبير. وقال.انا مش عايز شفقه منك انتى بالذات يافتون. مش عايزك تندمى ع قرارك ده بعد كده. انتى لو استحملتى واحد ضرير شهر. شهرين سنه بالكتير. هيجى يوم وتتخنقى. هيجى يوم وتقولى انا تعبت ومش قادره اكمل. ساعتها هيبقى قمة الخذلان. ساعتها يبقى سليم أتدمر تماما. خالد: واقف ف المكتب وباصص من الشباك. وشاف.فتون خارجه من الشركه بسرعه. وبتشاور ل تاكسي وركبت ومشيت. واتنهد بزعل. وقال لازم تعمل حاجه ياخالد. لازم تتصرف. بس ازاى؟ ازاى؟ فونه رن وكانت فريده ورد بتعب الو. فريده: ايوه ياخالد ياحبيبى عامل ايه انهردا. خالد: هز راسه تمام. فريده: طمنى الاجتماع تم ع خير؟ مع انى واثقه فيك انت وسليم. وبتصل عليه مبيردش قولت تلاقيه مشغول ولا حاجه. خالد: اتنهد بتعب. امم كل حاجه تمام. وسليم تلاقيه مخدش باله بس.فريده: بتعجب. مالك ياخالد. صوتك مش عاجبنى... خالد: مش عارف يافيرى. كل نحاول نفرح. لازم تحصل حاجه تنسينا فرحتنا. انا بجد تعبت. فريده: بقلق. خير ياخالد؟ وايه الل حصل انت قلقتنى. خالد: سرح بيفكر. اعمل ايه؟ اقول لفريده ونفكر ف حل؟ ولا اسكت. انا مش عارف بجد عايز اساعده بأى طريقه. فريده: اله خالد يبنى انت روحت فين؟ انت كدا بتقلقنى اكتر. قولى ف ايه بالظبط؟خالد: فاق من أفكاره. انا معاكى. وقال انا هقولك سليم. اعترف أنه بيحب فتون. فريده: شهقت بفرحه. بجد ياخالد. سليم بنفسه الل قال كدا؟ طيب احكيلى قالك ايه؟ وازاى اعترف. ده احلى خبر انهردا. خالد: اهدى يافريده. الل حصل إن سليم، وقالها ع كل كلام سليم. ورد فعله. ورد فعل فتون. فريده: قامت وقفت بصدمه. انت بتقول ايه ياخالد؟ يعنى سليم بعد ما يعترف انه بيحبها. وفتون تعترف كمان. سليم ابنى يرفضها.لااا. لأ سليم ابنى مش طبيعى ابداا. وكملت بدموع. انا مش فاهمه هو بيعمل ف نفسه ليه كدا؟ ليه ديما بيختار أنه يعذب نفسه بأيديه. ليه ديما بيحب يوجع قلبى عليه. بقرارته الغلط ديما. مره يقرر غلط لما اختار رهف ومش مرتاح معاها وباعته ف الاخر. ومره يختار صح. والبنت الل بتحبه بجد ومستعده انها تعمل اى حاجه علشانه. يقرر يرفضها. ليه ياسليم يبنى؟ ليه بتعمل ف نفسك وفيا كدا ليييه؟ وعيطت.خالد: نفخ بديق. الله يخليكى بطلى عياط انا بحكيلك عشان نفكر ونوصل لحل. احنا مش هنسيب سليم وهو بيضيع نفسه. ونتفرج عليه. فريده: مسحت دموعها. طيب انت بتفكر ف ايه دلوقتي. وياريت يكون عندك فكره. خالد: للأسف حاليا دماغى هتنفجر ومش عارف افكر. لكن هلاقى حل إن شاء الله. المهم اهدى انتى وقوليلى كنتى متصله ليه؟ فريده: بزعل. قالتله ع عيد الميلاد...خالد: بيسمعها. ومط شفايفه بتفكير. وقال يعنى بكره ف حفله ف الفيلا. أمممم. تمام. بعد شويه. سليم: لسه قاعد مكانه بتعب. وغرقان ف افكاره. والباب خبط. ومردش مي: بتخبط. واستغربت. وفتحت الباب مستر سليم. ممكن ادخل. سليم: انتبه. ومسح وشه بايديه. تعالى يا انسه مي. مي: دخلت. واتخضت. مش شكل المكتب. وكل حاجه كانت موجوده عليه. واقعه ع الأرض. وقالت بتوتر. مستر سليم حضرتك كويس.سليم: هز راسه بتعب. ايوه. انتى جايه ف حاجه؟ مي: احم. ايوه يافندم. حضرتك طلبت مني انى اسجل ارقام ملفات العملا. وانا جبت الملف لحضرتك. سليم: بعد اهتمام. مش وقته يامي. خلى الانسه فتون تراجع عليه. مي: بعدم فهم. انسه فتون؟ بس هي مشيت من بدرى يافندم... سليم: فتح عينيه بصدمه. ايييه؟ مشيت؟ عند فتون. فتون: طول الطريق ساكته ومصدومه. وقالت جواها انتى مخنوقه ليه؟ ماهو من ضمن الوجع يافتون.!وغمضت عينيها وحابسه دموعها لحد ما وصلت الحاره. وطلعت بسرعه و دخلت الشقه. وجريت ع الاوضه ورمت نفسها ع السرير وعيطت كتير. عيطت بوجع كبير. عيطت بندم لانها سمحت لنفسها انها تحب واحد اعمى القلب. وقالت بكسره. مش بايدى. الحب ده مش بايدي. فاطمه: سمعت صوت عياط فتون واتخضت. وخرجت من الاوضه بسرعه. وراحت لبنتها. بخوف كبير. بنتى. بنتى اسم الله عليكى ياقلب أمك. بتعيطى كدا ليه؟ايه الل حصل. وقعدت جمبها ع السرير. وقلبها بيدق بخوف. فتون. ريحي قلبى يابنتى ايه الل حصل. فتون: بتعيط بشهقات ووجع. وقالت كلام متقطع. وفاطمه مش فاهمه حاجه. فاطمه: قلبها وجعها. ع شكل فتون. وعيونها لمعت بدموع. يابنتى ف ايه.؟ انا مش فاهمه حاجه من الل انتى قولتيه. غير سليم وبس. ايه الل حصل. انتو خارجين من هنا الصبح والضحكه ع وشك انتى وهو ايه خِسر ف الاجتماع ولا ايه. والله مانا فاهمه حاجه.فتون: رفعت راسها. واترمت ف حضن امها. بعياط هيستيرى. واتكلمت بشهقات. سليم. سليم ياماما. انا خلاص تعبت. كل حاجه ماشيه ضدى. ولما قولت خلاص قلبك هيرتاح يافتون. وهتعيشى مبسوطه وهترجعلك ضحكتك زى زمان. بس شكل النصيب مش عايز كدا. ياماما. شكلى هفضل ف الوجع ده لحد ما اموت. انا تعبت والله العظيم تعبت. وعيطت بصوت عالى.فاطمه: بتسمعها. ودموعها نازله هي كمان. وشهقت بصدمه. بعد الشر عنك يانور عيني. ليه يابنتى بتقولى كدا.؟ ومن امتى ايمانك ضعيف بالشكل دا. فهمينى. وسليم دخله ايه. بكل ده. وبتمسد ع ضهرها. فتون: خرجت من حضنها. ومسحت دموعها. وبصت ل امها بحزن كبير. وقالت ماما انا محتجالك. محتاجه مساعدتك. انا محتاره وتعبانه. ومش عارفه اعمل ايه؟ اسمع كلام قلبى. ولا عقلى؟ امشي ف طريقى وأكمل. ولا ارجع لنقطة البدايه.فاطمه: هزت راسها بتفهم. وقالت بلوم. مدام قولتى اسمع كلام قلبى؟ يبقى الموضوع متعلق بالحب. انتى وقعتى ف حب سليم مش كدا يابنت بطنى.؟ فتون: بحرج كبير. نزلت عينيها ف الارض بدموع. غصب عني والله ياماما. انا معرفش ده حصل ازاى وامتى.؟ انا عمرى اسمع عن الحب لكن اول مره أعيشه. وعيطت بوجع. وسليم كمان طلع بيحبنى اوى ياماما. بيحبنى من غير مايشوفنى. حب قلب فتون. حب شخصيتى. حب كل حاجه فيا من غير مايعرف حتى شكلى.هو ده الحب الحقيقي ياماما. انى احب قلب الإنسان قبل شكله. احب شخصيته قبل لبسه. احب روحه مهما كانت ظروفه. سليم قال إنه بيحبنى اوى اوى ياماما. قال كلام جميل أوى عنى طلعنى ل سابع سما. وبعدها نزلنى لسابع ارض. سليم شايف انى ممكن أضحى بحياتى علشانه كنوع من الشفقه. وأنه حاله إنسانيه وصعبان عليا. سليم مفكر انى ممكن بعد شهر او سنه ابعد عنه لانى مش هستحمله. سليم شايف نفسه عاجز ياماما. ومش عايزنى جمبه.فاطمه: غمضت عينيها بوجع. والل كانت خايفه منه حصل. وقالت جواها. لييه؟ ليه يابنت بطنى ليييه؟ اخرتها تحبى واحد،! استغفر الله العظيم يارب. يااارب حلها من عندك. واتنهدت بزعل. وسكتت ومش عارفه تقول ايه. تزعق. ولا تقف جمب بنتها. فتون: مسحت دموعها. وبصت ع فاطمه. وفهمت رفضها من ملامحها. ومسكت ايدها بحب. وقالت انا بحب سليم اوى ياماما.بحب اشوف لهفته عليا. بحب اهتمامه الكبير بيا. بحب قلبه الطيب. بحب كل حاجه فيه. هو ليه حاسس انى ممكن أضحى بحياتى علشانه كنوع من الشفقه.؟ ماما أنا روحى ف سليم. قوليلى اعمل ايه.؟ فاطمه: اتنهدت بتعب. وقالت بحيره. فتون انا معاكى ف كل ده. ومتزعليش منى يانور عيني. اى أم عايزه ديما الاحسن لولادها. وانا محلتيش غيرك ياضنايا. بصي سليم كويس جدا ومحترم ومليون واحده تتنمناه. بس يابنتى ده مهما كان يعنى، وسكتت.فتون: بصتلها بدهشه. مهما كان ايه يا ماما؟ اعمى،!؟ تقصدىها مش كدا؟ انتى ياماما بتفكرى كدا؟ ده انا فتحت قلبى ليكى علشان واثقه انك هتقدرى مشاعرى انا وسليم تقومى انتى كمان تفكرى بالطريقه دي؟ لا ياماما سليم عمرو ما كان عاجز ابدا. العجز عجز اراده وقلب وتفكير. لكن سليم عندو أراده وعندو قلب كبير كمان.وبعدين. ده قدر ومكتوب. افرضي كنت قابلت سليم قبل الحادثه. واتجوزنا. وبعد جوازى منه بشهر عمل الحادثه دى. وبقى زى ما هو دلوقتي. كان ده هيبقى نفس تفكيرك دلوقتي. تتوقعى منى انى ممكن اسيبه؟ كنت هتخلى عنه؟ طبعا لأ. والف لأ. انا متجوزتش عينيه ياماما. الل بيحب حد بيحبه كله ع بعضه بعيوبه قبل مميزاته. هي شيله واحده. يابتشليها كلها زى ما هي. يا بتسبيها لل يستاهلها. طيب تقدرى تقوليلى اخدت ايه من حسن الل بيشوف؟ولا علاء ولا طلعت؟ تقدرى تقوليلى كان ناقصهم ايه؟ اقولك انا ناقصهم ايه؟ ناقصهم مشاعر وناقصهم قلب ونخوه وشهامه. هما بيشوفو بيعينهم صح! لكن قلبهم معمى. انا بحب سليم لقلبه لبيصيرته. مش ل عينيه وبس. عيونه ده جزء صغير جدا من سليم. وقامت وقفت بقوه ومسحت دموعها بتحدى كبير. وقالت. واستحاله اتخلى عن سليم علشان عينيه. انا عايزه اكون عينيه الل بيشوف بيها. عايزه اكون ضله ياماما. سليم محتاجلى.فاطمه: بتفكر بسرعه. وخافت من رد فعل بنتها. هي كلامها صح. فعلا هي شيله واحده بحلوها ومُرها. وكمان سليم مش وحش. كفايه طيبته وحنيته. كفايه بيعتبرنى امه. وانا كمان حبيته زى ابنى واكتر. وكمان شافت العند ف عيون بنتها وعرفت انها مش هتتنازل عن حقها. ايوه حقها خلاص. الاعتراف ده عقد بينهم دلوقتي. وخافت ترفض تخسر بنتها. لكن جواها رافض الفكره مهما كان سليم. بس مضطره لحد ما ربنا يفرجها بحل من عندو.واتنهدت وقالت بأسف حقك عليا يابنتى انا مقصدش والله بس انتى مسيرك ف يوم تكونى أم وتحسي احساسي انك عايزه الأحسن لولادك. انا مش معترضه ع سليم نفسه. سليم راجل ودى تكفى. بس هنعمل ايه يابنتى إذا كان هو رافض قُربك... فتون: بجديه. لأ ياماما هو مش رافض. هو خايف. وبصت لقدام. وقالت. وهنشوف الخوف ده هيفضل جواك لحد امتى ياسليم!؟ بعد فتره. ف شركة سليم وخالد.خالد: قاعد ف المكتب. وفونه رن وابتسم بحب. ورد. قلبى الل حاسس بيا. كنت هتصل عليكى حالا ياقلبى. حنين: هههه استاذ ورئيس قسم ف الكلام. خالد: ازعل والله. ده انا حمل وديع. وغلبان ويتيم. وعايز حنان. حنين: نعممممم حنان مين دى؟ خالد: ابو فصلانك ياشيخه. حنان. حنااان من بتاع زمان هههههههه. حنين: كتمت الضحكه. بقولك ايه ياخالد اتمسى وقول يامسا. اشطا؟خالد: بدهشه اشطا؟ ومالو ياكبير. قشطه وعسل ومهلبيه. احنا ورانا حاجه غير الاكل ههههههههه حنين: هههههههه اه والله ع رأيك. انا جعانه اوى. خالد: طيب مااكلتيش ليه. نوجا حبيبتى حرماكى من الاكل. حنين: قالت بمكر. ابدا. انا بس بفكر ناس كدا كانت وعدانى بعزومه ع الغدا. بقالها شهر بترتب ليها. خالد: اممم دا انا ده. ههههه. معلش ياحبيبتى. انتى عارفه انى كنت مشغول الفتره الل فاتت دى.الشركه واقعه ولازم نوقفها ع رجليها من تانى. ادعيلي ياحنين. انهارده كان اهم يوم. مشروع سليم الجديد اتعرض انهردا ع اكبر رجال الأعمال والمستثمرين في مصر. ولسه وهيردو علينا بعد اسبوع إن شاء الله. حنين: غمضت عينيها وبتدعي بقلبها. وقالت إن شاء الله ياخالد هتنجح وهتبقى اكبر رجل اعمال ف العالم كله. خالد: بحب. انا عايز اكون اكبر رجل اعمال ف قلبك انتى. مش العالم. حنين: قلبها دق. وقالت برقه. احم خالد؟خالد: عيونه. حنين: بكسوف. احم طنط فريده اتصلت وعزمتنا بكره ع عيد ميلادها. وكنت عايزه انزل المول اشترى فستان وهديه. وشوية حجات كدا. خالد: عايزه فلوس. حنين: ههههه وبعدين معاك بقى. لا شكراً انا بقولك علشان اشوفك موافق ولا لأ. خالد: ياقلبى ده انا الل هختار الفستان بنفسي. ودى تفوتنى بردو. وقال بمكر انتى كلمتى فتون؟ حنين: قلبها مبسوط انها هتشوفه. وقالت لأ هكلمها بليل.خالد: بخبث. اله. يعنى فتون مش هتشترى فستان للحفله؟ اممم ولا اقولك ملناش دعوه. المهم قمرى انا يبقى ع سنجة 10 حنين: اتكسفت. لكن قالت. ايوه صح. صدق فكره انا هتصل ع فتون. وننزل نشترى فساتين شيك كدا للحفله. وانت حصلنا ع هناك خالد: ابتسم بنصر. ومالو يقلبى. المهم بقى شوفى فتون هتقولك ايه؟ وعرفينى. تمام. حنين: ماشي تمام. خالد: بت يانونا. قبل ماتقفلى مش هتقوليلى حاجه حلوه. حنين: سكر. خالد: بردو بحبك ياحنين.حنين: بكسوف احم انا. انا هقفل علشان اتصل ع فتون. خالد: ههههه بموت في كسوفك ده يابت. عموما يقلبى كلميها وعرفينى. وكلها دقايق واخلص شغل. وأسبقك ع المول. وقفلو. خالد: اتصل ع مي. ايوه يامي. الباشمهندس سليم فين؟ مي: الباشمهندس سليم خرج من حوالى ساعه يافندم. خالد: هز راسه. ماشي وقفل. وقال لما نشوف اخرتها. طبعا سليم. خاف من إن فتون تمشي ومترجعش ع الشركه تانى. وروح البيت بنخنقه ومردش ع اى حد بيكلمه.وحبس نفسه في اوضته ورافض انه يكلم حد. حتى الفون قفله. وقاعد طول الوقت ده ع الكرسي الهزاز. وبيعيد احداث اليوم. واعترافه بحبه الصامت اخيرا. وكمان اعتراف فاتنة قلبه. ومحتار وخايف جدا من اى خطوه ممكن ياخدها. خايف يوافق فتون متتحملش عاجزه ويخسرها للابد وخايف يرفض. تبعد عنه من دلوقتي. اما فتون. صلت فرضها. وقعدت ف اوضتها وحاضنه رجليها. ودموعها نازله بصمت. وبتفكر ف سليم. وحبها الل عايز يدفنه بأيديه.وحنين اتصلت عليها. وقلقت لما سمعت صوتها وسألتها كتير. لكن فتون رفضت انها تتكلم. وحنين اقترحت عليها أنهم ينزلو يشترو فساتين لحفلة بكره. ولازم يبقو مميزين. وفتون بعد تفكير وافقت. وقامت لبست. وخرجت وراحت المول مع حنين. خالد: اطمن إن سليم ف البيت. وراح المول لحبيبته. واختار معاها فستان رقيق جدا. وكانو مبسوطين جدا. وف نفس الوقت زعلانين علشان فتون بتشترى بصمت كبير.حنين: سالت خالد ع فتون. وقالها هاقولك بعدين. فتون: اختارت فستان باللون الزهرى وكان جميل جدا عليها. وعجب حنين جدا. خالد: دفع حساب كل طلبات حنين. وكان هيدفع طلبات فتون. لكن طبعا فتون رفضت رفض قاطع. وخالد اخدهم بالعربيه. وعزمهم ع عصير. ووصل فتون اولا. وبعدها حنين. وخالد هزر مع حنين. وطول الطريق حكالها ع الل حصل وحنين زعلت جدا عليهم. وخالد وحنين اتفقوا أنهم لازم يساعدوهم بصمت.ووصلها لحد باب البيت. وسلم ع حماه وحماته. ومشي ع طول. وف انتظار مكالمة حنين. وجه الليل بوجعه ع سليم وفتون. وتعبو من كمية التفكير. واستسلمو للنوم لأنه ارحم بكتير. ويعتبر هروب من الواقع المرير. وعدت الليله ع ابطالنا. منهم الل نايم مبسوط. ومنهم الل نايم حزين جدا ودموعه ع خده. تانى يوم. فيلا بدر الدين.شريف: لابس بدله شيك جدا. وبيشرف ع كل حاجه. وشاف فريده. خارجه من المطبخ. وراح عليها. ايه ياست الكل. انتى لسه مالبستيش؟ وف المطبخ بتعملى إيه؟ فريده: ابتسمت بتمثيل. ابدا اصل عزيزه ف الجنينه. وانا كنت بعمل العصير وبجهزو علشان الضيوف. انا طالعه البس حالا. شريف: طيب ياريت متتعبيش نفسك. الشغالين هيعملو كل حاجه... ومالك بس انا طول اليوم ملاحظ انك مش طبيعيه زى ما يكون ف حاجه مزعلاكى.فريده: بدموع. ابدا يبنى مافيش حاجه. شريف: شاف دموعها. وقرب منها ومسحها بأيديه. ابدا ودموعك نازله؟ طيب ازاى ممكن تقنعينى؟ فريده: بحيره. بصت ل شريف. انا مابقتش عارفه حاجه. ولا فاهمه حاجه. انت ع طول جد ف كل حاجه بس ومن امبارح حساك متغير ومبسوط وده يفرحنى طبعا. وعايز تراضينى وعملتلى حفله كبيره.ومن ناحيه تانيه. سليم الل كان مبسوط وفرحان ورجع للحياه يفرح من تانى. من امبارح حابس نفسه ف اوضته. ومش عايز يكلم حد. شريف: بعدم فهم. ايه ده؟ هو سليم لسه فوق. متقلقيش تلاقيه بس مركز ف مشروعه الجديد. انا هطلع دلوقتي. واخليه يلبس وينزل الضيوف خلاص كلها دقايق ويوصلوا. فريده: بلهفه وخوف. لأ ياشريف. بلاش الله يخليك يبنى بلاش تطلع ل سليم.شريف: كشر عينيه هو ايه الل بلاش. ممكن تفهمينى. وسليم حصل معاه حاجه وانتى مخبيا عليا.؟ فريده: حطت ايديها على وشها وعيطت. شريف: بدهشه. اله. انتى بتعيطى. ده الموضوع كبير بقى. تعالى. تعالى اقعدى هنا واهدى كدا وفهمينى. فريده: قعدت ع الكرسي. وبتمسح دموعها. شريف: ثانيه واحده هجبلك عصير. وراح ع المطبخ بسرعه. فريده: بتعيط وخافت شريف يطلع. وسليم يتجنن ويتنرفز. ونفسها شريف يساعد سليم.شريف: جه. اتفضلى اشربى العصير ده واهدى كدا وفهمينى كل حاجه ع مهلك. فريده: هزت راسها لأ يبنى. ماليش نفس. شريف: لو سمحتى لو بتعتبرينى ابنك اتفضلى اشربى. واهدى. وكل حاجه وليها حل.فريده: اخدت العصير. وبتشرب. وقالت اسمعنى ياشريف يبنى. انا عارفه انك من زمان ان شخصيتك جاده جدا. ويمكن ده من بعد وفاة والدتك الله يرحمها. وعارفه كمان انك اتولدت ف الفيلا دى. يعنى ماعشتش عيشة الفقرا. لكن انا عشتها. وصدقنى يبنى مش كل الفقرا طماعين. ولا كل الأغنيا ولاد اصول. الدنيا زى ما فيها خير فيها شر. والدنيا وجهين لعمله واحده. يعنى الإنسان هو انسان لكن الظروف هي الل بتحكم عليه. ومش كل الناس طماعه وانانيه ياحبيبى.شريف: انا مش فاهم ايه كل الكلام الل حضرتك قولتيه ده لزمته ايه؟ وانا عارف إن الدنيا دى فيها خير وشر. لكن ايه علاقته إنك بتعيطى دلوقتي.؟ فريده: علاقته إني لما كلمتك عن مشاعر سليم ابنى بفتون. أنت رفضت من البدايه. رفضت علشان فتون فقيره. رفضت علشان حكمت عليها انها عايزه تنهب ثروة اخوك.لكن لأ يبنى لأ صدقنى. فتون مش كدا ابدا. فتون دى مفيش زيها. انا ست واعرف الست الل قدامى. انا جربت عيشة الفقر وكان عندى نفس عزة النفس دى. انا شايفه نفسي ف فتون. وهي استحاله تكون زى ما انت فاكر. شريف: طيب ممكن تهدى. انتى فعلا كلمتينى وبعدها قولتى أنه مجرد احساس مش اكتر. وا... فريده: قاطعته. والإحساس اتحول ليقين يبنى. سليم ابنى بيحب فتون. بيحبها اوى. وكمان هي بتحبه. شريف: سكت ومردش...فريده: سابت كوباية العصير. ومسكت ايدو. اسمع يابنى. سليم لما حصلت مشكله معاك من كام سنه ف المينا. راح وقلب الدنيا عشانك. ومخافش من البلطجيه الل حاوطوه وربك هو الل نجاه. وقبل ما ابوه يموت صمم انه يتعالج ف بيته. علشان مايتبهدلش. واخدو غصب عن الدكاتره. ولما خطب رهف. انا كنت رافضه وخطبها. وانت عارف أنه لما بيعوز يعمل حاجه بيعملها حتى لو هيحصل مشاكل.يعنى لو عايز يتجوز فتون. هيتجوزها. حتى لو مين رفض. مدام قرر يبقى هينفذ. بس مدام قراره المرادي صح. ليه نعمل مشاكل بسبب حجات بسيطه الفلوس مش كل حاجه. اهي رهف غنيه عملت ايه؟ باعته ف اول ازمه. شريف: بصلها. كملى سامعك للآخر فريده: بحزن. دلوقتي سليم بيحب فتون. لكن سليم رافض إن فتون تكون معاه. يعنى هو دلوقتي تعبان ومش عارف ياخد قرار. شايف انها بتحبه شفقه وصعبان عليها حالته.وده صعب ع اى أم تشوف ابنها عايش ف صراع ومش عارف يعمل ايه؟ واجبك انت ياشريف يبنى. تلطف وتقف جمب اخوك. وتشجعه أنه يقرب منها. دى بنت حلال صدقنى... شريف: بيسمعها. وابتسم وربت ع ايدها. وقال. انتى قولتى كل الكلام ده قلقآ منى مش كدا؟ لكن صدقينى أنا كنت بفكر ف مصلحته مش اكتر. وبما أنه مقتنع انه بيحبها وعايزها. ف ليه لأ. ده انا كمان اروح اخطبهالو بنفسي.وانسه فتون ف الفتره الاخيره أثبتت نفسها. وفعلا غيرت سليم للأفضل. وخصوصاً إن سليم رجع للشغل من تانى... فريده: شهقت بفرحه. يعنى انت مش معترض ع فتون ياشريف؟ شريف: ههههههه لا طبعا مش معترض. ودى حياته واهم حاجه يكون مبسوط. لكن سيبيه يفكر وياخد قراره. وانا متأكد أنه هيختار صح. فريده: قامت بسعاده. ريحت قلبى ربنا يريح قلبك ياحبيبى يارب.شريف: ابتسم. انهردا هنحتفل بعيد ميلادك. يعنى اى طلب هتطلبيه هيتحقق. متقلقيش كل حاجه هتبقى تمام. فريده: ضحكت بسعاده. انا والله مامصدقه إن شريف بيتكلم كدا ويضحك كمان وافق ع طول. انا مبسوطه اوى. شريف: ليه بس انا بضحك كتير جدا والله بس انتى مش واخده بالك هههههههه. اتفضلى اطلعى بقى ألبسى. نص ساعه والحفله تبدء. وانا هطلع ل سليم. ف نفس الوقت. عند فتون.فتون: خارجه من الحمام بعد ما اخدت دش. وشافت فاطمه قاعده مكانها وسرحانه. وقالت ماما انتى لسه مالبستيش؟ احنا متأخرين. فاطمه: انتبهت و استغربت فتون انها مش زعلانه ولا حاجه. وقالت بصراحه انا مش عايزه اروح.فتون: بعدم فهم. ليه بس يابطه. مدام فريده قدرتك واتصلت عليكى. وكمان اتصلت من شويه وقالت إنها بعتت طاهر السواق يوصلنا لحد باب بيتهم. نزعلها ليه بس؟ قومى كدا ادخلى ألبسى وظبطى نفسك. وسيبى الخِمار الماليزي انا هظبطهولك. فاطمه: اتنهدت بتعب. والله مانا عارفه اقولك ايه. احنا لا بتوع حفلات ولا الكلام ده.فتون: معلش ياحبيبتى. احنا هنروح هي ساعة زمن وهنرجع ع طول. وبعدين مامت حنين رايحه هي كمان. غيرى جو كدا وافرحي يلا قومى معايه. فاطمه: قامت بديق مكبت. طيب متنسيش تاخدى معاكى حباية الضغط. اصله شكله عالى عليا من امبارح. فتون: حاضر ياحبيبتى. وكمان هنعدى ع الصيدليه ونقيس الضغط هناك ونطمن.فاطمه: دخلت تلبس. وجواها خايفه وبتفكر ف بكره. وبتتمنى إن بنتها تبعد عن سليم. وكمان ضميرها مأنبها من ناحية سليم. بس هي أم. واتنهدت بتعب. انا لازم اصلى الاستخاره. وربنا هو الل عالم بكره ف ايه. يااارب ريح قلب بنتى. ارزقها براجل يعرف قيمتها ويسعدها. اهم حاجه بنتى تعيش مبسوطه. وتعوض سنين الشقى والتعب الل عاشته.فتون: واقفه قدام المرايه. ولابسه الفستان الزهرى. وفردت شعرها. وفتحت عينيها شهقت بفرحه وقالت بسعاده. سليم؟ سليم: قرب منها واقف خلفها وحط ايدو ع كتفها وقال. ايوه سليم يافتون. سليم حبيبك؟ فتون: باصه ف المرايه. وعيونها لمعت بدموع. سليم انت شايفنى؟ سليم: ابتسم. طبعا شايفك وزى القمر. ولفها ليه. ومسح ودموعها. وقال... عيناكِ لم تخلقْ ليسكنها الأسى أبداً وليسَ بها البكاء يليقُ.وقال بحب. عيونك لوحدها فتنه ومش عايز اشوف دموعك دى تانى. فتون: ضحكت بدموع. انت. انت. شايفنى بجد؟ سليم انا عايزه اقولك انى بحبك اوى. خليك معايا. انا. انا مستعده اعيش ف اى مكان وزمان. وقالت بيقين ودموعها نازله. والكوخُ عِندي في جِوارِكِ جَنَّةٌ وَالقَصرُ دونَكِ كالفَضا المَهجورِ... سليم: رجع خصلة شعر ورا ودنها. وحط أيدو ع خدها. وقرب وباس جبينها. وقال بحب. فتبسمي إن الحياة جميلةٌ كالورد من شفتيك حين يفيقُ.فتون: مغمضه عينيها وقلبها هيطلع من مكانه من قرب سليم منها. ولما باسها من جبينها لأول مره. حست انها هيغمى عليها. وقالت بعتاب ولوم. اشتاقت إليك عجاف أنت يوسفها هلا رميت على العميان قمصانا سهوب عينيك جُب إذا رميت به أبيت إلا بقاء فيه ولهانا. وفتحت عينيها بحب. ومالقتش سليم قدامها. وبصت حواليها بدهشه. ورافعه ايد. وهمست سليم. ونزلت أيدها بإحباط كبير وغمضت عينيها. لانها كانت بتتخيل.واتنهدت بتعب. ومسحت دموعها. وبصت ف المرايه بوجع. ولمت شعرها. ولبست الحجاب. والجزمه واخدت الشنطه والهديه. وخرجت. راحت لفاطمه. فاطمه: اول ماشفتها. بسم الله ماشاء الله. الله اكبر عليكى. الله اكبر بجد عليكى. ربنا يحرسك من العين يانور عيني. فتون: ابتسمت بتمثيل. تسلمى ياماما. يلا عشان اساعدك ف لبس الخِمار.وساعدتها. وجابتلها الجزمه. وبتلبسها ليها. والباب خبط وكان. طاهر. ونزلو معاه. وقلب فتون سرحان ف تخيلها بسليم. خالد: لبس وجهز نفسه. واخد الهديه ونزل وراح ل حنين ياخدها معاه الحفله هي ومامتها. ودلوقتي. مستنيها ف العربيه. وبيبص ف الساعه. اووف أتأخرت لييه كل ده؟ حنين: نازله بسرعه. وشافته ف العربيه وابتسمت. وقربت منه وهو مش واخد باله. وخبطت ع الازاز.خالد: بص وشافها. وضحك بسعاده. وفتح الباب. وبصلها بإعجاب كبير. ايه يانونا ده؟ حنين: ابتسمت بحرج. ايه رايك عجبتك؟ خالد: عجبتينى بس؟ قولى سحرتينى. جننتينى. هابلتينى. وغمز يابخت الفستان. حنين: وشها جاب الوان. وضغطت ع شفايفها باحراج كبير. احم وبعدين معاك بقى. خالد: بحب مسك ايدها وباس عليها. حنين: بتلعثم. شدت أيدها بسرعه. اي، ايه ده. لأ لو سمحت. ما...خالد: قاطعها. مالك ياحنين؟ يابت دى بوسه ع ايدك بعبر بيها عن حبى ليكى. البنات دى غريبه عايزه كتالوج عشان الواحد يفهمها. حنين: بغيظ. مالهم بقى البنات إن شاء الله؟ خالد: الراجل مننا غلبان وع نياته. يبوس ع ايد حبيبته. وهي تشدها وتزعق. ومن جواها تلاقيها بتقول. هو ده اخرك بوسه ع الايد هههههههههههه. حنين: صكت ع أسنانها بغيظ مكبت. وخبطته بالشنطه. انت ازاى تفكر فينا كدا؟ لأ طبعا ف بنات محترمه كتير.خالد: ااه يامجنونه. حبيبى انا متزعليش. انا بنكشك بهزر معاكى يابت. ده انتى منشفاها عليا. المهم بقى سيبك من كل ده. هو انا قولتلك إن عينيكى دى بتخلى قلب خالد يحب الحياه. حنين: قلبها دق. ونزلت وشها ف الارض وبقى احمر جدا. وهزت راسها بحرج. لأ مقولتش. خالد: نفخ ومسح وشه بايديه. يااااربنا هحبك اكتر من كدا ايه؟ بموت ف امك. نجلاء: من وراه. بتقول حاجه ياخالد؟ حنين: اتخضت وكتمت الضحكه...خالد: لف بهزار. حماتى الجميله. نوجا حبيبتى. ايه القمر ده. لأ لأ لأ لأ انا قلبى كدا مش هيتحمل إن اتنين بالجمال ده يركبو معايا العربيه. نجلاء: هههههههه. ماشي ياخالد ياحبيبى هعديها المرادي. بس امسك نفسك ف الكلام لحد كتب الكتاب. ماشي ياحبيبى؟ خالد: كشر عينيه. وهز راسه. صدقى انتى صح. انا لازم اكلم عمى ف الموضوع ده.لأن بنتك مش سيبانى ف حالى. أقولها عيب ياحنين. ماينفعش تقولى بحبك ياخالد غير بعد كتب الكتاب. اعمل ايه بس؟ بنتك هتودينى النار. حنين: شهقت بصوت مهموس وحطت أيدها ع بوقها. بدهشه كبيره. وصكت ع أسنانها بغيظ. وبتهمس اناااا. انا الل مش سيباك ف حالك ياكدااااب، اااه ينااارى نجلاء: هههههههههه لأ ملهاش حق. وبعد الشر عنك من النار. انا بقول اخد منها الموبيل. ومتخرجش معاك تانى. علشان انا خايفه عليك منها ههههه.حنين: ابتسمت بنصر. هههههههه. استلم بقى. احسن. خالد: هرش ف قفاه. هي العيله دى محدش يهزر معاها ابدا. يلا علشان منتاخرش ونكمل كلامنا ف الطريق. حنين: بسرعه ركبت ف الكرسي الخلفي. وضحكت بسعاده وبتغيظ ف خالد. خالد: صك ع اسنانه بغيظ منها. لانه منبه عليها تركب جمبه. نجلاء: ضحكت بصمت عليهم. وركبت جمب خالد. خالد: طول الطريق يغمز ل حنين ويغازلها ف المرايه.حنين: من جواها مبسوطه اوى. وإحساس جديد جواها بيكبر يوم عن يوم... فيلا بدر الدين. سليم: قاعد وفكر كتيررر جدا. وخايف انها متجيش الشركه تانى. وف نفس الوقت. قرر انه يبعد عنها. وميسالش عليها. عندو صراع نفسي. مابين عايزها ومش عايزها. شريف: خبط ع سليم ودخل. وكانت الاوضه عتمه وبيشرب سجاير بشراهه. شريف: بدهشه. سليم؟ ايه الل انت عامله ف نفسك ده؟ وانت لسه بهدومك من امبارح؟ مش معقول. مالك كدا مغمقها ليه يعم؟سليم: بعدم إهتمام. اصلها كانت الوان. حبيت اغمقها. شريف: فتح الشباك. وقال انت غريب اوى ياسليم ياخويا. ع رأي والدتك. انا اضحك انت تكشر. ههههه عكس بعض يعنى. قوم بقى علشان تغير هدومك وتنزل. الناس زمانها ع وصول. سليم: بخنقه. معلش يا شريف. انا مش هقدر انزل. سبنى لوحدى ارجوك. شريف: قعد قدامه. اسمع بقى. عشان أنا جد ومبحبش الدراما كتير.انت هتقوم تلبس دلوقتي وهتنزل. ماهو مش معقول يبقى عيد ميلاد فريده حبيبتك. وتزعلها. وكمان خالد كلمنى وجاى ف الطريق مع خطيبته ووالدتها. سليم: من جواه مخنوق ونفسه يسأل عليها. عايز يسمع صوتها. يوم واحد مايعرفش عنها حاجه وهيتجنن. طيب ياترى هتيجى؟ حد عزمها؟ اكيد مش هتيجى. لكن صك ع اسنانه بغيظ مكبت. خلاص انساها ومتفكرش فيها لازم تتأقلم ع حياتك من غيرها.شريف: شافه سرحان. وقال بمكر. انا مش عارف طاهر أتأخر كل ده ليه؟ هو بيت فتون بعيد عن هنا ياسليم؟ سليم: انتبه ووقف هز الكرسي. وقلبه بيدق. يعنى هي جايه! لكن حاول يبقى ع طبيعته. وقال بجمود. معرفش. شريف: اممم تمام ع العموم طاهر بقالو حوالى ساعه ونص. يعنى اكيد مش هيتاخر اكتر من كده. وسمع صوت عربيه. وقال اهو الناس بدءت تيجى انا نازلهم. قوم ياسليم بقى البس وظبط نفسك. متزعلش فريده منك تمام؟سليم ؛ من جواه لهفه غير طبيعيه. وهز راسه احم. خلاص انزل انت واستقبلهم وانا هجهز وانزل. شريف: ضحك بصمت. تمام. وخرج. سليم: غمض عينيه. اوووف انا مش عايز اظلمها. مش عايز اخسرهاا، طيب هاقبلها ازاى؟ هكلمها ازاى؟ الضيوف تحت وصلو وشريف استقبلهم. فريده: جهزت وعرفت إن سليم بيلبس. ونازله. وجواها مبسوط من موافقة شريف. وإن كدا اكبر مشكله اتحلت بسهوله. وسلمت ع اغلب الضيوف.وشافت نبيله مرات صلاح. خال شريف. وسلمت عليها بترحاب كبير جدا. وسلمت ع اولادها. وقعدت معاها تطمن ع أحوالها وأحوال صلاح. نبيله: والله يافريده هانم انا بعمل الل عليا. كل يوم بروح المستشفى. ونفس الكلام من الدكتور بسمعه. ربنا يتولانا ويرحمنا برحمته. فريده: ربتت ع ايديها. إن شاء الله يانبيله ياحبيبتى ربنا هيشفيه ويعافيه. كلنا بندعيله.نبيله: كله مقدر ومكتوب. هو كان نازل لنصيبه. يلا الحمد لله. انا هستاذن انا والعيال. انا ف المستشفى من الصبح نفسي اروح ارتاح شويه. فريده: ايه ده هتمشي ع طول كدا؟ انتى لسه جايه. وكمان لسه بدرى والحفله لسه ف أولها. نبيله: معلش سامحينى انا تعبانه ومهدود حيلى والله. انا جيت عشان خاطرك انتى. وخفت ع زعلك عندى غالى اوى.فريده: طيب ياحبيبتى زى ما تحبى الل يهمنى راحتك. بس استنينى هنا ثوانى وراجعه. وقامت وراحت جابت الظرف وجت. اتفضلي يا نبيله. نبيله: بحرج. ليه بس يافريده هانم. انتى ع طول خيرك مغرقنى. فريده: مسكت ايدها وحطت الظرف فيه. امسكى وبلاش غلبه. ده خير ربنا. والاستاذ صلاح من ريحة شريف ابنى. وانتى من غلاوته بالظبط. نبيله: اتنهدت وهزت راسها. والله ما عارفه اقولك ايه. ربنا يكرمك ويبعد عنك ولاد الحرام.فريده: اللهم امين. نبيله: سلمت ع فريده. وشريف. ومشيت هي وولادها. وبعدها وصل خالد. وسلم ع شريف. وعرفه ع حنين ومامتها. وسلم عليهم ورحب بيهم. ووصلهم عند فريده. وسلمو ع بعض. خالد: كل سنه وانتي طيبه يا حبيبتي. فريده: بسعاده وانت طيب ياخالد ياحبيبى. خالد: بغمزه. عينى عليكى بارده ايه الحلاوه دى يافيرى انتى بتصغري ولا بتكبرى. طيب مش كنتى تقولى قبل ما أخطب حنين ههههه.فريده: هههههههه الواد ده بكاش ياحنين. خلى بالك منه كويس. خلى عينيكى عليه. حنين: هههههههه متقلقيش ياطنط فريده. انا مرقباه كويس. واى حركه كدا ولا كدا. لا يلومن إلا نفسه ُ. هههه خالد: بغمزه. وانا اقدر بردو اعسل انت. ده انت الل ف احشائى والله. هههههههههههه فريده ونجلاء بيضحكو عليهم. حنين: كشرت عينيها. احشائك. ماشي ياخالد مااااشي. متكلمنيش تانى بقى.نجلاء: ههههههه يختتتاااى استلم ياخالد يبنى فيها شهر بقى ع ما تحن عليك. خالد: بغمزه. شهر مين والناس نايمين. بقى انا اهون عليك شهر. اه احنون اعسل انت. اخرراااابى ياعراابى. هههههههه حنين: خبطته ف كتفه. ههههههههه يبنى سبنى ازعل طيب. ههههه. خالد: قولى لامك أصلها بتقول شهر هااا؟ حنين: هههههه. وبصت ايه ده. فتون جايه هناك اهي. فريده: شافتها وابتسمت بسم الله ماشاء الله.فتون: داخله وقلبها بيدق بسرعه كبيره. وبتحاول تكون ثابته. ومبتدورش عليه بعينها. لكن من جواها هتتجنن وتطمن عليه. شريف: استقبلهم. اهلا اهلا استاذه فتون نورتى. وبص ل فاطمه اهلا بحضرتك. فتون: ابتسمت بتمثيل. اهلا بحضرتك يا استاذ شريف. وبصت ل فاطمه. ماما اعرفك ب الاستاذ شريف. فاطمه: ابتسمت اهلا بيك يبنى. منوره بيك ياضنايا. شريف: اتفضلو. خالد: جه من وراه. تعالى يافتون. واقفه ليه.اذيك يابطتى ههههه. تعالى هاتى ايدك. وحط أيدها ف دراعه وداخلين. فاطمه: ضحكت وماشيه جمبه. اذيك انت ياضنايا. عامل ايه؟ عاش من شافك. ماصدقت خطبت ونسيتنا. خالد: انتى بتقولى فيها. حنين منسيانى كل حاجه. بس خلى بالك انا استحاله انساكى. ده انتى ف أحشائى يابطتى ههههه. كلهم ضحكو. فريده: اهلا اهلا وسلمت ع فاطمه والله الفيلا نورت بوجودك. فاطمه: تعيشى ياست فريده منوره بأهلها. وسلمت ع نجلاء وحنين.فتون: سلمت ع حنين ونجلاء. و سلمت ع فريده. كل سنه وحضرتك طيبه. فريده: بحب. وانتى طيبه ياروحي. تعرفى يافتون انتى طول عمرك زى القمر. وانهردا بقيتى قمرين. ماشاء الله عليكي. فتون: بخجل. متشكرا لحضرتك. اتفضلى دى هديه بسيطه جدا. انا عارفه انها مش قيمتك. ويارب تعجبك. فريده: اخدت الهديه بحب كبير. طبعا هتعجبنى وجدا كمان. كفايه انها منك ياقلبى.فريده: اتفضلو اقعدو واقفين ليه. تعالى يافاطمه اقعدى جمبى هنا. تعالى شرفتينى بجد ياحبيبتى. فاطمه: قعدت. ربنا يزيدك من فضله. والشرف لينا احنا. الكل قعد. عدا فتون وحنين وخالد. واقفين مع بعض. حنين: ايه الحلاوه دي ابت اتونا. لا موزه. موزه يعنى. فتون: بحرج ضغطت ع ايد حنين. وقالت بهمس احترمى نفسك خطيبك واقف معانا ياجزمه.خالد: بدهشه. وقال ل حنين لا ف حاجه غلط، انتى مش بتعاكسينى كدا ليييه. ومنشفاها ع امي ليييه؟ فتون: ضحكت بصمت. حنين: اتكسفت. وقالت بغيظ خلاص بقى انت هتفضل راشق ف كل كلمه كدا. خالد: تنح. راااشق؟ دا انا. ورفع عينيه وقال سليم؟ فتون: سمعت اسمه. وبلعت ريقها بتوتر. لأن خلاص كل واحد اعترف أنه بيحب التانى.سليم: لبس نفس البدله الل فتون اختارتها قبل كدا. و نازل ع السلم. وبيسمع همس الموجودين بتركيز. ونفسه يسمع صوتها. ونزل. فريده قامت وراحت استقبلته. وسلمو ع بعض. فتون: بتنظم أنفاسها. ومتوتره. وخالد وحنين وفاطمه. متابعين فتون. سليم: باس ايديها وجبينها. وطلع علبه قطيفه. وفتحها ليها وكان طقم كوليه روعه. وابتسم بحب. كل سنه وانتي طيبه ياحبيبتى.فريده: بدموع وانت طيب وبخير ياروح قلبي. تعبت نفسك ليه ياسليم يبنى. انا كفايه عليا اشوف ضحكتك. سليم: قدم ليها الهديه. تعبك راحه ياست الكل. اتفضلى. فريده: اخدت العلبه. تسلم ايدك ياحبيب قلبي. تعالى. سلم ع ست فاطمه ومدام نجلاء. وبعد كدا سلم ع باقى الضيوف. سليم: هز راسه. تمام. واتحرك بحظر. وسلم عليهم. وبعدها سلم ع رجال الأعمال. وواقف مخنوق جدا من جواه... خالد: من بعيد شويه ايه يابرو. مش هتسلم علينا.فتون: غمضت عينيها. ايه يافتون انتى اول مره تشوفيه؟ اجمدى كدا. ومالكيش دعوه بيه. سليم: استغرب ازاى مش سامع صوتها هي فييين؟ و لف ليه وابتسم. اهلا بالفاشل. خالد: ههههه قلب الفاشل. تعالى تعالى. سليم: قرب منهم. وسلم ع خالد. وقال. اذيك يا انسه حنين؟ حنين: الحمد لله تمام. اذي حضرتك؟ سليم: ابتسم بثبات وثقه. وقال انا تمام جدا. ولا ايه يا انسه فتون؟ ف الحاره.جابر بيقفل المحل. وفونه رن. وكان أخوه الكبير شاكر. ورد عليه. الوو. شاكر: بغضب. جااابر ابنك غفلنا وسرق المطوه. وهرب وهو سكران... علاء هرب يااجاااابر.! يتبع
