34 _36احييت بصيرته

رواية أحببت بصيرته للكاتبة مريم نصار الفصل الرابع والثلاثون
فيلا بدر الدين. شريف: رجع من الشركه تانى ع الفيلا. فريده: واقفه مع عزيزه. امسكى يا عزيزه. خدى معاكى فلوس ب زياده. عشان لو احتاجتى حاجه لنفسك تجيبيها. عزيزه: متشكره جدا ياهانم. فريده: طيب يلا روحي ومتتاخريش. عشان تلحقى ترجعى وتجهزى الغدا. عزيزه: حاضر ياهانم. واتحركت وخارجه. شريف: داخل الفيلا. وشاف فريده. صباح الخير. فريده: باستغراب. صباح الخير ياشريف يبنى. خير ياحبيبى رجعت من الشغل بدرى؟شريف: ابدا نسيت ملف ف اوضتى. هطلع اجيبه وارجع ع الشركه. فريده: ملف؟ ايوه صحيح ياشريف هو مفيش اى ملف أمضيه؟ بقالك فتره مجبتش اى ملف ليا؟ شريف: اتنهد. بصراحه حالة الشركه وحشه جدا وف لخبطه كتير ومشاكل. لكن اول ما كل حاجه ترجع لطبيعتها انا هجبلك العقود الل واقفه ع أمضة حضرتك. بعد اذنك عشان لسه هدور ف الملفات. وطلع ع اوضته.فريده: بدهشه مشاكل في الشغل؟ استرها يارب. وياترى عملتى ايه يفتون يابنتى؟ ربنا معاكي ويفرحك بأخبار حلوه. وتفرحى قلبى. واتنهدت بتعب. انا هطلع اصلى الضحى. وادعى من قلبى إن سليم ابنى يرجع زى الاول. وطلعت علشان تصلى. خالد: سايق العربيه. ووقف ف الاشاره. وبعدها اتحرك بالعربيه. وجه واحد سايق بسرعه مخالف. وكان هيخبط خالد. خالد: فرمل بسرعه. والراجل دخل فيه وخبط العربيه حاجه بسيطه.خالد: نزل بسرعه وبص ع العربيه. واضايق جدا. وزعق انت يبنى انت مش تحاسب.؟ الشاب: نزل بسرعه جرا ايه يانجم انا بسمع وطي صوتك وانت الل غلطان. وبعدين يعنى انت مش شايفنى ماشي مستعجل. مدخلتش شمال ليه بس؟ خالد: اااه ده انت ضارب شريط ع الصبح وجاى تفوق عليا. اسمع يالا. انت داخل فيا ومخالف كمان. وهتدفع تمن الخساره الل انت اتسببت فيها. الشاب: طلع مطوه. ومسكها ف ايدو ع أساس خالد يخاف وقال. ولو مدفعتش هتعمل ايه؟خالد: هعمل كده ياروح امك. ومسك راسه وخبطه روسيه. شيل المطوه دى بروح امك أحسن تعور نفسك. وتروح لامك تعيط وتحطلك بيتادين. الشاب: بتضربنى يابن ال، والناس اتملت. جه ظابط المرور. وخالد شرحله الل حصل والناس شاهده إن الشاب الل غلطان. وحصل شوشره. الظابط: زعق باااس انت وهو. وقدامى ع القسم. خالد: نفخ بغيظ. وعدل القميص. وراحوا ع القسم.ف القسم. الظابط زعق. والشاب خاف. واعترف. وكمان قال إنه هيتحمل مصاريف تصليح العربيه بتاعة خالد. واعتذر من خالد. والموضوع خلص. خالد: خارج من مكتب الظابط ومضايق. وماشي يكلم نفسه. الله يخربيتك عيل صايع ابن امك. عيال بتركب عربيات. لا وكمان عيل مبرشم. وشامم شراب ابوه لما قايل بس. عيل ابن جزمه. وخبط ف كتف واحد. وخالد رفع عينيه. انا اسف جدا كنت ماشي سرحان.الظابط: لا محصلش حاجه. وبص ل خالد كويس بتركيز. وقال انا شوفتك فين قبل كده؟ خالد: بص ليه بتركيز. وانا كمان حاسس انى قابلت حضرتك قبل كده. بس فين؟ وفتح عينيه بدهشه. ايوه. حضرتك الرائد سامح مش كدا؟ سامح: باستغراب. فعلا انا، وقال ايوه افتكرتك انت الل كنت موجود في المستشفى وقت حادثة سليم بدر الدين. مش كدا؟ خالد: ابتسم. ايوه فعلا ومد ايدو اهلا بحضرتك.سامح: سلم عليه اهلا بيك. وياترى الباشمهندس سليم عامل ايه دلوقتي.؟ ف المدرسه. الدكتور: بص ف الاشعه قدام الاضاءه. وكشر عينيه بعدم فهم وقال. What danger is this that you are talking about this girl اى خطر هذا الذي تتحدث عنه هذه الفتاه؟And I want him to do some modern medical checks. Let s see what we can do. It is a simple case to say the least. I do not know how he does not see after having two surgeries before. I am truly deserted. I want this case to follow it انا لا ارى اي خطر والعصب البصري للعين بحاله ممتازه. انه تجمع دموى على غشاء العين يحجب الرؤيه لدى المريض. ويحتاج إلى جراحه بسيطه جدا. انه نزيف بسبب الحادث لا اكثر.I do not see any danger and the optic nerve is in excellent condition. It is a collection of blood on the membrane of the eye that blocks the vision of the patient. And it needs a very simple surgery. It is bleeding because of the accident, no more.وانا اريد منه أن يجرى بعض الفحوصات الطبيه الحديثه. لنرى ما يمكننا فعله. انها حاله اقل ما يقال عنها بسيطه. ولا اعلم كيف لا يبصر بعد اجراء جراحتين من قبل. انا حقا مزهول. واريد هذه الحاله لاتابعها. الدكتور: بيتكلم. والمترجم بيشرح ل فتون. فتون: وقفت مزهوله وعينيها مفتوحه ع الاخر بصدمه. وقالت بتلعثم. ا. انت. قص. احم. قصدى الدكتور متأكد. لأ لأ انا مقصدش كدا. المترجم: شاف لخبطتها. حاولى تهدى حضرتك.فتون: بتنهج بسيط. ومش عارفه تعمل ايه من الخبر. وضحكت بدموع. يعنى. الدكتور يقصد إن سليم هيفتح. يعنى هيرجع يشوف. انت متأكد بالله عليك متأكد.؟ المترجم: ضحك. ايوه الدكتور قال أنه نزيف ع العين مش اكتر. وكمان ممكن تتعمل هنا ف مصر مكنش لازم يسافر المانيا. فتون: بلخبطه. طيب. طيب اساله تانى. بالله عليك. خليه يتأكد. عشان. عشان أتأكد واطمن. الله يخليك مش عايزه أمل كداب. الله يخليك اساله.المترجم: ضحك. حاضر عايزانى أقوله ايه؟ فتون: بلعت ريقها بصعوبه. قوله. قوله. سليم هيرجع يشوف من تانى. ارجوك. المترجم: هز راسه حاضر عشان انتى متوتره بس وانا حابب انى اطمنك. ثوانى. وبص للدكتور. وقال. Doctor / Excuse me: Will Mister Slim, after having this surgery, reconsider him again دكتور / معذرة: هل مستر سليم بعد اجراء هذه الجراحه سيعيد النظر له مرة أخرى؟الدكتور: Of course I am sure. This is a very simple surgery. It does not take time at all and there is no danger in it. And it will look back as it was in the past. بالطبع انا متأكد. وهذه جراحه بسيطه جدا. ولا تأخذ وقت على الاطلاق ولا يوجد بها اى خطر. وسيرجع النظر كما كان في السابق. المترجم: قال ل فتون ع كلام الدكتور.فتون: حطت ايدها ع قلبها وبتضحك بدموع. وقالت شكرا. شكرا جدا لحضرتك. ا. انا مش عارفه اقول ايه. هههههه انا بجد مش عارفه اتكلم. شكرا. وبصت للدكتور وقالت Thank you so much. Thank you شكرا جزيلا. شكرا الدكتور: ضحك. لفرحتها. وقال. you are welcome. ع الرحب والسعه. فتون: خرجت بسرعه تجرى بسعاده كبيره وبتعيط. المترجم: خرج وراها. يا انسه نسيتى تاخدى الاشعه. فتون: وقفت ورجعت بسرعه. واخدتها شكرا.المترجم: عفوا. وابتسم ع فرحتها الل من القلب. فتون: بتجري. ف الطرقه بسعاده. وبتضحك بدموع. والمُدرسين بيصبو عليها ومش فاهمين حاجه. وراحت ع المكتبه بسرعه علشان تبلغ حنين وتفرحها. وبعدها خبطت جبهتها بايدها. صح حنين مجتش انهارده. وخرجت بسرعه من المدرسه. وواقفه ف الشارع تكلم نفسها بفرحه. ا. نا. انا هتصل ع سليم افرحه. لالا انا لازم أقوله وانا واقفه قدامه. ولازم اشوف رد فعله. ههههه انااااا فرحانه اووووى.ا. انا هتصل ع ماما. لأ لأ بردو. ايوه انا هتصل ع ماما فريده. ايوه هي قاعده قلقانه. وطلعت الفون برجفه. وبتتصل ع فريده. ومسحت دموعها ومستنيا الرد. فريده: بعد الصلاه. نازله ع السلم. عزيزه؟ ياعزيزه؟ محروس: دخل من بره. افندم يافريده هانم. فريده: نازله. واتكلمت اله هي عزيزه فين يامحروس؟ محروس: حضرتك بعتيها عند الجزار ياهانم.فريده: وصلت ل نص السلم. ايوه ايوه. انا نسيت. خلاص روح انت يامحروس. ولو احتاجت حاجه هبلغك. محروس: تحت امرك يا هانم. وخرج. فريده: فونها رن ووقفت مكانها ف نص السلم. وشقهت بتوتر. دى فتون؟ وقلبها دق بخوف وقلق. وقالت يارب يكون خير. وردت عليها. سلام عليكم يافتون يابنتى. فتون: بسعاده. الووو ماما فريده. فريده: سمعت صوتها مبسوط واتوترت فتون صوتك مبسوط خير؟فتون: ماما الدكتور شاف الاشعه وقال ع اخبار تجنن انا مبسوطه اوووى. سليم هيفتح ياماما سليم هيرجع يشوف من تانى. فريده: مسكت درابزين السلم بسرعه. وقالت بدموع فتون انتى بتتكلمى بجد يابنتى. فتون: بتضحك بدموع. ايوه ياماما سليم كويس جدا. والتشخيص القديم كان غلط. العصب البصري عنده كويس جدا. وهو مجرد نزيف ع العين وده الل حاجب الرؤيه.وقال كمان انه ممكن يعملها ف مصر ومش هتاخد وقت ههههه ماما سليم هيرجع لطبيعته ياماما. فريده: بتسمع وضحكت بدموع. يعنى سليم ابنى هيرجع يشوف من تانى؟ فتون انا مش مصدقه يابنتى. بجد انا حاسه اني بحلم. فتون: والله سليم كويس انا سألت الدكتور اكتر من مره واكدلى انه كويس. وكمان الدكتور كان مستغرب جدا أنه ليه سليم يسافر المانيا وعمل العمليه. وهي مش محتاجه سفر.المهم ياماما. انا لازم اقول ل سليم الخبر الحلو ده. هو سليم اكيد ف الشركه مش كدا.؟ فريده: الف حمد وشكر ليك يارب. ايوه ياحبيبتى فعلا لازم سليم يعرف أنه هيرجع يشوف من تانى. وإن الل عندو مجرد نزيف ع العين وبس لازم يعرف. انا مش عارفه اقولك ايه يافتون انا قلبى بيبكى من الفرحه يابنتى. انا اسعد واحده في الدنيا. انا مش مصدقه.فتون: بسعاده. الحمدلله ياماما. انا هروح ل سليم الشركه. وكمان شريف هيفرح اوى انا لازم أقوله هو كمان. وخالد انا متاكده أنهم هايفرحو. فريده: بدموع ايوه ياحبيبتى. لازم الكل يعرف. وشريف انا هطلع اشوفه موجود ف اوضته ولا مشي يارب يكون موجود لازم أقوله إن اخوه مافيهوش حاجه. انا بجد مبسوطه. وكلمينى يافتون اول ما توصلى الشركه وتقولى ل سليم.فتون: بتشاور ل تاكسي. حاضر ياحبيبتى. هكلمك ع طول افرحك يلا مع السلامه. فريده: مع السلامه يابنتى. وقفلت. وحضنت الفون بسعاده. ودموعها نازله زى المطر من الفرحه. وقالت الف حمد وشكر ليك يارب. أنا لازم اطلع اشوف شريف. لازم يعرف عشان يقف جمب اخوه. وبتلف عشان تطلع. اتخضت وشهقت بصوت عالى. فتون: ركبت التاكسي وقالت العنوان. واتصلت ع سليم. رد بقى ياسليم. رد عندى ليك خبر بعمرى كله. تؤ مردش.طيب ماشي يا سليم. اممم اتصل ع مين؟ ع مين؟ ايوه ع بطه. وبعدين البت حنين هههههههه. هيفرحو جداا جداا جداا. السواق: بص من المرايه. وقال لاحول ولاقوة إلا بالله. الناس بقت ماشيه تكلم نفسها. فتون: سمعته وسكتت. وبعدها ضحكت بسعاده. بعد شويه. خالد: راح شركة بدر الدين. دخل الاسانسير و قابل الباشمهندش شوقى فيه. وخالد قفل باب الاسناسير. وطالع لفوق. وقال اهلا اذيك ياشوقى عامل ايه؟ شوقى: الحمد لله ياخالد باشا.خالد: هز راسه. ايه اخبار الشغل معاك؟ لسه بتيرس الاجهزه؟ شوقى: بهجوم قصدك ايه ياخالد باشا؟ انا الل بيرسها يعنى؟ خالد: اممم حيلك براحه عليا ياباشمهندس. انا بسال سؤال عادى جدا. ايه الل ضايقك؟ ظوهو انت مش ديما بتقول ل سليم إن الجهاز متيرس. والكاميرات اتعطلت. والسيتسم واقع.؟ ولا انا بألف قصص من عندى؟ شوقى: ايوه حصل. وكل حاجه اتصلحت وبقت تمام. فين المشكله؟خالد: ههههههه تاخد سِجاره. روق ياباشمهندس. مش تباركلى. انا كتبت كتابى وقُريب هتجوز. عقبالك وابقى اعزمنى هااا؟ والاسانسير وقف. وخالد خرج. شوقى: لبس النضاره. انا مش فاهم هو بيتكلم معايه كدا ليه؟ سليم: ف المكتب. طيب يا انسه ولاء اعملى الل طلبته منك ونزلى الاستاذ محمد الأرشيف زى ما قولتلك وروحي معاه. وياريت ساعه كدا تبعتيلى نظيم. ولاء: تحت امرك يافندم. وخارجه.خالد: دخل ل سليم. صباح الخير يا سليم. وقعد ع كرسي المكتب قصاده. سليم: كشر عينيه باستغراب. خالد؟ صباح الخير. انت المفروض تكون ف الشركه هناك ايه الل جابك هنا؟ ومالك داخل برسميه اوى كدا؟ مالك يالا؟ خالد: نفخ دخان السِجاره. ابدا مخنوق شويه. سليم: ايه دا؟ انت بتحس زينا معقول؟ هههههه. انت لسه كاتب كتابك امبارح يعنى المفروض تكون مبسوط. خالد: بخنقه وبعدين بقى ماتهدى شويه مش ناقصاك ع المسا.سليم: هز راسه بنفاذ صبر. عربجى. انت عربجى ياخالد. المهم بقى مالك. وقولى مين الل مزعلك كدا وانا اتصرف معاه.؟ خالد: بتنهده. حصل مشكله بسيطه. وروحت القسم. سليم: اتعدل بدهشه. ايه؟ قسم ليه؟ خالد: حكاله عن السبب. وقال بس خلص الحوار وعدا. المهم تعرف قابلت مين ف القسم؟ سليم: اتنهد باريحيه إن خالد بخير. وقال بعدم فهم. قابلت مين؟ خالد: الرائد سامح. الل كان ماسك القض\يه بتاعتك. وءايدها قضاء وقدر.سليم: بعدم إهتمام. وارد جدا تتقابل معاه. مش ظابط وانت كنت ف القسم ايه المشكله؟ خالد: لأ مش دي المشكله. المشكله انه قال… سليم: قاطعه. لحظه ياخالد شريف بيتصل. ورد عليه. الو ايوه ياشريف. مال صوتك. وقام وقف بصدمه كبيره جدا. وفتح عينيه على الاخر بصدمه اكبر انت بتقوووول اييييه. امي فريده؟ انت. ا. انت فين. انتتتتت فيييين؟ خالد: قام وقف بقلق شديد. وقلبه دق.سليم: واقف بينهج وقلبه هيطلع من مكانه. و قفل وخارج بسرعه. وخبط ف الكرسي وكان هيقع. خالد: جري عليه. سليييم حاسب. وسانده. ف ايه يا سليم. وطنط فريده مالها؟ سليم: بتوهان. امي. امي ياخالد. فريده. خالد: اهدى ياسليم وقولى مالها.؟ سليم: بزهول. امي وقعت من ع السلم ومبتنطقش. وهمس بخوف فريده. خالد: اتصدم اييه؟ طيب تعالى يلا هنمشي بسرعه. وساعد سليم. ونازلين. سليم: قلبه بيدق بخوف كبير.خالد: اتصل ع شريف. ايوه ياشريف. انت طلبت الإسعاف؟ طيب انت واخدها ورايح ع اى مستشفى؟ طيب ماشي انا وسليم جايين بسرعه. سليم: ماشي بسرعه. وخبط ف حجات كتير. خالد: اهدى يا سليم. شريف واخدها ورايح ع المستشفى. تعالى اركب معايا. وفتح باب العربيه اركب ياسليم. سليم: ركب بسرعه. وقال خالد سوق باقصي سرعه. بسررررعه ياخالد. خالد: حاضر. حاضر. شغل العربيه. وساق بسرعه البرق. حنين: بتتصل ع خالد.خالد: رد بنرفزه أيوه ياحنين. حنين: ابتسامتها اختفت لما سمعت صوت خالد. وقالت حبيبى انت كويس مال صوتك. خالد: بص ع سليم. ونفخ بديق حنين هكلمك بعدين. حنين: خالد بالله عليك طمنى باباك عمل معاك حاجه؟ خالد: بزعل لأ. انا دلوقتي مش هينفع اكلمك. انا طالع ع المستشفى. حنين: بخضه. ايييه مستشفى؟ ايه الل حصل مين الل تعبان. انت فيك حاجه؟ طمنى ياخالد الله يخليك.خالد: اوووف يابنتى اهدى انا رايح المستشفى عشان شريف اتصل وقال إن طنط فريده تعبت ونقلها المستشفى دلوقتي. حنين: شهقت بصوت عالى. ايه؟ طيب قولى مستشفى ايه؟ وانا جايالك حالا. خالد: سايق ومش عايز يتناقش معاها. وقال ع عنوان المستشفى. وقفل. وداس بنزين وساق بسرعه. ف نفس الوقت فتون: بس هنا ع جمب يسطى. السواق: وقف. وفتون نزلت ودفعت الحساب. فتون: بصت ع الشركه وداخله. فرد الأمن: خير يافندم. اقدر اخدمك؟فتون: بعدم فهم لكن قالت. لو سمحت عايز اقابل سليم بيه. فرد الأمن: أبلغه مين حضرتك. فتون: مين حضرتي؟ هو انت شغال جديد هنا؟ فرد الأمن: ايوه يافندم ده تانى يوم ليا. اقول الباشا مين حضرتك؟ فتون: انا مراته. احم قصدى خطيبته. فرد الأمن: ياخبر انا متاسف جدا يافندم. ده الباشا قال أو ماحضرتك توصلى تدخلى ع طول. اتفضلى ياهانم انا هوصلك بنفسي لحد المكتب.فتون: بعدم فهم. وقالت جواها بس سليم مايعرفش انى جايه ع هنا؟ وقالت ممكن تكون ماما فريده هي الل قالتله. وابتسمت بسعاده. وركبت الاسنانسير. فرد الأمن. طلع معاها. اتفضلى حضرتك ياهانم. مكتب سليم باشا. واول ما يخرج من الاجتماع هيوصل ع المكتب فورا.فتون: هزت راسها تمام متشكره جدا تعبتك معايا. وبصت ع مكتب ولاء السكرتيره ومكانتش موجوده. ودخلت المكتب. وحطت الاشعه وشنطتها ع التربيزه. وبتلف ف المكتب بفرحه. وشافت جاكيت سليم ع الكرسي. وقربت منه. وشالته وحضنته بحب كبير. وباست الجاكيت. وقالت سليم تعرف انى نفسي ربنا يحقق أمنيتك. وترجع تفتح من تانى. بجد اتمنى. وإن شاء الله اول ما اقولك ع كل حاجه. هنطلع انا وانت ع اكبر دكتور جراح ف مصر. او ممكن تيجى معايا بكره المدرسه وتتكلم مع الدكتور. يااااه انا حاسه اني بحلم.بعد دقايق. الباب خبط. ودخل مصطفى هوارى. فتون: اتكسفت. وحطت الجاكيت ع طول. مصطفى: احم انا متاسف جدا. انا فكرت إن سليم موجود عشان كدا دخلت ع طول. فتون: بحرج. لا ابدا حصل خير. عموما سليم عندو اجتماع. مصطفى: هز راسه تمام مفيش مشكله. اجيله وقت تانى. انتى مش فكرانى انا مصطفى هوارى. كنت موجود في اجتماع سليم ف شركته هو وخالد. فتون: . اه اهلا بحضرتك.مصطفى: احب اقولك الف مبروك ع الارتباط السعيد ده. انا بجد فرحت جدا ل سليم. هو راجل محترم ويستاهل كل خير. فتون: . متشكرا الله يبارك فيك. مصطفى: طيب ممكن معلش هتعبك. عايز كارت من ع مكتب سليم. الل فيه ارقام هواتف الشركات. لانى مضطر امشي دلوقتي. ممكن حضرتك تجبهولى. لانى مش هينفع أفتش ع مكتبه وانتى موجوده ههههه ولا ايه.فتون: بخنقه. ماشي ثوانى حضرتك. ولفت ضهرها وبتدور ع الكارت واخدته. وبعدها فكرت انها ماينفعش تتصرف من غير ما سليم يكون عارف وسابت الكارت. ولفت وقالت. مفيش كروت مش موجوده. وانا اسفه لانى ماينفعش اطلع حاجه من غير ما سليم مايعرف بيها. مصطفى: هز راسه تمام مفيش مشكله. وانا احترم تفكيرك طبعا. فرصه سعيد. ومد ايدو يسلم عليها. فتون: ابتسمت بتمثيل. انا آسفه مبسلمش ع حد غريب.مصطفى: ابتسم بحرج. ونزل ايدو. تمام. تمام. بعد اذنك. وخرج. فتون: نفخت بديق. راجل رغاى. وقعدت ع الكرسي. وبصت ف الساعه. يلا بقى يا سليم. انا نفسي اقولك ع كل حاجه بسرعه. وقامت. رايحه جايه ف المكتب تفكر ف مستقبلها. وبتتخيل إن سليم فتح وشافها. وشويه تقعد وشويه تبص ف الساعه وتنفخ. وبعد نص ساعه تقريبا. زهقت واخدت الشنطه والاشعه. وخرجت من المكتب.ولاء: اتخضت فتون هانم؟ وراحت عندها انا اسفه يافندم معرفش إن حضرتك موجوده ف المكتب. فتون: ولا يهمك. بصراحه انا جوه ف المكتب من زمان جدا. وزهقت. هو سليم هيخلص الاجتماع امتى؟ ولاء: بعدم فهم. إجتماع ايه حضرتك؟ مستر سليم مش موجود في الشركه. فتون: باستغراب. ازاى ده الأمن بره قالى أنه ف اجتماع.ولاء: لا يافندم. والامن مالوش دخل ولا يعرفو حاجه تخص الشركه. وهما واقفين حراسه وبس. ومستر سليم خرج من الشركه من حوالى اكتر من ساعه. فتون: بدهشه اييه؟ طيب. طيب متعرفيش راح فين؟ ولاء: لأ للأسف يافندم انا كنت ف الارشيف. والاستاذ نظيم قال إن مستر سليم خرج من الشركه بسرعه. فتون: بخنقه. هزت راسها تمام. شكرا ياولاء. ولاء: العفو يافندم.فتون: ماشيه ف الشركه. وبتكلم نفسها انا هروح دلوقتي ابهدل بتاع الأمن ده؟ ازاى يقولى ف اجتماع؟ وهو خرج من الشركه اساسا. اوووف انت فين ياسليم فونك ساقط شبكه. حنين: اتصلت ع فتون. وردت عليها وهي مضايقه. ايوه ياحنين. حنين: فتون انتى ف المدرسه ولا روحتى. فتون: لأ انا ف الشركه عند سليم. ومش عارفه هو راح فين وفونه مش مجمع شبكه خالص. حنين: فتون طنط فريده ف المستشفى وسليم وخالد عندها.فتون: وقفت مكانها بصدمه. انتى بتقولى ايه؟ ا. انا لسه مكلماها من شويه. تعبت؟ تعبت ازاى؟ حنين: والله انا معارفه حاجه. خالد الل قالى وانا ف الطريق دلوقتي واتصلت عليكى عشان اقولك. فتون: بدموع. ولخبطه. طيب عنوان المستشفى ايه؟ وبتجرى بسرعه. واخدت من حنين عنوان المستشفى. وركبت تاكسي وبتعيط وبتدعى ل فريده. وضميرها مأنبها انها تكون تعبت من بعد المكالمه. ف المستشفى. سليم وخالد. داخلين بيجرو وخالد بيساعد سليم…سليم: بيزعق وصلنا ولا لسسه ياخالد؟ خالد: خلاص اهو اخر الطرقه دى. اهو شريف هناك اهو تعاالى. سليم: قلبه هيقع من الخوف. شريف: قام بسرعه استقبلهم. سليم. سليم ع مهلك. سليم: بينهج بخوف. ومسك جاكيت شريف. امى مالها ياشريف؟ امي فيهااااا ايييه؟ خالد: واقف وخايف. ومسح وشه بايديه. شريف: مسك كتاف سليم. اهدى إن شاء الله خير. الدكتور عندها جوه. وهيطمنا.سليم: بصوت يخوف. امي وقعت ازاااى من ع السلم. انا عايز اعرف ايه الل حصل. شريف: انا كنت ف الاوضه بتاعتى بجيب ملف الشحنه. وخارج. سمعتها بتتكلم ف الفون. وتقريبا فتون. وانا نازل ع السلم. وهي بتلف رجلها فلتت ووقعت بسرعه. وانا نزلت ملحقتهاش. حتى انا كمان وقعت. وبعدها بفوقها مردتش عليا. وشلتها وجبتها ع هنا. وانا ف الطريق عرفتك ع طول.سليم: لأ لأ امي مش لازم يحصلها حاجه. انتو فاهمين. مش لازم يحصل ليهاااا حااااجه خالد: مسك سليم. طيب تعالى بس. اهدى وباذن الله هنطمن كلنا عليها. سليم: بدموع. امى ف أنهى اوضه ياشريف؟ شريف: غرفه 4. الدكتور بيكشف عليها. سليم: بصوت جهورى. خالد تعالى دخلنى ليها. شريف: هتعمل ايه يا سليم. اعقل ومتعملش مشاكل ف المستشفى. خالد: ايوه ياسليم اسمع… سليم: زعق هتوصلنى ولا لاااء.خالد: بتنهيده. طيب تعالى هوصلك. هات ايدك. واخدو عند الاوضه. سليم: فتح الباب ودخل بلهفه. أمى. امى فين ياخالد. وشريف دخل معاهم. الدكتور: ايه ده. اتفضل ياستاذ انت وهو بره لو سمحت. خالد: معلش يادكتور. ده ابنها. وقلقان عليها وعايز يطمن عليها. سليم: وادينى عندهاااا ياااخالد. اخلص. الدكتور: شاف إن سليم كفيف. ومعلقش. وراح يكمل كشف.سليم: قرب من السرير. ورفع ايدو بدموع. وحسس ع أيدها ووصل لكتفها. وحط ايدو ع خدها وشعرها. وقال بوجع. امى. فريده. ووطي عليها وحط راسه ع جبينها. فريده فوقى انا سليم. ابنك. ردي عليا. فريده: … خالد: بدموع. بص للدكتور ممكن ثوانى يادكتور. الدكتور: اتفضل. وساب سليم مع فريده وطلعو بره قدام الأوضه. خالد: هي حالتها ايه يادكتور.؟الدكتور: للاسف. الوقعه كانت صعبه عليها. وخصوصاً انها ست كبيره. وحصل كسر ف رجلها اليمين. وكدمات بسيطه. شريف: طيب يادكتور ليه هي مافقتش لحد دلوقتي انا بفوقها طول الطريق ومبتردش عليا؟ الدكتور: بصراحه ده الل انا مستغربه. الخوف انها تكون دخلت ف غيبوبه. او مثلا حصل ليها نزيف داخلى. لكن كل حاجه هتبان ف الاشعه. انا هنزل ابلغ الممرضه تجهز غرفة العمليات الصغري علشان نعمل جبيره ل رجلها. الف سلامه عليها. ومشي.شريف: هز راسه الله يسلمك. حنين: داخله تجري بسرعه. خالد: شافها. وقابلها. حنين انتى جيتى ليه بس؟ حنين: بتنهج. ماينفعش ماجيش ياخالد. اذيك يا استاذ شريف. ربنا يشفيها إن شاء الله. شريف: هز راسه إن شاء الله. خالد: تعالى اقعدى هنا. وقعدت. حنين: خالد طمنى هي تعبت ازاى. خالد: بتنهده. وقعت من ع السلم ورجلها اتكسرت. حنين: شهقت بزعل. ياخبر ربنا يشفيها يارب. خالد: خبط ع جبينه. اووف صدقى نسيت اقول ل فتون.حنين: انا قولتلها. وقربت توصل ع هنا المهم حالة سليم ايه؟ خالد: نفخ بديق. زعلان جدا طبعا. ومش طايق حد قدامه. هو معاها جوه. شريف: قام. انا هدخل اشوف سليم. وفتح الباب. وقابل سليم. وكان خارج. شريف: ها ياسليم فاقت ردت عليك. سليم: غمض عينيه. وقال لأ شريف: طيب تعالى اقعد هنا. سليم: بصوت جهورى. خالد هات التليفون بتاعى.خالد: شاف سليم وشه احمر جداااا. وقام بقلق. تعالى طيب استريح انت لازم تهدا. وطنط فريده هتكون كويسه. سليم: مسح وشه بايديه. وقال بصوت عالى انا مش عايز اقعد. قولت هات التليفون ياااخالد. حنين: اتخضت. خالد: من جواه زعل من سليم. وقال تمام الل يريحك. اتفضل التليفون اهو. وحطه ف ايدو وراح قعد جمب حنين. حنين: همست. معلش متزعلش منه. مهما كان والدته وملهوش حد غيرها. وربنا يكون ف عونه.خالد: بتنهيده. هز راسه مفيش حاجه. الدكتور والممرضين دخلو يعملو اللازم. سليم: بيطلع رقم ع الفون. وسمع صوت فتون. فتون: بتجرى. سليم. سليم. ووقفت قدامه بتنهج. سي، سليم ماما فريده مالها؟ سليم: رفع عينيه ليها وساكت ومردش. فتون: شافت الدموع ف عينيه. وزعلت علشانه. وقربت من حنين وسابت الاشعه والشنطه معاها. ورجعت ل سليم. ومسحت دموعه. تعالى. تعالى اقعد هنا. ومسكت ايدو.سليم: مشي معاها. وقعد وساكت تماما وحط وشه بين ايديه. فتون: قولى ايه حصل ليها. ايه الل حصل ياسليم ارجوك رد عليا. سليم: مغمض عينيه. وقال وقعت من ع السلم. ومن وقتها وهي فاقده الوعى. فتون: شهقت بزعل امتى حصل؟ و شكل سليم قطع ف قلبها. ورفعت أيدها ومسدت ع ضهره بحنان. سليم حاول تقاوم. علشان ماما. وإن شاء الله هتكون كويسه. وهترجع زى الاول واحسن. انا كلمتها وكانت مبسوطه جداا.سليم: انتبه. انتى اخر مره كلمتيها امتى؟ مقالتش ليكى انها تعبانه اوى حاجه؟ فتون: هزت راسها بدموع. لأ دى كانت مبسوطه اوى علشانك. سليم ف كلام كتير اوى عايزه اقولهولك. لكن مش وقته. بس اهم حاجه انى كنت عايزه اقولك انك هترجع تشو… الباب اتفتح. والدكتور خرج. فتون: مكملتش وانتبهت وقامت مع سليم. سليم: ها يادكتور. ماما عامله ايه؟ فاقت.الدكتور: هز راسه للاسف لسه. وده محيرنى. لكن احنا دلوقتي هناخدها ع غرفة الاشعه. وبعدها هنعمل الجبيره وكل حاجه هتبقى تمام. وبعد اذنكم. وشاور للممرضين. واخدو فريده ع التورل ومشيو. شريف: قرب من سليم. وقال متقلقش ياسليم. انا هروح معاهم وأفضل موجود معاها مش هسيبها. الدكتور: مفيش داعى لأن ممنوع دخول أى شخص. سليم: شريف خليك معايا. متسبنيش.فتون: استغربت ضعفه. وهي موجوده جمبه. وربتت ع كتفه. اقعد ياسليم. اقعد انت مرهق. سليم: مردش عليها شريف تعالى اقعد جمبى. وقعد. شريف: قعد جمبه. وربت ع ايدو. اهدا انا جمبك وكل حاجه هتبقى تمام. فتون: بصت ع خالد وحنين. وشافت خالد بيشرب سِجار بخنقه. وقالت سليم. ممكن تيجى معايا عايزه اتكلم معاك. شريف: انسه فتون. انتى شايفه حالة سليم عامله ازاى. اتفضلى اقعدى. وبعد ما نطمن على مدام فريده. اتكلمو براحتكم.فتون: هزت راسها. عندك حق. ورايحه تاخد الشنطه. خالد: شاف ظابط جاي ومعاه عساكر وقال بعدم فهم. بوليس؟ ياترى ف ايه؟ حنين: ممكن يكون حاله ف المستشفى. خالد: هز راسه ممكن. فتون: هاتى الشنطه يا حنين. وصوت عالى. وشاور ع حنين وفتون. وقال. مين فيكم. فتون مهران؟ فتون: لفت ضهرها. ومش فاهمه حاجه. وراحت وقفت جمب سليم. خالد: وقف. وحنين. وشريف. ومحدش فاهم حاجه. سليم: وقف بعدم فهم. انت مين؟ وبتسال ع فتون ليه؟#: انا الرائد كريم. مباحث. ومطلوب القبض على مدام فتوت مهران. الكل اتصدم بزهول. حنين: شهقت بصوت عالى. وعينيها ع فتون خالد: فتح عينيه بصدمه كبيره. ومش فاهم حاجه شريف: واقف ومسك دراع سليم علشان ميتهورش. فتون: رجعت لورا بصدمه وحطت ايدها ع بوقها. ومسكت ف هدوم سليم وعينيها مفتوحه ع الاخر بصدمه كبيره جدا.سليم: قبض ع ايديه بغضب شديد. وقال تقبض ع فتون؟ انت اكيد غلطان. وياريت تتأكد من معلوماتك قبل ما تتكلم وتعمل ضجه ع الفاضي. الرائد: اظن انا مش جاي من القسم لحد هنا عشان معلومات غلط او جاى اهزر. وبص ل فتون وعرفها من خوفها. وقال انتى فتون مهران؟ فتون: كلبشت ف هدوم سليم بخوف. وهزت راسها بدموع. ومتكلمتش. كريم: تمام ياريت تتفضلى معانا من غير شوشوره.سليم: بغضب اسمع.؟ انت مش من حقك الل انت بتعمله ده. وبعدين فتون تهمتها ايه؟ علشان تروح معاك. وزعق بصوته كله. تهمتها ايييه؟ كريم: بصوت عالى. بتهمة تعدد الأزواج. الكلمله نزلت زى الصاعقه عليهم والكل سكت بصدمه. صمت تااااااام… حنين: اتخضت واتصدمت وحطت أيدها ع بوقها بعدم استيعاب… خالد: اتصدم وبص ع فتون وسليم. وهز راسه بلاء مستحيل الل سمعته ده.سليم: جسمه اتشد من الصدمه. وقبض ع أيديه بغضب اكبر. وعايز يضرب الرائد. فتون: بتفتح عينيها وتقفلها بتحاول تستوعب الل سمعته. وقالت للرائد. لأ حضرتك بعد الل انت قولته ده. انت اكيد غلطان. كريم: لما تيجى معانا ساعتها هنعرف مين غلطان. انتى متقدم بلاغ ضدك. اتفضلى. سليم: بينهج بغيظ مين الل قدم البلاغ ده؟ كريم: فاعل خير. بس اكيد هنوصله. وياريت بقى تمشي معانا من سُكات ومن غير تفتيش.فتون: اتغاظت واتكلمت بصوت جهورى. اسمع حضرتك انا مش هتحرك من هنا. وهو اى حد يبلغ ويقولك فاعل خير تصدق. وبعدين ايه التهمه القذره دى. وكمان فين دليلك ع كلامك وانك تاخدنى القسم؟ كريم: هز راسه. وبص ع الكرسي دى شنطتك؟ فتون: بتتنفس غيظ. ايوه شنطتى؟ ليه هتفشتها؟ كريم: بالظبط كدا. فتون: ضحكت بسخريه. وانا بنفسي هفضيهالك وقدامك. واتمنى انى اعرف من الحيوان الل قدم فيا بلاغ بالشكل ده.وجابت الشنطه وفتحتها. وفضت كل حاجه فيها ع الكرسي. اتفضل مفاتيح. واقلام. واجنده. وفلوس ومحفظه. وبطاقتى. وا، سكتت وشافت ورقه متطبقه غريبه. مسكتها ولسه هتفتحها. كريم: شدها منها وفتحها. وضحك بتريقه. اممم تقدرى تقوليلى عقد الجواز العرفى ده بيعمل ايه معاكى؟ وكمان بإسمك؟ فتون: اتعدلت وعينيها مش عارفه تقفلها من الزهول وعدم الاستيعاب. ومردتش. الكل مزهول.سليم: وصل للقمه. واتحرك بحظر. وقال بغضب اسمع اكيد ف حاجه غلط. وعقد عرفى ايه؟ فتون مراتى وكتابين كتابنا. وزعق انا مش عايز تهريج. كريم: هز راسه انا مقدر انفعالك. لانك فعلا هتتصدم. لما تعرف إن حرمك المصون متجوزه عرفى من شهر. وبص ف الورقه وقال مراتك متجوزه من رجل الأعمال. مصطفى رزق الهوارى! سليم: فتح عينيه وقلبه بيدق بسرعه كبيره جدا.فتون: هزت راسها لأ. مستحيل. محصلش مستحيل. وشدت العقد برعشه. وبتقراه ودموعها نازله زى المطر. وخالد وقف جمبها بيقرا معاها. الدكتور: جه ماينفعش ياجماعه الدوشه والصوت العالى ده انتو ف مستشفى ياريت نراعي إن ف مرضى. كريم: هز راسه تمام احنا هنتحرك. اتفضل انت تابع شغلك. الدكتور: تمام متشكر جدا. ومشي. شريف: راح للرائد. حضرتك اكيد ف حاجه غلط؟ فتون متجوزه من سليم اخويا…خالد: اتحرك بسرعه. يافندم فتون استحاله تعمل حاجه زى دي. وبعدين فتون متجوزه من شهر تقريبا. اكيد حد ملفق التهمه دي؟ سليم: عينيه تايهه. وهمس متجوزه مصطفى هوارى؟ فتون: بتسمعهم وعينيها مفتوحه ع الاخر. وحطه ايديها ع بوقها وبتهز راسها بصدمه وعدم استيعاب. ودموعها نازله ف صمت. كريم: الكلام ده تقدر تقوله ف القسم. انا معايه دليل. واحنا مبناخدش بالكلام وبس. اتفضلى حضرتك معايا بالزوق. فتون: خافت وراحت عند سليم.سليم: بغضب لف ضهرو ليها… فتون: اتصدمت من رد فعله. وسكتت. العسكرى: مسك دراع فتون. امشي معانا يلا. حنين: بتعيط بشهقات. خالد الحق فتون ياخالد. العسكرى: اخد فتون. وعينيها ع سليم ومش مصدقه. خالد: وقف قدام سليم. انت هتسيبها تروح معاهم؟ انت ساكت ليه ياسليم؟ سليم: بتوهان بيهمس. مصطفى هوارى؟شريف: اسمع ياسليم اكيد ف حاجه غلط. وبعدين مصطفى هوارى ده كلمنى قبل كده ع فتون وسالنى ليها ف العرفى. وانا نبهت عليه يبعد عنها. فتون مش ممكن تعمل كدا. خالد: وانا كمان مصطفى كلمنى من فتره كبيره. وقالى لو فتون ليها ف العرفى. وانا زعقت معاه. شريف: يلا ياسليم روح وراها انت وخالد. وانا هستنى هنا اطمن ع والدتك. يلا ياسليم. سليم: بينهج. ومغمض عينيه وساكت تماما.حنين: جربت عليه. سليم اوعى تكون مصدق إن فتون تعمل كدا. انا اول مره اسمع اسم مصطفى ده. وعمرها ما قالتلى عليه. فتون متعرفهوش صدقىنى اكيد حد من الحاره عايز يدمرها. وشهقت. ممكن يكون علاء!؟ ايوه اكيد. سليم: بجمود تعالى معايا ياخالد انت وشريف. شريف: انا معنديش مشكله لكن ماينفعش نسيب…سليم: قاطعه. وزعق انا مش هعرف اعمل حاجه. انا اعمى ولازم خالد وانت تكونو معايا. انا هعمل ايه. فتون ف القسم. وامى ف المستشفى. حنين: مسحت دموعها بسرعه. انا هفضل هنا. وهتصل ع احمد اخويا وماما وهيكونو موجودين معايا. متقلقوش انا هتصرف بس الحق فتون الله يخليك. سليم: لف ليها. حنين مش عايز عينك تبعد عن امى دقيقه واحده. وانت ياخالد اتصل ع طاهر ونبه عليه يكون حارس لفريده فاهم.خالد: تمام. انا هتصل بس يلا نلحقها. وبص ل حنين كلمينى لو حصل حاجه وخلى بالك من نفسك. سليم: سند ع شريف. يلا ياشريف. شريف: ساعد سليم. وخارجين. وخالد ماشي جمبهم واتصل ع طاهر. بعد شويه ف القسم. الرائد كريم: ها يامدام فتون. مش هتقولى ليه اتجوزتى 2 وف وقت واحد؟ واتنين ايه؟ رجال أعمال لُقطه يعنى مش مكفيكى واحد قولتى ومالو البحر يحب الزياده. لما اخد التانى؟فتون: بغيظ لو سمحت انا مسمحلكش. ايه الل انت بتقوله ده؟ كريم: زعق جرا ايه ياروح امك. اتكلمى كويس يابت. انتى هتعملى فيها الشريفه؟ امضتك ع العقد ده ولا لأ؟فتون: صعبت عليها نفسها. وعيطت من اتهامه ليها، وقالت بوجع المشكله انها امضتى بس والله العظيم ما اعرف الامضه دى جت ع الورقه دى ازاى؟ والله العظيم انا معرفش الل اسمه مصطفى ده؟ انا بس شوفته مرتين اتنين بس. مره في اجتماع. والمره التانيه انهارده ف الشركه. لكن غير كدا والله العظيم ما اعرف حاجه. انا متجوزه سليم. سليم وبس. صدقنى ارجوك.كريم: من جواه حس انها بتقول الحقيقه. ومط شفايفه وقال. طيب الورقه دي ف شنتطك بتعمل ايه؟ فتون: بشهقات. مهو ده الل هيجننى حضرتك انا معرفش جت ازاى ف الشنطه؟ او مين الل حطها.؟طيب بالعقل كده حضرتك انا هاخد معايا عقد زى ده يودينى ف داهيه. هروح بيه الشركه ل سليم ليييه؟ والله انا بريئه. بريئه. حسبى الله ونعم الوكيل ف الل عمل كدا. ارجوك لو سمحت انا امي ست كبيره. وعايشه لوحدها. ارجوك بالله عليك خلينى أخرك من هنا. كريم: اااه امي ست كبيره ومريضه والشويتين دول. لأ انتى هتشرفينا شويه هنا. ولسه هتتحولى للطب الشرعي.فتون: شهقت بصوت عالى. طب شرعي؟ ينهار اسو، هي وصلت للطب الشرعي. وغمضت عينيها بوجع. العسكري خبط. ودخل تمام يافندم. ف واحد بره بيقول أنه جوز المتهمه. كريم: هز راسه خليه يتفضل. فتون: ضحكت بدموع أمل وهمست سليم وضحكتها اختفت. مصطفى: دخل بلهفه فتون حبيبتى انتى كويسه؟ ومقبوض عليكى ليه؟ انا روحت المستشفى اطمن لقيتك بتركبى البوكس جيت وراكى فورا. كريم: قعد يتابع ردود الفعل.فتون: مسحت دموعها وهي تايهه وهمست جوزى؟ وقالت بتوهات ا. انت؟ أ. انت بتقول ايه؟ ووقفت قدامه. وشاورت ع كريم وقالت لمصطفى قول للظابط انى معرفكش. قول ان دى اول مره اتكلم معاك. قول انى مش مرررااااااتك. مصطفى: حبيبتى اهدى انا مقدر صدمتك. بس انتى ليه مقبوض عليكى. كريم: رفع حاجبه. بتهمة تعدد الأزواج. هو انت متعرفش إن مدام فتون متجوزه من سليم بدر الدين… مصطفى: مثل الصدمه اييييه؟فتون: صرخت بانهيار انا مش مداااااام. انا انسه. وعايز تحولنى للدكتوره حولنى دلوقتي. انا مش مراااااته انا معرفوووووش. انتو ليه مش عايزين تصدقونى. ومسكت مصطفى من هدومه. اتكلم انت ساكت ليييه؟ انت مش لسه انهردا ف الشركه بتباركلى ع جوازى من سليم؟ اتكلللللم.مصطفى: شد أيدها. اه يازباله ياوقحه. بقى انتى متجوزه سليم. اومال انتى كنتى بتمثلى عليا الشرف. ااااه انا دلوقتي فهمت ليه انتى كنتى رافضه جوازنا يكون ف العلن. ومانعه نفسك عنى غير لما انتى تقررى. بقى انتى يطلع منك كل ده؟ فتون: وصلت لقمة غضبها. وضربته قلم بكل قوتها. وزعقت انت حيووووان. انا معرفوووووش. معرررفووووش. وبصت ل كريم والله العظيم ما اعرفه صدقونى.مصطفى: حط ايدو ع خدو من القلم. وبعدها طلع صوره تانيه من العقد. وقال اومال ده ايه؟ دى النسخه التانيه من العقد الل صممتى اننا نكتبه؟ وانتى خدتى نسخه وانا نسخه انتى فعلا تستاهلى الحبس. انا اتفضحت بسببك. وسابها وخرج. كريم: قاعد واتأكد إن فتون بريئه. لكن لازم يكمل شغله. ويعرضها ع الطب الشرعي. فتون: واقفه بتعيط بشهقات وبتترجف. وهمست ماما. سليم. ف الحاره.فاطمه: اله ياترى يافتون يابنتى انتى اتاخرتى ليه؟ والدوا معاده عدا. بس مش عارفه قلبى مقبوض ليه كدا. وحاسه إن نفسي تقيل. اعوذ بالله من الشيطان الرجيم. انا هاقوم اخد العلاج. واستناها نتغدى مع بعض. وقامت بتعب. ااه ياضهرى. وبعدها اخدت العلاج. وفونها رن وكانت فتون. وابتسمت بحب تونا قلب امك حاسه بيا. وردت الو ياتونا. فتون: بوجع متدارى. الو ايوه ياماما عامله ايه؟فاطمه: الحمدلله ياقلب أمك. ايه يابت اتاخرتى ليه؟ انا جوعت ومستنياكى. فتون: بعدت الفون عن ودنها. وبتعيط بصمت. واخدت نفس عميق. وحاولت تكون قويه. وقالت معلش بقى يابطه اتاخرت عليكى. بصي ياحبيبتي اتغدى انتي. اصل انا هتاخر انهردا. فاطمه: هتتاخرى؟ ليه يابنتى خارجه مع سليم؟فتون: بوجع اكبر. لأ ياماما بس ف شغل كتير جدا ف الشركه. وسليم معايا متقلقيش. انتى اتغدى وابعتى نوسا تقعد معاكى. او انزلى عند خالتى ام عصام. متقعديش لوحدك ياماما الله يخليكى. فاطمه: قلبها اتقبض. صوتك مش عاجبنى يافتون؟ مالك يابنتى حصل حاجه؟ فتون: ضحكت بتمثيل. انتى ع طول قلقانه كدا. انا كويسه. ومفيش اى حاجه. يلا ياحبيبتى انا هقفل علشان الشغل. وانتى اتغدى وانزلى. ومطلعيش غير لما اجى ماشي؟فاطمه: بتنهيده. ماشي يابنتى هتغدى وانزل عند سميره اهي قاعده لوحدها. مع السلامه ربنا يحفظك يابنت بطنى يارب. فتون: دموعها نازله ع خدها. اللهم امين. مع السلامه يا ماما. وقفلت. وبصت للرائد كريم وقال شكرا لحضرتك انك وافقت اكلم امى. كريم: صعبت عليه فتون وشاكك إن ف حاجه غلط. وقال تمام انتى دلوقتي اطمنتى ع والدتك. انتى بكره لازم تتعرضي ع النيابه. وهما هيقررو الباقى.فتون: بكسره. حسبنا الله ونعم الوكيل فيهم. حسبنا الله. والله بريئه. الباب خبط. العسكرى. تمام يافندم سليم بدر الدين عايز يدخل. فتون: ضحكت بدموع سليم. اكيد جاى عشان يقولك انى لا يمكن اعمل كدا. كريم: خليه يدخل يبنى. سليم وشريف وخالد. دخلو. العسكرى: تمام يافندم. مأمؤر القسم طالب سيادتك.كريم: تمام روح انت. وقام. انا هسيبكو مع بعض شويه وراجع. وخرج ونبه ع العسكرى إن المتهمه ماتخرجش بره باب المكتب. ومشي يفكر في مصطفى… فتون: جريت ع سليم. ومسكت دراعاته. وابتسمت ب أمل. سليم الحمد لله انك جيت. سليم انا خايفه انا معرفش ايه الل حصل. تعرف. تعرف إن الل اسمه مصطفى ده جه هنا. وضربته بالقلم. وكملت بدموع. بس انا معرفوش ياسليم ومش عارفه ايه الل بيحصل.سليم: شال ايديها بجمود انا مش جاى اسمع منك انتى عملتى ايه دلوقتي؟ انا بس جاى اسالك سؤال واحد. ليه؟ ليه يافتون ضحكتى عليا ومثلتى انك بتحبينى؟ لييييه؟ فتون: اتخضت واتصدمت ف نفس الوقت. وقالت سليم ا. انت م. مصدق انى ممكن اعمل كدا. وهزت راسها وضحكت بدموع لأ لأ انت اكيد بتهزر صح؟ سليم قول انك واثق انى معملش كدا؟ سليم: ضحك بتريقه. مصطفى هوارى. وعرفى؟ انا دلوقتي بس اتأكدت إنك، وسكت…فتون: حطت ايديها على بوقها. وراحت ل خالد بسرعه. خالد أنت عارفنى كويس مش كدا؟ سليم وقت غضبه وزعله ع ماما فريده مش عارف يفكر. بس انت صاحبه قوله إن أنا فتون. الل لايمكن اعمل كدا ابدا. اكيد ف حد عايز يوقعنى. انا معرفش مصطفى ده ياخالد. خالد: عيونه لمعت بدموع. وبص بعيد وسكت. فتون: رجعت بضهرها بصدمه. وبصت ع سليم وخالد.وجريت ع شريف. ووقفت قدامه وبصت ف عينيه. استاذ شريف. احنا يمكن متكلمناش كتير بس اكيد واثق انى معملش كدا. انا مستحيل اعمل حاجه حرام. ومصيبه زي دي استاذ شري، وسكتت لانها شافت ف عيون شريف فرحه كبيره وخبث اكبر. وابتسامه خفيفه جدا ع شفايفه بسخريه. وفتحت عينيها ع الآخر. ورجعت بالذاكره ترتب الاحداث. وافتكرت. فرد الأمن.الأمن: ياخبر انا متاسف جدا يافندم. ده الباشا قال أو ماحضرتك توصلى تدخلى ع طول. وسليم ف الاجتماع هيوصل ع المكتب فورا. وافتكرت مصطفى مصطفى: احم انا متاسف جدا. انا فكرت إن سليم موجود عشان كدا دخلت ع طول. انتى مش فكرانى انا مصطفى هوارى. : احب اقولك الف مبروك ع الارتباط السعيد ده. معلش هتعبك. عايز كارت من ع مكتب سليم. وافتكرت. ولاء ولاء: إجتماع ايه حضرتك؟ مستر سليم مش موجود في الشركه من ساعه واكتر.والامن مالوش دخل ولا يعرفو حاجه تخص الشركه. وهما واقفين حراسه وبس. وافتكرت. فريده. فريده: وشريف انا هطلع اشوفه موجود ف اوضته ولا مشي يارب يكون موجود لازم أقوله إن اخوه مافيهوش حاجه. وافتكرت: سليم: فريده وقعت من السلم بعد ما كلمتيها بالظبط. وشريف لحقها. وافتكرت المترجم. المترجم: الدكتور مستغرب إن الحاله سافرت المانيا وعمل العمليه التانيه ومنجحتش. والعصب البصرى سليم جدا. ده مجرد نزيف ع العين.وافتكرت: فريده. ف الفيلا فتون: ماما هو انتى قولتى إن الشاش أتفك لسليم ف وقتها.؟ ده بيتفك بعد العمليه ب 3 ايام. انتى متاكده؟ فريده: . ايوه يافتون انا متاكده العمليتين دول محفورين جوايا. انا فاكره ف نفس الوقت. وافتكرت فريده تانى فريده: شوفنا شريف ماسك الس\كينه وعايز يموت سليم. ويقولو انا هقتلك انا بكرهك وبكرهكو وبعد السنتين شريف رجع بس رجع واحد تانى خالص.فتون: ازاى اتحول من عدوانى لملاك؟ يعنى خاله صلاح عرضه ع مدرس تعديل سلوك؟ فريده: لا خالص. وافتكرت: فريده لما شرحتلها عن الحادثه كامله. وربطت الأحداث ببعضها. سليم: قابض على أيديه وبينهج. واستغرب سكوت فتون وهي بتتكلم مع شريف. خالد: بص ع فتون سكتت ليه؟ وشاف عينيها رايحه يمين وشمال ف وش شريف وسرحانه. شريف: بيسمع فتون. وبصلها واستغرب سكوتها. وبص ع خالد وسليم بعدم فهم. وقال. انسه فتون؟ انسه فتون انتى كويسه؟فتون: فاقت وبتتنفس بسرعه. ورجعت بضهرها لورا. وخبطت ف الكرسي وكانت هتقع. خالد: حاسبى يافتون! فتون: بتنهج بسيط. وشاورت ع شريف وقالت. ا. انت. ا. انت. وبصت ل خالد وقالت شريف ورا كل الل حصل. وبصت ل سليم. شريف هو السبب. هو الوحيد الل يعرف انى رايحه الشركه. ايوه هو. سليم: زعق انتى بتقولى ايييه. انتى اكيد اتجننتى. انا مش عايز اسمع صوتك فاهمه.شريف: بعدم فهم. استنى بس ياسليم. ليه يا انسه فتون؟ ليه بتتهمينى اتهام شنيع زي دا؟ سليم: زعق سيبك منها ياشريف. هي خلاص بعد ما اتكشفت ع حقيقتها. لازم تفكر ف طريقه عشان تبرأ نفسها. مش كدا ياا معلمة الأجيال؟ فتون: وقفت قدام سليم بقوه. وقالت بجمود. انا مش محتاجه اي اثبات انى ابرء نفسي. لكن انا هقولك ايه السبب من ورا كلامى ده.سليم: اسكتى يافتون مش عايز اسمع منك كلمه واحده مش كفايه حقيقتك الل بانت قدامى. واحده غيرك تتكسف انها، انها، ومقدرش يكمل. فتون: ضحكت بكسره. انى ايه؟ خاينه؟ ماشي ياسليم بكره لما تعرف الحقيقه هيكون فات الاوان. وبكره هتندم ع كلامك ده… خالد: فتون اتكلمى انتى ليه قولتى كدا ع شريف؟فتون: عينيها ف عيون سليم. وقالت. انهردا انا كنت ف المدرسه لأن ف فريق طبى متكامل من المانيا متخصص في اكبر واصعب عمليات العيون. وكانو بيكشفو ع الاطفال المكفوفين وكان معايا اشعه سليم اخدتها من ماما فريده. وضحكت بدموع ووجع. والدكتور فرحنى وقالى إن سليم حالته بسيطه جدا. هو عندو نزيف ع العين مش اكتر. والتشخيص الل فات كله كان غلط. يعنى العصب البصري عنده كويس جدا. سليم: غمض عينيه بوجع وساكت خالص.خالد: بدهشه انتى بتقولى ايه يافتون؟ احنا سافرنا المانيا وعمل العمليه هناك.فتون: والدكتور استغرب من إن ازاى عمليه سهله زى دى تتعمل ف المانيا وكمان متنجحش. واتصلت ع ماما فريده وقولتلها الخبر ده. وقالت أنا هطلع اقول لشريف. وانا قولتلها انا رايحه الشركه. ولما روحت الشركه الأمن قابلنى وقالى إن سليم منتظرنى ف المكتب ولما طلعت قالى أنه عندك اجتماع. وزعقت بصوت عالى. تقدر تقولى ازاى الامن قالى كدا. وانت اساسا مش موجود في الشركه. وكمان قعدت ف المكتب فتره وبعدين مصطفى دخل المكتب وقالى انا جاى ل سليم. وقالى انه اسمه مصطفى هوارى وباركلى ع جوازى منك. وطلب كارت شركاتك؟ طيب هو ازاى صاحبك ومش معاه ارقام شركاتك؟ وبعدها خرج. وف نفس الوقت. ماما فريده تقع من ع السلم؟ مش غريبه دى؟خالد: بيسمع وكشر عينيه بتفكير. سليم: بيسمع وبينهج وقابض ع ايديه. وزعق انتى قصدك ايه؟ فتون: زعقت قصدى ان اخوك شريف هو السبب ف كل حاجه حصلت. انا شوفت ضحكته دلوقتي. شوفت فرحته الكبيره انى ف المكان ده. صدقنى ياسليم اخوك مجرم. وهو الل اتفق مع مصطفى. وكمان مصطفى عرف منين انى هنا. اعقل بقى وفكر. سليم: بصوت غضبان فتووووون. اخرسي.فتون: لأ مش هسكت. انت مش عايز تصدقنى انت حر. لكن انا مش هسكت وهطعن ف العقد. وهطلب تفريغ كاميرات الشركه. انا مش هسكت. سليم: بغيظ رفع ايدو عليها عشان يضربها بالقلم. شريف: اتحرك بسرعه ومسك ايد سليم. اعقل ياسليم. انت هتعمل ايه؟ فتون: وقفت بصدمه كبيره… كريم: دخل وشاف شكلهم واضح منه الغضب والصدمه. سليم: مهتمتش لدخول حد. وزعق اسمعى اخويا شريف خط احمر. اوعى تفكرى مجرد تفكير إنك توقعى بينا انتى فاهمه.فتون: بتعيط بخيبة أمل وهمست سليم انت كنت عايز تضربنى؟ شريف: اهدى يا انسه فتون واعذريه هو مضايق علشان والدته وا… سليم: قاطعه انت لسه بتبررلها بعد اتهامها ليك. انا دلوقتي فهمت كل حاجه. انا دلوقتي صدقتك ياشريف. ان الفقر يوصل الناس للجحود. انا كنت غلطان يوم ما صدقتك ووثقت فيكى. انا دلوقتي فهمت تصميمك ف انك تيجى معايا الشركه وتشتغلى. اسمعى مش عايز اسمع كلمه واحده عن اخويا فاهمه ولا لاااء…فتون: لسانها متلجم تماما ودموعها نازله من غير عياط. خالد: اهدا ياسليم. اكيد فتون مش قصدها انها تتهم شريف بحاجه. سليم: فات الاوان ياخالد. فتون صفحه وانتهت. يلا ياشريف يلا نمشي.فتون: زعقت بهستريا. لاااااااء انت الل صفحه وانتهت ياسليم. بس عايزه اقولك قبل ما تمشي تسأل نفسك ازاى تعمل عمليه جراحيه في عينيك وتشيل الشاش ف نفس الوقت. ازاى الدكتور مستناش 3 تيام. ازاى شريف لحد دلوقتى وبعد كل العمر ده شريف بيقول للست الل ربته مدام فريده. فكر ياسليم. ومش بعيد كمان يكون شريف ورا الحادثه الل اتأيدت قضاء وقدر. انا شوفت خبث ف عينيه مشوفتوش قبل كده…سليم: قرب منها ومسكها من دراعها جامد. كلمه زياده وهتندمى يافتون. فتون: بتتالم بدموع. وبصت ف عينيه بضعف ارجوك ياسليم صدقنى. انا بحبك وعمرى ما اعمل حاجه حرام ارجوك. سليم: فك ايديه ولف ضهرو ليها وصك ع اسنانه بغيظ. فتون: لفت ليه. حبيبى سليم ارجوك صدقنى انت بتثق فيا مش كدا؟ سليم: بجمود اثق فيكى؟ بعد اتهامك لاخويا وخيانتك ليا.؟وانك عايزه تتجوزى واحد اعمى علشان الفلوس. وكمان متجوزه راجل تانى. انتى اسؤ من رهف بكتير يافتون. فتون: جسمها اتشد من اتهامه. وغمضت عينيها بوجع كبير وقالت. يبقى طلقنى ياسليم. خالد: قابض ع ايديه بغضب وساكت. شريف: بتحذير اوعى ياسليم تسمع منها. اوعا تطلقها. هي بس تحت ضغط شديد. سليم: بغيظ كبير. انتى الل ذيك يستحيل يكون ع زمتى دقيقه واحده. لكن انا هعرفك مين هو سليم بدر الدين.وزى ماطلبت ايدك قدام كل اهل حارتك وعملتلك قيمه. أنا هطلقك واذلك قدامهم واخليكى عبره للكل.رواية أحببت بصيرته للكاتبة مريم نصار الفصل الخامس والثلاثون
سليم: بغيظ كبير. انتى الل ذيك يستحيل يكون ع زمتى دقيقه واحده. لكن انا هعرفك مين هو سليم بدر الدين. وزى ماطلبت ايدك قدام كل اهل حارتك وعملتلك قيمه. انا هطلقك واذلك قدامهم واخليكى عبره للكل. خالد: غمض عينيه ولعن كل حاجه… شريف: لأ لأ ياسليم لاااء انت اتجننت؟ فتون: سمعت توعد الإنسان الل عشقته سليم حبيبها هيطلقا.فتحت عينيها بتعب وبصت ع سليم بإحباط كبير وخيبة أمل اكبر. ونزلت ع الأرض مكانها بصدمه وساكته تماما. سليم: بيتنفس بسرعه. كريم: اول مره يشوف موقف زى ده. وصعبت عليه فتون جدا. سليم: قال بجمود. ومن انهردا تعتبرى كل حاجه انتهت. وانتى مالكيش اى علاقه بعلية بدر الدين. انتي خارج حياتنا. ومد ايدو يلا يا شريف. شريف: بس فتو…سليم: شريييف انا عايز اطمن ع فريده. وانت ياخالد اطلع ع الشركه. فتون ماضي وانتهى. يلا، واتحرك. وخرج مع شريف. خالد: واقف عينيه ع فتون وقلبه وجعه. وقرب منها وحاول يساعدها انها تقوم. فتون: رفعت عينيها بدموع. وقالت امي. امى لوحدها ياخالد. وغمضت عينيها واغمى عليها ووقعت. خالد: فتووون. فتووون. كريم: وخالد حاولو بفوقوها. لكن مفيش فايده. كريم: اتصل ع الإسعاف.شريف: خارج من القسم وساند سليم. انا مش عارف ايه التصرف الغبى ده؟ انت اتسرعت بقرارك ده ياسليم. فتون ممكن… سليم: بنرفزه مفيش فتون بعد كده ياشريف. انا اعتبرتها صفحه وانتهت. وياريت انت كمان متقولش اسمها قدامى. دى واحده ضحكت عليا وطلعت متجوزه. و عايزه توقع بينا. من دلوقتي خلاص راحت لحالها وهطلقها. شريف: بتنهيده. والله مش عارف اقولك ايه ياسليم. سليم: بنرفزه. تقولى نركب عشان اطمن ع امي ممكن؟شريف: طيب تعالى اركب. بس خالد اتاخر ليه؟ اركب انت وانا هروح اشوفه… سليم: اكيد بتتحايل عليه عشان ارجع ف كلامى ومفضحهاش ف الحاره. هي عايزه تضيع وقت وخلاص. يلا تعالى اتحرك وانا هتصل عليه يروح الشركه. عنده شغل مهم. شريف: هز راسه ماشي. وركب العربيه واتحرك. ف المستشفى. حنين: وامها قاعدين. وطاهر واقف قدام الغرفه حنين: بتعيط وزعلانه ع فتون. ونفسها تعرف ايه الل حصل. فريده. خرجت من العمليات ودخلت غرفه عاديه.حنين: راحت الدكتور. طمنى يادكتور. الدكتور: انا عملت للحاله جبيره. ورجلها هتفضل 25 يوم ف الجبيره. ضغطها عالى جدا. وانا عطتلها ابره تنزل الضغط. والاشعه مفيهاش اى حاجه الحمد لله مفيش نزيف داخلى. لكن للاسف مدام فريده فقدت النطق. حنين: شهقت وحطت ايدها ع بوقها. اييه؟ الدكتور: انا والدكتور حاولنا جاهدين انها تتكلم أو تقول اى حاجه. لكن للاسف مفيش اى نتيجه. اظاهر الوقعه كانت نتيجة صدمه اتعرضت ليها. بعد اذنك.ف الحاره. عند الشيخ محمد. سميره: بتحط الشاى. يألف مرحب والله ما تعرفى انا فرحت قد ايه لما لقيتك بتخبطى ع الباب ياحجه فاطمه. فاطمه: تعيشي وترحبى ياحبيبتى. سميره: اتفضلى الشاى. وده طبق بسكوت عمايل البت سحر ف شقتها هههه قال ايه بتجرب. فاطمه: يختى بركه ربنا يسعدها. هي عامله ايه؟ سميره: هي الحمدلله كويسه. ومبسوطه بس يتشتكي من حسن ع طول ساكت ومبيتكلمش عامل زى الصنم مش عارفه ليه؟فاطمه: معلش ياحبيبتى هي الرجاله كلها كدا. يعنى انتى مش عارفه. بكره لما سحر تخلف عيل كدا ويجرى قدامه يتدردح ويتكلم. سميره: يختى يارب يسمع منك. فاطمه: إن شاء الله. هما هيسافرو امتى؟ سميره: اخر الشهر إن شاء الله. ربنا معاهم والنبى البت هتقطع بيا ياحاجه. فاطمه: حطت ايدها ع قلبها بقلق. وقالت بتوهان. لا متقوليش كدا ربنا يسعدها. واستعاذت بالله من الشيطان. سميره: مالك ياحاجه فاطمه. ف حاجه شاغله بالك.فاطمه: مش عارفه يام عصام. قلبى متوغوش وحاسه بتقل ع قلبى. سميره: استعيذى كدا من الشيطان. وامسكى دوقى البسكوت مع الشاى. فاطمه: بتنهيده. استرها يارب. سميره: إلا هي فتون إن شاء الله فرحها امتى؟ فاطمه: إن شاء ف إجازة نص السنه. ربنا يكملها ع خير يارب. سميره: إن شاء الله تفرح وتتهنى. هي بنت حلال وتستاهل كل خير. فاطمه: هزت راسها بقلق. إن شاء الله. ف المستشفى.حنين: جريت ع سليم تطمن ع فتون. وقال هتعرفى من خالد كل حاجه. المهم امى عملت ايه؟ سليم: عرف من حنين حالة فريده. وقعد ع الكرسي بتعب وحط وشه بين ايديه بإحباط كبير. ومش مصدق الل بيحصل. شريف: قعد جمبه. سليم اكيد هنعدى المرحله دى. وهترجع تتكلم من تانى. بس انا عايزك ما تضعفش ولا تيأس.سليم: هز راسه. انا مش مصدق ياشريف. امي مبتتكلمش. والدكتور قال عايزه معجزه. انت متخيل. انا اتعميت وامى مبتتكلمش. يعنى انا مش هشوفها ولا هسمعها. ا. انا ف كابوس ياشريف. ف كابوس. ودلوقتي مالناش غيرك انت. انت وبس. شريف: ربت ع ضهرو. وانا جمبك ديما متقلقش من حاجه. قوم تعالى ندخل نشوفها. سليم: قام وقف بتعب. ودخل هو وشريف.فريده: نايمه ع السرير بتعب شديد. وجسمها كله بيألمها من الوقعه. لكن مبتتحركش ولا بتتكلم وشافت سليم. عيونها لمعت بدموع. شريف: قرب منها الف سلامه عليكي يا. ماما! سليم: اتنهد وغمض عينيه. ومش مصدق ومحتاج ل فتون. بس خلاص فات الاوان. فريده: دموعها نازله. ومش عارفه تتحرك ولا ترد. وبصت ع شريف وسليم. سليم: قرب منها ووصل ل أيدها ومسكها وباس ع أيدها. ماما متقلقيش انا معاكى. وكمان شريف. انا مش عايزك تقلقى ابدا.فريده: بتعيط بشهقات وبتترجف. الممرضه: بتحطلها حقنه ف المحلول لو سمحتو المريضه لازم تستريح. اتفضلو بعد اذنكم. سليم: قرب منها وباس جبينها. وقالها ماما اطمنى كل حاجه هتبقى تمام. واتعدل. ومد ايدو ل شريف وساعدو وخرج من الاوضه. حنين: بتتصل ع خالد ورايحه جايه ف الطرقه. سليم: قعد ع الكرسي وشريف واقف بيشرب سِجار. حنين: بتتصل تانى بنرفزه. ورد عليها. خالد: بخنقه ايوه ياحنين.حنين: قعدت ع الكرسي الل قصاد سليم. وردت بلهفه. ايوه يا خالد ارجوك طمنى. فتون عامله ايه؟ وايه الل حصل.؟ خالد: اطمنى هنشوف لسه محامى. المهم فريده عامله ايه؟ حنين: حاكتله كل حاجه. خالد: بتنهيده. ربنا يستر. طيب سليم فين وعامل ايه دلوقتي؟ حنين: سليم شكله مخنوق جدا. وسرحان طول الوقت. حتى لما بكلمه بحس انه تايه. خالد: هز راسه. ماشي انا دلوقتي ف مشوار تبع الشغل هخلص واكلمك.حنين: ماشي بس ارجوك انا عايزه اطمن ع فتون. وكمان طنط فاطمه لوحدها. ولازم حد يكون معاها. خالد: غمض عينيه بتعب. ماشي ياحنين متقلقيش انا هتصرف اقفلى دلوقتي سلام. حنين: مع السلامه وقفلت واتنهدت بزعل. شريف: انسه حنين خالد ف الشركه؟ حنين: هزت راسها ايوه قال إنه ف الشغل. سليم: من جواه حرب كبيره جدا. ومصدوم. حنين: بعياط. ياترى يافتون عامله ايه؟ وايه الل بيحصل معاكى. منهم لله الل آذوكى. ف المستشفى عند فتون.خالد واقف متوتر. ومعرفش سليم ان فتون تعبت فجاءه. والعسكرى واقف قدام الاوضه. الدكتوره: خرجت. خالد: راح بسرعه ها يادكتوره فاقت؟ الدكتوره: ايوه فاقت وادتلها ابره مهدئه هي اتعرضت لصدمه. وفاقده الرغبه في الكلام. بترد عليا بيأس كبير. وكل كلامها امى لوحدها سليم هيطلقنى. واضح إن جوزها هيطلقها وده اثر عليها بالسلب. خالد: نفخ بغيظ كبير. ومسح وشه بايديه. طيب يادكتوره هي هتخرج امتى؟الدكتوره: انا هتابع معاها الكام ساعه الل جايين. واول ما تستوعب الواقع الل احنا فيه وترجع لطبيعتها. هتخرج. خالد: مش فاهم يعنى هترجع لطبيعتها امتى ممكن يوم يومين؟ الدكتوره: الله اعلم لكن اطمن اول ما تفوق ع طول انا هتكلم معاها وهبلغك ع طول. خالد: طيب متشكر جدا. لكن لو سمحتى ليا طلب خاص جدا واتمنى حضرتك تفهمينى. الدكتوره: خير اتفضل.خالد: طلع الكارت ده رقم تليفونى. وانا لازم امشي دلوقتي. ممكن اول ما تفوق وتخرج مع الأمن تبلغينى للاهميه ياريت. الدكتوره: هزت راسها بتفهم. تمام حضرتك واخدت الكارت انا هبلغك من نمرة المستشفى. خالد: انا متشكر جدا. بجد شكرا. الدكتوره: العفو ع ايه الف سلامه عليها. بعد اذنك ومشيت… خالد: راح للعسكرى ووصاه ع فتون. ف نفس الوقت ف المستشفى عند سليم.نجوى: اخت فريده. جايه بسرعه وبتعيط. اختى. اختى فريده مالها ياسليم؟ سليم: … شريف: قام وقف اتفضلى حضرتك اقعدى انتى جايه من مشوار طول. واطمنى ماما بخير. نجوى: بصت ل شريف بدهشه وهمست بعدم فهم ماما؟ وعيطت اسم عليكى ياختى قولى ياشريف ايه الل حصلها. سليم: نفخ بديق. تعالى يانجوى واهدى وبطلى عياط انا مش قادر اتحمل اى صوت. نجوى: قعدت جنبه اخص عليك ياسليم.سليم: اووف. انا اسف بجد عندى صداع شديد. المهم انتى عرفتى ازاى؟ نجوى: بدموع. عرفت من عزيزه. لما فريده متصلتش عليا كالعاده انا اتصلت اشوفها متصلتش ليه. عزيزه ردت عليا وكانت بتعيط وقالتلى. اااه ياختى عين وصابتك ياروحي. سليم: خلاص يانجوى والله ماقادر اتحمل اكتر… نجوى: غصب عنى ياحبيبى دى امى واختى وقامت انا هدخل اشوفها وقامت ودخلت.حنين: همست ل امها ثوانى ياماما. وقامت قعدت جنب سليم. احم سليم ممكن تطمنى ع فتون. انا بصراحه قلقانه عليها اوى. وكمان طنط فاطمه لوحدها ف البيت وانا مش راضيه اتصل عليها خايفه لو سألت ع فتون معرفش ارد عليها اقولها ايه؟ ارجوك ياسليم ساعد فتون دى مراتك. سليم: صك ع اسنانه بغيظ. وقال بنرفزه خلاص مابقتش مراتى. وياريت محدش يتكلم عليها قدامى. حنين: قامت بصدمه كبيره. ايييه؟ يعنى ايه مبقتش مراتك؟ مش فاهمه؟سليم: بجمود. هطلقها. حنين: اتخضت وشهقت. ا. انت هطلق فتون؟ وعيطت بحزن هطتلقها؟ اتخليت عنها؟ سليم: يووووه انا متخلتش عن حد هي الل، وغمض عينيه وسكت. حنين: ضحكت بتريقه. ماتخلتش عن حد؟ عندك حق انت يدوبك دمرتها. يعنى انت صدقت عليها التهمه؟ طيب مسألتش نفسك مين الل بلغ عنها؟ واشمعنى الورقه ف شنطنها انهردا؟ بما أن العقد من شهر؟ انا بجد مش مصدقه إن فتون حبت واحد انانى ذيك.سليم: شاور ليها بحذر. انا عمرى ما كنت انانى. وياريت توفرى تفكيرك لنفسك وصحبتك.حنين: مسحت دموعها. لا انت انانى. فتون ضحت كتير. ووقفت جمبك كتير. ووثقت فيك وحبتك. بس للاسف فتون اختارت الشخص الغلط. وثقتها فيك كبيره وانت خذلتها. زيك زى حسن وعلاء وابشع. زيك زى ناس كتير. انا شوفت ناس كتير انانيه وانت تفوقت عليهم وبجداره. بعد اذنك انا هروح اقف جمب الل تستاهل. وسابته وراحت عند أمها. يلا ياماما. احنا ف المكان الغلط.نجلاء: قامت بزعل عينى عليكى يافتون. ربنا ديما بيحطك ف اختبارات صعبه. وقولنا اخيرا هترتاح. يلا يابنتى ربنا ما يحوجها لحد. حنين: مسكت ايد امها. وبصت ل سليم بخذلان كبير وقالت. بكره هتعرف انك خسرت واحده بميت راجل. اتفضل الاشعه بتاعتك اهي وسابتها ع الكرسي ومشيت مع امها. سليم: ضرب بايدو ع الحيطه. وبينهج بغيظ. وقال طاااهر. طاهر: افندم ياسليم باشا.سليم: خد الاشعه دى قطعها وارميها أو أحرقها. مش عايز يكون ليها اثر… شريف: سليم انت بتقول ايه؟ سليم: بنبره مخيفه. سمعت انا قولت ايه ياطاهر؟ طاهر: بتوتر تحت امرك ياسليم باشا. واخد الاشعه ورماها ف الباسكيت. نجوى: خرجت من الاوضه. وبتعيط. امك مبتردش عليا ياسليم. فريده مبتتكلمش ياروحي عليكى يختى وعيطت. سليم: عايز يهرب لأبعد مكان. عايز هدووء. مش متحمل جواه صراع كبير.نجوى: اسمع ياسليم. انا هاخد اختى معايه البلد. انا هراعيها واخلى بالى منها ومن علاجها. دى خيرها عليا. سليم: مسح وشه بايديه بتعب. مش هينفع يانجوى امى لازم تبقى معانا خليكى انتى هنا. نجوى: ياريت يبنى بس انت عارف. مسؤوليات جوزى. والولاد ف المدارس وصعب انى اروح واجى كل يوم ده سفر. بالله عليك خلينى اخدها عندى. دى امي بقولك وصعب عليا انى اسيبها ف الظروف دى. وانت بتروح الشغل. وهي عايزه رعايه.سليم: بخنقه ايه رايك ياشريف. شريف: والله يا سليم الل انت شايفه. واهم حاجه مصلحتها. سليم: بس ده سفر وصعب انى اسافر. وانت كمان عندك شغلك. نجوى: يسيدى هطمنكو بالتليفون. هي يعنى عند حد غريب. وتبقى تعالى يوم الاجازه. هاا قولتو ايه؟ سليم: خلاص ماما هتخرج انهردا و انا هتصرف وهتسافرى البلد انهردا ف إسعاف مجهزه. شكرا جدا يانجوى. وياريت تهتمى بيها انا عارف انك مش هتقصري بس دى مهما كان امى.نجوى: ربتت ع ايدو متقلقش. فريده جوه عينيا. ويمكن الجو هناك يخليها تتحسن بسرعه. سليم: بتعب. الدكتور قال محتاج لمعجزه عشان ترجع تتكلم. فريده خلاص مش هتتكلم تانى. المهم انا هتصرف. نجوى: طيب ياحبيبى خلى املك ف الله كبير. وانا هتصل ع عزيزه تجهز هدوم فريده وعلاجها. بالاذن هدخل تانى اطمن عليها. وقامت ودخلت. سليم: رجع راسه لورا بتعب. شريف: ربت ع كتفه. انت مش جعان؟ سليم: افتكر فتون والكيكه وهز راسه لأ مش جعان.شريف: فونه رن مره والتانيه وكنسل. سليم: مردتش ليه؟ شريف: ده نظيم. واكيد بيكلمنى علشان الاجتماع. وانا نسيت اتصل عليه أقوله ألغى كل حاجه. والوقت عدا. سليم: هز راسه قوم انت روح الشركه. ومتقلقش. شريف: برفض. لأ طبعا ماينفعش اسيبك لوحدك. سليم: شريف طاهر معايا. ارجوك انا مش قادر اتكلم. انت روح ع الشركه وتابع شغلك. وانا هتفق مع الدكتور يشوف الإسعاف. ريحنى وقوم.شريف: فونه رن تانى. ورد ايوه يانظيم؟ ايوه عارف. انا نسيت اقولك ألغى كل حاجه انهردا. مين؟ طيب قوله انى ساعه بالكتير هكون عنده. لأ مش هتاخر. وخلى ولاء تجهزلى ملف شركة المقاولات. تمام سلام. وقفل. طيب ياسليم انا هروح دلوقتي واى حاجه تحصل كلمنى ارجوك. سليم: ربت ع رجله. حاضر ياشريف متقلقش عليا. وخلى بالك من نفسك. شريف: هز راسه وانت كمان. يلا سلام. واتحرك.سليم: غمض عينيه بوجع كبير ورجع راسه لورا. وافتكر فتون. ودمعه نزلت ع خدو. ومسحها بسرعه. وقام وقف. طاهر. طاهر: اومرك ياسليم باشا. سليم: تعالى معايا نشوف الدكتور. بعد فتره كبيره.حنين راحت الحاره. علشان تطمن ع فاطمه وتاخدها معاها البيت. وطالعه ع السلم. ووقفت قدام الباب. واخدت نفس عميق. ومتوتره وخايفه ع فاطمه لما تعرف. وخبطت ع الباب. محدش فتح. رنت الجرس بردو محدش فتح. استنت دقيقه وخبطت تانى اقوى من الاول. حنين: قلبها دق بقلق لايكون جرالها حاجه. فاطمه: فتحت ب إرهاق. حنين؟ اذيك ياحبيبتى تعالى خشي.حنين: اتنهدت بأريحيه. و بتكابر دموعها. احم الله يسلمك. ودخلت. ايه يابطه اتاخرتى ليه عما فتحتى وقعدت؟ فاطمه: قعدت بتعب. اصل المغرب فاتنى كنت عند سميره تحت. وكنت بصليه العشا قربت تدن. حنين: بلعت ريقها بتوتر. احم تقبل الله ياحبيبتى. فاطمه: منا ومنك يارب. قوليلى البت فتون مش قالتلك هتتاخر كتير عن كدا؟ دى كلمتنى من بدرى وقالت عندها شغل في الشركه مع سليم. ومن ساعتها متصلتش.حنين: غمضت عينيها بتفكر. وقالت بتمثيل. هههههه اسكتى يابطه هو انا مقولتلكيش. البت فتون عندها شغل كتير جدا لفوق راسها. وسليم عندو شغل لازم يتسلم ف ميعاده. ولو اتاخرو اكتر من كدا. سليم ممكن يخسر. ف سليم عمل ايه بقى؟ طلب من كل الموظفين وع رأسهم فتون هيطبقو ف الشغل هههه يعنى تونا هتبات برا انهردا ف الشركه.فاطمه: بدهشه. ايه؟ تبات بره؟ دى عمرها ما حصلت. وازاى هاتنام هناك والكل رجاله ومكان لوحدها. لا لأ اتصلى عليها قوليلها ترجع حالا. وتبقى تروح بكره إن شاله متروحش المدرسه وتروح تكمل شغلها هناك. حنين: بوجع متدارى. يعنى يرضيكى سليم يخسر؟ وبعدين يابطه نوم ايه بس؟ بقولك مطحونين لدرجة انى سبت فتون وجتلك زهقت من كمية الملفات الل قدامها ده حتى فونها فصل شحن الله يكون ف عونها.فاطمه: بحيره. واله يابنتى منا عارفه اقولك ايه؟ بس كدا غلط. وكمان انا هبات لوحدى؟ ومن غير بنتى؟ حنين: متقلقيش سليم جوزها معاها. وبعدين فتون قالت نفس كلامك مش هينفع ماما تبات لوحدها. وعشان كده قالتلى روحي ياحنين واقعدى مع ماما لحد ما ارجع بالسلامه. ها موافقه ابات معاكى ولا ارجع قفايا يقمر يعيش ههههه. فاطمه: قلبها بيدق بقلق ومشغوله. وقالت لا يابنتى بيتك ومطرحك طبعا.حنين: قامت. ومسحت دموعها بسرعه. احم انا جعانه اوى هدخل اعمل اي حاجه ع السريع كدا. وهجبلك علاجك. فاطمه: هزت راسها. خشي ياحبيبتى اعملى الل يعجبك. حنين: دخلت المطبخ. وعيطت بصمت ووجع كبير. وفتحت فونها واتصلت ع خالد. ورد. وقالت بهمس ايوه يا خالد. ايوه انا عندها. ايوه قولتلها زى ما انت قولتلى وانا هبات معاها انهردا. ماشي هكلمك بعدين مع السلامه. ف نفس الوقت شريف قاعد ف المكتب.ولاء: دخلت مستر شريف انا اتاخرت اوى ممكن امشي. شريف: ف حد ف الشركه. ولاء: الباشمهندش شوقى يافندم. شريف: هز راسه تمام اتفضلى انتى روحى مع السلامه. ولاء: تمام يافندم بعد اذنك. وخرجت. شريف: قفل الملف ورجع راسه لورا وحط رجليه ع المكتب. وابتسم. وبعدها هههههه هههههههههه. وضحكته اختفت بغل.وبص قدامه بجمود وقال بشر. ولسه ياسليم. الدور عليك. انا هدمرك. انا استحاله اعيش مبسوط وانتو بتنهبو خيرى. لازم ارجع حق امى الل امك استولت علييييه. بعد ما ضحكت ع ابويا. وامى ماتت بحسرتها بعد ما عرفت بجوازته من امك. انت غبى ياسليم غبااااااااى. ياريتك مت ف الحادثه كان زماااانى كل حاجه تحت اييييدى. انت متعرفش انا بدبر للحادثه دى من امتى؟ فلاش باك سليم: نزل يوم الجمعه. يلا ياشريف انا عملت اجتماع طارئ.شريف: بعدم فهم اجتماع طارئ ليه؟ سليم: جالى اتصال من المينا. الشحنه وصلت بدرى قبل ميعادها. شريف: بغيره. اتصلو عليك انت!؟ سليم: والله لسه بنام. لقيت الاتصال جالى. ياريتهم اتصلو عليك انت وقلقوك ههههههه. يلا بينا. شريف: طيب اسبقنى انت وانا هلبس هحصلك ع الشركه. سليم: تمام. يلا سلام.شريف: سلام. وبعدها قبض ع ايديه بغل كبير. انا خلاص جبت أخرى منك يابن فريده. لازم اخلص منك وانهردا. ومسك الفون بغيظ واتصل. الو ايوه. انت تنفذ انهردا. هو هيسافر انهردا بور سعيد. اول ما يتحرك انا هتصل عليك. واديك الاشاره. وتخبطه وتولع ف العربيه. انا عايز العربيه تتحرق وهو جواها فاهم.واسمع مش عايز اى غلط ولا اى دليل عشان متحصلوش انت كمان! وقفل. ولبس بكره دفين. ونزل وسلم ع فريده بهدوء تام وخرج. ووصل الشركه وقاعد مع سليم ف قاعة الاجتماعات. سليم قال ل شريف. انا مرهق جدا انهردا وموعدكش انى ممكن اسافر المرادى لان بجد اخوك فاصل ههههه. شريف: بغيظ. وابتسم بتمثيل وهدوء. لا ياسليم. ارتاح انت انا هسافر المرادى.وبعد: ماشريف خرج من الشركه وراجع ع البيت علشان يريح وهو كاره الدنيا وعايز يولع ف فريده وسليم. والشاب اتصل عليه. #: الو ايوه ياباشا انا موجود تحب ننفذ دلوقتي!؟ شريف: لأ ارجع انا غيرت الخطه. #: ليه بس ياباشا. ده انا مجهز البنزين والولاعه. وواقف ع اول طريق بور سعيد. شريف: زعق انت هتناقشنى وتقولى ليه ومش ليه. وانت مااالك انت ليك تنفذ وقت ما حب وبس فاهم. وقفل ف وشه. ووصل البيت مش طايق نفسه.ودخل الفيلا واخد نفس عميق. ولمح فريده موجوده. ومثل الهدوء. مساء الخير. فريده: مساء الخير ياشريف يبنى. متاخرتش يعنى؟ شريف: لأنه اجتماع سريع كدا ما اخدش اكتر من ساعه. فريده: بتبص وراه. اومال سليم فين؟ مجاش معاك ليه؟ هو مع خالد؟ شريف: ههههه. لأ! سليم بيتحاسب دلوقتى. رهف مطلعه عينه. شريف: طيب انا هطلع اغير هدومي واريح شويه. علشان مسافر بليل!فريده: طيب ياشريف ياحبيبى. ربنا معاك. اطلع انت غير هدومك. يكون الغدا جهز. وبعدها استريح برحتك. شريف: بصلها. وسرح كتير. وبيتخيل امتى هحرق قلبك ع سليم ابنك وارتاح منه و منك. فريده: شريف. ياشريف! شريف: اتنهد. اسف سرحت شويه. انا طالع بعد اذنك. واتحرك وطالع ع السلم وبيفكر ف طريقه يخلص بيها منهم الل 2. وبعدها بيومين شريف: نازل ومعاه ملف علشان فريده تمضي عليه وده مدايق شريف جدا. صباح الخير.فريده وسليم. صباح الخير. شريف: قعد. وبيشرب القهوه. وبيفكر انه خلاص لقى خطه واكيد هينفذها. وبص لفريده. اتفضلى حضرتك ده ملف فيه شوية إجراءات للمشروع الجديد وواقف ع الامضا بتاعتك راجعى عليه برحتك بس احنا محتاجينه بكره لاننا هنتقابل ف ميتنج مهم انا وسليم والعُملا. فريده: اخدت الملف حاضر يبنى. انا هقراه ولما ترجع إن شاء الله هيكون جاهز. شريف: دماغه هتنفجر منها لانها لازم تقرا اي كلمه.تمام. وبص ع سليم شافه مش ع طبيعته ومهتمش واتمنى ف اللحظه دي انه يقتلهم الاتنين حالا ويخلص بس الصبر حلو… فريده: احم شريف ياحبيبى! شريف: بصلها بغيظ متداري. نعم. فريده: انا كنت عايزه اتكلم معاك في موضوع كدا! شريف: فهم. وهز راسه. اممم موضوع الجواز مش كدا؟فريده: ابتسمت. ايوه يا يبنى. انت هتفضل لحد امتى كدا. العمر بيجرى. وانا شايفه أن مفيش سبب انك متتجوزش! الحمدلله مال وجمال ناقصك ايه علشان ترفض. ولو ف واحده ف دماغك قولى بس شاور عليها وانا اطلبهالك على طول. نفسي افرح بيك!شريف: بصلها كتير جدا. وساكت. وهو فعلا مش عايز يتجوز لانه كره كل الستات الل ف العالم. ولازم اخلص منك. لكن مش قبل ما اخد كل مليم حقي انا وامي انا بكرهك يافريده بكرهك. لكن ماشي. وبعدها اتنهد. وقال صدقينى انا مستريح كدا. ياريت الموضوع ده يتأجل. انا لما احب اتجوز هاجي لحد عندك واقولك انا قررت اتجوز. لكن حاليا انا مركز ف شغلى وبس. وخلاص كلها 5 شهور وتفرحي ب سليم.فريده: عيونها لمعت بدموع. افرح!؟ افرح ايه يبنى وهي دي جوازه. هي رهف دي عارفه تشيل مسؤلية نفسها لما هتشيل مسؤلية بيت انا بدعي ليل نهار. إن سليم يفوق. ويعرف انها مش من توبه!شريف: سيبيه برحته سليم مش صغير وقادر يتحمل نتيجة قراره. واتكلم بنار غيره بتاكل ف قلبه! سليم طول عمرو زكي. انا افتكر يوم ما انا وبابا كنا قاعدين ف اجتماع. وسليم راجع من الكليه. وحضر معانا الاجتماع من باب التسليه. وابتسم بتمثيل لان ملامحه اتغيرت. وكمل كان بابا بيشرح المشروع الجديد. وسليم بدون وعي وقدام الوفد ف الاجتماع قال الابعاد الل ممكن تحصل للمشروع ده لو تم ف المنطقه المحدده ليه. وخلانا كلنا نشوف المشروع من اتجاه تانى خالص. ومن ساعتها بابا قرر إن سليم يتعين ف الشركه. وكان قدها. لاننا اكتشفنا حب سليم للتجاره وبيحب يفكر بعمق كبير ويرجع للاجتماع بطريقه تبهر كل الموجودين. ف مش معقول واحد بالكفاءه دي هيختار غلط شريكة حياته! و قام بغل. انا لازم اروح ع البنك دلوقتي بعد اذنك. وخرج وحاسس إن مفيش هوا حواليه من كتر النار الل جواه.بعد اسبوعين. شريف: عندهم ف الشركه شحنه هتتصدر ولازم يآمنهُ عليها. وشيطانه اوحاله فكره. وهز راسه وابتسم بخبث. وقال آن الأوان بقى. واتصل ع سليم شريف: الو ايوه ياسليم. انت فين؟ سليم: ايوه ياشريف انا ف البيت. شريف: بيتالم. طيب خلاص ماشي. سليم: مالك يبنى.شريف: ابدا انا مش شايف قدامي من الارهاق. وف اجتماع مع عميل مهم كمان ساعه وانت لازم تحضر لانى فاصل بجد وكمل بخبث. ووجودك مهم ولا ايه!؟ وانت لازم تحضر الاتفاق. وانا هسافر بورسعيد. اآمن ع الشحنه. سليم: لالا متسافرش انت. انا هسافر. شريف: لا يبنى خليك انت انا هسافر انا بس اشرب قهوه وهفوق على طول هههههههه. سليم: هههههههه تعرف انا بشرب القهوه بنام معرفش ليه هههههه خليك انت بقى وسافر المره الجايه.شريف: عيونه بتلمع بخبث. ماشي ياحبيبى. وخلى بالك من نفسك يا سليم. سليم: ههههههه مش عارف انا انت اتغيرت ههههه ايه دا ثوانى كدا!؟ صوت خالد المجنون تحت. شريف: اممم سلملى عليه. انا هجهز للاجتماع. تكون انت وصلت. وياريت متتاخرش علشان تلحق تسافر وترجع قبل الليل تمام. سليم: تمام ياشريف. مع السلامه. وقفلو. شريف: هتوحشنى اووووى ياسولي هههههههه.واتصل ع شوقى دراعه اليمين ف الشركه لكن متخفي ف شغل الكمبيوتر. بعيد عن سليم لأن سليم مبيحبوش. وطلب منه. إن أول ما سليم يوصل الشركه ويركن العربيه ف الجراش. يوقع سيستم الشركه. ويروح بسرعه الجراش. ويقطع خرطوم الفرامل ويفضى زيت الفرامل. وميسبش اى آثر لزيت الفرامل ع الأرض.وفعلا شوقى. اول ما شاف وصول سليم. وقع السيستم. وراح ع الجراش مع واحد تانى يراقب المكان. وقطع الخرطوم. وفضى الزيت ومسبش اي اثر للزيت. وظبظ كل حاجه. ورجع شغل السيستم تانى وكأن شيئاً لم يكن. بعد الاجتماع. شريف استاذن ودخل المكتب. واتصل شوقى. ورد عليه وقاله كل حاجه تمام. شريف للحظه خاف بس خلاص اخد القرار. وبعدها راح لسيلم وقاله. ماتخليك انت يبنى وانا هسافر.سليم: لا يعم انا محتاج اسافر بجد. خليك انت الشحنه الجايه. شريف: . تمام خلي بالك من نفسك يا سليم. سليم: ههههههه لالا انا كدا هتعود ع خلى بالك من نفسك يا سليم دى. شريف: ههههههههه. ومالو يعم اتعود برحتك. هتاخد رهف معاك؟ سليم: منا قولتلك قبل الاجتماع لأ. يلا انا ماشي سلام. وخرج. شريف: مع السلامه. وقعد ع كرسي المكتب ولف بيه. مع الف سلامه. هتوحشنى اووووى ياسولى.شريف: داخل الفيلا. وكان من جواه قلقان عايز يعرف ايه الل حصل مع سليم. وشاف فريده قلقانه. ومن جواه استريح لما شاف قلقها ده. لكن كمان جواه خوف مبهم.وطمنها وطلع فوق. واتصل تانى ع سليم علشان نفسه يعرف. وغير متاح. ومسح وشه بايديه من التوتر وعايز اى حد يتصل عليه يقوله انت اخو المرحوم سليم. واتصل تانى علشان لو الشرطه اتدخلت يلاقو رقمه كتير ويعرفو انه قلقان عليه ولايمكن يأذي اخوه. بردو غير متاح. وساب الفون ع السرير. ودخل ياخد شاور. وبعد الشاور خرج من الحمام. ووقف قدام التسريحه. وسرح شعرو ورش برفان. وبص ع الفون. وراح يشوف يمكن حد اتصل. لكن مفيش حد. واتصل تانى ولسه فونه مقفول.شريف: اتصل ع خالد علشان يثبت أنه كان موجود ف البيت وقلقان ع اخوه. وكمان اتصل يمكن خالد وصل لأى معلومه. لكن مفيش. وبعد وقت طويل وشريف قاعد ف مكتبه منتظر المكالمه الل هتريح قلبه. لكن اتصدم من إن سليم مامتش. وطلع جري يلبس بغيظ. والباب مفتوح. ولمح فريده. مع تانى اتصال من خالد. ورد علشان يسمع فريده أن ابنها عمل حادثه. ولما راح المستشفى. كان نفسه يقتل سليم بايديه. لكن استنى يمكن تحصل معجزه ويموت لوحده.ولما الدكتور الل اسمه مدحت عطاله جاكت وقميص سليم كان متغاظ جدا. ولمح خالد جاى عليه. ودخل جمب سليم واتكلم بدموع تماسيح بحيث إن خالد أو اى حد مايشكش فيه.والل مفرح شريف إن العربيه اتحرقت وبكدا الدليل اختفي. وقرر أنه يفضل جمب سليم يمكن يلاقى طريقه ويقضي عليه. لكن خالد موجود. وكمان الممرضه نبطشيه وقاعده جمب سليم. ولما سمع إن سليم مش شايف. قلبه كان بيرقص. لان كدا سليم ملهوش لازمه يكون ف الشركه. ولا اي حاجه تانى. وحضنه بسعاده. وبيفكر بمكر ومشاريعه كلها ليه. ولازم يهتم ب فريده مؤقتا ويوقف جمبها علشان محدش يلاحظ. ورمى الطعم للظابط باسم خالد علشان يتقبض حتى عليه مشتبه فيه. لانه بيكره علاقة الصداقه الل بينهم.ومن جهه تانيه يدافع بحيث ميكونش موضع شك. وصمم إنها بفعل فاعل علشان محدش يشك فيه. ولما شاف الدكتور وحيد. الملتحي وكمان لما طمنهم ع حالة سليم. شريف بدء يقلق. وشاف أنه لو حاول يشترى الدكتور وحيد ده مش هيوافق وممكن يقلب الموازين.وشريف رفض أن الدكتور ده يعمل فحوصات ل سليم. و اتصل تانى ع الاسعاف وزعق ليهم. ونقلو سليم للمستشفى. وشريف بتفكير منع خالد يطلع مع سليم. بحجة فريده. ويفضل معاها. وهو هيطلع مع سليم. والل حصل بعد الفحوصات.! شريف: خير يا دكتور رأفت طمني على حالة سليم.الدكتور: اطمن يا شريف باشا، الحاله بسيطه ان شاء الله، هو عنده نزيف في العين وده اللي مأثر على على الرؤيه، لكن ان شاء الله نقدر بعميله بسيطه نوقف النزيف والنظر يرجع طبيعي شريف: يعني سهل بعد كده يرجع لطيبعته الدكتور: اه سهل ان شاء الله، متقلقش يا شريف باشا شريف بتفكير: طب واللي عايز الموضوع يبقى مش سهل، يعمل ايه؟ الدكتور: نعم! مش فاهم حضرتك تقصد ايه بالظبط!؟شريف: انا اقصد اني مش عايز سليم يفتح تاني، على الاقل دلوقتي، وده طبعا لامور شخصيه، وفي مصلحتك قبل مصلحته طبعا، عموما مش موضوعنا، هتاخد كام وتخليه ميشوفش النور تااااني،؟ الدكتور: احم ايوه ياشريف باشا. بس اناااا…شريف: اسمع يادكتور. انا ممكن اشتري مدير المستشفى نفسه وانا عارفه كويس واكيد انت كمان عارفه. حتة الضمير دي مش موجوده عندو. وبتليفون صغير. اخليه يرميك بره المستشفى. وكمان مش هخليك تعرف تشتغل ف اي مستشفى تانيه لا خاصه. ولا حكومي هااا قولت ايه!؟ الدكتور: بلع ريقه بصعوبه وخايف. ومردش. شريف ابتسم بخبث. وهز راسه. تمام 100 الف كويس ع الكدبه دي!؟ اظن مافيش حد بيكدب وبياخد مكافآه بالحجم ده!الدكتور: بخوف. ايوه. بس انا خايف اناااا… شريف: 150 الف وتنسى كلمة خوف دي خالص. واسمع ده اخر كلام عندى يا اما توافق وتقول آمين. يا اما انزل لمدير المستشفى وف مليون طريقه يطردك من هنا. وخصوصاً اننا بينا بيزنس! الدكتور: هز راسه لالا خلاص. موافق. موافق. تحب اعمل ايه؟ شريف: ابتسم بخبث شيطان. انا هقولك تعمل ايه. انت بس قولى ايه الل بيحصل علشان ميفتحش تانى. الدكتور: شرحله يقول ايه للعيله بالظبط.شريف: تمام. انا عايزك تكتبلى بقى ع علاج. علشان يأثر ع عيون سليم فاهمنى طبعا. الدكتور: بخوف ايوه. حاا. حاضر. وقام جاب من ع الرف علبه. اتفضل النقط دى تحط منها لاخو حضرتك 3 مرات في اليوم. شريف: اخدها منه بغيظ مكبت متقولش اخويا فااااهم. واسمع اقسم بالله لو حد عرف بالاتفاق ده لاتكون محصل أجدادك فااااهم. الدكتور: برعب هز راسه لالا والله ما هقول لحد حاجه.شريف: 50 الف هيكونو عندك بكره. وبعد العمليه الل مش هتتعمل اصلا تاخد باقى المبلغ ماااشي. الدكتور: هز راسه الل تشوفه. شريف: انا هنزل دلوقتي ابلغهم الخبر. وانت تأكد ع كلامى. بعدها بيوم. شريف شاف سليم بدء يفوق. شريف اتصل ع الدكتور. تعالى حالا وقول الل اتفقنا عليه. انا عايز سليم يسمع كل كلمه وانه مش هيشوف تانى. الدكتور: نزل ودخل الاوضه. واتكلم مع شريف إن اخو حضرتك الباشمهندس سليم استحاله يفتح تانى.واتاكدو إن سليم سامع كل كلمه من تشنجات جسمه. وبعدها الظابط سامح. اخد شريف وراحو ع الشركه وفرغو الكاميرات. وشافو إن السيستم كان واقع ف الوقت ده. وطلبو المهندس. وقال إن السيستم وقع نتيجة فيروس ف الاجهزه. وجبنا مهندس متخصص وصلح العطل وكله موجود بالاوراق. وسامح احتار. لكن قال إنها قضاء وقدر.وشريف رجع المستشفى. وكان بيمثل أنه هيتجنن لان مفيش اى دليل أو اى حاجه تثبت إنها بفعل فاعل حتى الكاميرات مظهرش فيها اى حاجه. والمحضر اتأيد قضاء وقدر. ومن جواه نصر كبير جدا. وبعدها كان بستمتع بحالة سليم. وكان استاذ ف التمثيل ويجرى عليه ويااكله. ولما شاف ضياع سليم. حب يتسلى اكتر. وجبله فون للمكفوفين ولأنه عارف أنه هيتجنن قدمو بطريقه تخلى سليم يثور على كل الموجودين وقد كان.وفضل يمثل طول فترة علاج سليم. ويحطله القطره الغلط. ولما جه وقت العمليه. واخدو المستشفى. كان متفق مع الدكتور إن مفيش اى عمليه تتعمل ل سليم وكله بتمنه. وفعلا خدرو سليم وسابوه ف العمليات. وبعدها طلعوا. وشريف مثل أنه اضايق جدا علشان اخوه. وبعدها كلم نفس الدكتور ع أساس أنه ماهر مدير المستشفى. كنوع من التمثيل.لكن الحقيقه هو اتفق مع الدكتور ده يتعامل مع دكاتره ف المانيا. ودفعلهم الل هما عايزينه. ومفيش عمليه اتعملت. وشريف لما شاف هلاك سليم ف اخر عمليه مزيفه حس بالنصر. وبعدها. اهتم بالشركه. وقال سليم خلاص موته مبقاش يفرق عندى لانه زيه زى اى كرسي مالوش لازمه. المشاريع الل سليم مجهزها اكيد هتبقى من نصيبى. وكان كل تفكيرو المرحله الل جايه ازاى ياخد حقه من فريده.لكن اتفاجئ بالضربه الل مكانش متوقعها. تعليم سليم طريقة برايل. وبكده ممكن يرجع الشركه. واتغاظ جداااا من جواه. واتصرف بسرعه. ولما سها مجتش تانى استريح. لكن لما شاف المُدرسه الل بعدها. هددها عن طريق ناس تانيه وخافت ومجتش تانى. ونفس الكلام نفذه مع المُدرسين الل خرجوا ومرجعوش تانى. وعاش فتره مستريح تماما. لكن لما عرف ب فتون. اتخنق جدا. وقال دى كمان انا هرميلها مبلغ كبير وتمشي من هنا.لكن لما سأل عن فتون. وكمان سمع عند قوتها وعزة نفسها. قال ل نفسه الفلوس مش هتجيب معاها نتيجه. وساب الوضع. وركز مع فريده. وبيفكر كتير ف طريقه يخليها تمضي ع التنازل. ولما سمع عن اعجاب سليم ب فتون. رفض بغيظ. كأنه بيرفض فريده. وانها ضحكت ع ابوه. وامه ماتت بسببها و اخدت ثروه مش من حقها.ولما شاف خالد كمان هيرتبط بواحده ف حال متوسط. استغرب. لكن بعدها فكر بخبث. وقال ايوه فعلا لازم الل زى خالد. وسليم يتجوز ناس بالمستوى ده. لازم يكونو هما تحت الارض. وانا فووق. لازم كل حاجه ترجع لطبيعتها. ولما سليم رجع الشركه. شريف خاف بجد. وبعدها استريح أنه ف شركة خالد. لكن فكر بجديه انه لازم ياخد حقه من فريده. وبعدها سليم. وشاف إن أحسن طريقه يحتفل بعيد ميلاد فريده.وف وسط الزحمه لازم يمضيها. ولما شافها طالعه من المطبخ يوم الحفله وقالت عزيزه ف الجنينه وقال جواه يعنى لوحدنا اممم واتكلم معاها ولما عيطت مثل انه قلقان عليها. ودخل بسرعه المطبخ. وجاب كوباية العصير وحط فيها نوع برشام. وحط نص برشامه بس تبقى مش ف وعيها اوى. ومحدش يلاحظ.وف الحفله شريف مراقب كل حاجه. ولما الضيوف كلها بدءت تمشي. راح لفريده وسألها مالك. قالت إنها حسه بدوخه بسيطه. قالها ثوانى ودخل المطبخ. وقال عزيزه اعملى شوب عصير بسرعه. وعزيزه بتعمله. قالها هاتى انا هكمل وانتى كملى شغلك. وحط نص برشامه كمان. واخد العصير وقالها العصير هيظبط ضغطك وشربته.وبعدها لما عرف فتون اتخطفت ضحك بسعاده من قلبه. وقال كدا البيت هيفضى عليا انا وفريده وامضيها برحتى. واخدها وطالع بيها ع السلم. وبيتكلم معاها. ايه يافريده حاسه بحاجه.؟ فريده. قالت بتوهان عينيه مزغلله اوى. ودايخه. هى. هي فتون مالها. شريف: ههههه فتون اتخطفت. سيبك انتى من كل ده تعالى ادخلى اوضتك وارتاحى. وقعدها ع السرير. وفريده جايه تنام. شريف سندها قالها لأ استنى ماتنميش دلوقتي.فريده: بتوهان عايز ايه يبنى سبنى انام تعبانه. شريف: طلع ورقه من جيبه. وقال أمضي بس ع الورقه دى ونامى. فريده: هو ده مشروع جديد؟ و مضت من غير ماتقرا. شريف: ضحك بنصر. وقال خدى بقى ابصمى هنا. ايووووه برافو عليكي. فريده: سبنى انام بقى. شريف: قبل ما تنامى خدى البرشامه دى. وهتقومي كمان شويه فايقه وزي الفل وكأن شيئا لم يكن. فريده: خدت البرشامه ونامت ع طول.شريف: كان مبسوط جدا أنه قدر يرجع جزء من حقه. ومن ناحيه تانيه. لازم يطلب من سليم انه يرجع شركته. علشان يمضيه ع عقود تنازل بكل الأملاك. وضحك بخبث. وراح ل خاله المستشفى. وقفل الباب وقال. فوق بقى ياصلاح. فوق عشان تعرف انا عملت ايه. ووصلت لايه. انا هرجع حق امى وحقى. انا هنتقم من فريده ع أنها السبب ف موت امى. امى الل اتحرمت منها. قووووم.وبعدها: عرف إن سليم أخفى كل المشاريع الل ع الورق. واتجنن تماما. ومبقاش عارف يسيطر ع تصرفاته. وبعدها لما عرف إن المصنع بيخسر اتجنن. ولازم يرجع سليم الشركه. بس بالهدوء لكن معرفش. وعرف إن مهاب الوكيل وافق ع مشروع سليم كسر كل حاجه ف المكتب. ولما عرف ان سليم هيكتب كتابه ع طول. غضب جدا. لآن كدا خلاص نصيب سليم مهدد انه ميكونش ل شريف.واتصرف بدون وعي وزعق ل سليم وأنه لازم يرجع الشركه ومبقاش يسيطر ع تصرفاته. ولما مصطفى كلمه ع فتون من جواه كان بيتمنى انه يدمرها لكن مثل الاخلاص لأخوه. ولما سمع مكالمة فريده مع فتون. وأنهم اكتشفوا إن سليم عندو نزيف وهيرجع يفتح من تانى. وكمان فتون رايحه الشركه ل سليم. تبلغه.وكل حاجه هتتكشف وهيرجع يفتح من تانى. الشيطان اتملك منه. وفريده لفت واتخضت من شكله وهو غضبان. وزقها من السلم من غير تفكير. ونزل وشافها واقعه وفاقده الوعى اتكلم بغل كبير وقال انا خلاص لازم اخلص منك لانى زهقت من التمثيل.انا بكرهك ومكرهتش ف حياتى قدك انتى وابنك. وقام وقف بصدمه! فتون؟ لأ هي رايحه لسليم. لااا مش لازم يعرف بالعمليه لاااااااء انا لازم اتصرف. بس ازاااى؟ وبص قدامه بتفكير. وافتكر مصطفى. وبسرعه اتصل عليه. وقال بنرفزه ايوه يا مصطفى. انت كنت عايز فتون بأى طريقه مش كدا؟ مصطفى: طبعا ياريت. شريف: طيب والل يقدمهالك ع طبق من دهب. مصطفى: يبقى حبيبى بس ايه الحوار هي متجوزه سليم؟شريف: من غير كلام كتير. وهو بيفرق معاك متجوزه ولا مطلقه. انت معاك عقود عرفى صح؟ مصطفى: ههههه ع طول ماشي بيها انت عارف بقى. شريف: طيب انت دلوقتى حالا تجهز عقد. وتكتب فيه امضتك و أمضة فتون. مصطفى: بعدم فهم. ازاى يعنى مش فاهم. شريف: نفخ بنفاذ صبر. انت عايز فتووون ولا لاااء.؟ مصطفى: خلاص يعم اهدا عايزها. بس الامضا مش عارفها. وقام يفتح الخزنه وطلع عقدين عرفى.شريف: اتحرك بسرعه ع المكتب. اسمع انا هبعتلك صورة امضتها والرقم القومي من ملف خاص بالشركه. وتاخد العقد وتطلع ع الشركه. وتخلى شوقى ف ثوانى يقلد الامضا. هو عارف هيعمل ايه. وهتكون فتون هناك. اوعا فتون تمشي من غير ماتحطلها الورقه العرفي ف الشنطه بتاعتها فاهم؟ مصطفى: حط العقد ف جيبه. تمام بس لو افهم. وكمان سليم ف الشركه.شريف: بعدين يامصطفى هفهمك. ومتخافش انا هتصل ع سليم دلوقتي لأن أمه تعبانه وهاخدها المستشفى عشان اشغل سليم معايا. تكون انت رتبت كل حاجه فاااهم. مصطفى: خرج فاهم فاهم. انا هتعامل سلام. شريف: خرج من المكتب. وراح عند فريده شافها بتتألم.ومسكها من ياقة فستانها بشر كبير. اسمعى أنا هاخدك دلوقتي ع المستشفى. وعارفه لو اتكلمتى بحرف واحد. او سليم عرف انى انا الل وقعتك. انا هقتل سليم. حتى لو انا اتسجنت هكلف الل يقتله وتعيشي حياتك تحت رحمتى اشترى نفسك ومش عايز اسمع صوتك. وشاف فريده بتترعش وأغمى عليها. ومثل الصدمه وزعق بصوت عالى فريده. ردى عليااااا.محروس: دخل يجرى. وشالها مع شريف للعربيه. وشريف اتصل سليم وقاله. وبعدها كان ف المستشفى متوتر جدااا. وبعدها جاتله رساله إن مصطفى حط الورقه لفتون وكله تمام. وشريف اتصل ع شوقى. وقاله يكلف اى حد من منطقته يتصل ع القسم ويقدم بلاغ ضد فتون مهران انها متجوزه اتنين وراحت المستشفى ومعاها الدليل وجوزها التانى. والمكالمه قفلت ف القسم قبل الدقيقه ما تخلص علشان ميحددوش المكان.ولما سليم طلب يشوف فريده. شريف خاف. لكن بعدها فرح انها لسه مافقتش. وفتون جت المستشفى. وكانت هتقول ل سليم. لكن شريف قالها بعدين انتى شايفة حالة سليم. وكان شريف قاعد يعد الوقت. وارتاح جداااااا لما شاف الظابط. وحب يولع ويحط الشراره وقال ل سليم إن مصطفى طلب قبل كده فتون عرفى. وبعت رساله لمصطفى إن فتون ف القسم يتصرف وبعدين افهمك.وقال ل سليم روح انت القسم وانا هفضل هنا. كان عايز يشوف دكتور مرتشي ويخلص عليها. لكن راح مع سليم. ولما وصل القسم. كان قلبه بيرقص ع شكل فتون وهي بتترجاه وابتسم ابتسامه شيطانيه وعيونه لمعت بخبث. لكن لسوء الحظ إن فتون شافته ولعن نفسه لأنه مقدرش يسيطر ع فرحته. ولما فتون قالت الحقيقه كامله. ومصطفى طلب من فرد الأمن اول ما توصل يقولها إن سليم منتظرها ف المكتب. خاف جدا. واتصدم من الل سمعه من فتون.وكل توقعاتها طلعت صح. وقال جواه خلاص اتكشفت يا شريف. لكن قلبه دق بفرحه كبيره لما سليم مصدقهاش. وكمان احلا خبر إن سليم هيطلقها. وبكده مش هيكون قدامه غير سليم وبس. خلاص فتون خرجت بره العيله وهتتسجن وكان بيفكر ازاى هينقم من فريده. لكن نجوى أنقذت الموقف وهتاخدها. وقال مافضلش غيرك ياسليم. عوده للوقت الحالى. شريف: هههههه غبى ياسليم فتون فهمت وقالت كوووول حاجه. بس انت غبى لانك مصدقتهاش.ولازم ابعدك عن الشركه الفتره دى علشان أفكار فتون متدخلش ف دماغك. وتدور ع الأمن وتسأله. لأ انا لازم اخليك تبعد. بس اهم حاجه اخد المشاريع وبعدها اذلك، انا نفسي صلاح يفوق. واقوله أن الل فريده عملته زمان. دفعت تمنه دلوقتي. هههههههه. واخد المفاتيح. ونازل يصفر ومبسوط، لكن اتفاجيء بمصطفى. مصطفى: شد شريف من ايدو ودخلو مكتب موظف. وقال بغضب شديد. انا عايز اعرف ايه الل انت هببته ده؟انت ازاى تضحك عليا وتقولى فتون هتبقى ليك. وانت مجهز بالكامل انها تتسجن بتهمه زى دى؟ انا ممكن اروح فيها واكيد هنتكشف انت ورطتنى ف لعبه كبيره ياشريف. انا كنت مفكر انك عايز تتنقم من سليم انه اخد المشاريع بتاعته. وانك تبتزه او نلعب ع فتون ونهددها بالورقه دى وتجيلى برجليها لحد عندى. لكن مكنتش اتوقع ابدا انها توصل للسجن. وتقولى ف رساله روح وأكد أنها مراتى. وانا ماشي وراك زى الاهبل ودبستنى؟وربنا يستر وميكتشفوش حكاية التزوير. انا عايز اعرف انت عملت كل ده ليه؟ وكمان بالطريقه دي فتون عمرها ما هتكون ليا. لأ مش بعيد سليم يطلعها زى الشعر من العجين. وانا وانت نلبس الليله ونتسجن. وعشان ايه؟ عشان أنا غبى انى سمعت كلامك. وزعق انت بتضحك ياشريف ممكن تفهمني؟ شريف: مُبتسم. طيب اهدى وانا هفهمك. وكمان انت بنفسك هتشكرنى. مبدئيا كدا. احب اقولك إن سليم خلاص هيطلق فتون. مصطفى: بدهشه اييييه؟شريف: هز راسه اممم هيطلقها. اسمع يامصطفى احنا مش هنضحك ع بعض. انا ف الفتره الاخيره مكنتش متحكم ف اعصابى. واتكلمت قدامك وقولتلك ع كل حاجه تخص المشاريع الل سليم مخططها وخباها ف مكان انا معرفوش. وراح يشارك صاحبه وساب اخوه. وانت عرفت نيتى واكيد مش خير. انا فعلا فكرت انى اكسر سليم وابعدو عن البنت الل حبها. ومصطفى صحبى بيحبها. ف ليه لأ انى مفكرش ف مصلحة صحبى.زى ما سليم مابيفكر ف مصلحة صاحبه. ولو انت روحت قولت لفتون انا متجوزك عرفي؟ ااقل حاجه كانت هتقول ل سليم. وكمان مش بعيد تقطع العقد. وكمان هتكرهك اكتر. لكن دلوقتي هي اتسجنت وسليم هيطلقها وهيخلالك الجو. دورك انت بقى تقرب منها وتعترف بغلطك قدامها.وتجيب ليها محاميين وتخرجها من السجن. ساعتها فتون هتفكر وتسامحك لانك وقفت جنبها. ومش بعيد تتجوزو رسمى ههههههه. وهنقولك مبروك يادرش وبعدين انا بفكر ف مصلحتك. وانت جاي هنا تزعقلى. عيب عليك. مصطفى: عينيه بتلمع بخبث. سليم هيطلق فتون. امممم لأ إن كان كدا. انا لازم اقف جمب مراتى وحبيبتي. شريف: ههههههه طبعا والف مبروك مقدما.مصطفى: هز راسه تمام انا لازم افكر ازاى أقرب منها. لازم انسيها سليم وبطريقتى وغمز ل شريف. شريف: بص ف الساعه. امم تمام فكر برحتك بس بعدين. لانى لازم امشي حالا. مصطفى: ماشي يصحبى بس قولى افرض اكتشفوا حكاية التزوير؟ ده كدا هنروح ف داهيه؟ شريف: متقلقش الفلوس بتشترى الناس دلوقتي. فهمتنى؟ ويلا بقى انا لازم اقف جمب اخويا حبيبى ف الازمه دى. مصطفى: ابتسم بخبث. لأ شهم ياشريف باشا ههههه يلا سلام انا. وخرج.شريف: ابتسم بمكر. وخرج من الشركه وركب العربيه. وقال بغيظ لما اتصل ع الاستاذ سليم. نشوف عمل ايه مع أمه غارت ولا لسه. واتصل ع سليم. ورد ايوه ياشريف. شريف: بتمثيل. ايوه ياسليم ياحبيبى عامل ايه دلوقتي؟ سليم: بضياع. ا. انا. ا. انا تمام. انت فين دلوقتي؟ شريف: انا لسه خارج من الشركه حالا. وقولت اتصل عليك اطمن. وكمان اسال ماما فريده عامله ايه دلوقتى؟ وسافرت ولا لسه؟سليم: بتنهيده. سافرت من ساعه واكتر. ادعيلها ياشريف. شريف: بمكر. إن شاء الله هتكون بخير ياسليم. وانا مش عايز اسمع صوت اليأس ده منك. روق كدا. وانا مسافة السكه هكون عندك. سليم: هز راسه إن شاء الله. لأ انت متشغلش بالك انا كويس. شوف انت مشاغلك انا مش قادر اتكلم مع حد. عايز ابقى لوحدى. شريف: بتمثيل عشان خاطرى ياسليم فوق لنفسك. قولى انت فين دلوقتي؟سليم: بتنهيدة وجع. والله معارف اروح ع فين. روحت الفيلا اتخنقت إن فريده مش موجوده. وخرجت وبلف بالعربيه مع طاهر. مش عارف اروح فين ياشريف بجد أنا تعبان جدا. شريف: بتفكير. سليم انت لازم تستريح وتاخد اجازه من الشغل. انت مش جبل عشان تشيل كل ده. سليم: بالعكس أنا لازم اركز ف الشغل الفتره دى يمكن اقدر انسى. شريف: طبعا لأ. طول ما انت مخنوق كدا مش هتركز. المهم ارجع ع البيت وانا جاى هنتكلم شويه.سليم: بتنهيده. مش قادر اتكلم مع حد صدقنى. حتى خالد كان عايز يقعد معايا. ومشي وهو زعلان. شريف: بفرحه. علشان كدا بقولك لازم تاخد لك اجازه. لازم تهدى شويه انت عصبى جدا ياسليم. واسمع كلام اخوك الكبير. سليم: بنرفزه. إجازة ايه ياشريف بقولك مش طايق البيت تقولى اجازه انت هتعمل زى خالد؟ شريف: بمكر سافر. سافر كام يوم كدا وحاول تخرج من الل انت فيه.سليم: بعدين ياشريف بعدين نشوف حكاية السفر دى. ا. انا هروح ع الشقه أو اليخت. او. او الشركه. يووووه مش عارف. مش عارف اروح فين. شريف: فرحان ل ضياع سليم بالشكل ده وقال. اهدا ياحبيبى انت بما انك مش مستريح ف الفيلا. اطلع ع شقتك وهدى نفسك علشان خاطرى ياسليم ولو احتاجت اى حاجه كلمنى فورا. سليم: ماشي ياشريف وانت خلى بالك من نفسك. شريف: وانت كمان. مع السلامه. وقفلو.شريف: هههههه جه اليوم الل تكون فيه وحيد زي ما انا عشت عمرى كله وحيد وضيف ف ملكى. ولسه يابن فريده. ولسه. سليم: قفل. وقاعد ف العربيه. ورجع راسه لورا بتعب شديد. وقال اطلع ياخالد. بعد شويه. ف المستشفى. فتون: نايمه. وبتخترف بهلوسه. ماما. سليم. سليم. لأ لأ. سليم طلقنى. لااا. ماما. ماماااااااااا. وفاقت واتعدلت بسرعه وبتنهج. وبصت حواليها بتوهان. وقامت بخوف وجسمها بيترجف. ا. انا فين؟ ا. انا فين؟الدكتوره: دخلت حمدالله ع سلامتك. انتى ف المستشفى. اقعدى علشان كده غلط عليكى. والكانيولا ف ايدك. فتون: فتحت عينيها على الاخر بصدمه. وافتكرت كل حاجه. سليم هيطلقنى؟ وقعدت ع طرف السرير بيأس كبير وحطت وشها بين ايديها وعيطت بصوت كله وجع. سليم سابنى واتخلا عنى. سليم صدق انى ممكن، وشهقت بخوف ماما!؟ امي؟ الدكتور: بتابع حالتها وصعبت عليها. لكن قالت انتى تعبانه وضغطك واطى ولازم تهدى. علشان تخرجى وانتى كويسه.فتون: بتعب. لأ لأ يادكتوره مش هينفع. عشان امي لوحدها انا لازم امشي حالا. الدكتوره: وانتى هتعملى ايه؟ انتى هتخرجى من هنا ع القسم. ربنا معاكى ومعاها. يلا تعالى نامي عشان اعلقلك المحلول. عشان كلها كام ساعه وهتطلعى ع القسم. فتون: عينيها تايهه قسم!؟ ماما. لأ ماما. وغمضت عينيها بوجع كبير. وعيطت بصوت وجع قلب الدكتوره. الدكتوره: شافت فتون حالتها النفسيه وحشه مسدت ع شعرها واتنهدت بحيره.فتون: فضلت تعيط بكسره وخيبة أمل ع كل حاجه. وخلاص بقت هشه ومش عارفه تسند ع مين من البشر. وقلقانه وعايزه تطمن ع امها بأى طريقه وغمضت عينيها باستسلام وهروب ف نفس الوقت. وعدت الليله بوجع كبير ع ابطالنا. ف منهم الل بيهرب ف النوم. وف منهم الل النوم جفاه لحد الصبح. وف منهم الل مبحط بيأس كبير. تانى يوم الصبح. ف الحاره. فاطمه: بتتوضي وسمعت الباب بيخبط. وقالت حنين الباب بيخبط. افتحى يابنتى تلاقيها فتون.حنين: بزعل حقيقي. حاضر يابطه و لبست الاسدال. وراحت تفتح وفتحت عينيها ع الاخر بدهشه وزهول. وقالت فتووون!؟رواية أحببت بصيرته للكاتبة مريم نصار الفصل السادس والثلاثون
ف القسم. فتون: اتعرضت ع النيابه. وكيل النيابه. سألها عن حجات كتير. وهي جاوبت بذل وانكسار ووجع كبير جدا. ودموعها نازله بحزن شديد. وكيل النيابه: بعد المحضر. بص ل فتون كتير. وشاف انها بتقول الحقيقه. وهز راسه وأمر بالكشف عن صحة الامضاء والعقد يتحول للطب الشرعي. وكمان أمر ب إخلاء سبيلها ع ذمة القض\
يه بكفاله. فتون: حطت وشها بين ايديها وعيطت بشهقات.الباب خبط. والعسكرى دخل وقدم ظرف لوكيل النيابه. وكانت الكفاله ومدفوعه من. مصطفى هوارى. فتون: هزت راسها بعدم تصديق. واتغاظت جدااا. ورفضت الكفاله. وقالت اهون انها تتحبس وإن واحد زي ده يدفعلى قرش واحد. وكيل النيابه: اندهش من رد فعلها. ورجع الظرف مع العسكرى. خالد: خبط ودخل مع المحامى. وبص ع فتون وزعل عليها. وقال صباح الخير؟ فتون: لفت وشها بعيد. ومردتش. وكيل النيابه: صباح الخير انت مين؟خالد: انا اخوها. زى اخوها. وجاي ادفع الكفاله. فتون: بحده. لأ انا… خالد: قاطعها. بعدين يافتون. انتى لازم تخرجى عشان والدتك ع الاقل. فتون: غمضت عينيها بتعب. وهزت راسها بالموافقه. خالد: راح الخزنه ودفع الكفاله. وكيل النيابه: نبه ع فتون. انها ممنوعه من السفر لأي مكان. فتون: ابتسمت بوجع. وقالت اطمن حضرتك. انا مبسافرش لاى مكان. وافتكرت سليم. واتنهدت بوجع. وخرجت. خالد: شكروا جدا. وخارج ورا فتون.فتون: ماشيه برجفه وعايزه تجرى لأبعد مكان وخرجت قدام القسم. وشافت مصطفى واقف بره. بصتله بكُره كبير جدا. وقربت منه. خالد: لسه هيوقفها. فتون: بحده. انت استحليت الحرام. ومع انى معرفكش اذتنى ف كل حاجه. ف سمعتى. ف شرفى. ف اخلاقى. ف مستقبلى. وكملت بدموع. بس تعرف انك كشفتلى حقيقة اقرب الناس ليا. برافو عليك. نهيت حياة واحده انت متعرفش عنها حاجه ولاهي تعرفك.انا مش هقول غير انى رفعت قضيتى لله. شوف بقى عقاب الظالم لما يحكم عليه ربنا وهو العدل. متخيل عذابك هيبقى قد ايه. حسبى الله ونعم الوكيل فيك. يُمهل ولا يُهمل. وسابته ومشيت. مصطفى: حس بقلق من كلام فتون. وبلع ريقه بصعوبه. وحط ايديه ع رقبته. وبص حواليه وركب العربيه واتحرك بسرعه… خالد: فتون. تعالى هوصلك.فتون: شكرا ياخالد. انت وقفت جمبى. ودفعتلى الكفاله. وجميلك ده مش هنساه. وبوعدك ف اقرب وقت هرجعلك المبلغ. واتحركت خطوه. خالد: بزعل. لا بجد بتشكرينى ع وقفتى جمبك. يابنتى احنا اخوات. واوعى تكونى فاكره انى مصدق حوار مصطفى والبلاغ ده. انا استحاله اصدق انك تعملى كدا. فتون: ابتسمت. وبعدها ضحكت بسيط. وبعدها ضحكت بهيستريا. وواقفه تضحك. خالد: اتنهد بزعل. لانه فهم انها مصدومه ف سليم.فتون: بتضحك. ومره واحده سكتت وعيونها لمعت بدموع وحزن. عارف كان نفسي اوى إن صحبك يثق فيا كدا! ومسحت دموعها. وقالت تبقى بلغه انى خرجت. وف انتظاره أنه ينفذ وعده ويطلقنى ويذلنى قدام اهل الحاره. وقوله كمان حاجته كلها هتوصله. بعد اذنك. وشاورت ل تاكسي. خالد: فتون استنى واهدى تعالى انا هوصلك.فتون: فتحت باب التاكسي. مبقاش ينفع خلاص. الناس بقت بتفهم الل ع مزاجها وبس. وشكرا جدا ع وقفتك جمبى مع السلامه. وركبت وقالت للسواق ع العنوان. خالد: اضايق جدااا. وركب العربيه واتحرك ع الشركه بخنقه كبيره. فتون: سانده راسها ع الازاز طول الطريق. وسرحت ف سليم ودموعها نازله بغيظ من نفسها انها كانت بتثق ف سليم اكتر من نفسها. وغمضت عينيها بتعب. يارب خليك معايا. انا تعبت. تعبت ااااه يا الله.وبعد شويه وصلت الحاره. ودخلت العماره وطلعت بسرعه علشان قلقانه ع امها. ودورت ع المفتاح ف الشنطه وملقتهوش. وخبطت ع الباب. حنين: راحت تفتح. وفتحت عينيها ع الاخر بدهشه وزهول وقالت فتووون!؟ فتون: قلبها دق براحه كبيره. واتنهدت باريحيه لما شافت حنين موجوده مع امها. واترمت ف حضنها وكلبشت فيها.حنين: حضنتها اووى بمشاعر متلخبطه فرح. وسعاده ع حيره وعدم استيعاب. وهمست فتون حمدلله ع سلامتك ياحبيبتى. انا كنت عارفه ومتأكده إنك بريئه. الحمد لله. الحمد لله. فتون: خرجت من حضنها ومسحت دموعها. حنين ماما تعرف حاجه؟ حنين: بسرعه هشش وطي صوتك لأ. انا قولتلها انك مطبقه ف الشركه مع سليم عشان ف شغل مهم والحمد لله انك خرجتى. بس ازاى انا عايزه اعرف كل حاجه.فاطمه: خارجه من الحمام. ورفعت عينيها وابتسمت بحب صباح الخير يافتون. فتون: ابتسمت بوجع وراحت ع فاطمه واترمت ف حضنها وعيطت بصمت. فاطمه: حضنتها بحب. تعرفى انا ماغمضليش جفن وانتى بعيده عنى. وضحكت ايه ياتونا وحشتك اوى كدا؟ فتون: ف حضنها اوى ياماما. وحشتينى اوى. فاطمه: بقلق. اله مالك يافتون؟ مال صوتك ياضنايا انتى بتعيطى.؟فتون: خرجت من حضنها بدموع. ومش قادره تمثل اكتر من كده. انا اسفه ياماما. انا اسفه انى سبتك لوحدك. بس والله العظيم غصب عني. فاطمه: ربتت ع ايديها. اهدى يابنتى محصلش حاجه. بس تعرفى البيت وحش اوي من غيرك يابنتى ربنا يخليكي ليا يابنت بطنى. وانا عارفه انه غصب عنك. المهم سليم خلص الشغل ف ميعاده. ولا خسر كفالله الشر؟ فتون: غمضت عينيها بتعب. ايوه ياماما ايوه كل حاجه خلصت خلاص.فاطمه: الحمد لله ياحبيبتى. ادخلى غيرى هدومك وخدى دش حلو كدا. عشان تفطرى فتون: ابتسمت بتمثيل. انا فطرت. انا بس محتاجه انام شويه ممكن؟ فاطمه: بقلق لملامح فتون قالت ومالو يابنتى نوم الهنا يارب. فتون: هزت راسها. بعد اذنكم. ودخلت اوضتها. واترمت ع السرير وعيطت بحزن كبير جدا. وياترى ايه الل هيحصل بعد كدا.؟ حنين: قلبها اتوجع ع فتون. وكمان عايزه تعرف. ومحتاره تدخل. ولا تسيبها ترتاح.فاطمه: حنين يابنتى. انا هدخل اصلى الضحى. واعملى فطار ليكى ياحبيبتى انتى مش غريبه. وانا هستنى لحد الضهر وانام شويه انا منمتش طول الليل. حنين: هزت راسها. حاضر يابطه ادخلى انتى صلى. ودخلت المطبخ ولعت ع براد الشاي. فاطمه: دخلت تصلى ف أوضتها. حنين: بسرعه اتصلت ع خالد عشان تقوله إن فتون خرجت. ورد عليها. الو. حنين: بهمس الو ايوه يا خالد. صباح الخير. خالد: بتعب صباح الخير ياحبيبتي. عامله ايه؟حنين: الحمد لله تمام. مال صوتك؟ خالد: ابدا شغل كتير ف الشركه. قوليلى فتون وصلت ولا لسه؟ حنين: بدهشه. انت عرفت؟ خالد: ايوه انا روحتلها ع النيابه. حنين: طيب هي خرجت ازاى؟ يعنى مصطفى ده اتسجن.؟ ولا ايه انا مش قادره افهم. خالد: فتون خرجت بكفاله ع ذمة القض\يه. والعقد اتقدم للطب الشرعي. وفيها 15 يوم ع ما النتيجه تظهر. وهيكون مزور اكيد. وساعتها مصطفى ده هيندم ندم عمرو.حنين: بغيظ مش مصطفى بس الل هيندم. وكمان صحبك الل باعها واتخلا عنها هيندم أشد الندم واحد انانى. خالد: بتحذير. حنين اول واخر مره تتكلمى ع سليم بالاسلوب ده فاهمه؟ حنين: بغيظ مكبت يسلام يعنى عجبك الل عمله معاها؟ يرضي مين ده ياخالد قولى؟خالد: نفخ بنفاذ صبر. يابنتى والله مايرضي حد. بس سليم مُلام ياحنين. وكمان ظروفه صعبه. من ناحيه امه فريده الل مبتتكلمش. ومن ناحيه البنت الل حبها. ده حالته النفسيه تحت الصفر. ومجاش الشركه انهردا. حنين: عوجت بوقها اه تلاقيه لسه نايم. خالد: بتنهيده. سليم سافر ياحنين. حنين: بصدمه كبيره ايه؟ سليم سافر؟ سافر فين؟خالد: هز راسه المصيبه انى معرفش راح فين. امبارح كانت حالته وحشه جدا. واقنعته أنه يسافر. واتفقت معاه ع انى هحجزلو ع اى مكان هو يختاره وطاهر يكون معاه. وانهردا اكتشفت أنه سافر ولوحدو. انا خايف عليه اوى؟ هيروح فين؟ ومفيش حد معاه؟ انا خايف يعمل ف نفسه حاجه.حنين: بتعمل الشاى. وقالت بتنهيده. والله ياخالد انا تعبت علشانهم. سليم سعات يصعب عليا بس بعد ما تخلى عن فتون خلاص مبقاش يصعب عليا. وكمان فتون اتظلمت كتير اوى. وكمان الل ضايقنى دلوقتى أنه سابها وسافر. وبتلف اتفاجئت ب فتون واقفه ومصدومه. وهمست فتون!فتون: كانت بتعيط ف اوضتها وحاولت تهدا. وقامت تصلى ركعتين ضحى قبل ما تنام. وخرجت تتوضى. وسمعت من حنين إن سليم سافر! واتصدمت. وواقفه حيرانه ع مزهوله أنه كدا فعلا اتخلا عنها نهائي. حنين: همست فتون. وقربت منها. فتون: جريت ودخلت الحمام بسرعه. وقفلت الباب ووقفت وراه وحطت أيدها ع بوقها وفضلت تعيط بحسره. خالد: انتبه. وقال حنين هي فتون سمعتك؟ حنين: بزعل ايوه يا خالد.خالد: نفخ بديق ياربنا هي العمليه ناقصه تتعقد اكتر من كدا. اقفلى ياحنين وحاولى تتكلمى معاها. حنين: حاضر. مع السلامه. وقفلت. خالد: رجع راسه لورا. اوووف يارب عدى الايام دي ع خير. وقعد سرحان شويه. وفونه رن وكان مُهاب الوكيل. وفتح عينيه بدهشه ورده بسرعه. الو ايوه يا مهاب. مُهاب: بجديه انت فين ياخالد انت ناسي ميعادنا انت فين؟خالد: قام بسرعه. واخد مفاتيحه وخرج ايوه ايوه يامهاب انا نازل من الشركه حالا. بس قولى كل حاجه جاهزه. مهاب: ايوه يبنى من ساعه واكتر يلا بس عشان أنا لوحدى. خالد: ف ثوانى هكون عندك سلام وقفل و ركب العربيه وداس بنزين وساق بسرعه كبيره جدا… ف شركة بدر الدين. شريف وشوفى. ف المكتب. شريف: امسك ياشوقى الظرف ده. شوقى: اخد الظرف تسلم ايدك يا كبير.شريف: المبلغ ده عشان زورت الامضاء بتاعة فتون. بس اعمل حسابك لو الامضا اتكشفت. انت عارف هتلفقها لأى حد محتاج قرشين… شوقي: مش جديد عليا ياباشا متقلقش وكبش الفدا جاهز. عندى شاب أهله حالتهم تحت تحت الارض يعنى. واى مبلغ هيرضى بيه ياباشا ولا من شاف ولا دري. مع السلامه هو ومصطفى بيه. شريف: لأ مصطفى لأ خليه بعيد هو مالوش زنب ف حاجه. انت حاول تفهم الواد ده انه هو وفتون ضحكو ع مصطفى. ده لو الامضا اتكشفت.متكشفتش بقى خلاص خلينا زى ما احنا. المهم بقى انا عايزك تلعب ف الكاميرات كالعاده. وتحذف لحظة وصول مصطفى وفتون الشركه لحد ما خرجوا تمام. وفرد الأمن تنقله لفرع تانى غير هنا. شوقى: اعتبره حصل ياكبير. شريف: تمام يلا ع شغلك. شوقى: تحت امرك ياكبير. بس معلش عندى سؤال صلاح باشا عامل ايه دلوقتي؟ من يوم ما حضرتك رجعته ع البيت وانا مزورتوش خالص.شريف: بعدم فهم. وانت كنت بتزور خالى بناءاً ع ايه ياشوقى وهو انت تعرفه اصلا عشان تزوره؟ شوقى: ابدا ياباشا دى جت كام مره بالصدفه قريب يعنى. كنت ف المستشفى لناس قرايبى وكدا. وشوفت الست نبيله بالصدفه. ومن ساعتها كنت بطمن عليه. شريف: هز راسه تمام ياشوقى. وزى ماهو ادعيله. شوقى: ربنا يشفيه إن شاء الله. احم بعد اذنك ياباشا. اروح اظبط الكاميرات. مصطفى: دخل بخنقه وقعد من غير ما يتكلم.شريف: بص عليه وابتسم بسخريه. وقال ل شوقى تمام اتفضل انت. وانت خارج ابعتلى نظيم. شوقى: حاضر يا باشا. وخرج. وبعت نظيم. شريف: مالك ع الصبح.؟ مصطفى: بخنقه كبيره فتون رفضت انى ادفع الكفاله. وكمان سمعتنى كلمتين شقلبو حالى. والعقد هيتحول للطب الشرعي. انا كان مالى ومالك يعم ياريتنى ماسمعت كلامك. انا هروح ف داهيه بسببك. انا كان أخرى اتجوز عرفى واقضى ليله ونقطع الورقه وخلاص ع كدا. الله يخربيتك.شريف: ههههههههه انا مش عارف ايه المميز ف الستات انك تحبهم اوى كدا. دول أسوأ مخلوق ع وجه الارض. عندهم ياخدوا الراجل وهو متجوز ويخربو بيت بحاله. المهم متقلقش لو العقد اتكشف عندنا الل يشيل الليله. انت بعيد متخافش. مصطفى: ها؟ طيب ازاى.؟ شريف: اسكت دلوقتي. احم ادخل. نظيم: خبط ودخل صباح الخير ياشريف باشا. شريف: صباح الخير. جبت تقارير مصنع الحديد؟ نظيم: ايوه يا فندم موجوده ع مكتب سليم باشا زى ما أمر سيادته.شريف: بكُره دفين. اممم طيب تمام اتفضل انت. نظيم: تمام يافندم. لكن سليم باشا مجاش الشركه لحد دلوقتي… شريف: اممم عارف. لانه سافر. نظيم: سافر؟ ماشي ربنا معاه. بعد اذنكم وخرج. مصطفى: اتعدل. سليم سافر؟ وسافر ليه وفين؟ شريف: اولا سافر تحت ضغط منى عشان لو رجع الشركه حاليا ممكن يدور ع فرد الأمن. ويسأل ولاء السكرتيره. ويفتكر حجات كتير. فايبعد احسن لحد ما ينسى وانا اظبط كل حاجه ف الشركه.ثانيا: اتصلت عليه الصبح. واقنعته أنه لازم يسافر يغير جو. وكانت حالته صعبه جدا. كأنه مسلوب الاراده وضايع تماما. ووافق وقالى أنه هيسافر حالا. ثالثا: انا ميهنيش بقى سافر فين. ولا مع مين. المهم أنه بعد عن طريقى الفتره دى. مصطفى: بعدم فهم. هو انت اتغيرت كدا ليه من ناحية سليم؟ كل ده عشان مشاريع ولا ف سبب تانى؟شريف: اتوتر. احم. لأ ابدا انت بتقول ايه يامصطفى. سليم اخويا وكل حاجه. بس انت عارف أنه كفيف وممكن اى حد يضحك عليه وياخد تعبه ع الفاضي. وانا اخوه الكبير وليا الأولوية ف المشاريع دى. وكمان انا صممت انه يسافر عشانك انت متتكشفش والحوار يبقى مشكله كبيره. واخسر اخويا حبيبى. فهمت يادرش. مصطفى: مط شفايفه بعدم فهم. اه تمام ربنا يستر ف الحاره.فتون: اخدت شاور وغيرت هدومها وصلت الضحى وفضلت قاعده ع سجادة الصلاه سرحانه. لحد أذان الضهر. وصلت الضهر. وقامت نامت ع السرير بتعب وإحباط. حنين: استنت لحد ما فاطمه نامت وقفلت عليها الباب. وعملت قهوه وخبطت ودخلت. وشافت فتون نايمه وباصه للسقف وسرحانه. زعلت علشانها. وقعدت جمبها. وقالت فتون. فتون: بتنهيده نعم ياحنين. وغمضت عينيها حنين: ربتت ع كتفها. امسكى اشربى قهوتك. فتون: لأ ماليش نفس ل حاجه.حنين: فتون قومى عشان نتكلم. فتون: معنديش حاجه اقولها. حنين: لأ عندك. وكتير كمان. انتى مش معقول هتفضلى ساكته كدا؟ انا عايزه اسمعك. وعايزه اعرف ايه الل حصل معاكى امبارح لحد دلوقتي.فتون: اتعدلت بتعب. وحضنت ركبها. وقالت بدموع حاضر يا حنين. وحكتلها ع كل حاجه لحد ما خرجت من المستشفى. وقالت روحت القسم بليل وكل خوفى ازاى هبات وسط المجرمين. لكن من لُطف ربنا عليا. كان الرائد كريم هناك. وسابنى ف المكتب بتاعه طول الليل. والصبح حولونى ع النيابه. والباقى اظن خالد قالك عليه.حنين: زعلت جدا من موقف سليم. وكمان اتفاجئت من كلامها ع شريف ومكانتش مصدقه. واتصدمت من رد فعل سليم بعدها. وعيطت ع فتون لما تعبت. وخالد مقالش ليها حاجه زى دي. ومسحت دموعها. وقالت… أنا مش عارفه اقولك ايه؟ ولا كمان عارفه اصبرك ازاى. انا موجوعه زيك بالظبط. أنا مش قادره اتحمل اشوفك كدا. بس انتى اقوى منى. والل واجعنى اكتر. الوجع الل شايفاه ف عينيكى.فتون: انا تعبانه اوى ياحنين حاسه بغصه ف قلبى. حاسه بإحساس ظُلم جديد وكبير. جوايا مش متسوعبه أو صدمه مش عارفه… حنين: احكيلى وجعك يافتون. احكي يمكن ربنا يلهمنى واقدر انسيكى ولو جزء بسيط. من وجعك فتون: بوجع. مبيتحكيش. الوجع مبيتحكيش! ياحنين كل إلل انا بفضفض بيه ده مش الوجع الحقيقي. ده شوية كلام ع الوش. مجرد عنوان لإحساسي! لكن الوجع الحقيقي بيبقى جوه أوي. انا نفسي معرفش حجمه!مبيعرفهوش غير ربنا وبس. ومبيهداش غير بلطف من ربنا وبس. فيبعتلك حد يطبطب عليكي. والحد ده كان سليم. حلم جميل وانتهى انا ديما عندى حُسن ظن بالله. بس خايفه أضعف كل ما اقوى. الاقى حاجات تهدنى و اتشغل فيها أوي مبلحقش افكر. حتى الصدمه وإني مش مستوعبه إلل حصل. بس فيها لطف انى لحد دلوقتي واقفه ومكمله. ف حجات بتحصلي بس مش قادره اتحملها حتى لو إدراكي كامل!انا دلوقتي مش قادره اتخطى او استوعب الل حصل. انا حاسه انى واخده مسكنات لحد ما الوجع اخد عليه! بس تعرفى هو ده إلل بنسميه ( نسيان ) لكن الوجع مبيتمسحش! لكن لولاه منتحركش من كتر الأوجاع والحياه تقف. كل ده آليات لُطف ربنا. وبتمنى استوعب كل حاجه بسرعه. لانى قربت من الحافه خلاص.حنين: حست بضياع فتون. وقالت انتى لازم تنسي وتفكرى ف نفسك ومصلحتك وبس. انسي سليم انسى اى حد باعك. الل موقفش جمبك انهردا. بكره هيجي يوم ويحس نفس وجعك ويقدر الل انتى كنتى عايشه فيه ومريتى بيه. فتون: انسى؟ انسى ايه ولا ايه؟ اااااه. انسى الظروف. ولا انسى انى لسه ف اول العمر. وحسيت انى عشت فالدنيا دى سنين كتير اووووى من الل مر عليا. انسى ظلم الناس؟ انسىى ان ف قض\يه بعد 15 يوم؟وممكن اتحبس ف ق\ضية زنا وعيطت بصوت وجع من الكلمه. وكملت انسى انى هتفصل من شغلى عشان قضي\ة شرف وهتحبس وامى اكيد مش هتستحمل وتموت فيها؟ انسى سليم؟ وعيطت سليم الل انا حبيته اكتر من نفسي. ده اتخلى عنى ياحنين. اتخلا عنى اكتر من حسن. ا. انا مش عارفه. مش عارفه بجد اعمل ايه؟ سليم رفع ايدو عليا وكان عايز يضربتى. و وعدنى انه هيذلنى ف الحاره وهو بيطلقنى عارفه ده معناه ايه؟معناه أنه دفنى وانا حيه. هيكسر كل ذرة كرامه عندى. والناس كلها هتدوس عليا. ومش بعيد الكل يشوفنى واحده ملهاش تمن. انسى اييييه ياحنين. انسى ايه. ولا ايه؟ واترمت ف حضنها وكلبشت فيها وعيطت بشهقات سليم دمرنى ياحنين. سليم قتلنى بس\كينه تلمه. سليم كرهنى شافنى انى بوقع بينه وبين اخوه. شافنى خاينه. ياحنين. اااااه انا عايزه اموت. الموت اهون من كدا بكتير. الموت ارحم من الناس. انا تعبااانه. تعبااانه.حنين: ضمتها بوجع كبير وعيطت كتير عشانها. ومش عارفه تقولها ايه؟ او تصبرها ازاى؟ الل هي فيه مفيش راجل يتحمله. انما هي بنت وضعيفه وملهاش حد غيرك انت يارب. وفضلت حضناها وتمسد ع ضهرها كتير من غير ما تتكلم وتطبطب عليها لحد ما نامت من كتر العياط والتعب. فتون: هربت من الوجع ع هيئة نوم. ونامت ف حضن حنين.حنين: عدتلها ببطء وحطت راسها ع المخده. وشدت الغطا عليها. وفضلت تمسد ع شعرها وتعيط بصمت ع صحبتها الل شافت وعاشت العذاب الوان. عدا اسبوع واحد ع ابطالنا ويبقى الحال كما هو عليه. سليم مسافر. وخالد بيتابع الشغل ومتابع حالة فتون من حنين. وشريف متابع شغله كالعاده وظبط كل حاجه ف الشركه ومنتظر وصول سليم ف اى وقت.وفتون: حاولت تتأقلم ع الوضع ومش معرفا فاطمه اى حاجه. غير إن سليم مسافر وفريده عند اختها ف البلد ومفيش اى شبكة اتصالات عشان تكلمها. وحاولت ترجع زى ما كانت. ورجعت المدرسه وسابت الشركه. وكل يوم بعد المدرسه تنزل تدور ع شغل إضافى وكمان شقه بعيد عن الحاره. ف المدرسه. وقت الفسحه.فتون: قاعده ف الفصل لوحدها وسرحانه. وانبهت ع صوت همس وضحك اطفال قدام الفصل. وبصت ف الساعه لسه بدرى ع الفسحه. وقامت فتحت الباب. وشافت اطفال فصل رابعه ابتدائي السنه الل فاتت كلهم. وقالت جواها باستغراب. مالك وسندس وكل اطفال سنه خامسه.؟ مالك: حس بيها. ابله فتون انتى وحشتينا اوى يا ابله. سندس: قربت ورفعت أيدها تسلم عليها. اذيك يا ابله فتون. انا سندس فكرانى التلميذه الشاطره.فتون: ابتسمت بحب. ومدت أيدها وسلمت ع سندس وباستها. طبعا فاكراكى سندس الجميله عامله ايه؟ وبصت عليهم وقالت. وانت يامالك وحشتنى اوى. وانت ياحمزه وياسمين ومعاذ وعمر وساجد وحفصه ورنيم وجنه ورفيده ونور وعلا وياسين انا فاكراكم كلكم ياحبايب قلبى عمرى ما اقدر انساكم. الاطفال كلهم فرحو جدا. وكلهم قالو ف صوت واحد. احنا بنحبك اوى يا ابله. فتون: عيونها لمعت بدموع. وانا كمان بحبكم اوى ياحبايب قلب الأبله.مالك: ممكن يا ابله فتون تيجى معانا الفصل بتاعنا. فتون: بعدم فهم. ليه يامالوكه؟ سندس: مسكت أيدها تعالى ياابله وهتعرفي بس بسرعه قبل الفسحه ماتخلص. كلهم. ايوه يا ابله بسرعه بسرعه. وشدوها من أيدها بحب كبير وحماس اكبر. فتون: نسيت وجعها للحظات. وراحت معاهم وبتضحك من طريقة حماسهم وشغفهم. وصلو عند الفصل. سندس: بس اقفى هنا يا ابله وغمضى عينيكى.فتون: ههههه والله انا بدءت أقلق بس اهو وغمضت عينيها. وافتكرت كلام سليم لما قالها غمضي عينيكى. وابتسامتها اختفت واتنهدت بحزن كبير. سندس ومالك مسكو ايد فتون. وباقى الاطفال فتحو الفصل. ودخلوها جوه الفصل. ووقفو ف نص الفصل. كلهم قالوا افتحى عينيكى يا ابله. فتون: فتحت عينيها ببطء. وفتحت عينيها بانبهار. وكان الفصل متعلق فيه شوية زينه وكام ورده. والأطفال كلهم جمعو هديتهم لفتون ف لوحه كبيره.ومرسوم قلب كبير. ومكتوب عليها. ف وسط القلب بالبرايل، احنا بنحبك اوى يا ابله فتون. وكمان مكتوبه بخط االايد بمساعده ناس تانيه. فتون: فرحت جدا بفكرتهم. سندس: احنا اتفقنا كلنا ياابله نقدملك هديه عشان تفتكرينا. ودى فكرتى انا ومالك. وكلنا اشتركنا وعملناها ليكى. حلوه يا ابله؟ فتون: ضحكت بدموع. وضمتهم كلهم بحب. وقالت انتو متعرفوش انتو عملتوا فيا ايه دلوقتي؟انتو دخلتو ع قلبى فرحه كبيره اوى. بجد متشكره جدا ياحبايب قلبى. الاطفال كلهم فرحو جدا. وسقفو بحماس. وكل واحد قدم ورده لفتون مع اللوحه الكبيره. فتون: شكرتهم كتير اوى. واخدت اللوحه وخرجت وهي مبسوطه جدااا. وإحساس جديد اتولد جواها كله تفائل من جديد. ف شركة بدر الدين. شريف: ف المكتب وسمع صوت دوشه بره. وقام فتح الباب. ف ايه ياولاء؟ ولاء: ابتسمت. مستر سليم رجع الشركه يافندم.شريف: مط شفايفه امممم طيب لو طلبنى بلغينى. ودخل وقفل المكتب ونفخ بديق. امتى هخلص من الكابوس ده؟ كويس انه رجع. كدا بقى امضيه ع كل حاجه. وكمان اخد المشاريع. وهو ف ستين داهيه. اووف. سليم: ماشي ف الشركه وجمبه طاهر. والكل بيسلم عليه. وبيقوله حمدالله ع السلامه يافندم. سليم: دخل المكتب. وقعد بتعب. روح انت ياطاهر. وقبل ما ارجع هتصل بيك زى الاول. طاهر: تحت امرك ياسليم باشا. وخرج.سليم: قلع النضاره. ومسح وشه بايديه. ومخنوق من كل حاجه. ولاء: دخلت حمدالله ع سلامتك مستر سليم. سليم: هز راسه متشكر. شريف ف مكتبه؟ ولاء: ايوه يافندم. وقال لو حضرتك عايزه أبلغه فورا. سليم: تمام. ابعتيلى نظيم لو سمحتى. ولاء: تحت امرك يافندم بعد اذنك وخرجت. نظيم: دخل. حمدالله ع سلامتك يا سليم باشا. والله الشركه نورت. سليم: هز راسه متشكر يا نظيم. عايز ملفات مصنع الحديد.نظيم: قدام حضرتك ع المكتب من اسبوع يافندم؟ سليم: رفع ايدو وبيدور. نظيم: قرب من المكتب وحطهم قدامه اتفضل حضرتك. سليم: بتسرع فتون حولتهم ل برايل؟ وسكت بوجع متدارى. احم. وقام وقف. ومسك الملف. طيب تعالى وصلنى لمكتب شريف. نظيم: تحت امرك. وساعد سليم ووصل مكتب شريف. نظيم: خبط. شريف: ادخل. سليم: روح انت يانظيم. وفتح الباب ودخل. وابتسم. مساء الخير يا شريف.شريف: بغيظ. مييين؟ سليم وقام بسرعه. اخويا حبيبى حمدالله ع سلامتك ياحبيبى وحضنه بعض كتير. سليم: ابتسم وربت ع ضهرو. الله يسلمك ياشريف. شريف: ساعده. تعالى. تعالى اقعد والله وحشتنى جدا. اسبوع بحاله بعيد عننا. سليم: بتنهيده اعمل ايه. وياريتنى نسيت حاجه. المهم انت عامل ايه؟ شريف: قعد قصاده. انا تمام. وكنت عند ماما فريده من يومين. وزعلت جدا لأن مفيش اى تحسن.سليم: بوجع كبير. ربنا يستر. انا بعد الشغل هسافر ليها. شريف: ومالو ياحبيبى. المهم قولى بقى انت سافرت فين؟ سليم: مسافرتش بره مصر. انا كنت ف شرم. شريف: شرم؟ طيب وعملت ايه؟ وكنت لوحدك ازاى؟ سليم: ابدا استأجرت عربيه بالسواق بتاعها. وكان مُرافق ليا. مش معجزه يعنى. انا اتصرفت. وف الآخر لقيت إن كل يوم شبه الل قبله وزهقت اكتر قولت كفايه كده. ارجع للشغل وكفايه خساير لحد كدا.ورجعت الفجر وطلعت ع الشقه. واتصلت ع طاهر وجابنى لحد الشركه. حتى جبتلك معايا هديه بس شكلى نسيتها ف الشقه. بكره هجبهالك معايه. شريف: تمام. حمدالله ع سلامتك ياحبيبى انت متعرفش انا مبسوط قد ايه برجوعك بالسلامه. سليم: الله يسلمك. امسك يا شريف ده ملف مصنع الحديد اقرالى التقرير. شريف: مسك الملف. طيب مش تاخد نفسك ع الاقل انهردا. انت اكيد راجع تعبان. وكمان هتسافر البلد. يعنى مجهود كبير عليك.سليم: ارجوك يا شريف سبنى اعمل الل يريحنى. انا سافرت بضغط منك. ومحستش ب اى فرق. حاسس انى مدمر ع الاخر. انا محدش حاسس بيا. شريف: نفخ بنفاذ صبر. احم. ايه الل انت بتقوله ده ياسليم؟ ازعل منك وانا روحت فين؟ انا اخوك الكبير لو جواك حاجه مضايقاك قول فضفض. سليم: قام وقف بخنقه. ياريت متزعلش منى ياشريف انا مقصدش. بس تعرف انا فعلا محتاج اتكلم. انا مخنوق اوى. انت عارف يعنى ايه إن امى مش هترجع تتكلم تانى؟واتحرك يتمشى ف المكتب عارف يعني ايه اتصدم ف البنت الوحيده الل حبيتها بجد؟ وسند بايديه ع رف الكتب بغيظ مكبت عارف يعنى ايه انها تكون وخدانى سلم عشان توصل للفلوس وكمان اييييه؟ تتجوز واحد تانى؟ انت متخيل عذاب قلبى من صدمة الخبر نفسه. انا لحد دلوقتي كلمة الظابط بترن ف ودانى بتهمة تعدد الأزواج؟ يعنى ايه؟ دى مصيبه وكارثه فتووون؟ فتون الل كانت بتتكلم عن الأخلاق والقيم والمبادئ؟ تعمل كدا؟واتحرك وخبط ف المكتب وقعد ع كرسي المكتب مكان شريف. وحط وشه بين ايديه بإحباط كبير عارف يعنى ايه تحاول انها توقع بينا ياشريف؟ ومش بس كده؟ دى اتهمتك انك انت سبب كل الل حصل. ومسح وشه بايديه انا لايمكن اسامحها. انا لازم أذلها واكسر كبريائها وكرامتها. لازم ادفعها تمن كل كلمه قالتها ف حقك. وكمان ع خيانتها ليا. انا عايز اقولك انى طلقتها غيابى بس هي قبل ما تعرف انى طلقتها لاااازم اذلها ف الحاره كلها.شريف: بيسمع سليم وابتسم بسعاده كبيره جدا. لانهيار أخوه قدامه بالشكل ده. وكمان هيدمر البنت الل حبها. وفرح جدا أنه طلقها. وبيتخيل شكل سليم بعد ما يذل فتون وبعدها يعرف انها بريئه وضحك بنصر كبير. وقال جواه انا لازم اروح واحكى لصلاح عشان يسمع انى اخيرا اخدت بتار أخته وامى. ودمرت فريده وابنها. ههههههههه. وانتبه. وقال. اهدا كدا ياسليم. الشر وحش. هي خلاص هتاخد جزائها.سليم: انتبه ايييه؟ اتحكم عليها طمنى اتسجنت؟ ريح قلبى وقولى انها اتسجنت.؟ شريف: بسعاده. ومثل الزعل. ايه يا سليم من امتى وانت بالقسوه دى. فتون خرجت بكفاله. وكلها اسبوع ونعرف حقيقة العقد. بس انا خايف ياسليم انك تكون ظلمت فتون؟ سليم: خبط ع المكتب بغيظ. انت الل بتقول كدا؟ يعنى انا ظالمها وهي قالت الحقيقه؟ يعنى انت شرير ياشريف؟ انا لايمكن اسامحها فاهم؟ شريف: بمكر. طيب اهدا واقعد.سليم: مش عايز اقعد. واتحرك بحظر ووقف قدام الشباك. وحط ايدو ف جيبه. فتون كسرت قلبى ودمرت كل أمل جوايا. شريف: بنفاذ صبر. طيب اهدا. بس ف حاجه مهمه جدا فتون لفتت نظري ليها. سليم: ، مردش. شريف: فتون قالت انك ممكن ترجع تفتح من تانى. طيب ليه منحاولش تانى يمكن التشخيص كان غلط.سليم: غمض عينيه بوجع. انتو عايزين تدمرونى؟ انا قفلت باب العمليات ده نهائى ومش عايز اعيش اى امل كداب تانى. انت متعرفش احساسي بيبقى عامل ازاى بعد العمليه. وجوايا رعب قد ايه من النتيجه. انا كنت بموت حرفيا من اول عمليتين. وفتون عايزه تدمرنى عايزه تشوف ايه الس\لاح الل ممكن يقضي عليا وتستخدمه. بس ربنا كشفها ف اخر لحظه. خلاص ياشريف ولو بتحب اخوك بجد متحاولش تتكلم تانى ف موضوع العمليه ده تانى ارجوك.شريف: قرب منه وربت ع كتفه بمكر. ماشي ياسليم انا مش هتكلم ف اى حاجه تضايقك تانى. بس ارجوك حاول تهدا. سليم: هز راسه بحزن كبير. ومسك راسه من الصداع. شريف: عينيك حمرا وشكلك مانمتش كويس. يلا تعالى معايا اوصلك ع الفيلا تستريح. وانا هرجع تانى. سليم: هز راسه بتعب لأ. انا هشتغل شويه. وهتصل ع طاهر عشان نسافر. لازم اطمن ع امي. وانا اسف انى صدعتك معايا.شريف: انت بتقول ايه؟ متزعلنيش منك بقى. انا نفسي بس انت تكزن استريحت بعد ما اتكلمت وقولت الل جواك. سليم: هز راسه. ياريت. ياريت بجد استريح. انا هروح المكتب اتابع الشغل. وانت شوف شغلك. شريف: ماشي ياحبيبى. ربنا معاك. سليم: اتحرك بحظر. ووقف معلش يا شريف ملف المصنع هاته. هخلى ولاء تقرأه ليا. شريف: اخد الملف. تعالى انا هوصلك لحد مكتبك. سليم: ابتسم ماشي متشكر جدا.شريف: ساعده ووصلو لمكتبه. وخرج وجواه نصر كبير جدا. واتصل ع شوقى. الو شوقى تعالى ع مكتبى حالا. وقفل. شريف: دخل المكتب وبيفكر. شوقى: دخل اؤمرنى ياكبير. شريف: اسمع سليم رجع الشركه انهردا ومن بكره عايزك تكلف حد يراقبه ف كل خطوه. بيروح فين بيجى منين فاهم. وكمان فتون تتراقب الل 24 ساعه مش عايز اى غلطه. شوقى: بعدم فهم. تمام ياكبير. بس معلش ف السؤال. شريف: نفخ بديق انت لازم تعرف كل حاجه؟ ماشي هريحك.ممكن البت دى لما تعرف أنه رجع تحوم حواليه وتحاول تقنعه بالعميله وكمان تحاول تخلى سليم يصدق الل انا عملته فيه وفيها فهمت؟ انا بقى عايزك تراقبهم الاتنين مش يمكن تكون ف خطه بتتلعب من ورايا. ف انا لازم اخد كل احطياطاتى. وانا خلال الفتره دى هجهز عقد تنازل بيع وشرا لكل املاك سليم خلينا نخلص بقى. شوقى: تمام ياكبير اعتبره حصل. من انهردا هرفع مراقبه ع سليم بيه. شريف: لأ من بكره لانه مسافر البلد.شوقى: وحضرتك هتسافر معاه؟ شريف: نفخ بنفاذ صبر اسافر فين وهو انا طايقهم؟ شوقى: ياكبير لازم تسافر معاه. افرض الست فريده دي اتكلمت ولا عملت اى حاجه تخليهم يفهمو انك انت ال ورا الحادثتين؟ شريف: بتفكير عندك حق. انا لازم اسافر معاه. ماشي يشوقى نفذ الل طلبته منك. شوقى: حاضر ياكبير اعتبره حصل بعد اذنك وخرج.شريف: رجع بضهرو لورا بتفكير. اممم كلها اسبوع بس ياسليم ولما تعرف إن فتون بريئه هتنهار تماما. وتمضي وانت تحت رحمتى.! بعد فتره. ف الحاره. فتون: راجعه من المدرسه. ودخلت البيت. سلام عليكم يا ماما. وحطت اللوحه جمب الكرسي. فاطمه: وعليكم السلام. حمدالله ع سلامتك يا حبيبتي. فتون: باستها وقعدت. عامله ايه انهردا. فاطمه: الحمد لله بخير. ايه يابنتى البرواز الكبير ده؟فتون: ابتسمت بحب. وقامت بتفرجها. شوفتى ياماما. شوفتى الولاد والبنات ف المدرسه عملو ايه علشانى؟ فاطمه: ياااه ماشاء الله جميل اوى. تسلم ايديهم. بس ايه النقط دى؟ فتون: حطت أيدها ع النقط وبتحركها دى طريقة برايل ياماما. كاتبين أنهم بيحبونى. نفس الجمله الل فوق دى. وكمان الورد ده منهم كلهم. انا مبسوطه اوى ياماما أنهم فكرو فيا وقدمولى هديه بالجمال ده.فاطمه: بصت ل فتون. ياااه يافتون اخيرا شوفت ضحكتك الل بجد. ده انا تعبت من. تمثيلك عليا. انتى متعبتيش؟ فتون: بتمثيل. كلام ايه ده يا بطه. انا بضحك ومن قلبى كمان. فاطمه: بمكر يابت عليا بردو. ده انتى من ساعة سفر سليم وغيابه عنك وانتى خسيتى النص وانطفيتى. امتى يرجع بالسلامه واول ما اشوفه هشدلك ودانه عشان مخلى نور عيني تزعل بالشكل ده.فتون: اتنهدت بزعل. وهزت راسها احم إن شاء الله. ا. انا هدخل اصلى الضهر. وأجهز الغدا. وشالت اللوحه ودخلت اوضتها. ووقفت بضهرها ورا الباب وغمضت عينيها ودمعه نزلت ع خدها. وحطت اللوحه وقعدت ع طرف السرير.وفتحت الفون وجابت صوره ل سليم وبصتله كتير اوى بصت ل ملامحه الل بتعشق تفاصيلها. وقالت ليه ياسليم؟ ليه تكسر قلبى؟ وليه موثقتش فيا معقول اكون اتغشيت فيك بالشكل ده؟ وعيطت وضمت الصوره لقلبها باشتياق كبير وافكار كتير متضاربه مابين واحشها جدا. وبتكرهه اكتر من اى حد. وعيطت بصمت وقالت ليه يا سليم؟ ف البلد. سليم وشريف. وصلو. وسليم بيسلم ع العيله وشريف: دخل بسرعه ل فريده.فريده: اول ما شافته فتحت عينيها برعب حقيقي. وحطت أيدها ع قلبها. وبتتشاهد بقلبها وبتنهج بخوف وهزت راسها لأ. شريف: قرب منها بغيظ كبير. وقال بتهديد. عارفه لو سليم حس بس إن ف اى حاجه. مش هقولك انا هعمل فيه ايه؟ شايفه وشه الحلو ده هشوهو بمية نار وهبعتلك راسه هديه منى ليكى. وانتى؟ هعيشك خدامه زى زمان. وهخليكى تموتى بحسرتك زي ما موتى امى بحسرتها فاااهمه؟ فريده: عيطت بخوف وهزت راسها بالموافقه فاهمه.شريف: اتعدل وقعد ونفخ بديق حقيقي. سليم: دخل مع نجوى بتساعده و حضن فريده بحب كبير. فريده: حضنته بشوف كبير وبتترجف وكلبشت فيه. وشافت شريف عينيه عليها. فكت أيدها وابتسمت بتمثيل. سليم: عامله ايه يا حبيبتي. نبيله: ربتت ع ايديه ومردتش. نجوى: هي زى الفل بس حكاية الكلام دى الل صعبه اوى. ربنا يارب يشفيها ويعافيها. سليم: بتنهيده. تحبى ترجعى معايا ع الفيلا؟ شريف: صك ع اسنانه بغيظ وهز راسه ليها ف اشاره لأ.فريده: خافت وهزت راسها بسرعه لأ لأ لأ نجوى: ههههه بتقولك لأ هي مستريحه هنا ياسليم ياحبيبى واحنا مونيسينها. سيبها لحد ماتقوم ع رجليها. سليم: اتنهد بوجع. ماشي يانجوى اهم حاجه راحتها. وسليم قاعد جنبها وماسك أيدها. واتكلم معاها ونجوي ترد عليه مكان فريده. واتغدو مع بعض. وودعو فريده ورجعو. شريف رجع ع الفيلا بيفكر. وسليم رجع ع الشقه… بعد يومين. عند فتون. حنين راحت عندها وبتكلم خالد ف الفون ومتوتره.فتون: ماسكه ورقه وقلم وبتكتب وهي سرحانه. وكتبت.ف شعور أنا ضيعت فتره من عمري فيه وعيشت أنا وهو أيام وليالي طويله مع بعض لحد ماشوفته وعرفته ع حقيقته اسمه الندم شعور مالوش طعم بيفضل يوجع فيك بدون فايده أو اى هدف، بيحولك لشخص حزين ومستسلم وفاقد الرغبه طول الوقت، شعور غبي عايزك تقضي الل جاي من حياتك بتدفع تمن الل فات وبغبائه مش فاهم إن الل راح لو عيطت عليه عمرك كله مابيرجعش تاني، شعور ضعيف وعايزك ضعيف زيه عشان كده حط عينيك ف عينيه وقوله الحياة بتمشي. ساعتها هيخاف منك.حنين: قفلت مع خالد وشافت فتون مندمجه ف الكتابه وراحت قعدت جنبها. احم فتون؟ فتون: انتبهت. ايوه ياحنين؟ حنين: بلعت ريقها بتوتر. هوا، ا. انا كنت عايزه اقولك يعنى، انو، احم. وسكتت فتون: بخوف شديد حنين اوعي يكون نتيجة الطب الشرعي ظهرت وإن الامضا مش مزوره؟ حنين: برفض لأ لأ. مش كدا خالص. لسه يومين ع النتيجه. وإن شاء الله هتطلع مزوره. انا كنت عايزه اقولك حاجه تانيه خالص.فتون: نفخت اووف الحمد لله خضتينى بطريقتك دي. طيب قولى ايه هي الحاجه دى؟ حنين: غمضت عينيها وقالت بسرعه سليم رجع. فتون: اول ما سمعت قلبها دق بسرعه كبيره جدا. واتخنقت وعينها لمعت بدموع. حنين: زعلت علشانها. حبيبتى هو راجع من يومين. ورجع الشركه. وعرفت من خالد. فتون بما أنه رجع انتى ممكن تحاولى تتكلمى معاه. فتون: بصتلها بدهشه. انتى عايزانى انا اروح اتكلم معاه؟ده لو إلسما انطبقت ع الأرض. عايزانى اروح عشان اسمع كلمه منه تهد شوية الامل الل اتبنو جوايا؟ لأ! سليم قال انى ماضي وانتهى شبهنى بورقه فاضيه ملهاش لازمه واطقعت. انا لايمكن اسامحه ع غلطه ف حقى. وياريت تبلغى خالد يقول لسليم يبعت ورقتى وبأي طريقه هو حابب يبعتها. عايز يجى هنا الحاره ويطلقنى وبفضحنى يتفضل. عايز يصون حتى ولو شويه من الل كان بينا يبعت ورقتى باحترام وانا متنازله عن كل حقوقى.وقامت وقفت بغيظ كبير ونرفزه وراحت ع الدولاب بسرعه. وطلعت كل الفساتين الل سليم جايبها وحدفتها ع السرير بعصبيه. وجابت كل الاكسسوارات. وكل حاجه هو جابها. وكمان الشبكه. وجابت عقد العماره. حنين: شافت فتون بتتصرف بنرفزه وعصبيه جدا. ومش فاهمه هي هتعمل ايه؟ فتون: جابت البوكس الكبير وحطت فيه الهدايا. والشبكه. وجابت شنطه وحطت فيه الفساتين كلها. حنين: شدت ايدها انتى بتعملى ايه؟فتون: بتنهج بغضب زى ما انتي شايفه حاجته هترجعله انا مش عايزه منه حاجه. حنين: انتى غبيه يافتون؟ الحجات دي من حقك انتى. انتى ليه بتموتى اى امل بينكم. فتون: زعقت بوجع. الامل مااات ياحنين. مااات من ساعة ما سليم مصدقنيش. مات من ساعة ماتخلى عنى. وسابنى ف القسم. سليم موت اى امل ودفنه وداس عليه برجليه. وانا مش عايزه اى ذكرى تفكرنى بيه. ااه انا بحبه. ويمكن بعشقه واكتر من الاول. وعايزه اقولك انه وحشنى جدا.بس قصاد كل ده انا بكرهه فووق ماتتخيلى. بكرهه اكتر من عدوى نفسه. واتفضلى اتصلى ع خالد يجى ياخد حاجة صاحبه. ومن بكره انا هدور ع شقه تانيه وبعيد عن الحى ده كله انا لازم امحي اى أثر ل سليم فاهمه انا لايمكن اسامحه انا استحاله انسى اى كلمه واحده قالها ليا سليم. اتصلى ع خالد ياحنين. حنين: مسكت أيدها ارجوكي يافتون اهدى وبلاش تاخدى قرار وقت غضبك. فتون: بتحذير هتتصلى ولا اتصل انا.حنين: بتفكير. طيب ممكن تهدى وعندى فكره حلوه. ممكن تستنى يومين كمان. وبعد البراءه إن شاء الله. تروحى انتى بنفسك ورافعه راسك وترجعيله كل حاجته. فتون: بغضب انا مش عايزه اشوف وشه. بس تعرفى انتى عندك حق. ان شاء الله لما الحقيقه تبان انا هبعتله حاجته مع اى حد. عشان يعرف أن عزة نفسي وكرامتي اهم حاجه ف الدنيا كلها حتى اهم من حبى ليه. بعد يومين. ف المحكمه. فتون وحنين وكمان خالد. ومعاه محامى كبير.فتون: قاعده بتفرك ف ايديها من التوتر والخوف. وقلبها بيدق بسرعه كبيره جدا. وبتدعى ربنا ديما. وكل شويه تبص ع الباب ب أمل. ومنتظره إن سليم يكون موجود. وبتدعى أنه يجي عشان لو مجاش كدا قطع حبل الامل نهائى. القاضي: وصل. والمحامى قدم التقرير. والامضاء كانت مزوره. وفجاءه: دخل مصطفى. واعترف بكل حاجه. وإنه هو الل زور العقد وحطه ف شنطتها. لكن الغريبه إن مصطفى مجبش اسم شريف خالص. وبعد كده: اتقبض ع مصطفى.والقاضى حكم ع فتون بالبرائه. وفتون: عيطت بصوت عالى من الفرحه وحضنت حنين. وحمدت ربنا كتير جدا. وخالد: اتنهد بأريحيه اخيرااا. وبارك ل فتون. وفتون: متجنبه خالد لكن ردت عليه بفرحه كبيره. وخرجو من المحكمه. وفتون طلبت من خالد انه يجي البيت عشان ف امانه ل سليم يوصلها ليه. خالد: هز راسه ليها. وقالها اول ما اخلص شغل. لانى متأخر ع الاجتماع جدا. هوصلكم وامشي ع طول. ووصلهم.وفتون طول الطريق وشها بيضحك. وقلبها بيتكسر ويصرخ ع فراقها الابدى ل سليم… بعد حوالى 4 سعات. فتون: بتدور ع شغل وشقه. ورجليها بتألمها من كتر اللف عليها. بعد ما خالد وصلهم نزلت ع طول تدور. وفونها رن وكانت حنين. وردت بتعب. ايوه ياحنين. حنين: الو ايوه يافتون انتى فين؟ فتون: ما انتى عارفه انى بدور ع شغل وبشوف شقه. حنين: ايوه انا فكرتك روحتى. فتون: ف حاجه ولا ايه؟حنين: ايوه عندى فرح واحده صحبتى وعاملين الفرح ف فندق كبير جدا. وانا بصراحه نفسي اروح اوى. وعايزاكى تيجى معايا. فتون: لأ ياحنين مش هينفع وانا اروح بمناسبة ايه؟ حنين: بغيظ بمناسبة انك اختى. وكمان خالد قال إنه مشغول ف اجتماع مصيري ومش هينفع يجي معايا ورفض انى اروح لوحدى.وقال لو حد معاكى مثلا ماما أو فتون معاكى تمام روحي، غير كدا متخرجيش من البيت. وماما قالت إنها مصدعه ومش هتقدر تروح. وانتى كمان؟ ماااشي شكرا يافتون. فتون: حيلك براحه عليا. طيب يستى متزعليش هاجي معاكى وامري لله. بس يكون ف علمك هما 10 دقايق ونمشي ماشي؟ حنين: بسعاده اموووه بحبك اوى ياتونا. ماشي يقلبى المهم اهي فرصه نغير جو شويه. يلا بقى روحي وهعدى عليكى الساعه 6 انا وخالد.فتون: احم مابلاش خالد ياحنين خليه لما يبقى يجى ياخد حاجة سليم. حنين: حبيبتى هو هيرفض اننا نروح ف تاكسي وبعدين ليه اتجنبتى خالد يافتون؟ ع فكره هو زعلان منك وبيسالنى عليكى ديما وحتى انهردا كنتى متجنباه خالص. فتون: بتنهيده معلش ياحنين كدا احسن ليا. متزعليش منى. وعموما خلاص لما تكونى تحت البيت اتصلى عليا انزلك تمام؟حنين: بفرحه كبيره تمام. بقولك ايه؟ البسي الفستان الاحمر تحفه اوووى عليكى انتى فاكراه الل اشتريناه من المول انا وانتى. فتون: ابتسمت ايوه ايوه خلاص ماشي هلبسه يلا بقى يدوبك اروح سلام. حنين: سلام يقلبى. وقفلو. وفتون ركبت الاتوبيس وروحت. ف شركة بدر الدين. شريف: لما عرف باعتراف مصطفى قلق جدا. واستغرب ف نفس الوقت.لكن عرف بعدها أنه مجابش اسمه. وده كان تهديد من شوقى لانه قال لشوقى انا هعترف احسن مايتقبض عليا واخد فيها سنين. وشوقى هدده أنه مايجبش اسم شريف خالص. ومصطفى متكلمش. وده ريح شريف اكتر وطلب من شوقى انه يرفع المراقبه ع سليم وفتون لأن كدا خلاص فتون استحاله ترجع لسليم بعد ما اتخلا عنها. وقاعد حاليا ف الاجتماع مع سليم والعملاء ومراقب انهيار سليم ومستمتع جداااااا…سليم: قاعد ومحبط جدا من فراقه لفتون. وعرف انها بريئه. وقام بندم كبير وساب الإجتماع وخرج لانه مش مركز ولعن نفسه. وخالد خرج وراه. شريف: شاف هلاك سليم بعينيه وحس بالانتصار اخيرا. وقرر انه لازم يخليه يمضي وهو تايه كدا وكمان قرر انه لازم يروح لصلاح ويحكيله ع انتصاره ف تدمير فريده وسليم وكمان فتون… بعد فتره كبيره، ف الفندق. خالد: وصل حنين وفتون لحد باب الفندق. وودعهم ومشي.وفتون: وحنين. دخلو الفندق. وفتون متوتره. حنين: ايه ده احنا وصلنا بدرى ولا ايه؟ فتون: موجوعه لكن بتحاول تشغل نفسها. وقالت ممكن العروسه تكون ع وصول. حنين: ممكن تعالى نقعد ع التربيزه هناك ده ف اكل اهو. الله كاتشب. وقعدو. فتون: ضحكت عليها. حنين: تعرفى يافتون انتى انهردا طالعه زى القمر والفستان يجنن عليكى. فتون: افتكرت سليم. وحست بس\كينه تلمه اخترقت قلبها.وهزت راسها بوجع شكرا ياحنين. احم انتى الل جميله اوى. وربنا يسعدك ويوفقك انا عمرى ما هنسى وقفتك جمبى ابدا. حنين: بتفتح ازازة الكاتشب ايوه طبعا أنا افضالى عليكى مش كدا يابت؟ هههههه فتون: غصب عنها ضحكت. ومالو يستى وربنا يقدرنى واردهالك. وشهقت لان الكاتشب وقع ع فستان حنين. حنين: شهقت ينهار اسو، الفستان،! فتون: قامت بسرعه الله يخربيت ام طفاستك ياشيخه. تعالى نروح الحمام. تعالى بت مفجوعه.حنين: اتحركت بخنقه. هعمل ايه دلوقتي ياربى الحقينى يافتون اتصرفى الفرح هيبدء وشكلى متبهدل. فتون: اخرسي بقى. وشافت جرسون لو سمحت نروح الحمام منين؟ الجرسون: للاسف بيتصلح. وشاف فستان حنين متبهدل. وقال. ممكن حضرتك تطلعى فوق تنضفيه. ثوانى اتفضلى ده مفتاح غرفه رقم 22 بس ياريت تخرجوا بسرعه. فتون: انا متشكرا جدا لحضرتك واخدت المفتاح يلا تعالى. وطلعت هي وحنين ودخلو الغرفه.حنين: اوووف ده هياخد وقت استنى هنا اوعى تسبينى وتنزلى انا خايفه. فتون: متخافيش. وهنزل اروح فين يعنى. انا هستناكى هنا. بس بسرعه علشان منتاخرش. حنين: حاضر حاضر. ودخلت الحمام.فتون: بصت ع الغرفه. وشافت شباك بيطل ع البحر. وراحت واقفه ومربعه ايديها وباصه من الشباك وسرحانه وافتكرت النيل واليخت وسليم. وسانده راسها وغمضت عينيها باشتياق كبير جدا ل سليم. وفجأه جه حد حضنها من الخلف. واتخضت وشهقت وبتحاول تفك ايديه. وقالت بخوف انت مييين. ابعد عننننني. ابعددد عنى. انت مييين؟ #: هششش. ده انا. وفك ايديه. وهمس ف ودنها بحب. الملاك الحارس.فتون: لفت بصدمه كبيره وفتحت عينيها ع الاخر. وهمست سليم!؟ سليم: ابتسم بحب. تعرفي إن لون عينيكى مع لون الفستان جننو قلب سليم بدر الدين.