37،40 احييت بصيرته

رواية أحببت بصيرته للكاتبة مريم نصار الفصل السابع والثلاثون
طبعا الكل عايز يعرف ايه الل حصل مع سليم عينيه حاضر. ونقوول… فلاش باك. ف المستشفى سليم: قرب من السرير ووطي عليها وحط راسه ع جبينها. فريده فوقى انا سليم. ابنك. ردي عليا. فريده: ، سمعت صوت خالد واخد الدكتور وشريف وخرج، وفتحت عينها ببطء. وهمست بتعب وصوت ضعيف جدا. ش، شي ريف. سليم: فتح عينيه. بفرحه. فريده امى انتى سمعانى. فريده: بهمس. شي، ريف. هو. الل زق، وبلعت ريقها بتعب. زقنى. شيريف هوا. سليم. فتون.سليم: لأن حاسة السمع عنده قويه. سمع شريف زقنى. وفتح عينيه بصدمه كبيره. ماما انتى بتقولى ايه؟ فريده: بتجمع قوتها. ا. اسمعنى يبنى قبل الدكتور ما يدخل. الحق فتون يبنى. شريف هياءذيها. شريف الل زقنى من ع السلم. وقالى. انا هخلص منك ومن مرات ابنك. وبعدها ابنك لما يجبلى المشاريع. وانت هترجع تفتح يسليم انت معندكش حاجه انت تقدر تشوف من تانى.شريف ا اتصل ع وا. واحد اسمه مصطفى. عشان يإذيها ف الشركه. وهددنى لو اتكلمت هيقتلك ويزلنى. الحق فتون ياسليم. شريف هيقتلك لو عرف انى اتكلمت يبنى. ودموعها نازله. سليم: بيسمع بصدمه كبيره جدا. ومش مصدق. شريف؟ اخوه.؟وللحظه حس بالخوف الشديد ع امه وفتون. وغمض عينيه بتفكير. وفتح عينيه وقال اسمعى ياماما. متخافيش ع فتون. اسمعينى انتى بس. انا عايزك تفضلى مغمضه وساكته. عشان شريف يطمن انك مش هتقولى حاجه. وانا هتصرف. فريده: بس. بس انا خايفه عليك… سليم: بتفكير. متقلقيش عليا ولا تخافى. اسمعى بس انا مش عايزك تتكلمى خالص. لو عايزه كل حاجه تتصلح. ارجوكى مثلى انك فاقده النطق اى حاجه. فريده غمضت وسكتت. ودموعها نازله.سليم: مسح دموعه. واتعدل. وأقسم أنه ينتقم. وقرب من الباب وفتح وقابل شريف ف وشه. وكان عايز يخنقه بس لازم يطمن ع فتون الاول. وزعق ل خالد عشان عايز الفون يتصل ع فتون بسرعه لانه قلقان عليها. لكن قلبه استريح لما سمع صوتها. وقعد جنبها يسمعها. وسرح بافكاره بصدمه كبيره ومش مصدق.اخويا الكبير يعمل كدا؟ طيب ليه؟ والمشاريع هو ده كل الل يهمك ياشريف وعايز تقتل امى ومراتى؟ وغمض عينيه بتعب. وقلبه دق برعب لما البوليس سأل ع فتون. وخاف يكون شريف ورا الموضوع ده. لكن الصاعقه لما عرف ايه هي نوع التهمه. والل يفكر ينزل للمستوى ده. ويحاول يقتل الست الل ربته اكيد مش هتفرق معاه حياة فتون.فكر ياسليم. هتنقذ فتون من التهمه دى ازاى؟ انت لو كَدبت البلاغ وصدقت فتون ووقفت جنبها كدا ف خطر عليها. لأ لازم اكدب فتون… ايوه. انا لازم اقرب من شريف واخليه جمبى. أما فتون انا لو بعدت عنها دلوقتي كدا شريف مش هيفكر يإذيها. وسليم كان جواه بركان نار بياكل ف قلبه واعصابه. ومثل أنه صدق البلاغ. ولف ضهرو ليها وصك ع اسنانه بندم كبير ووجع وقلة حيله… وقال جواه اسف يافتون سامحيني لكن مجبر.ولما شريف قال لسليم روح لفتون. وانا هستنى هنا. سليم شك ع طول انه هياذى فريده. واخده معاه القسم. شريف: ركب العربيه بتاعته. وسليم ركب مع خالد. خالد: سايق. اسمع ياسليم اوعا تصدق ع فتون البلاغ القذر ده. اكيد حد عايز يوتر العلاقه بينك وبينها. سليم: بقلة حيله. سوق ياخالد وانت ساكت انا مش قادر اتكلم.خالد: شاف سليم ضعيف. وقال لأ ياسليم مش هسكت فتون بريئه. وكفايه وهي ماشيه بتستنجد بيك انت ادتها ضهرك. انت ليه عملت كدا؟ سليم: زعق بوجع عملت كداااااا علشان خايف عليها. فتون ف خطر ياخااالد. خالد: فرمل العربيه. بدهشه انت بتقول ايه يا سليم؟ سليم: بغيظ. خالد اتحرك بالعربيه شريف ماشي ورانا؟ خالد: بص ف المرايه ايوه. سليم: طيب اطلع بسرعه. خالد: اتحرك. وقال انا مش فاهم حاجه. فتون ف خطر من مين؟ وانت عرفت ازاى؟سليم: عيونه لمعت بدموع وجع. فتون ف خطر من اخويا ياخالد. شريف اخويا الكبير تخيل؟ خالد: اتصدم. وانحرف ع الطريق. وانتبه. وفاق. وقال ا. انت بتهزر؟ شريف؟ فهمنى ياسليم الله يخليك عشان لو نقدر نلحق نعمل حاجه نعملها. سليم: بتنهيده. شريف السبب ف حالة فريده. وهو الل دبر البلاغ لفتون. خالد: باستغراب ودهشه. وكشر عينيه ببلاها. كأنه سمع غلط.سليم: اسمع ياخالد انا هقولك عرفت ازاى. بس لازم نفكر اننا نبعد امى وفتون عن شريف. خالد: هز راسه. تمام. قولى عرفت أنه شريف ازاى؟ سليم: قبض ع ايديه بغضب شديد. وحكاله على كل حاجه،! خالد: بيسمع. ومصدوم حرفياً من الل بيسمعه. وسرح بافكاره وافتكر الظابط سامح. خالد: بزهول. شرييييف؟ شريف انا لو واحد غيرك قالى كدا. كنت قولت عليه كداب. بس انا مصدقك طبعا. وكدا كل حاجه وضحت قدامى. سليم: بعدم فهم. حاجة ايه؟خالد: بص ف المرايه ع شريف. وقال لما قولتلك انهردا قابلت الظابط سامح. انا مكملتش كلامى. الل حصل ف القسم. فلاش باك سامح: ياترى الباشمهندس سليم عامل ايه دلوقتي؟ خالد: الحمد لله سليم تمام. سامح: وياترى سيستم الشركه اتصلح؟ خالد: بعدم فهم. سيستم الشركه؟ شركة مين مش فاهم؟ سامح: شركة بدر الدين لما روحت انا والباشمهندس شريف ع الشركه وفرغنا الكاميرات. اكتشفنا إن السيستم كان واقع ف الوقت ده.وطلبنا المهندس. وقال إن السيستم وقع نتيجة فيروس ف الاجهزه. وجبنا مهندس متخصص وصلح العطل وكله موجود بالاوراق. والمهندس ده ع ما اعتقد اسمه شوقى. وانا ساعتها احتارت. وشريف قالى أنه هيحاول. وانا اضطريت انى أأيدها قضاء وقدر.خالد: بيسمع بتركيز. وبيرجع بالذاكره. وافتكر كويس إن شريف رجع المستشفى. وكان هيتجنن لان مفيش اى دليل أو اى حاجه تثبت إنها بفعل فاعل. والمحضر اتأيد قضاء وقدر. وشريف قال إن الكاميرات شغاله طيب هو مقالش خالص ع حكاية السيستم. ولا الفيرسه؟ امم مش عارف. سليم: بص ع خالد بصدمه. تقصد ايه ياخالد؟ قصدك إن شريف ممكن يكون هو الل ورا الحادثه؟ لأ لأ لأ انا مش مصدق. لأ اخ يحاول يقتل اخووه لأ لأ.خالد: ومالك مستغرب كدا ليه؟ ماكان هيقتل فريده. وكمان هيدمر فتون. اسمعنى بس اهم حاجه دلوقتي فريده وفتون. وانت بقى هنشوف حوار شوقى ده بعدين لانى مش مستريح لامه. سليم: بتفكير مغمض عينيه. فكر ياسليم. فكرر. وبعد شويه. قال اسمع. انا لو دافعت عن فتون ممكن انه يقتلها. انا لازم اثبت ل شريف انى مصدق الل عملته فتون. لازم ابقى ضدها. علشان يبعد عنها مياذيهاش اكتر من كده.ومن ناحيه تانيه. انت تساعد فتون. وتجيبلها اكبر محامى فاهم ياخالد. خالد: طيب تمام بس فتون لازم تعرف. سليم: بحده. تعرف ايه؟ دى لو عرفت مش هتسكت ابداا وانا خايف لو وقعت بكلمه وشريف يعرف ينتقم منها ع طول. لأ لأ فتون مش لازم تعرف. اوعدنى ياخالد. خالد: فعلا عندك حق. اوعدك يصحبى. سليم، : بص قدامه بغل. اما بقى مصطفى. ف ده حسابه معايه بعدين.بعد شويه. سليم داخل القسم وقلبه وجعه ع فتون. وخايف يضعف قدامها. وخايف عليها. ولازم يأسى عليها عشان شريف يبعد عنها. ودخل المكتب وقلبه بيدق علشانها. ولما اتكلمت غصب عنه زعق فيها. لكن لما فتون كشفت حقيقة شريف كامله. سليم من جواه صدمه كبيره. يعنى انا اقدر افتح؟ اقدر اشوف. واخويا! وانتبه وخاف جدا عليها.وفكر انه لازم يسكتها. ووقف ف صف شريف وزعقلها عشان تسكت. لكن مش راضيه. ولما سمع شريف بيتكلم بهدوء. أتأكد انه مش هيسكت. وزعق ليها كتير وكسر ثقتها فيه. وطلبت الطلاق. ولو مش هيطلق شريف هيشك انه مصدقها وكمان متجوزه راجل تانى. وعرفى يبقى سليم اكيد بيمثل عليه. ولعن فتون جواه انها طلبت الطلاق. وكان عايز يقتل شريييف. وغمض عينيه بوجع العالم كله. وكان هيطلقها والس\كينه اتغرزت ف قلبه.لكن فاق ف آخر لحظه. وعدها انه هيطلقها وهيذلها. وكل كلمه كان بيقولها بتقطع ف قلبه. وكمان عارف انها هتنهار. وهو هيضعف اكيد. و اخد شريف وخرج بسرعه وساب خالد معاها. ولما راحو المستشفى. سليم كان هيموت من جواه ودمعه نزلت منه لأنه كسر الانسانه الوحيده الل حبته وهو عاجز. ومكنش مستحمل اى كلمه من اى حد. لكن لازم يكون طبيعى مع شريف ويمثل أنه محتاجله.وكلام حنين وجعه جدا. وطلب من طاهر يرمى الاشعه قدام شريف. عشان يثبت ل شريف أنه مش مقتنع بكلام فتون. لكن من جواه قرر انه لازم ياخد خطوه صح. بس فريده وفاطمه هعمل معاهم ايه؟ شريف لو عرف انى هاهتم بفاطمه مش هتدخل عليه انها مساعده. لكن نجوى جاتله نجده من عند ربنا. لما طلبت تاخد فريده عندها. وفكر وقال دى احسن فرصه إن فريده تسافر وبكده هتكون ف آمان من شر. شريف. واقنع شريف أنه يروح الشركه. وبعد ماشريف مشي.سليم اخد طاهر ونزلو اتفقوا مع الدكتور. وسليم دخل الحمام بسرعه. واتصل ع خالد. وطمنه إن فتون بخير هي بس مصدومه وده طبيعى. وسليم ودموعه نازله بوجع عليها. وقال ل خالد خلى بالك منها ياخالد ارجوك. خالد قاله متقلقش المهم ناوى ع ايه؟ سليم: مسح دموعه. اسمع انت. لازم تقنع حنين انها تروح لفاطمه وتقعد معاها انهردا لحد ما نشوف حل. وكمان قول ل حنين تقول لفاطمه اى حجه أو مبرر إن فتون هتبات بره.لازم متعرفش. لو عرفت اى حاجه انا مش ضامن ايه الل ممكن يحصل. ودلوقتي فريده هتسافر. و انا وانت هنروح للمقدم احمد الوكيل. ونحكيله ع كل حاجه ونطلب منه أنه يساعدنا. لازم يساعد فتون. استحاله تبات ف القسم يوم واحد. لازم تخرج بكفاله ع الاقل. وبعد فتره. من سفر فريده سليم مع خالد ف العربيه ف طريقهم للمقدم احمد. وشريف اتصل عليه. وسليم رد وكلمه وقاله انه مع طاهر.وحاول يبين ضعفه قدام شريف. وسليم اول مره يبتسم بخبث من قرار شريف من إن سليم يسافر. وبعدما قفل اتغاظ جدا. وقال اطلع ياخالد. وراحوا عند المقدم أحمد. وخالد شرح ليه كل حاجه لأن سليم مش قادر يتكلم. والمقدم أحمد. بتفكير متقلقوش انا بكره الصبح هروح القسم ونقدم ورقة الجواز العرفى للطب الشرعي. واكيد الامضاء هتكون مزوره. وساعتها تظهر براءة فتون. سليم: انتبه طيب وده هياخد وقت؟المقدم: اكيد نتيجة الطب الشرعي. فيها 15 يوم ع ما تظهر. سليم: بقلق طيب وفتون؟ احمد: متقلقش النيابه هتؤمر بحبسها 15 يوم ع ذمة القض\يه. او هنشوف موضوع الكفاله ده. أما انت بقى ياسليم عشان توقع شريف. لازم ليك تصريح إذن نيابه عشان تبقى ف السليم. سليم: هز راسه تمام. بس انا ليا طلب خاص لو سمحت. احمد: ابتسم متقلقش. فتون هتتعامل معامله خاصه. مش لانها مراتك لأ. لانها بريئه. واوعدك انها هتخرج بكفاله.سليم: بوجع كبير لانه كسر ثقتها فيه. هز راسه إن شاء الله. خالد: طيب كدا كل حاجه ماشيه تمام. بس ياسليم انت لازم تعمل العمليه. سليم: بص قدامه بغيظ مكبت. متقلقش ياخالد. انا لازم فعلا اعملها علشان خاطر انتقم من شريف. احمد: لأ انا مش معاك ياسليم. الانتقام ده تسبيبه للشرطه. صدقنى عذابك ليه رحمه بالنسبه لل احنا بنعمله فيه كفايه شغل الصخره. وبعدها ف نفس اليوم…سليم مستناش: وقال ل خالد اطلع ع مستشفى مهاب الوكيل. خالد: بعدم فهم مستشفى مهاب ليه؟ سليم: لازم اشوف حكاية العمليه انا مش هخرج بره مصر واسيب فتون… خالد: بحماس. تمام هو ده الكلام. وساق بسرعه. وراحو المستشفى وسليم: قابل مُهاب. وخالد شرحله كل حاجه بخصوص الحادثه والعمليه. وتقرير الطبيب الألمانى. وسليم طلب من مُهاب إن كل حاجه تتم ف سريه تامه.ومهاب طلب دكاتره متخصصين. واخدو سليم ع غرفة الاشعه. وقلبه مشغول ع فتون. وخالد واقف ف المستشفى حنين اتصلت عليه وقالتله انها راحت عند فاطمه وعملت الل قالها عليه. بعد وقت كبير. وخالد مع سليم ف الغرفه منتظر التقرير النهائي من دكتور متخصص ف جراحة العيون. وكانت النتيجه فعلا تجمع دموي. وهيحتاج لجراحه. وسليم مستعجل وقاله العمليه تنفع دلوقتي؟الدكتور: قاله صعب لسه ف تحاليل حضرتك هتعملها انت هتفضل معانا انهردا ونعملك اللازم والجراحه هتكون بكره إن شاء الله. خالد كان فرحان جدا إن سليم هيرجع يشوف من تانى. سليم: طلب من خالد يروح يطمن ع فتون ف القسم. ويشوف المقدم أحمد اتواصل مع الرائد كريم. وخالد قاله تمام وخرج. ومرضيش يقوله ان فتون ف المستشفى. وراح اطمن ع فتون والدكتوره طمنته وقالتله كلها شويه وتخرج.واتصل ع المقدم أحمد. واحمد طمنه إن فتون هتقضي الليله ف مكتب كريم. وخالد اتصل وطمن سليم. واتفق مع محامى كبير جدا. وروح البيت ونام بعمق كبير جدا لانه تعبان. سليم: طول الليل يفكر ف فتون وفريده. ومصدوم حرفياً من شريف. ومش مصدق إن اخوه يكون بالشر ده. وضرب الحيطه بايدو بغضب شديد من قساوة كلامه مع فتون. واتمنى انها لما تعرف أنه عمل كدا عشان يحميها تسامحه. وعدت الليله بوجع كبير عليه. وقلق اكبر.واتوضي وصلى الفجر. ودعى كتير اوى إن ربنا يكون معاه ويساعده ويحمى فريده وفتون من شر اخوه. وبعدها بفتره. شريف اتصل عليه وأقنعه أنه يسافر ووافق. وعدا الوقت عليه والدكتور قاله أنه هيدخل العمليات. لكن سليم رفض لازم الأول يطمن ع فتون. ولما اطمن انها خرجت بكفاله. دخل العمليات. ومهاب واقف قدام العمليات لوحده. وبعد ساعه اتصل ع خالد. وخالد نزل يجرى من المكتب.وخرج سليم من العمليات. وعيونه عليها قطن وملفوفه بالشاش. وتانى يوم سليم مش قادر يصبر. وقام من مكانه. وفك الشاش ومغمض عينيه. وفتحها ببطء شديد. وقفلها. وفتح تانى ببطء وغمض وفتح اكتر من مره وف تشويش ف الرؤيه. وبعدها بدءت الرؤيه توضح اكتر وشاف الضوء اخيرا وبص ع ايديه وع الحيطان وكل حاجه موجوده في الاوضه. وضحك بدموع ولف حواليه وقرب من المرايه وبص ع وشه وحط ايدو ع المرايه ودموعه نازله بفرح كبير.وضحك بسعاده ونزل وسجد ع الأرض مكانه. بيعيط ع كل حاجه عيط لاول مره بوجع كبير وشكر ربنا. وزعلان لأن اخوه الل من لحمه ودمه حرمه من النور وعيشو ف العتمه. وكان المقصود انه يقتله. عيط بصوت مسموع. انجرح كتير اوى وعاش احساس بشع وشهور الحزن بياكل ف قلبه وكل ده بسبب اخوه. اخوه الل ياما وقف ف ضهرو وساعدو كتير. وعيط بوجع ع احساس فريده الل ربت وتعبت وف الاخر يزقها من ع السلم يوقعها.وعيط بغيظ كبير ع فتون حبيبته الل اتأذت بسببه. الل دلوقتي فاكره أنه اتخلا عنها وسابها تحارب لوحدها. ودموعه نازله مكان السجود… خالد: دخل وشاف سليم ساجد ع الأرض وبيبكي. والشاش والقطن ع الأرض. وشك إن سليم فك الشاش. وبلع ريقه بتوتر وخايف من النتيجه. وهمس سليم؟ سليم: حس بيه وغمض عينيه وحاول يفوق. وقام وقف ومسح دموعه بوجع.وبص ع خالد. خالد صحبه الل واحشه ملامحه جدا. وابتسم بوجع. وقاله متغيرتش كتير ياخالد لسه زى ما انت. خالد: فتح عينيه بفرحه كبيره وجرى عليه وحضنه بسعاده كبيره. وعيونه لمعت بدموع. سليم انت شايفنى؟ انت بجد شايفنى. سليم: غصب عنه دموعه نزلت وكان بيتمنى الفرحه دى تكون من اخوه. وغمض عينيه وربت ع ضهرو وقال ايوه شايفك يصحبى.خالد: طلع من حضنه وضحك بسعاده. انا مش مصدق يعنى انت رجعت ليا من تانى هههههه والله انا فرحان جدا. وحشنى اوى ياسليم. وحشنى السباق معاك يصحبى. وضحكته اختفت. لما شاف حزن ف عيون سليم. وموعه نازله بصمت. واخد سليم وقعدو واتكلمو كتير مع بعض. وخالد طمنه ع فتون وأنها رجعت للمدرسه من تانى. وسليم: مقدرش يصبر وقاله انا عايز أشوفها ارجوك ياخالد.خالد: بس انت لسه بكره ع ميعاد فك الشاش. وغير كدا لسه هنشوف رأي الدكتور. واكيد هيمنعك من انك تتعرض للضوء. سليم: قام يلبس القميص بعدين بعدين. يلا تعالى نروح المدرسه. فتون فاضل شويه وتخرج يلا ياخااالد. وانا هلبس نضاره سودا ويسيدى هتجنب أشعة الشمس وهقفل ازاز العربيه يلا بقى.خالد: نفخ بنفاذ صبر عنيد تعالى يلا. وخرجو من المستشفى بحظر عشان الدكتور مايشفوش. وراحوا ووقفو بعيد عند المدرسه. والأطفال خارجه من المدرسه. خالد: اول ما تطلع فتون هشاورلك عليها. سليم: لأ انا اكيد هعرفها. استنى بس. خالد: ضحك عليه لأنه مش هيعرفها. سليم: وعينيه ع بوابة المدرسه. وشاف مدرسين كتير خارجين. وشاف واحده خارجه وقلبه دق وهمس بحب كبير فتون.؟خالد: تنح وبص ع سليم وفتون. هااا؟ عرفها ازاى؟ وبص ع سليم شاف عينيه متعلقه معاها. وابتسم وقاله ايوه هي دى فتون مراتك يصحبى. سليم: قلبه دق بقوه رهيبه. وكمان طلعت اجمل من مخيلته. لكن اتخنق جدا لان وشها كله حزن بسببه. ومستحملش وجه ينزل علشان يروحلها. خالد: مسكه اهدا انت عايز تبوظ كل حاجه. خليها لوقتها. سليم: عينيه عليها. وركبت تاكسي ومشيت وغمض عينيه واتنهد بتعب حقيقي. خالد: بص موزتى هناك اهي.سليم: فتح عينيه. وشاف حنين وابتسم. ماشاء الله جميله. خالد: بغيره طيب اتلم عشان ماعملهاش معاك سليم: غصب عنه ضحك. يعم اتنيل والله. دى الله يكون ف عونها مش عارف حبتك ع ايه؟ خالد: ايوه الغيره والنفسنا هتظهر اهى. يلا بقى نمشي من هنا عشان لو حنين شافتنا هتعلقنا. سليم: ههههه لا مسيطر. يلا بينا. خالد: اطمن إن حنين ركبت تاكسي واتحرك بالعربيه.سليم: عينيه ع المدرسه وشاف الاطفال المكفوفين. وزعل جدا عليهم لانه عاش نفس ظروفهم. واتمنى ليهم معجزه علشان يشوفو النور. وبعد كده رجعو ع المستشفى. وسليم لف الشاش تانى. وقرر ان محدش يعرف. وهيرجع الشركه ويفهم كل حاجه. وتانى يوم خرج من المستشفى وراح عند المدرسه. وشاف فتون لتانى مره وقلبه دق بحب كبير جدا واشتياق اكبر.وركب تاكسي ومشي وراها لحد ما نزلت الحاره. وكان نفسه يجرى عليها ويضمها لقلبه. لكن حاليا فتون رافضاه. وكمان مرضيش يدخل الحاره وراها لأن ف ناس تعرفه. ورجع ع شقته. واتصل ع المقدم أحمد الوكيل. وراحله المكتب وقاله انه راجع الشركه كمان اول الاسبوع. والمقدم طلب تصريح إذن نيابه عشان سليم هيراقب تصرفات شريف.واحمد قاله اتفضل ده التصريح ودى ميكروفونات صغيره جدا. تحطها ف مكتب شريف من غير ما يعرف. وكمان ده قلم فيه كاميرا ومايك. تقدمه هديه لشريف. وانا من هنا هسجل كل حاجه تتم من خلال التسجيلات. لان شريف استحاله يكون لوحده. سليم: ع طول يروح يراقب فتون من بعيد ويرجع ع الشقه. وراح الشركه. وشاف الوشوش ع حقيقتها لكن مكمل انه لسه عاجز.ودخل قابل شريف وسرق نظرات لأخوه وشاف قد ايه خبث وتمثيل وخداع وقلبه بيتقطع ع خيانة اخوه ليه. وافتكر القلم وقاله جبتلك هديه هجبهالك بكره. وقام واتكلم مع شريف عشان يقرب منه. وراح عند رف الكتب وحط مايك صغير بين الكتب. وراح قعد ع كرسي المكتب بتاع شريف. ولزق مايك تحت المكتب. وحط مايك بين فاظة الورد ومثل أنه كان هيقع. وبعدها شريف وصله المكتب.وسليم اتصدم بزهول لما سمع كلام شريف مع شوقى وأنه طلب مراقبه عليه وع فتون وكمان بيجهز لأوراق تنازل. والمقدم أحمد اتصل ع سليم وقاله احنا سجلنا كل حاجه متقلقش. و سافر وشاف فريده وقلبه موجوع جدا وهمس ف ودنها إن كل حاجه تمام متقلقيش انا وفتون بخير. ومرضيش يقول إنه فتح لأن شريف قاعد معاه. وخايف من رد فعل فريده. وبعدها قدم القلم هديه لشريف…وبعد كده سليم وخالد بيفكرو ف طريقه لمصطفى. وسليم قال لازم طريقه تهديد علشان يخاف انا عايزه يعترف ع نفسه لكن مايقولش كلمه واحده ع شريف. لان شريف حسابه كبير جدا وعايز يكشف كل حاجه. وكمان لازم نوقعه من بعيد علشان لو شافنا ممكن يبلغ شريف. وساعتها مخططنا كله هيبوظ…خالد: جاتله فكره. وراقب مصطفى كويس وشاف بنت بتتردد ع الفيلا بتاعته. ومشي وراها وعرف انها مش كويسه ودفعلها مبلغ وطلب منها تصور مصطفى ف وضع مش كويس. وهو عايز الفيديوهات دى كتمويه مش اكتر وهتسافر حوالى اسبوع. وهى وافقت وخالد هددها لو اتكلمت أو خالفت الاتفاق هيقتلها. والبنت وافقت. وصورة مصطفى فعلا وهو ف وضع مش كويس. وقدمت الفيديوهات ل خالد وسافرت.وخالد: بعت نسخه من الفيديو ل مصطفى من رقم مجهول. وطلب منه أنه لو مراحش يعترف بكل حاجه عملها مع فتون. الفيديو ده هيكون ع السوشيال ميديا. مصطفى خاف من التهديد ووافق. وخالد بعتله فيديو جديد وقاله اسم شريف مايجيش ف الق\ضيه. ومصطفى شاف الفيديو واتغاظ جداااا لانه هيخلى سمعته ف الارض. ووافق. انه يعترف. سليم قاعد مضايق ومخنوق جداااا. ونفسه يشوف فتون لكن صعب لأنه متراقب.و عرف من خالد إن فتون بتدور ع شقه وهتسيب العماره وعايزه ترجعله العقد والشبكه وكل حاجه قدمها ليها. سليم: اتنرفز جدا. وكان ع آخرو وعايز يكسر كل حاجه. ومسك نفسه بالعافيه. وجه يوم الق\ضيه. وسليم كان متوتر اكتر من اى حد. وفرح جدا لبرائتها. لكن أنصدم لما حنين قالت ل خالد انها نزلت تدور ع شغل وشقه. وسليم وصل لقمة غضبه. وطلب من خالد يحجزله ف فندق كبير وحنين تجيب فتون ع الفندق بأى طريقه. عشان يفهمها كل حاجه.وخالد شرح كل حاجه لحنين. وحنين اتصدمت. واتغاظت من خالد انه خبى عليها كل ده واتخانقت معاه. وخالد فضل يفهمها إن ده طلب من سليم. وتنفذ الخطه وتاخد فتون ع الفندق. وتطلع الغرفه وتدخل الحمام. وبعدها تخرج من باب تانى وتنزل ل خالد بره الفندق عشان يخرجو ويسيبو سليم وفتون لوحدهم. وخالد اتفق مع الجرسون ع كل حاجه… عوده للوقت الحالى…سليم: راح ع الشقه ولبس بدله جميله. واتشيك ورش برفان. وخرج ع الفندق. واستناها ف الغرفه 22 واستخبا. وفتون دخلت وسليم استنا لما حنين خرجت. وشاف فتون واقفه وسرحانه وقرب منها بحب كبير وقلبه بيدق بسرعه كبيره جدا ومتوتر. لكن اشتياقه وصله لأنه. يضمها بحب كبير. وقال: هششش. ده انا. وهمس ف ودنها بحب. الملاك الحارس فتون: لفت بصدمه كبيره وفتحت عينيها ع الاخر. وهمست سليم!؟سليم: ابتسم بحب. تعرفي إن لون عينيكى مع لون الفستان جننو قلب سليم بدر الدين. فتون: شافت سليم الل واحشها وناسيه كل حاجه وقلبها بيدق بسرعه كبيره جدا. وفرحت اول ما شافته وضحكت بسعاده لما غازلها زى كل مره. لكن ضحكتها اختفت لما افتكرت كل حاجه. وعيونها لمعت بدموع. وسابته وماشيه.سليم: واقف قدامها وعينيه تايهه ف جمالها وبياخد اسكرين من اول وجديد. خلاص هو شايفها وهي قدامه عن قُرب. وانتبه ليها مسك ايدها بسرعه. فتون اسمعينى. فتون: افتكرت كل كلمه قالها. وغمضت عينيها بوجع. ولمسة ايدو الل وحشاها. لكن خلاص مبقاش ينفع انت كسرت قلبها. ومردتش عليه وحاولت تسحب أيدها لكن شتان. سليم: قرب منها ووقف قدامها. وكان بيتمنى السكوت ويفضل يتأمل فيها.عايز يشوفها وهي بتتكلم عايز يشوف تعابير وشها وهي بتضحك وبتكشر. عايز يقرأ اسم سليم من بين شفايفها. عايز يعيش معاها من اول وجديد كل التفاصيل. عايزها تعرف أنه شايفها. لكن الل عمله معاها مش سهل بالمره. بس هي اكيد لما تعرف الحقيقه هتسامحه. دى مهما كان هي فاتنة القلوب وهتسامح. فتون: صكت ع أسنانها وبتكابر دموعها. وباصه بعيد وبتحاول تفك ايديه. ومش عايزه تتكلم. وعايزه تمشي.سليم: فاق من أفكاره. واتنهد واخد نفس عميق. فتون ممكن تسمعينى لوسمحتى. انا عايز اتكلم معاكى ف حجات كتير لازم تعرفيها. فتون: بغيظ شدت ايدها. وقالت بصوت غضبان ودموع. انا مش عايزه اسمع منك ولا اعرف اى حاجه. انا سمعت منك بما فيه الكفايه. وحفظاهم وكل لحظه لتدميرك ليا بيتقرر قدامى. وانت منفذتش وعدك ليه ها؟ وجيت فضحتنى قدام اهل الحاره؟ ليه مزلتنيش. اااه صح انت مكنتش فاضي.طيب بما انك قدرت تظهر قدامى دلوقتى احب اقولك إن كل حاجه انت جبتها جاهزه وهترجعلك. وكمان عمارتك. انت مش يرضيك تسكن في عمارتك واحده خاين… سليم: بيسمعها ومتابع ملامحها لانه اول مره يشوفها ونفسه يضمها لقلبه. لكن اتخنق جدا لما شاف دموعها وبيسمع كلامها الل وجعه، وبسرعه حط ايدو ع بوقها. وقال بخنقه بس يافتون بس. متكمليش. وشال ايدو. ومسك دراعاتها وقال. فتون ف حجات كتير اوى حصلت انتى ماتعرفيهاش.وكمان الشخص احيانا بيكون تحت ضغط شديد وحيره كبيره. مابين أنه ينقذ نفسه أو الناس الل بيحبهم. سعات كتير بنيجى ع الل بنحبهم مش لأننا عايزين نخسرهم اونأذيهم أو حابين كدا؟ لأ احنا بنعمل كده لانه غصب عننا. انا كنت مجبر انى اعمل انى مش مصدقك. وكمل بضيق. وكمان لو تفتكرى وانتى ف القسم وبتتهمى شريف قولتلك اكتر من مره اسكتى يافتون مش عايز اسمع صوتك اسكتى. تفتكرى ليه؟وزعق بغضب. طيب انتى مفكرتيش انى استحاله اشك فيكي للحظه واحده. وإن اكيد ف حاجه غلط؟ انا كنت بموت ف الثانيه الف مره. ويمكن اكتر منك. انتى كنتى بتطلعى الل جواكى ع هيئة كلام حتى لو غضبانه. انما انا كنت مجبر انى اسكت. ومجبر انى أمثل. عارفه ليييييه؟ لانى اكتشفت حقيقة شريف قبل منك يافتوون.! فتون: باصه بعيد وبتسمعه. وانتبهت لكلامه. واتخضت من صوته العالى. واستغربت انه عارف حقيقة شريف.لكن بردو قلبها مكسور. وقالت بغضب حتى لو كنت عارف. انت ماكنش لازم تجرحنى ياسليم. انت رفعت ايدك عليا كنت عايز تضربنى ياسليم! وكملت بدموع. وبعدين انا صفحه وانتهت من حياتك. مش ده كلامك؟ تحب افكرك انت قولت ايه؟ انا مانستش اى كلمه ولا قادره انسى لأنهم كانوا زى الطعنات ف قلبى. هفكرك بيهم يمكن تكون انت نسيت. وبصت ف عينيه بوجع اكبر من اى وقت ونزلت ايديه بهدوء وقالت.انا دلوقتي فهمت كل حاجه. انا دلوقتي صدقتك ياشريف. ان الفقر يوصل الناس للجحود. انا كنت غلطان يوم ما صدقتك ووثقت فيكى. انا دلوقتي فهمت تصميمك ف انك تيجى معايا تشتغلى ف الشركه. فات الاوان ياخالد. فتون صفحه وانتهت كلمه زياده وهتندمى يافتون.اثق فيكى؟ بعد خيانتك ليا. وانك عايزه تتجوزى واحد اعمى علشان الفلوس. وكمان متجوزه راجل تانى. انتى اسؤ من رهف بكتير. انتى الل ذيك يستحيل يكون ع زمتى دقيقه واحده. لكن انا هعرفك مين هو سليم بدر الدين. وزى ماطلبت ايدك قدام كل اهل حارتك وعملتلك قيمه. انا هطلقك واذلك قدامهم واخليكى عبره للكل.! شُفت يسليم. كل كلمه قلتها انا منستهاش لانها مينفعش تتنسى لانها منك انت مش من حد تانى؟انت اخدت قلبى بقوه بين ايديك روميته ودوست عليه ومشيت. ف لحظه دمرت كل حاجه خلاص ياسليم فات الاوان فعلا. ومبقاش فيها رجوع. سليم: بيسمع فتون. ومش قادر يتحمل ضغط اكتر من كده. طيب لو فتون سابتنى ايه فايدة انى رجعت اشوف من تانى. انا كنت عايش ف عتمه بس قلبى كان مبسوط بحُبك. دلوقتي انا عينيا شافت النور. ودخلت ف عتمة الحياه بفراقك لأ لأ انا مستحيل ابعدك عنى.كلام فتون وجعه جدا. واتخنق من نفسه. وخاف من قرارها. لانه مميت. ونفخ بتعب. وقال. صدقينى الكلام ده انا قولته عشان احميكى من شر شريف. فتون انا بجد تعبان ومحتاجلك انا عايزك تسمعينى. ع الاقل دلوقتي. وخدى قرارك بعدها. اعرفى الاول ع الاقل السبب الل خلانى اوصل للمرحله دى؟ فتون: قلبها بيصرخ ونفسها تترمي ف حضنه وتصرخ بعلو صوتها من القهر والذل وخيبة الامل الل عاشتهم بسببه. ونفسها تسمعه لكن كرامتها وعزة نفسها.ومسحت دموعها بجمود وقالت. اسفه مبقاش ينفع انا لازم امشي واتحركت خطوطين وبتعيط. سليم: قال فتون حياتك انتى وفريده كانت ف خطر. ودلوقتي حياتى انا الل ف خطر. فتون: وقفت مكانها بصدمه وقلق عليه ولفت ليه وهمست حياتك ف خطر؟ سليم: بتنهيده. لو سمحتي وشاور ع الكرسي تعالى اقعدى وهشرحلك كل حاجه. فتون: تايهه ومش عارفه تفكر. وكمان مفكرتش ازاى شاور ع الكرسي. ومتعرفش انه شايفها. وقعدت وسكتت.سليم: مسح وشه بايديه. وشد كرسي وقعد قدامها. فتون: باستغراب. وقالت جواها هو ميعرفش الاوضه. ازاى شد الكرسي.؟ تؤ انتى بتفكرى ف ايه دلوقتي. سليم: فتون قبل اى حاجه انا عايز اقولك انا اسف بجد. فتون: بتنهيده ووجع. مفيش داعى للأسف لانه مش هيغير حاجه. سليم: ازاى يافتون؟ انا غلطت ف حقك وبتأسفلك. انا بجد اسف متزعليش منى. فتون: صعبت عليها نفسها وعيطت بصمت. وقالت.اسف دى تقولها لما تجرح ايد حد غصب عنك، مش لما تجرح قلبي! أسف دى تقولها لما تكسر حاجه ملموسه، مش لما تكسر بخاطري! أسف دى تقولها لما تنسى ميعاد مع حد، مش لما تنسى الوعد و العِشره و العيش و الملح وتبيع بالرخيص! فيه غلطات بتبقى أكبر من الأسف، مشاعري مش زُرار هادوس عليه، و هقدر اسامحك! ولو سمحت. انا قعدت علشان اسمعك مش علشان اسمع كلمة اسف.سليم: اتخنق جدا. وغمض عينيه بتعب. وقال ماشي يافتون. انا هاقولك كل حاجه وانتى ليكى القرار. شريف اخويا كان بيخطط لقتلى. فتون: شهقت بصوت مهموس وحطت أيدها ع بوقها بعدم تصديق. سليم: حب خوفها عليه. واتنهد وبدء يحكيلها كل حاجه… ف مكان ع البحر. خالد وحنين بيتغدو. خالد: تعرفى ياحبيبتى. انا الفتره الل فاتت دى عدت عليا كأنها سنين. حنين: فعلا كان وقت صعب جدا علينا كلنا.خالد: بصلها من يوم كتب كتابنا والدنيا اتقلبت. تقوليش لعنه الفراعنه وحلت علينا هههههههه. حنين: صكت ع أسنانها بغيظ. قصدك ايه بقى؟ انى وشي وحش عليك؟ خالد: بصلها. وشك وحش؟ بقى العيون العسلى دى. ولا الغمازه القمر دى. ولا الشفا… حنين: اتوترت واتكسفت جدا. احم وقاطعته. خلاص خلاص. لعنه لعنه مش مشكله.خالد: ههههههههه. قلبى ال بيستحى ده ياناس. يابت انتى مراتى. مراااتى حلالى ياقلب خالد. يعنى مابقولش حاجه حرام اومال بقى لما يتقفل علينا باب اوضه واحده. حنين: وشها جاب الوان. وبلعت ريقها بتوتر ومش عارفه ترد عليه. خالد: حس بيها. وابتسم بحب. وحب يفكها. المهم قوليلى بقى ايه رأيك ف ديكور الشقه؟ عاجبك ولا حابه تغير حاجه؟ حنين: هزت راسها لأ جميل كل حاجه فيها رقيقه. وكملت بقلق وقالت. خالد.خالد: بياكل. اممم نعم يا حبيبتي. حنين: تفتكر فتون هتسامح سليم؟ حنين: مط شفايفه امممم مش عارف. بس لو انتى مكانها هتسامحينى.؟حنين: بغيظ ورفعت الشوكه ف وشه. نعممم اسامحك؟ انا لو مكانها اخدك ع محكمة الاسره. ومحكمة القضاء العالى. والف ففك كعب داير. قال اسامحك قال. ليييه هي بنات الناس لعبه. ولا لعبه؟ ولا يمكن مفكرينها لعبه؟ لااا انا استحاله اسامحك وهطلب الطلاق. ومش هتنازل عن حقى. وهمرمطك ومش بعيد اقتلك. ومش بعيد كمان…خالد: بس بس بس. اييه يما برميل وانفجر ف وشي. حيلك براحه عليا. نهار ابيض ايه يابت كمية الشر دى. وانتى هبله محكمة الاسره؟ وهو احنا حتى حصلنا ربع اسره ياشيخه اتنيلى وكلى كلى وانتى ساكته. حنين: انتبهت وبصت حواليها بحرج احم. اله مش انت الل بتسأل هسامحك ولا لأ؟ خالد: كنت اتشليت قبل ما أسأل. كلى بقى دي ريا وسكي\نه يقولولك ياخالتى. بت انتى الشر بيبظ من عينيكى.حنين: بيبظ ههههههههه وبعدها صكت ع أسنانها بغيظ. بقى انا ريا وس\كينه يقولولى ياخالتى. مااااشي ياخالد مااااشي. حسابى معاك بعدين. واخدت طبق الكاتشب من قدامه. خالد: بصلها ببلاها. بت انتى طبق الكاتشب ده بتاعى. انتى قدامك طبقك اهو. حنين: تؤ انا مالى الطبق ده عاجبنى. وكمان هاخد الطبقين. انت كل مستردا. خالد: صك ع اسنانه بغيظ يابت الناس بتبص علينا. حطى الطبق ع التربيزه ياجاهله. يخربيت طفاستك.حنين: بغيظ اهو بس ع الله تمد ايدك عليه. خالد: بمكر انا همد ايدي هنا ورفع ايدو. حنين: شهقت بصوت مهموس ووشها احمر جدا. خالد: بمكر رفع ايدو واخد لحمه استيك. وبصلها وغمز اله مالك ياموزتى. حنين: حطت ايدها ع قلبها بتوتر. احم ا. انا. ابدا ابدا. ماليش. احم خد الكاتشب انا هاكل من الطبق ده. وحطت الطبق قدامه. خالد: ضحك بصمت ع كسوفها. وقال وشك بقى شبه البانجر يابنجراية قلبى.حنين: تنحت. هاا؟ بنجراية قلبك؟ دا الل هو ازاى. وبنجر ايه الل بتشبهنى بيه؟ خالد: هههههه خلاص متزعليش يافرولاية قلبى. حنين: ابتسمت بخجل. احم المهم بقى مقولتليش سليم ناوى يعمل ايه مع اخوه الشرير ده؟ خالد: بياكل اممم كل حاجه اتسجلت تقريبا. لكن منتظرين حكاية التنازل دى. وكمان ف مناقصه كبيره جدا. دخلنا فيها من فتره. ادعيلى ياحنين من قلبك بجد إن المناقصه دى بالذات ترسى عليا.حنين: بعدم فهم. يارب ياخالد لكن مناقصة ايه وقصاد مين؟ خالد: بغيظ عادل الشرقاوي… حنين: بزهول. وسابت الشوكه ف الطبق. خالد انت هتحارب ابوك ف الشغل؟خالد: لأ طبعا ليه بتقولى حرب؟ ده بيزنس عادي جدا اى حد غيرنا ممكن يدخل وينافس ويكسب. وسليم. انا قولتله ع المناقصه دى. وبعدها لما عرف ال الشرقاوي عمله معاكى ومعايا. دخل بتقلو فيها. وإن شاء الله لو رسيت علينا هتبقى ضربه للشرقاوى. وهترفعنا احنا فوق. أدعى انتي بس. حنين: بحب كبير يااارب يارب ياخالد ياحبيبى اشوفك أعظم رجل اعمال ف الشرق الاوسط كله.خالد: مسك كف أيدها وباسه بحب. ربنا مايحرمنيش منك ابدا يابنجراية قلبى. حنين: كانت مكسوفه ومتوتره. وبعدها تنحت تانى وبصتله بغيظ وهو بيضحك عليها. خالد: هههههههه كلى بقى عشان عازمك ع عصير قصب لسه بتحبيه يابت؟ حنين: بغيظ مكبت لأ مبحبش حاجه خالص. خالد: بغمزه ولا حتى العالمى يانونا. حنين: بحرج احم. احنا هنروح امتى؟ خالد: تفهم كسوفها. وقال لسه بدرى انتى وحشانى وهفسحك شويه. ف شركة بدر الدين.شريف: بيقفل الشغل. وجهز ملف التنازل. شوقى: تمام كدا ياباشا الساعه 8. شريف: تمام. روح انت ياشوقى. وبكره سليم يمضى ونرتاح. شوقى: مبروك مقدما ياكبير. شريف: بفرحه الله يبارك فيك. يلا روح انت. ومتنساش بكره الساعه 9 تكون قدامى هنا. عشان ف شحنه هتتسلم. شوقي: تحت امرك يا كبير. بعد اذنك وخرج.شريف: رجع راسه لورا بنصر كبير. وابتسم بخبث. خلاص ياسليم. كلها سواد الليل. وكل حاجه تكون ملكى. ههههه انا لازم اروح ل صلاح. لازم يعرف انى نفذت كل حاجه ولوحدى. لازم يسمع انى اخيرا قضيت عليم. وقام بغضب كبير. واخد المفاتيح. وخرج من الشركه. وركب العربيه واتحرك ع شقة صلاح. ف الفندق. سليم: بيتكلم مع فتون وبيحكيلها كل حاجه. وهو مخنوق ومتأثر. وكمان جواه مبسوط من ردود افعالها.فتون: بتسمعه ومصدومه من كمية الشر الل عند شريف. وكمان اى احداث تمر عليها فيها اذي لسليم تخاف عليه بشكل ملحوظ. واتصدمت بزهول وفتحت عينيها ع الاخر بصدمه كبيره من باقى الأحداث. ومش مصدقه إن ف شر كدا؟ وقالت جوانا. ده مش باين عليه خالص. بس انا شوفت ضحكته وشوفت الخبث ف عينيه وكملت بخوف طيب سليم ممكن يمضي ع اي عقد؟وشهقت بصوت عالى. وحطت أيدها ع بوقها وضحكت بدموع لما عرفت أنه عمل العمليه ونفسها تحضنه بفرحه كبيره. يعنى هو دلوقتي شايفنى؟ واتكسفت جدا وبتعدل ف حجابها. ومحرجه ع خايفه ع متوتره. ع مبسوطه اوى اوى لرجوع نظر سليم. لكن مش عارفه تنسى وتسامحه. سليم: بعد ما خلص كلامه اتنهد. ومسح وشه بايديه بتعب. صدقينى انا معملتش كدا غير من خوفى عليكى.تخيلى كدا لو وقفت قصاد شريف وحاربته. وهو عارف ومتأكد انك انتى وامي نقطة ضعفى الوحيده وكان هيحاربنى فيكو كان هيأذيكى صدقينى. وانا كنت عاجز ومتكتف مش عارف اعمل ايه؟ فتون انتى لو مكانى كنتى هتعملى ايه؟ مظنش انك هتضحى بيا. اكيد كنتى هتتصرفى زى ما انا عملت كدا بالظبط لانه مفيش حل تانى. صدقينى انا صدمتى ف اخويا كانت أقوى ضربه اتعرضت ليها ف حياتى.اقوى من الحادثه نفسها. انتى متخيله انك تشوفى اخوكى الكبير مثالى وبيحبك ويعمل كل حاجه بحب كبير.؟ وف الاخر تكتشفى انه قاتل وبيكره الخير ليكى وعايز يسرقك و يدمرك. لما الاخ يعمل ف اخوه الل من لحمه ودمه كدا؟ اومال الأعداء هيعملو ايه؟ أسؤ حاجه ف الدنيا الطعنه الل بتيجى من القريب. فتون سامحيني انا اضطريت اقسى عليكى علشان تسكتى.انا عارف انك اتصدمتى فيا لكن صدقينى كان عشانك انتى. انا لايمكن استحمل اعيش يوم واحد من غيرك. فتون ارجوكي سامحينى. فتون: دموعها نازله بكسره ووجع ومش قادره بتحاول تسامحه لكن صعب جدا. وقالت الضربه منك كانت قاضيه اوى ياسليم. وصدقنى مش عارفه اسامحك. ومسحت دموعها. وقامت وقفت. انا لازم امشي. واتحركت خطوطين. سليم: كان مفكر انها هتقدر الرعب الل عاشه علشانها؟وكمان كان متوقع انها هتخاف عليه وتسامحه وهتفرح انه رجع يشوف من تانى.؟ وافتكر انها هتقدر صدمته ف اخوه؟ وتعب فريده. واتوجع اوى من كلامها. وغمض عينيه بوجع. وسابها تمشي. فتون: فتحت باب الأوضه ولفت ل سليم بوجع كبير وقالت. انا حاولت التمس ليك العذر لكن الوجع الل جوايا منك اكبر من اى غفران.سليم: حط وشه بين ايديه بإحباط كبير ومسح وشه ونفخ بديق حقيقي. وقام وقف. وقال تمام يافتون. كل واحد فينا قال الل جواه. اتفضلى عشان اوصلك. فتون: بدموع انا هروح لوحدى. سليم: بحده. انتى مراتى ومينفعش تروحي لوحدك. وياريت تتفضلى قدامى. فتون: صكت ع أسنانها بغيظ مكبت. لانه جوزها ومش عايزه تتجادل ف تافهات. ومشيت قدامه بغيظ كبير.سليم: شافها ماشيه بسرعه ومتنرفزه. غصب عنه ابتسم. وقال انتى طلعتى اجمل بكتير جدا. واتنهد بحيره. ونزل. فتون: واقفه قدام الفندق. ومتغاظه. سليم: شاور ليها. تعالى العربيه هناك. واتحرك. فتون: ماشيه جمبه. وجواها زعل كبير جدا. لكن غصب عنها ضحكت بصمت وسعاده كبيره جدا أن سليم ماشي لوحدو. وشايف وبيعدى الطريق من غير مساعده من حد. وقلبها دق بحب كبير.سليم: بص عليها وشاف ابتسامتها. وكشر عينيه بعدم فهم وهز راسه ليها بتضحكى ع ايه؟ فتون: شافته بيبص عليها. ضحكتها اختفت وكشرت وبصت بعيد بزعل زى الاطفال. سليم: ضحك عليها بصمت. وفتح ليها باب العربيه. اتفضلى. فتون: ركبت بتوتر. وساكته. سليم: ركب جنبها. وبيشغل العربيه اربطى الحزام. فتون: قلقت من طريقته. وبتشد الحزام. وكان معلق. سليم: قرب منها اوى وربط ليها الحزام. وكل واحد قلبه بيدق بسرعه كبيره جدا.فتون: حاسه إن الهوا خلص. واتكسفت جدا وقلبها هيطلع من مكانه. ومغمضه عينيها وهو بيربط ليها الحزام. سليم: بيربط الحزام وقلبه بيدق كأنه شعور اقوى من الاول. ومن حالة حب اتحول لعشق ف ثانيه. ورفع عينيه ليها وشافها مغمضه ووشها احمر جدا. وافتكر فريده لما كانت بتقول وشها زى الطماطم. واتنهد باشتياق واتعدل. وقال تمام.فتون: فتحت عينيها. وبلعت ريقها بتوتر. وبصت من الازاز وساكته. ومخنوقه من نفسها لانها مش عايزه تضعف. سليم: داس بنزين وساق. وقال انتى حد قالك ع سواقتى قبل كده؟ فتون: ، مردتش عليه. سليم: هز راسه تمام خليكى ساكته. وداس بنزين اقوى من الاول وساق بسرعه كبيره. فتون: غمضت عينيها بخوف. وبتتشاهد وكبرايائها مانعها من أنها تقوله بطء السرعه.سليم: تعرفى كان نفسي اول ما افتح عينى الاقيكى قدامى. وكنت بتمنى كل حاجه اعملها لاول مره تكونى معايا. فتون: مسكت فستانها بايديها بخوف ومردتش. سليم: حس بخوفها. وهدا السرعه. فتون تحبى نروح اى مكان نقعد فيه. فتون: نفخت بديق مكبت. لو سمحت انا عايزه اروح. يا اما انزل واخد تاكسي ممكن. سليم: اممم تمام. وساق. وقرر جواه أنه مش هيستسلم بسهوله. وهيصالحلها بأى طريقه. وقال اسمعى الاغنيه.وشغل اغنيه. لعمرو دياب. بعد الليالى… فتون: بتسمع كلمات الاغنيه. وعينيها اتملت بالدموع. وافتكرت لحظات الحب الل كانت بينها وبينه. وافتكرت قسوته عليها ودموعها نازله بوجع كبير. وباصه من ازاز العربيه. سليم: كل شويه يبص عليها. وبيتمنى انها تسامحه. وشاف دموعها اتخنق. وساق بصمت تام. لحد ما وصلو تحت البيت. فتون: نزلت بخنقه ومضطره تقف عشان المنظر العام. سليم: نزل. وبص ع العماره. وبص جنبها وشاف بقالة زينهم.زينهم: شاف سليم نازل من العربيه. واتصدم بزهول معقول الل كان سايق العربيه سليم بيه؟ ولا بتهايئلى؟ وخرج من البقاله. سلام عليكم. فتون: ابتسمت بتمثيل. وعليكم السلام ياعم زينهم. سليم: وعليكم السلام. اذيك ياحج زينهم. زينهم: ببلاها الله يسلمك. ايوه ده صوت سليم بيه؟ وبص ل فتون. ايه العباره يافتون يابنتى؟ فتون: اتنهدت بحزن. سليم الحمد لله ربنا رد ليه بصره ياعم زينهم. عمل عمليه والحمدلله.زينهم: بفرحه كبيره يامنتا كريم يارب. الف الف مبروك يبنى وقرب منه وحضنه بسعاده كبيره. والله انا فرحتى انهردا ماتتوصفش. الف الف مبروك سليم بيه. سليم: طلع من حضنه. وابتسم بحب. الله يبارك فيك ياحج زينهم. وبلاش سليم بيه دي. ده انا قد ابنك. خليها سليم ع طول ماشي؟ زينهم: بسعاده. ومالو يبنى مع أن العين عمرها ما تعلا ع الحاجب. بس ربنا يعلم غلاوتك انت وبنتنا فتون قد ايه؟سليم: ربنا يديم المعروف. هو الشيخ محمد موجود فوق؟ زينهم: لأ هو ف المسجد صلينا العشا. وهو بيقعد شويه يصلى السنه. اهو خارج من المسجد اهو. فتون: جواها مشاعر متلخبطه. مابين فرحتها علشان سليم وبساطته بين الناس. وحزينه لأن السعاده دى مش هتدوم عليها. محمد: السلام عليكم جميعا. كلهم وعليكم السلام. زينهم: بفرحه كبيره تعالى ياشيخ محمد بارك للااستاذ سليم. الحمد لله ربنا رد ليه بصره ع خير.محمد: فتح عينيه بدهشه. بسم الله ماشاء الله. انت بتتكلم بجد. وقرب من سليم وسلم عليه وحضنه بحب كبير وفرحه اكبر. الف الف مبروك ياسليم يبنى. الف مبروك الحمدلله. سليم: غمض عينيه واتنهد بوجع. وكان نفسه يشوف الفرحه دي ف عيون اخوه. فتون: حست بيه. وشافت ملامحه اتغيرت. سليم: خرج من حضنه الله يبارك فيك ياحج محمد. والحمدلله فعلا. ربنا رجعلى بصري بفضل الله ثم بفضل فتون. لولاها انا كان زمانى لسه ف العتمه.محمد وزينهم. الف حمد وشكر لله. سليم: بعد اذنكم اطلع اسلم ع ماما فاطمه. محمد وزينهم. اتفضل يبنى اذنك معاك. فتون: سلمت عليهم. وطلعت قدامه. سليم: طالع ع السلم وبيبص ع أساس العماره. وكان قديم وعايز ترميم. فتون: فتحت باب الشقه. اتفضل. سليم: خشي شوفى ماما واديها خبر انى موجود الاول كنت بدخل ع طول عشان اعمى بس دلوقتي الأمر اختلف يافتون. فتون: يتنهيده. تمام ثوانى. ودخلت وقالت ل فاطمه.فاطمه: لبست الخِمار ومش فاهمه اله وهو من امتى عايز إذن. تعالى ياسليم تعالى ياحبيبي حمدالله ع السلامه ياضنايا. سليم: دخل. وابتسم بحرج. وشاف فاطمه لاول مره. وابتسم بحب. وعرف فتون طالعه لمين. وقرب منها وباس ع راسها اذيك ياست الكل. تصدقى اللون الكحلى عليكى تحفه بجد. فاطمه: بصت ع لبسها وبصت ل فتون بدهشه وضحكت بحب. تسلم ياحبيبى وانا فعلا لابسه كحلى. ههههه ماشاء الله البصيره بتاعتك شغاله زى الفل.سليم: ههههه لا يابطه انا شايفك بالبصر والبصيره. واتنهد وبص ل فتون بحب. انا شايفك يابطه انا نظرى رجعلى من تانى. فاطمه: شهقت بفرحه بصوت عالى. الله اكبر. الله اكبر. أشهد أن لا إله إلا الله. الله اكبر. وحضنته بحب كبير. وعيطت عشان خاطر سليم وكمان اطمنت ع بنتها. سليم: ضمها لقلبه بحب كبير. بس يابطه عشان خاطرى. خلاص أنا الحمد لله رجعت سليم معافى بفضل الله.فاطمه: بتعيط الف بركه. الف حمد وشكر ليك يارب. والله والله ده احسن خبر سمعته. انت تستاهل كل خير ياحبيبى. والحمد لله ع سلامتك وربنا يديمها نعمه عليك. فتون: واقفه مخنوقه بدموع. الكل بارك لسليم إلا هى. وكانت نفسها تباركله لأن ده اجمل خبر سمعته ف حياتها. سليم: اللهم امين يارب. وكمل بمكر. بس تعرفى يابطه انتى طلعتى زي القمر. اجمل من فتون بكتير.فاطمه: ضحكت يووه ودا كلام بردو ياسليم. انا خلاص راحت عليا. انما فتون دي زى البدر ف ليلة تمامهُ. اسم الله عليها. سليم: عينيه ع فتون وقلبه بيدق. وهز راسه بحب كبير. وقال جواه دا البدر ينحنى لجمالها. فاطمه: اقعد يبنى واقف ليه. تحب تشرب ايه؟ قهوه ولا شاى ولا عصير. فتون: ربعت ايديها بنفاذ صبر ونفخت بضيق. سليم: شاف فتون واقفه متغاظه. وفهم انها عايزاه يمشي. وقال بمكر. اشرب ايه بس يابطه مش لما اتغدا الاول؟فاطمه: شهقت. اسم الله عليك انت لسه متغدتش لحد دلوقتي؟ سليم: ايوه وبص ل فتون وقال والبركه ف تونا. وغمزلها. فتون: شهقت بغيظ. وعايز تاكله باسنانها. فاطمه: بعدم فهم. ازاى يبنى هي قالتلك متاكلش؟ سليم: بالظبط ياحبيبتى. قولتلها تعالى ياتونا. انا عازمك ع الغدا. قالت ابدااا ياسليم ياحبيبى. انت هتتغدى معايا انا وبطه. وهعملك المكرونه الل انت بتحبها. بإيديا.فتون: قبضت ع ايديها بغيظ كبير. ومش عارفه تتكلم عشان امها. فاطمه: ومالو ياضنايا. واحنا هايجيلنا اعز منك. ده انت تؤمر أمر. سليم: بمكر. ربنا يخليكي ليا يا حبيبتي. وبص ل فتون. ها ياحبيبتى هتغدينى ولا اروح انام بدرى. فتون: لسه هنتكلم بنرفزه. فاطمه: برفض. لأ تروح فين؟ والله ما انت ماشي إلا لما تتغدى. يلا يافتون خشي غيرى هدومك. واعملى الاكل لجوزك. يلا بسرعه تلاقيه جعان ياحبة عينى.سليم: بخبث. اوى يابطه. انا لحد دلوقتي مفطرتش تخيلى. فاطمه: هيييه ليه كدا ياسليم يبنى؟ غلط عليك. وبصت ل فتون. اله انتى هتفضلى واقفه تبحلقى كتير كدا. اتحركى جوزك جعان. وحمرى الفراخ الل جوه بحتة سمنه بلدى. يلا يابت بسرعه. فتون: صكت ع أسنانها بغيظ كبير وهتطلع دخان من ودانها. وقالت غصب عنها حاضر. حاااضر ياماما. ودخلت الاوضه بترفزه ورزعت الباب جامد. فاطمه: اتخضت يختى. البت دى مالها؟سليم: هههه بتغير عليا يابطه. انا فتحت بقى وبتعاكس قدامها البنات زى الرز ههههه. فاطمه: ههههه والله ليها حق. بس تعرف طول ما انت كنت مسافر. بوزها ده كان شبرين قدام. ولا تضحك ابدا. مضحكتش بس غير يوم ما التلاميذ ف المدرسه جابولها هديه. سليم: بتركيز لا احكيلى بقى هدية ايه؟ فاطمه: حاضر ياضنايا. هاقولك. ف شقة صلاح. شريف: دخل ل صلاح. نبيله: راحت تعمل عصير ل شريف.شريف: قاعد جنب صلاح. بيحكي بنصر كبير. قوم يصلاح. قوووم خلاااص انا انتقمت منهم ولوحدى. انا نهيت حياة فريده. ودمرت حياة سليم. وكمل بغيظ. قوم وشوف بعنيك الل دمرت امى. ودمرت البيت الل كان نفسي اكبر فيه ف حضن امى. قوووم وشوف سليم الل عايش وكأنه صاحب الأملاك والخير. قوووم وشوف شريف بدر الدين عمل اييييه؟ شريف قطع راس الافعى…نبيله: فتحت الباب بقوه ودخلت. وقالت كفاااااايه بقى انا مش قادره اسكت اكتر من كدا. خالك صلاح هو راس الافعى الحقيقى ياشريف.رواية أحببت بصيرته للكاتبة مريم نصار الفصل الثامن والثلاثون
عند فتون… فتون: رايحه جايه ف الاوضه بغيظ كبير. وقالت لأ لأ. هو قاصد انه يفرسنى. وبتقلده. قولتلها تعالى ياتونا عازمك ع الغدا. لأ وانا قولتله كمان ابدااا ياحبيبى. انا هعملك المكرونه الل انت بتحبها بإيديا. انا لحد دلوقتي مفطرتش بقى انا قولتله كداا؟ انا؟ ماشي ياسليم مااااشي ااااه يانااارى. دى تصرفات واحد عايز يشل الل قدامه.المفروض انا قولتله مش عارفه اسامحه. ده حتى ماداليش مساحه انى أرتب افكارى. اااه. وصكت ع إسنانها بغيظ كبير ولااا بقى الست حنين كمان طلعت عارفه كل حاجه ومظبطاها هي وخالد. اااه ممثلين والبت توقع الكاتشب ع فستانها وبتمثل البراءه الحقينى يافتون اتصرفى الفرح هيبدء وشكلى متبهدل اااه ينارى. ماشي ياحنين إن ماوريتك. وفتحت الشنطه وطلعت الفون بنرفزه. اصبرى عليا ده انا هنكد عليكى انهردا. ع البحر.خالد وحنين. ماشين ع البحر وخالد محاوط حنين من كتفها ومبسوطين. خالد: تعرفى ياحنين وانتى معايه بنسي كل تعبى وبنسى همومى كلها انتى بجد احسن حاجه حصلتلى ف حياتى. حنين: قلبها بيدق بحب. وانت كمان ياخالد. لما بكون معاك بنسى الدنيا كلها. خالد: وقف وشال ايدو ولف حنين ليه. وبص ف عينيها. وقال بحب. حنين انا بحبك اوى. حنين: نزلت وشها ف الارض ومكسوفه. وقالت بحرج. وانا كمان. خالد: ابتسم. وانتى كمان ايه؟حنين: اخدت نفس عميق. وانا كمان بحبك اوى ياخالد. خالد: قلبه دق بسعاده. ولسه هيضمها لحضنه. فونها رن. وصك ع اسنانه بغيظ. وهمس بنفاذ صبر. نحس نحس مفيش كلام. حنين: ضحكت ع شكله. وقالت ثوانى وطلعت الفون من الشنطه وشهقت بخوف. خالد: ايه ياحنين مالك. ابوكى قفشنا؟ حنين: بغيظ قفشنا! انا مراتك ع فكره. نضف بقى دماغك دى. خالد: ههههه يابت ما انا عارف. ورينى كدا مين بيتصل. ايه ده؟ دى فتون.حنين: بتوتر ايوه. انا خايفه ارد عليها. انا عارفه اكيد لما سليم قالها انى متفقه معاك هتبهدلنى ومش بعيد تضربنى. خالد: بسيطه بسيطه ردى عليها ومتخافيش. حنين: انت شايف كدا؟ خالد: الرنه هتفصل ردى عليها بقى خلينا نعرف هي قتلت سليم ولا لسه؟ حنين: بلعت ريقها بتوتر وردت. وقالت بتمثيل تونااا حبيبتى عامله ايه؟ خالد: بهمس افتحى الاسبيكر. وفتحتو واتخضو.فتون: بهجوم زى الاعصار. عملك اسود ومهبب ع راسك ياحنين. بقى انتى يطلع منك كل ده؟ ده انا لما اشوفك هاكلك بسنانى. دا انا هجيبك من شعرك وهمرمطك كدا. وهحميكى بالكاتشب. بتضحكى عليا ياحنين؟ بتمشي ورا خالد وبتستغفلينى يابت؟ خالد: رفع حاجبه. وقال مين دى؟ حنين: بتوتر. حبيبتي اهدى يا تونا وانا هفمهك كل حاجه… فتون: بغيظ. تفهمينى ايه يابنت نجلاء. تفهمينى انك ضحكتى عليا وتقولى فرح صحبتك وتسحبينى وراكي هااا؟حنين: والله العظيم يافتون انا معرفتش اى حاجه غير انهردا صدقينى. فتون: لا ياشيخه انتى كمان بتكدبى عليا ياحنين. ماشي ياحنين ماااشي. حنين: نفخت بنفاذ صبر. يابت اهمدى بقى واسمعينى. والله انا مابكدب عليكى. وانا اتفاجئت ذيك بالظبط. خالد لما كلمنى قالى ع كل حاجه وانا اتخانقت معاه صدقينى. وكمان ياتونا انا لما عرفت السبب الحقيقي ورا تصرف سليم. فرحت جدا أنه كان بيحميكى وخايف عليكى.وانا من واجبى اني اقف جمبك. والحمد لله ان كل حاجه اتحلت. وابتسمت بسعاده وكمان الف مبروك ياروحي إن سليم رجع فتح من تانى. وكمان اكيد سامحتيه. انا فرحت علشانكو جدا جدا. فتون: بتاكل ف ضوافرها بغيظ. اممم الف مبروك اه. ماشي ياحنين. حتى بعد ما عرفتى كل حاجه ماتجيش تقوليلى؟ ومين قالك انى هسامح سليم هاا؟ انت بتحللى من دماغك.؟ حنين: بزعل يعنى ايه؟ انتى مش هتسامحى سليم؟ فتون: بغيظ ده ف احلامه. انا لايمكن اسامحه.حنين: حطت ايدها ع بوقها بدهشه. خالد: هز راسه وقال ل حنين. هاتى انا هكلمها. واخد الفون. الو ياتونا ههههه. لو سليم سمعنى دلوقتي هيقطعنى اربع قطع وبالتساوى اصله فنان الواد ده حتى ف الاجرام ههههه. فتون: صكت ع أسنانها بغيظ. خااالد!؟ انتو متفقين عليا تفرسونى مش كدا؟ خالد: استهدى بالله كدا. وتعالى نتكلم جد شويه. الل فهمته انك مسامحتيش سليم و لسه زعلانه منه صح؟فتون: قعدت ع طرف السرير بحزن. وقالت بدموع انا مش زعلانه. انا مقسومه نصين. نص مقهور ومكسور من سليم. والنص التانى فرحان ومبسوط انه رجع للنور من تانى. نص زعلان لانه قال كلام دبحنى. ونص مبسوط انه كان بيحمينى. نص بيصرخ عشان عشمى فيه كان أكبر من كدا. ونص بيضحك أنه عمل كدا علشاني. بس حزنى وزعلى مسيطر جوايا اكتر من اى حاجه لان خيبة الأمل لما بتيجى من اكتر شخص بتحبه قلبك بيتكسر حقيقي.وبردو فرحانه اوي اني شوفت سليم وهو مبسوط. بس زعلانه. انت فاهمنى؟ خالد وحنين: بيسمعوها واتأثرو. خالد: طبعا ده انا اكتر واحد فاهم الاحساس ده. بس يافتون انتى لو فكرتى ف الل عمله سليم مش هتلاقى إن ف حل تانى كان يعمله.؟ وكل حاجه جت ف وقت واحد. شريف كان هيقتل فريده. وبعدها شريف حبس فتون. وسليم عاجز. وواقف محتار. مابين امه ومراته وأخوه. الميزان اختل جدا عند سليم. وكل ده حصل ف ساعه واحده بس.سليم كان ف مصيبه كبيره وصعب اننا كنا نفكر ف اى حل تانى. لأن شريف كان موجود معانا معظم الوقت ومكناش نعرف مدى خطورته هتوصل لايه. فتون. انسى و سامحى سليم. انتى متعرفيش كان بيتعذب قد ايه. ده مكانش بينام الليل من الصدمه. وكفايه صدمته ف اخوه. انتى مش متخيله سليم كان عايش ف صرراع نفسي ازاى؟ حنين: اتاثرت. وكملت بزعل. وبعدين يافتون ده انتى سامحتى ناس كتير المفروض ماكنتيش سامحتيهم.سامحتى سحر الل كانت بتأذيكى عن قصد. وسامحتى حسن. وحاولتنى تنسي. ليه مش قادره تسامحى سليم وهو كان بيحميكى وخايف عليكى وانا من رأيي إن سليم وخالد اتصرفو صح. فتون: بتعيط بوجع. انا عارفه ياخالد كل الكلام ده. وسليم صدمته ف اخوه كبيره جدا والله يكون في عونه طبعاً.وكمان تعب ماما فريده. والظروف الل انا مريت فيها. بس انا مجروحه من كلامه ليا. مش عارفه ولا قادره انسى اى كلمه مش قساوه منى بس زى ما قولتلك عشمى فيه كان أكبر من كدا بكتير. وانتى ياحنين. انا سامحت سحر وحسن لأنهم مايخصونيش ف شئ. كلامهم مأثرش فيا اوى كدا.انا بنام وصوت سليم ف ودانى. كلامه بيتردد كل دقيقه. وصعب انى اسامحه لانه اكتر انسان حبيته. وبردو نفسي اسامحه علشان شايفه وجع كبير ف عينيه. انا ف صراع ما بين انى عايزه اجري عليه من الفرحه. او انى ابعد عنه من صدمتى فيه. خالد: الحب يافتون. الحب الل جواكى ل سليم هيمحى اى غلطه من غير قصد. الل بينك وبين سليم عمره ما يتهد بسهوله كدا.وبعدين طيب ما انا وحنين وانتى كمان خبينا كل حاجه حصلت عن طنط فاطمه. لاننا بنحبها و خايفين عليها. هل ده تصرف وحش مننا؟ بالعكس احنا عملنا الصح اننا بعدناها عن الخطر لانها لو عرفت كانت تعبت أو الله اعلم كان حصل ايه؟ وبعدين انا هسالك سؤال. انتى عندك استعداد فعلا انك تبعدى عن سليم؟ فتون: سرحانه ف كلام خالد. وقلبها دق بخوف بسرعه. ومش متخيله حياتها من غيرو. وهزت راسها لأ. خالد: فتون انتى سمعانى؟فتون: انتبهت. ها؟ احم ايوه سمعاك. خالد: طيب ماجاوتيش ع سؤالى انتى عندك استعداد تبعدى عن سليم؟ فتون: اتنهدت بحيره. وهربت من الاجابه. ماما بتنده عليا هروح اشوفها. مع السلامه. خالد: ابتسم من هروبها. تمام مع السلامه. وقفلو. فتون: غمضت عينيها بتعب ومش عارفه تاخد قرار. وقامت تغير هدومها عشان تطلع تعمل اكل ل سليم. حنين: تفتكر هتسامحه؟خالد: طبعا يابنتى. فتون مش غبيه انها تنهى علاقة عشق بالجمال ده، دى حبته من قلبها وهو كفيف. واستحاله سليم يستسلم بسهوله ده بيعشقها يما. تعالى بقى نجيب 2 حمص الشام كدا واتمزج. عشان ف حرب أهليه قادمه. حنين: بقلق حرب؟ تقصد ايه؟ انت هتحارب ابوك؟ خالد: لأ ياروحي. واتنهد بزعل حقيقي حرب سليم مع شريف ف نفس الوقت. عند صلاح.نبيله: واقفه قدام الباب. وسمعت كل كلمه قالها شريف. واتصدمت. ولطمت ع خدها وقالت دى مصيبه. انتى هتفضلى ساكته كدا كتير يانبيله. لأ لأ. وفتحت الباب بقوه ودخلت. وقالت كفاااااايه بقى انا مش قادره اسكت اكتر من كدا. خالك صلاح هو راس الافعى الحقيقى ياشريف. شريف: لف ليها. بدهشه انها سمعت كلامه. لكن كشر عينيه بعدم فهم. ا. انتى بتقولى ايه؟نبيله: راحت وقفت عند راس صلاح وبتبص عليه بكُره واضح. بقولك إن خالك الل نايم قدامك ده.؟ هو راس الافعى. هو يستاهل الل هو فيه و اكتر من كدا كمان ولولا انى متربيه وبنت أصول انا كنت سبته من اول يوم عمل فيها الحادثه وخدت ولادى وهربت بعيد عن شره. شريف: بصوت جهورى انا مسمحلكيش انك تتكلمى عليه بالطريقه دي. ده خالى الل مربينى وعندى احسن من ابويا نفسه انتى فاهمه؟نبيله: زعقت كفايه بقى بجد انت هتفضل لحد امتى معمى وبالطريقه دى؟ انت مغيب انت مش فاهم اى حاجه. وكمان مش عارف انت عملت ايه دلوقتي.؟ انا سمعت كل حاجه منك. انت دمرت نفسك. دمرت العيله الل بتحبك من قلبها بجد. اخوك سليم وفريده مالهمش ذنب ف اى حاجه. صلاح استخدم نفس الس\لاح الل انت بتستخدمه مع سليم. زي ما علمك بالظبط. صلاح رباك ع كدبه كبيره ملهاش أساس. زرع فيك خبث وشر وظلم وكُره كبير ضد عيلتك.صلاح دمرك قبل الكل. انت دلوقتى ف مصيبه وكارثه كبيره!، انت لازم تعرف كل حاجه آن الاوان انك تعرف الحقيقه. و تفوق وتلحق تصلح الل صلاح عمله فيك. شريف: كشر عينيه باستغراب. انا مش فاهم حاجه. انتى بتتكلمى عن ايه؟ و قصدك حقيقة ايه؟ نبيله: غمضت عينيها واخدت نفس عميق. وقالت تعالى ورايا وخرجت من الاوضه. شريف: واقف محتار وبص ع صلاح وبص ع الباب وهز راسه ومش فاهم حاجه. وخرج بسرعه.نبيله: دخلت اوضة المكتب الخاصه لصلاح. شريف: دخل وواقف بحيره. نبيله: اتكلمت ع طول وقالت. انا اتجوزت خالك من 13 سنه بعد قصة حب هو الل بدءها او بالمعنى الحقيقي مثل عليا زى ما مثل عليك. وكان ديما كلامه ناعم وتشوف نفسك قصاده انك شيطان وهو ملاك. واتجوزنا ف وقت قصير وبعدها عرفنى عليك. وقالى شريف ده ابنى انا الل مربيه من وهو عنده 10 سنين بعد ما نجوان مامتك اتوفت لحد ما بقى راجل وهيشتغل ف شركة بدر الدين.قولت جميل جدا ياصلاح انك تهتم ب ابن اختك رغم أن ابوه عايش وكمان عندو أم تانيه ملاك زى مدام فريده. ده شئ جميل اوى منك. واحترمته اكتر. وعدت سنه ورا سنه وصلاح هو. هو نفس الأسلوب الطيبه والاحترام المثاليه ف كل حاجه. زي ما انت بتعمل كده بالظبط مع سليم وفريده. قولت شريف زى صلاح بالظبط فعلا واخدين نفس الطباع. والاتنين محترمين جدا.لكن بعدها بكام سنه اكتشفت إن صلاح لما بيكون ليه مصلحه بيقى صلاح الل انا عرفته. لكن لما مصلحته تخلص يبقى عامل زى الشيطان وده اكتشفته لما اخدت الورث بعد وفاة والدى الله يرحمه. كان عامل زى الملاك وبعد ما اخد الورث بقى زي الكلب الصعران. وحصل بينا خلافات كبيره وكنت بستحمل عشان عيالى. شريف: بدهشه. ورث؟ ورث ايه الل اخدو منك. هو قالى أنه انك انتى اديتيله الفلوس برضاكى ومن حبك ليه.نبيله: طبعا لازم يقولك كدا. اومال هيقولك أنه اخدها منى بالتمثيل وأسلوبه الناعم؟ اسمع ياشريف فوق الله يخليك قبل فوات الاوان. حاول تصلح علاقتك باخوك وفريده. شريف: زعق انتى بتقولى اييييه؟ عايزانى اصلح علاقتى بالل قتلت امى؟ عايزانى ارجع كل حاجه اخدتها بعد تعب. انا تعبت بقى بجد من التمثيل كفايه.ولو سليم عرف مش مهم الل يحصل يحصل ده ملكى انا. وحتة الخدامه دى هي وابنها مالهومش اى حق. وانا غلطان أنى مخلتش شوقى يقتلهم وخلصت. نبيله: زعقت انت مجنوووون. انت مفكر ان شوقى دا هيسيبك؟ شوقى هيقتلك بعد ما تاخد كل حاجه افهم بقى يا اخى. شريف: باستغراب. لحظه واحده انتى ايه الل خلاكى متاكده من كلامك ده وانتى تعرفى ايه عن شوقى عشان تتكلمى كدا؟ نبيله: صرخت. شوقى ده يبقى دراع صلاح اليمين ياشريف افههمممم.شريف: فتح عينيه بصدمه وهمس شوقى؟ ا. انتى. لأ انتى كدابه. كدابه. شوقى ده شغال عندى انا وميعرفش خالى صلاح ابدا. لأ انتى كدابه. نبيله: بدموع. شوقى ده حربايه وشغال عندك بأمر من صلاح وف السر عارف ليه؟ شريف: واقف بصدمه وعينيه مفتوحه ع الاخر، ومردش.نبيله: اقولك ليه؟ صلاح ضحك عليك ومثل أنه الاب التانى ليك. لكن الحقيقه انه واخدك سلم عشان فلوسك. واتفق مع شوقى انه يشتغل عندك ويبقى تحت طوعك لحد ما تاخد الأملاك. وبعدها شوقى. يخليك تمضي ع تنازل. او تخلي صلاح شريك معاك بنسبه 70 ف كل حاجه. يا اما كدا؟ يا يخلص منك وعن طريق شوقى. فهمت بقى. شريف: رجع لورا بصدمه كبيره. وهز راسه لأ مستحيل انتى كدابه.نبيله: عيطت انا مش كداااابه. انا ساكته بس لانى مُهدده بالقتل انا وعيالى من صلاح وشوقى. بس خلاص بعد الل انت عملته وانا سمعته منك. الموت اهون من عذاب الضمير الل انا فيه. ولازم اتكلم واقول ع كل حاجه. شريف! مامتك نجوان اتوفت قبل ما ابوك يعرف فريده اصلا. وفريده ماكنتش شغاله خدامه عندكو ف الفيلا. كل ده فيلم عمله عليك صلاح عشان تكره العيله الل حبتك. وتقرب منه هو.شريف: بينهج بزهول وعينيه مفتوحه ع الاخر بصدمه كبيره جدا. نبيله: بدءت تحكى. وقالت. من سنه ونص تقريبا اكتشفت الصدمه وعرفت حقيقة صلاح البشعه. ف يوم كنت عند ماما. ولما رجعت الشقه وماشيه من قدام المكتب ده. وسمعته بيتكلم مع شخص. قولت ده اكيد شريف لانك ديما بتجيله البيت. لكن الصوت كان أول مره اسمعه وسمعت صلاح بيقول…شوقى احنا هنكمل خطتنا مع شريف للآخر. انا زرعت الكره والخبث جواه من ناحية ابوه وفريده وأخوه. وشكلته زى ما انا عايز. ودخلته الكليه الل انا عايزها عشان يشتغل ف شركة ابوه. خليت شريف من صغره يفهم إن فريده كانت خدامه عند بدر وحبها وجابلها شقه واتجوزها ف السر 3سنين… ولما نجوان اختى عرفت راحت وباست ع رجل فريده عشان تبعد عن بدر وفريده طردتها.و نجوان ماتت بحسرتها. وبدر جاب فريده تعيش مكان نجوان عشان تاخد كل حاجه بتاعتها. انا فهمت شريف إن الثروه دى كلها بتاعة نجوان من الأساس. وفهمته إن فريده خدامه فقيره وضحكت ع بدر وقتلت نجوان لانها هي السبب ف موتها. وهتاخد شريف تحت رحمتها. انا زرعت ف شريف الشر من صغره عشان يبقى تحت طوعي ولما يكبر اكون أنا الامبراطور واستولى ع كل الأملاك.لكن مكنش ف الحسبان إن بدر يخلف تانى وكمان خلف ولد يعنى انا كدا مُهدد إن كل الل عملته يروح ع الفاضي. فضلت ادس السم ف ودن شريف أقوله فريده بتكرهك. بتحب ابنها اكتر منك والفيلا دى هتبقى ليها ولابنها. ابوك هيرميك ف الشارع. لازم تكون انت المالك الوحيد للتركه دى.! بس شريف عشان عيل صغير مكنش بيعرف يتصرف ويسيطر ع اعصابه وكان هيقتل سليم.وانا لما جبته عندى ف الشقه سنتين. علمته كل حاجه بالهداوه. لازم يبقى هادى عشان يعرف ياخد حقه. وعشان فريده ممكن تخلى بدر يكتب كل حاجه باسم سليم. وشريف هيعيش ف الأحداث. لازم نمثل عليهم عشان نوصل. لازم يعيش يمثل عليهم دور الابن الل خايف عليهم وبيحبهم والمسالم. وبيحب اخوه. وشريف مشي منوم تحت تأثير كلامى. وكل ما يبقى عصبى انا أقوله تعالى ف حضن خالك حبيبك مالكش غيرو بيحبك.شريف بقى تحت طوعى. وكل حاجه ماشيه زى ما خططتلها بالظبط. وانا جبتك ياشوقى ع الشركه عشان تشتغل تحت ايدو وتبلغنى بالجديد. والمشكله إن سليم مسك الشركه وأذكى بكتير من شريف. وانا كنت خططت انى لازم نخلص من سليم وفريده. شريف الغبى رفض ف الاول وخاف. لكن انا قدرت اثر عليه إن سليم بقى الكل ف الكل ف الشركه وهو ع الهامش. والسم عمل مفعوله وشريف وافق.والمصيبه إن بدر سمعنى وانا بتفق مع شريف ف مكتبه. واتصدم فينا وضرب شريف بالقلم وزعق وقاله انت عايز تقتل امك و اخوك.؟ شريف من غضبه ثار ع ابوه وهددوا أنه هيقتل الكل. بدر مسك قلبه وتعب وخرج من الشركه وقعد اسبوع ف البيت تعبان. وحاول يتكلم مع شريف ويقنعه أنهم بيحبوه ويبعد عنى لانه اكتشف أني تعبان. شريف بدء يصدق ابوه لكن انا لحقته. والمشكله اتعقدت اكتر لما عرفنا إن بدر قسم الأملاك.وانا كنت هتجنن. وبدر وقع وبعد كدا. مات. وانا وشريف دلوقتي بنخطط نخلص من سليم الاول… والأملاك كلها هتروح لفريده. وبعد سليم ما يموت نخلص من فريده. وكل حاجه تبقى بإسم شريف. وبعدها انا بقى العب ع شريف و اخلى شريف يتنازل ويمضي على كل حاجه. ولو ممضاش أو موافقش ع شراكتى ف كل حاجه بنسبة 70 يبقى شريف يحصل اخوه تخلص عليه يشوقى فااهم. وشوقى رد عليه وقال اعتبره حصل ياكبير.نبيله: انا اول ما سمعت صلاح بيتكلم مكنتش مصدقه وربنا الهمنى وفتحت تليفونى وسجلت كل حاجه. وبعدها صلاح فتح الباب وشافنى واقفه وبعيط وعرف انى سمعت كل حاجه. ومسكنى من دراعى ودخلنى المكتب وزقنى ووقعت ع الأرض. وشوفت شوقى واتصدمت لانه شاب انا افتكرته راجل كبير. يعنى شاب بالشر ده كله؟ يقتل ويزور ويعمل كل ده.؟ انا من خوفى زقيت الفون تحت الكرسي كأنه وقع منى وسجل كل حاجه. بس صلاح سالنى انتى سمعتى ايه؟قولتله بخوف ولا حاجه. وضربنى وقدام شوقى بالقلم وهددنى. انى لو اتكلمت كلمه واحده او اى حد عرف بحاجه.؟ شوقى ده هيقتل عيالى قدام عينيا قبل منى وانا خوفت ع عيالى. وخدت الفون وجريت ع الاوضه وقفلت ع نفسي وفضلت اعيط. اكتشفت إن صلاح قلبه ميت وعندو استعداد يقتل ولاده. خوفت منه ومش عارفه اعمل ايه اتكلم ولا اسكت؟ ولو اتكلمت عيالى هيتقتلو وقدام منى وكمان انا. ومن خوفى عليهم سكت. وبعدها ضرب واهانه وذُل وتهديد.وقبل حادثة صلاح بيومين سمعته انه بيخطط معاك عشان يخبط سليم بعربيه كبيره. وانا دخلت ابوس ع ايدو يرجع عن الل هو فيه. ويسيبك ف حالك لانك اصلك طيب وهو مأثر عليك. بس زقنى وقالى انتى عرفتى عنى كل حاجه. وياويلك لو اتكلمتى بحرف واحد. وبعدها. وهو رايح يقتل سليم زى ما اتفق معاك. سبحان الله انقلب السحر ع الساحر. وعرفنا بعدها إن صلاح عمل حادثه بشعه بعربيه كبيره. انا مزعلتش عليه وكنت بتمنى يموت وانت تفوق لنفسك.لكن اكتشفت المصيبه الأكبر إن شوقى بيهددنى لو اتكلمت هيقتلنى لانه هيبقى طرف مهم ف الق\ضيه وسكت وكملت حياتى. وبالصدفه شوقى جه هنا الشقه يطمن ع صلاح. وسمعته بيتكلم معاه وبيقوله خلاص نهاية سليم وشريف قربت وانا هنفذ طلبك ولو مقومتش يبقى حلال عليا. وجريت اتصلت ع مدام فريده من رقمى التانى وردت عليا. بس افتكرت تهديدهم ليا وقفلت الموبيل خالص وخوفت جدا.ودعيت ربنا انه يسترها ع سليم وفريده من شرك انت وشوقى. لحد ما سمعتك دلوقتي بالمصيبه الل عملتها. صدقنى خالك ده شيطان وخلاك شيطان زيه بالضبط الحق نفسك وفوق ياشريف… نبيله: بتتكلم بوجع كبير وبتعيط بصوت مسموع وهي بتحكى قدام شريف. شريف: بيسمع وتايه وعينيه مفتوحه ع الآخر. ومش مصدق مصدوم حرفياً، لأن معظم كلامها صح.وسرح بعدم تصديق. واسئله كتير جواه. عن صلاح وبدر وشوقى. ايوه كل ده حصل. بس. بس صلاح كان بيكدب عليا؟ يعنى فريده مالهاش علاقة بموت امي؟ يعنى شوقى شغال مع صلاح؟ يعنى كل حاجه كدب ف كدب؟ يعنى ايه؟ يعنى خالى بيكرهنى وعايز يقتلنى؟ لأ لأ مستحيل. مستحيل. هي بتكدب ياشريف. ايوه هي كدابه. بس. بس هي قالت ع إتفاق صلاح معايا.وقالت إن بابا سمع اتفاقنا. قالت حجات حصلت. شريف؟ انت قتلت! قتلت لأ لأ انا مقتلتش فريده عايشه. وسليم عايش. ايوه عايشين ايوه. نبيله: مسحت دموعها وبصت ع شريف. وشافته سرحان بعمق كبير جدا وعينينه مفتوحه ع الاخر وبتلمع بدموع. وبدء ينهج ودموعه نزلت ع خدو. وقلقت من شكله لانه واقف زى السكران وضايع. شريف: فاق من أفكاره. وانتبه لدموعه الل نازله. وبص ل نبيله وسألها بوجع كبير. قولى انك بتكدبى عليا؟قولى ان خالى بيحبنى و كان بيقول الحقيقه وانه مكنش بيستغلنى و عايزنى اقتل. وعايز يقتلنى بعدها عشان الأملاك. قولى ارجوكى. نبيله: صعب عليها ضياع شريف. وقالت ثوانى. وخرجت راحت اوضتها. شريف: رجع بالذاكره لما كان صغير. وافتكر كل حاجه صلاح عملها عشانه. وكل كلمه ثبتها ف عقله. افتكر بدر لما كان بيحظرو يبعد عن صلاح وهو مصدقش. وغمض عينيه بتعب شديد.نبيله: دخلت اتفضل يا شريف شغل التسجيل الل ع الفون ده بنفسك. واسمع كل حاجه. شريف: انتبه وبص ليها بخوف ومتلخبط ومش عارف. يتمنى تكون نبيله كدابه. ولا صلاح الل كداب. واخد الفون لاول مره ايدو يكون فيها رجفه. وضغط ع التسجيل واشتغل. نبيله: بتسمع وعينيها ع شريف الل عينيه تايهه يمين وشمال. ومصدوم حرفياً. شريف: سمع اعتراف صلاح بكل حاجه عملها. ونزل ع الأرض مكانه بصدمه كبيره جدا.نبيله: شهقت بخوف. وراحت قعدت قدامه. شريف: باصص ع الفون بصدمه ودموعه نازله بصمت. نبيله: بحيره. وحد الله ياشريف. انا عارفه انها بتبقى صدمه كبيره لما تاخد حد مثل أعلا ليك وتنصدم فيه لانك بتكتشف انه الد أعدائك. انا ديما كنت بشوف فيك الطيبه. لكن لما عرفت انك شريك خالك ف المؤامره دى.؟ قولت انى اتغشيت فيك.بس بعدها استغربت حنيتك علينا وع ولادى ومهتم بينا ومش حارم عيالى من حاجه. حتى علاج صلاح انت الل اتكفلت بكل حاجه. ده يثبت إنك من جواك طيب. وإن مهما صلاح يزرع فيك الشر استحاله الجدر يقوا. الحق نفسك ياشريف. الحق صلح كل حاجه. فريده بتحبك جدا وافتكر انها عمرها ما قصرت معاك ف حاجه. طيب دى لو بتكرهك هتعاملك كويس ليه؟ ماهى عندها أملاك وفيلا وكمان ابنها. لو كانت بتكرهك كانت قالتلك اطلع من البيت.وكمان سليم بيخاف عليك ومبيستحملش عليك حاجه. ولو كان سليم بيكرهك كان ابسط حاجه اخد نصيبه وبعد عنك. فكر ف إن فريده ديما عايزه تشوفك متجوز ومستقر ف حياتك ونفسها تفرح باولادك. طيب دى لو بتكرهك هتتمنى ليك الاستقرار؟ صلاح اخدك حتة عجينه وشكلك ع مزاجه. بس نسي أن ف رب وانه اكيد ف يوم الحقيقه هتبان.انا حاولت كتير انى اتكلم لكن كنت مُجبره اسكت. لكن لما انت كملت طريق خالك.؟ انا مش هقدر استحمل واشيل زنبك لانك متعرفش إن خالك بيدبر لدمارك بعد مايستولى ع كل حاجه. وسبحان الله شوف نتيجة شره اهو تم السنه وهو ف غيبوبه. سنه ضاعت من عمرو ومين عارف لو كان لسه موجود كان مصيرك ايه دلوقتي؟ يمكن ربنا عمل كدا عشان انت تفوق لنفسك عشان انت من البدايه مالكش زنب لانك كنت طفل صغير.بس دلوقتي انت راجل كبير وتعرف تفرق بين الصح والغلط. الحلال والحرام. حرام عليك نفسك وحرام عليك تدمر ثقة الست الل حبتك زى ابنها. وحرام عليك اخوك الصغير الل بيعتبرك ابوه. خالك صلاح دلوقتي بين ايدين ربنا. واكيد بيتمنى فرصه انه يرجع زى الاول عشان يصلح أخطاءه. فوق ياشريف. الدنيا دى كلها الل انتو بتقتلو بعض عليها متساويش عند ربنا. جناح بعوضه. فوق والحق نفسك.شريف: مغمض عينيه وبيسمعها. وقلبه بيدق بوجع وحسره. لانه فعلا ماشي ع خطى صلاح. بقى زيه ضحك عليه وخلاه شيطان ع هيئة انسان. ورفع عينيه ليها وقال بتوهان وضياع يعنى خالى كان بيكدب عليا طيب ليه؟ ده انا كنت صغير وحسيت أنه الوحيد الل بيحبنى و بيخاف عليا.؟ قالى حجات كتير اوى عن فريده وبابا. وقال إن ابويا كان بيكره امي وخد فلوسها شغلها وكبر بيها.وقالى حجات كتير جدا عن فريده. دا انا تعبت فريده اوى وكنت بقولها انتى خدامه انا صدقت خالى. صدقته ف كل حاجه. هو. هو اتحايل عليا نقتل بس انا خُفت. والله خُفت بس هو قالى ان سليم هياخد منى كل حاجه. وانا مش هيكون ليا اى حاجه. وهعيش لوحدى. قالى إن سليم امه بتحبه وعايشه معاه بس انا ماليش حد وهعيش لوحدى. انا كرهتم اوى. انتى متعرفيش انا مثلت عليهم قد ايه؟ انا كنت لما بحاول احن ليهم خالى يرجعنى لعقلى.يعنى. يعنى انا كرهت الناس الل حبتنى. وحبيت الل بيكرهنى. ههههه خا. خالى ضحك عليا هههه. خلانى افكر واخطط واقتل وف الآخر عشانه هو. طيب ليه؟ ا. انا عملت ليه ايه؟ ضحك عليا ليه؟ نبيله: بتعيط بوجع كبير ع حالة الضياع الل هو فيه. ودعت ف قلبها وقالت حسبى الله ونعم الوكيل فيك يصلاح. كان عيل صغير مالهوش زنب منك لله. منك لله. شريف: مسح دموعه و قام وقف بجمود وخرج من المكتب. نبيله: خافت وقامت بسرعه وخرجت وراه.شريف: دخل عند صلاح. وبص ليه بعدم تصديق. ومسك كتافه بقوه واتكلم بغيظ كبير. بقى انت يطلع منك كل ده؟ وزعق عملتتتت فياااا كدا ليييييه؟ ضحكت عليا وانا عيل صغير وكرهتنى فيهم كدببببت وضحكت عليااااا ليييييه؟ انا اذيتك ف اييييه؟ مثلت عليا انك خايف عليا وعايز مصلحتى لييييه؟ كل ده عشانك انت؟ يعنى انت كنت بتلعب بيا عشان مصلحتك انت؟خلتنى اكره فريده وسليم وكمان كرهت نفسي. وكل دا لييه؟ دا ابن أختك عايز تقتلنى؟ انت عمللللت منى شيطااااااان ليييييه؟ نبيله: فتحت عينيها على الاخر بصدمه كبيره لأن ممكن صلاح يموت بين ايديه. وشدت شريف. سيبه ممكن يموت ف ايدك وتاخد زنبه هو كمان. سيبه لله وانت صلح كل حاجه. الحق نفسك وفوووووق سيبه ياشريف صلاح هيموووووت ف اييييدك. شريف: صك ع اسنانه بغيظ وقلبه كله كُره وغل وعينيه بتطلع شرار.وزق صلاح وسابه. انت مش لازم تموت دلوقتي. وزعق بصوت عالى جدا انت لازم تعيش وتفوق. لازم الشر الل زرعته فيا تحصده بأيديك. لازم انتقم منك. مش انت كنت عايزنى شيطان. انا اهو إبليس واقف قدامك. ولازم ادفعك تمن كل كدبه كدبتها عليا وكل ظلم وقسوه. لازم تدفع تمن كل حاجه عملتها معايا وتشرب من نفس الكاس. وسابهم وخرج بغضب كبير جداااا. نبيله: لطمت ع وشها. وشافت شريف واحد تانى خاااالص. وخافت منه. وسابته يخرج.وبصت ع صلاح بغيظ كبير وقالت منك لله دمرت بيت بالكامل ودمرت علاقة الاخوه عشان طمعك. اشرب بقى وبتمنى انك متفوقش لانك شيطان ع هيئة انسان ماشي ع الأرض. شريف: خرج من الشقه ونزل يجرى ع السلم زى ال هربان من حد. وركب العربيه بسرعه ومسك الدريكسيون بايديه وبينهج بسرعه كبيره. ومش قادر يتنفس. وحس انه مخنوق جدا. وفك الكرات بسرعه. وبلع ريقه بصعوبه. وحط وشه بين ايديه بصدمه.بيحاول يستوعب. ف لحظه واحده كل حاجه اتقلبت. كل الحقايق الل كان مقتنع بيها وعايش عليها طلعت كدبه كبيره من اعز انسان عنده. خاله صلاح الل بيعتبره ابوه التانى. واخده مثل اعلى ليه. ومؤمن جدا إن مفيش حد بيحبه زى صلاح. ومسح وشه بايديه بيأس كبير. وبص قدامه وغصب عنه ابتسم بسخريه ودمعه نزلت منه. وغمض عينيه بوجع كبير. وفتح عينيه بجمود. وشغل العربيه وساق بسرعه كبيره جدا… عند فتون.فتون: لبست الاسدال وخرجت من الاوضه ومالقتش سليم موجود. وقالت كويس انه مشي. فاطمه قالت سليم قالى انا نازل شويه وراجع تانى. ادخلى جهزى الاكل بسرعه. فتون: استغربت هيروح فين؟ وقالت مش مهم. انا هدخل اعمله الاكل عشان يمشي بقى. ونفخت بغيظ من كل حاجه. ودخلت المطبخ. وحطت المكرونه ع النار. وبتجهز الفراخ. وبتعمل ف الصوص. وسرحانه. وقالت ياترى سليم أتأخر ليه كل ده؟ اوووف وانا مالى.وبعدها وجهزت الفراخ الل هتحطها ع المكرونه. وظبطت كل حاجه. وعملت سلطه. وحمرت الفراخ. وجهزت شوية حجات جمب الاكل. وخلصت. واتغاظت أنه لسه مرجعش ومش عارفه ليه هي مضايقه لعدم وجوده قدامها ونفخت بضيق. فاطمه: ندهت. فتوون. فتون: طالعه من المطبخ وماسكه الفوطه. نعم يا ماما. فاطمه: تعالى الله يكرمك يابنتى هاتى المسلسل الساعه 9. هو سليم أتأخر ليه كل ده؟ فتون: جابت المسلسل وقالت معرفش.فاطمه: اله مالك يافتون قالبه وشك ليه كدا؟ فتون: ضحكت بتمثيل ابدا يابطه. دا انا مبسوطه اوى. الباب خبط. فاطمه: تلاقيه سليم جه بالسلامه افتحى يابنتى. فتون: قلبها دق. ولبست طرحة الاسدال. فاطمه: باستغراب انتى هتلبسي الطرحه ليه؟ سليم جوزك يابنتى. فتون: بتوتر سبيها لوقتها يابطه. وراحت تفتح وجواها حماس كبير انها تشوفه تاني. وفتحت الباب وقلبها دق بحب كبير. سليم: رفع عينيه ليها وقلبه دق. وابتسم بحب. ممكن ادخل.فتون: انتبهت ها؟ احم وكشرت وشها اتفضل. سليم: كشر عينيه. ودخل وشايل شنط كتير. وهمس ف ودنها والله بحبك. وسابها وراح عند فاطمه بسرعه. فتون: غمضت عينيها وقلبها هيطلع من مكانه وحطت أيدها ع قلبها. سليم: بطه القمر عامله ايه من غيرى اتاخرت عليكى انا عارف. وبص ع فتون وشافها واقفه متوتره وضحك بصمت. فاطمه: انا الحمدلله ياحبيبى. بس انت فعلا اتاخرت كنت فين يبنى كل ده؟ وايه كل الشنط دى؟سليم: دى ياست الكل شوية حجات ومستلزمات كدا تخص المطبخ. فتون: باندفاع. انت جايب الحجات دي ليه؟ انت جاى تدفع تمن اكلك عندنا؟ سليم: قال بمكر. ومين قالك انى جايبلك الحاجات دى؟ انا. بتغدى كل يوم ف المطعم لحد ما فريده ترجع بالسلامه ف انا فكرت. وقولت مراتى حبيبتى. سليم مش هيهون عليها انه يتغدى بره. ف انا جايب شوية حجات علشان انا هتغدى كل يوم هنا. ولا ايه رأيك يابطه؟ فتون: قبضت ع ايديها بغيظ ملحوظ.فاطمه: بعفويه. طبعا يبنى زين ما عملت. واعمل حسابك كمان هتتغدى وتتعشى معانا كمان. فتون: تنحت وفتحت عينيها ع الاخر بدهشه. سليم: ابتسم بخبث. حبيبتى ربنا يخليكي ليا. وانا لايمكن ارفضلك طلب ابدا. خلاص يبقى غدا وعشا. ولا ايه ياتونا؟ وغمز. فتون: بتعد من واحد ل عشره عشان تسيطر ع أعصابها. ونفخت بنفاذ صبر. وابتسمت ببرود وقالت والله ده بيتك تيجى وقت ما تحب بعد اذنكم هدخل اجهز الاكل. ودخلت المطبخ وهي بتبرطم…سليم: ههههه. وهز راسه بسعاده. فاطمه: بس يبنى ماكانش ليه لزوم تجيب اى حاجه انت كدا ع رأي فتون هتدفع تمن مجيك عندنا. سليم: الكلام ده تقوليه للغريب وانتى وفتون مسؤولين منى. و انا لو عليا أخلى فتون تقعد ف البيت ومخليهاش تعمل اى حاجه ابدا ولا تشتغل. لكن انا عارف هي بتحب شغلها قد ايه؟ وبعدين انتى خدتينى ف الكلام. وفتح الشنط وبيدور ايوه اهي. اتفضلى ياحبيبتي. فاطمه: بعدم فهم ايه العلبه دى ياسليم يبنى؟سليم: دي علبه فيها تشكليه من المسليات يعنى كاجو ع فسدق ع لوز وعين جمل وكمان دى فيها فيشار. انا عارف انك بتحبى اوى الحجات دي وخصوصاً وقت المسلسل. فاطمه: ابتسمت بحب. وفتحت العلبه وقالت ماشاء الله بس ده كتير اوي يبنى دول يكفو عيله بحالها. سليم: بألف هنا ياست الكل. فاطمه: ربنا يباركلك يبنى ويبعد عنك شر ولاد الحرام. سليم: اتنهد بزعل آمين.فتون: واقفه ف المطبخ ومتابعه كل حاجه وابتسمت بحب من موقف سليم مع بطه. لكن زعلت لما شافت ملامحه اتغيرت. وفهمت انه زعلان بسبب شريف. وشالت الصينيه وخرجت. وحطتها ع التربيزه وقالت اتفضل. فاطمه: لأ خدى الاكل وادخلوا جوه انا عايزه اتفرج ع المسلسل برواق. فتون: بزهول جوه فين ياماما؟فاطمه: يووه جوه ف اوضتك يابت اخلصى الإعلان خلص. يلا ياسليم يبنى قوم اغسل ايدك وادخل كل ياضنايا. البيت بيتك. وسبونى اتفرج دى الحلقه الاخيره ومش عايزه افوتها. سليم: ابتسم بفرحه. وقام انتى تؤمرى يابطه. ودخل الحمام… فتون: صكت ع أسنانها بغيظ وراحت ل فاطمه أنتى ياماما بتحرجينى ليه؟ وازاى هنقعد ف اوضتى ها؟فاطمه: بتاكل كاجو. امم الله صدقى يابت ياتونا الكاجو ده شكله من الاصلى طعمه حلو اىدوى. مش زى عمك جمعه بيبعه بايظ. وبعدين اعتبريه اليخت يختى الل كنتو بتتعشو فيه وده جوزك مش غريب وانا واثقه فيكو. وقومى خشي الراجل يقول علينا ايه؟ فتون: قامت بنرفزه لأ دا انتو كلكو متفقين عليا بقى تشلوني. وشالت صنية الاكل بغيظ ودخلت حطته ع تربيزه صغيره. ورجعت اخدت كرسي وحطته. وسابت الباب مفتوح ع الآخر.سليم: غسل وشه وأيديه. وخرج. وبص ع البيت كويس وحس بيه بدفا غريب. وشاف فتون قاعده ع طرف السرير ومتنرفزه. فاطمه: ادخل يسليم وبالهنا والشفا ياضنايا وخد راحتك وكل ياحبيبى متتكسفش. سليم: هز راسه متشكر يا بطه. واخد شنطه من وسط الشنط. ودخل اوضة فتون وقفل الباب حاجه بسيطه. وبص ع اوضتها بحب كبير رغم بساطتها لكن جواه شعور جميل ومكتفى بيها بكل حالاتها. فتون: نفخت استغفر الله العظيم يارب. ممكن تتفضل عشان تتغدا.سليم: حط الشنطه ع السرير. وشد الكرسي جنبها وقعد امم هتصدقيني فعلا لو قولتلك انى لسه مفطرتش لحد دلوقتي؟ فتون: قلبها زعلان عشانه. لكن بتحارب نفسها عشان متضعفش. وقالت طيب اتفضل اتغدى. سليم: طيب مش هتأكلينى زى كل مره. فتون: قلبها دق. وقالت دلوقتي الحمدلله انت تقدر تأكل لوحدك. سليم: بزعل حقيقي يعنى انتى كنتى بتأكلينى عشان كنت اعمى مش علشان بتحبينى؟فتون: ضغطت ع شفايفها ولعنت نفسها، احم انا مقصدش كدا. وبعدين. انت بتتكلم بعشم اوى كدا وانت عارف انى مش عارفه اتخطى الل حصل. سليم: والل حصل ده كان علشانك انتى مش علشانى. انا قولتلك انى عملت كل ده عشان خايف عليكى من شره. فتون انا لو رجعت تانى بالزمن هعمل زى ما عملت اول مره.انا معنديش استعداد اخسر اكتر من الل خسرته. ولا هسمح لأى حد أنه يبعدك عنى. فتون انا مستعد اموت علشانك. ومسك كف أيدها وباسه. عشان خاطر سليم بجد سامحينى. فتون: بتسمعه وجواها حزن كبير. وزعلت أنه جاب سيرة الموت. واتحرجت لما باس ع أيدها. وسحبت أيدها. وقالت ارجوك لوسمحت. انا محتاجه لشوية وقت افكر. سليم: يعنى الحب الل بينا مش كافى يشفعلى عندك؟ انا وجعتك عشان ابعدك عن خطر حقيقي. موجعتكيش بقصد منى.وكمل بغضب انا كنت بموت ف الثانيه الف مره. وانتى بعيده عنى. انا كنت ف الضلمه لوحدى وخطر شريف محاوطنى. أمى كانت ممكن تروح فيها وانتى كنتى هتتسجنى. وانا لو كنت دافعت عنك كنت هخسركو انتو الاتنين. انتى لو عايزه تسميها انانيه منى. سميها. ايوه انا انانى. ومن دلوقتى هكون انانى اكتر من اى وقت فات. هحافظ عليكى لآخر يوم ف عمرى. اى حد يقرب منك بس انا ممكن امحيه من ع وش الدنيا لان ده حقى.انتى ليا انا وبس ومش هسمح إنك متكونيش بخير ابدا. وقام وقف بغضب… فتون: من جواها فرحت لحب سليم ليها. وخافت عليه من أسلوبه الحاد وغضبه. وقامت وقفت. سليم: انا ماشي. فتون: ضغطت ع شفايفها بزعل. لأ متمشيش انت لسه ما اكلتش. سليم: مسح وشه بايديه بتعب. انا مش عايز اكل. انا عايزك انتى. انا فكرت اول ما تعرفى انى رجعت فتحت تانى كنت متوقع منك. رد فعل تانى.انا مايهمنيش اى حد قالى مبروك قد ما اتمنيت انى اسمعها منك او اشوف الحب منك والفرحه ف عينيكى وانك تتخطى كل حاجه ف سبيل انى رجعت للنور من تانى. كان نفسي ف فرحه كامله بس للأسف. واتنهد بوجع ولسه مواجهتى مع شريف. صدقينى إن كنتى انتى زعلانه ف انا قلبى مدمر بسبب الل انا فيه. واسف انى اخدت من وقتك. وخدى اكبر وقت كافى. بعد اذنك. وجه يتحرك. فتون: بسرعه مسكت أيدو. وقالت بدموع رايح فين…سليم: باصص بعيد. متشغليش بالك بيا وخدي وقتك متخافيش انا عمرى ما هتخلى عنك. وقت ما تسامحينى انا موجود ف اى وقت. فتون: اتخنقت بالعياط. وهمست بوجع سليم. سليم: حس بنبرة صوتها ولف ليها. وشافها بتعيط بصمت. واتخنق اكتر. فتون: منزله وشها ف الارض و بتعيط بوجع لانها كانت نفسها تشاركه فرحته الكبيره. سليم: متحملش اكتر من كده. وشدها لحضنه وضمها لقلبه. وغمض عينيه بوجع انا اسف. بجد اسف.فتون: بتعيط بصوت مكتوم. ورفعت ايديها ع ضهرو وضمته وكلبشت فيه وبتعيط. سليم: بيمسد ع حجابها. بس ارجوكي يافتون كفايه بقى انا اسف بجد. صدقينى كان غصب عني وجعك. حبيبتى انا افديكى بروحي انتى متعرفيش انا بحبك قد ايه. فتون: بتعيط ومبتردش عليه… سليم: ربت ع ضهرها بحنان. طيب متتكلميش بس اهدى وبطلى عياط. ومسد ع حجابها. وسابها ف حضنه تعيط لحد ما هديت…فتون: خرجت كل وجعها ف حضنه. وهديت وخرجت من حضنه بحرج ومسحت دموعها. سليم: رفع ايديه ومسح دموعها. وباس جبينها. تعالى اقعدى. فتون: قعدت ف وسط شهقات بسيطه جدا. ومبتردش. سليم: جاب كوباية ميا من ع الكمود. وقعد جنبها ع طرف السرير اتفضلى اشربى واهدى. فتون: هزت راسها لأ مش عايزه. سليم: اسمعى بس كلامى واشربى وهتكونى احسن. وشربها بايدو. فتون: شربت منه. وساكته. سليم: بيمسد ع حجابها. ها احسن دلوقتي.فتون: هزت راسها ايوه. سليم: اخد راسها ع كتفه وضمها حقك عليا. فتون: غمضت عينيها. واخدت نفس عميق ورفعت راسها وبصت ف عينيه بدموع وقالت. انا عايزاك تعرف ع قد زعلى منك. إلا انى اكتر واحده فرحانه إنك رجعت بخير وربنا استجاب وردلك بصرك من تانى. وخبتطه ف كتفه وقالت بدموع بس انت ضيعت فرحتى. ضيعت كل حاجه. سليم: ابتسم بحب كبير. ومثل أنه بيتألم. وقال احنا فيها. ممكن نعوض كل حاجه. ايه رايك؟فتون: مسحت دموعها. وقالت ازاى يعنى كل حاجه ف وقتها بتبقى حلوه. سليم: رفع دقنها بايدو. وقال انتى. لو قولتى دلوقتي سامحتك وكمان بضحكه منك هتخلى الفرحه والسعاده ف قلبى. فتون: بحرج احم سامحتك ياسليم. سليم: ضحك بسعاده كبيره. بجد يعنى مفيش عياط تانى هههههه اجمل كلمه سمعتها. فتون: ابتسمت بحب. وبصت ف عينيه وقالت مبروك ياسليم الف مبروك ع رجوع بصرك بجد انا اسعد واحده في الدنيا كلها بالخبر ده.سليم: اتنهد بسعاده كبيره. ومسك ايديها وباسها. انا بجد الل اسعد واحد ف الدنيا علشان شوفت ضحكتك اخيرا. فتون انا بحبك. بحبك اوى. فتون: وشها جاب الوان. احم الاكل هيبرد. سليم: بمكر. بس هتأكلينى بايدك تمام. انتى عودتينى ع كدا. فتون: قلبها بيدق بسرعه وهزت راسها تمام. سليم: اتنهد بحب. وعينيه ع فتون بياخد اسكرين لكل ضحكه ليها. وجاب الشنطه وقدمها ليها. اتفضلى. فتون: بعدم فهم ايه الشنطه دى؟سليم: طلع من الشنطه. بوكيه ورد جميل جدا. وقال اتفضلى… فتون: فتحت عينيها بانبهار. واخدت البوكيه وكان رقيق جدا. وعليه كارت اعتذار وفتحت الكارت. ومكتوب عليه ( والتمسي لقلبى من الأعذار الفآ. ولا تتركى يدى يوما. ف بعدك عنى حتما هلاكي. آسف) فتون: قلبها بيدق بسرعه كبيره جدا. ومبسوطه. سليم: ابتسم بحب لما شاف فتون مبسوطه. فتون: ضحكت بسعاده. شكرا ياسليم. الورد جميل جدا.سليم: بمكر. والأكل اجمل. انا اول مره اجوع كدا. فتون: هههه. حالا. وبرجفه بدءت تاأكل سليم. ووشها احمر جدااااا. سليم: بياكل بسعاده كبيره. ومستمتع وقال بجد احلا اكل أكلته ف حياتى. تسلم ايدك يا حبيبتي. فتون: بحرج بألف هنا وعافيه. احم. سليم: انتبه. صح ياتونا هو انتى ليه محجبه قدامى؟ هو انا نص مِحرم؟ ههههه فتون: سابت الشوكه بتوتر. ها؟ لا ابدا. احم ياخبر نسيت اجيب سلطة الطحينه.سليم: هههههههه. لأ اقعدى خلاص متتهربيش و انا شبعت وخليكى بالحجاب انتى قمر ف كل حاجه. فتون: بتوتر. متشكرا. وقامت شالت الاكل وجواها سعاده كبيره. ورجعت بسرعه. تشرب قهوه ولا شاى؟ سليم: ياريت قهوه. فتون: حاضر. وراحت المطبخ. سليم: شاف اللوحه الكبيره الل الاطفال عملوها. وقام من مكانه ووقف واتفرج عليها. ورفع ايدو يمشيها ع طريقة برايل. وابتسم. واتفرج ع اوضتها وشاف كتب كتير ع مكتب صغير.ومفكره. بعنوان خواطر ل فتون مهران. واخدها وقعد ع طرف السرير. وشال القلم. وفتحها وقراء صفحه من بين الصفحات. فتون… يحتاج المَرء ف النهاية شخصاً يتشارك معه تفاصيلهُ الصغيره ؛ أن يُراقب معه الغروب، حركة الطيور، يعدُّ معه النُّجوم ؛ يتأمّل الغُيوم شخصاً يشبهُه ؛ شخصاً يقفُ معه حتى نهاية العُمر بلا مللٍ ؛ بلا خوف ؛ بلا ضياع. شخصاً تتيقَّن تماماً من أنه باقٍ بقلبكِ وعقلك للأبدِ.سليم: ابتسم بحب كبير. ومسك القلم وكتب ليها.لَم نطلُب مِن الحياةِ سِوَى أَن نَحيا بِسَلام، أَن تُرَافقنا طُمَأنينة القلب وَسَك\ينة الرُّوح أَينما حَللنا، أَنْ تُغَادر أسرَاب القَلَق وَالحِيرَة سمائنا، أَن نَجِد يدًا تَربُت ع قُلوبنا، تنتشلنا مِن عُمق الحُزن وَالضَّيَاع، يدًا تَكُن بجوارنا قَلبًا وقَالبًا، أَن تَمُر الأَيَّام بِهُدُوء تَامّ وَراحة بَال، دُون فقد أو قلق، دُون خوف أو تعب، دُون شَكٍّ أَو رِيبَة، لَم نَعُد نَتَمنى سِوَى أَن نَعش بِطُمأنينة وَحَسَب. ولَم أَعُد أَتَمَنىَ سِواَكيِ يا فَاتِنةُ قَلبيِ.وبعدها قفل المفكره وحطها ع الكمود وقام خرج. وقعد مع فاطمه وشرب القهوه. سليم: قام وقف طيب ياجماعه انا لازم امشي دلوقتي. فاطمه: برفض تمشي فين؟ لسه بدرى ياضنايا. اقعد معانا شويه. فتون: من جواها زعلان انه ماشي. سليم: معلش يا بطه. الساعه 10 ونص والشقه بعيده يعنى فيها ساعه واكتر. هعوضهالك بكره إن شاء الله.فاطمه: ماشي ياضنايا ربنا معاك ويستر طريقك يارب. وأمانه عليك عايزه اكلم فريده ليها وحشه. لو سافرت ليها قولها فاطمه زعلانه منك. نسيتنا خالص. سليم: ابتسم متقوليش كدا. دى بتسأل عليكى ع طول. وزي ما فتون قالتلك مفيش شبكه هناك. واوعدك لو هي مجتش هاخدك انا وفتون ونروح ليها زياره مفاجاه ايه رايك؟ فاطمه: والله فكره. بس بردو سلملى عليها كتير لحد ما ربنا يأذن ونشوفها ع خير إن شاء الله.سليم: باس ع راسها. إن شاء الله ياحبيبتى. تصبحى ع خير. فاطمه: وانت من اهل الخير ياحبيبى. وقامت دخلت الحمام تتوضي لقيام الليل. فتون: واقفه عند الباب وواضح عليها الزعل. سليم: وقف قدامها. وهمس مالك زعلانه ليه؟ فتون: مسكت ايدو بخوف. سليم انا مش زعلانه. انا خايفه عليك من شريف. سليم: ابتسم. خايفه عليا؟ اطمنى شريف لحد دلوقتى مايعرفش حاجه. فتون: طيب انت ناوى ع ايه؟ بجد يا سليم انا خايفه عليك انه يأذيك؟سليم: هشش اهدى. وقولتلك اطمنى. وطول ما شريف عارف انى بعدت عنك. وكمان انى لسه اعمى. وفريده مابتتكلمش مفيش خطر. وانا مش عارف لسه ناوى ع ايه؟ واتنهد بتعب. خوفى كله من المواجهه وصعب جدا انى اقف قدام اخويا الكبير لانى ساعتها انا متأكد انى مش هقدر اسيطر ع اعصابي.فتون: بدموع سليم انا بجد خايفه يحصل حاجه. انا مرعوبه من فكرة ان ممكن شريف يعملك حاجه. اديله الل هو عايزه. سيبله الشركه. سيبله الفلوس والمشاريع. بس ارجوك خليك انت معايا. سليم: بحده اسيب ايه يافتون؟ انتى عارفه انا تعبت قد ايه ف الشركه دى؟ انا سهرت سنين من التفكير عشان اوصل لل انا فيه. والمشاريع دى تعبى وشقايا تعب تفكيرى. انتى عايزانى اسيبله حقى وع الجاهز.؟ انتى الل بتقولى كدا؟وكمان خطط أنه يقتلنى ويقتل فريده. ويسجنك. وياخد كمان الأملاك. انا لايمكن اسيب قرش واحد ل شريف. عارفه. شريف ده لو كان قالى سليم انا عايز اى مشروع من مشاريع. كنت هقوله اتفضل اختار الل انت عايزو. لانه اخويا الل بيحبنى ومفيش فرق بينا. بس دلوقتي الوضع مختلف تماما. وهو الل اختار نهايته بايدو. مش انا. فتون: بخوف حقيقي. مسكت ايدو جامد. وقالت بدموع. سليم اوعدنى انك تكون بخير علشانى.سليم: اتنهد بخنقه كبيره. وضمها لقلبه. وغمض عينيه وزعلان جدا. انه هيحارب اخوه ف وقت ما قلبه استريح وعايز يعيش مرتاح. فتون: ضمته بخوف كبير. ودموعها نازله بصمت وخووف. سليم: باس جبينها بحب. متقلقيش عليا. انتى بس صلى وادعيلى. وانا واثق إن الخير ديما ينتصر ع الشر. فتون: هصلى وادعيلك من قلبى. وربنا معاك ويحفظك ف كل خطوه. سليم: ضحك بصمت. تعرفى إن دى دعوة فريده ليا ع طول. انا دلوقتي اتأكدت انى هكون بخير.فتون: ربنا معاك ياسليم. سليم: مسد ع حجابها. ومعاكى ياقلب. سليم. خلى بالك من نفسك. فتون: بحزن انت الل خلى بالك من نفسك عشان خاطرى وطمنى عليك. سليم: ابتسم حاضر ياحبيبتى. هكلمك اول ما اوصل البيت. لا اله إلا الله. فتون: بتنهيده. محمد رسول الله… ف البلد، الساعه 11 بليل. فريده: قاعده ع السرير. بتقرا الورد اليومي. نجوى بتصلى ركعتين لله قبل ما تنام. الباب خبط بصوت عالى جدا.جوز نجوى والكل قام بقلق من شدة الخبط. وفريده قفلت المصحف وخافت. ونجوى واقفه ورا جوزها بخوف. وفتح الباب بسرعه. نجوى: شهقت وحطت ايدها ع قلبها. وقالت شريف؟ مالك يبنى وشكلك عامل كدا ليه؟ شريف: بعيون حمرا زى الدم. دخل تايه ومش سامع صوت حد. وفتح الباب ع فريده وقرب منها ونزل ع ركبه وقال.رواية أحببت بصيرته للكاتبة مريم نصار الفصل التاسع والثلاثون
البدعةُ أحب الى إبليس من المعصيه لأن العاصي يعلم انه عاص فيتوب اما المبتدع يحسب أن الذي يفعله طاعة فلا يتوب وأضاف العلماء ان صاحب البدعه يفعلها امام الناس ويدعو الناس لفعلها واما صاحب المعصيه فهو يفعلها خفيه ولا يتجرأ أن يدعو الناس لفعلها اللهم اننا نعوذ بك ان نضِل او نُضل عند فتون. فتون: بعد ما سليم مشي كان قلبها مشغول عليه.ودخلت شطبت المطبخ. وخارجه شافت الشنط الل سليم جايبها. واتنهدت بحيره. واخدت الشنط المطبخ. وكان جايب حجات كتير جدا. وكمان جايب شوكلت كتير ليها. وابتسمت بحب كبير. وحطت كل حاجه مكانها. ودخلت الحمام اخدت شاور. واتوضت وخرجت دخلت اتطمنت ع فاطمه. وراحت اوضتها.لبست إسدال الصلاه. وصلت قيام الليل. وف كل سجده تدعي من كل قلبها. وشكرت ربنا كتير جدا وبتعيط بفرحه عشان نظره رجعله من تانى. واستودعت سليم عند الله. وبعد الصلاه. قامت وجابت المصحف. وكالعاده عايزه تشوف الاشاره. وغمضت عينيها. وقلبت الصفحات. وعينيها جت ع أية قال تعالى بسم الله الرحمن الرحيم: « وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ ».وابتسمت بسعاده كبيره. وقالت الحمدلله. وقررت تانى مره وعينيها جت ع أية. بسم الله الرحمن الرحيم إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ”. واتنهدت بسعاده. وعيونها لمعت بدموع من فرحتها بالاشارة. وتالت مره. فتحت عينيها وجت ع اية. بسم الله الرحمن الرحيم. «إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ ».فتون: ضحكت بدموع. وضمت المصحف بسعاده كبيره جدا. وقالت الف حمد وشكر ليك يارب. انك عوضت صبرى خير. وكملت قرأة الورد من بعد آخر ايه. وبعد شويه. خلصت قراءه. وبصت ف الساعه وكانت عدت 11. وقلقت ع سليم انه لسه متصلش عليها. وجابت الفون من ع الكمود. ولمحت المفكره بتاعتها. وقالت بعدم فهم. ايه الل جاب المفكره هنا؟وكشرت عينيها. امم اكيد سليم. وابتسمت بحب. ومسكت المفكره وفتحتها مكان القلم ف وسط الصفحات. واتفاجئت. ايه ده؟ سليم كاتب هنا. وقرأت.لَم نطلُب مِن الحياةِ سِوَى أَن نَحيا بِسَلام، أَن تُرَافقنا طُمَأنينة القلب وَسَ\كينة الرُّوح أَينما حَللنا، أَنْ تُغَادر أسرَاب القَلَق وَالحِيرَة سمائنا، أَن نَجِد يدًا تَربُت ع قُلوبنا، تنتشلنا مِن عُمق الحُزن وَالضَّيَاع، يدًا تَكُن بجوارنا قَلبًا وقَالبًا، أَن تَمُر الأَيَّام بِهُدُوء تَامّ وَراحة بَال، دُون فقد أو قلق، دُون خوف أو تعب، دُون شَكٍّ أَو رِيبَة، لَم نَعُد نَتَمنى سِوَى أَن نَعش بِطُمأنينة وَحَسَب. ولَم أَعُد أَتَمَنىَ سِواَكيِ يا فَاتِنةُ قَلبيِ.فتون: قلبها بيدق بفرحه من فرط الحب والاحساس الل جواها. وباست المفكره. وقالت تعرفى انا فرحانه اوي إن سليم رجع يشوف من تانى. وانتى كمان فرحانه مش كدا؟ ههههه. بس بردو انا هفضل عكازه. انا بحبه اوى اوى. وحطت المفكره. واتصلت ع سليم…سليم: وصل البيت واخد شاور. وغير هدومه. وقعد ع السرير. وقال اتصل ع تونه اطمنها. وبعدها اكلم فريده افرحها ببراءة فتون، ومسك الفون. ورن ف ايدو وابتسم بحب كبير. اخيرا شوفت اتصالك عليا. وكنسل عليها. واتصل. الو. وحشتك صح؟ فتون: بحرج احم. ا. انا اتصلت اطمن عليك. وصلت ولا لسه؟ سليم: ايوه يدوبك اخدت شاور. وكنت حالا هتصل عليكى. فتون: رجعت راسها لورا. حمدالله ع سلامتك.سليم: رجع راسه لورا. الله يسلمك ياقلبى. عامله ايه دلوقتى؟ فتون: الحمدلله تمام. احم شكرا. سليم: عفوا. بس ع ايه؟ فتون: ع الورد. والشوكليت. والحجات الل جبتها كتير جدا. بس مكانش ليه داعى تتعب نفسك. سليم: بحب. من انهردا ممنوع تشترى اى حاجه. كل حاجه هتجيلك لحد عندك. وده واجبى. ياريت بقى بلاش شكرا والفرق ده. انا جوزك. وانتى مسؤوله منى فاهمه ياتونا. فتون: اتنهدت بسعاده. ربنا يخليك لينا ياسليم.سليم: غمض عينيه بحب كبير. انا بحبك اوى يافتون. عارفه؟ لما كنت اعمى. كنت بحبك اوى. صوتك مميز بالنسالى. وقلبى ف قُربك كان بيدق بسرعه وتوتر. ورسمت ليكى صوره ف مُخيلتى. بس لما رجعت للنور من تانى. كان نفسي تكونى أول حد اشوفه. بس كنتى تانى واحده. واول ما شوفتك قلبى دق وقال اهي. هي دى فتون حبيبتك. هي اجمل من الصوره بكتير. وساعتها حبى ليكى اتحول لعشق. اضعاف مضاعفه بجد انتى اجمل حاجه حصلتلى ف حياتى.فتون: بتسمعه ووشها احمر جدا. وقلبها بيدق. واتنهدت بحب كبير. لكن كشرت عينيها بعدم فهم. وقالت تانى حد تشوفه؟ بس ازاى؟ انت رجعت الشركه وشوفت ناس كتير جدا. يبقى ازاى انا تانى واحده؟ سليم: انتى فاكره انى بعد العمليه كنت هصبر انى ماشوفش البنت الل قلبى دق ليها وانا ف العتمه؟ انا تانى يوم العمليه. فكيت الشاش. واول ما شوفت النور. شوفت خالد. وقولتله انا لازم اشوف فتون.ونزلنا سرقه كدا من المستشفى. وجرينا بالعربيه ع المدرسه. وشوفتك وانتى خارجه. وصدقينى عرفتك من غير ما خالد يقولى. انا يوميا كنت بجيلك المدرسه. وامشي وراكي لحد اول الحاره. وكنت هموت واكلمك. بس كنت عارف رد فعلك هيكون ايه؟ بس اول ما رجعت الشركه شريف طلب مراقبه عليا وعليكي. وده ال منعنى من انى اشوف اجمل بنت ف العالم كله.فتون: قلبها هيطلع من مكانه. وحاسه إن الهوا خلص من حواليها. وفرحانه جدا. وقالت جواها بفرحه. مش معقول سليم؟ سليم كان بيجيلى عند المدرسه. انا فرحاااانه اووووى. سليم: فتون روحتى فين؟ فتون: انتبهت. واخدت نفس عميق. وقالت بتوتر. ا. انا معاك. احم. المهم حمدالله ع سلامتك. ا. انا لازم اقفل وانام. انت عارف انى بصحى بدرى علشان المدرسه.سليم: تفهم كسوفها. وقال ماشي ياحبيبتى. طاهر هيكون عندك بالعربيه. الساعه 7 الصبح. فتون: بتوتر مالوش لزوم. انا هاخد تاكسي. سليم: ع فكره انا مبحبش اعيد كلامى كتير. واعملى حسابك انك هتتعلمى السواقه قريب. وخلاص فرحنا فاضل عليه شهرين ونص. فتون: تنحت وفتحت عينيها بدهشه. اييه؟ فرحنا. احم. ا. اه. طيب ربنا يسهل. سليم: ههههه. لأ انتى لازم تستوعبى بسرعه انتى كنتى ناسيه ولا ايه؟وبعدين انتى وراكي حجات كتير جدا. يعنى لسه هنختار قاعة الأفراح. وكمان انا هختار تصميم اجمل فستان. وهيتفصل مش هشتريه لانك مميزه ف كل حاجه. وكمان ف سفر شهرين عسل. وحجات تانيه كتير. فتون: بتترعش. ووشها احمر. وقالت بتلعثم. ا. ان شاء الله. بس احم. هوا. مش كان شهر عسل واحد. وبعدين مالوش لازمه نسافر. احم احنا هنا كويسين. سليم: ههههه تعرفى انا بحبك وانتى متلخبطه كدا.وبعدين هو كل حاجه ملهاش لزوم. سيبيلى نفسك انتى خالص. وانا هخليكى تعيشي ف دنيا تانيه. دولة عشق سليم بدر الدين. صدقينى انا لو ينفع اشترى السعاده الل ف العالم كله واقدمها ليكى كنت هعملها. بس مفيش حاجه اسمها مستحيل. واوعدك انك هتعيشي الل جاى كله سعاده. فتون: غمضت عينيها بحب كبير. وقالت سليم. سليم: عيون سليم ياتونه. فتون: قالت بحب. بحبك. سليم: ضحك بسعاده. ياااه اخيرا. ده انا الل بموت فيكى.فتون: خلاص قلبها هيقف من الاحراج. احم. تصبح ع خير. سليم: غمض عينيه واتنهد بحب. وانتى بخير ياروحي. فتون: قفلت بسرعه. وحطت الفون جمبها برعشه. واخدت شهيق وزفير. وحاولت تهدا. وبعدها ضحكت بفرحه كبيره وحضنت المخده. وقالت بحبك اوى اوى اوى ياسيمو. ههههه بموت فيك. ونامت ووشها بيضحك ومبسوطه اخيراااا. واتمنت انها تحلم بملاكها الحارس…سليم: قفل وحط الفون تحت دقنه وبيضحك بسعاده. وبيسترجع صوتها وهو متلخبط. وكان مبسوط جدا وسرح بتفكيرو وهي ف حضنه وبتعيط علشانه واتنهد بحب كبير. وفاق ع صوت الفون. وبص بعدم فهم وقال، نجوى!؟ ف البلد. شريف: بعيون حمرا زى الدم. دخل تايه ومش سامع صوت حد. وفتح الباب ع فريده فريده: اتخضت وشهقت بصوت عالى. وجسمها كله بيترجف من الخوف. وحطت أيدها ع قلبها. وبتتشاهد. ومرعوبه من شريف. وخصوصاً شكله المُريب.شريف: قرب منها ونزل ع ركبه وقال بضياع. وتلعثم. ا. انا. ا. انا. فريده: رجعت لورا بسرعه. وخايفه. نجوى: دخلت وشافت شكل شريف. وخافت وطلعت ع اوضتها تجرى تتصل ع سليم. شريف: شاف خوفها. وقلبه وجعه بندم كبير. وقال هشش اهدى متخافيش. ا. انا. عايزك تهدى وتسمعينى. بصي انتى عرفتى كل حاجه عنى. بس انا والله مكنتش اقصد. ا. انا وغمض عينيه بوجع كبير. وقال أنا هسالك سؤال وانتى جاوبي. بإشاره. آه او لأ.فريده: اول مره تشوف شريف ف حالة ضياع. وعيونه حمرا جدا. وبيبكي. لكن خايفه منه. وبتدعى ربنا. وهزت راسها ليه حاضر. شريف: رفع ايدو يحطها ع أيدها. فريده: شدت ايدها بسرعه برعب. ورجفه. شريف: بكى بحرقه وقال بيعاط وصوت يوجع. امي ماتت قبل ما انتى تتجوزى بابا؟ فريده: استغربت سؤاله. لكن هزت راسها ايوه. شريف: شاف اشارتها. وصك ع اسنانه بندم كبير. وقال يعنى انتى مكنتيش شغاله عند ابويا ف الفيلا قبل ما يتجوزك؟فريده: فتحت عينيها بدهشه وشاورت لأ لأ. شريف: شافها وحط وشه بين ايديه بصدمه كبيره. فريده: بصت ع الباب وشافت نجوى واقفه وجوزها بيطمنو عليها. وشافت شريف ف حالة انهيار. وشكت إن ف حاجه غلط. شريف: مسح وشه بايديه بإحباط. وبص ليها. وقال تعرفى إن خا، خالى صلاح. طلع مبحبنيش؟ وا، وكمان كان بيضحك عليا كل السنين دي؟ فريده: بفطرة الامومه. حست ان شريف ضايع. ومحتاجلها. ورفعت أيدها بخوف وحطتها ع راسه.شريف: لأ. وبعد نفسه عنها وقال لأ. انا مستاهلش إنك تطبطبى عليا تانى. تعرفى إني انهردا عرفت كل حاجه. ايوه. صلاح طلع اكبر كدبه كبيره ف حياتى. وكمل بضياع اقولك ليه؟ واتكلم بدموع حسره كبيره. وقال صلاح قالى انك انتى السبب ف موت امي نجوان. فريده: شهقت بصوت عالى وحطت أيدها ع بوقها وهزت راسها بلاء مستحيل. وعيونها لمعت بدموع وصدمه.شريف: وتعرفى كمان إنه قالى انك كنتى شغاله خدامه عندنا وضحكتى ع ابويا واتجوزك. عشان كدا امي لما عرفت ماتت بحسرتها. فهمنى انك انتى سبب موتها عشان تاخدى كل حاجه. فريده: عيطت بوجع كبير ع الاتهامات الباطله. نجوى: حطت الفون ع الكرسي بشويش. وشهقت بصوت مهموس وحطت أيدها ع بوقها من كلام شريف. وسليم متابع وسامع كل حاجه ع الفون.شريف: بتنهيدة وجع وقلب ضايع. قال أنا هقولك ع كل حاجه. وانا عارف انك مش هتسامحينى. وحكالها ع كل حاجه بين عياط وصدمه. وضياع وندم ومشاعر كتيره متلخبطه. وكل ده قاله وهو قاعد ع ركبه قدام فريده. وطبعا كل ده خد وقت كبير فريده: بتسمعه ومصدومه ومش مصدقه إن كل ده يحصل. وسبب تغيير شريف هو خاله. يعنى خاله سيطر عليه ب أفكاره الشريره.وعيطت بوجع عشان خاطر جوزها بدر. وفهمت دلوقتي سبب انه آمن ليها مستقبلها. وعيطت بصوت عالى ع كل تعبها ف تربيتها الل راحت ع الفاضي. وحبها لشريف الل بيكن ليها كل كُره. واتصدمت صدمة عمرها لما شريف قالها انه السبب ف الحادثه. وعيطت بحسره كبيره ع ابنها سليم الل عاش ف العتمه بسبب اخوه.وبعدها مزهوله من أنه حطلها مخدر عشان يمضيها. ومن تفكير صلاح وشره. وف نفس الوقت صعب عليها شريف. وصوت عياطه وكلامه الل يوجع القلب. وطريقة ندمه وذله. تخلى الحجر ينطق. وقلبها مبقاش مستحمل. شريف: بيحكى وراسه ف الارض وندمان. وقال أنا حكيتلك كل حاجه انا عشتها وعملتها. انا عارف انك اتصدمتى فيا اكتر من الاول. انا نفسي مصدوم مني. مش عارف امتى اتحولت من بنى آدم لشيطان كأنى كنت مسحور بكلام صلاح.انتى متعرفيش هو كان ايه بالنسبالي. انا عارف انى مستحقش انك تسامحينى. بس بتمنى تسامحينى. عشان خاطر بابا ودي اخر مره هتشوفينى فيها. وخلي سليم يسامحنى بس مستحيل. انا دمرته. فريده: بشهقات. وقالت كفايه. كفايه ياشريف. كفااايه. شريف: بصلها بوجع كبير. واول مره يفرح لحاجه تخص فريده. فرح انها اتكلمت. وابتسم برعشه ودموع. وقال اول مره يوحشني صوتك. اتكلمى اشتمينى زعقيلى. عايزه تضربينى اعمليها. بس سامحينى.انا اول ما عرفت كل حاجه. مكنتش عارف اروح لمين. لقيت نفسي جاي لحد عندك. وشريط السنين الل عدت مر قدامى. شوفت حقيقة حبك ليا. شوفت خوفك عليا. شوفت كل حاجه من غير تمثيل ولا خداع. وعيط بصوت عالى. انا بجد ندمان. سامحينى يا امي. فريده: بتعيط. انت ياشريف. انت تعمل كل ده؟ ليه يبنى؟ ده انا عشت عمرى كله ولا فرقت يوم بينك وبين سليم اخوك. بدر كان بيتمنالك الرضى ترضى. سليم اخوك روحه فيك.ليه يبنى صدقت خالك ليييه؟ شوفت منى ايه وحش؟ طول عمرى اتقي ربنا فيك. لبسك يجي قبل لبس سليم. كل حاجه قبل سليم اعملهالك عشان كنت خايفه ف يوم تقول يافريده فرقتى بينا. بدر واخدك الكبير ودراعه اليمين. وسليم كان ف ضهرك ع طول. دا انا يعلم ربنا انك انت وسليم ف قلبى واحد. وكنت بزعل عشانك. ونفسي ومنى عينى افرح بيك. قلبى كان بيبكى عليك ومنك وكان نفسي تقولى ي امي.طول عمرنا مراعيين ربنا فيك. يبقى ده جزاتنا عندك. كنت عايز تقتل اخوك. عايز تقتل ابنى؟ وتقتلنى وعشان اييييه؟ شوية فلوس. جبت القساوه دي منين يابن عمرى. وعيطت بصوت موجوع. جبت القساوه دي منين قولي،؟ شريف: عيط بانهيار. ومش قادر يسمع اكتر. قلبه مبقاش متحمل. وقال ابوس ايدك سامحينى. انا مش عايز فلوس. مش عايز حاجه. بس سامحينى. ا. انا بعترف بغلطى. وشوفى العقاب الل ينسابنى واعمليه.ا. انا ممكن اروح القسم واعترف بكل حاجه. انا خلاص مش عايز حاجه من الدنيا. كل الناس بتكدب عليا. لأ لأ مش كل الناس. بس. بس خالى اهم حاجه عندى كدب عليا. وجع قلبي كتير ع امي. ربى الغل جوايا. انتي تفتكرى انى مبسوط وانا بمثل. لأ انا كل يوم بتعذب من كتر التفكير. وكله بسبب صلاح. ومش هقولك انى مش غلطان لأ انا غلطان لانى المفروض كبرت. والمفروض كنت افهم وافرق بين الصح والغلط. ايوه انا غلطان. وهعترف بغلطي.ا. انا عايز يحكمو عليا بالاعدام ايوه. عارفه ليه؟ لانى لما اموت هرتاح وهقابل امي هناك. هي الوحيده الل عارفه انا عملت كل ده ليه؟ عشان هي بتحبنى بجد. هاقولها اخوكي ضحك عليا وهي هتصدقنى وتقف جمبى. وقام وقف بضياع انا هسلم نفسي. فريده: بتعيط علشانه. موجوعه عليه. لانها مهما كان أم ل شريف وافق أو رفض هي أمه الل ربته. واى أم هتغفر ولو ابنها أخطأ الف مره هتسامح من غير تفكير.وصعب عليها حالة التيه الل هو فيه وحالته النفسيه الل وصلته أنه عايز يروح لامه عشان هي الوحيده الل بتحبه حست بضياعه. ولما قال هايسلم نفسه. شهقت بصوت عالى وقالت لأ لأ. اوعا تعمل كدا يبنى. شريف: لف ضهرو ليها وقبض ع أيديه بغيظ من نفسه. بعد كل ده لسه بتقوليلي ابنك؟ انا عاق انا شيطان. فريده: قالت تعالى ياشريف. تعالى اقعد جمبى انا مش قادره امشي ع رجلى تعالى يابنى.شريف: غمض عينيه بوجع كبير. ولف ليها بذل وانكسار وقعد جنبها ع طرف السرير. وباصص بعيد. ودموعه نازله بصمت. لانه السبب ف الل هي فيه دلوقتى. فريده: اتعدلت. ومسحت دموعها. وابتسمت بتمثيل. ومسحت دموعه. ومسكت ايدو وقالت بعفويه. انت ابنى طبعا وغصب عن اى حد. الام مش بتخلف وبس. الأم هي الل بتربى وتتعب. وانا ربيتك. وعشت معاك عمر بحاله. وإن كنت انت غلطت واعترفت بغلطك. ف انا مسمحاك.عشان خاطر بدر مايزعلش منى. وكمان نجوان تكون مبسوطه. انت مفكر انك لما تروحلها وانت كدا هي هتكون مبسوطه؟ ابدا. دي الام مهما كان عايزه ولادها يعيشو 100 سنه واكتر. وانا امك وهساعدك انك تتغير. وانسى خالص انك تسلم نفسك للحكومه. انت عايز توجع قلبى مرتين؟ الحمدلله انك فوقت قبل فوات الاوان. والحمدلله انك هترجع عن الطريق ده وتبدء من جديد.اسمع يبنى. الدنيا دى ياما بيحصل فيها. خير وشر. بس عمرك سمعت إن الشر ف يوم انتصر؟ أبدا.! حتى لو فات ع الظالم سنين. نهايته محتومه اكيد. واهو ربنا كشف حقيقة خالك وأنه بيضحك عليك. وإن كان عليا انا مسامحه ف حقى. قصاد انك ترجع شريف ابن بدر الدين الراجل الطيب الل عمرو ما عمل حاجه تغضب ربنا ابدا. وتبدء توبتك بزيارة بيت الله. تنضف نفسك من كل الذنوب. وساعتها هتحس بلذة التوبه.شريف: لاول مره يحس بحنيتها وهي يتمسح دموعه. وربتت ع ايدو. وبيسمعها ومغمض عينيه. وقلبها الكبير وأنها سامحته بسرعه كدا. زود تأنيب الضمير عندو. وندمه بقى الضعف. ولكن قرر انه مايستسلمش وقال بتوهان. انا عايز اتوب. انا مش عايز اخسر اكتر من كده. انا عمرى ضاع ف الانتقام والشر. وبصلها بترجي. تفتكرى سليم هيسامحنى؟ سليم: دخل بهجوم، ده ف احلامك ياشريف.طبعا. سليم اول ما نجوى قالتله إن شريف جه دلوقتي وعينيه حمرا زى الدم وهدومه متبهدله. نزل بسرعه البرق وقالها متقفليش الخط. وادخلى اوعي شريف يأذيها. وركب العربيه وساق بسرعه جنونيه. والطريق كان بليل وهادي. وده سهل عليه أنه يوصل بسرعه مع سواقته. كأنه ف سباق. والسماعه ف ودنه. وسامع كل حوار شريف مع فريده. ولكن متصدمش اوى لما عرف الحقيقه. كل الل جواه انتقام لأمه ومراته. وخايف إن شريف يتجنن ويعمل لفريده حاجه.وسايق وعينيه مفتوحه بشر كبير جدا وعايز يوصل ف ثانيه. واخيرا وصل. ودخل بسرعه. وسمع شريف وهو بيقول تفتكرى سليم هيسامحنى؟ فريده: اتخضت وشهقت بصوت عالى. ودخول سليم بالطريقه دي. شريف: قام وقف بيأس كبير. لانه عارف إن سليم استحاله يسامح ويغفر بسهوله. سليم: شال السماعه ورماها بعيد بغضب شديد. وقرب من شريف وعيونه حمرا وكلها شر كبير.الكل اتصدم من طريقة سليم حتى نجوى وفكرت إن طاهر الل سايق العربيه. وواقفه ببلاها. شريف: مسح دموعه. وبص ل سليم بوجع كبير. وقال سليم اسمعنى ا. انا… سليم: قبض ع ايديه بغضب وصك ع اسنانه بغيظ وغمض عينيه بغل كبير. ولعن كل حاجه. لانه واقف قدام اخوه الكبير. بس كونه أنه الكبير مش هيشفعله عند سليم. وقاطع شريف. بحده. وقال. انا مش عايز اسمع منك كلمه واحده. لانى عارف كل حاجه انت خلاص بره حياتنا.شريف: غمض عينيه واتنهد بوجع ودموعه نزلت. سليم: زعق. دموعك دي مش هتأثر فيا ياشريف. انا قلبى غير قلب فريده. انت عملت كل افعال الشياطين وانا استحاله اسامحك ف اى حاجه… فريده: قلبها دق بسرعه كبيره جدا. قالت بهمس سي، سليم ا. انت شايف؟ سليم: عينيه ع شريف وصك ع اسنانه وبيكابر دموعه. وقرب من فريده ومسد ع حجابها. وهز راسه ليها ايوه ياماما. انا شايف ومن زمان. الكل فرح. حتى شريف.فريده: حضنته بفرحه كبيره وعيطت بصوت عالى جدا. يامانت كرييم يارب. كرريم اوى ياارب. الف حمد وشكر ليك. وباست راسه وخدو وكل مكان ف وشه وكتفه. وعيطت بوجع كبير. وقالت الف مبروك ياروحي. الف مبروك يانور عيني. سليم: مش حاسس بالفرحه. لان سنده واقف وراه. الل طعنه كتير. وكان عايز يشكك ف سمعة مراته. واخد نفس عميق واتنهد بتعب. ومسح وشه بايديه. وبيكابر دموعه.فريده: شافت سليم غضبان جدا. وقالت بترجي. اخوك مضحوك عليه. سامحه يبنى. سليم: مردش عليها. وقام وقف قدام شريف. وباصص ف عينيه وساكت. شريف: باصص بعيد وقلبه مبتسم بفرحه كبيره جدا إن سليم رجع للنور من تانى. وإن دى اشاره كبيره انه لازم يتوب. ويقرب من ربنا. اتنهد بوجع. وساكت. سليم: سرحان ف كل حاجه عملها عشان شريف. وفاق من أفكاره. وقال بعتاب. ليه ياكبيرنا؟ شريف: صك ع اسنانه بندم كبير وحاسس انه صغير جدااا…سليم: ليه عايز تقتل اخوك ياكبيرنا. انا اهو قدامك. اقتلنى يلا. واقتل الست الل ربتك. وامشي اقتل اى حد مش عاجبك. افضح مرات اخوك. دمر عيله بحالها عشان حجه خايبه. إن خالك سمم افكارك. شريف: بوجع سليم ا. انا… سليم: بغيظ مسك شريف من هدومه بقوه. وقال بصوت من نار. ليييييييه. عملت فينا كل ده لييييه؟ انا مش مصدق نفسي ولا مصدق اى حد.! انت كنت عاااااايز تقتل اخوك ياشريف؟ تقتل سليم. عايز تقتلنى.؟انت متعرفش احساسي كان ايه وانا بواجهه الموت؟ انت متعرفش قد ايييييه قلبى كان مرعوب والعربيه داخله عليا هتقتلنى؟ انت متعرفش احساسي وانا بفتح باب العربيه وبنط منها وروحي بتتسحب بالبطيئ. وكل ده بسببك اااااانت؟ انت ياشريف؟ شريف: واقف ساكت لانه شايف انه يستاهل. وشاف نظرة خيبة أمل كبيره ف عيون سليم. سليم: كمل بغضب. وغصب عنه دموعه نزلت بوجع كبير. وقال مصعبتش عليك وانت بتتفق مع شوقى عليا؟بتتفق مع واحد غريب يقتل اخوووووك؟ مصعبتش عليك وانت بتقوله اقتل اخوياااا؟ الكلمه نفسها مرررررعبه اوووى ياشريف ازاااى جالك قلب؟ ازاااى ضميرك كان مستريح وبتتعامل معانا عادى ولا كأنك عملت حاجه؟ ازااااى دا انا كنت بستنجد بيك وانت خوفك عليا ده كله كان ايييه؟ تمثيل؟ ايييييه قلبك ده يا اخي اييييه؟ اتفقت مع دكتور انه يحطنى ف العمليات ومن غير عمليه؟ عيشتنى اسؤ ايام حياااااتى. عيشتنى ف امل انى هرجع اشوف من تانى؟سفرتنى المانيا من خوفك عليااااا. وكل ده تمثييييل منك انت ايييييه جبررووووت.؟ جبروووت؟ مصعبتش عليك. مصعبش عليك شكلى وانا عاجز؟ لاعارف اشوف البس ولا اتحرك؟ مصعبش عليك حالى وانا مدمر نفسياً؟ مصعبش عليك فريده الل كانت بتعيط ليل نهار عشانى؟ مصعبش عليك فريده وانا بزعلها منى كل يوم؟ مصعبش عليك حبستنى وخوفى من انى أخرج للناس؟ مصعبش عليك اعصابي الل كانت بتتحرق كل يوم من اليأس الل انا فيه؟كنت بتفرح لما حد بيشفق عليا. كل ده ليييه. ماااترررد ليييييه ياكبيرنا؟ لييه ياشريف باشا؟ انا عايز اعرف. ايه كمية الشر الكبيره الل جواك توصلك انك توقع الست الكبيره من ع السلم.؟ قلبك ده كاان فييييين وهي بتموت قدامك وتحت ايديك وبسببك؟ عقلك وشيطانك،! لالا انت مالكش شيطان! لان انت الشيطان نفسه. انت كتلة شر بتتحرك ع الأرض. انت وجعتنننى اوووووى ف امى ياشرررريف.كسرت قلبى الف مره لما اتهمت مراتى ف تهمه تدمر حياتها. انت عااااارف؟ انت دمرت كلمة اخوه ف تاريخ البشريه. انت خلتنى اكره أن يكون ليا اخ، خليتنى اشك في اى اتين اخوات. لييييه. ليييه اخترت ابشع انتقام ودمرتنى بيه لييييه؟ عمتنى وعايز تقتل امى وتسجن مراتى وتاخد املاااكى ياجبرووتك. يااااجبررووووتك يا اخي. وف الاخر عايزنى اسامحك هههههههههههه.شريف: دموعه نازله زى المطر وساكت موجوع. كأنه بيتكشف نفسه من جديد. وقد ايه فعلا أنه شيطان… فريده: بتعيط بشهقات بوجع كبير ع ولادها. وصعب عليها سليم جداااا. وكمان شكل شريف. وقلبها مقسوم نصين. نجوى: واقفه بتعيط ع سليم. وزعلانه ع الل عاشه. سليم: زق شريف. ونزل أيديه. وقال بهستريا غضب. وصوت اقوى. اسامحك؟ طيب قولى انت كدا اسامحك ع ايييييه؟ هاتلى اتفه سبب اسامحك عليه؟اقولك الحادثه؟ ولا انتى اتعميت وعشت ف العاتمه اكتر من 10 شهور؟ ولا العمليات المزيفه؟ ولا امى الل رجلها اتكسرت وعاشت ف رعب منك؟ ولا فتون الل ملهاش اى زنب ف اى حاجه وانت لفقتلها تهمه زباله؟ ولا الأملاك الل انت عايز تاخدها والمشاريع؟ والا التمثيل؟ ولا حق الاخوه.؟ ولا ولا اييييييبه؟ اسامحك ع اييييه ولا ايييييه؟ انت كسرتنى ياكبيرنا. كسرت اخوك الصغير.عارف انا لما عرفت انك هنا؟ جااااى وخايف. جااااى ومكسوف انى هقف قدامك الواقفه دي. هقف قدام شريف بدر الدين الاخ المثالى. الل ديما فخر ليا. طيب قولى ليه؟ هتقولى صلاح؟ هاقولك يعنى انت مكنش فيك عقل تفكر وتميز؟ هاقولك مكنتش شايف حبنا ليك؟ هاقولك امى دى قصرت معاك ف ايه؟ هاقولك مثلا ضحكنا عليك؟ هاقولك جينا عليك انا وهي وابويا؟ دى بتهتم بينا زى بعض. دى بتقولك يبنى. وانت عمرك ما قولتلها امي.وانا ديما كنت بسأل نفسي لييييه انت مبتقولهاش امى. بس كنت ببرر ليك موقفك وشايفه حب وولاء لوالدتك. ابويا عمرو ما فرق بينا. وكان ديما يميزك عنى عشان انت الكبير. وعشان ماتحسش انى وامى اخدناه منك. ديما عاملين ليك الف حساب ياكبير. وبنخاف ع احساسك ومشاعرك. كل حاجه انا باخد رايك فيها. ماشوفتش منى انا وفريده حاجه تخليك تبقى مغيب تحت تأثير صلاح. هو اثر عليك؟ هاقولك عندك عقل تميز بين الصح والغلط.تشوف فعلا تصرفات فريده وسليم فيهم كره لييييك ولا لأ؟ تشوف فعلا اننا مقصرين معاك ولا لأ؟ انما تقتتتتل؟ تقتل اخوك والست الل ربتك ياشريف لااااااء انا عمرى ما هسامحك ولا ف احلامك. وحقي هاخدو منك وهتتحاسب ع كل حاجه انت عملتها. انا مش هسكت. ولو انا سامحت ف حقى استحاله اسامح ف حق امي ومراتى. فاااااهم ياشريف باشا؟انا لايمكن اسامحك سامعنى كويييس يا اخويا. انا بقولك اهو انا مش هسامحك وانت عملتها حرب وهتخسر فيها. وكمل بعيون شيطان. ياقاتل يا مقتول يابن بدر الدين. سليم: واقف بينهج بغضب. وصاكك ع اسنانه لدرجة إن وشه بيتهز من الغضب. وعيونه اتحولت لشرار. فريده: شافت سليم بالغضب ده وخافت منه. ووجعه واضح جدا. واتاكدت إن سليم مش هيسامح اخوه.شريف: واقف بيسمع سليم وبينهج من كمية تأنيب الضمير. وإنه اسؤ من الشيطان نفسه. وحس انه مخنوق جدا ومفيش هوا حواليه. ومش قادر يتنفس. ومردش ع سليم. وخرج بسرعه… فريده: شهقت. وقالت بعياط. سليم الحق اخوك. اخوك ماشي ومش شايف قدامه. والطريق عتمه يبنى. سليم: واقف بجمود. متقوليش انه اخويا. انا ماليش اخوات. انتى مخلفتيش غيرى. امه غير امى. وابونا مات. وهو من دلوقتي ميت بالنسبالى.فريده: حرام عليك يابني مش هتبقى انت والزمن عليه. كفايه صدمته ف خاله. ده كان بيعتبره ابوه وضحك عليه وهو صغير… سليم: زعق دلوقتي حرراااام عليا اناااااا؟ طيب وهو مش حرام عليييه؟ صعب عليكى لمجرد أنه اعترف بغلطه؟ طيب وانا؟ انا مصعبتش عليه وهو بيخطط لقتلى؟ مصعبتش عليه وهو بيقول اقطع الفرامل عن اخويا عشان يموووووت. انتى مصعبتيش عليه وهو بيوقعك. وف نيته انه يقتلك؟مصعبش عليه فتون. لما كانت هتتسجن بسببه. انا مش عايز اسمع اسم شريف ده تانى انتى فاهمه. فريده: خافت ع سليم ومنه ف نفس الوقت. وكمان بعياط. ابوس ايدك ياسليم سامحه لوجه الله. وعشان خاطر ابوك. ابوك بدر ياسليم. الل كان بيوصيك عليه. هي دى وصية ابوك ياسليم. ومسكت قلبها بتعب… سليم: شافها بتتألم و جري عليها بخوف. ماما. نجوى: جريت عليها فريده. اختي اسم الله عليكى ياحبيبتى. بت يانوره اعملى كوباية لمون بسرعه.سليم: مسك ايدها وكانت ساقعه. واترعب عليها. ماما اهدى ارجوكي. هاتى يانجوى علاج الضغط. فريده: بتنهج بسيط بتعب. وقالت بهمس وعتاب هتسجن اخوك الكبير وهتحاربه يابن بطنى؟ سليم: مسح وشه بايديه ونفخ بنفاذ صبر. وقال طيب اهدى وخدي علاجكك وهنتكلم بعدين. وعطاها العلاج. وشربها ميا. نورا: دخلت بسرعه اتفضلى ياماما. العصير. نجوى: هاتى. وخدي اخواتك واطلعوا نامو يلا بسرعه الوقت أتأخر. سليم: اخد العصير. اشربى ياماما.فريده: بعدت بوقها بعيد وعيطت بذل. وقالت بوجع. بدر سبتنى وروحت ليه؟ سبتى اشوف اليوم الل ولادك وافقين فيه لبعض لييه؟ واحد عايز يتوب والتانى عايز يحبس اخوه. ااه ياوجع قلبك يافريده. مفيش فرحه راضيه تكمل ليه؟ سليم: صاكك ع اسنانه بغيظ مكبت ومش عايز يتكلم. نجوى: اله وحدي الله يافريده يختى. انتى جايه ع سليم ليه؟ ما هو بردو الل شريف عمله معاكو مش سهل يتغفر بسهوله كدا.فريده: بدموع. انا عارفه كل ده يانجوى. بس بردو عشان خاطر بدر جوزى وابويا. وشريف حته منه. انا عارفه انى جايه ع سليم. عشان سليم ابنى من دمي اجي عليه مدام ف الصح. طيب يانجوى. انتى ماشوفتيش شريف كان عامل ازاى؟ ده كان بيعيط بذل وانكسار. انا اول مره اشوف شريف بالندم ده. واعترف وقال انا غلطان. وقال سامحونى. وقال كل حاجه حصلت من خاله.انا داخله البيت وكان شريف صغير مش فاهم حاجه. يعنى كان ف سن احنا الل نشكله فيه وخاله بكل مكر استغل براءة طفل صغير. ودلوقتي شريف ندمان. نقف جمبه ونساعده يانجوى؟ ولا نقوله هنقلبها حرب ويقاتل يامقتول؟ نسامحه. ولا نسيبه لوحدو. ويرجع شريف اسؤ من الاول والشيطان يعميه ع الآخر. وانا مسامحه ف حقى لوجه الله تعالى. ولجل بدر الدين يكرم شريف عشان خاطره.ده ابنه ياناس وكان شايل همه وزعلان عليه. ودلوقتي اكيد بدر زعلان عليهم هما الاتنين. سليم اتظلم بس ربنا نجاه. ورجعلى بخير وربنا رد ليه النور من تانى. وانا الحمدلله انها جت ع قد كدا. يبقى نحمد ربنا ونلحق واحد غرقان ف عرض البحر وبيستنجد بينا نوصله لبر الامان. عشان خاطر امك يسليم ياحبيبى سامح شريف اخوك. سليم: قلبه بيغلى من النار الل فيه. ومفكرش ف كلام فريده. غير عشان خاطر بدر الدين.وغمض عينيه بغضب وقال غصب عنه. ماشي يافريده. انا هتنازل عن حقي ف الحادثه. وشريف مش هيتسجن وده الل هقدر اعمله عشانك انتى وبابا. وقام وقف بغضب وقال. بس انا مش هسامحه ومعنديش كلام تانى أقوله. وياريت تشربى العصير. ويلا ع الفيلا. فريده: هتتكلم. نجوى غمزت ليها وقالت بصوت واطى. سيبيه ياخد وقته. سليم معذور. ومتطغطيش عليه عشان ميعندش معاكى. انتى عرفاه عصبى والل شافه مش شويه.والحمد لله إن ربنا هداه وسمع كلامك. اسكتى دلوقتي واسمعي من اختك الصغيره. فريده: شافت سليم غضبان جدا. وهزت راسها حاضر يانجوى. حاضر وربنا يستر ع الل جاى. نجوى: قامت بتوتر. احم سليم ياحبيبى ادخل نام دلوقتي والصباح رباح. وسافرو الصبح إن شاء الله. سليم: بجمود. انا هرجع دلوقتي وع الفيلا. خلاص كل حاجه اتكشفت. وكل واحد عرف حقيقة التانى. يلا ياماما. نجوى: سليم الساعه 2 بليل ماينفعش الل انت بتقوله ده؟سليم: بنبره تخوف. انا قولت هنرجع دلوقتي. فريده: خلاص يانجوى. وسيبيه برحته. تعالى ساعديني. سليم: خرج بره الاوضه. وضرب الحيطه بايدو بغضب شديد. ومضغوط عشان خاطر فريده. وقال جواه حسابك معايا بعدين… بعد شويه. سليم: دخل وشال فريده عشان الجبيره. وحطها ف العربيه ف الكرسي الخلفي. عشان تقعد براحتها. نجوى: كانت بتعيط وزعلانه إن اختها ماشيه. وسلمت عليها بحب كبير.سليم: ركب العربيه. وساق بسرعه وعينيه كلها غيظ من كل حاجه. فريده: رغم إن جواها حزن كبير. لكن لما شافت سليم بيسوق زى زمان قلبها كان مبسوط. سليم: اتنهد بتعب. تقدرى تنامى شويه. ارتاحى. فريده: هزت راسها. وغمضت عينيها بتعب. سليم: سايق وجواه افكار كتيره ومتلخبطه. تاني يوم الصبح. ف المدرسه. حنين: طالعه ع السلم. بت ياتونه عامله ايه وجايه مع طاهر قلبك جمد اوى يابنت بطه هههههههه.فتون: كشرت عينيها ليها. وخبطتها اهلا بالسوسه. انا كويسه يختى. وأيوه من هنا ورايح. طاهر هيوصلنى. ما انتى خالد بيوصلك. حنين: اااه. بقى كدا بتضربينى يافتون. انا الحق عليا انى ساعدتك ترجعى لحبيب القلب. فتون: ضحكت بحب. اممم ف دى انا معاكى. حركه حلوه منك. اهو اخيرا عملتى حاجه مفيده. حنين: خبطتها والله. دا انا كل حاجه اعملها مفيده. المهم انا الحصه الاولى عندى فاضيه. فتون: وانا كمان. تعالى نروح المكتبه.حنين: ايوه تعالى. واحكيلى عملتى ايه مع سليم. فتون: بتوتر. عملت ايه يعنى؟ عادى الموضوع اخد وقته وخلص. حنين: بمكر. اهممم يعنى مفيش حاجه كدا ولا كدا.؟ فتون: دخلت المكتبه وقعدت. وقالت بحرج. حاجة ايه يابت اتلمى كدا ها؟ حنين: بدلع يعنى لما سليم صالحك. وانتى سامحتيه وعرفتى انه عمل العمليه ونجحت. مافرحتيش كدا.فتون: اتنهدت بحب كبير. وحطت أيدها ع خدها. وقالت بهيام. طبعا فرحت جدا. انا اسعد واحده ف الكون كله. فرحانه اوي ل سليم وقالت ف اللاوعي. انا بعشقه يانونا. حنين: حطت ايدها ع خدها. وبتريقه اااه. وايه كمان ياتونا؟ فتون: انتبهت. احم ايه يافصيله انتى. المهم اليوم عدا ع خير. حنين: يعنى مثلا. مثلا. انا بقول مثلا. سليم كدا مااخدكيش ف حضنه واو ع الرومانسيه…فتون: بلعت ريقها بتوتر. وغمضت عينيها وافتكرت وهي ف حضن سليم. وقالت بتلعثم. ا. ابدا احم ما. ماحصلش حاجه من دى. حنين: ههههه واضح اوى انك بتكدبى. بس عموما عادى ده جوزك يقلبى. فتون: صكت ع أسنانها بغيظ مكبت. وانتى بقى سي خالد بيسلم عليكى وانتى لابسه جواتنى يابت؟حنين: ههههه يلهوى اسكتى متفكرنيش ده كان حتة يوم امبارح. تعرفى بعد ما قفلتى معانا. جابلى حمص الشام. وجرى ورايا ع البحر. وشالنى ولف بيا. وكنت مكسوفه اوى. بس الحمد لله الدنيا كانت ليل. ومحدش انتبه. وقولتله روحنى انا حاسه اني هيغمى عليا. فضل يضحك عليا. وفسحنى شويه وروحنا. فتون: هههههه مجانين والله. وكملت بسعاده. تعرفى سليم امبارح جابلى بوكيه ورد جميل جدا. وجابلى شوكيلت كتير.حنين: اممم خالد جابلى بس نسيتها ف البيت ممعكيش واحده تصبيره. فتون: معايا ثوانى و فتحت الشنطه. خدى اتنين بحالهم. كلى وادعي ل سليم. بعد فتره. ف شركة بدر الدين. سليم: داخل الشركه وواضح عليه الغضب وماشي ف وشه. ومتكلمش مع حد ومبيردش ع حد. الكل ف شركه مزهول. لان سليم ماشي لوحده يعنى بيشوف؟ سليم: وقفت ف نص الشركه وبصوت غضبان. نده ع فرد الأمن. وقال ابعتلى شوقى ع المكتب حالا.فرد الأمن بتوتر. احم ش. الاستاذ شوقى من بدرى ف مكتب شريف بيه. سليم: قبض ع ايديه. وقال نظييييم شريف ف الشركه من امتى؟ نظيم: بخوف. ا. انا معرفش سعادتك. جه من وراه. عامل البوفيه وقال. سليم بيه. انا جيت اول واحد الشركه. ولقيت شريف بيه خارج من الشركه الساعه 9 الصبح. وكان واضح عليه أنه مانمش أو متعارك مع حد. حتى مردش عليا وخرج بسرعه. سليم: مشي بسرعه وطالع مكتب شريف. وجه يفتح الباب وكان مقفول.ولاء: بخوف. ا. انا جيت افتح باب المكتب الصبح ومقفول زى ما حضرتك شايف. وكمان سمعت صوت حد جوه. بس مش عارفه. سليم: زعق وانا مسالتكيش. روحي ع شغلك. ولاء. جريت من قدامه. سليم: زعق. كل واحد يرجع ع شغله. ومش عايز حد يتكلم مع التانى فااااهمييين؟ كل واحد انتبه لشغله. وسكتو. سليم: بغيظ كسر الباب ودخل. واتفاجئ ب شوقي. مضروب ومتكتف ع الكرسي متربط بالحبل وبوقه عليه لزقه.شوقى: فتح عينيه بصدمه لما شاف سليم. وعرف أنه شايف. وخاف جدا. وهز راسه لأ لأ. سليم: دخل. ووقف قدام شوقى. واتأكد الل عمل فيه كدا شريف. ومط شفايفه بتفكير. وشد اللزقه الل ع بوقه. وقال بنبره تخوف. هتحكيلى ع كل حاجه؟ ولا اشغل التسجيلات ونسمع انا وانت؟ شوقى: بيتألم. هز راسه بلهفه ابوس ايدك ياسليم باشا. ارحمني. شريف باشا مخلاش فيا حته سليمه والله ياباشا انا مش عارف حاجه وايه سبب انه يعمل معايا كدا.سليم: مط شفايفه وهز راسه. ومره واحده ضربه بوكس. وقاله اقولك انا السبب. السبب انك زباله وواطى. وهتدفع تمن كل حاجه عملتها جوه الشركه وبره الشركه. وف مصنع الحديد. ولانك اتكشفت وصلاح فاق و اعترف عليك بكل حاجه. شايف فاظة الورد دى؟ فيها مايك صغير وسجل كل حاجه. ها. هتقولى بقى ايه الل حصل ولا،؟ شوقى: خد البوكس. ومناخيرو نزفت. واترعب معقول صلاح فاق وقال كل حاجه.ايوه اكيد فاق عشان شريف حكالى ع كل حاجه وهو بيضربنى روحت فيها ياشوقى. وبلع ريقه بصعوبه. وقال بخوف. حا. حاضر ياباشا. بس ادينى الامان. سليم: بوكس تانى. متختبرش صبرى. وزعق اخلص ياروح امك؟ وسليم لا اردايا راح وقفل المايك. ومش عارف هو عمل كدا ليه؟ شوقى: غمض عينيه من الألم الل هو فيه. واعترف. واتكلم وقال. ا. انا كنت نايم وشريف باشا جالى تحت البيت بعد الفجر. واتصل عليا وقالى انزل عايزك.وانا نزلت وسألته خير ياباشا. قالى عايزك منك تعملى حاجه مهمه ف الشركه. انا افتكرت انه عايزني ايرس اى جهاز. وجابنى هنا ع الشركه. واول ما دخلت الشركه تحت.شريف باشا. نزل فيا ضرب. وقال كلام كتير. عن صلاح باشا. وإنه عرف كل حاجه وأننا ضحكنا عليه. وفضل يضرب فيا. واغمي عليا. وبعد ما فوقت ضربني تانى. وقال إنه هيبلغ عنى وعن نفسه. وسحبنى ع المكتب هنا. وكتفنى ف الكرسي ده. وطلع اوراق وسابها ع المكتب. وسابنى وخرج وقفل عليا من غير ما يتكلم. والله العظيم هو ده كل الل حصل ياباشا. سليم: هز راسه بعدم إهتمام. اممم.فرد الأمن جه واقف قدام الباب وقال بتوتر. احم سليم باشا. سليم: بنرفزه تعالى. خير ف ايييه.؟ فرد الأمن: بخوف. دخل. اتفضل حضرتك. شريف باشا جه قدام الشركه. وسأل ع حضرتك. وقالى الظرف ده اسلمه ليك شخصيا. ومشي بسرعه حضرتك. سليم: هز راسه طيب حط الظرف وروح ع شغلك. الامن: تحت امرك يافندم وساب الظرف وخرج. شوقى: قاعد مرعوب…سليم: قعد ع طرف المكتب. ومسك الظرف وكان حجمه كبير وفتحه. واستغرب. وكان جواه ملفات. وكمان سي دي. وكارت ذاكره. شوقى: شاف الملف. واتصدم وفتح عينيه ع الاخر… سليم: شافه. وفهم إن اكيد دى حاجه تخص شوقى. وفتح الملف وبيقرا فيه. وقال ينهار اسو، كل دي مصايب عملتها انت وصلاح؟ دا انتو مافيا بقى يالا. كل ده تزوير. وكل دي سرقه. واوعا تكون فاكر انى مش عارف انك السبب ورا خسارة مصنع الحديد؟شوقى: فتح عينيه بصدمه اكبر. وبينهج بخوف. سليم: فتح اللاب. وشغل السي دي. وكان اتفاق بين صلاح وشوقى ف اعمال تانيه نصب واحتيال. وهز راسه. ايه كل ده يشوقى؟ وحط كارت الذاكره. وكانت التسجيل الل نبيله سجلته ل صلاح وشوقى. سليم: بيسمع صلاح. واتفاقه مع شوقى وكل حاجه عملها ل شريف. ومن جواه عايز يعذر شريف. لكن للاسف فات الاوان ومش قابل اى عذر ليه. وقفل التسجيل.وفتح الملف الل ع المكتب. واتفاجئ وقام وقف بدهشه وقال مش معقول؟ المقدم أحمد الوكيل. دخل ومعاه خالد. صباح الخير ياسليم. سليم: رفع عينيه بسرعه وقلبه دق بقلق. صباح الخير. خالد: استغرب. وشك إن سليم ضرب شوقى وراح وقف جمب سليم. وشاف الملف الل ف أيد سليم وفتح عينيه ببلاها وقال مش معقول؟ احمد: بعدم فهم. مين ده ياسليم؟ ومين الل عامل فيه كدا؟ وياريت تفهمنا ايه الل تم. وهل شريف حاول يمضيك ع التنازل ولا لسه؟سليم: غمض عينيه بتفكير. وافتكر فريده. واتنهد بتعب. وقال شريف برئ يا احمد. احمد: وخالد بصو لبعض. واحمد قال مش فاهم؟ سليم: انا كنت عند امي امبارح. وقالت إن شريف أنقذها. وجابها ع المستشفى. ومصطفى اعترف بتزوير العقد. يعنى شريف برئ. احمد: فهم وقال امم يعنى والدتك نفت التهمه عنه. وده طبعا يرجعلها. وكمان مصطفى شال الق\ضيه وشريف طلع منها. تمام بردو.طيب والعقد الل كان بيجهزو للتنازل وانه يسرق املاكك ده كمان هتقول عليه ايه محصلش؟ ماتنساش ياسليم إن ف تسجيلات بصوت شريف واعترافه أنه جهز العقد وهتمضى عليه انهردا؟ يعنى ده مش هعديه بسهوله. سليم: بحيره. ونفخ بديق حقيقي. وقال شريف اتغير يا احمد. اتغير ومفيش اى عقد تنازل ليا. اتفضل شوف الملف ده وانت تفهم.احمد: كشر عينيه بعدم فهم. واخد الملف. وقراه. وقال غريبه. يعنى شريف أتنازل عن كل أملاكه بيع وشرا ليك انت وفريده هانم؟ سليم: غمض عينيه بوجع ايوه. شريف اتغير لانه اكتشف إن شوقى متعاون مع خاله صلاح ضد شريف. وشريف اكتشف الحقيقه امبارح. وده سبب انه اتصرف كدا.واتفضل شريف جه وسلم الظرف ده. فيه ملف كامل ضد صلاح وشوقى. وكمان السي دي مؤمرات نصب واحتيال وتزوير. وشوقى سرق من مصنع الحديد بتاعنا. اطنان حديد واتصرف ف بيعها ف السوق. وخسر المصنع 4 مليون جنيه. وده شريف مايعرفش بيه لحد دلوقتي. شريف كان ضحيه. احمد: هز راسه تمام. واخد الادله وقال بس فين إثبات أن صلاح اتفق مع شوقى ع شريف؟ سليم: بص ع كارت الذاكره وقال هجبلك الدليل بكره إن شاء الله.وطبعا سليم مش عايز احمد يشك في شريف أنه يكون السبب ف الحادثه بتاعته. وأنها اتأيدت قضاء وقدر ومش عايز القض\يه تتفتح تانى وهيظبط التسجيل وهيبعته. احمد: هز راسه تمام ياسليم. انا متفهم مشاعرك كا أخ. وكويس إن شريف فاق توقعاتنا. والا كان هيخسر كتير. انا هنزل دلوقتي وهبعت العساكر ياخدوا شوقى. بعد اذنكم. وخرج. سليم: قعد ع الكرسي بتعب وحط وشه بين ايديه بإحباط كبير. خالد: ربت ع كتفه. سليم انت كويس؟سليم: هز راسه ايوه. وبص ل شوقى الل بينزف بتعب. وقال بتهديد. اسمع ياشوقى حوار الحادثه بتاعتى بلاش تتكلم فيه عشان شريف مش هيدخل السجن. وهلبسهالك وبطريقتى. لان مفيش اى دليل بثبت إن شريف مشترك معاك. انت كفايه عليك المصايب الل فيها سجن ليك مدى الحياه. شوقى: بيعيط بذل ابوس ايدك ياسليم باشا مش عايز اتسجن ابوس ايدك.سليم: بغيظ كبير انا لو عليا الف حبل المشنقه حوالين رقبتك انت وصلاح بايديا. وصدقنى لو حوار الحادثه بتاعتى اتفتح ف التحقيقات انا هبعتلك الل يخلص عليك ف قلب السجن وانت عارفنى كويس. العساكر. دخلو. واخدو شوقى. وشوقى بيصرخ وبيستنجد ب سليم… سليم: غمض عينيه بتعب كبير جدا. وساكت.خالد: قعد قدامه ع طرف المكتب. ايه ياسليم. واضح إن ف حجات كتير حصلت وانا معرفش. انت عينيك حمرا جدا وشكلك مانمتش من امبارح. وازاى شريف طلع ضحيه. وازاى هو الل اتنازل انا مش فاهم حاجه خالص بجد. سليم: قام بتعب. مش وقته ياخالد هقولك ع كل حاجه بعدين. ولا اقولك عشان أنا مش عايز اتكلم ف الموضوع ده تانى اسال فريده وهي هتقولك كل حاجه. انا راجع الفيلا. خالد: بعدم فهم الفيلا؟سليم: حط الملف وكارت الذاكره ف الخزنه وقفل. وقال يووه ياخالد والله ماقادر اتكلم. انا منمتش من امبارح بجد. وعندى صداع شديد جدا. وتعالى انت سوق لانى. مش شايف قدامي. خالد: هز كتافه. تمام يلا بينا. ونزلو وركبوا العربيه. وخالد سايق. سليم: راكب جمبه وساند راسه ع الازاز وسرحان بعمق كبير. بعد شويه. وصلو الفيلا. وخالد دخل واستغرب. اله عزيزه انتى رجعتي أمتى.عزيزه: رجعت انهردا ياخالد بيه. فريده هانم رجعت بالسلامه واتصلت عليا ارجع. خالد: والله هي فيرى رجعت. طيب تمام اطلع اسلم عليها بقى. سليم: ربت ع كتفه. طيب اطلع وانا هطلع انام. وبص ل عزيزه وقال مش عايز حد يخبط عليا. فاهمه. مش عايز ازعاج. عزيزه: حاضر ياسليم بيه. والف مبروك ع نجاح العمليه. حمدالله على السلامه.سليم: هز راسه بتعب. متشكر. وطلع وكان مرهق جدا. وجواه صراع كبير. ونام ع السرير وسرحان ف حكاية شريف لكن من تعبه غمض عينيه ونام بتعب. خالد: خبط واستاذن. ودخل سلم ع فريده. وسألها. وهي حاكتله ع كل حاجه واتصدم حرفياً إن شريف فعلا طلع ضحيه. وخالد حكى ل فريده الل حصل انهردا ف الشركه. فريده: فرحت جدا إن سليم ساعد شريف. لكن زعلت ع شريف. وانه أتنازل عن كل حاجه. ده ف حد ذاته يثبت أنه كره الدنيا كلها.نبيله اتصلت ع فريده. واطمنت عليها. وطلبت منها تسامحها. وحكتلها إن شريف جالها انهردا الصبح. وطلب انى افتح الخزنه. وفتحتها واخد الادله كلها ضد شوقى وخرج من غير ما يتكلم. وكان شكله صعب جدا. وحزين اوى ومكسور. وزعلت عليه. فريده: تفهمت تصرف نبيله. والتمست ليها العذر. وقالت ل خالد ع تصرف شريف. عدى شهر ونص ع كل ابطالنا.شريف من اخر مره ماظهرش ف اى مكان بعت العربيه بتاعته مع سواق لحد الشركه وسابها هناك. ومختفي تماما. ومحدش عارف هو فين. وفريده فكت الجبيره واتحسنت. وطلبت من سليم يدور ع شريف لكن سليم رافض بتصميم. خالد: متابع الشركه. والحمدلله المناقصه رسيت عليهم. ونقلت الشركه لمستوى تانى خالص. وخالد كانت فرحته انتصار كبير جدا. أنه اخد المناقصه من قبضة الشرقاوى. الل انهار بعدها. واتغاظ جداااا…وخالد كمان واقف جمب سليم وبيحاول يقنع فيه أنه يسامح شريف لكن سليم رافض اى نقاش ومركز ف شغله. سليم: من جواه صراع. وزعلان جدا. لانه اول مره اخوه يبعد عن البيت كل الفتره دى. وكمان سليم فريده الحت عليه كتير وعيطت وتعبت. ودور عليه عشان خاطرها ومش عارف يوصل ليه. وسأل ف المطار. ومسافرش لأى بلد عربي او اجنبي. حتى العربيه بتاعته موجوده. والشقه بتاعت والدته فاضيه. وجواه محتار ياترى اختفي فين؟فتون: اتصلت ع سليم ومردش عليها. واتصلت ع خالد لانها قلقانه وخايفه. وخالد شرحلها كل حاجه ف شرح مبسط. واتصدمت بزهول كل ده حصل ف يوم وليله؟ وقالت ل طاهر يوصلها الفيلا. وراحت اطمنت ع فريده. وقعدت معاها وقت كبير. ف عتاب ولوم من فريده ع سليم. وفريده حاولت تقنع فتون تصلح علاقة سليم وشريف. وفتون: وعدتها. لكن مش دلوقتي. وقالت سليم مصدوم بجد ف شريف خليه ياخد وقته لأن سليم صعب أنه يثق في شريف.وفتون: راحت ع اوضة سليم. وفتحتها بشويش. وشافته نايم بالبدله. ومكشوف. وقربت منه وصعب عليها حالة سليم. لأن واضح التعب النفسي ع ملامحه. وشدت الغطا عليه. وقعدت جنبه بحظر. واول مره تمسد ع شعره بحنان. وقربت منه وباست جبينه بحب كبير. وفضلت سرحانه ف تفاصيل وشه اكبر وقت ممكن.وطول الفتره الل فاتت. فتون تحاول تخرج سليم من الل هو فيه لكن بتفشل ورافض النقاش ف موضوع شريف نهائى. لأن الوجع الل جواه اكبر وجع مر بيه. ف شركة بدر الدين. سليم: اتصل ع فتون. الو ايوه ياروحي خلصتى شغلك ولا لسه؟ فتون: حبيبى انا ف الحصه الاخيره خلاص. سليم: قام واخد المفاتيح. طيب ياقلبى انا جاي عشان اخدك ونطلع ع مشوارنا. فتون: بتوتر. احم هو انا لازم اكون معاك. اختار انت القاعه الل تعجبك.سليم: ابتسم بحب طبعا لازم. وتشرفى ع كل حاجه بنفسك. خلاص كلها ااقل من شهر وتكوني ف حضنى. فتون: كحت بتوتر. سليم: ههههه يستى حضن برئ والله. انا بقول تعبير مجازي يعنى. يلا عشان متاخرش عليكى. فتون: وشها احمر جدا وهزت راسها احم ماشي باى. سليم: خارج من الشركه بيضحك ع كسوفها الل بيعشقه. وركب العربيه واتحرك بسرعه.فتون: قفلت وضغطت ع شفايفها بحرج. وقالت سليم قبل ما يفتح كان انسان طبيعى. دلوقتى بقى فظيع. اوووف. ربنا يستر بقى. حنين: فتووووون انتى بتكلمى نفسك. فتون: اتخضت استغفر الله العظيم. انا محاطه بصاحبه غبيه. عايزه ايه يا آخرة صبرى. حنين: هههههههه الله يسامحك ياموزتى. وغمزت الوش احمر جدا. يبقى الحوار فيه سليم مش كدا. ههههههه. فتون: صكت ع أسنانها يابت غورى من وشي. هو خالد مش جاى ياخدك.حنين: بدلع امم خالودى حبيبى جاي. والمفاجه اننا هنختار القاعه كلنا مع بعض. واااو تحفه. بقولك ايه ماتجي نختار فساتين الفرح زي بعض. فتون: عوجت بوقها بغيظ. مش لما اختارو انا ليا. سليم مصمم انه يختار التصميم وهيتفصل كمان. حنين: ببلاها. ها طيب وده امتى. ده خلاص باقى شهر ع الفرح؟ فتون: انهردا يختى سليم قالى امبارح أنه ظبط كل حاجه واختار التصميم. والبنات هياخدو مقاسي انهردا.حنين: صفرت بصوت مهموس. ايوه بقى. فتون الملكه المتوجه. وحواليها الواصيفات. فتون: الله اكبر ف ام عينيكي دى. والله العمليه مش مستهله نبرك ده. هي بايظه ع الاخر. ويلا بقى انجرى قدامى عشان هتاخر ع الولاد. وبعد شويه. خالد: جه واخد حنين وع اتصال مع سليم. سليم: جه واخد فتون واتحرك. فتون: اذيك ياسليم. سليم: باس ع أيدها. انا كويس يقلب سليم. وحشتينى اوى. فتون: ابتسمت وانت كمان وحشتنى.سليم: ها بقى تحبى نتغدى فين انهارده؟ فتون: اممم. ايه رايك نتغدى ع البحر. سليم: امم أوامرك ياقلبى. فتون: يسلملي قلبك يارب. انا هتصل ع بطه. سليم: بطه تمام وعند فريده زي ما اتفقنا. فتون: ابتسمت بحب ربنا مايحرمنيش منك ابدا ياحبيبى. سليم: ولا منك ياحبيبتي. بعد فتره كبيره. كلهم اتغدو ع البحر وكان وقت جميل جدا. وخصوصاً خالد كان عامل جو فكاهي جدا. وبعد كده. اختارو القاعه. واتفقو ع كل حاجه.وبعدها: خالد: اخد حنين يختار ليها فستان الفرح. لكن سليم. اخد فتون ع المول. واختار ليها فستانين جميله جدا. واكسسوارات. وشنط. واشترى ليها حجات كتير جدا. وبعد كده. اخدها ع الفيلا. وقال ليها تطلع اوضة الضيوف. فتون: طالعه بعدم فهم. وفتحت الباب واتفاجئت. بنات كتير ومصممين.سليم: دخل وراها وهمس ف ودنها. ياريت بقى الاميره الجميله. تجهز علشان ياخدو مقاس الفستان ها؟ وسابها وخرج وهو بيضحك. وهي قلبها بيدق بسرعه كبيره جدا بعد كدا. فتون واقفه والكل حواليها بياخد المقاس. وفعلا كانت اميره وحواليها الواصيفات. وبعد كده خرجت ومبسوطه جدااا وقلبها طاير من الفرحه. وكان سليم واقف ف الجنينه. وفتون نزلت بسرعه وخرجت تجرى ع سليم.لف ليها وشافها جايه تجرى. وهو ابتسم. وفتح دراعه. وشالها ولف بيها كتير اوى. فتون: ضمته بفرحه كبيره. وكلبشت فيه عشان مش تدوخ. سليم: نزلها. وباس جبينها. وقال بحب. فتون انا بعشقك. فتون: بتنهج بسيط بسعاده كبيره وقالت سليم انا بحبك اوى. واترمت ف حضنه. بعدها بيومين. سليم: ف المكتب وبيشرب سِجار. ومركز ف شغله. لكن اتخض. خالد: فتح باب المكتب بسرعه وبينهج. وقال لقيته ياسليم. انا لقيت شريف.سليم: قام وقف بقلق من شكل خالد. وقال لقيته؟ لقيته فين؟ خالد: حاطط ع ايدو ع قلبه وبينهج وقال مش هتصدق شريف عايش فين؟ سليم: نفخ بنفاذ صبر ماتنطق بقى عايش فين؟ خالد: عايش ف.رواية أحببت بصيرته للكاتبة مريم نصار الفصل الأربعون
ف الشركه خالد: حاطط ع ايدو ع قلبه وبينهج وقال مش هتصدق شريف عايش فين؟ سليم: نفخ بنفاذ صبر ماتنطق بقى عايش فين؟ خالد: عايش ف المقابر،! ف الحاره. عند الشيخ محمد. سميره: بتتكلم ف الفون مع سحر. وقالت بخنقه. يعنى ايه؟ حسن هيفضل يتعامل معاكي كدا؟ ده حتى مابيرفعش سماعة التليفون ويقولى اذيك ياخالتى ولا حتى ياحماتى.سحر: بدموع. والله ياماما تعبت معاه. ع طول ساكت ومبيتكلمش. يرجع من الشغل تعبان. يتغدى ويدخل ينام. ولما يصحى ينزل يقعد مع صحابه. ويرجع يقعد قدام التليفزيون. ولما اتكلم معاه يقولى معلش تعبان انتى عارفه الشغل صعب. ويسبنى ويدخل ينام. انا عايشه هنا لوحدى واتخنقت. سميره: بزعل. ياعينى ع بختك المنيل. مش ده الل انتى كنتى بتحاربي عشان تاخديه. من فتون؟ اهو فتون ربنا نجدها منه.وانتى اشربي بقى. تعرفى سليم مخلى فتون هانم كدا. تحت ايديها عربيه بالسواق يوديها ويجيبها وقت ماتعوز. ولا بقى سليم كل يوم والتانى يجيلها وشايل ومحمل ومش حارمها من حاجه لا هي ولا الحاجه فاطمه. ووش فتون نور اكتر. وابوكي بيقول عوض ربنا عليها. سحر: غمضت عينيها بتعب. نصيب ياماما. سميره: بغيظ اه دلوقتي نصيب ياماما. كنتى مستكتره حسن عليها وكنتى فاكراه ياما هنا. ياما هناك وختيه انتى اشربي بقى علشان تتعلمى.سحر: قالت بتعب كفايه بقى بجد تعبت انتى كل ما اتكلم معاكى تسمعينى الكلمتين دول. خلاص عرفت انى غلطت وادينى بدفع تمن غلطتى واتجوزت واحد لا عارف يتكلم ولا يتفاهم سلبي ف كل حاجه. وكل ده بفضلك انتى. بفضل الغلط تربيتك ليا. سميره: شهقت بصوت عالى شوفى البت ياولاد دلوقتي كله بسببى يابنت الشيخ محمد؟ سحر: بعياط ووجع. ايوه انتى السبب ف كل حاجه.انتى كنتى بتكرهى فتون. وبتكرهي ليها الخير. وشايفه حب اهل الحاره ليها كتير عليها. فضلتى تتكلمى عليها بالوحش قدامى لحد ما كرهتها زيك. الل انتى متعرفيهوش ياماما. إن البنت بتشرب كل حاجه من امها. وبتتعلم منها كل حاجه. يعنى انا عملت كدا بسببك انتي. انتى لو كنتى راعيتى ربنا ف فتون واتكلمتى عليها بالطيب قدامى. اكيد كنت هحبها واتمنى ليها الخير. لكن لأ كل كلامك كان غيره منها هي وخالتى فاطمه.وبعدين هو انا كل ما اكلمك تقوليلى بسبب عمايلك. خلاص انسي وهريحك ياماما انا عايشه مش مبسوطه مع حسن. ولولا الل ف بطنى انا كنت نزلت ع مصر وطلبت الطلاق. سميره: سكتت لان سحر كل كلامها صح. وبعدها شهقت بسعاده. سحر انتى حامل يابت؟ سحر: مسحت دموعها. وقالت بحزن ايوه حامل ف شهر. ومحدش يعرف. سميره: بزعل حقيقي. طيب اهدى كدا واستهدى بالله طلاق ايه الل انتى بتفكرى فيه ده؟انتى لسه عروسه. وإن شاء الله حسن بكره يتغير لما يلاقى عياله قدامه. انتى بس حاولى معاه. اعمليله عشا حلو كدا زى بتوع السيما. وقوليلو انك حامل. وإن شاء الله يابنتى ربنا يهديهولك. سحر: بزعل إن شاء الله.سميره: مبروك ياقلب أمك. دا ابوكي واخوكي لما يعرفو هيفرحو اوى. وخلى بالك يابت من نفسك. واوعي تشيلى حاجه تقيله ونامي ع ضهرك. ومتتعبيش نفسك. وتابعي مع دكتور. ولو حاسه انك تعبتى قولى لديك البرابر بتاعك ينزلك مصر. واقعدى معايا هنا وانا هراعيكى ياضنايا. سحر: بتنهيده. حاضر ياماما. هشوف إن شاء الله. وهبلغك. انا هقفل دلوقتى عشان اقوم اطبخ.سميره: بحزن. ماشي ياقلب أمك. وربنا يابنتى معاكي ويصلح حالك ويريح بالك. سحر: آمين… فيلا بدر الدين. فريده: قاعده ف الليفنج وسرحانه. فتون: خارجه من المطبخ. وشايله العصير. اتفضلى ياست الكل. احلا كوباية عصير برتقال انما ايه؟ ماقولكيش متتشربش ههههه. فريده: انتبهت. وابتسمت بتعب متقوليش كدا تسلم ايدك متعملش حاجه وحشه ابدا.فتون: قعدت. ربنا يجبر بخاطرك ياست الكل. اتفضلى وياريت بقى تفكى شويه انا من زمان جدا ماشوفتش ضحكتك. فريده: اخدت العصير. وقالت بزعل. اضحك ازاى بس يابنتى وقلبى مقسوم نصين؟ انتى ماشوفتيش سليم بقى عامل ازاى. قلبه اتغير وبقى جامد اوي. وشريف عدا شهر ونص ومنعرفش عنه حاجه؟ وعينيها لمعت بدموع. فتون: متقوليش كدا ياماما. معقول سليم قلبه جامد انتى الل بتقولى كدا؟صدقيني ياحبيبتى سليم مخنوق جدا الفتره دى. وبيحاول يمثل أنه مبسوط ومش ع باله حاجه وشريف إن شاء الله هيبان. اكيد مسافر لمكان هادى يعيد فيه حساباته من جديد. فريده: بحزن. سليم كل ما اتكلم معاه ف موضوع شريف يقلب وشه ويزعق ويسبنى ويخرج. ومش عايز يسامح اخوه. حاولى معاه تانى يافتون يابنتى. فتون: بصي يا ماما انا هكون صريحه معاكى. الل حصل ده مش سهل بالمره انه يتحل بسهوله كدا. انتو التلاته مصدومين.يعنى لو اتكلمنا عن شريف. هنلاقي إن شريف غلطه كبير جدا. واذي الناس الل بتحبه. ومش اى ناس. دول امه وأخوه. قلبه طاوعه أنه يفكر ف القتل. هان عليه سليم ومراجعش نفسه. ولا ضميره أنبه أنه يتسبب ف قتل اخوه. يعنى كان عندو استعداد يقتل بدم بارد. وهان عليه حضرتك وطريقته ف الانتقام بشعه جدا. حتى انا اذانى ف سمعتى ومش بس كده. عايز يسجنى. لكن لو بصينا لسبب المشكله الأساسي هنلاقى شريف ضحيه و كان مغيب.زى ما بيقولوا كدا الزن ع الودان آمر من السحر. وده كان طفل صغير لاحول له ولا قوه. وخاله ضحك عليه بطريقه ابشع. نشر سم الكره ف جسمه وزرع جواه كدبه كبيره جدا. شاف طفل صغير برئ بيتأثر بأى حاجه ودخل لعقله من ناحية العاطفه والحب.وحبه لخاله أصبح كبير جدا واتعلق بيه. ولما شريف عرف الحقيقه اكيد مكنش سهل عليه. بجد موقف صعب جدا. انا مقدره صدمته. هتكون اكبر صدمه أتعرض ليها ف حياته. ولكن الجميل ف الموضوع انه فاق وعايز يكفر عن ذنبه ف أنه اعترف وطالب منك ومن سليم انكم تسامحوه. وانا متأكده انكم هتسامحوه.نيجي لحضرتك. انتى اكيد لما عرفتى الحقيقه اتصدمتى ف شريف الل انتى بتعتبريه ابنك الكبير. واكيد زعلتى منه. وانك تسامحيه بسرعه كبيره بعد محاولة قتلك انتى وابنك. ده إنجاز وإثبات إن قلبك طيب جدا. ولكن مننكرش. إن الغريزه الل جواكى هتشوفي إن سليم اتظلم اكتر من شريف. لانه بالفطره ابنك الحقيقي.لكن انتى عايزه سليم يتجاوز المحنه دي. وكونك ام لسليم. انتى مضطره تيجى عليه عشان يسامح اخوه ويرجعو اخوات زى زمان ويكونوا ايد واحده. لكن ياماما مش بالسرعه دى. الأمر مش سهل ابدا. نيجى ل سليم. سليم صدمته موزايه لصدمة شريف. ويمكن اكتر كمان. شريف اتصدم ف خاله لانه ضحك عليه واستغله. أما سليم اتصدم ف اخوه شقيقه. ومش اى صدمه. لأ ده قتل وكدب وغش وخداع وسرقه وتزوير. وكل ده من اخوه. شريف: مواجهش الموت زى سليم.؟شريف كبر والمفروض كان فرق بين الصح والغلط. الإنسان لما بيكبر بيعرف من نظرة العين هل ده بيحبنى بجد ولا لأ؟ وشريف المفروض كان يعرف من خلال معاملتك وطيبة قلبك. وأخلاق سليم. وإنه بيعتبره اكتر من اخ. إن كل ده حب حقيقي ومن غير استغلال. سليم: صدمته أشد. لانه اكتشف إن الل ورا المشاكل والأزمات الل عاشها سليم. هو اخوه. ولازم سليم ياخد وقت وينسي علشان يقدر يسامح. لكن ياماما مش بالسرعه دى.انا حاولت كتير اتكلم مع سليم. وهو رافض الفكره نفسها. اول ما بقوله انا عايزه اتكلم معاك. يقولى لو هتتكلمى ف موضوع شريف. يبقى متتكلميش وبيكون متعصب جدا. ف انا بسكت لانه استحاله هيقتنع بكلمه واحده منى طول ما هو قافل عقله عن فكرة إن شريف اجرم ف حقه. لكن سكوتى الفتره دى مش معناه انى استسلمت؟ لأ. انا ساكته لحد ما سليم يهدا خالص واول ما احس انه هيستوعب منى اكيد مش هسكت.ولازم سليم وشريف يرجعو ايد واحده اكتر من الاول. وصدقينى انا واثقه إن سليم هيسامح شريف. سليم عمره ما كان قاسي ابدا. اطمنى واشربى العصير. فريده: بتسمع فتون. ومقتنعه بكل كلمه فتون قالتها. لانها فعلا جايه ع سليم عشان هو ابنها. وغمضت عينيها بتعب. ودعت من قلبها إن يجمع شمل ولادها من من تانى. ف الطريق. خالد: سايق العربيه. وسليم جمبه. سليم: متنرفز ع الآخر. خالد: ايه ياعم سليم. خلاص بقى.سليم: زعق. انا مبحبش اعمل حاجه وانا مغصوب عليها ياخااالد. انا مكنش لازم اسمع كلامك وانزل معاك. انت عندك طريقة إلحاح اوفر بجد. انا مالى وماله يعيش ف المكان الل هو عايزو. خلاص كل حاجه انتهت. انتو ليه مش مقتنعين بكدا؟ خالد: حط ايدو ع ودنه. صوتك عالى. يخربيت الل يزعلك يشيخ.وبعدين انا لازم الح عليك. انت لازم تنسي. انا لما صحبى قالى أنه كان ف المقابر وشاف شريف ف مقابر عيلة بدر الدين. بس مكنش متأكد اوى أنه شريف لأن شكله غريب جداا. انا نزلت جري وروحت المقابر. وشوفت شريف من بعيد انصدمت من شكله انا معرفتهوش اصلا. مش شريف بدر الدين رجل الأعمال ابدا.لأ انا مش هفضل ساكت. انتو لازم تتكلمو مع بعض. بلاش توسع الفجوه ياسليم. كلنا بنغلط. احنا مش ملايكه. الل جمبك ده كان سكير وبتاع بنات. يعنى مكنتش شيخ سجاده. واهو ربنا تاب عليا. ايه بقى حرام عليك اهدا كدا. عينيك حمرا جدا من العصبيه. اهدا انت اصلا اول ما تشوف حالة اخوك هيصعب عليك جدا. سليم: بغضب كبير ماتقووولش اخويا. ياخالد. متقولش اخويا. انا ماليش اخوات فاهم؟مفيش اخ بيحط الس\كينه فوق رقبة اخوه. مفيش اخ يلفق لمرات اخوه قض\ية شرف يااخاااالد. مفيش اخ يقتل الست الل ربته وتعبت ف انها خلته راجل يُعتمد عليه. شريف مش اخوياااا فااااهم. خالد: هز راسه خلاص تمام ماشي بس اهدا ارجوك. سليم: غمض عينيه بغيظ كبير. ورجع راسه لورا. ونفخ بنفاذ صبر. خالد: وصل و ركن العربيه. يلا ياسليم. سليم: بص ل خالد. وسكت…خالد: اتنهد. طيب تعالى انزل ونقرا لعمى الله يرحمه الفاتحه. تعالى انزل بقى. سليم: نفخ بخنقه. انا مش عارف انا ازاى وافقتك. خالد: معلش تعالى ع نفسك شويه عشان خاطرى انا يعم حتى. ايه ماليش خاطر عندك؟ سليم: … خالد: طيب عشان خاطر فريده أمك التعبانه دي وانت مزعلها منك. يلا بقى الشمس لسعت قفايا اخلص. سليم: فكر ف فريده. واتنهد بخنقه كبيره. وفتح الباب بنرفزه. ونزل غصب عنه ورزع الباب.خالد: براحه ع ام الباب. قدك ده؟ اهو مات ف ايدك. ربنا ع المفتري. سليم: صك ع اسنانه. انت رايق وشكلك عايزنى افوق عليك. انجز ف يومك عندى شغل. خالد: شعلة نشاط واقفه قدامى. اتفضل حضرتك يافندم. سليم: بحزن. انت بتهزر ياخالد؟ انت مفكر انى مستوعب اى حاجه انا تايه في دوامه كبيره. خالد: بتنهيده. انا لو مش شوية الهزار دول كان زمانى اتجننت.وانا اكتر واحد حاسس بيك يصحبى. الفرق بين شريف والشرقاوى خطوه واسمها الندم. شريف ندم. اما الشرقاوي معترف بجبروته. يلا تعالى وشوف اخوك شريف عايش ازاى تعالى بقى.؟ سليم: بتنهيده وحيره. هز راسه تمام. خالد: دخل المقابر. وسليم ماشي جمبه. وقال تعالى نقرأ الفاتحه ل بابا. وراحوا. وشافو واحد لابس قميص وبنطلون ومتبهدل وشعرو طويل ودقنه طويله. وماسك المصحف بيقرا فيه قدام قبر بدر ونجوان.لكن سليم وقف مكانه مره واحده بصدمه. مش معقول؟ وبص ل خالد بزهول مين ده اوعى يكون دا،؟ خالد: بزعل حقيقي هز راسه. ايوه هو ياسليم ده حال شريف. والغفير لما ضغطت عليه. قالى أنه معتكف هنا من شهر ونص. وكل يوم ع الحال ده. يقف قدام قبر عمو بدر ومامته نجوان ويقرا ف المصحف. ويصلى ويرجع تانى يكمل قرأه.وينام ف اوضه لوحده ويصلى طول الليل. ونبه ع الغفير أنه لو حد سأل عليه ميقولش انه عايش هنا. شريف ندم بجد ياسليم. وبقى زاهد الدنيا زى ما انت شايف. واستحاله يكون ده تمثيل. استحاله. سليم: عينيه ع شريف بزهول. ومش مصدق إن ده شريف. وهز راسه بعدم تصديق. خالد: حط ايدو ع كتف سليم. روحله ياسليم. اتكلم معاه.سليم: قبض ع ايديه بغضب. وبص ل خالد. وهز راسه لأ لأ. مهما كانت الحاله الل وصل ليها شريف. فهو وصل لده لنتيجة اعماله وشره. انا لايمكن اسامحه أو انى اتكلم معاه. انا ماشي. خالد: بدهشه. ماشي؟ طيب واخوك هتسيبه كدا؟ سليم: صك ع اسنانه واتكلم بغيظ مكبت. احتراما للمكان. وقال انا ماليش اخوات افهم ياخالد. وهتمشي معايا. ولا امشي انا؟ خالد: سليم ارجوك اسمعنى. سليم: قاطعه يبقى امشي انا. واتحرك خطوتين.شريف: بصوت مهزوز. سليييم.! سليم: وقف مكانه وغمض عينيه بوجع كبير. ومردش… شريف: كان بيقرأ. وسمع صوت يشبه صوت سليم. وقلبه دق. ورفع عينيه. وشاف سليم. وابتسم ب أمل جديد. لكن لما شاف سليم ماشي. بسرعه نده عليه. وراح وقف قدامه. وهمس بدموع سي، سليم انت هنا؟ سليم: باصص بعيد وصاكك ع اسنانه وبيكابر دموعه. ومردش عليه…خالد: شاف الموقف. وقال بحرج. طيب ياجماعه انا هقرأ الفاتحه ل عمى. وهستناك ف العربيه ياسيلم. احم حاولو تتفاهمو. واتحرك. شريف: عيونه لمعت بدموع. وقال سليم اخويا. سليم: بعنف. انا مش اخوك. وانا مش جاى علشانك. انت اكتر واحد انا كرهته ياشريف. شريف: ابتسم بحب. بس الل اعرفه إن سليم بدر الدين مابيعرفش يكره. سليم: قرب من وشه وقال بغيظ مكبت. وقال ليييه؟ مبعرفش اكره لييه؟ احنا دمنا واحد مش كدا؟والكره ده ف دمك ومن زمان. وزى ما انت كرهتنا. انا كرهتك. انت اسؤ اخ ف تاريخ البشريه. انا اخدت منك طعنه ومش عارف اداويها. وملهاش علاج. انت دمرت كلمة اخوه وثقه. انت دمرت امي. الست الل جايه عليا عشانك. انت عارف؟ الست الل قلبك طاوعك تحطلها مخدر ف العصير عشان تمضيها؟ بتعيط علشانك كل يوم؟ الست الل وقعتها من ع السلم عشان تقتلها بتسأل عليك كل وقت؟ مصدعانى بيك تخيل ياخى؟وخاااالد. الل انت كاره أنه يكون صحبى. هو الل دور عليك. هو الل جابنى هنا عشانك انت تخيل؟ فتون. مراتى الل لفقتلها قض\ية شرف. ولا اقولك قض\ية زنا؟ ايه رايك؟ كل يوم تحاول تزن عليا عشان اديك فرصه تانيه واسامحك. انت متخيل؟ متخيل هما عفويين قد ايه عشان يسامحوك؟ لكن انا استحاله اسامحك. اوعا تفكر انك لما تتنازل عن نصيبك. ده هيأثر فيا. ويقوى موقفك واسامحك.لأ بالعكس أنا كرهتك اكتر. ونصيبك موجود زى ما هو تقدر تاخدو ف اي وقت. وزياده عليهم ال4 مليون الل شريكك ف الاجرام سرقهم منك وانت مشغول ف انتقامك من أهلك. واطمن انا اتنازلت عن حقي ف الحادثه. وامي اتنازلت عن حقها. وكمان فتون وكل ده مش عشانك صدقنى. عشان خاطر ابوك مش اكتر. اوعا تفكر انى قادر انسى إن الل اتسبب ف دمارى هو انت؟ الضربه منك كانت شديده اوى. مميته بجد.شريف: صك ع اسنانه بندم. وعيونه لمعت بدموع ندم. وبص بعيد وحس بتعب. وقال عندك حق ف كل كلمه قلتها انا مش هالومك. ولا هاقولك ادينى فرصه تانيه. لكن كل الل طالبه منك العفو. ولف ضهرو ليه. ودموعه نازله بصمت وقال بوجع. انت ليه مش عايز تصدق إن صلاح استغل طفولتى. كنت عيل صغير مالهوش زنب ف حاجه. زنبه الوحيد انه بقى يتيم الأم. وجه خالى. وضحك بكسره. هما مش بيقوله الخال والد بردو.؟جه وضحك عليا بكلمتين. انه بيحبنى. وهيعوضني عشان هو اخو امي. واحتوانى. وانا عيل واتعلقت بيه. وصدقته. انا شوفت خوفه عليا. وثقت فيه جدا. وربانى ع حقيقه مزيفه. ومداليش فرصه افرق بين الصح والغلط. اقنعني إن كل الل انتو بتعملوه معايا تمثيل. وانا مش ملاك عشان اقدر اتحمل كل الكره الل كان بيحطه ف قلبى من ناحيتكم ومتغيرش؟نا كنت ضحيه وماليش زنب ف حاجه الشيطان لما بيوسوس لشخص ضعيف زيي وصل لمرحلة السيطره ع عقلى. خلانى اشوفكم بيعينه. خلانى اتصرف بعقله وتفكيره. انت تلوم عليا انى لو كنت عرفت الحقيقه وكملت ف نفس الطريق ده ومتغيرتش. لكن لأ انا اول ما عرفت كأن الشيطان هرب بعيد. وشوفت كل حاجه ع حقيقتها. روحت للست الل ربتنى وانا ظلمتها وطلبت منها تسامحنى. وهي ع طول سامحتنى وده زود عذاب ضميرى اكتر.وكمان واثق إن فتون هتسامحنى. ولف ليه بدموع وبينهج بتعب. بس انا خايف انك متسامحنيش. لانك انت اهم حاجه ف حياتى. انا اكتشفت الحقيقه ياسليم. اكتشفت انى من غيركو وحيد وماليش حد. كل الكره الل كان ف قلبى بسبب خالى اتحول لحب كبير ليكو. بس عذاب الضمير مميت جدا. انا كل يوم بدعي ربنا يسامحنى. انا اتنازلت عن نصيبى مش عشانك لأ. انا اتنازلت عشان أنا مستاهلش. انا مش عايز حاجه. انا بعد لما جيت وعشت هنا في المكان ده.اكتشفت قد ايه إن الدنيا دى مش مستاهله انى اخسر اخرتى عشانها. آخرتها تراب. وعمل الإنسان هو الل هيحدد مصيره. سليم اقسم بالله انا ندمان. واتغيرت سامحنى لوجه الله ومش عايز حاجه تانى. انا هبعد عن حياتك. مستعد اسيب مصر كلها. بس اسمع منك إنك سامحتنى لوجه الله. عايز لما اروح لامي متكونش زعلانه مني. هي كانت بتحبنى. وكانت عايزانى ديما اساعد الناس. وانا ماسمعتش كلامها. ف اكيد زعلانه مني.وكمان بابا مات زعلان عليا. نصحنى كتير بس سم صلاح كان خلاص انتشر. سامحنى عشان لما اقابل ربنا اكون مستريح. ارجوك ياسليم ساعدنى انى اتوب. متقفش ف وش توبتى بالله عليك. وعيط بندم كبير. انا سعات كتير كنت عايز اجيلك الشركه اقولك سامحنى انا اتغيرت. لكن عارف انى مافيش حاجه وحشه غير لما عملتها معاك. انا عارف انك اتصدمت فيا لانك كنت شايفنى اخوك الل بيحبك. ارجوك ياسليم صدقنى انا اتغيرت.سليم: لف ضهرو ليه. ودموعه نازله بصمت كبير. وقابض ع ايديه. وكل ما يفكر في مواقف شريف. مايفكرش غير ف المواقف الكويسه الل كانت بينهم. لكن مش قادر يسامحه مش عارف. ومسح دموعه ووشه بايديه بعنف. ولف ليه. ولسانه متلجم تماما مش عارف يقوله ايه؟ وهو شايف حالته صعبه. ودموعه نازله بندم وذل. وبقى هش وضعيف ومكسور. وعذاب الضمير واضح جدا عليه. شريف: واقف دايخ. وباصص ف الارض بتعب ودموعه نازله وساكت.سليم: هز راسه واتنهد. وسابه وراح وقف قدام قبر بدر الدين. ودعا ليهم بالرحمه والمغفره. ووقف قدام القبر فتره كبيره. وكأنه سرحان بعمق وبيتكلم مع ابوه. وفاق من أفكاره. وراح عند قبر نجوان ودعا ليها. وقال بصوت مسموع. انا هسامحك عشان خاطر ربنا ثم بابا وماما نجوان. وكمان فريده. لكن عمري ما هثق فيك ياشريف. شريف: رفع عينيه بسرعه وقلبه دق ب أمل جديد وضحك بدموع ومش قادر يقف على رجليه. ونزل على الأرض مكانه.سليم: قرب منه. وساعده بعدم اقتناع. شريف: بصله بندم وآسف كبير. سليم: بص بعيد. يلا قوم معايه. عشان ترجع ع البيت. شريف: قام برجفه وضعف. ومش مصدق الل سمعه. يعنى سامحوه؟ وقال بصوت مبحوح يعنى انت سامحتنى؟ يعنى انا هرجع اعيش وسطكم من تانى؟ سليم: بجمود. هنتكلم بعدين. يلا عشان خالد واقف بره. واتحرك بغيظ كبير ووجع اكبر ومتلخبط. شريف: ماشي جمبه بعدم تصديق. وعينيه تايهه ب أمل جديد.خالد: شافهم خارجين جمب بعض. نزل بسرعه من العربيه. وضحك. وقال أنا كنت عارف انك واطى وهتسامح اخوك. انا مش قايلك مش بالسرعه دى؟ ههههههههه. سليم: نفخ بنفاذ صبر ابو فصلانك يااخى. خالد: تعالى ياشريف. اركب الف حمدالله ع السلامه. شريف: بلع ريقه بصعوبه. وقال بوجع الله يسلمك يا خالد. احم انا متشكر جدا ع الل انت عملته معانا.خالد: لا متشكر ايه؟ حفله بقى وكدا. احنا من زمان ف مرار طافح عايزين نفرفش الناس مدغدغه ههههههههه. شريف: ربت ع كتفه. رجوع النور ل سليم فعلا محتاج حفله كبيره. سليم: اتنهد بحيره. وسابهم راح ركب العربيه. شريف: باصص عليه بحرج كبير. خالد: بحرج. احم عايزك تصبر ع سليم شويه. بس صدقنى دور عليك كتير جدا. مسابش مكان إلا وسأل عليك فيه. شريف: هز راسه وقلبه استريح شويه.خالد. بس مكناش نعرف انك غاوى أرواح. يلا ياعم من هنا. ومالك سايب دقنك زى مملكة الخواتم كدا. مفيش حلاق ف الترب تحلق وتروش ع نفسك. انت قاعد هنا تخوف الناس. ههههههههههه. شريف: ابتسم بصمت. خالد: فتح باب العربيه. اتفضل يانجم اركب. شريف: ركب العربيه وعينيه ع سليم. الل قاعد باصص قدامه وسرحان كتير… خالد: ركب العربيه. وبص ل سليم. وهز راسه بزعل ع حالة سليم. وساق واتحرك ع الفيلا. بعد شويه. فيلا بدر الدين.فريده: وفتون قاعدين ف الليفنج. بيتفرجو ع تصاميم وصور ع اللاب توب. فريده: ااه كفايه يافتون عينيه وجعتنى من الجهاز ده. هي الساعه كام دلوقتي. فتون: قفلت اللاب حاضر ياست الكل. وأدى اللاب اهو. وحطته ع التربيزه وقالت الساعه 3. انا هاقوم امشي انا بقى.فريده: بلوم تمشي وتسبينى كدا؟ وبعدين سليم لما يرجع هيوصلك ده لو عرف انك هتروحي هيضايق. وانا مش ناقصه كفايه ع طول مكشر. وبعدين انا قولت للحاجه فاطمه انك هتقعدى معايا للمغرب. فتون: بحرج. ايه المغرب. لأ كتير اوى كدا هتاخر ع بطه. وبعدين ياماما سليم لسه بدرى ع ما يرجع. انا هتصل عليه وهعرفه.فريده: انتى عنيده ليه يابت انتى. وبعدين انتى دماغك ناشفه. بقالى شهر اتحايل عليكو تعيشو معايا هنا بس انتو عاملين فرق. فتون: فرق ايه بس ياماما. طيب بزمتك ينفع اكون كاتبه كتابى وعايشه معاه ف نفس البيت. عيب والله ههههه. وبعدين ياقمر كلها شهر واكون معاكى ع طول. فريده: لأ يختى مبروك عليكى سليم. انا عايزه الحاجه فاطمه. تقعد معايا. وانتى انطلقى انتى وجوزك. بس ربنا يهديه يارب. فتون: يارب. يارب ياحبيبتي.فريده: كشرت عينيها ايه دا؟ صوت عربية ياترى مين؟ فتون: هزت كتفها مش عارفه. ممكن يكون سليم؟ فريده: اتنهدت بتعب ممكن. فتون: شافت سليم داخل وقلبها دق بحب كبير. وابتسمت. لكن ابتسامتها اختفت. وفتحت عينيها بعدم فهم. مين ده؟ فريده: كشرت عينيها. وقالت ياستير يارب. مين الل مع سليم ده؟ سليم: دخل ووقف قدام فريده وفتون. وساكت.شريف: داخل وراه ومحرج جدا. وعندو احساس بالغربه وأنه اول مره يدخل البيت ده. وواقف بعيد ومتردد. خالد: دخل. وكان محرج لكن لازم يلطف الجو. وقال بصوت مسموع. تعالى ياشريف باشا. نورت بيتك ياشبح. فريده: سمعت خالد وقلبها دق. وقامت وقفت وفتحت عينيها ع الاخر بصدمه كبيره. وقالت بزهول. شي، شريف ابنى؟ ده شريف؟فتون: شهقت بصوت مهموس وحطت أيدها ع بوقها. مش معقول؟ ده شريف. وبصت ع سليم. وفهمت سبب تغيير ملامحه. وراحت وقفت جمبه. شريف: رجليه متلجمه ف الارض ومحرج جدا من نفسه. خالد: حاسس بيه. ومسك كتفه وقال يلا بقى ادخل. تعالى. واخدو ورايحين ل فريده.فريده: عيونها لمعت بدموع واتحركت بسرعه ووقف قدام شريف. وشافت ملامحه عن قرب. وحطت أيدها ع بوقها وبتعيط من شكله المتبهدل. ودقنه وتحت عينيه متغير. ووشه بهتان. وضعيف. وقالت بعياط. لأ مش ده شريف ابنى لأ. شريف ابنى مكنش كدا ابدا. شريف: غمض عينيه و دموعه نزلت بحسره كبيره ع الل خسره ف حياته. قد ايه الست دى بتحبه.فريده: رفعت ايديها برعشه ع وشه وكتافه وبتعيط بوجع. كنت فين يبنى. سبت بيتك وروحت فين؟ كدا اهون عليك تبعد وتسبنا. شريف: رفع ايدو ومسك ايديها من ع كتفه. وباس عليها بوجع كبير جدا. وقال بصوت يوجع. ا. انا آسف. حقك عليا سامحينى. فريده: قلبها متحملش دموعه. بس ولاد بدر الدين مايبكوش ابدا. بس كفايه. وحضنته بحب واحتواء كبير. اااه والله يبنى بنحبك وفراقك صعب علينا.شريف: ضمها لقلبه باشتياق كبير وإحساس عمرو مجربه قبل كده لانه سلم عقله لقلبه. واتصرف بحب. وغمض عينيه كأنه بيستمد منها اكتر كمية حنان اتحرم منها. خالد: واقف وسرحان ف ابوه. ونفسه يجرب حضن ابوه. ومشتاق لإحساس الخوف واللهفه من أهله لكن للأسف مش حاجه بنتمناها بتحصل. وعيونه لمعت بدموع. واتخنق. واخد نفس عميق. واتحجج وسابهم وراح ع المطبخ.سليم: واقف بجمود وقابض ع ايديه. وشخصيته عكس البركان الل جواه. رغم أنه مخنوق. إلا شكل اخوه صعب جدا ف الانكسار. فتون: واقفه بتعيط بصمت ورفعت عينيها ل سليم. وشافت ملامحه جامده وغضبان. قربت منه ومسكت ايدو بحب كبير. سليم: غمض عينيه واتنهد بتعب. وقفل ايدو ع أيدها باحتياج اكبر. طبعا فريده وشريف اتكلمو واتصدمت لما عرفت أنه كان ف المقابر. وعيطت عشانه. وشريف اعتذر كتير جدا منها. وهي قبلت عذره. بعد دقايق.شريف: وقف قدام فتون. وقال بحرج كبير. فتون. انا لو قولتلك آسف ف هي كلمه صغيره جدا. ا. انا… فتون: بسرعه قاطعته. انت مش لازم تقول حاجه وانا مش زعلانه والحمدلله انها جت ع قد كدا. وعفا الله عما سلف. المهم إن حضرتك رجعت بيتك بخير. ماما فريده كانت هتتجنن عليك. وكمان سلي، ومكملتش من تصرف سليم. سليم: اتخنق وسابهم وطلع ع اوضته.فتون: بلعت ريقها بتوتر. وقالت احم. معلش ياشريف. سليم تعبان جدا الفتره دى. بس صدقنى سليم مفيش اطيب من قلبه. محتاج شوية وقت بس. شريف: ابتسم بحب. انتى فعلا تستاهلى كل خير يافتون. ربنا يوفقك. والف مبروك خالد قال فرحكو قرب. فتون: هزت راسها وابتسمت الله يبارك فيك. فتون: بحرج. احم ماما بعد اذنك هطلع اشوف سليم. فريده: ماشي ياحبيبتى اطعلى واتكلمى معاه ربنا يهديه يارب.فتون: حاضر. حمدالله ع سلامتك يا شريف. وطلعت. شريف: هز راسه الله يسلمك. فريده: قربت منه. سيبك من كل ده قولى اكيد انت جعان مش كدا؟ خالد: جه من وراها. والله كلنا جعانين مش هو بس. وبعدين الشيخ شريف لازم يطلع كدا. ياخد دورة نقع ساعتين. بس بلاش كلور عشان متنقطش هههههههه. وتحلق ام دقنك دقنك دي. انا حاسس انك شويه هتقولى بقرا الودع. ههههه.فريده: ضحكت بفرحه. وقالت بس ياواد ياخالد. روح اتشطر ع حماتك الل مطلعه عينك اجري. ومالكش دعوه ب ابنى. شريف: ضحك بصمت وجواه شعور غريب بيتجدد. خالد: بقى كدا يافيرى بتبعينى. خلاص خلصت مصلحتى من جارتي. اشطا كدا خلصانه ياكبيره. فريده: هيييه ايه ياواد ياخالد ده. انا هشدلك ودانك دي. خالد: لا بقولك ايه؟ مش وقت شد انا داخل ع جواز وعايز اتغذى.ولا عشان عيالك حواليكى. هتجوعينى. عليا النعمه اخدهم الاتنين. واحبسهم. واخد انا كل الدلع ده والاهتمام اه انا مبهزرش. شريف: ابتسم… فريده: ههههه لأ وانا اقدر ماهتمش بيك. طيب والله البيت مابيحلاش غير بوجودك فيه. خالد: تسلميلى يااجمل فيري. انا هروح اشوف البت عزيزه خلصت ولا لسه. وانت ياعم شريف اطلع استحمى بقى عايز اشوفك انت متغطى ههههههههه. وراح ع المطبخ. فريده: مسكت ايد شريف بحب نورت بيتك يابنى.شريف: بتنهيده. هتضايقى لو قولتلك يا امي وصدقينى نابعه من قلبى. فريده: ضحكت بدموع. اضايق؟ ده انا بستنى اليوم الل اسمع فيه كلمة امي منك انت ياحبيبي. شريف: هز راسه واتنهد بأريحيه كبيره. شكرا. فريده: ربتت ع ايديه اطلع ياحبيبى. احلق دقنك وظبط نفسك. وانزل عشان نتغدى كلنا مع بعض زى الاول. شريف: هز راسه. بعد اذنك. وطالع ع السلم كأنه اول مره بعيش ف البيت ده باحساسه الجديد.فريده: مسحت وشها بايديها ورفعت أيدها ودعت ربنا كتير بفرحه كبيره. وابتسمت بسعاده. سليم: واقف ف الأوضه وباصص من الشباك ومخنوق. فتون: خبطت. سليم ممكن ادخل؟ سليم: غمض عينيه واتنهد. تعالى يافتون. فتون: دخلت. وراحت وقفت قصاده وباصه من الشباك. وربعت ايديها. وقالت بمكر. الجو حلو اوى انهردا. سليم: رفع حاجبه باستغراب. وقال اممم جميل. فتون: انت بتحب المطر.؟ سليم: ومين مابيحبش المطر. فتون: انت بتحب الصيف ولا الشتا؟سليم: مط شفايفه امممم دي اعتبرها جلسه؟ فتون: ههههه يسلام عليك. بتفهمها وهي طايره. سليم: قرب من وشها. فتون هو محدش قالك انى رجعت فتحت؟ فتون: رجعت راسها لورا. وبلعت ريقها بتوتر. احم ايوه انت قولتلى. سليم: طيب ايه لزمة الجلسه؟ خشي ف الموضوع ع طول. فتون: صكت ع أسنانها بغيظ مكبت. طيب. كويس جدا انك رجعت اخوك ع البيت. دى حاجه جميله اوى. سليم: … فتون: ايه ده بقى؟ مبتردش عليا؟سليم: لأن ده مش الموضوع الل انتى جايه تتكلمى فيه… فتون: ضغطت ع شفايفها. امم احم فعلا عندك حق. وبصت ف عينيه وقالت سامحته؟ سليم: اتنهد. مش عارف. بس الل متأكد منه انى عمرى ما هثق فيه تانى. فتون: سليم. انت لازم تنسى وتسامحه. مش معقول هتفضل واقف عند نقطه معينه ف حياتك. وبعدين انا لازم اشكر شريف. سليم: بغيره. صك ع اسنانه وقرب من وشها بغيظ اكبر. تشكريه ع ايه يا انسه؟فتون: غمضت عينيها بتوتر. وقالت اهدا بس. احم. وكملت اسمع يسيدى. دلوقتي شريف السبب ف انا وانت اتقابلنا. سليم: بصلها. وبص قدامه من الشباك. فتون: صكت ع أسنانها. وبعدين بقى. انا بتكلم جد. يعنى لولا الل حصل ده. انا وانت مكناش اتقابلنا ابدا. وكملت بخبث. كنت هتقدر تعيش وانا مش موجوده ف حياتك. سليم: بجمود. لأ. روحي اشكريه يلا. فتون: بغيظ هو انا مش عارفه اتكلم معاك ليه؟سليم: بالعكس أنا سامعك اهو. ها عايزه تقولى ايه؟ فتون: بحرج. سليم ياحبيبى هو انت مش عايزنا نفرح بقى. خلاص بالله عليك سامحه انت مش شايف حالته النفسيه وكمان كان عايش فين. مكان صعب جدا. وبعدين شريف ضحيه. ارجوك ياسليم ارجوووك حاول تسامحه انا بجد تعبت ومحتجالك. ومحتاجه لضحكتك الل بتحلى يومي. سليم: بمكر. امم اسميها معاكسه دي؟ فتون: ههههه سميها اى حاجه. بس بالله عليك سامح بقى.سليم: بغيره سامح مين؟ اظبطى الكلام. فتون: ههههه سامحه اهو حلو كدا. سليم: ضحك بصمت ع ضحكتها. وقال حلو كدا. فتون: سقفت بفرحه يعنى سامحته بجد؟ سليم: هز راسه اممم سامحته بس. انما ثقه استحاله. واعملى حسابك اننا مش هتجوز هنا. فتون: ضحكتها اختفت. مش فاهمه تقصد ايه؟سليم: يعنى ده بيت شريف. الل والدته اتجوزت فيه. يعنى من حقه. وهو رجع. وهيعيش فيه وانا استحاله آآمن عليكى انتى وفريده ف وجوده. انا هشترى فيلا جديده. وهنعيش فيها انا وانتى وبطه وفريده. فتون: بس ياسليم… سليم: بحده. فتون الل حصل مش شويه انى ارجع أقرر غلطي. انا معنديش استعداد اخسر اى حد فيكو. وخصوصاً انتى. فاهمانى. فتون: فاهماك ياحبيبى. بس كدا ممكن ماما فريده تزعل. وشريف اكيد هيحس بالتفرقه.سليم: يعنى عايزانى اثق فيه. ونرجع نعيش مع بعض. واجي ف يوم من الايام الاقيه قاتل حد فيكو. بقولك ايه الفكره نفسها بتعصبنى. فريده انا هقنعها. اما هو المفروض يعرف انى مش هتعامل معاه زي الاول. هو الل عمل فجوه كبيره بينا. فتون: جواها قالت اهدى يافتون. سليم محتاج شوية وقت. وقالت طيب تمام اعمل الل يريحك. وإن شاء الله شريف اخوك مسيره يتغير للأفضل والفجوه الل بينكم تتقفل خالص. سليم: نفخ بغيظ. وسكت. وبص قدامه.فتون: ساكته وحست بالاحراج. فون سليم رن. وكان مهاب الوكيل. وقال ثوانى مكالمه مهمه. ورد الو ايوه يا مهاب. فتون: اتخنقت. وشاورت إنها هتنزل. وبتلف وخارجه سليم: بيتكلم وحس انها زعلت. وبسرعه قبل ما تخرج شدها من أيدها. فتون: اتخضت وشهقت بصوت مهموس وخبطت ف صدره. وفتحت عينيها بدهشه وقلبها بيدق. سليم: حاوط وسطها بايدو. واتكلم وهو باصص ف عينيها. ايوه يامهاب اه انا ف البيت كنت ف مشوار مهم. خلاص تمام.انت بس ظبط الاعلان وهننزل بيه ع طول. ايوه ماشي. لأ خالد موجود معايا. الافتتاح هنعمله ع طول. هههههه طبعا هتبقى ضربه كبيره ف السوق. يلا ربنا معانا إن شاء الله. تمام. تمام. مع السلامه. فتون: اول ما سليم حاوط وسطها تنحت وجسمها اتشد. وبتترعش. وبتحاول تفك ايدو ومش عارفه. ومتوتره جدا. سليم: قفل الفون. وحدفه ع السرير. وقربها منه. فتون: غمضت عينيها برجفه وقالت بتلعثم. سي، احم سليم ا. انت…سليم: بيتأمل ملامحها. وقلبه بيدق ورفع ايدو ع خدها برقه. فتون: شهقت بصوت مهموس. ورجليها مش شايلاها. سليم. سبنى أخرج. سليم: بهيام. تعرفى نفسي اشوف شعرك. فتون انا بحبك اوى. فتون: لمسة ايد سليم ع خدها خلت وشها احمر جدااا. ومكسوفه وضربات قلبها مسموعه لسليم. وفجأه من التوتر. جالها زغطه. سليم: فاق وانتبه. مالك يافتون. فتون: بتكح. بحرج وبتنهج مافيش هوا. سي سليم سبنى هموت ف ايدك…سليم: شاف ملامحها وبتترجف جدا. بيحاول ميضحكش. وفك ايدو عنها. لكن صعب جدا وضحك من قلبه عليها. هههههه. هههههه. فتون: بسرعه قعدت ع طرف السرير برجفه تنظم أنفاسها. سليم: قعد جمبها. وحاوط كتفها بس اهدى انا آسف. ايه ياتونه مالك. فتون: بلعت ريقها بتوتر. مفيش حاجه. احم انا هنزل. سليم: باس ع راسها. خلاص اهدى الاول. وهتنزلى ازاى بوشك ده. مش عايز يستى اشوف شعرك. مش عارف انا. اومال لو مكنتش جوزك.فتون: نفخت بتوتر. لانها كل مايقرب ميعاد الفرح تتوتر. سليم: مسك كف أيدها. قومى تعالى. ادخلى الحمام ده. اغسلى وشك وانا هستناكى هنا ننزل مع بعض. فتون: هزت راسها. ودخلت الحمام وقفلت الباب ووقفت وراه وسندت بضهرها ع الباب وحطت أيدها ع قلبها الل بيدق جامد من قرب سليم ليها بالطريقه دي. عزيزه: خبطت وقالت سليم بيه الغدا جاهز والكل منتظر حضرتك والأستاذه فتون تحت سليم: ماشي يا عزيزه روحي انتى.فتون: غسلت وشها. وخرجت وهديت شويه. سليم: ابتسم بحب ليها. وجاب الفوطه ونشف ليها وشها. ها احسن دلوقتي.؟ فتون: هزت راسها بتوتر ايوه. سليم: قرب من وشها. بت انتى هبله؟ فتون: صكت ع أسنانها بغيظ. انا هبله ياسليم؟ سليم: بس خلاص كدا رجعتى لطبيعتك ومحدش هيلاحظ حاجه يلا ننزل. هههههه فتون: غضب عنها ضحكت. ونزلو. وكان الكل منتظرهم ع السفره. سليم: شد ليها الكرسي وقعدت. وقعد جنبها.خالد: حمدالله ع السلامه انت وهي. ايه كل ده؟ الاكل برد. وغمز ل سليم ايه النظام؟ سليم: خطبه ف جمبه اتلم عشان ما معملهاش معاك. خالد: اااه شايفه يافتون جوزك بيعاملنى ازاى؟ فتون: بحرج. لأ خلينى انا بره علاقتكو افضل. فريده: طول عمرك عاقله ياحبيبتى. وبصت ل شريف. يلا ياحبيبى اتغدى. وامسك انت بتحب الفراخ المشويه. وحطت قدامه. شريف: محرج. كفايه انا مش جعان. سليم: معلقش وبياكل بخنقه.فتون: مسكت ايدو. وغمزت ليه اهدا مش كدا خلاص. احنا اتفقنا ارجوك. سليم: همس ف ودنها موافق بس بشرط؟ فتون: بعدم فهم شرط ايه؟ سليم: اشوف لون شعرك. بصراحه انا هتجنن مش معقول مراتى ومش عارف اشوف شعرك لحد دلوقتي. وانتى رافضه؟ احيانا بشك انك تكونى قرعه. فتون: تنحت وفتحت عينيها بزهول قرعه؟ سليم: هاا. انتى قرعه ولا ايه؟ طمنيني ع مستقبلى الله يكرمك.فتون: قالت بغيظ. بالشوكه دي وهعورك صدقنى. قرعه طيب دا انا شعرى ناعم جدا ولنص ضهرى ولونه بني تحفه. سليم: غمز ايوه بقى ع الحجات القمر. فتون: ضغطت على شفايفها بحرج. كدا ياسليم توقعنى ف الكلام.؟ سليم: سليم هيتجنن قريب منك. واتنهد بحب. خالد: متابع الحوار لكن مش سامع ولا كلمه ومتغاظ. وقال واااحدووووه. فتون: اتخضت. احم لا اله الا الله. فريده وشريف: اتخضو بسيط وبصو لبعض من تصرف خالد. ولكن ردو عليه.سليم: عليا النعمه عيل فصيل بجد. يلا كل واتكل من هنا. خالد: بمكر. بتطردنى ياسولي ههههههههه. شريف: كتم الضحكه. وفريده ضحكت. فتون: بصت ل سليم الل وشه طلع نار من خالد. وفهمت وقالت بهمس سولي. وكتمت الضحكه. سليم: تمام مااااشي ياخالد باشا. وغمز عنيا ليك. خالد: هأ. برحتك خالص يسطى. حنين عارفه عنى كل قاذوراتى. وبعدين هي فتون غريبه. مش لازم تعرف الاسم المفضل لدينا جميعا ولا ايه يافيري. هههههههه…فريده: واد ياخالد. كل وبطل ترخم ع سليم انت عارف أنه مبيحبش اسم سولي ده. خالد: حاضر ياحبيبتى عشان خاطرك انتى بس. وبدؤ يتغدو. وسليم اهتم ب فتون. شريف: اكل حجات بسيطه باحراج. وقال احم انا كنت عايز اقول. شكرا جدا انكم سمحتو ليا بفرصه تانيه. وده طبعا من حسن حظي. لكن عارف إن صعب الثقه ترجع تانى. وانا هحاول انى ارجع ثقتك فيا يسليم. لكن مبدئيا. انا هعيش ف شقة ماما القديمه. سليم: ساب الشوكه ومردش ع كلامه.فريده: بدهشه. اييه؟ تعيش لوحدك ليه يبنى وبيتك موجود. واحنا موجودين؟ لا طبعا مينفعش الل انت بتقوله ده. شريف: ابتسم بحب. انا ميهمنيش اعيش فين بعد ما شوفت وحسيت خوفك عليا. انا مش عايز حاجه تانى. بس ارجوكي سامحينى انا مش هينفع اعيش معاكو. ع الاقل الفتره دى. انا لازم ابعد عشان اتغير للأفضل. وبعدين سليم هيتجوز. ولازم ياخد راحته.سليم: بعدم إهتمام. ده بيتك. انا كدا كدا هشترى فيلا اتجوز فيها. وفريده هتعيش معايا طبعا. شريف: فهم. وابتسم بوجع. طيب ما هي هي. يعنى هعيش لوحدي بردو. ف مش هتفرق فيلا او شقه. لأ انت عيش هنا ف المكان الل ماما فريده عاشت فيه. وياريت بجد تسيبونى ع راحتى. وبص ل فريده. آسف لكن مضطر. فتون: زعلت ع شريف. واتنهدت ونفسها تتكلم لكن ماينفعش. وبصت ل سليم بترجي. وسليم. بص بعيد.خالد: احم تسمحولى اقول رأي الل مالوش لازمه هههههه… شريف: ضحك. طبعا اتفضل. خالد: شريف بيتكلم صح. حتى مؤقتا عشان النفوس تهدا شويه. يعنى شريف هيرجع ويتابع شغله. سليم هيكون مشغول ف تجهيزات الفرح. وبكده تكون ف فترة تسامح بينهم.فريده: بدموع يعنى ايه ياولاد كل واحد هيعيش لوحدو؟ طيب اسمع ياشريف. انا هوافقك بس بشرط. تكون كل يوم هنا تتغدى وتتعشى وترجع ع النوم ع الشقه غير كدا. لو موافقتش انا الل هلم هدومي وارجع بيت ابويا القديم. سليم: رفع عينيه بسرعه ليها بدهشه ولوم وعتاب. ومردش. شريف: برفض. لأ لأ تروحي فين. انتى عمرك ما هتسيبى بيتك خلاص كل يوم إن شاء الله هكون عندك.سليم: قال بجمود. تمام. وشركتك موجوده. وعقد التنازل زي ما هو وترجع مكانك في الشغل من دلوقتي لو تحب. و قام وقف. يلا يافتون عشان اوصلك. شريف: هز راسه وسكت. فتون: قامت احم ثوانى هغسل ايديا وجيالك بسرعه. واتحركت وزعلت علشان سليم. خالد: احم. طيب اشطا جدا. دلوقتي الواد سليم فتح وشاف وهرينى بوس. هههههه قصدى ضرب. وشريف رجع البيت بالسلامه. وانا زى القمر. وكل حاجه بقت تمام. ايه بقى مش هنحتفل ولا ايه؟شريف: قام وقف وقال. لو تسمحولى. انا عايز اعمل حفله كبيره جدا. عشان خاطر سليم وفتون هنا ف الفيلا. ويكون فيها كل الل نعرفهم. وكمان نحاول ندخل الفرحه ع حياتنا ايه رايك ياسليم،؟ سليم: ، واتنهد بحيره. فريده: أنقذت الموقف. يسلام ياريت ده الواحد من زمان مفرحش. ومالو شوف تحب الحفله تكون امتى ياحبيبى واحنا معاك. شريف: إن شاء الله بعد اسبوعين اظبط كل حاجه ونعمل حفله ع مستوى كبير. بعد مرور أسبوعين.شريف: رجع الشركه تانى. وسليم رجع ليه كل أملاكه. وكل واحد مركز ف شغله وطبعا سليم مراقب تصرفاته جدا. لانه مش قادر يثق فيه. شريف: . ف الشركه ومحافظ ع صلاته. وينزل يصلى ف المسجد. وبيرجع ع الفيلا. يتغدى زي ما فريده طلبت منه ويقعد معاهم لكن بحدود. ومش قادر يتخطى الل عمله لكن بيحاول. نبيله اتصلت ع شريف وبلغته إن صلاح مات. وبكده بيكون مات ع معصيه ولسه هيدفع ضريبة الل عمله من شر.المهم: رفض أنه يحضر الجنازه. ومحدش لام عليه. وفريده اقنعت شريف أنه يكمل ف مساعدة ولاد خاله صلاح كاعتبار صدقه جاريه ليه وهتشفعله. شريف ف الاول كان هيرفض لأنهم ولاد الراجل الل دمر حياته. ولكن قرأت القرآن والصلاه. خلو قلبه يلين. ووافق وبعت ليهم مبلغ. وقال ل نبيله انا مسؤول عنهم…شريف: بليل يرجع شقته ويقعد فيها وسط تفكير وحيره وعمره الل ضاع. وواحد ف مكانه كان زمانه عندو اولاد. ويصبر نفسه بالاستغفار. وقال ل فريده. بعد فرح سليم إن شاء الله هيطلع عمره يغسل بيها زنوبه. واحده واحده ومن تصرفات شريف الطبيعيه. سليم بدء يقتنع إن شريف اتغير شويه. لكن مش لدرجة أنه يثق ثقه كامله. شريف: جهز للحفله بإتقان شديد. وعزم رجال الأعمال وسيدات الأعمال. والمعارف. وبيستقبل فيهم.خالد: جهز. ولبس واتشيك وراح اخد حنين الل انبهر بجمالها ف الفستان الوردى. وباس ع أيدها بعشق كبير. وطول الطريق يغازل فيها. سليم: طبعا. بيجهز نفسه واتفق مع فتون انها هتيجى تلبس هنا علشان جايبلها فستان جديد. وف بنت ميكب ارتست مخصوص ليها هتحطلها لمسات خفيفه جدا. وقلقان جدا. وخايف ع فريده وفتون.وركب كاميرات مراقبه ف الفيلا. وجاب جارد ع بوابة الفيلا. وشدد ع عزيزه والشغالين الجداد ينتبهو لأى حد يدخل المطبخ ويعمل مشروب بنفسه. وواخد كل احتياطاته. ونزل وراح جاب فتون وفاطمه الفيلا. فتون: شافت الفستان انبهرت جدا. فستان سهره اسود وتحفه جدا عليها. والبنت حطت ليها الميكب. ولفت ليها الحجاب. وفتون كانت فاتنه فعلا.سليم: خبط عليها. ودخل. وتاه ف جمالها. وباس جبينها بحب كبير. وقدم ليها هديه وكانت سلسله رقيقه جدا. واسوره. وحط أيدها ف دراعه ونزل بيها ف وسط كل الموجودين كأنها أميره. فتون: طبعا ضربات قلبها عاليه جدا. وشافت حشد كبير من الضيوف وكلهم مستوى عالى جدا. واتفاجئت. بالشيخ محمد واهل الحاره معزومين كمان. وفرحت جدا.فاطمه: طبعا قلبها بيرقص سعاده. اخيرا بنت قلبها الل تعبت ف حياتها وعدت عليها صعاب كتير. ارتاحت واتجوزت راجل بجد يعرف قيمتها ويخليها اميره ويقدم ليها الاحترام قبل الحب. والسعاده والفرحه مش سيعاها. فريده: مبسوطه جدا. سليم بدء يرجع زى الاول. وكمان فرحانه بتغيير شريف للأفضل. سليم: طبعا بيسلم ع كل الضيوف. ولكن ايد فتون ف ايدو. اولا حب وغيره. وثانيا خوف عليها من شريف.وعينيه مابين فتون وفريده وشريف. وبيعرف الكل إن فتون مهران زوجته المستقبليه. وعزم الكل ع الفرح كمان اسبوعين. فتون: طبعا طايره من السعاده. وقلبها بيدق ب إسم سليم. خالد: محاوط حنين من كتفها. وغيران عليها. وحنين مبسوطه جدا بالغيره دي. شريف: كان مهتم بالضيوف ع غير العاده وبيحاول يتغير ويتأقلم مع الناس وكمان أهل الحاره اتعامل معاهم باحترام كبير. وقدم فتون بفخر لسيدات الأعمال الموجودين ف الحفله. وعدا الوقت.والميوزك اشتغل. وناس كتير بدأت ترقص سلو مع بعض. خالد: اخد حنين ورقص معاها وعلمها وكانت مكسوفه ومبسوطه جداااا. سليم: همس ل فتون وقالها لسه فاكره الرقصه الل علمتهالك ف اليخت. فتون: اتكسفت ووشها احمر. ومردتش. سليم: ضحك بحب. ومسك ايدها. واخدها ورقص معاها. واتكلم معاها وغازلها وبصو ف عيون بعض ونسيو كل الموجودين. والضوء اتسلط عليهم. سليم: تايهه ف عيونها وقال بحب… الله أحكم في عينيكِ صنعتهُ.ربّاهُ ربّاهُ من عينيكِ رباهُ أطرقتُ وجهيَ للدّنيا برمّتها فما وجدتُ لهذا الحُسنِ. أشباه. فتون: بتسمعه وعينيها متعلقه بعينيه بعشق كبير وقلبها بيدق وردت عليه وقالت بحب. عيناكَ كالقدسِ عندي، لهما حُرمةٌ وبقلبي مقَدَّستان، التأملُ فيهما كنعيمِ الجنَّة، والنظرُ لغيرِهما إثمٌ وعِصيان… ونقول بعد اسبوع كمان. ف شركة خالد وسليم. سليم: بيراجع ع الشغل مع الموظف ف مكتبه.وخالد: خارج من مكتبه بنرفزه. وبينده مي. انتى يامي؟ مي: جت تجري افندم يامستر خالد خير. خالد: ببلاها خير؟ اه الحيطه عندى اتنيلت وباظت وشكلها وحش. ابعتيلى عم نبيل ومعاه علبة البويا الكبيره البيضا. مي: بدهشه نعم؟ خالد: مسح وشه بايديه بنفاذ صبر. نعم الله علينا وعليكي يما. ايه نقول تانى؟ ابعتى عم نبيل بجردل البويا. ولا تجبيه انتى؟يلا بسرعه عايز ادهن الحيطه. ف ناس جايه كمان ساعتين هنتكلم ف شغل. مش معقول نتكلم والحيطه متنيله كدا. مي: بغيظ بصت ع الحيطه وشهقت. وقالت مستر خالد انا عايزه اعرف حضرتك الحيطه الصبح كانت كويسه وجميله ايه الل حصل ليها. خالد: صك ع اسنانه. حموضه كان عندها حموضه ورجعت. ومن ساعتها وهي بالشكل ده. ماتخلصي انجري من هنا هاتى الزفت. مي: اوكي اوكي ومشيت بسرعه وهي متعصبه.خالد: دخل ينفخ بغيظ بت ثقيله ده انتى زنب ياشيخه لازم اعيد كلامى 100 مره. واخد القلم من ع المكتب وقال بغيظ وانت كمان لازم تطفح ع ام الحيطه. استغفر الله العظيم يارب. هو يوم باين من أوله. وقلع الجاكيت وشمر كم القميص ومستنى البويا عشان يدهن الحيطه. مي: ماشيه متغاظه. وبتكلم نفسها. مستر خالد ده غريب جداً بجد.كدا فوق العادى فوق العادى. فوق الفظيع. وخبطت ف واحده اوووبس. اسفه ياااا، وتنحت وبصت ع الست من تحت لفوق. وقالت جواها ينهار اسو، فين هدومك؟ الست: بغيظ انتى يابتاعه انتى مش تفتحتى وانتى ماشيه. اووف بيئه بجد. مي: شهقت بصوت مهموس وعدلت النضاره. وقالت أنا بيئه. ع العموم ربنا يسامحك. الست: بعدم إهتمام. انتى يا، سليم موجود؟ مي: صكت ع أسنانها بغيظ مكبت. اممم مستر سليم موجود. نقوله مين حضرتك؟رهف: رهف هانم الجندي.