41 ل43 احييت بصريته الاخير

رواية أحببت بصيرته للكاتبة مريم نصار الفصل الحادي والأربعون
ف الطريق. فتون: ف العربيه وبتتكلم مع حنين ف الفون ايوه يا نونا. لا يابنتى مش هينفع احنا هنقدم ع اجازه سنه بدون مرتب ايوه طبعا ده طلب سليم. لا انا مشيت من المدرسه. ايوه انا عندى اول حصتين وباقى اليوم فاضيه. قولت ولنفسي وانا فاضيه كدا. اروح ل سليم الشركه اعملهاله مفاجئه. خلاص وصلت اهو. ايه؟ لا تاكسي ايه انا مع طاهر. ثوانى يابت انزل واكلمك. ونزلت. ودخلت الشركه وبتتكلم مع حنين. وطلعت الاسانسير.ف المكتب. مي: خبطت. ودخلت مستر سليم. ف واحده كدا استغفر الله العظيم. احم سورى ف واحده بره عايزه تقابل حضرتك. سليم: كشر عينيه بعدم فهم. واحده؟ ودي ماقالتش اسمها ايه؟ مي: طبعا يافندم. اسمها رهف الجندي. سليم: بدهشه. ايييه؟ وكان هيتنرفز. لكن قال بمكر. اممم ماشي يامي قوليلها تتفضل وياريت محدش يزعجنا. مي: فتحت عينيها بدهشه. محدش يزعجكم؟ سليم: ايه يامي هتتحركي امتى؟ مي: احم. حاضر ثوانى حضرتك. وخرجت.رهف: واقفه وبتشرب سِجار بخنقه. وقالت ل مي كل ده؟ انتى مش عارفه تشوفى شغلك؟ مي: فتحت بوقها ببلاها وزهول. انتى بتشربى سجاير؟ رهف: بزهق انتى يابتاعه انتى سليم عندو حد جوه ولا لأ؟ مي: تنحت وهزت راسها لأ. رهف: نفخت ف وشها دخان السِجار وقالت يعنى سايبانى اضيع وقتي مع واحده ذيك؟ انا هخليه يرفدك من شغلك الل زيك تشتغل خدامه ف البيوت. وسابتها واتحركت بكبرياء. مي: اضايقت وعيونها لمعت بدموع. انا اشتغل خدامه؟نبيل: جه وجاب البويا. اتفضلى يا انسه مي الجردل اهو تحبي اوديه فين.؟ مي: بدموع. تعالى معايا ياعمو نبيل. اتفضل وماشيه تفكر ف طريقه رهف وعيطت تانى ودخلت المكتب وقالت اتفضل يا مستر خالد الجردل اهو. خالد: قفل الفون. وشافها بتعيط. وقال بدهشه. مي انتى بتعيطى ليه؟ مي: عيطت اكتر، اعاااااا ف واحده جت تسأل ع مستر سليم.ولبسها قليل ادب اووى. واسلوبها وحش جدا. وشتمتنى. وقالتلى انها هتقول لمستر سليم يرفدنى اعاااااا. والل زيي يشتغل خدامه ف البيوت اعاااااا. انا هسيب الشركه اعاااااا وهسيب مستر سليم وهسيب حضرتك اعاااااا. خالد: بس ياهطله. واهدى واركزى. وقوليلي مين بنت العبيط ده الل هتخلي سليم يرفدك.؟ مي: بعياط. رهف الجندى. بعد اذنك اعاااااا.خالد: اتصدم ايييه؟ بنت منى؟ ودي جايه ليه؟ وفتح عينيه بصدمه. ينهار اسو، حنين قالت إن فتون ف الشركه،! فتون: وصلت. صباح الخير ع احلى مي ف المجره عامله ايه ياحبيبتى؟ مي: مسحت دموعها بسرعه. وابتسمت بتمثيل اهلا. اذيك يااستاذه فتون وحشانى اوى. عامله ايه؟ فتون: انا تمام ياقمر. وانتى كمان وحشانى جدا. ها قوليلى ف حد عند سليم جوه.؟ مي: هزت راسها ايوه. ف واحده لسه حالا داخله جوه. فتون: بعدم فهم واحده؟ مين دي؟مي: بغيظ. دي واحده كدا استغفر الله العظيم. وكملت بصوت مهموس بصي الفستان الل هي لابساه شبه اللبس الل الست بتلبسه لجوزها ف البيت. وكمان ست لسانها سليط جدا. فتون: تنحت وفتحت عينيها على الاخر ايييه؟ ودي عند سليم بتعمل ايه؟ مي: معنديش علم. لكن مستر سليم قال مش عايز حد يزعجنا. بس تفتكرى ليه؟ فتون: بغيظ. النار بدءت تولع ف قلبها وقالت محدش يزعجهم ليلتهم سودا. وسعى؟ سليم: قاعد ع المكتب. ورجع ضهرو لورا.رهف: دخلت بسعاده كبيره وجريت عليه سولى حبيبى. سليم: شاور ليها تقف مكانها. وقال ثانيه واحده قدامى اخر ورقه ف الملف هراجعها وافضالك. رهف: تفائلت خير. اوكي يابيبى بس بسرعه انت وحشنى اوى. سليم: ضحك بسخريه. وقال جواه وحشك ههه؟ ماااشي. وركز ف الورقه ومضا عليها. وقفل الملف. وبص ليها وقال ببرود ها خير؟ رهف: اتحركت ورايحه عند المكتب. فتون: فتحت الباب بغيظ وغيره زى الاعصار.رهف: وقفت ولفت تشوف مين الل فتحت بالطريقه دي وشافت بنت محجبه لاكن جمالها غير عادى واتغاظت جدا؟ سليم: ابتسم بسعاده. وقام بسرعه. يستقبل فتون. اهلا اهلا إيه المفاجأه الجميله دى. جيتى ف وقتك. فتون: عينيها ع رهف. ومصدومه من لبسها. رهف: بغيظ كبير مين دى ياسليم؟ وازاى تدخل علينا بالطريقه دي؟ فتون: فتحت عينيها بدهشه وقلبها بيغلى. وبصت ل سليم بغيظ كبير وقالت. انا مين؟سليم: هشش اهدى تعالى. ومسك كف أيدها وقفل باب المكتب. وراح قعد ع الكنبه. فتون: اتغاظت من سليم. وواقفه مزهوله. رهف: واقفه متنحه ومتغاظه. بيبى مش هتقولى مين دي؟ وليه قومت كدا مره واحده اول ما شوفتها.؟ فتون: خبطت بايدها ع قلبها، ( بيبى)؟ وبصت ل سليم الل قاعد يضحك ومبسوط واتغاظت وسابته وجت تمشي. سليم: بسرعه شدها من أيدها جامد. ووقعت ف حضنه وقعدها ع رجله. قولتلك اهدى ياقلب سليم.فتون: تنحت وفتحت بوقها ببلاها وزهول. رهف: الضغط اترفع عندها. وهتنفجر. وزعقت سلييييم مين دى؟ وانت ازااا… سليم: بصوت جهورى. صوووتك مايعلاش. فتون: متنحه ووشها كتلة طماطم عشان قاعده ع رجله وف حضنه. وحاسة انها مش قادره تتحرك ولا تتكلم، ده غير الغيره الل جواها. سليم: بص ل فتون وحاوط وسطها بايدو. فتون: شهقت بصوت عالى. وجت تقوم.سليم: هشش انا قولت ايه؟ ورفع راسه ل رهف وقال ايوه يا مدام رهف انتى كنتى جايه عايزه ايه؟ فتون: بصدمه. وهمست رهف؟ رهف: بتمثل الدموع. وقالت بيبى انت بتعمل ايه؟ ومين دي؟ ارجوك طلعها بره عشان نتكلم. ف حجات كتير اوى عايزه اشاركك فيها سولي. بيبى انت وحشتنى اوى فتون: صكت ع أسنانها بغيظ. وحشك اوى؟ وسولي؟ لأ بقى دى لازم تتربى. وبصت ل سليم بغيظ. وسع عشان اليوم يعدى ع خير.سليم: هههههههه قمر ياروحي. بس حاولى متضايقيش نفسك. مش دي أبدا الل تخلى قلب سليم بدر الدين تتضايق. رهف: بصدمه. ايه؟ سليم: بجمود انتى جايه ليه يارهف؟ رهف: بدموع سليم انا غلطت لما بعدت عنك. انا من بعدك حسيت انى وحيده. ولما عرفت انك، احم قصدى انا لسه بحبك. وانا عارفه انك بتحبنى وعايزه نرجع لبعض تانى بليز. فتون: الغيره هتقتلها لكن عيونها لمعت بدموع. وحاولت تقوم. سليم لو سمحت سبنى عايزه أخرج.سليم: بخنقه. وبعدين معاكى ياتونا. حضنى ده مكانك. اهدى بقى. وبص ل رهف وقال ايوه يارهف كنتى قصدك تقولى لما عرفتى انى رجعت فتحت رجعتى ليا تانى مش كدا؟ وبعدين ايه؟ هو انتى مش متجوزه ولا ايه؟ رهف: لأ لأ ياسليم. انا أطلقت من زمان. كان بنى آدم راجعى ومتخلف. وبعدين انا مرجعتش عشان انت فتحت. نو صدقنى. سليم: بعدم إهتمام. بص ف الساعه. وقال ل فتون انتى فطرتى؟ فتون: بدموع هزت راسها لأ.سليم: ابتسم ع غيرتها المُكبته. وقرب وباسها من خدها لاول مره. فتون: اتوترت وغمضت عينيها بحرج كبير. رهف: اتفرست. وقالت بنرفزه سلييييم هي مين دي؟ سليم: بص ل فتون بحب ورفع دقنها وقال. دي فتون نصي التانى. الل وقفت جمبي ف أزمتى. الل خلت سليم يعيش بجد. حبيبتى وروحي وعمري كله. قلبي وعقلى ودمي. دى نور عيون سليم. دي عكازى. الل حبتنى لشخصي. حبت سليم وهو عاجز ومش شايف النور.وعندها يقين ومؤمنه انى بشوف. دى ملاذي وراحتى. دي الوحيده الل قلبى دق ليها وبس. فتون سليم بدر الدين. خطيبتي ومراتى. وباس جبينها قدام رهف بحب كبير. انا بعشقك يافتون. سليم قلبه وعينيه عمرهم ما يشوفو غيرك ابدا. لان مفيش واحده ف الدنيا دى كلها تساوى ضفرك ياروحي. فتون: قلبها دق بسعاده. واتنهدت بأريحيه وابتمست بحب كبير وكمان محرجه جدا وهي قاعده بالشكل ده. رهف: زعقت انت بتقول ايه؟ وشاورت. انت تتجوز دي؟سليم: بصوت غضبان. اسمها فتون هانم وكلمه زياده هخلي الأمن يرموكي بره. وبعدين انتى جايه ليه؟ وع فكره صححى كلامك انتى مابعدتيش عنى لأ؟ انا الل رميتك وسبتك لانك متشرفنيش. انا ماصدقت خلصت من امثالك. واحده انانيه الل يهمها الفلوس وبس. و جسمها متعرى لل رايح والل جاي. الل مكشوف اكتر من الل متغطى. سلهة الوصول لاى واحد.وعشان تكونى عارفه انا عمرى ما حبيتك ده كان مجرد انبهار مزيف. والحمد لله انى عملت حادثه وأنها كانت السبب في نجاتى منك. وياريت تطلعي بره لانى مش عايز انزل لمستواكي. ومش عايز ف يوم اشوفك ولو بالصدفه. وزعق بصوت عالى جدا، اتفضلى بررره. فتون: غمضت عينيها من غضب سليم. رهف: اتكسفت من اسلوب سليم واتغاظت جدااا. وخارجه بنرفزه كبيره. وفتحت الباب وخطت خطوه واحده. وصرخت بصوت عالى اااه ماااااامي.خالد: مثل الصدمه ينهار اسو، اييييه دااا؟ طبعا: خالد. لما عرف جري ع مكتب سليم وواقف سامع كل حاجه. وشاف نبيل راجع بالبويا. شاورله وقال هات البويا وروح انت. وقبل ما رهف تخرج رفع الجردل بميل شويه. وكأنه داخل بسرعه وخبط فيها ولبست ف الجردل واتغرقت كلها بويا. فتون: شافت المنظر قامت بسرعه وحطت أيدها ع بوقها. سليم: شاف الل عمله خالد وقام بسرعه وتنح من عمايله. مي: سقفت بفرحه احسن احسن ست قليلة الأدب تستاهلى.رهف: واقفه ومغمضه عينيها والبويا مبهدله شعرها ووشها وجسمها كله. ووصلة للقمه من الغيظ والغل والغضب. خالد: حدف جردل البويا ع الارض بيمثل الدهشه. وقال انتى كويسه؟ انتى مين طيب؟ انا مش شايفك وشك مش باين من البويا. وبص ل مي؟ مين دي يامي؟ مي: بعفويه. حضرتك قولت من شويه بنت منى؟خالد: غمض عينيه بنفاذ صبر. يخربيت البهايم. احم. وكمل بمكر. حضرتك اسمك منى؟ اسم جميل عاشت الاسامي ياست منى. ممكن حضرتك تنزلى تستحمي ف الحمام تحت معاكى غيار؟ سليم وفتون كاتمين الضحكه. رهف: بنرفزه. خاااالد انت اتجننت؟ انت مش عارف انا مين؟ انت ازاى تعمل معايا كدا؟ انا رهف هانم يابنى آدم انت. انا يحصل معايا كدا.؟ ااااه ماااامي باااابي، يااااااي…خالد: قال جواه. حتى وانتى شبه الساحره الشريره بتقولى زفت هانم. يلا ما علينا. وكمل بتمثيل. ايييه؟ مش معقول؟ رهف هانم الجندي بشحمها ولحمها. ينهار ابيض ياجدعاان. دى مصيبه. دي كارثه. ازاااى يحصل كدا معاكي لأ لأ لأ لأ. انا بجد حقيقى بعتذر جدااا. رهف: البويا بتنقط من شعرها ع وشها لحد الارض. ورفعت أيدها وشافت كلها باللون الابيض. وصرخت بعياط اااااه ايه داااا؟ انا اتبهدلت لون ابيض يامااااامي.خالد: بتمثيل. متقلقيش اكيد دي اشاره وانتى لابسه ابيض ف ابيض. هاتحجي إن شاء الله… رهف: بصريخ انت إنسان مستفز. خالد: ببرود. عاذرك. عاااذرك الله يكون في عونك. بصي قولى لامك. تجيب ( تنر )عارفاه تنر أو بنزين ف ازازه كبيره وتفضي الازازه كلها عليكى يبقى كلك كدا بنزين. وامك تقف جمبك. وعود كبريت وولعيه. رهف: بنرفزه انت بتقوووول ايه؟ خالد: اء. قصدى امك تنضفك بقى. وانقعى نفسك 4 سعات ف البانيو.وانتى بقى بالذات حطى كلور عشان تنضفى لاااازم كلور يارهف. اوبس هانم. هااانم. رهف: صكت ع أسنانها بغيظ كبير. وبصت ل مي وصرخت انتى بتضحكى عليا ياجربوعه انتى. مي: شهقت انا جربوعه ولسه هترد. خالد: غمز ل مي. اعزريها ياانسه مي. انتى مش شايفه حالتها عامله ازاى. ربنا يستر بقى. بقولك ايه يارهف هانم. وانتى نازله خلى بالك عشان ف كلاب صعرانه ف الشارع جمب الشركه ع يمينك ع طول. رهف: بعصبيه انت انسان متخلف وهمجي.خالد: زودي عليهم انى مشوفتش بربع جنيه تربيه. يلا بقى اتكلى ع الله عشان نمسح القرف الل بيقع منك ده. بهدلتى الدنيا. كدا يارهف اعمليها بره يلا ياماما. يلا ياحبيبتى مع السلامه. رهف: قبضت ع ايديها بغيظ ملحوظ وبصت ل سليم وفتون. وكانو واضح عليهم جدا الضحك. ومشيت بسرعه وهي متعصبه جدااا. خالد: هههههههههههه هههههههههههه وصك ع اسنانه وبص ل مي. بنت منى يامي؟ ماااشي يامي.فتون: بزعل. سليم ع فكره كدا غلط وتصرف خالد مش حلو خالص. سليم: مش عارف يمثل الجديه وهز راسه عندك حق انا هتصرف معاه. وراح قدام باب المكتب. وكاتم الضحكه وقال ع فكره عيب ههههههههههه الله يخربيت فقرك. ايه الل انت عملته ده. وبص ل فتون والله ماقادر هههههههههههه هههههههههههه فتون: غصب عنها ضحكت… خالد: ههههههههه مش قادر تكمل انا عارف. اضحكو ياولاد الكئيبه. اضحكو وبعدين انا مالى انا خبطت فيها بالغلط.مي: شهقت بصوت عالى مستر خالد انت بتكدب؟ انت قايل والله لاغرقها بنت منى. سليم: هههههههه… خالد: صك ع اسنانه بغيظ سليم انت متمسك ب مي ليه؟ انقلها الارشيف. مي: عيونها لمعت بدموع. سليم: نعم؟ انا انقلك انت الارشيف واطلعك بره الشركه دى خالص. مي دى من انقى البنات البريئه. ومتعلمهاش الكدب ها؟ ومالكش دعوه بيها فاهم؟ مي: ضحكت بفرحه ميرسي لحضرتك يا مستر سليم.خالد: بيقلدها ميرسي مستر سليم. ايه ده؟ اسمعوا كدا؟ صوت كلاب صح؟ فتون: جريت ع الشباك. وحطت أيدها ع بوقها. وقالت سليييييم الحق الكلاب بتجري ورا رهف؟ سليم: دخل بسرعه وبص من الشباك. وشاف رهف بتجرى ع الرصيف والكلاب بتجرى وراها ومقدرش يمسك نفسه. وضحك من قلبه. خالد: ف الشباك التانى. هههههه قولتلك خلى بالك. ايه داااااا هتقع. هتقع. اوووووبس وقعت. يلا محدش بياكلها بالساهل.وراح قعد ع الكنبه. وقال جايه تقولك ندمانه ياسولي ههههههه. سليم: بص ع فتون. وشافها مخنوقه. تعالى ومسك أيدها. وقعد ع الكنبه قصاد خالد. وفتون قعدت جنبه. وقال. ما انت عارف ياخالد طبعها. اكيد لما عرفت انى رجعت فتحت من تانى. قالت فرصه بقى. المهم سيبك من كل ده. انت جهزت ملف الصفقه.خالد: قام وقف. ايوه كله جاهز. انا بحاول انجز ف كل حاجه عشان انزل احجز تذاكر السفر ع لندن لشهر العسل. يلا اطير انا بقى عشان العميل ع وصول سلام. سليم: مع السلامه. خالد: خرج ولف تانى وقال فتون. مش رهف الل تحطيها ف دماغك دي بت لسعه ومتنكديش ع الواد سليم اشطا. فتون: ابتسمت بتمثيل وهزت راسها. خالد: خرج وقفل الباب. ومي طلبت عمال النظافه. ينضفو المكان. فتون: قاعده ساكته. ومخنوقه.سليم: مسك ايدها. ايه بقي هتفضلى ساكته كدا؟ فتون: … سليم: ابتسم ع غيرتها. وقال تعرفى لما بتكشرى بتبقى قمر. فتون: كشرت عينيها بغيظ وسكتت. سليم: ولما بتضحكى بتبقى قمرين. خلاص بقى. فتون: صكت ع أسنانها بغيظ وقالت اممم خلاص يا، ياسولي. سليم: رفع حاجبه. وقال ايه؟ قولتى ايه؟ فتون: بغيره. ايه بتضايق انت من سولى صح إنما من رهف ليها طعم تانى. وبتقلدها. سولي. بت مايصه.سليم: تؤ انا عايز اسمعها منك انتى وبس. قوليها تانى. فتون: اتوترت. احم خلاص. سليم: هز راسه لأ قوليها انا بجد عايز اسمعها منك انتى. فتون: وشها احمر. وقالت بصوت مبحوح سولي. سليم: حط ايدو ع قلبه اااه طيب هتصدقينى انى اول مره الكلمه دى تدخل ع قلبى ع طول. فتون: بلعت ريقها بتوتر احم… سليم: باس أيدها. والله ياتونا انا كنت فعلا بضايق جدا من اى حد يقولى سولى.لكن دلوقتي انا عايزك ع طول تقولى سولي قولى الل انتى عايزاه بس بينى وبينك. فتون: غمضت عينيها بحرج كبير وهزت راسها وسكتت. سليم: همس ف ودنها ها هتدلعي حبيبك ع طول؟ فتون: قلبها بيدق وهزت راسها احم امم. سليم: امم طيب هتقولى ايه بقى سمعينى كدا؟ فتون: بصوت مبحوح. سيمو. وسولي. سليم: بإعجاب كبير. اممم سيمو. انا بقيت سيمو ياجدعاان.ماشي كل حاجه منك جميله. وحط ايدو ع خدها وقال تونا كلها اسبوع وتبقى ف حضنى. 7 تيام وبس… وبعد 7 ايام كمان. ف شركة بدر الدين. شريف: بيقفل الملفات بسرعه. داليا: خبطت ودخلت. صباح الخير مستر شريف. شريف: رفع عينيه وابتسم اهلا. داليا حمدالله ع السلامه. رجعتى امتى؟ داليا: من يومين حضرتك يافندم وجيت انهردا عشان اعرف اقدر استلم الشغل من امتى. شريف: باستعجال. وقت ماتحبى من بكره لو عايزه.داليا: باستغراب. اوكي ميرسي لحضرتك. لكن حضرتك مستعجل ليه ف حاجه اقدر اساعدك فيها؟ شريف: لا متشكر جدا. بس انا فعلا مستعجل. فرح سليم انهردا. وجيت اخلص عقد مهم ونازل تانى. لازم اكون معاه من الصبح. داليا: الف مبروك. وعقبال حضرتك. وضغطت ع شفايفها ولعنت نفسها. شريف: ههههه دعواتك انتى بس. يلا انا مضطر امشي. وانتى ارجعي مكتبك وقت ماتحبى. سلام. وخرج بسرعه.داليا: كشرت عينيها باستغراب. هو ده مستر شريف؟ ولا حد شبهه؟ ف الحاره. عند فتون. فتون: بتلبس بسرعه. وبتكلم نفسها. اتأخرت ع السنتر انا لازم اسمع كلمتين من سليم كل مره. واكيد وصل دلوقتي تحت البيت ومتنرفز. فاطمه: دخلت عليها وبتعيط. خلاص ياتونا هتتجوزى ياضنايا وتبعدى عنى. فتون: زعلت علشانها. وقربت منها. بطه وبعدين معاكى. ده هو شهر واحد بس الل هبعد عنك فيه.ولما نرجع من لندن. هنعيش كلنا مع بعض. وانتى من انهردا هتعيشي ف الفيلا مع ماما فريده وكمان طنط نجوى واولادها هيقضو معاكو إجازة الترم. وكلها اسبوع وتروحي تعملى عمره انتى وماما فريده. ارجوكي مش عايزه اشوف دموعك دي. عشان خاطرى. ولا اقول ل سليم يأجل الفرح؟ فاطمه: برفض لأ يانور عيني تأجلى ايه؟ ده اليوم الل عشت عمرى كله احلم بيه.ودي دموع الفرح ياقلب أمك. ربنا يابنتى يسعدك ويوفقك ف حياتك ويجعل السعاده ملحفاكى ف كل وقت قادر ياكريم. وسليم الهي ربنا يبارك ف عمره ويرزقه السعاده. ماتعرفيش يابنتى اول ما قال يابطه انتى هتطلعى عمره. انا قلبى ده كان بيزغرط من الفرحه ربنا يجبر بخاطره وينوله الل ف باله ويسعدكو ياحبايبى يارب. فتون: حضنتها اووى حبيبتى يابطه ربنا يخليكي ليا يارب ويباركلى فيكى. واهم حاجه عايزاكى تدعيلى قدام الكعبه.فاطمه: من عينيه ياقلب أمك. فتون: فونها رن وقالت ده سليم. يلا ياماما ننزل بسرعه علشان سليم مايزعقش. فاطمه: سليم بيزعق؟ ده نسمه وبعدين مش هيزعلك يوم فرحك. يلا يانور عيني انا هدخل البس الطرحه. سليم: طلع ورن الجرس. وفتون فتحت. سليم: ابتسم وغمز صباح الورد. فتون: بحرج. احم صباح الخير يا سليم. انا كنت نازله حالا انا وبطه. سليم: بصراحه انا مقدرتش اصبر ماشوفكيش اكتر من كده.فتون: ضغطت ع شفايفها بحرج. احم انت هتوصلنى الاول ع سنتر التجميل وبعدها توصل ماما مش كدا؟ سليم: تؤ. مفيش سنتر تجميل. فتون: بدهشه ايه؟ ليه انا مش فاهمه حاجه؟ سليم: هتفهمى بعدين. يلا بينا. ونزلو وركبوا العربيه. فيلا بدر الدين. شريف دخل بسرعه مساء الخير يا ماما. فريده: مساء الخير ياحبيبى حمدالله ع سلامتك اله انت متأخرتش ف الشركه؟ شريف: ايوه ياحبيبتى انا خلصت بسرعه وجيت عشان اظبط مع سليم كل حاجه. هو فين؟فريده: بسعاده كبيره ربنا مايحرمكوش من بعض. سليم راح يجيب فتون وزمانه ع وصول. اطلع انت خد شاور. انا مجهزالك لبسك كله ف اوضتك. شريف: هز راسه بحب تمام متشكر جدا. ولو احتاجتي لأى حاجه بلغينى فورا. بعد اذنك فريده: اذنك معاك ياحبيبي. وطلع. سليم: وصل ودخل الفيلا وفريده رحبت ب فاطمه وفتون واخدت فاطمه وطلعو فوق لنجوى. فتون: بعدم فهم سليم انا بجد مش فاهمه حاجه.سليم: طلع شريط ستان وربط عينيها هششش اسكتى شويه. وتعالى معايا. فتون: ضحكت وحطت أيدها ع الشريط الل ع عينيها. وطالعه معاه ع السلم. سليم: محاوطها من وسطها وطالع بيها فوق. ووصل للاوضه. ودخل وقال تعالى ع مهلك ووقفو ف نص الاوضه بس اقفى هنا. فتون: سمعت صوت بهمس ومش فاهمه حاجه. سليم: فك الشريط. فتحي عينيكى.فتون: فتحت عينيها بدهشه. وشافت بنات كتير وبيجهزو ميكب وحجات كتير. وفستان الفرح متعلق ع المانيكان وكان خرافه. وبصت ل سليم بزهول وهزت راسها بعدم فهم. سليم: ابتسم. حبيبتى انا جبيتلك ميكب ارتست متخصصين لحد عندك. وع فكره يدوبك تجهزى اوكي. فتون: شهقت بسعاده وحطت أيدها ع بوقها وضحكت بدموع الفرح وقالت سليم كل ده علشانى انا؟سليم: اسمها سليم انت مستعد تعمل ايه علشانى؟ اممم يلا ياروحي عشان البنات متنحين انا هروح البس. وبعتلها بوسه ع الهوا بحبك وغمز. وبص للبنات. مش عايز ميكب اوفر هي مش محتاجه تمام. وخرج. فتون: قلبها هيطلع من مكانه وعشقها ل سليم بيزيد الضعف ف كل ثانيه. البنت: جت اتفضلى ياهانم. فتون: انتبهت وهزت راسها وراحت معاهم. وكانو حواليها زى الواصيفات واهتمو بيها جدا…سليم: ف الاوضه ومبسوط والقطه بتلف حوالين رجليه وبتخربش ف رجله. سليم: هههههههه مالك ياتونه واضح جدا انك متضايقه. تعالى. وشالها. القطه: عملت صوت كتير كأنها زعلانه. سليم: بتقولى ايه؟ فتون اخدتنى منك؟ لأ طبعا انتى تونه قطتى الجميله وصحبتى. القطه: حركت راسها ف حضنه. سليم: ههههههههه. لأ لازم تحبى فتون. عشان هي عيون سليم. ماينفعش تغيرى منها. اوكي. ومسد ع ضهرها. اهدى ياتونه وروحى ل عزيزه تأكلك يلا.القطه: عملت صوت. ونزلت تجرى ع بره بسرعه. سليم: بدهشه. تونه غيرانه وزعلانه بجد. وضحك. وهرش ف قفاه. بتكلم نفسك ياسليم؟ انت شكلك اتجننت رسمي. ههههه فتون طيرت عقلى. وراح اخد الفون من ع الكمود. واتصل ع خالد. خالد: الوو صحبى يصحبى ههههه سليم: هههه ايه ياعريس فينك يسطى اتأخرت ليه؟ خالد: انا داخل عليك اهو. ها كل حاجه جاهزه؟ سليم: كله تمام. بس انت تعالى بسرعه علشان حنين تلحق تجهز مع فتون متعطلناش.خالد: ماشي يانجم انا داخل من البوابه اهو يلا سلام وقفل. حنين: حبيبى انا بجد مش مصدقه يعنى هعمل الميكب هنا ومع فتون كمان؟ خالد: والله ياحبيبتي دى فكرة سليم. وخلانى ألغى حجز السنتر بتاعك. وقال إن كدا افضل وبراحتكم. وانا بصراحه اقتنعت جدا. يعنى تلبسو وتجهزو. ونطلع من هنا ع السشين والقاعه. بزمتك مش فكره حلوه. تبقى بتلبسي ف الاوضه الل جمبى وغمز. حنين: وشها اتحول لجمرة نار. واتوترت.خالد: باس ع أيدها. ابوس ايد امك مش وقت كسوف انهارده. انا عايز افرح اشطا؟ حنين: غمضت عينيها بتوتر وهزت راسها. احم حاضر. خالد: نزل. وشال الفستان والشنط. تعالى يقلبى يلا. ودخلو الفيلا. وطلعو فوق وماشيين ف الطرقه. سليم: فتح الباب تعالى هنا رايح. فتون جوه خالد: ياعم أنجز الفستان تقيل جدا. انا مش عارف مهربين فيه ايه؟ وبص ل حنين ايه يانونا انتى هتلبسي كل ده؟ حنين: هههه الجيبونه هتساعد انى محسش بكل التقل ده.سليم: قال ل خالد ارجع ورا كدا. وخبط ع الباب. البنت: فتحت افندم. سليم: اتفضلى ياحنين ادخلى. واخد الفستان والحاجه وسلمها للبنت. خالد: طيب استنى اقول لحنين حاجه… سليم: قفل الباب تبقى قولها بعدين محبكتش ويلا قدامى عشان نلبس اتفضل. واتحركو. حنين: دخلت متوتره وشافت فتون وفرحت وراحت سلمت عليها تونا حبيبتى، وحضنو بعض. فتون: نونا اتاخرتى ليه؟ حنين: خالد قالى ع المفاجاه دى انهردا. بجد انا مبسوطه اوووى.البنت: جت اتفضلى ياهانم عشان ابدء مع حضرتك. حنين: انتبهت. وهزت راسها. وراحت قعدت جنب فتون. والبنات بدؤ يهتمو بيهم. بعد شويه. خالد: لبس البدله. وكان زي القمر. لكن متغاظ من بردو سليم انت يبنى لسه ملبستش وده وقت قهوه ده؟ سليم: قاعد ع طرف السرير بيقرأ ف الجرنال و بيشرب قهوه. وقال لسه ساعه. متقلقش. المهم انت ظبط العربيه بتاعتى؟ خالد: اه ياخويا. اللاموزين. مش عارف انت ليه مقولتش ل فتون.سليم: تؤ خليها مفاجأة. كل حاجه ف وقتها حلو. شريف: خبط ودخل مساء الخير ياعرسان. سليم: مساء الخير. خالد: مساء الفل يا برنس. وعقبالك كدا لما تحصلنا. ولا انت ناوى ع ايه يسطى؟ شريف: بتنهيده. كل واحد مكتوبله حاجه هيشوفها. واكيد لسه مأنش الأوان. وبص ل سليم. وقال ممكن اساعدك ف اللبس ولا لسه مجتش الفرصه إن يكون ف ربع الثقه بينا حتي. سليم: ، مردش خالد: زعل ع شريف.شريف: فهم واتنهد بزعل حقيقي وهز راسه تمام. أنا آسف بعد اذنكم. وخارج. سليم: انا مستنيك من زمان ع فكره… شريف: وقف مكانه بدهشه وقلبه دق ولف ل سليم بسرعه وفتح عينيه بعدم تصديق. ا. انت قولت ايه؟ سليم: غمض عينيه واتنهد بتعب. وقام وقف. وقال أنا مستنيك من زمان جدا يا، ياخويا. شريف: ضحك بدموع وبص ل خالد وسليم واتحرك بسرعه واخد سليم ف حضنه بحب كبير ودموعه نازله.سليم: من جواه مش قادر يثق فيه رغم أنه شايف شريف اتغير كليا. ولكن فكر أنه يديله فرصه. وانهردا فرحه، ورفع ايديه وحضن شريف… خالد: ابتسم بوجع. وافتكر ابوه. واخد نفس عميق وبص ف المرايا بتمثيل السعاده. واتفاجئ. بشريف وسليم قربو منه. سليم: ابتسم مش معنى ان الشرقاوي مش موجود. تلغي وجود اخواتك ولا ايه؟ خالد: عيونه لمعت بدموع وضحك وهز راسه فعلا انتو احسن من اخواتى. سليم وشريف. واخدو خالد ف حضنهم بحب كبير.سليم: مسك وش خالد بأيديه. تعرف ياخالد ف مجموعه من الاصدقاء بنتمنى نضيف اسمهم للعيله. اوعا ف يوم تفكر انك لوحدك. لأ انت هتفضل لازق لحياتى ع طول انت فاهم؟ خالد: ضحك بسعاده كبيره. وانت ونعم الاخ ياسليم. ولولاك انا كان زمانى منتهى من زمان. ربنا يخليك ليا يصحبى. بعد شويه.شريف: ساعد سليم ف لبس البدله. ولبسه الساعه والدبوس. ورشله برفان. وساعد خالد. وشريف حس ف الوقت ده أنه ابوهم ومسؤولين منه. وحمد ربنا ف قلبه أنه نور بصيرته وفاق من الغفله. وشاف قد ايه ف فرق بين الشخصيتين… فتون: وحنين دخلو يلبسو الفساتين وعملو الميكب وكل واحده ف مكان بعيد شويه.حنين: لبست الفستان والحجاب والطرحه والتاج. وكانت جميله جدا وجمالها غير عادي. واتحركت بسعاده ورايحه لفتون. ووقفت مكانها لما شافت فتون بالفستان وكانت ملكه جمال بجد. وقالت بسم الله ماشاء الله عليكي يافتون قمرر الله اكبر. فتون: لابسه فستان بالحجاب والطرحه طويله جدا وتاج ملكي تحفه. وكان جمالها يخطف القلوب فعلا. وابتمست بسعاده وقالت تسلمي ياحنين. وانتى اللهم بارك قمر بجد تشبهى سندريلا ف جمالها.حنين: قلبى انتى والله. انتى شوفتى نفسك ف المرايا؟ انتى يابنتى خطفتى قلبى بجد. فتون: بصراحه خايفه ابص ف المرايا. حنين: قربت منها. ووقفت جمبها وقالت بصي عليا انا وانتى. تحسي من حبنا لبعض بقينا شبه بعض. فتون: رفعت عينيها وبصت ف المرايا. وضحكت بسعاده وقالت ماشاء الله. انا وانتى حلوين اوى ياحنين. البنت من وراهم. ماشاء الله انتو مش حلوين وبس. انتو ملكات جمال بجد. الف مبروك ياهوانم.فتون وحنين الله يبارك فيكي. وواقفين متوترين. الباب خبط. وكان خالد. فتون وحنين بصو لبعض. وحنين مسكت ايد فتون وقالت بتوتر انا خايفه يافتون. فتون: من جواها مرعوبه لكن قالت من خالد؟ تبقى عبيطه. ومتخافيش وعيشي الفرحه وسبيها تمشي زي ما ربنا كاتب تمام ودخلت ورا السِتار وبتتفرج ع حنين وخالد ومتوتره. خالد: دخل وشاف حنين ووقف مكانه وقلبه دق بحب كبير. وهمس حنين؟ حنين: نزلت وشها ف الارض ووشها احمر جدا.خالد: قرب منها واول مره يتوتر كدا. وقال اتفضلى وقدم ليها بوكيه الورد. حنين: برعشه مسكت الورد. وساكته… خالد: قرب اكتر ومسك ايديها وباس جبينها بحب كبير. وهمس جننتى قلبى بجمالك يابنت الايه؟ حنين: بلعت ريقها بتوتر، وهزت راسها ومحرجه. خالد: الف مبروك ياحبيبتى. مالك مكسوفه ليه؟ احنا مش قولنا نعيش اللحظه. وقال بجنون بحبك يانوناااا وشالها ولف بيها كتير وقال بحبك. بحبك بحبااااك.سليم وشريف واقفين بره بيضحكو عليه. البنات: بتصور وواقفين يضحكو وسقفو ومبسوطين. فتون: قلبها بيدق بسرعه كبيره. وخايفه. لما سليم يشوفها. حنين: بتترجف وحضنت خالد وضحكت بسعاده. بس يامجنون نزلنى بقى. خالد: ابدا مش هنزلك غير لما تقولى بحبك وبصوت عالي. حنين: ههههه وقالت بحبك ياخااالد. بحبااااك. هههههه نزلنى بقى. خالد: نزلها وباس أيدها. واخدها وخرج. وغمز ل سليم. وقاله دورك ياكبير. سليم: قلبه دق. ودخل يدور عليها.البنت. طلعت فتون وواقفه وضهرها ل سليم. سليم: شافها من ضهرها. وقرب وواقف وراها وهمس فتون. فتون: متوتره ومش راضيه تلف وواقفه تفرك ف ايديها. سليم: ابتسم بحب ولف ليها. وفتح عينيه بانبهار. بسم الله ماشاء الله. وقرب منها وباس جبينها. وهمس فاتنتى قلبى وعقلى. فتون: شافت سليم ف البدله وخطف قلبها. وعشقته اكتر من الاول. وبتنهج بسيط ومتوتره وقلبها بيدق بسرعه كبيره. سليم: همس ف ودنها الف مبروك عليا انتى.فتون: غمضت عينيها بتوتر واخدت نفس عميق. وقالت بصوت مبحوح الله يبارك فيك. سليم: طيب انا ازاى اخليكى تطلعى بره البيت وانتى بالجمال ده. وحرام عليكى وشك احمر جدا يعنى جمالك بقى مدمر لأي كائن. فتون: نزلت وشها ف الارض بحرج كبير. سليم: مسك ايدها وباسها. انا عايزك تهدى خاالص. اوكي. انا سليم حبيبك ملاكك الحارس. فتون: بلعت ريقها وهزت راسها حاضر.سليم: اخد بوكيه ورد جميل جدا وقدمه ليها. ومسك أيدها وحطها ف دراعه واخدها ونزلو. فريده وفاطمه ونجوى ونجلاء. جاهزين ومنتظرين تحت. وشافو خالد وحنين نازلين وعزيزه زغرطت بفرحه كبيره. نجلاء: قلبها دق وضحكت بدموع وعيطت عشان بنتها هتتجوز خلاص. حنين: سلمت ع نجلاء وكانت هتعيط. ولكن خالد انقذ الموقف وضحك الكل. الكل بارك لخالد وحنين. ورفعو عيونهم لفوق وشافو الحارس والفاتنه. نازلين وكانو مميزين جدا.فاطمه طبعا عيطت. وفتون حاولت تمسك نفسها بالعافيه. وسليم ضم فاطمه لقلبه وطمنها إن فتون أمانه ف رقبته. وفريده: عيطت وحضنت فتون بحب كبير. وكمان سليم طمنها وباس ع راسها. وبعد كدا. سليم مسك ايد فتون وخارجين من الفيلا وشاور ليها ع العربيه. لكن فتون شهقت بفرحه وتنحت. عربيه اللهم بارك. ومكانتش مصدقه ابدا انها ف يوم من الايام تركب لاموزين.سليم: فرح لفرحتها. وفتح ليها الباب لفوق. وركبت وكأنه موكب كبير. وركب جمبها. وشريف الل ساق. حنين: واقفه واستغربت عربية خالد مش متزينه. وزعلت جدا. خالد: ابتسم بمكر. وطلع عربيه جديده فخمه جدا من الجراش وكانت متزينه بطريقه جميله. وقال ل حنين الل واقفه متنحه من جمال العربيه ع فكره دى من انهردا العربيه بتاعتك. حنين: فتحت بوقها ببلاها.خالد: ههههههههه انا اشترتها ليكى من اسبوع. وقولت اخدك بيها لفه ف الفرح ههههه يلا اركبى جمبى تعالى. وحنين: فرحت جدا. وركبت وخالد جمبها. وأخوها احمد الل ساق. فتون: قاعده ومبهوره من جمال العربيه من الداخل. سليم: شبك كف أيدها ف ايدو. ورفع ايدو وباس ع أيدها. مبروك يافاتنتي. فتون: قلبها دق. الله يبارك فيك ياحبيبى. سليم بجد انا مبسوطه اوى.سليم: وده الل انا عايزه. انى اشوفك مبسوطه ومن هنا ورايح مفيش غير السعاده وبس. فتون: بغرام. انا بحبك اوى ياسليم. سليم: وانا بعشقك ياقلب سليم. وبعدها طلعوا كلهم ع السيشن. واتصورو صور جميله جدا. سليم وفتون كل صورهم رومانسيه وجميله. خالد: وحنين ميكس رومانسي ومجنون. سليم اتصور مع شريف. وبعدها خالد. وبعدها كل العيله اتصورت مع بعض.وفتون وحنين اتصورو مع بعض. وكان سيشن مميز. وفتون اخيرااا داقت طعم السعاده الحقيقيه. وبعد الصور. اتحركو ع قاعة الأفراح. وكانت مليانه بالمعازيم. اهل الحاره. ورجال الأعمال. ومهاب الوكيل. والمقدم احمد. وكمان سليم عزم الرائد كريم. بدء المييوزك بشتغل. والأهل والمعارف يباركو ويهنو بفرحه كبيره. خالد قام وقف ورقص مع حنين وكان مهيبر. سليم قاعد وماسك أيد فتون. ومبسوط جدا. وبيضحكو ع خالد وحنين.فتون التوتر الل عندها اختفى وضحكتها منوره وشها. وسليم قلبه بيدق سعاده خلاص تونه هتبقى ملكه للأبد. وبعد فتره كبيره. ميوزك رومانسي اشتغل. خالد: وحنين بيرقصو سلو سليم: اخد فتون وبيرقصو والضحكه مش مفرهاقم. وسرحو الاتنين ف عيون بعض مع كلمات الاغنيه.وكانت أغنية حلم السنين كريم محسن: من قد ايه مستنى يجى اليوم واشوف ايدك في ايدى واخدك في حضنى وانسى بيك الدنيا دى انا من انهارده كل ليك ولا يوم هاكون عنك بعيد هابدأ معاك عمرى الجديد اللى انت فيه حلم السنين شايفه بعنيا معاك هاعيش من اللحظة ديا اللى فات ولا يسوى ثانيه بين ايديك الدنيا دى مش سايعه قلبى بفرحته ان انت جنبى مافيش كلام يوصفلك اللى بحس بي، في حاجات كتير جنبك حاسسها انا كنت قبلك مش عارفها ياريتنى كنت قابلتك انت من زمان فرحة عنيك بالدنيا عندى ضحكتك لمست قلبى من حضنك انت بس حسيت بالامان حلم السنين شايفو بعنيا معاك هاعيش من اللحظة ديا اللى فات ولا يسوى ثانيه بين ايديك الدنيا دى مش سايعه قلبى بفرحته ان انت جنبى مافيش كلام يوصفلك اللى بحس حلم السنين…الرقصه خلصت والكل سقف بحفاوه. سليم: مره واحده شال فتون ولف بيها كتير كتير اوى. فتون: حضنته وضحكت بسعاده كبيره. سليم: بحبك يافتوووون بحباااااااك. ونزلها واخدها ف حضنه تهدا. فتون: بتضحك وضمته بحب كبير وهمست بعشقك ياسليم… وبعدها قطعو التورته. خالد: ماسك ايد حنين تعالى اقعدى ياحبيبتى. حنين: بتقعد ورفعت عينيها. واندهشت وقالت شذى؟ خالد مش إلل هناك دي وجايه تجري شذى اختك.؟خالد: بيلف وكشر عينيه بعدم فهم. ايوه هي. شذى: بتجري أبيه خالد. أبيه خالد. خالد: ضحك بفرحه وفتح ايديه وحضنها بسعاده ولف بيها. شذى روح قلب أبيه انتى. شذى: ضمته بفرحه كبيره جدا أبيه وحشتنى اوى يا أبيه. انت عريس قمور اوى. خالد: ههههه وانتى قمرين. بس قوليلى ياشذى انتى جايه مع مين؟شذى: جايه انا وشادى مع السواق. سمعت بابي بيقول ل مامي ع عنوان القاعه. قولت ل شادي. واتفقنا اننا نقول ل مامي خارجين. وجينا ع هنا. انا زعلانه منك ياابيه. خالد: اتنهد. معلش حبيبتى غصب عني. بس تعرفي انا فرحت جدا بجد انك فكرتى ف أبيه حبيبك. شذى: باسته ف خدو مبروك ياابيه. خالد: الله يبارك فيكي ياروحي. شذى: دي عروستك؟ حلوه اوي اوي. خالد: تعالى سلمي عليها.شذى: اوكي. وراحت سلمت عليها وقالت ابله حنين انتى جميله اوي. حنين: ابتسمت بحب. ميرسي ياشذى. بجد انا مبسوطه اوى انى شوفتك انهردا. توعدينى انك تيجى عندنا ع طول. اعتبرينى اختك الكبيره ايه رايك؟ شذى: بتفكير اممم اوكي انا حبيتك اوي. انا ع طول كل اجازه هقضيه معاكي انتى وأبيه اوكي؟ حنين: ههههه وانا منتظراكى من دلوقتي. شذى: بصت ل خالد. كيوت اوى عروستك يا أبيه. بس انا كنت عايزه اتجوزك انت.خالد: هههههههه لا ياحبيبتي ماينفعش. شذى: اوكي لما اكبر اكتر هتجوزك. خالد: تعالى بقى هاتى حضن كبير لاخوكي حبيبك. وضمها لقلبه. انا اخوكي ماينفعش الاخ يتجوز أخته عشان حرام. فهمانى ياشذى. شذى: اوكي فهمت يا أبيه. خالد: تعالى بقى سلمي ع عمو سليم. من كتر كلامي عليكى وهو نفسه يشوفك من زمان. شذى: مسكت ايدو. وراحوا عند سليم. خالد: سليم. اقدملك شذى. سليم: بدهشه والله. اهلا اهلا بعروستنا القمر اذيك ياشذى.شذى: اهلا ميرسي اوى يا أبيه سليم. عروستك دي. فتون: ضحكت. سليم: اممم دي عروستى. شذى: انتى حلوه اوي. تشبيهي ال Princess كيوت اوى. كلهم ضحكو. فتون: ميرسي اوى ياشذى. كلك ذوق. سليم: انا مبسوط انى شوفتك بجد ياشذى. وخالد ديما يكلمنى عنك. خليكى جدعه بقى وكلميه ديما اوكي ياقمر. شذى: هزت راسها اوكي. حضرتك سوكيوت اوى. سليم: ههههههه. وانتى كمان. خالد: أخدها وراح يسلم ع شادى اخوه.فتون: رفعت حاجبها وقالت جواها ده احنا مكناش عيال ع كدا. سليم: ههههههههههه. وقرب منها دي صغيره ياروحي. فتون: بتريقه اممم سوكيوت اوى ياابيه سولي. سليم: اممم الله سولى. احلا سولى دي ولا ايه. وقام وقف. ومد ايدو يلا ياروحي. فتون: بلعت ريقها بتوتر. يلا ايه؟ سليم: الفرح خلص. وصفر وقال ع بيتنا يا فاتنة قلبى. فتون: برجفه. هنروح الفيلا.؟ سليم: هز راسه تؤ تؤ فتون: بخوف طيب هنروح فين؟سليم: هشش مفجأه. هنروح ع عشنا الخاص بعد شويه. قدام القاعه فتون وفاطمه سلمو ع بعض. وفاطمه دعت لبنتها بالسعاده. سليم: سلم ع الكل. وفريده وشريف. وودعهم. وشريف هيروح ع شقته. وطاهر هيوصل فريده ونجوى وفاطمه. واولاد نجوى كلهم هيروحو الفيلا مع فريده. خالد وحنين ودعو الكل وركبوا العربيه. واخد حنين وطار ع عشهم. سليم: اخد عربيته الخاصه. واخد فتون جمبه. وساق واتحرك ع عشه الخاص. بعد شويه.خالد. فتح باب الشقه. وماسك ايد حنين. ودخل الشقه. اتفضلى ياعروسه. حنين: دخلت بتوتر ومكسوفه جدا. خالد: قفل الباب. وحط الفون والمفاتيح. وقرب منها بحب كبير. حنين: بلعت ريقها بصعوبه. وقلبها بيدق بسرعه كبيره. خالد: حس بيها. وابتسم بحب. ومسك ايديها مبروك ياحنيني. مبروك عليا السعاده. حنين: بتلعثم. ا. الله يبارك فيك. خالد: هشش اهدى انا مش عايزك تخافى كدا. انا عمرى ما فكر اعمل حاجه وانتى مش موافقه عليها.حنين: اتوترت وسحبت أيدها. وبتفرك ف ايديها. خالد: احم. تعالى معايا. ومسك ايدها. واخدها ع اوضة النوم. حنين: قلبها هيطلع من وعيونها لمعت بدموع. خالد: حنين انا مش عايزك خايفه كدا. ف ايه بقى. وبعدين اعتبرينا يستى لسه مخطوبين.وانا معاكي للآخر لحد ما تاخدي عليا برحتك. بس بجد مش عايز اشوف التوتر الل انتى فيه ده. ومسد ع حجابها. وقرب منها وضمها لقلبه. ومسد ع ضهرها. هشش بس انتى ف حضن خالد حبيبك. الل بيخاف عليكى اكتر من نفسه. وغمض عينيه واتنهد باشتياق كبير. ونفسه يقرب منها لكن عمرو ما يفكر يخوفها منه ابدا. حنين: اخدت نفس عميق واتنهدت بأريحيه. وهديت شويه. ورفعت أيديها وحضنت خالد بحب كبير.خالد: خرجها من حضنه. وباس جبينها بحب كبير. احسن دلوقتي؟ حنين: ابتسمت بتوتر امم. شكرا. خالد: ههه عفوا ياقلبى. ممكن بقى افكلك الطرحه. وتدخلى تتوضي ونصلى. وانا هجهز العشا تمام. حنين: بصوت مبحوح. حاضر بس انا مش جعانه. خالد: مين ده الل بيتكلم. ههههههه. لا لأ يانونا انتى اتغيرتي. حنين: ضحكت بصمت.خالد: فك ليها الطرحه وقلبه بيدق. وفك ليها الحجاب. وشاف شعرها الأسود الل بيلمع لاول مره. وقلبه دق بعشق اكبر وقال ماشاء الله ياحنين شعرك يجنن عليكى. يخربيت حلاوتك. حنين: وشها جاب الوان. ومسكت الفستان بايديها. بكسوف. خالد: رجع خصلة شعر ورا ودنها. وقال بهمس بحبك اوى ياحنيني. حنين: بلعت ريقها بتوتر. احم ا. انا هروح اتوضى. واتحركت بصعوبه وحاسه إن رجليها مش شيلاها. ودخلت الحمام.خالد: نفخ اااه البت طلعت قمر. صبرنى يارب. ومسح وشه بايديه. وفتح الدولاب وطلع بنطلون وتيشرت. وراح الحمام الخارجى ياخد شاور ويلبس ويتوضى.حنين: ف الحمام وبصت كتير ف المرايا. ومحرجه جدا. وقالت ايه ياحنين؟ مالك انتى نسيتى كلام نوجا ليكى ولا ايه؟ اهدى كدا. خالد بيحبك وانتى اهو شوفتى معاملته. وبعدين انتى مبتعمليش حاجه حرام. ايوه ده جوزك. وغمضت عينيها بحب خالد جوزى وحبيبي. وكمان مش حارمنى من حاجه. وبيحاول يسعدنى ع قد ما يقدر. اسمعى كلام نوجا وخليكى الزوجه الصالحه. ولازم تقدميله السعاده. واخدت نفس عميق. وبعدها اتشجعت. واخدت شاور. ولبست طقم بعد محاولات منها أنها تلبسه واتوضت. ولبست الاسدال. وخرجت. وبتقاوم احساس التوتر الل جواها.خالد: خبط ودخل. وشايل صنية الاكل. حنون حبيبتى. وحط الاكل ع التربيزه. حنين: احم نعم يا خالد. خالد: قمر بردو بالاسدال. تعالى نصلى ركعتين لله. حافظه الدعاء ههههه. حنين: ضحكت غصب عنها. ايوه حافظاه. خالد: طيب تعالى. وفرش السجاده. وهي وقفت خلفه ع يمينه. وصلى بيها. ودعو ف السجود. وبعد الصلاه. حط ايدو ع جبينها. وقال الدعاء. وساعدها وقامت. وقال تعالى ياحبيبتى اقعدى جمبى هنا ع الكنبه. حنين: قعدت بتوتر.خالد: قرب الاكل. طيب ع الاقل فكى الطرحه. وبعدها بشهر شمرى كم الاسدال. واحده واحده سنه كدا ولا حاجه لحد ما ناخد ع بعض هههههه. حنين: بحرج فكت الطرحه. وشعرها كان مفرود. خالد: بيحارب نفسه. ورجع خصله ورا ودنها. يلا انا ها أكلك. وبدء يأكلها ويهزر معاها شويه عشان يخف توترها. وبعد الاكل. خالد اتغزل فيها وقدر بطريقته يخترق حصونها. وقرب منها وقلبه هيطلع من مكانه وباسها لأول مره باشتياق كبير.وحنين كانت هيغمى عليها لكن بحنية خالد قدر يخترق حصونها. وحنين: تاهت ف عشقها ل خالد وتجاوبت معاه. خالد: اخدها ع مكان جنتهم. وبعد فتره كبيره. تم الحمد لله نقل مليكة حنين الهلالى ل حنين خالد الشرقاوي. خالد: اخد حنين كلها ف حضنه. ومبسوط جدا. انه معاه ونيس ف البيت هتنور حياته وتونس وحدته. وبيضحك بسعاده كبيره ع شكلها وهي مخبيا وشها ف حضنه ومكسوفه. خالد: ضمها بسعاده مبروك ياقمرى.حنين: بحرج كبير مبروك ياحبيبى. خالد: باس جبينها. وباس ع أيدها. عايزه تنامى؟ حنين: ياريت ياخالد. مرهقه جدا. خالد: غمز بخبث. ومالو تعالى ف حضنى. حنين: لسه هتتكلم. ولكن خالد اخدها لجنته. (. ونقولهم مبروك. ) ف مكان تانى. تحت عماره ف مكان فخم جدا. سليم: وصل ونزل من العربيه. وفتح الباب لفتون. اتفضلي ياروحي. فتون: نزلت ومش فاهمه حاجه. وبصت ع العماره وكانت تحفه فنيه. وشهقت مره واحده. لأ سليم نزلنى ارجوك.سليم: شايلها وداخل العماره. تؤ. فتون: بحرج كبير سليم الله يخليك نزلنى. سليم: طالع ع السلم. لأ وبعدين احنا ف الدور التالت يعنى مش بعيد ياعروسه. ولازم تدخلي شقتك وانتى متشاله بين ايديا تمام. فتون: ابتسمت بحب ونزلت عينيها ومكسوفه. سليم: طالع وقلبه بيدق من قُربها منه. ونزلها وفتح الباب. وشالها. ودخلها أوضة النوم وكانت كبيره جدا ونزلها ف نص الاوضه.فتون: رغم توترها. إلا أنها فتحت عينيها بانبهار ماشاء الله تبارك الرحمن. ايه دا ياسليم؟ دي بس الاوضه؟ ولا شقه فاتحها اوضه. سليم: كل تركيزه ع وشها وسرحان ف جمالها. وقرب منها. وباس جبينها. مبروك ياروحي. فتون: اتكسفت ووشها احمر جدا. احم الله يبارك فيك. سليم: تعرفى إنك وحشانى اوى. فتون: فركت ف ايديها بتوتر احم… سليم: هشش ومسك ايديها وباس عليهم. وقال اهدى تمام.بصي بقى الشقه دي. محدش كان يعرف بيها. وشاريها من زمان جدا كانت لسه مش متشطبه. انا بقى واحده واحده صممت فيها كل حاجه ع زوقى انا. واول ما لبستك الخاتم. قولت الشقه دي لفتون وبس. فتون: ابتسمت بحب كبير. انا مش عارفه اقولك ايه بجد. انت عيشتنى ف سعاده وقدمتلى كل حاجه ف يوم وليله. انا مش عايزه حاجه غيرك انت وبس. سليم: فتح ايديه وانا اهو بين ايديكي وشدها لحضنه. فتون: غمضت عينيها ف حضنه وجواها مشاعر متلخبطه.سليم: مسد ع حجابها. تعرفى إنك اجمل بنت ف عينيا. بجد يافتون انا مش شايف غيرك ولا عايز غيرك انتى وبس. انا بعشقك لدرجه انتى لا تتخيليها. فتون: اتنهدت بحب. ورفعت أيدها وحضنته. تعرف ياسليم انا بجد بحس إن ربنا راضي عنى ورزقنى بيك. ربنا يخليك ليا يا حبيبى. انا بجد مش مصدقه نفسي. انا حاسه اني بحلم. سليم: بخبث طيب تعالى نخلى الحلم ده حقيقه. فتون: فتحت عينيها. وخرجت من حضنه بتوتر. احم.سليم: ههههه. ممكن وشاور ع الطرحه. انا هتجنن واشوف شعرك بجد. فتون: غمضت عينيها وهزت راسها ممكن. ولفت ضهرها ليه. سليم: شال التاج. وفك الطرحه. والحجاب. وشعرها اتفرد قدام عينيه لاول مره وحصنه بدء ينهار. فتون: حاطه أيدها ع قلبها ومغمضه عينيها وبتنظم أنفاسها. سليم: عينيه ع شعرها وقال بسم الله ماشاء الله. شعرك لونه يجنن يافتون. بجد حبيت لونه البنى ده جدا انتى تجننى.فتون: مسكت فستانها بايديها وبتعد من واحد ل عشره عشان حاسه انها هيغمى عليها. سليم: لفها ليه. وكانت مغمضه. وشاف وشها بشعرها من غير حجاب. وكانت فاتنه. ورجع خصله شارده ورا ودنها. وقال انتى جميله اوي. وحط أيدو ع خدها. وقرب خطف بوسه رقيقه جدا. هشش انا الملاك الحارس. ومتقلقيش واوعى تخافى منى. انا بحبك واستحاله آآذيكي أبدا. فتون: بتترجف. وغمضت عينيها بتفكير. اهدى يا فتون. اهدى ده جوزك.ده سليم الل بتعشقى التراب الل بيمشي عليه. والمفروض تثبتى حبك ليه. انتى مراته وحلاله. واخدت شهيق وزفير ع فترات. وقالت احم سليم ممكن اروح اتوضي عشان نصلي. سليم: ابتسم بحب. تعالى ياروحي. بصي ده الحمام. وكل حاجه جاهزه جوه. وف إسدال ع الشماعه هنا. وانا هروح اخد شاور ف الحمام الخارجى وبص ل عينيها واتنهد. وباس جبينها. وسابها وخرج بسرعه. لانه بدء يضعف.فتون: نفخت اووف وحطت أيدها ع بوقها. الموضوع صعب جدا. يارب قوينى. واخدت الاسدال. ودخلت الحمام. واخدت شاور. واتوضت. واتصدمت لما شافت الطقم وفتحت عينيها ع الاخر وقالت ينهار ابيض. اييييه داااا؟ لأ لأ انا مستحيل البس حاجه زي دي. ده جنان رسمي. سليم: دخل الأوضه وجاب الاكل. وخبط عليها بتقولى حاجه ياروحي؟ فتون: شهقت سليم؟ وبلعت ريقها بتوتر وقالت اه انا ف الحمام من زمان. اووووف طيب اعمل ايه.سليم: خبط. تونا الساعه 2 انتى كويسه؟ فتون: بتلعثم. ا. ايوه. حاضر ا. انا خارجه حالا اهو. وخبطت ع خدها ياليلتك المهببه يافتون. جه اليوم الل هتلبسي فيه كدا. ونفخت بضيق حقيقي. ولبست الطقم. ووشها كتلة طماطم. ولبست الاسدال بسرعه. وخرجت بتوتر. احم. سليم: لما شاف وشها احمر بالطريقه دي اندهش الاول. لكن بعدها فهم وابتسم وهز راسه. وقال يلا تعالى نصلى.وفرد السجاده وهي وقفت خلفه ع يمينه وصلى بيها ودعو كتير ف السجود. وخلصو صلاه ورفع ايدو ع جبينها وقال الدعاء. وبعدها ساعدها وقعدها ع طرف السرير. فتون: فكت الطرحه. ومن جواها عايزه الارض تتشق وتبلعها من الاحراج. سليم: مالك ياحبيبتى؟ فتون: ها؟ لا ا. ابدا انا كويسه اهو. مالى يعنى؟ سليم: ههههه طيب اهدى وبطلى التوتر الل انتى فيه ده. اعتبرى اننا ف اليخت أو بنتعشي بره. فتون: هزت راسها احم إن شاء الله.سليم: انا جبت الاكل تعالى هاكلك وانتى ف حضنى ونامي شويه ماشي.؟ فتون: بعدم تصديق. بجد هنام ياسليم؟ سليم: رفع حاجبه. وكمل بمكر. طبعا ياروحي. تعالى بس ف حضنى وكلى قبل ما تنامى. انا اصلا مرهق جدا وعايز انام. فتون: نفخت بأريحيه. وقالت جواها الحمدلله. سليم: تعالى وقربها لحضنه. وبدء يا أكلها. وكل دقيقه يبوسها ف خدها برقه ويمهس بغزل. فتون: من همسه ليها جواها اشتاقت ل سليم. وبتكابر واطمنت انها هتنام.سليم: باسها ف خدها. وهمس ف ودنها بحب. تعرفى إنك وحشانى اوى. فتون: قلبها دق. وبتنهج بسيط وغمضت عينيها. سليم: عينيه ع شفايفها. وقرب منها لاول مره باشتياق كبير. وهمس بحبك. فتون: تاهت ف عشق الملاك الحارس وقلبها هيطلع من مكانه. وتجاوبت معاه بكل حب. سليم: قرب منها بحب كبير واشتياق اكبر. وبعد فتره كبيره. الحمدلله تم نقل مليكة فتون مهران. ل فتون سليم بدر الدين.سليم: واخد فتون كلها ف حضنه. وكل ثانيه يبوس جبينها وايدها. وبيتأمل فيها. وقلبه بيدق بسعاده وبيضحك ع كسوفها وخجلها. فتون: مخبيه وشها ف حضنه. وقلبها بيدق بفرحه كبيره. لانها اخيرا بقت ملك سليم وبس. سليم: بيلاعب خصلات شعرها. وقال مبروك ياقلب سليم. فتون: اتنهدت بسعاده. مبروك عليا سليم. سليم: ضمها لقلبه بحب كبير. واتكلمو كتير مع بعض علشان يخف توترها.وفتون: توترها قل كتير. وبدأت تتكلم بأريحيه. وتحكى ل سليم عن مدى سعادتها. وحبها ليه اكتر من اى حد. وحكتله من اول مره شافته فيها ولمسة ايدو لايدها. وقلبها دق ليه هو وبس. وسليم: بيسمعها وبيتأمل تفاصيلها. وبيلاعب خصلات شعرها وهي ف حضنه ومبتسم بسعاده. وبعدها بطريقته الخاصه اخدها تانى لجنته وفتون عشقها زاد اكتر من حنية سليم عليها. ومعاملته ليها بكل حب وتاهت من تانى ف عشق الملاك الحارس.(ونقول الف الف مبروك ياسولي انت وتونا. واخيرا بعد الصبر جبر. ) ونقوووول بعد مرور سنه. شريف: سايق العربيه ورايح الشركه. وفجأه كوتش العربيه فرقع والعربيه انحرفت عن مسارها.رواية أحببت بصيرته للكاتبة مريم نصار الفصل الثاني والأربعون
بعد مرور سنه ونقول نبذه مختصره. سحر: بعد ما قالت ل حسن انها حامل. حست إن حسن فرح جدا وبدء يتغير للأفضل واهتم بيها. وده فرح سحر شويه. وعاشت شهور الحمل مبسوطه إن حسن اتغير للأحسن. وربنا رزقهم ب عبد الرحمن. وحسن كان مبسوط جدا. وبدء يتكلم مع سحر ويشاركها تفاصيل اليوم. واهتم ب ابنه ومراته.فاطمه وفريده. طلعوا العمره مع بعض. وفاطمه دعت لبنتها وسليم بالسعاده وكان قلبها بيبكى من الفرحه لانها شايفه الكعبه المشرفه قدام عينيها. شريف: منضبط جدا ف الشركه. وبعد رجوع فريده من العمره. هو سافر يعتمر. وسجد قدام الكعبه وعيط كتير وجواه ندم كبير. لكن اخيرا داق طعم لذة التوبه وقلبه مستكين وجواه راحه جميله جدا.ورجع مصر بثوبه الجديد وهو خالي من الذنوب. وبدء رحله جديده. وحاول ع قد ما يقدر يرجع ثقة سليم فيه من تانى. وبيتعامل مع الموظفين ف الشركه بحب كبير. وداليا السكرتيره حاليا حامل ف الشهر التاسع وع وشك الولاده. وقدمت ع اجازه. ونزلت اعلان ف الجرنال مطلوب سكرتاريه وموظفين. وانهردا الانترفيو، وشريف خارج من الشقه ورايح ع الشركه.اما خالد وحنين: بعدها بيوم اخد حنين وسافرو ع لندن. وعاشو اجمل شهر عسل. مابين حب وجنون وهيام وغرام. ويخرجو كل يوم مع سليم وفتون. وحنين قلبها كان طاير من السعاده. وواحده واحده اخدت ع خالد. ومبقتش تتحرج منه. وعاشت ف سعاده. وبعد شهر العسل رجعو وكانو نفسهم يفضلو هناك ع طول. وكل يوم خالد يروح ع الشركه ويشتغل بحماس كبير. وسعات كتير ياخد حنين معاه.وف يوم مي خبطت وداخله المكتب ومعاها اوراق: صباح الخير يا مستر خالد صباح الخير يا مدام حنين. خالد: صباح الخير. حنين: بابتسامه صباح الخير يامي. مي: اتفضل حضرتك دى اوراق الصفقة. خالد: هاتي يستى. هو سليم باشا لسه مجاش كالعاده؟ مي: لأ حضرتك. وبصت لحنين الف مبروك حنين: ابتسمت الله يبارك فيكي ياحبيبتى. وعقبالك. يلا بقى هتفرحينا امتى. انتى كاتبه كتابك من زمان. خالد: كح بتوتر.مي: كشرت عينيها بعدم فهم. كاتبه كتابى؟ لأ يافندم انا مخطوبه بس من شهرين. لكن لسه شويه ع كتب الكتاب… حنين: كشرت عينيها بغيظ كبير وبصت ل خالد بشرز. وقالت اممم بقى كدا انتى مخطوبه من شهرين بس. تمام تمام. خالد: مثل انه مركز جدا ف الورق. ومن جواه قال. هي مي دى الل هتخرب بيتى وطلاقى ع ايديها. احم. مي: ابتسمت بعد اذنكم. وخرجت.حنين: بتهز رجليها بنرفزه وبتخبط بضوافرها ع المكتب بغيظ كبير وعينيها ع خالد بشرز. خالد: بلع ريقه بتوتر. وحط الورق وابتسم بتمثيل. حبيبتى القمر عامله ايه؟ حنين: خبطت ع المكتب جامد وقامت. عامله ايه؟ ده انا لسه هعمل ياخالد باشا. وطلعت مبرد الاظافر من الشنطه وراحت لحد عندو. خالد: فتح عينيه ع الاخر بدهشه. ورجع راسه لورا يابنت المجنونه.حنين: من الخلف حاوطت رقبته بايديها وحطت المبرد ع رقبته. بقى تقولى البت مكتوب كتابها. وعملت يومها الشيخ خالد المظلوم وطلعتنى انا الل غلطانه وحسستنى بالذنب؟ ده انا هعمل منك كفته. دا انا هخليك تقول حقى برقبتى. بتكدب عليا ياخالد.؟ خالد: مثل الخوف. وبلع ريقه بتوتر. انا مين ده. انا مش فاكر حاجه زي كده ابدا.حنين: صكت ع أسنانها بغيظ. ولسه هتتكلم. خالد شدها لحضنه وقعدها ع رجله. يابت انسى بقى. وبعدين انا بحبك انتى انا مالي بقى مي وغيرها تكتب كتاب ولا تكتب اجنده. هاتى بوسه. وباسها بمكر عشان تتوتر وتنسى. وفعلا حنين اتوترت واتكسفت لأنهم ف المكتب. وبعدها بكام يوم. خالد وحنين وسليم وفتون سافرو يعتمرو كلهم مع بعض.وبعدها بكام شهر. حنين ف المطبخ بتعمل اكل وف انتظار خالد. وحست بدوخه ومش طايقه ريحة الاكل وجريت ع الحمام بسرعه. وخرجت تعبانه والدوخه زادت اوى. خالد: راجع من الشغل وبينده عليها. ودخل الاوضه وابتسم ليها لكن ضحكته اختفت وقلبه وقع ف رجليه. وجري عليها وهي بتقع ع الأرض. واترعب عليها. وشالها ونزل بسرعه ع المستشفى. وهيتجنن ورايح جاي ف الطرقه.والدكتوره خرجت وطمنته ع حنين وقالت مبروك المدام حامل. وخالد قلبه دق بسعاده كبيره. ودخل جري ع حنين وضمها لقلبه وباس ع راسها وخدها وايديها ومكنش قادر يخبى دموع فرحته. وإنه اخيرا هيكون أب ويعمل عيله. واهتم بحنين جدا.ومدللها طول فترة الحمل واتوحمت ع رنجه وكان قرفان وخاف من شكل حنين وهي بتفترس الرنجه كأنها عدو ليها. وحنين كانت مبسوطه جدا علشان خاطر خالد وفرحت اكتر إن ف بطنها ولد. وخالد اتفق ع اسم سيف وحنين حاليا ف الشهر السابع. اما سليم وفتون. تانى يوم الصبح فتون: متعوده تصحى بدرى. وفتحت عينيها ع أساس انها تروح المدرسه لكن افتكرت انها اتجوزت و ضحكت بصمت ع نفسها. وشافت انها نايمه ف حضن سليم واتنهدت بسعاده كبيره.وقربت من سليم وباست خدو برقه. وقامت بشويش. واخدت شاور وصلت الصبح. وخرجت تجهز الفطار بسعاده. واتخضت من سليم لانه حضنها من الخلف. وباسها من كتفها. ونبه عليها متقومش من جمبه. وجهزو الفطار مع بعض وسط هزار وضحك ومغازله وفطرو. وسليم شالها ودخل بيها ع جنتهم الخاصه.وسليم مبسوط جدا من خجلها وجمالها. وتانى يوم سافرو ع لندن. وكان بالنسبه للحارس والفاتنه شهر عسل بمعنى الكلمه. وكل واحد بيعوض التانى تعويض عن سنين التعب الل عاشوها.وسليم يفسح فتون يوميا ويجرى وراها. ف اى مكان ورجعها طفله من تانى وعيشها طفولتها. ويخرجو مع خالد وحنين. ويرجعو ع الفندق وسليم يخترق حصونها بطريقته وفتون عايشه ف سعاده كبيره وعشقها ل سليم بيزيد وكسوفها قل كتير واخدت ع سليم وكل يوم تلبس طقم رقيق وتعيش سليم ف سعاده.وبعد الشهر رجعو ع مصر وكانو مبسوطين جدا. ورجعو ع الشقه وعاشو فيها كام يوم كمان سعاده. وبعدها رجعو ع الفيلا. وفريده قلبها كان مبسوط جدا لما شافت سليم والسعاده والفرحه مرسومه ع وشه. وفاطمه كانت طايره من الفرحه. لما شافت فتون نورت من تانى وصغرت اكتر من الاول وحلاوتها زادت الضعف من الحب الل موجود بينها وبين سليم. وسليم خصص جناح كامل مخصوص ليه هو وفتون.وبعدها شريف عمل حفله بمناسبة رجعوهم. وكانت حفله عائليه وكمان موجود خالد وحنين. وسليم بدء يثق ف شريف لكن شويه صغيره. وفريده طلبت من سليم إن شريف يرجع يعيش معاهم من تانى لكن سليم رفض. وقال كدا افضل عشان اكون مطمن. وسليم فكرة إن شريف يقتل حد عملت عنده عقده وخايف ع امه ومراته. وبعدها طلعوا العمره. ودى هدية سليم ل فتون لانها اتمنت انها تعتمر معاه ورجعو تانى ع مصر.وبعدها سليم كل يوم يصحى ويدلل فاتنة قلبه ويروح كل يوم الشركه متأخر وده مجنن خالد. وسليم يلبس وفتون تساعده في اللبس ويمسك أيدها وينزلو مع بعض وقت الفطار. ويأكلها قدام فاطمه وفريده وتكون مكسوفه جدا. وبعدها تودعه عند باب الفيلا. وسعات كتير ياخدها معاه الشركه. وبعدها بكام شهر فتون طلبت من سليم انها عايزه تروح الحاره البيت وأهل الحاره وحشوها. سليم قالها اسبوع بالكتير وهاخدك بنفسي.وبعدها ب اسبوع اخدها وربط عينيها بشريط. ونزلها قدام العماره. وهي مش فاهمه حاجه. وسليم شال الشريط. وكان مجدد ليها العماره وعمل ليها ترميم بالكامل. وكمان اخد شقة طلعت المحامى ورجع شقة فتون زى زمان ونفس التصميم القديم بالظبط ونفس العفش الل كان ف الصور. رجع ليها الشقه زى ما اتربت فيها بالظبط.وفتون انبهرت بسعاده كبيره. وحطت أيدها ع بوقها. وبصت ل سليم ومن فرحتها ضحكت بدموع وحضنت سليم قدام اهل الحاره كلها. وعيطت لما شافت الشقه. وقلبها دق بذكريات زمان. وغمض عينيها واغمى عليها. وسليم اتفزع وجري عليها بصوت عالى فتوووون. وشالها برعب كبير. واخدها ع المستشفى وأهل الحاره وراها.وسليم كان هيتجنن. ورايح جاي ويمسح وشه بايديه. ويخبط الحيطه بايدو بغضب. والشيخ محمد وزينهم يحاولو يهدو فيه لكن القلق واضح عليه جدا. والدكتوره اخيرا خرجت وسليم جري عليها بقلق واضح. والدكتوره طمنته وقالتله مبروك المدام حامل. وسليم قلبه بيدق بسرعه كبيره ودخل يجري عليها. وباس كل حته ف وشها. ويضحك بدموع وضمها لقلبه بسعاده كبيره. وفتون عيطت بصوت عالى من الفرحه وإن ربنا عوضه جميل جدا.وسليم شالها وسط الموجودين وطار بيها ع الفيلا. والكل عرف. ونبه ع الكل إن فتون متعملش اى حاجه، وف يوم فتون ف حضن سليم. وسألته نفسك ف بنت ولا ولد سليم قالها انا عايز بنت. بنت جميله زيك واسميها حياه.وفتون غمضت عينيها بسعاده. ودعت ربنا انه يستجيب وتقدمله حياه. وفتون اتوحمت ع جوافه خضرا ف غير ميعادها. وسليم لف مصر كلها وجابها ليها. وبعدها عرفو إن ف بطنها بنوته وسليم فرح جدا. ودلوقتي فتون ف اخر الشهر الرابع. وعايشين ف سعاده كبيره. عوده للوقت الحالى. شريف: سايق العربيه ورايح الشركه. وفونه رن وكانت داليا السكرتيره. ورد عليها. ايوه يا داليا.داليا: ماسكه بطنها بتعب. صباح الخير يا مستر شريف. حضرتك الانترفيو كمان شويه. وموجوين 4 بنات بس. شريف: تمام انا كلها نص ساعه واكون ف الشركه. وانتى جيتى الشركه ليه بس وانتى حامل وتعبانه؟ ماقولنا ولاء هتعمل المقابله. داليا: بتنهج بسيط. ولاء مسافره وهترجع بليل. وانا قولت اجي اهو اخر يوم مش مشكله. شريف: خلاص تمام. انا شويه وهوصل وهعمل الانترفو بنفسي. مع السلامه. وقفلو.وفجأه كوتش العربيه فرقع والعربيه انحرفت عن مسارها وكان هيدخل ف شاحنه كبيره. وشريف اترعب وحاول يتفادى الشاحنه. وركن ع جمب بصعوبه. وقلبه دق بخوف بسرعه كبيره. وغمض عينيه وبينهج. وحس قد ايه ان سليم واجهه الموت. وقد ايه فعلا الموقف كان صعب جدا ع سليم. وحمد ربنا إن كل ده عدا ع خير. وسليم اتكتبله عمر جديد، وفضل قاعد ف العربيه لحد ما هدى تماماً. وبعد شويه.استغفر الله العظيم. ونزل من العربيه وشاف الكوتش. وحط ايدو ف وسطه وبص حواليه. ونفخ بديق حقيقي وده وقته، وقال مابدهاش بقى. وقلع الجاكيت وحطه ف العربيه وشمر كم القميص وكان ابيض. وجاب الكوتش الجديد. ونزل بركبه ع الأرض ولبسه اتبهدل. ومسح جبينه بايدو. ووشه اتبهدل. وحاول يركب الكوتش الجديد وده اخد وقت. واخيرا خلص. لكن القميص ووشه اتبهدل. وركب العربيه واتحرك ورايح ع الشركه ومخنوق. قدام: الشركه.بنت: بتجرى ومعاها ملف السي في بتاعها. وبتعدى الطريق وواحد سايق عربيه كان هيخبطها وفرمل العربيه. وزعق انتى ياانسه انتى مش شايفه إن الطريق زحمه بتجرى كدا وخلاص. البنت: الملف وقع منها والسندوتشات اتبهدلت. وزعقت بغيظ. انت بتزعق وانت كنت هتموتى؟ ده ايه الغلب ده. ونزلت جابت الملف. وشهقت ينهار اسو، المخلل جه ع الورق يادى النيله عليا وع بختى… الراجل: شغل العربيه ومشي ومهتمش.البنت: قامت وقفت بغيظ. وقالت بصوت عالى انت ياجدع انت. ماشي ف وشك بعد ما كنت هتموتنى وبوظت الملف. وقفت حالى الله يخربيتك ياشيخ. وماشيه متنرفزه. وف أيدها كيس السندوتشات والملف وبتنضف فيهم. و داخله الشركه متعصبه. فرد الأمن: ع فين يا انسه.؟ البنت: بتريقه وغيظ رايحه الشيراتون. ايه ع فين دي؟ مش شايف انا داخله الشركه. ولا دي مش شركه بردو؟ فرد الأمن: جرا ايه ياست انتى ماتتكلمى عدل.البنت: بنرفزه نعمممم اتكلم ايه ياخويا؟ ليه كلامى ناقص حرف ولا ناقص كلمه. وايه ست دي كمان شايفنى عندى 40 سنه؟ وسع كدا ياجدع انت من وشي خلينا ندخل نشوف اكل عيشنا. ولو أنه انقطع من بوزك ده ع الصبح. الأمن: بدهشه لااا انتى ست لسانك طويل. البنت: بغيظ. سابت الشنطه والملف ع الأرض. ومسكت ف هدوم الأمن.وزعقت انا لسانى طووويل ياعديم الدم. انا هعرفك يعنى ايه تغلط فيا؟ دا انت يومك مش معدى انهردا. وهي كدا كدا باظت معايا وعليا وع اعدائي. الأمن: لسه هيزعق ليها. شريف: من وراهم. بصوت جهوري ايه الل بيحصل هنا بالظبط؟ فرد الأمن: اتوتر ولسه هيتكلم. البنت لفت: وشافت واحد متبهدل. وقالت وانت مالك ياجدع انت؟ هو ف ايه بالظبط؟ ايه يارب اليوم ده. مقابلش انهردا غير سواقين وحدادين. اووف.شريف: فتح عينيه بدهشه. حدادين؟ انا حداد؟ وبص لهدومه. احم. وقرب منها. ايه يا انسه واضح إن حضرتك متنرفزه. ممكن تشرحيلى وتقوليلى ف ايه؟ وبعدين هو الأمن زعلك ف حاجه؟ اكيد هو ميقصدش هو بيشوف شغله. البنت: عوجت بوقها. وبصت ل شريف من فوق لتحت. وقالت وانت تطلع مين إن شاء الله علشان اقولك ولا اتكلم معاك؟ روح أجرى شوف انت فاتح أنهى ورشه وسايبها وجاى تحور علينا ع الصبح…الأمن: انتى ياست. انتى مش عارفه انتى بتتكلمى مع مين. دا صاح… شريف: باصص ف عينيها. وشاورله يسكت… البنت: هكون بكلم مين يعنى وزير ولا صاحب الشركه. باين اوى أنه سمكرى سيارات. ولا فاتح ورشة حداده. شريف: شاور ع نفسه بدهشه. انا سمكري سيارات.؟ البنت: ومالهم ياخويا السمكريا. ايه مش بنى آدمين. ولا ايه؟ شريف: ابتسم لا طبعا بنى آدمين وكل الاحترام والتقدير ليهم طبعا.البنت: عوجت بوقها وقالت اه هيعملي فيها ابن ناس بقى. ونزلت جابت الشنطه والملف. وقالت للاامن. ممكن بقى تخلينى ادخل. انا جايه اقدم ع وظيفه هنا. ولو انى عارفه حظى. واهو اليوم بدء بمشاكل. وورقه وقعت من الملف. شريف: شاف الورقه ونزل جابها وبص ع الاسم. وبص ليها بزهول. انتى اسمك نجوان؟ نجوان: شدت الورقه من ايدو. مش شغلك انت متطفل ليه ياجدع انت.؟انت محدوف عليا من انهي مصيبه. اووف وقالت للأمن. وسع بقى خلينى ادخل ف اليوم ده. الامن: هيرفض. شريف: شاور ليه خليها تدخل. الامن: باستغراب. وسع ليها الطريق. نجوان: دخلت بانبهار وتوتر كبير. شريف: استغرب نفسه لأنه اعجب بشخصيتها. ورجع ياخد الجاكيت من العربيه وبيلبسه. واخد بدله تانيه. وابتسم ع طريقتها ومنتظر رد فعلها لما تعرف أنها هتقابله ف الانترفيو.وكمان مبسوط انها اسمها نجوان. وبعدها كشر عينيه وقال أنا سمكرى سيارات؟ فيلا بدر الدين. فتون نايمه ف حضن سليم. سليم: نايم وفتح عينيه ع اجمل وش بيحبه. وابتسم ورجع شعرها وبيتأمل فيها. فتون: اتنهدت وهي نايمه ف حضنه وحركت راسها. سليم: ضحك بصمت. قمر ياتونا. وباسها من خدها. يلا اصحي بقى. فتون: بنوم. تؤ بس بقى سبنى نايمه. سليم: ههههه لأ خلاص كدا انتى بتنامي كتير جدا. قومي يلا.فتون: لفت ضهرها وبتتاوب. سيمو ارجوك سبنى انام. بنتك طول الليل ترفص ف بطنى ومعرفتش انام كانت رخمه اوى. سليم: ضمها لقلبه. لأ لأ انا كدا ازعل. حياة تعمل الل هي عوزاه. مش جايلها نوم يبقى براحتها. بس انا هتكلم معاها واقولها. وحط ايدو ع بطنها. ايه ياحياة قلبى. مزعله مامي ليه؟ عشان خاطر بابي حبيبك سبيها تنام براحتها اوكي يقلبى. فتون: ضحكت بسعاده وفاقت. ونامت ع ضهرها. صباح الخير ياحبيبى.سليم: باسها من خدها. صباح الورد والياسمين. صباح الجمال. فتون: ابتسمت. هي الساعه كام دلوقتي؟ سليم: بص ف الموبيل. وفتح عينيه بدهشه اوبااا الساعه 10 ونص. خالد هيرفدنى قريب. فتون: ههههه بصراحه انت مجنن خالد من يوم ما اتجوزنا. سليم: قام. ياحبيبتى انا قاصد كل ده. لازم خالد يشيل المسؤليه ويعرف كل كبيره وصغيره. يلا انا هدخل اخد شاور وغمز ماتيجى معايا…فتون: هههه لأ لأ انت متأخر ع شغلك. وقامت انا هجهزلك هدومك. سليم: حاوطها من وسطها. تعالى بس اسمعى كلامى ومش هتندمى وغمز… فتون: هههههههه. وانا عبيطه عشان اعمل كدا. وزقته من صدره بهزار يلا ع الحمام بسرعه اتأخرت بجد. سليم: طيب عايز بوسه. فتون: تؤ بعد ما تلبس يلا بقى. ياحبيبى وده آخر كلام. سليم: رفع حاجبه. بتتشرطي عليا يابنت مهران. اممم طيب تمام.انا هوريكى بقى إن مش سليم الل حد يمشي عليه كلمه. وشدها من أيدها بحظر ودخلها معاه الحمام. فتون: شهقت ههههههههه مجنون والله. وبعد شويه. خرجو من الحمام. وصلو الضحى. فتون لبست فستان رقيق. سليم: لبس بدله جميله. وفتون قربت منه ولبسته الساعه والدبوس. وقالت رش البرفان بقى وانت خارج ف العربيه. سليم: حاضر ياروحي متقلقيش انا عارف ان الحمل وهرموناتك قالبه ع مخللات ههههه.فتون: بتلبس الحجاب. والله ياحبيبى انت بتقول فيها. الحمل مكرهنى ف كل حاجه بحبها. سليم: حضنها من الخلف. امم يعنى افهم من كدا انك كرهتي سليم. فتون: لفت ليه وحاوطت رقبته بايديها. وقالت أنا قولت كرهنى ف الحاجه الل بحبها. مش الل فتون بتعشقها وروحها فيها. سليم: قربها منه. وباس جبينها بحب. بعشقك ياقلب سليم. فتون: غمضت عينيها بحب. واتنهدت بسعاده. وانا بموت فيك ياحبيبى. سليم: مسك كف أيدها وقال يلا بينا.فتون: ابتسمت يلا بينا ياحبيبى. ونزلو وفطرو كلهم مع بعض. وسليم ودعهم وفتون وصلته لحد الباب وودعو بعض. وركب العربيه. ورش البرفان. واتحرك وهو مبسوط. ف شركة بدر الدين. داليا: رايحه تقعد ع المكتب وماسكه بطنها بوجع كبير وبتتألم. نجوان: داخله بحرج كبير. لأن الملف اتقطع واتبهدل. وقالت صباح الخير. داليا: بتنهج بسيط صباح النور. خير يافندم.نجوان. احم انا اسمى نجوان محمود وجايه اقدم ع وظيفه هنا. انا قريت الخبر ف الجورنال. داليا: بتتألم اممم ممكن السي في. نجوان: بحرج. احم اتفضلى. اسفه ع شكل الملف بصراحه يومي باظ خالص. وكملت بدموع. انا عارفه اول ما المدير يشوف الملف هيرفض انى اتعين هنا. انا تعبت اوى عشان اجي هنا. داليا: بصت ف الملف وصعبت عليها نجوان. طيب اهدى. انا هنقل ورقك ف ملف من عندى. المهم متزعليش.وبعدين ماشاء الله انتى مؤهل عالي بكالوريوس تجاره. وتقدير جيد جداً مع مرتبة الشرف. لكن واضح انك مشتغلتيش قبل كده ف اى شركه صح؟ نجوان: بحزن هزت راسها لأ. انا بصراحه اول ما تخرجت ظروفى ماكنتش تسمح انى اشتغل ف شركات كبيره زى دى. و اشتغلت ف عياده اكتر من 4سنين. وبصت ع داليا. اله انتى شكلك تعبانه اوي. داليا: غمضت عينيها وكتمت الصرخه. اممم وبلعت ريقها بتعب. ونفخت بتعب شويه بس.نجوان: قربت منها. تعالى اقعدى ع الكنبه دى. وساعدتها. وداليا صرخت بصوت واطي. نجوان: ع فكره انتى شكلك بتولدى. داليا: فتحت عينيها ع الاخر لأ لأ مش معقول الدكتور قال قدامى يومين. نجوان: يومين ايه بس. اسمعى منى انتى بتولدى. انا اشتغلت مع دكتورة نسا 4 سنين واكتسبت خبره كبيره. وكنت بدخل معاها عمليات القيصريه. وكمان ولدت اكتر من حاله طبيعي.داليا: صرخت ااااااه. لااا جوزى حد يتصل ع جوووووزززززااااااى ااااااه. ينهار ابيض ا. انا شكلى هولد بجد اااااه. نجوان: قامت بسرعه. اهدى ومتخافيش انا معاكى. بصي خدى نفس. اتنفسي. انتى اسمك ايه. داليا: بتصرخ داااالياااااااااا. ااااه يااارب. شريف: دخل يجري بسرعه بقلق ووقف قدام مكتبه. ف ايه؟ نجوان: اتغاظت. وراحت عندو انت ورايا ورايا ياجدع انت.؟ وزقته خش المكتب ده. وانا بقى هتصرف معاك بس بعدين.وزقت شريف وقفلت باب المكتب. وقالت اوعا تطلع الست بتولد. وبصت للبنات. وانتو يابنات. ساعدوني تنظبطلها مكان. واقفلو باب المكتب ده علينا. وانتى تعالى اقفى قدام باب المكتب ده اوعى الراجل الل جوه يخرج. وانتو تعالو ساعدوني وهاتولى الطلبات دى يلا بسرعه. شريف: ف المكتب مزهول. ايه؟ داليا بتولد؟ وف مكتبى؟ لأ والبنت تزقنى انااا؟ وسمع صرخة داليا واتخض.ودخل الحمام وغسل وشه و غير هدومه وخرج متوتر لان صريخ داليا بيعلا وشريف ورايح جاي ف المكتب. ومتوتر وبيكلم نفسه. طيب انا متوتر ليييه؟ انا مااالى هي كانت مراتى؟ انا قلقاااان ليييه؟ اوووف استغفر الله العظيم يارب. نجوان: ايوه ياداليا خلاص اهو ياحبيبتى ايوووه ادفعى مره كمان. بسرعه. داليا: صرخت بصوت عالى جداااااا. وبعدها سكتت. نجوان: سحبت البيبى وضحكت ماشاء الله. ولد زي القمر. يابنات عايزه مقص بسرعه.داليا: بتنهج وعرقانه. وشاورت ع مكتب شريف. وقالت بصوت متقطع جوه مقص. نجوان: سابت البيبى وقامت بسرعه. وفتحت المكتب. وجريت تدور وايديها عليها دم. وقالت انت تعالى دور هنا ع مقص بسرعه. شريف: تنح مقص؟ نجوان: بغيظ اخلص ياجدع انت عايزه اقطع الحبل السري اخللللص ويارب يكون مقص حامى ومتعقم دور هنا تعالى. شريف: بتوتر. حاضر حاضر. وجري فتح الدرج اتفضلى مقص جديد اهو.نجوان شدت منه المقص اوعى تطلع عشان معملهاش معاك. وجريت ع بره وقفلت الباب. شريف: تنح وفتح عينيه بدهشه متعملهاش معايا انا؟ نجوان: قطعت الحبل السري. يلا يابنات ظبطو كل حاجه. وساعدو داليا ونيموها ع الكنبه. مبروك ياداليا. بس الواد كدا هيبرد. حد معاه شال زياده يابنات. كلهم: هزو راسهم لأ. نجوان: بتفكير. قامت بسرعه ودخلت المكتب تانى. انت اقلع… شريف: هاا؟ اقلع؟ اقلع ايه؟نجوان: يوووه ماتشغل مخك اومال. اقلع الجاكيت ده اخلص الواد هايبرد. شريف: هز راسه حاضر حاضر. وقلع الجاكيت اتفضل، ومكلمش نجوان: شدت الجاكيت وجريت بسرعه البرق. ولفت البيبى ف الجاكيت. امسكى ياداليا. زى القمر الله اكبر. داليا: نايمه ع الكنبه وبتنهج بسيط. وشالت ابنها. وعيطت وضمته لقلبها. البنات: باركو ليها. واكتر الموظفين منتظرين بره. واحده قالت. انسه نجوان. ف موظفين بره عايزه تدخل.نجوان: بتفكير انتى لو فتحتى الباب الواد هايبرد. طيب استنى. هاتى ياداليا. وشالت البيبى. ودخلت المكتب. وقربت من شريف. امسك. شريف: هز راسه لأ. انا ماشلتش اطفال قبل كده. نجوان: عوجت بوقها. ماتنشف يعم انت. امسك الواد لحد مانظبط الدنيا بره وأذن ف ودنه. وخلى بالك انا عينى عليك اوعى تخطفه. بس هتخطفه ازاى احنا ف الدور الخامس. وحطت البيبى بين ايديه.شريف: بخوف. شال البيبى بين ايديه. وبص عليه وقلبه دق بسرعه كبيره. وعيونه لمعت بدموع. نجوان: شافت ملامح شريف. وحست انه موجوع. او معندوش اولاد. وافتكرت كلمته انه ماشلش اطفال قبل كدا وضغطت ع شفايفها بحرج كبير ولعنت نفسها وزعلت جدا وخرجت بسرعه. شريف: قعد ع الكرسي وإذن ف ودنه وبيتأمل ف حركات البيبى. ونسي العالم الخارجى.داليا: بتعب انا مش عارفه اشكرك ازاى يانجوان. بجد انتى بنت جدعه جدا. واحده غيرك مكانتش هتتحمل مسؤوليه كبيره زى دي. نجوان: ابتسمت بتعب. ياريت لو كل المسؤوليات هينه زى دى. واتنهدت بوجع. يلا الحمد لله. المهم حمدالله ع سلامتك. انتى قولتى جوزك فين؟ داليا: جاى ف الطريق. هههه وفرت عليه كتير ولاده ببلاش اهو. بجد شكرا يانجوان. ياترى البيبى عامل ايه مع المدير.نجوان: لأ لأ. لسه المدير مجاش البيبى مع الموظف جوه. بس قوليلى هو شغال ايه الجدع الل جوه ده؟ داليا: بدهشه. موظف ايه يانجوان؟ الل جوه ده. مستر شريف بدر الدين. مدير الشركه. نجوان: تنحت وفتحت عينيها ع الاخر بصدمه كبيره. وهمست ايييه؟ مدير الشركه؟ ف شركة خالد. خالد: بيشرب سِجار بغيظ. وبعدين بقى ف ام النظام ده؟ يعنى هو يتجوز ويتهنى ويجي برحته. وانا اتسحل هنا. عليا النعمه ده ما عدل ابدا.اوووف. ومسك الجرنال بخنقه وبيقرا فيه. وعينيه جت ع عنوان بالبنط العريض. وقام وقف بصدمه كبيره مش معقول، لأ مستحيل. فونه رن وكان سليم. ورد بتوهان ايوه ياسيلم. سليم: ايوه ياخالد. انا تحت قدام الشركه انزل انا عايزك ف مشوار مهم جدا. خالد: غمض عينيه وسرحان… سليم: انت يبنى سامعنى.؟ خالد: بتلعثم. ا. ايوه. ايوه سامعك. سليم: تمام. وانزل بقى بسرعه علشان يدوبك الحق المشوار.خالد: قفل الفون وبص ف الجرنال. وقال يعنى ايه؟ وازاى معرفش غير انهردا. اكبر فرصه راحت من ايدى. كان نفسي اشمت فيه. وقام واخد المفاتيح والفون ونزل بخنقه كبيره. سليم: شافه خارج من الشركه. وشغل العربيه. خالد: ركب جنبه بديق حقيقي صباح الخير. سليم: ضحك صباح البوز الخشب. واتحرك بالعربيه. خالد: احنا رايحين ع فين؟ سليم: مشوار كنت بجهزله من شهر تقريباً. بس ايه؟ مفجأه.خالد: نفخ بغيظ. متتكلم ياسليم انا مش ناقص الغاز. انا قريت خبر ف الجرنال وقالب مزاجي بجد. سليم: رفع حاجبه. اممم انا عارف الخبر. انت عرفت.؟ خالد: بدهشه. ايه؟ انت عارف وعندك علم إن الشرقاوى الفيلا بتاعته هتتباع ف المزاد العلني انهردا.؟ سليم: يووه ده خبر قديم جدا. خالد: قبض ع ايديه بغضب. يعنى انت عارف من زمان ومقولتليش ياسليم؟ يعنى انت ضعيت عليا فرصه كبيره زي دي؟سليم: اهدا ياخالد. انا استحاله اضيع فرصه زي دي عليك. انا مرتب لكل حاجه. ومجهز كل حاجه. والمزاد هيرسى عليك. خالد: فتح عينيه بدهشه. انت بتقول ايه انا مش فاهم حاجه؟سليم: مش فاهم ايه؟ انا متابع اخبار رجال الأعمال الكبيره. وعرفت إن الشرقاوى اخد قرض كبير جدا من البنك وجازف ف مشروع كبير وفشل. والبنك حجز الفيلا بكل حاجه فيها. ومعروضه بتاريخ انهردا. انا عرفت مين داخل المزاد وظبط كل حاجه معاهم. والفيلا دى هتبقى بتاعتك يصحبى. خالد: بعدم تصديق بص ل سليم. وقال انت بتتكلم بجد ياسليم؟ سليم: ومن امتى بهزر معاك يافاشل. هههههه بس تعرف وش حنين والواد سيف حلو عليك.خالد: ضحك بفرحه بجد يعنى الفيلا هترجعلى تانى. ا. انا مش مصدق. سليم: ربت ع كتفه. لأ صدق يصحبى. اوعا تكون مفكر انى ناسي ضياعك والشرقاوى بيحتفل بحمل مراته. انا مش ناسي اى لحظه واحده من الل الشرقاوى عيشهالك. وجه اليوم الل الحق فيه يرجع ل أصحابه. خالد: غمض عينيه وحط وشه بين ايديه. وافتكر وهو صغير وعايش مع والدته ف الفيلا الل اتحرم منها. ف شركة بدر الدين. شريف: خرج وشايل البيبى.نجوان: شافته وكشت ف نفسها بحرج. وشافت ف عينيه دموع. كأنه كان بيبكى وهو لوحده. شريف: ابتسم مبروك يا داليا. داليا: اتعدلت بحرج الله يبارك ف حضرتك يامستر شريف. بجد انا اسفه جدا ع الفوضى دي والله بجد غصب عني. شريف: ابتسم بحب. واتنهد لأ ابدا نصيبه انه يتولد ويجى الدنيا ف مكتبى وقالها اتفضلى. داليا: اخدت البيبى. ميرسي جدا لحضرتك. وبالمناسبه الحلوه دي. انا هسميه شريف ع اسم حضرتك.شريف: ابتسم. انا متشكر جدا. وبالمناسبه الجميله دي. مرتبك مستمر طول فترة الاجازه. احنا تحت امر شريف الصغير. نجوان: قالت جواها يلهوى ده طلع محترم اوى. لأ وكمان بعد ما غسل وشه طلع مز اوى. يادى النيله هو انا زودتها ولا ايه. وعيونها لمعت بدموع. اه انا نحس شكله هيطردنى. داليا: بسعاده كبيره شكرا جدا لحضرتك. والله انا مش عارفه اقول لحضرتك ايه.؟شريف: متقوليش حاجه. المهم حمدالله ع السلامه. وياريت بقى تروحي وانا هعمل الانترفيو. جوز داليا جه ف نفس الوقت. وفرح جدا واخد داليا والبيبى وخرجو ع الدكتور. شريف: واقف. وحط أيدو ف جيبه. وعينيه ع نجوان. نجوان: بتهرب من نظراته. وبلعت ريقها بصعوبه. شريف: بجمود. هاتى السي في بتاعك وتعالى ع مكتبى حالا. ودخل المكتب.نجوان: غمضت عينيها. ااه هيمرمطك يانجوان. تستاهلى عشان تلمى لسانك. اوووف اعمل ايه بس ياربى. يلا انا كدا كدا مرفوده. واخدت الملف ودخلت المكتب بحرج احم ا. انا مكنتش اعرف انك المدير. شريف: بغيظ مكبت. قرب منها. بقى انا سمكرى سيارات.؟ وكمان حداد.؟ وتزقينى وتحبسينى ف المكتب. وتقوليلى هعملها معاك؟ وداخله خارجه من المكتب كأنه شارع. لأ وايه؟ تقوليلى ماتنشف ياعم انت؟نجوان: نفخت. وقالت اله ماتوحد الله اومال. وانا ايه الل عرفنى انك المدير انت مكنتش شايف شكلك الصبح عامل ازاى… وكملت بدموع انا عارفه حظى وانى مرفوده قبل ما اتكلم حتى. خلاص الأرزاق ع الله. شريف: بص ل عينيها وساكت… نجوان: مسحت دموعها. واستغربت سكوته. ورفعت عينيها بالصدفه وشافت شريف سرحان ف عينيها. وقلبها دق مره واحده. شريف: بتوهان لون عينيكى حلو اوى.نجوان: بتوهان هااا؟ اه وانت كمان. وبعدها انتبهت. وفاقت وكحت بتوتر. شريف: فاق من أفكاره. احم. وغمض عينيه واستغرب إن قلبه بيدق. ماهو الحب كدا مالوش مواعيد. نجوان: وشها احمر جدا. وقالت أنا اتاخرت وانا عارفه إن حضرتك مش هتوافق بعد الل انا عملته. شريف: اتأكد من جمال ملامحها. واتنهد بحيره. وقال ف اللاوعي. بكره تكونى موجوده ع مكتبك الساعه 9الصبح. نجوان: بزهول بس انت ماشوفتش السي في بتاعي.شريف: بحب كفايه إن اسمك نجوان. نجوان: قلبها دق. شريف: انتبه. احم انا اقصد لان والدتى الله يرحمها اسمها نجوان. نجوان: بتفهم الله يرحمها. انا عايزه اعتذر لحضرتك ع سؤ التفاهم ده. انا مش كدا خالص والله بس بجد يومي كان متلخبط.شريف: هقبل اعتذارك بشرط انك تحكيلى. انتى عايشه فين؟ وايه ظروفك وايه الل وصلك انك ماشاء الله تتعملى الولاده. وكمان شخصيتك فيها ميكس مختلف. بجد عندى فضول. ومن جواه بيتمنى إنها توافق ومش عايزها تمشي. نجوان: قالت جواها. انا مش عارفه ليه مسلوبة الاراده قدامه كدا. ارفضي يانجوان. متعرفيهوش حاجه عنك. هو مديرك وبس ايوه ارفضي يلاا. وفاقت وقالت حاضر موافقه. ولعنت نفسها. شريف: بسعاده. اتفضلى استريحى.نجوان: قلبها بيدق. واتوترت. وقعدت وقالت انا اسمي نجوان محمود. اتولدت ف قريه صغيره وكان ليا اخت اكبر منى. حالنا كان متوسط. اختى اتجوزت واحد اكبر منها وسافرت بره مصر. وانا خلصت الجامعه بعدها والدى اتوفى. ومحدش بقى بيسأل علينا انا وماما. وبعت البيت وجيت هنا القاهره وساكنين ف حي شعبى من 5 سنين. ولانى غريبه عن البلد دى اشتغلت ف عياده عند دكتوره نسا 4 سنين واكتر. وف خلال. السنين دي عرفت كل حاجه ف القاهره. وقريت اعلانات كتير وكنت بخاف من حوار السكرتيره ده بس الدنيا اسعارها كل يوم بتزيد قولت ما بدهاش بقى يانجوان اشتغلى بشهادتك وجربى. لحد ما قريت اعلان الشركه بتاعة حضرتك محتاجين سكرتاريه وموظفين. صليت الاستخاره. ولقيت نفسي جهزت الاوراق وجيت ع هنا. بس هي دى حكايتى.شريف: بيسمعها. وبياخد اسكرين لكل ملامحها. وحب جدا طريقتها ف الكلام. وشاف انها بنت جدعه جدا. واتمنى انها تتكلم ع طول. صوتها حلو جدا بالنسباله. واخد نفس عميق. وهز راسه. انا مش عايزك تخافى من حوار السكرتيره ده ابدا. عادى جدا بنت جايه تشتغل. ايه المشكله. وإن شاء الله هتكونى مبسوطه ف شركتنا. نجوان: قامت بحرج. احم متشكره جدا. بعد اذنك. واتحركت. شريف: بسرعه نجوان. نجوان: لفت ليه نعم.شريف: بتوتر. اسف انسه نجوان. الساعه 9 بالظبط متنسيش. نجوان: ابتسمت إن شاء الله. بعد اذنك وخرجت وهي خايفه من بكره. شريف: شاف ابتسامتها. وحس انه حب الابتسامه دي. وقعد مكانه يفكر بحيره. وفتح الملف وبص كتير ل صورتها. ف شقة خالد. حنين: بتجهز الاكل. وتعبانه من الحمل. خالد: دخل الشقه. وبينده بصوت عالى ومبسوط. حنوووون. نووونا. يام سيف. حنين: طالعه من المطبخ. ايه ياحبيبى صوتك عالى ليه. ف حاجه حصلت؟خالد: بسعاده. ههههههه تعرفى انا مبسوط جدا جدا و نفسي اشيلك والف بيكى. بس كرشك ده بقى هههههههه. حنين: ههههه. مالو كرشي ماهو بسببك انت ع فكره. خالد: هههههههه ايوه صح. المهم تعالى اقعدى هنا واسمعي الاخبار الل اتجنن بجد. حنين: اااه وادى قاعده. خير ياحبيبى شكلك فعلا فرحان جدا. خالد: الشرقاوى الفيلا بتاعته كانت هتتباع في المزاد العلني. ورسيت عليا. انا اشتريت الفيلا بكل حاجه فيها.حنين: بدهشه ايه؟ طيب وباباك ياخالد هيعيش فين؟ خالد: بغضب يعيش زى ما يعيش مايشغلنيش. وياريت متفكرنيش. انا فرحان ومش عايز حاجه تعكنن عليا. حنين: بصوت عالى شويه. ازاى بقى مايشغلكش ده مهما كان أبوك ايه هترميه. هتقلدو ف الوحش ياخالد. خالد: بنرفزه. ع فكره بقى هو يستاهل اكتر من كده. انتى متعرفيش انا عملت ايه هناك وهو اتصرف معايا ازاى. ده راجل كاره نفسه وكاره الل حواليه. ومش عايز حد يكون احسن منه.حنين: ولو بردو ياخالد ماينفعش تتخلا عن والدك. خالد: زعق انا متخلتش عن حد. وكمل بدموع. انا بعد ما اشتريت الفيلا. حطيت الاوراق والمفاتيح بين ايديه. وقولتله انا مش عايز حاجه غيرك انت. مسك دراع حنين بقوه وزعق تعرفى عمل ايه؟ عارفه اتصرف ازاى؟ رمى كل حاجه ف وشي. وقالى انت استحاله تكون صاحب فضل عليا. سليم: أتدخل واتكلم معاه. غلط ف سليم وطرده وقاله ان كل ده بسببه هو.وسليم: قاله انا مش هرد عليك عشان خاطر خالد. وانا حاولت تانى تعرفى انه كان هيرفع ايدو عليا. لولا سليم مسك ايدو وحظرو. وسليم اخدنى ومشينا. ونسيت كل حاجه حصلت. لان فرحتى ب انى رجعت البيت الل اتربيت فيه كام سنه مع امي. رجعته من تانى. انا مايهمنيش الشرقاوي ياحنين. خلاص هو مش عايزنى وحاولت مره واتنين وعشره وهو رافض خلاص هو حر انتى ماليتى عليا حياتى. وبعدين هو عندو شركات لكن مديونه وكمان مراته غنيه جدا وقالت هي هتتصرف يعنى مش هتفرق معاهم الفيلا دي. انتى ليه مش عايزه تشاركينى فرحتى. ليييه؟حنين: زعلت علشانه ومسحت دموعه. انا اسفه ياخالد انا معرفش إن كل ده حصل. وكملت بدموع. مين قالك انى مش فرحانه. انا بس كنت خايفه يكون قلبك جمد ع والدك. بس خلاص بما أنه قافل كل الطرق. ربنا يسهله. وخلينا احنا ف فرحتنا مبروك ياحبيبى الف مبروك. خلاص بقى اضحك يا ابو سيف. وحطت أيدها ع بطنها واتألمت اااه. خالد: بقلق مالك ياحنين انتى هتولدى ولا ايه؟حنين: ههههه مضحكنيش الله يكرمك. لسه انا ف السابع بس ابنك طالعلك كل شويه يهزر ويدينى برجله ف بطنى. خالد: جدع ياض ياسيف. عشان الوليه دى وش نكد. بقولها فيلا تقولى ابوك. صنف نكد. حنين: خبطته ع كتفه اتلم بقى ما اعاقبك انهردا واخليك تغسل الموعين. خالد: بغمزه. ومالو يقلبى نغسل المواعين. ونغسل سجاد كمان. بس المهم ترضى علينا ياقمر. حنين: راضيه ياحبيبى قلبى وربي راضي عنك ياخالد هههههههه.خالد: لأ حيث كدا بقى قومي معايه عايزك ف كلمتين مهمين جدا. حنين: شهقت لأ انا لسه بعمل الاكل. خالد: يستى هطلب دليفري. تعالى بس انتى وحشانى جدا. واخدها لجنته. فيلا بدر الدين. الكل متجمعين ع الغدا. سليم جمب فتون مندمجين مع بعض. وكالعاده مهتم بيها. شريف: سرحان وبيقلب ف الاكل قدامه ومبياكلش. فريده وفاطمه. واخدين بالهم من شريف وبصو لبعض بعدم فهم. سليم: يلا كلي دى. فتون: لأ عشان خاطري ياسليم كفايه مش قادره.سليم: هتتعاقبى ع فكره لما نطلع فوق. فتون: بدهشه عقاب تانى؟ انت مبتزهقش. سليم: تؤ انا لسه عريس وانتى ضحكتى عليا وحملتى بسرعه. فتون: ههههههههه. وحطت أيدها ع بوقها اسفه. سليم: كدا خلتيهم يتنبهو لينا. طيب وحياة بطه الل قاعده دي يافتون. ما انا راحمك انهردا. فتون: سليم خلى ف قلبك رحمه. حياة هتزعل منك. سليم: خليكى بره انتى ومالكيش دعوه ب حياة قلبى. واستعدى اشطا. فريده: اله مالك ياشريف يبنى سرحان وماكلتش حاجه.شريف: ها. احم ابدا ياماما انا بأكل اهو. سليم: نظيم قالى إن داليا السكرتيره ولدت ف المكتب. شريف: ابتسم ايوه فعلا. تعبت فجأه وولدت. فريده: هيييه وولدت لوحدها من غير دكتور؟ شريف: بتوهان. لأ نجوان ولدتها. وانتبه احم. سليم: متابع. وشك من طريقة شريف. فريده: نجوان؟ نجوان مين يبنى اسم الله عليك. شريف: احم دي سكرتيره جديده. وعندها خبره ف التوليد. يعنى هي قالتلى انها اشتغلت 4 سنين عند دكتوره دى بنت مجتهده جدا.سليم: بخبث يااه دا انت تعرف عنها كتير. غير اسمها وبالسرعه دي. شريف: كح. وشرق. فريده: اسم الله عليك ياحبيبي امسك اشرب. مالك انهردا ف ايه؟ سليم: ضحك بصمت. وهز راسه وفهم إن ف اعجاب. شريف: احم مفيش حاجه. ا. انا رايح ع الشقه عشان عندى شغل كتير. بعد اذنكم. ومشي بسرعه. فتون: بمكر. سيمو حبيبى بتفكر ف الل انا بفكر فيه؟ سليم: نجوان شكلها جابت شريف ع وشه من اول مقابله ياروحي.فتون: بفرحه كبيره الله يارب بقى الواحد عايز يفرح واااو. سليم: بمكر. نفسك تفرحي وسيمو موجود عيب والله. قدامى ع عشنا ياتونا. عشان انتى وحشانى جدا. فتون: وشها بقى كتلة طماطم. احم سليم. سليم: عيونه. فتون: غمضت عينيها. مش وقته الله يخليك. سليم: بعد الخدود الحمرا دى يبقى وقته ونص. هتقومي ولا اسيح قدامهم. فتون: فتحت عينيها بدهشه لأ لأ خلاص.سليم: قمر ياروحي وانتى بتسمعى الكلام. يلا بينا. واخدها من أيدها وطلع ع عشهم وعاشو وقت مميز مع بعض… بعد مرور شهرين. ف شركة بدر الدين. شريف: ف المكتب وبيتكلم ف الفون مع عميل مهم. نجوان: ف مكتبها. وجت واحده صباح الخير. نجوان: عوجت بوقها ايه ده؟ ايه الموزه الجامده دى؟ احم صباح الفل. قصدى صباح الخير. تحت امرك يافندم. = لو سمحتي شريف موجود؟ نجوان: بغيره شريف؟ اه موجود عايزاه ف ايه؟= باستغراب نعم؟ انتى اكيد مجنونه علشان تتكلمى معايه كدا. نجوان: بقولك ايه ياست انتى من غير غلط ماشي. وانا مقصدش. وعموما نقول لمستر شريف مين حضرتك.؟ = قوليله شاهيناز هانم. شاهي سيدة الأعمال المعروفه. نجوان: نفخت. طيب استنى هنا. ودخلت المكتب بغيره. وقالت بتريقه شريف بيه ست شاهيناز هانم. شاهي سيدة الأعمال المعروفه عايزه تقابلك.شريف: كتم الضحكه. احم انتى قولتى مين؟ مش معقول خليها تتفضل بسرعه. معقوله يانجوان سايباها بره كل ده؟ نجوان: بغيره وغيظ. معلش منا معرفش انها مهمه اوى كدا. كنت شلتها اوبح وجبتهالك بالاذن. وخرجت متغاظه. شريف: ههههه كانت شالتها اوبح هههههه نجوان: عوجت بوقها. اتفضلى ادخلى. شاهيناز: باشمئزاز. ايه البنت دى؟ ودخلت هاي ياشريف. نجوان: صكت ع أسنانها بغيظ. هاي ياشريف؟ اممممم طييييب. مااااشي اصبرى عليا.شريف: اهلا وسهلا شاهيناز هانم. اتفضلى الشركه نورت. شاهيناز: ميرسي جدا. كلك ذوق. انا جايه انهردا علشان اطلب من حضرتك كمية حديد. لانى داخله ف مشروع جديد. وطبعا انا تعاملى مع حضرتك ومستر سليم من زمان جدا. شريف: طبعا ودى حاجه تشرفنا. شاهيناز: حطت رجل ع رجل بطريقة اغراء وقالت بدلع بس عشان خاطر شاهي ممكن تنزلى ف الأسعار شويه.شريف: بعفويه. مع إن اسعارنا أقل من السعر المتداول لكن نشوف الموضوع ده. وقبل ما انسى تحبى اشربي ايه؟ شاهيناز: لأ ميرسي جدا. واتخضو نجوان: دخلت بغيظ اتفضلو قهوه. شريف: حط ايدو ع وشه وفتح عين وغمض عين. شاهيناز: باستغراب. انا مطلبتش كوفي. نجوان: حطت كف ع كف. ودي تيجى ياهانم. انتى من طرف شريف باشا واكيد انتى غاليه اوى عندو. قولت يابت يانجوان لازم تشربيها قهوه ساده اومال ايه هو احنا هيجلنا اعز منك؟شريف: غمض عينيه. وهمس هطفشيها يانجوان؟ شاهيناز: كشرت عينيها. وبصت ل شريف. هو ف ايه؟ شريف: احم ابدا. الانسه نجوان بتحب تهتم بكل كبيره وصغيره ف الشركه. شاهيناز: ايوه مش لدرجة أنها تجبلى كوفي وساده كمان. وأسلوبها وحش جدا. بحس انها متعمده. ودي قلة ذوق منها. انت ازاى تشغل ناس بالمستوى ده عندك. نجوان: اتحرجت من كلامها قدام شريف. و عينيها اتملت بدموع. وخارجه. شريف: بصوت جهورى استنى يانجوان.نجوان: وقفت ونزلت راسها. ولفت ل شريف وبتداري دموعها. شريف: ابتسم ل شاهيناز. وقال شاهيناز هانم. انتى لازم تعتزرى ل نجوان وفورا. نجوان: رفعت راسها بسرعه بدهشه وبصت ل شريف. شاهيناز: قامت بسرعه. شريف انت ازاى تطلب منى اعتذر من الفلاحه دي. شريف: قام وخبط ع المكتب بغضب. كلمه زياده وهتندمى صدقينى. نجوان مش شغلها انها تشيل كوبايه من مكانها ف الشركه لكن هي اتعاملت معاكي بكل زوق وجابتلك قهوه وده.كرم أخلاق منها أنها اتنازلت وعملت ده. وانا بشكرها ع احترامها ليا ولضيوفي. واحترام نجوان من احترامي. وانك تغلطي فيها يعنى غلطتى فيا انا بالظبط وياريت تعتزرى حالا. شاهي: ضحكت بسخريه انا اعتذر من دي؟ واضح إن العلاقه هنا مش علاقة شغل وبصت ل نجوان. اظاهر انك مظبطه شريف ع الاخر. شريف: وصل لقمة غضبه.نجوان: قبضت ع ايديها. وقربت منها انتى واحده قليلة الأدب ومعندكيش احترام لنفسك قبل اى حد. وانك تشككى ف اخلاقى. ده دليل انك معندكيش اخلاق ومفكره كل الناس زيك. انا يمكن اسلوبى ميعجبكيش ممكن اكون متهوره ومتسرعه. لكن عمرى ما اتهم حد بالباطل كدا. وبعدين بصي لنفسك وتعالى اتكلمى عن الاحترام. واحده لابسه نص متر قماش وباقى جسمها متعرى لكل الناس. يعنى بضاعه لل مايشترى يتفرج وحاطه وشك ف الميكب ومجملاه. ومش عارفين شكلك الحقيقى ايه تيجى تتكلمى عليا انا؟ لأ مسمحلكيش حتى لو كنتى بنت وزير. وانا عارفه انى هترفد من الشغل انهردا ومش مشكله لكن عمرى ما هسمح لوحده متعريه زيك تغلط فيا فاهمه؟شريف: بيسمعها وحبه ليها بيزيد إعجاب اكتر. شاهي: بصت ل شريف وزعقت انت ازاى ساكت ع التهريج ده؟ دى بنت قليلة… شريف: شاورلها. حذارى تغلطى فيها. ونجوان مغلطتش ف اي كلمه. هي قالت الحقيقه بالظبط. لكن عايز اوضحلك نقطه مهمه جدا. فعلا العلاقه بيني وبين نجوان مش علاقة شغل وبس هي اكبر من كدا بكتير. نجوان: شهقت بصوت مهموس وحطت أيدها ع بوقها بصدمه ودموعها نازله. شاهي: بصت ل نجوان بشماته.شريف: اتحرك وراح وقف قدام نجوان. واتجرأ ومسح دموعها لاول مره وقال تتجوزينى يانجوان.؟ نجوان: تنحت وفتحت عينيها ع الاخر وبتروح يمين وشمال. ومردتش. شاهي: اتغاظت ومستحملتش. وسابتهم وخرجت. نجوان: فاتحه بوقها ببلاها وساكته. شريف: ضحك بصمت ع شكلها. وقال بصي انا لازم اتصرف انتى دي تالت واحده تطفشيها من الشركه. وانا بصراحه كدا ممكن أفلس. لكن لما تكوني مراتى الأمر يختلف. نجوان: بتوهان انت عايز تتجوزنى انا؟شريف: بص حواليه بتهايئلي مفيش حد موجود غيرك. ولا ايه؟ واتنهد بحب نجوان انا بحبك بجد. ومن اول يوم شوفتك فيه. ولما اشتغلتى معايا شوفت قد ايه اخلاقك جميله. اه مجنونه ومتهوره. وغيرتك عليا واضحه اوى بس بجد انا بحب غيرتك دي جدا. وكنت مستنى اول فرصه اكلمك فيها. واهي جت من عند ربنا. نجوان: عينيها متعلقه ب شريف وقالت بس انا خسرتك شغلك من الست دى.شريف: ابتسم. وافقى انتى بس واكسب وجودك جمبى. وخسرينى كل حاجه مش مهم نجوان: ها… شريف: ها ايه؟ موافقه تتجوزيني. وخلى بالك جواز ع طول ماليش انا ف حوار الخطوبه والكلام ده. انا عايز الحق اعيش الل راح من عمرى. نجوان: غمضت عينيها بحب ودموعها نازله. وقالت اخيرا. الانسان الل قلبى دق ليه. طلع بيحبنى. وقالت بوجع بس انا فقيره ياشريف.شريف: قلبه دق. اهو بعد شريف دي ماتتكلميش تانى غير بالموافقه هاا قولتى ايه بقى؟ نجوان: بدموع. هزت راسها بالموافقه وعيطت. شريف: ضحك بسعاده كبيره. خلاص بقى بطلى عياط دموعك غاليه اوى. ولو ينفع كنت خبيتك ف حضنى. نجوان: وشها اتحول لجمرة نار. ورجعت خطوه لورا بحرج. شريف: ههههه متخافيش بعد كتب الكتاب انا هقدم خطوطين ع خطوتك دي. نجوان انا بحبك.نجوان: قلبها هيطلع من مكانه. وجريت بسرعه من قدامه. وقعدت ع كرسي مكتبها وعيطت بفرحه كبيره جدا. ف نفس اليوم. شريف رجع الفيلا بحماس كبير. وفتح الموضوع ل فريده وسليم. وفريده فرحت جدا وسليم فرح لأخوه. وتانى يوم راحو اتقدمو ل نجوان. واتفقو بعدها بيومين ع كتب الكتاب. وشريف كان مبسوط جدا. وكتب كتابه اخيرا ع نجوان. واتفقو ع الفرح كمان اسبوعين. خالد: ف العربيه وجمبه حنين.خالد: بصي بقى يانونا. انا حاجزلك ف اول صف ف النادي عايزك تشجعينى بحماس كبير عشان اكسب الواد سليم ده. حنين: ههههه إن شاء الله هتكسب ياحبيبى بس خلى بالك من نفسك الله يخليك. والله انا بخاف من سباق السيارات ده. مش عارفه ايه طلع الفكره دي ف دماغك انت وسليم.خالد: ياحبيبتى احنا مضغوطين ف الشغل. ومخرجناش من زمان. قولت ايه رايك ياسليم لو نعمل سباق سيارات زى زمان. ووافق. يلا يلا وصلنا اهو. ونزلو وقابلو فتون وسليم وشريف ونجوان وسلمو ع بعض. ودخلو النادي وقاعدين. فتون: ماسكه بطنها. بنت ياحنين انتى ونجوان. عايزاكو تشجعو جوزى يابت انتى وهي. حنين: نعم ياختى. اشجع جوزك. وانا مين يشجع جوزى إن شاء الله. فتون: ههههههه اي حد تاني بس انتى حبيبتى وهتسمعى كلامى.نجوان: ههههه انا كدا كدا هشجع سليم. طبعا ده شريف موصينى وانا لايمكن ازعله. فتون: اصيله يانوجا. حنين: بصت وقالت بصى يافتون. سليم وخالد هناك اهم. فتون: ايوه سليم ف العربيه الحمرا. وخالد الزرقا. ربنا يستر. نجوان: جايه تصفر. شريف شدها اعقلى يامجنونه عشان متغباش عليكى. نجوان: بغيظ اله ماتسيبنا نعيش حياتنا بقى ياشيفو. شريف: بمكر كلها اسبوعين وهتعيشى اجمل حياه مع شيفو. نجوان: بلعت ريقها بتوتر. احم ربنا يستر.وبعد كده الكل ركز ف المسابقه. فتون: بتشجع وبتدعى من قلبها. نجوان: مجنونه. وبتشجع بضمير. حنين: بتشجع خالد. وحست بألم في بطنها. وصرخت بهمس. فتون. ونجوان وشريف. سقفو بفرحه لأن سليم الل كسب. فتون: بتسقف وقالت بت يانونا مش قولتلك جوزي الل هيكسب و بصت ل حنين. وكشرت عينيها حنين مالك. حنين: بتنهج وعرقانه فتون الحقينى انا شكلى بولد. فتون: اتصدمت ايييه؟ بتولدى.حنين: بتتنفس بسرعه وصرخت بصوت عالى خاااااااااالد ااااااه. اغلب الناس انتبهوا. شريف قام بسرعه. ايه يفتون ف ايه؟ فتون: بتعيط. حنين شكلها بتولد ياشريف. نجوان: لاا هنا مش هينفع. وقربت منها. ومسكت أيدها اهدى ياحنين وخدى نفس ع مهلك. فكري ف اي حاجه اشغلى نفسك بيها. حنين: بتنهج وبتعيط. عايزه ماما يافتون. عايزه خالد. انا هموت عايزه خالد. ااااااه. فتون: بتعيط بشهقات وبتترجف.شريف: بحيره. طيب انا مش هينفع اشيلها. بصو انا هنزل اشوف خالد. فتون: هزت راسها بعياط وطلعت الفون واتصلت ع سليم. مره واتنين وتلاته. سليم: ف اوضه تغيير الملابس هو وخالد. سليم: بيفتح الشنطه. وسمع صوت الهزاز. وشاف الفون. وابتسم بحب الو قلبى. فتون: بعياط سليم. تعالى بسرعه انت وخالد حنين بتولد ياسليم الحوقونا. سليم: قام وقف بسرعه ايه حنين بتولد؟ خالد: سمعه. وقلبه دق وجري بسرعه كبيره جدا.سليم: طيب طيب ياحبيبتى متقلقيش احنا جايين حالا. وقفل. وجري ورا خالد. خالد: اخد حنين المستشفى. حنين: بتصرخ الحقنى ياااخااااالد مش قادره. خالد: بدموع مسك أيدها عشان خاطري استحملى انا مش قادر اشوفك كدا. الدكتوره دخلت. وطلعت خالد بره. خالد: واقف بره غصب عنه. ورايح جاي بخوف كبير. سليم: وشريف جمبه بيهدوه فتون: قاعده بتعيط وماسكه بطنها بوجع وخافت من الولاده.سليم: شافها. وراح قعد جمبها. وباس ع راسها. حبيبتى اهدى انا قولتلك اروحك كدا ماينفعش انتى تعبانه. فتون: بعياط. لأ مش هروح وحنين هنا. سليم انا خايفه عليها اوى. وازاى خالد يسيبها لوحدها كدا؟ شوفت كانت بتصرخ ازاى؟ انا مش عايزه اولد انا خايفه اوى ياسليم. سليم: ضمها لقلبه هشش اهدى ياروحي وإن شاء الله حنين هتكون كويسه. قومى. تعالى ننزل شويه تحت. لازم تبعدى عن الجو ده.وساعدها واخدها ونزل يتمشو ف جنينة المستشفى وحاول يطمنها. وكل شويه يتصل ع خالد وشريف يطمن ع حنين. وبعدها شريف اتصل ع سليم وقاله إن حنين ولدت وخرجت ف الاوضه. وسليم: اخد فتون وطلعو بسرعه. وشافو حنين. وخالد ماسك أيدها وخايف عليها. وشال سيف ابنه بين ايديه. وأذن ف ودنه بدموع. وجواه احساس جديد اتولد مع ولادة سيف الشرقاوي.وبعدها بيوم خرجوا من المستشفى. وخالد كان مبسوط جدا واهتم بحنين وسيف. ونجلاء كانت موجوده مع حنين. وبعد اسبوع خالد عمل عقيقه كبيره وعزم ناس كتير جدا. وبعت دعوه للشرقاوى لكن مجاش. وشذى وشادى راحو الحفله وكانو مبسوطين جدا بوجود سيف. وخالد كان فرحان بوجود ابنه وأخواته. والأهم حنين الروح مراته. وبعد كام يوم. سليم حجز القاعه ل شريف. ونجوان اختارت الفستان وفتون معاها وكان الفستان جميل جدا ع نجوان.وبعدها راحت السنتر وكانت اميره. وشريف مكنش مصدق نفسه إنه خلاص هيستقر مع الانسانه الوحيده الل قلبه دق ليها. واخدها وطلعو ع السيشن وبعدها الفرح. وكان فرح مميز. وسليم رقص مع فاتنة قلبه. وشريف رقص مع نجوان. وبعدها شريف اخد نجوان ع عشهم. واتعامل معاها بكل حب وتقدير واحتياج. وتم نقل مليكة نجوان محمود. ل نجوان بدر الدين. ونقولهم الف مبروك.وبعدها سافرو ل شهر عسل ف لندن. وشريف عوض نجوان عن كل حاجه نقصاها. وكمان عاش احساس جديد من السعاده. ونجوان قدمت السعاده الحقيقيه ل شريف بحبها ليه. ورجعو من شهر العسل. وعاشو فتره طويله ف الشقه الخاصه ب شريف. ونجوان عشقها ل شريف بيزيد يوم عن التانى. وبعد شهرين كمان اكتشفت انها حامل. وشريف كان طااير من الفرحه بجد وسجد شكر لله. وقال اول حاجه هيعملها انه هيعتمر مع نجوان. ف فيلا بدر الدين. ف نص بليل.سليم: نايم. وفتون ف حضنه. فتون: صحيت فاجأه من الوجع. وصرخت سلييييييم.