41 ل43 احييت بصريته الاخير

رواية أحببت بصيرته فصول خاصة للكاتبة مريم نصار الفصل الأول
فيلا سليم بدر الدين. ف المكتب الخاص. سليم: قاعد ع المكتب. وفاتح الملف وبيراجع شغله. فتون: نازله ع السلم. ولابسه بيجامه. وقالت مساء الخير يا داده فاتن. فاتن: مساء الورد بست الكل. صلاة النبى احسن. انتى انهردا زى الفل الله اكبر عليكى. فتون: ضحكت. تسلمي يارب. و الحمد لله ياداده. شوية تعب وراح لحاله. قوليلى سليم فين؟ فاتن: سليم بيه ف المكتب. وطلب مني اعمله القهوه بتاعته.فتون: بابتسامه. انا هاعمله القهوه ياداده. اتفضلى انتى. فتون: دخلت المطبخ. وبتجهز القهوه. فاتن: طيب سؤال بس ياست فتون. عيد ميلاد ست البنات حياة بكره إن شاءالله. ومحدش طلب منى اعمل ترتيبات ايه انا والشغالين زى كل سنه. فتون: ايوه ياداده. لان سليم بيفكر يعمله ف فندق او ف الساحل. لسه هيشوف انهردا. وانا هتكلم معاه. وهقولك. فاتن: وماله. وكل سنه وهي بألف خير. ويارب عقبال 100 سنه.فتون: ابتسمت وانتى طيبه. الله يكرمك ياداده. فاتن: سؤال تانى عدم اللامؤخذا يعنى. انتى عارفه انا بحب ست حياة قد ايه. فتون: طبعا ياداده. انتى عشرة سنين. وانتى ال مربياها هي و آمان. اتفضلى أسألى. فاتن: شاله يجبر بخاطرك يارب. احم لامؤخذا يعنى. العريس ال اتقدملها. ياترى وافقت. ولا رفضت زى كل مره. اصل انا من امبارح مش عارفه اكلمها. ومتظرظره عليا ع الآخر.فتون: ههههههه معلش ياداده انتى عارفه انها عصبيه. وكمان العريس اترفض انتى عارفه حياة لسه صغيره دى لسه ف تانيه جامعه. فاتن: رفعت ايديها الاتنين وقالت ربنا يوفقك ياحياة يابنت حوا و آدم. ويرزقك بعريس زى سليم بيه. ويريح بالك ويسعدك انتى وسي آمان قادر ياكريم فتون: حطت القهوه ف الفنجال. وقالت بحنين. آمين يارب. وشالت القهوه. وراحت ع المكتب. وخبطت. سليم: مركز ف شغله وقال ادخلى ياداده.فتون: فتحت. ودخلت بابتسامه. طيب ينفع فتون؟ سليم: قفل الملف. وابتسم. وشاور ليها تعالى ياروحي. ايه الجمال ده؟ وكمان جايبه القهوه بنفسك.؟ فتون: قربت منه بضحكه صافيه. وحطت القهوه ع المكتب. وشهقت. سليم: شدها لحضنه وقعدت ع رجله. وباسها من خدها. وقال فاتنتى عامله ايه دلوقتى ياحبيبتى؟ فتون: بضحكه صافيه. وماسكه ياقة قميصه. انا كويسه جدا ياحبيبى. ومش بس كده. انا كمان عملتلك القهوه بايديا. ويارب تعجبك.سليم: داعبها من أنفها بمرح. طبعا هتعجبنى جدا. لكن الأهم من كل ده. اخدتى علاجك ولا نسيتى كالعاده؟ فتون: ههههه تؤ تؤ مانستش ولا حاجه. واخدت العلاج ف ميعاده. وانا خلاص بقيت احسن بكتير صدقنى. الحمد لله. سليم: بابتسامه. الحمد لله ياروحي. فتون: قولى بقى. حياة و آمان مش موجودين ف البيت؟ سليم: اممم فعلا. حياة راحت عند عمها خالد و آمان معاها.فتون: اممم تمام. انت فكرت هتعمل عيد ميلاد حياة فين؟ ولا نعمله هنا وخلاص. سليم: قربها لحضنه. وقال تؤ. حياة بنوتي. جابت تقدير كويس جدا. وتستاهل حفله جميله. وانا فكرت اعمل ليها عيد ميلاد ع البحر ايه رايك ياروحي؟ فتون: بانبهار. امم جميل. تقصد ع اليخت بتاعنا؟ سليم: بغمزه. لأ طبعا. اليخت ده للعشا والعقاب. ومينفعش اى حد يعرف بيه. ولا ايه؟ فتون: بحرج. احم م. ماشي خلاص. سليم: بمكر. هو ايه ال خلاص؟فتون: كشرت عينيها بتعجب. وبعدين معاك. بطل بقى. سليم: ضمها لقلبه. حبيبى انا ياناس ال بيتكسف. فتون: ضمته بحب كبير وضحكت. وقالت حبيبى انت ياسيمو. سليم: بهمس جبتى هديه ل حياة قلب ابوها؟ فتون: طلعت من حضنه. وفتحت عينيها بدهشه. صدق لأ. ينهار ابيض. انا ازاى نسيت. لأ بص انا منستش. بس انت عارف انا تعبانه بدور برد شديد جدا بقالى اسبوع واكتر. ومكنتش مركزه ف اي حاجه. طيب والحل بقى؟ دي حياة ممكن تغضب علينا كلنا.سليم: مسد ع خدها. طول ما الملاك الحارس موجود معاكي. متفكريش ف اي حاجه. فتون: باسته من خدو بفرحه. تسلم لقلبى ياحبيبى انا، طول عمرك مريح قلبى. ها قولى بقى جبتلها ايه؟ سليم: بمكر. ايه رأيك عايز اجبلها عربيه.؟ فتون: فتحت عينيها بدهشه، نعم؟ عربيه ياسيلم؟ لأ طبعا أنا مش موافقه. سليم: بهدوء ليه بس ياتونا. فتون: بجديه. علشان حياة لسه صغيره. وكمان ماينفعش عربيه مره واحده وهي ف السن ده.انا معوده بنتى إن الحاجه بتيجى بتعب. مش علشان نجحت وجابت تقدير تجبلها عربيه مره واحده. لأ انا رافضه الطريقه دى. سليم: بتنهيده. بس حياة مش صغيره ياتونا. وكمان بتعرف تسوق كويس جدا. وبتسوق عربيتى. مافيهاش حاجه لما تكون ليها عربيه خاصه ليها.فتون: بتصميم لأ. بنتك لسه صغيره ياسليم. وانا خايفه عليها. خلينا زى ما احنا. وف سواق خاص ليها. ولما تكبر شويه إن شاء الله. تجبلها عربيه. لكن السنادى لأ. ممكن ولا ايه؟ سليم: بتفكير. بس حياة هتزعل يافتون. وهي طلبت منى عربيه. فتون: بتعجب. انت بتحسسنى انها بتطلب لعبه.؟ وانا ف سنها كان أكبر احلامى كلها اسدد ديوني ياسليم.ارجوك ياسليم سبنى اربي بنتى بطريقتى. انا مش بقولك ماتجبلهاش. لأ جبلها لكن مش دلوقتي. وصدقنى ياسليم ال بيجى بسهوله. بيروح بسهوله. سليم: مط شفايفه بتفكير واتنهد. ومش عايز يزعل مراته ولا بنته. فتون: حست بيه. ومسكت وشه بايديها. وقالت صدقنى انا فاهمه انك مش عايز تحرمها من حاجه. وانا كمان عايزه ولادى يحققو كل حاجه. لكن بعد ما يعرفو قيمتها.سليم: بتنهيده. احنا اتفقنا انك هتتصرفي ف ميزانية البيت من ناحية الاكل والشرب لانك شايفه انه تبذير. وانا معاكى ووافقتك ف دي. لكن انا اتفقت معاكي. إن طلباتك ولبسك وكل حاجه تخصك وتخص ولادي. دى ماتتدخليش فيها. انا يستى عايز اجيبلكم كل حاجه. وبعدين انا لو عارف إن حياة بنتنا متهوره انا مكنتش هفكر ف هديه زى دي. لكن حياة فوق ماهي واخده عصبيتى واخده اسلوبك كمان. وبتتصرف بعقل. فتون سبينى انا اتصرف.فتون: ابتسمت. انا عارفه انك بتحب حياة اكتر من اى حد. بس عشان خاطرى بلاش ع الاقل السنادى. خليها لما تخلص جامعه اهي هتكون كبرت واشتغلت معاك ف الشركه. ارجوك وافقنى بقى. سليم: اولا يامدام فتون. صلحى كلامك. انا مبحبش حد ف الكون كله قدك انتى وبس. أما ولادى ليهم حب من نوع تانى خالص. فاهمه؟ فتون: ههههههه فاهمه ياروحي. هو انا بعشقك من شويه ياملاك قلبى انت. سليم: بغمزه. موافق بس شرط…فتون: صكت ع أسنانها بغيظ مكبت. العقااااب صح ياسليم؟ سليم: بغمزه صح ياقلب سليم. فتون: وشها بقى احمر جدا، وسكتت. سليم: ههههه يؤبرني ها الحلو. فتون: بلعت ريقها بتوتر. احم ا. انت هتحجز امتى؟ وهتقول ل خالد وحنين؟ سليم: بيلاعب خصلات شعرها. مش عايزك تفكري كتير كل حاجه بكره هتكون زي ما انتى عايزه. وهيكون اجمل عيد ميلاد ل حياة سليم بدر الدين. فاتن خبطت ع الباب. فتون جت تقوم.سليم: ضمها لقلبه اكتر. هشش بس. وقال بثقه ادخلى ياداده. فتون: بحرج كبير. سليم لأ ماينفعش كدا الله يخليك. سليم: هتسكتى ولا اتجاوز اكتر. فتون: فتحت عينيها بدهشه وقلبها بيدق بسرعه من الاحراج وهي قاعده ع رجله. فاتن: فتحت الباب. وشافت فتون وهي متوتره. وابتسمت بحرج. وبصت ف الارض وقالت. احم سي سليم بيه. خالد بيه وصل ف الجنينه. ومعاه سي امان وحياة هانم. سليم: بهدوء. طيب ياداده. انا خارج ل خالد.فتون: شهقت. يلهووى خالد وانا باللبس ده؟ داده فاتن. بسرعه الله يكرمك. هاتلى أسدال ولا فستان اى حاجه بسرعه. فاتن: حاضر ف ثوانى هكون عندك. وطلعت بسرعه. سليم: بمكر. احنا كنا بنقول ايه.؟ فتون: بغيظ. كنا بنقول خالد مجنون وممكن يدخل زي القضا المستعجل. سليم: ببرود. تؤ. من يوم مانقلنا الفيلا الجديده. وهو مايتجراش يدخل طول ما انتى موجوده ياروحي. فتون: نفخت بأريحيه. طيب كويس ربنا يهديه.سليم: بهمس. ونفس البرود. كنا بنقول ايه ياتونا؟ فتون: قلبها دق واتكسفت. وقالت بحرج. كنا. كنا بنقول انك هتجهز كل حاجه. احم. سليم: بمكر. طيب وقبل كدا. فتون: بحرج. وبعدين معاك بقى بتحب توترنى. كدا مش هينفع خالص ع فكره. سليم: ضحك بصوته كله هههههههههههه. قلبى انتى ياتونا. فتون: ابتسمت بحب. وقالت أنا عارفه انى وحشاك. بس بطل تحرجني.سليم: بغمزه. وحشانى وبس؟ وحياتك انا من وقت دور البرد ال جالك ده وانا هموت من القلق عليكى. ومن عشقك كمان. وحشانى جدا. مهلكتى انتى يافتون… فتون: وشها بقى احمر جدا. وقالت خلاص ياسليم بقى. احم صاحبك بره. وولادك زمانهم هايهجمو عليك. وا… حياة: فتحت الباب ودخلت. مسااااااء الخي، وشهقت هييييييي انتو بتعملوا ايه؟ ينهار الوان. ده مكان اكل عيش ياناس.سليم: ههههههههه تعالى تعالى. متأخره نص ساعه. هتتحاسبى ع فكره… حياة: قربت منهم. وباست فتون من خدها. وقالت مامتى حبيبتى. حمدالله ع السلامه ياقمر العيله. فتون: بضحكه صافيه. الله يسلمك ياحبيبتي. حياة: وقفت ورا الكرسي. وحضنت سليم بمرح. ايوه ياسليم باشا. انا فعلا اتأخرت نص ساعه. ولكن إذا سمحت ليا المحكمه باتساع صدرها ولتسمع منى. وما قد بدر من اهواج وتفاصيل قد حدثت وغيرت مجري وتفاصيل الق\ضيه.آمان: دخل بمرح وكمل. سيدى الرئيس. حضرات الساده المتوترين. إن موكلتى حياة سليم بدر الدين. قد تأخرت بالفعل. ولها أسبابها الخاصه. وانا هنا معكم اليوم ل ابرهن. واقدم لكم جميع الميداليه والادله التي ليس معي وليس لها اى أساس من الصحه. وهذا كل مالدى من اقوال ودلائل واشكر كل من موجود بقاعة المحكمه. وارجو الرحمه واتخاذ القرار السليم ف براءة بنت الحج سليم. وشكرا…حياة: بصوت مرح. رفعت الجلسه. وتؤجل الق\ضيه لحين استماع الشهووووود… أمان: سقف برافووووو يحيا العدل والله. مؤبد ع خير. هههههه سليم: مغمض عينيه م الصوت العالى. لكن قلبه بيضحك من عيلته ال تخطف القلب. فتون: بتضحك من قلبها. وقامت وراحت حضنت أمان. حبيبى انت يا امان. أمان: باس ع أيدها. حمدلله ع سلامة حضرتك ياست الكل. فتون: الله يسلمك يا حبيبى. امان: سلم ع سليم. اذيك يا بابا. وباس ع أيدو.سليم: حمدالله ع السلامه ياحبايبى. امان وحياة الله يسلمك يا بابي. فاتن: جابت الفستان لفتون والحجاب. خالد: ف الليفنج بصوت عالى. مش خيييير ولا ايييييييه؟ انت يا استاااااذ نمت جوه ف ام المكتب؟ اخللللص عايز اروح. سليم: خارج ووراه عيلته. وقال والله انت ال جاى من غير ميعاد. يبقى تترزع مكانك لحد ما اخرج. وايه ال جابك اصلا.؟ هو انا مش سايبك من كام ساعه ف المجموعه.خالد: كبر دماغه من كلام سليم. وقال اهلا ام حياة حمدلله ع السلامه. إم سيف بعتانى مخصوص عشان أسأل عليكى. الف سلامه عليكي. عامله ايه دلوقتى؟ سليم: قبض ع ايديه بغيره وتوعد. فتون: كتمت الضحكه. وقالت الله يسلمك يا استاذ خالد. احم انا هتصل ع حنين اطمنها. سليم: من بين أسنانه. خلاص اطمنت. خش تعالى ف المكتب عشان اروقك. خالد: فتح عينيه بدهشه وقال بتمثيل. اتروق ياميمي؟ لأاا انا أسمى ميمي اه بس راجل اوى كلهم ضحكو.سليم: بغيظ. ولااا. انت وصلت ولادي لحد هنا صح؟ اتكل بقى يلا من هنا… خالد: قعد ببرود وحط رجل ع رجل. وقال عاجبك يا استاذه فتون. جوز حضرتك معندوش اى اسلوب حضارى وتحسي انه تربية حواري. سليم: فتح عينيه بزهول. وبصووت غضبان. تربييييية ايييييه ياااالا انت؟ خالد: اتحرك بسرعه. واستخبى ورا آمان. وقال بقولك ايه؟ كُل حاجه كدا سد بيها جوعك. انت هتتحول عليا ولا ايه؟ ماتهمد بقى اجدع. عشان اقولك انا جاي ليه؟حياة: بهمس بلاش ياعمو خالد. بلاش تقوله. خالد: بهمس لازم ياحياة. ويلا بقى هي موته ولا اكتر. بصي انا هقول واجري اشطا خلينى اخلص؟ حياة: بهمس هتجري ياعمووو؟ خالد: الجري نص الجدعه ايش عرفك انتى؟ سليم: بغيظ خلصتو وشوشه انتو الاتنين؟ اخلص يا ااازمة حياتى. جااااى ليه؟ وعندك مصايب ايييه تانيه؟ خالد: هرش ف قفاه. هي مصيبه واحده بس. إء. لايعم مصايب ايه كفاله الشر. احم. انا جاى، وبلع ريقه بتوتر وبص لحياة و آمان.حياة و آمان. اتحركو. و وقفو جمب فتون. وبيعدو. من واحد ل خمسه ومنتظرين رد فعل سليم. سليم: نفخ بنفاذ صبر. جاااى ليه ياخالد ياشرقاوي؟ خالد: بيمثل التوتر. وقال. جاااى. جاااي. احم اصل. انا. كنت جاااى. فتون: كاتمه الضحكه. وفهمت إن خالد عمل حاجه ضد رأي سليم. وهمست شكلك هتتغرق ف البيسين انهردا ياخالد. وهتروح كالعاده مبلول. سليم: خبط كف ع كف. يا ربنا. ماتنطق يبنى؟خالد: اتكلم بسرعه. انا جاى اقولك انى حجزت وظبط كل حاجه لعيد ميلاد بنت اخويا ال هي حياة. ف اكبر مول ف مصر. وأمسك كارت الدعوه بتاعك انت ومراتك اهو. وحطه ع التربيزه. فتون: شهقت بصوت مهموس وحطت أيدها ع بوقها. وقالت ينهار ابيض. استر يارب. سليم: مسح وشه بايديه. وقال بغضب مكبت. وبص ل خالد. انت جهزت وحجزت كل حاجه لبنتى انا؟ وف مول؟ ومن غير ما تاخد رأيي؟خالد: بيمثل الزعل. اله ما هي بنتى كمان ياجدع. هو لازم اقولك يعنى؟ وشهق. وجري ينهار منيل استنى ياسليييييييييم… سليم: جري وراه بغيظ كبير. ده انا لازم اربيك بجد ياحيوووووان… خالد: بيجري بسرعه وخرج ف الجنينه. صعب جدا اتربي، هو بعد ما شاب ياسليييييييم. اهدا بقي مش كل مره اروح مبلوووول. حياة: جريت ع اول الباب مع أمان وبيضحكو.فتون: بتضحك من قلبها. وقالت ربنا يستر بجد عليك المرادي ياخالد. وجالك قلب تتصرف كدا؟ آمان: اوبس. ينهار ازرق. الحقو. عمو خالد قطع النفس. ههههههههه. فتون ؛ كشرت عينيها. وقالت حياة. انتى ال قولتى ل عمك خالد انك عايزه تعملى عيد الميلاد ف مول مش كدا؟ حياة: بثبات ايوه يامامي. هي كانت مجرد فكره. وقولتها. لكن اتفاجئت انهردا زي حضرتك بالظبط. إن عمو خالد جهز كل حاجه.فتون: هزت راسها بنفاذ صبر. وقالت. ربنا يستر. سليم: بيجري بسرعه كبيره. خالد: بيجري وبينهج. وقال يخربيت كدا ولاااااا اهدا بقى… سليم: ف حركه سريعه مسك خالد ونطو ف البيسين… خالد: شهق وكح ومسح وشه بايديه وبينهج. الله يخربيتك يا اخي. مصاحب واحد من غير مخ. سليم: مسكه من ياقة قميصه. وقال بغيظ. بقى انت. تتصرف من دماغك.؟ ده انا هشلفطك دلوقتي. خالد: ببرود. بقى كدا ياسولي. ينفع تخلينى استاذ شلفوطه قدام عيالك.سليم: ضغط ع فك خالد بغيظ اعملللل فييييك اييييييه؟ خالد: رقص حواجبه ببرود طلقنى. مش عاجبك طلقنى. بس قبل ما تقولها. قولى بحبك ياخالد. خلينى بعد الانفصال اعيش ع الكلمه دى ياسولي. سليم: غمض عينيه. وقال اعمل ف الواد ده ايه؟ كتلة تلج متحركه. وزقه وسابه وخرج م البيسين.خالد: بتريقه. سلييييم بغرق ياسلييييم، سلييييم هتخلينى اروح مبلول. حرام عليك. حنين من كتر ما بروحلها مبلول فكرتنى غواص. الحقني. ياسليييييييم. بعد فتره كبيره ف فيلا الشرقاوى. حنين: هههههههههههه. انا احترت معاك ياخالد. بصراحه الله يكون ف عون سليم منك. خالد: بياكل. اسكتى بقى انا متغاظ من الواد ده. بقى بعد ما يغرقنى يحلف عليا مانا متعشي عنده. بقى ده جزاتى عندو. مااااشي يسليم. مااااشي.حنين: ههههههههه دى ااقل حاجه سليم يعملها معاك. كفايه انك مطلع عينه ف الشغل. وكمان سايبك برحتك واى مشكله يجري يحليهالك. اخ منك ياخالد. بقى ياخالد انت عارف إن سليم حياة وأمان عنده بالدنيا. وديما يحب هو ال ياخد القرار معاهم ومع فتون. تقوم انت تفاجأه كده؟ هههههه فظيع انت. خالد: بياكل. بقولك ايه هو ال معقد. مايفكها شويه. وايه يعنى عيد ميلاد ف مول؟ ده واد خنيق. فكك منه.حنين: ههههه افكنى منه؟ طيب تعرف إن فتون لما اتصلت عليا قالت إن سليم كان عايز يعمل عيد ميلاد حياة ع البحر؟ خالد: بقولك ايه. حياة عايزه عيد ميلادها ف المول. وانا عملته. سيبك من ابو قرارات ده. هاتى ورك فرخه. جنى: ههههههه. بابي حضرتك بجد محصلتش. خالد: بغمزه بس ايه رايك ياموزتى. ف الآخر عملت ال انا عايزو. ولا ايه؟ جنى: بفخر. طبعا بابي مش اى حد. ويعمل ال هو عايزه.خالد: بعتلها بوسه ع الهوا. قلب ابوكي انتى. بتفهمى والله. حنين: بتوعد. قصدك ايه يااخااالد؟ خالد: بلع الاكل. وقال ببلع. ببلع الاكل وكنت لسه هكمل الجمله. واقول بتفهمى زى امك. حنين: زى ايه ياخالد؟ امك؟ خالد: بتريقه. اه نسيت اسف هرتقي اصل القاع مزدحم. هههههههههه. كلهم ضحكو. سيف: بياكل. ماما حضرتك جبتي هديه ل حياة؟ خالد: بمكر. اكيد طبعا ياسيف باشا. وهي دى حاجه تتنسي. المهم انت جبت هديه ل، لحياة؟سيف: بثقه. وانا اجبلها ليه؟ كفايه حضرتك. خالد: رفع عينيه ل سيف وقال. ولا ياسيفو. انا مش مختوم ع قفايا اشطا؟ بس خلينى ساكت احسن. ماتجببى ورك فرخه ياحنين. ولا اقوم. حنين: هههههههه لا ياحبيبى اتفضل والف هنا. خالد: بغمزه. كلى انتى بطاطس وانا الفراخ. وهمس ف ودنها. لقاءنا فوق اصلك وحشانى ياحته هههههههههههه. حنين: اتوترت واتكسفت. وبصتله بنفاذ صبر.جنى: بتفكير. طيب يعنى عمو سليم اقتنع يعنى. وهنروح كلنا بكره المول. خالد: ايوه يا حبيبتي. وانتى عارفه إن كلام ابوكي ف الآخر هو ال هيمشي. ولا ايه ياحنوووون؟ حنين: بتنهيدة حب. طبعا ياخالد. كلامك ال بيمشي ف الآخر. خالد: ده كدا عظمه اووووى. تانى يوم الساعه 4 فيلا سليم بدر الدين. فتون: لابسه فستان باللون الازرق الداكن. وكان خيال عليها. وواقفه قدام التسريحه بتلبس الحجاب.سليم: خارج من اوضة اللبس. ولابس بدله جميله جدا. وشاف فتون. وابتسم بحب وقرب منها وباس كتفها وضمها من الخلف. وقال فاتنة قلبى ال سحرانى بجمالها. فتون: بضحكه صافيه. سليم ربنا ما يحرمني منك ولا من وجودك ف حياتى. ولفت ليه. وباسته من خدو وقالت ايه الجمال ده ماشاء الله عليك. سليم: مسد ع وشها. الجمال ده وصف بسيط ليكى انتى ياروحي. كفايه جمالك ورقتك ال واخده قلبى ف حته تانيه.فتون: ابتسمت. وقالت يلا عشان. تلبس الساعه. ولبسته الساعه. ورشتله البرفان. وقالت قولى بقى. شريف كلمك؟ اصل نجوان كلمتنى من شويه. سليم: بيحط الدبوس وقال ايوه ياحبيبتى. وبيسلم عليكى. وقالى كلها اسبوع ويرجعو كلهم من امريكا. ع فيلتهم الجديده. فتون: بسعاده. بجد. والله فرحت جدا. نجوان مقالتش ممكن تكون متعرفش. سليم: ايوه فعلا متعرفش. لان شريف قالى انت اول واحد تعرف. فتون: تعرف بدر وفريده وحشوني اوى. وا…سليم: حاوطها من وسطها بغيره. وقال سمعينى كدا قولتى ايه؟ مين ده ال وحشك؟ فتون: حاوطت رقبته بايديها وقالت فريده ونجوان. سليم: بتحذير اومال بدر؟ ده ايه؟ فتون: بدلع تؤ انا مقولتش بدر. انت ال قولت اهو. سليم: خطف بوسه رقيقه وقال بتحذير. ماسمعش منك كلمة حد وحشك غيرى فاهمه يافاتنه. فتون: قلبها دق بحب كبير وقالت فاهمه ياحبيبى.سليم: لسه بيقرب منها. وفونه رن وكان خالد. وصك ع اسنانه بغضب واضح ورد وقال عايز ايه ياعملى الاسود. بتتصل ليه دلوقتي؟ خالد: ليه يعنى فيها لما اتصل دلوقتي انت كنت بتعمل ايه؟ ها. ها قولى. سليم: اخلص يالا عايز ايه؟ خالد: أنجز ياعم انا ف الطريق للمول اهو. سليم: تمام. ساعه ونكون كلنا هناك. إن شاء الله.ف شقة فهد السيوفي. رينو: داخله ع فهد الاوضه. وشافته ف قمة اناقته. وقالت بغيره. ايه الجمال ده كله يافهد؟ لأ لأ. استنى انا هجبلك طقم عادي. ورايحه ع الدولاب. فهد: ضحك بصمت وجري عليها بسرعه وشالها قبل ما تفتح الدولاب. رينو: بغيره وغيظ. نززززلنى. نزللللنى. يافهد. فهد: ههههه. انتى حكايتك بقى؟ كل مالبس بدله أو طقم كلاسيك. تغيرى عليا كدا؟رينو: بغيره. ايوووه بغير. عند حضرتك مانع؟ وبعدين انت اللون الاسود عليك يجنن. لابسه ليه بقى؟ فهد: نزلها. ومشي خطوه قدامها. رينو: بترجع بضهرها. لحد ما خبطت ف الحيطه. فهد: رفع ايديه ع الحيطه. وهي بين ايديه. وقال بغمزه. فهد السيوفي يجنن ف اى حاجه. ولا ايه يانجمة قلب فهد.؟ رينو: بتتنفس غيظ. وقالت بغيره. هتلبس طقم عادي. والا مش هيحصل خير ابدا.فهد: قرب من شعرها واخد نفس عميق وقال. ياااااه ع ريحة الشياط. يابنتى هتولعي ف البيت مش كدا. رينو: رفعت حاجبها. وقالت والله شياط؟ وكملت بمكر. اووووكي. وسع بقى خلينى البس. فهد: باشتياق ليها. قال طيب بقولك ايه. انتى وحشانى. وا… رينو: بكبرياء. اسفه. احنا اتأخرنا، المفروض نكون ف المول بعد ساعه. اوكي. ونزلت راسها وخرجت من بين ايديه. ورفعت حاجبها وقالت أنا بقى هوريك الحريقه ال بجد. مش الشياط. يبن السيوفي.فهد: مسح وشه بايديه وحط ايدو ع قلبه. وقال بعشقك يابنت آدم العدوي. آرين: بتخبط ع باب فهد. بااااااابي. خلصتو ولا لسه. كدا هنتاخر. فهد: بيسرح شعرو. وقال مامي بتلبس ياحبيبتى. آرين: بتذمر عاااااااا كل ده لسه بتلبسي يامامي. حرام بقى انا عايزه اروح الموووول. فهد: حاضر يا آريني. شوفى اركان اخوكي خلص ولا لسه؟آرين: بغيظ. ايوووه آركان خلص من بدري. وكمان اتصلت ع تالين. قالت هي كمان لبست. و. و آد، احم وخالو مراد بيلبس. فهد: طيب تمام. شويه وخارج ياروحي. استنينى ف الليفنج اوكي. آرين: بس بشرط هتعلمنى السواقه اوكي؟ فهد: حاضر ياحبيبتى. آرين: بمرح. يس يس يس باااااابي اجمل دااااااااد ف الدنيا كلها… فهد: قدام المرايا. بيلبس الساعه. وبيضحك ع آرين. وفجاءه تنح. والدم على ف عروقه. وبدل الشياط. أصبح حريقه فعلا.رينو: لابسه فستان احمر كات. وعليه بلرو اسود. وماسكه حجاب اسود. وطالعه عشان تلبس الحجاب والنقاب. جمبه ف المرايا. ومسكت صوباع الروج. فهد: بغيرره، مسك أيدها بسرعه. وقال بجمود ايه ال انتى لابساه ده يا لاريييين؟ رينو: بكبرياء وبرود. لارين العدوي تجنن ف اي حاجه ياقلب نجمة فهد. وكملت بغمزه. ولا ايه؟ فهد: مسح وشه بايديه ونفخ بخنقه كبيره. خشي البسي الفستان الاسود.رينو: بدلع. تؤ تؤ. وانت يعنى سمعت كلامى ولبست طقم غير ده؟ انا هخرج كدا. وبتحط روج. فهد: قبض ع ايديه بغيره. وقال بغضب. مفيش خروج بالشكل ده وانتى عارفه كدا. رينو: بتظبط الروج. وبصت ليه. وقالت ليه يافهودي؟ وقربت من رقبته وبتقلدو واخدت نفس عميق وقالت. يااااااه ع ريحة الشياط. يبنى هتحرق البيت مش كدا؟ ورجعت مكانها. وغمزت ل فهد…فهد: هز راسه اممممم. بقى الحكايه كدا؟ تمام. تمام. حطى روج ياروحي زي ما انتى عايزه. رينو: فتحت عينيها بدهشه. واستغربت رد فعله. فهد: راح عند الباب وقفل الباب بالمفتاح… رينو: بلعت ريقها بتوتر. وقالت اء، انت قفلت الباب ليه يافهد؟ فهد: قلع جاكيت البدله وقال بمكر. مراتى حبيبتى بتتزوق لجوزها حبيبها. وبصراحه بقى نجمتى حبيبتى وحشانى اوى. وغمز ولا ايه؟ وخطى كام خطوه قدامها.رينو: اتوترت. ورجعت بضهرها. والحجاب والنقاب وقعو منها. لأ يافهد. وخبطت بضهرها ف الحيطه وكملت. خلاص خلاص انا هلبس الفستان الاس… فهد: قاطع كلامها بالبوسه المعهوده. وزال اى آثار للميكب. لانه غيران جدا من فكرة انها بتحط ميكب ولابسه اللون الل شدد عليها ماتلبسوش تانى. فهد همس. بعشقك يارينو. رينو: تاهت ف عشق الفهد. وهمست بعشقك يافهد. يلا العدوي… آدم: ومريم. قاعدين ف تراس الجناح الخاص.مريم: والله يا آدم. انى اكون قاعده كدا وانت جمبى ومعايه. دى سعادة الدنيا ومافيها. انا مش عايزه اكتر من كدا. آدم: ابتسم. طيب مانتى الدنيا ومافيها يااميرتى. ومعلش ريحينى وامضي.مريم: بتنهيده. اسمع منى بس. انت ربنا يكرمك ويبارك ف عمرك. مش حارمنى من اى حاجه. وكمان كاتب ليا الفيلا دي باسمى. وماشاء الله مدخلنى شريكه معاك ف الشركه الأم. وانا يمكن ماشيلتش ورقه من مكانها لما كنت بروح اقعد معاك ف الشركه. والعقارات كاتبلى فيها. يبقى ايه لأزمة رصيد ف البنك.آدم: كلمه زياده. وهحول كل حاجه لاسمك. وده مبلغ انا حطيته ع فلوسك ف البنك. انا بأمنك. ولو انى عارف فلوس الدنيا كلها متجيش نظره من عينك. ولا كلمة حب منك ياقلب آدم. اسمعى كلامى بقى وامضي. مريم: هزت راسها لله الامر من قبل ومن بعد. وعارفه كلامك ال بيمشي ف الآخر. آدم: بمكر طيب لما انتى عارفه كدا. معطلانى ليه كل ده؟ امضي ياحبيبتى. مريم: ههههه حاضر. بسم الله الرحمن الرحيم. ومضت ع الاوراق. الباب خبط.آدم: ادخل. مراد: دخل بمرح. سلامووووو عليكووووو. احجووووج. امريوووووم. انتو فيييين؟ مريم: بسعاده. احنا هنا تعالى يامرادى ياحبيبى. آدم: بغيره كبيره. الصبر من عندك يارب. مريم: بصتله بدهشه. وقالت اله احنا هنرجع للغيره من تانى؟ آدم: بصلها. بتوعد. امممم تمام تمام. مراد: دخل وسلم عليهم. ايه يامريومه الجمال ده؟ عليا النعمه الجمال عدا الكلام. الله اكبر عليكى. عديتى ليلي علوي بمراحل. اااااه تسلم ايدك ياحج.آدم: لسعه ع قفاه. وقال مش هتكبر عليا. وكلمه زياده. هرميك من البلكونه… مريم: شهقت وحطت ايدها ع قلبها. وقالت ايييه؟ ترميه؟ الف بعد الشر عليه. ليه كدا بس يا آدم. الله يهديك. مراد: بمكر ومثل الزعل. لا عادى. سيبى الحج برحته بامريوم. دا انا اموت فداه وفداكي ياحبيبتي. مريم: بلهفه. بس يامراد. الله يعطيك العافيه ويمد ف اجلك. وعيونها لمعت بدموع. بالله عليك ماتقول كدا تانى. حبيبى انت واول فرحتى.مراد: رقص حواجبه بمكر. وباس ع أيديها الاتنين وقال حبيبتى يامريوم. احلا ام. واجمل ام. واحلا عيون فيكى. يا، ااه. احم تسلم ايدك ياحج. آدم: بغيظ مكبت. انت مش رايح المول انت وولادك مع فهد. يلا غور من هنا. مريم: اله ف ايه يا آد، ومكملتش من نظرت آدم ليها. مراد: حط ايدو ع قفاه. ماشي ياحج. مقبوله منك. انا جيت اسلم عليكوو. وغمز ل مريم. هتعوزي منى حاجه ياقمر.؟مريم: بلعت ريقها بتوتر وبصت ع آدم وقالت. احم س، سلامتك يا، حبيبى قصدى يامراد. مراد: بخبث. يعنى افهم إن مراد ابنك واول فرحتك مبقاش غير ابنك وبس. واتنهد بتمثيل… مريم: بقلب أم. لأ لأ مين قال كدا. دا انت ابني وحبيي قلبى ونور عيني مرادي. ده انت قلبى من جوه. آدم: بصوت عالى ماخلاص انتى وهو. مش هنخلص من صفحة الغزل دي؟ وانت يازفت انت. غور من هنا…مراد: اتعدل بسرعه. احم. تمام اوي. احم سلامو عليكو. وجري من قدامه. وقال أنا كدا عملت ال عليا. آدم: قفل ملف الاوراق. بغيظ. ورزعه ع التربيزه. وقام دخل جوه. مريم: اتخضت. وغمضت عينيها وقالت الله يهديك يا آدم. آدم: من جوه. بصوت جهوري. امين يا ام مرادك. مريم: هزت راسها. وقامت دخلت. وقلعت النقاب. ووقفت قدامه. وقالت اله ف ايه بقى يا آدم؟ هو انت حد جه جمبك؟آدم: بغيره. لأ ابدا. انا بحب اكون عصبى كدا من نفسي. وانتى جايه ورايا ليه ها؟ مريم: كتمت الضحكه. اله هو انا قولت حاجه يادومي. آدم: كشر عينيه بغيظ وقال دومي؟ دا انتى شمتانه بقى.؟ اتفضلى البسي والحقي اخرجي مع حبيبك. وقلبك. ونور عينك الجبله ابن الكلب مرادك يختى. وزعق اتفضلى. مريم: اتخضت. بسم الله. ومسدت ع خدو. اهدا ياحبيبى. اهدا. مش هنعيدو تانى. ده مرادي. قصدى مراد ابنك وحبيبك. هو بس بيحب يناغشك.آدم: اتغاظ اكتر عشان بتمسد ع خدو. بالطريقه دي. وقال هو انا عيل بتثبتينى يامريم؟ مريم: نفخت بنفاذ صبر. وبعدين معاك بقى؟ انت مش هتهدى غير لما تشوف وشي التاني؟ آدم: قرب من وشها اوي وقال بفحيح افعي. وانا مستنى بفارغ الصبر وشك التاني يامريم ياجزار؟ مريم: اتخضت ورجعت لورا بسرعه. وقالت ايه يا آدم. انت محدش يهزر معاك. ف ايه وحد الله مش كدا؟آدم: غصب عنه ضحك من طريقتها. وشدها من وسطها لحضنه. وقال سمعينى كدا قولتى ايه للجبله ابن الكلب البارد. مريم: وبعدين بقى. استغفرك ربي و اتوب اليك. مبدائيا كدا. انا بزعل حقيقي منك لما بتشتم مراد. وغير كدا. هو ابنى. وحبيبى. واول فرحتى. ومرادي. لكن انت المراد نفسه. انت حبيبى وروحي ونور عيني وقلبى. انتى نعيمى يا آدم. آدم: قلبه بيدق. ورفع دقنها وقال أنا ايه؟مريم: بصت ف عينيه بعشق كبير وقالت انت نعيم مريم ف الدنيا يا آدم.
رواية أحببت بصيرته فصول خاصة للكاتبة مريم نصار الفصل الثاني
خارج المول. آدم مراد: نزل من العربيه. ومعاه تالين. وبص ف الساعه. وعايز يشوف ضي آدم بفارغ الصبر. مراد: نزل من العربيه. وحط ايد فريحته ف دراعه وقال. اخوكي البارد مجاش لحد دلوقتي. فريحه: بزعل. وبعدين يامرادى. اخويا فهد مش بارد. مراد: بصلها. بزمتك. ده وقت مرادى؟ يابنت المستخبي انتى. لما اقول بارد يبقى بارد فاهمه يابت.؟ فريحه: ههههه لا مش فاهمه. وكملت بمكر. ياموراد قلبى انا.مراد: كشر عينيه وقال اه يابنت كوم الشكاير. طب عليا الطلبات. لاشتريلك بدله من إياهم. وهتتشقلبيلى فيها. فريحه: شهقت بصوت مهموس ينهار ابيض بتقول ايه يامراد؟ مراد: بغمزه. هتبقى ليله عنب. وبقولك ايه هنطلع ع شقتنا. اشطا. فريحه: بلعت ريقها بتوتر. وقالت هو. لازم البدله دى يامراد؟ مراد: بغمزه. اعتبريها وصلت البيت ياقلب مرادك. آدم مراد: قرب عليهم. ونفخ بخنقه.مراد: بتريقه طب لما انت مخنوق اوى كدا. اتصل عليه وشوفه فين؟ آدم مراد: بمكر. هو مش صاحبك؟ اتصل عليه. انا ولا مخنوق. ولا مستعجل. مراد: عيل دمك تقيل زيه. وبوزه زي بوزك كدا بالظبط. مش عارف انا وحمه سودا. آدم مراد: ابتسم وسكت. فريحه: اهو. عربية فهد هناك اهي. فهد: وصل ونزل. وحاوط كتف آرين. ورينو ف دراعه. واركان سبقهم يسلم عليهم. مراد: ايه الل اخرك كدا يافهد؟ فهد: ابتسم بمكر. أسأل اختك.رينو: تنحت وفتحت عينيها بزهول. وبصت ل فهد بصدمه. فهد: غمزلها بطرف عينه. وسلم ع آدم وفريحه. آرين: بمرح خاااالو مراد. وسلمت عليه. مراد: ضمها لقلبه وقال عارفه يابت يا آرين. انتى بنتى. والواد آدم ده ابن فهد. ولا انتى ايه رايك. آرين: بهمس. بلاش انا اجاوب ياخالو. مراد: بنفس الهمس. ليه ياقلب خالو. آرين: بصوت واطى. اصل آدم المرعب. ممكن ياكلنى.مراد: كتم الضحكه. وقال آدم المرعب؟ صدقي يابت يا آرين جبتى الناهيه. هو مرعب حقيقي. آرين: بهمس هو المرعب ده وهو صغير. كان بياكل ايه؟ مراد: اول ما يصحي من النوم. يشرب كوباية دم ع الريق كدا. وقبل ما ينام. كان بياكل بنى ادمين. آرين: شهقت بصوت عالى ياخبر حضرتك بتتكلم بجد. وبصت ل آدم بخوف. ياااامامااااععع. آدم المر، وبلعت ريقها ومكملتش من نظرة آدم.آدم مراد: بجديه. لو خلصتو ياريت ندخل. مش هنفضل واقفين قدام المول كتير. رينو: فعلا يلا بينا… ف المول. ف الكافيه خالد: ها ايه رايك ياحياة ياحبيبتي. حياة: بانبهار. واااااو بجد تحفه جدا ياعمو خالد. خالد: بتريقه. وانت ياسليم باشا. ايه رأيك؟ سليم: قعد بخنقه. وقال شغال. خالد: بنرفزه. هو ايه ده ال شغال؟ انا جيت هنا الصبح عشان اشرف ع كل حاجه وطالع عينى. وانت نايم ف بيتك. وتيجى تقولي شغال؟سليم: من بين أسنانه. محدش قالك تعمل حاجه. انا لو عليا عايز اولع فيك انت والكافيه مع بعض. خالد: بتريقه. امممم النفسنه كما يجب أن تكون. طبعا غيران وحاقد علينا. عشان حياة قالت ع ال هي عايزاه. وعمها حبيبها نفذلها رغبتها. ولا ايه ياحياة ياحبيبت عمك؟ حياة: حطت صوباعها ع بوقها وهزت راسها ومش هتتكلم. سليم: بص ل فتون. وقال اقوم اضربه ده؟فتون: كاتمه الضحكه. وقالت اهدا ياحبيبى. وبصت للكل. خلاص ياجماعه حصل خير. بس بجد الترتيبات جميله جدا. حنين: فعلا. كل سنه وانتي طيبه ياحياة ياحبيبتي. حياة: بفرحه. وحضرتك طيبه ياخالتو. جنى: كل سنه وانتي طيبه يا حياة. وعقبال مليون سنه. حياة: قلبى يا جنى وانتى طيبه ياروحي. سيف: بتجاهل. اله هي التورته هتنزل امتى؟ حياة: بعند. والله لسه بدري.سيف: بمكر. هو انتى ال متفقه مع مدير الكافيه؟ انا بسأل بابا. يا، حياة هانم. حياة: بكبرياء. والله ده عيد ميلادي انا. وانا ال محدده المواعيد. يعنى كل حاجه هتنزل ف الكافيه وقت ما حياة سليم بدر الدين تقول. ياا، سيف. اوكي؟ سيف: صك ع أسنانه وهز راسه امم اوكي يا حياة اوووكي. آمان: ايه ياعمي هنحتفل امتى؟ خالد: بص ل حياة. ايه اروح اقول للمدير ينزل بالتورته،؟ حياة: بسعاده. اوووكي ياعمووو.خالد: وطي ع ودن سليم. ولاا هتيجى معايا؟ سليم: ببرود. مش فاضي. والحفله انهارده ع شرفك. ياصاحب السمو. خالد: خليك قاعد. انا هتصرف. راجل معقد. وسابهم وخرج. سيف: بص ل حياة بغيره كبيره. وقال هو مفيش فستان عندك غير ده تلبسيه؟ حياة: بتعجب. ماله بقى فستانى ده لسه جديد؟ وبعدها كشرت عينيها وقالت. وانت مالك انت؟ إنسان مستفز بجد. سيف: انا مستفز؟ ولا انتى ال شخصيه بارده.حياة: صكت ع أسنانها بغيظ مكبت. وقالت بصوت واطى عشان محدش يسمعها. انا بارده ياعديم الزوق. انت انسان همجي وراجعي ومتخلف. سيف: رفع حاجبه وقال. انا متخلف؟ طيب يا حياة. انا هعرفك مين الل راجعي ومتخلف. حياة: بعند. هتعرفنى ازاى بقى إن شاء الله. سيف: بهمس بلاش عشان هتزعلى. اصل انا ال طفشت العريس الاخير. حياة: بغيظ متداري. ها ها ها. وايه يعنى طفشه. كدا كدا انا رفضاه. سيف: بغمزه. طيب وانا؟ رفضانى كمان؟حياة: بكبرياء. انت مرفوض من الطفوله يبنى. مبقاش ال انت كمان. ههههه. بعد شويه. رينو: ااه فهد. انا عطشانه بجد. تعالى نقعد ف الاستراحه ال هناك دي. فهد: شاور للكل. وقال تعالى ياروحي. وكلهم قعدو. آدم مراد: تشربو ايه؟ آرين: بمرح. آدم آدم انا عايزه بوريو انا وتوتا. آدم مراد: طلب لكل واحد ال هو عايزو. وقاعدين بيشربو. آرين: بتذمر. يوووه. بابي الحجاب بتاعي. الدبوس شكله كدا اتكسر. فهد: ورينى كدا ياحبيبتى.آرين: ماسكه الحجاب بايدها. فهد: ايوه فعلا. رينو معاكى دبوس زياده؟ رينو: معايه ياحبيبى. امسكي يا آرين. آرين: انا عايزه اروح اظبط الحجاب ف الحمام. تعالى معايا ياتوتا. فهد: آركان. قوم مع اختك. واستناهم قدام الحمام. آركان: حاضر يا بابا. آدم مراد: عيونه عليها. آرين: قامت واخدت تالين. و آركان معاهم. وطلعو السلم المتحرك. ووصلو. ودخلو الحمام. آركان واقف قدام الحمام. ومحرج من كمية البنات ال داخله خارجه من الحمام.عامل ف المول. جه وقال ل آركان. ممنوع حضرتك تقف قدام حمام السيدات. اتفضل. آركان: بهمس والله احسن حاجه. واتحرك. ونزل. فهد. : كشر عينيه فين آرين وتالين ي آركان؟ آركان: ف الحمام فوق. والعامل قالى ممنوع اقف قدام حمام السيدات. وبصراحه شكلى كان وحش جدا. بس دقيقتين وهطلع ليهم. فهد: بحده. قوم اطلع واقف لأختك بعيد. المول زحمه جدا وممكن تتوه مننا. آركان: بتنهيده. حااضر يابابا. وطالع ع السلم.آرين وتالين. خرجو. م الحمام. وآرين قالت بحيره. هو آركان راح فين؟ تالين: بصت حواليها. مش عارفه. والمكان زحمه جدا. ممكن يكون نزل. آرين: اوووف بقى. طيب تعالى ننزل. تالين: كشرت عينيها طيب هو انهي سلم؟ انا مش فاكره. آرين: بخنقه. وانا كمان. معرفش إذا كان السلم ده. ولا ده؟ بقولك ايه تعالى ننزل من السلم ده. تالين: بقلق. طيب لو مش هو؟ هنعمل ايه وقتها. طيب بقولك ايه. فونك معاكي؟آرين: هزت راسها للأسف نو. فوني سبته مع مامي. تعالى. ولو مش هو نطلع وننزل م السلم التانى. تالين: طيب والله المستعان. يلا. عند سليم. حياة: نفخت بنفاذ صبر. وبعدين بقى. عمو خالد أتأخر اوى. سليم: بص ف الساعه وقال ولا اتاخر ولا حاجه ده يدوبك 10 دقايق وانتى شايفه المول زحمه ازاى؟ تستاهلى. انا كنت هعملك عيد ميلاد محصلش. بس اقول ايه بقى؟حياة: بمرح. حصل خير بقى يابابي ياقمر انت. بصراحه بقى. انا كنت عايزه عيد ميلادى اعمله ف المول الكبير ده. بجد الديزاين هنا تحفه اوووى. سليم: ابتسم اهم حاجه عندى انك مبسوطه اوى ياحبيبتى. حياة: مبسووووطه جدا جدا بجد. ميرسي يا اجمل بابي. سليم: باس جبينها. وابتسم. وبص ل فتون. وشبك ايدو ف أيدها. وهمس ف ودنها وقال بمكر. بعد الحفله هتعزمينى ف اليخت ع العشا. اوكي.فتون: ارتبكت. وبصت حواليها. وقالت بحرج. سي، سليم. ارجوك احنا مش ف البيت. سليم: بمكر. امممم يبقى انتى عايزه تتعاقبى ياتونا. فتون: هزت راسها لأ لأ والله انا بهزر. خلاص هعزمك و أمري لله. حنين: كشرت عينيها انتو بتقولو ايه؟ متسمعونا. فتون: بتوتر. ا. ابدا يانونا. احم. هوا، هو خالد فعلا أتأخر. ولا ايه ياسليم؟ سليم: ايوه فعلا. انا هقوم اشوفه راح فين. مش بعيد يكون سابنا وخرج عارفه مجنون ويعملها. ف الاستراحه.آركان: نزل يجري. بص عليهم. وقال بقلق. هي آرين وتالين ماجوش هنا؟ كلهم قامو. وقفو بقلق كبير. فهد: قام وقف بسرعه. وقال بصدمه. لأ محدش جه. اختك فين ي آركان؟ مراد: قلبه دق بخوف. هما خرجوا م الحمام؟ رد ي آركان انطق. آركان: قلبه بيدق بقلق. وقال أنا كل ده واقف قدام الحمام مستنيهم. ولما أتأخرو. قلقت عليهم. وسألت. ومفيش حد جوه. رينو: بلعت ريقها بصعوبه. وهمست برعب آرين؟فريحه: قلبها بيدق بسرعه من الخوف. وبتلف تقول ل آدم. لكن آدم مكنش موجود. آدم مراد: اول ما سمع آركان جري بسرعه يدور عليهم. وقلبه بيدق بقلق. آرين وتالين. اهم حاجه عنده. رينو: مسكت ايد فهد وبتعيط. فهد: بشعور مبهم وخوف. اهدى يا رينو. واقعدى هنا انتى وفريحه. هندور عليهم. فريحه: بتعيط. بنتى يامراد. تالين…مراد: مسح وشه بايديه ونفخ بخنقه كبيره. فريحه. مش عايز اسمع صوت حد. اقعدو هنا زى ما فهد قال. بنتك وآرين اكيد طلعو فوق او راحو لمكان تانى. انتى شايفه إن المول زحمه. وبص ل فهد. وقال. فهد انت اطلع فوق عند الحمام واسال وشوف الاتجاه ال مشيو منه. وانا هروح اشوف الكاميرات. واتصل عليك واجيلك. يلا. فهد: بقلب اب مرعوب ع بنته. ومش اى حد. دى فراشة الحياه بالنسباله. وطلع يجري ع السلم المتحرك. وقلبه بيدعي.مراد: طلع يجري ع غرفة المراقبه. آركان: اتحرك بسرعه وبيدور ف كل مكان زى المجنون. آدم مراد: بيدور بطريقه شبيه بالجنون. لان روحه تايهه منه. رينو وفريحه. بيعيطو. وخايفين… ف مكان ف المول. تالين: ماشيه مع آرين. وقالت بقلق وبعدين يا آرين. احنا كل ماننزل سلم. نلاقي نفسنا ف مكان تانى ونزلنا وطلعنا اكتر من سلم.آرين: بقلق. وعيطت بطفوليه. عاااااااا احنا شكلنا توهنا يا تاليين. عاااااااا. احنا من نص ساعه بندور والمكان زحمه اووووى. عاااااااا. باااااابي. انا عايزه باااااابي. تالين: بحيره. اهدى يا آرين واكيد ف حل إن شاء الله. تؤ. طيب ممكن ننزل ونخرج ونقف عند عربية بابا.؟ آرين: بطفوليه. عاااااااا المول ليه اكتر من باب. واحنا مش عارفين دخلنا من اى باب. احنا توهنا خلاص يا تااالين. عاااااااا. انت فين يا باااابي.؟صوت من وراهم. بقى ف عروسه زي القمر تعيط كدا.؟ آرين وتالين. لفو للصوت. وخايفين. وآرين همست بصوت خايف. م. مين حضرتك.؟ خالد: بهزار. انا يستى أسمى خالد الشرقاوي. او خالد العالمى. اختاري انتى بقى. ههههه. وانتو بقى مين؟ وليه باين عليكو انكو خايفين كدا؟ آرين: حطت ايدها ع بوقها وهزت راسها ورفضه تتكلم. تالين: بقلق. احم ميرسي جدا لحضرتك. احنا مش خايفين ولا حاجه.خالد: بمكر. اممم لأ باين عليكو انكو مش خايفين خالص. لكن كمان واضح انكم قلقانين منى. بصي انا أسمى خالد الشرقاوي. وعندى بنوته قدك كدا. اسمها جنى. وهي موجوده معايا انا ومامتها تحت ف الكافيه. ومش عايزكم تخافوا. انا مش حرامي ولا شرير. وبعدين واضح ع شكلى ولا ايه؟ آرين وتالين بصو لبعض. ومحتارين.خالد: عشان يطمنهم. طيب والله العظيم انا عايز اساعدكم. انتو ماشاء الله عليكم. واضح انكم من عيله راقيه ومحترمه من طريقة اللبس. وكمان الأخلاق ال واضحه ع وشكم. ف لو تقولو مالكم هقدر اساعدكم. آرين: هزت راسها لأ ميرسي جدا. احنا هنوصل ل بابي و، ولعنت نفسها… خالد: ضحك بصمت. امم قولتيلى بقى. يعنى انتو تهتو ف الزحمه دي.؟آرين: بطفوليه. عاااااااا ايوه. وبابي ومامي اكيد قلقانين علينا. عاااااااا. باااااابي. مااااامي. عاااااااا. خالد: بس بس يابنتى ماتعيطيش كدا. انا هساعدكم والله. ومتخافوش منى. بصي امسكى عشان اطمنك ده الكارت بتاعي. انا رجل اعمال يعنى مش حرامي. انتى حافظه رقم والدك اكيد صح؟ آرين وتالين بصو لبعض ب أمل جديد وهزو رأسهم. وقالو ف صوت واحد ايوه حافظينه.خالد: خبط جبينه. يادى النيله السوده. فوني مع سيف ابنى. طيب بصو يابنات. انا عشان تطمنو من ناحيتى. انا هاخدكو دلوقتي ونروح عند الأمن. وينادى ع اسم والدك ف المايك ايه رأيكم؟ آرين: بتفكير. هزت راسها اوكي. لكن حضرتك تمشي بعيد شويه قدامنا اوكي؟ خالد: هههههههه حاضر يستى. يلا بينا. وماشي قدامهم بخطوتين. وقال عارفين يابنات. انا لو بنتى جنى ال تاهت. وحد كلمها كانت عورته ههههه مش عارف طالعه لمين البنت دى…تالين: بتهمس بالدعاء. آرين: بتدعي بخوف. وهمست انت فين ي آدم؟ خالد: بص ل آرين. وقال انتى شكلك كده دلوعة باباكي. ولا انا غلطان؟ آرين: بتوتر. لو سمحت انا عايزه بابي وعيونها لمعت بدموع. خالد: وقف وزعل عشانها. وقال اطمنى مش هسيبك إلا لما اسلمك لوالدك. وده وعد منى ليكو. انتو زى جنى. عارفين مره وهي صغيره. ضربت عيل ف الفصل. آرين: ، تالين…خالد: عشان يطمنهم. اقولكم انا ضربته ليه. وهي شايله الشنطه وخارجه م الفصل وقت الفسحه. الواد ده فتح الشنطه بتاعتها. وسرق اللانش بوكس بتاعها. هههههههه جابو لنفسه ابن التيت. المهم. جنى بنتى اتعفرتت. ومسكت الواد فين يوجعك. ووقعته ع الأرض. وفكت شريط شعرها. وربطت ايديه ف بعض. هههههههه. وكملت فيه ضرب. بنت مفتريه. طالعه ل امها ههههههه. تعالو يابنات من الطرقه دي.آرين: بهمس ل تالين. واضح أنه إنسان كويس. وهيساعدنا. تالين: يارب. يارب يا آرين. ياترى العيله عامله ايه دلوقتى؟ آرين: عيونها لمعت بدموع. وقالت انا خايفه ماشوفش بابي تانى. خالد: تعالو يابنات من الطريق ده. وقال انتى اسمك ايه؟ وخالد اتصدم… آرين: لسه هتتكلم. ولكن شهقت هي وتالين بصدمه وفرحه ف نفس الوقت… خالد: فتح عينيه بصدمه. لأن تلات اسحله متوجهين ع راسه. من جميع الجهات.ف المول. خالد: تعالو يابنات من الطريق ده. وقال انتى اسمك ايه؟ وخالد اتصدم… آرين: لسه هتتكلم. ولكن شهقت هي وتالين بصدمه وفرحه ف نفس الوقت… خالد: فتح عينيه بصدمه. لأن تلات اسحله متوجهين ع راسه. من جميع الجهات. آدم مراد: شاف خالد ماشي معاهم. وجري ووراه فهد ومراد. وكل واحد طلع س\لاحه. ووجهه ع خالد. خالد: رفع عينيه لل\س\لاح ال ع مخه. وقال. الله. دى كدا احلوت اوى. ايه ياجدعان ف ايه؟آرين: بفرحه جريت ع فهد بااابي. واترمت ف حضنه. تالين: جريت ع مراد. واترمت ف حضنه. مراد: رافع الس\لاح ع راس خالد. وضم تالين بايد. فهد: ضم آرين لقلبه هششش متعيطيش. قوليلى عمل ايه؟ وانا هدبحه حالا. خالد: فتح عينيه بصدمه تدبحه؟ جرا ايه ياجدعان. انتو ال بيساعد الناس بيدبح ولا ايه؟ وبعدين لسه كام يوم ع العيد الكبير. وبص ل مراد ولا ايه يانجم؟ مراد: بص ل خالد. وعرف من عينيه أنه صادق. ونزل الس\لاح. وبص ل تالين.تالين: بدموع. عمو كان عايز يساعدنا ويوصلنا للأمن يابابا. هو شخص كويس جدا. فهد: نزل الس\لاح. ومسح وشه بايدو. واتنهد باريحيه كبيره. آدم مراد: نزل ال\س\لاح. وعيونه ع آرين ونفسه يضمها لقلبه. تالين: جريت ع آدم. وقالت أبيه آدم. واترمت ف حضنه. انا كنت خايفه اوي انى اضيع واتحرم منكم. آدم مراد: ضمها لقلبه هششش بس ياحبيبتى متقوليش كدا. مراد: بص ل خالد بامتنان. انا مش عارف اقولك ايه. بس حقيقي متشكر جدا.خالد: بمرح. لا ياعم انا عايز حقي. ده كفايه الخضه. انا لو قاتل وتاجر سلام ومهرب. مش هتدخلو عليا الدخله دي. وخصوصاً الشبح. ويقصد آدم. وكمل وكمان النجم يقصد فهد. ايه ياجدعان مش كدا؟ دا انا لسه بكون مستقبلي… فهد: ابتسم. معلش احنا بنعتذر لحضرتك. انت اكيد اب وعارف.خالد: ده انا سفن اب. هههههههه. ولا يهمك يانجم. الحمدلله انكم وصلتو ليهم. انتو متعرفوش كانو خايفين قد ايه؟ ودول قد بنتى. ومكنتش هسيبهم. غير لما نوصل ليكم. وانا لو مكانك كنت هعمل كده واكتر. مراد: ربت ع كتفه وابتسم. تسلم كلك رجوله. وبعتذر ليك تانى… خالد: بص ل آدم. وانت مش هتعتذر هههههههه. آدم مراد: بغيره. كان ممكن تمشي قدامهم ب اربع خطوات… خالد: كشر عينيه وقال ليه اربعه لما ممكن خمسه هههههههههه.مراد وفهد ضحكو بصمت. آدم مراد: بعد خطوه واتصل ع فريحه و آركان يطمهم. سليم: من وراه. ايه ياخالد. عملت مصايب تانيه؟ كلهم بصو ل سليم… خالد: ههههههه ديما مشرفنى قدام اى حد. تعالى تعالى. سليم: قرب منهم. وقال بابتسامه. مساء الخير. كلهم. مساء الخير.خالد: طيب ياجماعه. انا نسيت اعرفكم بنفسي. انا اسمي خالد الشرقاوي. صاحب شركة الشرقاوي جروب. واعرفكم بصحبي واخويا ال بجد. سليم بدر الدين. صاحب مجموعة بدر الدين للحديد والصلب. وفروع تانيه شريك فيها انا وهو. مراد: مد ايدو بابتسامه. تشرفت بحضرتك اهلا وسهلا. سليم: ابتسم وسلم ع مراد. اهلا بحضرتك. وسلم ع فهد و آدم. ولكن اعذرني بس وش حضراتكم مش غريب عليا.خالد: خبط ع جبينه. وانا والله بقول برضو كدا. حاسس انى شوفتكم قبل كده. مراد: ابتسم. العقيد مراد العدوي مخابرات عامه. خالد: بزهول ايييه؟ ومثل الخوف. تحيا مصر كلها والله العظيم. مش انا كنت بساعدك يابنتى وقصدى خير. اه وربنا. كلهم ضحكو. الا الديزل. يدوب شبح الابتسامه. فهد: ابتسم. العقيد فهد السيوفي مخابرات عامه. خالد: اووووباااااا. اقسم بالله انا برئ جدا. مش كدا ياسليم باشا؟سليم: ابتسم. اهلا وسهلا تشرفت بيكم جدا. ولكن خالد الشرقاوي ديما يحب يهزر. وف اي مكان. فهد: بص ل مراد. ف نظره. كأنه بيقوله شبهك سبحان الله. مراد: لا عادي كلنا بنحب نهزر. احب اعرفكم. ابني آدم العدوي. مخابرات عامه برضو. هههههههه. خالد: بهزار. اه ده اصدق انه مخابرات الجيش وكل حاجه والله. اهلا وسهلا بيك يا آدم باشا. آدم مراد: هز راسه باحترام. اهلا بحضرتك.سليم: كشر عينيه. وهمس آدم العدوي؟ وهز راسه اهلا تشرفت بحضرتك يا آدم باشا. آدم مراد: الشرف ليا حضرتك. فهد: آرين ف حضنه. سليم: ابتسم. وقال ماشاء الله بنتك؟ فهد: طبعا بيغلى. هز راسه اممم بنتى. سليم: ربنا يخليهالك. لكن قولى ياخالد. ايه سبب اللقاء الجميل ده. خالد: عمل الخير يصحبى. انت عارف انى بحب ديما اعمل الخير. انا متربي ع الخير. هههههههه.سليم: هز راسه بنفاذ صبر. وبص لعيلة العدوي. وقال. اهو انا ع الحال ده اكتر من 30 سنه. انا بقول لو حضراتكو تاخدو ف اي حاجه. احبسوه سنه او سنتين. اريح دماغي شويه منه بس ورجعوه تانى. فهد: ههههه سبحان الله. وبص ل مراد نفس الامنيه والله. وكمل وقال. الاستاذ خالد احنا ممنونين ليه. طبعا وكان بيساعد بنتي وبنت اخويا عشان يوصلهم لينا. وبجد انا بشكرو جدا.سليم: هز راسه بفخر. خالد رغم حواراته الكتير إلا أنه صاحب جدع ووفي جدا. فهد: همس ل مراد. سبحان الله. فوله. فوووله. مراد: بس ياااه… خالد: بص ل آرين وتالين. ها يابنات صدقتو إن عمو خالد مش شرير. كنتو قلقانين منى. بس زي ما ف ناس وحشه. ف ناس كتير كويسه. والحمدلله انتو اطمنتو ف الآخر. ها بقى اسمك ايه انتى وهي؟ اظن تقدور تقوله دلوقتي. وانا قولتلكم بنتى اسمها جنى.آرين: بلعت ريقها وخافت من آدم. لكن هزت راسها باحترام ميرسي جدا ياعمو. احم. آرين. خالد: لا يابنتى ميرسي جدا ع واجب. وماشاء الله اسم ع مسمى وانا مش فاهم معناه. هههههههه. وانتى ياعروسه. تالين: باحترام. تالين. وبجد شكرا جدا لحضرتك. خالد: والله بتحرجوني كدا. واسم جميل جدا آرين وتالين. ماشاء الله. بس المفروض الحج مراد والدك يطلع شيك دلوقتي يشبرق علينا. بدل الس\لاح والخضه ولا ايه هههههههههههه.مراد: ولا كنوز الدنيا كلها تساوى رمشة عين من بنتى. سليم: ابتسم بحب كبير. وشاف حب حقيقي زي حبه لأولاده. وقال ربنا يخليهالك. مراد: آمين. طيب ياجماعه احنا هنستاذن. و انا اتشرفت جدا بحضراتكم، وبنعتذر تاني يا استاذ خالد عن الل حصل اختلط علينا الأمر.خالد: والله لو عايزني اقبل الاعتذار. انهارده عندنا مناسبه جميله. عيد ميلاد بنتنا حياة سليم. ويبقى تخلى الانسه آرين والانسه تالين. وياريت كمان حضراتكم لو تشرفونا… فهد: ابتسم. معلش اعذرنا. لاننا لازم نمشي. ووالدتها قلقانه عليها ف الاستراحه.سليم: تسمحولى بعد اذنكم. اتمنى إن حضراتكم توافقو وتشرفوني. بنتى حياة من عمر الانسات تقريبا وهتفرح جدا بوجودهم. وهنقضي وقت مميز جدا مع بعض. الواحد من النوادر أنه يتعرف ع عمالقه زى حضراتكم. مراد: ابتسم. كل سنه وهي طيبه. سليم: ابتسم. وانت طيب. خالد: يبقى موافقين صح؟ وبعد طبعا تصميم من سليم. و خالد وافقو أخيرا. سليم: تمام. انا متشكر جدا انكم هتشرفوني. مراد: تمام. ننزل بس لوالدتها تطمن. وهنحصلكم.سليم: اتفضلو. وانا هاجي بنفسي اخد حضراتكم ع الكافيه. مراد: تمام زى ما تحب. بعد شويه. فهد: عاتب آرين أنها خرجت من الحمام واتحركت. وآرين شرحتله ال حصل. واخيرا صالحتهم كلهم. إلا الديزل مش راضي يكلمها ومتجنبها تماما. و آركان كان زعلان جدا من نفسه. ولكن آرين ورينو اتكلمو معاه. وفهد: فهمه أنه لازم يخلى عينيه مفتوحه ديما ع أخته. ويخلى باله منها. رينو: اطمنت اخيرا. وفريحه.مراد قال ل فريحه ع الحفله. وفهد قال ل رينو. واشترو هدايا بسرعه ل حياة. سليم وفتون: جم من وراهم. مساء الخير. كلهم: مساء الخير. سليم: بابتسامه. قعد جمب مراد وفهد. فتون: سلمت ع فريحه بابتسامتها الجميله. مساء الخير. انا اسمي فتون بدر الدين. مدرسة لغه عربيه وحاليا مديرة مدرسة حياة لذوى الاحتياجات الخاصه. والهمم. فريحه: بابتسامتها الرقيقه. مساء الخير. اهلا بحضرتك. وانا الدكتوره فريحه العدوي. دكتوره بيطريه.فتون: سلمت ع رينو. رينو: باحترام. اهلا بحضرتك. انا دكتوره لارين السيوفي. جراحه عامه. فتون: اهلا وسهلا. وشافت آرين. وقالت ماشاء الله تبارك الرحمن. انتى بقى آرين ال عايزه بابي ههههه. قموره الله أكبر عليكى. وسلمت عليها. آرين: ابتسمت بحب كبير. اهلا بحضرتك ياطنط. حضرتك جميله جدا وكيوت اوي. ماشاء الله بجد. حبيت لون عينيكي اوي. فتون: بانبهار. قموره اوي اوي يا آرين. ربنا يحفظك ياحبيبتى.وبصت ل تالين. وانبهرت من نعومة جمالها و قالت وانتى تالين مش كدا؟ تالين: سلمت عليها. ايوه انا اهلا بحضرتك ياطنط. فتون: مسدت ع حجابها. ماشاء الله عليكي ياحبيبتى. ربنا يحفظك. تالين: ابتسمت ميرسي جدا لحضرتك. فتون: للبنات. ورينو وفريحه. ممكن بقى حضراتكم تشرفوني ف الكافيه. ستات بقى مع بعضنا. والرجاله مع نفسهم. رينو استأذنت فهد. وفريحه استأذنت مراد. وراحو مع فتون.سليم: اتكلم. ماشاء الله عليك يا آركان. حبيت روحك الجميله. انا متأكد انك عندك مواهب وع مستوى كبير من الجديه. آركان: متشكر جدا لحضرتك… خالد: من وراهم. ايه ياجدعان. هو انا ها هوف لوحدي. سليم: بدهشه؟ ها تأيه ياخالد؟ خالد: بتريقه. ها هوف ياجميل. ايه مش بعد هابي بيرث داي. هنقول هوف ونطفي الشمع ونمسح الدمع. كلهم، : هههههههههههه. فهد: بهمس. مش بيفكرك بحد ده يامراد؟ مراد: بس يامعقد.سليم: قام وقف. يلا بينا ياجماعه. حياة: وجنى اتعرفو ع آرين وتالين. وحبوهم جدا. واخدو ارقام هواتف بعض. سيف و آمان. اتعرفو ع آدم و آركان. واستمتعو بالوقت معاهم. فتون: عرفت حنين عليهم. والكل رحب بطريقه لطيفه وجميله. فجاءه الاضاءه انطفت. والدنيا بقت ضلمه. واتحول لضوء هادي جدا. والطربيزه كبيره جدا وعليها كل ما لذ وطاب من جاتوهات وحلويات. وتورته كبيره عليها صورة حياة وهي صغيره. وف قلب التورته شمعه واحده.سليم: ابتسم بحب وولع الشمعه وعيونه ع حياة قلبه. خالد: يلا ياجماعه الكل يجمع.رواية أحببت بصيرته فصول خاصة للكاتبة مريم نصار الفصل الثالث والأخير
العليتين اتجمعوو. واحتفلو. حياة جمبها آرين وتالين وجنى. والشباب جمب بعض. آدم مراد ف مخيلته كأنه بيحتفل بضي آدم. رغم أنه زعلان منها. ابتسم لانه مهما يشوف ويقابل مفيش ف عيونه اجمل من ضي آدم مراد وبس. سليم: مهتم ب مراد وفهد. ومعجب بيهم جدا. وبشخصيتهم الجميله ال بتجمع القوه البدنيه والعقليه. وكمان عندهم كاريزما مش عند حد حياة غمضت عينيها واتمنت امنيه جميله لعيلتها. وفتحت عينيها واتقابلت ف عيون سيف.سيف: رفع حاجبه بمكر. ومن بين شفايفه قال أول واحد. كل سنه وانتي ف حياتى. حياة: رفعت عينيها بكبرياء. وتجاهلته. ومتعرفش ليه هي مبسوطه اوي بالغريم سيف الشرقاوي. حياة: طفت الشمعه. والاضاءه اشتغلت. والكل سقف ليها. سليم: اخدها ف حضنه. وقال بحب كبير. كل سنه وانتي ف قلب بابي ياروحي. حياة: غمضت عينيها وابتسمت بسعاده. وحضرتك ف قلبى. سليم: همس ف ودنها هديتك جاهزه اول ما ترجعى البيت اوكي.حياة: بمرح اووووكي يا اجمل بابي ف الدنيا. مراد وفهد بصو لبعض. وابتسمو من شخصية سليم. لانها بتشبه كتير شخصيتهم. ونفس الحب واحتواء عيلته… والكل سلم ع حياة. وقدمو ليها الهدايا. آرين وتالين وفريحه ورينو. فتون: اهتمت بفريحه ورينو. وقدمت ليهم الحلو والضيافه. وشافت آدم واقف بعيد بيتكلم ف الفون. وشالت طبق. واتحركت خطوه وقابلت آرين. وابتسمت. آرين ياحبيبتى. ممكن تقدمي الطبق ده للشاب ده؟ هو اخوكي ولا قريبك؟آرين: بفرحه. لأ ده قريبي. إبن خالو وابن عمتو. فتون: حست بلخبطه لثواني. وبعدها فهمت. وقالت ايوه. يعنى باباه يبقى اخو دكتوره لارين. ومامته ال هي اكيد دكتوره فريحه تبقى اخو والدك. صح كدا؟ آرين: هزت راسها ببراه. صح جدا. واسمه آدم المرع، احم. آدم مراد. آدم مراد. كح كح. فتون: بابتسامه. انتى رقيقه اوى يا آرين. انا حبيتك اوي. آرين: بمرح. ميرسي جدا جدا. ممكن اقول لحضرتك ع حاجه؟ فتون: بتركيز. قولى ياقمرايه.آرين: حضرتك جميله جدا بجد. وحبيتك أوي كتير خالص جدا. اه والله. فتون: هههههههه. وانتى بسكوته بالنوتيلا ياارين ياقمر. آرين: شهقت. واو. ايه ده؟ هي مامي قالت لحضرتك انى بسكوته بالنوتيلا صح؟ امممم. مامي دي. مااااشي لما نرجع البيت… فتون: هههههههه لأ لأ. مامي القمر مقالتش حاجه. وانتى مش محتاجه حد يقولى انك بسكوته بالنوتيلا. انتى بطريقك البريئه دي. اى حد يقول عليكى كدا.آرين: ابتسمت بسعاده. ميرسي جدا جدا لحضرتك. وعايزه اقولك كمان. إن اسمك مميز جدا. فتون: تسلمي لقلبى ياروحي انتى. اتفضلى الطبق وقدميه ل آدم. آرين: بلعت ريقها بتوتر. احم. او، اوكي. واخدت الطبق ورايحه ل آدم ف ركن ف الكافيه. آدم مراد: بيتكلم ف الفون. ورفع عينيه وشاف ضي القمر جايه عليه. وقفل المكالمه. وبص قدامه بجمود.آرين: قربت من آدم. وبلعت ريقها بتوتر. ووقفت قدامه. ورفعت أيدها بالطبق. وقالت ببرأه مع توتر اتفضل ي، يا آدم. احم. آدم مراد: بنظره تخوف. كلها عتاب ع لوم ع خوف ممزوج بعصبيه. من تصرفاتها. وشد الطبق من ايدها بنرفزه. وحطه ع التربيزه ال جمبه. ولف ضهرو ليها وبص بعيد.آرين: اتخضت. وعوجت بوقها بغيظ. وبتتريق عليه. وبتقلدو. ف حركاته. وسرحت بتفكير وقالت جواها ايه البنى ادم ده؟ يخربيت بوزك بجد. لأ ده انت عدو الفرحه. وفوق كل ده. بارد. ع الاقل قولى ميرسي. لأ لأ يا آرين. مش لايقه خالص خااالص ع المرعب ده وهو بيقول ميرسي. هههههههه. تخليى كدا يا آرين. آدم وهو كيوت ورقيق كدا. ويقولك ميرسي يا آري. هههههههههههه. لأ لأ ده اتخلق يكشر وبس. ربنا خلقه يخوفو بيه الناس. اه والله. وانتبهت واتخضت منه. ياماماامعع.آدم مراد: لف ليها ورفع حاجبه بتعجب لانها متنحه ف وشه وسرحانه. وفجاءه. طلع الس\لاح من جيبه. وكأنه بيشد الزيناد. و آرين اتخضت. آرين: بلعت ريقها بتوتر. ونفخت باريحيه. وقالت آدم انت ليه ساكت. وليه لما قولتلك سورى مش قصدي سبتنى ومشيت.؟آدم مراد: رفع عينيه لكل الموجودين. واهمهم الفهد. وشافهم مشغولين ف الحديث. وقرب من وش آرين بغضب واضح وقال بفحيح افعي. انتى لو مبطلتيش الطيش والتصرفات بتاعتك دي. هتشوفي آدم المرعب بجد. مش ده لقبى منك يا آرين؟ آرين: رجعت خطوه واحده. واتخضت. وقالت بتذمر. ايه بقى يا آدم حرام عليك والله بجد. انت. انت ليه قاسي جدا كدا. انت…آدم مراد: بجمود. عايزه تشوفيها قسوه. برحتك يا آرين. بس انا معنديش استعداد انى اعيش الإحساس ال انتى عيشتينى فيه من شويه. وقبض ع ايديه. وقال من بين أسنانه بغيظ مكبت. ايه ال خلاكي تمشي يا آرين؟ انتى مش عارفه إن المول زحمه؟ آرين: ابتسمت بطفوليه. تعرف يا آدم لما بتتكلم بالطريقه دي. بتفكرني بإبطال افلام الرعب. اه والله.بحس انك هطلع المس\دس وتقتلنى. او مثلا فجاءه تتحول لسبايدر مان. او لأ لأ زومبي. وضغطت ع شفايفها. ولعنت نفسها وقالت. لأ مش زومبي لأ. انت مستر هيرو، وابتسمت بتمثيل الشجاعه. مش كدا يا آدم. احم… آدم مراد: مهتمش ل كلامها. وقال بجديه. احساسك كان ايه لما ضعيتى نفسك مننا ي آرين؟آرين: قلبها دق. ورفعت عينيها ل عينيه. وقالت. مش عارفه. هو إحساس حقيقي بشع. بس. بس بصراحه. انا فكرت ف بابي ومامي. وكملت بعفويه. بس انت اول فكرت فيك. لقيت دموعي نزلت. وقلبى وقتها كان زعلان اوي. لانى كنت خايفه انى مش اشوفك تانى يا آدم. آدم مراد: مسح وشه بايديه واتنهد بحب كبير. وقال. آرين انتى لازم تفكري صح قبل ما تتصرفي. عشان أنا معنديش استعداد اخسرك لأي سبب. فاهمه ياضي آدم؟ بعد شويه.الكل قاعد مع بعض. الستات لوحدهم ف اتجاه. والشباب لوحدهم. وبيتكلموو. خالد: امسك يامراد. ده الكارت بتاعي. احنا بقينا اصدقاء دلوقتي. ورفعنا الألقاب. مراد: وماله يسيدى ارفع الألقاب وهات الكارت. وبص ف الكارت وقال بمرح مالقتش غير الصوره دى وتحطها ياخالد ع الكارت. هههههههه كلهم ضحكو. سليم: هههههههه والله نفس ال انا قولته. اول ما شوفت الكارت. قولتله يبنى ده كدا اعلان عن شاليه. واد فقر.خالد: بتريقه. هو انت مش اتصاحبت مع فهد؟ متاكلش دماغي بقى. يا اما هتخلينى انهارده اروحك مبلول زي كل مره. كلهم ضحكو. وخصوصاً سليم. وقال ايوه ايوه. عارف انت هتقولي. بإمارة امبارح. هههههههههههه. فهد: ضحك. وقال لأ كدا احنا عايزين نفهم ياجماعه. ايه حكاية يروح مبلول زي كل مره؟ خالد: كشر عينيه ل سليم. ف نظره اياك تتكلم. وقال ل فهد. عديها. عديها.سليم: لأ. ازاى. فهد بقى صديقى المقرب. وبحمد ربنا انه عاقل مش زيك ياخالد. والراجل سأل سؤال. ولازم اجاوبه. وخصوصاً انك انت ال فتحت كلام ف الموضوع. مراد: ههههههههه ايه ياعم خالد. هو العكس صحيح ولا ايييه؟ ههههه. سليم: هههههههههه. بالظبط يامراد. العكس صحيح تماما. والواد ده كل فتره لازم اروحه بيته لعياله مبلول. ههههههههههه. مراد: بمكر. لأ انا لازم اعرف.خالد: جرا ايه ياعم مراد. ماتلطف الدنيا. مالك بتسخنها ليه بس؟ مراد: اله؟ مش انت صحبى المستجد. ولازم اعرف عنك كل حاجه؟ مع انى عرفت خلاص هههههههههههه… فهد: ههههههههه سبحان الله. ثنائى متكرر. سليم: بيضحك. اسمع يسيدى، وقالهم ع مغامرات خالد معاه. والضحكه بينهم كانت طالعه من القلب. وخالد ومراد عملو جو رهيب جدا وسطهم. مراد: مسك كارت سليم. وركز ف الاسم كويس جدا. وسرح كتير. فهد: كشر عينيه مالك يامراد. ف حاجه؟مراد: ها.؟ احم. لأ مفيش بس سرحت شويه ف اسم سليم. خالد: ماله؟ اوعى يكون عليه قض\يه وحكم غيابى؟ ههههههههه مراد: بتركيز. لأ انا بس حاسس انى سمعت اسم سليم بدر الدين ده من زمان. ف حادثه. وكان ف الجرايد وقتها ع ما اظن. كانت حادث سير. او حاجه شبيه لكدا. انا متأكد لأن صعب أنسي حاجه قريتها بتركيز. سليم: اخد نفس عميق واتنهد، وهز راسه وقال فعلا يامراد. انا هو نفس الشخص. ونفس الحادثه من حوالى 18 سنه.خالد: ايوه فعلا. دي كانت ايام مايعلم بيها إلا ربنا. مراد: افتكر وقال. ايوه فعلا. واتأيدت ضد مجهول. او قضاء وقدر. ع ما اتذكر. سليم: ابتسم. بوجع. لأ قضاء وقدر. احم. كان ف عطل ف العربيه. فهد: كشر عينيه وقال. بس ال تابعناه الفتره دي يامراد. فقد بصره وقتها. بتهالي مش سليم ده المقصود. سليم: بشبح ابتسامه. لأ يافهد انا برضو الل فقد بصره وقتها. مراد: لو عايز تحكي انا سامعك…سليم: رفع عينيه ع فتون. وقلبه دق. وقال اجمل حاجه حصلت ف الحادثه. انها عرفتنى ع اجمل حاجه ف العالم. أم ولادي. مراد: ، كمل ياسليم… سليم: غمض عينيه وابتسم. وقال الحادثه من 18 سنه. وراح فيها بصري. لكن فتون احييت ليا بصيرتى. ال حصل وقتها انى، وحكي ليهم كل حاجه باختصار مع بعض التحفظات ال تخص شريف. وحكالهم عن مواقف ورجولة خالد معاه وانه اخ بجد قبل ما يكون صديق.( وطبعا ده مبقاش موجود غير ف عالم الروايات وبس. مبقاش ف الصحاب ال تستحملك وقت غضبك ووجعك. كله بقي شغل مصالح وبس). سليم: كمل. وقال بس وبعدها الحمد لله خفيت ورجعت زى الاول. وعملت العيله الجميله دى. مراد وفهد بصو لبعض وابتسمو. ع قصة عشقه. وكمان مواقف خالد مع سليم. رجعتهم بالذاكره لما فهد انقذ مراد من الموت. ومراد أنقذ فهد. وكانوا الدرع الحامى لبعض ديما…بعد كدا. مراد حكي ل سليم ع صداقته مع فهد من الطفوله. وجه اسم الامبراطور العملاق صاحب السيره الحسنه. سليم: انتبه. واتعدل باهتمام. وقال لحظه واحده يامراد انت قولت مين؟ مراد: بعدم فهم. بقولك والدي آدم العدوي ال… سليم: فتح عينيه بدهشه. وقال الامبراطور؟ مراد: ابتسم. بفخر واعتزاز. ايوه انا إبن الامبراطور. آدم خالد العدوي. سليم: بص ل خالد. وخالد بص ل سليم.سليم: بتفكير ايوه ايوه. عشان كده ابنك اسمه آدم العدوي. وانا برضو قولت غريبه. وضحك بجد مش مصدق. يعنى انا دلوقتي قاعد مع ابن مثلى الاعلى آدم باشا العدوي. هههههههه. بجد من الصدف ال لازم تتسجل ف التاريخ. خالد: بانبهار. لأ مش معقول بجد. سليم. فاكر ف لعبة أول امبارح. هههههههههههه. ينهار ابيض امنيتك بتحقق يسطى. طبعا مراد وفهد. رافعين رأسهم لفوق. بسيرة الامبراطور الجميله… فهد: ابتسم. أمنية ايه بقى؟خالد: هههههههه اول امبارح كنا بنلعب لعبه اسئله. والسؤال جه ل سليم. وسيف ابنى قاله أمنية حياتك تقابل مين من رجال الأعمال المصريين… سليم: ع طول قال حلم عمري وأمنيتى إلل بجد اقابل الامبراطور آدم باشا العدوي. ههههههههه سبحان الله. سليم: بضحكه. فعلا ومازلت بتمني.مراد: وليه ياعم تتمنى. الحج لو عرف كل ال حصل ده. وكمان معزمتش عليك وكلبشت فيك. هيعلم عليا. وهرش ف قفاه وهمس. زي النهارده كدا. احم. وطلع الفون واتصل. سليم: استنى بس يامراد. انت هتعمل ايه؟ مراد: شاورله. استنى بس. وقام وقف بعيد. وردت عليه. مريم: بابتسامه السلام عليك يانور عيني. مراد: وعليكي السلام. يامريومة قلبى. بقولك ايه الحج دومي فين؟ مريم: بخوف. اسكت الله يهديك. انت مش هتجيبها لبر ابدا يا مراد.مراد: مراد يامريوم؟ وهان عليكى تقوليها كدا من غير. دي. هههههههههههه. مريم: بضحكه صافيه. مرادي ونور عيني وقلبى كمان. ربنا يحفظك ياقلبى يارب. مراد: حبيبتى يامريوم. بقولك الحج فين؟ مريم: قاعد مع رعد ف المكتب، انتو هتتاخرو؟ مراد: لا ياحبيبتى. شويه كدا آدم هيرجع ع البيت هو وتوتا. وانا هطلع ع شقتى. اشطا. مريم: ماشي ياحبيبى ربنا يحفظك ف كل خطوه.مراد: امين يارب ياحبيبتى. بقولك ايه بقى. عايز بكره إن شاء الله. عزومه تليق بفخامة الامبراطور. مريم: وماله يبنى. اجمل عزومه. لكن مين معزوم؟ ابو فهد؟ ولا العيله؟ مراد: لأ ضيف جديد ومهم ومميز جدا. وحلمه أنه يقابل الامبراطور. مريم: بابتسامه. يشرف. ف اي وقت. بس قولى كام شخص بإذن الله. وع الساعه كام.؟ مراد: اشطا. هما 8 أشخاص كل واحد وحرمه والاولاد. وف ميعاد الغدا عادي. تمام يامريوم؟مريم: ماشي ياحبيبي. يشرفو. وينورو. البيت يساع م الحبايب الف. واي حاجه من طرفك نفرشلهم الارض ورد. مراد: بحب ومكر. يسلام. يسلااام. اقسم بالله بحسدو عليكى. قوليلى يامريوم مالكيش اخت تؤام. هههههههههههه. مريم: هههههه لا يامرادي ماليش غير آدم وذريته ال عندي بكنوز العالم يانور عيني. مراد: بحب. ربنا يديمك تاج فوق راسنا ياست الكل… بعد شويه.رينو: قامت. خلاص يافتون اتفقنا اوعي تتاخرو بكره إن شاء الله. تعالو بدري نقضي اليوم من أوله. فتون: بابتسامه. حاضر ياحبيبتى. اتفق مع سليم. وابعتلك ع الواتس إن شاء الله. بجد مش قادره اصدق انى هقابلها. فريحه: اوعي متجيش ياحنون. انا حبيتك اوي. اوكي ياروحي. حنين: لأ طبعا ماجيش ازاى؟ بعد ما حكتولنا عن ماما مريم الجزار. دا انا لازم اجي. بصي انا راشقه هناك اساسا من دلوقتي. كلهم ضحكو.فتون: سلمت ع آرين. باي يا آرين. آرين: بفرحه. باي ياطنط. هستناكي بكره اوكي؟ فتون: ههههه اوكي ياحبيبت قلبى. باي ياتوتا ياقمرايه انتى. تالين: بابتسامه. مع السلامه ياطنط. انا بجد مبسوطه اوى إننا اتعرفنا ع بعض. فتون: مسدت ع حجابها مش اكتر منى صدقينى. بعد كدا البنات ودعو بعض. والشباب. مراد: سلم ع سليم. وقال متتاخرش ياسليم احنا هنكون ف انتظارك. انت وخالد.سليم: ابتسم. لا طبعا. بما إن فيها الامبراطور هكون موجود ع الميعاد إن شاء الله. بعد فتره. ع اليخت. فتون: قاعده ع السرير. وسرحانه وبتلاعب خصلات شعرها. ومبتسمه. سليم: داخل الاوضه. وشافها. وكشر عينيه بتعجب. ونده عليها. تونا… فتون: … سليم: قعد جمبها. فتووووون. فتون: اتخضت. ايه ياسليم ياحبيبى. فيك حاجه؟ حصل حاجه؟ سليم: شدها ع صدره. وقال فاتنتى سرحانه ف ايه؟ فتون: رفعت عينيها وبصتله بضحكه. اقولك الصراحه؟سليم: بمكر. لأ اكدبي عشان اعقابك بزياده هههههههه. فتون: هههههههه. لا لا هقول الصراحه. بص بقى يا سيمو. انا آرين وتالين. مش طالعين من دماغي. بجد قمرات اووووى. ايه رأيك. لو نطلب آرين ل امان؟ او تالين؟ بجد محتاره. سليم: … فتون: آرين: كيوته اوى. مامتها قالت إنها قلب باباها. البنت تحسها بسكوته بالنوتيلا. كريز حاجه كدا جميله اوى.أما تالين: ناعمه اوى. مامتها قالت إنها قلب الكل وخصوصاً اخوها. وباباها. البنت تحسها ايه ف الهدوء والجمال والرقه. حاجه كدا بجد خرافه. لأ لأ انا محتاره بجد. انت ساكت ليه؟ سليم: ابتسم بسمعك؟ بس قوليلى روح الخاطبه دى تقمصتيه امتى ههههههههه. فتون: عوجت بوقها بزعل. اه بقى هنتريق اهو. سليم: مسد ع خدها وقال. مش بتريق ياروحي. بس انتى عارفه انى عاشق قديم. وعاشق فتون. فتنة قلبى. وعارف مين بيحب مين.وعايز قبل ما اقولك إن امان لسه صغير؟ إن آرين عليها عيون أحد من السيف. وال يقرب منها ياويله من غضب الديزل والحوت. فتون: كشرت عينيها ديزل ايه؟ وحوت مين؟ انا مش فاهمه حاجه بجد؟ ومين ال عيونه أحد من السيف عليها؟ سليم: ابتسم. عارفه الشاب ال كان معاهم. هو كلامه قليل. لكن زكاءه خطير جدا. عيونه بتراقب وانتى مش واخده بالك أنه بيراقب. الشاب ال اسمه آدم مراد. عارفاه؟فتون: ايوه ايوه. دكتوره فريحه. شاورتلى عليه وقالت إن ده آدم ابنها. ماله بقى؟ سليم: بهمس بيعشق آرين ياتونا. وغيرته قاتله. وكمان ال لاحظته وعرفته. إن طريقة تربيتهم لبنات العيله. زى تربيتنا لحياة وجنى وفريده. فتون: بزعل حقيقي. يخساره. يعنى آرين طارت كدا. سليم: ههههههههه حتى لو موجوده. آمان ابنك حاجز جنى خلاص. ده انا مستنى اليوم ده بفارغ الصبر عشان اذل ال ماشفش بربع جنيه تربيه ده.فتون: هههههههههههه. القط والفار. داخلين ع ايام جميله. ههههه. سليم: بهمس سيبك من كل ده. المهم انتى قمر اوي كدا ليه؟ فتون: بحرج. تسلملي ياحبيبى. سليم: بهمس وحنين. بحبك ياتونا. فتون: قلبها دق بقوه بعشقك ياسليم. سليم: قرب منها بحب كبير. وفتون اخدته لجنتها.ف شقة مراد. مراد: بتقولى ايه يافريحتى؟ مين يما؟ سمعينى كدا؟ فريحه: بفرحه. بقولك حياة بنت استاذه فتون. البنت جميله جدا ومؤدبه. تحسها شبه بناتنا. وكمان عينيها اللهم بارك. لا لأ. انا من وقت ما شوفتها حجزتها ل آدم ابنى خلاص.مراد: شدها من وسطها لحضنه. هههههههه. حجزتيها خلاص؟ بصي يابنت المستخبي؟ انا هقولك اه البنت ماشاء الله عليها جمالها عدى الكلام. بس انا عايزك بقى تروحي وتقولى ل آدم ابنك انا. حجزتلك عروسه. فريحه: فتحت عينيها بدهشه. وقالت يلهوي. ده ابنك مش بعيد ياكلنى. احم. هو ايه ده بقى؟ يعنى ايه ابنك مش هيتجوز؟ دي حياة وجني بنات جميلات جدا.مراد: بمكر. لأ طبعا هيتجوز. بس لسه شوية مغامرات كدا حلوين اوي. وف الآخر هيتجوز. فريحه: يعنى ايه مش فاهمه؟ مراد: ضمها اكتر بمكر. وقال يعنى تدخلي تلبسي البدله ال هناك دي. وتطلعي لمرادك حبيبك. عشان انتى وحشاااه مووووت يابنت كوم الشكاير… عند فهد.رينو: تعرف يافهد. بجد العيله دي جميله جدا. واستاذه فتون من السيدات النوادر بجد. قمه ف القوه والصبر. ومتواضعه جدا. وفخوره بماضيها ال كانت عليه. حاجه كدا اسطوره بجد. فهد: امم فعلا. سليم قال إنها صاحبة فضل ليه ف حجات كتير. رغم أنها مكانتش تمتلك لا سلطه ولا نفوذ. وكمان سليم شبهنا اوى. تعرفي اول واحد اشوف فيه عشق لأهل بيته وأولاده يشبهنا. بجد انا مبسوط اوى للصدفه الجميله دى.رينو: بابتسامه. امم وكمان استاذه حنين. حتة سكره. هههههههه دمها خفيف جدا. تحسها فيها جزء صغير من رودي ههههه. لكن طبعا رودي أجن بكتير. فهد: هههههههه بصي مش عايز اقولك ع مراد اخوكي وخالد دويتو مش معقول. وخالد عدا مراد بمراحل ف الجنون. رينو: كشرت عينيها بغيظ. ابيه مراد مش مجنون يافهد. أبيه مراد قمر. فهد: شدها لحضنه بعشق كبير وهمس طيب وانا؟ رينو: غمضت عينيها وقالت. انت روحي وحبيبى. انا بتنفس بيك يافهد…فيلا الشرقاوي. خالد: هههههههههه اقسم بالله ياحنون. لو كنتى موجوده وشوفتى الس\لاح ع دماغي كنتى عملتى من بنها وجريتى. هههههههه. واطيه ياحنين. حنين: شهقت. وكملت بغيظ انا واطيه؟ ايوه طبعا. مش مراتك. هبقى ايه بقى؟ خالد: هرش ف دقنه وقال هو ده قصف الجبهه ال بيقولو عليه؟حنين: ههههههههه. اه ياحبيبى عايز تانى؟ وعدى يومك عشان انا مبسوطه اوووى، تعرف ياخالد عيلة العدوى والسيوفي دول من ارقي واجمل العائلات. انا كنت بقرا ع السوشيال ميديا. بأسماء العيليتن دول. وكنت بقول كلام نت وجرايد. بس لما اتعاملت مع دكتوره فريحه ودكتوره لارين. صدقت ف العيله كل الكلام الجميل ال كنت بقراه عنهم. خالد: بتأكيد. اومال ياحنون. انتى مفكرا ايه؟ يابنتى العدوي ده لقبوه بالامبراطور. ليه بقى؟عشان ذكائه ف السوق كان نمبر وان. مفيش مشروع دخل فيه وخسر ابدا. اتحط كتير ف اختبارات صعبه وقدر يعديها. وكمان أعداؤه ف الشغل كاشفهم أول ب أول. وكمان سمعته زي الجنيه الدهب ف مصر والشرق الأوسط كله. واي رجل اعمال يتمنى بس آدم العدوي يكلمه مش يشتغل معاه.وآدم باشا العدوي ده حلم اى شاب يشتغل بس عندو. وكمان عمره ما قبل رشوه ولا استغل منصبه ف حجات ضد مبادئه. واتعرض عليه يقدم ف انتخابات مجلس الشعب ورفض. وغير كدا كمان بيخاف ربنا ف شغله. وكمان ممنوع إن عيلته من البنات والحريم أنهم يظهرو ع السوشيال ميديا. وآدم باشا العدوي. باعد عيلته خالص عن اى مؤتمر صحفي. محافظ ع عيلته بجد. رجل بمعنى الكلمه. انا مش مصدق انى هتقابل معاه بكره.حنين: بانبهار. ماشاء الله ده عملاق بقى اللهم بارك يارب. طيب انت عرفت عنه كل ده ازاى؟ خالد: بصلها. وقال انتى غبيه صح؟ ومتقوليش عشان أنا جوزك. لأ انتى بجد مخك عطلان. يعنى راجل اعمال وبالشهره دي. وانا رجل اعمال. مش هعرف يعنى؟ طيب تعرفي إن سليم. مسجل كل لقاء صحفى واي مؤتمر وندوه للامبراطور. ع اللاب توب عنده؟ عشان سليم واخده مثل أعلا ليه. وبيتعلم منه. وعايز يبقى اسطوره بجد زيه.حنين: كشرت عينيها بعدم فهم. اله سليم بدر الدين ماشاء الله عليه. ده معدي الاسطوره. ده كفايه انك مبهور بذكائه ومشاريعه ال مسمعه ف مصر كلها. خالد: بتأكيد. حصل. سليم ده خايف اقول عليه حوت السوق. يقوم فهد السيوفي يزعل ويسلخ قبل ما يدبح. هههههههههههه… بقولك ايه؟ وشدها لحضنه وقرب من وشها وهمس. هو احنا هنفضل نتكلم عن الشغل كتير. ماتيجي اقولك كلمه ف ودنك. وغمز. جه تاني يوم.طبعا مراد اتكلم مع الامبراطور. وقاله كل حاجه حصلت واسم سليم بدر الدين. وآدم قاله كويس جدا انك عزمتهم ع الغدا. ومريم. طلبت من زينب. والبنات أنهم يعملو كل ما لذ وطاب من أنواع مختلفه ع الغدا. ونبهت عليهم أنها عايزه غدا مميز جدا. والضيوف مهمين جدا. بعد فتره. كل حاجه جهزت وع أتم الاستعداد. فهد ورينو وآرين و آركان وصلو. مراد. لبس ونزل وف انتظارهم لأنهم ع وصول.بعد شويه. وصل اخيرا سليم وعيلته. وخالد وعيلته. وبدء لقاء من نوع خاص وبدأت حفلة التعارف. بين العمالقه. سليم بدر الدين. و آدم العدوي. آدم: ابتسم. ومد ايدو اهلا سليم بدر الدين. سليم: ابتسم بحب كبير. وسلم عليه وقال اهلا بالامبراطور العظيم. آدم باشا العدوي. آدم: بنفس الابتسامه. تشرفت بيك يبنى اتفضل استريح. سليم: قعد وجواه مبسوط جدا. وقال متشكر لحضرتك. مراد: اعرفك يا بابا. خالد الشرقاوي صاحب شرك…آدم: قاطعه وكمل بابتسامه. شركة الشرقاوى جروب. طبعا شركه ليها اسمها ووزنها ف السوق. وخصوصاً بعد ما سليم حط ايدو ف ايد خالد ووقفوها من جديد. ومد ايدو اهلا ياخالد.خالد: تنح وفتح بوقه. ومد ايدو. وقال ببلاها. انت عرفت ازاى. وانتبه. اء. احم. اهلا بحضرتك. بجد انا مش مصدق نفسي انى واقف قدام عملاق زي حضرتك. حضرتك اسطوره. انا. انا من أشد المعجبين بإنجازات سيادتك. أسأل سليم. اه والله. وا، احم اهلا وسهلا بحضرتك. آدم: ضحك بصمت وربت ع كتفه. الشرف ليا انا. اتفضل يبنى استريح. الكل سلم ورحب. وقعدو.سليم: بإعجاب كبير. قال طبعا أنا مش مستغرب إن حضرتك عرفت اسرار وخبايا شركة الشرقاوي. لانك مش اى حد. بس بجد انا مبسوط جدا إن حضرتك واخد خلفيه ولو صغيره عنى انا وخالد.آدم: بهدوء. انا عارف عنك كل حاجه ياسيلم يبنى. ويكفى إن اسم والدك بدر الدين بيلمع لحد دلوقتي بفضل الله ثم انت. انت كنت البذره الصالحه ال علت من شأن عيلتك. وكمان شريف بدر الدين. اخوك الكبير. صاحب مصنع الحديد والصلب. بجد انتو مثال مشرق ومشرف لاجيال المستقبل. وكمان خالد ال نقدر نقول اعتبارا انه بدء من الصفر. وبفضل الله ثم انت كبر معاك. وبقى ليه اسم ليه وزنه ف السوق. ولا إيه يا خالد؟ نقول ياشرقاوي ولا ياعالمي؟خالد: فتح عينيه بدهشه كبيره. ومتنح بزهول. وعينيه مفتوحه بانبهار وعدم تصديق من ال بيسمعه وال شايفه. سليم: ابتسم بإعجاب. وقال أنا طبعا مش مصدوم زي خالد. لانى انا جاي ومتوقع أن سيادتك تفوق كل شئ ف مجال الأعمال والتفكير الإبداعي. فهد: همس. ولا يامراد؟ مراد: ارغي عايز ايه؟ فهد: هو خالد هيفضل متنح كدا؟ مراد: رفع عينيه وشاف خالد وضحك ع شكله. وقال بصوت عالي شويه. احم احم. منورييين والله ياجماعه.كلهم ضحكو. بعد ما خالد قفل بوقه وبيحاول يستوعب… زين: رجع م الشركه. واتعرف عليهم. وسلم ع خالد ورحب بيه. سليم: سلم عليه بإعجاب كبير. اهلا باشمهندس زين. زين: بابتسامه. اهلا اهلا مستر سليم. بجد مفاجاه جميله جدا. لما عرفت انك هتشرفنا انهردا. سليم: بضحكه. ده انا مشهور بقى وانا معرفش؟ زين: بضحكه. حضرتك غنى عن التعريف يامستر سليم. وسمعتك الطيبه مسمعه ف كل مكان ماشاء الله.سليم: هز راسه متشكر جدا ياباشمهندس زين. انا مبسوط جدا انى موجود هنا انهردا واتعرفت عليك. زين: الشرف ليا انا. اتفضل حضرتك استريح. نورت مملكة العدوى… بعد كدا الغدا جهز. وزينب جهزت سفره تليق بعيلة آدم العدوي. والشباب ف مكان لوحدهم والستات ف مكان لوحدهم. مراد وفهد وزين وع رأسهم آدم اهتموا ب سليم وخالد وسيف و آمان. وع الجانب الآخر. فريحه ورينو وريتال وع رأسهم مريم اهتموا ب فتون وحنين وحياة و جنى.وبعد الغدا. الشباب كلهم خرجو ف الجنينه. أما ف الليفنج. مريم: بفرحه. والله بجد انتو منورين يابنات. حنين: بسعاده. بنورك ياطنط. بجد انا مبسوطه جدا انى قابلت شخصيه جميله اوى زي حضرتك. مريم: ابتسمت بحب. تسلمي لقلبى يارب ياحبيبتى. وانا كمان مبسوطه انى شوفت عيونك القمر دي. فتون: ابتسمت. بجد ياطنط مريم انا حقيقى فرحانه اوي انى اتعرفت ع حضرتك. بجد مثال مشرف لاى ست وزوجه مصريه.مريم: ربتت ع كتفها بحنان. وقالت. ولما انا مثال مشرف لكل زوجه مصريه؟ انتى ايه يافتون يابنتى؟ فتون: بابتسامه. انا عاديه جدا ياطنط. مريم: بنفي. لأ ابدا. بعد ال انتى قولتهولى عن حياتك. وعشتى قمة الوجع مع الصبر. والذكري مع الاشتياق. والصراع مع الحرب. والتفكير والحيره. واتحليتى بالقوه والصبر. واستعنتى بالله ف كل خطوه وآمر.عمرك ما تكوني عاديه ابدا يابنتى. انتى مثال مشرف لاى حد. انتى حاربتى لوحدك. ورضيتى بقسمتك وال مكتوبلك. عشتى ظروف صعبه جدا ف زمن الفتن. حربتى نفسك علشان متضعفيش. ومجاهدة النفس دي شيء متعب جدا. انه يوصلك لبر الأمان. ويقينك بالله وحُسن ظنك فيه بالخير. عوضك العوض الجميل. وسيد البشر قال ايه؟ كلهم. صل الله عليه وسلم.مريم: قال رسول الله صل الله عليه وسلم ف الحديث القدسي: ««قال الله جل وعلا: أنا عند ظن عبدي بي، إن ظن خيرًا فله، وإن ظن شرًّا فله»» [متفق عليه]، كلهم: بتنهيدة راحه. عليه الصلاة والسلام. فتون: بتنهيده. فعلا ياطنط. انا ديما كل خوفي زمان من انى أضعف من كمية الابتلاءات. ولكن سبحان الله. يقينى بالله قواني.مريم: بابتسامه. يقينك بالله وتمسكك بالقرآن وصلك ل سفينة النجاه. ووصلتي بيها لبر الأمان. وسيدنا محمد. قال. – ف أحد الأحاديث النبوية الشريفة. قال الرسول –صل الله عليه وسلم. ” تَركتُ فِيكم الثَّقلين، ما إن تمسَّكتُم بهما، لن تضلُّوا: كِتابَ اللهِ، وسنتي” صدق رسول الله. مريم. كملت بابتسامه. اما بقى إنك رضيتى بالابتلاء وامنتى بقدرك. ربنا اختصك لانه بيحبك.يقول صل الله عليه وسلم: (إن عِظَم الجزاء من عِظَم البلاء، وإن الله إذا أحب قوماً ابتلاهم، فمن رضي فله الرضا، ومن سخط فله السخط). رواه الترمذي وابن ماجه. كلهم صل الله عليه وسلم. فتون: ابتسمت. بحب كبير. الحمدلله. بجد ياطنط مريم أسلوب حضرتك. جميل جدا لين ع القلب ومُرضي. يشبه المهديء. حسيت بكمية راحه نفسيه جميله وانا بتكلم مع حضرتك.مريم: ابتسمت. انتى ال عيونك جميله وقلبك أجمل عشان كدا بيطلع منك كل جميل. وياريت بقى بلاش طنط دى. قولى اى حاجه غير طنط. مبحبهاش بصراحه. رينو: هههههه فعلا ياتونا مامي اى حد يقولها طنط تضايق. بصي ف قاموس العيله عندنا حتى الاحفاد. بيقولو ل مامى. ماما مريم. وبابي بابا آدم حنين: بمرح. والله كنت عايزه اقول ماشاء الله الله اكبر ف عينيا يعنى إن أميرة آدم ماينفعش تبقى طنط خالص ههههههههه.مريم: ضحكت. يجازيكى خيرا ياحنين يابنتى. بس مين قالك ع اميرة آدم. اكيد رينو. بس لأ مش مقنعه. حنين: ههههه بصراحه وغصب عنى والله وانا بغسل ايدى. لقيت ودني راحت عند آرين وحياة وهي بتقول إن حضرتك ملكة العيله. وبابا آدم كل شويه يلقبك بلقب معين. ولكن ال مصمم عليه أنك أميرة آدم وبس. أسفه بقى. ههههه. رينو: هزت راسها بنفاذ صبر. آرين؟ اه من البنت دي. بتحب تتكلم كتير. شايفه كل حاجه رومانتك قدامها.فتون: بابتسامه. لو ينفع اقولك يا امي. مريم: عيونها لمعت ومسدت ع حجابها. انى اكون أم لام عظيمه زيك. دي قمة السعاده يافتون يابنتى. حنين: طيب وانا. وانا. ينفع انا كمان. بليز بليز وافقى ارجوووووكي. مريم: ضحكت. وانا اقدر موافقش. انتى عرفتي سر كبير. ولازم اوافق هههه. قولى ياحبيبتى زي ما انتي عايزه. حنين: بمرح. خلاص بما انى لسه صغيره وف عمر آرين يبقى ماما مريم زي الأحفاد بالظبط. كلهم ضحكو ع حنين.مريم: قوليلى يافتون يابنتى. ف وسط كلامك. قولتى حاجات شدت قلبى. زي دكاتره من خارج مصر بتكشف ع الاطفال ذوي الهمم. وكمان هدية الاستاذ سليم ليكى. مدرسة لذوي الهمم. ممكن تشرحيلى اكتر عن المدرسه. وكمان ياريت اعرف الإيجابيات ف نجاح العمليات للأطفال. فتون: ضحكت بسعاده كبيره. وقالت حاضر يا أمي انا هقولك ع كل حاجه… ف الجنينه. آدم. بيتمشي مع سليم. وبيتكلموو. أما خالد وفهد ومراد وزين بيتمشو مع بعض.خالد: طلع علبة سجاير. وبيعزم ع زين. اتفضل ياباشمهندس عفر. زين: فتح عينيه بدهشه. اعفر؟ وبص ل مراد وفهد وقال. اعفر؟ مراد: الله يخربيتك ياخالد. انت مهيبر كدا ع طول. خبى يبنى السجاير دى ف جيبك. الحج آدم لو شافك. هيسلم ع وشك. خالد: هيبوسنى يعنى؟ هههههههههه. مراد: بتريقه. ومش اى بوسه. والله هتطلع من قفاك. ورفع ايدو ع قفاه.فهد: هههههه. ياعم خالد. ممنوع حد يشرب سجاير ف عيلة العدوى والسيوفي عموما. وكمان ال يدخل المملكه هنا لازم يمشي بناءا ع الشروط. اعقل بقى وشيل السجاير دى. خالد: كشر عينيه وقال. ولا يامراد. انت خايف لابوك يطفى السجاير ف قفاك صح؟ اوعى تكون بتشربها ف الحمام. ازعل انا. الهيبه ياصقر باشا هههههههههههه. فهد: هههههههههههه. سيب قفاه ف حاله هههههههه. مراد: بغيظ. عجبتك دى اوى يافهوده.فهد: بغمزه. اوى. اى حاجه تضايقك يبقى انتصار بالنسبالى. خالد: هههههههه وشاور ع فهد. وقال سليم اهو. زى سليم بالظبط. الهوى ع النفسنه اجودعان. هههههههه. مراد: رقص حواجبه ل فهد. مالحقتش تفرح ياعينى. هههههههه. تعالى ياض ياخالد احكيلك حكاية الشاطر حوت وهو بينقذ الخنفسه هههههههههههه. فهد: صك ع أسنانه بغيظ مكبت. وقال ولا يامراد ماتخلنيش اتغابى عليك.زين: لأ لأ مش مراد اخويا ال حد يتغابى عليه يافهد لو سمحت. وبعدين انا هموت وأعرف ايه حكاية الخنفسه دي؟ مراد: بعت بوسه ع الهوا ل زين. حبيبى اخويا. وبعد الشر عليك يازين. وانا لازم اريح قلبك واقولك ياخويا. وغمز ولا ايه يافهودي. فهد: بمكر. وماله يارشا. احم قصدى يامراد. اتفضل احكي وسمعنى. مراد: بخبث. همس جيسيكا ابنة كيفين هههههههههههه هههههههههههه. خالد: اله مابلاش شغل الغاز وفكو الشفرات ع طول.عند آدم وسليم. سليم: آخر حاجه. تابعتها لحضرتك المؤتمر الدولي ف دبي. وابتسم. بصراحه كل حاجه ليك ع السيوشال أو مؤتمر وندوه. مسيها عندى ع اللاب توب الخاص. بحب افكر ف كل كلمه بتقولها. لانها وراها نجاح كبير. وبتهايلي انا نجحت بنصايح حضرتك للشباب.آدم: ابتسم وقال الشغف ال جواك وتحملك المسؤوليه الكامله لشركات بدر الدين. هي سبب نجاحك مش أنا. انا بس ربنا جعلنى سبب. قولت كلمتين حلوين وانت سمعتهم. لكن بعد نجاحك مش قبل. انا متابع اكتر رجال الأعمال المصريين. وانت وخالد من ضمنهم. وف رجال أعمال كتير نزيهه وبتخاف ربنا ف شغلها لانه امانه وهيتحاسب عليه. أما رجال الأعمال ال انا بقول عليهم رجال القاع. لأن ضميرهم ميت. انا طبعا متابعهم كمان عشان اكون عارف مين مع ومين ضد.سليم: هز راسه فعلا. ف رجال أعمال كتير ملوثين. وكمان اشكر حضرتك ع الدعم المعنوي ليا. آدم: هز راسه انا مقولتش غير الحقيقه. انما قولى ايه آخر مشاريعك ف السوق؟ وكمان النشاط الخيري. سليم: ابتسم بإعجاب. وقال حضرتك قريت السؤال ال بيدور ف عقلي. وده مش جديد عليك. آدم: بثقه. وانا سهلت عليك مقدمه كبيره. لانك عايز تاخد رأيي ف المشروع الجديد.سليم: وقف وفتح عينيه بدهشه. وقال فعلا. وضحك. آسف نسيت إن حضرتك كنت مقدم شرطه. آدم: ها بقى ايه المشروع. سليم: بص ف عينيه وقال. هو مش مشروعي. هو امنيه. زوجتى نفسها تحققها. وانا عايز انفذها واحققها ليها. آدم: ضحك بصمت ع عشق سليم ل تونا. وهز راسه ايه هي الامنيه ياسليم؟سليم: اختراع جهاز جديد مدمج عليه كل حاجه تخص زوي الهمم. بحيث الكفيف يقدر يتواصل مع الأصم. والابكم. عايزه جهاز يكون فيه كل فن التعامل. بحيث كلهم يفهمو بعض. وانا بدرس المشروع حاليا. وف انتظار مخترع… آدم: هز راسه ومط شفايفه بتفكير. هي فكره جميله. واختراع جميل. وهيساعد ع سهولة التواصل بين جميع الفئات. عموما انا هساعدك عشان نوصل لمخترع. ونحقق امنية اكتر الأمهات. واعتبر إن المشروع اتحقق واتنفذ كمان.سليم: ابتسم بإعجاب كبير. مش جديد عليك يا امبراطور. بعد كدا. الكل قعدو مع بعض. والستات ف ناحيه والشباب ف ناحيه. والامبراطور واميرته جمب بعض، واتكلمو كتير وكان الكل مبسوط جدا من اللقاء الجميل ده. ولقاء من نوع خاص. وكان وقت مميز جدا… بعد فتره كبيره. مريم: قعدت ع السرير جمب آدم. ومسكت أيدو وقالت. آدم ياحبيبى. آدم: موافق. مريم: فتحت عينيها بدهشه. موافق ع ايه؟ آدم: ع الامنيه ال بتتمنيها. وعايزه تحققيها.مريم: بزهول. بس انا لسه مقولتش ليك عليها. آدم: اتعدل. ومسك ايديها وباس جبينها وقال. انتى عشرة سنين يا اميرة آدم. وكل حاجه فيكى تخصنى حتى تفكيرك يخصنى. مريم: قلبها دق وقالت يعنى موافق انى اتبرع نبنى مستشفى لعلاج زوي الهمم بالمجان. آدم: رفع دقنها وباسها برقه وقال. اعتبريها اتنفذت وجاهزه للافتتاح. مريم: ضحكت بدموع السعاده. وحطت راسها ع صدره وقالت. ربنا يحفظك ومايحرمنيش من جنة آدم. عند سليم.فتون: واقفه ف التراس سرحانه. سليم: قرب منها وضمها لقلبه من الخلف. وقال. فاتنتى سرحانه ف ايه؟فتون: انتبهت وابتسمت بحب وسندت راسها ع صدره. وقالت انا مبسوطه اوى ياسليم. بجد الروح كانت محتاجه تجديد. زي مقابلة انهردا. ماما مريم الجزار. حاجه كدا وهم. مش لاقيا ليها مسمى ف المعجم يليق بيها. ايكونه من الأخلاق والجمال والعطف والحنان. عندها كمية حب كبير يكفى ع مدد سنين بعيده. مقابله واحده بس معاها. وتسمع منها كفيله تنسيك هموم الدنيا. ماما مريم طبطت ع قلبى انهردا ياسليم.سليم: لفها ليه. وقال فعلا. انا اخدت بالى من رازنتها وعقلها. ولازم تكون كدا. مش زوجة الامبراطور. مملكة آدم العدوي. ماتبنتش من فراغ. وأساس وجذر المملكه دى. الزوجه الصالحه. ال هي… فتون: ضحكت بسعاده. وكملت أميرة آدم. سليم: مسد ع خدها بحب. وانتى سلطانة قلب سليم بدر الدين. فتون: حطت راسها ع صدره وقالت. جمال اليوم انهردا واخد شطر من جمالك ياسليم. سليم: ضمها لقلبه. وجمال العالم كله. من ابتسامتك يافاتنة قلبى.
النهاااااااااية