شمس

الناس كلها سقفت وشمس كانت هتعيط تاني بس مسكت نفسها وقالت انا مسامحاك يا أستاذ يحيى وانا موافقة أرجع بس بشرط واحد يحيى قال لها اطلبي اللي انتي عايزاه قالت له انا عايزة اشتغل معاك انت شخصيا لمدة شهر كامل كمساعدة ليك عشان تشوف انا بشتغل ازاي وانت بتدير ازاي ونفهم بعض أكتر يحيى اتفاجئ بس وافق وقال موافق

وبدأ الشهر الأغرب في حياتهم شمس بقت قاعدة مع يحيى في نفس المكتب طول اليوم في الأول كان الجو متوتر جدا هو بيتكلم رسمي وهي بترد رسمي بس شوية شوية بدأوا يتكلموا يحيى اكتشف ان شمس بنت ذكية جدا وموهوبة وبتحب شغلها بجد وبتسهر عشان تطلع أحلى حاجة وبتساعد أي حد محتاج مساعدة وشمس اكتشفت ان يحيى مش شرير زي ما كانت فاكرة هو بس مضغوط جدا عشان عايز يثبت نفسه بعد ما أبوه مات وساب له مسئولية كبيرة وكان خايف يفشل فبقى عصبي وبيطلع غضبه على الناس

في مرة كانوا سهرانين في الشركة لوحدهم بيخلصوا بريزنتيشن لعميل كبير والدنيا ليل والمطر برا شمس جابت لهم قهوة وقعدوا يضحكوا على حاجات قديمة ويحيى حكى لها عن أبوه وعن خوفه وشمس حكت له عن حلمها انها تفتح شركتها الخاصة يوم من الأيام ويحيى بص لها وقال لها انتي هتوصلي يا شمس انتي شاطرة أوي

حبيبة وسما بقوا يلاحظوا ان يحيى اتغير خالص بقى هادي وبيضحك وبيسلم على أمين كل يوم الصبح وبيشكر الناس على شغلها وموسى بقى يقول ليحيى ايه يا عم الحب ولع في الدرة ولا ايه ويحيى يضحك ويقول له اسكت بقى

ويوم ورا يوم شمس بقت تشوف يحيى بطريقة تانية خالص بقت تشوفه وهو بيحاول يصلح غلطته مع كل الناس مش معاها هي بس بقى يدخل يعتذر لأمين عشان زعق له مرة وبيساعد سما في شغلها وبيسمع لحبيبة وهي بتعرض أفكارها الجديدة حتى موسى لاحظ انه بقى يسمع أكتر ما بيتكلم وشمس بقت تستنى تروح الشغل عشان تشوفه ولما مبيجيش بتحس ان اليوم ناقص حاجة كبيرة ويحيى نفسه بقى يحس ان المكتب من غير ضحكة شمس مالوش طعم وانه بيعد الساعات عشان تيجي الصبح بدري زي الأول

وفي مرة حبيبة قالت لشمس بصراحة كده انتي بتحبي يحيى يا شمس صح شمس اتكسفت وقالت لا طبعا بحبه ايه بس ده مديري حبيبة ضحكت وقالت لها يا بنتي عنيكي فضحاكي كل الناس شايفة اللي بينكم وانتي مش واخدة بالك شمس سكتت ومعرفتش ترد لأنها فعلا حست ان قلبها بيدق أول ما يشوفه وانها بقت بتفكر فيه طول الوقت حتى وهي في البيت