كانت راجعه ٢

البارت ال 17 رواية سمراء احتلت كياني _ دكتورة غصون دكتورة غصون _ اي في ايه ؟؟ _ والد حضرتك هنا وتعبان جدا _ اييييه…؟؟؟ _ مستنتش ردها وجريت بسرعه ، وكان دكتور ياسين هوة اللي استلم حالته _ بابا ماله ي مصطفي _ مصطفي عيونه دمعت وبص ف الارض ، غصون راحت علي خديجة _ في اي ي خديجه حد يرد عليا _ بعياط : مش عارفه ي غصون انا دخلت عليهم لان صوتهم كان عالي ولقيت عمي مغمي عليه ف الارض جبناه علي هنا _ غصون فضلت رايحه جاية ، خايفه عليه مهما كان ابوها وعمرها م تتمناله اللي هوة فيه ده _ كانت هتدخل تشرف بنفسها مع دكتور ياسين بس هوة رفض _ ف اقل من ساعه خرج ياسين وهيه جريت بلهفه _ طمني ي دكتور بابا عامل اي ؟ = للاسف ي دكتورة غصون حالتة والدك مش بخير ، ضر.بات قلبه ف النازل وهيحتاج ف اسرع وقت لعملية زرع قلب ، ولازم العمليه تتم ف خلال 48 ساعه ، وإلا الحالة هتسؤ اكتر _ بغضب وحزن : دكتور ياسين حضرتك بتقول اي؟؟ _ قعدت علي اقرب كرسي مصدومه مش قادرة تستوعب انها ممكن تفقد والدها بعد الوقت المحدد _ ياسين قعد قدامها علي ركبته : غصون انتي دكتورة وفاهمة طبعا الكلام اللي قولته ، فياريت تلغي عواطفك وتفكري بعقلك عشان حالة والدك _ مصطفي واقف مصدوم ، خايف يفقدة بجد ، خديجة قربت منه وح.ضنته وفضلت تعيط _ غصون قامت بسرعه شدت مصطفي من ايدة وطلعوا برااا ف جنينة المستشفي _ قعدوا وكل واحد ساكت وباصص قدامه _ اللي حصل لبابا بسببي مش كده ؟ = خدها ف حض.نته : عيطي ي غصون متكتميش ف قلبك اكتر من كدا _ كأن كلمات اخوها سهم واخترق حصن قلبها ، قعدت ييجي ربع ساعه تعيط _ انا معملتش حاجه ي مصطفي ، هوة اللي شك فيا وضر.بني و……!!!! _ سكتت فجاءة وصوت عياطها زاد لما افتكرته وهوة _ بغضب : واي ي غصون انطقيييييي ؟؟ _ مسحت دموعها : مفيش حاجه انا كويسه = مسك ايديها بحنيه : عارف اني م قومتش معاكي بواجبي ك أخ واني مكنتش الاخ الللي بتتمنيه ، انا اسف ي غصون _ لا ي مصطفي انت اخويا و عمري م انسي كدا ، مهما يحصل هنفضل اخوات _ يوسف فين ي غصون _ بلعت ريقها : انا ويوسف اتط.لقنا ي مصطفي من وقتها معرفش عنه حاجه = بحزن : عشان كده بابا اغمي عليه _ انا مش فاهمه حاجه خالص بقلمي اميرة محمد محمود _ بابا طلب مني اتصل علي يوسف عشان تيجوا عندنا البيت ، عارفه ي غصون بابا كل يوم ينام ودموعه علي خده ، قلبه واجعه عليكي كان نفسه يشوفك اوي بس مكنش قادر يواجهك . _ بعياط : بجد…. بجد ي مصطفي بابا كان عايز يشوفني _ ضمها لح.ضنه واستاكنت فيه بعد فترة من العياط المتواصل سابها ودخل جوة بعد م طلبت منه تقعد لوحدها _ ياسين اول م شاف مصطفي مشي من هناك راح قعد جمبها وبص للسما _ ليه محاولتيش تثبتي برائتك ؟؟؟ _ بصت ليه وهيه مصدومه ومرتبكه : عشان …عشان خوفت وكنت ضعيفه ، حبست نفسي ف اوضي كل اللي كنت بفكر فيه ازاي اهرب من عيون الناس _ بصلها بهدوء : وهل يا تري الهروب هوة الحل المناسب؟ _ عيونها دمعت : انت معشتش اللي انا عشته ولا شوفت اللي انا شوفته ، انا كنت ف وضع مش مسموح ليا بالتفكير ف اي حاجه _ لا كل دي تبريرات بتديها لنفسك عشان تريحي ضميرك ، كان لازم تدوري علي الحقيقه ، وتربطي الاحداث ببعضها ، مش تهربي _ بغضب : انت ليه مش عايز تفهم ان صعب علي اي بنت انها تتعرض وتنجبر تعمل حاجات خارج ارادتها _ بصلها : تقدري تقوليلي ف كام مرة اتشجعتي وواجهتي نفسك وحقيقتك ؟ _ عيطت : ولا مرة ولا مرة عارف ليه لاني ضعيفه عملت حساب للناس ، واستخبيت من خوفي منهم ونظرتهم اللي _ صعبت عليه حالتها ف غير الموضوع : تعرفي ان شكلك حلو وانتي معيطه _ مسحت دموعها وبصتله بإستغراب : نعم ؟؟؟؟ _ ابتسم : اهاا والله زي م بقولك كدا _ لفت وشها الناحيه التانيه وابتسمت _ ممكن اسالك سؤال _ اتف…..!!! تسالني بتاع اي انت هتاخد راحتك بقي عشان اتكلمت معاك كلمت……!!! _ شششسشش اخرسي اي راديو فتح ف وشي والله انا فضولي ده هيوديني ف داهيه _ يلا ي عسل طرقني من هنا _ علي فكرة انتي مش جدعه _ ليه بقي ان شالله ؟؟ _ ابتسم بخبث : عشان مشكرتنيش حتي بكوباية قهوة _ واشكرك ليه هوة حد قالك انقذني _ تصدقي انا فعلا غلطان عشان مسبتكيش ليهم _ ببرود : جدع _ اتنفس بغضب : اهدا …اهدا ي ياسين متتعصبش، _ ضحكت عليه فقعد جمبها بسرعه هاا هتعزميني علي القهوة _ ضحكت : هعزمك علي قهوة _ ابتسملها ومشي _ دمعت وقالت لنفسها : الله يسامحك ي يوسف بقلمي اميرة محمد محمود _________________ _ ليه يبنتي سبتي جوزك وجيتي هنا ؟ _ ي ماما مهاب نايم وانا قولت أجي اطمن علي حضرتك _ يكرم اصلك يبنتي تعالي نعمل حاجه نشربها _ حاضر _ جميله خدتها وقعدو ف البلكونه : ماما ممكن تحكيلي شوية عنكم ؟ _ ابتسمت بحنان : يااااه ي بنتي فكرتيني بأيام زمان ، تعرفي انا اتجوزت ابو مهاب وانا عندي 17 سنه وهوة كان 28 سنه _ بزهول : كنتي صغيرة اوي حبتيه ؟؟ _ حبيته بس دا انا كانت روحي فيه ، مرت علينا ايام وحشه كتير بس حتي الوحش كان بيبقي حلو طالما معاه _ ضحكت : ي عيني ي عيني علي الحب _ بس ي بت متكسفنيش بقي _ كملي طيب ي قمر _ قعدت اكتر من خمس سنين مبخلفش ، عمرة م جه ف مرة وقالي انا زهقت ، كان دايما يحض.ني لما اعيط عشان نفسي اكون ام _ لحد م فقدت الامل خلاص بس فجاءة اكتشفت اني حامل ف مهاب ، جه مهاب وخد كمية حب ، كان حتة مننا ، مخلفتش بعدة ، لان ربنا م ارادش ، اهتمينا بيه وعلمناه ، بعد م دخل طب ، ابوة مات ودي كانت بالنسباله صدمه كبيرة قعد فترة علي م تخطاها _ ابتسمت بحب : الطف حاجه ممكن اسمعها ف حياتي _ حطت ايديها علي راسها وخدتها ف حض.نها : مش ناويه تحكيلي حكايتك _ جميله انتي هنا ؟؟ _ تعالي ي مهاب انا وماما ف البلكونه _ دخل عندهم وابتسم : امم شكلكم اتصاحبتوا بسرعه اوي _بس ي واد جميله دي بنتي _ ماشي ي ست الكل شكلي هطلع منها انا بقي _ جميله ضحكت عليه _ يبنتي مكتفه نفسك كدا ليه بالطرحه دي واي العبايه دي ؟ _ شدت من عليها الطرحه ، شعرها وقع علي كتفها ووشها _ ايوة كدا مفيش حد غريب مشاء الله عليكي يبنتي ربنا يحميكي _ جميله قاعده مكسوفه ومهاب عينه متشالتش من عليها _ خد مراتك ي مهاب وروحوا شقتكم _ احم…ليه ي ماما ادينا قاعدين معاكي شوي _ اسمع الكلام _ حاضر بقلمي اميرة محمد محمود _ خد جميله ودخلوا شقتهم قرب منها ومسك خصله من شعرها حطها ورا ودنها _ بكسوف : م ….مهاب _ ميل عليها وكان هيبوسها بس زقته بعيد لما افتكرت ضعفها اول مرة _ عيطت : ارجوك انا مش مستعده _ قرب منها بلهفه : مالك ي جميله في اي ؟ _ م…مفيش حاجه _ كانت ماشيه بس مسكها من دراعها وسح.بها لح.ضنه ، انفاسهم بقت واحده _ بتهربي من اي _ بدموع : منك _ مسح دموعها : بتهربي مني انا ؟؟ ليه ؟؟ _ بعدت عنه : عشان متندمش بعد كدا علي حاجه تحصل _ اتنهد بهدؤء : جميله احنا لو فضلنا بالشكل ده علاقتنا مش هتتطور ابدا _ سكتت ومردتش عليه ف بصلها ببراءة وقال : طب انا جعااان ي مراتي جعان _ ابتسمت علي كلمة مراتي : حاضر هروح اجهز الاكل _ دخلت المطبخ وهوة جهز البلكونه وظبتها وقعد فيها _ مهاب ….مهاب روحت فين _ انا هنا تعالي _ جابت الاكل وقعدو ياكلو جميله عملت شاي وجات هيه سرحانه ف منظر السما وهوة سرحان فيها _ جميله ….!!! _ بإنتباه : نعم ؟؟ _ ممكن اسالك سؤال ؟ _ اتفضل _ هوة انتي ليه بتحبيني مع اني دايما كنت بجرحك _ ابتسمت بمرارة : لا تسأل محب لماذا احببت انا …انا لقيت نفسي بحبك كل حاجه بتعملها سواء عن قصد ولا لا حببتني فيك _ ابتسم ليها بصدق وفتح ليها دراعاته : تعالي _ اترددت تحض.نه بس معطاش ليها الفرصه وسحبها لح.ضنه ودفن راسه ف شعرها : دا مكانك ي جميلتي _ اتصدمت جدا بس مفكرتش ف اي حاجه غير انها تشبع من ح.ضنه وبس بقلمي اميرة محمد محمود
_____________ _ اخوكي السبب ف كل حاجه بتحصلنا _ بدموع : انت بتقول اي ي مصطفي الكلام ده اكيد مش صحيح _ بزعيق : زي م سمعتي يوسف الزفت شك ف اختي تاني وضر.بها وط.لقها وهوة السبب ف اللي حصل لبابا ، لو شوفته قدامي _ عيطت : لا مستحيل اخويا يعمل كدا _ بغضب : انتي هتكدبيني ي خديجه _ قامت وقفت جمبه : ي مصطفي مقصدش بس اكيد فيه سؤء تفاهم _ لا مفيش سوء تفاهم لان غصون حكتلي كل حاجه قرب منها وهمس برعب : لو بابا جراله حاجه انا مش هرحمه حتي لو هدخل فيه السجن ي خديجه _ شهقت بخوف وسابها وخرج ، طلعت تليفونها واتصلت علي يوسف _ نعم عايزة اي ؟ _ بغضب : الكلام اللي سمعته دا حصل _ ببرود : واي اللي سمعتيه _ طل.قت غصون وضر.بتها ؟ _ خ.انتني ف ط.لقتها _ انت حيوان وهتفضل طول عمرك غبي ، غصون دي كانت الحاجه الوحيده الحلوة ف حياتك ، واديك خسرتها وهتفضل تندم عليها لحد م تمـ,ـوت _ بغضب : انتي السبب قولتلك من الاول مش هننفع مع بعض بس انتي اللي اصريتي علي اللي ف دماغك _ مش عايزة اعرفك تاني وانسي انك ليك اخت _ قفلت ف وشه السكه وقعدت تعيط اما هوة ف راح عند ابراهيم عشان يكمل شرب بقلمي اميرة محمد محمود _ حبيتها ي صحبي _ مش عارف حاسس ان كانت شاغلة جزء كبير من حياتي وقلبي _ طب ليه عملت فيها كدا ؟؟ _ عينه احمرت وبدء يغضب : عشان خانتني انا شوفت الصور بعنيا _ مش كل حاجه بنشوفها بعنينا تبقي صح ي صحبي _ قصدك اي ؟؟ اني ممكن اكون ظلمتها ؟؟ _ جايز كل شيء جايز ي يوسف _ قعد يفكر ف كلام ابراهيم غمض عينيه وافتكرها وهيه نايمه جمبه وهيه بتبتسمله فتح عينيه فجاء قام وقف _ رايح فين _ رايح اصلح غلطي ومشي وهوة مصمم يعمل حاجه يكتشف بيها الحقيقه ___________________
غصون كانت داخله اوضة ابوها تتطمن عليه بس فجاءة حد شدها من دراعها _ بصدمه : ااا…انت ؟؟؟ يتبع ….. البارت ال 18 رواية سمراء احتلت كياني غصون كانت داخله اوضة ابوها تتطمن عليه بس فجاءة حد شدها من دراعها _ بصدمه : ااا…انت ؟؟؟ _ غصون ارجوكي اسمعيني _ اطلع برااا انت ليك عين تيجي هنا ؟؟ _ سحبها من ايديها ، حاولت تفلت منه معرفتش ، لحد م لقي ايد بتمنعه ، غصون بتبص عليه _ دكتور ياسين …!!!! _ سيب ايديها _ ببرود : مش هسيبها وانت مين اصلا عشان تتدخل _ سيب ايديها مش هقول تاني _ ولو مسبتهاش هتعمل اي ؟؟ _ هعمل كدا _ وكان لسه هيرفع ايده يضر.به بالبوكس بس …. _ دكتور ياسين لو سمحت دي مسالة شخصيه وياريت حضرتك متدخلش فيها _ يوسف رد عليه بشماته : سمعت ؟؟؟؟ _ ياسين بصلها بغضب لانها احرجته قدامه ومشي بسرعه قبل م بيتعصب ويك.سر دماغها _ غصون زعلت انها ردت عليه بالشكل ده ، بصت ليوسف بغضب ودخلت مكتبها فدخل وراها _ غصون اسمعيني انا ….. _ دكتورة غصون وياريت تحفظ الالقاب وتلتزم حدودك معايا _ بحزن : انا اسف عارف اني غلطت ف حقك كتير ، اديني فرصه اشرحلك وافهمك _ بجمود : بس انا نهيتك من حياتي وملكش اي وجود فيها _ صرخ : افهمي بقااا لو اي حد مكاني وشاف مراته بالوضع ده هيعمل اي _ ببرود : كان هيثق فيها ، كان هيسمعها الاول ، انت غبي ي يوسف غبي عارف ليه عشان اي حد هيشوف الصور دي هيعرف انها مفبركه _ بدموع : انااسف ي غصون ارجوكي اديني فرصه اثبتلك اني اتغيرت _ بحزن : ليه ؟ اديك فرصه ليه _ صرخ بدموع : عشان بحبببك ، واكتشفت ده متأخر بس والله بحبك ، انا ندمت ومش عايز اخسرك ارجوكي خلينا نرجع زي الاول _ عيطت : انا كمان كنت بدأت احبك واطمن ليك ، بس بعد اللي عملته كرهتك مسحت دموعها : و عمري م هرجعلك بعد م طـ,ـعنت ف شرفي _ يوسف اتعصب وخبط ب ايده علي المكتب : مش هسيبك ي غصون ولا هتخلي عنك هرجع وهتشوفي _ مشي ورزع وراه الباب وهيه قعدت تعيط : مكنتش اتمني اننا نوصل للنقطه دي ي يوسف بس انت اللي دمرت كل حاجه بعد م بداءت اطمنلك الله يسامحك وف الخلفيه حسين الجسمي بيقول ” بعد اي بتقولي نادم علي اللي فات بعد اي بتقول مهمه الذكريات ” بقلمي اميرة محمد محمود ______________________ هناء دخلت علي مكتب ياسين _ بدلع : اذيك ي دكتور _ احم اتفضلي ي دكتورة هناء _ سمعت ان حضرتك عرضت نفسك للخطر عشان خاطر دكتورة غصون _ دا واجبي الانساني واي حد مكاني كان هيعمل كدا !! _ بخبث : انا من رأيي تبعد عنها _ نعم ؟؟؟؟ _ قصدي ان اي حد بيقرب منها بيتعب اوي ، ابوها ف المستفشي من تحت راسها وطول عمرة بيكرها _ يوسف جوزها كان معزبها وكل يوم يقولها انتي وحشه وسمراء ومفيش حد هيحبك _ سمعت ان شافها ليها صور ف اوضاع مخله ، قوم ضر.بها احم و……وقال ليها كلام مهين بعدين طل.قها _ مخدتش بالها من اللي عينيه احمرت وعروقه برزت وبدء يتعصب : وانتي عرفتي كل الكلام ده منين _ اتوترت : من …من المممرضين اه الممرضين طول الوقت بيتكلموا مع بعض _ اتعصب : اطلعي براااا _ ايه؟ _ برااااا _ هناء قامت جريت علي براا وقفلت وراها الباب بسرعه _ ياسين قعد يتنفس بغضب وكل كلمات هناء بتترد ف ودنه ، ساب المكتب وخرج براا المستشفى خالص _ مخدش باله من غصون اللي فضلت تنده عليه يوووة اكيد لسه زعلان مني م انا مكنش ينفع برضو اكلمه بالطريقة دى بقلمي اميرة محمد محمود _ واضح ان في قصة حب جديده هنا _ غصون بصت وراها لقت هناء واقفه ومربعه ايدها ،هناء مشيت لحد عندها وفضلت تلف حواليها وهيه بتكلمها _ شايفه انك بتتخطي احزانك بسرعه ومش فارق معاكي انك مطق.ه وعماله تلفي علي الدكتور ياسين _ غصون رفعت ايديها وضر.بتها قلم : اخرسيييي انتي فكراني زيك كلبه وبتاعة فلوس ، انا بجد بستحقر نفسي لاني ف يوم من الايام صاحبت واحده زيك ، انسانه ماديه وحقيرة ، تبيعي نفسك وعشرة عمرك عشان مصلحتك الشخصيه _ بغضب : انا مسمحلكيش تكلميني بالطريقه دي _ انتي فاكرة اني هخاف منك لا انسي ،ابعدي عني وعن عيلتي وعن اي حد يخصني وإلا … _ بتوتر غير ظاهر : وإلا اي ؟؟ _ همستلها : وإلا بطلي تلعبي بديلك لحسن هفتح قضية تجارة الاعضاء واكشف حقيقتك وانتي فاهمه قصدي _ بلعت ريقها بخوف : ان….انتي بتقولي اي _ بثقه : زي م سمعتي ي حلوة ، ومش هيهمني حد وهنسي فيوم انك كنتي اغلي واحده علي قلبي _ غصون سابتها ومشيت وهيه واقفه مشاعرها متلغبطه ، خوف ، توتر ، قلق ، غل ، حقد ، بس اكتر شعور مسيطر عليها هوة الخوف بقلمي اميرة محمد محمود _________________ _ غصون دخلت اوضة ابوها وقعدت جمبه علي الكرسي ومسكتت ايده بتردد وباستها _ البنات كلهم بيتمنوا يبقي شبه مامتهم ، بس انا اتمنيت اوي اني اكون شبه حضرتك ، وف الاخر لا طلعت شبهك ولا شبه ماما _ لو مسكت ايدي زمان وانا صغيرة زي اي اب كان زماني عندي ثقه ف نفسي ومش ضعيفه زي دلوقتي _ نفسي اح.ضنك اوي ممكن تكون حاجه سخيفه بالنسبالك بس انا محتاجه حض.نك ، محتاجه احس بالامان _ انا عمري م حبيت حد بالشكل ده بالرغم ان عمرك م قدمتلي اي احترام ولا حتي حب إلا اني عمري مع عرفت اكرهك _ عيطت : بابا انت لازم تقوم بالسلامة لو مش عشاني عشان خاطر مصطفي وخديجه طيب _ كانت هتقوم تمشي بس حست ب ايدة بتبت فيها _ بصت عليه وحست انو بيتهيألها ف مشيت بقلمي اميرة محمد.محمود. ______________________ _ بغضب : يعني عمي يبقي ف المستشفي وحضرتك متقوليليش _ يبنتي مكنتش حابه اقلقك وانتي لسه متجوزه مكملتيش حاجه _ لا ي غصون دا مش مبرر ، انتي لو بتعبريني صحبتك بجد مكنتيش خبيتي عليا من الاول _ مجتش فرصه صدقيني انا عرفت بالصدفه _ طيب طمنيني عليه ، هوة عامل اي دلوقتي ؟ _ الحمد لله مؤاشراته الحيويه بخير ، والعمليه هتتعمل بكرة _ متخافيش ان شالله عمي هيقوم بالسلامه _ يارب ي جميله _ غصون انتي مش مخبيه عليا حاجه تاني ؟؟ _ بتوتر : ل…لا طبعا _ غصون متكدبيش _ دمعت : انا ويوسف اتطل.قنا _ انتي بتقولي اي ؟ ازاي وامتا حصل الكلام ده ؟ _ مش مهم المهم اننا نهينا علاقه ملهاش وجود من الاساس _ ليه كده ي غصون انا كنت حاسه انك بدئتي تحبي يوسف _ كنت بس الحمد لله ربنا كشفه علي حقيقته دا شك فيا بكل وحشيه من غير رحمه _ انا اسفه ي غصون اني فكرتك بذكريات بشعه _ انا منستش ي جميله عشان افتكر اتنهدت : ربنا يهديه ويصلح حاله انا هقفل بقاا عشان ورايا شغل _ ماشي ي حبيبتي مع السلامه _ جميله قفلت مع غصون وقعدت زعلانه _ مالك ي جميله شكلك مش علي بعضك _ يوسف وغصون اتط.لقوا _ ليه اي اللي حصل _ مش عارفه ي مهاب مش عارفه _ دا نصيبهم ي جميله محدش عارف كان ممكن يحصل اي بعدين لو كملوا مع بعض _ قدر الله ومشاء فعل _ بقولك اي متيجي نخرج؟ _ بجد ي مهاب _ ضحك : بجد _ نطت من مكانه : هروح البس فوريرة _ ضحك عليها : عليه العوض ومنه العوض فيكي يبنت الهبله _ من جوة : سمعتك علي فكرة ضحك تاني من قلبه وقعد يستناها بقلمي اميرة محمد محمود _______________ ياسين دخل المستشفى لقي غصون واقفه ف الاستقبال بص عليها ومشي من غير م يعبرها ف عرفت انو لسه زعلان ، راحت وراه المكتب _ قعد يقلب ف الملفات اللي قدامه ومش مهتم بيها مسكت الورق ركنته علي جنب بصلها _ خير ؟؟؟؟ _ ببرود : خير _ ايوة يعني انتي عايزة اي دلوقتي _ انت لسه زعلان مني _ ببرود : هوة انتي تهميني علشان ازعل منك ؟ _ زعلت من طريقه كلامه : عندك حق عن اذنك _ مسح وشه بغضب : علي فكرة انا ليا عندك عزومة قهوة _ لفتله بفرحه : وانا موافقه _ بص تاني ف الورق فقالت : انا اسفه علي امبارح _ ولا يهمك _ يبقي لسه زعلان مسكت المية ودلقتها علي الورق اللي قدامه _ انتي مجنونه ي غصون اي اللي عملتيه ده ؟ _ ببرود : عشان تتجاهلني تاني _ طب استني عليا مسك الازازة التانيه ودلقها عليها _ انت اتهبلت ي ياسين _ بضحك : واحده ف واحده _ فضلت تجري وراه لحد م قعد كل واحد ف مكان من كتر الضحك _ بسسسس خلاص مش قادر _ ضحكت : مضحكتش كده من زمان اوي _ ضحك : اللي يشوفنا بالشكل ده مش هيقول علينا دكاترة _ :هيقول مجانين ضحكوا بعدين سكت وقالت بحزن : بكرة عملية بابا انا خايفه اوي _ مسك اديها بحنيه : متخافيش ان شالله هيكون بخير _ اتكسفت وسحبت ايديها منه بسرعه كانت هتخرج بس _ غصون استني لاااا…. تفاعل وكومنتات كتير وادد اعملو فلور واد. يتبع …. البارت ال 19 رواية سمراء احتلت كياني
_ ممكن اعرف يوسف كان عايز منك اي ؟؟ _ بغضب : دكتور ياسين متتعداش حدودك معايا تاني عن اذنك
_ لا اكيد البنت دي مش طبيعيه _ غصون طلعت من مكتبه علي مكتبها
_ انا ازاي سمحت لنفسي اضحك واهزر مع راجل غريب حتي م احترمتش اني لسه مط.لقه بس….انا بكون مرتاحه لما بتكلم معاه ، بحس اني علي طبيعتي ومش محتاجه اتصنع