زينة ضواحيل زهرة

مهران عض على شفتو بوقاحه وقال….قولي زي ما كنتي بتقولي من شويه ده لولا الحرام كنت سبتك عيانه كان طالع منك كلام عجب

زينه نزلت عيونها وقالت …كلام عجب ولا قلة ادب

مهران ضحك وقال..هو فيه احلى من قلة الادب …بقولك ايه على ذكر قلة الادب احنا ما عملناش دخلتنا امبارح و

بس قبل ما يكمل قالت بسرعه انا ذراعي واجعني مش قادره احركه

مهران قرب قوي وقال ..احنا مش محتاجين دراعك في حاجه

زينه ارتبكت وحاولت تبعد وهيه بتقول..لا..لا وانبي يا مهران اوعى تعمل حاجه انا بخاف

مهران ضحك جامد وشالها بسرعه وحطها على السرير وقرب منها وقال…. تخافي وانت بين اديا

زينه هزت راسها بلا بتوهان
مهران قرب منها وزينه غمضت عينها باستسلام شديد

بلع ريقه وقال بهمس…. قربك نار وبعدك دمار يا بت العم

زينه قالت بهمس شديد …مهران بلاش دلوك
مهران رد بالعافيه وقال…. مش هقدر مش هقدر واصل وكمل معاها في اجمل لحظات عديت عليهم

عند فاطمه طلعت لاخر الجنينه وهي بتبص حواليها شمال ويمين خايفه حد يشوفها وكان مستنيها شاب في العشرينات كان متضايق جدا قال بغضب اول ما شافها ….عايزه ايه مني مش كفايه اللي عملتو اختك بعد ما خلتني زي قلتي قدام الرجاله وراحت اتجوزت ولد عمها من غير حتى ما تعرفني لما هي ناويه تتجوز ورايده كانت اتخطبتلي ليه

فاطمه قالت بخبث…اهدى يا عوض هيه لا ريداه ولا نيله المسكينه اتجبرت هو اللي عمل كل ده …ضحك علينا كلنا واتجوزها غصب ده حتى كلام في سرك حاولت تهرب وقالت انا مريداش غير عوض …بس قبل ما تمشي ضرب عليها بالرصاص

عوض بص لها بزهول وقال… ايه

فاطمه قالت بسرعه… زي ما بقول لك …لولا ان عمي جاب لها الدكتور كان زمانها ماتت…والحمد لله طلعت الاصابه في الكتف ومن وقت حابسها في الاوضه..والصبح برده الدكتور كان عندها

عوض قال بزهول…اوعي يا بت تكوني بتضحكي عليا

فاطمه قالت بخبث. اضحك عليك ليه ما انا لو هي عملت كده كان زمان زعلانه منها زيي زيك

عوض قال بسرعه …طب والعمل هنعمل ايه

فاطمه قالت…. ما انا جايه لك عشان هنعمل ايه ….وعندي ليك الحل

عند مهران كان بيشرب سيجاره على السرير وهي نايمه في حضنه بكسوف شديد وملفوفه في الملايه مش مبينه منها اي حاجه

مهران ضحك بخفه على شكلها وبقى يحاول يكشف وشها بس كانت تسحب الغطاء عليها تاني ضحك وقال…. هتفضلي ملفوفه كيف صباع المحشي كده لامتى