زينة ضواحيل زهرة
زينه قالت باستغراب….و انت عرفت كيف
مهران ابتسم وقال…. اصل انا لما قلت لك سيبيني هتكلم انا واختك..كللمتها كلمتين كده تهديد علشان تشيلنا من دماغها…و زي العاده خافت قوي وجريت على امها فرجعتلها قولت اشوفها ناويه على ايه المره دي …لقيتها متفقه مع الباشا ياجي يخطفك وزمانه على وصول…كنت هطلع عندك على طول بس قلت هتحذرو وتقولو اني معاكي ومهيطلعش… خليته ساب العربيه بره واستنيته فيها…. كان المفروض تشوفي وشه لما بيجهز نفسه عشان يطير بالعربيه ولقى سلاحي في قفاه
زينه بصتلو بزهول وقالت… قتلته
مهران ضحك جامد وقال …لا مش للدرجه دي…هواصلا غلبان فاكرك قاعده معاي غصب اختك قالتلو كده قالتلو اني ضربت عليكي نار كمان….انا جبتو و اهو ملقح هو واختك الحلوه في البدروم
زينه قالت بدموع ورجاء …عارفه انك ما هترضاش ب..
مهران قاطعها وقال بتريقه وهو بيقلدها… بس دي اختي يا مهران
زينه قالت بكسوف منه…. هي اختي مهما عملت
مهران اتنهد بغيظ منها وقال… عارفك هتقولي كده ولسه ما عملتلهاش حاجه ومش هعمل لها هسيبهم شويه عشان يخافو ويحرمو يخططو ويسبونا في حالنا….و حط ايده على خدها بحنيه وقال…. ما تقلقيش انا ما بقيتش اقدر اشوفك زعلانه مش هاذيها عشان خاطر عيونك
زينه ابتسمت وباستو من خده برقه وقالت…. ربنا يحفظك ليا يا مهران
مهران شدها عليه بقوه بقت في حضنه وقال… مهران كانه حبك يا بت …قلبي كان هيطلع من ضلوعي من خوفي عليك
زينه ابتسمت بكسوف وقالت…. القلوب عند بعضها يا ولد عمي
مهران بص لعيونها وقال…. ولد عمك حابب يسمعها حابب يشوف حركت شفايفك وانتي بتقوليها
زينه عضت على شفتها بخجل وقالت… بحبك يا ولد عمي رايداك قوي
مهران ابتسم بسعاده شديده وقرب منها في لحظه جميله بينهم
بعد عنها وهو وسند جبينه على جبينها وقال …الحج كان عايزني في مشوار بس شكله هيروح لوحده
زينه ضحكه وحاوطت رقبته بايديها وقالت… المره دي هيروح لوحده لاني عايزاك جنبي
مهران ابتسم بسعاده وقال…. ربنا يخليني جنبك على طول يا زينة الضواحي…و اجمل ما في العمر❤
كنتم مع🌹 زينة الضواحي 🌹بقلم..زهرة الربيع زهرتكم تحيكم ودمتم في امان الله مع من تحبون❤️🥰
