عملت تحليل dna واكتشفت انهم مش ولادها
يعني ليديا جسمها فيه سلالتين مختلفتين من الحمض النووي!
وهنا تم فك اللغز من الأطباء، وهي إن ليديا عندها الحالة النادرة (الكيميرية البشرية) وتفسير حالة ليديا ببساطة كالآتي:
في الحالات الطبيعية للتوأم الغير متطابق، بيتم تخصيب بويضتين بحيوانين منويين منفصلين تمامًا في رحم الأم، وكل بويضة فيهم بتكبر وتبقى جنين مستقل، وتولد الأم التوأم بشكل طبيعي.
لكن اللي حصل في حالة ليديا، إن في الأيام الأولى أثناء حمل أمها فيها كانت حامل في توأم، لكن التوأم دول قبل ما يتحولوا لأجنة واضحة، اندمجت البويضتين مع بعض اندماج تام، وبقوا جنين واحد!
وولدت الأم للدنيا طفلة طبيعية تمامًا اللي هي ليديا، لكن المختلف فيها عن أي حد، هو إن جزء من جسمها أخد الحمض النووي بتاعها الطبيعي، إنما باقي الأجزاء أخدوا الحمض النووي بتاع التوأم بتاعها اللي مجاش الدنيا أصلًا، فأصبح جسمها فيه شريطين مختلفين من الـ DNA.
وده معناه إن أطفال ليديا أخدوا جينات خالتهم اللي مجتش الدنيا أصلا!
طبعًا لمّا ظهرت النتائج المذهلة دي، المحكمة أسقطت كل التهم عن ليديا واعترفت ليها بالأمومة الكاملة لأطفالها.
وشكلت الحالة دي صدمة في الأوساط القانونية والجنائية حول العالم، وبقت تدرس كمثال في مناهج الطب الشرعي، ومازلت الطبيعية البشرية بتخبي أسرار لا يعلمها إلا الله.
هسيبلكم بعض المصادر اول تعليق.
✍️/ محمد المغربي
