صبا وعزيز الجزء التامن
عزيز قال..اممم مصدقك انا كده ….اصلا واضح انك كداب بس هموت وعرف بتغطي عليه ليه..ماعلينا اصلا انا جهزت كل حاجه وهكتب كتابهم بكره ونخلص وبص لابوه وقال…وانت متقلقش يابابا اما مرتب كل حاجه
مازن قال..صحيح كنت هسألك ايه حكايه التعبان الكبير بتاع امبارح ده
عزيز ابتسم بسخريه وقال..هيكون ايه يعني حركه من حركات ابن عمك النص كم
صفوان قال بدهشه..جاسر…. وجاسر هيعمل كده ليه
عزيز قال بضيق..اي حاجه تضايقني والسلام هخلص من جوازه اسيل وافضالو ..
مازن قال..توته حست الي حصل
عزيز قال..لا كانت نايمه وحطيت كاتم الصوت للمسدس هيه صبا من امبارح خايفه الحمد لله انها كانت نايمه
عزيز ساب تمار مع ابوه وطلع رايح اوضتو يجيب اوراق نسيها
مروان اول ما قال ان صبا كانت خايفه طلع وراه عايز يطمن عليها
صبا فتحت عنيها ملقتش عزيز ولا تمار قامت استحمت ولبست ولفت حجاب وخرجت تشوف اسيل وبعدها تنزل بس وقفت بضيق لما جاسر وقف قدامها وقال..الحلو كده ياخد في وشو مفيش صباح الجمال على الجمال كلو
صبا اتنهدت بضيق وقالت..ابعد من طريقي.. ولسه هتمشي وقف قدامها تاني وقال..استني بس..طب انتي مستعجله ليه..انا كنت عايز اعرف بس هديتي عجبتك ولا لا
صبا قالت بضيق..هديه ايه
جاسر قال..التعبان الحلو الي بعتهولك يارب يكون عجبك
صبا برقت بشده واترعبت منو وقالت..انت الي حطيتو هناك
جاسر قال ببرود..ومين غيري…حبيت امسي عليكي بحاجه تفتكريني بيها بس متقلقيش..مش سام…انا ميرضنيش الجمال ده يتأذي
صبا رجعت لورا لما مد ايده يلمسها وقالت بتوتر وغضب..انت..انت عايز مني ايه
جاسر بصلها بوقاحه وقال..عايزك ..وانا الي بعوزه باخده..علي فكره انا عارف ان جوازك من عزيز الالفي فرصه عمرك ومش هبقى طماع واقولك سبيه واطلقي منو وابقى ليا لوحدي والكلام ده …انا عايزك تفضلي معاه عادي معنديش مانع..وقرب منها جامد وحط ايده على وسطها وقال بوقاحه…بس تديني من وقتك ليله ولا اتنين في الاسبوع..ابسطك وتبسطيني ولا من شاف ولا من دري وادفيكي بحضني صدقيني مش هتندمي
بس رجع لورا بزهول شديد لما ضربتو قلم قوي جدا خلا دماغو لفت وبصتلو بحده وقالت بغضب مرعب..يا رب يكون جوابي وصلك
بقلمي..زهرة الربيع
وبصتلو باستحقار قاصده تغيظو وتضايقو قالت…انا حضن جوزي مدفيني ومكفيني ..وعمري ما هسمح لواحد زيك يلمسني وبعدين يا شاطر انصحك تركب نضاره بجد… انا اكون مرات واحد زي عزيز وابصلك انت…والله ضحكتني انت مش شايف الفرق يا ابني.. فرق ايه مفيش مقارنه اصلا
