صبا وعزيز الجزء التامن
مازن وقف شويه بتوتر وبصلو بضيق وقال..وانت مالك اصلا مش مضطر ارد عليك
انور قرب منو وقال ..انا بستفسر بس..لان صبا حاليا مرات اخوك..فأكيد مش هيكون في قلبك الا عذاب ضمير مستحيل يكون حاجه تانيه …فاهمني
مازن اتنهد ومشي وهو بيقول على اساي اني مش عارف ..مكانش ناقصني غيرك
عند عزيز قفل الباب واتنهد ورما نفسو بتعب على الكنبه
صبا كمان كانت تعبانه جدا وعايزه تنام دخلت خدت شور ولبست بيجامه وطلعت بصت لعزيز وقالت..نمت
عزيز بصلها وقال..فيه حاجه
صبا قالت..هو انت ازاي دخلت الحمام قبلي ومشوفتش التعبان
عزيز قال..انا مفتحتش الستاره اصلا مش بستحمى في البانيو استحميت تحت الدش
صبا قالت..اه قولتلي ..انا كمان دلوقتي استحميت كده
عزيز قال بضحك..ليه بقى خوفتي ما تدخلي البانبو
صبا قالت بكدب..اخاف..وهخاف من ايه لا طبعا انا بس عايزه انام علشان كده خدت دش سريع..قال اخاف قال..اصلا مفيش حاجه تخوف
عزيز ضحك جامد لانو عارف انها بتكدب وقال..تمام…شوفي انا موتو خلاص والحمام اتنضف وتعطر كمان..يعني فعلا مفيش حاجه تخوف..وبصلها وقال بوقاحه…بس يعني لو لسه خايفه..ممكن تيجي تنامي في حضني واوعدك هتهدي خالص
صبا اتفاجأت من كلامو وطريقتو وقالت…احم..علي فكره اما مش خايفه..وبعدين حتى لو خايفه معتقدش ان حضنك مهدئ علشان يهديني ..تصبح على خير يا عزيز بيه
عزيز ابتسم باعجاب شديد كل حاجه فيها بتعجبو جدا قال..وانتي من اهل الخير
صبا غطت وشها وابتسمت بفرحه وقلبها بيدق جامد كل ما تفتكر قربو منها وفضلت وسط افكارها لحد ما نامت
في صباح يوم جديد
عزيز كان بيفطر تمار وبيتكلم مع واحد وبيقول..متخليش حد متدعيهوش وتخلي الرجاله يلفو بالمكريفون عايز البلد كلها يبقى عندها خبر ان اختي هتتجوز
الراجل..قال حاضر …ومشي
صفوان قال بضيق..انت متأكد من الي بتعملو يعني صح كده نجوزها فجأه هنقول للناس ايه لما يسألو عن السبب
عزيز اتنهد وقال خلينا نلم الموضوع يا بابا والناس هتتكلم شويه وهتسكت.. احسن ما تحصل حاجه تخلينا نندم اننا اتأخرنا
مازن قال وهو بياكل بتريقه ..حاجه ايه هتكون حامل مثلا
عزيز بصلو بضيق وقال..ممكن مش كانت مع راجل ولا رجل كنبه وبعدين بروودك ده بيضايقني …لو متتكلمش احسن ..انا لسه منستش غبائك بتاع امبارح
مازن اتنهد وقال….خلاص بقى يا عزيز ..قعد يتحايل عليا دخلتو مكفرتش يعني
