حماتي
المواجهة الأولى الصدمة
الليل، ليلى منمتش. كانت واقفه في البلكونة، بتبص على الدور الأخير في البرج. الأنوار كانت منورة، وشافت خيال شيرين وهي واقفة في التراس الواسع اللي بيطل على النيل، وماسكة كاس عصير وبتتكلم في التليفون بمنتهى الهدوء.
تامر دخل عليها البلكونة وقال بتوتر يا طنط ليلى، أنا سألت واحد صاحبي شغال في العقارات.. قالي إن البرج ده ملك لشركة عز الدين للتطوير. والمديرة التنفيذية اسمها شيرين عز الدين.. تفتكر هي دي؟
ليلى صرخت فيه مستحيل! دي شيرين الغلبانة، اللي كانت بتجيب خضارها بالشنط البلاستيك، وبتركب عربية موديل سنة جدي! أكيد نصابة، أكيد ضاحكة على حد.
في اللحظة دي، موبايل ليلى رن. كان ياسر.
ياسر بصوت مرعوب أمي! أنتي عملتي إيه؟
ليلى ببرود مصطنع عملت إيه يا حبيبي؟ نضفتلك البيت من اللي مكنتش عاجباك، ونقلتها الجراج عشان تامر يسك…
قاطعها ياسر بصرخة هزت الموبايل جراج إيه وتامر إيه! شيرين لسه قافلة معايا.. قالت لي إنها رفعت قضية طلاق، وإنها بعتت إنذار ب إخلاء للفيلا اللي أنتوا قاعدين فيها!
ليلى ضحكت بسـ,ـخرية تطـ,ـردنا من بيتنا؟ دي فيلا أبوك الله يرحمه يا ياسر، أنت اتجننت؟
ياسر وصوته بيقطع من العياط يا أمي افهمي.. الفيلا دي أنا كنت رهنها للبنك عشان مشروعي اللي فشل، والبنك كان هيحجز عليها، وشيرين هي اللي اشتريتها من البنك من وراكم عشان تحمينا من الشارع! الفيلا دلوقتي قانوناً ملك لشركتها هي.. وهي لسه مبلغاني إنها هتطبق نظام السكن الجديد اللي أنتي اقترحتيه!
الانتقام الهادئ
تاني يوم الصبح، الساعة ٧ بالتمام.
ليلى ونرمين وتامر صحيوا على صوت لودر عملاق واقف قدام باب الفيلا. ومعاه طقم أمن كامل من شركة شيرين.
شيرين نزلت من البرج، كانت لابسة بدلة رسمية بيضاء، ونضارة سوداء، وشعرها معمول ويفي كأنها خارجة من مجلة موضة.
وقفت قدام ليلى وقالت صباح الخير يا طنط. الكلب أخبار مساحته إيه؟
نرمين حاولت تعلي صوتها شيرين، عيب اللي بتعمليه ده، إحنا أهل!
شيرين ضحكت ضحكة رقيقة ومرعبة أهل؟ اللي بيرمي هدوم أهله في الشارع ويسكنهم في الجراج وسط بقع الزيت عشان خاطر كلب.. ميعرفش يعني إيه كلمة أهل.
طلعت شيرين ورقة رسمية وقالت ده أمر إخلاء فوري. الفيلا دي هيتم هدمها الأسبوع الجاي عشان هبني مكانها كلوب هاوس تابع للبرج بتاعي. بما إنكم بتحبوا المساحات المفتوحة، فالجنينة هتبقى متاحة ليكم لمدة ٢٤ ساعة تلموا فيها حاجتكم.
