غرور وكبرياء عاشق ج٤ نور حسن
يتبع
بقلم / نور حسنالحلقة 31
الحلقة 32
.
.
رواية / غرور وكبرياء عاشق
بقلم / نور حسن
🔵🔵🔵🔵🔵🔵🔵🔵🔵🔵🔵🔵🔵⚫
الحلقة 31
.
#غرور_وكبرياء_عاشق
بقلم / نور حسن
ثريا بعياط: اعمل اي حاجه يا منير اعمل اي حاجه قبل ما يهدموا البيت
منير مكنش عارف يعمل اي وقال: اعمل اي بس يا ثريا
ثريا مسحت دموعها وقالت بارتباك: رن رن على غسان ولا مراد اتصرف يا منير
منير مسك التليفون وقال: هرن على غسان
واحد من الرجاله قعد يضحك وقال: انتوا متعرفوش ان البيه بتاعنا هو غسان السيوفي وهو اللى اشتري كل البيوت
تلك الجمله وقعت على ثريا ومنير كصوت الرعد والبرق الشديدان
ثريا فاقت من الصدمه وقالت بعدم استيعاب: غسان جوز حور بنتنا يا منير
منير فاق من الصدمه ايضا وقال بارتباك: انت انت بتقول اي
اللى كانوا موجودين جوا طلعوا وقال احدهم: البيت بقا فاضي وواقف على الهدم بس
منير مسك الراجل اللى اتكلم وقال بغضب جحيمى: انت مجنون ولا اي انا هروح اعمل بلاغ فيكم
الراجل زقه وقال: محدش كبير على البيه بتاعنا وروح بلغ مش هتستفاد حاجه
كان في صحافيين وبدأوا ينقلوا الخبر بطريقه احترافيه زي ما طلب سامر طبعا
لبس النظاره وركب العربيه وقال بخبث: وبكده حور مستحيل تسامح المغرور ( غسان )
سامر بيفتكر
فلاش بااااك
رجاله غسان كانوا قاعدين وبيفطروا قبل ما يهدوا البيوت
دخل سامر عليهم وقال: السلام عليكم ورحمه الله وبركاته
(ملحوظه سامر كان لابس قناع)
الرجاله بصوا لبعض وكانوا مستغربين اوى وقال احدهم: انت مين وعايز اي ولابس قناع ليه
سامر من تحت القناع: كل ده اسئله أهدأ شويه
قاموا وقال أحدهم: عايز اي
سامر محاولا تغير صوته: غسان بيه بيقولكم هدوا كل البيوت بما فيهم بيت منير الهواري
_غسان بيه قالنا محدش يقرب من بيت منير الهواري قالنا نهدم البيوت اللى باعت بس
_تحب ارن عليا
الرجاله بصوا لبعض وقال أحدهم: طب الاستاذ منير رفض نهدم بيته
سامر بشر: طلعوا بالعافيه
واحد مكنش مصدق سامر وقال: وانت تطلع مين
سامر رمى ليهم فلوس وقال: كنت عامل حسابي لكده
_يعنى الكلام ده من دماغك والبيه مقالش كده
سامر هز رأسه وقال: دول ٥ مليون تهدوا بيت منير الهواري تاخدوا الفلوس
الرجاله بصت لبعضها وقالوا بصوت واحد: موافقين طبعا
_اي ده مش خايفين من البيه بتاعكم
بصوا للفلوس وقال احدهم: الفلوس اكبر من اي حد يا حلو
سامر ابتسم وقال: شكلكم اذكياء
ثم كمل: هتنفذوا امتى
_نفطر ونفذ
سامر وهو طالع: عايزكم ترموا منير الهواري ومراته بأبشع طريقه
_انت تومر
سامر طلع ورن على نرمين وقالها: اعملى اللى عليكى
نرمين ابتسمت وقالت: وانت عملت اللى عليك
سامر بشر: عملت كل اللى عليا
نرمين بخبث: تمام
نرمين قفلت التليفون وخبطت على الباب ليفتح شاب في عمر ٢٧ وشغال صحافي وبيحب الرشوه
_انت الصحافي محمد جابر
الشاب هز رأسه وقال: ايوه انا مين حضرتك وعايزه اي
نرمين دخلت بكل جراه وقالت: عرفت انك بتحب اخبار المشاهير
أبتسم وقال: ليه عندك خبر
نرمين ابتسمت أيضا وقالت: عندي خبر يخليك فوق في السما
_خبر اي
نرمين قالت كل حاجه ليا
_ اي رايك
الشاب بخوف: الا غسان السيوفي لا لا
نرمين رمت الشنطه بتاعتها على الأرض وقالت: الشنطه ده فيها نص مليون تنفذ تاخد النص التانى
الشاب بطمع: ما تقولى كده من بدري
_يعنى موافق
الشاب مسك الشنطه وفتحها وقال: ده فلوس فعلا
_امال انت مفكر اي
الشاب بصلها وقال: اعتبري اللى قولتى حصل وهجيب صحابي الصحافيين معايا
نرمين بابتسامه: على بركه الله
باااك
سامر شغل العربيه ومشي
في قصر عائله السيوفي
حور فاقت من النوم ومالقتش رنا وقالت باستغراب: راحت فين ده
طلعت من الحمام وقالت: صباح الخير
حور قامت من على الكنبه وقالت: تقدري تمشي
رنا ضمت حواجبها وقالت: نعم
غسان وقتها دخل وقال: رنا العربيه اتصلحت
حور ابتسمت ورنا راحت عند غسان وقالت: يعنى مش هتوصلنى
حور مسكت غسان من ايدو وقالت بغيظ: لا مش هيوصلك
رنا خدت شنطتها وقالت: اكيدا هشوفك تانى
_ان شآء الله
_ممكن طلب
غسان بص لحور وقال بضيق: اتفضلى
رنا حضنت غسان وقالت بعياط: هتوحشنى اوى
_طب اهدي
رنا بعدت عنه ومسحت دموعها وقالت: انا اسفه بس انت متعرفش انا بحبك قد اي
_وانا كمان والله بحبك
حور بصتله وقالت بغيره: نعم يا عسل
غسان همس في ودن رنا وقال: أمشي دلوقتى وأن شاء الله هشوفك قريب
رنا بابتسامه: أن شاء الله عن اذنك
حور وهى ضاغطه على سنانها: اذنك معاكى
رنا طلعت وغسان بابتسامه: صباح الخير
حور مردتش على غسان وفتحت الدولاب وطلعت فستان لونه ازرق
غسان راح عندها وقال: مالك يا بت
_ماليش
غسان شد منها الفستان وقال: مش حلو ده أحلى
حور شدت الفستان من غسان وقالت: عاجبنى
_بس مش عاجبني انا
_وانا مالى
كانت داخله الحمام ولكن غسان مسك أيدها وقال: انتى لسه زعلانه منى
حور هزت رأسها وقالت: مش زعلانه
غسان وقف قصادها وقال: مش انتى اللى قولتى لرنا تنام هنا
حور هزت رأسها للمره التانيه وغسان قال: مالك بقا
_مفيش صدقنى
غسان خد نفس عميق وقال: خلاص ماشي انا رايح الشغل
_ماشي
غسان استغرب طريقه كلامها وقال: اي رايك نتعشاء برأ
_لا مش عايزه
غسان بدأ يتعصب وقال: تمام عن اذنك
غسان طلع وحور دخلت الحمام
في فيلا مراد الألفي
نغم جهزت نفسها ونزلت
_مراد مراد
نغم طلعت برأ وقالت: عمى راضي عمى راضي
جري عليها عالطول وقال وهو بياخد نفسه: نعم يا مدام
_مراد فين
_طلع مشوار كده وقال انه مش هيتاخر
_طب طلع العربيه من الجراش
راضي باستغراب: ليه يا مدام
_اخلص
هز رأسه وقال: حالا
راضي طلع العربيه فعلا ونغم ركبت
راضي بص في المرايه وقال: على فين يا مدام
_على مدرستي
هز رأسه وشغل العربيه ومشي
بعد مرور نصف ساعه تقريبا
في منزل منير الهواري
مراد نزل من العربيه ومنير جري عليا وقال: مراد مراد بيه
(ملحوظه منير رن على مراد )
مراد حط ايدو على كتف منير وقال: اهدا يا عمى
مراد بص للرجاله وقال: بتعملوا اي
وقفوا وقال احدهم: نفذنا أوامر غسان بيه
مراد بصدمه: اي
منير بحزن شديد: هدوا البيت يا بيه
بالفعل هدوا البيت ومراد قال بعصبية: انتوا بتشتغلوا من دماغكم
_ده اوامر غسان بيه
مراد طلع التليفون من جيبه ورن على غسان اللى كان قاعد في مكتبه
غسان مسك التليفون وقال: فينك
مراد:___________
غسان قام وقال بصدمه: اي
مراد بعصبية: ازاى تعمل كده يا غسان
غسان باستغراب: استنى استنى انت تعرف منير الهواري منين
_مش وقته يا غسان الرجاله هدمت البيت خلاص
غسان بصدمه:اي
مراد قفل التليفون وغسان خد الجاكيت وطلع عالطول
في قصر عائله السيوفي
نرمين دخلت وقالت: حور لازم تفتح الشاشه عشان تشوف الخبر بس ازاى
حور كانت بتلم الطباق من على السفره
نرمين راحت عندها وقالت: حور هو والدك مش اسمه منير الهواري بردو
حور بصتلها وقالت بخوف: ايوه
نرمين حطت أيدها على قلبها وقالت بتمثيل: ينهار اسود انتى متعرفيش اللى حصل
حور خافت اوى وقالت بارتباك: هو اي اللى حصل
_شغلى الشاشه وانتى تعرفي
حور مسكت الريموت وشغلت الشاشه فعلا
_تم هدم منازل قريه **** بناءا على رغبه رجل الأعمال المشهور غسان السيوفي إللى قرر بناء مصنع مكان تلك المنازل
وتم هدم منزل منير الهواري إللى يبقا والد زوجته
الريموت وقع من ايد حور حين شافت الرجاله وهما بيطلعوا منير وثريا من البيت
نرمين بابتسامه: اللعبه بدأت
حور طلعت تجري عالطول ونرمين بانتهاد: حور استنى
نرمين خدت نفس عميق وقالت: معقول اللى في دماغى يحصل
بعد مرور ربع ساعه تقريباً
غسان نزل من العربيه ومراد راح عنده وقال بعصبية: ومن امتى بتعمل كده يا غسان
_مراد أهدأ في سوء تفاهم
منير بص لغسان وقال: اخص عليك يا ابنى وانا كنت مفكرك ابنى بس يا خساره كنت غلطان
غسان راح عنده وقال: اهدا يا عمى حضرتك فاهم الموضوع غلط
الرجاله بصوا لبعض وخافوا من هيبه غسان
غسان راح عندهم وقال: انا قولت اي يا متخلفين
بصوا لتحت وغسان قال بصوت جهوري: مش قولت محدش يلمس منزل منير الهواري
واحد من الرجاله: حضرتك قولت اهدموا كل البيوت واللى يرفض طلعوا من بيته بالعافيه
حور كانت واقفه بعيد ولما سمعت تلك الكلام انصدمت
في المدرسه الثانويه
نغم نزلت من العربيه والكل بص عليها
_نغم عامله اي
لم تعطى اهتمام لأي حد فيهم ودخلت جوا
طلعت تليفونها وصورت الجدول اللى كان ملزوق على الحيطه
_نغم
نغم التفت لمصدر الصوت وقالت بابتسامه: مستر حاتم
_فينك يا بنتى
نغم سكتت ومستر حاتم قال: المهم أخبارك اي
نغم بابتسامه: الحمدلله بخير هو الامتحان هيكون الفتره اي
_الفتره الصباحيه بإذن الله
_امم شكرا اوى عن اذنك
نغم طلعت ولقت إللى مسك أيدها وشدها
نغم بخضه: مين
حط ايدو على فمها وقال: وحشتينى
نغم فتحت عينها وقالت وهى بتبلع ريقها: ش شريف
_اه يا روحى شريف
نغم زقته وقالت بارتباك: وعايز اي
شريف قرب منها وقال: عايزك
_شريف انا متجوزه دلوقتى
شريف بصدمه: اي
_عن اذنك
مسك أيدها جامد اوى وقال: نعم يا روح امك انتى ناسيه اللى ما بينا ولا اي
نغم زقته وقالت بعصبية: مكنش في حاجه بينا يا شريف
_لا في يا نغم حبنا انتى ناسيه ولا اي
_انا اتجوزت وبحب شخص اللى اتجوزته وبعدين انت مش بتحبنى فاكر ولا افكرك
ضغط على أيدها جامد اوى وقال بصوت حاد: اكتشفت انى بحبك يا نغم ومش عارف ازاى قولت الكلام ده
نغم كانت بتتالم وقالت بصوت مقطع: شريف لو سمحت
شريف زقها وقال: ويا تري الحلو غنى ولا فقير
ثم كمل بضحكه تحمل التريقه: اكيدا غنى ما حضرت كلبه فلوس
نغم بعصبية: شريف لو سمحت
راضي شاف نغم وقال: المدام بتزعق لمين ومين الشاب اللى واقف معاها ده
راضي نزل من العربيه وسمع شريف وهو بيقول : نغم انا بحبك ومقدرش اعيش من غيرك نغم
نغم مسكت شنطتها اللى وقعت على الأرض وخدت بعضها ومشت
راضي ركب العربيه عالطول قبل ما نغم تشوفه
نغم فتحت الباب وركبت وقالت: اطلع يا عمى راضي
بص في المرايه وقال: انتى بخير يا مدام
نغم بعصبية: أنت أطرش بقولك اطلع
راضي بحزن: انا اسف يا مدام
نغم خدت نفس عميق وقالت: انا اسفه حقك عليا
ابتسم وقال: ولا يهمك يا بنتى
شغل العربيه ومشي
عند حور
حور فاقت من الصدمه وقالت: بابا
منير بصلها وقال: حور حور
خدها في حضنه وحور مشالتش عينها من على غسان
_هدموا البيت يا حور وهدموا كل الذكريات معاهم
الدموع نزلت من عينها وبصت لغسان ومكنتش مصدقه
بعد عنها وقال: مكنتش متصور من غسان بيه كده
غسان بص لتحت ومكنش عارف يقول اي
مراد راح عند غسان وقال: مش انت قولت مش هغصب حد انه يبيع
غسان هز رأسه وقال: مراد انا مش عارف ازاى حصل كده
الرجاله بصوا لبعض وكانوا خايفين اوى
في مكان ما
سامر كان قاعد على العربيه وماسك سيجاره وقال: يا تري اي اللى حصل
طلع تليفونه ورن على نرمين اللى فتحت التليفون عالطول وقالت: اكيدا معاك اخبار حلوه
_انا برن عشان أسألك
نرمين اضايقت أوي وقالت: يا تري اي اللى حصل
_خير أن شاء الله
نرمين بابتسامه خبيثه: ان شاء الله
في الطريق
راضي وقف العربيه وقال: هنزل اجيب حاجه يا مدام مش هتاخر
نغم هزت رأسها وقالت: تمام
نزل من العربيه وفجاه حد فتح الباب وقعد مكان راضي وطلع
نغم بعصبية: انت مين
اللى كان بيسوق لابس قناع على وشه وطبعا عنيه بس اللى باينه
نغم قعدت تزعق وقالت: استنى انت مجنون
الشخص:___________
نغم مسكت في تلك الشخص وقالت: انت مجنون وقف العربيه ده
داس فرامل ونزل من العربيه
نغم بصت حواليها وقالت: انا فين
فتح الباب ومسك أيدها جامد اوى ونزلها
وقعت على الأرض وقالت: انت مين
قلعت القناع وقالت بابتسامه: مفاجاه صح
نغم قامت من على الأرض وقالت بصدمه: مريم
مريم بابتسامه: اخبارك اي
_مراقبه بقاا
_من ساعه ما طلعتى من الفيلا
نغم مسكتها من شعرها وقالت بعصبية: عايزه اي
مريم زقتها وقالت: عايزه مراد
نغم قعدت تضحك ومريم اتنرفزت اوى وقالت: ابعدي عن مراد يا نغم مراد بيحبنى أنا
_مراد مش بيحبك يا مريم
مريم قبضت أيدها وقالت: انا حب مراد الأول والأخير
_شكلك فاهمه الموضوع غلط يا مريم
_لا فاهمه كويس بس في ناس هنا مش عايزه تفهم
نغم ابتسمت وقالت: عايزه اي يا مريم
_مراد عايزه مراد
نغم ركبت العربيه ورنت على راضي اللى فتح التليفون عالطول وقال بخوف: انتى فين يا بنتى
نغم بصت حواليها ولقت صيدليه وقالت: انا عند صيدليه **
_هكون عندك حالا
نغم قفلت التليفون ومريم قالت: شكلك مش خايفه منى
نغم ابتسمت وقالت: هخاف منك ليه يا مريم كنتى عو
مريم اتعصبت اوى وقالت: مش خايفه ارن على واحد وانتى عارفه الباقي بقا
نغم نزلت من العربيه وقالت: اعترفي يا مريم اعترفي انك السبب في اللى حصل
مريم حست أنها غلطت لما قالت كده
_ساكته ليه
مريم لفت حوالين نغم وقالت: متحوليش مش انتى اللى تعجبي مراد الألفي
نغم:___________
_اللى تعجب مراد الألفي انا بس يا نغم
نغم مسكت في هدومها جامد اوى وقالت بتفكير: معقول مراد لسه بيحبها وبيضحك عليا
راضي نزل من العربيه وجري على نغم وقال: انتى كويسه يا بنتى
نغم هزت رأسها وقالت: متقلقش انا بخير
فتح باب العربيه وقال: اتفضلى يا بنتى
نغم ركبت العربيه وبصت لمريم وكانت متنرفزه اوى
راضي ركب العربيه وطلع عالطول
في الطريق
_هي مريم قالتلك حاجه يا بنتى
نغم هزت رأسها وقالت: وانت تعرف مريم منين
_انا شغال مع مراد بيه من زمان أوى وعارف كل حاجه عنه
_طب طب مريم كانت بتيجى لمراد عالطول
_يااااا كتير
نغم سرحت وقالت: معقول
عند غسان وحور
_حور اسمعينى
حور بدموع: اسمع اي يا غسان قولى اسمع اي
_حور صدقينى انا مقولتش كده وبعدين انا قولت ليهم محدش يقرب من بيت والدك
حور بعصبية: كفايه كداب كفايه
غسان حط ايدو على خدها وقال: أهدي هشتري لوالدك البيت اللى يشاور عليا
حور زقت غسان وقالت: انت ليه عندك كل حاجه سهله ليه عندك كل حاجه بالفلوس البيت اللى حضرتك أمرت بهدموا في كل الذكريات الحلوه والمره
حور خدت نفس عميق وقالت: وانا بقولك الكلام ده ليه عمرك ما هتفهم كلامى عمرك
حور مشت وغسان قال بانتهاد: حور
_غسان
غسان حط ايدو على رأسه ومراد حط ايدو على كتفه وقال: اللى حصل مدبر يا غسان
غسان بصله وقال بتاكيد: سامر الحديدي وراء كل ده
مراد باستغراب: طب هيعمل كده ليه
_ما قولتلك سامر بيحب حور
مراد بعدم تصديق: هي ده حور بنت منير الهواري
غسان هز رأسه ومراد قال: ده اخت نغم البنت اللى اتجوزتها
_مش وقته يا مراد مش وقته
_موضوع البيت سهل يا غسان وبعدين متزعلش نفسك ده كان قديم
_حور زعلانه وقالت ان في كل ذكرياتها
مراد خد غسان في حضنه وقال: سهله يا صاحبي المهم مين وراء اللى حصل
غسان بعد عن مراد وقال: الرجاله فين
_هناااك
_اكيدا يعرفوا حاجه
غسان قال كده وخد بعضه وراح عندهم
مراد راح مع غسان اللى وقف بكل جبروت وقال: مين اللى قال ليكم الكلام ده يا كلاب
واحد من الرجاله: انت يا بيه
غسان مسكوا من لياجته وضربه بالبوكس في وشه وقال: مين اللى وراك يا حيوان
_غسان بيه
غسان زقه وقال: وربنا لو عرفت ان ليكم ايد يا كلاب لتكونوا مدفونين النهارده
بصوا لبعض والخوف كان عنوانهم
غسان ركب العربيه ومشي
مراد بانتهاد: غسان استنى
حور حطت أيدها على كتف والدها وقالت: بابا اهدا
_اهدا ازاى يا حور اهدا ازاى
مراد وقف وقال: انا الفيلا بتاعتى فاضيه يا عمى وتنورنى طبعا
منير بص لمراد وقام ليقف قصاده وقال بتأنيب الضمير: انا كنت واخد عنك فكره وحشه اوى يا ابنى بس طلعت غلطان انت طلعت بميه راجل على عكس (غسان)
حور بصت لتحت ومنير مقدرش يكمل
_غسان مظلوم يا عمى غسان مستحيل يعمل كده
_معتقدش يا ابنى معتقدش واكبر دليل انه السبب في اللى حصل انه مشي
_غسان متعصب مش اكتر
منير بص على البيت اللى بقا عباره عن طوب متفرق
_طب اتفضلوا معايا
منير مسك ايد مراد وقال: انا اسف يا ابنى مقدرش
مراد باستغراب: ليه وبعدين بيتى هو بيتك
_عارف يا ابنى بس سامحنى مش هقدر
مراد بص لحور اللى قالت: طب هتروحوا فين يا بابا
ثريا حطت أيدها على كتف منير وقالت: هنروح عند ماما يا حور وقولى لجوزك الف مبروك مقدماً على بناء المصنع
_يلا يا منير
منير وثريا ماشوا وحور جرت عليهم وقالت: ماما والله ما اعرف
حور مسكت أيدها وقالت بعياط: والله ما أعرف ان غسان ناوى على كده
ثريا سحبت أيدها وقالت: يلا يا منير
حور مسكت ايد منير وقالت: بابا اكيدا انت مصدقنى
منير:___________
حور هزت رأسها وقالت: بابا والله ما اعرف والله ما اعرف
منير مسك ايد ثريا وخدوا بعضهم ومشوا
حور وقعت على الأرض وقعدت تعياط
مراد خد نفس عميق وراح عند حور ليحط ايدو على كتفها
_متزعليش نفسك هما مصدومين مش اكتر
حور قامت ومسحت دموعها وقالت: غسان صاحبك صح
مراد هز رأسه وحور قالت: عمل كده ليه
_غسان معملش حاجه يا حور غسان مظلوم
حور هزت رأسها وقالت: لا مش مظلوم وغسان اللى طلب من الرجاله تعمل كده
_صاحبي وعرفوا كويس ومستحيل يعمل كده
_لا عمل يا مراد عمل غسان السبب ومش هسامحه ابدااا
حور بعد ما قالت كده خدت بعضها ومشت
في الطريق
غسان كان سايق باقصي سرعه
_ازاى حصل كده ازاى
قعد يضرب في الدركسون وقال: انت قولت للكلاب محدش يلمس بيت منير الهواري بس عملوا عكس كده
غسان وقف العربيه وقال: اكيدا سامر السبب في اللى حصل
غسان مسك تليفونه ورن على سامر الحديدي
سامر مسك تليفونه وقال: كده الخطه نجحت
فتح التليفون وقال: عدوي اخبارك اي
_اي اللى عملتوا ده
سامر بتمثيل: عملت اي
غسان بعصبية: احنا هنهزر يا روح امك
سامر كان فرحان اوى أن غسان متعصب
_مالك بس يا عدوي اهدا كده
_انا متاكد انك السبب في اللى حصل يا حيوان
سامر قفل التليفون في وش غسان وغسان قال بعصبية: وربنا لتكون ميت قريب اوى يا سامر الحديدي
غسان شغل العربيه ومشي
بعد مرور ساعه كامله
مراد رجع ونغم قالت: كنت فين
مراد طلع فوق من غير ما يرد عليها
نغم طلعت وراء وقالت: مراد انا بكلمك
_في اي
نغم استغربت طريقه كلامه وقالت: مالك
رمى المفتاح على السرير وقال: مش عايزك تفكري في اي حاجه عايزك تركزي في مذاكرتك بس
نغم مسكت ايد مراد وقالت: انت كويس
حط ايدو على خدها وقال: ليه السوال ده
_مش عارفه حساك متغير
مراد قعد على طرف السرير وقال: روحتى المدرسه
نغم هزت رأسها وقالت: اه روحت
_الامتحان بكره صح
نغم هزت رأسها ومراد قال: روحى ذاكري ومتفكريش في اي حاجه
نغم قعدت جنبه وقالت: هجهز الغداء ونتغداء سوا
مراد ابتسم وقال: تمام
نغم ابتسمت ايضا وقالت: مش هتاخر
مراد هز رأسه ونغم قامت ونزلت
مراد خد نفس عميق وراضي كان واقف عند الباب وقال: مراد بيه ممكن ادخل
مراد هز رأسه وقال: تعالى يا راضي
راضي دخل وقال: كان في واحد واقف مع نغم قدام المدرسه وقالها انه بيحبها
مراد بصدمه: اي
.
🔵🔵🔵🔵🔵🔵🔵🔵🔵🔵🔵🔵⚫
الحلقة 32
.
#غرور_وكبرياء_عاشق
راضي كان واقف عند الباب وقال: مراد بيه ممكن ادخل
مراد هز رأسه وقال: تعالى يا راضي
راضي دخل وقال: كان في واحد واقف مع نغم قدام المدرسه وكان بيقولها أنه بيحبها
مراد بصدمه: اي
_ونزلت من العربيه عشان اجيب حاجه رجعت ومالقتش نغم ورنت عليا عشان اخدها وطلعت واقفه مع مريم
مراد باستغراب: مريم
راضي هز رأسه ومراد قام ونزل تحت عالطول وقال: نغم نغم
طلعت من المطبخ وقالت: دقيقه والأكل هيكون جاهز
مراد وقف قصدها وقال: مين الشاب اللى كان واقف معاكى قدام المدرسه
نغم بكدب: محدش كان واقف معايا حتى أسأل عمى راضي
_نغم بلاش كدب راضي شافوا بنفسه وسمع الشاب وهو بيقول أنه بيحبك
_والموضوع فارق معاك ما حضرتك بتحب
مراد مسك أيدها ودخلها في الحيطه وقال بصوت حاد: مين ده يا نغم
نغم غمضت عينها وقالت: شريف
مراد زقها وقال: مش ده الحلو اللى كنتى بتحبي
نغم بدأت تاخد شهيق وزفير وقالت: كنت يا مراد كنت
_الموضوع منتهاش يا نغم
مراد كان ماشي ولكن وقف مكانه وقال: صحيح مريم كانت عايزه منك اي
_عايزاك
نغم بدأت تمشي اتجاه مراد وقالت: بتحبك وعايزاك معملتش زيك ليه
مراد مردش عليها وطلع فوق عالطول
في قصر عائله السيوفي
نرمين كانت قاعده على الكنبه وبتلعب في التليفون ولما شافت حور داخله قامت عالطول
نرمين بتمثيل الخوف: حور قولى أن الخبر طلع كاذب
حور مردتش عليها وطلعت على فوق
نرمين فرحت اوى وقالت بشر: انا كده اتاكدت ان الخطه نجحت ميه في الميه
نرمين مسكت تليفونها ورنت على سامر اللى فتح التليفون عالطول
_الووو
_حور رجعت وباين عليها الحزن اعتقد الخطه نجحت
سامر بصدمه: رجعت
نرمين باستغراب: اه رجعت مالك مصدوم كده ليه
سامر بعصبية: ازاى ترجع بعد اللى عملوا غسان انا كنت فاكر انها هترفض ترجع بعد اللى حصل
_يعنى ده هدفك من اللعبه ده كلها
سامر بصوت جهوري: امال هدفي اي اقولك الكلام معاكى مش هيجيب فايده سلام
سامر قفل التليفون ونرمين قالت بانتهاد: سامر
نرمين باستغراب: البنت رجعت زعلانه أوى هو عايز اكتر من كده اي
في غرفه غسان
حور كانت قاعده على الأرض وضمه رجليها وقالت بعياط: مش هسامحك يا غسان بسببك ماما وبابا زعلانين منى مفكرين انى عارفه بكل ده
في شركه السيوفي والالفي (شراكه)
غسان كان قاعد على الكرسي وحاطط دماغه على المكتب وكان حاسس أنه في كابوس
_غسان بيه
غسان رفع رأسه وقال بحده: ادخل
أروي دخلت وقالت: الاجتماع بعد ربع ساعه والملفات اللى حضرتك ممكن تحتاجها اها
غسان قام وقال: ألغي الاجتماع
أروي باستغراب: ومن امتى حضرتك بتلغى إجتماعات ومقابلات يا بيه
غسان بصلها وقال بحده: اللى قولتوا يتنفذ عالطول وبلاش موضوع الاسئله عشان ممكن تخسري شغلك
بلعت ريقها وقالت وهى بتهز راسها: حاضر حاضر
غسان خد الجاكيت وقال وهو طالع: مش عايز ولا غلطه
هزت رأسها وقالت بخوف: حاضر يا بيه
غسان نزل تحت وركب عربيته ومشي
في فيلا مراد الألفي
نغم جهزت السفره وطلعت فوق وفتحت الباب بكل هدوء وقالت: مراد مراد
كان قاعد على الكنبه وفاتح الكمبيوتر
_الغداء جاهز
كان ماسك سيجاره في ايدو وقال: ماليش نفس
نغم بصت لتحت وقالت: والله لو كنت أعرف اني هقابل شريف مكنتش روحت من الأساس
مراد قفل الكمبيوتر وقال بعصبية: مش عايز اسمع اسم الواد ده هنا
نغم حست بغيره مراد وقالت بفضول: ليه
_من غير ليه
_طب طب تعالى نتغدا
مراد بعصبية: قولتلك ماليش نفس انتى حماره
نغم زعلت أوى وقالت: تمام عن اذنك
مراد خد نفس عميق ومسك أيدها وقال: حقك عليا
نغم:________
مراد حط ايدو على خدها وقال بلطف: خلاص بقا انا آسف
دموعها نزلت وقالت: انت بتعمل كده ليه
مراد باستغراب: بعمل اي
_اضايقت واتعصبت عليا لما واحد قالى انه بيحبنى اشمعنا مريم لما بتقولك بحبك بسكت
_عشان *****(بحبك)
مراد سكت عالطول ونغم مسحت دموعها وقالت: عشان اي
مراد هز رأسه وقال: متشغليش بالك بحاجه وبعدين انتى عندك امتحان بكره عايزك تركزي في مذاكرتك بس
نغم ابتسمت وقالت: طب تعالى نتغدا وبوعدك هروح اذاكر
مراد خد نفس عميق وقال: ماشي
_مزاج متقلب
مراد ضم حواجبه وقال بعدم فهم: مزاج متقلب
نغم هزت رأسها وقالت: كنت متعصب اوى من شويه ودلوقتى مبتسم
مراد شد نغم من خصرها وقال: انتى المسئوله عن مودي يا نغم
نغم بصت في عيونه وقالت بعدم فهم: انا المسئوله عن مودك
مراد هز رأسه ونغم حست بشعور غريب أوى وقالت في سرها: معقول اللى بفكر في صح
مراد بعد عنها وقال: مش يلا
نغم فاقت من متخيلاتها وقالت بابتسامه: يلا
مراد حط ايدو على كتفها ونغم بصت على ايدو وفرحت اوى ونزلوا تحت
في القريه اللى تم فيها هدم البيوت
غسان وقف العربيه ونزل منها وبص حواليا
وفجاه جت عربيه لينزل منها عمال بناء
واحد من العمال: نبدأ يا بيه
غسان هز رأسه وقال: أبداوا ومش عايز ولا غلطه
_متخافش يا بيه كله هيكون على ما يرام
غسان هز رأسه للمره الثانيه وقال: واقفين ليه يلا اشتغلوا
_يلا يا رجاله
غسان طلع سيجاره وبدأ يشربها بكل بردو
في قصر عائله الحديدي
مريم رجعت وسامر نزل من على السلم وقال بابتسامه: نورتى
مريم وقفت مكانها وقالت بارتباك: س سامر
وصل عندها وقال: كنتى فين وقافله تليفونك ليه
مريم بارتباك واضح جداً: كنت كنت
سامر مسك أيدها جامد اوى وقال: كنتى عند الحلو صح
_اعااااا سامر سيب أيدي
سامر بحده: متحوليش يا حلوه متحوليش عشان مش هتاخدي
مريم زقت سامر وقالت بعياط: مراد ليا يا سامر وهعمل المستحيل عشان يكون ليا
قلم نزل على خدها
مريم حطت أيدها على خدها وقالت بصدمه: سامر
سامر بتهديد: وربنا لو عرفت انك روحتى لمراد تانى لكون دفنك يا مريم سامعه ولا لا
مريم بزعيق: بكرهك بكرهك
بعد ما قالت كده طلعت على فوق عالطول
قفلت الباب وقالت: امتحانات الثانويه بكره ماشي يا نغم
مسكت تليفونها ورنت على واحده تعرفها في سنه تانيه مع نغم وتدعى رانيا
_مريم اخبارك اي
_بقولك
رانيا باستغراب: في اي
مريم:_________
رانيا بصدمه: اي الكلام اللى بتقولى ده يا مريم لا لا مستحيل اعمل كده
مريم بتوسل: رانيا عشان خاطري انا اول مره اطلب منك طلب
رانيا بلعت ريقها وقالت بخوف: لو انكشفت هروح في داهيه يا مريم
_ان شاء الله مش هيحصل قولت اي
_هحاول
مريم بابتسامه: اتفاقنا
رانيا قفلت التليفون وقالت بخوف: ربنا يستر
مريم رمت التليفون على السرير وقالت بابتسامه: هخلى ثقتك بنفسك تنهز يا نغم
بعد مرور نصف ساعه وخصوصاً في فيلا مراد الألفي
مراد كان قاعد في المكتب
نغم دخلت وقالت: مستر بدر اتاخر اوى يا مراد
مراد:________
نغم راحت عنده وقالت: مراد انا بكلمك
شال السماعه من ودانه وقال: نغم انتى هنا من امتى
_من شويه كده المهم مستر بدر مجاش لحد دلوقتى
_طب دقيقه هرن عليا
نغم فضلت واقفه ومراد قالها: اقعدي واقفه ليه
نغم قعدت على الكرسي ومراد رن على بدر
_مراد
_بدر فينك
_معلش يا مراد والدتى اتوفت النهارده ومش هقدر اجى
_البقاء لله
_ونعمه بالله
مراد قفل التليفون ونغم قالت: قالك اي
مراد قام وقال: والدته اتوفت النهارده
نغم بصت لتحت وقالت: ربنا يرحمها
ثم كملت: الامتحان بكره هعمل اي دلوقتى
_طب روحي هاتى الكتب وانا هرجعلك وهسالك
نغم قامت وقالت بفرحه: حالا
نغم طلعت عالطول ومراد قال: اتمنى عيد ميلادك يجى عالطول عشان اقولك كل اللى جوايا
بعد شويه
نغم نزلت وكانت حامله كتب كتير اوى
مراد خد منها الكتب وقال: خلينا في مواد بكره
_عندي *** ؛ ***
مراد قعد على الكرسي وقال: حافظه
نغم هزت رأسها وقالت بابتسامه: الحمدلله
مراد ضم حواجبه وقال: مالك فرحانه اوى كده
نغم هزت رأسها للمره الثانيه وقالت: عاادي
مراد فتح الكتاب وبدأ يتكلم ونغم كالعاده سرحت
مراد بصلها وقال: نغم خليكى معايا
نغم ابتسمت وقالت: معاك والله
_طب كنت بقول اي
نغم بتوهان: كنت بتقول اي
مراد هز رأسه ونغم قالت: معلش سرحت شويه
مراد لف بالكرسي ونغم قالت باستغراب: بتعمل اي
_عشان تركزي شويه
نغم بارتباك: تقصد اي
_انتى عارفه كويس انا اقصد اي
نغم بصت لتحت وحاولت تخفي ابتسامتها
_نركز شويه ممكن
نغم هزت راسها وقالت: حاضر
في المساء
غسان رجع ولقي حور قاعده على الأرض وضمه رجليها والدموع كانت نازله من عينيها
غسان قلع الجاكيت وقعد على الكنبه وقال: حور صدقينى أنا مطلبتش من الرجاله كده
حور مردتش على غسان اللى قال: انتى تصدقي عليا كده
حور بصتله وقالت: عايز الصراحه
غسان هز رأسه وحور قالت: ايوه أصدق عارف ليه
ثم كملت بعصبية: عشان قلبك قاسي وانانى ومغرور و٠٠٠
غسان ببرود أعصاب: خلصتى
حور هزت رأسها وقالت: مستحيل تكون بنى ادم مستحيل تكون بنى ادم
_انتى شايفه كده
حور مسحت دموعها وقامت وكانت طالعه الا ان غسان قام ومسك ايدها وقال: رايحه فين
_اهرب من جحيمك
_وانتى شايفه انى جحيم
حور بصت لتحت وغسان رفع رأسها لفوق وقال: حور ردي عليا انا جحيم
حور حضنت غسان جامد اوى وقعدت تعياط وقالت: عملت كده ليه يا غسان عملت كده ليه
غسان حط ايدو على شعرها وقال: حور صدقينى اللى حصل مدبر ومخطط ليا
حور بعدت عن غسان ومسحت دموعها ودخلت الحمام
غسان خد نفس عميق وفجاه تليفونه رن
مسك التليفون وقال: الووو
_احنا هنمشي يا بيه وهنكمل بكره إن شاء الله
غسان هز رأسه وقال: تمام
غسان قفل التليفون وحور طلعت من الحمام وحطت المخده على الأرض ونامت
غسان بصلها وفتح الباب وطلع
راح الجنينه وفك أزرار القميص ورمى القميص على الأرض ونط في حمام السباحه
(فهذا حال المغرور عندما يكون متعصب )
غسان بدأ يعوم وكان بيفكر في اللى حصل ومعقول يكون لسامر ايد في اللى حصل
نرمين كانت واقفه في البلكونه وشافت غسان وقالت بابتسامه: ده فرصتك يا نرمين
خدت الجاكيت وحطتوا على كتفها ونزلت
_غسان
غسان طلع رأسه ومسح وشه بايدو ونرمين قالت: انت انت بخير
غسان بص على المنشفه وقال: هاتى المنشفه اللى عندك
نرمين خدت المنشفه فعلا ووقفت عند طرف الحمام وقالت بدلع: اتفضل يا سونو
غسان مسك منها المنشفه ونرمين عملت نفسها بتقع
وقعت على غسان اللى نزل بيها لتحت اوى
نرمين حضنت غسان وغسان طلع بيها لفوق عالطول
نرمين بتمثيل الخوف: اعاااااا مبعرفش اعوم
_اهدي اهدي
حور كانت واقفه في البلكونه والغيره كانت عنوانها
غسان طلع ونرمين كمان طلعت وحطت ايدها على صدر غسان وقالت: انا اسفه اوى
غسان شال ايدها وقال: ولا يهمك حصل خير
نرمين شافت حور وحضنت غسان عالطول وقالت: الجو بارد اوى
غسان زقها ورمى ليها المنشفه وقال: انا مش بطانيه عشان تتدفي فيها عن اذنك
نرمين ابتسمت وبصت لحور وغمزت ليها
حور لم تعطى اي اهتمام ليها ودخلت جوا
بعد شويه
غسان فتح الباب ولقي حور في وشه
غسان مسك ايد حور وقال: مش بحب اشوفك كده
حور سحبت أيدها وقعدت على الكنبه
غسان دخل الحمام وحور نامت على الكنبه
بعد شويه
غسان طلع من الحمام ولقي حور نايمه وقال: شبه الحوريه فعلا مغلطش الكلب لما قال كده
غسان شالها وحطها على السرير بكل رقه
باسها من خدها وقال: تصبحي على خير يا حوريتى ومحضر ليكى مفاجاه بكره يا رب تعجبك
غسان راح البلكونه وحور فتحت عينها وقالت بفضول: يا تري ناوى على اي تانى يا غسان
في صباح اليوم التالى
نغم كانت بتزعق ومراد فاق على صوتها المزعج جدا
_نغم في اي
_مش لاقيه البنطلون يا مراد
_طب اهدي
نغم بعصبية: أهدأ ازاى هتاخر على المدرسه
مراد قام من على السرير وبص حواليا ولقي البنطلون محطوط على الكنبه وقال: هو ده
نغم بصت على الكنبه وقالت بفرحه: ايوه هو
مراد ضربها على رأسها وقال: ربنا يستر فعلا
_في اي
_مفيش يا بابا ادخلى غيري هدومك عشان اوصلك
نغم فرحت اوى وقالت بعدم تصديق: هتوصلنى
مراد هز رأسه ونغم حضنته عالطول وقالت: عشر دقائق وهكون عندك
مراد ابتسم ونغم بعدت عنه وجرت على الحمام عالطول
بعد شويه نغم طلعت ومراد قال: كلى الأول
_مش جعانه وبعدين انا متاخره
مراد بص في الساعه وقال: قدامك نص ساعه لسه يلا كلى
نغم بضيق: حاضر
مراد طلع بدله سوده وقال: هدخل الحمام مش هتاخر واطلع القي السندوتشات ده اتاكلت
_ماشي خلاص
مراد ابتسم ودخل الحمام ونغم كانت متوتره أوى وقالت: انا خايفه أوى ولازم اجيب تقدير كويس عشان ميكنش شكلى وحش قدام مراد
بعد شويه
مراد طلع وبص على الصينية وقال: ليه يا نغم
نغم بصتله وقالت: في اي
مراد قعد على الكنبه وقال: مش هتروحى الامتحانات الا لما تاكلى السندوتشات ده الأول
_مراد انا متوتره اوى ومش عايزه أكل حاجه
مراد راح عندها وقال: مش عايزك تتوتري خالص وعايزك تركزي على هدفك بس
نغم اطمنت نوعا ما ومراد مسك السندوتش وقال: كلى يلا ومش عايزك تفكري في حاجه
نغم كان نفسها تقول لمراد انها بتحبه اوى ولكن مقدرتش تقول خصوصاً أنها مفكره انه بيحب غيرها
بعد مرور عشر دقائق تقريباً
مراد ونغم نزلوا
فتح باب العربيه وقال: اتفضلى
نغم ركبت ومراد ركب أيضا ومشوا
في قصر عائله السيوفي
غسان فاق من النوم وقال: حور حور
غسان قام وخبط على باب الحمام اللى انفتح ومالقاش حور جوا
طلع وقال: سماح سماح
_نعم يا بيه
_حور فين
_المدام حور في اوضه أمير
_تمام روحى انتى
سماح مشت وغسان راح اوضه امير ووقف عند الباب
_يعنى رسمى حلو يا اميرتي
حور هزت رأسها وقالت بابتسامه عكس ما بداخلها: هتبقا فنان يا قلب اميرتك
غسان حس بالغيره او يمكن مش عايز حور تقول لحد انه قلبها فقلبها ملك غسان السيوفي فقط
امير بص لغسان وقال: خالو صباح الخير
غسان دخل وبص لحور وقال: صباح النور
_فين الشوكولاته اللى قولت عليها
_انا رايح الشغل دلوقتى وانا راجع هجبلك معايا
امير هز رأسه وقال: اتفقنا
_امير امير
امير طلع عالطول وقال: نعم يا تيته
_صباح الخير
حور قامت وقالت بضيق: صباح النور
غسان مسك أيدها وقال: هروح الشغل وعايزك تكونى جاهزه على الساعه ٨ كده
حور باستغراب: انت مستوعب كلامك
غسان بعدم فهم : ليه
_بيت بابا انهدم بسببك وزعلانين منى بسببك وحضرتك بكل بساطة جاي تقولى اجهزي على الساعه ٨ كده
غسان وهو طالع: مش بارادتك يا حور وارجع القيكى جاهزه
_مش هيحصل يا غسان
غسان بعناد: هيحصل يا حور
غسان طلع وحور اتعصبت اوى وقالت: لا يا غسان مهما عملت مش هسامحك انت السبب في اللى حصل
بعد مرور ربع ساعه تقريبا
في المدرسه الثانويه
نغم نزلت من العربيه عالطول ومراد نزل أيضا وقال: اهدي
_اتاخرت يا مراد
مراد مسك أيدها وقال بابتسامه جذابه: بالتوفيق
نغم مقدرتش تمسك نفسها وباست مراد من خده وقالت: باي
مراد حط ايدو على خدو والإبتسامة اترسمت على وشه وقال: يا بنت المجنونه
ركب عربيته ومشي
نغم كانت مستعجله أوى ودخلت في واحده (رانيا) من غير ما تاخد بالها
نغم باعتذار: انا اسفه اوى مخدتش بالى
رانيا نزلت على الأرض وقالت: ده انا اللى اسفه
رانيا لمت كل اللى وقع من شنطه نغم وقالت: اتفضلى واسفه مره تانيه
نغم مسكت منها الشنطه وقالت: شكرا أوى
رانيا بابتسامه خبيثه: العفو
نغم مشت ورانيا بعتت مسج لمريم وقالت فيها العمليه تمت بنجاح
الرساله وصلت لمريم اللى قالت بفرحه: حلو أوى
نغم كانت قاعده في اللجنه والامتحان كان سهل معاها جدا وكل ما تتوتر تفتكر كلام مراد وتطمن
نغم بدات تحل الامتحان وفجاه الشنطه وقعت منها على الأرض
المراقب شاف ورقه وقعت من الشنطه وللاسف فيها اسئله واجابات للماده اللى نغم بتمتحن فيها
المراقب نزل لتحت ومسك الورقه وشاف اللى فيها وقال :حاله غش هنا
نغم بصدمه: اي
المراقب بعصبية: اعملوا محضر غش للطالبه ده فورا
.
