غرور وكبرياء عاشق ج٤ نور حسن
يتبع
بقلم / نور حسنالحلقة 33
الحلقة 34
.
.
رواية / غرور وكبرياء عاشق
بقلم / نور حسن
⭕⭕⭕⭕⭕⭕⭕⭕⭕⭕⭕⭕⭕❌
الحلقة 33
.
#غرور_وكبرياء_عاشق
بقلم / نور حسن
المراقب مسك الورقه وقال: حاله غش هنا حاله غش هنا
قعد يكرر تلك الجمله عدت مرات
نغم قامت وقالت: لا والله انا معرفش الورقه ده جت هنا ازاى
المراقب بعصبية: اعملوا محضر غش للطالبه ده فورا
الدموع نزلت من عين نغم ومكنتش عارفه تعمل اي
_للاسف رسبتى في الماده
ثم كمل: لو سمحت خدها للمدير وقوله ان الطالبه كانت بتغش
نغم هزت راسها وواحد مسكها من دراعها وقال: اتفضلى معايا لو سمحتى
نغم بزعيق: والله ما اعرف الورقه ده جت هنا ازاى صدقوني
نغم طلعت برا الفصل وزقت الراجل إللى كان مسكها من دراعها
طلعت تليفونها ورنت على مراد
_انتى بتعملى اي وبعدين لازم تتفضلى معايا عند المدير
نغم راحت على جنب وقالت بعياط هستيريا: رد بقا
في الطريق
مراد بص على تليفونه وقال بتعجب: معقول لحقت تخلص
مراد فتح التليفون وقال: عملتى اي
نغم بعياط: مراد الحقنى
مراد وقف العربيه وقال بخوف وضح جدا من صوته: في اي
_المراقب لقي معايا ورقه فيها إجابات للماده اللى بمتحن فيها وهيعمل ليا محضر غش
مراد شغل العربيه وقال: نغم أوعك تتحركى هكون عندك فوراً
نغم هزت رأسها ومراد قفل التليفون وساق باقصي سرعه
_اتفضلى معايا
نغم زقته وقالت: انا مستنيه جوزي
قال باستغراب: انتى متجوزه
نغم مردتش عليا والراجل مسك أيدها وقال: اتفضلى معايا عند المدير لو سمحتى
نغم زقته للمره التانيه وقالت:قولتلك مستينه جوزي
_يعنى هيعملك اي انتى كنتى بتغشي
نغم بعصبية: والله ما أعرف الورقه ده جت في شنطتى ازاى انتوا ليه مش مصدقين
_كتير زيك قالوا نفس الكلام وفي الحقيقي طلعوا بيكدبوا
نغم قعدت على الكرسي وحطت أيدها على خدها وقالت بعياط: مستقبلى ضاع خلاص
مراد وهو بياخد نفسه: نغم
نغم قامت عالطول وجرت على مراد لتحضنه عالطول وتقول بعياط هستيريا: والله ما أعرف الورقه جت في شنطتى ازاى
مراد حط ايدو على خدها وقال: اشش متخافيش من اي حاجه انا جنبك وطول ما انا جنبك متخافيش
_المراقب قال انى رسبت في الماده يا مراد
مراد مسك أيدها وقال: تعالى معاياا
_فين
_عند المدير
مراد خد نغم ونزلوا ليرحوا عند المدير
مراد زق الباب برجله والمدير قام وقال بعصبية: مين الحيوان ده
مراد قعد على الكرسي وقال: عايزين تعملوا في مراتى محضر غش على ذنب مرتكبتهوش يا حضرت المدير
المدير بص لنغم وقال: ورسبت في الماده كمان
مراد حط ايدو على المكتب وقال بصوت حاد جدا: وحضرتك تقدر تثبت انها كانت بتغش
المدير بلع ريقه وقال: المراقب شاف ورقه في شنطتها وفيها اسئله واجابات للماده اللى بتمتحن فيها
_وانا كمان عندي اثبات أنها مغشتش وانها مذاكره كويس
المدير بابتسامه تحمل التريقه: وفين الإثبات ده
_ورقه الاسئله تيجى هنا ونغم تمتحن الماده قدام عيون حضرتك
المدير هز رأسه وقال: لا طبعا ومراتك رسبت في الماده خلاص
مراد زق الكرسي برجله وقال بصوت جهوري: انت مش عارف انا مين ولا اي
المدير قام وقال: لا معرفش ومش عايز اعرف ويا ريت تتفضل برا
_شكلك انت اللى هتتفضل برا
المدير بتوتر: تقصد اي
مراد حط ايدو في جيبه وقال: انا مراد حازم الألفي
المدير بصدمه: انت انت ابن حازم بيه
مراد هز رأسه وقال: صاحب المدرسه دي يبقا والدي
نغم بصدمه: اي
المدير عدل الكرسي لمراد وقال: اتفضل يا بيه ومتخافش مراتك هتكون في تالته بإذن الله
مراد مسك ايد نغم وقال بحده: مرفوض
المدير بصدمه: اي
_شكل بابا عين واحد بيحب الظلم والفساد
المدير مسك ايد مراد وقال بتوسل: مش قصدي والله يا بيه
مراد سحب ايدو وقال: العدل يمشي على الغنى والفقير ويمشي على مراتى قبل اي حد
بص لتحت وقال: أوامرك يا بيه
مراد بص لنغم وقال: ادخلى فصلك وامتحانى ومتخافيش من حد هكون في انتظارك
_بس المراقب
_سمعك ضعيف صح
نغم هزت رأسها ومراد قال: المدرسه ده ملك عائله الألفي
_مش عايزه واسطه ولا عايزه معامله مختلفه يا مراد
مراد حط ايدو على خدها وقال: متخافيش يا قلب مراد زيك زي اي طالبه والزمن هتاخدي زي اي طالبه ولا اكنك مراتى
نغم ابتسمت ومراد بص للمدير وقال: المراقب يجى ياخد نغم ويعتذر منها قدام الطلبه
هز رأسه وقال: طبعا طبعا
بعد شويه المراقب جى ووقف وبص لتحت
مراد راح عنده وقال: انا مبسوط منك وشكلك بتكره الغش بس احب اقولك اتاكد الاول من كلامك قبل ما تتكلم
_انا اسف يا بيه
مراد هز رأسه وقال: تؤ تؤ مش كده زي ما اهانت مراتى قدام الطلاب هتعتذر ليها قدام نفس الطلاب اللى قولت قدامهم ان مراتى بتغش
_انا اسف بس
المدير قاطعه وقال: مفيش بس يا متولى وبعدين ده ابن حازم بيه
مراد بصله وقال بصوت جهوري: محدش يعرف هنا انى ابن المدير فاهم ولا لأ
هز رأسه وقال بخوف: ح حاضر
بعد شويه
المراقب ونغم ومراد والمدير دخلوا الفصل
المدير: يلا يا متولى
متولى بص لتحت وقال: انا بعتذر من الطالبه نغم منير الهواري واللى حصل كان سوء تفاهم منى
نغم بصت لمراد وحست ان كرامتها رجعت تانى
مراد بصلها ايضا وابتسم
بعد مرور عشر دقائق تقريباً
_ركزي في الامتحان ومتفكريش في اللى حصل
نغم مسكت ايد مراد وقالت: خبيت عليا ليه
_مش وقته يا نغم مش وقته
_لو سمحتى اتفضلى
نغم دخلت الفصل وقعدت مكانها والمراقب عطى ليها ورقه الاسئله وقال: بالتوفيق
نغم اتعصبت أوى عشان مش عايزه حد يتعامل معها كده عايزه الكل يتعامل معها زي اي طالبه
في منزل والده ثريا
فتحت الباب بالصدفه ولقت حور في وشها
حور بابتسامه: اخبارك اي وبابا اخباره اي
ثريا دخلت ومردتش على حور
والده ثريا بفرحه: حفيدتى
حور جرت عليها وحضنتها وقالت بعياط: خلى ماما تصدقنى يا تيته
_ليه عملتى اي
حور بعدت عنها ومسحت دموعها وقصت(حكت) كل حاجه لوالده ثريا (جدتها)
_طب طب ليه عمل كده
ثريا بزعيق: عشان يبنى المصنع يا ماما وحفيدتك ساعدته في كده
حور هزت رأسها ووالده ثريا قالت: انا مستحيل أصدق ان حور تعمل كده
حور بصت لتحت وثريا بحده: اطلعى برا
والده ثريا بزعيق: ثريا
ثريا مسكت حور من أيدها وفتحت الباب وزقتها لتقع على الأرض
_ماماااا لا
ثريا بتهديد: ممنوع اشوفك هنا
قفلت الباب والدموع نزلت من عين حور عالطول وقالت: والله ما أعرف يا ماما والله ما اعرف
والده ثريا بتحاول تقوم لكن مقدرتش وقالت: عملتى كده ليه
ثريا دخلت الاوضه من غير ما ترد على والدتها
والده ثريا بتلميح ليها: حور مظلومه يا ثريا وانا واثقه أنها متعملش كده
في الطريق
حور كانت ماشيه وزعلانه اوى والاخر داس فرامل حين شافها
نزل من العربيه وقال: حور انتى كويسه
حور:_______
سامر مسكها من دراعها وقعد يهز فيها ويقول: حور ردي عليا غسان عمل فيكى حاجه
حور تخرج عن صمتها وتحضن سامر جامد أوى وقعدت تعياط
سامر أبتسم وقال بتمثيل الحزن: حور اهدي
سامر بعد عنها وحط ايدو على خدها وقال: تعالى نقعد ونتكلم
حور هزت رأسها وقالت: انا آسفه أوى عن اذنك
سامر مسك أيدها وقال: حور انا مقدرش اسيبك بالحاله ده
_سامر
حط ايدو على فمها وقال: انتى خايفه منى
حور هزت رأسها وسامر بإصرار: في كافتيريا قريبه اوى من هنا اي رايك نروح ونقعد ونتكلم
حور هزت رأسها وسامر فتح باب العربيه وقال بابتسامه: اتفضلى
حور ركبت وسامر ركب أيضا وشغل العربيه ومشوا
سامر كان سايق العربيه وحاطط عينه على حور وقال بتفكير: حلوه اوى الفكره ده
سامر مسك التليفون وبعت مسج لغسان وكان محتوي الرساله (اخبارك اي يا عدوي الظاهر أن حور مش طايقه تشوف وشك اكيدا بتسال عرفت منين احب اقولك حور معايا دلوقتى )
في شركه السيوفي والالفي (شراكه)
غسان كان قاعد في المكتب والمسج وصل فعلا وغسان لم يهتم
_بنات مراد بيه مجاش
_كده بقالو يومين
_تفتكروا اي السبب
واحده من ضمنهم قامت وقالت: انا هروح أسأل غسان بيه
قعدوا يضحكوا وقالت احدهم: شكلك عايزه تترفضي النهارده
خدت فنجان قهوه وقالت: هدخل ليا بحجه فنجان القهوه ده وبالمره أسأله
_انتى حرااا
اتجهت إلى مكتب وغسان ودقت على الباب بكل هدوء
_ادخل
فتحت الباب ودخلت فعلا وقالت: فنجان القهوه يا بيه
_انا طلبت قهوه
بلعت ريقها وقالت: لا
غسان بصوت يشبه صوت الافاعى: امال جايبها ليه
_انا اسفه يا بيه
غسان وقتها افتكر حور لما بتخاف منه بتكون كده وبتعتذر عالطول لما تعمل اي خطأ
_غسان بيه
فاق من متخيلاته وقال: حطى الفنجان هنا
البنت ابتسمت وحطت فنجان القهوه فعلا وفضلت بصه لغسان وقالت في سرها: ما هو طيب اهو امال بيقولوا عليا مغرور ومتكبر ليه
_تقدري تطلعى
ابتسمت وقالت بارتباك: هو هو مراد بيه فين
غسان ضم حواجبه وقال بفضول: ليه
البنت بلعت ريقها وقالت بخوف: اصلا بقالوا يومين مختفي
_وشاغله بالك ليه
_عادي يا بيه
_طب برا (قالها بصوت جهوري)
طلعت عالطول واروي قالت: قولتى اي يا هبله
قعدت على الكرسي وقالت: كان حلو اوى في الأول وفجاه اتحول الى الجبروت والقاسي
اللى كانوا قاعدين ضموا حواجبهم وقالت أحدهم: انتى بتقولى اي يا مجنونه
_غسان بيه
قعدوا يضحكوا وقالوا بصوت واحد: انتى حاطه عينك على مين فيهم
_غسان بيه متجوز انما مراد بيه لا
تلك قعدت تضحك وقالت: أنا سمعت ان مراد بيه اتجوز
الكل بصدمه: اي
هزت رأسها وقالت: سمعت مراد بيه وهو بيقول لغسان بيه
_وساكته ليه
_عاااادي
_لا مش عادي انا قاعده على امل يبص ليا وفي الاخر يطلع متجوز
قعدت تضحك عليها وقالت: البيه لو سمع كلامكم ده وربنا ليكون اخر يوم ليكم في الشركه
_اوووو البريئه بتتكلم ما حضرتك كنتى بتحبي غسان بيه
_احم كنت انما دلوقتى انا مخطوبه
تليفون غسان رن
غسان مسك التليفون وقال: الووو
_تحب نبنى المصنع وعلى مساحه اقل من المساحه اللى كنا متفقين عليها
غسان هز رأسه وقال: مش عايز مصنع
استغرب وقال: امال حضرتك عايز اي
غسان:________
ابتسم وقال: اللى تشوفوا يا بيه
غسان قفل التليفون وشاف المسج اللى بعتوا سامر
عروق غسان برزت وقبض ايدوا وقال وهو بيهز رأسه: مستحيل
في الكافتيريا
حور وسامر دخلوا وحور قالت: هدخل الحمام
سامر هز رأسه وحور حطت التليفون على الطاوله واتجهت إلى الحمام
غسان رن على حور وقال: اكيدا كداب اكيداا
سامر مسك تليفون حور وقال: شكله الحظ معايا النهارده
سامر فتح التليفون وغسان قال: كنت متاكد انه كداب
سامر باستغراب: هو مين يا غسان
غسان بص في التليفون وقال بصدمه: سامر
سامر هز رأسه وقال: ايوه سامر يا عدوي
غسان قام وقال بصوت جهوري: تليفون حور بيعمل معاك اي يا حيوان
_وانت مالك
غسان بحده: حور فين يا كلب
_نايمه في حضنى دلوقتى
_انت كداب
_تليفونها معايا يا غسان عايز اي تانى عشان تتأكد
سامر شاف حور جاي عليا قام عالطول ودخل في حور اللى كانت هتقع الا ان سامر مسك أيدها وشدها لتترمى في حضنه
حور غمضت عينها وسامر قال: متقلقيش يا روحى انا جنبك
حور مخدتش بالها من كلامه
حور بعدت عنه وقالت: شعري دخل في أزرار قميصك
سامر بدا يطلع بعض الخصلات اللى دخلوا في ازرار القميص سامر بابتسامه: حضنتينى جامد انتى
_انا اسفه
سامر بابتسامه: ولا يهمك
غسان اول ما سمع الكلام ده انصدم
سامر قفل التليفون وقال: تعالى يا حور
حور راحت معا فعلا وغسان رمى التليفون على الأرض ومكنش مستوعب الكلام اللى سمعوا
_حور لا لا
سامر حط التليفون على الطاولة عالطول
حور خدت التليفون وقالت: انا لازم وشكرا اوى عذبتك معايا
سامر مسك أيدها وقال: ارتاحى الأول
_لا شكرا عن اذنك
_طب طب تحبي اوصلك
حور هزت رأسها وقالت للمره التانيه: لا شكرا تعبتك معايا
_تعبك راحه يا حور
حور ابتسمت وخدت بعضها ومشت
في المدرسه الثانويه
نغم امتحنت المادتين وطلعت
بصت حواليها وقالت: مراد
_امممم
نغم انتفضت وقالت وهى بتاخد نفسها: خضتنى
_عملتى اي
نغم بابتسامه: شكرا
_بس كده
نغم ضمت حواجبها وقالت: بس اي
مراد مسك أيدها وقال: اي رايك نتغدا وبعدها نروح مشوار كده
نغم بفضول: مشوار اي
_هقولك على الطريق
نغم هزت رأسها وقالت بابتسامه: ماشي
في الطريق
غسان سايق العربيه باقصي سرعه وبيفكر في حاجات كتير
_معقول تكون متفقه مع سامر ضدي
غسان داس فرامل وحط رأسه على الدركسون وقال: للدرجه ده كنت غبي
غسان رفع عينه وشاف حور
نزل من العربيه عالطول وحور اول ما شافته واقفت
_ليه
حور مردتش عليا وكانت ماشيه الا ان غسان مسك أيدها وقال: ليه عملتى كده
حور:_______
شدها ليا وضغط على أيدها وقال بصوت حاد جدا: ليه عملتى كده ليه
حور مكنتش فاهمه حاجه وقالت بألم: غسان انت بتقول اي
_اوعك تنطقي اسمى على لسانك ده
حور بصدمه: اي
غسان زقها وقال بحزن: فقدتى عذريتك امتى يا حور
قلم نزل على خد غسان
حور وايدها بترتعش: انت اي مش بتحس حرام عليك
غسان مسك ايدها للمره التانيه وقال: عايز اجابه لسوالى ولا تحبي اتاكد بنفسي
حور انصدمت من كلامه وقالت: انا مش مجبوره اجاوب على سوالك ده
_يبقا اللى بفكر في صح
_انت مستوعب كلامك يا غسان
_قولتلك ماتجبيش اسمى على لسانك
حور بصت في عيونه وقالت بعناد: غسان غسان
غسان بدأ صبره ينفذ وقال: حلوه الخطه
_خطه
غسان هز رأسه وقال: الأول جيتى ليا وقعدتى تعياطى عشان تنقذي اختك وعرضت عليكى الجواز وافقتى عالطول ومع الوقت اعترفتى بي حبك ليا عشان حبيب القلب عملتى كل ده عشانه قد اي بتحبي يا حور
حور بعدم فهم: انت بتتكلم عن مين
غسان بحال متغير (بزعيق): اللى اتجوزتينى عشانه
_غسان انا فعلا مش فاهمه حاجه
_سامر الحديدي يا حور سامر الحديدي
_تانى يا غسان
غسان بعصبية: تانى وتالت يا حور بصي بقا فاضل من الإتفاق اربع شهور اول ما يخلصوا هطلقك
تلك الكلام نزل على حور كالصاعقة
_غ غسان انت بتقول اي
_مش فرحانه ليه هتخلصي منى وساعتها تقدري تروحى لحبيب القلب
حور مسكت ايد غسان وقالت: انت فرحتى وانا مش بحب غيرك
_كفايه كدب انتى اي
_غسان انا مش بكدب عليك ومش عارفه اي إللى حصل عشان تتغير كده
_عارفه لما الواحده تخون جوزها اي اللى بيحصل فيها
غسان بهمس: بتموت
حور بلعت ريقها عالطول وقالت بارتباك: تقصد اي
_عايزه تعرفي
حور هزت رأسها وغسان مسك التليفون وقال: حبيب القلب بعت ليا المسج ده
حور مسكت التليفون منه وانصدمت
_ورنيت عليكى عشان واثق انك مستحيل تعملى كده عارفه مين رد عليا
ثم كمل: هو اللى رد عليا سامر اللى رد عليا
وقتها حور فهمت كل حاجه وقالت: الموضوع مش كده
غسان حط ايدو في جيبه وقال: امال الموضوع ازاى يا حور
_انا روحت لماما ومردتش تتكلم معايا وطردتنى و٠٠٠
حور سكتت ووقتها دموعها اللى اتكلمت
غسان خد نفس عميق وخدها في حضنه وقال: انتى عارفه انى مش بحب أشوف دموعك
حور بعياط: زعلت اوى وقابلت سامر صدفه على الطريق وقتها مكنتش مركزه اوى
حور بلامبالاه: سالنى مالك مردتش عليا وقعد يهز فيا روحت حضنته وقعدت اعيط
غسان اتنرفز اوى وبص في عيونها وقال: انتى عايزه تعصبنى صح
حور بصت في عيونه أيضا وقالت باستغراب: ليه
_لا والله مخدتيش بالك من كلامك يعنى
_قولتلك مكنتش مركزه
_وطلعتى معا في عربيته صح
حور هزت رأسها وقالت: والله رفضت بس أصر عليا
_حور انتى مش صغيره عشان تعملى كده خلى الكلام ده للعيال الصغيره
_سامر مش زي ما انت فاكر يا غسان
غسان بعد عنها وقال: امال اي
_سامر طيب أوى انا اشتغلت معا من وانا في تالته ثانوي والصراحة مشوفتش حاجه وحشه ابدا منه
_واحده بتشكر في واحد قدام جوزها يا تري رد فعل جوزها اي
_غسان انا مش بهزر
غسان بعصبية: انا اللى بهزر حور انتى بتشكري في عدوي وقدامى
حور مسكت ايد غسان وقالت بابتسامه: الحياه مش مستاهله اي رايك تعمل صلح
_طب لو قولتلك ان سامر السبب في اللى حصل هتعملى اي
_في اي
_الشخص اللى بتقولى عليا طيب هو اللى هدم بيت والدك
حور بصدمه: اي
_مش مصدقه صح
حور هزت رأسها وقالت: سامر مستحيل يعمل كده
غسان قبض ايدو وقال: يعنى انا كداب
_مش قصدي بس انا انصدمت
_وتنصدمى ليه انتى طيبه اوى يا حور
_الحمدلله مش زيك
غسان رفع حاجب وقال: مش زي
حور بصت لغسان وقالت: قلبي مش قاسي زيك ولا جبروت
غسان ابتسم وقال: فاكره قولتلك اي
حور حوطت غسان من رقبته وقالت: اسمع كلامك من غير عصيان ومخالفش قواعدك هتكون طيب وحنين معايا
ثم كملت بعصبية: انما تخالفي قواعدي وتعصي كلامى هتشوفي غسان الجبروت غسان القاسي
غسان حط ايدو على خصرها وقال: ما انتى شاطره اهو
_ غسان انا حفظت كل كلمه قولتها ليا اذا كانت حلوه ولا وحشه
_ليه
حور حضنته وقالت: عشان بحبك يا مغرور
غسان حط ايدو على شعرها وقال: في مفاجاه على بليل كده وان شاء الله هتعجبك
_متاكد انها مفاجاه
غسان بص في عيونها وقال: اعتقد
حور قعدت تضحك وقالت: تعتقد
_تعرفي لما بتضحكى قلبي بيفرح أوى
_اتغير انت بس وهكون كده عالطول
غسان حط ايدو على كتفها وقال: هنفضل واقفين كده كتير
كانوا ماشين ولكن حور واقفت وقالت: غسان
غسان وقف أيضا وقال: عيونه
_انت صدقت اللى قالوا سامر
سامر بص لتحت ثم بص لحور وقال: عايزه الصراحه
حور هزت رأسها وغسان خد نفس عميق وقال:المسج اللى بعتوا الحيوان الصراحه مصدقتش ولما رنيت عليكى
غسان سكت وحور قالت: سكت ليه
_عشان للأسف صدقت كلامه انتى عارفه قال اي
ثم كمل: انك نايمه في حضنه ومش عايز اقولك فكرت في اي
_طب طب هو ليه عمل كده
_يعنى مش عارفه
_عشان بيحبنى ؟
انتى بتسالنى
حور ابتسمت وقالت: حصل خير
_ده عندك مش عندي حسابه تقل اوى معايا
_غسان ارجوك مش عايزه مشاكل انسي اللى حصل
_مش بقولك طيبه يا بت ده السبب في هدم بيت والدك
حور بغضب: متقولش بت
_يا قلبي حلو كده
حور زقته وركبت العربيه غسان ابتسم وركب العربيه أيضا وشغلها ومشوا
في المطعم
مراد وقف العربيه وبص لنغم وقال: يلا
نغم فتحت الباب ونزلت ومراد نزل أيضا ودخلوا مع بعض
_مراد بيه
مراد عدل الكرسي وقال: اتفضلى
نغم قعدت ومراد قعد ايضا وقال بابتسامه: اخبارك اي يا نصر
_الحمدلله بخير تطلبوا اي
_المنيو الاول
_حالا
نغم حطت أيدها على خدها ومراد بصلها وقال: مالك
_مش عارفه اقولك اي يا مراد
_مش عارفه (قالها وهو رافع حاجب)
نغم بصت لتحت وقالت: لولا وجودك جنبي كنت رسبت في الماده النهارده
مراد حط ايدو على أيدها وقال: طول ما انا جنبك متخافيش من اي حاجه
_مراد انا بحبك اوى
وقتها مراد فرح أوى ولكن ظهر ليها عكس كده خالص وقال: نعم
نغم لما شافت تعبير وشه كده قالت: بحبك كصديق
كان في ليمون على الطرابيزه
مراد مسك الكوبايه وقال: صديق اه
_مالك
نزل الكوبايه وقال: لا مفيش متخديش في بالك (قالها وهو ضاغط على سنانه)
_اتفضل يا بيه
مراد خد منه المنيو وقال: تحبي تاكلى على زوقي
نغم حطت أيدها على خدها للمره الثانيه وقالت: يا ريت
مراد قال للجرسون على الاكل اللى عايزو
الجرسون كتب الاكل اللى طلبوا مراد وقال: عشر دقائق والاكل هيكون عندك
مراد هز رأسه والجرسون خد بعضه ومشي
_مراد انت كويس
_جداا كويس جدا انتى شايفه غير كده يعنى
_مش عارفه حسيتك اتغيرت فجاه
_مزاجى متقلب متخديش في بالك
نغم بلهفه: صحيح مشوار اي اللى قولت عليا
_مش رايحين غيرت رأيي خلاص
_لا ارجوك
_عند جدو منصور فاكراه
نغم هزت رأسها وقالت بفرحه: اه طبعا انا حبيتوا اوى
مراد وهو ضاغط على سنانه: اه
_بقولك انا معنديش امتحان بكره لسه بعد بكره اي رايك ننام الليله عنده
_امممم
_بتفكر في اي
_بس على شرط
_شرط اي
_تذاكري بكره طول النهار
هزت رأسها وقالت: موافقه
الجرسون نزل الاكل على الطرابيزه وقال: بالهنا والشفا على قلبكم
_شكرا (قالتها نغم وهي مبسوطه)
مراد بغيره: انا اللى اقول مش انتى
نغم بخضه: في اي
_مفيش
نغم ابتسمت وحست ان مراد غيران عليها بل اتاكدت من كده
كان في شابين قاعدين على الطرابيزه اللى قصاد مراد ونغم
_شايف ام عيون زرق ده
بص حواليا وقال: فين
مسك وشه وقال: هناك اها
بص على نغم وقال: اوبااااا اي الجمال ده
ثم بص على مراد وقال: بس يا حلو مش شايف اللى قاعد معها عضلاته عامله ازاى
_القدره تغلب الشجاعه يا خفيف
_انت عبيط احنا في مطعم اللى في دماغك مش هيحصل
_ومين قال في المطعم
ابتسم وقال: فهمت قصدك
بعد شويه
نغم كل شويه تبص لمراد وقالت في سرها: هو ليه لما قولتله بحبك تعبير وشه اتغيرت معقول بيحب واحده تانيه فعلا
نغم فاقت من تفكيرها على صوت مراد
_تشربي حاجه
نغم قامت وقالت: كفايه قوم عشان نروح لجدو
مراد حط الفلوس في قلب الفاتوره وقال: متشوقه اكتر منى
_اوى (قالتها بفرحه)
مراد وهو ماشي: طب يلا يا حلوه
نغم بطفوله:حلوه طالعه منه عسل
نغم ضربت راسها بايدها وطلعت فعلا وركبت العربيه والشابين طلعوا ايضا وركبوا العربيه بتاعتهم وطلعوا وراء عربيه مراد
في الطريق
_مراد
_امممم
_هو انت عايش لوحدك ليه هما اهلك ماتوا وليه مش عايش مع جدو منصور
_اهلى لسه عايشين
نغم لدعت لسانها وقالت: اوبس انا اسفه اوى
_ولا يهمك
_معلش ممكن أسألك سوال
مراد خد نفس عميق وقال بضيق: اسالى يا نغم
_هو انت مش عايش مع اهلك ليه
_مشاكل عائليه
نغم زعلت اوى وقالت: هو انا مش من عائلتك ولا اي
مراد بصلها وقال في سره: انتى كل عائلتى يا قلبي
_ساكت ليه
_هتعرفي قريب اوى
نغم بصت لتحت وقالت بزعل: طيب
وفجاه مراد داس فرامل حين واقفت عربيه في وشه
_خليكى هنا أوعك تنزلى
نغم مسكت ايد مراد وقالت بخوف: في اي
مراد سحب ايدو وفتح الباب ونزل وقال: في اي يا حلو انت وهو
الشاب ضرب مراد على دماغه وقال: في اننا عايزين الصاروخ اللى معاك
نغم بصريخ: مراااااد
.
⭕⭕⭕⭕⭕⭕⭕⭕⭕⭕⭕⭕⭕❌
الحلقة 34
.
#غرور_وكبرياء_عاشق
مراد سحب ايدو وفتح الباب ونزل وقال: في اي يا حلو انت وهو
الشاب ضرب مراد على دماغه وقال: في أننا عايزين الصاروخ إللى معاك
نغم فتحت الباب ونزلت منه عالطول وقالت بصريخ: مراااد
مراد حط ايدو على رأسه لقي دم
_خد الحلوه في العربيه
نغم جرت على مراد وقالت بخوف: مراااد مراااد
حط ايدو على خدها وقال بدون تركيز: نغم متخافيش انا انا
الصوره كانت مشوه قدام مراد وبدأ يغمض عيونه ومكنش شايف حاجه
_مراااد
الشاب شد نغم من دراعها ونغم حاولت تفلت أيدها لكن معرفتش وبقت تصرخ وتقول: مراااد مرااااد
وقع على الأرض وفقد الوعى
نغم بصدمه: مراد
الشاب ركب العربيه وقال: هات البنت يلا واقف ليه
مسك نغم من دراعها وبدأ يشدها نحو العربيه
_مراد قوم مراد
الشاب زقها على العربيه وقال: اسكتى بقا
نغم كانت رايحه تجري لكن الشاب مسك ايدها وفتح باب العربيه وحاول يدخلها لكن معرفش
قال بصوت حاد جدا: ادخلى
نغم هزت رأسها وكانت بصه على مراد
الاخر نزل وقال: مالك يا روح امك مش عارف تدخلها العربيه
بص لتحت والاخر مسك نغم من أيدها ودخلها العربيه بالعافيه وقفل الباب
نغم قعدت تدق على ازاز الشباك وتقول بصريخ: مراااااد
الشابين راكبوا العربيه وللأسف مشوا
نغم خافت اوى وحاولت تفتح الباب لكن معرفتش
_اسكتى بقاا
نغم بلعت ريقها وقالت: انتوا انتوا عايزين منى اي
بصوا لبعض وابتسموا ابتسامه خبيثه وقال احدهم: عايزينك انتى
نغم وقتها خافت اوى وقالت: لو سمحت نزلنى
_هههه ننزلك بعد العرض اللى عملنا عشان ناخدك
الاخر بص على الطريق وقال
_استنى
داس فرامل ومراد نزل من العربيه ووقف قدامهم
نغم بفرحه: مراد
الشابين بصوا لبعض وفتحوا الباب ونزلوا
_شكلك عايز تموت
مراد بدأ يقرب منهم والشابين خافوا أوى
مراد مسك واحد منهم من رقبته جامد أوى لدرجه روحه بدأت تطلع
_اعاااااااا
نغم حاولت تفتح الباب لكن معرفتش نامت في العربيه وكسرت ازاز الشباك بالصندل اللى لابسه
مدت أيدها عشان تفتح الباب لكن انجرحت عالطول
_اعاااااا
نغم حطت أيدها على فمها وبالايد التانيه فتحت الباب من برا وطلعت عالطول
_مراد
جرت عليا وحضنته عالطول
مراد حط ايدو على شعرها والايد التانيه كان ماسك الشاب بيها
_هموت كفايه
مراد سابه والشاب وقع على الأرض وحط ايدو على رقبته ومكنش قادر ياخد نفسه وبدأ يكح
مراد بص للآخر وقال: تحب تجرب
هز رأسه وخد صاحبه وركبوا العربيه ومشوا عالطول
نغم بعدت عنه وقالت بعياط: انت انت كويس
مراد بص على ايد نغم وطلع منديل عالطول ولفوا على أيدها
_انا بخير
مراد خدها في حضنه للمره التانيه وقال: قولتلك طول ما انا جنبك متخافيش من حاجه
نغم هزت رأسها وفجاه نزلت نقطه دم من جبين مراد على جبين نغم
نغم بعدت عنه وحطت أيدها على جبينه وقالت: دم
مراد هز رأسه وقال: متشغليش بالك بيا انا بخير
نغم قطعت التيشيرت اللى كانت لابسه
مراد بصدمه: اي اللى عملتى ده
نغم لفت القماش على رأس مراد وقالت: فكك من إللى عملتوا المهم حاسس باي دلوقتى
_بحاجات كتير
نغم بنبضات قلب عاليه جدآ: زي
مراد هز رأسه وقال: اقصد انى بخير
_طب هنروح عند جدو منصور
_اه طبعا
_هتروح كده
مراد مسك ايد نغم وقال: عادي هقوله حادثه بسيطه
نغم واقفت مكانها وقالت: صحيح انت جيت ازاى
_حاولت اقوم لحد ما قومت بصعوبه وركبت العربيه وروحت من طريق مختصر
_كل ده عشانى (قالت كده وهي مبتسمة)
مراد بص حواليا وقال بمزح: آمال عشان مين
_امممم ولا حاجه
فتح باب العربيه وقال: طب اتفضلى
نغم ركبت ومراد ركب أيضا ومشوا ليتجهوا إلى مزرعه منصور الألفي
في قصر عائله السيوفي
تليفون نرمين رن فكأن سامر الحديدي
فتحت التليفون عالطول وقالت: عندك اخبار حلوه صح
_غسان رجع
نرمين هزت راسها وقالت: لا ليه
_طب حور رجعت
_بردو لا في حاجه ولا اي
وفجاه حور وغسان دخلوا وغسان كان ماسك ايد حور
_سامر
_في اي
_غسان وحور رجعوا وباين عليهم اتصالحوا
غسان داس فرامل وقال بصدمه: اي
_لسه داخلين حالا
_متاكده أنهم راجعين مبسوطين ومفيش حاجه
نرمين هزت راسها وقالت: أنا أول مره اشوف غسان كده اعتقد الخطه فشلت يا سامر
سامر قفل التليفون ورمى في العربيه وقال: يعنى اي
زق باب العربيه برجله ونزل منها وقال: ازاى حصل كده ازاى حور قدرت تسامحوا وازاى غسان داخل القصر عادي ومع مين مع حور
_في حاجه غلط اكيدا في حاجه غلط
في اوضه غسان
_اوعك تنسي على موعدنا
حور باستغراب: وانت رايح فين
_مشوار كده هرجع بليل إن شاء الله
حور بابتسامه: ماشي
_ماشي هو ده اللى قدرتى تقولى
حور ضمت حواجبها وقالت: امال اقول اي
غسان شدها من خصرها وباسها من خدها وقال: مثلاً كده حور زقته وقالت: انت انت قليل الادب
غسان رفع حاجب وقال: انتى مجنونه يا بت انا جوزك على فكره ومن حقي ابوسك
قالها بكل جرأة وحور اتكسفت أوى من جرأته
غسان قرب منها بهمس وقال: النهارده ولا بكره هتكونى ملكى يا حور
نبضات حور ازدادت أوى وقالت وهي بتشاور على الحمام: انا انا هدخل الحمام
غسان خد التليفون وقال وهو طالع: يومين حلوين صح
حور وقفت مكانها وقالت بعدم فهم: يومين اي
غسان بصلها وقال: عشان تاخدي وقتك
حور مكنتش فاهمه كلامه وقالت: وإخد وقتى ليه
غسان برفع حاجب: اي ده يعنى مستعده
حور بغباء: مستعده على اي
_لما تكبري هقولك
غسان كان طالع ولكن حور مسكتوا من دراعه وقالت: انا مش فاهمه حاجه ومش هسيبك تمشي الا لما افهم
_مش فاهمه اي
حور بارتباك: الكلام اللى قولته مش فاهمه قصدك منه اي
_عايزه تعرفي
حور هزت رأسها وغسان قرب منها وقبلها بكل رقه وقال: فهمتى كده
عين حور اتسعت وغسان خد بعضه وطلع
حور وهي في حاله صدمه: قليل الادب
بعد مرور ربع ساعه وخصوصاً في المزرعه
مراد ونغم نزلوا
_جدو هيفرح أوى
مراد مسك ايد نغم وقال بشك: تفتكري
_اه طبعاا عندك شك ولا اي
مراد هز رأسه وقال: لا أبدا
مراد دق على الباب وقال: جدو جدو
نغم دقت على الباب أيضا وقالت: جدو منصور جدو منصور
مراد بخوف: معقول جرا ليا حاجه
نغم بارتباك: مش مش عارفه
_طب ارجعى وراء
نغم رجعت فعلا ومراد زق الباب برجله ودخل عالطول وقال: جدو جدو
نغم دخلت أيضا وبصت حواليها وقالت: جدو منصور جدو منصور
مراد فتح باب الاوضه وقال: مش هنا
_طب طب رن عليا
مراد طلع التليفون ورن عليا فعلا
في الطريق
منصور كان سايق العربيه وفجاه تليفونه رن
مسك التليفون وقال بفرحه: حفيدي
مراد خد نفس عميق وقال باطمئنان: فينك يا جدو انا عندك في المزرعه وعارف مين معايا
منصور بابتسامه: نغم صح
_ايوه المهم فينك
_انا على الطريق
_طب متتاخرش
_انا مسافر اسكندريه عندي شويه حاجات هناك ولازم اخلصهم
_طب هترجع امتى
_بكره أن شاء الله هرجع بدري
_تمام خد بالك من نفسك
_خليك عندك واهو لما ارجع بكره نفطر سوا
_لا انا همشي وهجيب نغم معايا بكره ونفطر كلنا سوا
_اللى تشوفه يا ابنى
مراد قفل التليفون ونغم قالت: قالك اي
_طلع مسافر اسكندريه ومش راجع الا بكره
_اممم هنرجع الفيلا
مراد هز رأسه ونغم مسكت ايده وقالت: انا اول مره اطلب منك طلب
_طلب اي
_خلينا قاعدين هنا
_لا هنرجع الفيلا
نغم بتوسل: مراد ارجوك انا اول مره اطلب منك طلب
مراد خد نفس عميق وقال: ماشي يا نغم
نغم حضنته وقالت بفرحه: شكرا اوى يا رودي
مراد بعد عنها وقال: اي رودي ده
نغم بصت لتحت وقالت بكسوف: بدلعك
_ههههه لا خفيفه المهم المطبخ عندك ادخلى اعملى فنجانين قهوه هستناكى برا
نغم هزت رأسها وقالت: ماشي
مراد طلع ونغم دخلت المطبخ وقالت: انا مش قادره اسيطر على اعصابي اكتر من كده
_عايزه اصرخ باعلى صوت وأقول انا بحبك يا مراد
بعد شويه نغم طلعت ومراد كان قاعد على الكرسي ومرجع راسه لوراء
_مراد القهوه
مراد:______
_مراد
مراد فتح عيونه وقال: اسف غفلت شويه
نغم قعدت على الكرسي اللى جنبه وقالت: ولا يهمك
مراد خد فنجان القهوه وقال: ملل
نغم بصتله وقالت باستغراب: ملل
مراد هز رأسه وقال: هنفضل قاعدين كده لحد بكره
نغم خدت نفس عميق وقالت: بالعكس الجو حلو اوى
مراد شرب بوق من الفنجان وقال: معتقدش
_طب انت عايز اي
_بليل
نغم باندفاع: نعم يا روح امك
مراد انعدل وقال بعصبية: اي الكلام الزباله ده
نغم بصت لتحت وقالت: انا اسفه بس اندفعت مش اكتر
_ويا تري اي اللى خلاكى تندفعى كده
_كلامك
_كلامى
نغم مقدرتش ترد ومراد قال: اللى بتفكري في مش صح انا كنت اقصد بليل الجو بيبقا حلو
نغم خدت نفس عميق وقالت بارتياح: اه طمنت قلبي
_ولو حصل
نغم حطت فنجان القهوه على الطاوله اللى محطوطه برا وقالت: انا هدخل اغير هدومى
_هدومك انتى معاكى هدوم (قالها باستغراب)
نغم حطت أيدها على رأسها وقالت بتوهان: قصدي هروح اريح جسمى شويه
مراد طلع سيجاره وقال: تمام
نغم دخلت عالطول ومراد قال: حاسس ان نغم مش بتحبينى كلامها وأفعالها بيدلوا على كده
نغم دخلت الاوضه وقفلت الباب وقالت: انا مبقتش فاهمه حاجه هو بيحبنى ولا لا
نغم قعدت على طرف السرير وافتكرت كلام مراد وقالت: مراد قالى انه هيكون جنبي لآخر نفس
نغم قامت وقالت: يعنى مستحيل يتجوز غيري لو كان بيحب فعلا مكنش قالى كده وكان طلقنى بعد ثلاث شهور
نغم فرحت أوى وقالت: يا ريت تفكري يطلع في محله ومكنش بضحك على نفسي
في قصر عائله الحديدي
سامر قاعد على السرير وكان مخنوق اوى وفجاه تليفونه رن
مسك التليفون وفتحه من غير ما يشوف الاسم وقال: الوو
_خطه فاشله زيك يا سامر
سامر بص في التليفون وانعدل عالطول وقال: غ غسان
غسان بابتسامه: ايوه غسان يا عدوي
سامر بحده: وعايز اي
_رنيت عشان اقولك ان العلاقه اللى ما بينا انا وحور مبنيه على الثقه يا ابن الحديدي
سامر قعد يضحك وقال: حور مش بتوثق فيك يا غسان
_بجد
سامر هز رأسه وقال: واكبر دليل أنها صدقت ان انت اللى هدمت بيت والدها
_اعتراف ده ولا اي
سامر وقف عند الستاره بتاعت البلكونه وقالت: حاجه شبه كده
_كنت متاكد ان حضرتك السبب في اللى حصل
_اي رايك بقا
_احب اقولك ان الخطه فشلت وعلاقتى بحور بقت اقوي من الاول عارف الفضل يرجع لمين
ثم كمل: ليك انت يا سامر اللى عملتوا النهارده خلى حور تكرهك وتعرف حقيقتك
_ما تعرف يا غسان كده كده حور ليا والنهايه قربت اوى وانا المنتصر في الاخير
_وانت في قبرك ان شاء الله
سامر ابتسم وقال بسخريه: ليه متكنش انت يا غسان
_انا وانت والزمن طويل يا عدوي وهنشوف مين اللى هيموت ومين اللى هيعيش
_تؤ تؤ زمنى انا اللى طويل يا غسان زمنك هيكون قصير أوى
_نشوف
سامر بتحدي: نشوف
_سلام
_بقولك
_ارغي
_عايز اشوفك ويا ريت النهارده بليل
_بس كده من عيونى الساعه ١٢ حلو
_طب ما نخليها الساعه ٨
_عندي موعد غرامي
تلك الكلمه خلت سامر مجنون عقلياً وقال بعدم استيعاب: قولت اي
_اللى سمعتوا سلام
غسان قفل التليفون وسامر بانتهاد: غسان غسان وربنا ما هرحمك وربنا ما هرحمك وحور لتكون ليا يا ابن السيوفي ونهايتك قربت اوى
(قال تلك الكلام وهو في قمه غضبه)
في قصر عائله السيوفي وتحديدا في غرفه غسان
حور كانت واقفه عند الدولاب وقالت بتفكير: البس اي
حور بصت على الاوضه وقالت: غسان بيحب اللون الاسود أوى
حور طلعت فستان لونه اسود وصندل لونه اسود أيضا واكسسوارات ماشيه مع الفستان
حطت كل دول على السرير وبصت عليهم وقالت: اي اللى ناقص
بصت على صوره غسان وقالت بابتسامه: انت اللى ناقص يا مغرور
حور راحت عند الصوره وحطت أيدها عليها وقالت: بوظت الصوره كنت وقتها بكرهك اوى يا غسان
حور شالت الصوره وقالت: كده احسن
في المساء
في مزراعه منصور الالفي
نغم كانت نامت وصحت اخيرا
طلعت برا ولقت مراد قاعد نفس القعده وقالت باستغراب: معقول قاعد لحد دلوقتى
نغم راحت عنده وقالت: مراد
_مراد
نغم وقفت قصاده لقته نايم وابتسمت
نغم حطت أيدها على شعره وقالت: انا بحبك أوى
مراد مسك أيدها وقال بنوم: صحيتى امتى
نغم اتوترت أوى وقالت: صحيت من شويه كده انت انت نمت امتى
مراد انعدل وقال: مش عارف غفلت مره واحده
نغم فضلت بصه لمراد وكان في كلام كتير اوى في عينها نفسها تقوله
مراد هز رأسه وبدأ يفوق وقال: مالك يا نغم
_بحب
مراد بصدمه: اي
نغم هزت رأسها وقالت: لا اقصد زهقانه متفهمش غلط
مراد قام ومسك ايد نغم وقال: تصدقي انا كمان زهقان اي رايك نعمل حاجه تفرحنا
نغم ارتبكت اوى وقالت: نعمل نعمل اي
_تحبي نعمل اي
نغم ارتعشت وقالت: مش عارفه بس
_بس اي
كلام مراد كان كفيل لتحريك مشاعر نغم
_ساكته ليه
_لا ولا حاجه انا هروح اشرب
مراد مسك ايدها وحضنها من الخلف وقال: مالك
نغم بارتباك: م مفيش
_نرقص
نغم التفت ليا وقالت: اي
مراد مسك أيد نغم وحطهم على كتافه وهو حط ايدو على خصرها
_مراد
مراد حط ايدو على فمها وقال: اشش مش عايز اسمع صوتك
نغم بلعت ريقها ومراد فضل بصص ليها ونغم كانت بصه لتحت ومكسوفه اوى من نظرات مراد ليها
_نغم بقولك
نغم بصت في عيونه وقالت: اي
_انتى بتحبي حد
نغم برقت وقالت: نعم اقصد ليه السوال ده
_فضول مش اكتر
_طب انت بتحب حد فعلا
_ليه
_فضول بردو
مراد رجع شعرها لوراء وقال: ما انا قولتلك بحب بنت زي القمر
نغم بغيره: اه بس مقولتش انها زي القمر
_ما كل يوم بشوفها احلى من اليوم اللى قبلو
_بس انت كده بتخونها
_بخونها
_يعنى بترقص معايا دلوقتى وفاكر لما بوستنى
مراد شدها ليا اكتر وقال: كانت احلى قبله
وش نغم قلب الى اللون الاحمر وقالت وهي بتبلع ريقها: ما حضرتك كده بتخونها
_لا مش بخونها
_لا بتخونها
_لحد دلوقتى معملتش حاجه وحشه في حقها ولا هعمل
_لا عملت ثم كملت: معايا
_ليه قربت منك
نغم مقدرتش تتكلم ومراد قال: ساكته ليه
نغم بعدت عنه وقالت: مش جعان
هز رأسه وقال: لا
_طب انا جعانه هروح أعمل اي حاجه أكلها
_هروح مشوار كده مش هتاخر
_وانا
_وانتى أي
_اخاف اقعد هنا لوحدي
_مش هتاخر
_طب خدنى معاك
ثم كملت بعياط: مراد انا مقدرش اقعد هنا لوحدي
مراد مسح دموعها وقال: خلاص أهدي متخافيش
نغم حضنته وقالت: يعنى مش هتمشي
_بشرط
نغم بصت في عيونه وقالت: شرط اي
_نلعب لعبه كده
_لعبه اي (قالت كده باستغراب)
_الصراحه لعبه الصراحه
نغم ابتسمت وقالت في سرها: ده فرصتي عشان أعرف اذا كنت بتحبنى ولا لا
مراد بتفكير: اللعبه ده هتعرفنى إذا كنتى بتحبينى ولا لا
_طب هروح أعمل حاجه اكلها اصلا جعانه اوى مش هتاخر
مراد هز رأسه وقال: ماشي
في قصر عائله السيوفي
حور طلعت من الحمام وحرفيا كانت شبه الحوريات
لفت شعرها وثبتتوا بدبوس
وقتها غسان دخل ووقف عند الباب وقال: قمرين في نفس الوقت
حور التفت ليا وقالت باستغراب: قمرين
غسان بدأ يمشي اتجاه حور وقال: قمر في السما وقمر قدامى
_قدامك
غسان وصل عندها وقال: اه قدامى
حور بصت لتحت وقالت بكسوف: شكرا
_مش انتى
حور رفعت عينها لمستوي تلك المغرور وقالت: امال مين
غسان لف حور ناحيه المرايه ووقف وراها وقال: البنت ده
حور ابتسمت وقالت: اه
غسان شال الدبوس لينفرد شعر حور على ضهرها
_كده احلى بكتير
_اممم
غسان ضمها من الخلف وقال: اممم اي
حور التفت ليا وحضنته وقالت: بحبك
غسان حط ايدو على شعرها وقال: وانا بعشقك
حور بعدت عنه وقالت: احنا كده هنتاخر
غسان فتح الدولاب وحور طلعت ليا بدله وقالت: ده هتبقا حلوه اوى عليك
غسان بغرور: انا حلو من غير حاجه
_غرور
_حاجه شبه كده
حور رمت البدله على السرير وقال: متتاخرش
_انتى زعلتى ولا اي
_وانا هزعل ليه
_مش عارف
حور قعدت على الكنبه وقالت: يلا
غسان خد البدله وقال: طب ما تيجى تساعدينى واهو اخلص عالطول
_ههه خفيف ثم كملت بعصبية: غسااااان
_طب خلاص أهدي عشر دقائق وهطلع
حور خدت نفس عميق وقالت: ماشي
غسان دخل الحمام وحور فضلت منتظره
بعد شويه
حور قامت وقالت: غسان كده كتير أوى وبتقولوا الستات بتتاخر بس طلع العكس
غسان طلع وقال: أهدي يا هبله
حور عدلت لغسان اللياجه بتاعت القميص وقالت: مش يلا
غسان وقف قدام المرايه ورش البرفان الخاص بيا
_انا عايزه منه
_ده رجالى يا حلوه وبعدين مينفعش تحطى برفان
حور بضيق: اه فعلا
غسان حط ازازه البرفان على السراحه وقال: يلا
_العروسه برا منتظره حضرتك
_بجد
حور اتعصبت اوى وخدت بعضها وطلعت
غسان ابتسم على جنانها وطلع أيضا
في الطريق
_غسان انا مش شايفه حاجه
_اهدي يا قلب غسان
_فاضل كتير
_شويه كده
حور بعصبية: بقالك قد اي بتقولى فاضل شويه
غسان داس فرامل وحور قالت: في اي
غسان نزل وفتح الباب لحور وقال: وصلنا
_اقلع البتاع ده يعنى
غسان هز رأسه وقال: لا مش دلوقتى
_امال امتى
غسان مسك أيدها وحور قالت: غسان انا خايفه اوى
_انتى مش واثقه فيا ولا اي
_انا بوثق فيك اكتر من نفسي
_طب بلاش تقولى انا خايفه
_طيب
غسان وقف وقال بغباء: اي رايك
_رايي في اي انا مش شايفه حاجه
_اوبس نسيت
غسان شال لحور الغطا اللى كان محطوط على عينها وقال: اي رايك
حور بصدمه: ينهار اسود اي ده
.
.
