غرور وكبرياء عاشق ج٤ نور حسن

يتبع

بقلم / نور حسنالحلقة 29
الحلقة 30
.
.
رواية / غرور وكبرياء عاشق

بقلم / نور حسن

🔴🔴🔴🔴🔴🔴🔴🔴🔴🔴🔴🔴🔴🔵
الحلقة 29
.
على فكره اي بنت بتحلم تنام في حضنى اشكرينى بقا
(قالها بكل غرور وكبرياء)
حور بغيره: وانا مش من البنات ده
غسان رجع شعرها لوراء وقال: انتى ليكى مكان خاص عندي
يا روحى
حين قال روحى مشاعر حور اتلغبطت ومكنتش عارفه تقول أي وغسان غمض عيونه وحور كانت حاسه أنها في حلم معقول المغرور اعترف ليها بحبه واخدها في حضنه وقالها روحى اكيدا ده حلم
(هذا كان تفكير حور ولكن الحقيقة أنه واقع لن يتخيلوا أحد فكان غرور وكبرياء غسان اكبر من الحب نفسه)
.
عشقت حلمى وهدفي
حور كانت نايمه في حضن غسان ومقدرتش تغمض عينها خالص وكانت بتحاول تصدق اللى بيحصل وخايفه تكون في حلم
في فيلا مراد الألفي
نغم نزلت وسمعت مراد بيكلم نفسه
وقفت عند الباب وقالت: الواد شكله اتجن خلاص
نغم دخلت وقالت: احم بتكلم مين
_ولا مين تعالى
نغم قعدت على الكرسي وقالت: جاهز
مراد خد نفس عميق وقال: ركزي معايا مش عايزك تسرحى خالص تمام
نغم هزت رأسها وقالت: تمام
مراد فتح الكتاب ونغم كتمت ضحكتها ومراد بص ليها وقال: اضحكى يا نغم اضحكى
_اسفه والله
مراد خد نفس عميق وقال: يلا
نغم خدت نفس عميق أيضا وقالت: يلا
مراد بدأ يشرح لنغم اللى راحت لعالم آخر غير العالم اللى عايشين فيا
حطت أيدها على خدها وقالت في سرها: معقول يحبنى
نعم نغم لم تتأكد من حب مراد ليها لحد دلوقتى رغم اللى قالوا فهى تريد أن تسمع منه تلك الكلمه حتى يطمن قلبها
_نغم نغم
هزت رأسها وقالت: نعم
مراد قفل الكتاب وقال: سرحانه في اي
نغم بلامبالاه: فيك
وقتها مراد فرح أوى وقال بجمود عكس ما بداخله: فيا
نغم بارتباك: اقصد سرحانه معاك يعنى مركزه معاك وانت بتشرح (نغم حست بارتباك ومكنتش عارفه تقول اي )
_خلاص خلاص أهدي
نغم بصت لتحت وبدأت تتنفس ومراد حس بإرهاق شديد وقال: ركزي معايا
نغم حطت أيدها على أيد مراد وقالت: روح نام
_مش عايز انام
_بلاش كدب باين عليك الإرهاق
_وانتى مش هتنامى
نغم قامت وقالت: انام ازاى انا لسه صاحيه
مراد حط الكتاب عندها وقال: الكتاب معاكى والقلم اهو شوفي النقاط اللى مش فاهمه وقوليها لبدر بكره
نغم فضلت ساكته ومراد أدرك انها خايفه تقعد لوحدها
_طب انا عندي حل
_حل اي
مراد خد الكتب ومسك ايد نغم وطلعوا فوق
_هتعمل اي
حط الكتب على الكومدينو وجاب كرسي وقال: تقدري تذاكري كده
نغم ابتسمت وقالت: تمام
_تصبحي على خير
_وانت من أهل الخير
نغم قعدت على الكرسي ومراد نام على السرير
نغم كل شويه تبص لمراد
_مراد
فتح عنيه وقال: امممم
نغم قامت وقعدت على طرف السرير وقالت: اي العلاقه اللى بينك وبين مريم
مراد بص في الساعه وقال: الساعه واحده يا نغم اي السوال الغريب ده
نغم بصت لتحت وقالت: اصلا شوفت حب في عينها ليك وشوفت حب في عنيك ليها
مراد انعدل وقال: فعلا
نغم زعلت أوى وقالت بدموع مكتومه: فعلا اي
مراد بص لتحت وقال: حبيت مريم اوى وكنت مستعد اضحي بنفسي عشانها
مع كل كلمه بيقولها مراد نغم بتحس بلهيب جواها
_عرضت عليها الجواز ورفضت
نغم ضمت حواجبها وقالت باستغراب: رفضت
هز رأسه وقال: كنت لعبه بالنسبه ليها عشان توصل كل اخبار الشركه لاخوها (سامر)
_بس هي بتحبك انا شوفت في عينها حب كبير أوى وانت كمان بتحبها لأن اول ما جبت اسمها ابتسمت لوحدك وعيونك لمعت
_انتى شايفه كده
نغم بابتسامه عكس ما بداخلها: اه شايفه كده
_كنت بحبها بس دلوقتى لا عارفه ليه
نغم بفضول: ليه
_عشان في واحده خطفت قلبي
_عالطول كده
_عالطول اي
_يعنى بتقدر تحب عالطول وبتقدر تنسي عالطول
_قدرت انسي مريم بمساعده البنت إللى حبيتها أوى
_طب تمام انا هكمل مذاكره واسفه انى ازعاجتك
مراد مسك أيد نغم وقال بفضول: ممكن أعرف ليه الاسئله ده
_فضول مش اكتر
مراد بعدم تصديق (اي شك): قولتى فضول
نغم هزت رأسها وقالت: اه فضول امال انت فاكر اي
مراد هز رأسه أيضا وقال: ولا حاجه تصبحي على خير
نغم ابتسمت وقالت: وانت من أهل الخير
نغم قامت وراحت عند البلكونه وقعدت تفكر وتقول: يا تري مين البنت اللى حبها
_انا معرفش الا مريم يا تري مين دخلت حياه مراد ويا تري كانت في حياته قبلى ولا ظهرت بعدي
نغم تعبت من كتر التفكير وقالت: بلاش تحلمى كتير مستحيل يحبك ولا يفكر فيكى بالطريقه اللى انتى رسمها
في صباح اليوم التالى
نغم فاقت من النوم وبصت حواليها مالقتش مراد
_مراد مراد
طلع من الحمام وكان لابس بدله سوده
وقف قدام المرايه ورش البرفان الخاص بيا وقال: هاتى رقم اختك
نغم قامت وقالت: رايح فين
_مشوار كده وبعدها هروح الشركه
نغم بدأت تشك وقالت: مشوار
مراد التفت ليها وقال: نغم انا مستعجل هاتى رقم اختك
نغم مسكت تليفونها وقالت: روح انت انا هرن عليها
مراد حط ايدو على خدها وقال بابتسامه: تمام
مراد مشي ونغم قعدت على طرف السرير وقالت: نغم اهدي وبلاش تهتمى بأي حاجه
مراد نزل تحت وقال: راضي راضي
_نعم يا بيه
مراد حط ايدو على كتفه وقال: أخبارك اي دلوقتى
ابتسم وقال: بخير يا بيه
_طب اسمع انا هتاخر النهارده مش عايز اللى حصل يتكرر تانى يا راضي
هز رأسه وقال: متقلقش يا بيه
مراد ابتسم وقال: بدر هيجى في اي وقت تكون معاهم أوعك تسيب نغم معا لوحدها
هز رأسه وقال: أوامرك يا بيه
مراد ركب العربيه ومشي
في قصر عائله السيوفي وتحديداً في غرفه غسان
غسان فتح عيونه وقال: صباح الخير
حور بابتسامه: صباح النور
_شكلك منمتيش
حور هزت رأسها وقالت: مش مصدقه اللى بيحصل
_واعمل اي عشان تصدقي
_ولا حاجه
غسان باس حور من خدها وقام ليفتح الدولاب ويطلع بدله سوده وقميص ابيض ويدخل الحمام
بعد شويه غسان طلع ومالقاش حور
_حور حور
غسان لقي الدولاب مفتوح وهدوم حور على الأرض غير تليفونها اللى كان على السرير
غسان نزل تحت وقال: رهف
_نعم
_حور فين
رهف هزت رأسها وقالت: معرفش
عفاف بابتسامه: صباح الخير
غسان وهو بصص حواليا: صباح النور
عفاف راحت عنده وقالت: مالك يا حبيبي
غسان بصلها وقال: مفيش انا لازم اروح الشغل عن اذنك
_طب مش هتفطر
_هفطر في الشركه عن اذنك
عفاف باستغراب: اول مره اشوف ابنى مرتبك كده
غسان طلع برا وقال: ابراهيم
_نعم يا بيه
_حور طلعت من هنا
هز رأسه وقال: ايوه يا بيه وقولتلها رايحه فين يا مدام مردتش عليا وطلعت عالطول
وقتها غسان اتعصب أوى وقال: تانى يا حور شكلك بتحبي قسوتى تمام
ركب العربيه ومشي
بعد مرور ربع ساعه وتحديدا في فيلا مراد الألفي
حور نزلت من العربيه ودخلت عالطول
_نغم نغم
نغم نزلت عالطول وقالت: حور
حور وقفت مكانها وخدت نفس عميق وقالت: الحمدلله أنك بخير
نغم راحت عندها وقالت: طب اسمعينى للآخر
حور خدتها في حضنها وقالت: معرفتش أعمل اي لما قولتى ان في حد حاول يتعرضلك
_حاول يا حور يعنى محصلش
حور بعدت عنها وحطت أيدها على خدها وقالت: انتى بخير عمل فيكى حاجه
نغم هزت رأسها وقالت: متخافيش يا ماما انا بخير
حور حضنتها تانى وقالت: الحمدلله انا خفت عليكى أوى لدرجه انى طلعت من غير ما اقول لحد
_ليه يا حور
_مش عارفه يا نغم حسيت بتوتر غير الخوف إللى سيطر عليا لما قولتى كده
_طب رنى على حد وقوليلوا
_رميت التليفون على السرير لما قولتى كده وجريت عالطول
نغم مسكت ايد حور وحطت في أيدها تليفونها وقالت: طب رنى على حد وقوليلوا مش عايزه حد يتخانق معاكى بسببي
حور بابتسامه: ماشي
_هروح اعمل الفطار اكيدا مفطرتيش مش هتاخر
حور هزت رأسها ونغم دخلت المطبخ وحور سجلت رقم غسان ولاقته محظور
وقتها حور افتكرت لما غسان رن وفكرته واحد بيعاكس وحطتوا على الرفض وقتها
حور رفعت الرقم من قائمه الحظر ورنت على غسان
في الطريق
كان سايق العربيه باقصي سرعه وكان متعصب أوى وقال: مش اول مره تعمل كده مش معنى انى بحبها تعمل كده تبقا غلطانه
قاطع تلك اللحظه العصيبه رنت تليفونه
غسان قفل التليفون من غير ما يشوف مين اللى رن
حور خافت أوى ونغم بصوت عالى: حور حور
راحت عندها وقالت بابتسامه عكس الخوف اللى بداخلها: نغم انا لازم أمشي
نغم راحت عند حور وقالت بحزن: انتى لسه واصله
_بس
نغم حضنتها وقالت: عشان خاطري يا حور خليكى معايا شويه
حور بعدت عنها وقالت بابتسامه: حاضر
نغم فرحت أوى وقالت: انا بحبك اوى يا روحى
حين قالت نغم روحى حور افتكرت غسان لما قالها كده والابتسامه اترسمت على وشها
نغم حطت كوع ايدها على كتف حور وقالت بغمزه: بتفكر في مين يا جميل
حور هزت رأسها وقالت بتهرب: ولا حاجه
نغم قعدت على الكرسي وقالت: عليا الكلام ده يا حور
حور قعدت على الكرسي أيضا وقالت: عملتى اي
نغم مسكت الشوكه وقالت: مش هتاكلى الا لما أعرف مين اللى خدك منى
_خدنى منك
نغم هزت رأسها وقالت: اه خدك مني انتى مبقتيش تهتمى بيا زي الأول يا حور
_مين قال كده
_اه مش بترنى عليا ولا بتسالى عليا
حور ابتسمت وفجاه جرس الباب رن
نغم قامت وقالت: اكيدا ده بدر
حور ضمت حواجبها وقالت: مين ده
نغم وهي ماشيه: ده الاستاذ بتاعى اصلا الامتحانات بعد يومين
نغم فتحت الباب وقالت: اتفضل يا مستر
_اخبارك اي
نغم بابتسامه: الحمدلله بخير
_اتفضل
دخل ونغم قالت: خليك انت عند البوابه يا عمى راضي اختى هنا متقلقش
هز رأسه وقال: تمام يا مدام
حور قامت وقالت: استاذ بدر
_انا كمان اتفاجات زيك بالظبط مكنتش اعرف انه استاذ بدر بتاع سنه تانيه
بدر مد ايدو وقال: أخبارك اي يا حور
حور مدت أيدها أيضا وقالت: الحمدلله بخير وانت أخبارك اي
بدر شاف الدبله في ايد حور الشمال وقال: انتى اتجوزتى
حور بصت لنغم اللى قالت: اتجوزت من شهر كده
_اممم الف مبروك
_الله يبارك في حضرتك
_اتفضل يا مستر
بدر دخل المكتب وحور مسكت نغم من دراعها وقالت: انا عايزه افهم ازاى بتقعدي انتي وهو لوحدكم
_عمى راضي بيقعد معانا بس بم انك هنا قولت لعمى راضي اختى هنا ومالوش لازوم تقعد معانا
حور خدت نفس عميق وقالت: طب اتفضلى قدامى
نغم ابتسمت وقالت: حاضر يا سيدي
في السجن
مراد نزل من العربيه وقال: فين الظابط وليد
_في المكتب بتاعه يا بيه
مراد دخل جوا وقال: عايز اشوف الحيوان
وليد قام وقال: اتفضل يا مراد
مراد حط ايدو على المكتب وقال بصوت يشبه صوت الافاعى: انا مش جاي اقعد انا عايز اشوف الحيوان
وليد بلع ريقه وقال: جابر جابر
_نعم يا بيه
_هات فتحى من جوا
مراد قعد على الكرسي وحط رجل على رجل والظابط وليد كان متنرفز منه اوى
فتحى طلع ومراد اول ما شافوا قام وراح عنده وقال: اخبارك اي يا حلو
بلع ريقه من شده الخوف وقال: انا اسف يا بيه
مراد ابتسم وقال: متخافش انا مش جاي اضربك انا جاي اتفق معاك على اتفاق حلو كده
فتحى بارتباك: إتفاق اي
مراد حط ايدو على كتف فتحى (اللى حاول يتعرض لنغم )
_لو قولت مين اللى وراك بوعدك هتطلع من هنا فوراً
فتحى بتهرب: محدش ورايا انت ليه مش مصدق
_انت عايز تفهمنى انك دخلت الفيلا بتاعتى عشان تتهجم على مراتى
فتحى:___________
مراد بدأ يتعصب وقال: هتقول ولا تحب استخدم معاك العنف
_انا قولت اللى عندي
مراد ضربه بالبوكس في وشه مما جعل فمه ينزف دم
حط ايدو على فمه وقال: شايف يا باشا سجل عندك بقا
مراد مسك وشه بايدو وقال: كلامك معايا انا يا روح امك
وليد قام وقال: مراد مينفعش كده انت مش في الشارع انت في السجن
مراد رفع ايدو في وش الظابط وقال: خليك في حالك ويا ريت متدخلش
وليد اتعصب أوى وقال بعصبية: انت في السجن يا حلو ويا ريت تحترم نفسك وانت بتتكلم معايا
الكل بصوا لبعض وكانوا في حاله صدمه انه ازاى يتكلم مع مراد الألفي كده
_قولت اي
وليد حط ايدو في جيبه وقال بثقه: قولت اللى سمعتوا وبعد كده تحترم نفسك لما تتكلم معايا
مراد ابتسم وطلع التليفون وقال: ثانيه واحده
بعد شويه
_اتفضل
وليد مسك التليفون والخوف سيطر عليا وقال بصوت مقطع: الوو
:_________
رفع ايدو على رأسه
(حركه الظباط لما يشوفوا الرئيس بتاعهم)
هز رأسه وقال بتوسل: أنا اسف يا بيه بوعدك الخطأ ده مش هيتكرر تانى
_لو اتكرر صدقنى٠٠٠٠
قاطعه وقال: من غير ما تكمل يا بيه مش هيحصل كده تانى
هز رأسه وقال: ادينى مراد
_اتفضل يا مراد بيه (قالها وهو خايف أوى)
مراد خد منه التليفون وقال: عذبتك معايا
_مفيش عذاب ولا حاجه يا مراد وبعدين انت حفيد الغالى
_شكرا اوى
مراد قفل التليفون ووليد بص لتحت وقال: انا اسف يا مراد بيه
مراد زقه وبص لفتحى وقال: هرجعلك
فتحى بص لتحت وبلع ريقه من شده الخوف
مراد طلع وركب عربيته ومشي
في الطريق
مراد كان سايق العربيه ومكنش واخد باله أوى من الطريق
_اكيدا مريم وراء اللى حصل
مراد داس فرامل عالطول لما شاف واحده عجوزه معديه
مراد نزل من العربيه وقال: انتى بخير يا امى
حطت أيدها على خد مراد وقالت بابتسامه: بخير يا ابنى
مراد مسك أيدها وقال: بلاش تمشي على الطريق كده
_حاضر يا ابنى
مريم شافت مراد وقالت: شكله الحظ معايا النهارده
مريم بتفكير: انزل ازاى دلوقتى
البودي جارد: اطلع يا آنسه
مريم فتحت باب العربيه وقالت: ثانيه واحده
_على فين يا آنسه
مريم نزلت وقالت: مش هتاخر أوعك تنزل
مريم طلعت تجري والبودي جارد نزل وقال: استنى يا انسه
مراد ركب العربيه وشغلها وكان رايح يمشي لقي اللى فتح الباب وركب
_مريم
_عايزه اتكلم معاك ممكن
مراد نزل من العربيه ومريم نزلت وراء وقالت: مراد انا موافقه على شرطك
مراد بص ليها وقال باستغراب: اي اللى اتغير خلال اليومين دول
مريم مسكت ايدو وقالت: مراد انا بحبك
مراد ابتسم وقال: اتاخرتى اوى يا مريم اتاخرتى اوى
مريم هزت راسها وقالت: لا متاخرتش يا مراد
_انا اتجوزت خلاص
_مش انت اتجوزتها عشان وعدك ليا
مراد هز رأسه ومريم قالت: وانا سبت خطيبي
_تؤ تؤ مش انتى اللى سبتى هو اللى سابك انتى ناسيه ولا اي
_مش مهم مين اللى ساب مين المهم انا عايزاك ومستعده أراقب اخويا عشانك
_عايز ضمان على كلامك ده
_نتجوز يا مراد اعتقد مفيش اكبر من كده ضمان
_بس انا مش بحبك يا مريم
_كداب انت بتحبينى فاكر ولا افكرك
_ده زمان يا مريم إنما دلوقتى انا بحب واحده تانيه
مريم بعصبية: نغم صح
مراد هز رأسه وقال: كنت مفكرك غبيه بس طلعتى ذكيه اهو
_مراد انا مش بهزر انت فعلا بتحب نغم ولا بتقول كده عشان تعاقبنى على اللى عملتوا معاك
_لا بحبها فعلا يا مريم
ملامح مريم ساعتها اتغيرت وقالت: حبيتها امتى يا مراد
مراد وهو بيفتكر: اول ما شوفتها خطفت قلبي يا مريم
مريم مسكت في لياجته وقالت بغضب: حبيت فيها اي ده ولا حلوه ولا استايل ولا من مقامك
_اصلها محترمه مش بتاعت اللبس الضيق والقصير زي ناس كده أعرفهم
_بتلمح ليا صح يا مراد
_ممكن
مريم قعدت تعياط وقالت: مراد متعملش كده انا بحبك ومقدرش اعيش من غيرك
مراد بعصبية: ولما عرضت عليكى الجواز رفضتى ليه يا مريم
بصت لتحت وقالت: كنت غبيه يا مراد ايوه كنت غبيه
مراد لبس النظاره وقال: اخدتى من وقتى كتير عن اذنك
_مراد استنى مراد
مراد قبل ما يركب العربيه قال بتهديد: لو عرفت انك السبب في اللى حصل لنغم هدفعك التمن غالى اوى
مريم مسحت دموعها وقالت بارتباك: هو اي اللى حصل
_انتى عارفه كويس انا بتكلم عن أي يا حلوه يلا سلام
مراد ركب العربيه ومشي
مريم بكل عصبية: انت ليا يا مراد ونغم بالنسبه ليك فتره قصيره اوى وهتنتهى قريب أوى
بعد مرور نصف ساعه وتحديداً في شركه السيوفي والألفي
_غسان جوا
_غسان بيه متعصب أوى يا مراد بيه
مراد شاور بايدو وقال: أمشي انتى
مشت عالطول ومراد فتح الباب وقال: مالك
غسان كان قاعد على الكرسي وعاطى ضهره لمراد
مراد قعد على الكرسي وقال: غسان
غسان لف بالكرسي وقال: وصلت امتى
_يدوب لسه وأصل مالك
_مفيش
_اروي بتقول انك متعصب أوى
_صدقنى مفيش المهم مش قولت مش هتيجى دلوقتى
_وحشتنى
_محن ده
_حاجه شبه كده
وفجاه الباب انفتح ليدخل سامر الحديدي
مراد وغسان بصوا لبعض
_مين سمحلك تدخل (قالها مراد بصوت حاد جدا)
سامر قعد على الكرسي اللى قصاد الكرسي اللى قاعد عليا مراد
حط رجل على رجل وقال: هي ده الضيافه بردو يا عدوي
_نزل رجلك يا روح امك
سامر بص لمراد وقال: بلاش شغل الشوارع ده يا مراد وبعدين احنا كنا صحاب جامد أوى اي اللى حصل بس
_كنا يا سامر انما دلوقتى لا
سامر بص لغسان وقال: تعرف ان مراد كان بيكرهك اوى يا غسان وكان ناوي يدمرك واتفق معايا على كده
غسان ومراد بصوا لبعض وابتسموا
_شكلك غلبان اوى يا سامر انت متعرفش ان مراد اللى كان ناوي يدمرك بالاتفاق معايا
سامر بص لمراد اللى طلع سيجاره وبدأ يشربها
_يعنى اي
مراد بعصبية: يعنى اللى جاي عشانه مش هيحصل يا سامر
سامر قام وقال: بكره تكرهوا بعض مستحيل تدوم المحبه ده عالطول مستحيل
غسان قام ومراد أيضا وغسان قال: لا هتدوم عارف ليه
مراد بابتسامه: لأننا مش اصدقاء بس احنا اخوات يا ابن الحديدي
سامر عدل الجاكيت وقال: فرصه سعيده
غسان ومراد بصوت واحد: منعتقدش انها فرصه سعيده
سامر اتعصب اوى وخد بعضه وطلع
مراد بعصبية: حيوان
غسان قعد وقال: فكك منه
مراد قعد أيضا وقال: الاجتماع امتى
_خلص من ربع ساعه يا حلو
_يعنى هنرجع بدري النهارده
_علي الساعه ٦ كده
بدأ يمر الوقت وغسان ومراد انتهوا من عملهم وكل واحد ركب عربيته ومشي
في المساء
بعد مرور ساعه كامله
غسان دخل الاوضه على أمل يلاقي حور رجعت لكن مرجعتش
قلع الجاكيت ورمى على السرير وفك زر من القميص وكان متعصب أوى وقال: الظاهر المعامله ده متنفعش معاكى يا حور شكلك بتحبي غسان الجبروت غسان القاسي
بدأ يمر الوقت وحور مرجعتش بردو
_معقول حصلها حاجه ( قالها بكل خوف )
غسان مسك تليفونه ورن على منير اللى فتح التليفون عالطول وقال: غسان بيه اخبارك اي وحور اخبارها اي
غسان بصدمه: حور مش عندك
_تقصد اي
غسان قفل التليفون وقال بشك: طلعت من الصبح ومن غير ما تقولى ومرجعتش لحد دلوقتى معقول تكون عند الحلو
ومن هنا هيبدا الشك
.
🔴🔴🔴🔴🔴🔴🔴🔴🔴🔴🔴🔴🔵
الحلقة 30
.
#غرور_وكبرياء_عاشق
امير قاطع تفكير غسان ليدخل ويقول: اميرتي فين يا خالو
غسان بص لامير وقال: امير انا متعصب دلوقتى
امير بص لتحت وقال بحزن: طيب
غسان خد نفس عميق وقال: عايزها ليه
امير قعد جنب غسان وقال: رسمت رسمه وكنت عايز اخد رأيها والصراحه خايف متعجبهاش
_ممكن اشوفها
أمير قام وقال بفرحه: حالا
بعد شويه
امير رجع وقال: اي رايك
غسان بص على الصوره وقال: مين دول
امير شاور على كل واحد في الصوره وقال: ده اميرتى وده انت وده أنا
_اي رايك بقا
غسان ابتسم وقال: حلوه
امير بحزن: حلوه بس
_امال عايز اي
امير حط اللوحه جنب غسان وقال: طب هات ليا شوكولاته اي حاجه يا عم
غسان برفع حاجب: عم
_عشان خاطري يا خالو
غسان ابتسم وقال: حاضر يا قلب خالو
امير باس غسان من خدوا وقال: مقولتش بردو اميرتى راحت فين
غسان قام وقال: انا داخل الحمام
_وانا هروح انام عشان رايح مع تيته عند ماما
ابتسم وقال: ماشي
امير وهو طالع: أوعك تنسي الشوكولاته
_حاضر
امير طلع وغسان بص في الساعه وقال: الساعه عشره ولحد دلوقتى مرجعتش طب راحت فين
غسان قعد على الكنبه وقال بتفكير: الزفت كان عندي الصبح لو حور عنده مكنش جي طب راحت فين
غسان فاق من تفكيره وفتح الدولاب وطلع تيشيرت اسود وبنطلون ابيض ودخل الحمام
في فيلا مراد الألفي
مراد رجع وقال: نغم نغم
طلعت من المطبخ وقالت: عشر دقائق والعشا هيكون على السفره
_اختك مجاتش
نغم هزت رأسها وقالت: مشت من شويه كده
مراد بص في الساعه وقال بعصبية: انتى مجنونه يا نغم ازاى تسبيها تمشي في الوقت ده لوحدها
نغم راحت عنده وقالت: خليت عمى راضي يوصلها
مراد خد نفس عميق وقال: اسف مكنش لازم اتعصب عليكى
نغم قالت بابتسامه: ولا يهمك
ثم كملت: روح غير هدومك وانا هجهز العشا اوعك تتاخر
مراد وهو طالع على السلم: بدر جى
_اه جى وقعد اربع ساعات يشرحلى والواحد كان بينام على نفسه
مراد ابتسم وقال: انتى مش بتقولى امتحاناتك كمان يومين لازم يبذل مجهود عشان يفهمك
مراد وقف مكانه والتفت ليها وقال: نغم صحيح
_اي
_انتى بتفهمى حاجه
نغم باندفاع: اه بفهم انا مش غبيه للدرجه ده
مراد ابتسم وقال: ماشي
نغم بعصبية: وحضرتك مبتسم كده ليه
مراد حاول يكتم ضحكته وقال: افتكرت حاجه مش اكتر
نغم قبضت ايدها ومراد قال بابتسامه: مش هتاخر جهزي العشا
نغم بضيق: طيب
في قصر عائله السيوفي
غسان بعد ما غير هدومه دخل البلكونه وقعد على الكرسي ورجع رأسه لوراء
_استنى هنا
راضي وقف العربيه وحور نزلت عالطول وغسان كان مغمض عينيه ومكنش واخد باله
شغل العربيه وغسان سمع صوت العربيه وقال: مين ده
حور دخلت عالطول وقالت بدعاء: يا رب ميكنش رجع
حور طلعت فوق وفتحت الباب بكل هدوء وقالت وهي بتاخد نفسها: الحمدلله لسه مرجعش
غسان قام ودخل
حور اول ما شافته خافت اوى
قعد على طرف السرير وحور بلعت ريقها وقعدت جنبه وقالت بارتباك: غ غسان
غسان:_________
حور بدأت تخاف اكتر لأن الهدوء من تلك المغرور يليه العاصفه
حور حطت أيدها على ايد غسان وقالت: انا عارفه انى غلطانه بس
غسان قاطعها وقال: كويس انك معترفه بكده
_والله اللى حصل٠٠٠
غسان قام وقال بصوت جهوري: انا بالنسبه ليكى اي يا حور
حور قامت أيضا وقالت: الشخص اللى بحبه أوى
غسان ابتسم وقال: واضح جداً
_غسان اسمعنى الاول
_عارفه اي اكبر خطأ ارتكبته أنى اتعاملت معاكى بلطف وحب
ثم كمل: اللى زيك بيحب القسوه بيحب الجبروت
_والله رنيت عليك عشان اقولك بس انت قفلت التليفون
غسان مسك أيدها جامد اوى لدرجه حور بدأت تتألم وقال بحده: روحتى فين يا حور
حور مكنتش قادره تتكلم وقالت بصوت مقطع: كنت كنت
غسان زقها وقال:طب الحلو وكان عندي في الشركه وابوكى رنيت عليا وسالتوا قالى حور عامله اي
حور بصت لتحت وغسان رفع راسها لفوق وقال: لا ركزي معايا كده اصلا الشك وصل عندي لأبعد الحدود
_انت بتوثق فيا ؟
_متغيريش الموضوع وردي على قد السوال كنتى فين
حور هزت رأسها وقالت: انا مغيرتش الموضوع يا غسان وعايزه اجابه انت بتوثق فيا
غسان خد نفس عميق وقال: وازاى اكون بحبك ومش بوثق فيكى
_خلاص عايز اي
غسان بدأ يتعصب وقال: هو اي اللى عايز اي كنتى فين كل ده
_مش حضرتك لسه قايل انك بتوثق فيا ليه السوال ده
غسان ضغط على أيدها وقال بصوت يشبه صوت فحيح الافاعى: بلاش تختباري صبري يا حور
حور زقته وقالت بعياط: كنت عند اختى في واحد حاول يتعرضلها عملت ج*ريمه يعنى لما روحت اطمن عليها صحيح غلطت لما طلعت من غير ما اقول لحد
ثم كملت: ساعتها عقلى وقف عن التفكير
_دقيقه ازاى كنتى عند اختك ولما رنيت على والدك قالي حور عامله اي
_نغم اتجوزت
غسان باستغراب: اتجوزت
حور بضيق: تصبح على خير
غسان مسك أيدها وقال: طب أهدي مكنتش اعرف ان اختك متجوزه
ثم كمل بعصبية: بس حضرتك غلطانه كان لازم تستنى لحد ما اطلع من الحمام وتقوليلى
_ما قولت عقلى وقف عن التفكير
_وانتى من أهل الخير
حور اتعصبت منه اوى وكانت مفكره انى هيصالحها بس ازاى غروره وكبرياؤه ميسمحوش بكده
غسان نام على السرير وقال بحده: على الأرض
حور بعصبية: من غير ما تقول
خدت البطانيه ولكن غسان شد البطانيه وقال: زي الأول نامى زي الاول
حور اتغاظت اوى وقعدت على الأرض فعلا وغسان غمض عنيه ومكنش عارف ينام
الجو بدأ يتغير ليصدر صوت برق ورعد مع رياح قويه جدا عملت على فتح الشبابيك
غسان وحور قاموا عالطول
غسان قفل الشباك عالطول والملفات الموجوده على الكومدينو كلها وقعت على الأرض نتيجه الرياح القويه
حور بدات تلم الورق وغسان خد نفس عميق وحاس بالذنب اتجاها
حور لمت كل الورق وحطتهم في الدرج
غسان راح عندها وقال: بقولك
حور مردتش عليا وكانت رايحه تنام الا ان غسان مسك أيدها وقال: خلى عندك زوق شويه وبعدين انا بكلمك يعنى تردي عليا لأنك عارفه انى بكره التجاهل اوى
_خير
غسان ضربها على رأسها وقال: بلاش دور البريئه ده مش لايق عليكى
حور نفخت وغسان قبض ايدو
تلك القبضه جعلت حور تخاف اوى
غسان حاول يبقا هادي وحط ايدو على خدها وقال: عايزانى طيب وحنين معاكى عالطول بلاش عصياني يا حور انتى لسه متعرفيش غسان السيوفي
_غرورك بيمنعك تعتذر يعنى
_واعتذر ليه وبعدين المفروض انتى اللى تعتذري مش أنا يمكن اتعصبت عليكى بس حقي خصوصاً لما تخالفي قواعدي
_مش ملاحظ انك بتبالغ أوى
غسان ضم حواجبه وقال بعدم فهم: ببالغ
حور هزت رأسها وقالت: حتى كلمه اسف مش قادر تقولها
_لا قولتها وهقولها تانى انا اسف يا حور
_تمام
غسان مسك أيدها وقال: هو اي اللى تمام
حور بصت على أيده وقالت: ما انت اعتذرت وانا بقولك تمام يعنى اعتذارك مقبول
_والله
_اه والله
_طب تمام تصبحي على خير
حور بابتسامه صفره: وانت من أهل الخير
غسان اتعصب أوى وكان طالع من الاوضه الا أن حور أوقفته
_رايح فين
غسان بكل برود أعصاب: هنزل اقعد شويه في الجنينه
حور راحت عنده وقالت: انت مش شايف الجو عامل ازاى
_وحضرتك خايفه عليا
حور بتوتر: واخاف عليك ليه
_عندك حق (قالها وهو ضاغط على سنانه)
طلع ورزع الباب وراء مما جعل حور تنخض
في فيلا مراد الألفي
مراد نزل ونغم بغضب: والله فكرتك نمت
مراد قعد على الكرسي وقال: الهوا كان عالى اوى كنت بتأكد ان كل حاجه مقفوله
نغم قعدت على الكرسي أيضا وقالت: عايزه اروح المدرسه
مراد بصلها وقال: مش الامتحان لسه بعد بكره
_عايزه أسأل على المواعيد غير الجدول
_طب ما ترنى على اي حد من صحابك أو اسالى بدر لما يجى
_معنديش صحاب
مراد باستغراب: معندكيش صحاب
نغم هزت رأسها وقالت: كلهم مصالح
_ناكل الاول ونتكلم في الموضوع ده بعدين
وفجاه صدر سوال من نغم غريب ليس غريب ولكن مفاجا
_هو انت هتتجوز البنت اللى بتحبها بعد ما انا وانت نتطلق
مراد كان رايح يحط الشوكه في بوقه ولكن نزلها عالطول وقال: نغم انتى مش ملاحظه انك غريبه اوى اليومين دول
_عايزه أجابه لسوالى يا مراد
_اه يا نغم هعيش معاها مدي الحياة
نغم بدموع مكتومه: طب طب انا عايزه أشوفها
مراد حط ايدو على خده وقال: اشمعنا
نغم بتحاول تتهرب: عادي
_لا مش عادي وفي سبب لسوالك ده
_والسبب ده هيهمك أوى
_طبعا
نغم قامت وقالت: طب أسمع انا بحبك وبموت فيك ومقدرش اشوفك مع واحده تانيه
مراد قام وقال: اي الكلام اللى بتقولى ده انتى عارفه انى بحب واحده تانيه ومستعد اتجوزها واعيش حياتي كلها معاها
مراد بصوت عالى: نغم نغم سرحانه في اي
نغم هزت رأسها وقالت: معاك كنت بتقول اي
_ولا حاجه
نغم قعدت تفكر وقالت: لا مش هقوله ممكن يكسر بخاطري
مراد بصلها وقال في سره: قوليها يا نغم نفسي أسمعها بقا
نغم زقت الكرسي برجلها وقالت: تصبح على خير
مراد بص في الساعه وقال: بدري كده
نغم طلعت من غير ما ترد على مراد اللى قال باستغراب: معقول زعلت من كلامى
ثم كمل: أصلها غبيه لو بتفكر شويه كانت عرفت انى بحبها هي
نغم فتحت الباب وقعدت على الكنبه وقالت:مش وقته خالص يا نغم مش وقت التفكير ده لازم تذاكري عشان الامتحانات اللى داخله ده
نغم مسحت وشها بايدها وقعدت على الكرسي وفتحت الكتاب ومكنتش عارفه تذاكر بسبب التفكير اللى كان مسيطر عليها
بعد شويه
مراد دخل ولقي نغم قاعده على الكرسي وحاطه دماغها على الكومدينو ونايمه
مراد ابتسم وحملها بين أيديه وحطها على السرير بكل هدوء وقال: امتى تكونى ملكى يا هبله
نغم فتحت عينها وقالت بعصبية: أنا مش هبله
مراد بنرفزه: يعنى سمعتى كلمه هبله ومسمعتيش الكلمه التانيه
نغم انعدلت وقالت بغباء: قولت اي تانى
مراد قعد جنبها وحط ايدو على كتفها وقال: مقولتش حاجه متخافيش
نغم شالت ايد مراد وقالت: وبعدين انا كنت قاعده على الكرسي جيت على السرير ازاى
مراد خد نفس عميق وخد مخده ونام على الكنبه
نغم قامت وقالت: ده سريرك مش سريري
_لا انا هنام هنا
نغم شدت البطانيه من عليا وقالت: لو سمحت قوم نام على سريرك
مراد انعدل ليقعد على الكنبه وقال: انتى هبله
نغم سكتت ومراد شدها ليا لتقع على رجله
_انتى متاكده ان هيكون عندك ١٨ سنه قريب
نغم هزت رأسها وقالت: اه متاكده وعيد ميلادي كمان أسبوعين
_صحيح بتكبري بس عقل مفيش
نغم بصتله بنظرات حاده جدا وقالت: ما انت كمان اهبل ولايق عليا اوى
(قالتها من غير تفكير لدرجه مخدتش بالها من اللى قالتوا)
مراد رجع شعرها لوراء وقال: اول مره تقولى حاجه صح
نغم بصوت مقطع: ح حاجه اي
_اننا لايقين على بعض
نغم هزت رأسها وقالت: لا مش لايقين على بعض انت لايق على الحلوه اللى بتحبها
مراد كتم ضحكته وقال: فعلا
_مردتش لما قولتلك عايزه اشوفها
_قولتى عيد ميلادك امتى
_كمان أسبوعين كده اول الاسبوع التانى يعنى
_خلاص هقولك عليها يوم عيد ميلادك
_وعايزه أشوفها (قالتها وهي غيرانه اوى )
مراد هز رأسه وقال: حاضر
نغم قامت من على رجله وقالت: يا رب تكون حلوه مش زيك
مراد برفع حاجب: زي
_يعنى متكنش بتاعت رجاله زي ما حضرتك بتاع بنات
مراد شاور على نفسه وقال: انا بتاع بنات يا نغم
_اه بتاع بنات
مراد بلامبالاه: لا انا بتاعك انتى بس
لحظه صمت عمت المكان ولا يوجد الا صوت نبضات قلب نغم اللى كان صوته عالى جدا
_قولت اي
مراد قام وقال: اقصد انا بتاع البنت اللى بحبها
_لا انت قولت عليا
نغم هزت رأسها وقالت: اه صح وانت هتقول عليا ليه أنا لعبه في ايدك مش اكتر
(نغم قالت كده لأنها خايفه تقع بلسانها وتقول إنها بتحبه)
_اممم تصبحى على خير
نغم نامت على الكنبه وغطت نفسها بالبطانيه وقالت من تحت البطانيه: اعمل اي في قلبي لازم أكون اقوي من كده قدامه
مراد نام على السرير وحط ايدو وراء رقبته وقال في سره: انا متاكد انك بتحبينى يا نغم بس عايز اسمعها منك
في قصر عائله السيوفي
غسان كان قاعد في الصاله وفجاه الباب خبط جامد أوى
حور كانت نازله على السلم وقالت باستغراب: مين ده
غسان بصلها وقال: هروح اشوف مين
حور نزلت لتوصل عند غسان وتقول: ممكن يكون حرامى بلاش تروح
غسان بكل غرور: انا غسان السيوفي أخاف من حرامى
حور بدات تتعصب من كبريائه الزايد عن حده اوى
غسان فتح الباب لتترمى واحده في حضنه
حور برقت وغسان حاول يبعدها عنه لكن معرفش وقال: يا انسه
البنت مسكت هدوم غسان جامد اوى وقالت: ساعدنى الله يخليك العربيه اتعطلت والجو بارد اوى برا
غسان زقها وقال بعصبية: شغل القرف ده مش بحبه
حور بانتهاد: غسان
البنت بابتسامه: غسان السيوفي
غسان خد نفس عميق والبنت مسكت أيدوا وقالت: انت غسان السيوفي فتى احلام كل البنات انا انا بحبك اوى
حور غارت اوى وراحت عندهم وشدت غسان وقالت: مراته اكون مراته
البنت بصت لحور من تحت لفوق وقالت: زوقك بيئه اوى يا غسان
غسان بص لحور وقال: بجد
حور ضربت غسان على صدره وقالت وهي ضاغطه على سنانها: دمك خفيف
غسان حط ايدو على خصرها وقال بهمس: غيرانه
حور بارتباك: واغار عليك ليه ان شاء الله
غسان بتحدي: تمام
غسان زق حور اللى مسكت نفسها قبل ما تقع
_قولتى اي
البنت بدلع: قولت انى بحبك اوى يا فتى احلامى
حور حاولت تبقا عاديه جدآ
_وانا كمان بحبك
حور عينها اتسعت والبنت بصت ليها وقالت: مش ده مراتك
غسان بص لحور وقال: ده واحده اتجوزتها لمده ست شهور بس ولما يخلصوا هرميها
البنت بفرحه: بجد
غسان هز رأسه وقال: بجد
حور ابتسمت ابتسامه تحمل الغضب
_انتى دخلتى ازاى
_من حسن حظى لقيت البوابه مفتوحه
_اكيدا ابراهيم نسي يقفلها
البنت وهى ماسكه ايد غسان: عربيتى اتعطلت ممكن توصلنى لو مش هضايقك
_طبعا
حور بعصبية: انت مجنون ولا اي
غسان باستغراب: نعم
حور بابتسامه: اقصد الجو بارد اوى برا ومش هتعرف تسوق في الجو ده
ثم كملت: ممكن تنامى الليله هنا وبكره تمشي
(قالتها وهي ضاغطه على سنانها)
البنت حضنت حور وقالت: شكرا أوى
حور بصت لغسان اللى قال: هروح اقفل البوابه وهاجى
حور بغيظ: ما تروح وانا مالى
البنت بعدت عن حور ومسكت غسان من دراعه وقالت: الشنطه بتاعتى في العربيه ممكن تجيبها معاك
غسان هز رأسه وطلع
حور بفضول: انتى تعرفي غسان منين
_هو محدش ميعرفش مين غسان السيوفي
_لا محدش يعرفه اصلوا مش ممثل ولا مطرب ولا رئيس الجمهورية عشان حد يعرفه
البنت بسرحان: هو صحيح مش ممثل ولا مطرب ولا رئيس الجمهورية بس وسيم اوى غير انه راجل أعمال ناجح أوى
_فوق ده كله متجوز
البنت بصت لحور وقالت: غسان شكله مش بيحبك واكبر دليل انه ناوي يطلقك بعد ست شهور
_تصدقي كنت ناسيه
وقتها غسان دخل وقال: الشنطه اها
البنت خدت منه الشنطه وقالت بفرحه: غسان السيوفي بنفسه يجبلى الشنطه
حور بنفاذ صبر: انتى مش ملاحظه انك بتبالغى أوى
غسان ضم حواجبه وقال: بتبالغ
حور هزت رأسها وقالت: اللى يسمعها يقول انك حد مشهور أوى
غسان بغرور: انا فعلا مشهور مش في مصر بس ومشهور في الدول الأجنبية
_اه ربنا يزيدك اكتر واكتر (قالت كده وهى غيرانه اوى)
_طب يا
البنت بابتسامه: رنا اسمى رنا ومعنديش مشكله لو قولتلى رينو
حور بتريقه: رينو
غسان محاولا اغاظه حور: حور خودي رينو اوضه الضيوف
رنا مسكت في هدوم غسان وقالت: لا انا بخاف انام لوحدي
حور بعصبية: ده اللى ناقص
غسان شال أيدها وقال: خلاص نامى في اوضتى
حور برقت وقالت: نعم
_مع حور طبعا (قالها بابتسامه خفيفه)
حور خدت نفس عميق وقالت بكل عصبيه: اتفضلى معايا
رنا وهى طالعه على السلم: شوفت غسان السيوفي يا تيته وهنام في اوضته لا كده كتير انا بحلم ولا اي
حور فتحت الباب وقالت: اتفضلى
رنا دخلت وقالت: طول عمره بيحب اللون الأسود
حور بفضول: وانتى عرفتى منين
رنا بصت لحور وقالت: من لون الاوضه
حور سكتت ورنا قالت: ممكن بيجامه من عندك
_هو انتى وحيده معندكيش أهل
_ليه
_مرنتيش على حد من عائلتك يعنى
_لا عادي
حور رفعت حاجب لفوق ورنا هزت رأسها وقالت: بابا وماما مسافرين أمريكا وانا عايشه مع تيته وهي عارفه انى رايحه عند واحده صاحبتى وهنام عندها
حور فتحت الدولاب وطلعت بيجامه وقالت: اتفضلى
رنا خدت البيجامه من حور ورمتها على الأرض وقالت: لا انا هلبس ده
حور خدت البيجامه من على الأرض وقالت وهي ضاغطه على سنانها: براحتك
_الحمام فين
حور شاورت ليها على الحمام وقالت: الحمام اهو ويا ريت متتاخريش
رنا ابتسمت وقالت: حاضر
رنا دخلت الحمام وقالت: اوباااا كل ده حمام ده قد بيت تيته
حور فضلت قاعده ومنتظره رنا تطلع
حور فتحت الباب وطلعت وقالت: امال غسان راح فين
حور راحت اوضه الضيوف مالقتش غسان فيها وقالت: راح فين
حور نزلت تحت ولقت اوضه (صاله رياضيه) على جنب والباب بتاعها مفتوح
حور دخلت وغسان كان بيعمل ضغط
_انا اول مره اشوف حد بيعمل تمرين بالليل
غسان قام وخد المنشفه وقال: بتعملى اي هنا
حور معرفتش تقول اي وقالت بارتباك: نزلت عشان اجيب مياه بالصدفه لقيت الباب مفتوح
غسان شدها من خصرها وقال: عارفه احلى ما فيكى اي
حور بصت في عيونه وقالت بفضول: اي
_انك طيبه اوى ومالكيش في الكدب
حور بصوت مقطع: تقصد اي
غسان رجع شعرها لوراء وقال بهمس: يعنى مكنتيش بتدوري عليا
حور هزت رأسها وقالت: لا طبعا
_كدابه
حور زقت غسان وقالت: وانا هكدب ليه قولتلك نزلت عشان اجيب مياه
_امممم
_الوقت أتأخر ولازم تنام
غسان ببرود: وانتى مالك بيا مش قولتى نازله عشان تجيبي مياه
_اه صح عن اذنك
غسان مسك أيدها وقال بهمس: مالك
_ماليش
_لا في اعترفي انك غيرانه
حور بعصبية: اه غيرانه فارق معاك يعنى
غسان حط ايدو على خصرها وقال: فارق معايا طبعا
_واضح
غسان بص على شفايفها وقال: هو اي اللى واضح
_انى فارقه معاك
_اه فارقه
_مكنتش قولت لرنا انى مراتك لمده ست شهور
_لا انتى مراتى مدي الحياة وموضوع الست شهور ده انسي خالص
حور بصت في عيونه وقالت بفرحه: بجد
غسان بدأ يقرب منها وقال: اه بجد
حور غمضت عينها وغسان قرب منها لحد ما تلامست شفايفهم
_غسان
غسان زق حور وكانت هتقع لكن مسك أيدها عالطول
_انتى هنا وانا بدور عليكى
حور بصت لغسان اللى خد ازازه المياه وقال وهو ماشي: تصبحوا على خير
رنا بابتسامه: وانت من أهل الخير
حور طلعت أيضا ورنا طلعت وراها
في اوضه غسان
رنا نامت على السرير وحور فضلت واقفه مكانها
_مش هتنامى ولا اي يا حور
حور قعدت على الكنبه وقالت: انا هنام هنا خدي راحتك
رنا خدت المخده في حضنها وقالت: يا سلام لو المخده ده غسان
حور حاولت تمسك أعصابها ورنا قعدت تتكلم وحور مكنتش عارفه تنام منها
حور حطت المخده على دماغها وقالت بعصبية: اسكتى بقااا
رنا بخوف: ح حاضر
في صباح اليوم التالى
في منزل منير الهواري
قام على صوت تخبيط جامد اوى
_مين مين
_افتح الباب
منير فتح الباب ولقي اللى بيشدوا من ايدو ويزقه ليقع على الأرض
ثريا قامت أيضا وقالت: مين
دخلوا اربع رجاله وواحد من الرجاله مسك ثريا من أيدها وزقها برا
_اعااااااااا
منير بانتهاد: ثريا
بدأوا يرموا كل حاجه موجوده في البيت والبيوت اللى جنبهم بتنهدم (طبعا صحاب البيوت دول وافقوا على البيع مقابل مبلغ مالي كبير )
منير قام وقال بزعيق: انت بتعملوا اي
واحد من الرجاله: ده أوامر البيه
واحد اخر: قولتلك بيع يا استاذ بس حضرتك رفضت استحمل بقا
منير قعد يزعق ولا حد يسمع ليا
سامر كان واقف بعيد وقال بابتسامه تحمل الدمار: حلو اوى
.
.