ايات

آيات كانت داخلة الجامعة وهي حاطة في دماغها حاجة واحدة بس انها تثبت نفسها، بنت من منطقة شعبية اهلها على قد حالهم بس دماغها توزن بلد، عنيدة لدرجة ان الكل كان بيقول عليها دماغها ناشفة زي الحجر، وكانت في …

آيات كانت داخلة الجامعة وهي حاطة في دماغها حاجة واحدة بس انها تثبت نفسها، بنت من منطقة شعبية اهلها على قد حالهم بس دماغها توزن بلد، عنيدة لدرجة ان الكل كان بيقول عليها دماغها ناشفة زي الحجر، وكانت في سنة تالتة كلية اعلام، وكان عندها صاحبتها الانتيم منى اللي كانت معاها من ايام ثانوي، منى كانت عكسها تماما طيبة وهادية وبتخاف من خيالها، وكان فيه حمادة ابن خالتها اللي بيحبها من وهو صغير وبيحاول يلفت نظرها بس هي كانت شايفاه اخوها وبس.

اول يوم في مادة العشــ,,ـــــق اللي هو الاسم اللي الطلبة مطلعينه على مادة الاعلام والاتصال العاطفي عشان دكتورها كان حكاية لوحده، الدكتور احمد السيوفي، تلاتين سنة، وسيم بشكل يخلي اي بنت تتلخبط، لابس بدلته المظبوطة ونضارته اللي بتلمع وعنيه بتقول انا محدش يقدر عليا، مغرور لدرجة انه كان بيدخل المدرج والكل يسكت، كان دكتور شاطر جدا واخد الدكتوراه من برا وراجع يدرس وكل البنات هتمــ,,ـــــوت عليه الا آيات.

دخل المدرج اول محاضرة وقال بصوت عالي انا الدكتور احمد السيوفي ومادتي مفيش حد بيعديها بالساهل واللي فاكر انه هياخدها بالحب يطلع برا من دلوقتي، آيات بصتله بقرف وقالت بصوت واطي بس هو سمعها وهو انتي فاكرة نفسك فين، قامت وقفت وقالتله انا مش فاكرة نفسي في مكان انا بس بقول ان طريقة حضرتك في الكلام مش لطيفة، المدرج كله سكت، احمد اتصدم ان فيه طالبة بترد عليه، قرب منها وقالها اسمك ايه، قالتله آيات محمود، قالها طيب يا آيات محمود شكلك هتبقي اول واحدة تشيل مادتي السنة دي.

منى شدتها من ايدها وقالت لها اسكتي هتسقطينا، بس آيات كانت خلاص خدت التحدي في دماغها، ومن ساعتها بدأ الحرب الباردة بينهم، كل محاضرة يسألها سؤال صعب قدام الكل وهي ترد بمنتهى الذكاء، كل مرة يحاول يحرجها تطلع اذكى منه، والطلبة بقوا مستنيين محاضرته عشان يشوفوا الخناقة.في يوم كان فيه مشروع للمادة المفروض كل جروب يقدم فكرة حملة اعلانية عن الحب في زمن السوشيال ميديا، آيات عملت فكرة مجنونة وجريئة جدا بتتكلم عن ان الحب بقى سلعة، الدكتور احمد قرا المشروع وضحك بسخرية وقالها ايه الفلسفة الفارغة دي، انتي فاكرة نفسك فين، انتي اخرك تعملي موضوع تعبير، آيات عنيها دمعت بس مسكت نفسها وقالتله بكرة هتعرف ان موضوع التعبير ده هيبقى احسن مشروع في الدفعة، وخرجت وهي بتعيط، منى جريت وراها وقالت لها معلش هو مغرور كده مع الكل.