ايات

آيات سمعت الجملة دي ووجعها، قالت له يعني انت عمرك ما تحب طالبة عندك، قالها مستحيل، ده مبدأ، قامت وقالت له وانا عمري ما احب دكتور مغرور زيك، وخرجت. بعدها قررت تسيب الجامعة كلها عشانه، مش عشان بتكرهه عشان بتحبه وخايفة الحب ده يدمرها ويدمره، كتبت جواب استقالة من الكلية وراحت تقدمه للعميد، الخبر انتشر في الجامعة كلها، منى انهارت وقالت لها انتي مجنونة هتضيعي مستقبلك، وحمادة قالها اخيرا هتسيبي الجامعة ونتجوز، وسناء قالت لها فكري يا هبلة.

احمد لما عرف اتجنن، اول مرة يحس انه هيخسر حاجة بجد، جري على بيتها، خبط على الباب، محمود ابوها فتح له، قاله انت الدكتور بتاعها، قاله ايوه يا حاج انا عايز آيات، آيات خرجت وهي مصدومة، قالها انتي بتعملي ايه، هتسيبي الجامعة عشان كلمة قلتها، قالت له لا هسيبها عشان بحبك وانت قلت عمرك ما تحب طالبة عندك وانا مش عايزة ابقى نقطة ضعف في حياتك. احمد بص لها وقالها ومين قالك انك نقطة ضعف، انتي قوتي، انتي اللي خلتيني اشوف الدنيا بشكل تاني، انتي اللي علمتيني ان الكبرياء ملوش لازمة قدام الحب، انا كنت بقول عمري ما احب طالبة عندي عشان كنت خايف، خايف احب بجد، بس دلوقتي انا بقولها قدام الكل انا بحب آيات محمود ومش فارق معايا هي طالبة ولا لأ.

الناس اتلمت في الشارع، منى بتصور وبتعيط من الفرحة، حمادة واقف مصدوم، وسناء بتزغرط، ومحمود ابوها بيضحك ويقول اخيرا. احمد مسك ايدها وقالها ترجعي الجامعة، قالت له بشرط تغير قوانين الجامعة عشان الحب مش عيب، ضحك وقالها هغير لايحة الجامعة كلها عشانك، وفعلا رجعت، وفي اخر السنة طلعت الاولى على الدفعة بتقدير امتياز مع مرتبة الشرف، وهو كان اول واحد يسقفلها في حفلة التخرج، وبعد التخرج بسنة اتجوزوا، وعملوا برنامج مع بعض اسمه مادة العشــ,,ـــــق، كانوا بيحكوا فيه عن قصة حبهم اللي بدأت بخناقة في المدرج وانتهت بجواز، وآيات بقت مذيعة مشهورة زي ما حلمت، واحمد بقى بيقول في كل لقاء انا كنت دكتور مغرور وطالبة عنيدة علمتني يعني ايه حب.

والناس لحد النهاردة بتحكي عن الدكتور اللي غير قوانين الجامعة عشان حب طالبة، والطالبة اللي سابت الجامعة كلها عشان كبرياء حبيبها، وعرفوا ان الحب الحقيقي هو اللي بيكسر الكبرياء مش اللي بيبنيه. بس الحكاية مخلصتش هنا، لان بعد ما رجعت آيات الجامعة احمد واجه مشاكل كبيرة مع ادارة الجامعة، العميد استدعاه وقاله انت بتكسر بروتوكول، مينفعش دكتور يروح بيت طالبة ويعترفلها في الشارع، احمد وقف قدامه وقاله انا معملتش حاجة غلط، انا حبيت بصدق، وانا مستعد استقيل لو ده هيخليكم تسيبوا البنت تكمل تعليمها، العميد اتصدم من كلامه لان احمد كان اهم دكتور في الكلية وجايب سمعة كبيرة للجامعة.