ايات

منى كانت كل يوم مع آيات تطمنها وتقولها متخافيش الحق بيكسب في الاخر، وحمادة بعد ما شاف اعتراف احمد حس انه لازم يبعد، راح لآيات وقالها انا كنت بحبك من صغري بس دلوقتي عرفت ان الحب مش بالعافية، انتي بتحبيه وهو بيحبك وانا هفضل اخوكي وسندك طول العمر، آيات عيطت وحــ,,ـــــضنته وقالت له انت احسن اخ في الدنيا يا حمادة وانا عمري ما هنسى وقفتك جنبي. سناء اختها كانت فرحانة جدا وكل شوية تقول لمحمود ابوهم شفت بنتك هتتجوز دكتور قد الدنيا، محمود كان راجل غلبان بس عينه مليانة دموع فرح، كان بيقول انا كنت خايف عليها من الدنيا بس دلوقتي اطمنت ان فيه راجل هيصونها، حتى لو كان دكتور مغرور في الاول بس طلع قلبه طيب. احمد بدأ يغير فعلا قوانين كتير في الكلية، لغى فكرة ان الدكتور لازم يبقى بعيد عن الطلبة، بقى يعمل محاضرات مفتوحة يقعد يسمع مشاكلهم، وبقى يدافع عن اي طالب مظلوم، الطلبة كلهم حبوه اكتر من الاول، وبقوا يقولوا مادة العشــ,,ـــــق بقت بجد مادة بتعلم الحب مش بس نظريات.