البارت 1 تشرق الشمس بأشعتها الذهبية على فيلا المنشاوى فى محافظة المنصورة ويعيش فى هذه الفيلا المكونه من ثلاث طوابق الجد (على المنشاوى وهو رجل فى اواخر عقده السادس لكن رغم عمره الا انه علامات الوقار على وجهه) ويعيش معه فى نفس الطابق ابنه الكبير(حامد وزوجته سعاد لكن لم يرزقهم الله بأولاد ) وفى الطابق الثانى (الابن الاوسط سامح وزوجته علا ومعه اولاده ياسين وياسمين وهم توأم 20 سنة ) والطابق الثالث ابنه الاصغر(محمد وزوجته زينب وابنته الوحيدة نور ذات ال 18 عام) ______________ فى غرفة الطعام والكل متجمع ماعدا شخص وهذه ليست من عادتهم ان يتناولوا الطعام بدون تجمع كل العائلة يدخل الجد :صباح الخير يا ولاد الكل :صباح النور يجلس الجد وينظر اليهم ثم يقول :اومال فين نور محمد :مش عايزة تفطر اصلها متوترة عشان النتيجة لسه مطلعتش زينب:اروح اناديها يا بابا على ويهم بالنهوض :لا خليكى انتى ويذهب الجد الى غرفة نور فهى المقربة اليه فهى تذكره بزوجته (نور)رحمها الله فهى تشبهها لهذا اسمها على اسمها فى غرفة نور جالسه امام الكمبيوتر والدموع فى عينيها سمعت طرقات على الباب قالت بصوت خافت:ادخلى يا ماما يدخل الجد بأبتسامة:طيب ينفع انا تجفف نور دموعها :اه طبعا يا جدو على :حبيبة جدو مش عايزة تفطر ليه نور بصوت باكى :ماليش نفس يا جدو على بخضة :انتى كنتى بتعيطى يا نور نور بدموع:خايفة اوى يا جدو من النتيجة على وهو يمسح دموعها :متخافيش يا حبيبتى انتى عملتى اللى عليكى وبعدين تفائلوا خير تجدوه صح ولا ايه نور :صح على :طيب يلا روحى اغسلى وشك وانزلى افطرى نور بترجى :يا جدو مش عا يقاطعها الجد :بس هى كلمة وبعدين نبقى نطلع سوا نشوفها نزلت نور مع جدها زينب بأبتسامة :مش قولتلكوا اللى هيجبها جدها حامد :ما نور عندها جدها حاجة تانية بعد ان انهوا الطعام ذهبت نور هى وجدها الى غرفتها على :يلا يا حبيبتى سمى الله قبل ما تفتحى الموقع فتحت نور الموقع وواقفة بدون حركة على :نور ها عملتى ايه على :مالك يا بت متنحة كده ليه نور بفرحة وتحضن جدها :جدو انا جبت 98% يا جدو على بفرحة :الحمدالله يارب الف مبروك يا حبيبتى نور بفرحة عارمة :الله يبارك فيك يا جدو انا هخرج اقولهم خرجت نور وهى تصرخ بفرح كانوا جالسين جميعا يحتسون الشاى نور :انا جبت 98% قاموا جميعا هنأوها حامد :احنا لازم نحتفل بيكى سعاد وهى تحتضنها:ايوه نعملك حفلة كبيرة زى ياسين وياسمين نور :خلاص تبقى الحفلة بمناسبة نجاحى ونجاحهم كمان مش هما جابوا امتياز ______________________ فى احدى الفلل الراقية فى مدينة القاهرة تحديدا فى فيلا الحسينى يعيش فيها رجل الاعمال (احمد علام الحسينى صاحب اكبر مصانع لتصنيع اللحوم ) وزوجته (نيفين على الحسينى ابنه عمه فى منتصف عقدها الرابع لكن من يراها لا يعطيها سنها ) واولاده ادهم (24 سنة يعمل مع والده فارس احلام اى فتاة يتمتع بدرجة عاليه من الوسامه وجسمه رياضى وطويل القامه ) ايسل (اخته 18 عام فتاة مدللة لكنها تحب ان تختلط بالناس ) على مائدة الطعام كان يتحدث احمد مع ادهم بخصوص العمل نيفين :احمد اظن فى مكتب تتكلموا فيه بخصوص الشغل لكن دلوقتى احنا بنفطر احمد:خلاص احنا قايمين نيفين :لا كملوا اكلكم الاول اتت ايسل مهلهله نيفين:ايه يا ايسل الدوشة اللى انتى عملاها دى ايسل بفرحة :انا نجحت يا ماما جبت 97% احمد وهو يحتضنها :الف مبروك يا حبيبتى نيفين :مبروك يا حبيبة ماما ايسل :الله يبارك فيكم ثم نظرت الى اخيها بزعل طفولى ايسل :ايه يا ادهم مفيش اى حاجة ادهم وهو يقبلها :مبروك يا حبيبتى ايسل :يلا بقى انا عايزة الحلاوة نيفين بنرفزة:قولتلك قبل كده بطلى الطريقة السوقية دى ايسل كاتمة الضحك :حاضر يا ماما ثم نظرت الى ابيها :بابا عايزة العربية اللى وعدتنى بيها نيفين متدخلة :عربية ايه انتى لسه صغيرة احمد وهو لا يريد ان يدخل معها فى نقاش احمد :بصى يا حبيبتى لما اجى هنبقى نتكلم ايسل:ماشى يا بابتى ادهم :يلا يا بابا عشان نلحق الاجتماع فى سيارة احمد احمد:ادهم انت متفقتش انت و الين على موضوع الخطوبة ادهم وهو يزفر :لسه يا بابا احمد :انا عارف ان انت مبتحبهاش لكن افتكر ان انا ساعتها مغصبتكش انت اللى وافقت ادهم :عارف يابابا بس يا بابا دى بتعمل كل حاجة بتضايقنى دى مش همها غير الفسح والموضه دى واحدة فاضية ________________ فى الشركة يدخل احمد مكتبه وخلفه ادهم احمد:ادهم خلى مروة تبعتلى الورق بسرعة بتاع المناقصة ادهم :حاضر بعد ان اتت مروه بالورق يعطى ادهم ملف لابيه احمد :ايه ده ادهم:دى شركه جديدة مسئولة عن اكبر مزرعة ابقار وخليت مروة تجيبلى عنها ريبورت بس طلعت اسعارها كويسه جدا وكمان هتفيدنا احمد :طيب نروح الاجتماع ولما ارجع تشرحلى كل حاجة فيه البارت 2 بعد انتهاء الاجتماع احمد موجها كلامه لابنه:ادهم هات يلا الملف اللى انت قولتلى عليه عشان اشوفه ادهم :حاضر..احضره ادهم واعطاه لوالده بعد مرور الوقت احمد:انا عجبتنى فكرتك يا ادهم احنا كده ممكن نكبر مصنعنا بس الاول عايزك تروح تشوف صاحب الشركة دى ادهم :مفيش مشكلة هروح النهاردة احمد:لا خليها بكرة عشان عايز اعمل لاختك حفلة بره انت عارفها ممكن تزعل ادهم بأبتسامة :ماشى عايز حاجة تانى يا بابا احمد:رايح فين ادهم :الين كلمتنى وهى جيالى دلوقتى احمد:طيب يا حبيبى روح انت ______________ فى المساء فى المنصورة بعد انتهاء الحفلة التى اقاموها لنور كانت جالسة فى حديقة الفيلا مع اولاد عمها سامح يتسامرون ياسين بهزار :وناوية تدخلى كليه ايه يا ضلمتى نور وتهم بأن تضربه تتدخل ياسمين :خلاص يا جدعان وتوجه كلامها لنور خليكى انتى يا نور العاقلة نور :انتى مش شيفاه يا ياسمين بيقولى ايه ياسين :هو انا يعنى غلط نور :طب مش قيلالك ياسمين بضحك :والله انتوا الاتنين عيال ياسين :خلاص يا ستى ناوية تدخلى كلية ايه يا استاذة نور نور بتفاخر :كليه السن ياسمين :ايوه بقى زينا ياسين :بما ان بقى يا ستى هتدخلى نفس الكلية يبقى اى حاجة تحتاجيها من غير ما تتكسفى اسألى بدون تردد ياسمين عشان انا مش فاضيلك نور بغيظ :والله يا ياسين انت رخم وانا غلطانة انى اتكلمت معاك _________________ فى داخل الفيلا فى غرفة المكتب كان الجد على مجتمع مع اولاده سامح وحامد وكان يشاورهم فى موضوع الجد:ها عرفتوا هتعملوا ايه حامد :متقلقش بكره الصبح هتكون موجودة هنا متقلقش الجد:ماشى بس تجبها بأى تمن انت عارف هى بتحبها ازاى سامح :خلاص يا بابا هروح انا وحامد من الفجر متقلقش انت بس الجد ويهم بالنهوض :ماشى يلا بقى روحوا ناموا خرج الجد وذهب الى غرفته علا :ايه كل ده كان فى ايه سامح :هتعرفوا بكره يلا تصبحوا على خير حامد :يلا يا سعاد سعاد :طيب روح انت وانا هجيب الولاد عشان دول لسه بره خرجت سعاد ووجدتهم يضحكون ونور تحاول ان تضرب ياسين سعاد :فى ايه انتوا دايما كده نور :والله يا ديدى هو اللى بدأ ياسين :متصدقهاش دى هى قاطعته سعاد :بس يا واد انا عرفاك يلا روحوا ناموا __________________ فى احدى السفن الفخمة كانت تقام حفلة ايسل ايسل :بجد ربنا يخليك ليا يا بابتى بس بردو فين العربية احمد :يعنى كل ده مش مكفيكى ايسل بزعل :مش انت وعدتنى ادهم :انتى دايما كده تتقمصى بسرعة يا ستى بابا هيجبهالك بس فى اول يوم جامعة ايسل بضحكة شريرة :ايوة ونحط ماما اودام الامر الواقع يس (نيفين لم تأتى معهم فهى كانت فى باريس لتقوم بشراء احدث صيحات الموضة ) __________________ فى صباح اليوم التالى امام بوابة فيلا المنشاوى محمد:بجد يابابا مكنش فى لازمة لكل ده على :اصلا دى مش ليك دى لنور حبيبتى محمد:ربنا يخليك لينا يارب حامد:ها يا بابا كده كله تمام على :اه تمام كده مفيش حاجة تانى هتحتاجه سامح:لا احنا جبنا كل حاجة ____________ فى شركة الحسينى كان منشغل احمد بعمله فأتى ادهم وعلامات الارهاق على وجهه وجلس مقابل اباه احمد:انت كويس يا حبيبى مال وشك مرهق كده ليه ادهم:متقلقش يابابا اصلى روحت المصنع وبعدين روحت الشركة اللى قولتك عليها احمد:وعملت ايه ادهم :صاحب الشركة مش هناك قالولى انه فى اجازة بس انا اخدت رقم ابنه وهو رئيس مجلس الادارة هكلمه النهاردة ________________ فى غرفة نور تدخل والدتها وتحاول ايقاظها زينب:نونو حبيبتى يلا قومى بقى نور بنوم :ماما سيبينى شوية زينب:قومى بقى عشان فى مفاجأة ليكى تحت نور فتحت عين واحدة :انتى بتقوليلى كده عشان اصحى زينب بضحكه:والله طب انزلى وشوفى نهضت نور مسرعة وكادت ان تفتح الباب زينب:تعالى هنا راحة فين وانتى كده روحى الاول اغسلى وشك وصلى وبعدين انزلى نور وتخبط بيدها على رأسها :اوبس العنب يانا ياما وذهبت سريعا الى المرحاض زينب :لا حول ولا قوة الا بالله البت اتجننت _______________ بعد ربع ساعة نزلت نور وهى تركض وجدت جدها امامها نور :جدو حبيبى صباح الخير على ويقبل وجنتيها :صباح النور يا حبيبى نور متلهفه :جدو ايه هى المفاجأة على :افطرى الاول وبعدين هتشوفيها نور امسكت فى ذراعة وتدبدب فى الارض مثل الاطفال :عشان خاطرى يا جدو دلوقتى على :حاضر تعالى يلا ذهبوا معا فى تجاه الاسطبل نور :ايه يا جدو اللى جايبنا هنا على :استنى شوية وهتعرفى اتى محمد ومعه فرسة جميله لونها اسود قاتم نور بأستغراب :ايه ده مش دى الين على :ايوه هى نور بفرحة :طب هروح العب معاها وبعدين هوديها لعم حسين على :تعالى هنا توديها لفين الين دلوقتى بقت بتاعتك نظرت نور الى جدها بدهشة على :هى دى هديتى ليكى احتضن نور جدها بشدة :ربنا يخليك ليا يا جدو بجد دى احلى هدية جاتلى على :طب يلا روحى العبى معاها ________________ ********** كانت نور تتجول بالمهرة التى احبتها من وهى صغيرة فهى معتادة عليها فصاحب المهرة رجل يدعى حسين وهو يسكن فى الفيلا المجاورة لهم فهو كان يسمح لنور ان تلعب مع المهرة كيفما تشاء __________ فى حديقة الفيلا ياسمين :فين نور يا جدو على :راحت تمشى الين ياسمين :طيب انا هروحلها على :استنى نور جت اهى اتت نور وعلى وجهها السرور والفرح :جايبين فى سيرتى ليه ياسمين :كنت بسأل عليكى وجدو قالى انك بتمشى الين نور وهى تمرر يدها على ظهر المهره نور:شوفى جميلة ازاى ياسمين :ايوه ياعم محدش ادك يقاطعهم على :طيب انا هروح اشوف المزرعة نور :استنى يا جدو خدنى معاك على :تيجى معايا فين هتتبهدلى نور بزعل طفولى :كده يا جدو على :مش هينفع وبعدين فى شغل كتير فكده هننشغل عنك نور بأبتسامة :طيب خلاص بس هاجى معاك المرة اللى جاية على قبل جبينها :طيب يلا انا ماشى عايزين حاجة نور:سلامتك يا جدو ياسمين:ايه جو العشق الممنوع ده ياجدعان وبعدين ياجدو انا ماليش حاجة ولا ايه الجد قبلها من جبينها :اهو يا ستى انا اقدر بردو يلا بقى سلام هتعطلونى ذهب الجد والتفتت نور لياسمين نور:تحبى تركبى شويه ياسمين:لا ياستى اخاف لحسن اقع نور:متخافيش حاولت نور ان تساعد ياسمين على ان تركب الفرس لكن اتى ياسين مسرعا من العدم و ركب عليها ياسين :مش عارفة تركبى يا هبلة ياسمين:انزل يا ياسين انا اللى عليا الدور نور:على فكره انت رخم انت جيت ازاى احنا مشوفنكش ياسين لاغاظتها:زى السكر فى الشاى نور:خفه ياخويا يلا انزل ياسين محركا رأسه كناية عن الرفض :لا هتمشى بيها شويه وهرجعهالك يلا سلام وشد اللجام وجرى بها سريعا ياسمين داعية بغيظ:يارب يقع نور :لا متدعيش عليه حرام اينعم هو رخم بس لو وقع هيتكسر ياسمين :هو مين الكبير اللى فينا وبعدين تعالى على جنب عم جابر جاى نور بسعادة وهى تلتفت :الله ده جايب الخرفات الصغيرين انا ريحاله ذهبت نور نحوه ياسمين بابتسامه:عمرك ما هتتغيرى يا نور هتفضلى طفلة طول عمرك ثم عادت الى داخل الفيلا زينب متسائلة :فين نور يا ياسمين ياسمين :راحت مع عم جابر سعاد :معاه الخرفان ولا ايه ياسمين وهى تلتقط خيارة وتقطمعا :اه دى سابتنى وراحت جرى سعاد ضاحكة:هتفضل كده على طول علا :من وهى صغيرة وهى بتحب تروح تلعب معاهم البارت 3 التقطت نور الخروف الصغير :صباح الخير يا عم جابر عم جابر :صباح الفل والياسمين عامله ايه نور :كويسه انت رايح فين بيهم عم جابر :هوديهم الغيط عشان ياكلو هتيجى نور:جايه طبعا ----------_-------- فى فيلا الحسينى فى غرفة المكتب احمد:ها رد عليك ادهم:ايوه يا بابا وقالى انه هيجى هنا بكره فى هذه اللحظة رن هاتف ادهم فوجدها الين ادهم :بابا عايز منى حاجة تانيه احمد:لا روح انت خرج ادهم من الغرفة وتوجه الى حديقة الفيلا ادهم :ايوه يا الين الين :ده رد بردو يا ادهومتى ادهم بزهق :قولتلك انا اسمى ادهم مش ادهومتك الين :كده بردو يا ادهم يعنى الحق عليا انى بدلعك ادهم بنفاذ صبر :الين بصى لغاية دلوقتى مفيش حاجة رسمية بينى وبينك عشان تتكلمى كده وانا مش فاضيلك الين :طيب خلاص يا ادهم انا غلطانة انى بتصل بيك ادهم بجدية :الين انتى المفروض عارفة طبيعة شغلى وانى مش فاضى للكلام ده الين :خلاص يا ادهم فهمت سلام -_--______-_---------___-----__------ فى المساء اتت نور وذهبت الى الاسطبل لتطمأن على الين نور وهى تضع فى فم الين بعض مكعبات السكر نور:انتى عارفة انك هتبقى صاحبتى وانتى الوحيدة اللى هعرف اتكلم معاكى براحتى قاطع كلامها مجئ سعاد زوجة عمها سعاد :انتى هنا يا نور واحنا عمالين نتصل بيكى نور :اصل الموبايل فصل شحن سعاد :طب يلا روحى غيرى عشان تتعشى احنا مستنينك ذهبت نور معها وقابلت ياسين ياسين :حلو اوى ريحة البرفيوم بتاعك ده ده بريحة الخرفان صح نور بضحكة صفراء:خفه بجد سعاد ضاحكة :روحى يا حبيبتى انتى ثم التفتت اليه :هو انتوا مولودين فوق روس بعض ياسين وهو يضع يده على كتفيها :بحب اضايقها والمفروض انها اتعودت منى على كده ___________________ بعد العشاء كانوا جالسين جميعا فى ردهة المنزل اردفت زينب قائلة :نور مش كفاية بقى مرواح مع عم جابر على :وفيها ايه يعنى يا زينب زينب :يا بابا دى كبرت ورايحة الجامعة ولسه بتتصرف على انها صغيرة على :سيبيها تعمل اللى هى عايزاه قبل ما تدخلها نور :ربنا يخليك ليا يا جدى ..سمعتى بقى يا ماما لما ادخل بقى ان شاء الله الجامعة هبقى ابطل لعب معاهم قام الجد واولاده الى حجرة المكتب فقالت علا:مش هتشرب الشاى يا بابا على :هاتيهولنا على الكتب فى الحجرة حامد :بابا فى واحد النهاردة اتصل بيا من شركة الحسينى وكان عايز يقابلنى بخصوص الشغل فأنا هضطر بكره انى ارجع القاهرة على :طيب يا ابنى انا هاجى معاك سامح :ملوش لزوم يا بابا انا هسافر معاه محمد :وانا هاجى كمان عشان فى ورق محتاج اجيبه على :طيب خلاص انا بكره هروح المزرعة الدكتور بكرة هيجى عشان معاد فحص المواشى دق باب الحجرة فسمح الجد للطارق بالدخول دلفت علا وهى حاملة صنية الشاي علا :الشاي يا بابا ___________________ فى فيلا الحسينى ادهم :بابا انا اتصلت بأستاذ حامد ابن صاحب شركة المنشاوى وحددت معاه معاد احمد :طب كويس هو يعنى هيجى ادهم :اه الراجل كله ذوق قالى انه هيجى بكره وهقابله الساعة 12 احمد:طيب انا هيبقى عندى اجتماع مش هينفع اجى ادهم :خلاص انا اللى هروح..مفيش مشكلة احمد:طيب اول ما تخلص تعالى على طول الشركة وطمنى ادهم :ان شاء الله اتت نيفين وهى تأقلم اظافرها :ايه انتوا لغاية دلوقتى قاعدين تشتغلوا يلا روحوا ناموا الساعة 11 ادهم :طب يلا تصبحوا على خير نيفين :استنى هنا ثم التفتت الى زوجها وقالت بأبتسامة :روح انت يا حبيبى وانا هاجى وراك ذهب احمد ثم وجهت كلامها الى ادهم قائلة بغضب :انت زعلت الين ليه ادهم ويضع يده فى جيبه :الله هى لحق اشتكت نيفين :شاكيره (والده الين )هى اللى قالتلى ادهم بحزم :ماما لغاية دلوقتى هى مش خطيبتى عشان تحاسبينى نيفين :هى كلمة يا ادهم انت تتصل بيها وتصالحها ادهم :ماما انا مش عيل صغير عشان تقوليلى اعمل ايه وانتى عارفة كويس انى مش بتاع دلع وتفاهات ..تصبحى على خير ثم تركها وذهب نيفين بعصبية :انت يا ولد تعالى هنا لكن ادهم ذهب الى غرفته وقبل ان يصل لغرفته وجد نور غرفة اخته شاعل طرق ادهم الباب وقال :ممكن ادخل لم تجيب اخته فأطرق مرة ثانية ودخل ...كانت جالسة على الكرسى امام اللابتوب قام ادهم بخلع الهاند فرى من اذنها ففزعت ايسل ايسل بفزع:انت دخلت امتى ادهم :ساعة بخبط وانتى مسمعتيش ايسل بهزار:انا سمحتلك تدخل ادهم بأبتسامة :عاملة ايه يا حبيبتى ايسل :تمام ..بس زعلانة منك يا ادهم مبقتش بتقعد معايا زى الاول ..بقيت بمل من القعدة ..ماما دايما فى النادى ..ولو مش فيه ..بتقعد لوحدها وبتبقى مشغولة عنى..وبابا دايما فى الشركة جلس ادهم على سريرها :والله انتى متعرفيش اللى بشوفه فى الشغل ..خاصة ان اليومين دول مضغوط جامد ..ومفيش وقت فاضى خالص حتى انى اخرج اغلقت ايسل اللابتوب وذهبت لتجلس بجانبه ايسل :ولا يهمك ..منا عارفة بابا مبيعرفش حد فى الشغل ...بس ياعينى عليها اللى هتتجوزك مش هتعرف تتكلم معاك خالص ..بسبب شغلك ده صحيح الين مستحملاك ازاى زفر ادهم :سيبك انتى من الكلام ده..ويلا نامى ايسل بجدية : على فكرة انا سمعت ماما وهى بتكلم طنط شاكيرا وعرفت ان انت زعلتها ادهم بصرامة :مش عيب انك تقفى تسمعى حد ايسل :لا والله دى هى كانت بتتكلم جنبى .. بس انا عايزة اقولك حاجة يا ادهم ..الين طيبة اوى لو قولتلها على حاجة هتسمع كلامك..بس هى دلوعة شوية نهض ادهم :طيب ممكن تبطلى رغى وتنامى يلا تصبحى على خير ايسل :وانت من اهل الخير _________________ صباح يوم جديد فى فيلا المنشاوى بعد ان انتهوا من الفطار حامد :يلا يا سامح انت ومحمد عشان منتأخرش على :خد بالك من الطريق يا حامد وانت سايق حامد بأبتسامة :يا بابا انت لغاية دلوقتى لسه بتخاف ..انا كبرت خلاص على :مهما كبرتم هتفضلوا فى نظرى لسه صغيريين قبل حامد يد والده :طيب نلحق احنا بقى نمشى..يلا سلام عليكم زينب:طب استنوا اشربوا الاول العصير سامح:لا عشان منتأخرش يلا سلام عليكم على :وانا كمان ماشى وبعد ان ذهبوا علا:يلا حملة التنضيف هتبدأ النهاردة الخميس انسحب ياسين فى هدوء معتقد ان لا احد يراه ياسمين:على فكره شايفينك زينب وهى تعطيه المنفضة :يلا السجاجيد بره نور وهى تغيظه:يلا ربنا معاكى يا ام محمد ثم موجهه الكلام ليهم :عايزين حاجة انا هحصل جدو علا بأبتسامة :رايحة فين يا حبيبتى تعالى هنا خدى وتعطيها المنفضة الثانية :يلا معاه ياسين بضحكة مستفزه:البس يا عم شكرى _________________ فى القاهرة بعد ان وصلوا الى شركة المنشاوى محمد :انا هروح انا يا حامد اشوف ورق شركة 0000 اللى قولتلك عليها حامد:طيب روح تعالى انت معايا يا سامح وذهب الى مكتبه ودلفت خلفه السكرتيرة سلوى:استاذ حامد الملف ده سابوا لحضرتك استاذ معتز من الحسابات حامد ويضع الملف على المكتب :طيب روحى انتى وياريت تعمليلنا اتنين قهوة التقط سامح الملف وبدأ فى قراءته وبعد مرور ساعة ونصف اتت سلوى :حامد بيه استاذ ادهم من شركة الحسينى جه ادخله ولا اخليه يستنى حامد :لا دخليه بس ابعتى خبر لاستاذ محمد وخليه يجى سلوى :حاضر يا فندم _______ كان ادهم منتظر فى الخارج سلوى :اتفضل يا فندم رحب به حامد وسامح ادهم :انا ادهم الحسينى ابن احمد علام صاحب شركة الحسينى حامد بأبتسامة :غنى عن التعريف سامح :اتفضل اقعد تحب تشرب ايه ادهم :قهوه مظبوط فى هذه اللحظة دلف محمد حامد :ده استاذ محمد اخويا وبعد ان سلم عليه ادهم :انا جاى بخصوص ............. وبعد حوالى ساعتين حامد :خلاص تمام اتفقنا بس احنا مزرعتنا فى المنصورة شوف تحب تيجى امتى عشان تشوفهم ادهم :ممكن بعد بكره حامد :مفيش مشكلة ادهم نهض ويغلق زر بدلته :طيب استأذن انا حامد :شرفت يا استاذ ادهم بعد ان ذهب محمد :ان شاء الله الثفقة دى هتفرق معانا كتير سامح :اه ان شاء الله حامد :طيب انا هضطر ارجع النهاردة عشان اقول لبابا محمد :انا مش هينفع عشان لسه همر على الفرع التانى سامح :و انا هفضل هنا معاك _____________ فى شركة الحسينى شروق سكرتيرة احمد ادهم :شروق استاذ احمد جه من الاجتماع شروق :لا لسه يا فندم ادهم :لما يجى ادينى خبر..فى حد سأل عليا شروق :ايوه يا فندم استاذ عزت كان عايز حضرتك ادهم :طيب خليه يجيلى مكتبى وبعد مرور نصف ساعة كان ادهم فى مكتب والده احمد:عملت ايه احكيلى حكى لوالده مقابلته ادهم :بس الاتفاق هيبقى مع استاذ على والدهم احمد :يعنى هنسافر بعد بكره ادهم :ان شاء الله انا اخترت اليوم ده عشان هتكون فاضى فيه احمد :اه كويس البارت 4 فى فيلا الحسينى ايسل :بابا انا هاجى معاك نيفين :تروحى فين هى فسحه ده شغل احمد:مش هينفع يا حبيبتى ده شغل..مرة تانية هبقى اوديكى ايسل :مليش دعوة انا كده هفضل لوحدى هنا احمد:ليه هتفضلى لوحدك نيفين :انا هروح مع شاكيره شرم عشان فى حفلة هناك احمد بعصبية :يعنى ايه تروحى حفلة ومنغير ما تقوليلى نيفين :اديك عرفت وبعدين ما انت هتسافر هقعد هنا اعمل ايه احمد :ايه اللى تعملى ايه اقعدى مع بنتك نيفين :هى صغيرة يعنى عشان اقعد معاها احمد:مش هتروحى الزفت ده نيفين بهدوء :انا خلاص حجزت كل حاجة ايسل بترجى :والله يا بابا هسمع كلامك وهفضل فى العربية وبعدين انا مخرجتش من ساعة ما اخدت الاجازة وبعد محايلات من ايسل وافق احمد على ان يأخذها معه نيفين :مهو دلعك ده اللى هيبوظها وتركته وذهبت _____________ فى النادى بعد ما ادهم انتهى من ممارسة الرياضة ذهب وجلس مع اصدقائه سليم (احد اصدقاءه):كل ده يا ادهم ده احنا كنا هنمشى التقط ادهم زجاجة المياة وارتشف منها كمية قليلة : بقالى كتير مجرتش .. انتوا هتفضلوا قاعدين كده كريم (صديق ادهم وسليم ):ياعم براحة علينا ..احنا مهدودين كفاية اننا جينا اتى النادل ووضع المشروبات التى طلبها سليم على المنضدة سليم متسائلا :هو عمر اتأخر كده ليه ادهم :مش عارف اتصلت بيه وقالى انه فى الطريق كريم :الباشا شرف اهو سليم :كنا لسه بنسأل عليك .. عمر :وانا اقول شرقت ليه ادهم :ايه اللى جابك متأخر كده عمر :اعمل ايه فى جوز خالتى اللى هيموتنى من الشغل ثم التقط كوب العصير من امام ادهم وشربه جرعه واحدة ووضعه مره ثانية امام ادهم نظر ادهم اليه بغيظ :قوم يا عمر امشى _(عمرابن خالة ادهم شاب وسيم عريض المنكبين طويل القامه ومفتول العضلات 24 عام وهو صديق ادهم المقرب ) عمر :مش قبل ما اكل سليم :انت دايما كده همك على بطنك عمر :اومال همى على بطنك انت انا هروح اجيبلى حاجة اكلها حد عايز حاجة اللى عايز حاجة يروح يجيبها لنفسه ماشى ثم تركهم وذهب سليم :الواد ده مجنون ادهم : والله مش جديدة عليه وبعد عشرة دقائق اتى عمر ومعه صينيه مليئه بالطعام ومعه عصير كريم :انت هتاكل كل ده لوحدك عمر وهو يضع الطعام فى فمه :اومال هجيب سبعة ياكلوا معايا ادهم :سيبه يا كريم لحسن ياكلك انت شخصيا عمر :هتفضلوا تتريقوا كتير ..والله اسيبكوا وامشى نهض ادهم :طيب انا هروح اجيب حاجة اشربها بدل اللى شربها ذهب ادهم الى الكافيتريا كانت جالسة مع صديقتها (مى) لمحته مى ففقالت :الين مش ده ادهم نظرت الين خلفها :اه هو ..فنادت عليه جاء ادهم اليهم ..فقالت الين :انت هنا بتعمل ايه ادهم :عادى بشم هوا ..ثم التفت لمى وسلم عليها ادهم :طيب عايزة حاجة قبل ما امشى الين :طيب ما تقعد ..انت هتمشى دلوقتى ادهم معتذرا :مش هينفع عشان صحابى يلا اشوفكم وقت تانى ..ثم رحل _____________ فى المساء ارتمت نور على الكرسى قائلة :ضهرى اتكسر مش قادرة ياسمين :والله وانا كمان نور :هو انتى عملتى ايه عشان تتعبى انتى يدوب لمعتى لكن انا عملت السجاجيد لوحدى واخوكى دبسنى معملش حاجة اتت سعاد :يلا يابنات عشان تتعشو جاء ياسين ويضحك لنور بأستفزاز نور :اضحك براحتك ..بس والله يا ياسين لهتشوف انا هعمل ايه عشان تدبسنى انا فذهبت نور شاكية لوالدتها :على فكرة يا ماما ده ظلم ياسين سابنى ومعملش معايا زينب :معلش يا حبيبتى هو اللى هيعمل المره اللى جاية علا:بما انك معملتش حاجة فأنت اللى هتغسل المواعين دى كلها ياسين بصدمة :لا طبعا مش هعمل حاجة ده على جثتى وبعد انتهاء العشاء جاء حامد نور :اومال فين بابا وعمى حامد :هيجوا بكره بس عشان وراهم شغل على :اتعشى الاول وبعد كده قولى عملتوا ايه حامد متسائلا:اومال فين ياسين نور بسعادة :بيغسل المواعين ______________ فى حجرة المكتب على :طب كويس ان الدكتور كان هنا النهاردة بس انت سألت على الشركة دى كويس حامد :اه طبعا يا بابا وبعدين صاحبها احمد علام الحسينى والراجل ده سمعته كويسه جدا على :طيب يا حبيبى روح انت ارتاح حامد :طيب يا بابا تصبح على خير ______________ فى فيلا الحسينى اتت نيفين لابنتها وجدتها تشاهد التليفزيون نيفين :يلا يا ايسل ادخلى نامى ايسل:هستنى ادهم يا ماما نيفين :طيب تصبحى على خير وبعد مرور الوقت دلف ادهم ووجد اخته جالسه تشاهد التيليفزيون جلس بجانبها :سهرانة ليه لغاية دلوقتى ايسل :كنت مستنياك اتأخرت ليه كده ادهم :كنت فى النادى .. ايسل بطرف عيناها :وتقولى مش فاضى معنديش وقت ادهم مبتسما:روحت عشان بقالى كتير مشوفتش صحابى ايسل :طيب دادة دخلت تنام ..احضرلك تاكل نهض ادهم :لا يا حبيبتى انا كلت فى النادى ..يلا ادخلى نامى بقى اغلقت ايسل التليفزيون :طيب تصبح على خير ______________ صباح يوم جديد تشرق الشمس بأشعتها على غرفة نور تستيقظ نور على صوت زقزقة العصافير انزعجت نور من صوتهم فوضعت الوسادة فوق رأسها دلفت سعاد الحجرة وتزيل الغطاء من على نور :قومى بقى مش كل يوم واحدة فينا تيجى تصحيكى نور وتأخذ الغطاء مرة ثانية :سيبينى شوية صغنتتين سعاد :حظك ان انا اللى بصحيكى وانتى عارفة لو مصحيتيش يا نور انا هعمل ايه نور :خلاص صحيت اهو بس بلاش الميه سعاد بأبتسامة :صباح الخير يا حبيبتى يلا عشان الفطار جهز نور :حاضر جاية وراكى _____________ فى الشركة فى مكتب ادهم كان يراجع بعض الاوراق مع عمر ادهم بجدية :عمر خد الورق ده وديه تانى الحسابات خليه يتراجع فى غلطات كتير عمر :حاضر اه صح هات ملف شركة ..... عشان اراجعه قبل ما اروح الاجتماع ادهم :انت اللى هتروح عمر :ايوه مهو هيتعمل بكره وبما انك هتسافر انت وعم احمد يبقى انا اللى هروح ادهم :تصدق كنت هقولك تيجى معانا عمر :اجى فين ياعم شكرا هو انا ناقص مرمطة ادهم :ماشى يا سيدى اهو الملف بس خد معاك استاذ شاكر مدير الحسابات ___________ كانت نور تتمشى بـــ الين ووجدت ياسين يسقى الورود التى زرعتها نور :انا لسه سقياهم الصبح ياسين :مفيهاش حاجة يشربوا تانى الدنيا حر نور :بس انت كده هتموتهم ترك ياسين الرشاش ووضعه على الارض وجلس على الارض لاحظت نور عبوس ياسين فأخذت المهرة الى الاسطبل ثم عادت اليه وجلست نور :مالك يا ياسين فى حاجة مضايقاك ياسين :يعنى ..متضايق شوية نور :طيب من ايه قولى نظر اليها وقال :وحشتنى اوى البارت 5 ياسين :وحشتنى اوى فرح نور وقد علمت مقصده :الاجازة قربت تخلص وهتشوفها تانى ياسين :دى حتى مش بتفتح الايميل بتاعها نور :على فكرة يا ياسين انا مش موافقاك خالص على كده انا حتى كمان مش بستريحلها رمقها ياسين بنظرة غضب نور : خلاص متبصليش كده طيب ما تكلم جدو وهو هيقنع عمى انه يوافق انك تتقدملها ياسين :يا نور مش هينفع دلوقتى انا لسه مشتغلتش وعرضت على بابا كذا مره انى اشتغل وهو مش راضى هروح بقى لباباها اقوله انى لسه بدرس وانا خايف انها تبقى لحد تانى نور :بص يا ياسين لو فرح بتحبك زى ما انت بتحبها مش هتوافق على حد وهتستناك وبعدين انت خلاص خليت البت تتخطب ياسين :بفكر اروحلها البيت نور بحدة :انت مجنون يا ياسين ..انت ترضاها عليا او ياسمين ياسين :نور ايه اللى انتى بتقوليه ده ..لا طبعا مش كده نور بصوت عال :لا كده اللى مترضهوش علينا مترضهوش على بنات الناس ياسين :نور وطى صوتك وانتى بتكلمينى انتى نسيتى انى اكبر منك ..ومينفعش تكلمينى كده نور متأسفة :اسفة يا ياسين ..بس قاطعها ياسين :خلاص يا نور دى كانت مجرد فكرة وبعدين شوفتينى انى قومت وروحتلها نور :طيب هتعمل ايه دلوقتى ياسين :هضطر انى افتح الموضوع تانى مع بابا ابتسمت نور :ايوه كده هفضل اعلم فيك لحد امتى ياسين :برغم انك رخمة يا نور اه والله مش بجامل بس انتى الوحيدة اللى بتكلم معاكى فى الموضوع ده وساعات ياسمين كانت نور تستمع اليه :بغض النظر عن رخمة بس انا مش عارفة من غيرى كان هيحصل ايه ياسين :متخديش فى نفسك مقلب اوى كده .. اتت ياسمين :بتعملوا ايه ياسين :وانتى مالك .. ياسمين :انت بتعاملنى كده ليه يا ياسين ايش حال ان احنا اخوات وكمان توأمك نور :اقعدى يا ياسمين سيبك منه وانا هحكيلك ______________ فى احدى الفلل الراقية فى جاردن سيتى نجد فتاة جالسة بجانب البيسين وتتصفح الانترنت وهى تحتسى العصير تأتى اليه امرأة فى اخر عقدها الرابع ولكن مهتمه بمظهرها المرأة :صباح الخير يا الين الين :صباح الخير يا مامى ايه رايحة فين شاكيرا :رايحة انا ونيفين النادى تيجى معايا الين :لا انا هخرج مع اصحابى شاكيرا :ما تتصلى بأدهم خليه يخرجك الين :فى ايه يا مامى انتى دايما كده مخليانى انا اللى اتصل بيه مش هتصل بحد شاكيرا :انتى حره بس كده هتطيريه من ايدك انتى عارفة الناس دى معاها فلوس اد ايه الين بزعيق :ايه يا مامى مش مكفيكى الفلوس اللى بابا سبهالنا شاكيرا :اقعدى شوية الملاليم اللى سايبهالنا ده انتى فقر انا ماشية ادمعت عيناها :الله يرحمك يا بابا ____ ________ كانت ايسل تشاهد التلفيزيون وجدت والدتها تتحدث عبر الهاتف مع صديقتها شاكيرا ايسل:ماما انتى خارجة نيفين:اه رايحة النادى ايسل بترجى:خدينى معاكى انا زهقت من القعدة نيفين :انا هروح مع اصحابى انتى كده هتزهقى ايسل نافية :لا والله مش هزهق نيفين :طب روحى البسى بسرعة بس ياريت يا حبيبتى تقوليلى مامى اودامهم ماشى يا حبيبتى ايسل كاتمة ضحكتها :حاضر يا ماما اقصد يا مامى نيفين :شطورة يا حبيبتى يلا هستناكى فى العربية ______________ انقضى اليوم مسرعا واتى اليوم التالى ادهم وهو يعدل الجرافت :ها يا بابا خلصت احمد :اه يلا اتت ايسل مسرعة وهى تحمل حقيبتها على ظهرها :استنى يا بابا انت نسيتنى عايز تمشى وتسيبنى احمد:افتكرتك نايمة مردتش اصحيكى ادهم :ايه ياايسل احنا رايحين شغل مش رايحين رحلة ايسل :انا قولت لبابا وهو وافق ادهم :ايه يا بابا هتيجى معانا فين ومين هيبقى فاضيلها احمد:عشان نيفين هانم سافرت هى هتقعد مع مين ادهم :لا مش هتيجى اطلعى فوق يلا اصلها رحلة هى _________ فى سيارة احمد كانت ايسل جالسة فى الخلف واخرجت من حقيبتها عصير وشئ لتأكله ايسل وهى تمد يدها لوالدها بالعصير :تاخد يا بابا احمد وهو يضحك على ما تفعله:بالهنا والشفا يا حبيبتى ايسل بأستفزاز:تاخد يا ادهومتى ادهم بغيظ :لا مش عاوز ايسل:احسن مكنتش هديك اصلا ادهم بضيق :بابا خليها تسكت مش كفاية انها جت ______________ فى المنصورة بعد انتهاء الفطار على :يلا يا ولاد الناس زمنها على وصول حامد :يا بابا لسه بدرى ..ده من القاهرة لهنا شوف كام ساعة علا :اقعد يا بابا اشرب الشاى الاول سامح :اقعد يا بابا ولو جم اكيد هيتصلوا بينا من المزرعة على :لا عيب الناس تيجى ومنكنش مستنينهم حامد :قوم يا سامح انا عارف ان بابا مش هيستريح كده وخلى حد ينادى محمد ذهب على مع اولاده جالسيين فى الصالون يشاهدون مجلة ازياء ياسمين بأنبهار :حلو اوى الفستان ده ..بصى يا نور نور :لونه حلو لو عجبك اشتريه ياسمين برومانسية :اه هشتريه لخطوبتى وابقى زى سندريلا ويجى الامير وياخدنى نور بسخرية :وايه كمان كملى نظرت اليها ياسمين :انتى بتتريقى عليا يا نور التفتت نور للنافذة خلف ياسمين ثم ذهبت وفتحتها رأت ياسين معه مهرتها نور :ياسين انت واخد الين على فين ياسين وهو يهم بالركوب :هتمشى بيها شوية ..يلا سلام نور :طب خلى بالك منها ثم وجدت عم جابر مار بجانب فيلتهم ومعه الاغنام نور :عم جابر جه ...انا ماشية ياسمين :مش هتكملى بقية المجلة نور :لما اجى بقى .. ذهبت سريعا الى غرفتها وخرجت ثانية سعاد بضحك :ايه اللى انتى عملاه فى نفسك يا نور كانت نور مرتدية الاشارب وربطاه من الخلف ومرتدية جلباب والدتها نور:حلو يعنى سعاد:قمر يا حبيبتى رايحة فين نور:عم جابر بره هروح معاه سعاد :طيب خدى موبايلك معاكى عشان نطمن عليكى نور :حاضر قولى انتى بقى لماما __________ . . . ادهم :اهى يا بابا هى دى المزرعة احمد يلتفت لابنته التى مازالت تأكل احمد:اقعدى فى العربية ومتخرجيش ايسل:ايه ده هو انا مش هخرج معاكوا احمد:انا قولت ايه ايسل :خلاص مش هتحرك واخرجت الهاندفرى ووضعته فى اذنها ادهم :اهو استاذ حامد جه خرج احمد وابنه وذهب وسلم عليه وبعد ما تعرف عليه جاء الجد على ورحب بهم وذهب بهم الى داخل المزرعة واتى سامح ومحمد معهم وظلوا يتحدثوا عن العمل على :حامد هات الورق يلا عشان نمضيه حامد:انا اديت الورق لسامح سامح متذكرا عندما كان يقوم بمراجعة الورق فى الصباح وتركه فى حجرة المكتب سامح:انا نسيت الورق على المكتب خمس دقايق هبعت حد يجبهم اتصل سامح بالمنزل وطلب منهم ان يرسلوه ______ علا ظلت تبحث عن عم سالم الغفير لكنها لم تجده بينما وجدت ياسين على المهره عائد علا:الحمدالله انى لقيتك ياسين :فى ايه علا وهى تعطيه الورق:خد الورق ده وديه لابوك فى المزرعة عشان نساه ياسين :حاضر و سار بالمهره تجاه المزرعة __________ . . وصل ياسينوقام بربط المهره فى الخارج ثم دلف ووجد ابيه منتظره واعطاه الورق وذهب ++++++ فى الخارج كانت ايسل شعرت بالملل من الجلوس فى السيارة قامت بفتح النافذة ايسل:اوف ايه الريحة دى ثم اغلقتها مره ثانية نظرت الى الناحية الاخرى وجدت تلك المهرة خرجت ايسل من السيارة بفضول وذهبت اليها ظلت تنظر اليها بأعجاب حتى انها حاولت ان تمرر يدها على ظهر المهرة لكن اصدرت المهرة صهيل عال ما ان سمعت ايسل صوتها حتى صرخت _____ فى هذه اللحظة كان ياسين عائد فسمع صوت المهرة ورأى تلك الفتاة وهى تصرخ البارت 6 ما ان سمع ياسين صوت صريخ الفتاة فركض مسرعا فأمسك بالمهرة يحاول ان يهدأها وبعد ان هدأت المهرة فالتفت الى الفتاة ياسين:انتى كويسه ايسل بدموع :لا مش كويسه الحصان ده صوت فى وشى خضنى ياسين لم يتحمل ان يكتم ضحكته فضحك بصوت عال فظهرت نواجزه ايسل بعصبية :انت بتضحك على ايه غبى صح اختفت ضحكة ياسين بالتدريج وقال بنبرة اخافت ايسل:انتى قولتى ايه ايسل تحاول ان لا تظهر خوفها :انت غبى ياسين :احترمى نفسك يابت انتى لولا انك بنت كنت عرفت شغلى معاكى كويس وكمان بدل ما تشكرينى بتشتمى ايسل:اشكرك على ايه انت اصلا عملت حاجة انااساسا مخوفتش ياسين وهو يأخذ المهره:يا شيخة دى المهرة ليها حق تخاف منك ثم التفت ليغادر وقبل ان يتحرك قرب المهره من ايسل فرجعت ايسل للوراء وهى خائفة ضحك ياسين :صح مبتخافيش واطلق ضحكة عالية وذهب ايسل :واد رخم اتى ادهم من خلفها :انتى بتشتمى مين ايسل بخوف :مبشتمش حد ادهم بصرامة :انتى ايه اللى طلعك من العربية انا مش قولتلك متخرجيش ايسل :اصلى زهقت هو احنا هنروح دلوقتى ادهم :اه بابا هيخرج دلوقتى وهنمشى ..ثم فتح لها باب السيارة وقال :ادخلى يلا اتى احمد وذهبوا -__-------_----__--------- فى النادى كانت الين جالسة مع صديقاتها المقربة (مى) مى:عامله ايه مع ادهم قالت بحنق:كويسيين مى :انتى متضايقة من ايه ..هو مش بيكلمك الين :عادى يعنى ..بنتكلم بس ده اذا انا اللى بدأت مى :هو مبيتصلش بيكى خالص الين :بقولك ايه يا مى غيرى الموضوع ده عشان مبحبش اتكلم فيه ..ثم نهضت مى :انتى زعلتى ولا ايه ..اقعدى الين :لا ..هتمشى شوية يلا اشوفك بعدين كانت تسير وهى تفكر فى حالها هى وادهم فلمحت صديق ادهم فنادت عليه ..لكنه لم يسمعها فأسرعت فى خطاها حتى لحقت به الين وهى تلتقط انفاسها :كريم كريم كان كريم يركض فعندما سمع اسمه تعرف على صوت المنادى التفت اليها وقال بأبتسامة :الين ازيك الين :الحمدالله ايه الجرى ده قطعت نفسى كريم :كنتى عايزة حاجة ولا ايه الين :كنت عايزة اسألك عن ادهم اصلى مشوفتهوش كريم :اه ادهم فى المنصورة الين بدهشة:بيعمل ايه هناك كريم :عنده شغل الين :طيب شكرا يا كريم سلام - _ ________ فى شرم الشيخ وصلت نيفين وشاكيرا الى احدى الفنادق الضخمة وبعد ما اخذوا قسطا من الراحة تقابلوا على الشاطئ شاكيرا وهى تلتقط العصير :ايه يا نيفين هو ادهم هيفضل معلق بنتى كده نيفين :ليه بتقولى كده شاكيرا :لغاية دلوقتى محددش معاد للخطوبة نيفين :مين قال كده هو قالى انى افاتحك فى الموضوع ده شاكيرا بسعادة:بجد طب هنعمل الخطوبة امتى نيفين بأرتباك فهى وضعت نفسها فى مأزق ولم تأخذ برأى ابنها نيفين :الخميس الجاى شاكيرا :يعنى كلها خمس ايام -_-----____--------0000 جالسة على الارض وواضعة قدمها فى ماء البيسين وهى شاردة فأتى من خلفها ياسين :مالك قاعدة كده ليه ياسمين :عادى يعنى مش لاقية حد اقعد معاه كلهم جوه بيعملوا الاكل ..وانت خرجت ونور مع عم جابر جلس بجانبها :يعنى عايزة حد ترغى معاه وتصدعيه وخلاص اتفضلى ارغى ياسمين :ياسين انت دايما كده واخد كل حاجة هزار ياسين بجدية :انتى شكلك متضايقة بجد ..فى ايه ياسمين :زهقانة وعايزة اخرج فكر قليلا ثم نهض وسحبها من يدها :طيب قومى وانا هخرجك خروجة تحلفى بيها ياسمين بفرحة :بجد ..هنروح فين ياسين مازحا :هوديكى عند نور تلعبى مع الخرفان ..ياستى هخرجك وخلاص مش لازم تعرفى يلا روحى غيرى قبلته ياسمين :ربنا يخليك ليا ..ثوانى وجاية ياسين :اه انا عارف ثوانى دى اد ايه طيب هروح مشوار تكونى انتى خلصتى __________ واقفة بين الاغنام تنظر اليهم بحيرة تبحث عن عم جابر فالغنم انحرفت على الطريق فظلت تجمع فيهم لتضعهم فى مكان واحد نور:انت فين ياعم جابر اوف بقى انتوا كده مش هتخلونى العب معاكوا تانى يلا ررررر تعالوا على جانب اتت امرأة كبيرة فى السن تدعى (نعمة) نور تعرف هذه المرأه جيدا فهى تعمل فى فيلا عم حسين جارهم ذهبت نور لهذه المرأه وتحدثت نور معها لكن بلغة الاشارة لان هذه المرأة (بكماء) فمن كثرة تعامل نور معها تعلمت كيف تتحدث معها بهذه اللغة فى هذه الاثناء كان اتى ادهم بسيارته احمد :عجبتك المنصورة يا حبيبتى ايسل :اه حلوه وقالت بصوت خافت لكن فيها ناس مستفزة ادهم وهو ينظر امامه على الطريق ادهم :هو الواحد ناقص احمد:فى ايه ادهم :بص ويشاور له على الاغنام ايسل :الله خرفان صغنتته بابا هاتلى واحد احمد:بس يا حبيبتى بطلى تشبطى فى كل حاجة انتى كبيرة دلوقتى ثم قال لابنه :انده يابنى للست دى شكلها الراعية بتعتهم خليها تهشهم احنا كده مش هنخلص نظر ادهم الى المرأة التى تتحدث بلغة الاشارة مع امرأة اخرى ادهم :اهى كملت مش هيسمعونا ------_- كانت نور ظهرها للسيارة وعندما شعرت بهم قامت بتوديع (نعمة) وحاولت ان تبعد الغنم لكنهم لم يتحركوا ادهم بعصبية ويخرج رأسه من نافذة السيارة ادهم: انتى ياست انتى ابعدى الحاجات ده ايسل:يابنى مش انت قولت مش هتسمعك تضايقت نور منه و نظرت اليه بحده البارت 7 نظرت اليه بحدة ثم التفتت للغنم تحاول ان تبعدهم وهى تتمتم ببعض الكلمات احمد بدهشة :ايه ده دى صغيرة ثم وجه كلامه لابنته قائلا:احمدى ربنا على النعمة اللى انتى فيها بصى بنت شكلها صغير وبصى راعية غنم اهه ايسل:طيب يا بابا الحمدالله نظرت نور مره اخرى وجدت احمد يتحدث ثم نقلت بصرها الى ادهم وجدته ينظر اليها بضيق رمقته بنظرة حنق والتفتت للناحية الاخرى حتى لا يلاحظ ماتقول :ماله ده مش طايق نفسه كده ليه .. ضرب على كلاكس السيارة بشدة :يادى النيلة احمد:بس يا ادهم مش هتسمعك على اللى انت بتعمله ده سيبنى انا هعرف اتصرف معاها انزعجت نور من هذا الصوت نور :هو فاكرنى طرشه استدارت بعصبية وجدت احمد يحاول ان يحدثها بلغة الاشارة على ان تبعد الغنم عن الطريق ابتسمت نور من طريقته فهو يعتقدها بكماء واخيرا الغنم بعد عن الطريق مرت السيارة ونظر ادهم اليها بحدة عندما اقتربت العربية منها ظنت انه لم يراها عندما اشارت عليه بمجنون _____________ لمحت نور عم جابر وهو اتى عم جابر :معلش يابنتى اتأخرت عليكى نور :حرام عليك يا عم جابر دول جنينونى الله يكون فى عونك ضحك عم جابر :طب يلا روحى عشان انا قابلت ابوكى وبيقولك يلا عشان تتغدى نور :ماشى ياعم جابر يلا سلام ______ وصلت الى الفيلا ووجدت ياسين جالس امام اللابتوب فى الحديقة القت السلام وهمت بالمغادرة ياسين :رايحة فين يا ام محمد التفتت اليه نور :ايه ام محمد دى ياسين ضاحكا :ايه اللى انتى عاملاه فى نفسك ده انتى ناقصلك اوفه وشوية جبنه واخرجى بيعى بره هتكسبى كويس اسمعى كلامى خدى منى نور بغيظ : رخم وتركته وذهبت زينب :يلا يا نور روحى غيرى وتعالى عشان تتغدى نور :حاضر يا ماما ذهبت نور الى غرفته واخذت حماما منعشا ثم توضأت لتصلى الظهر وبعد ان انتهت نزلت لتجدهم لم يضعوا الطعام على المائدة بعد ذهبت الى المطبخ وجدت علا وسعاد نور وهى تمد يدها وتأخذ بطاطس من الطبق :انتوا كل ده لسه محضرتوش علا:ثوانى يا حبيبتى والاكل يجهز جاءت لتأخذ واحدة ثانية لكن منعتها سعاد بضربة على يد نور قائلة:بس عشان متشبعيش الاكل هيتحط وناكل كلنا نادت علا على ابنتها ياسمين لتأتى لتأخذ الاطباق وخرجت معها لتحضير السفرة سعاد لاحظت عبوس نور تركت ما فى يدها وذهبت اليها :مالك يا حبيبتى حد زعلك نور :لا يا عمتو سعاد :اااه طلاما قولتى عمتو يبقى مضايقة قوليلى منع كلامهم مجئ علا لتأخذ بقية الاطباق سعاد بصوت خافت :بعد الغدا عيزاكى اومأت نور وذهبت لكى تساعدهم وبعد الانتهاء من الغداء ذهبت نور الى غرفتها وتذكرت ذلك الشاب وهو ينظر اليها بحدة مما جعلها تستشاط غضبا فقالت بصوت مسموع :انا ازاى سبت الغبى ده يزعق ويعلى صوته كده سمعت صوت طرق على باب غرفتها فعلمت انها سعاد فسمحت لها بالدخول دلفت سعاد وجلست بجانبها على الفراش سعاد وهى تمسك ذقن نور :ها يا بطه ايه اللى مزعلك حكت نور ما حدث معها وما فعل ذلك الغبى المتعجرف سعاد لم تتمالك نفسها من الضحك نور بحنق وقطبت جبينها :عمتو انتى بتضحكى على ايه سعاد : اصلك مشوفتيش شكلك يا نور كان ازاى بالجلابية والايشارب اللى كنتى لبساهم .. نور :انا مش هحكيلك على حاجة تانى .. سعاد :طيب انا سكت اهو ..متضايقيش نفسك بقى نور :اصلك مشوفتهوش كان بيبصلى ازاى ..ولا الراجل التانى فاكرنى مش بسمع وبيشاورلى سعاد بجدية : بصى يا نور يا حبيبتى انتى كبرتى كلها شهر وهتدخلى الجامعة ولسه بتتعاملى مع الناس على انك صغيرة نور بزعل وتطرق رأسها نافية :لا ياعمتو انا لسه صغيرة ومش هكبر انا عايزة افضل كده سعاد باسمة :انتى لازم تكبرى وتفكرى بعقل بنوته كبيرة مش لسه بتلعب مع الخرفان عبست نور ونظرت اليها بضجر سعاد :خلاص متزعليش بقى عشان مبحبش اشوفك زعلانة احتضنت نور سعاد بشدة :انا بحبك اوى يا سوسو سعاد:وانا يا حبيبتى يلا عشان ننزلهم بدل ما ياخدوا بالهم ________ كانت نور جالسه تطعم مهرتها وتمرر يدها على ظهرها اتت ياسمين ولم تعيرها نور اهتمام احتضنتها ياسمين :خلاص يا نور متزعليش بقى ما انتى كنتى مع عم جابر نور :يعنى تخرجوا من غيرى ومش عايزانى ازعل ياسمين :كنا هنقولك ازاى يعنى وبعدين دى ولا تعتبر خروجة نور :ليه يعنى ياسمين :رايح يقولى هخرجك وانا بحسب خروجة يعنى زى باقى الخروجات الاقيه يودينى يأكلنى ايس كريم وجينا تانى كان هاين عليا اضربه اتى ياسين وضامم ساعديه :بقى دى جزاتى يعنى لما شوفتك متضايقة وقولت اخرجك هو انا مبتشكرش ليه حتى كمان البت اللى ..ثم صمت عندما علم ما تفوه به نور بنصف عين :ايوه بت مين دى استدار ليرحل :لا مفيش حاجة تشبثت به ياسمين :لا تعالى وقولنا بت مين قص لهم ما حدث فى الصباح مع تلك الفتاة نور :حرام عليك يا ياسين ليه تكسفها كده ياسين بضحك :بتقول على المهرة صوتت ..عيزانى اعمل ايه يعنى ..من غير ما اقصد ضحكت ياسمين :بس بردو مكنش المفروض تخوفها ياسين :مهى اللى غلطت بدل ما تشكرنى نور : طيب يلا هنفضل قاعدين هنا كتير _________ فى فيلا الحسينى ما ان دلفوا الفيلا حتى ذهبوا الى غرفهم ليستريحوا كان ادهم جالس فى غرفته يتذكر تلك الفتاة راعية الغنم وهى تنظر اليه بحده وتلوح بيدها انه مجنون ادهم يحدث بنفسه :انا ازاى سكت للبت دى انا تعمل عليا مجنون انا مجنون كنت المفروض انزل من العربية عشان اعرفها ازاى تقول عليا مجنون ..محدش يجرؤ انه يشاور بس عليا اشوفك بس ___________ .فى اليوم التالى وقت الظهيرة كان الجد على فى المزرعة ومعه نور على موجها كلامه لنور :نور روحى اقعدى هناك تحت الشجرة عشان الشمس حامية اوى النهاردة نور :انت رايح فين على :الدكتور جه عشان البقرة هتولد نور بترجى لجدها :اشوفها بالله عليك ياجدو على :مش هينفع يانور اسمعى الكلام..لما تولد هبقى اخليكى تشوفيها ..يلا روحى بقى اقعدى انصاعت نور لكلام جدها وذهبت لتجلس تحت الشجرة . ===++======= فى فيلا الحسينى نيفين متفاجأة بوجود احمد :ايه ده انت مروحتش الشركة النهاردة احمد وهو ممسك بالجريدة :لا نيفين:ليه مروحتش احمد انزل الجريدة قليلا ونظر اليها :هو تحقيق ..عادى تعبان ياستى وقعدت فيها حاجة اتت ايسل وجلست بجانب والدها احمد:كل ده نوم يا حبيبتى ايسل:جسمى اتكسر من قعدتى فى العربية احمد :انتى اللى شبطتى بس ايه رأيك فى المنصورة ايسل:هو انا اتحركت من العربية يا بابا اتى ادهم وسمع ما قالت ادهم :بطلى لماضة ايسل بأبتسامة:لا بجد كانت جميلة انا شوفت مناظر حلوة اوى نيفين :انت هتروح الشغل يا ادهم ادهم وهو يجلس على احدى الكراسى:لا انا هريح النهاردة نيفين:اومال مين هياخد باله من الشغل زفر احمد وتمتم ببعض الكلمات وهو يضع الجريدة امام وجهه سمعته ايسل فضحكت التفتت اليها نيفين بحدة :انتى بتضحكى على ايه ايسل وهى تكتم ضحكتها :مفيش يا ماما نيفين:انتى مش عارفة ان الضحك من غير سبب قلة ادب احمد من وراء الجريدة قال بصوت خافت :اتهدى بقى يا شيخة ما ان سمعته ايسل حتى انفجرت من الضحك نيفين بعصبية :يووووه انتى قليلة الادب وتركتهم وذهبت صمتت ايسل وحزنت من معاملة والدتها اليها ضمها احمد اليه وقبل جبينها :متزعليش يا حبيبتى انتى مش عارفة مامتك بتفضل تهاتى وخلاص بس قلبها ابيض ايسل:يا بابا انا مش زعلانة بس هى ليه دايما عايزانا نتكلم بطريقة معينة دى لما اخدتنى معاها النادى شرطت عليا انى اقولها مامى اودام اصحابها احمد:هما اصحابها مقصرين عليها مهما الستات كده لما بيكبروا بيتهـ ولم يكمل كلمته وجدها اتية نيفين :بتقول حاجة يا احمد احمد:مبقولش حاجة كنت بقول لايسل عيب الضحك من غير سبب كاد ادهم ان يضحك ..لكن نظرت اليه والدته قائلة: تعالى يا ادهم عيزاك ذهب ادهم خلفها _____________ - فى المزرعة ما ان لمحت جدها حتى ركضت نحوه نور:فين يا جدو البقره اللى لسه مولوده على :جوه معاها بس سبناه معاها عشان تتعود عليه نور:اشوفها يا جدو الجد وهو يعلم انها لن تصمت حتى تراها :حاضر يلا تعالى ذهبوا معا وعندما رأتها قالت نور:جدو احنا هناخدها معانا صح الجد:لا يا حبيبتى عشان متمرضش نور:بس مين اللى هيعتنى بيها الجد: متقلقيش انا خصصت واحد يخلى باله منها _________ فى احدى النوادى بالقاهرة كان سليم جالس مع صديقه سليم :طلاما انت بتحبها ليه مقولتلهاش صديقه:هقولها ازاى وهى بتحبه سليم :فاكر لما قعدت اقولك قولها انك بتحبها ساعتها قعدت تقولى مش هترضى بيا لغاية ما طارت منك الشخص :خلاص يا سليم انت هتبكتنى انا ماشى سلام وتركه وذهب سليم : ربنا يجعلها من نصيبك يا صاحبى عشان عارف انه مش بيحبها .-_------_----------- فى الفيلا التى تقطن بها شاكيرا كانت جالسه تتصفح على الانترنت وتقوم بشراء ما تريده دلفت ابنتها الين الين:ازيك يا مامى شاكيرا:ايه كل ده فى النادى الين:اصلى عملت شوبينج انا ومى فى حاجة ولا ايه شاكيرا وهى تضع اللابتوب على المنضدة :عندى ليكى خبر هيفرحك جلست الين :ايه هو شاكيرا بأبتسامة :خطوبتك يوم الخميس انتى وادهم صدمت الين من هذا الخبر لا تعلم هل يجب ان تفرح ام ماذا تفعل شاكيرا:انتى معايا روحتى فين الين بأبتسامة :معاكى يا مامى طب هو اللى قالك شاكيرا:نيفين قالتلى انه هو اللى حدد المعاد اختفت الابتسامة من على وجهها ونهضت :طب يا مامى انا داخلة انام شوية نظرت شاكيرا اليها وهى تذهب قائلة:هتفضل طول عمرها فقر زى ابوها -__---------_----_____-- صاح ادهم بصوت عال ادهم :ايه اللى بتقوليه ده نيفين :كنت عايزنى اقولها ايه يعنى ادهم :من غير ما تخدى رأيى تروحى تحددى معاد الخطوبة واللى هى بعد اربع ايام وجاية تقوليلى النهاردة اتى احمد وايسل على صوته المرتفع فتح احمد بابا الحجرة :فى ايه صوتك عالى ليه ادهم:اتفضل يا بابا شوف ماما اللى رايحة تحدد يوم خطوبتى مع صاحبتها وتقرر من نفسها نيفين:عيب كده متعليش صوتك عليا احمد:انتى ايه اللى عملتيه ده يا نيفين نيفين بأرتباك :يعنى كنت اقولها ايه ولغاية دلوقتى محددش يوم خطوبتهم ادهم:انا مش هخطب حد نيفين :عايز تطلعنى صغيرة يا ادهم ادهم :والله انتى اللى اتصرفتى من نفسك يا ماما من غير حتى ما تقوليلى البات ال 8 نيفين :عايز تطلعنى صغيرة يا ادهم ادهم :والله انتى اللى اتصرفتى من نفسك يا ماما من غير حتى ما تقوليلى..ثم نظر اليها بغضب وخرج صافعا خلفه الباب بقوة لكن اتبعته اخته ايسل :ادهم استنى طيب التفت اليها ادهم بغضب :عايزة ايه انتى كمان ايسل :اهدى عشان خاطرى ادهم :بقولك ايه سيبينى فى حالى ..انا مش ناقص وخرج من الفيلا بأكملها كان يجول بسيارته ولا يعلم الى اين يذهب اوقف السيارة امام النيل واستقل منها ووقف ناظرا الى المياه وتنهد تنهيدة قوية كأنه يلقى غضبه من خلالها وظل واقف شارد يفكر فى ما فعلته والدته تذكر ادهم شخص دائما يتحدث معه عندما يكون غاضب استقل سيارته وادارها ورحل ____________ تحدث احمد غاضبا :انتى ايه اللى هببتيه ده نيفين بعصبية :ما تتكلم عدل يا احمد متكلمنيش بالطريقة دى احمد:انتى كمان هتعلمينى اتكلم ازاى كفاية بقى نيجى نتكلم تقوليلنا متتكلموش بالطريقة دى البت تضحك تقوليلها الضحك قلة ادب وابنك دايما مصره تبعديه عنك بتحكماتك انتى فاكرة انك بتعملى كده لمصلحتهم لكن انتى مش هتفوقى غير لما تلاقيهم كرهينك نيفين :تلاقيك انت اللى بتملي فيهم منى بتقولهم ايه وانا مش موجودة احمد :انتى مكنتيش كده ايه اللى غيرك بالطريقة دى..بس انا مش هسمحلك تدمرى حياة الولاد ولا تتحكمى فيهم انتى فاهمة وتركها وذهب _____ خرج احمد غاضبا من تصرفات زوجته ..ذهب الى غرفة ابنته وجدها بتبكى احمد بفزع وهو يتجه نحوها :بتعيطى ليه يا حبيبتى ايسل ببكاء:ادهم يا بابا زعقلى اول مره يزعقلى كده ضمها احمد اليه :متزعليش منه يا حبيبتى غصب عنه انتى مشوفتيش امك قالتله ايه دى عملاله الخطوبة يوم الخميس من غير ما تاخد رأيه بس هو راح فين مقالقيش ايسل:لا مقاليش هو انا لحقت اسأله خرج على طول وهو متعصب..بس انا غالبا عرفت هو فين _________ فى المساء طرق ادهم باب منزل عمر فأتت والدة عمر (سارة) لتفتح الباب سارة بأبتسامة :ادهم واحتضنته :كده يا ادهم يوم ما افتكرت ان ليك خالة ادهم بأبتسامة : ما انتى عارفة الشغل بقى يا خالتو سارة :بس برضو متتصلش حتى ادهم :طيب هتسبينى واقف على الباب كتير ولا ارجع سارة :معلش يا حبيبى ادخل اتى عمر :مين يا ماما سارة :ده ادهم يا حبيبى سلم عليه عمر وقد علم من وجهه انه يريد ان يتحدث معه عمر :ايه يا ماما فين العشا سارة :حاضر يا حبيبى ثوانى والاكل يكون جاهز وبعد ما ذهبت والدته اللى المطبخ عمر :مالك يا ادهم ادهم وهو يرجع رأسه للخلف :بص انا جيلك عشان تشوفلى حل عمر :طيب مش تقول الاول ادهم بسخرية :ماما يا سيدى ...وقص له ما فعلته والدته ضحك عمر بشدة مما استفز ادهم وقام ليغادر امسكه عمر :والله مقصدش بس انا بضحك من تصرفات خالتى اصلها مش هتتغير دايما بتعمل المصايب ادهم :احترم نفسك مهما كان دى امى عمر :خلاص ياعم مهى خالتى بردو اتت سارة لتخبرهم بأن العشاء جاهز عمر :طب تعالى ناكل وبعدين اشوفلك حل ادهم :ماليش نفس عمر :انا ماليش دعوة ده محشى هروح اكل انا لكن سارة اجبرت ادهم على ان يأكل معهم -_-------____----- بعد انتهاء العشاء كان عمر وادهم جالسين فى الشرفة يحتسون القهوة سارة :انا هدخل انام يا ولاد عايزين حاجة اعملهالكم ادهم :رينا يخليكى يا خالتو عمر:لا يا ست الكل ادخلى انتى نامى سارة :طيب تصبحو على خير ادهم :دورلى على حل ..انا استحالة اوافق انى اخطب بالطريقة دى ..لكن قاطعه صوت رنين هات عمر نظر عمر لشاشة الهاتف فقال لادهم :دى ايسل ثم رد عليها عمر كانت تطمأن على اخيها واغلقت ادهم :كانت عايزة ايه عمر :كانت بتطمن عليك بس صوتها كان زعلان ادهم بتأنيب ضمير :مهو انا اتعصبت عليها عمر :اكيد هبيت فيها هى حرام عليك هى ذنبها ايه ادهم :ما انا كنت متعصب المهم انت لقتلى حل عمر :بص يا سيدى انت تسمع الكلام عادى ادهم :يعنى انا بكلمك عشان تقولى كده اسمع الكلام عمر :ما تصبر ياعم هو انا لسه كملت ادهم :اتفضل كمل عمر :بعد كده افسخ الخطوبة اتلككلها يعنى ادهم :ايه اللى انت بتقوله ده يعنى بعد ما اخطبها اسيبها راعى انى عندى اخت ماشى عمر :مش هقدر افيدك ادهم : تصدق يا عمر انا غلطان انى حكيتلك كل مرة بلجأ ليك ومش بتفيدنى بحاجة .. انا داخل انام فى اوضتك عمر :وانا انام فين ان شاء الله ادهم :نام فى الاوضة التانية يلا تصبح على خير عمر:وانت من اهل الخير يا خويا .. ايه العيلة المجانين اللى وقعت فيها دى .. ___________ فى حجرة ياسمين ..كانت نور جالسة معها فى الشرفة نور :احكيلى بقى يا ياسمين اول يوم ليكى فى الجامعة كنتى عاملة ازاى ياسمين :عاملة ازاى يعنى ايه .. نور :يعنى كنتى خايفة .. ياسمين :هو كان فى شوية خوف بس مش اوى ..عشان ياسين كان معايا ..يعنى مكان غريب اول مرة ادخله ..فيه اختلاط ولاد وبنات ..ولا مناظر البنات اللى هناك ..تحسى انه عيد شم النسيم فى وشهم ..ولبسهم ..بس مش كلهم كده ..فى محترمين زيى نور :طيب انا هعمل ايه اول يوم ..هكون لوحدى مفيش حد معايا ياسمين :متخافيش ..ساعتها نبقى نشوف ايه اللى هيحصل ..مش يمكن انا اجى معاكى نور :اه ياريت ..عشان مبقاش لوحدى ضحكت ياسمين :بطلى بقى ..احنا مش هنبقى على طول معاكى ..لازم تعتمدى على نفسك نور :ما انتى عشان معاكى ياسين بتقولى كده .. ياسمين :ده نظام حقد بقى نور :حاجة زى كده ياسمين :طب يلا بقى عشان عايزة انام نور :ماشى يا ياسمين بتطردينى من اوضتك ..ابقى تعالى اوضتى بعد كده..ثم نهضت لتغادر ..ومفيش تصبحى على خير كمان _______ فى غرفة ياسين كان جالس وامامه اللابتوب يتصفح ايميله على الفيسبوك فقام بفتح قائمة اصدقاءه ..تفاجأ عندما لم يجد اسم فرح بينهم فقام بوضع اسمها فى مكان البحث عن الاصدقاء وجدها قامت بفتح ايميلها ..فدخل على صفحتها الخاصة بها وانصدم عندما رأى ..... البارت ال9 فى الصباح استيقظ ادهم لم يجد نفسه بغرفته ..فتذكر انه فى بيت خالته ..دخل الحمام توضأ ثم صلى وبعد ما انتهى من الصلاة قام بتغيير ملابسه التى ارتداها من عمر وارتدى بدلته السوداء وقام بتمشيط شعره الاسود للخلف مما اعطاه شكل رجولى جذاب وخرج ليجد عمر جالس فى الصالة وخالته فى المطبخ تحضر الفطار سارة:صباح الخير يا حبيبى كويس انك صحيت دلوقتى عشان تفطر معانا بس انت لابس ليه من دلوقتى ادهم :صباح النور يا خالتو لا انا مش هقدر افطر يادوب الحق اروح عشان الشغل سارة:هزعل والله يا ادهم افطر الاول وبعدين روح انت وعمر سوا خرج ادهم من المطبح وجد عمر يشاهد التليفزيون وواضع قدم على الاخرى ادهم وهو يزيلها بقدمه :نزل رجلك عمر :متحاسب ياعم هو انا حاططها نحيتك وبعدين وانت مالك هو مين اللى قاعد عند التانى ادهم :مش وقت غلاستك اللى على الصبح دى..يلا روح البس عشان هنروح الشغل عمر :افطر الاول وبعدين هبقى البس ..ما انت الحمدالله احتليت اوضتى سارة :بس بقى يلا تعالوا افطروا بعد ربع ساعة كان عمر فى سيارة ادهم عمر:انت رايح فين دلوقتى ادهم :هوصلك على الشركة وهرجع على البيت تانى عشان فى ورق مهم فى مكتب البيت عمر :والله ابدا جاى معاك نروح سوا _________ وصل ادهم الى الفيلا ومعه عمر سبقه عمر فوجد ايسل جالسه على ارجوحة فى الحديقة قام عمر بدفع الارجوحة وقال بصوت عالى :ايسل ايسل بفزع :انت مش هتبطل يا عمر عمر:لا مبقاش انا .. عامله ايه ايسل :شايف ايه بعد ما خضتنى عمر وهو يغمز بعينه :شايف قرد ابيض ايسل ضربته على كتفه :اهو انت عمر :يابت هضربك جاء ادهم من خلفه :ورينى كده هتضربها ازاى عمر وهو يتصنع الخوف :المفروض انى اخاف صح.. انا داخل جوا عندما سمعت ايسل صوت اخيها ابتسمت لكن عندما نظر اليها تذكرت امس ..فتلاشت ابتسامتها ادهم :يعنى ينفع كده تزعلى من ادهم لم ترد عليه وظلت صامته ادهم :طب يارب امــ لم يكمل فقاطعته ايسل :لا متقولش كده بعد الشر عليك ادهم :يعنى انتى مش زعلانة منى ايسل بأبتسامة:لا مش زعلانة..بس لو زعقتلى تانى هزعل بجد ادهم :انتى ايه اللى مقعدك هنا ايسل :كنت عارفة انك هتيجى دلوقتى فقولت استناك احتضنها ادهم :ربنا يخليكى ليا جاء عمر اليهم وضامم يده امامه:وبعدين هتفضلوا كده كتير عايشين دور العشق الممنوع ادهم :انت مش كنت دخلت ايه اللى جابك تانى عمر :ياعم تعالى بدل ما الاقى خالتى مجوزانى وانا ممكن اتهور واقتلها فيها انت متعرفنيش __________ ذهب ادهم الى المكتب ليحضر بعض الاوراق ..بينما ذهب عمر ليسلم على خالته وجلس بجانبها نيفين:سارة عامله ايه عمر :كويسه يا خالتو بتسلم عليكى نيفين :الله يسلمها يا حبيبى .. بص انا عارفة ان ادهم حكالك على اللى حصل ..هو مش عارف مصلحته عقلوه يا عمر عمر :خالتو ينفع اقول رأيى فى حاجة نيفين :قول يا حبيبى عمر :مينفعش يا خالتو اللى عملتيه ده يعنى يتفاجئ انه هيخطب يوم الخميس ..يعنى من رأيى حضرتك المفروض متدخليش فى حاجة زى دى نيفين بصوت عال نسبيا :انت كمان هتقولى زيهم هو مش عارف مصلحته وبعدين اصحابى فى النادى بقوا يسألونى عليه و انا عايزة مصحلته ابقى غلطانة ولا لآ عمر :لا طبعا غلطانة نيفين بحدة :نعم عمر بأرتباك :اقصد هو اللى غلطان من ساسه لراسه ده عيل مش عارف مصلحته بعد أذنك اروح اعقلوه وفى اقل من دقيقة كان خارج الفيلا وهو يقول :ياربى ايه المجانين اللى وقعت فيهم دول ---__-_______- طرقت ايسل باب المكتب ودخلت ايسل:ادهم انا عايزة اتكلم معاك ممكن ادهم بأستعجال:معلش يا حبيبتى بس بابا دلوقتى فى الشركة وعايزنى ضرورى ايسل بجدية :يبقى هاجى معاك ادهم :تيجى معايا فين بس يا ايسل ..انا رايح الشركة مش النادى لما اجى بليل نبقى نتكلم ايسل بأصرار :لا انا عايزاك دلوقتى ادهم :هو الموضوع ميتأجلش يعنى ايسل نافية :لا ادهم :فى اقل من دقيقة تكونى جاهزة ______________ فى مكتب فيلا المنشاوى على :ايه يا حامد هو استاذ احمد هيجى امتى حامد :على السبت ان شاء الله على:هما هيفضلوا كل اسبوع يجوا مرتين من القاهرة للمنصورة ..مشوار عليهم حامد :هما يشوفوا بقى هيعملوا ايه على وهو ينهض :طيب انا هروح المزرعة .. حامد :مش انت كنت هناك من شوية على :هما اللى اتصلوا بيا عشان اكل المواشى لسه موصلش __ كانت سعاد تساعد علا فى تصنيع المفروشات اليدوية اتت ياسمين وهى تشمر ساعديها :عايزة اعمل معاكوا علا:انتى مبتعرفيش تعملى حاجة كل مرة بتكلكعيهم وبتمشى ياسمين:طب علمينى علا :انا مش فاضية عايزة اخلص سعاد :تعالى يا حبيبتى اعلمك **** واقفة بجانب والدتها فى المطبخ زينب بضيق:يا حبيبتى امشى بقى خايلتينى نور :مش انتى اللى قولتيلى اساعدك زينب :قولتلك اخرطى الملوخية ..مش تلزقى فيا نور :منا عملتها اهى زينب :اطلعى بره يا نور انتى زهقتينى نور:انتى بتعاملينى كده ليه هو انا لـ لكن قاطعتها زينب ثانية :ايوه انتى لقيطة استريحتى مش ده اللى هتقوليه يلا بره بقى خلينى اخلص _------____ خرجت نور لتجد ياسمين جالسة مع زوجات عمها ووالدها فى الخارج ..فذهبت لتبحث عن ياسين سألت عمها سامح عنه فقال :بعد ما فطر طلع اوضته تانى فذهبت الى غرفته واطرقت الباب لم تسمع صوته طرقت مره اخرى :ياسين لو جوه ممكن تفتحلى البارت ال 10 خرجت نور لتجد ياسمين جالسة مع زوجات عمها ووالدها فى الخارج ..فذهبت لتبحث عن ياسين سألت عمها سامح عنه فقال :بعد ما فطر طلع اوضته تانى فذهبت الى غرفته واطرقت الباب لم تسمع صوته طرقت مره ثانية :ياسين لو جوه ممكن تفتحلى شعرت بالقلق فقامت بفتح الباب لم تجد احد بالحجرة فنزلت الى تحت مسرعة وخرجت الى الحديقة لتبحث عنه لكنها لم تجده توجهت نحو سالم الغفير نور:عم سالم مشوفتش ياسين سالم:ايوه يابنتى هو مشى من شوية نور:متعرفش راح فين سالم:لا والله يابنتى بس هو مشى من طريق السواقى نور وقد علمت الى اين ذهب نور:طب شكرا ياعم سالم دلفت نور مره اخرى وذهبت الى الاسطبل واخذت مهرتها وخرجت لكن اوقفتها ياسمين ياسمين:ايه يانور رايحة فين نور:هروح اشوف ياسين ياسمين:هو فى حاجة ولا ايه نور:لا مفيش ياسمين:طب استنى هاجى معاكى نور:ماشى اركبى معايا ياسمين بخوف:لا ياستى لحسن اقع روحى انتى وانا هاجى مشى وراكى..بس انتى هتروحيله فين نور:عند السواقى ..ابقى قولى لماما انى رايحة هناك يلا سلام ذهبت نور الى مكان السواقى ووجدت ياسين بالفعل جالس تحت الشجرة وشكله شارد نزلت نور من على المهره وربطتها فى احدى الاشجار وذهبت لتجلس بجواره خرج ياسين من شروده وانتبه لها عندما اتت لتجلس نور وهى ناظرة امامها :طلاما جيت هنا يبقى اكيد متضايق تنهد بقوة ولم يتحدث نور:ياااه ده انت شايل..ثم قالت بقلق :قولى مالك نظر اليها ياسين بحزن ونهض واقفا بعيدا عنها واعطاها ظهره نهضت نور ووقفت بجواه ونظرت اليه :ممكن تقولى مالك ياسين بصرامة:لو سمحتى يانور مش عايز اتكلم نور: يعنى مش هتقولى مالك ياسين بصوت عال:انتى مبتفهميش قولتلك مش عايز اتكلم نظرت اليه نور بحده وقالت :على اساس انك لما تزعقلى هتقمص وامشى لا بتحلم ..ثم قالت بأصرار :انت هتقولى مالك دلوقتى..ومش همشى غير لما اعرف حاول ان يهدأ قليلا عندما وعى لنفسه انه صرخ فيها:نور معلش سيبينى انا عايز اقعد لوحدى نور:لا مش هسيبك وانت كده ..ولو مش عايز تتكلم اوكيه معنديش مانع ..بس مش همشى.. ياسين بعصبية :كل الحكاية انى اخترت الحب الغلط نور بأستغراب :مش فاهمة ياسين :يعنى فرح مطلعتش بتحبنى زى منا بحبها..فرح اتخطبت نور بأندهاش :طيب اهدى كده ..وقولى عرفت منين ياسين وهو يزفر :عرفت امبارح من الفيس بالصدفة بشوفها فى قائمة الاصدقاء ملقتهاش ..عملت سيرش على اسمها لقيت ايميلها اتفتح ..فروحت بشوفه لقيها لغيت الصداقة ..ومنزلة صورة واحد عرفت انه خطيبها من الكومنتات اللى عليه ..وانا كل ده مش مصدق فبعتلها مسج عشان اتأكد ..أكدتلى فعلا وقالتلى انها اتخطبت من ابن عمها وبتقولى ياريت مكلمهاش تانى عشان معملهاش مشاكل.. بقى انا يا نور هعملها مشاكل نور متأثره لحاله فقالت وهى تربت على ظهره :عشان خاطرى متزعلش عليها دى متستاهلكش ولا تستاهل حبك ليها هى اللى خسرانة مش انت ..وهى حبها ليك مكنش بجد .. ياسين :بس انا حبيتها اوى .. نور :والله ما تستاهل يا ياسين ..انا ياما قولتلك انى مش بستريحلها من مجرد كلامك عليها ..اقولك على حاجة احسن انها راحت لحاجة بسيطة جدا انها عمرها ما حبيتك ربع اللى انت حبيتهولها ثم اردفت قائلة *عسى ان تكرهوا شيئا وهو خير لكم وعسى ان تحبوا شيئا وهو شر لكم * البنت دى ربنا مكتبهاش ليك وبعدين انت تحمد ربنا انها بعدت من دلوقتى اكيد ربنا هيكتبلك الخير مع بنت تانية هتحبك بجد..وبكرة تقول نور قالت ثم اسطردت قائلة :قرأت قبل كده مقوله بتقول (لا تحزن على شئ مضى لو كان خيرا لبقى ) بص حاول تنساها انا عارفة انك مش هتنساها فى يوم وليلة لكن على الاقل متحاولش تفكر فيها ياسين :هحاول ان شاء الله ..لحاجة واحدة انها فعلا متستاهلش نور بأبتسامة :ايوه كده لمحت نور ياسمين اتيه نور:ياسين ياسمين جاية ياريت متبينش اودامها عشان لما بتشوفك زعلان هى كمان بتزعل وانا كفاية عليا واحد الله يخليك انا مش حمل اتنين ابتسم ياسين ابتسامة حزينة :انا اسف يا نور انى اتعصبت عليكى نور:انت اخويا يا ياسين متقولش كده __________ فى شركة الحسينى فى مكتب احمد كان جالس هو وابنه يراجع بعض الاوراق احمد:اومال فين ايسل مش هى جت معاك ادهم:اه ..هى قاعدة فى مكتبى احمد:فى حاجة ولا ايه ادهم :والله مش عارف هى قالتلى موضوع مهم وميتأجلش احمد :طيب ثم اسطرد قائلا :ادهم حضر نفسك احنا هنسافر المنصورة يوم السبت ادهم:اه منا عارف .. نهض احمد :انا رايح امر على المصنع .. فى مكتب ادهم كانت ايسل جالسه امامه ادهم:كنتى عايزة تكلمينى فى ايه ايسل:بص انا فكرت فى موضوع خطوبتك ادهم بصرامة :انا قولت مش هخطب حد ايسل:ادينى فرصة طيب اكمل..انا معاك ان ماما غلطانة فى اللى عملته ومش طريقة انها تحدد من نفسها معاد الخطوبة بس ايلين كويسه والله ادهم بضيق:منا عارف انها كويسه مقولتش حاجة بس قاطعته ايسل:هو انت بتحب حد يا ادهم ادهم :ايه السؤال ده ا ايسل ايسل:جاوب بصراحة ادهم :لا ايسل:طب ادى لنفسك فرصة انك تحب الين هى طيبة اوى وبتسمع الكلام وانت لو قولتلها على اى حاجة هتسمع كلامك وبعدين دى لسه خطوبة مش جواز يعنى فكر يا ادهم ..وكمان عشان ميبقاش شكل ماما وحش اودام صاحبتها ادهم بحدة :يعنى عشان شكل ماما ومتطلعش صغيرة اودام صاحبتها ادبس انا ايسل :متحسبهاش كده ..وبعدين دى مجرد خطوبة لو مستريحتش معاها ابقى سيبها .............. كانت نيفين جالسة تحتسى الشاى اتى اليها ادهم :ماما انا خلاص موافق انى اخطب الين نيفين بفرحة:ايوه كده اخيرا عرفت مصلحتك ادهم:بس بشرط نيفين:ده ايه هو بقى ادهم :الخطوبة تبقى هنا ومتعزميش حد يدوب احنا وهى بس نيفين متبرمه لكنها وافقت سمع احمد الكلام الذى دار بينهم اتى احمد :اللى سمعته صح ادهم :ايوه يا بابا انا اقتنعت خلاص احمد:على راحتك يابنى ..انا مش هقولك تعمل ايه ومتعملش ايه كل ده بأرادتك انت ..وانت كبير وعارف انت بتعمل ايه ......... عندما علمت شاكيرا بأنهم لم يقوموا بعمل حفلة تبرمت وحاولت تقنع نيفين بأقامة الحفلة لكن نيفين اعترضت فذهبت لتخبر ابنتها الين بلا مبالاه:طيب انا موافقة و كده احسن شاكيرا بضيق:انتى عايزة تشلينى ..يعنى انتى كمان موافقة على ان منعملش حفلة الين :ايوه ..ثم تناولت حقيبة يدها لتخرج ذهبت الى النادى لم تجد صديقتها مى فجلست فى الكافيتريا لمحت كريم جالس على احدى الكراسى لم تعرف لماذا ذهبت اليه الين بأبتسامة:ازيك يا كريم كريم :اهلا يا الين عامله ايه الين:تمام ممكن اقعد كريم:اكيد طبعا اتفضلى ظلوا يتحدثوا سويا فقالت الين:مش تباركلى يا كريم انا وادهم هنتخطب يوم الخميس كأن دلو من الثلج انسكب فوق رأسه فقال بنبره حاول ان يجعلها طبيعية:ادهم مقاليش يعنى الين:مهو الموضوع جه بسرعة وكمان احنا مش هنعمل حفلة نهض كريم مسرعا :الف مبروك انا لازم امشى وتركها وذهب مما جعل الين مندهشة لماذا نهض مسرعا هكذا ......... مر اليومان سريعا واتى يوم الخميس وتمت خطبة ادهم والين ولم يحدث شئ جديد . فى منزل كريم اتى سليم اليه عندما علم بخطوبة ادهم والين سليم :خلاص يا كريم حاول بقى تنساها هى دلوقتى خلاص بقت خطيبة ادهم كريم :انساها عمرى ما هنساها انت متعرفش انا بحبها ازاى سليم :بس حب من طرف واحد منك انت كريم :انت كان عندك حق كنت المفروض اقولها بس خلاص الوقت فات بس انا خلاص هبعد ..مش هقدر اشوفها تانى سليم :ايه اللى انت بتقوله ده كريم :صدقنى يا سليم هو ده الحل الوحيد سليم :طيب انت هتروح فين كريم :لسه مش عارف سليم :طب مش انت قبل كده قولتلى ان خالتك قاعدة فى المنصورة كريم :اه بس بتسأل ليه سليم:روح اقعد هناك عندها كام يوم --------------- فى تلك اليومين لم تترك نور ياسين حتى لا تعطيه المجال ان يتذكر تلك الفتاة (فرح) ................ اتى يوم السبت وصل احمد وابنه الى المنصورة ووجدوا على بأنتظارهم وبعد قرابة ساعتين..وهم يتجولون فى المزرعة على :انتوا كده هتضطروا تيجوا كل يومين عشان تباشروا بنفسكم احمد :ده هيبقى صعب عشان الشركة فى القاهرة ادهم بعد تفكير :استاذ على هو مفيش هنا بيت ممكن نأجره على وهو يتذكر :فى فيلا لواحد جارنا مش فاتحها ادهم :طب ممكن اخد رقمه على :رقمه ليه انت ممكن تيجى معايا دلوقتى تكلمه هو بيته قريب من هنا احمد لابنه :انت عايز البيت فى ايه ادهم :بدل ما نفضل نسافر كل شوية وبعدين فرصة الواحد يبعد شوية عن القاهرة و ياخد نفسه احمد:والشركة ادهم :مهو حضرتك هتبقى هناك وانا اللى هبقى هنا وافق احمد على اقتراح ابنه وصلوا الى فيلا عم حسين وسأل على عنه فلم يجدوه فأصر على ان يستضيفهم فى منزله احمد :لا خلاص يا حاج على :مش هينفع والله وبعدين المره اللى فاتت مرضيتوش اتفضلوا معايا __________ اتى محمد وهوحاملا شوال ثقيل وكان على مقربة من بوابة الفيلا فرأى ياسين خارج من البوابة فنادى عليه عندما رءاه ياسين ذهب اليه مسرعا ياسين :هات عنك يا عمى اعطاه محمد الشوال ياسين :انت مخلتش ليه حد يشيله ده تقيل اوى كنت شايله ازاى ده محمد :ملقتش حد اودامى وبعدين عشان ست نور تستريح مهو ده اكل لالين واستدار ليرحل ياسين :طيب انت رايح فين دلوقتى محمد :هروح المزرعة تانى يلا دخله الاسطبل ياسين يحمل الشوال :منك لله يا نور كانت نور أتيه ومرتدية ملابس بسيطة للغاية لكى تذهب مع عم جابر رأاها ياسين :على فين العزم يا ام محمد نور :مش هرد عليك طول ما انت بتقول ام محمد نادى سامح على ياسين ياسين :نور اقفى جانب الشوال ده على بال ما اجى نور:هو فيه ايه ياسين بسخرية :اكل الين ياختى وقفت نور جانب الشوال منتظره ياسين لكنه لم يأت بعد فحاولت ان تزيحه لكنها وجدته ثقيل فحاولت عدة مرات ان تحمله وبالفعل نجحت فى حمله دخل على الفيلا ولم ينتبه لنور وكان خلفه احمد وادهم ادهم وهى ينظر حوله :المكان هنا يريح الاعصاب احمد :اه فعلا بص يابنى انا هباشر هنا وانت روح القاهرة على الاقل الواحد يبعد عن امك فضحك ادهم على كلام والده دخل ادهم الفيلا ووالده خلفه احمد وهو يلتفت تجاه الاسطبل ادهم :فى حاجة ولا ايه يا بابا احمد :زى ما يكون شوفت ..حد بس مش غريب عليا ادهم :هيكون مين يعنى يلا ندخل احمد :طب ادخل يلا اصر الجد عليهم ان يتناولوا الغداء لكنهم رفضوا فجلسوا فى حجرة الضيوف على :طيب اظن الشاى عادى ولا هيترفض بردو احمد بأبتسامة :لا عادى على مناديا:الشاي يا ام نور طيب ثوانى وجاى على طول ذهب على ليستعجلهم فجاء سامح وطلب من والده ان يأتى معه لحجرة المكتب على :فى ضيوف يا سامح لما يمشوا سامح :معلش يا بابا الناس بره تعالى معايا بس امضى الورق على طول مش هياخد وقت ذهب على معه اتت نور لكى تغسل يدها وبعد ان خرجت وجدت والدتها تطلب من ياسمين ان تقدم الشاى للضيوف ياسمين :لا انا لا المره اللى فاتت وقعته على الناس وذهبت سريعا زينب :خدى انتى يا نور الصينية وديها نور:لا ماليش دعوة ال يعنى انا اللى مش هوقعها وبعدين هودى ازاى الصينية وانا بمنظرى ده زينب:خدى بلاش دلع جدك هيزعق ذهبت نور ومعها الصينية قابلها ياسين ياسين :انتى ايه اللى دخلك مش قولتلك افضلى جنب الشوال نور :هو انت لسه فاكر انا جبته ياسين :وديتيه ازاى ده انا مقدرتش اشيله نور:قدرات اوعى بقى من وشى بدل ما ارمى الصينية عليك وجدت نور الباب مفتوح دلفت دون ان تلقى السلام نظر ادهم اليها فقال بدهشة:انتى البارت ال11 وجدت الباب مفتوح دلفت دون ان تلقى السلام نظر ادهم اليها وجدها هى فقال بدهشة :انتى رفعت عيناها لتراه فنظرت اليه بصدمة نعم انه هو ذاك الشاب المتعجرف كانت تود لو ان تلقى عليه الصينية نظرت اليه بغضب واتجهت نحو والده واعطت له كوب الشاي ابتسم لها احمد قائلا :شكرا اكتفت بأيماءة رأسها عندما رءاها ادهم تنظر اليه بغضب توعد لها كيف لهذه الفتاة ان تنظر الي هكذا كانت لا تريد ان تقدم له الشاى لكنها ذهبت اليه وقدمته ادهم ينظر اليها بحدة:مش عايز حاجة امشى وحرك يده انه لا يريد غضبت نور من طريقة كلامة الغير لائقة وعن قصد سكبت كوب الشاى عليه نهض سريعا بغضب والشرر يتطاير من عينه :انتى يابت انتى غبية مش بتفهمى امسك احمد ابنه :بس وطى صوتك هى متقصدش ادهم :يعنى انت يا بابا مشوفتش المتخلفة دى عملت ايه طفح كيل نور من هذا الاحمق قليل الذوق واخيرا نطقت فهى لم تتحمل ان يشتمها نور بغضب :متحترم نفسك انت فاكر نفسك مين اهو انت المتخلف نظر احمد وادهم اليها بصدمة اذا هى تتحدث وتسمع هى ليست بكماء احمد:ايه ده انتى بتتكلمى ولم يكمل كلامه فقد قاطعته نور قائلة وهى تنظر الى ادهم بغضب :ايوه بتكلم وبسمع كمان ..هو اصلا قليل الذوق عمال يشتم فاكر انى مش هسمعه ولا هعرف ارد عليه وبعدين انا مكنتش اقصد عشان يعمل كده ادهم :يابت احترمى نفسك انا ساكتلك بالعافية .. احمد بصرامة :خلاص يا ادهم ..مكنتش تقصد ادهم :طب غورى بقى من اودامى لحسن يتقطع عيشك النهاردة نور بحدة:عيش ايه وبتاع ايه انت عارف انا مين اصلا احمد :خلاص يابنتى حصل خير استدارت لترحل لكن التفتت اليه قبل ان تخرج موجهه الكلام لأدهم قائلة :ياريت تتعلم ازاى تتكلم مع خلق الله كويس ثم ابتسمت له بأستفزاز وتركته وذهبت كاد ادهم ان يلحقها لكن والده امسكه ادهم:يا بابا سيبنى احمد :بس يا ادهم دى بنت صغيرة خلاص وبعدين مكنتش تقصد اصطبغ وجهه باللون الاحمر من كثرة غضبه احمد:اقلع القميص لتكون اتحرقت ادهم:لا مفيش داعى مكنش سخن اوى _____ خرجت نور ووجهها يكاد ان ينفجر من الغضب فقابلها على :ايه يا نور مال وشك احمر كده ليه وبعدين كان الصوت عالى ليه جوه نور :مفيش حاجة يا جدو ..وبعدين مكنش فى صوت عالى على :طيب ..ثم تركها ودخل الحجرة ليجد قميص ادهم مبلل على :ياخبر ايه ده ادهم بضيق:الشاى وقع عليا على :طب تعالى اقلع الهدوم اخليهم يغسلوها ادهم :مفيش داعى على :لا ازاى تعالى معايا ذهب ادهم مع على وكان ينظر فى ارجاء الفيلا لعله يجدها على لعلا :هاتيلى يا علا اى لبس من عند ياسين عشان الشاى وقع على الراجل بره علا:حاضر يا بابا ارتدى ادهم ملابس ياسين وكانت مناسبة له فجسمه يشبه جسم ياسين ادهم بأبتسامة :شكرا يا حاج على على :العفو يابنى.. اه الراجل اللى قولتلك عليه عشان الفيلا دلوقتى مستنى بره ذهب احمد وابنه مع على الى حديقة الفيلا ليقابلوا حسين على :هما دول اللى قولتلك عليهم يا حسين عم حسين جارهم :اه اهلا بيكم منورين المنصورة اتفق ادهم معه على انه يريد ان يستأجر الفيلا حسين :طيب الفيلا مش محتاجة توضيب ولا تنضيف احنا بنضفها كل اسبوع بس بردو تعالى شوفها ولو محتاج تغير فيها حاجة قولى ذهب معه ادهم واعجب بالفيلا ادهم :لا كله تمام مش محتاجة حاجة حسين :طب تحب تيجى من امتى ادهم :من بكره ان شاء الله بس نمضى الاول العقد بعد ان مضى ادهم العقد ذهب لابيه وجده يتحدث مع على فأخبره انه ذاهب ليحضر السيارة لكى يغادرو _____________ كانت نور غاضبة من طريقة كلامه معها لكنها ابتسمت عندما سكبت عليه الشاى نور بأبتسامة :والله احسن يستاهل وكويس انى رديت عليه مهو اللى قليل الذوق ..وهو اللى بدأ يبقى يستاهل اللى جراله وذهبت الى الاسطبل واخذت المهرة وخرجت بها كانت تسير بها دون ان تركبها ...... احضر ادهم السيارة كان سائق السيارة فلمحها وهى تسير ومعها المهرة ادهم :وليكى مزاج كمان تتمشى اوقف السيارة امامها مما اصدرت مكابح السيارة صوت افزع نور نور:مش تفتح انت اعمى ولا ايه خرج ادهم من السيارة صدمت نور عندما وجدته امامها :انت ذهب ادهم اليها بغضب وامسك ذراعها بقوة مما جعلها تتألم ادهم بحدة:انتى لسانك طويل كده ليه احترمى نفسك وانتى بتكلمينى نور بحدة :سيب ايدى انت غبى ضغط ادهم اكثر :قولتلك احترمى نفسك انا سكتلك المره اللى فاتت على مجنون والنهاردة تدلقى عليا الشاى وتشتمى..مش حتة بت زيك تطول لسانها عليا فوقى كده واعرفى انتى بتكلمى مين فاهمة.. نور وهى تحاول ان تفلت ذراعها من يده :مش عايزة اعرف..وميشرفنيش انى اعرف واحد زيك مش محترم لما تمسكنى كده بالطريقة دى تبقى مش محترم افلتها ادهم عندما رءاها تتألم من قبضته ثم ابتسم لكى يستفزها :انا محترم غصب عنك ..بس انا سيبتك بس عشان صعبتى عليا لكن كلمة كمان هتلاقى نفسك فى خبر كان فاهمة يا شاطرة ثم تركها واستقل سيارته قرب سيارته منها وقال :يلا سلام يا حلوة واطلق ضحكة عالية وذهب نور :جتك القرف اخرج ادهم رأسه من النافذة وهو يحرك رأسه نافيا:تؤتؤ عيب كده دبدبت نور على الارض وقالت :يارب تتقلب بيك العربية وامسكت فرستها قائلة لها :وانا جيباكى معايا شكل وخلاص مش تعمليلك اى منظر سيباه يزعقلى..ثم امسكت يدها متأوهه من قبضته _____________ اتى ياسين متسائلا :ماما فين الطقم بتاعى الاسود قالت له علا انها اعطته لادهم ياسين :ايه يا ماما انتى بتقلبينى فى لبسى طب الراجل مسبش اى رهن ولا فلسع على كده علا :بس يا ولد عيب اتت نور متسائلة :عمتو فين عمتو سعاد علا :تلاقيها يا حبيبتى فى اوضتها ياسين :انتى عايزاها فى ايه نور :ملكش دعوة انت دايما حاشر نفسك فى اللى ملكش فيه ذهبت نور اليها سعاد :تعالى يا نور مالك نور :انتى فاضية دلوقتى يا عمتو سعاد وهى تجذب يدها واجلستها بجوارها على الفراش سعاد :افضيلك يا حبيبتى لو مش فاضية عايزة تقولى ايه سردت نور لها ما حدث لكنها كانت تقص لها بغضب سعاد :طب اهدى كده.. بصى انتوا اللى اتنين غلطوا نور نافية :انا مغلطش يا عمتو سعاد :لا غلطتى لما وقعتى عليه الشاى وشتمتيه نور :ما هو اللى شتم الاول سعاد :كنتى تقولى لجدك بس مترديش نور وهى تقلد صوته :لا ويقولى هقطع عيشك ضحكت سعاد على طريقتها وقامت بضربها بخفة على ذراعها تأوهت نور :حاسبى يا عمتو سعاد بأستغراب :فى ايه مالك نور بتردد اصل ...وقالت ما حدث منذ قليل نهضت سعاد بغضب :هو ازاى يمسكك كده هو اتجنن امسكتها نور من يدها واجلستها :اقعدى بس يا عمتو سعاد :انا هقول لجدك..ورينى دراعك نور بترجى :لا الله يخليكى انا مش عايزة مشاكل.. وبعدين انا مسكتلهوش يعنى سعاد :بس بردو هقول لجدك نور :خلاص يا سعاد بقى ..منا قولتلك مسكتلهوش ..ولو جه تانى ابقى قولى لجدو اودامه سعاد :بتسكتينى يا نور وخلاص ..ده انا خايفة عليكى ضحكت نور :ربنا يخليكى ليا يارب ضمتها اليها :ويخليكى ليا نور :هو عمو حامد هيجى امتى سعاد :بكره على الضهر كده بتسألى ليه نور وهى تتمدد على السرير:هنام هنا النهاردة معاكى سعاد :يسلام هو انا اطول - ________________ فى فيلا الحسينى اخبر ادهم والدته بأنه سينتقل الى المنصورة نيفين :انت جاى تدينى خبر ولا بتاخد رأيى ادهم :ماما انتى لما خلتينى اخطب الين مخدتيش رأيى وبعدين انا مش هعيش هناك على طول هو يدوب الشغل يخلص وهاجى بدل ما كل اسبوع اسافر تلت مرات ايسل :انا هاجى معاك يا ادهم نيفين :انتى كل حاجة تشبطى فيها ايسل :عشان خاطرى يا ادهم ادهم :انا اصلا كنت هاخدك معايا يلا روحى حضرى شنطتك ركضت ايسل وهى سعيدة نيفين :وانت يا احمد هتمشى انت كمان احمد :لا انا هبقى هنا عشان الشركة نفين قفزت فكرة فى عقلها:بقولك يا ادهم خد الين معاك ادهم لم يستوعب :يعنى ازاى نيفي :هو ايه اللى ازاى خدها معاك عشان تتعرفوا اكتر على بعض بدل ما انتوا مش بتشوفوا بعض خالص انت دايما بتبقى فى الشغل ادهم :ماما انا رايح شغل مش رحلة وبعدين تيجى ازاى دى خطيبتى مش مراتى يعنى نيفين :خلاص لو على كده هاجى انا كمان معاك ادهم :انا معنديش مانع لو انتى عايزة تيجى لكن الين لا نيفين بخبث:طيب انا هاجى ______ ادهم عبر الهاتف مع عمر عمر :لا مش هاجى ياعم ادهم :ليه مش هتيجى مهى خالتو سافرت تانى لباباك وانت دلوقتى قاعد لوحدك يبقى تيجى معايا وبعدين ده تبع الشغل مش فسحه عمر :لا انا قاعد فى الشركة هنا ادهم :عمر روح حضر شنطتك عمر :خلاص ماشى بس اهم حاجة مين اللى هيعملنا الاكل _____________ فى الصباح جاء عمر بسيارته امام فيلا الحسينى وجد ادهم منتظره عمر :ممرمطنى دايما معاك كده اتت نيفين :ازيك يا عمر عمر :الحمدالله يا خالتو ورءاها تستقل سيارة ادهم عمر :ايه ياخالتو انتى رايحة فين نيفين:جاية معاكو اومال مين اللى هيعملكم الاكل عمر بصوت خافت موجها كلامه لادهم :ابوس ايدك يا ادهم انا لسه صغير امك لو عملت هى الاكل هيجلنا تلبك ضحك ادهم : طب بس عشان متاخدش بالها اتت ايسل وسلمت عليه ولم تسلم من مضايقة عمر لها عمر :مش كنت تقول انكم كلكم رايحين طب كنت قولى عشان اجيب عم عبده البواب اهو بالمره يغير جو قال يقولى شغل.. ياشيخ يخربيت اللى يعرفك ادهم :طب يلا اركب بقى عشان نمشى قالت نيفين سريعا :لا استنى يا ادهم الين جاية ادهم بغضب:نعم ..وهى تيجى ليه نيفين :شاكيرا قاليتلى انها زهقانة ومش بتخرج قولت اجيبها وكمان انا هبقى معاكم يعنى ميجراش حاجة ادهم :بردو بتعملى اللى فى دماغك ..انا قولتلك انى انا رايح شغل مش رحلة لمحت نيفين الين وهى اتية فقالت لادهم بترجى :عشان خاطرى البنت جت ..نأجل الكلام لبعدين اتت الين وجلست بجانب نيفين فى سيارة ادهم اقترب عمر من ادهم فقال هامسا :معلش اهدى ..بس اركب دلوقتى ..مش هينفع نقولها ارجعى فتح باب السيارة بعصبية واستقلها ورحل دون ان ينبت بكلمة _______ فى سيارة ادهم كانت نيفين تتحدث مع الين طوال الطريق وهو ينظر اليهم بضيق من حديثهم الممل الين :ادهم هو هناك فى نادى عشان نبقى نسهر فيه ادهم بأقتضاب :معرفش نيفين :ما تتكلم كويس يا ادهم ادهم :مهى سألت وانا جاوبت وبعدين هعرف منين انا بروح هناك للشغل وبس _______ فى سيارة عمر ايسل :متشغل الكاسيت يا عمر فتح عمر الكاسيت :اى اوامر تانية ايسل :لا شكرا لما اعوز حاجة هقولك عمر :اتلمى يابت بدل ما انزلك لم ترد عليه واخرجت من حقيبتها طعامها عمر وهو ينظر اليه :على فكرة ممكن اجبلك اغنية تانية لو انتى حابة ايسل :لا مش عاوزة حلوة دى عمر :هو مفيش دم خالص ضحكت ايسل :مش هتاخذ بردو ________ فى المنصورة كانت زينب تبحث عن نور سعاد :بتدورى على مين زينب:نور ملقتهاش فى اوضتها سعاد بأبتسامة :نور كانت بايتة فى اوضتى زينب :طب قولى يا سعاد انا اتخضيت هروح اصحيها عشان الفطار ذهبت سعاد الى المطبخ فأتت اليها ياسمين ياسمين وهى تقبلها :صباح الخير على احلى سوسو سعاد بأبتسامة :صباح النور يا حبيبتى ياسمين :مش عايزة اى مساعدة سعاد :اه ان شاء الله يخليكى خدى الاطباق دول وحطيها على السفرة وبعدين تعالى عشان تحطى الاكل ياسمين :يعنى متأكدة انك مش عاوزة حاجة يلا براحتك انا خارجة سعاد :تعالى هنا يابت روحى حطى الاطباق ____________ استيقظت نور ولحقت بهم على مائدة الطعام نور :صباح الخير عليكم جميعا على :انتى دايما كده متأخرة على الفطار ياسين :اصلها كانت سهرانة امبارح مع عمتو سعاد نور بغيظ :وانت مالك انت محمد :بس انتوا الاتنين بقى ..اه صح عم جابر سأل عليكى يانور نور وهى تأكل بسرعة :اه صح نسيت انا المفروض كنت هروح معاه امبارح بس مروحتش طيب انا هقوم اروحله على :كملى اكلك الاول نور :شبعت والله يا جدو محمد :اسمعى الكلام وبعدين ابقى روحى ياسمين :وانا كمان هاجى معاكى بدل قعدتى هنا سعاد :ايوه اهربوا عشان التنضيف _________ ارتدت نور ملابسها المعتادة ملابس ام محمد كما اطلق عليها ياسين اتت اليها ياسمين :ايه اللى انتى عملاه ده انا مش همشى معاكى نور بغيظ :طيب ابقى تعالى انتى لوحدك ياسمين :تعالى يانور بهزر معاكى نور :طب انتى كده هتتبهدلى روحى البسى حاجة تانية ياسمين :لا انا هاجى كده نور :على راحتك يلا عشان منتأخرش ذهبت نور وياسمين التقوا بياسين كان جالس فى الحديقة ياسين :رايحين فين ياسمين :مع عم جابر تعالى معانا ياسين :يلا يا هبلة منك ليها ده انتوا عيال صح نور :اهو انت خليك انت يا كبير يا عاقل يلا يا ياسمين ياسين :اه يانور هاخد الين هتمشى بيها شوية نور :انا هوافق بس عشان خاطر الين تشم هوا ياسين :هو انا هفسح خطيبتى يلا اتكلوا ____________ فى سيارة ادهم نيفين وهى تتأفف :اوف احنا هنوصل امتى ادهم :كلها خمس دقايق الين وهى تنظر من نافذة السيارة:بصى يا طنط الراجل بتاع الخرفان ده عندما سمع ادهم كلمات الين نظر تلقائيا الى الرجل وتذكر تلك الفتاة التى اطلق عليها راعية الغنم فلم يجدها وابتسم عندما تذكر شكلها عندما كانت خائفة منه وهو يصرخ فيها -____________ كانت نور سابقة ياسمين ياسمين :يانور بطأى شوية قطعتى نفسى نور :مدى بقى ياسمين :هو فين عم جابر نور وهى تلتفت حولها وجدته قد قام بتعدية الطريق على الناحية الاخرى نور وهى تشاور عليه:اهو يلا انا هجرى ياسمين :استنى يا نور تجرى ايه نور :حصلينى وركضت نور فى اللحظة التى قرب فيها ادهم لمحها ادهم وهى تركض وكانت تضحك ظل ينظر اليها وجدها تذهب الى الغنم فأبتسم عندما رأها تحمل الخروف الصغير _________ كان عمر يتحدث مع ايسل ولم ينظر الى الطريق ايسل :بس بقى يا عمر بطل رخامة عمر :اتأسفى الاول ايسل :لا انسى عمر :يبقى مفيش موبايل هتاخديه نظرت ايسل امامها فصرخت :حااااسب يا عمر البارت ال 12 نظرت ايسل امامها فصرخت :حاسب ياعمر ضغط على مكابح السيارة سريعا فنزل منهاهو و ايسل عمر بفزع :انتى كويسة فيكى حاجة الفتاة وهى تنهض من على الارض :لا انا كويسه الحمدالله وقامت بتنظيف ملابسها ثم نظرت اليه بغضب :هو انت اعمى مبتشوفش ..طلاما مبتعرفش تسوق ..بتسوق ليه اتعلم ازاى تسوق الاول وبعدين ابقى سوق ولا الناس لعبة يعنى عشــ قاطعها عمر :بس بس ايه فتحت راديو.. انتى اللى ظهرتى فاجأة اوادمى الفتاة بحدة :ليه عفريتة انا عشان اظهر فاجأة انت اللى مبتعرفش تسوق ايسل بتأسف :احنا اسفين والحمدلله انك كويسه نظرت الفتاة اليهم :خلاص حصل خير ثم اسطردت قائلة بغضب لعمر :بس بعد كده ابقى شوف اودامك مهى حياة الناس مش لعبة وتركته وذهبت وقف عمر ينظر اليها بدهشة حتى اختفت من امامه ايسل :يلا ياعمر انت مالك واقف كده ليه عمر :البت دى مجنونة ولا ايه دى بتتحول ..بتتكلم هادى وبعد كده بتقلب ضحكت ايسل :طب يلا لحسن نتوه. . دول سبقونا عمر وهو يستقل السيارة :يلا ده احنا شكلنا هنشوف العجب هنا _________ وصل ادهم امام الفيلا وكان فى انتظاره عم حسين ليستقبله فأتى عمر بعده ومعه ايسل وهى ماذالت تضحك ايسل :احسن عشان بعد كده تهزر كويس معايا اديك كنت هتروح فى داهية لو البنت كان حصلها حاجة عمر بحنق :تعرفى تخرسى نيفين بتساؤل :فى ايه ايسل :البيه كان هيخبط واحدة بالعربية واحنا جايين ادهم :خد بالك ياعم من اول يوم هتموت فى الناس عمر :خلاص هنفضل واقفين هنا يلا ندخل ايسل بأنبهار :دى حلوة اوى عمر :ادهم انا هاخد الاوضة الكبيرة يا اما هروح انا خلاص حجزتها ادهم :اهدى بقى واعقل كده ..مهو احنا مش جايبيين معانا عيل صغير نيفين :طيب فين اوضتى عشان استريح شوية ادهم :خدى الاوضة اللى فى اخر الطرقة الين :وانا يا ادهم ادهم :روحى مع ايسل وشوفوا انتوا هتاخدوا انهى اوضة ثم دلف عمر الى الحجرة الكبيرة وخلفه ادهم نظر ادهم الى عمر عندما وجده يتمدد على السرير عمر :فى حاجة ولا ايه ..مالك بتبصلى كده ليه ادهم :انت بتعمل ايه عمر :هنام شوية ضهرى اتكسر يلا خد الباب وراك ادهم :ماشى يا عمر بس بعد ساعة قوم عشان هتنزل معايا هنروح المزرعة __________ جالسة تحت ظل الشجرة تنظر الى السماء الصافية وبجانبها الغنم اخرجها من شرودها عم جابر قائلا:نور اجيلك حاجة تشربيها نور :لا شكرا يا عم جابر ..بس متتأخرش الله يخليك عم جابر :حاضر على طول فأتت ياسمين اليها وملابسها ملطخة بالاتربة نور وهى تنظر الى ملابسها :مالك يا ياسمين ..ايه اللى حصل انتى متبهدلة كده ليه..متردى عليا ياسمين :ادينى فرصة اتكلم نور :سورى ايه اللى حصل ياسمين :واحد اعمى كان هيخبطنى بالعربية لكن الحمدالله فرملت قبل ما تخبطنى فوقعت واديكى شايفة اتبهدلت بصى هدومى اتعملت ازاى ضحكت نور :تستاهلى ما انتى اللى مشيالى على قشر بيض واهو هدومك اتبهدلت لو كنتى سمعتى كلامى ولبستى زى ما قولتلك ياسمين :قال يعنى العربية مكنتش هتخبطنى لو كنت سمعت كلامك..ثم قالت بصوت اقرب للبكاء ..انا غلطانة انى جيت معاكى يارتنى ما جيب ______ واقفة امام نافذة الغرفة تنظر الى البقع الخضراء المحيطة بالفيلا فشردت وهى تتذكر كلام والدتها عندما اجبرتها ان تذهب معهم بدون رغبتها فلاااااش باك هاتفت نيفين شاكيرا لتقول لها انها ستسافر الى المنصورة وطلبت منها ان تأتى الين لتتقرب من أدهم فوافقت واغلقت معها فذهبت لتخبر الين الين بحدة :لا مش موافقة ..انتى ليه مصرة دايما تخلينى مدلوقة عليه كده .. شاكيرا :ايه الكلام الفاضى ده ..انتى هتروحى معاه ..ده هيغيب شهر او اكتر ودى تبقى فرصة تبقى قريبة منه الين بأعتراض :لا مش هروح قاطعتها والدتها بصرامة :هى كلمة هتروحى ..يلا حضرى شنطتك بااااااك سمعت صوت طرق على الباب ..فسمحت بالدخول ايسل :انتى بتعملى ايه يا الين الين :مبعملش حاجة ..ثم تناولت قماشة لتضعها حول الرير لتحمى نفسها من الناموس ايسل بتساؤل :انتى بتحطى البتاعة دى ليه الين :عشان الناموس ميقرصنيش ايسل :طيب انا عايزة اخرج ..تعالى معايا الين :معنديش مانع روحى قولى لأدهم ايسل :حاضر .. ذهبت ايسل واستأذن منه ان تخرج فسمح لها بعد الحاح منها ادهم بتحذير :اوعى تبعدى لحسن تتوهى وخدى معاكى الموبايل وخلى بالك من الين ايسل بضحك :مين اللى يخلى باله من مين ادهم :معلش يا حبيبتى انتى مش عارفاها ابتسمت ايسل :طيب انا خارجة سلام _____ خرجت ايسل مع الين وظلوا يتجولوا حول الفيلا الين وهى تنظر لخارج الفيلا :بصى تعالى نتمشى برة ايسل بخوف :لا ادهم قالى حوالين الفيلا بس الين :متخافيش هحفظ الطريق ..واكيد مش هنبعد خرجوا من الفيلا وبعدوا عنها قليلا ايسل :مكنتش اعرف ان المنصورة حلوة كده الين :وانا بردو بصى هناك فى سواقى ميه تعالى نروح نشوفها ايسل :لا كفاية كده انا حاسة ان احنا توهنا الين :انا حفظت الطريق لا بقى ذهبوا اليها اخرجت الين هاتفها الين بأبتسامة :خدى يا ايسل صورينى بس هاتى الساقية وهى ورايا ابتسمت ايسل :ماشى اخذت لها بعض الصور وكذلك الين اخذت لايسل الين :تعالى بقى ناخد سيلفى انا وانتى عشان تبقى ذكرى للمكان ده ايسل :طيب رن هاتف الين وكانت والدتها الين :خليكى واقفة هرد واجيلك حاولت ايسل ان تضع يدها فى المياه عائدا بالفرسه فنظر ناحية السواقى وجد فتاتين يلتقطون الصور عندما رأهم ياسين يلتقطون صور سيلفى ضحك :هما البنات اتهبلوا من شوية ..ثم دقق نظره بس انا حاسس انى شوفت البت دى قبل كده فوجدها تحاول ان تضع يدها فى الماء فذهب اليها مسرعا ياسين وهو يبعد يدها :حاسبى انتى عبيطة عشان تحطى ايدك فيها انتى ممكن تتعورى التفتت اليه ايسل :ما تحتـ تذكرته على الفور فقالت بغضب :انت تانى ما تحترم نفسك ياسين بدهشة وقد تذكرها :هو انتى طلعالى فى البخت كل لما اشوفك الاقيكى هتعملى مصيبة انتى مفكيش عقل يفكر المرة اللى فاتت صوتى لما سمعتى صوت الفرس وكانت ممكن تموتك.. والمرة دى هتقطعى ايدك ايسل :انا مطلبتش منك مساعدة يلا امشى ياسين :ولو ممشيتش هتعملى ايه اتت الين فى هذه اللحظة الين :فى حاجة يا كابتن ياسين :لا مفيش حاجة ابقى خلى الطفلة دى او الانسة ايا كان تخلى بالها ومتلعبش فى الحاجة وتركهم وذهب الين :هو يقصد ايه ايسل بغضب:يلا نرجع _______ كانت نيفين تقوم بوضع ماسك على وجهها خوفا على بشرتها ادهم :ماما ممكن تصحى الجث..ة اللى نايم جوه ده بقاله ساعتين ذهبت نيفين لكى تيقظ عمر اول ما رأها عمر صرخ :عااااااااااااااااا الحقوناااااااااااااااى نيفين :شوفت عفريت يا عمر انا خالتك عمر وهو يرجع للخلف :خالتك مين نيفين :يووه قوم بقى ادهم مستنيك بره ......... راكب فوق المهرة فمر بجوار الفيلا التى سكن فيها ادهم فوجد خيال احد ما يتحرك نزل من فوق المهرة ..واقترب من بوابة الفيلا :بسم الله الرحمن الرحيم الفيلا فيها عفاريت ولا ايه فأقترب أكثر كانت اتية نيفين لتجلس فى الحديقة وهى واضعة الماسك رأها ياسين ففزع عندما رءاها ثم ركض بالفرسه نحو الفيلا ما ان وصل حتى ادخل الفرسه الاسطبل وخرج مسرعا سامح :مالك يا واد وشك مخطوف كده ليه ياسين :شوفت عفريت يا بابا سامح بأستغراب :طب اهدى ..قولى بقى شوفته فين ياسين :فى فيلا عم حسين اللى قافلها لم يتمالك نفسه من الضحك ياسين :انت بتضحك على ايه يا بابا سامح :اصل الفيلا اتسكنت ياسين :ايوه صح اتسكنت عفاريت وانا شوفته سامح :عفاريت ايه بس يا اهبل فى ناس جم جديد النهاردة ده استاذ ادهم اللى بيشتغل معانا تنهد ياسين بأرتياح :اااه الحمدالله ده انا اتلبشت بس يا بابا اللى شوفته كان عفريت ده كان وشه مدهون ابيض سامح :بس بطل تخاريف __________ عم جابر :كتر خيركم يا بنات يلا روحوا انتوا وانا هودى الخرفان للمزرعة نور :لا انا هاجى معاك ياسمين :طب انا هروح يلا سلام متتأخريش يا نور ذهبت ياسمين من طريق السواقى ... ايسل :عجبك كده يا الين ادينا توهنا هنروح ازاى بقى الين :والله انا كنت حافظة الطريق بس مش عارفة طب انا هتصل بأدهم ايسل :اتصلت بيه موبايله قافله الين :ياربى طب هنعمل ايه لمحت ايسل فتاة اتية ايسل :طب تعالى فى واحدة جاية هناك اهى هروح اسألها ركضت ايسل اليها ايسل :لو سمحتى ممكن تـــ ولم تكمل.. فتذكرتها انها الفتاة التى اصطدمت بالسيارة فى الصباح ياسمين :نعم كنتى عايزة حاجة ثم نظرت اليها مش انتى ايسل :ايوه انا انا اسفة لتانى مره ياسمين بأبتسامة :خلاص محصلش حاجة كنتى عايزة ايه بقى ايسل :احنا تايهين ومش عارفين نرجع ياسمين :طب انتى ساكنة فين ايسل :مهو انا مش عارفة ياسمين :طب مفيش اى علامة اقدر اعرف بيها البيت الين وقد تذكرت :ايوه فى شجر فاكهه على اول الشارع ياسمين :مهو فى شجر كتير بس تعالو هشوف ذهبوا معها وتعرفوا على بعض فى الطريق الين :ادهم اهو هو وعمر التفتت لتنظر اليهم فوجدت الشاب الذى صدمها بسيارته ياسمين :طب انا همشى ايسل :لا استنى لما اعرفك على اخويا وعمر عندما وجدهم ادهم ركض اليهم عمر :هى دى يا ادهم البنت اللى انا خبطها الصبح ادهم :طب تعالى نشوفهم ايسل :اقدملك يا ادهم ياسمين هى اللى لقيتنا وكانت هتجيبنا وده اخويا ادهم وده عمر ابن خالتى ياسمين :اهلا نورتوا المنصورة ادهم :شكرا منورة بأهلها ياسمين :طيب انا همشى بقى يلا سلام ذهبت ياسمين ونظر ادهم لاخته ادهم:انا مش قولت متخرجوش بره الفيلا ايسل :مهو احنا كنا عايزين نتمشى بره ونشوف المكان الين :انا اللى قولتلها يا ادهم انا اللى غلطانة ادهم :طيب يلا اوادمى اومال فين عمر ايسل :معرفش كان واقف هنا دلوقتى ____ اقتربت من الفيلا فسمعت صوت احد خلفها فأسرعت فى خطوتها لكن الخطوة خلفها تسرع ايضا الشخص :انسه ياسمين ثانية واحدة ما ان سمعته ياسمين حتى ركضت الى داخل الفيلا عمر :ايه المجنونة دى اتى شخص من خلفه :فى حاجة يا استاذ التفت عمر :لا ابدا بس كنت بدور على حاجة الشخص :شكلك مش من هنا عمر :ايوه انا من القاهرة انا قريب ادهم الحسينى اللى ساكن جديد هنا الشخص :اه عرفته انا ياسين حفيد على المنشاوى عمر بأبتسامة :وانا عمر ابن خالة ادهم ياسين :طيب اتفضل ادخل يا استاذ عمر عمر :شكرا مره تانية ان شاء الله بس ادهم مستنينى وبعدين انا عمر بس من غير استاذ ابتسم ياسين :طيب فرصة سعيدة ياعمر رحل عمر وجد ادهم فى انتظاره ادهم :انت كنت فين ياعمر عمر :كنت بتمشى شوية ادهم :طب يلا عشان هروح المزرعة نيفين :مش هتتغدوا الاول انا عملت الاكل عمر مسرعا :لا انا مش جعان يلا يا ادهم _______ كانت نور قريبة من مزرعة جدها فذهبت اليه فوجدته مع ناس يتحدث معهم فجلست تحت شجرة منتظرة جدها بعد ما انهى جدها حديثه ذهب وجلس بجوارها على :بتعملى ايه هنا نور :جيت عشان اروح معاك يلا على :لا يا حبيبتى مش هينفع لسه ورايا شغل نور :طب تعالى اتغدا وبعدين تيجى تانى على :لا انا لسه واكل نور :خلاص هروح انا على :استنى ابعت حد يوصلك بالعربية نور :لا انا هاخدها مشى رحلت نور وكانت تسير وهى شاردة ______ صف ادهم السيارة ودخل هو وعمر عمر وهو يضع المنديل على انفه :يالهوى انا هموت من الريحة ينظر اليه ادهم بأشمئزاز: الله يكون فى عون اللى هتقع فيك كان ملتفت لعمر وهو يحدثه وكانت نور اتية فلم تنتبه للحجر الذى امامها فأصطدمت قدمها به فوقعت على الارض متأوهه اسرع ادهم اليها عندما سمع صوتها ادهم وهو يمد يده اليها :مش تخلى بالك وانتى ماشية نور مدت يدها بتلقائية دون ان تنظر اليه نهضت نور وقامت بأزالة الاتربة من على ملابسها ثم نظرت اليه لتشكره فأندهشت عندما رأته :هو انت تفاجئ ادهم بها ادهم :لا بقى هو انتى عملالى زى عفريت العلبة اشوفك فى كل حته اروحها نور بعصبية وتحذره وهى واضعه اصبعها امامه : بقولك ايه اتكلم عدل ادهم : مبقاش الا واحدة زيك راعية خرفان هى اللى هتعلمنى اتكلم ازاى تدخل عمر:خلاص يا جدعان وحدوا الله ادهم ونور فى صوت واحد :لا اله الا الله ادهم :بصى حاولى متظهريش فى المكان اللى ببقى فيه نور :انا اروح المكان اللى يعجبنى انت ايه اللى جايبك هنا اصلا المزرعة دى تبقى بتاعـ قاطعها عمر قائلا عمر :خلاص خلاص احنا اسفين ادهم :بتتأسف على ايه انت كمان نور :شكرا ليك ياريت تعلمه يتكلم بذوق شوية..وقبل ان ترحل التفتت اليه قائلة بأبتسامة لتستفزه :ااه صح المفروض اشكرك ..بس مش هقول وتركته وذهبت مسرعه ادهم :شوفت بتتكلم ازاى عمر :خلاص يا ادهم انت هتعمل عقلك بيها يلا __________ تسير فى طريقها الى الفيلا وهى تحدث نفسها عنه (كل ما اشوفه لازم اتخانق معاه ..مغرور اوى فاكر نفسه ايه ده ..وبعدين بيعمل ايه فى المزرعة عندنا ..) لم تنتبه بأن هناك شخص امامها اصطدمت به فقالت بغضب نور :يوووه وبعدين بقى مش تفتح وانت ماشى الشخص :انا اسف والله بس انتى اللى خبطينى خجلت نور فهو محق هى لم ترى امامها نور :انا اسفة فتركته ورحلت مسرعه نور :يادوب فكرت فيك خبطت فى واحد شكلك نحس ياسين من خلفها :مين ده اللى نحس نور بفزع :حرام عليك بقى يا ياسين انت بتطلعلى منين ياسين وهو يدور حولها ويضع يده اسفل ذقنه :اممم اعترفى نور :بقولك ايه سيبنى فى حالى ياسين :ايه ده شكلك عامله مصيبة قولى ابتسمت نور :هو انا بتاعة مصايب يا ياسين ياسين بسخرية :لا ابدا يا حبيبتى ده انتى المادة الخام للمصايب نور :انا ايه اللى موقفنى معاك اوعى من وشى _________ عندما دلفت نور وجدت عمها حامد ذهبت لتسلم عليه حامد :ايه يا نور التأخير ده كله نور :اصلى عديت على جدو فى المزرعة اتت زينب :طب يلا روحى غيرى نهضت نور لتذهب شهقت زينب :ايه يانور اللى مبهدلك كده نور :اصلى وقعت حامد :مش تاخدى بالك يابنتى افرضى كنتى اتعورتى نور :اهو الحمدالله ..ثم قالت لوالدتها :ماما انتوا اتغديتو زينب:اه يا حبيبتى ما انتى اللى جيتى متأخر نور:طيب حضريلى على بال ما اخد دش ________ حل المساء عاد ادهم وعمر فقال عمر قبل ان يدخل الفيلا عمر :بقولك ايه انا مش هاكل من الاكل اللى عملته خالتى كويس انى كلت قبل ما اجى ادهم :متاكلش انت حر وعندما دخلوا وجدوا نيفين تضع الطعام على السفرة نيفين :اف ايه الريحة دى ضحك عمر وذهب الى غرفته ادهم :اصلى كنت فى المزرعة نيفين :طب روح بسرعة خد شاور لحسن هموت من الريحة ذهب ادهم الى غرفته ليغتسل الين :هو ادهم جه يا طنط نيفين :ايوه يا حبيبتى يلا اقعدى كلى ..اومال فين ايسل الين :دخلت تنام _______ فى الصباح بعد ان تناولوا وجبة الفطار كانت نور وياسمين وياسين واقفين فى الحديقة ومستعدين للرحيل اتت سعاد :رايحين فين يا ولاد نور :انتى ناسية يا سوسو ان ده موسم التوت ياسمين :يعنى بالعربى كده هنروح نسرق التوت من عند فيلا عم حسين اللى مقفولة ضحكت سعاد :طب وتسرقوا ليه ما التوت مليان الجنينه بتاعتنا وبعدين فيلا عم حسين اتسـ قاطعها ياسين مسرعا فقد قفزت بخاطره فكرة ياسين :هو فى احلى من التوت المسروق يا سوسو نور :احنا نخلص اللى هناك الاول وبعدين نبقى ناخد من بتاعنا ثم ذهبوا جميعا متجهين نحو الفيلا البارت ال13 كانوا يسيرون سويا حتى وصلوا الى الفيلا توقف ياسين فنظروا اليه ياسمين :ايه وقفت كده ليه ياسين بأرتباك :هستناكم هنا يلا روحوا انتوا نور بضحكة شريرة :ابدا لازم تسرق معانا ياسين كاذبا :ادخلوا انتوا وانا هدخل من الباب اللى ورا دخلت ياسمين ونور اما هو فأنفجر من الضحك من الذى سوف يحدث ____ نظرت حولها لتجد الفيلا مرتبة وموضوع طاولة وحولها كراسى ياسمين :هما مالهم اهتموا اوى كده بالفيلا..لتكون اتسكنت نور :لو اتسكنت كنا هنعرف ..انتى نسيتى ان عم حسين بيبعت ناس كل اسبوع ينضفوها وبعدين يلا بقى روحى انتى الناحية التانية وانا هروح على الشجرة دى ذهبت نور الى الشجرة وظلت تحرك فروعها حتى تستطيع ان تجمع التوت وياسمين فى الجهه الاخرى و فعلت كما فعلت نور ___ داخل الفيلا ايسل :ماما انا عايزة افطر بره فى الجنينة نيفين :لا عشان الحشرات والشمس ويلا اقعدى افطرى انصاعت ايسل لكلام والدتها وجلست لتفطر خرج ادهم من غرفته فقابل عمر وهو خارج ادهم :انت رايح فين عمر :هروح اشوفلى اى حاجة اكلها ادهم:طب روح افطر معاهم عمر :لا ياعم انا هنزل اشترى اى حاجة نيفين :يلا يا ولاد عشان تفطروا عمر وهو يفتح الباب:مش جعان يا خالتو ..وخرج سريعا نيفين:طب يلا انت يا ادهم ادهم وهو مشغول بقراءة الملف فى يده :لا يا ماما مش جعان دلوقتى بس ياريت تخلى حد يعملى قهوة ويجبهالى فى الجنينة ____ خرج عمر فسمع صوت احد يغنى فتتبع الصوت حتى رأى احد خلف الشجرة اتجه ناحية الشجرة فأبتسم عندما رءاها وعلم انها هى ياسمين لم تنتبه ياسمين له فقال عمر :بتعملى ايه هنا فزعت ياسمين فصرخت ثم نظرت له بأرتباك :والله مش انا دى نور ضحك عمر :طب اهدى وبعدين مين نور دى كمان انتوا عصابة ولا ايه ياسمين بصوت اقرب بالبكاء:والله لا مش عصابة انا بنت ناس انا ساكنة فى الفيلا اللى جانبكم عمر :خلاص خلاص اهدى بس انتى بتعملى ايه هنا ياسمين بتلقائية :جيت اسرق توت عمر بدهشة :نعم انتبهت لما تفوهت به وقالت بتلعثم:لا مش قصدى انا ابتسم عمر قائلا:خلاص اتفضلى خدى الشجرة معاكى وانتى خارجة خجلت ياسمين لكن تحولت فاجأة وقالت بغضب :استنى هنا انت مين اصلا عشان تسألنى انت اللى بتعمل ايه هنا عمر :انا ساكن هنا ياسمين بصدمة وتبلع ريقها :نعم ..طب انا ولم تكمل وانحنت لتأخذ الطبق الذى جمعت فيه التوت وركضت عمر :انا كان عندى حق لما قولت عليها مجنونة _______ اما نور فكانت تهز فرع الشجرة بقوة حتى يسقط التوت بسرعة فخرج ادهم وجلس على الطاولة وامامه اللابتوب والملف بيده فسمع صوت اتى من خلف الشجرة فذهب ليرى نعم هى تلك الفتاة فضم ساعديه امام صدره ووقف خلفها ادهم بسخرية :يعنى بتسرقى توت الصبح واخر النهار راعية غنم هو انتى بتشتغلى ايه بالظبط التفتت نور اليه بفزع وقالت بغضب :ايه بتسرقى دى ما تحترم نفسك انت ايه اصلا اللى جايبك هنا اهو انت اللى بتطلعلى فى كل مكان اروحه ادهم بأبتسامة :ببساطة انتى اللى جاية عندى انا صاحب الفيلا نور بعد استيعاب :نعم دى فيلا عم حسين ادهم :وانا اشتريتها عندك مانع ارتبكت نور والتفتت لتخرج اوقفها ادهم :تعالى هنا هو دخول الحمام زى خروجه فهمينى انتى داخلة الفيلا تعملى ايه اتت على بالها فكرة لكى تخرج من هذا المأزق نظرت خلف ادهم بخوف ادهم :مالك فى ايه نور بخوف وهى تتلعثم :وورااك ..ثم صرخت نظر ادهم سريعا خلفه لم يجد شئ التفت اليها وهو يقول :مفيش حــ لم يجدها امامه فرءاها تركض خارج الفيلا ضحك ادهم :ماشى لما اشوف اخرتها معاكى ايه _______ ركضت بسرعة وكانت تنظر خلفها كادت ان تقع لولا يد امسكتها الشخص :حاسبى مش تشوفى اودامك نور وهى تلهث وصدرها يعلو ويهبط :شكرا ..ثم نظرت اليه هو انت الشخص :انتى تانى ..ثم ابتسم قائلا:مش انا اللى غلطان ابتسمت نور :لا انا اللى غلطانة كنت بجرى ومأخدتش بالى بجد شكرا ثم تركته واكملت ركض ____ دخلت نور الفيلا فوجدت ياسمين جالسه و أمامها طبق التوت تأكل منه ياسمين :مال وشك محمر كده ليه نور :شوفتى الفيلا اتسكنت واتقفشت كمان ضحكت ياسمين :وانا كمان اتقفشت..كنت هموت من الكسوف اتت اليهم سعاد سعاد :عرفتوا تاخدوا التوت نور :تخيلى يا عمتو الفيلا اتسكنت سعاد : انتوا مكنتوش تعرفوا ياسمين :هنعرف منين يعنى سعاد :ازاى متعرفوش وياسين جه معاكوا نور بأنتباه :هو ياسين كان يعرف سعاد :اه عارف انا بحسبه قالكم نور وياسمين فى صوت واحد :يا ابن ال ... ضحكت سعاد :شكلكوا اتقفشتوا اومأوا رأسهم بنعم فقالت سعاد :يلا تعيشوا وتاخدوا غيرها نور :عمتو فين ياسين سعاد :مش عارفة من ساعة لما خرج معاكوا مجاش نور :والله لهوريه - _________ فى طريقه الى الفيلا ياسين بأبتسامة :ياترى اتقفشتوا ولا لسه اتى شخص من خلفه الشخص :لو سمحت يا كابتن التفت ياسين اليه فأبتسم :ايه ده عمر سلم عليه عمر فقال له :متعرفش اى مطعم قريب من هنا ياسين :اه اعرف ..فوصف له المكان عمر :قول تانى كده ياسين :انت شكلك هتوه تعال اوديك عمر :لالا عشان معطلكش ياسين :ياعم مفيش عطله ولا حاجة تعال بس طوال الطريق كانوا يتحدثون فتعرف ياسين على عمر اكثر ثم اوصله ياسين الفيلا بعد ما اشترى الطعام عمر :بجد مش عارف اقولك ايه شكرا ياسين :مفيش حاجة للشكر اصلا عمر :طب تعال ادخل بقى ياسين :لا شكرا مره تانية رحل ياسين ودلف عمر الفيلا فوجد ادهم امامه ادهم متسائلا:مين ده ياعمر اللى كنت واقف معاه عمر :ده ياسين حفيد الحاج على المنشاوى ادهم :ااه .. طب يلا عشان ورانا شغل __________ كانت ياسمين ونور تبحثن عن ياسين رأته نور اتى :اهو يا ياسمين ركضت نحوه ياسمين ونور وقاموا بضربه اصطبغ وجه ياسين من كثرة الضحك ياسين :خلاص والله نور وهى تحدثه بعصبية :انت اتهبلت يا ياسين تسبنا نروح الفيلا وانت عارف ان فيها ناس ياسين واخيرا افلت نفسه من منهم :انتوا زعلتوا ولا ايه انا بهزر معاكم بس انتوا اتقفشتوا ولا ايه ياسمين :وكمان بتسأل اه اتقفشنا وكان منظرنا زبالة بسببك نور :وهو الهزار كده احنا تحطنا فى الموقف ده ياسين :خلاص بقى الله مكنتش اعرف ان هيحصل كده نور :متبقاش تكلمنى تانى ..ثم تركته ورحلت ياسين :هى زعلت ولا ايه انا كنت بهزر ياسمين :وهو فى حد يهزر كده اكيد زعلت ياسين :طب وانتى معندكيش دم ليه ..مزعلتيش ليه زيها نظرت له بحنق وتركته وذهبت خلفها -__________ وقفت فى شرفتها ناظرة لأعلى ..فتنهدت بحنق عندما تذكرته فهى لم تشعر بالضيق من ياسين قدر ما تضايقت من هذا الشخص الذى تلقاه فى كل مكان تذهب اليه وعندما تراه يجب ان يحدث بينهما شجار تذكرت انه يعتقدها راعية غنم فقالت بصوت خافت :ايه الفيلم اللى انا فيه ده سمعت صوت طرق على بابها فذهبت لتفتحه ..وجدت ياسمين نظرت نور اليها بضيق ثم قالت :عجبك اللى عمله اخوكى ده ياسمين بأبتسامة وهى تجلس على الكرسى :هو ياسين ده عليه حرج ربنا يشفيه من اللى فيه ..ده هيموتنا نور :اصله مش هزار ده ..تخيلى اللى قفشنى مكنش عايز يخرجنى وبيقولى بتسرقى ثم نظرت اليها بحدة قائلة :وانتى مجيتيش تقوليلى ليه ..جريتى وخلاص ضحكت ياسمين :هو انا لحقت ..انا اول ما اتقفشت اخدت الطبق وجريت ابتسمت نور عندما تذكرت ما فعلته :انا جريت بردو قاطعهم صوت طرق على الباب ففتحت ياسمين ليدخل ياسين ويجلس بجانب نور قائلا:ممكن اقعد نظرت اليه نور ثم نظرت امامها:ما انت قعدت خلاص ياسين :نور انتى زعلتى ليه وانتى عارفة انى بهزر..وبعدين الهبلة دى مزعلتش بالعكس دى عماله تاكل وبتضحك ولا كأن حاجة حصلت نظرت له بحدة:هو فى هزار بالطريقة دى فقال :وحياة ابوكى بلاش البصة دى عشان بخاف ابتسمت نور ابتسامة رقيقة فقال ياسين مازحا وهى يغمز بعينه :ما احنا ضحكتنا حلوة اهى نور :نتلم بقى ولا اخزئلك عينك ياسين مقلدا صوتها :اخزئلك عينك ..فين الرقة نور :على فكرة انا لسه زعلانة ياسين :والله انا مكنش قصدى..فكى بقى تدخلت ياسمين قائلة :خلاص بقى يا جدعان .. *********** كان فى غرفته يتحدث عبر الهاتف ..فدخل عمر بدون ان يطرق الباب فنظر اليه ادهم بلا مبالاه بعد انتهاء المكالمة ادهم :مش تخبط يا بنى ادم انت عمر :ياعم بقى سيبك انت من الحاجات دى ..كنت بتكلم مين ادهم وهو يرجع شعره للخلف :ده بابا عايزنى انزل القاهرة عشان فى اجتماع عمر :وهتنزل امتى ادهم :مش هنزل اصلا الاجتماع هيتعمل هنا عمر :ازاى ادهم :بابا هيبعتهم هنا عمر :يابنى ارحم الناس شوية حرام عليك ما تروح انت اسهل ادهم :معنديش وقت اروح واجى ******** فى فيلا عم حسين حسين :عليا اقعدى بقى يا حبيبتى انا صدعت علياء الطفلة الصغير حفيدة عم حسين لم تبلغ من العمرسبع سنوات علياء :يا جدو عاوزة ايس كريم حسين :لا مفيش ايس كريم الدنيا ليلت علياء :ماليش دعوة بقى كان كريم جالس مع خالته فسمع صوت زوج خالته (عم حسين ) فخرج ليعرف ماذا يحدث كريم :مالك يا عمى حسين :شيل البت دى من اودامى هتجبلى الضغط كريم :بعد الشر هى عملت ايه اجابت علياء وهى تمسكه من بنطاله :عاوزة ايس كريم يا كريم حسين :بنت قولتلك اسمه عم كريم كريم بأبتسامة :ميجراش حاجة ..طب انا هروح اجيبلها حسين :لا يابنى دى مدلعة دخلها لأمها كريم :خلاص يا عمى انا هروح اجيبلها علياء وهى تتشبث ببنطاله :هاجى معاك وامسكت يده و شدت يده نحو الباب :يلا يا كريم كريم :حاضر يا ستى يلا _____ خرج من غرفته ليجد الين واقفة امامه فقال بإستغراب :فىحاجة يا الين ..مالك واقفة كده ليه الين :كنت لسه هخبط لقيتك فتحت لم يتحدث منتظر ان تكمل ...فقالت الين :ممكن يا ادهم انزل اتمشى شوية ادهم :لا هتوهى زى الصبح الين :متخافش مش هتوه وخدت موبايلى اهو ومش هبعد ادهم موافقا :طيب بس متتأخريش _خرجت الين وهى سعيدة لكن لم تدوم سعادتها لمدة كبيره فحزنت على حالها فهى بالاسم مخطوبة لم يبدى لها ادهم انه يحبها ..فوالدتها من فرضت عليها ادهم وتعلم ايضا ان ادهم اجبر عليها ..فماذا تفعل فى والدتها لو كان والدها حى لم يستطيع احد ان يجبرها على شئ لا تريده فكان هو امانها فى الحياة ..فماذا يحدث اذا امانك اصبح رماد امتلأت عيناها بالدموع عند تذكرها لوالدها ********** ذهب كريم مع الطفلة علياء وقام بشراء المثلجات لهم هما الاثنين علياء وهى تأكل مثلجتها فرأت كريم يقوم بفتح مثلجته:كريم انت بتاعتك بطعم ايه كريم :بالمانجا والفراولة علياء وقد اغرتها شكلها :طيب انا مش عاوزة بتاعتى طعمها وحش هات بتاعتك كريم :لا ياحبيبتى انتى كالتى من بتاعتك لكن انا لسه مدوقتهاش علياء :انا خدت لحسة بس يلا بقى يا كيمو كريم :ماشى ماشى بقيت كيمو ..وقام باعطائها مثلجته كريم :ارتحتى ياستى اومأت علياء :شكرا يا كيمو __ ظهرت سيارة اتيه بسرعة ..ولم تنتبه لها الفتاة فأبعدها كريم عن الطريق :حاااسبى..ماشية مش شايفة اودامك نظرت له ودموع بسيطة فى مقلتيها فقالت وهى غير مصدقة :كريم فنظر اليها بدهشة:الين البارت ال 14 ظهرت سيارة اتيه بسرعة ..ولم تنتبه لها الفتاة فأبعدها كريم عن الطريق :حاااسبى..ماشية مش شايفة اودامك نظرت له ودموع بسيطة فى مقلتيها فقالت وهى غير مصدقة :كريم فنظر اليها بدهشة:الين الين وهى تمسح تلك الدمعة قبل هبوطها :انت بتعمل ايه هنا نظر اليها كريم بقلق عندما رأى الدموع فى عيناها كريم :مالك يا الين بتعيطى ليه الين :مبعيطش انا بس دخل فى عينى تراب ..ثم اسطردت قائلة :انت هنا بتعمل ايه كريم بأبتسامة :انا قاعد عند خالتى .لكن انتى ايه اللى جابك المنصورة الين بصوت حزين على حالها :انا قاعدة مع ادهم هنا كريم بصدمة :هو انتوا اتجوزتوا الين بسرعة :لالالا احنا لسه مخطوبين كريم :اومال قاعدة معاه ازاى الين بعفوية :ما احنا معانا ايسل وطنط نيفين حتى كمان عمر ابن خالته كريم بسخرية :ومجبتوش معاكوا البواب بالمره ليه ثم قال بحدة: انتى ازاى قاعدة معاه فى بيت واحد الين بأستغراب من حدة كلامه:منا قولتلك طنط معانا فى تلك اللحظة اتت علياء وهى غاضبة.. نظرت الى كريم :انت ازاى تسيبنى لوحدى وتمشى نظرت الين الى الطفلة ثم نظرت اليه الين :مين البنت دى كريم :دى تبقى علياء بنوتة بنت خالتى الين :ماشاء الله عسولة خالص ثم انحنت اليها وقبلتها من وجنتها :انتى مالك زعلانة ليه علياء وهى تشكى لها :عشان كريم سبنى لوحدى وجرى ضحكت الين :معلش ..انا هبقى اقوله ميسبكيش تانى فملت علياء من الوقفة علياء :يلا يا كريم نروح التفتت الين اليه فعليهم الرحيل الين :شكرا يا كريم كريم :متمشيش تانى وانتى بتعيطى الين نافية :بس انا مكنتش بعيط كريم بأبتسامة :اسمعى الكلام ومتكدبيش ..ثم اسطرد قائلا :يلا عايزة حاجة الين بتردد :كريم ممكن تدينى رقم موبايلك تردد قليلا ثم اعطاها الرقم وذهبوا ________ كان كريم ماشى وهو يفكر (لماذا القدر يجمعنا ..اردت الرحيل من اجلها لكن القدر كان ضدى فقابلتها ..) كريم (يعنى انا عايز ابعد الاقيها فى نفس المكان وكمان اديها رقمى غبى يا كريم ) علياء بصوت عالى :كريم كريم كريم منزعج من صوتها :ايه يا علياء هو انا فى الشارع التانى عايزة ايه علياء وهى تشير على الفيلا :وصلنا خلاص _________ فى الصباح خرجت الين من غرفتها ومرتدية ملابس رياضية فقابلت ادهم فى الحديقة الين بأبتسامة :صباح الخير ادهم كان منشغل باللابتوب :صباح النور الين :انا خارجة اجرى شوية نظر ادهم اليها والى ملابسها :انتى خارجة كده الين :اه فيها ايه ادهم بحدة :فى ان احنا مش فى النادى عشان تجرى بالترننج ده الين :مفيش حد هيشوفنى لسه بدرى ادهم :الناس هنا بتصحى من الفجر يلا روحى غيرى انا مش عايز مشاكل انصاعت له وقامت بتغيير ملابسها وعادت اليه كانت مرتدية بنطلون جينز وتيشرت طويل الين بضيق:حلو كده ادهم :اتفضلى بس متتأخريش ______ اخرجت نور مهرتها من الاسطبل محمد :انتى رايحة فين يا نور نور :همشى الين شوية بقالها كتير مخرجتش محمد :طيب بس تعالى بسرعة عشان الفطار نور :حاضر مش هتأخر ....... نور وهى تحدث مهرتها نور :شكلك عايزة تجرى صح اصدرت الين صهيل فضحكت نور :انتى فهمتينى طب تعالى انا هخليكى تجرى تركتها نور :يلا اجرى بقى ركضت الفرسه فأبتسمت نور :ياااه هو انا للدرجة دى حبساكى فركضت نور خلفها..وبعد ما شعرت بالتعب نادت نور وهى تلهث من الركض :يا الين كفاية بقى ثم قالت بصوت عالى :الين اقفى توقفت فرستها كانت الين على مقربة منها فسمعت احد ينادى عليها فعندما نظرت الى المنادى استغربت فهى لم تعرف تلك الفتاة لكنها ذهبت اليها الين :هو انتى تعرفينى نظرت اليها نور بعدم فهم :نعم الين :انتى كنتى بتنادى عليا دلوقتى نور بأستغراب :انا مقولتش حاجة ولا ناديت على حد ثم قالت :انا كنت بنادى على الفرسه بتاعتى الين الين :مهو انا الين ابتسمت نور قائلة :لا بصى الفرسه اللى وراكى دى بتاعتى اسمها الين نظرت الين خلفها فقالت بأبتسامة :الله دى حلوة اظاهر كل اللى اسمهم الين حلوين ضحكت نور :طبعا ..تحبى تسلمى عليها الين بخوف :لا اخاف دى ممكن تعضنى نور :لا متخافيش مش هتعملك حاجة تعالى وضعت نور يد الين على ظهر المهرة وجعلتها تمرر يدها عليها نور :ايه رأيك ..ثم وجهت كلامها لفرستها :يلا يا الين سلمى عليها اصدرت صهيل افزع الين فرجعت للخلف نور :متخافيش دى بتسلم عليكى الين :معلش انا عمرى ما اتعاملت معاهم نور :طب تحبى تجربى تركبى الين بفرحة :بجد ينفع نور :اه طبعا تعالى قالت الين:لا لحسن اقع نور:متخافيش انا معاكى ساعدتها نور على الركوب نور :تحبى تروحى فين الين وهى سعيدة :روحينى نور :يعنى فين الين :فى شارع .... نور :على فكرة ده نفس الشارع اللى ساكنة فيه ظلت نور تحدثها طوال الطريق عن المنصورة الى ان وصلوا فقالت الين:اهيه هى دى الفيلا ساعدتها نور على النزول الين :بجد شكرا ليكى بجد يا ..اه صح انا معرفتش اسمك نور بأبتسامة:اسمى نور لو عوزتى اى حاجة انا ساكنة فى فيلا على المنشاوى اللى فى اخر الشارع الين:اكيد هجيلك لو معندكيش مانع نور :ابدا فى اى وقت تحبى تيجى تعالى اتت ايسل فهى كانت واقفة امام الفيلا ايسل:كل ده يا الين الين :الاول احب اعرفك على نور لسه متعرفة عليها دلوقتى ..ودى وهى تشير على المهرة ..دى الين صاحبتى ودى يا نور ايسل اخت خطيبى نور :اهلا بيكى فى المنصورة ياريت تكون عجبتك كان ادهم يتابع حديثهم فخرج عندما وجدها ادهم وهو ينظر على نور :هو فى ايه كانت نور مبتسمة لكن عندما التفتت اليه تلاشت ابتسامتها الين :اهو هو ده يا نور خطيبى ادهم نور بأبتسامة صفراء :اهلا ثم استأذنت لترحل ________ ادهم :مين دى يا الين الين :دى نور ادهم :منا عارف انها نور ..اقصد عرفتيها منين الين :اتعرفت عليها لما خرجت ثم وجهت كلامها لايسل وقصت عليها ما حدث ايسل :ركبتى ومخوفتيش الين :خوفت شوية لكن هى كانت ماسكه الين كان ادهم مستمعا لها فتدخل قائلا:مين الين دى الين :دى الفرسه بتاعتها ايسل :طب انا عايزة اركبها كانت نيفين جالسه تأقلم اظافرها فتدخلت :تركبى ايه افرضى وقعتى ايسل :عشان خاطرى يا ماما نيفين :مش هعيد كلمتى مرتين وبعدين هى ساكنة فين البنت دى الين :فى فيلا على المنشاوى ______ عمر:جوز خالتى ايه المفاجأة دى اتى ادهم وسلم على والده:مش كنت تقول يا بابا كنت جبتك احمد:حبيت اعملها مفاجأة اسرعت ايسل اليه وعانقته:احلى مفاجأة احمد:اومال فين نيفين اتت نيفين مبتسمه:حمدالله على السلامة يا حبيبى احمد:الله يسلمك ..ادهم الناس جم معايا تحت نيفين:ايه يا احمد ده انت لسه مأخدتش نفسك على الشغل احمد:لا مهو هو اللى هيقابلهم مش انا نيفين:طب يلا تعال استريح عمر:ايوه ياعم الله يسهلوه نظرت اليه نيفين :ولد عيب كده ضحكت ايسل بأستفزاز:بتحط نفسك فى مواقف بايخة القى عمر عليها وسادة الانتريه:متهمدى بقى ______ فى فيلا المنشاوى مر عم جابر بجانب الفيلا ..فسمعته نور فخرجت سريعا لتنادى عليه نور:ثوانى ياعم جابر وجاية هروح بس انادى ياسمين دلفت مرة اخرى وجدت والدتها امامها زينب :كنتى بتكلمى مين نور :كنت بكلم عم جابر ..هروح معاه يا ماما زينب :لآ كفاية بقى مفيش مرواح تانى نور بترجى :عشان خاطرى اخر مرة ومش هروح تانى وكمان ياسمين هتيجى معايا زينب :طيب خلاص اخر مرة قبلتها نور ..ثم ركضت سريعا واتت ومعها ياسمين كانوا مارين بجانب الفيلا التى يقطن بها ادهم فلاحظوا مجموعة من الرجال ومعهم ادهم وعمر كان ادهم يستقبلهم من على بوابة الفيلا عم جابر :هشيهم يا نور عشان الناس نور :رررر يلا هش ثم اقتربت من الناس وجدتهم ينظرون عليهم بضيق وادهم مسلط نظره عليها فقالت بأبتسامة نور:والله طلاما متضايقين اوى كده ياريت كنتوا اتجمعتوا هناك فى القاهرة احنا مش ناقصين الهوا اللى هيهب علينا من عندكم وكزتها ياسمين :نور اسكتى عيب نور :انتى مش شيفاهم باصين ازاى ظنت انها اغضبت ادهم لكن عندما نظرت اليه لمحت ابتسامة على وجه ادهم جعلته اكثر وسامة وهو ينظر اليها فأرتبكت ونظرت بعيد ثم رحلت _________ كانت ايسل والين جالسين يتحدثون سويا الين :طب احنا هنفضل قاعدين كده ايسل بملل:مش عارفة انا عايزة اخرج.. الين :طيب تعالى نخرج ..اهو نتمشى بدل قعدتنا دى ايسل :هنروح فين هو احنا نعرف حاجة هنا الين بتفكير ثم قالت بأبتسامة:تعالى اوديكى عند نور.. ايسل :مش هتبقى حلوة ..وبعدين انتى لسه عارفاها الصبح الين :دى طيبة جدا ..مش هتقول حاجة ..هى اللى قالتلى لو عوزت حاجة اروحلها ايسل:طيب الناس اللى تحت هنعدى ازاى الين :من الباب اللى ورا بس يلا بسرعة قبل ما طنط تيجى ******* خرجا سويا وذهبوا الى فيلا على المنشاوى كان ياسين يخرج المهرة من الاسطبل الين :اهى الفيلا يلا نسأل عليها..التفتت حولها لتجد ياسين فى واحد اهو نسأله اتجهت نحوه :لو سمحت نور موجودة التفت ياسين اليهم فعرفهم على الفور ياسين :لا لسه خارجة من شوية ..بس انتى لو عايزاها انتى ممكن تلحقيها امشى من الطريق الرئيسى الين :فين الطريق الرئيسى ده وصفه لهم ..لكنه وجد من علامات وجوههم انهم لم يعرفوا الوصول اليه ياسين :بصى انا رايحلها تعالوا معايا ايسل :نيجى معاك فين متقولنا وخلاص نمشى ازاى ياسين :اللهم ما طولك يا روح اومال انا كنت لسه بقول ايه ..انا الحق عليا ..خلاص روحوا انتوا البارت ال 15 ياسين :اللهم ما طولك يا روح اومال انا كنت لسه بقول ايه ..انا الحق عليا ..خلاص روحوا انتوا وتركهم وكاد ان يخرج من البوابة ايسل :ده قليل الذوق الين :بس ليسمعك ..وبعدين هو مغلطش يا ايسل هو عرض علينا انه يودينا .. وبعدين احنا مش هنعرف نروح فقالت منادية :استنى بس يا كابتن وقف ياسين وقال بأبتسامة :اسمى ياسين فقالت الين :وانا الين ..بس هى متقصدش ودينا لوسمحت كان يسير وهو ماسك الفرسه وهما بجواره الين :مش دى الين بردو بتاعة نور ياسين :اه هى الين : طب هو انا انفع اركبها ايسل :تركبى ايه ..انتى لازم تستأذنى نور الاول مش ده ياسين :متحترمى نفسك انا ليا اسم مش ده فقال لالين :اتفضلى اركبى نور مش هتقول حاجة ساعدها ياسين حتى تركب ..وظل يتحدث معها طوال الطريق حتى وصلوا كانت نور وياسمين جالسين فى مكانهم المفضل تحت ظل الشجرة الكبيرة فأتى ياسين وهما خلفه ياسين :نور فى بنات عايزينك .. نظرت نور اليهم وذهبت لترحب بهم نور:حلوة المفاجأة دى ..بس انتوا عارفيين ياسمين منين ايسل :ما احنا اتعرفنا عليها قبل كده نظرت نور الى الين التى مازالت فوق المهرة :شوفتى ركوبها سهل ازاى الين :لا مهو ياسين ساعدنى اركبها ..دمه خفيف خالص ياسمين بتفاخر:طبعا مهو طالع لاخته ايسل بدهشة :هو انتوا اخوات ياسمين :وكمان توأم نور :طب احنا هنتكلم واحنا واقفين تعالوا نقعد جلسوا جميعا لكن ياسين كان واقف بعيد عنهم مع عم جابر الين :يعنى انتوا ولاد عم نور :ايوه ياستى الين :بس حلوة اللمه انكم كلكم يعنى عايشين مع بعض كانت ايسل تنظر الى نور انتبهت نور لها :ايه يا ايسل انتى معجبة ولا ايه ابتسمت ايسل :بشبه عليكى ..هو انتى مش كنتى خرسه وراعية غنم ضحكت نور :مين اللى قال كده باباكى واخوكى قالولى نفس الكلام ايسل :اصل احنا اول ما شوفناكى كنتى بتتكلمى بالاشارة فحكت لها نور انها تعرف لغة الاشارة نور :اما بقى لراعية غنم انا مش عارفة انتوا جبتوها منين انا بس بحب اطلع مع عم جابر وهو معاه الخرفان ظلت تتحدث الين مع ياسمين قاطعت ايسل نور فى وسط حديثهم ايسل :طيب طلاما ساكنين فى القاهرة ايه اللى جابكم هنا نور :احنا بنيجى هنا بس فى الاجازة ..لكن بننزل القاهرة بسبب الدراسة ..بس انا بحب هنا اكتر ايسل وهى تنظر حولها :عندك حق هنا احلى بكتير ..مفيش دوشة ولا مشاكل ثم قالت وهى تنظر على الفرسة ايسل :هو انا ينفع اركب الفرسه نور :اه طبعا تعالى الين :لا يا ايسل طنط نيفين هتزعق ايسل :ومين هيقولها بس..وبعدين انتى ركبتيها ذهبت خلف نور نور :ياسين هات الين عشان ايسل تركبها ياسين عن قصد :لا لحسن تصوت فى وشها ابتسمت ايسل عندما تذكرت ضحكت نور :لا مش هتصوت ولا حاجة ساعدتها نور فركبت ايسل ايسل :الله ..خليها تجرى يا نور نور :لا عشان هتقعى ايسل :طب روحى انتى اقعدى معاهم نور :طب مين اللى هيمسكها ياسين :روحى انتى يا نور انا هخلى بالى تركتها نور وذهبت اليهم ترددت ايسل ان تعتذر له عما بدر منها فى المرة السابقة ايسل بدون ان تنظر اليه :انا اسفة عشان المره اللى فاتت ابتسم ياسين :على المرة اللى فاتت بس ..خلاص مفيش حاجة تانى مره متلعبيش فى حاجة -__________ اتى عم حسين فوجد كريم وابراهيم (حفيد حسين 15 عام ) مستعدين للرحيل حسين :رايحين فين يا ولاد ابراهيم :هنروح يا بابا نلعب كره حسين :طيب كريم خلى بالك منه كريم :متقلقش يا عمى ..يلا يا ابراهيم لكن استوقفتهم مجئ علياء :انا جاية معاكو ابراهيم :تيجى فين يلا ادخلى جوه بكت علياء :جدو عاوزة اروح قبل ان ينطق جدها كان حملها كريم :يلا احنا كده مش هنخلص ______ بعد رحيل الناس ..اتى احمد ليجد ادهم وعمر جالسين احمد :الناس مشيوا يا ادهم ادهم :اه يا بابا لسه ماشيين احمد:طيب مشوفتش اختك والين .. ادهم :هما مش جوه احمد :لا انا دورت عليهم عمر :انا شوفتهم من شوية كانوا خارجين هما الاتنين ادهم :ومقولتش ليه ياعمر عمر :هقول ازاى يعنى واحنا كنا مع الناس ادهم :طب انا هروح ادور عليهم عمر :استنى هاجى معاك بعد ان ذهبوا اتت نيفين وهى واضعة ماسك على وجهها ففزع احمد :ايه يا نيفين ده نيفين :ده ماسك يا حبيبى عشان بشرتى..انت مش شايف تغيير الجو احمد :طب انا خارج نيفين :رايح فين احمد :هشم هوا يلا سلام ______ كان الحاج على مار من امام الفيلا فقابله احمد وسلم عليه على :كده معرفش ان انت هنا احمد:والله لسه واصل النهاردة على :طيب حمدالله على السلامة ..انت غيرت رأيك ولا ايه نويت تقعد هنا ابتسم احمد :لا هنزل تانى على :طب حيث كده بقى اعمل حسابك ان العشا عندى النهاردة ومش هقبل اى اعتراض احمد :خلاص ماشى يا حاج على :اشوفك بقى بعد صلاة العشا - ________ كانت مازالت ايسل فوق الفرسه وياسين كان يتحدث معها ونور كانت جالسه تتحدث معهم بعد ان ذهب عم جابر فلمحت الين كريم الين :ثوانى وجيالكم ركضت فى اتجاهه الين :كريم كريم :الين ..بتعملى ايه هنا الين :كنت قاعدة مع اصحابى ..انتوا جايين تعملوا ايه جاوبت علياء :احنا هنلعب بالكورة تعالى العبى معانا نظرت الين لكريم فقال :لو حابة تيجى تعالى العبى الين بفرحة :بس انا معايا اصحابى كريم :خلاص هاتيهم مفيش مشكلة ركضت الين اليهم :يلا تعالوا نلعب ياسمين :نلعب ايه الين :هنلعب كورة مع كريم نور :ومين كريم ده الين :ده يعتبر صديقى يلا بقى نلعب ياسمين :انا هسأل اخويا الاول الين :وانتى يا نور نور:لو ياسين وافق هلعب ذهبت ياسمين لاخيها وجدته يتحدث مع ايسل ياسمين :ياسين عاوزين نلعب كورة مع كريم صديق الين ايسل :ايه اللى جاب كريم هنا ياسين :هو انتى تعرفيه ايسل :اه ده صاحب ادهم اخويا ياسمين :ها موافق ياسين:لا ازاى هتروحى تلعبى مع شاب ياسمين :مش انا لوحدى ما انت هتيجى كمان..وكمان كلنا هنلعب ..وبعدين يعنى دى كورة ..هو انا قولتلك هتكلم معاه تدخلت ايسل :على فكرة كريم محترم جدا يا ياسين وبعد ما اقتنع وافق كان كريم ينظر الى نور فنظرت الين الى ما ينظر اليه وجدتها نور الين :تعال لما اعرفك على صاحبتى الين :نور ده كريم .. نور بأبتسامة :اهلا كريم :احنا اتقابلنا قبل كده صح قالت نور بخجل فهى تعرفه :اه تدخلت الين :انتوا تعرفوا بعض قالت نور مسرعة :لا.. اتى ياسين ومعه اخته وايسل وقامت الين بتقديم كريم له ابراهيم :يلا بقى نبدأ كريم :طب الاول هنلعب ايه قالت ياسمين :احنا نلعب الكورة الطايرة واللى يقع او الكورة تقع منه يبقى خسران كريم :طب يلا وبدأوا اللعب ولم تخلو اللعبة من الضحك على انفسهم وهم يلعبوا وعلى من يقع بينهم ___ عمر :ما تهدى بقى يا ادهم هما مش هيتوهوا ادهم :محدش فيهم بيرد يا عمر عمر وهو يلتفت حواليه :اهم هناك بيلعبوا ادهم :يعنى احنا بندور عليهم وهما بيلعبوا عمر بأبتسامة:طب يلا نروح نلعب احنا كمان ادهم بحدة:نعم عمر :اقصد نروح نجيبهم ..وقال بصوت خافت :ده انت نكد ذهبوا اليهم فصاحت ايسل عندما رأتهم :ادهم تعالى العب استغرب ادهم من وجود كريم لكنه ذهب ليسلم عليه كريم :متستغربش انا قاعد عند خالتى هنا قولت اريح شوية واغير جو القاهرة ادهم :فعلا هنا الجو مريح للاعصاب ثم نظر يبحث عن عمر وجده يلعب معهم ادهم :مش يلا ولا ايه الين :لا عشان خاطرى يا ادهم سيبنا شوية كمان ايسل :اه بالله عليك كريم :خلاص سيبهم شوية تعال يلا العب ادهم رافضا :لا روح انت كمل وقف ادهم يشاهدهم وهم يلعبوا وقع نظره على نور وهى تلعب مثل الاطفال والضحكة على وجهها لم تفارقه حقا هى بريئة وقعت ياسمين ارضا متأوهه فذهب سريعا عمر اليها وجدها تضحك عمر :انتى بتضحكى ولا بتعيطى ضحكوا جميعا فقال ياسين :شربت المقلب انت كده طلعت عمر :طلعت ليه ياسمين :ما انت خرجت انا اصلا كنت خسرت بس كنت بعلب وخلاص فوقعت نفسى عشان اوقع حد تانى ضحك عمر:ده انتى طلعتى ياسمين بحدة :طلعت ايه عمر :ولا حاجة ياستى ..ثم قال :ماليش دعوة انا عاوز العب كريم :سيبنا نركز بقى عمر موجها كلامه لها :عجبك كده ياسمين :وانا مالى حد قالك تيجيلى ______ ايسل :يلا بقى يا ادهم تعال العب قال ادهم بأستفزاز :مبلعبش مع عيال سمعته نور فالتقطت الكرة من كريم كان ادهم خلف الين بمسافة ..فوجهت الكرة فى اتجاه ادهم لكن ادهم التقط الكرة وضحك لها ليستفزها الين :ايه يا نور حدفتيها بعيدة كريم :يلا اطلعى وبعد مرور الوقت ..شعر ادهم بالملل ادهم :يلا بقى نروح ايسل :شوية عشان خاطرى ادهم بجدية :قولت يلا _________ سامح :ايه يا ولاد اتأخرتوا كده ليه ياسين :كنا بنلعب كورة يا بابا جلست ياسمين بتعب وهى تتأوه :اه يا بابا حتى انا وقعت وقعات محصلتش لحد قبل كده ضحكت نور وهى تتذكر شكل ياسمين :ياريتك ياعمو كنت شوفتها كانت هبلة ضربتها ياسمين وهى تتأوه :اهو انتى اتت علا :يلا من هنا روحوا غيروا عشان فى ناس جاية النهاردة على العشا ياسين بفضول:مين مين هاه علا:استاذ احمد اللى ابنه اخد الفيلا اللى جنبنا ياسمين :اوف يعنى هما جايين عشان شغل سامح :لا مش شغل جدكم عزمهم على العشا نور :يووه انا مش نازلة ماشى كان اتى جدها وسمع كلمتها الاخيرة :مش عايزة تنزلى ليه نور :يا جدو مش عاوزة وخلاص على :لا هتنزلى عشان اعرفه عليكم ويلا روحوا غيروا قبل ما الناس تيجى ______ نيفين :ايه اللى مبهدلكم كده ايسل بسعادة :كنا بنلعب احمد وهو سعيد من اجل سعادة ابنته :ولعبتوا مع مين ايسل :لعبنا مع احفاد عم على اللى بتشتغل معاه اه وكريم صاحب ادهم نيفين :وايه اللى جاب كريم هنا قالت الين سريعا :اصل خالته هنا فهو جه يقعد عندها شوية احمد :طب اعملوا حسابكم ان احنا هنتعشى عند الحاج على عمر بأبتسامة كبيرة :اهو هو ده الكلام اللى يدخل الدماغ نيفين :انا مش جاية احمد :ليه بقى مش هتيجى نيفين :عندى برنامج عايزة اتفرج عليه احمد بنرفزة :يعنى اروح للناس اقولهم مراتى مشغولة اصلها بتتفرج على برنامج ..الله يخليكى متشلينيش نيفين :لا بعد الشر عليك يا حبيبى متقولش كده عمر :يسلام على الرومانسية ادهم :طب انا هروح احضر نفسى ذهب ادهم الى غرفته فلاحظ الملابس التى وضعها على الكرسى فهذه الملابس لياسين التى اعطاها له الجد ادهم :انا ازاى نسيتهم اخذ الملابس وخرج لكن استوقفه احمد احمد :رايح فين يا ادهم ادهم :هودى هدوم ياسين احمد:طب وديهاله واحنا رايحين تدخل عمر مازحا:اه وماله بدل ما ندخل عليهم بورد ولا شيكولاته نقولهم اتفضلوا هدوم ابنكم اللى قلبها ادهم منكم ايه ياعمى هى الدنيا اتشقلبت ضحك ادهم :بابا عمر معاه حق مش هيبقى منظر واحنا ماسكين هدوم ابنهم انا هروح اديهاله وهاجى على طول _________ فى المطبخ سعاد :يوه انا نسيت اجيب اللوز زينب:هتلاقى عندك فى الدرفة التانية سعاد :لا مهو خلص ..وانا نسيت اجيب زينب:مش مشكلة يا سعاد سعاد:اومال هنزوق الكراميل بأيه زينب:خلاص كملى انتى وانا هروح ابعت عم سالم ذهبت زينب فرأت ياسمين زينب :روحى يا ياسمين قولى لعم سالم يجيب لوز ياسمين :مش قادرة والله يا عمتو اقوم زينب :ياربى هو انتى دايما كده مبتتحركيش اتت نور اليها :مالك مزعله نفسك ليه يا زينب زينب :يارب يخليكى يا نور روحى قولى لعم سالم يجيب لوز عشان الكراميل اللى بتحبيه نور :طيب ______ كانت تركض نور وهى تنادى على عم سالم فطلبت منه ان يشترى اللوز رأت ادهم يدخل الفيلا نور :استنى هنا رايح فين ادهم :وانتى مالك اوعى من وشى نور :لا انت دلوقتى مش فى فيلتك عشان تقولى كده انت هنا فى فيلتى ادهم بسخرية :فيلا مين هو عشان بتشتغلى فيها بقت بتاعتك اغتاظت نور فكادت ان ترد عليه لكن قال لها :خدى ودى الحاجات دى لياسين يلا سلام يا ..نور ______ بعد صلاة العشاء ذهبت عائلة احمد الى فيلا المنشاوى رحب بهم الجد على وابنائه اتت ياسمين وسلمت عليهم وجلست بجانب الين وايسل قال الجد بصوت منخفض لياسين :اومال فين نور ياسين :بتلف الطرحة ونازلة اتت سعاد وقامت بتقديم العصير فقالت نيفين :هو مفيش شغالين هنا ولا ايه سعاد :لا احنا بنحب نخدم نفسنا بنفسنا انتى كنتى محتاجة حاجة نيفين :لا اصل انتى مقعدتيش من ساعة ما جينا تعجب ادهم من كلامها لا يوجد احد يعمل هنا اذا من هى نور اتت نور وكانت فى غاية الجمال مرتدية فستان موف وبه حزام فضى اللون وارتدت طرحة فضية الجد :اهى نور جت ..اقدملكم حفيدتى نور رواية أحببت راعية الغنم. بقلم أسماء خالد.
