منال علي 3

طول الليل أنا وكريم ما نمنّاش. كل شوية أبص على نتيجة الاختبار، وأقول لنفسي: "يمكن أكون بحلم." الصبح رحنا المعمل بدري. سحبت العينة، والموظفة قالت: "النتيجة هتطلع بعد ساعتين." بقلـم حكايات منـال علي الساعتين دول كانوا أطول ساعتين في حياتي. كنت كل دقيقة أبص في الساعة. وكريم كان ماسك إيدي لأول مرة من سنين بالطريقة دي. لما المعمل اتصل، قلبي كان هيقف. الموظفة قالت بابتسامة: "مبروك يا مدام نور... تحليل الحمل الرقمي إيجابي." فضلت ساكتة. افتكرت إني سمعت غلط. قلت: "حضرتك متأكدة؟" ضحكت وقالت: "ألف مبروك... ربنا يتمملك على خير."بقلـم حكايات منـال علي انهرت من العياط. وكريم حضني في نص الشارع، وهو بيقول: "الحمد لله... الحمد لله." رجعنا البيت، وأول حد روحنا له كانت أمي. أول ما شافتني، قالت: "وشك منور... خير؟" طلعت نتيجة التحليل.بقلـم حكايات منـال علي أمي قريتها، وصرخت من الفرحة: "بنتي حامل!" البيت كله اتقلب زغاريد. أما حماتي... فأول ما عرفت، جريت على بيتنا. كانت داخلة وهي بتبكي. أول ما شافتني، باست إيدي وقالت: "سامحيني يا بنتي... أنا جرحتك كتير." رفعت إيدي بسرعة.بقلـم حكايات منـال علي وقلت: "اللي فات خلاص... أهم حاجة نتعلم منه." أما ريهام... فلما وصلها الخبر، ما صدقتهوش. وقالت قدام الناس: "أكيد التحليل غلط." لكن بعد أول سونار... الدكتور شغل صوت النبض.بقلـم حكايات منـال علي دقات قلب البيبي كانت مالية الأوضة. أنا وكريم بصينا لبعض، ودموعنا نزلت في نفس اللحظة. كريم همس في ودني: "أهو ربنا رد اعتبارك قدام الكل." بعد كام يوم، العيلة كلها اتجمعت عند حماتي. ولأول مرة... هي بنفسها وقفت قدام الجميع وقالت: "أنا عايزة أقول كلمة." بصتلي، وقالت:بقلـم حكايات منـال علي "أنا ظلمت نور، وسمعت كلام ناس من غير ما أتأكد. والنهارده بطلب منها السماح قدامكم كلكم." الكل سكت. أما ريهام، فكانت قاعدة في آخر الصالون، مطأطية رأسها. وفجأة قامت، وقربت مني. وقالت بصوت واطي:بقلـم حكايات منـال علي "أنا غلطت... وعمري ما هعرف أصلح اللي عملته." بصيت لها ثواني. وقلت: "أنا مسامحاكي عشان أرتاح... لكن الثقة اللي اتكسرت، صعب ترجع زي الأول." سكتت، ومشيت وهي بتعيط. ومن يومها... عرفت إن الظلم ممكن يطول...بقلـم حكايات منـال علي لكن عمره ما بيدوم. بقلـم حكايات منـال علي وإن ربنا، مهما اتأخر حكمه في نظر الناس، بيظهر الحقيقة في الوقت اللي يختاره. تمت.