أحببت بصيرته من السادس ل العاشر

رواية أحببت بصيرته للكاتبة مريم نصار الفصل السابع
فتون: لسه عينيها بتغفل. جرس الباب رن… فتون: فتحت عينيها. اييه ده!؟ مين الل جاى بيخبط ف الوقت ده!؟ وقامت. بتلبس الاسدال. فاطمه: من جوه ندهت يافتون الباب بيخبط. فتون: ايوه ياماما سمعته انا هفتح اهو. جرس الباب رن تانى. فتون: بتلف طرحة الاسدال. ايوه ايوه يال على الباب جايه اهو. وفتحت الباب واندهشت. طلعت: بابتسامه. مساء الخير يا انسه فتون!؟ وشايل علبه ف ايدو.فتون: بدهشه ممزوج بغيظ. خير!؟ خير ايه يا استاذ طلعت. ونعم بتخبط علينا ف الوقت ده ليه!؟ طلعت: بتوتر. انا متاسف جدا والله. مكنتش اعرف انك بتنامى بدرى بكرر اعتذارى! فتون: نفخت بديق. بنام بدرى!؟ الساعه 11 بليل يامحترم. قصرو. بتخبط ليه المكتب بتاعك ولع إن شاء الله ولا حاجه!؟ طلعت: بدهشه. ياساتر يارب. لا المكتب بتاعي زي القمر زى السكر يا انسه فتون.فتون: زعقت. نعم ياخويااااا. انت شكلك كده مش ناوى ع خير. وعايز دماغك دي تتخيط انهردا ماتنطق ياجدع انت عايز ايه وجاى ليه ماتخلص بقى! طلعت: بلع ريقه بتوتر. ا. أنا. انا مقصدش. احم عموما انا. ا. انا كنت جايب لحضرتك طبق البسبوسه ده اتفضلى! فتون: بعدم فهم. بسبوسه!؟ وايه المناسبه إن شاء الله الل تخليك جاى من بيتكو ف الوقت ده وتاعب نفسك وهازز طولك وجايب طبق البسبوسه. هاااا!؟طلعت: بتوتر. يا انسه فتون ارجوكي نفسي تتكلمى معايا بهدوء شويه مش كل ما اتكلم معاكى تكلمينى بالاسلوب ده. انا كانى قاتلك قتيل وال عوياذبالله. فتون: نفخت بديق حقيقي. انت ياعم انت مبتحسش هو انا اعرفك عشان اكلمك ولا انت تعرفنى علشان تخبط ع بابى. بقولك ايه ياجدع انت امشي من هنا علشان مفرجكش عليك الحاره يلا اتكل بقى من هنا.طلعت: يا انسه فتون. انا جايب لحضرتك طبق البسبوسه ده علشان انا كسبت قض..يه كبيره جدا. وانا جيت هنا لانى هبات ف المكتب انهردا وانتو جيرانى وقولت افرحكو معايا انتى والحاجه. ياريت تقبليه منى!فتون: زعقت اسمع ياجدع انت تاخد نفسك كدا وتلف ضهرك وتغور من هنا. لاحسن ورحمة أبوياااا اخلى الل مايشترى يتفرج عليك فااااهم. ولو حصل ف يوم وخبطت ع بابى تانى ودينى لاخدك ع القسم والبسك مصيبه جاتك الهم راجل معندكش دم. محامى ايه ده؟ راجل ناقص. وقفلت الباب ف وشه. فاطمه: قامت ايه يافتون بتزعقى لمين كدا؟طلعت: حس بالاحراج. وسمع صوت باب الشقه الل تحت اتقفل. ورجع النضاره ع عينيه. واخد طبق البسبوسه ودخل مكتبه. فتون: مفيش حد مهم ياماما. خشي نامي. وفتون دخلت ومخنوقه جدا. لانها شايفه نظرات الكل ليها بطمع. ونامت سرحانه ومحستش غير بدموعها نازله. مسحتها بسرعه. واخدت نفس عميق وقرأت سورة الملك. وحاولت تنام.سحر: قاعده وسرحانه. وبتفكر ف كلام علاء. وبتفكر هترد عليه وتقوله موافقه تساعده في أن علاء يوصل ل فتون علشان ينفذ الل قال عليه. ولا هترفض. وفاقت ع صوت رساله من علاء. وفتحتها، وابتسمت بخبث ع الفكره الل جاتلها. علاء: هااا ياحلوه فكرتى. سحر: ردت عليه. ايوه ياعلاء فكرت! علاء: وانا عارف انك هتوافقى وهتساعدينى مش كدا ياقلبى! سحر: لا ياعلاء لأ انا مش هساعدك ف حاجه زى دي ابدا.علاء: اله. ليه بس ما انتى كنتى حلوه. ايه استغنيتى عن حسن خلاص.؟ سحر: لأ ياعلاء. انا مستغنتش عن حسن ولا هتنازل عنه. بس مش بالطريقه دي. علاء: انا بدءت اتخنق واجيب أخرى ياحلوه. وده الحل الوحيد الل هيخلى حسن مايطقش يبص ف وشها بعد كده.سحر: اسمع ياعلاء انا اه بكره فتون لانها ع طول بتفوز ف كل حاجه. وخدت منى حسن. بس كرهي ليها مش يوصل انى اشارك في انك تتهجم عليها وتغتصبها. وغير كدا انا خايفه لا اتكشف ساعتها أبويا مش هيتردد لحظه ف انه يدفنى حيه. لااا. انا مش هشارك معاك ف الحوار ده. انت عايز تغتصبها يبقى برحتك بس بعيد عنى أن شاله تخطفها حتى بس انا ماليش فيه. لكن انا عندى حل تانى وجاتلى فكره تانيه واسمعها منى وهتكسب.علاء: أمم ايه هي الفكره التانيه خلينا ورا الكداب. سحر: ابتسمت بخبث. استنى هبعتلك صوره. وبعتت الصوره. علاء: ايه ده!؟ مين الل واقف مع فتون ده!؟ سحر: ده طلعت المحامى الل مآجر الشقه الل جمب فتون. علاء: طيب وواقفين كدا ليه. وامتى الصوره دي. ومين الل صورهم!سحر: بشر. انا! انا الل صورتهم. انا من شويه كنت رايحه الحمام. وسمعت صوت فتون عالى. والعماره كلها باين كدا نايمين. فتحت باب الشقه بشويش. واتسحبت براحه ع السلم. وسمعت فتون وهي بتزعق للمحامى. والل فهمته إن طلعت راح خبط عليها وجايبلها بسبوسه بنت المحظوظه. بس هي جرسته وشتمته. انا بقى جاتلى فكره. وعلشان الوقت متأخر روحت مصوراهم كام صوره والتاريخ والوقت مكتوبين.علاء: طيب ماهي الصوره فتون عاديه. فتون لابسه الاسدال. والمحامى بدله وواقفين قدام باب الشقه. ايه الغلط ف كدا. انتى ايه الل ف دماغك.؟سحر: بخبث. احنا هنحط الشراره لحسن. يعنى نبعت لحسن صورة فتون مع طلعت الساعه 11 بليل قدام باب شقتها! وانت مثلا تروحلها عند المدرسه وتوقفها وتتكلم معاها وحد يصوركو. وبعدها مثلا نشوف اى حجه وانت تطلع بعد 12 بليل تخبط واول ما تفتح اصوركو. وكل الصور دى توصل لحسن. وساعتها الشك هيدخل قلبه. علاء: بتفكير. طيب وحسن هيصدق!؟سحر: طبعاااا. اسمع منى. حسن دلوقتي بعيد عن فتون 3 سنين. وفتون حالتها تحت الصفر. والنفوس بتتغير. الصور هتوصل لحسن من ناحيه. وانا من ناحيه تانيه هزود الشراره. يعنى حسن مثلا يتصل اقولو فتون مش ف البيت من بدرى. مره تانيه دى فتون لابسه ومتشيكه ولسه نازله. واكيد حسن هيشك و هيفكر. لأن فتون ملهاش لا اب ولا اخ ولا ليها كبير. انا هزرع الشك جواه. وانت عارف بقى لما الشك يدخل قلب راجل.!علاء: ابتسم بخبث. يابنت ال اييه. لا فكره حلوه. أمممم. بقولك ايه ياحب.؟ سحر: بدلع قول ياقلب الحب ههههههههه. علاء: ابعتيلى كل الصور الل صورتيها لفتون وطلعت! سحر: اشمعنا.!؟ علاء: اصل فتون مكشره ف الصوره اوى. وباين عليها انها مضايقه. انا عندى برنامج هظبط وشها كأنها مبسوطه وحجات فوتوشوب كدا. انجزي بس.سحر: بمكر. ايوه كدا. ده الشك هيدخل قلب حسن بطياره ههههههههه استنى هبعتلك كل صورها. وانت جهزها. وانا هعمل ايميل جديد باسم حركي. استنى. وبعتت كل الصور ل علاء. علاء: اشطا ياحب. واعملي الايميل باسم ولد اشطا؟ سحر: هههههههه اشطا. اول ما تخلص ابعتلى الصور. علاء: اشطا. يلا سلام بقى خلينى امخمخ ياحب. تانى يوم الصبح.ف المستشفى. الكل موجود ف اوضة سليم. خالد. وفريده. ورهف. وشريف. وحالتهم النفسيه وحشه جدا. لأن سليم كل ما يفوق ينهار. مش متقبل فكرة إنه خلاص بقى عاجز واعمى. فريده: قاعده جمبه ع الكرسي وعيونها حمرا اوى من العياط ع حالة ابنها. وجواها خايفه من حجات كتير. رهف: قاعده على الكرسي الناحيه التانيه. وزعلانه لكن من غير دموع. خالد: واقف وباصص من الشباك وكل شويه يتنهد بحزن.شريف: قاعد ع الكنبه. ومرجع راسه لورا من الارهاق. سليم: بدء يفوق من تانى. وبيخترف بالكلام. امي انا مش شايف. فريده الدنيا ضلمه. شريف اخويا انت فين. خالد مفيش اى نور. الدنيا ضلمه اوى. فريده عايز اشوف. وفتح عينيه مره واحده. لااااااااااااااء. الكل: أنتبه وجري عليه لأنه بيقوم بغضب. خالد: مسكه. اهدا ياسليم. علشان خاطر نفسك.سليم: سبنى ياخاااالد اقوم. وبيحسس ع كتف خالد. انا اتعميت ياخااالد. انا اتعميت. انا سمعت الدكتور وهو بيكلم شريف. سمعته وهو بيقول سليم اتعمى. عمى كُلى ومش هيشوف تانى. اناااااا اتعمييييت ياخاااالد. خالد: بيعيط وحضنه ارجوك ياسليم حرام عليك. اهدا علشان نعرف نتكلم. فريده: هزت راسها بعدم تصديق وبكت بحرقه. رهف: غصب عنها دموعها نزلت.شريف: وسع ياخالد. واخد سليم ف حضنه. سليم. سليم انا مش هسيبك انا مش هسكت. الدكتور بعد ما تخف هيعملك جراحه. ولو منفعتش هنا هاخدك ونسافر. إن شاله لآخر الدنيا. انا مش هسيبك كدا. سليم: حضن شريف. شررريف انا اتعميت ياشريف. انا خلاص مش هشوف تانى. شريف متسبنيش الدنيا ضلمه اوى. مفيش اى ضوء. مفيش نور ياشريف. وبينهج فريده فين!؟ امي فين!؟فريده: قامت بكسره. انا اهو ياضنايا. انا جمبك ياقلب أمك. وحضنته بوجع. ياااارب يااارب انت الرحيم ارحم ابنى يارب ورد ليه بصره. سليم: دموعه نزلت. وحاضن فريده. يعنى ايه يا امي. يعنى انا كدا مش هشوفك تانى. مش هشوف اخويا وخالد تانى مش هشوف النور من تانى. امي الضلمه طلعت وحشه اوي. الضلمه بتخوف.فريده: طلعته من حضنها. ومسحت دموعها. ودموع سليم. ومسكت وشه بايديها. وقالت ب أمل. سليم يانور عيني. خلى عندك امل ف ربنا. وانا وأخواتك معاك عمرنا ما هنتخلى عنك. حبيبى راسك مجروحه. وايدك مكسوره والدكتور قال كل الحركه دى غلط عليك. علشان خاطر فريده يبنى. حاول تهدى وسيطر ع غضبك. احنا هنعمل كل حاجه نقدر عليها. هتعمل عمليه. وهتسافر بره مصر. اخوك شريف وخالد مش هايسيبوك. ومسدت ع ضهرو وحد الله ياحبيبي. وحد الله.سليم: مغمض عينيه. وحاول يستوعب. وقال بيأس وإحباط. لا اله إلا الله. بعد شويه الدكتور جه. وغير ع جروح سليم الل ساكت خالص ومتكلمش تانى ولاكلمه. كأنه بيحاول يستوعب وبيقنع نفسه أنه ف كابوس! كابوس مزعج وهيصحى منه ويشوف النور من تانى. الدكتور: عقم الجروح وعطاله إبره مسكنه وخرج. وشريف خرج معاه يطمن ع حالة سليم. سليم: راجع بضهرو ع السرير. وسرحان.خالد: استسلم للواقع. وجه وقعد جمبه وحب يفكه. وابتسم. صحبى يصحبى. واول ما قالها حس بخنقه وعيونه لمعت بدموع. سليم: … خالد: اخد نفس عميق واتنهد. احم ايه ياعم الناس. انت مخاصمنى ولا ايه!؟ سليم: مش عارف ياخالد. مش عايز اتكلم. مش عايز اعمل حاجه.! خالد: قرب من ودنه ووشوشه. سليم: اخد نفس عميق. وفكر شويه. ونده وقال. رهف! رهف: قامت بسرعه ولهفه. ومسكت ايدو نعم ياحبيبى.خالد: قام. طيب ياسليم. انا هاخد فيرى واشربها عصير ههههه تمام وغمز لفريده عشان يسبوهم لوحدهم. سليم: هز راسه وسكت. فريده: قامت. سليم ياحبيبى. اروح مع خالد. ولا أفضل معاك. سليم: سيبونى مع رهف شويه. خالد: قرب من ودنه ووشوشه تانى. واتعدل. تمام. انا 10 دقايق وراجع. يلا بينا يافيرى. وحط أيد فريده ف دراعه وسندها وخرجو. فريده: خالد يبنى انا خايفه من سكوت سليم.خالد: ربت ع أيدها. متقلقيش ياست الكل. احنا مش هنفارق سليم لحظه واحده وسكوته ده بتهايئلى انه بدء يستوعب الل حصل. المهم اقعدى هنا استنينى. وانا هنزل اجبلك عصير وبالمره اتصل ع بابا لانه اتصل عليا كتير والفون صامت تمام. فريده: ماشي يبنى. خالد: اتعدل. وجت ممرضه ماشيه وباصه ف الاوراق الل ف ايديها. خالد: بيلف. وخبط فيها بالغلط والأوراق وقعت. خالد: بحرج. انا متاسف جدا. خبطت فيكى بالغلط.الممرضه: حصل خير حضرتك. ونزلت تلم الأوراق. خالد: نزل يلم معاها الاوراق. وشاف ظرف كبير جدا. بإسم سليم بدر الدين. وسألها ايه الظرف ده!؟ الممرضه: دى اشعات وتحاليل للحالات الموجوده. وهنزلها الارشيف… خالد: هز راسه تمام. ممكن اخد أشعة سليم هو اخويا. ولا هيكون فيها مشكله.؟ الممرضه: لا ابدا. هي اتعملت وخلاص وهتتركن. اتفضل. خالد: اخد الظرف. متشكر جدا. الممرضه: العفو ع ايه. ومشيت.سليم: امسكى يافريده. خلى الاشعه دى معاكى ممكن نحتاجها ف اى وقت. فريده: هزت راسها. واخدت الظرف. خالد: انا نازل ماشي. فريده: ماشي ياحبيبى. ربنا معاك. رهف: بعد ما خالد وفريده خرجو من الاوضه. قربت من سليم وحضنته وبتعيط. سليم. سليم حبيبى. سليم: رفع ايدو السليمه. وفك ايديها وطلعها من حضنه. خلاص يارهف سليم انتهى. رهف: سليم انت بتقول ايه انت هترجع زى الاول!؟ سليم: بقول الحقيقه. ويستحسن لو تبعدى من دلوقتي.!رهف: بدهشه. سليم انا لايمكن أبعد عنك. سليم: بضحكه مسكوره وباصص بعيد. رهف انتى مش مجبره تتحملى واحد بقى عاجز. فياريت كل واحد يروح ل حاله من دلوقتي. رهف: سليم! سليم: شاور ليها. خلاص يارهف. انتى مش زنبك تعيشي مع واحد اعمى. انا استحاله أخلى حد يتحمل عجزى. او يزهق منى. وانتى حياتك بطبعها غير حياتى. وخليها تيجي من دلوقتي هتكون احسن واشيك. رهف: بحيره. سليم انت عايز تسبنى.سليم: انا مبقتش سليم الل انتى عارفاه. الل كان بيخرج معاكي ويفسحك. انا مبقتش سليم الل كان بينفذلك كل حاجه. لا انا بقيت عاجز. عاجز يارهف. انا بقيت سليم العاجز انا اتعميت فاهمه!؟ رهف: بدموع. سليم. شريف قال إنه هيسفرك المانيا. وهتعمل العمليه. وهتفتح ياسيلم صدقنى. وانا هفضل جمبك. سليم: طيب لو مفتحتش!؟ رهف: بلعت ريقها بتوتر وسكتت كام ثانيه وبتفكر. سي، سليم انت هتفتح وهتشوف من تانى!سليم: حاسة السمع والاحساس عندو بقت أشد. وحس توترها. وانا سألتك ولو مفتحتش هتفضلى معايا!؟ رهف: ضغطت على شفايفها وسكتت تانى وبعدها قالت. احم ايوه. ايوه طبعا ياسليم. سليم: صك ع اسنانه. فاكره يارهف لما قولتلك لو تعبت ف يوم هتكوني جمبى ولا لأ!؟ رهف: ها!؟ اه ايوه ياحبيبى فاكره! سليم: فاكره انتى قولتيلى ساعتها ايه!؟ رهف: بلعت ريقها. احم ايوه قولتلك مش هتخلى عنك.سليم: لأ. انتى قولتى قبلها انت مش هيجرالك حاجه ولاهتتعب ياسليم! وادينى اهو جرالى الأسؤ من التعب نفسه. وقولتى بعدها مش هبعد! ياترى هتبعدى ولاااا!؟ رهف: بتوتر. لأ لأ ياسليم انا مش هسيبك ولا هبعد عنك. وعلشان اسبتلك انى بحبك ومش هسيبك. انا هسافر معاك. ومش هبعد عنك لحظه واحده. سليم: بعدم تصديق. متاكده!؟ رهف: … سليم: ايه رجعتى عن قرارك!؟ رهف: نفخت بديق مكبت وحيره. لأ لأ مرجعتش انا متأكده.سليم: رفع ايدو وبيشاور. وده دايقه جدا. لكن وصل ل ايد رهف ومسكها. عارفه يارهف. لو فضلتى جمبى. ساعتها هتكونى خلفتى كل توقعاتى. بعد اسبوع. فتون: رايحه المدرسه وطلعت ع اول الشارع ومستنيه الاتوبيس. علاء: صباح الورد والفل ع عيونك ياجميل. فتون: لفت وشافت علاء. ومردتش عليه ونفخت بنفاذ صبر. وسابته واتحركت كام خطوه بعيد وبتبص ع الطريق.علاء: غمز. وماله ياقمر اتقل عليا برحتك. وراح وقف قدامها تانى. ايه ياتونه انتى مش ناويه تحنى!؟ فتون: بغيظ. انت عبيط يلا ولا اهبل. تونه ف عينك. انت شكلك مش هتحترم نفسك غير لما يتعمل معاك الصح. غور يلا من هنا. علاء: ههههه عسل يافتون اقسم بالله حته كدا من الآخر. بس خلقك ديق حبتين. حبتين ايه بس. دى انتى خلقك اديق من الشليموه هههههههه. فتون: بصتله بغيظ. علاء امشي من هنا. علاء: ولو مامشتش ياموزه.فتون: هخليك تمشي تعيط ف الحاره. ومتفكرنيش انى خايفه منك لاااا ده انا صابره عليك للآخر. بس انت زودتها اوى. وشايف الكوتش الل ف رجلى ده. معنديش غيرو بس مش خساره يتنتف ع دماغك ماشي ياحيلت ابوك. وورينى عرض كتافك يلا من هنا. علاء: اممم. ماشي يافتون. انا همشي بس افتكرى انتى قولتى ايه!؟ ماشي ياحب!؟ فتون: فاكره كويس ياحيلت ابوك. وحبك برص ياخويا. غور من هنا جاتك الهم ع الصبح.علاء: هز راسه ومشي. وغمز ل صاحبه وراحو ع الحاره. فتون: الله يخربيتك قلبت مزاجي ربنا ينتقم منك ع الصبح عيل فاشل. وبعد شويه جه الأتوبيس. وفتون ركبت وراحت المدرسه ومخنوقه جدا. علاء: ايه يارجوله عملت الل قولتلك عليه!؟ روكا: مسطول. كلووو تمام يانجم. صورت كول حاجاااا. وبيكح. علاء: فرجنى كدا ياكبير. روكا: عااضر. امسك النوبايل اهوو.علاء: ياض اقف مظبوط هتقع. ورينى. وفتح الفون. شوفت ياض انا حلو وانا بضحك ازاى هههههههه. روكا: انت طووول عومرك علو ياسطا. علاء: هههههههه علو. طيب اتكل انت. روكا: ما. ماشي ياكبير بس عايز النوبايل. علاء: ياض فوق ياض. ده موبايلي يخربيتك. يلا اسرح من هنا. ولما احتاجلك هبعتلك الواد اوشا. روكا: عا ماشي. ماشي ياحوب سلا، سلام.علاء: ههههه عا ماشي ههههه سلام ياحب. وبص وقلب ف الصور وهز راسه ماشي ياست فتون هنشوف مين الل هيضحك ف الآخر. وحياتك لو مجتيش بالزوق. هجيبك بالعافيه. سليم: قبل مايخرج من المستشفى. جه الظابط واخد أقواله بصعوبه. وسليم حكاله كل الل حصل معاه وكان منهار نفسيا. الظابط: طلب خالد يروح ع القسم. لكن سليم ثار عليهم وزعق كتير جدا. ورفض إن خالد يروح ف اى مكان. وسليم نفى اى تهمه من ناحية خالد نهائيا.وخالد: اول ما سمع بأنه من المشتبه فيهم. اتصدم. وكان نفسه يتهجم ع الظابط. واتخنق جدا. بعدها الظابط. اخد شريف وراحو ع الشركه وفرغو الكاميرات. وشريف رجع المستشفى. وكان هيتجنن لأن مفيش اى دليل أو اى حاجه تثبت إنها بفعل فاعل. والمحضر اتأيد قضاء وقدر.بعدها بيوم. سليم خرج من المستشفى ومن ساعتها هو حابس نفسه ف الاوضه. ومنع الاكل لانه مش عايز شفقه من حد. ولو هياكل بياكل ساندوتشات وكمان مبيعرفش يتعامل مع الاكل. وده مخليه عصبى جدا. حتى القطه كل ما تقرب من سليم وتطلع ع رجله يرميها بعيد. ومش عايز يتكلم مع حد. ولا عايز يقابل اى حد.حتى رجال الأعمال الل يعرفهم وجُم يطمنو عليه. رفض أنه يقابلهم. ومش مسموح بس غير ب فريده هي الل تدخل عليه وبس. لكن عزيزه الشغاله او اى حد تانى ممنوع. حتى خالد أو شريف بيدخلو بصعوبه ومفيش جديد سليم رافض يتعامل مع اى حد وسلوكه اتغير وبقي عصبى جدا من الشرخ والصداع وكمان صدمة أنه ف نظره بقى اعمى وعاجز. وشريف يحطله النقط ف عينيه ويديله العلاج بالعافيه. وحتى رهف راحت تشوفه وهو رفض أنه يقابلها. وبيشرب سجاير بشراهه كأنه بيطلع كل الجواه ع هيئة دخان.شريف: بيفطر سليم عامل ايه دلوقتي؟ فريده: بتعب. زى ماهو ياضنايا. حابس نفسه. ده حتى امبارح مرضيش يتعشا. وكملت بدموع. اول مره سليم يزعقلى انا خايفه عليه. شريف: اتنهد. معلش متزعليش منه. الدكتور نبهنا للخطوه دي. وانه عصبى كدا من الصداع. ده غير إحساسه بالعجز. عموما انا متابع مع الدكتور. وكلها شهر وسليم يعمل العمليه. وخير أنا متأكد.فريده: ب أمل يااارب. يارب ياشريف يبنى. لاحسن انا قلقانه عليه اوى. تفتكر إنها قضاء وقدر صحيح ياشريف!؟ شريف: اتنهد. والله ده الل هيجننى. وكمان لما فرغنا كاميرات الشركه. ملقناش اى حد قرب من عربية سليم. كل حاجه كانت طبيعيه جدا. فريده: بدموع. انا مش مصدقه. بس حسبى الله ونعم الوكيل في الل عمل كدا.شريف: صدقينى لو حد عملها اكيد هيتكشف. وانا زودت كاميرات مراقبه في الشركه. وهنحاول نعرف. انا هطلع اطمن عليه قبل ما اروح ع الشركه. فريده: لا ياحبيبى. انا دخلت عليه وكان نايم. روح انت ع شغلك ربنا معاك. شريف: هز راسه بزعل. انا مش عارف اعمل ايه!؟ وكمان مشروع سليم واقف ع امضته. وشغل كتير جدا واقف ع امضته. وبصراحه انا قلقان وخايف اقولو. يشوف أنه دراعه متجبس. وكمان صعب انه يمضى يضايق وحالته تسؤ اكتر.فريده: اتنهدت بزعل والله يبنى ما عارفه اقولك ايه. شريف: انا أجلت كل حاجه حاليا. المهم عندى سليم. طيب انا ماشي ولو حصل حاجه كلمينى ع طول. بعد اذنك. ومشي. بعد شويه. فريده: قامت. ودخلت المطبخ. عزيزه اعملى قهوة سليم. والفطار بتاعه عزيزه: حاضر ياهانم. وعملت ساندوتشات. والقهوه. فريده: اخدت الفطار والقهوه وطلعت ومن جواها يتدعي إن سليم يكون هادى. وخبطت ع الباب. لكن سليم مردش.فريده: فتحت الباب. وشافت سليم قاعد ع كرسي هزاز وبيشرب سِجاره. واتخضت وشهقت من كمية الدخان. وكحت. وحطت الصينيه ع التربيزه. وراحت بسرعه فتحت السِتاره والبلكون والشباك. اييه دااا!؟ ايه دا ياسليم يبنى دا. حرام عليك صحتك.! سليم: … فريده: بتهوى الأوضه. وهي بتكح. وصعبان عليها حال ابنها. سليم ياحبيبى رد عليا. سليم: بيشرب سِجار ومبيردش.فريده: بدموع. راحت قعدت قدامه. سليم ياحبيبى انت مبتردش عليا!؟ دا انا فريده أمك وحبيبتك! ومسحت دموعها. وابتسمت بتمثيل. انا جبتلك الفطار. يلا امسك اشرب قهوتك الاول ياحبيبى. سليم: حط السِجار ف الطفايه. وعارف مكانها كويس لانها بقت رفيقة رحلته من بعد الحادثه. ومد ايدو السليمه. بيشاور بديق حقيقي. عايز يوصل للقهوه. فريده: جابتها بسرعه. ثوانى ياحبيبى انا هشربك بايدى.سليم: ادايق. وقام زعق بصوت عالى. كفايه بقى انا مش عاجز لدرجة أنك تشربينى وتاأكلينى بايدك. انا اقدر اعمل كل حاجه بنفسي. انتى ليه محسسانى انى بجد اتعميت. انا اقدر اشرب القهوه بنفسي وهتشوفى دلوقتي. فين القهووووه.!؟ فييييين.!؟ انا مش عاااااجز. فاهمه سليم بدر الدين مش عاجز. وبيدور ع القهوه بنرفزه. فريده: حاطه أيدها ع بوقها وبتعيط بصوت مهموس. وخافت ع ابنها الل منهار كليآ. وحطت القهوه قدامه ع التربيزه.سليم: سمع صوت الفنجال. وانتبه وراح ناحية الصوت ومد ايدو جمب الحراره. ومسك الفنجال والقهوه وقع منها شويه ع ايدو. وكتم وجعه جواه. وقالها اهووو انا مسكت الفنجال وهعرف اشرب انا مش عاجز. ورفع الفنجال بعصبيه. ومش شايف ولا عارف يشرب من نرفزته وحاول مره والقهوه وقعت ع هدومه. وحاول تانى ووقعت تانى. وسليم انهار وثار وحدف الفنجال بعيد. انا فااااشل. انا خلاااص انتهيت اناااااا أعمى اناااااا واحد اعمى. انا مش عايز حد يشفق علياااا. انتى بتعيطى لييييه!؟ اطلللعععععىىىىىى برراااااااا. انا مش عايز شفقه من حد سليم بدر الدين اتدمرررر خلاااااص. وبيلف ف الأوضه زى المجنون. ولأنه عارف خطوات الأوضه. راح عند التسريحه وكسر كل حاجه عليها بايدو الشمال. وكان ف حالة هياج تام ومش حاسس بوجع ايدو ولا اى جرح. لان الجرح الل ف قلبه أعمق بكتير من اى وجع.فريده: بتعيط برعب وخافت. وهمست بوجع سليم ابنى.سليم: بيلف ف الأوضه زى الأسد الغضبان. وبيصرخ. مش دى الكتب بتاعتى خلاااااص ملهاش لااااازمه مش هشوف اقراها تااااانى. وبدء يرمي كل الكتب. والأوراق. وراح ع الدولاب. وبيحسس وفتح الدولاب. مش دى البدل بتاعتى الل كنت بحضر فيها الحفلات والاجتماعات خلااااص مبقاش ليها لااااازمه لانى مش هشتغل تااااانى. وبيرمي فيها. ومسك راسه ااااااه. اطلععععى برررااااه. سيبينى لووووحدى. وراح عند الحيطه الل عليها صور ليه. ومش دى الصور كلها بتاعتى ف المسابقات ولا ليهااااا اى لااااازمه. لانى مش هخرج تاااانى خلااااص وكسرها كلها. وايدو اتجرحت. انا مش عاااااايز حد. مش عاااااايز حاااااااادد. ابعدووووو عننننننننيي. ومسك راسه ااااااااه.خالد: جه تحت عند سليم. ودخل صباح الخير يا عزيزه. فريده فين.؟ عزيزه: جريت عليه بخوف. خالد بيه. الحق سليم بيه. صوته عالى جدا ومنهار. وفريده هانم لوحدها فوق معاه وسامعه صوت حجات بتتكسر. خالد: بخوف. طلع ع السلم بسرعه كبيره جدا. وجري ف الطرقه وراح اوضه سليم واتصدم من الل شافه وسليم ماسك راسه وبيلف حوالين نفسه زى المجنون. وجري عليه. سليم سليييم. وحاول يكتفه. فريده: بتعيط بحرقه كبيره ووجع اكبر.سليم: بيصرخ سسسببننننى ياااخاااااالد. انت جااااى ليييه!؟ جااااي تشوف ضعفى. سلللليييييم مش عارف يشرب نفسه. خلاااص سليم انتهى ياخاااالد. سليم اتعمى. سليم خلااااص. ومسك راسه. ااااااه دمااااغي اااااه. خالد: حضنه وكتفه. اهدا ياسليم. اهدا ايه الل انت عامله ف نفسك ده.!؟سليم: بوهن نزل ع الأرض بيأس. انا مش عايز حد. مش عايز حد. ودمع. انا عايش عاله ع امي. بدال ماشيل همها هي الل شالت همى. عايش عاله ع اخويا. انا خايف ياخالد. خايف من الضلمه.الضلمه طلعت مخيفه اوى. سليم الل كان بيمشي ف نص الليل ومكنش بيخاف. محدش حاسس بيا. كل شويه اغمض عيني جامد وافتح بسرعه يمكن انا بحلم. قولى انى انا ف كابوس ياخالد. قولى ياسليم انت ماشي ف الضلمه والنور هيطلع. انا حاسس اني اعمى. لالا انا فعلا اعمى. ورفع راسه بدموع. الدكتور قال انى استحاله افتح تانى. يعنى اتكتب عليا اعيش ف ظلام كاحل ديما. انا انتهيت.فريده: نزلت ع الأرض مكانها وعيطت كتير جدا. وهزت راسها بعدم تصديق. وحطت وشها بين ايديها. وبتعيط بشهقات واصله لقلب سليم. خالد: مستحملش وبكى بوجع متدارى. لكن لما شاف ضعف سليم بالشكل ده. وشاف انكسار فريده. مسح دموعه وقام بسرعه. وقوم سليم بايديه. وزعق قوووم. قووووم ومسكه من كتفه وهزو جامد. انت مين!؟ مين الل قدامى ده!؟ انت لا يمكن تكون سليم بدر الدين ابداا!؟سليم: بحزن. انا فعلا مش هو. انا مش سليم! سليم انتهى!خالد: هز راسه ايوه. وهز سليم بقوه فعلا انت انتهيت لانك واحد فاشل. واحد ضعيف. وأضعف مما يكون. سليم الل انا اعرفه مات ف الحادثه. مات بغبائه واستسلامه للمرض. فين سليم!؟ الل كان ديما ينصحنى ويقوينى. فين سليم صاحب عمرى الل من وقت امي ما ماتت وانا ف ثانوى. فتحلى بيته. وقالى فريده أمك التانيه. وخلانى ادخل البيت ده ع أنه بيتى. فين سليم الل الوحيد عارف خالد ع ايه من جواه. برغم إن الكل شايف خالد واحد فاشل وبتاع بنات. فين سليم الل ديما كان يقولى انت جواك جدع ياخالد. انت بكره هتكون حاجه كويسه ياخالد. فين سليم الل وصل خالد لل هو فيه دلوقتى وفتحتلى شركه ابدء بيها. انا ابويا اتجوز ومش مآمنى ادخل بيته علشان مراته. وكنت ضايع. وانت دخلتنى بيتك وقولتلى انا آمنك ع روحي. فين سليم الل أدى ل خالد دفعه قويه علشان يتغير. وبحاول اتغير ع ايدو. يعنى كدا خلاص سليم مات؟ وخالد هيرجع للفشل من تانى؟ استسلمت بكل بساطه. اليأس اتملك منك خلااااص! فين سليم الل كانت عندو فريده رقم واحد ف حياته؟ الل مبيستحملش عليها الهوااا!سليم فعلاااا. انتهى والل قدامى دلوقتى واحد قلبه من حجر هان عليه دموع أمه. هان عليه انه يوجعها. هان عليه انه يعذب اخواته بفشله واستسلامه. فووووق ياسليم. فووووق انت لازم تكون اقوى من كدا. انت لسه قدامك عمليه هتعملها ليه اليأس!؟ انت مش بتوجع نفسك بس!؟ انت بتوجع كل الل حواليك واكترهم انا! انااا ياسليم. لان خالد مينفعش من غير سليم.خالد: شاور بايدو. واتكلم بتحذير شديد اللهجه. وقسما بالله ياسليم لو محاولت تهدى وتفكر بعقل. لتشوف منى خالد تانى خالص. واعرف يصحبى انى عمرى ما هسمح انك تدمر نفسك وتدمرنى معاك فااااهم ياسليم!؟ سليم: بيسمع خالد. وبدء يهدى ويستوعب لكن بينهج. وافتكر غضبه ع فريده. وبيتنفس بصوت عالى. ونده ع أمه. وقال فريده. فريده! فريده: قامت من مكانها ودموعها نازله زى المطر. عيون فريده ياسليم يبنى. سليم: اتحرك ناحية الصوت.فريده: راحت لعندو قبل ما يخبط ف الحجات المتكسره على الارض. سليم: اخدها ف حضنه وعيط بضعف. سامحيني. غصب عني والله متزعليش منى انا اسف. فريده: حضنت سليم بقلبها وايدها. وعيطت عمرى ما ازعل منك ياضنايا. انت ابنى واخويا وحيدى وسندى وماليش غيرك بعد ربنا. علشان خاطرى يبنى حاول تهدى. ارجع سليم ابن قلبى وروحي. طمن قلبى عليك عايزه لما اموت اكون مرتاحه ومش شايله همك ياحبيبى. وحشنى سليم ابن قلبى وروحي.فتون: خلصت ونازله ع سلم المدرسه وفونها رن. وكانت فاطمه. وردت بسرعه الوو. فاطمه: الو ايوه يافتون يابنتى. عامله ايه؟ فتون: الحمدلله ياماما. انتى كويسه؟ حصل حاجه! انا لسه طالعه اهو حالا من المدرسه. شويه وهكون عندك إن شاء الله. فاطمه: ع مهلك يابنتى محصلش حاجه والله. تيجي بالسلامه ياقلب أمك. انا اتصلت عليكى علشان اقولك ان خالتك أم حسن بعافيه شويه. عندها دور برد. هطلع اشوفها. واجب بردو.فتون: ماشي ياحبيبتى. بس ع مهلك وانتى طالعه ع السلم. ولو عايزه تستنى لما انا اجيلك واطلع معاكى.؟ فاطمه: لا يقلب امك متخافيش عليا. والبت نوسه معايا اهي. هسند عليها واطلع. فتون: ماشي ياماما. فاطمه: ماشي ياحبيبتى طريق السلامه إن شاء الله. فتون: إن شاء الله. مع السلامه. وقفلو. فتون: خرجت من المدرسه وماشيه ف وشها ومضايقه من الصبح. حنين: طلعت بسرعه. وندهت عليها فتوووون. انتى يابت استنى.فتون: نفخت بنفاذ صبر. ووقفت ايه يا حنين حنين: ياساتر ع البوز. ايه يابنتى مش هتفكى بقى من الصبح وانتى مكشره كدا.؟ فتون: انا كويسه. بصي انا مروحه. حنين: استنى بس. مالك بجد!؟ انتى اكتر الأوقات اشوفك مخنوقه. لكن انهردا انتى بتهايئلى مش طايقه نفسك. حبيبتي اهدى وقوليلى مالك!؟ فتون: حنين الله يخليكى سبينى اروح دلوقتي أناااا، وبصت قدامها وفتحت عينيها ع الاخر وشقهت.علاء: 100 مسا ع الناس الكويسه. عامله ايه دلوقتى ياحب.؟ فتون: بزهول. وعينيها مفتوحه وبتلف يمين وشمال. هي حصلت تجيلى عند المدرسه!؟ حنين: بصت ع علاء بعدم فهم. وشافت انه شاب باين عليه مجنون ولابس سلسله وخواتم وحست باشمئزاز. علاء: بص ل حنين بهيام اهلا بالقمر انا جار فتون ف الحاره. وأسمى علاء. علاء ابو سمره اسم القمر ايه!؟ حنين: خافت.فتون: بنرفزه شدت حنين وراها. اقسم بالله لو مامشيت دلوقتي لافرج عليك أمة لا إله إلا الله. انت فاهم.؟ علاء: بص بعيد وغمز لواحد واقف بعيد شويه. وبص ل فتون ماتهدى بقى يابنت عمى انا عايز اتكلم معاكى كلمتين واعتبريها الخلاصه.! اشطا!فتون: قبضت على ايديها بغضب. انت واحد جبله ومبتحسش ومعندكش دم. وناقص ربايه. وانت لو ف الحاره دلوقتي كان ليا كلام تانى معاك. لكن انت مش راجل ياعلاء. مش راجل علشان جاى مكان اكل عيشي وتخلى الناس تشوفك بتكلمنى. بس ورحمة أبويا ماهعدى العمله دى ع خير. الشاب: جه يجرى بسرعه كأنه مستعجل وخبط ف علاء وزقه ع فتون بقصد منه. علاء: رمى نفسه ع فتون وكان خلاص هيكون في حضنها. وف اللحظه دى اتصورت اكتر من صوره.فتون: علاء كان هيقع في حضنها بس رجعت بسرعه وكانت هتقع هي وحنين. علاء: بص ع الشاب الل جري وزعق بتمثيل. ماتحاسب ياجدع انت. انت حمار ولا ايييه. خد تعالى اقف انا هربيك. مشي ابن الرفدى. وبص ع فتون انتى كويسه حصلك حاجه!؟فتون: صكت ع أسنانها بغيظ وزعقت اقسم بالله لا اجرسك ف الحاره انهردا. ومبقاش انا اسمى فتون مهران ساعتها إن ماخليت الل ما يشترى يتفرج عليك. ومسكت حنين من أيدها وشدتها. وسابته ومشيت بغضب كبير…علاء: ضحك بمكر. وقال الواد ده حمار. مش عارف يزقنى اكتر من كده. كنت هبقى ف حضنك الدافي ياحب ههههههههه. وشاور ل روكا الل واقف يصور بالموبايل. وعلاء صمم أنه يروح لفتون انهردا بنفس تاريخ اليوم. وبنفس اللبس الل أتصور بيه الصبح مع فتون. علشان يتصور معاها تاني. وابتسم بخبث وركب المكنه وروكا ركب وراه ومشيوا.فتون: مشيت لحد محطة الباص. وسابت حنين ومتكلمتش معاها ولا كلمه. وركبت الاتوبيس وكلها غيظ وغضب وبتتنفس بصوت عالى. حنين: ندهت ع فتون كتير لكن مردتش وكان نفسها تروح مع فتون. لان حالتها كانت وحشه اوي. لكن شافت انها تسيبها لحد ما تهدى. وركبت تاكسي ومشيت. فتون: واقفه في طرقة الباص وبتتنفس غيظ. وقطعت التذكره. وفجاءه.
رواية أحببت بصيرته للكاتبة مريم نصار الفصل الثامن
خالد وفريده اخدو سليم اوضه تانيه. ع ما عزيزه تروق اوضة سليم الل كلها ازاز متكسر وهدوم وكتب مترميه ف كل مكان من غضب سليم. فريده: راحت اوضتها تصلى الضهر وتدعي ف السجود برفع البلاء. سليم قاعد ع السرير وخالد جمبه بيعقم جرح ايدو. خالد: ها. احسن دلوقتي!؟ سليم: هز راسه بيأس… خالد: حب يخرجه من الل هو فيه. احم. سليم انا كنت عايز أسألك ع رهف؟ سليم: بجمود. مالها!؟ خالد: يعنى. مقولتليش ايه الل حصل ف المستشفى.؟سليم: بعدم إهتمام. بتقول انها استحاله تتخلى عنى! خالد: بعدم تصديق. اممم هنشوف. بس انت مقولتلهاش!؟ سليم: اتنهد. لأ مبقاش ليه لزمه خلاص! خالد. : اتنهد. ياسليم انت مبقتش بتجيب سيرة رهف نهائى. وكمان مش عايز تقابلها! ممكن افهم انت ناوى ع ايه؟سليم: بتعب. خالد. رهف مجتش غير مرتين بس بعد ما انا خرجت من المستشفى. وانا مرفضتش انى اقابل رهف بالتحديد. انا رفضت اقابل اى حد. وانت كمان! وزعقت معاك وطردتك من اوضتى. لكن انت قدرت الل انا فيه ومزعلتش منى وجيت تانى وصممت انك تشوفنى. وده الفرق!ولأن رهف متعوده تزعل ع اى حاجه، ف زعلت أنى رفضت اقابلها. انا كنت متوقع غير كدا. وياريت ياخالد متتكلمش ف الموضوع ده تانى. انا اكتر حاجه بفكر فيها دلوقتي فريده. وطلع من جواه تنيهده بوجع كبير جدا. خالد: سليم. انا عايزك تفوق لنفسك. انت مش شايف شكلك بقى عامل ازاى!؟ وبعدها لعن نفسه. سليم: ضحك بوجع، ههههههههه. ههههه. هو انت متعرفش انى مبشوفش ههههه. هشوف نفسي ازاى بقى!؟خالد: احم سليم انا مقصدش. وبعدين ياعم انت كل كلمه هتاخدها ع نفسك. بقولك ايه! سليم: … خالد: ماشي يعم هعتبر نفسي سمعت انك رديت عليا. وقولت قول ياقلب سليم هههههههه. سليم: ، واتنهد. خالد: لف الجرح. قوم معايه. سليم: بوهن. عايز ايه ياخالد!؟ خالد: ياعم قوم معايه. هحلقلك دقنك دى. سليم: لا أنا مرتاح كدا. خالد: اتنهد. اسمع ياسليم. تعالى نبدل الأدوار! سليم: بعدم فهم. ادوار ايه؟خالد: ادوار. انى انا الل عملت حادثه. وفجاءه اتعميت. انت كنت هتعمل ايه؟ سليم: اخد نفس عميق واتنهد. الكلام سهل ياخالد. وقام من مكانه. انا من اسبوع كنت شايف النور. بحب ابص للسما. بحب منظر الغروب. وابتسم بكسره. بعشق انى اشوف شلالات الميا بعينيه. بحب الالوان. بحب اللون الابيض لانه صافى. ههههه وبحب الاسود بردو. بس مش بالعمق ده! مش لدرجة انى اعيش فيه. مش بالكأبه دى.عارف ياخالد!؟ لما كان نور البيت بيقطع مكنتش بخاف. كنت أخرج من اوضتى وانزل ع السلم لانى حافظ درجاته. واجيب الكشاف. وسعات كنت بفضل قاعد من غير كشاف وكل ده ف الضلمه عادي جدا. لان الل مطمنى انى عارف ان النور هيرجع تانى! عارف انى هشوف خالد تانى. وفريده الل بحب ابتسامتها. ولف ضهرو تعرف انى كنت بحب اشوف نظرة الحب الل ف عيون فريده ليا؟ وكمان نظرة القلق غير اى نظرة حد تانى.تعرف أن ضحكة شريف اخويا وحشتنى اوى هههههه أصله نادرآ لما بيضحك. وعيونه لمعت بدموع. تعرف ان وحشنى ضحكتك طريقتك حركاتك كلك ع بعضك بحس انى ببقى قاعد مع اخويا الصغير ههه اصل انا بحسك اخر العنقود بتاع البيت ده! بس كل ده اختفى! بقى زكرى وبس. وهحاول ع قد ما اقدر احفر صورة كل واحد منكم جوايا ف مخيلتى. حتى شغلى مستقبلى بقى زكرى.غلطه صغيره جدا ومش عارف سببها. دمرت سليم حرفيا. دمرته لآخر يوم ف عمره. الكلام سهل ياخالد. لكن صعب فعلا اننا نبدل الأدوار. فاهم يصحبى!؟خالد: بيسمع سليم. وشاف قد ايه صاحبه موجوع. وغمض عينيه وشاف سواد قدامه لكن مستحملش وفتح عينيه بسرعه علشان يشوف النور من تانى. واكتشف فعلا أنه من الصعب تبديل الأدوار. وإن حد يحط نفسه مكان التانى ده صعب جدا لان مهما حطينا نفسنا مكان صاحب الابتلاء مش هنحس ربع إحساسه أو معاناته. ( فرفقا بالجميع ).خالد: اتنهد وقلبه موجوع. وقام وقف قدام سليم. ايه يعم كل ده!؟ وحب يفكه. وبعدين ياعم انت لسه هتعمل عمليه وإن شاء الله هترجع تشوف من تانى. وتقرفنى. وتقعد تقولى لم نفسك يا خالد. متبصش ع السكرتيره ياخالد. سيب البنات ياخالد. هترجع وتقطع عليا رزقى ههههههههه. سليم: ابتسم. خالد: ايوه كدا ياعم. اضحك كدا وفرفش. اقولك ع حاجه. سليم: قول. خالد: لا لا قولى. قول ياقلب سليم. سليم: يبنى بطل فرهده وقول.خالد: عليا الطلاق ماقايل غير لما اسمعها اخوك عندو جفاف عاطفي هههههههههه. سليم: ابتسم لا مش قايل. خالد: بطل غباوه وقول. سليم: صك ع اسنانه. ماتقول وانجز. خالد: براحه ياعم. انا اصلا نسيت كنت عايز اقول ايه ههههههههه. سليم: هز راسه. بنى أدم غريب. خالد: بقولك ايه بجد بقى! وقولى. قول ياقلب سليم. سليم: اخلص. قول ياقلب سليم. ههههههه.خالد: حط ايدو ع كتف سليم. اسمع يصحبى وحط الكلمتين دول حلقه ف ودنك. سواء هتشوف تانى ياسليم أو لا! وكله ف علم الغيب. انا معاك لآخر يوم ف عمرى. انا هكون عكازك وضهرك. وقت ضعفك هتلاقى خالد بيقويك. وقت تعبك هتلاقي خالد جمبك. عمرى ما هسمح إنك تقع يوم من الايام. اوعى تيأس ياسليم. علشان خالد ماينفعش ليه اخ غير سليم. سليم وبس. سليم: غصب عنه ابتسم بحب. ربنا يخليك ليا يصحبى. وحضنه بعض بحب كبير.خالد: مسح دموعه يخربيت ام الدراما. بقولك ايه!؟ سليم: تاااانى. قول. خالد: تؤ تؤ. قولي. قول ياقلب سليم. سليم: هههههههههه. فريده: سمعت صوت ضحكة سليم. ومش مصدقه. ايوه هي ضكحة سليم ابنى. ودخلت بسرعه. وضحكت بدموع. سليم ابنى اخيرا ياضنايا سمعت صوت ضحكتك. انا انهارده روحي رجعت ليا من تانى. وراحت عليه وحضنته. سليم: ابتسم وضمها لقلبه. حبيبتي يافريده.فريده: عيطت. ياحبيب قلبي. بالله عليك ماتحرمنى من ضحكتك. انت متعرفش انا حاسه بايه دلوقتي. سليم: اتنهد. حاضر ياحبيبتى سليم تحت امرك. خالد: اله اله اله. ماخلاص يافيرى انا بغير عليكى. ههههههههه فريده: طلعت من حضن سليم. وضحكت بسعاده ومسحت دموعها. تسلملى ياخالد ربنا يعلم معزتك عندى قد ايه؟ وربنا بعتك سبب علشان اشوف واسمع ضحكة سليم من تانى. خالد: انا جعان طابخين ايه؟ سليم: ضحك غصب عنه.فريده: بحب. وبصت ل سليم. انا قولت ل عزيزه تعمل مكرونه بالصلصه البيضا. ومعاها فراخ. لان دي أكلة سليم نور عينى الل بيحبها اكتر من اى حاجه. خالد: بصوته كله. اللللله. ياااااعززييييزززززاا سليم وفريده اتخضو. وضحكو. خالد: بتضحك عليا يابن فيرى. طيب عليا الطلاق لاتنزل تاكل معايا تحت ع السفره. بت ياااااعززييييزززززاا. سليم: هز راسه بنفاذ صبر. فاشل. خالد. قلب الفاشل. هههههههههه.فتون: واقفه في طرقة الباص وبتتنفس غيظ. وقطعت التذكره. وفجاءه راجل واقف وراها. واتحرش بيها. فتون: شهقت بصوت عالى. ولفت راسها. وشافت راجل وست واقفين جمب بعض. الراجل رفع راسه لفوق كأنه معملش حاجه. فتون: صكت ع أسنانها بغيظ مكبت. واتحركت قدام شويه بعيد عنه. وف راجل شايف كل الل حصل. الراجل: بخبره علشان محدش يلاحظ ولما شاف سكوتها اطمن اكتر. قرب منها تانى واتجرأ وحط ايدو ع جمبها.فتون: جسمها اتشد. وبغضب شديد. زقت ايدو ولفت. وبعلو صوتها. ماتحترم نفسك. بتعمل ايه ياراجل ياناقص. ياعديم الربايه. راكب الاتوبيس علشان تتحرش ف بنات الناس.؟ الراجل: جرا ايه يابت انتى انا كلمتك. مراته. جت ف ايه ياخويا! وبصت ل فتون انتى بتزعقى لجوزى يابت انتى؟ الناس بتتفرج. وكأنه مسلسل ومحدش أتدخل.فتون: جوزك مين يام جوز. جوزك داير تلزيق ف خلق الله. دا انا ازعق وابهدل الدنيا كمان لما حد يلمسنى. ولمي جوزك يختى. مراته: نعممم يادلعدى. الم جوزى. ولا انتى الل شمال وبتتمحكى فيه. ولا انتى مش عارفه انه متجوز وعايزه تشقطيه.فتون: بغيظ. بقولك ايه ياست انتى. احترمي نفسك. جوزك جه وقف ورايا من شويه. ومد ايدو عليا. وقولت يمكن من الزحمه. ومشيت بعيد عنه. ودلوقتي جه ورايا وحط ايدو ع جمبى. لمي جوزك وأملي عينه ماشي لأحسن ودينى لاخليه يندب زى الحريم. مش كل البنات ياحلوه ماااشي.؟ الست: بصت لجوزها. الراجل: بخوف. جرا ايه يابت انتى مش انتى الل غمزتيلى وشاورتيلى. وانا ساكت. ماتلمو نفسكو بقى بنات اخر زمن.فتون: بصدمه. انا. انا غمزتلك ياراجل ياعره. مراته: ماتلمي نفسك بقى يابت الكل، انا جوزى عره؟ وهتهجم ع فتون وهتضربها. فتون: جن جنونها. انا بنت ايييييه!؟ طيب تعالى ياروح امك. انا هربيكى انتى والبغل بتاعك. وفتون قبل ما الست تبدء ضرب فيها. مسكتها من حجابها ونزلت فيها ضرب. (الغريب أن كل واحد ف الاتوبيس ساكت. وحتى الل شاف الراجل وهو بيتحرش بفتون بردو ساكت).الست وفتون بيضربو بعض وحجاب فتون اتبهدل وخصلة شعر طلعت منه. وشنطتها اتقطعت. وشكلها اتبهدل خالص. السواق: زعق. الراجل: فصل بين مراته وفتون. الراجل. الل شاف كل حاجه. صعبت عليه فتون. وضميره صحى نوعا ما. وقال بصوت عالى. ع فكره البنت قالت الحقيقه. وانا شوفت كل حاجه. وجوزك هو الل اتحرش بيها. وهي بعدت عنه. الست: بصت لجوزها بغيظ. والراجل خاف من مراته.الاتوبيس وقف. فتون قبل ما تنزل. بصت ع الراجل ومراته. باستحقار. وتفت عليهم. ونزلت. وفتون. ماشيه بخطوات سريعه بغيظ وبتكابر دموعها وخنقتها. من علاء والراجل والست. وكمان مبقاش ف شهامه زى الاول. وصعبان عليها نفسها. وبتتنفس بصوت عالى. وحاضنه شنطتها الل. اتقطعت. وداخله الشارع زى الإعصار. سحر واقفه بتكلم علاء ف الفون وبتبص من شباك اوضتها ع الحاره.سحر: ايوه ياعلاء. لا امى مش ف البيت. راحت عند مرات اخويا عصام الحمل تاعبها قاعده معاها شويه المهم قولى عملت ايه؟ علاء: ههههه عملت كل خير ياحب. شوية صور انما ايه. سحر: بفرحه. وانبى صحيح. طب انت فين دلوقتي؟ ابعتلى الصور عايزه اشوفهم. علاء: اهدا ياحب. انا ف مكتبة واحد معرفه. وبيزبطلى الصور. واول ما يخلصهم هبعتهملك ع طول. بس قوليلى عملتى الايميل ولا لسه؟ سحر: بمكر. الايميل جاهز من زمان وحياتك.علاء: اشطا اوى. انتى تبدئى بصور طلعت المحامى. وبعدها نخش بالتقيل. سحر: شهقت. هيييه الحق ياعلاء! علاء: ايه يابت ابوكي قفشك!؟ سحر: فال الله ولا فالك ياشيخ. لا بس البت فتون جايه ع اول الناصيه اهي ماشيه بسرعه. وشكلها متبهدل خالص. وشعرها طاالع من الطرحه. وماسكه شنطها ف حضنها. وهدومها مبهدله. هي كانت ف خناقه دى ولا ايه؟ علاء: باستغراب! مش عارف بس انا كنت عند المدرسه من ساعه. ياترى ايه الل حصل!وكمل بخبث. استنى كدا بقولك ايه. هي فتون قربت من البيت!؟ سحر: يعنى عند فرن العيش بتاع عمي قبارى. علاء: طيب بسرعه صوريها صورتين اول ما تقرب من البيت وهي ف الشارع متبهدله كدا يمكن تنفعنا. سحر: بمكر. والله فكره. استنى خليك معايا. وجابت كاميرا الفون. وصورت فتون اكتر من صوره. وابتسمت بخبث. تم ياكبير. علاء: برافو عليكي ياموزه. سحر: بعدم فهم. ايه ده! هي رايحه ع فين كدا؟ علاء: ف ايه ومين الل رايحه ع فين؟سحر: فتون. سابت شنطتها ف بقالة عم زينهم. ومشيت ف وشها وبتعدل الطرحه كأنها رايحه تتعارك. وايه دا كمان!؟ عم زينهم رايح وراها وبينده عليها وفتون مبتردش عليه! علاء: غريبه! هتكون رايحه فين دى؟ سحر: شهقت الحق. دى دخلت الحاره الل فيها محل ابوك ياعلاء! فتون: دخلت الحاره ورايحه ع محل جابر الجواهرجي. زينهم: يافتووون استنى يابنتى رايحه فين بس ومين الل بهدلك كدا!؟ فتون: ماشيه وعفاريت الدنيا كلها بتتنطط ف وشها.جابر: والله ياست راويه الخاتم ده كأنه اتعمل عشان الصوابع الحلوه دي. روايه: بضحكه مايصه. تسلم ياعم جابر. وانبى ياخويا كلامك حلو. جابر: ده مش كلام وحياتك ياست روايه. بصي كدا انتى ايدك نورت الخاتم. روايه: ههههههههه يخرابى عليك راجل ههههه. والاتنين اتخضو من هجوم فتون. فتون: بغضب. اسمع ياراجل انت اقسم بالله العظيم لو مابعدتش ابنك عن طريقي لا اكون ملبساه مصيبه فااااهم.؟روايه: طلعت بسرعه من المحل. وزينهم داخل ورا فتون. بليه: جاى جري ع ورشة الشيخ محمد. شيخ محمد الحق ياشيخ محمد. محمد: جرا ايه ياض يابليه مالك قاطع النفس كدا ليه!؟ بليه: بينهج وبياخد نفسه. الحق فتون بتتخانق ف الحاره. محمد: قام بدهشه. ايييه. انت بتقول ايه ياض يابليه. وبتتخانق مع مين؟ بليه: بتتخانق مع عمى جابر الجواهرجي والناس اتلمت ف الحاره.محمد: استر يارب. اكيد علاء الكلب ده عملها حاجه. وبص للصناعيه. ياعطا حاسب يومية الصنايعيه واقفل وقت أذان العصر. ومشي بسرعه. هاتها جمايل يارب. ورايح الحاره ل فتون. بليه: بيجرى ياعم قباري ياعم قباري الحق فتون بتتخانق مع عمى جابر الجواهرجي والناس ماليه الحاره كلها. قباري: قام من قدام البيت وراح بسرعه. لاحول ولاقوة إلا بالله. الله يخربيتك ياجابر انت وابنك الصايع.جابر: اله هو ابنى عملك ايه يافتون؟ ماتشيلى علاء ابنى من دماغك! حطاه ف دماغك ليه!؟فتون: زعقت ابنك مييييين الل اناااا حطاه ف دماااااغى؟ ابنك ده انا استعر احطه شبشب في رجلى ولا مؤاخذه! واسمع ياعم جابر انا بحترمك علشان سنك. بس انت متستاهلش تقديرى ليك. ولا عارف تربى ابنك. واشتكتلك منه قبل كده. ورجالة الحاره كلها اتكلمت معاك. ع عمايل ابنك السوداا. من شرب مخدرات ومعاكسات بنات وماشيو العوج. وتيجى ف الاخر تقولى اناااااا حطا ابنك ف دماغى. ده انا احط كلب ف دماغى ولا افكر في الشمام ابنك. واسمع هي كلمه. لو ابنك قرب منى تانى ولا جالى مكان اكل عيشي تانى!؟ انا هلبس ابنك مصيبه فااااهم،؟زينهم: اهدى كدا يافتون يابنتى. عيب كدا الناس اتلمت.فتون: بحرقه. لا ياعم زينهم خليهم يتلموو. خليهم يعرفو ابنه ع اييييه!؟ وكملت بكسره. ياعم زينهم علاء جالى عند المدرسه. ووقفنى ف الشارع. وانا ف المدرسه ماشيه زي الألف. المدرسين زمايلى هيقولو عليا اييييه!؟ الناس هناك هتشوفنى بعد كده ازاااااى!؟ وبصت ل جابر بغيظ. اسمع نبه ع ابنك المره الجايه هتكون الاخيره ومش هشتكي لحد تانى ف الحاره وانا بقى هعرفو مقامو فاااهم.جابر: بلع ريقه بتوتر. اسمعى انتى بقى! لما يجي علاء ابنى انا هساله الكلام ده صحيح ولا لأ مش يمكن انتى بتتبلى عليه!؟ محمد: بصوت جهورى من وراهم. اعقل كلامك ياجابر! مش بنتنا الل تتبلى ع حد انت فاهم!؟ وهي فتون هتكدب ليه ياجابر!؟ جابر: احم شيخ محمد!؟محمد: ايوه شيخ محمد ياجابر. شيخ محمد الل جالك برجليه هنا مع رجالة الحاره. وقولنالك تعقل ابنك علشان كده غلط! لا انت كبرتلنا! ولا عقلت ابنك! واهو اخرتها أنه يروح لفتون بنتى عند المدرسه! ده اسمه كلام ياجابر. ياراجل ياعاقل. دا انت حتى جواهرجى ولماح وطبعك بيع الكلام قبل البضاعه. يعنى انت فاهم وعارف أن فتون مبتكدبش! ومش اول مره ابنك يوقف فتون ف الحاره ويكلمها. ولولا بنتنا متربيه كان زمانها فضحت ابنك ف الحاره. وكانت اتصرفت تصرف تانى. وهانأيدها ف اى حاجه هتعملها.جابر: بلع ريقه بتوتر. وبص من ازاز المحل وشاف الناس واقفه بتتفرج وبتهمس بالكلام ع جابر وتربيته الفاشله لابنه. وكدا سمعة المحل هتتبهدل. وقال بتمثيل. لااا طبعا أنا عارف فتون ع ايه وهي لا يمكن تكدب ابدا. انا. انا مش قصدى اكدب فتون ابدا ابدا. دي فتون دى زي بنتى بالظبط. وحقك عليا يافتون يابنتى. بس اعمل ايه ياناس نصيبى انى أخلف عيل صايع مترباش. والله ياشيخ محمد ولا ليك عليا حلفان تعبت معاه! وكلمته وبهدلته من اخر مره. وقولتله يبنى حرام عليك انت بهدلت سمعتى ف الحاره وانا راجل كبير وغلبان وعايش ف حالى. حقك عليا يابنتى بس لما يجيلى ابن الكلب ده إن ماربيته وعلمته الادب مبقاش انا جابر. انا هبيته ف الشارع انهردا!فتون: صكت ع أسنانها بغيظ مكبت وبتكابر دموعها. كان من الاول ياعم جابر. كان من الاول! بس دلوقتي خلاص مبقاش ينفع لابنك ربايه ع ايديك. ابنك هيتربى بس ع ايد الحريم وبكره هتشوف وابقى قول فتون مهران قالت. وده اخر تحذير ليك ولابنك تمااام. وخرجت من المحل زى الإعصار بخنقه كبيره جدا. وعايزه تصرخ بعلو صوتها.محمد: بص ل جابر وقال بتحذير. انا مش هفضل اهدي فتون من ناحية ابنك! وانت شايف فتون دلوقتي عامله ازاى واظاهر أن الكيل طفح. اسمع ياجابر اتقي شر الحليم إذا غضب. ومش هقولهالك تانى. ابعد ابنك عن فتون فاهم ياجابر!؟ جابر: بتوتر. احم اعتبره حصل ياشيخ محمد. بس لما يجيلى.زينهم: اسمع ياجابر انا ساكت بس احتراما للشيخ محمد. وكمان حق الجيره. لكن انا محبش الغلط ابداا. كلم ابنك وقولو مايهوبش ناحية حارتنا تانى. ولا يقرب من بيت ابو سلامه. علشان منزعلش من بعض ع آخر الزمن. ماشي ياجابر!؟ جابر: بغيظ. اله ماخلاص يازينهم انت شايف الموضوع انفض خلاص.قباري: لا ياجابر الموضوع مانفضش! ومتبقاش غلطان ف تربية ابنك وبجح! ولم ابنك. انا بفتح الفرن من بعد صلاة الفجر. وبشوف ابنك وعمايله. ولو بايدى اخليه مايهوبش الحي كله. ربو عيالكو بقى ومتقرفوناش. الواحد بقى بيسمع بلاوى. جابر: اتنفس غيظ وسكت. ومتغاظ من ابنه ومن عمايله. محمد: اتنهد. جابر عرف غلطه وهيتصرف مع ابنه. يلا بينا ياجماعه كل واحد ع مصلحته. ومشيو. فيلا بدر الدين.عزيزه خلصت الغدا وجهزت السفره. وطلعت قالت ل فريده إن الغدا جاهز. ونزلت. فريده: يلا ياسليم ياحبيبى. سليم: بخنقه. بلاش انا يافريده. انزلى انتى وخالد واتغدو. خالد: انت بتحب توجع دماغى ليه. وبعدين انا حلفت عليها بالطلاق. يرضيك أطلقها. ههههه. سليم: ابتسم. هي مين دي الل هتطلقها يافاشل!؟ خالد: ههههههه. يبنى قول هتطلق أنهى واحده فيهم. وبيعدل ياقة قميصه. وقال بكبرياء العبد لله عنتيل الدقي ومتجوز 4 ههههه.فريده: ضحكت. 4 مره واحده. الله يكون في عونك يبنى. سليم: يكون ف عونه هو! قصدك الله يكون في عون الل هتكون من نصيبه. خالد: ماشي ياشبح نقوم بقى علشان انا جعان. وريحة الفراخ طالعالى لحد هنا. يلا قوم. سليم: من جواه مخنوق. لكن بيحاول يستسلم للواقع. وقام. خالد: هيسنده. سليم: بجمود. خالد انا هعرف امشي لوحدى. اسبقنى انت وانزل.خالد: شاف تعابير الغضب ع وشه. لكن قال ياعم انا الل كنت عايزك تسندنى ههههههههه. يلا يافيرى. تعالى فريده: عيونها لمعت بدموع. وهزت راسها يلا ياخالد يبنى. وخرجت وقلبها موجوع ع ابنها. سليم: بديق ووجع مكبت. قام وقف. وعلشان حافظ البيت كويس. اتحرك لكن ببطء. وده دايقه جدا. وخرج من الأوضه. ومشي ف الطرقه. ووصل لعند السلم ووقف.فريده: واقفه عند السفره هي وخالد وعينيهم ع سليم. وخايفين لا رجليه تفلت ويقع من ع السلم. وفريده حاطه أيدها ع قلبها بقلق وبتدعى ربنا…سليم: واقف ع اول السلم. ودى اول مره هينزل السلم من يوم الحادثه. وحرك رجله اليمين. وجه ينزل. حس برهبه وحس انه ف مكان عالى وهيقع. واتنفس بصوت عالى. وحاول يقنع نفسه أنه ده سلم بيتهم. الل حافظ عدد درجاته. ونزل اول سلمه وبينهج بسيط. ونزل بعدها كام سلمه لكن ببطء. وكان يقع لكن لحق نفسه بسرعه. وفريده وخالد. قلبهم وقع في رجليهم لما كان هيقع. واتنهدو باريحيه لانه خلاص نزل.سليم: من جواه عايز يصرخ. والضلمه مضايقاه. وراح عند السفره. ولف حواليها. وعد الكراسي. ووصل للكرسي بتاعه وشده وقعد بغضب صامت. خالد: قعد جمب سليم. احم. يلا يافيرى احدفيلى فرخه كدا. خالد ابنك هافتان. ههههه. ولاااا ياسليم انت بتحب الوراك ههههههههه. سليم: ابتسم. ورفع ايدو السليمه. ووصل لكتف خالد وضربه ع قفاه كل وانت ساكت. خالد: اله. جرا ايه ياعم انت. هو انا جاى اتضرب ولا ايه!؟ ماتشوفى ابنك يافيرى.فريده: قامت. وحطت الفراخ قدام خالد وسليم. انا ماليش دعوه. متدخلنيش بينك وبينه. سليم: ضحك. خالد: كشر عينيه. أمممم شوفو ازاى. مالكيش دعوه ها!؟ ولا انتى مبسوطه علشان ابنك مفكراه مسيطر. بس خدى بالك. ابنك ولا مسيطر ولا نيله. ده عيل فاشل هههههههه سليم: ابتسم. بصمت وضربه تانى ع قفاه.خالد: وبعدين بقى ف ام اليوم ده. بس يابابا. بس يحبيبى. سبنى اركز قدامى مهمه عايز اادى واجبى ناحيتها. ومسك طبق المكرونه وبياكل. أمممم ايه القرف ده. انا مبحبش المكرونه بالصلصه البيضا. اووف. سليم: ضحك. علشان انت فاشل. ومبتفهمش ف الاكل.خالد: طيب بص بقى علشان انت جبت اخرك معايا. امسك ياسيدي. طبق المكرونه بتاعى اهو مع أن عليه فراخ بردو بس انا هضحى. وهات طبق الفراخ بتاعك ده. واخدو وبياكل من الفراخ وقال كل بقى وعيش. وسبنى اعيش. امممم الله عليكى ياوزه. طبخيك اتقدم اوى ياحوريه هههههههههه. سليم: هز راسه بنفاذ صبر من صاحبه.فريده: بتضحك ع خالد وسليم. لكن من جواها. خايفه حتى تقول ل سليم هتاكل ازاى. وفكرت. وقامت قعدت جمبه. احم سليم ياحبيبى. سليم: ايوه يافريده!؟ فريده: بلعت ريقها بتوتر. ا. انت دراعك اليمين معملو جبيره. ويعنى مش هاتعر… سليم: قاطعها بخنقه. انا هاكل لوحدى يافريده. فريده: اتنهدت بزعل. ماشي يبنى زى ما تحب! وقامت قعدت مكانها ودموعها نازله بصمت.خالد: بياكل. وعينيه ع سليم. وبيهزر علشان خاطر سليم ينسى شويه لكن من جواه مدايق لانه اول مره يشوف سليم بالضعف ده! سليم: من جواه عايز يقوم ويطلع اوضته. لكن لازم يتخطى المرحله دى. ورفع ايدو الشمال. وحطها ع طرف السفره. ودور ع الشوكه. ومسكها. فريده. وخالد متابعين وسابو الاكل.سليم: حاسة السمع والاحساس عندو بقت اقوى. ومش سامع صوت اكل. واتاكد انهم بيبصو عليه. واتخنق جدا. لكن بتصميم داخلى جواه. حب يثبتلهم أنه مش عاجز. ودور ع طبق المكرونه بنرفزه. وايدو جت فيه. ومتاثرش. وحط الشوكه ف الطبق بغضب وطلعها وكان فيها كمية كبيره. وحاول ياكل. ولكن اول مره نص المكرونه وقعت ع هدومه. تانى مره الشوكه طلعت فاضيه. واتنفس بغيظ. واتجنن. وحط الشوكه تانى وطلعت بواحده بس وجه يأكلها معرفش والشوكه وقعت من ايدو. سليم اتجنن وقام غضبان. وزق الاطباق بايدو ووقعت ع الأرض. وزعق كفااااااايه انا مش محتاج أثبت لحد انى مش عاجز. انااااا مش عايز حد فاااااهميييييين. واتحرك.خالد: قام بسرعه. استنى بس ياسليم. سليم: بعصبيه. ابعدوووو عنى سبوووووونى لوحدددى اوعاااااا ياخالد. فريده: بتعيط وجريت عليه سليم يبنى اهدا الله يخليك. سليم: شد ايدو من خالد. واتكلم بتحذير ابعدوو عنى بدال ما سيبلكو الدنيا كلها. فاااهميييين. وسابهم وراح ع السلم بغضب وطلع واتكعبل مره واتنين. وطلع متعصب جدااا. فريده: بتعيط بشهقات ووجع. خالد: قرب منها واخدها في حضنه. اهدى. إن شاء الله ازمه وهتعدى.فريده: اطلعله ياخالد يبنى الله يخليك انا خايفه عليه. خالد: لا يافريده. مش هينفع انا اطلع دلوقتي. فريده: بدموع. بس سليم ما اكلش حاجه من امبارح! خالد: هز راسه. اطمنى انا هتصل ع شريف. هو الوحيد الل هيخليه ياكل. فتون: بعد ما طلعت من محل جابر. مشيت بسرعه ومردتش ع ستات الحاره. ووصلت العماره.سحر واقفه ف الشباك. واتصلت ع علاء وحكتله انها شافت فتون راجعه ع البيت ومتعفرته ع الآخر، وعلاء وسحر من جواهم كانو قلقانين. وخصوصاً سحر الل حست بخوف كبير من فتون لو عرفت…فتون: اخدت شنتطها من محل زينهم. وطلعت ع الشقه بسرعه وفتحت وكان الباب مقفول بالمفتاح. واتاكدت ان امها لسه فوق عند ام حسن. ودخلت وقفلت الباب وراها. ودخلت اوضتها. ورمت الشنطه ع الارض بنرفزه. وقعدت بعصبيه ع السرير. وساكته. وضغطت ع شفايفها ومش عايزه تعيط. وعينيها بتروح يمين وشمال. كأنها بتهرب من دموعها. وافتكرت موقف علاء الصبح. وعند المدرسه. وافتكرت الراجل الل حاول يتحرش بيها. وف اللحظه دى متحملتش وظهرت ضعفها قدام نفسها. وانهارت. وحطت وشها بين ايديها وعيطت عياط هيسيترى بكسره. عيطت بكل وجع والم. مغمضه عينيها ودموعها نازله. افتكرت ابوها الل كان واقف ف ضهرها. افتكرت إن ابوها لما كان عايش. مفيش اى حد لا علاء ولا غيرو يقدرو يقربو منها. عيطت بصوت مسموع. عياط تعب. عياط احباط ويأس. عياط وحده لا اخ ولا اب. حتى الخال والعم مفيش ضهر مفيش سند ليكى يافتون. عيطت بكل وجع. وبعد فتره من التفكير والدموع. مسحت دموعها. ورفعت راسها واخدت نفس عميق بشهقات لانها لازم تبان أنها قويه. لازم تخلى الكل يشوفها اسد ومبتخفش مع انها هشه وضعيفه. وقامت بتعب. وقالت سندك ربنا يافتون. الل خلقك هو الل هيحميكى.وغيرت هدومها بيأس وراحت الحمام غسلت وشها. واتوضت علشان تلحق الضهر. وخرجت لبست الاسدال وهي سرحانه. ووقفت ع سجادة الصلاه وبتنوى للصلاه وقالت الله اكبر صعبت عليها نفسها. وعيطت كتير وهي بتقرى الفاتحه بصوت مهموس بشهقات. وسجدت. وجت تدعي ربنا. لكن معرفتش تدعي ب ايه سكت ف السجود. سكتت فتره كبيره. كلمت ربنا بقلبها. هي متأكدا ان ربنا شايف قلبها وايه جواه وايه دعواتها المكبوته الل طالعه ع هيئة دموع وبس. وخلصت صلاه. وقاعده ع السجاده. وعينيها جت بالصدفه ع مصحف ابوها. واتنهدت. وقامت جابت المصحف. وحطته ع السرير وقعدت. وغمضت عينيها. زي ما ابوها عودها. وفتحت المصحف. وهتقرا الايه الل عينيها هتيجى عليها. وفتحت عينيها ع أية.بسم الله الرحمن الرحيم وَعَسَى أَن تَكْرَهُوا شَيْئًا وَهُوَ خَيْرٌ لَّكُمْ وَعَسَى أَن تُحِبُّوا شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لَا تَعْلَمُونَ صدق الله العظيم. وغمضت عينيها تانى. وقلبت ف الصفحات. وفتحت عينيها ع أية. بسم الله الرحمن الرحيم فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ صدق الله العظيم. وبدءت تحس بارتياح. وغمضت عينيها تانى بيقين. وفتحت ع أية.بسم الله الرحمن الرحيم أَلَا بِذِكْرِ اللَّهِ تَطْمَئِنُّ الْقُلُوبُ صدق الله العظيم. فتون: ابتسمت. وحست ان ربنا بيقويها. وانه معاها ومش هيسيبها. وان ربنا عارف انها مخنوقه. وقالها اذكرينى وطمنى قلبك بذكري.فتون: كملت من بعد الايه. وقرأت شويه ف المصحف. وحست بفرق كبير. وقفلت المصحف. وشالته. وقامت كأن مفيش حاجه حصلت. وفتحت التلاجه. وطلعت الاكل. وحطته ع النار. وفكت طرحة الاسدال. وغسلت وشها علشان عينيها حمرا.وحنين اتصلت عليها اكتر من مره. وكانت قلقانه ع فتون جدااا من علاء. وفتون ردت عليها اخيرا وقالتها معلش الفون كان هزاز من ساعة ماكنت ف المدرسه. واعتذرتلها وشرحتلها الوضع. وحكتلها عن علاء. وحنين قلبت المكالمه هزار كالعاده. وفتون ضحكت. وبعد ما قفلت مع حنين. دخلت المطبخ. وقفلت النار ع الاكل. وطلعت فوق عند ام حسن. وسلمت عليهم. واخدت فاطمه ونزلو علشان يتغدو. محمد: قاعد بيتغدى. وقال سحر يابنتى!سحر: نعم يابابا. محمد: تاكلى. وتطلعى تقعدى شويه مع فتون. هونى عليها شويه. دى بتحبك والله. سحر: شافت انها فرصه وردت بمكر. حاضر يابابا. وانا والله بحبها اوي اوي. دى غلبانه خالص. سميره: بغيظ. مين دي الل غلبانه خالص ياست سحر!؟ محمد: ساب المعلقه بنرفزه. فتون ياسميره. بنتك تقصد فتون. عندك اعتراض؟سميره: اله! هو انا مش عارفه اتكلم منك ليه.؟ هو انت حد عينك محامى ليها. ماشاء الله ياحج محمد اسم الله عليها محظوطه من كله… محمد: زعق. ايوه محظوظه من كله! ف دي عندك حق. محظوظه وشغاله وطالع عينها وشايله الهم ويتيمه. وامها ست كبيره ومريضه. وملهاش لا اخ ولا اخت. ولا صاحبه عدله. وملهاش ورث وعايشه ايجار. وقرايب ابوها وامها كل واحد ف وادي. شوفتى حظ انتى احسن من كدا ياسميره!؟سميره: خلاص. خلاص ياحج محمد. وبصت ل سحر بغيظ متداري. تبقى اطلعي يختى اقعدى معاها شويه. سحر: بخبث. من عينيه ياماما. فتون: بعد الغدا. روقت المطبخ. ودخلت اخدت شاور. وطلعت. ايه يابطه. هتستحمى!؟ فاطمه: ايوه ياقلب أمك. فتون: طيب ياحبيبتى. انا هطلعلك هدومك ف الحمام. وغمزتلها. مش ناويه بقى تخلينى اساعدك ف الحمام ههههه.فاطمه: هههه يابت اتلمى. انا اه كبيره وعيانه. بس اقدر اشتغل واعمل كل حاجه. بس انتى الل مدلعانى. فتون: كبيره! الله اكبر عليكي. دا انتى كنتى نازله من ع السلم. ماشاء الله تبارك الرحمن. تقوليش غزاله نازله جمبى. فاطمه: ضحكت من قلبها. غزاله مره واحده. طيب قولى غزاله بس عارجه ههههه.فتون: فتحت الدولاب وبتطلع الهدوم. بعد الشر عليكى يابطتى. وانا مش بحبك تشتغلى ولا تتعبى نفسك. انتى ياما اشتغلتى وتعبتى. وشيلتى وربيتى. جه دورى انا بقى ارد جميلك. مع انى مهما أعمل مش هيترد. فاطمه: ابتسمت بدموع. الهى ربنا يريح قلبك يافتون يابنت بطنى ويجبر بخاطرك ويرزقك من وسع واشوفك متهنيه ف بيت جوزك قادر ياكريم.فتون: ابتسمت اللهم امين يارب. وتشيلى عيالى وتربيهم. قادر ياكريم يابطتى. قومي بقى خدى دش سخن كدا. ع ما راجع شويه ف المنهج ماشي ياقمر. فاطمه: قامت. وفتون حطت ليها هدومها ف الحمام. وفاطمه دخلت تاخد دش. الباب خبط. فتون لبست الخِمار وراحت تفتح. وكانت سحر.سحر: كانت طالعه عشان تشمت ف فتون لانها عرفت بكل الل حصل. واكيد عينيها وارمه من العياط. ولكن اتفاجت وتنحت. لان فتون ع طبيعتها. وكمان سحر شافت ان فتون جميله. واجمل من اي وقت تانى. فتون: الووو انتى يابنتى. سحر: ها. اه. اذيك يافتون عامله ايه؟ فتون: تعالى خشي الحمد لله بخير. انتى عامله ايه!؟ سحر: دخلت بغيظ مكبت. انا تمام. ودخلو اوضة فتون. سحر: قعدت ع السرير. اومال خالتى فاطمه فين نايمه؟ فتون: لا ف الحمام.سحر: اه ماشي. اله قوليلى ياتونه. انا سمعت انك اتخانقتى مع عمي جابر ابو الواد الل اسمه علاء ده!فتون: حمدت ربنا إن فاطمه ف الحمام. وصوت الميا عالى. احم. لا مش خناقه يعنى بالمعنى. انتى عارفه أن علاء واحد فاشل وبتاع بنات. وكل ما أنزل الحاره يكلمنى. وانا حظرته يبعد عنى. بس انهردا بقى جبت أخرى منه. انا بقى مسكتش. روحت اشتكيت لابوه. وحظرته انه لو مبعدش ابنه عنى هلبسه في مصيبه. عارفه هوديه القسم إن شاء الله! سحر: بلعت ريقها بخوف. ل. ليه كل ده هو. هو عمل ايه تانى انهارده؟فتون: بقولك ايه ياسحر كبرى دماغك من الموضوع ده. ومتفكرنيش. المهم عامله ايه ف الكليه؟ سحر: بتوهان. ها. اه كويسه الحمدلله. احم هو حسن متصلش عليكى!؟ اصل بقاله مده مرنش يعنى؟ فتون: بعفويه. لأ متصلتش. بس خالتى ام حسن قالت لامي انهردا. إن حسن قرب ينزل خلاص. وطلب من عمى منصور يشوف شقه ف مكان حلو. وتكون تمليك.سحر: فتحت عينيها على الاخر بصدمه. تمليك!؟ احم اه ربنا يصلح الحال يارب. وانتى بقى هتجهزى نفسك ازاى وهتلحقى؟ فتون: اتنهدت بتعب. والله ياسحر. انا هشوف إن شاء الله جمعيه كبيره واجي ع نفسي شويه. والشيخ محمد الله يكرمه يارب. قالى أنه عارف مكان بيبع جهاز العروسه كامل بالقسط. وهجيب كل حاجه إن شاء الله من المحل ع الشقه ع طول… سحر: قلبها بيدق كرهه وغيظ وغيره. اممم ايوه. طيب ربنا يعينك يارب.فتون: كله ع الله. عقبالك يارب ياسحوره. تشربى ايه. ف شاى. ونسكافيه. ولا اعملك عصير!؟ سحر: بمكر اي حاجه من ايدك حلوه. فتون: قامت. وراحت ع المطبخ.سحر: بتتنفس كره وغيظ وغيره. وف لحظة شيطان. فتحت فونها وفتحت الايميل التانى وبعتت لحسن صور فتون وطلعت. والصور اتلعب فيها. وكانت فتون وااقفه قدام الشقه وبتضحك مع واحد الساعه 11 بليل. وسحر كتبت رساله لحسن. مش هترجع بقى علشان تلم خطيبتك. سيرتها بقت سبقاها ف الحاره يابو على، وبعدها سحر خافت. وقالت يلهوى افرض ابويا عرف. ولا حد كشف الموضوع ده. لااا لا انا هحذف الرساله والصور، ولسه هتحذف.سحر: شهقت لأن حسن شاف الرساله. وقفلت الايميل بسرعه. وقلبها بيدق. استر يارب. انا ايه الل انا عملته ده. وعملت فونها صامت. فتون: دخلت. بت ياسحر كام معلقة سكر ع النسكافيه. سحر: اتخضت وشهقت. وحطت أيدها ع قلبها. فتون: استغربت. ف ايه ياسحر اتخضيتى كدا ليه.!؟ سحر: بتوتر. ها لالا ابدا. اصلى. اصل كو، كنت سرحانه. فتون: بعدم تصديق. امم ماشي كام معلقه سكر. سحر: قلبها بيدق جامد بخوف. وقالت يتوتر 3 معالق.فتون: راحت المطبخ. سحر: سمعت صوت فون هزاز جنبها واتخضت تانى. وبصت ع السرير جمبها شافت رقم حسن بيتصل ع فتون. سحر: لطمت ع وشها برعب. ينهار اسو، حسن بيتصل اكيد هيسالها. وبسرعه كنسلت ع حسن. واتصل تانى. وسحر كنسلت. ومسحت وقت الاتصال. ووصلت رساله من حسن. وسحر فتحتها وقرأت. فتون افتحي عايزك ضرورى جدا… سحر: بصت ع فتون. شافتها بتقفل النار ع البراد. وبسرعه حذفت الرساله.حسن: اتصل تانى. وسحر كنسلت وقفلت فون فتون خالص. وخبته تحت المخده وخافت إن فتون تحتاج الفون دلوقتي. فتون: جابت الصينيه اتفضلى ياسحر. وحطت الصينيه. سحر: مرعوبه. وخايفه جدا. وهزت راسها. شو، شكرا يافتون. فتون: مالك ياسحر. وشك اصفر كدا ليه. انتى ف حاجه حصلت معاكي! سحر: بتفرك ف ايديها. وبلعت ريقها. ااه اه يافتون. شوفتى بفتح النت دلوقتي لقيت. واحده صحبتى ف الجامعه. كاتبه ع النت أن أبوها مات.فتون: بزعل. لا اله إلا الله. انا لله وانا اليه راجعون. ربنا يصبرها يارب. سحر: بخوف. يارب. يارب. فتون: طيب اشربى النسكافيه. وانا هاقوم اشوف امي أصلها بتاخد دش. وهقفل شباك الصاله عشان متبردش. سحر: هزت راسها ومردتش. فتون: طلعت بتخبط ع امها…سحر: برعشه. فتحت فون فتون بسرعه. وقلبها بيدق بسرعه كبيره جدا. ووصلت اكتر من رساله من حسن. انه اتصل عليها اكتر من مره. وكمان رسالتين عايز يعرف ايه معنى الصور الل وصلتله دي ومين الل كانت واقفه معاه. وف لحظه سحر مسحت كل ده. ونقول بعد مرور شهر. سليم خرج من غرفة العمليات. والدكتور بيفك الشاش من ع عنينه. والكل واقف ومترقب والخوف هو الوحيد الل مسيطر ع المكان. الدكتور: فتح عينيك ياباشمهندس سليم.
رواية أحببت بصيرته للكاتبة مريم نصار الفصل التاسع
بعد مرور شهر ع ابطالنا. ونقول نبذه مختصره. حسن: كان قاعد ف السكن لما شاف الصور. واتجنن واتصل ع فتون علشان يسألها. وكان متنرفز جدا لما فتون كنسلت عليه ومردتش ولا اهتمت بالرسايل الل بيبعتها. وطبعا هو افتكر إن فتون مش ف دماغها ولا مقدره حجم الرسايل الل بعتها ولا مهتمه بالكارثه الل حصلت. وللاسف صدق شوية صور. وكدب السنين الل فاتت بينه وبين فتون والمواقف الل عاشها معاها.وبعدها كلم سحر واتصدم من الكلام الل قالته سحر لما نزلت وكلمته.وكان مخنوق جدا. ولكن الشيطان سيطر عليه تماما. وإن ممكن فتون من الفقر تكون مشيت ف طريق مسدود. وقال ل سحر أنه مخنوق جدا. وشاف إن سحر بتدافع عن فتون. وده عكس الفكره عند حسن. وبعدها باسبوع. حسن اتصل ع فتون وكانت ف فرح عيد ابن عمها جمعه. وردت عليه ومش سامعه المكالمه كويس. وحسن سمع صوت الميوزك اتجنن اكتر. واتصل ع سحر الل كانت ف الفرح. وطلعت روحت تجري. واتصلت عليه وقالتله انها معرفتش ترد لانها كانت بتصلى العشا. وبدء حسن يعمل مقارنه مابين فتون وسحر بنت الشيخ محمد. وطول الشهر حسن عايش ف تفكير كتير ومش عارف يكلم فتون من بعدها من ضغط الشغل. وسحر يكلمها شات كتابه لانه مش فاضي وسحر قربته منها بطريقتها الخبيثه.علاء بعد ما رجع البيت. ابوه جابر زعقله وحكاله الل حصل. ونبه عليه أنه يبعد عن فتون خالص لانها مش هتسكت وكمان خايف ع سمعته ف الحاره. ولو عايز يكلم بنات؟ يكلم عادى لكن ميحاولش يعمل مشاكل لابوه.وطبعا علاء حط فتون ف دماغه اكتر من الاول. ولما عرف من سحر الل هي عملته وأنها بعتت صور فتون وطلعت لحسن. وكانت مرعوبه وخايفه. وعلاء كان فرحان جدا. و حاول يطمنها. وكمان قال ل سحر أنه مش هيقرب من فتون تانى. كفايه عليها الصور الل انتى هتبعتيها بعد كده لحسن. وفعلا طول الشهر ده. علاء متقابلش مع فتون خالص علشان يديلها الأمان وكمان لانه ناوى بعد كده ف الخطوه الل جايه انه يتقدم ل فتون. وبيعرف اخبارها من سحر.أما سحر: بعد ما مسحت كل رسايل حسن ومكالماته. حسن رن عليها ماسنجر وسحر فونها كان صامت واترعبت حرفيا لما شافت الرنه وقفلت نت. ومقدرتش تشرب النسكافيه. ونزلت بسرعه من عند فتون. ودخلت شقتهم ع اوضتها ع طول. واتصلت برعشه ع علاء. وحكتله كل حاجه. وبعد ما علاء طمنها إن كل ده ف مصلحتها وإن محدش هيعرف لانه مش ايميلها. ومفيش دليل يثبت أن سحر هي الل بعتت حاجه. وكمان قالها كل ده علشان حسن يبقى بتاعك انتى وبس. وسرح بخيال سحر. أنها تحتوى حسن الفتره دى. وتحاول متخلهوش يكلم فتون. وسحر هديت خالص واطمنت. وقالت فعلا انا خوفت ع الفاضي مفيش حاجه تثبت انى انا الل بعت الصور لحسن ورجعت لطبيعتها وابتسمت بمكر. وقفلت مع علاء. وفتحت نت. وشافت رساله من حسن ع الماسنجر انها تكلمه ضروري. عينيها لمعت بخبث. ورنت ع حسن لكن صوت. وحسن كان قاعد ع نار. واول ماسمع الرنه. رد ع سحر بسرعه وسأل ع فتون. وسحر بمكر قالت انا كنت عندهم فوق دلوقتي ولسه نازله كنت بحط الاكل ل خالتى فاطمه. اصل فتون لسه مجتش لحد دلوقتي. ولما سألت خالتى فاطمه ع فتون قالتلى إن فتون قالت إنها ف مشوار مهم جدا. ولما انت رنيت عليا كنت بغسل المواعين ونزلت كلمتك ع طول. وفضلت سحر طول الشهر ده. تكلم حسن صبح وليل ورسايل واهتمام كبير وبتدلع عليه. وتكدب عليه وكمان تحط الشراره وإن فتون خرجت. او لسه خارجه حالا. او لسه مرجعتش وهكذا. وكمان تحط اعذار لخروج فتون وبتدافع عنها. وفرحت جداا لما حست بتغيير من ناحية حسن ل فتون. وهتبدء تنفذ فكرة انها تبعت لحسن صور علاء وفتون.شريف: لما خالد اتصل عليه وقاله إن سليم منهار نفسيا. وقفل ع نفسه الاوضه ومش عايز حد. وما اكلش حاجه من امبارح. وحكاله كل الل حصل. شريف قاله انا ف العربيه وجاى بسرعه. وبعدها شريف رجع البيت. واخد اكل وطلع خبط ع سليم وبعد محاولات كتيره. سليم فتح الباب. والكل اندهش من حالة سليم. وشريف دخل وحاول يتكلم مع سليم ويهديه. وخالد لما شاف إن سليم بدء يهدى دخل واتكلم معاه هو وشريف وإن العمليه بعد شهر. ولو محصلش حاجه هيسافر. وفريده دخلت بعياط هيسيترى. وصرخت بوجع كبير. وسليم صعبت عليه فريده. واخدها في حضنه. وأكل علشان خاطرها ومن ايديها. وشريف طول الشهر مهتم ب سليم ومتابع مع الدكتور بتاع سليم وكمان مهتم بعلاجه. وكمان شغله. وانهراد عملية سليم. والكل مترقب بخوف كبير نتيجة العمليه.رهف: عايشه ف حيره. ومش عارفه تاخد قرار. راحت تقابل سليم. وهو رفض ولما زعلت. والدتها منى قالتلها تسافر يومين تغير جو. ورهف سافرت يومين وكالعاده مقالتش لسليم. وبعد ما رجعت. راحت تقابل سليم. ومتوتره. وطلعتله الأوضه واتفاجئت من شكله. دقنه كبرت شويه. وقاعده ع كرسي هزاز. وبيشرب سجاير بشراهه. والأوضه ضلمه. والقطه بتلف حوالين رجليه وتطلع ع رجله وتنزل تانى كأنها ونيسه ف وحدته. وحست ان ده مش سليم واتخنقت من الأوضه حست انها مقيده. لكن حاولت تتكلم مع سليم. وقعدت معاه شويه. وحست بالملل. واتحججت ب أنها لازم تمشي علشان مامتها محتجالها. وسليم هز راسه. ورهف سلمت عليه وخرجت من الاوضه واخدت نفس عميق كأنها كانت محبوسه. وخرجت راحت ع النادى. وطول الشهر ع كدا تروح ل سليم مره ف الاسبوع وباقى الاسبوع خروجات وسهرات. ومنى مشجعاها ع كدا. ومنتظرين عملية سليم الل هي انهردا. وواقفين ف المستشفى متوترين. وبيتمنو يفتح تانى ويشتريلها اليلا ويكتبها بإسمها…خالد: طول الشهر مابين الشغل الل سليم كان بدء فيه ل خالد. ويروح ل سليم. والچيم. وكان واقف جمب سليم. ويوميا يروح يشوفه. وزعلان ع حالت سليم النفسيه لانه رافض الخروج بره باب الفيلا. حتى الجبيره جابو دكتور علشان يفك الجبيره ف البيت. وخالد طول الشهر ع كدا حتى البنات الل بتتصل عليه مكنسلهم لفتره لحد ما يطمن ع سليم. وخالد من جواه احساس أنه مبقاش فارق معاه بنات وحس أن الموضوع عادى جدا وبيفكر يعقل ويبعد. وانهردا خالد ف المستشفى رايح جاي ومتوتر وقلقان جدا ع سليم وبيدعى انه يرجع يفتح من تانى.فتون: بعد ما سحر نزلت من عندها. فضلت قاعده زعلانه ع البنت الل والدها توفى وفضلت تدعيله بالرحمه. وعدى كام يوم عليها. ومشافتش علاء تانى واطمنت ونشاطها اتجدد من تانى.واى مشكله تحصل ف الحاره فتون تنزل والل تقدر عليه تعمله. وبتروح المدرسه وعلاقتها ب حنين بتزيد اكتر من صداقه ومحبه وأخوه. ووالد الطفل مالك ومامته جُم المدرسه وسالو ع فتون وقعدو معاها وشكروها جدا لأن مالك تصرفاته رجعت طبيعيه. وكمان بقى شاطر ولما سألو مالك قالهم إن ابله فتون بتعمالنا زى أخواتها الصغيرين وبتلعب معانا في الفصل وتحكيلنا حواديت وبتعملنا كل حاجه بسهوله.وانا بطل الفصل. وفتون شرحتلهم أن الدعم النفسي افضل بكتير للطفل. وأنهم لازم يحسسو مالك انه ديما مميز وزكي لانه فعلا زكي. وكمان ف بنت اسمها سلسبيل. أهلها جُم وشكرو فتون علشان مستواها اتحسن. وسلسبيل ف البيت مبتتكلمش غير ع ابله فتون. واطفال الفصل كلهم بيحبو فتون جدا لانها بتعاملهم كأنهم شايفين بالظبط. وده فرح فتون جدا.وبعدها. فتون استغربت طريقة كلام حسن معاها لما اتصل وكانت ف الفرح ولكن مسمعتش باقى المكالمه لان الخط قطع. وكمان مستغربه طلعت الل كل شويه يحاول يلفت انتباها علشان تحس بيه. رغم البهدله الل بياخدها منها.سليم: وبعد ما اكل من أيد فريده. كان من جواه مخنوق جدا وحاسس بالعجز. لكن عياطها واجعه ف نفس الوقت. ونفسية سليم كانت وحشه اوي. وبعدها بيوم سليم سمع صوت الباب حد بيخط عليه لكن بطريقه خربشه وعرف انها القطه. ومرضيش يفتح ع أساس هتزهق وهتنزل. لكن القطه فضلت تخربش ف الباب وتآن بصوت رقيق. كأنها بتقوله انت وقفت جمبى خلينى اقف جمبك. سليم قام بنفاذ صبر وفتح الباب وراح قعد ع الكرسي.ولكن ابتسم غصب عنه من هجوم القطه عليه وتلف حواليه وتنط ع رجله وتطلع ع كتفه وتمسح شعرها ف خدو بحنان كبير كأنها بتقوله وحشتنى. وفضلت ع كدا فتره ومسكتتش غير لما سليم مسد ع راسها وضهرها. والقطه نامت ع رجله. وفضلت طول الشهر مع سليم زى ضله وهونت عليه شويه. وسليم اكتشف انها بتحب تاكل التونه جداااا. وسماها تونه. ( ايوووه سماها تونه ).شريف جاب لسليم فون هديه، وسليم رفض من شريف الفون الل جابه لانه يخص المكفوفين. وسليم ادايق جدا. وثار من تانى لانه لا عايز يكلم حد ولا يتصل ع حد. هو عايز يكون لوحدو. لوحدو وبس هو وتونه. ولما كانت رهف بتجيله كان بيحس انها بتروحله كواجب مش اكتر. ولكن مهتمش. وحابس نفسه طول الشهر ف الاوضه. وشريف قال لسليم ع ميعاد العمليه. سليم رفض. رفض قاطع. وزعق ومش عايز يعيش ع امل كداب. لأنه متأكد أنه خلاص مش هيشوف تانى بعد الل سمعه. وشريف اقنعه بكل الطرق. وكمان خالد وفريده.وسليم وافق علشان يريحهم ويبعدو عنه وافق لكن من جواه قلقان لأن النتيجه لو سلبيه هتدمر حتى لو 1 من الامل الل جواه. وبعد الشهر ما عدى انهردا سليم ف المستشفى وكان من جواه خايف انه لو العميله منجحتش يعيش ف الضلمه لآخر يوم ف عمره. وهو حاليا ف العمليات. والكل واقف بره قلقان… عوده للوقت الحالي.فريده: واقفه متوتره وقلبها بيدق خوف. ومشبكا ايديها تحت دقنها. ومغمضه عينيها وبتقرآ قرآن. واختها نجوى وجوزها جُم من البلد اول ما عرفو وواقفين معاهم. وقلقانين وزعلانين. خالد: واقف متوتر وقلقان. وبيحاول يرفض اي تخيل قدامه إن العميله متنجحش. وكل شويه يمسح وشه بايديه من التوتر. شريف: قاعد ع الكرسي متوتر جدااا وبيهز رجله بتوتر. وحاطط وشه بين ايديه ومستنى النتيجه بفارغ الصبر.رهف: واقفه متوتره وكل شويه تبص ف الساعه. وحاسه إن الوقت مبيمشيش. وعايزه تطمن ع مستقبلها مع سليم. وبتتمنى أنه يفتح… منى وجوزها: قاعدين. وقلقانين علشان خاطر بنتهم رهف. ورغم ثروتهم وغناهم. إلا أن سليم بالنسبالهم ثروه قوميه. مال وجمال. ونصيب فريده هيبقى لسليم وبس. يعنى هيكون الميراث اخيرا ل رهف الجندى وبس. وبيتمنو من قلبهم إن سليم يفتح من تانى. بعد شويه.سليم خرج من غرفة العمليات. والدكتور بيفك الشاش من ع عنينه. والكل واقف ومترقب والخوف هو الوحيد الل مسيطر ع المكان. الدكتور: فتح عينيك ياباشمهندس سليم.! الكل واقف وانفاسهم محبوسه. وفريده بتترجف. وقلبها بيتمنى الإيجاب. يارب يارب. سليم: مغمض عينيه وقلبه بيدق برهبه. وحاسس أنه عطشان جدا من رهبة الموقف. الدكتور: باشمهندس سليم. حضرتك سامعنى؟ سليم: ، مردش. وبيفتح عينيه ببطء. الكل. واقف وعينيه ع سليم.سليم: فتح عينيه وقفلها. وفتح تانى. وبص يمين وشمال. وبعدها غمض بيأس وإحباط كبييييييررر… الكل عرف النتيجه لما شافو تعابير وش سليم. فريده: عيطت بانكسار كبير واترمت في حضن اختها نجوى. وعيطو الاتنين بحزن كبير. شريف: قعد ع الكرسي بوجع كبير. وحط وشه بين ايديه. خالد: حس بخنقه وعيونه لمعت بدموع ومش عارف يبلع ريقه. وحاسس أنه عايز يصرخ. رهف: حطت ايديها على بوقها بصدمه كبيره. وعينها مفتوحه ع الاخر.منى وجوزها. واقفين يبصو لبعض. وجندى هز راسه بزعل واتنهد وقال بهمس ياخساره. الدكتور: شاف غضب سليم. وقرب بتوتر. فتح عين سليم ورفع الكشاف ووجهُ ف عينيه. وسليم معملش اى حركه. والدكتور بلع ريقه بتوتر. احم احنا لازم نعمل اشاعه علشا، ومكملش واتخض. سليم: بيتنفس بصوت عالى. و بصوت زى الإعصار. كلللللله يطلععععع برااااا. الكل: انتبه ع صوت سليم. وخافو عليه. سليم: شد الاسلاك من ايدو. وشد الغطا بغضب. وقام.خالد: وشريف جريو عليه. سليم: حس بيهم. وبغضب. شاور بايدو محدش يقرررررب مننننني. وقووووولت برااااا كلكووووو. فريده: قلبها بيدق برعب ع حالة سليم. وخايفه تتكلم. خالد: بلع ريقه بصعوبه. سي، سليم. حاول تهدى… سليم: بينهج. مش عايز اسمع صووووت حااااااد فيكووووو. وقولت الكل برااااا. ودخل ف حالة هياج تام. وكسر اى حاجه تقابله. رهف: خافت وجريت وقفت ورا منى وأبوها الل خايفين. وراحو وقفو عند باب الاوضه…الدكتور: رايح يجيب حقنة مهدئ من ع الكمود ال جمب السرير. لكن ملحقش لأن سليم وقع كل حاجه موجوده ع الكمود بغضب شديد… شريف: بتوتر. سليم. سليم صدقنى انا مش هسيبك. انا اخوك الكبير. اسمع كلامى وأهدا. سليم: واقف ف نص الأوضه وبينهح. وزعق بصوت عالى. ااااسمع كلامك!؟ ههههههههه. ههههههههه وخبط كف ع كف. اسمع كلامك هههههههههههه. الكل: واقف مزهول ع مدهوش ع خايف ومرعوب. وخصوصاً فريده وخالد وشريف ونجوي…سليم: واقف بيضحك. وسكت مره واحده واتكلم بضياع. منا سمعت كلامك لما قولتلى هتعملها ياسليم. هتعملها وهتفتح! ههههه وهتشوفنى تانى وهنروح الشغل مع بعض من تانى ههههه وهنسافر من تانى.! قولتلك لأ لأ مش عايز اعملها. خلينى كدا عاجز. قولتلى لأ انت مش لازم تيأس. وسمعت كلامك ياشريف.ولف وشه ناحية صوت عياط فريده. وقال بدموع. سمعت كلامك يافريده. وعملتها وبردو مشوفتش! ولف عشوائي. وسمعت كلامك ياخالد وعملت العمليه ومشوفتش! وكمل كأنه سكران. هههههههه رهف ههههه خطبتى رهف الل صممت انى اعملها هههه رههههف انتى فين!؟ سمعااااااانى وفتح ايديه بيأس. انا عملتها اهو ولسه اعمى. انا عاجز يارهف هههههههه اكيد منى هتزعل اوى هههههه…ايه دا!؟ انتو بتعيطو. لااا انتو اضحكو. انا عايزكو تضحكو. تحبو اقولكو ع مصير سليم بدر الدين اييييه!؟ تمام انا هقولكو.!سليم بدر الدين. رجل الأعمال. صاحب نص شركات بدر الدين للتصدير والاستيراد. احسن واحد ف عيلة بدر الدين يسوق عربيات. هههههه. عمل حادثه واتعمي. خلاص بقى سراب. مالوش لازمه. لا هينزل شغل. ولا هيعيش حياته. وكمل بدموع ولا هيشوف عياله. ههههههه عيال ايه بس ياسليم!؟ سليم انتهى يافريده. ياريت. ياريت سليم كان مات ف الحادثه ع الاقل كان هيرتاح. وبعد دقيقه سليم نام تحت تأثير المهدئ.سليم: بيتكلم. والكل بيسمع وبيبكى. حتى خالد وشريف. ونجوي. وفريده بتموت حرفيا ع ابنها، وخالد مستحملتش. وكتف سليم. والدكتور بسرعه عطاله ابره مهدئه. وناااام. فريده: جريت عليه بعياط. وبصت ل شريف وقالت! شريف يبنى يلا من هنا. سليم لو فاق وهو ف المستشفى. مش ضامنين حالته هتبقى عامله ازاى. شريف: بحنان. ضمها لحضنه. اهدى طيب وبلاش عياط. وبص للدكتور. ينفع سليم يخرج!؟الدكتور: ايوه ينفع. بس ثوانى هكتب لحضرتك شوية قطرات غير الل كنت كاتبهم ليه قبل العمليه. ويمشي عليها 3 مرات يوميا ومن غير اهمال ياريت. شريف: اتنهد بتعب. تمام. وبعد شويه. شالو سليم ونزلو وهو نايم واخدوه ع البيت. وكلهم يأس وإحباط… فتون: سلام عليكم ياعم زينهم! زينهم: وعليكم السلام يافتون يابنتى. تعالى. فتون: تسلم ياراجل ياطيب. عايزه كيس مكرونه. وكيلو رز. وباكو شاى.زينهم: ابتسم من عينى يابنتى. انا بعد كدا هتفق مع صاحب مصنع المكرونه. اقولو اعمل حسابى ف كرتونه زياده لفتون مهران ههههههه. فتون: هههه. والله فكره. ياريت ع طول انت عارف المكرونه انا مُدمناها. زينهم: ايوه والبت منه بنتى بتقلدك. وجت تقولى يابابا فتون بتعمل مكرونه غريبه كدا بيضا وعايزاها. قولتلها اتصلى ع فتون وخدى الطريقه.وبصلها. عارفه؟ انا مقتنعش غير بمكرونة ام محمود تكون غرقانه صلصة طماطم وشطه هي دي المكرونه. مش تقولى مكرونه بيضه وخضره. قال مكرونه بيضا قال. الل يعيش ياما يشوف. فتون: ههههههه دى مكرونه بالصلصه البيضا يعم زينهم وعليها قطع فراخ. طب بقولك ايه هات كمان كيس مكرونه. انا انهردا هعملها وانزلك طبق مكرونه وهتاكل وتدعيلى.زينهم: لا ابدا ماينفعش. انهارده عندنا لحمه ومجوع نفسي لوقت الغدا. انتى عارفه اللحمه وما ادراكي ما اللحمه ههههه. فتون: ههههه. طيب من غير حلفان ياعم زينهم. ل تتغدى انهردا مكرونه بالصلصه البيضا. وعلشان تعرف إن مفيش فيكى واحده ياجمهوريه بتعمل مكرونه بالصلصه البيضا ااحلى من فتون مهران. هات بقى المكرونه انا اتحمست وجوعت كمان. زينهم: يابت بلاش هتعبك.فتون: انت كدا هتاخرنى مش هتتعبنى ههههههه. هات بس علشان الحق اعملها قبل الواد حوده ما يجي يبعتلك ع الغدا. زينهم: طيب هتتاخرى العصر قرب. فتون: نص ساعه واكون عندك. زينهم: طيب حلو اوى. اتفضلى ياحبيبتي أدى الرز والمكرونه والشاى. فتون: اخدت الحاجه وطلعت جري وقالت. هوااا ياعم زينهم. اوعاااا تاكل. هقفلك المحل انا بقولك اهو. زينهم: ههههههههه لأ وع ايه الطيب احسن.سحر: الو ايوه ياعلاء بترن كتير كدا ليه!؟ انت مش عارف أن بابا بيكون في البيت بعد العصر. والعصر قرب. يعنى زمانه ع وصول!؟ علاء: ايه ياحب مالك متعصب كدا ليه!؟ وبعدين لسه بدرى انا لسه معدي من قدام الورشه وابوكي قاعد مع الرجاله. المهم طمنينى ايه الجديد! سحر: مفيش جديد. زي ما احنا. علاء: يعنى حسن متصلش تانى ولا سأل ع فتون؟ سحر: بغيظ لأ متصلش قالى أنه عندو شغل كتير علشان نازل كمان شهرين.علاء: اممم حلو قوي. طيب انتى ليه قولتيلى ع النت انك مش هتبعتى الصور دلوقتي لحسن؟سحر: مينفعش كله ورا بعض كدا طبعا! كدا حسن ممكن يشك لما يلاقى كل الصور مبعوته ف شهر واحد. كدا ممكن يفكر ان حد عايز يوقعه مع فتون. انما بقى انا فكرت استنى كمان اسبوعين ولا حاجه. وابعت الصور بتاعتك انت وفتون. اصلها بصراحه صور من الاخر. لا وايه صحبك مخلى ضحكة فتون كأنها طالعه من قلبها هههههه. ولا بقى الصوره الل انت بتميل عليها يلهوى حاجه كدا تخرب البيوت العمرانه ههههههههه.علاء: بتفكير. اااه فكره حلوه منك دي. اهو كدا الشغل ولا بلاش. وحياتك ياسحوره الواد قالى تحب العبلك ف الصور دي واخليها من غير هدوم هههههه. بس انا قولت كدا هتبقى مهروشه اوى ولا ايييه ياعسل! سحر: شهقت. يخربيتك ياعلاء لأ اوعى تعمل كدا. واهو الل احنا هنعمله مش شويه بردو. علاء: تمام ياحب. بقولك ايه ياسحوره. سحر: بدلع نعم ياعلاء. علاء: ماتحيبى بوسه يابت. سحر: شهقت. انت مسطول ياعلاء.علاء: بتوهان يابت مش انتى قولتى اشحنلى وهبوسك ياعلاء. انجزى بقى… سحر: بتلعثم. ا. اه احم. يلهوى امي بتنادى. سلام دلوقتي ياعلاء. وقفلت. بعد: شويه عند فتون. فتون: عملت المكرونه بالفراخ والصلصه البيضا. ومبسوطه. وعملتها بحب كبير. وقالت. بطتى هتاكلى دلوقتي!؟ فاطمه: لا يقلب امك. بعد العصر ما يدن واصلي ان شاء الله. فتون: تصلى ف الحرم يارب… فاطمه: ب أمل يااارب يارب يسمع منك.فتون: إن شاء الله هتحجي. وهتقولى البت فتون قالت. انا هاخد علبتين المكرونه دول وانزل لعمي زينهم مش هتاخر عليكى ماشي يابطه!؟ فاطمه: ماشي ياحبيبتى. ربنا يصلح حالك يارب. فتون: لبست الاسدال ونزلت. وراحت ع المحل. وبتضحك اتاخرت عليك ياراجل ياطيب.؟ زينهم: لا يابنتى بس انتى لحقتى خلصتى؟ فتون: ايوه طبعا دي مكرونه يعنى مش محشي هههههههه. اتفضل بالف عافيه. وحطت العلبتين قدامه.زينهم: بعدم فهم. اله علبتين ليه؟ انا هاكل كل ده!؟ فتون: فتحت علبه. امسك بس المعلقه دي ودوق وقولى رايك. زينهم: اخد المعلقه. وقال حاضر يستى مع أن الريحه بتقول انها حلو اوى. وبيضا صحيح ههههه. واخد معلقه بسم الله الرحمن الرحيم. وأكل. وغمض عينيه. أمممم الله الله. طعمها حلو اوى اوى يافتون يابنتى. فتون: بسعاده. بجد عجبتك ياعم زينهم.؟ زينهم: إلا عجبتنى وبياكل تانى. والله ما كلت ف حلاوتها. تسلم ايدك.فتون: بألف هنا وشفا. طيب انا هطلع بقى. زينهم: بياكل والمكرونه عجبته اوى. طيب استنى. العلبه التانيه دى جيباها ليه؟ فتون: دى ل منه بنتك. وعليها ورقه بالطريقه ماااشي وسلملى عليها. يلا سلام بقى وجريت ع طول قبل ما يتكلم أو يرفض. زينهم: هز راسه و اتنهد. وقال فعلا ما بتهونش غير ع الغلبان. ربنا يكرمك يافتون يابنتى يارب ويجبر بخاطرك.فتون: طالعه ع السلم ودخلت الشقه. فطووووم. العصر بيدن اهو انتى صلى. وانا هدخل اتوضي واصلى. وقالت بهيام. وبعدها اعيش مع احلا طبق مكرونه وغمضت عينيها أمممم وحشتنى من دلوقتي. هههههههه. فاطمه: هههههههه. شوفي البت ياولاد. بينها وبين المكرونه قصة حب. عموما. بألف هنا ياقلب أمك.فتون: هههههههههههه طبعا دى العشق. ودخلت اتوضت وصلت العصر. وفاطمه صلت. وفتون جابت الغدا وقعدو يتغدو. وفتون كانت بتاكل بهيام كبير وفاطمه طول الغدا تضحك عليها وع حب بنتها للمكرونه. بعد اسبوعين.سليم. من يوم العمليه وهو دخل ف حالة اكتئاب. وعصبى جدا. وبياخد العلاج بصعوبه كبيره. ودلوقتي نايم ف السرير بعد معاناه وزعيق وحالته كانت وحشه جدا ونام من التعب. وفريده قاعده جمبه وحطا أيدها ع جبهة سليم وفاتحه المصحف وبتقرا قرآن ودموعها نازله زى المطر. شريف وخالد قاعدين تحت بيفكرو ف حالة سليم. شريف: انا لازم أسفرو المانيا ف اقرب وقت.خالد: انا معاك ف قرارك ده. سليم حالته النفسيه متدمره جدا. وخايف يحصل اسؤ من كدا. ده مبقاش سليم الل انا اعرفه. ده كان بينصحنى ف كل حاجه. حتى انى ابطل سجاير. وهو بقى حريقة سجاير. ونفخ بديق حقيقي… شريف: هز راسه بحيره. انا خايف عليه اوى. وخوفت اكتر انهردا. الدكتور قالى سليم لو مخرجش من الحاله الل هو فيها. نفسيا هيتعب. وممكن يحتاج لعلاج نفسي. خالد: بزهول. لالالا ياشريف. اتصرف اعمل حاجه.شريف: وهو انا هستنى ياخالد انا فعلا اتصرفت. مدير المستشفى الدكتور ماهر. انا اعرفه كويس ف بينا بيزنس. وكلمنى لما عرف بفشل العمليه. واقترح عليا مستشفى كبيره جدا ف المانيا متخصصه لجراحة العيون. وقالى عندهم احدث تقنيات جراحة ع مستوى العالم كله. وانا قولتله شوفلى اللازم هناك واعمله. وهستنى منه اتصال. خالد: بتفاؤل طيب حلو اوى اوى. وانا كمان هاجى معاك. شريف: الل تشوفه ياخالد. لكن فريده صعب نسيبها لوحدها.خالد: سكت شويه. طيب سيبها لوقتها. فون شريف رن. وبص وقال بلهفه. ده الدكتور ماهر. ورد بسرعه ايوه ياماهر.انا تمام. المهم طمنى عملت ايه!؟ اييه!؟ حجزت. طيب حلو اوى. ايوه ايوه بإسم سليم بدر الدين. طيب هنسافر امتى!؟ بعد بكره!؟ طيب يعنى مفيش اى ضرر ع حالة سليم وأنه عامل عمليه من اسبوعين؟ اه اه تمام فهمت. خلاص انا هشوف مين حابب يسافر معايا انا وسليم! لا مش هينفع لازم اكون موجود معاه. ماشي ياماهر انا متشكر جدا. مع السلامه. وقفل.شريف: وبعدين ياخالد. السفر بعد بكره. ولو سليم عرف ان ف عمليه تانيه هيبهدل الدنيا! خالد: بتفكير. طيب ايه رايك يسافر من غير ما يعرف أنه هيعمل عمليه؟ شريف: بتفكير. امم لأ ماظنش هيصدق. لاننا قولنا قدامه اننا هنسفرو المانيا أو سويسرا. يعنى ف المطار هيكتشف هو رايح فين! اتنهد وبعدين… خالد: رهف! شريف: بعدم فهم. نعم مالها!؟ خالد: رهف هتقنع سليم. وانا متاكد انه هيوافق.شريف: انت بتهزر ياخالد. انت ماشوفتش حالة سليم. ده مش ف حالته الطبيعيه ولا طايق رهف ولا اى حد ولا طايقنى انا شخصياً. خالد: طيب ايه رايك يسافر عادى جدا وهو نايم. يعنى والدكتور الل متابع معاه الحاله يجي معانا المطار علشان التفتيش والأمان وكدا. والدكتور يشرح حالة سليم هناك ويسافر ع مسؤوليتنا. شريف: حط ايدو ع دقنه وبيفكر. ممكن بردو خلاص ماشي. شوف انت كنت عايز تسافر معايا علشان اجهز اجرات السفر.خالد: انت ورهف وانا هنكون مع سليم. طيب وفريده!؟ تسافر معانا؟ شريف: والله الل هي تحبه. انا مش معترض ع حاجه. اهم حاجه عندى سليم وبس. خالد: خلاص يبقى كلنا هنسافر لانى استحاله اسيب سليم مش هكون مطمن… شريف: هز راسه. واتنهد اهم حاجه النتيجه. الساعه 9 بليل سحر: فاتحه النت. وشافت حسن فاتح. ودخلت كلمته ع الخاص. بهيام اذيك ياحسن حسن: . اذيك ياسحر عامله ايه؟ سحر: تمام. بس انت ليك وحشه! حسن: شكرا ياسحر.سحر: ايه مفيش جديد مش ناوى تنزل. حسن: خلاص كلها شهرين. لسه مكلم ابويا. وهيروح يشوف الشقه. ولو عجبته هيدفع العربون. سحر: بصدمه كبيره جدا. وصكت على أسنانها بغيظ. وقالت جواها يعنى بردو لسه مصمم ع ست فتون. طييييييب حاضر ياحبيبى. هتشوف أحلا صور لحبيبة القلب حالا. احم. وكتبتله. الف مبروك. حسن: الله يبارك فيكي. سحر: مالك انت لسه مدايق. حسن: ابدا. قوليلى هي فتون فوق؟ سحر: بديق. مش عارفه تحب اطلع اشوفها.حسن: ياريت انا مش معايه رصيد دولى اتصل عليها فصل وانا بكلم ابويا. وعايز اكلمها. سحر: بخبث. من عينيه انت تؤمر ثوانى هطلع اشوفها. حسن: ماشي. سحر: تمام هلبس الاسدال واطلعلها انت تؤمرنى. حسن: شكرا ياسحر.سحر: الغيره هتاكل قلبها وقالت وحيات امي لافركشها الليله. وقامت بسرعه وقفلت الباب بالمفتاح. ولبست قميص قطن بيتى. وحطت الاسدال ع التسريحه. وراحت حطت الفون ع الكمود واتصلت فيديو ع حسن. كأنه بالغلط. وراحت جرى وقفت قدام التسريحه وقلبها بيدق. حسن: شاف الاتصال. وافتكر انها طلعت لفتون لكن بالسرعه دى. وفتح. واتصدم لما شاف سحر بالشكل ده. واتوتر ف الاول لكن بعدها نسي كل حاجه.سحر: واقفه وضهرها للكاميرا وبتسرح شعرها. وقالت بصوت مسموع. ايوه ياماما. انا بلبس علشان اطلع اشوف فتون فوق ولا لأ حسن عايز يكلمها. وسرحت شعرها. ولفت كأنها مش واخده بالها. وراحت عند الدولاب. حسن: تنح. وعينه عليها ولا عارف يغمض. ولا قادر يقفل. سحر: رفعت طرف عينها وشافت الفيديو لسه مفتوح وبرغم توترها. لكن ضحكت بصمت. وراحت لبست الاسدال. ورايحه عند الفون. حسن: بتوتر قفل بسرعه، والشيطان زينله سحر ف مخيلته.سحر: بعد ما حسن قفل ضحكت بشر. وفتحت الايميل التانى. ومره واحده بعتت صور علاء وفتون. وابتسمت بمكر. وكتبت رساله. لازم تنزل تلمها. الموضوع زاد عن حدو. وفتون مابقلهاش كبير ياخساره ع الرجاله هههههههه، وقفلت الايميل خاااالص. بعد: شويه. فتحت وكلمت حسن. وقالت انا طلعت ياحسن وفتون مش موجوده ف البيت. خالتى قالت لسه نازله من نص ساعه وممكن تتأخر…حسن: شاف رسالة سحر وكمان الساعه قربت ع 10 مساءا، ومردش عليها. لانه كان هيتجنن من الصور الل شافها. وكمان الرساله وفتون مش ف البيت. وجسم سحر. وكل حاجه بقت ملخبطه قدامه. وصك ع اسنانه بغيظ. وكل الل قاله. كويس اووووى اننا لسه ع البر يابنت مهران،! بعد اسبوع كمان. ف المانيا.شريف وخالد. اتفقوا مع الدكتور ع كل حاجه وقت السفر. والدكتور راح المطار وشرح كل حاجه. ورهف كانت موجوده. وبعد ما سافرو وسليم وصل المانيا وعرف. حبس نفسه وكان حزين جدا ع نفسه. وفريده كانت جمبه ديما وشريف وخالد. ورهف اتكلمت مع سليم انها اخر محاوله. والطب هنا غير مصر واكيد العمليه هتنجح. وسليم سابهم يعملو الل هما عايزينه. وكان ف حاله من اليأس والإحباط. وساكت ديما. وبعد كام يوم عملو كل الفحوصات. وشريف كان متابع كل حاجه بنفسه. واتفق مع الدكتور ع ميعاد العمليه. وهتكون بعد اسبوع. وعدت الايام. وجه وقت العمليه. وسليم عملها. وخرج من العمليات. والكل واقف برعب حقيقي. وخصوصاً المرادى رهف لان نتيجة العمليه دى هي الفيصل ليها ف حياتها مع سليم.الدكتور: كلم سليم بالالمانى. وقال فتح عينيك. سليم: فتح عينيه بعدم إهتمام. وكانت نفس النتيجه. وكان رد فعل سليم ع غير المتوقع. صمت تاااام. شريف: بقلق. سليم انت كويس. قولنا ف اى تحسن!؟ سليم: بجمود. لأ ضمله. الكل: انهار. وفريده عيطت. وخالد مصدوم. وشريف مصدوم. ورهف تايهه.سليم: ابتسم بتريقه. شكلكو بتحبو الدراما كتير. خلاص مبسوطين كدا!؟ عملت كل الل انتو عايزينه. عملت عمليه ف مصر ومفيش نتيجه وانا اتكسرت. فانتو قولته لأ استحاله نسيب سليم مكسور كدا.؟ احنا لازم نخليه ينهار تماما. وابتسم اكتر. اتمنى تكونو كلكم مرتاحين. ارتاحو سليم وصل للاعماق. سليم ع الحافه. ممكن بقى نرجع مصر ونقفل الباب ده نهائى.!؟ لانه لو اتفتح تانى وعلقتونى ب أمل كداب تانى صدقوني مش هيبقى فيه سليم…بعد يومين: الكل استسلم للأمر الواقع. وإن سليم خلاص بقى عاجز. ورجعو ع مصر. سليم: اتغير كليا. ومبقاش فارق معاه حاجه. حتى الصلاه. الل كان بيقطع فيها سابها خالص. وضعف وانهار تماما. وحابس نفسه ف الأوضه الل كلها عتمه ولا بقى بيكلم حد! ولا عايز حد. يوم الجمعه. وإجازة فتون. وبتروق وبتمسح ف الشقه. والباب خبط. ولبست الاسدال وفتحت الباب. وابتسمت بسعاده اهلا ياخالتى أم حسن. تعالى اتفضلى.سهير: واقفه وماسكه علبه قطيفه صغيره جدا. وواضح ع وشها حزن كبير وحرج اكبر. واتكلمت بحزن شكرا يافتون. وبلعت ريقها بتوتر. خدى يافتون العلبه دى حسن باعتهالك… فتون: شهقت بفرحه. هو حسن جه!؟ سهير: بوجع لأ. هو بعت العلبه دى مع واحد صاحبه نزل قبل منه. خدى. فتون: بعدم فهم. دي علبة ايه دي. وفتحتها واتصدمت. سهير: بدموع. حسن فسخ خطوبتك. وبيقولك كل شئ قسمه ونصيب… في نفس التوقيت بالظبط.سليم: قاعد ف أوضته ع الكرسي. والباب خبط. مره واتنين. فريده: من بره. سليم يبنى. رهف بعتالك صندوق صغير مع السواق افتح لامك ياضنايا. متسبنيش واقفه كدا. سليم: قام بعدم إهتمام. وفتح الباب. ورجع تانى. فريده: امسك ياحبيبى ده الصندوق… سليم: راح عند الشباك وبيشرب سِجاره. وقال فيه ايه!؟ فريده: فتحت الصندوق. واتصدمت بزهول وفتحت عينيها ع الاخر. رهف بعتالك خاتم الخطوبه. وكاتبه انها مش هتقدر تكمل معاك.
رواية أحببت بصيرته للكاتبة مريم نصار الفصل العاشر
عند فتون. فتون: شهقت بفرحه. هو حسن جه!؟ سهير: بوجع لأ. هو بعت العلبه دى مع واحد صاحبه نزل قبل منه. خدى. فتون: بعدم فهم. دي علبة ايه دي. وفتحتها واتصدمت. سهير: بدموع. حسن فسخ خطوبتك. وبيقولك كل شئ قسمه ونصيب…فاطمه: قاعده ف الاوضه بتقرأ سورة الكهف. وسمعت كلام سهير إن حسن فسخ الخطوبه. واتصدمت بزهول. وفتحت عينيها على الاخر من الخبر الل نزل زى الصاعقه. وقفلت المصحف وقامت وطالعه من الاوضه وقلبها بيدق.فتون: فضلت واقفه ساكته لثوانى وبتحاول تستوعب. وقالت جواها. الل سمعته ده بجد!؟ يعنى حسن سابنى! لالا انا سمعت غلط.! لأ يافتون انتى مسمعتيش غلط. ايوه هي قالت حسن فسخ خطوبتك. يعنى حسن سابك.! طيب ليه!؟ ليه ياحسن!؟ تسبنى انا!؟ هو بجد حسن باعت دبلة خطوبتنا، وفضلت سرحانه ومتكلمتش… فاطمه: بدموع. انتى بتقولى ايه يا ام حسن!؟ حسن ابنك فسخ خطوبته من فتون بنتى!؟ طيب ليه يام حسن!؟ ابنك عمل كدا ليه!؟سهير: نزلت راسها في الأرض. والله العظيم ياام فتون انا معرف حاجه. وانا وأبوه سألناه كتير ع السبب ومقالش حاجه. وحياة حبيبك النبي متزعلى منى ولا من ابو حسن والله العظيم ابوه بهدله وشتمه ف التليفون. حسن نكد علينا كلنا وكسر فرحتنا. فتون: ماسكه الدبله وبصه عليها وساكته خالص…فاطمه: عيطت. اخص عليه. اخص عليه راح ولاف ع مين غير بنتى. بقى بنتى الل صبرت عليه السنين دى كلها. الل رفضت الدكتور شكرى الصيدلى عشان خاطر مهران الله يرحمه إدا كلمه ل منصور جوزك.؟ يسيبها ومن غير سبب. هي دى الأصول يام حسن.؟ سهير: بدموع. ابوس ايدك يافاطمه يختى متزعليش منى. والله انتى عارفه فتون عندى ايه. حسن كسر بخاطري قبل خاطرها. فاطمه: بكسره. كتر الف خيره. يهون عليه العيش والمل…فتون: قاطعت فاطمه بجمود. خلاص ياماما. ف ايه!؟ وانتى بتعيطى لييه؟ مش عايزه اشوف دموعك دى خالص! وبصت ل سهير. ماشي ياخالتى أم حسن حصل خير وكل شيء قسمه ونصيب… سهير: بدهشه. فتون يابنتى يعنى انتى مش زعلانه.؟ فتون: كتمت جرحها. وابتسمت بوجع. ازعل من ايه! هو حصل حاجه عشان ازعل عليها. كله مقدر ومكتوب. وبصت ل فاطمه.انا هدخل اكمل ترويق. وسابتهم ودخلت وحطت الدبله ع ترابيزة الانتريه. وقلعت الاسدال. وخبت دموعها. وبتحاول تستوعب. وطلعت صدمتها كلها ف شغل البيت من غير ولا كلمه… خالد: سايق العربيه. ورايح ل سليم وداخل الفيلا ونزل من العربيه. وشاور لل جناينى. محروس خد تعالى. محروس: جه بسرعه. نعم يابيه. خالد: شايف العربيه دي! عايزك تغسلها وتنضفها. عايزها عروسه كدا. محروس: من عينيه يابيه!خالد: هز راسه. وسابه ودخل. اذيك يا عزيزه. عزيزه: الحمدلله ياخالد بيه. خالد: بص حواليه. اومال فيري فين؟ عزيزه: طلعت فوق عند سليم بيه! خالد: اممم طيب. اعمليلى قهوه ساده. وسابها وطلع ل سليم. سليم: راح عند الشباك وبيشرب سِجاره. وقال فيه ايه!؟ فريده: فتحت الصندوق. واتصدمت بزهول وفتحت عينيها ع الاخر. رهف بعتالك خاتم الخطوبه. وكاتبه انها مش هتقدر تكمل معاك.سليم: حط ايد ف جيب البنطلون ونفخ دخان السِجاره. وابتسم. فريده: من جواها مبسوطه. لكن كمان زعلت لان رهف كدا اتخلت عن سليم ف ازمته. وقالت. قليلة أصل متعرفش يعنى ايه عشره وعيش وملح. وقربت من سليم. ولاتزعل نفسك ياحبيبى. الحمدلله انها ظهرت ع حقيقتها. انا كنت متوقعه منها كدا. تربية بلاد بره وأجانب يعنى نفسي نفسي. سليم: ابتسم، ومردش. فريده: بقلق. سليم ياحبيبى اوعى تزعل ولا تفكر انها الل سابتك. ولاا…خالد: سمع الحوار من ع الباب ودخل بغضب. وبصوت عالي. هي مين دي الل سابته! وبص ل سليم. انت ساكت ليييه!؟ سليم: ضحك جيت ف وقتك تعالى. تخيل رهف سابتنى!؟ خالد: بغيظ. لا ياسليم انت الل سايب رهف ومن زمان. ولا انت ناسي! سليم: اتنهد. خلاص وهيفيد بأيه. مش هتفرق مين ساب مين!خالد: بغضب. لا تفرق. تفرق اوووى وخصوصاً مع تربية بنت الجندى. ومسك الصندوق من فريده. بغيظ وقال. وايه دا!؟ خاتم وورقه مكتوب عليها مش هقدر اكمل معاك! طيب لما هي كدا وسابت ومش هتقدر تكمل. مبعتتش كل حاجه ليه!؟ فين الدهب والهدايا؟ فين العقد الالماظ؟ فين الشبكه! فين الموبيل!؟ ولا نامت عليهم. وبص ل فريده. مين الل جاب الحاجه دى؟ فريده: بوجع. بعتتهم مع السواق. سليم: هههههههههههه.خالد: اتغاظ اكتر. ايييه!؟ يعنى كمان ماهنش عليها هي الل تيجى أو ابوها.! صح هي دى متربيه اصلا. اقسم بالله لاربيهم واخد الصندوق وخرج بغضب. فريده: خرجت وراه خااالد. ياخااالد رايح فين يبنى. ياخالد رد عليا!سليم: من جواه بركان نار. وكرامته وجعته. لكن برضو حاسس انه مش فارق معاه الل حصل. وخصوصاً انه مقرر من زمان انه يسيب رهف. وراح قعد ع الكرسي الهزاز ورجع ضهرو وراسه لورا والقطه طلعت نامت ع صدره وسليم مسد ع ضهرها وسرح ف يوم الحادثه. الل حاله اتبدل بسببها. خالد: نازل ع السلم بسرعه. عزيزه شايله صنية القهوه وطالعه. وشافت خالد نازل وباين عليه مضايق جدا. وكان هيخبط فيها وهي جت ع جمب بسرعه.خالد: خارج من باب الفيلا متنرفز. ومحروس بيغسل ف العربيه وشاف شكل خالد. ومحروس بعد بسرعه. وخالد مهتمش وركب العربيه. وساق بسرعه كبيره. وطول الطريق يلعن ف رهف ومتغاظ منها. شريف: ف المكتب وسمع صوت فريده بتنده ع خالد. وسمع صوت العربيه. واتوقع ان سليم زعق ل خالد. وخرج بسرعه. وشاف فريده. وراح بسرعه عليها سليم كويس؟ حصل حاجه بينه وبين خالد.؟ فريده: لا يبنى. الل حصل أن رهف، ) وحكتله كل حاجه…شريف: بصوت جهورى. كل ده حصل وانا ف المكتب. محدش يفكر يبلغنى حتى.؟ فريده: والله يبنى كل حاجه حصلت بسرعه. انا يدوبك لسه بقول ل سليم. لقيت خالد داخل متعصب ومتنرفز. وخرج وشكله ناوى ع شر. شريف: طلع الفون واتصل ع خالد ومردش.انا طالع ل سليم. اكيد دلوقتي متضايق وبيكسر ف الاوضه. المفروض يفرح لانها ظهرت ع حقيقتها. هي الستات كدا. وبعدين تروح واحده تيجى 10 ولو عايز يتجوز من الصبح. هجوزو وست ستها. وطلع ع فوق، وفريده طلعت وراه. شريف: دخل. لكن اندهش من هدوء سليم. وقرب منه سليم انت كويس؟ سليم: أمم انا كويس جدا.شريف: حط ايدو ع ركبة سليم وقال اوعا تكون مدايق أو زعلان. لا كويس جدا انها ظهرت على حقيقتها. فعلا طلعت بشعه جدا. انت بس متزعلش نفسك. سليم: ابتسم. و نزل القطه وحط ايدو ع ايد شريف. بالعكس أنا مبسوط جدا ومش زعلان. هو كان اختيار فاشل من البدايه. وده المتوقع من رهف الجندى. شريف: اتنهد باريحيه. طيب كويس انك مش زعلان. بس الل محيرنى خالد راح فين!؟ سليم: هههههههه خالد راح يعمل الصح…خالد: داخل فيلا الجندي بغضب كبير. ونده بصوت عالى. رهههههف، ياااارهف هاااانم. يابنت الحسب والنسب انتى فيييييين!؟ منى وجوزها. خرجو ع الصوت مستغربين. منى: بدهشه خالد! وده جاى ليه!؟ جندى: مش عارف ياروحي تعالى نشوف. رهف: نازله ع السلم. ولابسه طقم نوم وعليه روب. منى: بكبرياء. ايه ياخالد دخلتك علينا بالطريقه دى!؟ ف حد يدخل بيوت العائلات المحترمه كدا!؟سليم: حدف الصندوق ع الكرسي. وزعق. عااائلات مين يامدام الل محترمه هاااا سمعينى كدا!؟ عايز اشوف بس حد محترم ف البيت ده ويطلع يكلمنى! جندى: لاااا انت انسان قليل الادب انت ازاى تتكلم كدااا.؟خالد: حط ايده ف وسطه. ههههههه مين الل بيتكلم ده ياجدعان.؟ جندى باشا. طيب مش قبل ما تتكلم تبص لنفسك الاول وتتعلم الأصول. وسليم لما جه اتقدم للمحروسه بنتك بعتلك مع السواق!؟ وبقولك ايه مدام حريم البيت ده اتكلمت قبل منك يبقى تركن ع جمب كلامى مش معاك. وبص ع رهف. كلامى مع رهف. اووووبس قصدى رهف هانم الجندى. وزعق. رههههف الل اتخطبت ل سليم بدر الدين. الل اى بنت وحتى لو اميره تحلم انها ترتبط بيه حتى بعد الحادثه.رهف: بقولك ايه ياخالد الكلام دلوقتي مابقاش ينفع. سليم انا سبته وخلاص لأننا مبقناش ننفع لبعض اووكي.خالد: قرب منها وقرب من وشها. بتحذير لااا يابنت الجندى لأ مش سليم الل واحده تسيبه وخصوصاً انتى. اوعي تكونى فاكره انى مش فاهمك كويس لاا ده انا صايع واعرف تفكيرك كويس. انتى لما شوفتى سليم ف الحفله وعرفتى ثروته وكمان شاب وشكله حلو. قولتى هو دا! دا الل هيكون ل رهف بنك متحرك. ودخلتى حياة سليم بتمثليه كبيره اوى عليكى وهي الحب. بس تمثيلك فاشل زيك ومكشوف اووووى للكل. وانا هارشك كويس ماشي يارهف.بس انا عايزك تعرفى إن سليم الل سابك ومن زمان مش انتى. وزعق فوووووقى. فوقى لنفسك اوعي تكونى فاكره إن سليم اتفاجئ لاااا ابدا. كلنا كنا متوقعين نادلتك انتى وعيلتك. ههههههه قصدى العائله المحترمه. رهف: اتوترت. وراحت وقفت جمب منى. منى: بقولك ايه يابنى ادم انت قولت الكلمتين الل عندك اتفضل اطلع بره بيتى. ومش رهف الجندى الل تتساب اوكي. بنتى بعتت خاتم الخطوبه ل سليم. خلاص كلامك مالوش لازمه. برااا.خالد: قلع الجاكيت. وحطه ع الكرسي وشمر كم القميص. منى وجوزها ورهف. خافو. خالد: قعد ع الكرسي ورفع رجله ع التربيزه. تمااام. انا معاكي يامنى ف دي. وفعلا رهف الل سابت سليم. طيب مش الل يسيب حد يرجع كل حاجه! ولا هو سليم كان خاطب ربة الصون والعفاف بخاتم وبس. منى: بتوتر. اسمع مافيش حاجه هترجع. وبعدين كل حاجه بنتى رهف استعملتها. ف ما ينفعش ترجع.خالد: ياسلام بس كدا! جيتى ف جمل يعنى. بسيطه اوى. احنا نجيب الفواتير ونشوف سليم دفع كام ف الجوازه الخسرانه دي. وتدفعو كل مليم سليم دفعه ع سيادتها. ده غير العزومات والمطاعم والسفريات ولا ايه يارهف هانم. مش سامع صوتك يعنى. رهف: بلعت ريقها بتوتر. داد. اطلب الجارد يطلعوه بره. خالد: ههههههههه. يابنتى بطلى تضيعى وقت. وقام زعق. انجزو بقى وانتى روحي هاتى كل حاجه سليم جابهالك حتى لو منديل فاااااهمه.جندى: زعق انت فاكرها وكاله من غير بواب انا هخلى الجارد يأدبوك. خالد: وماله. خلى الجارد يأدبنى. بس عايزك انت ومنى تفكرو كويس قبل ما اخرج من هنا. عايزين رهف بنتكو. ترجعلكو بعد كده. مغتصبه ولا وشها وجسمها الجميل الل هي فرحانه بيه ده متشوه. تؤتؤ. انا بقول تتشوه احسن. ودي هتبقى هديتى ليكو. رهف: شهقت بصوت عالى وخافت. داد! مامى! منى: بلعت ريقها بتوتر. اا. انت بتقول ايه انت اكيد مجنون.خالد: والمجنون بيعمل اى حاجه متجيش ع بالك. جندى: انت مفكر البلد سايبه دا انا اوديك ورا الشمس… خالد: ومالو. وابويا هيدفنك ف سابع ارض. وعلى ما تودينى ورا الشمس. ساعتها اقرا الفاتحه ع منى مراتك جميلة الجميلات. وزعق هااااا مش ننجز بقى ولا اييييه.؟ منى: حطت أيدها ع قلبها. وقالت بخوف ع نفسها. او. اوكي. اوكي اطلعى يارهف هاتى كل حاجه جابها سليم. رهف: بس يامامى.خالد: والموبايل الل معاكي وكل حاجه سليم جابها. ترجعيها. منى: حا، حاضر. اطلعى يارهف. رهف: بغيظ مكبت ومتنرفزه طلعت وحطت كل حاجه سليم جابها. وعبده الشغال نزلها. رهف: نزلت بغيظ. وحبت تحرق دم خالد. اتفضل حاجة صحبك اهي. بس ياترى بقى هيشوف رهف رجعتله ايه! اوووبس. ياخبر سورى نسيت أنه اعمى مابيشوفش. اممم تبقى قوله انت بقى اوكي. وكمان قوله رهف الجندى هي الل سابتك مش هو الل سابنى اوكي يا. خالد.منى وجوزها ضحكو بشماته.خالد: من جواه ادايق. وغمض عينيه وسكت شويه. وبعدها قال وده المتوقع منك. ما انتى تربية حريم. متربيه ع طمع وجشع. امك ربتك ع مبدأ انا أولا ثم الآخرين. بس تعرفي؟ رغم كل الل حصل ده. ف انا مبسوط جدا انك بعدتى عن حياة سليم. يابنتى اوعى تكونى مفكره اهلك دول أهل!؟ لا ياماما فوقى. دول سايبنك تعيشي حياتك من غير رقابه. دى مصر كلها شافت جسمك. لبسك كله عريان ف عريان. امك نفسها نازله اهي بلبس عريان قدامى. وبص ل جندى هههههه منور ياكبير انت فُله. مفيش منك اتنين ع المجره خليك ع كدا واهو الكل بيتفرج وانا أولهم ههههههههه اصل انا مش متربى ههههههههه.وبص ل رهف. واسمعى ياحلوه. انتى عايزه تعرفى مين الل ساب التانى؟ اوكي اوى اوى. وطلع فونه من جيبه. وفتحه وجاب تسجيل المكالمات الهاتفيه. وفتح اخر مكالمه ل سليم مع خالد. وبصلهم. وقال. اسمعوا كويس. وشغلها فلاش باك. خالد ف البيت لسه راجع من الچيم. وفونه رن. ورد ع سليم. صحبى يصحبى. سليم: بنرفزه. ايوه ياخالد. خالد: بعدم فهم. ايه يبنى مال صوتك. متعصب كدا ليه؟ سليم: انا مخنوق اوى ياخالد. بجد حاسس انى ع اخري.خالد: طيب اهدى كدا بس. وقولى انت لسه ف الشركه ولا سافرت؟ سليم: انا مسافر دلوقتي ف الطريق! خالد: طيب ايه الل حصل خلاك مخنوق كدا. ف حاجه حصلت معاك انت وشريف!؟ سليم: بغيظ. رهف ياخالد ررهههف. خالد: قعد ع الكرسي. مالها رهف هانم. عملت ايه تانى!؟ سليم: انا مش عايزها. انا مش عارف كنت موافق ع واحده زي دي ازاى!؟ تخيل ياخالد. بعتالى مسج دلوقتي وبتقولى انها ف السخنه! متخييييل.خالد: لا بقى دى هربت منها ع الاخر. بس انا عايزك تهدى كدا. ولما ترجع بالسلامه نقعد انا وانت وتوصل لحل.سليم: حل!؟ حل ايييه يالا انت. قولتلك انا مش عايزها. انا الفتره الل فاتت حصل حجات كأنى اول مره اشوفها. كأن ربنا بيكشفهالى ع حقيقتها. رهف عايزانى اكتب ليها الفيلا باسمها مفكرانى اهبل وانى ممكن اكتبلها حاجه زي كدا. ولمحتلى من يومين أنها لازم تكون شريكه معايا. هي مفكره العز الل انا فيه ده كله بإسمى!؟ ده الربع ف كل حاجه بابا كاتبه ل فريده. وباقى الأملاك بينى وبين شريف بالنص. لا وايه بتسلم ع شباب عادى جدا وتبوسهم. انا كنت معمي. انا كنت الاول بتخانق معاها ع كل صغيره وكبيره. لكن لما سكت وقولت اعدى علشان انا تعبت من المشاكل الانسه فكرت أنى بقيت لامؤخذه بقى وظهرت ع حقيقتها. تبوس هيثم. كل شويه تتعرى اكتر. ودلوقتي ف السخنه ويعالم مع مين!؟ انا ازاى كنت كدا!؟ ازاى مشوفتش كل دا! ازاااى تصدق ياخالد انا عمرى ماغيرت عليها. ازااااى مش عارف؟خالد: علشان محبتهاش ياسليم. صدقنى انت عمرك ما حبيت رهف. انا قولتلك قبل كدا. كل ده انبهار مش اكتر. وكويس إنك فوقت بس بردو متستعجلش. لما ترجع هعدى عليك بكره وتوصل لحل. ماشي. سليم: بغضب. خاااالد. انا من دلوقتي سبت رهف. نقطه وانتهى. خالد: بفرحه. احم طيب ماشي. بس متقولهاش دلوقتي. سيبها لما ترجع من السخنه. واتكلم قدام ابوها اللذوذ ده. وغلط بنته واعملها حجه وسيبها.سليم: مش سليم الل يتحجج ياخالد. رهف دى مانفعنيش من البدايه. انا كنت مخدوع فيها. دي لا تنفع خطيبه ولا زوجه ولا حتى حبيبه. اول ما ارجع انا هقول لابوها الكلام ده. هاقوله بنتك ماتلزمنيش وخلصت كدا. عموما انا هقفل دلوقتي. علشان داخل ع الطريق السريع. سلام. خالد: سلام يصحبى. وقفلو رهف واقفه مصدومه وبتتنفس غيظ. منى: متغاظه جدا لان كدا كبريائها اتكسر هي وبنتها. جندى: واقف ومدايق من خالد اكتر من سليم.خالد: قفل الفون. وقال هاااا. عرفتو مين الل ساب مين يااا رهف هانم انتى والعيله المحترمه دي. وقرب من وش رهف اوى. مش سليم الل واحده تسيبه وخصوصاً انتى واصلا ماينفعش انتى بالذات تسيبى لأ الل ذيك لازم يتساب ويتباع بالرخيص. كلكو عينه واحده ماشين بمبدأ الل يدفع اكتر. ورجع اتعدل وقال.عموما كدا كل حاجه ظهرت. يلا سلام انا بقى. وسابهم كلهم ف حالة زهول. واخد كل حاجه سليم جابها ل رهف وخرج. وركب العربيه وسايق ونوعا ما مبسوط… عند فتون. فتون: خلصت شغل البيت. وطول الوقت ساكته. ودخلت الحمام اخدت دش. واتوضت وطلعت من الحمام. وشافت الدبله ع ترابيزة الانتريه زى ما هي. واخدتها. ودخلت اوضتها وقفلت ع نفسها.فاطمه: قاعده ع الكنبه ف الصاله وبتعيط بوجع كبير ع حظ بنتها. وضغطها على عليها. وحاولت تدراى دموعها قدام فتون. وكمان سابت فتون تقعد لوحدها برحتها وقلقانه عليها علشان معملتش اى رد فعل. وفاطمه بتعيط. جه ع بالها حنين. وقامت جابت الموبيل بتاعها وطلعت رقم حنين لانها مسجلاه عندها. واتصلت ع حنين. حنين: ف المطبخ. بتغيظ ف مامتها نجلاء. ومخلصه ع البطاطس وكمان الكاتشب.نجلاء: بتحمر بطاطس. أووووف يابت ارحمينى وبطلى طفاسه خلصتى البطاطس مش ملاحقه عليكى. خلينى احس انى حمرت شويه حتى. بت مفجوعه. حنين: اله ايه يانوجا. جعانه. وانتى عارفه. حطينى ف البطاطس وسيبينى ااااه بحبها اوي اوي يانوجا. امممم اله عليها وهيا متغرقه كاتشب كدا. تاخدى حته.نجلاء: بغيظ. بت انتى اطلعى من المطبخ. انتى بتدخلى بتوقفى حالى. والاسم اساعدك ف ايه ياماما. قصدك اخلص الاكل قبل ماتجهزيه ياماما. مش عارفه طالعه لمين! حنين: بمكر. بابا بيقولى انتى طالعه لامك. نجلاء: شهقت. انا مفجوعه. ياحنين. حنين: خطفت شوية بطاطس وبتاكل مش عارفه لما يطلع من الصلاه تبقى اساليه.؟ نجلاء: قلعت الشبشب. وانا اساله ليه. انا الل مش عارفه اربيكى.حنين: طلعت تجرى. خلاااص ياماما. بهزر. بهزرر. اااااه. والشبشب جه ف ضهرها. نجلاء: ههههه احسن علشان تلمي لسانك ده. حنين: بغيظ. موجعتنيش ع فكره. ووطت جابت الشبشب. ايه ده!؟ ده مقاس 36. وبصتلها بغيظ. ماااااما. ده شبشبى. نجلاء: ببرود كل ما هو موجود في البيت فهو ملكى. وغورى بقى. حنين: صكت ع أسنانها بغيظ. طييييب والله لا واخده البيجامه الجديده بتاعتك ماااشي يانجلاء.وفون حنين رن. ايه ده معقول فتون بتتصل من فون مامتها. وابتسمت. وردت الوو ياتونه. فاطمه: بعياط. ايوه ياحنين يابنتى انا خالتك فاطمه. حنين: بخوف. طا. طنط فاطمه. حضرتك بتعيطى لييه. فتون فين حصلها حاجه!؟ فاطمه: انا اتصلت عليكى علشان انا خايفه ع فتون ومفيش غيرك ياضنايا هيطلعها من الل هي فيه. حنين: بقلق. خير ياطنط فتون مالها.؟فاطمه: بانكسار وعياط. حسن خطيب فتون سابها. بعتلها دبلتها مع أمه انهردا. ومن ساعتها فتون متكلمتش ولا نطقت وساكته. ودلوقتي حابسه نفسها ف اوضتها. اعملى حاجه يابنتى انتى اختها. حنين: بصدمه كبيره ايييه حسن سابها؟ طيب ياطنط. حضرتك بطلى عياط. وانا هشوف ظروفى هنا حاضر. فاطمه: بدموع. لو عايزه اكلم والدتك واستاذنها. وتيجى تشوفيها. وعيطت انا خايفه عليها ماحلتيش غيرها.حنين: بدموع. لا ياطنط انا هاجي. مسافة السكه وهكون عندك. فاطمه: كتر خيرك يابنتى. ربنا يباركلك ياحبيبتي. مع السلامه. وقفلو. نجلاء: ايه ياحنين. انتى بتعيطى ليه. وفتون مالها،؟ حنين: بوجع وصعبان عليها حال فتون. حكت ل امها كل حاجه. بس ياماما. ودلوقتي بتصل ع فتون فونها مغلق. ماما لو سمحتى بالله عليكى اروح ل فتون انا وعدت طنط فاطمه.نجلاء: بزعل. لاحول ولاقوة إلا بالله. اخص ع كدا. ده ميستاهلش ضفرها واحد خسيس وواطى. طيب البسي بسرعه. قبل ما ابوكي يطلع. وانا هتصل عليه يوصلك. حنين: جريت بسرعه علشان تلبس وتروح ل فتون… فتون: قاعده ع السرير فتره كبيره. ودموعها محبوسه ومش عارفه تعيط. وده الاسؤ. وماسكه الدبله. وبتحاول انها تصدق الل حصل. وافتكرت ابوها. لما كان يقولها حسن هيصونك. وضحكت بوجع.فاطمه: بره ودموعها ع خدها. ياارب. يارب خليك جمب بنتى يارب. ليه بيحصل كل ده معاها. يارب ده مفيش زي قلبها وطيبه وبنت حلال. يارب عايزه اموت مرتاحه مش شايله همها. يارب ريح قلب بنتى يارب. الباب خبط. فاطمه: لبست الخِمار. وقامت بتعب. وفتحت الباب. وكان شيخ محمد ومنصور وزينهم وقبارى وسهير ام حسن ونوسه. محمد: بزعل حقيقي لما شاف فاطمه وعيونها حمرا. سلامو عليكم ياحاجه.فاطمه: بحزن. وعليكم السلام ياشيخ محمد. اتفضلو. الكل دخل وقال سلام عليكم. ومنصور داخل ومحرج وسهير مكسوفه. والكل قعد ف الانتريه. فاطمه: بزعل. يامرحب نورتونا. تشربو ايه؟ محمد: بحزن. مالوش لزوم ياحاجه. احنا جاين تطمن عليكى انتى وفتون. فاطمه: دموعها نزلت ع خدها ومسحتها بسرعه. نحمد الله ياشيخ محمد. سألت عليك العافيه ياخويا.منصور: بحرج. ست ام فتون. انا جايلك ووشي منك ف الارض. وعارف انك زعلانه وحقك والل يرضيكى انا هعمله. بس ورحمة الغالى عايزك تعرفى إن انا وام حسن مالناش زنب ف الل حصل. ويمين بالله انا بهدلته. وحلفت عليه انى لا شارى ليه شقه ولا هاجى جمب قرش من فلوسه. وقولتله مش عايز اسمع صوتك خالص ولا تتصل عليا تانى. فاطمه: …سهير: بدموع. قامت قعدت جنبها والله يافاطمه يختى انا محسوره حسن كسر بخاطري وانا حلفت عمري ما ادخله بيت طول ما انا عايشه. خاطرك انتى وفتون ع راسي بس بالله عليكي متزعلي منى انا وأبو حسن بحق العيش والملح وعشرة السنين الل فاتت دى. فاطمه: مسحت دموعها. تعيشي ياسهير يختى. وانا عمرى مازعل منك ولا من ابو حسن. كفايه محبتكو ليا انا وبنتى. وعيطت وكفايه جبرتو بخاطرى.محمد: بديق حقيقي. وحدى الله ياحاجه مش كدا. انتى عيانه وصاحبة مرض. والله هو الخسران. ده عيل مابيفهمش. فاطمه: لا إله إلا الله سيدنا محمد رسول الله. ليه ياشيخ محمد. مابيفهمش ليه!؟ صغير ولا احنا مش عارفين حسن؟ طيب مش الل يسيب حد يقول السبب ع الاقل نعرف. بدل ما الحاره كلها بكره تتكلم. ويقولو حسن ساب فتون بعد خطوبة 3 سنين واكتر. ويعيبو ف بنتى.محمد: بجديه. كلام ايه ده يا حاجه؟ مفيش حد ف الحاره يقدر يقول كلمه واحده ع بنتنا فتون. وهما أهل الحاره مش عارفين فتون مين وبنت مين!؟ وبعدين لا هي أول ولا آخر بنت تفسخ خطوبتها. وبكره تتجوز وتتستر وتبقى زى الفل. فاطمه: هزت راسها. إن شاء الله. محمد: بحرج. احم اومال فتون فين!؟ فاطمه: لسه هتقول حابسه نفسها. لكن فتون طلعت من الاوضه ولابسه إسدال. وابتسمت سلام عليكم.طبعا فتون. سمعت كل الل حصل. وكانت زعلانه ع انكسار امها بالطريقه دي. واخدت نفس عميق وخرجت. الكل شاف فتون ع طبيعتها. واتلخبطو. وردو بتوهان وعليكم السلام يابنتى. فتون: ابتسمت. اذيك ياشيخ محمد عامل ايه؟ محمد: بتعجب. والله يابنتى انا بخير وانتى عامله ايه دلوقتى. فتون: انا الحمدلله بخير. وبصت ل منصور الل باصص ف الارض. أذيك ياعم منصور. منصور: هز راسه بحرج كبير وحاسس أنه صغير اوى. احم الحمدلله يافتون يابنتى.وسلمت ع زينهم وقبارى وسهير. والكل مستغرب. وكمان فاطمه. فتون: ياخبر يافطوم. مش تنادى عليا اطلع اعمل شاى. ثوانى وراجعه. وراحت ع المطبخ. محمد: استنى يافتون يابنتى تعالى. فتون: وقفت ورجعت. نعم ياعم محمد.؟ محمد: عمك منصور وخالتك ام حسن جايين علشان يوضحو الل حصل. وانهم مالهمش زنب. ومش عايزين تقطعو المعامله. وتنسو العشره الل بينكم. وإن كان ع حسن فا، وفتون قاطعته.فتون: ايه ياعم محمد الل بتقوله ده. لا عمرنا هنقطع. ولا عمرنا هنبيع العشره والعيش والملح وبعدين انا شايفه انكو مكبرين الموضوع. عمى منصور صاحب بابا الله يرحمه. ومعزته عندى كبيره. وكمان خالتى ام حسن. ربنا يعلم معزتها عندى. منصور وسهير مكسوفين جدا. وحاسين بحرج كبير بسبب ابنهم… نوسه: جريت ع فتون بتعيط. ابله فتون انا مش هكلم اخويا حسن تانى عشان زعلك. ابله فتون انتى مش هتكلمينى تانى ولا هتدينى درس.فتون: ابتسمت. وحضنت نوسه. ليه يانوسه ياحبيبتى بتقولى كدا؟ انا عمرى ما خاصمك ابدا. والدروس ف ميعادها ياقلبى ماشي. فتون كانت ماسكه دبلة حسن. و قلعت الدبله من أيدها. وقربت من سهير. ومسكت أيدها وحطت الدبلتين ف أيدها. اتفضلى ياخالتى. سهير: بصدمه. ايه ده يابنتى. فتون: انا مشترتهمش ولا جبتهم. وقوليله فتون الل بتقولك كل شيء قسمه ونصيب. وانت مش سبتها لأ. انت خسرتها.خالد: وصل الفيلا. واخد الحاجه وطلع ل سليم وحكاله كل الل حصل. سليم: ههههههههه. الله يخربيتك ياخالد انت مش معقول. خالد: وحياتك يابرنس. انا كان نفسي امسك الل اسمه جندى ده وارُجه ُ كدا واقوله استرجل ويشرب بيرل، بيرل ايه بس. ده لو حتى شرب مصنع البيريل نفسه عمرو ما هيسترجل. لا ولا منى مراته بقى لابسه حتة فستان اطفال تحفه ههههههههه سليم: ضحك غصب عنه. حلو فستان اطفال ده. عارفه كنت بشوفه كتير، وفجاءه سكت.خالد: اتنهد اسمع ياسليم. انا لو اعرف إن الل رهف عملته انهرده. ده وأنها تخلينى اشوف ضحكتك تانى انا المفروض كنت اروح اشكرها. وحشتنى يصحبى. سليم: ابتسم. ربنا يخليك ليا ياخالد. شريف: من ع الباب. طيب وانا ماليش نصيب، ودخل قعد جمب خالد. سليم: ابتسم. انت! دا انت ابويا واخويا ياشريف. ربنا مايحرمنيش منك ابدا ياحبيبى. شريف: حبيبي ياسليم. ربنا يهديك كدا وتفضل تضحك ع طول.خالد: بتفكير اسمع ياسليم انت لازم تخرج. لازم تغير جو. سليم: لا كدا احسن. هروح فين وليه وعلشان ايه؟ خالد: هتروح فين. تروح الشركه. وليه علشان نفسك. وعلشان ايه. علشان تخرج من الل انت فيه. وليه تحبس نفسك؟ انت لازم ترجع شغلك. ولا ايه ياشريف. شريف: بص ل خالد. والله ياريت ياخالد. ده حتى الشركه والمشاريع كلها واقفه ع امضاة سليم. ولازم يمضي عليها… سليم: ابتسم بوجع. امضي!؟ طيب ازاى.؟شريف: اتنهد انا اسف ياسليم. مقصدش بجد. لكن انت عارف انك شريك ف كل حاجه ومفيش حاجه بتم من غير امضتى انا وانت ووالدتك. ف لازم ترجع شغلك. سليم: اتنهد. بلاش تهزرو بقى. انا استحاله ارجع الشغل. انا لا هعرف اقرا ولا اكتب. يبقى. ايه لزمتها. لأ انسونى. خالد: كشر عينيه بتفكير. وقال. بس لقيتها… شريف: هي ايه؟ خالد: سليم لازم يتعلم القرايه والكتابه بطريقه. ال هي اسمها ايه.؟ اسمها ايييه؟ اوووف حد يفكرنى!شريف: بتفكير. انت توترك ده نسانى اسمها ايه!؟ سليم: برايل! خالد: ايووووه الله ينور عليك. هي برايل دي. احنا نشوف مدرسه موزه جامده كدا. انا اجيبها بنفسي وواصلها ع بيتى ونروح مع بعض واجيبهالك تانى يوم الصبح هههههههههههه سليم: ضحك. فاشل عمرك ماهتتغير. شريف: والله فكره. سليم: هههههههه. شريف: ههههه لا مش قصدى فكرة خالد لا ههههه. انا بقول فكره اننا نجيب حد زى دروس خصوصيه كدا. ومتأكد انك هتتعلم بسرعه.خالد: وبعدها اخدها واطلع على بيتنا هههههههه. فوق بقى ياض ياسليم اخوك بقى عندو جفاف عاطفي هههههههههه. سليم: اتنهد بتفكير. وقال مش عارف… خالد: قام بهزار وبصوت عالي شويه. لاااااا لأ خلاص انا عارف انا هعمل ايه. المهم انتو طابخين ايه انهردا. اخوك واقع. شريف وسليم. ضحكو عليه. خالد: اه ليكو حق تضحكو. ما انتو قاعدين هنا. وانا روحت عملت مجهود جبار مع العائله المحترمه هههههههه. يافريداااااااه. فيييييرررررري.سليم: حط ايدو ع ودنه. الله يخربيتك صوتك عالى. خالد: بصوت اعلا فررريييدااااااااهه. سليم: اتغاظ وقام وقرب من خالد لانه قدامه. وزقه وقعه ع السرير. وخالد مسك سليم ووقع معاه. وبيضحك. سليم: بيضرب ف خالد بهزار. خالد: ااااه ههههه. لأ لأ لأ لأ ههههه. انت بتموت ف التحرش ياسليم. سليم: ضحك غصب عنه وضربه تانى وقام.فريده: دخلت وشهقت. ايييه دا. الل عمل فيكو كدا. وانت ياخالد بتنادى كدا ليه. ياحبيبى انت شكلك كنت بتستغيث. سليم: بيرتب شعرو وضحك. خالد: قام. بيعدل هدومه. ابنك ده مفطوم ع عيال صغيره. شوفتى عمل فيا ايه.؟ فريده: ضحكت. اسم الله عليه. قول ماشاء الله. خالد: وبعدين يافيرى قولتلك بغير عليكى نهدا بقى علشان منزعلش من بعض. الكل ضحك. وفريده قالت. لا خلاص الطيب احسن. خالد: طابخين ايه انهردا…فريده: ضحكت. محشي ورق عنب ولحمه. وو… خالد: اييييييه وساكته. وسعو كدا. ونزل جري. وسمعوه بينده ع عزيزه تجهز الاكل بسرعه. وضحكو عليه… فريده: بسعاده. ربنا يكتب علينا الفرح ديما. وبصت ل شريف. هتتغدي ياحبيبى. شريف: ايوه انا بصراحه جعان. وهروح الحق الواد ده. انا عارفه مفجوع. ونزل. فريده: بحب. قربت من سليم. وبتعدل ياقت قميصه وبتنضف الجاكيت. وبصتله. تعرف يابن بطنى. ضحكتك انهردا ردت فيا الروح…سليم: ابتسم ورفع ايدو وعايز يوصل ل كتفها ونزل ع دراعها ومسك ايديها وباسها. وانا كمان وحشنى فريده وحشنى كل حاجه. فريده: حست أن ابنها موجوع اوى من جواه. وقالت تعالى ف حضن فريده ياحبيبى. سليم: كأنه ماصدق. وحضن فريده. بحب ووجع ومشاعر كلها مكبوته. وطلعها ع هيئة حضن. واتنهد بوجع كبير. كبير جدا. فريده: عينها لمعت بدموع. وربتت ع ضهرو. وفضلت ساكته وضمه ابنها لحضنها لحد ما يستكين تماما.سليم: حاضن امه و جواه شعور لا ارادي. وغصب عنه حس بدمعه نزلت منه ع خده. ومسحها بسرعه. وبعد وقت قصير. سليم ابتسم وحس بالقطه متعلقه ف رجليه. وبتعمل صوت كأنها غيرانه. وطلع من حضن فريده. فريده: اخ منك انتى. خدتى ابنى منى. قطه مشاكسه. سليم: ضحك والقطه طلعت بين ايديه وضمها وقال. تونه دي طيبه اوى. فريده: بعدم فهم. تونه!؟ تونه مين؟ سليم: ابتسم. قطتى. سميتها تونه.فريده: اممم تونه. تونه وماله. المهم متحبهاش اكتر منى! سليم: لا طبعا. لكن بردو انتى متعرفيش انا بحب تونه قد ايه! حنين: تونه حبيبتى انا بقالى ساعه بكلمك. وانتى ساكته. فتون: ايه ياحنين. يابت انا كويسه والله. حنين: بغيظ. عارفه نفسي اتصل بالل اسمه حسن ده. وأعرفه مقامه. فتون: اتنهدت. لا تعرفيه ولا يعرفك. الموضوع خلص فيه الكلام… حنين: يعنى انتى مش زعلانه يافتون!؟فتون: رجعت راسها لورا. مش عارفه. بس تعرفي. انا زعلانه بس مش اوى. حاسه انه خلاص كل واحد فينا راح لحاله وانتهى. تعرفى انا قفلت ع نفسي شويه لكن معيطش. ولقيت نفسي طالعه بتكلم معاهم بره عادى ولحد ما نزلو بردو كنت هاديه. ورضيت امي وضحكتها. وقولتلها كدا احسن خلينى لازقه معاكى. وحاسه برضا غريب. مش عارفه بجد.حنين: قاعد ومربعه رجليها ع السرير. وبتحلل كلام فتون. وكشرت عينيها. أمممم. ايوه ايوه. انتى بقى ياحلوه معيطتيش. وكمان مش زعلانه لانك محبتيش المخفى حسن من الأساس. فتون: بصتلها وسكتت.حنين: ايوووون اسمعى منى. طيب انتى عارفه لو بتحبيه. وحصل الل حصل. كان زمانك انتحرتى. او صرختى بصوت عالى وجريتى ف الشقه زى الفرخه الهربانه من العشه. وكمان كنتى نزلتى جري عند عمك زينهم البقال ووتقوليله بعياط اشحنلى ياعم زينهم. عشان اكلم المخفى حسونه. وتطلعى جري وتتصلى عليه. وليه ياحسن اخص عليك ياحسن هونت عليك ياحسن هموت نفسي ياحسن وعاااااا. وهوب تقعي من طولك ويغمن عليكى وتروحي المستشفى. ويعلقولك محاليل. ونفسيتك تدمر وتشمى شرابات وتبقى مدمنه ويحولوكى ع دكتور مز كدا نفساوى. ويقولك احكيلى ياقمر مالك يقلب الدكتور. وانتى تحكي وانتى بتعيطى وبعدين تسرحي ف جمال أمه. وتحبيه وهو يحبك. ويرجعلك نفسيتك الحلوه دى بقبلة الحياه. ااااه ياخيالك القمر ياحنون. وفاقت ع صوت فتون الل دموعها نازله من كتر الضحك.فتون: هههههههه. ههههه انتحر واشحنلى يعم زينهم ههههههه لآلا عارفه الل الحته الل عجبانى اكتر بتخيل نفسي وانا بجرى زى الفرخه الهربانه من العشه ههههههههه وكمان المستشفى. ههههه والدكتور النفساوى هههههه والله ماقادره. بطنى وجعتنى. اااه. حنين: خبطتها بالمخده. ونسيتى قبلة الحياه يابت. دى اهم حاجه. فتون: ههههههههه طبعا طبعا. وانا الل هبدأ بيها. وغمزت لحنين وقالت. نفسيه بقى هههههههه.فاطمه: سمعت صوت ضحك فتون. وقامت دخلت عليهم بسعاده. اللهم صل على سيدنا محمد. فتون ياقلب أمك. والله قلبى بيرقص من الفرحه. فتون: ضحكت تعالى يافطوم. اقعدى. فاطمه: قعدت ع طرف السرير. ومسكت ايد فتون. وربتت ع ضهر حنين. منورانا ياقلب خالتك. حنين: الله يخليكى ياطنط. بصي انا هقولك بطه. بصراحه انتى قمر ومش لايق عليكى طنط دى.فاطمه: ضحكت. ومالو انا بصراحه مش حابه طنط دى. قولى الل يعجبك ياقلب بطه. ها ان شاله محد حوش. حنين: تسلمى والله يابطه. انا فرفشتهالك اهي. دخلت ع الاعدادات ودوست اعاده تدوير. هههههه. فتون: ضحكت. بس بقى يابت كفايه. المهم انتى مش هتاكلى. حنين: الحيقنى ابوس ايدك. نوجا معذبانى وحرماني من الاكل. فاطمه: ضحكت. جاتك ايه يا نونا. والله بنت حلال وزى القمر.حنين: الله الله الله. نونا. والله انتى الوحيده الل ف المجره كلها جبتى الخلاصه. وخلاص انا من هنا ورايح اسمى نونا مش حنون. فاطمه: ههههه. طيب ياضنايا انا هاقوم اعملكو لقمه علشان تاكلو فتون ماكالتش حاجه انهردا. حنين: عيب والله يابطه. يبقى اتنين عرايس موزز كدا قاعدين. وانتى الل تشتغلى. ارتاحي انتى وانا والبت دى هنقوم نعمل اعلا غدا. وهبهركو وهتلاقو هرقل ف البيت.فتون: بصتلها بشرز. مابلاش وحيات ابوكي هرقل ده. اسكتى احسن. وقومي تعالى عندنا سمك. بس لسه مطبختش الرز. تعالى اقفى معايا وانا بجهز. وقامو الاتنين. وفتون كانت لابسه بيجامه. وحنين. فستان وغيرت ولبست بيجامه من عند فتون. ووقفو ف المطبخ يهزرو ويضحكو. وفاطمه قلبها حس بشوية راحه لما شافت بنتها بتضحك من قلبها. بعد شويه. ف فيلا بدر الدين. فريده: يعنى انت ياخالد يبنى متأكد من حكاية تعليم البرايم دي.خالد: فيري اظبطى اللغه عشان أنا افتكرتها بالعافيه. انا فاكرها بالعافيه. اسمها طريقة برايل. بي را يل. ماشي. فريده: ماشي ياحبيبى بيرايل. طيب وهتروح امتى المدرسه.؟ خالد: بص قدامه. يوم الحد إن شاء الله. هروح المدرسه الابتدائيه للمكفوفين. واتفق مع مُدرسة لغه عربيه.