حب عشر سنين بقلم اماني السيد 1
جوزى بقاله ١٠ سنه مغيرش رقم موبايله على أمل حبيبته القديمه تتصل بيه
ده الكلام اللى سمعته لما صاحبه القديم قرر يزوره فى البيت وفى وسط الكلام كانوا بيتكلموا عن الماضي وجت سيره شهد البنت اللى جوزى كان بيحبها قبل الجواز
وقتها ملامح جوزى اتغيرت ووشه صغر ١٠ سنين وقال لصاحبه
ـ ياااا يا فريد هو انا كنت نسيتها عشان افتكرها أنا لحد دلوقتي مغيرتش رقم الموبايل على أمل تفتكرنى وتحتاج حاجه تكلمنى شهد دى الحب كله لا حبيت قبلها ولا هعرف احب بعدها انا نفسي بس أشوفها عشان روحى تتردلى
وقتها صاحبه ابتسم بخبث وقاله
ـ شهد رجعت وكمان اتطلقت من جوزها رجعت الأسبوع اللى فات وعشان احنا جيران خليت امى تسال وعرفت انها اتطلقت ورجعت فقولت اجى اقولك على طول
وقتها عيون جوزى اتملت دموع عمرى ما شوفتها وقام وقف وقال لصاحبه
ـ ادينى عشر دقايق البس واجهز واجى معاك واشوفها واملى عينى منها أنا كنت ميت والروح اتردتلى تانى يا فريد يلا بينا
دخل جوزى جهز نفسه ولبس الطقم اللى بيشيله للمناسبات وحتى مافكرش يبص فى وشى ولا يسالنى مالك
جوزى اللى عشت معاه ١٠ سنين على الحلوه والمره وشايلاه على رأسى وربيتله عياله تحسن تربيه طلع مش شايفنى ولا حاسس بيه وقلبه مع واحده تانيه
١٠ سنين عايش معايا جسم فقط ومخلص لحبيبته الأولى
بعد ما لبس ونزل قررت انزل وراه وأشوف اخره ايه ولادى وقفونى قالولى رايحه فين يا ماما
قولتلهم هجيب حاجه من السوبر ماركت اوعى حد منكم ينزل وسبتهم ونزلت ورا جوزى وصاحبه فريد
لقيت جوزى وقف قصاد عماره فريد زى مايكون بيراقب حد وبعد شويه واحده طلعت فى البلكونه ولما شافت جوزى شوفت ضحكه الخبث على زشها وبعدها نزلت ومشيت وجوزى مشى وراها وصاحبه فريد سابه وطلع شقته
وبعدها الست وقفت فى مكان فاضى وجوزى را وراها أول ما وقفوا لقيتها بتكلمه بدلع
ـ إيه ده صلاح معقول وحشتنى اوى انت لسه فاكرنى
صلاح قرب منها وفى عيونه دموع ومسك اديها وباسها بشوق وقالها
ـ انا صلاح يا شهد ياترى انتى اللى لسه فاكرانى وفاكره ايامنا انا بقالى عشر سنين عايش على زكرى منك بتمنى اليوم اللى اشوفك غيه
وطلع محفظته وفتحها وطلع صوره
ـ بصى صورتك فين عمرى ما شلتها من المحفظه ابدا انا لما فريد قالى انك اتطلقتى الدنيا مكنتش سيعانى من الفرح
