انا وبنتي حكايات جيجي

صباح.. لا يا بنتي انتى كتر خيرك انا اللي غلطانه من الاول..
مريم.. انتى غلطانه ليه بس انتى ذنبك ايه يا خالتي..
صباح.. ذمبى ان انا ما حسستهاش ان انا لما اتخير ما بينها وما بين اي حاجه في الدنيا هختارها هي… عشان كده حتى ما حكيتليش… ذنبي ان انا ما قربتش منها كفايه كان المفروض انا اكون صاحبتها اللي تقولي انها بتحب المستر… وكان من اول ما جيه البيت كان المفروض الاحظ واعرف انها متعلقه بيه… لو كنت اخذت بالي كنت مشيته من اول حصه وما كانش زمان ده كله حصل انا السبب لاني ما خدتش بالي…
مريم.. حضرتك ما تلوميش نفسك يعني انتى هتعمليها
ايه اكتر من اللي انتى بتعمليه ده انتى من الشغل للبيت مش مخليها ناقصه حاجه… دى مشاعر متلخبطه كده وهتروح انتى عارفه انها مراهقه..
صباح…. خلاص يا بنتي يلا انتى انزلي عند امك ما تشغليش بالك بالموضوع ده انا هعرف ازاي اراضي بنتي…
مريم نزلت وصباح خبطت على ملك وقالت بضيق…. افتحي الباب ده يا بنت دلوقتي حالا والا قسما بالله هكسره فوق دماغك هعد لتلاته الباب ده لو ما اتفتحش…
بس ملك فتحت بسرعه… صباح دخلت وقعدت جمبها وقالت..
هو انا لما روحتى عكيتى الدنيا وقلتيله دي كبيره ودي قد مامتك وما اعرفش ايه.. مش انا جيت وقلتلك دي زعلتني منك… ليه لما انتى بتزعلي من الحاجه ما بتجيش تقوليلي لما بتحسى بحاجه ما تيجيش تقوليلي ليه…… عارفه يا ملك انتى لو قلتلي من اول يوم ان انتى متعلقه بالاستاذ ده انا كنت مشيتوا من اول حصه ما كانش زمانك اتعلقتى بيه كل ده ما كنتيش اضطريت تحطي نفسك في موقف انك تروحي الاستاذ تقوليله ان امك وحشه وبتتكلم مع رجاله…
ملك.. هو قالك…
صباح… ده اللي فارق معاكي هو قالي دي المشكله ان هو هيبقى قالي.. لو ما كانش قال وانتى روحتى قلتيله عني كده كان عادي تقولي عن امك اللي

جابتك كده… علشان واحد عرفتيه النهارده وامبارح… كان فرصه بالنسبالي راضي بيا زي ما انا.. وراضى ببنتي وراضي بوضعي عايزني وشاريني رغم الكلام اللي انتى روحتى قلتيهوله عليا سال وما رضاش ياخد الكلمه وخلاص وسال واستفسر وبرده جه يعني ما فيش فرصه اكتر من كده تفتكري انا يا ملك اختاروا عليكى بعد اللي انتى عملتيه ده انتى لو مكاني كنتى هتختاريه… تفتكري انا كمان اعملها…
ملك بندم… اسفه انا… انا مش عارفه انا قلت كده ازاي والله كانت…. كانت لحظه زعل انا كنت… كنت عايزه بس ابعدو
صباح… ده اد ابوكي ومطلق ما ينفعكش.. انتى لسه بتدرسي بكره وبعده تحبي موعيد في الجامعه تحبى واحد زميلك في الجامعه الحياه قدامك…. هو مش فرصه ليكي عشان تعملي اللي عملتيه فيا ده عشانو… حتى لو فرصه ما لكيش الحق بس هو مش فرصه بالنسبالك نهائي