انا وبنتي حكايات جيجي

ملك.. مامتي دي تستاهل اللي يزعلها عشان هي انانيه
مريم… يه عيب فى حد يقول على مامته كده…
ملك… ايوه دى دخلتني انا من المستر اياد… وقالت هى هتحاسبو… ولقيتها واقفه بره معاه وعماله تتكلم عند الباب… دخلتنى انا ووقفت هى معاه..
مريم… يا بنت يمكن بتسالوا على مستواكى ولا حاجه..
ملك… لا بيتكلمو عادى… ما انا قلتلها يا ماما خليني انا اديله الحساب زي اي واحده من زمايلى مارضيتش.. مش كلنا بندي احنا لمستر الحساب.. مش انتى بتحاسبى المستر…
مريم.. ايوه انا بحاسب المستر اخر الشهر..
ملك.. اهو كلنا بنعمل كده هي قالت لا انا اللي هديله الفلوس انتى ادخلي جوه. . قمت دخلت جوه قلت يمكن زى ما انتى بتقولي كده هي عايزه تساله عني.. بس لا سالت
لمحة نيوز

عني ولا قالتله مستواها ايه ولا اي حاجه خالص فضلت تتكلم معاه وترغي على الباب.. هى قاصده تطلعنى صغيره قدامه…
مريم…. طب وانتى قصدك ايه يعني مامتك هتستفاد ايه لما ترغي مع المستر.. او تطلعك صغيره قدامو…
ملك… ماما شكلها كده عينها منه…
مريم بضحك.. ايه… يخيبك.. يا بنت انتى باباكى ميت من زمان قوي… لو كانت عايز تتجوز كانت اتجوزت..
ملك.. اه وهتسيب الرجاله كلها وتاخد حبيبى انا عرفاها هى منفسنه منى اساسا…
مريم بسخريه… حبيبك مره واحده.. امم…. طب خلينا نذاكر يلا بلاش هبل….
جات صباح وجابت الشاي والسندوتشات وقالت….
يلا خدوا كله عشان تعرفو تركزو…
مريم.. ماشي يا طنط تلسم ايدك..
صباح راحت اوضتها وملك خلصت المذاكره مع صاحبتها ونامت.. فى صباح يوم جديد كانت ملك لابسه ورايحه المدرسه… وبتحط كريم تفتيح وحجات خفيفه فى وشها… جات صباح وقالت…
بتعملي ايه يا بنت انتى بتحطي ميكاب وانتى رايحه المدرسه…
ملك… اه في مشكله..
صباح… لا يعني هي مش مشكله بس ليه يعني تحطى منه فى المدرسه..
ملك.. ماما ما تعمليش زي مديره المدرسه كفايه علينا قوي مديره المدرسه…. اقولك اهو بلاش منو يا ستي عشان ترتاحي بلاش ميكاب اهو… ابقى خديه وحطيه انتى..
صباح بضيق… ايه يا بنت الطريقه اللي بتتكلمي معايا بيها دي بقالك فتره حالك متشقلب معايا فى ايه…
ملك.. ولا حاجه يا ماما انا اسفه تمام كده يلا عن اذنك
ونزلت وبقتت تتمشى هى ومريم لحد المدرسه ومريم كانت بتقول…
يا بنت بالراحه على مامتك مش هفضل اقولك كل يوم بالراحه… الام دى زى العمر مش بتتكرر تانى..
ملك… بقولك ايه انا لقيت حل انا لازم اخلي المستر ده ما يجيش عندنا في البيت تاني…
مريم.. على رايك صح كده.. بدل ما تتخانقي انتى وامك علشان واحد بلاها منه شوفي مستر تاني يديلك الدرس…